حملة سوادنيزاونلاين للبحث عن الباشمهندس شهاب كرار
شهران على رحيل الصديق الدكتور بيتر نيوت كوك
دورة الاتحاد السودانى الامريكى لكرة القدم (ساسف) الكبرى جرينسبوروا عطلة عيد العمل...
نداء جديد وعاجل وهام لجميع اللاجئين السودانيين بأوروبا
بشري سارة لكل الرياضيين بامريكا سيدا هيثم مصطفي والملك العجب يشاركان في كرنفال ساسف.
مونديال الاتحاد السوداني الامريكي ريشموند فيرجينيا عطله عيد العمال سبتمبر5 2015
عرض محمد تروس في كالقيري / كندا
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 08-30-2015, 02:31 AM الصفحة الرئيسية

مدخل أرشيف الربع الثاني للعام 2010م أنا أخو البت اللكعت ... قرن الخمرة النازة
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
06-10-2010, 04:01 PM

صديق عبد الجبار

تاريخ التسجيل: 03-07-2008
مجموع المشاركات: 9329
للتواصل معنا
FaceBook
تويتر Twitter
YouTube



أنا أخو البت اللكعت ... قرن الخمرة النازة

    رائعة الدكتور محمد بادي:-

    أنا أخو البت اللكعت قرن الخمرة النازة
    على وردان الصبوة الراكزة
    الجنيات الهازة .. صدورن لازة
    ورقّ النص زي خيت الشلة
    بالحيل آ جني .... إيه والله
    الجنيات الحزمو الجبة
    وعرق الشتوي عليهم نايا و صب
    قول ما دلة ..
    رجالا حصدوا الحبة
    عيشهن هاد و انكال واتعبّ
    ومنو كتير في الواطا انكبّ
    وباقي مصوبر واقف قبة
    الحمد آلاف ..
    الشكر آلاف
    الحمد آلاف
    الشكر آلاف
    العيش الرقد أصناف أصناف
    الولد الكال.. عزام .. حلاف...ضياف
    الرزق الجانا مدلة..
    الحلق الجاف اتبلة
    بالحيل آ جني إيه والله
    الوادي الجانا مترقن
    مدّ جناحو الطايل شرقا وغربا
    القبلي بروقو على القلعات يضّربن
    الدكن البعدن قربن
    فوق صنقور المحلة الطالت كبن
    قول للمحلة بيوتك خربن
    قول ما دلة..
    الحلق الجاف اتبلّ
    بالحيل آ جني إيه والله
    مرحاتنا شرابهن يوت ماغبن
    شبعانات في الشقل أب شوك ما شبن
    الحمل ولدن وربن
    حلماتن تقلن.. جرّن.. فوق سيقانن كبن
    اللبن العاتم في ضرعاتن جبّن
    المغصة إن كان ضرعاتن خربن
    القرعة آ وليد .. السعن آ بنية القربة كمان...
    كبوها المية
    المغصة إن كان ضرعاتن خربن
    شوفو النعمة السالت فوق قيزان الرملة
    ناس البندر
    لبن الشاي بالعملة
    سمح الخمج الفوق أسيادو
    سمح العز المن أجدادو
    الجنيات المشو ما عادو
    كان بالردة أكان اتنادو
    غرب حامد وشرق بلة
    كانوا بحلبو الضرع الدلة
    كانوا بحضرو الخير القدحو معلا
    الجنيات ما كفرت بنعمة الله
    بالحيل آ جني إيه والله
    ذات في يوم والغيمة تهتّف مطرا
    نقّع فوق نوار الطلح الفقع
    ريحة البرد إن جاتك عطرا
    فايت خمر الفوق أردافا مجضع
    شفنا الوادي يقشقش في دمعات الليل
    والتعل الشايل بدا يتفقع
    تلب حامد فوق مخلوفة أب زور واتربع
    طلق الرسن أب زمة وسوّا خبيبا بدّع
    هوّد في رقّاب الصي
    لا قوه ثلاثة زبيدية
    خالفين سيقانن فوق السنكيت
    ورقاب ألبل بيناتن مرخية
    محجوبات بالخرز الفصلو السوميت
    كل واحد درقة وسيف وطبنجية
    وباقي جرابن مليان دلميت
    الجنيات اتقبلو وضاقو الحارة وضاقو المرة
    وكان حجازن صقر الجو
    حامد كان عارفين
    ضاقوه رجال قبالكن
    شوفو أرزاقكم أخير من ضو
    حامد عوج الطندب
    آ وليدات عوج الطندب
    نار القصب الهبلت ما بتعدلو
    شوفو شلوخو مطارق رقدن
    وكل تلاتة يمين سياف اتقبلو
    حبوب القارح ... ما ذلة
    ولدا ما ختالن زلة
    شن قولك فيهو عليك الله
    بالحيل آ جني إيه والله
    وينا مراتع الدرت الباسط
    دايما ببكي عليهن
    وين بنوت الحلة البكّر
    عصرا بدري يسون في شاهيهن
    بعد الليل ما يهّود ونحن نهّود..
    عاد أماتن ينادن ليهن
    نمشي على القيزان نتقادم..
    أقيس الخطوة مع التاتاي
    ومشيهن والله البعد الحاصل
    ما نساني وحاتكن
    في قمراتنا بشوفو وشيهن
    الا النضم أب غنة اللهج السكر وين بلقاهو
    بنات الريل الدوب ليهن
    الخوف يا ناس كان يبقى
    الشوق الحاصل بينا معشعش
    فيهن مقنع سابل وين بلقاهو
    طرفا ذابل وين بلقاهو
    وعين بتدنقر من واليهن
    الوجنات الشعّن بقّن
    ود العين النايم زرقن
    مو زايغ رسيان وميقّن
    زولهن كان خدران ومحقّن
    من الشوفة عروقو يطقّن
    كان الدنيا بصح تتخلا
    كن بركن معاهن
    فوق رملاة الحلة
    الا كمان بنشوفا مذلة
    الجنيات الغابت جابت
    إنت الجيب بس قايلو قميص افرنجي وكرتونات كرملّة
    لا لا وحاتك
    حاشا وكلا
    ديل يوم عادوا اتلافو الجاهل بحقوق الله
    ديل كم لحقو البشهق ضايق وداوو العلة
    الولد الجاي حقايب سفرو تقال.. تقال
    من جنس كتاب ومجلة
    الحكمة النضم إياهو الكان..
    الحكمة الولد اتوضا وصلّ
    عادة البلد الدخلت فيهم سكنت ..
    سكنت ماب تتخلا
    نحن كمان طارين الحلة
    ودرنا الطلة
    نشيلا معاهم فرح وميتة
    حلاة الموت كان في عبدلة

    (عدل بواسطة صديق عبد الجبار on 06-17-2010, 09:00 PM)

                   Subscribe on YouTube |Articles |News |مقالات |بيانات

06-10-2010, 05:01 PM

مدثر محمد عمر

تاريخ التسجيل: 03-11-2008
مجموع المشاركات: 1434
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: صديق عبد الجبار)

                   Subscribe on YouTube |Articles |News |مقالات |بيانات

06-10-2010, 05:09 PM

مدثر محمد عمر

تاريخ التسجيل: 03-11-2008
مجموع المشاركات: 1434
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: مدثر محمد عمر)

    شفتها وأنا صغير يمكن أكون في الإبتدائي، علقت بي ذهني لدرجه غريبه ، شوف القيم الفي القصيده دي !! زمان التلفزيون القومي كان بهذب شعور الناس لدرجة بعيده ويجوك ناس أستاذ محمد السني ينتقدوا ليك الواقع بطريقه تفهمك الصاح شنو والغلط شنو، فنانين عالميين ، مريم ماكيبا ، رتشي ، ري شارلس ، موسيقيين زي جيمس لاست ، برعي محمد دفع الله ..

    لمن كبرنا شويه بقت تفاجئ أخوانا الصغار صور المعارك ، الأغاني الجهاديه أمثال:

    " في أيدنا رصاص في إيدنا خنجر"

    ياخي بالجد نحن إتدهورنا شديد ومشينا لي وراء جداً

    شكراً ياخي علي النفحه دي ويبدو إني سرحت كتير فالعفو..
                   Subscribe on YouTube |Articles |News |مقالات |بيانات

06-10-2010, 06:05 PM

عبد الباقي الجيلي

تاريخ التسجيل: 06-23-2004
مجموع المشاركات: 1071
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: مدثر محمد عمر)

    أخوي آالصديق ...

    كلاماً نجيض بالحيل ..

    علّ لاكن متل النضم ده بدور لو ترجمان عشان ناس علان وفلتكان
    أذكر في بدايات الثمانينات في السنة الأولى في حنتوب الثانوية اشتركت في المسرح بقصيدة (شيخنا ود الشايقي) واخترت منها الجزء الذي يبدأ من يجيك الحول وحول بزول وفازت بجائزة الإلقاء الأولى .. والقصيدة المذكورة أظن اسمها مسدار الغضب
    نأمل إيراد قاموس مصاحب على هامش القصيدة

    ودي
                   Subscribe on YouTube |Articles |News |مقالات |بيانات

06-10-2010, 07:37 PM

هند محمد

تاريخ التسجيل: 05-30-2007
مجموع المشاركات: 4300
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: عبد الباقي الجيلي)

    الجنيات الحزمو الجبة
    وعرق الشتوي عليهم نايا و صب
    قول ما ذلة ..
    رجالا حصدوا الحبة
    عيشهن هاد و انكال واتعبّ
    ومنو كتير في الواطا انكبّ
    وباقي مصوبر واقف قبة


    إنا لله
    عجزني تعبير

    تحية للبادي
    ولك اخي
                   Subscribe on YouTube |Articles |News |مقالات |بيانات

06-10-2010, 08:20 PM

الصادق سلفاب

تاريخ التسجيل: 04-26-2010
مجموع المشاركات: 287
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: هند محمد)

    الأخ صديق وضيوفه
    لكم التحية
    محمد بادي رقم في الشعر الشعبي يصعب تجاوزه
    فالقصيدة عنده لوحه من القيم و التصاوير تعكس واقع الناس
    في بساطته العميقة.
    ود بادي يجلب جمال الريف نابضاً حياً قبل أن يشوه .
    بيئة ذات قيم وخير وافر ورجال يسدوا عين الشمس قبل أن
    تتوزعهم المنافي ومدن التيه, في زمان الغبن والتيه والخوف
    أين أنت الآن يا ود بادي وأين أنت الآن يا وطني.


                   Subscribe on YouTube |Articles |News |مقالات |بيانات

06-10-2010, 10:51 PM

صديق عبد الجبار

تاريخ التسجيل: 03-07-2008
مجموع المشاركات: 9329
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: الصادق سلفاب)

    Quote: محمد بادي رقم في الشعر الشعبي يصعب تجاوزه
    فالقصيدة عنده لوحه من القيم و التصاوير تعكس واقع الناس
    في بساطته العميقة.
    ود بادي يجلب جمال الريف نابضاً حياً قبل أن يشوه .
    بيئة ذات قيم وخير وافر ورجال يسدوا عين الشمس قبل أن
    تتوزعهم المنافي ومدن التيه, في زمان الغبن والتيه والخوف
    أين أنت الآن يا ود بادي وأين أنت الآن يا وطني.


    تعيش أخي الصادق سلفاب ....

    وزين ما قلت فوق ود بادي ..

    دا قال لي الجنا :

    هوي يا وليد ...

    أعدل إيدك المفجوعة ..

    وأقيف عدل ..

    وواس سدرك مع سدري ...
                   Subscribe on YouTube |Articles |News |مقالات |بيانات

06-11-2010, 02:21 PM

الصادق سلفاب

تاريخ التسجيل: 04-26-2010
مجموع المشاركات: 287
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: صديق عبد الجبار)

    الأخ صديق لك التحيه
    قصيدة هوي يا وليد من القصائد الجميله وساهديك اياها هنا كامله
    ولك الود

    هوى يا وليد يا دلوعة يا مرنوعة
    أعدل إيدك المفدوعة
    واتلحلح واقيف دغرى وواس صدرك
    مع صدرى واتشدّع


    ليك الحق
    شان ولدوك فوق اسفنج
    وحتى أول جديد سوهو ليك بالبنج
    وهسع هوايتك إنك تلعب البنق بونق
    وليك الحق عشان فطموك بعد مازدتا فوق سنتين
    وفى سن عشرة نومك كان على الليدين
    غطاك بالشاش وفرشك بحرير الصين
    والبتدورو كلو بتلقى غاب قوسين
    ابوك مليان وجيبو سمين وقلبو سمين
    وفاتحلك حساب فى البنك والتأمين

    وليك الحق
    عشان ما خضتا فى وحل المطر والطين
    ومن الترعة ما سويت شراب الهين
    وما قيلتا فى ضل دومة بى فرعين
    وما شاققتا عرق النيل مع الوزين
    وليك الحق
    عشان ادمنتا عيشة اللين
    مشي الاسفلت ما جربتو بالكرعين
    ركوب اللورى فى شمساً تصر العين
    وما عانيت وقوف الصف وراء التموين
    عشان يا انتى ما بتدرى سجل ابواتك البدرى
    دحين اسمع .. أقيف واسمع
    سماك الباكى مجدو الزال
    يا ما كانوا تحتوا رجال
    ابوخنجر وابوشوتال
    والصقر البجيك خوجال
    صوتن كان يمين جلجال
    ومكسيين كمال وجلال
    لكن الزمن اسرع
    سيفن بلحس الفقره
    وما كان برضو بالحقرة
    وكانوا بضبحوا الشقره
    وكانوا بضوقو العادوه نوم الكوع
    وكانوا بموتوا فى شان حرمة المفزوع

    الجعلى اب شرابا حار وقالوا بعدى يومو خنق
    والشايقى البياكل النار وفوقو نحاسو متخنق
    ودرفون البجا الصقار وحاقب سيفوا ياكل الشق
    والغرباوى عينو شرار وكضب القالوا عندو عرق
    والنيلى البعرفوا كتار على كتل الأسود جرّق
    والبطحانى والشكرى وغيرهم من أهل فخرى
    ومنهم أصلى لا بشبع ولا بقنع


    هوى يا وليد
    حصل جربتا كب السارية
    فى القلعة وخلا العتمور
    وشفتا بروقه تترقص وتتحرقص
    تقول مطويه فى قرقور
    وعاوى الزيفة ينفخ فى جبال النقعة زى الصور
    والحصحاص يجرفوا السيل
    يكنسوا على مهاوى الخور
    وقلب الصاقعة يتطرقش
    يكب النار دمار وشرور
    وشفتا الحال عرق مقلوع
    جبل متروم فرع مكسور
    جمال غرقانة بى حالا وحد المويه فى الغرغور
    ود ابن ادم المسكين نجاتو تحت قرون التور
    والعوتيب يجيك يجرى يشيلك وانتى ما بتدرى
    وما بيرفع


    هوى يا وليد ...
    حصل سادرتا بالديداب
    وقدامك مراحك وراكب الخباب
    ودربك طولوا يملا العين
    سحاب وغبار ومويتو سراب
    وهوى كرباجك البكاى
    يبكى على ضهور الضمر الانجاب
    وتسرى الليل وما تضوق هجدة
    لو كان النجم ما غاب
    وبعد أيام تجيك لفته
    ويلوحلك فى البوادى سحاب
    وتكرف من دعاش العينة تملا رئاك
    عطر وأطياب
    تلقى الوادى خضر زى تقول
    ماكان خراب ويباب
    وبت ام ساق تقييل من ضحاها
    على المعالى ونسمة الهباب
    وتفرش ليك حزمة نال تحت
    سيالة تريانة فروعها قراب
    وتنفخ كل آهاتك مع المزمار
    تصوغ الحان ملانة شباب
    وتنسي الدنيا كل الدنيا
    ماعندك معاها حساب
    خلاف برقا يشيل حرقاص
    أو رعدا تقول رصاص وكت فركع


    هوى يا وليد ...
    حصل صحاك عز الهجعة
    صوت شتماً بعيد مخنوق
    وجاتك شخرة الطنبارى مشتاقاً يسوى القوق
    ونومك طار واتقسم والرشرش صبح مفروق
    واتلفحت نص من توبك الجرجار
    على الدلوكة سايق سوق
    وتلقى هناك بنات بلدك ولاد بلدك
    يعلو الصفقة تقدح فى القلوب الشوق
    ونغم الفال ابشرن يا بنات بالخير
    والجنيات تطير لا فوق
    وكم زغرودة تتفجر تفور بالناس بعد ما تروق
    يعوم الوز صدورو تشابى للمجهول وما بتضوق
    تميل زينوبة زى البان يمين وشمال تودى الطوق
    واخوان ام شلخ ينكبو جوه الداره
    زى صقرا نزل من فوق
    ضرب الصوت والركزة بيفرق الناس
    عشان زينوبة ما بتحوق
    وعاد تتحزم الجنيات وتتنظم تقيف في روق
    وكل واحد يهز ضرعاتو والحجبات تزح لافوق
    جفير الخوسة فايت الكوع
    وسيرو مع العضل مطبوق
    والطاقية تحت الحاجب المعقود
    هدية أم زين وما مشرية من السوق
    ويتقدم عريس السمحة رافع صوتو
    كان بسوقوا بيهو النوق
    والعنجاوى ينزل فوق ضهورن
    بس تقول منشحطة فيهو بروق
    يبدا مجرو بالترقوة ويتحدر
    مع الضلع القصار ملصوق
    واحمر عين يشم الدم بعد ما يرش بنات
    عمو ويزيدن شوق
    وثابت حيطة لا بتهز ولا بتلز
    وصارى جبينو كلو عروق
    وقال بعد العقد طلقانة ما يحجزوهو
    إلا يخلو ضهروا شقوق
    هناك الحال مغير جد وهيجة الناس تفوت الحد
    وكان حجازو مد الليد بتسمع كع



    هوى يا وليد ...
    حصل شارفت دغشا بدرى
    فوق حجرة مخانق النيل
    فى سنة تساب والشرقي
    حزم القيف وطفح الكيل
    وشوفتا الهيبة فوق اسيادا
    والشخرى البكتل الحيل
    وشفتا الجارى يحفر فى جروف كوكبنا
    بس داير يشقو عديل
    يجيك بي صدرو متحزم ومتلقف صفوف فى صفوف
    يحاكى الخيل
    ومويتو الهايجة تبلع جب
    وتجقم فى مدالق السيل
    وفوق الرملة مشرور العشارى طويل
    معشعش بين نوايبو الطير
    حليلو جزايرو جاها النيل
    وحالف ما يخلى شبير
    حزم اطرافا يكسر فيها
    بالهدام وينحر فيها بالقرقير
    وبكرة يموصها يشرب طينها
    يزرع فيها شلالات هدير وهدير
    وتكسح مركب النواتة عايمى
    على قرون الموج جناحها كسير
    رواسيها مالى اصابعوا فى المجداف
    يقوم لافوق ويجى من تانى فوق الدفة
    رافع ايدو ينده فى جملة الصلاح واهل الخير
    هناك الموت يمين شافوهو شوف العين
    ومافى شفيع ومافى مجير
    تقول الزول يعرف اجلو
    ومكان موتو لولا إنو ما كشفو الإله لى غير
    عاد ما دام رقاب الموج تمد لسناتا
    فوق للحيف تكب الصير
    وشن فضل بلا الغرق البدور ناعى
    وفعلا كانوا يا هو مصير
    ومشيت المركب الغرقاني بين موجتين
    طفروا منها النواتا بطن اللجّة قالوا اخير
    تماسيحاً يقالدوا الموج يصارعوا
    عتاوة العرق الكتالو مرير
    ساعة يعومو بالضرعات وساعة فج
    صدورن ضمة مااتبلت ولو قطير
    ديل يا وليد ولاد النيل
    رضو الهيجة من صدروا
    ومن الطيبة رضعوا كتير
    الواحد فعايلو كتر ونضمو دقاق
    نهرتوا يمين تسوى الفاق
    ومراً أصلاً لا ضاقوه لا بنضاق
    كفاك يا وليد بلاش فاقة
    خلاص أنا تهتا فى الاشواق وما برجع
    وهسع ضمة لا شايفك ولا بسمع
                   Subscribe on YouTube |Articles |News |مقالات |بيانات

06-11-2010, 04:17 PM

صديق عبد الجبار

تاريخ التسجيل: 03-07-2008
مجموع المشاركات: 9329
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: الصادق سلفاب)

    الشــــــــــــكر آلاف يا ود ســلفاب على هذه الهدية الرائعة ...

    والله يا خي ود بادي نضميه كتر ... شوف جنس دا :

    الجعلى اب شرابا حار
    وقالوا بعدى يومو خنق
    والشايقى البياكل النار
    وفوقو نحاسو متخنق
    ودرفون البجا الصقار
    وحاقب سيفوا ياكل الشق
    والغرباوى عينو شرار
    وكضب القالوا عندو عرق
    والنيلى البعرفوا كتار
    على كتل الأسود جرّق
    والبطحانى والشكرى
    وغيرهم من أهل فخرى
    ومنهم أصلى لا بشبع ولا بقنع
                   Subscribe on YouTube |Articles |News |مقالات |بيانات

06-10-2010, 10:47 PM

صديق عبد الجبار

تاريخ التسجيل: 03-07-2008
مجموع المشاركات: 9329
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: هند محمد)

    تسلمي يا هند .. من عندي ومن عند صاحب القولة :
    الجنيات الغابت جابت
    إنت الجيب بس قايلو قميص افرنجي وكرتونات كرملّة
    لا لا وحاتك حاشا وكلا
    ديل يوم عادوا اتلافو الجاهل بحقوق الله
    ديل كم لحقو البشهق ضايق وداوو العلة
    الولد الجاي حقايب سفرو تقال.. تقال
    من جنس كتاب ومجلة
    الحكمة النضم إياهو الكان..
    الحكمة الولد اتوضا وصلّ
    عادة البلد الدخلت فيهم سكنت ..
    سكنت ماب تتخلا
    نحن كمان طارين الحلة
    ودرنا الطلة
    نشيلا معاهم فرح وميتة
    حلاة الموت كان في عبدلة
                   Subscribe on YouTube |Articles |News |مقالات |بيانات

06-12-2010, 06:50 AM

عمار محمد ادم

تاريخ التسجيل: 07-01-2009
مجموع المشاركات: 2195
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: هند محمد)


                   Subscribe on YouTube |Articles |News |مقالات |بيانات

06-12-2010, 06:17 PM

صديق عبد الجبار

تاريخ التسجيل: 03-07-2008
مجموع المشاركات: 9329
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: عمار محمد ادم)

    تسلم يا عمار ....

    والله يدينا كلنا نوم العافي .... !!!

    ونصحى عوافي ....
                   Subscribe on YouTube |Articles |News |مقالات |بيانات

06-10-2010, 10:38 PM

صديق عبد الجبار

تاريخ التسجيل: 03-07-2008
مجموع المشاركات: 9329
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: عبد الباقي الجيلي)

    أخي عبد الباقي صبحك الله بالخير ...

    يحصل إنشاء الله ..

    بس خلنا النروق شوية من هموم الجن ...


    تحياتي وتقديري ____________ صديق أبوفواز
                   Subscribe on YouTube |Articles |News |مقالات |بيانات

06-13-2010, 09:13 PM

صديق عبد الجبار

تاريخ التسجيل: 03-07-2008
مجموع المشاركات: 9329
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: عبد الباقي الجيلي)

    الأخ العزيز عبد الباقي الجيلي

    الرجاء مراجعة الرابط :

    http://asala-sudan.net/vb/showthread.php?t=210

    فيه شرح جميل ... قد يكون عندي بعد التحفظات في بعض الأشياء ... لكن عموماً فهو جيد للغاية ..

    تحياتي وتقديري
                   Subscribe on YouTube |Articles |News |مقالات |بيانات

06-10-2010, 10:29 PM

صديق عبد الجبار

تاريخ التسجيل: 03-07-2008
مجموع المشاركات: 9329
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: مدثر محمد عمر)

    شكراً أخي مدثر على المساهمة الرائعة بإنزال الفيديو..

    وأنا آسف جداً لأني كنت في مكان غير المكان ويادوبك هادي جية ..

    الزمن الزيم الله يرجعه ... وراجع بإذن واحد أحد ...

    وانا أخو البت اللكعت قرن الخمرة النازة .... !!!

    تحياتي وتقديري _______________ صديق أبوفواز
                   Subscribe on YouTube |Articles |News |مقالات |بيانات

06-10-2010, 11:02 PM

صديق عبد الجبار

تاريخ التسجيل: 03-07-2008
مجموع المشاركات: 9329
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: صديق عبد الجبار)

    لهــــــب وتعب
    صمت وغضـب
    وساحات ملبده بالغيوم
    فى حضرة الزفره العميقه
    وصرخة الوجع الكتوم
    وسط العواصف والرعود
    تحت المطر
    وهم النهار
    وليل السهر
    وسفر النجوم
    وإنفعالات الظواهر
    وإنفلاتات الهمــــوم
    قرر سليمان ودحسين يبقى غسال للهدوم !؟
    البطاقه !
    مصفره من زمنا بعيد
    مدفونه فى زريبة غنم
    من غير رقم
    من غير فصيله لأى دم
    سودانى بالتسنين وبس
    طويل البال
    عيون تتباهى بالماضى
    ونظره بعيده
    كلها فال
    برغم الحال
    برغم القول
    بلا أفعال
    والبترول
    والأنهار
    والأمطار
    والأميال
    ود الحسين آخر عمره صار غسال !؟
    المكان عند ناصيه من مدن التعب
    دكان متر فى أربعـــــــــه
    رأسمالو مكوه وعنقريب
    وتربيزه ناشفـه مربعـــــــه
    وسلك طويل
    لما الرياح تشتد يقع
    والشعبه برضو تقع
    معا صابون عدم
    وفحم سجم
    وعينيه حمراء مدمعا
    ودالحسين إتوسد الأيد اليمين
    وشغل شريط ألم السنين
    وتوت توت
    زمن أسرق فوت
    وصراعنا ع البنكنوت
    وأحزابنا بيت عنكبوت
    وأولادنا عند الجاره
    والجاره ناويه التعديل
    وأمونه يا ويل الويل
    والقرعه وقعت فينا
    والنيل قاطع وادينا
    ياليل
    ويا نيل
    وياشليل
    ويا هوى
    يا سلطان
    وياربان
    جاكم ######
    تحسبو لعب
    عيونو خدر
    يحرق الدار
    والدار من غيرمفتاح
    والمفتاح عند البواب
    والبواب من الأحزاب
    والأحزاب وقعت فى البير
    والبير عايزه التغيير
    يارب البيت
    تحفظ البيت
    واليوم فات
    فات فات
    وأيول زاد همو همــــوم
    ومتردد من فصل الشؤم
    والحل لازم من سور
    والعسكر يقيف طابور
    وأنفاق وصراع مأجور
    يارب البيت
    تحفظ البيت
    وفات فات
    وفى القسمه
    ما فى حسابات
    ومسكين ود الحسين
    الغارق فى بحر الدين
    يارب الدين
    تحل الدين
    وفات فات
    والفاتحه ع روح أموات
    وفى باكر ع ود حسين
    وشهاده على شاهد طين
    مكتوبه لى ناس جايين
    الأول من يناير
    وأكتوبر واحد وعشرين
    المرحوم سليمان حسين
    صابر مسكين
    عاش تربال
    ومات غسال
    وترك أولادو مديونيين
    لناس حاقدين
    يحاربو الدين
    بإسم الدين
    ونحنا شهود
    هناك واقفين
    ود الحسين مانافق
    ما صــفق
    ولا حتى من الأربعين
    الله يرحمه
    ويرحم بلدنا
    ويرحمنا كلنا أجمعين !؟
    أفتح صفحه من تانى
    لزول أبنوسى
    طويل البال
    شديد البأس
    جبل بركان
    من الطيبه
    يعيش واقف
    يموت واقف
    يردد ديمه
    سودانى
    وسودانى خاتمه
    يا من تقتات رصيف الصبر
    تقضم عصب الأمل الشارد
    مدار الخوف الطوق ذاتك
    صور أشباح وجدار متهالك
    عيون الطفله الخارفه النافذه
    تعانق صوت الريح البارد
    صراخ الظلم الخانق راحل
    وتبقى مساحة الحلم الصاعد
    يا حسرات الندم إصطفى
    وأسرجى موج الغضب الماجد
    حركى مد الفرح الفينا
    وأوقدى شمع الفجر الواعد

    "معاذ كروم"
                   Subscribe on YouTube |Articles |News |مقالات |بيانات

06-11-2010, 00:01 AM

محمد أبوالعزائم أبوالريش

تاريخ التسجيل: 08-30-2006
مجموع المشاركات: 10491
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: صديق عبد الجبار)


    ود عبدالجبار .....

    دي قصيدة ما زي كل القصايد ....

    سمعتها في نهاية السبعينات على ما أظن أو بداية التمانينات ..... وحفظتها (في ذلك الوقت) عن ظهر قلب.

    أسمح لي ببعض التصحيح (حسب سمعي للقصيدة قبل حوالي 30 سنة)
    Quote: الحلف الجاف اتبلّ

    (الحلق الجاف إتبلَّ)
    Quote: اللبن العاتم في ضرعاتن جبّن

    اللبن ((العاتن))
    Quote: خمر الفوق أردافا مجضع

    فايت خمر الفوق أردافا ((مجدّع))

    أما الأبيات الكل ما أسمعا أتشهّد هي:
    مقنع سابل وين بلقاهو
    طرفا ذابل وين بلقاهو
    وعين بتدنقر من واليهن
    الوجنات الشعّن بقّن
    ود العين النايم زرقن
    مو زايغ رسيان وميقّن
    زولهن كان خدران ومحقّن
    من الشوفة عروقو يطقّن



    ياخ الله يديك العافية
                   Subscribe on YouTube |Articles |News |مقالات |بيانات

06-11-2010, 05:24 AM

صديق عبد الجبار

تاريخ التسجيل: 03-07-2008
مجموع المشاركات: 9329
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: محمد أبوالعزائم أبوالريش)

    الله يديك العافية إنت كما يا أبوالريش ..

    كلامك صاح تب .. والظاهر علينا نحن دفعة لأني كنت قد حفظت من شريط الكاسيت في نفس التاريخ تقريباً ..

    تحياتي وتقديري _____________ أبوفواز
                   Subscribe on YouTube |Articles |News |مقالات |بيانات

06-11-2010, 07:52 AM

doma

تاريخ التسجيل: 02-04-2002
مجموع المشاركات: 15308
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: صديق عبد الجبار)

    الجنيات سلوم
    اسمح لي ابو الريش بقول انه العاتم اصح
    العتمه تطلق علي حاله درران اللبن
    حقيقه لا اعرف معني لكلمه عاتن ارجو ان تفسرها لينا
                   Subscribe on YouTube |Articles |News |مقالات |بيانات

06-11-2010, 11:35 AM

محمد علي شقدي

تاريخ التسجيل: 04-25-2010
مجموع المشاركات: 2723
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: doma)

    صديق سلامات

    لفت نظري مقطع تحفه د . محمد بادي

    ولاني كتبت عن صديقي صباح امس حول هذه القصيده

    Quote: كثيره هى القصائد التى كان يرددها السومين ميرغني ويحفظها من القراءه الاولى فهو العاشق الكبير للشعر الجميل

    وهذه القصيده كانت محبوبته حتى انني واصاحبه جميعا ما ان نسمعها حتى تتجه مشاعرنا صوب الحصاحيصا حيث يرقد سوميت


    ســوميت إنهم مازالوا يمارسون القتل (صور وذكرى ثوار)
                   Subscribe on YouTube |Articles |News |مقالات |بيانات

06-11-2010, 12:00 PM

صديق عبد الجبار

تاريخ التسجيل: 03-07-2008
مجموع المشاركات: 9329
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: محمد علي شقدي)

    رحم الله السوميت أخي شقدي .. وشكراً لأنك دعوته لكي يأخذ بأيادينا .. ونحن نمد ....

    تلب حامد فوق مخلوفة أب زور واتربع
    طلق الرسن أب زمة وسوّا خبيبا بدّع
    هوّد في رقّاب الصي
    لا قوه ثلاثة زبيدية
    خالفين سيقانن فوق السنكيت
    ورقاب ألبل بيناتن مرخية
    محجوبات بالخرز الفصلو السوميت
    كل واحد درقة وسيف وطبنجية
    وباقي جرابن مليان دلميت
    الجنيات اتقبلو وضاقو الحارة
    وضاقو المرة
    وكان حجازن صقر الجو
    حامد كان عارفين
    ضاقوه رجال قبالكن
    شوفو أرزاقكم أخير من ضو
    حامد عوج الطندب آ وليدات
    عوج الطندب
    نار القصب الهبلت ما بتعدلو
    شوفو شلوخو مطارق رقدن
    وكل تلاتة يمين سياف اتقبلو
    حبوب القارح ... ما ذلة
    ولدا ما ختالن زلة
    شن قولك فيهو عليك الله
    بالحيل آ جني إيه والله
                   Subscribe on YouTube |Articles |News |مقالات |بيانات

06-11-2010, 04:05 PM

عبدالعزيز الفاضلابى

تاريخ التسجيل: 07-02-2008
مجموع المشاركات: 5733
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: صديق عبد الجبار)

    مشكوووووور اخ صديق
    وبالمرة كمل جميلك ونزل لينا الأعمال الكاملة لهذا الرائع ودبادى.
    وتكون كملت الروعة لو فتشت لينا رائعة طه وريا وود دكين واظنها من اعمال العبادى.
                   Subscribe on YouTube |Articles |News |مقالات |بيانات

06-11-2010, 04:19 PM

صديق عبد الجبار

تاريخ التسجيل: 03-07-2008
مجموع المشاركات: 9329
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: عبدالعزيز الفاضلابى)

    Quote: وبالمرة كمل جميلك ونزل لينا الأعمال الكاملة لهذا الرائع ودبادى.
    وتكون كملت الروعة لو فتشت لينا رائعة طه وريا وود دكين واظنها من اعمال العبادى.


    أخي الفاضلابي تحية طيبة ..

    إنشاء الله نحاول نلقاها ليك ..

    لك التحية الطيبة
                   Subscribe on YouTube |Articles |News |مقالات |بيانات

06-11-2010, 04:27 PM

الشفيع وراق عبد الرحمن

تاريخ التسجيل: 04-27-2009
مجموع المشاركات: 11654
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: عبدالعزيز الفاضلابى)

    تسلم ابو فواز يا رائع
    اثني كلام الفاضلابي
    نزل ليناالمجموعة كاااملة يا زول
    وعيد لينا الزمن الزمان السمح

    انا زيك انت والعزيز ابو الريش حفظت الشريط كااامل اواخر السبعينات
                   Subscribe on YouTube |Articles |News |مقالات |بيانات

06-11-2010, 04:43 PM

صديق عبد الجبار

تاريخ التسجيل: 03-07-2008
مجموع المشاركات: 9329
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: الشفيع وراق عبد الرحمن)

    تسلم يا عزيزي الشفيع ...

    حليل يا خي زمن الزمن كان زين و "الشعر" مغطي الإضنين لامن متمسح .... !!!

    تحياتي وتقديري _______________ أبوفواز
                   Subscribe on YouTube |Articles |News |مقالات |بيانات

06-11-2010, 06:12 PM

صديق عبد الجبار

تاريخ التسجيل: 03-07-2008
مجموع المشاركات: 9329
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: صديق عبد الجبار)

    "من غير زعل"

    شيخنا ود الشايقي وتعدد الزوجات - ود بادي

    يجيك الحول وحول بي زول والزول غول
    ونحن تعابا نحن غلابا لا نقداً ولا محصول
    هيا قشاره ما معقول يا فقاسا ما معقول
    عليك عزينك المبهول تضربي الجمله بالميت قداحة فول
    وعيشه تقول ضنيب ام سيسي عرض وطول
    جاز اللمبه في غلبه حق الفطره للطلبه وركوب التكسي بالقلبه
    لولا الروح بقت سلبه نمص الصلصه من علبه
    وكانت جاتنا في الرقبه
    ده كلو كوم وتاني ام العيله كوم
    الوليه الفنجريه حلاوه نبق
    الوليه الغجريه ودايره دق
    البطن منفوخه ديمه طبق طبق
    يجيها الحول وحول بي زول والزول غول
    ومره تديها الهواده وترمي زي زولين زياده
    الله اريت الزول يزاول
    ياحكم صفر دا فاول
    البطن بت الذين ودايرا تعمير القبايل
    اب شنب تعبان وعرقو يسيل جداول
    يلحس الكوع رغم انفو وكان مقاول
    وياما يشبع في البشاتن
    وياما يشبع في البهادل
    شايله فوق الصفحه سوسو واحد الله
    باليمين مقيوده سيسي مالو تاني
    اب شنب شايل اماني تلاته بركه
    وكل حركه معاها بركه
    وفي البطن بنجوس يفرفر
    والقطر بي وراها صفر
    والله يستر
    شوف كمان جنس الفصاحه
    والفتاوي الماها صاح
    نحن عارفين الله اعظم
    والرزق بنزل مقسم
    للبجاهد والمعسم
    والله ما شقالو حنكاً ضيعو
    والله ما سوالو طفلاً ما سقاهو ورضعو
    الا اسمعو يا رفاقا
    الرضاعه خشم بيوت
    والربايه خشم بيوت
    والمعايش ماها توت
    والمعذب اخير يموت
    الوليد ان كان مبرجل شن بسوي
    زي كليب جربان يهوي
    لا يبهرج لا يضوي
    الوليد كان يربى قوي
    عمله استرليني سايره يبقى صاروخ ارض جوي
    النجاح مو من كتير
    والكتير البشبه العزين يطير
    والبطير من ارض جاعت كان اخير
    واخير اجيكم بي بشاره وقولو خير
    الله لا يخلي الخواجه
    ما تقيف قدامنا حاجه الا يرطن فيها حاجه
    يا خلق يا عقل صبه
    تلحسو الرز بالمربه
    وتلدو كبه وراها كبه
    عشان تقيف ما تاخدو حبه
    انت يا جاموسه دري
    هو اليكتح وانت ضري
    الليله يقطعو حبلي سري بكره يظهر حبلي سري
    العداد ماسكاهو سري
    لا تحدثي لا تقري
    الا تنشري وتدري
    ويله يا دايتنا جري
    انه قول المعري:خفف الوطئ خليلي ههنا قبر سليلي
    جمي جمي وبكره تمي
    ويلا يا نخلايه رمي
    ارمي ارض الفول وسمسم وخلي ملك الموت يلملم
    حبه يا اهل المحبه
    حبه واحده مع العشيه
    حبه في جوف الوليه
    والمصايب هيه هيه
    لا بطوناً كالخيامه
    لا سمايا ولا قياما
    لا شرابا ولا طعاما
    قد تقولون حراما
    لست مفتي
    ولماذا لست افتي لست افتي
    شيخنا ود الشايقي خريج الخلاوي
    يعشق الماحي وطارتو والمدايح واب كساوي
    قافل اضانو من الخلايق لا مصايب لا بلاوي
    الا في عرس وطلق قد يجيب بعض الفتاوي
    حالتو ساتره ونص كم
    اسطه في سوق السماسره
    بيعه رابحه وبيعه خاسره
    وهو حامد متشكر
    غير ملحد غير منكر
    يمشي ما بين السراري
    ونساوينو الحواري لا تغيب عن قلبو ابداً
    حاجه سعده لجنه خرده حاربت في المهديه
    وهي آلت لجلافط وكراضم عن قريب ستزور الابدبه
    واحيلت للمعاش فاستراحت واراحت
    ثم تاتي علويه وهي رهن الخدمات
    ومفاخر ومباخر وعيوناً فاهمات
    تعرف الوقت المناسب وتحاسب وتحاسب
    ليس في الدين حرج
    آخر العنقود ليلى اصغر الزوجات ليلى افخم العينات ليلى
    شيخنا ود الشايقي افلح اشترى ليلى مكعكع فتصلح
    وتصبين وتلحلح وهو شيخ متصوف في هزيع الليل يمدح
    يا ليلى ليلك جنا معشوقك نوح وانا
    وتجيب المدح ليلى وتهرول غير هدنه
    وتزيد الشيخ قرباً قاب قوسين وادنى
    انها دنيا المقالب باسم ليلى من يطالب لست ادري
    ذات مره والممرات كثيره شيخنا صلى الصبح نافله وبآيات قصيره
    وتحوقل وتعوذ ودعا الله بان لا يتجوز
    ثم ترجم ثم تمتم وبراس السبحه طقطق وتشهق وتمنطق ثم نقنق
    ومضى يتلو الكتاب
    مر بالمال والبنون فتبسم وتنسم
    ثم آيات الطلاق فتجهم وتعسم
    ثم آيات الزواج فترنم
    فاذا ما لاقى مثنى وثلاث ورباع
    وقف الشيخ طويلاً مثل ما فحل الضباع
    وبكى ملئ الجفون البقريه
    وشهيقاً كالدجاجه البطريه
    قال يبكي وهو يرخي بالحبال الوتريه
    انها عين الشماته فانا لا املك غير تلاته
    انني قصرت في حق الكتاب
    ساعاني ما الاقي من عذاب
    اين مني زوجةً بكراً فتيه
    اين مني المحلبيه والعطور الاجنبيه والعطور الاجنبيه
    في نقاء كبحيرة طبريه
    ثم قال استغفر الله وطفر وتحفحف وتعطر وتقيف يتبختر
    يسال الله عروسه ثم حشش بعبايه وزناد وكدوسا يمشي من غير فرامل وتروسا
    خطفاها خطفاها
    جات ضحيه سمينه هايله ومدهنه
    جزار وفالح في تجارة القرصنه
    خلف الكراع فوق الكراع وكدوسو زي المدخنه
    بين كفتين زي الخشب حرق شباب السوسنه
    وتفوت سنه وتدخل سنه
    شيخنا خلى الميضنه
    يوم هناك ويوم هنا
    وبقى في الحرد والطنطنه
    وهو زاتو عجز وانتنى
    شيخنا ياالشيخ البجم
    ولد زرازير السجم
    وحدين اساميهم عرب واحدين اساميهم عجم
    بدا بي محمد ثم زوجات الرسول العشره
    وكل الذين تجمهرو في البيعه تحت الشجره
    طلحة الخير والزبير ثم سعد وسعيد ثم سته مبايعين
    وكمل اسماء الصحابه وكرام التابعين وتابعين التابعين
    والنجوم البارزين واسامي الخالدين ثم عبد ما يشاء من البنين
    عبد المقيت عبد المجيد عبد الحسيب عبد الجليل عبد المعين
    ثم سمى في الختام عبد مالك الملك ذو الجلال والاكرام
    ثم نوع في القوافي وتبحر في تراكيب المضافي
    شمس الدين ونجم الدين وقمر الدين وقمر صناعي الدين وسيف الدين وزحل الدين وبحر الدين وعاد لاوين
    وآخر الدور بقت الوحده تفقس في تمنيه شهور
    ولده اناتي جوز فوق جوز وولده ضكور
    الراجل تقول مسحور
    ومابخليلو مرةً بور
    وزرعتو ماب تقع واطه
    بعد حولين يزيدو عليهو اهل مالطه
    وشيخكم عاد قعد باطه
    يكتب الطلبات لست والمقاسات بالدست
    لحسو قدر العندو ست حتو درج الخزنه حت
    الوليه تنبح ما اتكست
    البت تدور ان اصبحت وان كان مست
    جيب خرايط وشرايط وهياكل وسلاسل ولطايف وعرايس وغوايش
    ومحزق ومنمق ومفستق وجوارب واكما واراضي وسماء وهلما وهلما
    انها نكبة روما والمتمه
    ان طعم العرس حلو ولذيذ وهو راحات واقداح نبيذ
    والخوازيق ستاتي وانتفاخات القرنتي ثم ضربات البلنتي
    وبطاناً كالنمتي لا تقاوم بالتونتي
    انت تصرخ بنتي بنتي وهي تصدح حني حني وستي ستي
                   Subscribe on YouTube |Articles |News |مقالات |بيانات

06-11-2010, 07:26 PM

صديق عبد الجبار

تاريخ التسجيل: 03-07-2008
مجموع المشاركات: 9329
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: صديق عبد الجبار)

    سياحة فى حى العمارات- ود بادي

    يا سكان القصر العالي سلام
    يا سادات البرج العاجي سلام
    ها نويسات البلد الغادي سلام
    تبقى مصيبة إن كان السُنة إنعدمت بين الناس
    تبقى مصيبة إن كان القرش الأحمر قسم الخلق أجناس أجناس
    يا ماليين الكأس من دم الخلق الشربت عرق الفأس
    يا الشرف البدري إنداس
    والبلد الظالم شالكم فوق الرأس
    أدواركم طعنت كبد السحب البكايات
    وقار الليل سالباهُ كهارب الهجعة الضوايات
    قايمين الليل
    الكأس مليان
    الجوف مليان
    اللحم الطازج راقد بالعينات
    وغفيركم نوم نجم القبلة أم رأسا قوي
    وجنبو كلابو الهوايات
    يا سادات البذخ الباذخ
    يا بعض كروش مليانة فتات
    يا نجس الأرض المدعية
    يا نسل الأمم المدعيات
    ماعون الويسكي الأحمر
    علب البيرة الصايدر
    مصو الخبث الراكد فيهن سماً يعشرق
    ونحنا أدونا الفاضي هدية
    يقعد في شمس الله تلات أيام
    بطهر منو السيئة
    نسلخ منو الدمغة الوصفت عينتو والكمية
    تمشي أم أحمد تغسل بطنو وضهر
    و ما لازماها وصية
    بعضاً ينفع دلو نشال في بير أم تسعة رجال
    تقدل بو بنيتاً سمحة مع الشهلال
    تسقينا حلال وذلال
    الفاضي الكان مليان أحزان
    وأطرافو تسيل أتحول كوب
    معقود فوق قلة تنقع وراقدة سبيل
    وسبيل مسروف مكتوف بمحاية علي سيالة
    وراقدة ضليل
    الغاشي الماشي
    الراحل ونوّخ دابو ودلّا الشيل
    الطير الطاير فوق بلداتنا
    وناوي رحيل الولد السادر
    فوق مشهاد البرق الشايل
    ودربو طويل
    وعموم الناس
    الفرع الصايدو يباس
    وكلاب الحر
    وبنات الريل
    بتشيل بتبل الريق
    الموية نواحي السافل موية نيل
    **********************************
    يا سكان القصر العالي سلام
    يا سادات البرج العاجي سلام
    ها نويسات البلد الغادي سلام
    أدوني سلام وإن جيتكم تاني ملام
    والله إن كان عارفني تمام
    قدامكم وما شايفكم
    وساعة أشوفكم أشوف قدامي أقزام
    أما سوافل
    تبنو عوالي
    تناطح الغيم الراحل
    راحل تالا السافل
    دور فوق دور
    وحدايق سور
    وتلاتة مداخل
    باب مفتوح في باب مقرون في باب
    دهليز ومجاهل
    القرش الأحمر صايل
    حاكم بينكم تارك وفاعل
    اللقمة بتوصل حلقك بالإيجار
    الريش بتقصقص تحتك بالإيجار
    وحرير يتماوج فوقك بالإيجار
    لكن الموت
    الموت إن جاكم طرفة عين بتأجروا مين ؟؟؟
    كان الموت بالأجرة يفوت
    بتأجرو زول على شانكم يموت
    لكن الموت مرسال جبار وعنيد
    أعذار الناس ...
    أعمار الناس أموال الناس ...
    وعظمة الناس في إيد ...
    والموت في إيد
    أرقدوا عوافي
    ونوموا عوافي
    فوق الفوق لا حر ... لا سموم ...
    لا سوافي الإيد الطايلة تجيب المافي
    خزائن الأرض ...
    ونعيم الدنيا الذائل
    كلو معاكم وما كفاكم
    حتى القرش إن فاتكم للبستاهلو
    تندموا ليش ما جاكم
    المَلَك النازل فجراوي
    وشايل أرزاق الخلق الرقدوا رقاد
    إنتوا تختفوا اللقمة
    الحفت من جنحين المَلَك الرفت
    وسيدا يموت بالفاق
    العين إن زاغت شن بملاها
    خلاف مولاها
    وبيتاً رملو دقاق
    *************************
    ها سكان القصر العالي وداع
    يا سادات البرج العاجي وداع
    ها نويسات البلد الغادي وداع
    نتقابل يوم أنداد
    ونصفي حسابنا الصاع بالصاع
    ***************************
                   Subscribe on YouTube |Articles |News |مقالات |بيانات

06-11-2010, 08:02 PM

اشرف السر

تاريخ التسجيل: 12-06-2003
مجموع المشاركات: 1517
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: صديق عبد الجبار)

    الكلام السمح دا.. فوق
                   Subscribe on YouTube |Articles |News |مقالات |بيانات

06-11-2010, 10:59 PM

محمد أبوالعزائم أبوالريش

تاريخ التسجيل: 08-30-2006
مجموع المشاركات: 10491
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: اشرف السر)

    Quote: قد حفظت من شريط الكاسيت في نفس التاريخ تقريباً ..


    يا زول باقي لي ده نفس الشريط

    خاصة بعد ما جبت سياحة في حي العمارات .. وشيخنا ود الشايقي .....

    ما تشوف لينا كمان:
    هوي يا وليد ..
    يا دلّوعة .. يا رنّوعة
    أعدل إيدك المفدوعة
    وساو صدرك مع صدري
    _____

    دوما سلام ....

    صراحة ما عارف لكلمة (العاتن) معنى .... لكن سمعتها كده (والزمن طال)
    وكلام في سرّك .... (أنا ما شايقي) لكن الكلام السمح بيعجب

    تحياتي
                   Subscribe on YouTube |Articles |News |مقالات |بيانات

06-12-2010, 05:34 AM

صديق عبد الجبار

تاريخ التسجيل: 03-07-2008
مجموع المشاركات: 9329
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: محمد أبوالعزائم أبوالريش)

    Quote: صراحة ما عارف لكلمة (العاتن) معنى .... لكن سمعتها كده (والزمن طال)
    وكلام في سرّك .... (أنا ما شايقي) لكن الكلام السمح بيعجب


    أخي أبو الريش تحية طيبة ...

    أولاً بالمناسبة محمد بادي ليس شايقياً .. فهو من منطقة الجعليين من جزيرة صغيرة تدعى (جزيرة عبد اللا) بالقرب من شندي ، ولقد أطلق إسم الجزيرة مسقط راأسه على قصيدة "أنا اخو البت اللكعت قرن الخمرة النازة" .... وقد يكون له جذور شايقية لأنه تغنى لجزيرة مساوي مسقط رأس السيد علي الميرغني .. فهو ختمي قح .....

    والرجل له مفردات خاصة به لا هي شايقية ولا هي لهجة الوسط ولا هي من كلام السافل ولا هي حنك البطانة الصرف ...

    في إعتقادي "العاتن" هو اللبن الذي يظل في ضرع البهيمة مدة طويلة لغذارته ولا تستطيع الصغار رضاعته كله فهو يثقل الضرع حتى يصار إلى حلبه ويكون غذير ودسم ويذهب به مباشرة إلى "السعن" لإنتاج السمنة والزبدة والروب والجبنة وكل منتجات الألبان المعروفة .

    قصيدة هوي آوليد .. موجودة في أحدى المداخلات فوق ...

    أنا الآن بابحث في قصيدته التي رثى فيها الشاعر إسماعيل حسن (سماعين ود حد الزين) فهي أيضاً من القصائد الجميلة.

    تحياتي ومعزتي ______________ صديق أبوفواز
                   Subscribe on YouTube |Articles |News |مقالات |بيانات

06-16-2010, 10:54 PM

Al-Shaygi

تاريخ التسجيل: 11-16-2002
مجموع المشاركات: 7896
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: صديق عبد الجبار)


    الأخ صديق
    بوست جميل وموفق سلط الضوء على علم من أعلامنا ومبدع من مبدعينا وارته الغربة وجهله شباب الجيل الجديد.
    Quote:
    أولاً بالمناسبة محمد بادي ليس شايقياً .. فهو من منطقة الجعليين من جزيرة صغيرة تدعى (جزيرة عبد اللا) بالقرب من شندي ، ولقد أطلق إسم الجزيرة مسقط راأسه على قصيدة "أنا اخو البت اللكعت قرن الخمرة النازة" .... وقد يكون له جذور شايقية لأنه تغنى لجزيرة مساوي مسقط رأس السيد علي الميرغني .. فهو ختمي قح .....

    والرجل له مفردات خاصة به لا هي شايقية ولا هي لهجة الوسط ولا هي من كلام السافل ولا هي حنك البطانة الصرف ...

    في إعتقادي "العاتن" هو اللبن الذي يظل في ضرع البهيمة مدة طويلة لغذارته ولا تستطيع الصغار رضاعته كله فهو يثقل الضرع حتى يصار إلى حلبه ويكون غذير ودسم ويذهب به مباشرة إلى "السعن" لإنتاج السمنة والزبدة والروب والجبنة وكل منتجات الألبان المعروفة .

    قصيدة هوي آوليد .. موجودة في أحدى المداخلات فوق ...

    أنا الآن بابحث في قصيدته التي رثى فيها الشاعر إسماعيل حسن (سماعين ود حد الزين) فهي أيضاً من القصائد الجميلة.

    تحياتي ومعزتي ______________ صديق أبوفواز


    أود تصحيح ما جاء في الكلام أعلاه:
    فدكتور محمد ود بادي شايقي أماً وأباً وهو عكودابي أصله من منطقة القرير وأهله القريبين هناك معروفين وسبق له زيارة القرير.
    ولد تربى ترعرع في نتطقة الجعليين وخالط البطاحين القريبين من مناطق الجعليين لذا تجده متأثر بالجعلين من جهة إقامته وسطهم والبطاحين الذين يلتقي فرسانهم خلال رحلاتهم للبحر من البادية للإتجار ومنهم من تمدن وأستقر بتلك المناطق كما لعرب الحسانية والهواوير بالضفة الغربية من النيل.
    كتب قصيدة رثاء لجده ود عكود بالقرير دون أن يراه وقد زار قبره يوماً وكتب قصيدة الرثاء.
    من الواضح أنه جمع ثقافة القبائل الثلاثة الشايقية من النشأة في بيت شايقي والشايقية عادة يحافظون على عاداتهم وثقافتهم وفنهم أينما حلوا، والجعلين بمساكنهم مخالطهم مخالطة لصيقة، والبطاحين كما أسلفنا من لقاءات متفرقة عند قدومهم من البادية إلى البحر.
    هذا للتوضيح


    الشايقي

    http://www.youtube.com/watch?v=WjNosdjuv7s

    فاوضني بلا زعل

    [email protected]
    http://alkatwah.com

    .
                   Subscribe on YouTube |Articles |News |مقالات |بيانات

06-17-2010, 08:50 AM

صديق عبد الجبار

تاريخ التسجيل: 03-07-2008
مجموع المشاركات: 9329
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: Al-Shaygi)

    Quote: أود تصحيح ما جاء في الكلام أعلاه:
    فدكتور محمد ود بادي شايقي أماً وأباً وهو عكودابي أصله من منطقة القرير وأهله القريبين هناك معروفين وسبق له زيارة القرير.
    ولد تربى ترعرع في نتطقة الجعليين وخالط البطاحين القريبين من مناطق الجعليين لذا تجده متأثر بالجعلين من جهة إقامته وسطهم والبطاحين الذين يلتقي فرسانهم خلال رحلاتهم للبحر من البادية للإتجار ومنهم من تمدن وأستقر بتلك المناطق كما لعرب الحسانية والهواوير بالضفة الغربية من النيل.
    كتب قصيدة رثاء لجده ود عكود بالقرير دون أن يراه وقد زار قبره يوماً وكتب قصيدة الرثاء.
    من الواضح أنه جمع ثقافة القبائل الثلاثة الشايقية من النشأة في بيت شايقي والشايقية عادة يحافظون على عاداتهم وثقافتهم وفنهم أينما حلوا، والجعلين بمساكنهم مخالطهم مخالطة لصيقة، والبطاحين كما أسلفنا من لقاءات متفرقة عند قدومهم من البادية إلى البحر.
    هذا للتوضيح


    الشايقي

    http://www.youtube.com/watch?v=WjNosdjuv7s


    لك الشكر الجزيل والتقدير أخي الشايقي على هذه المعلومة القيمة والتي كانت غائبة علينا ..

    وهذا يبرهن على أن كيف ينتج تلاقح الثقافات عندنا في السودان هذه السودانوية المتميزة التي يود دعاة الإنفصال بترها وإجهاضها ..

    لك مني كل الود والتقدير ___________ صديق أبوفواز
                   Subscribe on YouTube |Articles |News |مقالات |بيانات

06-21-2010, 07:06 AM

صديق عبد الجبار

تاريخ التسجيل: 03-07-2008
مجموع المشاركات: 9329
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: Al-Shaygi)

    .
                   Subscribe on YouTube |Articles |News |مقالات |بيانات

06-12-2010, 05:36 AM

صديق عبد الجبار

تاريخ التسجيل: 03-07-2008
مجموع المشاركات: 9329
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: اشرف السر)

    سلام أشرف السر ...

    شكراً على ذوقك الرائع ..

    تحية وتقدير
                   Subscribe on YouTube |Articles |News |مقالات |بيانات

06-12-2010, 07:05 AM

doma

تاريخ التسجيل: 02-04-2002
مجموع المشاركات: 15308
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: صديق عبد الجبار)

    Quote: أولاً بالمناسبة محمد بادي ليس شايقياً .. فهو من منطقة الجعليين من جزيرة صغيرة تدعى (جزيرة عبد اللا) بالقرب من شندي ، ولقد أطلق إسم الجزيرة مسقط راأسه على قصيدة "أنا اخو البت اللكعت قرن الخمرة النازة" .... وقد يكون له جذور شايقية لأنه تغنى لجزيرة مساوي مسقط رأس السيد علي الميرغني .. فهو ختمي قح .....

    والرجل له مفردات خاصة به لا هي شايقية ولا هي لهجة الوسط ولا هي من كلام السافل ولا هي حنك البطانة الصرف ...

    تحيه طيبه يا اخ صديق عبد الجبار
    ماذكرته عن ود بادي العكودابي صحيحا وينطبق علي كل سكان المنطقه الممتده من جنوب شندي وحتي حجر العسل علي ضفتي النيل فالبرغم من ان الجدود نزحوا من مناطق الشمال الا انهم استقروا بهذه المنطقه وتصاهروا مع ما بها من سكان اصليين وانتجوا ثقافه تختلف عن ثقافتهم الشايقيه فمثلا لا نطرب للطنبور مثل طربنا للدلوكه ولا نحب القراصه كحبنا اللقمه او ( العصيده) وكذلك لغتنا فهي خليط كما اسلفت .
    شكرا علي شرحك لكلمه عاتن فقد استرجعت ذاكرتي كلمه عتن معتن .
                   Subscribe on YouTube |Articles |News |مقالات |بيانات

06-12-2010, 08:03 AM

صديق عبد الجبار

تاريخ التسجيل: 03-07-2008
مجموع المشاركات: 9329
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: doma)

    شكراً دومة على المداخلة المفيدة ... وهذه مرثية ود بادي في جده سعيد ولد بادي العكودابي :
    Quote: جدي سعيد ولد بادي العكودابي

    بعد عشرين حسبتها يابا يوم فوق يوم وعام فوق عام
    حنينكم طش فى طشيش
    ويا مالقيت تملى الحنين جمام
    اتلفحت شال الشوق احادى الراحلة لا قدام
    كسحت شمال وحس طنبوركم الولوال نحاس ابواتكم الرزام
    صليلن يصحى فى الشوق اذا ما نسم النسام
    نزلت قرير اهالى الشان يعشو الضيف بخيلن فنجرى وعزام
    كرفت الطينة ارث الفات
    وما كفانى الا بركت فوق الدار واتنسمت من السام
    شرفت على رمال القوز
    واترحمت على حرزا هناك مركوز
    على راسم سريع النهمة كان ودتوم وكان فى الماضى مو نوام
    ردفت الصيحة فوق الصيحة واتحزمت ابكى رجال
    بكيتَ سيوفن المدروعة فى الحيطان
    وزى ما هم رقادن طال رقادن طال
    بكيت فرواتن المفروشه للجهال
    ويا ما قال ويا ما قال ويا ما عرض الصهال
    نشدت الفى الضريح راقدين عليكم الله يا خالدين
    عليكم عزتن كانت زمن زينكم
    ودنياكم لبن معسول وتشربوا فيها بى هينكم
    جدى سعيد ولد بادى العكودابى دحين يا ابواتى كان بينكم؟
    قالوا اتربى فوق خيلكم ويوم الحارة شايل شيلتو من شيلكم
    وقالوا الهيلو، كانت في العرف، هيلكم
    يخالطكم قداحة الخير ويتحزم وكت شينكم
    قالوا أماتو مو دابن
    عقاب التيه ما بهابن
    حناضل المره شرّابن
    وشكاراتو سمعن قولى قالن سى بدن شكرو
    وقالن لى يمين ما قلت فى جدك كلام قدرو
    وكل القلتو فيه قليل وما قارب عشر عشرو
    الصهالة والوقالة والرقالة وام غره هو ركابن
    الجهنية والقطنية والمحوية وام درة الباريها حلابن
    العشاية والشاشاية والسباية وام ضرة لى ضيفانو بسخابن
    المزروعة والمقروعة والمفدوعة لا برة متمسح ديمة قيسابن
    المفزوعة والمقلوعة والممنوعة بالمرة كان من مافى جيابن
    راكب الفصلوا انسابن ودايما قدمو فى ركابن
    اسود الغابة غلابن وبعرف يكسر انيابن
    حلفوا الشافوا قدحو الحار وشافو كتار وماهو كضب
    قالوا وساعو مركب زان يشيل اطنان وخرسو هلب
    جفير سكينو دمو ينز وداك برادو واسكت كب
    اهل السايحة والمتراوحة خاتمة وعاقبة بى قدامو سوا درب
    ده ماهو كتير على ولدا مربى على ضفاف النيل
    ويوم ولدوه دفنو ابواتو صرتو فوف مراقد الخيل
    عكود الكان بعبر الكيل
    جاتو الدنيا هينة ولينة بالخيرات مشيلة شيل
    سواقى تسوق تلوت الليل
    ونخلوا متنى شايل العجوة والقنديل
    عيوشو مصوبرات كيمان
    وعيش الريف ولد تيمان وخاتى البودة والعسيل
    ده شيتا كم دقون شافنو
    بين شفقة وحرص عبدنو
    والعقال لعابن يسيل
    الا سعيد الطلق الزايلة وخطب بى مالو دارا خالدة كان عزام وباعو طويل
    بساطو الاحمدى المحضور
    غدا وعشيات ملاقية فطور
    وديمة ضيوفو ديل فوق ديل
    يختف من مطايب الدكة لى ضيفانو مو ضباح حميل ######يل
    طحاناتو ما نامن
    جبال اللقمة كم عامن
    فوق سمنا مصفى تقيل
    ويومو الودع الحبان
    ونورو الضاو تحت التراب ما بان
    كان الفقد فيهو كبير
    وكان اليوم ده ما خاتنو فى الحسبان
    وكان ميراثو كل ميراثو
    قدحا ناز وسيف فولاذ وفروة ناس اصال وعزاز
    وسبحة ملانة يا حنان ويا منان
    قبل العم وقبل الخال بكوا العدام ..
    بكوا الايتام
    بكى الكرم الصبح
    مشلول وكل ابواتو راحو وغابو فى الرهبان
    ونحن عشنا لا زمناً
    قبل ما يبنوا فيه البيت يكوسو الطبلة والجنزيز مع البيبان
    زمان الصالة والصالون
    زمان الرغوة والبالون
    حليل الكان
    حليل الدانقة والديوان
    حليل النافق اموالو وتدى يمينو وما تعرف حسابو شمال
    خليك من يعرفوا فلان
    ده كلو فضيلة فى الاجداد ابت ما تبقى فى الاحفاد
    ومسكت فى النعوش الطاهرة واندفنت مع الجثمان
    وكل مكارم العابرين معاهم راقدة فى شبرين
    وبقت امجادنا كانوا زمان وكانوا زمان
                   Subscribe on YouTube |Articles |News |مقالات |بيانات

06-12-2010, 08:11 AM

صديق عبد الجبار

تاريخ التسجيل: 03-07-2008
مجموع المشاركات: 9329
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: صديق عبد الجبار)

    ملاحظة :

    الرقابة الإلكترونية للمنبر أحياناً بتتلخبط في بعض الكلمات وتظنها نابية ... لاحظ ما تم التدخل فيه إلكترونياً

    يختف من مطايب الدكة لى ضيفانو مو ضباح حميل ######يل ....

    طحاناتو ما نامن .....


    أتمنى من الأخ الباشمهندس بكري يراجع الرقابة الإلكترونية ...

    سلام وتحية

    (عدل بواسطة صديق عبد الجبار on 06-12-2010, 08:12 AM)

                   Subscribe on YouTube |Articles |News |مقالات |بيانات

06-12-2010, 08:13 AM

صديق عبد الجبار

تاريخ التسجيل: 03-07-2008
مجموع المشاركات: 9329
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: صديق عبد الجبار)

    الكلمة المحزوفة هي : تصغير "سخل"
                   Subscribe on YouTube |Articles |News |مقالات |بيانات

06-13-2010, 05:05 PM

اشرف السر

تاريخ التسجيل: 12-06-2003
مجموع المشاركات: 1517
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: صديق عبد الجبار)



    للتحايل على الرقابة الالكترونية دي
    قم بجرجرة الحروف (مثلا اضغط مفتاح Shift مع حرف التاء)
    الســـخيــــــــل

                   Subscribe on YouTube |Articles |News |مقالات |بيانات

06-13-2010, 06:08 PM

صديق عبد الجبار

تاريخ التسجيل: 03-07-2008
مجموع المشاركات: 9329
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: اشرف السر)

    شكراً أشرف .. يديك العافية ...

    وضحت الحيلة ... بس دي حتكون خطيرة على "معايير" بكري ... !!!

    تحياتي
                   Subscribe on YouTube |Articles |News |مقالات |بيانات

06-12-2010, 08:11 AM

Emad Abdulla

تاريخ التسجيل: 09-18-2005
مجموع المشاركات: 6751
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: صديق عبد الجبار)

    لا إله إلا الله ..
    يا ود بادي ..
    لا إله إلا هو .



    ........
    الله يريحك يا صديق ياخي .
                   Subscribe on YouTube |Articles |News |مقالات |بيانات

06-12-2010, 08:29 AM

صديق عبد الجبار

تاريخ التسجيل: 03-07-2008
مجموع المشاركات: 9329
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: Emad Abdulla)

    شكراً أخي عماد على مرورك الكريم .... وربنا يدك الصحة والعافية

    Quote: صورة للشاعر ود بادي العكودابي
    "من موقع الـبـركـل"
    sudansudansudansudansudansudan64.jpg Hosting at Sudaneseonline.com
                   Subscribe on YouTube |Articles |News |مقالات |بيانات

06-12-2010, 08:49 AM

صديق عبد الجبار

تاريخ التسجيل: 03-07-2008
مجموع المشاركات: 9329
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: صديق عبد الجبار)

    بوابة ماوراء الاجيال / شجرة الخلد
    في رثاء شاعرنا / اسماعيل حسن

    ارمي الدمعة فوق الدمعتين ياعين
    بعد الليلة حابسها الدموع لي مين
    نزيف الدنيا من حد البلد غربي
    ونزيف الدنيا لاحد البلد شرقي
    وجوم عامة الليالي العامره
    كل الدنيا خاتة الخمسة فوق اتنين
    رحيلك وجعة يا سماعين
    رحيلك نجعة من دار الفرح والزين
    رحيلك طعنة في لهات الحبى دريفين
    رحيلك وقفة فوق درب العليك باكين
    فيها نهاية المشوار وحد الفرحة والامال
    وحد الفال وحد الزين
    ارمي الدمعة فوق الدمعتين ياعين
    ويعد الليلة حابسها الدموع لمين
    بعد نزلت سكاكين القدر مسنونة ديل فوق ديل
    وشربت من بكرينا المعتق حالتو ياالداسنو من السيل
    وياالمحزون وحرابنا متكلات
    قدامو فوق مشنكسات الخيل
    وياالداخرنو من زمن الحساب
    شفعنا رابطين الحجر بالتيل
    وفجاءة يجينا من طرف السماء مريسيل
    ينعب فوق كلنكاكول غراب هابيل
    ويبقي رحيل
    رحيل كل الغيوم الهامعة متواسرات
    رحيل كل الشهور العامرة بالخيرات
    رحيل الطينة من طرف الجزر يومات
    رحيل الخضرة قدام منجل الهدام جفاف وممات
    رحيل البادية فوق برقا وراء نجيمات
    رحيلك مو رحيل أفراد
    رحيل اجيال
    رحيل بلدا تمام وكمال
    يا العرشت فوق نخل السواقي الشال
    واتمددت فوق النيل من الشلال
    وللشلال وياالهاجرت
    فوق ريش الرهو رحال
    تظل مرسوم علي باب الليالي سؤال
    بعد عشعشت في خاطر الغبش موال
    واتبللت من الموية بين السعفة والبلال
    بعد عرقك برق في ترابنا حد ما شال
    واتمددت غادي وجاي يمين وشمال
    بعد الحال منو البقدر يجيب غربال
    يغربل روحك المدسوسة في الاجيال
    وفي نفس الدغش مبثوثة في الشتلة ونداها السال
    بعد الحال منو البقدر يطاول حرفك المعقود
    علي برقا حرير وهلال
    مسطر فوق رقاب البرد
    فوق الصخرة والتمثال
    بعد الحال
    رحيلك ياالمشرشر في مداخل الدنيا كالاوصال
    رحيلك هزه في العقدة ومجامع الروح كما الزلزال
    ارمي الدمعة فوق الدمعتين ياعين
    بعد اليلة حابساها الدموع لمين
    كتير من شاف ديارو العامرة
    هاجت فوق درب وداي
    كتير من عدا فوق درباً
    بلا يوادع
    بلا يناشد كبار القوم وياخد راي
    كتير ياعين
    كتير الغابوا ماحضروا
    وكتير الراحوا ما عادوا
    وكتير البمشوا منو جاي
    الا الناعي
    عمرو الناعي ما طاف البلاد من جم
    وتبكي طويرة الاحزان سنين وسنين
    مصيرة تساسق المسكينة بين الباسا والباساي
    ترفرف من سخاي لسخاي
    وتسال عن صدور مغسولة بالدوباي
    و تنزل فوق حلقات مجالس الشاي
    تقول الشيخ
    وفي الشاشاي
    تبل الريق
    من الدمع البيوشل من ارامل الحي
    وتشرق بالرحيح في الردحه و الووب احي
    وتمرق من محاري الناس تولول فيها جرس الصي
    وتصرخ فايقة ياجلابة اقيفوا لي
    وتسعل ضايقة ما شفتوه زولا لي
    تضيع فرخاتا في المجهول ويرحل من دريبا الضي
    آه آه ياطويرة الاحزان
    آه لو كان تعرفي البي
    جرحك انتي صاب الريش
    وجرحا لي مسافر في النسيج الحي
    دريبي بعيد
    وحزني فريد
    ومما رحل البلبل الغريد
    بسرح في عيون الناس
    بسـأل ولوسؤالي يفيد
    كيف الدنيا تصبح دنيا
    والصيد يبقي ياهوالصيد؟
    مين يقدر ينضم عقود منقوشة
    ترقد في حزوز الجيد
    ومين يضفر كلام الريد كلو جميل
    مصيرو يجي
    ومصيرو يفوت بلاتخليد
    كتاب الكون يظل مقفول بلا خاتمة
    بلا تمهيد
    وحتي النيل مصيرو يكون
    مجرد موية شاقة البيد
    منو البيقدر يجيب ليكم خباراتو
    رقصة موجو في الشاطئ
    رواويسو , حكاياتو رقاد القمرة جنب النجمة
    فوق رملا مراياتو
    ولما تغيب ينوم النيل
    موشح بعباياتو
    وزي ما النيل يضيع في الدلتا يتلاشي
    ويموت مشلول
    انحنا كمان تفيض
    امالنا تضيع
    تنشره في ساحل المجهول
    وا اسفاي
    وا اســــــــــفاي
    وا اسفاي علي حرفاً شمخ في الطول
    وكيف الليلة في بطن التراب مسبول
    حرام تبلينا يا ايام
    حرام تملينا شوق وهيام
    اتارينا بنشيل من حرفك الجواني
    يا سماعين ونقعد في حواشي الحضرة
    وانت تكب علينا غمام
    وماعارفين حروفك نازفة
    من شريان من دم القليب الاصلو مابريان
    لما شربنا لما طربنا
    واتلفتنا ما لقيناك يا انسان
    وشفنا روحيتك الشفافة
    ركبت هودج الاحزان
    محمل فوق جناج ملكين
    ودربو علي مشارف الواحد الديان
    قوايمو شقايق النخل الوقع حزنان
    مضفور بي سعف يابس مفرش بي كباد اماتنا والحبان
    مزمل بي حبال صبرا فقدناهو زمان
    مضلل بالدموع شرقان ........
    عجيب ياهودج الاحزان
    مواسم الهجرة ما حانت
    ولا زمن الرحيل قد حان
    نسافر ليك
    وزادنا الشربه من بحر الحزن والاهه والحرمان
    وداك اليوم
    كان وداع الهودج المتهادي
    كان جامع رجلات الحضر والريف
    طيور السافل المحزونة جات بي ليله
    تاركةجناها للريج والمطر والزيف
    وروح ترهاقه والعباسي
    وروح أبواتنا وريحة الماضي
    كلها جات ملوك شايق ..
    وقف شاويش منكس بي حرابو
    واقف بي قفاهو
    تابعو شايل سيف
    وبعد الليلة كل بنية تلبس فوق صديره اكليل
    يكون مزروع فيهو قلب الشهيد
    وانت شهيدنا يا سماعين
    يا الله .. يا الله .. يا الله
    بعد ما شلت اسماعين
    وفات معاهو باقي كلام
    وباقي حنين
    يالله
    بعد الفجعة نظل شاكرين
    نظل واقفين علي بابك
    معاي طلبين
    يكون عبود مع ود توم كذا شاهدين
    قدام قبر الولي سماعين
    نظل واقفين
    يوم الليلة والباكر الي ماشئت يالله
    الي يوم الفصل والدين
    وداك اليوم يكون يومنا
    ونقالد شيخنا سماعين
    وداك اليوم يكون يومنا
    ونقالد شيخنا إسماعين
    وداك اليوم يكون يومنا
    ونقالد شيخنا إسماعين
                   Subscribe on YouTube |Articles |News |مقالات |بيانات

06-12-2010, 11:10 AM

الشفيع وراق عبد الرحمن

تاريخ التسجيل: 04-27-2009
مجموع المشاركات: 11654
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: صديق عبد الجبار)

    يديك الف الف الف عافية يا ابو فواز
    قمة الابداع والتعبير

    والله ووالله كتبت خمسة مداخلات وفي كل مرة اجدها لا تليق ولا تصف الشاعر المبدع ود بادي فاقوم بمسحها يا ابو فواز
                   Subscribe on YouTube |Articles |News |مقالات |بيانات

06-12-2010, 06:19 PM

صديق عبد الجبار

تاريخ التسجيل: 03-07-2008
مجموع المشاركات: 9329
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: الشفيع وراق عبد الرحمن)

    يديك الصحة والعافي يا الشفيع ...

    والله شيت ود بادي .. شيتاً ما بتوصف .. أسكت خلو ساهي ...!!!

    الله غالب يا قريبي ...
                   Subscribe on YouTube |Articles |News |مقالات |بيانات

06-13-2010, 08:40 AM

صديق عبد الجبار

تاريخ التسجيل: 03-07-2008
مجموع المشاركات: 9329
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: صديق عبد الجبار)

                   Subscribe on YouTube |Articles |News |مقالات |بيانات

06-13-2010, 09:34 AM

صديق عبد الجبار

تاريخ التسجيل: 03-07-2008
مجموع المشاركات: 9329
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: صديق عبد الجبار)

                   Subscribe on YouTube |Articles |News |مقالات |بيانات

06-13-2010, 11:57 AM

Hisham Ibrahim

تاريخ التسجيل: 02-19-2006
مجموع المشاركات: 3539
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: صديق عبد الجبار)

    بوست كدا ،،،


    تسلم يا ود عبد الجبار





    هشام
                   Subscribe on YouTube |Articles |News |مقالات |بيانات

06-13-2010, 12:52 PM

صديق عبد الجبار

تاريخ التسجيل: 03-07-2008
مجموع المشاركات: 9329
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: Hisham Ibrahim)

    تعيش يا هشام ... يديك العافية ...
                   Subscribe on YouTube |Articles |News |مقالات |بيانات

06-13-2010, 03:04 PM

صديق عبد الجبار

تاريخ التسجيل: 03-07-2008
مجموع المشاركات: 9329
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: صديق عبد الجبار)

    وأنا كمان إن ما عجبكم قلت في مروي وكتين كسرها سيل خوير أبدوم قصيدة سنة 78.... !! ويا ها دي :


    "حضان بيوت بي فوق"
    مروي الجمال حزنانة تتذكر ...
    متوسدة الرصيف وبالجميز بتتدثر ..
    سمعت حديث بيجيبوه الناس ...
    بيسرح في قليبي كدر ...
    خوير أب دوم صبح أكبر ..
    وشم ترابو واتشمر ..
    لا عرف صراية لا كمتر ..
    ولا حتى الرصيف
    من تحته ما عمر ..
    و انا البلحيل بعيد منفي بتحسر ...
    على بلداً يمين بطراها كل ما اكبر ...
    بقولو خلاص ...
    ملصت تويبا اللي تحت خدر ...
    وطمست لي حديد القون ..
    وفضل الصدير ...
    حضان بيوت بي فوق ...
    ينوم في مهالع الليل ويتحسر ...
    وعلي بي الله دا الفضل ...
    كت شهاي بيوتاً بي طويب أخدر ...
    صبح منفي ..
    وكمان بكاي طلال بالحيل بتتكسر...
    حليل زمن السعيد بي حمارو يتبختر ...
    يقول بي شديد ...
    معاي السعدي والحرجل ...
    و داك بي هناك ...
    يجلب القش ...
    يصبابق في المغيرب ابدر ...
    مغيرباً باللبن قنانو ما بيودر ...
    يجينا الليل ...
    و إن قماري نسمر ...
    و إن الهلال بي تالا الطريف شمر ...
    بنضحك في ضلام الليل ...
    نقول يا ريت هي تتنور ...
    وهسع لا ضلام نور ...
    وحتى العمار يبس عول ؟؟
    وبرضك لسة بطراك ...
    و برضي انتي الكبير ...
    منديل دموع العين .. وبتذكر !
    بتذكر قعادنا هناك تحت النيمة نتفكر ....
    بنبني بيوت..
    ونمشي دروب..
    ونتفرق ..
    نجر واطة..
    ونعلي بكان ..
    ونتفرق ..
    ننادي النور ..
    يجينا ضلامنا..
    نتفرق ....
    وفي الآخر ...
    نجر الآهة..
    والآهات .......
    وكل ما مرة نتفرق ...
    كل دة بطراهو..
    وبطرا كتير.. !
    يجي الملعون سويل اب دوم ...
    يكب واقودو في الحنضل !!
    لكين خلاص بي الله ما بنفتر ...
    ويمين جاييك يا مروي ....
    و حلف بي الله ما بجفل ...
    دي إنتي اليمة واليابا....
    و إنتي شيالة دريب الريدة بالأول ....
    وانا الببكيك ....
    ما برثيك زي الشاعر القول ...
    يخلي الذكرى أوابة ....
    وتبقى الحروف للطوبة جيابة ....
    ولي كل الأمانى القافية سبابة .....
    أما الكلمة .. !
    للجامع وحتى النادي بوابة ....
    و تبقى الريدة ....
    والطورية ...
    والصبحية .....
    والضواية ......
    هديةً مني ليك يا مروي نماية ...
    في قصيدةً ديمة سواية


    sudansudansudansudansudansudansudansudansudansudan58.jpg Hosting at Sudaneseonline.com
                   Subscribe on YouTube |Articles |News |مقالات |بيانات

06-13-2010, 03:37 PM

الشفيع وراق عبد الرحمن

تاريخ التسجيل: 04-27-2009
مجموع المشاركات: 11654
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: صديق عبد الجبار)

    Quote: إن ما عجبكم

    يعجبنا ونص وخمسة يا ابو فواز



    وااااصل
                   Subscribe on YouTube |Articles |News |مقالات |بيانات

06-13-2010, 05:20 PM

جمال عنقرة

تاريخ التسجيل: 12-21-2009
مجموع المشاركات: 146
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: الشفيع وراق عبد الرحمن)

    سلام ليكم
    سلام لي اخوي محمد ود بادي ود سعيد العكودابي كان بينكم
                   Subscribe on YouTube |Articles |News |مقالات |بيانات

06-13-2010, 05:56 PM

جمال عنقرة

تاريخ التسجيل: 12-21-2009
مجموع المشاركات: 146
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: جمال عنقرة)

    كان لقيتو قول لو
    حال هذا البلد بكاني ما سكتني
    ريدة فيهو كيف كالكاني كيف ملكتني
    الا تراني في العرضة انحسب براني
    والناس البتعرض جوه ما سمعتنى
    الا تراني انبح زي زي خلاني
    والخيل بي عجاجها عمتني
    توبي قصير وما غطاني
    والزيفة ام برد شقتني
    قلت اباصر امرق مرة من احزاني
    وين قبلت
    سفكت دمي واتعدتني
                   Subscribe on YouTube |Articles |News |مقالات |بيانات

06-13-2010, 06:22 PM

صديق عبد الجبار

تاريخ التسجيل: 03-07-2008
مجموع المشاركات: 9329
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: جمال عنقرة)

    Quote: كان لقيتو قول لو
    حال هذا البلد بكاني ما سكتني
    ريدة فيهو كيف كالكاني كيف ملكتني
    الا تراني في العرضة انحسب براني
    والناس البتعرض جوه ما سمعتنى


    يا سلام يا أستاذ جمال ... هذا المقطع ذكرني بقصيدة لأمل دنقل لا أذكر كلماتها الآن ولكنها تتحدث بلسان عنترة العبسي متمثلاً الشعب العربي وبيقول فيها أنه بينادوه وكت الحارة لكن لكن وكتين يجي زمن تقسيم الغنائم والولائم با بطروه ... يار يت لو كنت حافظها .... !
                   Subscribe on YouTube |Articles |News |مقالات |بيانات

06-13-2010, 07:31 PM

صديق عبد الجبار

تاريخ التسجيل: 03-07-2008
مجموع المشاركات: 9329
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: صديق عبد الجبار)

    Quote: كان لقيتو قول لو
    حال هذا البلد بكاني ما سكتني
    ريدة فيهو كيف كالكاني كيف ملكتني
    الا تراني في العرضة انحسب براني
    والناس البتعرض جوه ما سمعتنى


    وجدت الأبيات التي كنت أقصدها الخاصة بأمل دنقل في الرابط: http://www.jehat.com/ar/amal/page-7.htm

    ( وها أنا في ساعة الطعان ...
    ساعة أن تخاذل الكماةُ ..
    و الرماةُ .. و الفرسان ...
    دُعيتُ للميدان !
    أنا الذي ما ذقت لحم الضان ....
    أنا الذي لا حول لي أو شان ....
    أنا الذي أقصيتُ عن مجالس الفتيان :
    أدعى الى الموت ..
    ولم أدع الى المجالسه !!)
                   Subscribe on YouTube |Articles |News |مقالات |بيانات

06-13-2010, 06:15 PM

صديق عبد الجبار

تاريخ التسجيل: 03-07-2008
مجموع المشاركات: 9329
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: جمال عنقرة)

    حباب السلام يا إستاذ جمال ... مرحبابك عشرة بلا كشرة ...

    ويا خي دا شرف عظيم لينا إنك تكون بيناتنا ....

    وياريت لو ود بادي كان معانا .. كانت كملت تب ...

    كل التحايا والتقدير
                   Subscribe on YouTube |Articles |News |مقالات |بيانات

06-13-2010, 06:24 PM

جمال عنقرة

تاريخ التسجيل: 12-21-2009
مجموع المشاركات: 146
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: صديق عبد الجبار)

    سلام أخي صديق
    كنت قبل يومين علي مائدة عشاء مع أحد الأصدقاء الكوارتة، وكان والده حاضراً وجاء اجترار حديث عن المهدية وبطولاتها، فذكر والده مجاهدات أهلنا البديرية وأبناء عمومتهم الشايقية في معركة كورتي، فذكرت بعضاَ من القصيدة التي خلد بها صديقنا ود بادي هذه المعركة الشهيرة (جماجم كورتي بتشابي ما عرفت رقاد) فاسمعوني لها كاملة بصوت ود بادي وسمعنا معها مجموعة أخري من روائعه الخالدات، وكانت منهن عودة الدراويش التي كتبت عنها قبل نحو ثلاثين عاماً، ثم مرثيته الشهيرة لشاعرنا سماعين ود حسن ود حد الزين (ارمي الدمعة فوق الدمعتين يا عين وبعد الليلة الدموع حابساها لي مين)
                   Subscribe on YouTube |Articles |News |مقالات |بيانات

06-14-2010, 07:18 PM

صديق عبد الجبار

تاريخ التسجيل: 03-07-2008
مجموع المشاركات: 9329
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: جمال عنقرة)

    تحية خاصة للأستاذ جمال عنقرة .. وها هي عودة الدراويش للرائع ود بادي :

    Quote: عـودة الـدراويـش

    حال هذا البلد بكانى ما سكتنى
    ريدتن فيهو كيف مالكانى كيف ملكتنى
    نارن فيهو كيف ماكلانى كيف لهبتنى
    الاّ ترانى فى العرضة انحسب برانى
    والناس البتعرض جوه مما سمعتنى
    الاّ ترانى انبح زيي زى إخوانى
    والخيل بى عجاجة عمتنى
    توبى قصير وما غطانى
    والزيف ام برد شقتنى
    قلت اباصر امرق بره من احزانى
    وين قبلتا سفكت دمى وإتعدتنى
    ولا زينوبة آخرت إيدى فى الدنيا أم بناين هش
    من شافتنى جفلت منى خنست فى نوايا القش
    مرادى سلاما يغسل حزنى
    الاّ سلاما زاد احزانى زادنى عطش
    لحقتها فى الفريق اتناسا وانشد حالا
    طلبتها شاى وقست مداسا
    قصرت عينى فوق خلخالا
    لفحت توبا لحقت ناسا
    وقفت غادى عدلت حالا
    غزت كوعه هزت راسا
    لفت جيدا قالت لا لا
    قالت لى شن معناك وشن كسب الرجاك ورجاك
    وشنو الراجنو من تالاك
    زمنك كلو تاكل باردة ماضق شر
    زمنك كلو نحن نعوم وانت تغنى ماسك البر
    وزمنك كلو فوق الفارغة فوق ريح المدن منجر
    الخير إن مرق من دارنا لا انحسيت ولا نحاس القبيلة نقر
    ولينا سنين خلانا سموم وما شربت حفايرو مطر
    منيحه الشافع الاماتو راحن فى شموس الحر
    صقور الباشا نهشن من ضروعا وفوقنا طارن فر
    كلاب الباشا فطرن فيها وما لقن البيقول لها جر
    والباشا الغشيم فى ذاتو قعقع ومن كبادا فطر
    لا ولدن يقولو انتر ولا مهيرتن تقولو فشر
    ويا الباشا الغشيم قول لى جدادك كر

    بعد حكت العليها اتوهدت برزن بروق عينيها
    كست خلاصى بين إيديها ما لقيت البلفقوا ليها
    وقعت دمعة من ود عينى قلت اخفيها
    وقعت عينى ذاتها عليها
    حسبت المسافة البينا قلت امشيها
    كفتنى الصقور بي جيها والبلد اترمت بي جيها
    حكموا كتافى عقدوا لسانى ضاروا وشيها
    غنوا اتهنوا تربوا وشربوا من بكريها
    مصرو ثديها شربوا سلاف معتق من لذيذ شفتيها
    عينى تشوف لسانا وصرختا وثكليها
    عبلة تنادى فى الولد البشق التيه
    عبلة تنادى فى الولد البعرف الجيها
    عبلة تنادى فى الولد البعدلو وشيها
    عبلة تنادى واقفة قصادى مصروا ثديها
    عينى تشوف لسانا وصرختها وثكليها

    هيا ريح الصلاح هبى
    وامرقى من متاريسك
    من طرف البلد شدى
    وسوى البرجى داك ميسك
    بارده علينا تنكبى
    ودمنا زيت فوانيسك
    هو لا شرقى ولا غربى
    بينزف من دراويشك

    والليلة يا ريح الصلاح الهابا فيك راحه وجع
    والليلة الشجر الكبار وحشاه ناقرو السوس بقع
    والليلة حق الناس ببين والليلة بنشوف البدع
    والليلة وين البرقى من تالاك يبين
    والبرق من تالاك سنين
    يبرق كذا سيوف الصحابه الساجدين
    والعاديات المؤريات خرشه جنات فى الارض جات
    والخلوق الضايقة لا قوها اجمعين
    عرب البوادى المن شرق والامه دى المصلوبه
    فوق حبل الصبر لما اتمدت والكادحين
    والصالحين والساجدين والعابدين والزاهدين
    ونفضنا من زمن الجدود صقر السنين
    وسرجنا خيل مسروجة من زمن الحسين
    وعرضنا زين
    وجمعنا غطا المشرقين والمغربين
    واميرنا صاح الرايه وين
    والجمع صاح الرايه وين
    ومشينا بالتاريخ ركبنا على البساط الأحمدى
    كايسين محل وقعت سوارى الرايه
    وانقطعت تواريخ النعوش
    ولقينا باقى الرايه فوق قبر الخليفة الراشدى
    مليانه دماً كيف ندى
    وساريها فوق الفتنة دايخ ومنتكى
    وغسلنا بى دمع الندم قميص عثمان من الدم الزكى
    وعقدنا حبل الدين على طرف القميص المكملى
    والراية زادت من الملى ورفرف قماشا المخملى
    وحرسوها زى سبعين ولى
    ما جلهم حراس الهنا ما جل حراس الأمانة وديدنا
    يات من حوار ختم الكتاب ختم السند والعنعنا
    يات من ولى ودرويش غرق فى الهمهمات والدندنا
    آن الاوان والخير دنا
    اتحزموا السبح الطوال واللوح برق
    ارجونا فوق طرف الجبل مشهادنا نفزع مجدنا
    ايد فى لجام الخيل تقل والتانية فى لجام النفوس
    المادحه فى درك الزمن
    يا امه كسلى ونائمة فى تياب الكسل
    وهواها ماشى مع الأضل
    الخيل مصوبر فى محل والخيل تجقلب فى محل
    بعد العدل والريح صلاح والظلم راح والصاح قدل
    بعد الشروق يا امة وسطا بتشهد فى الخلوق
    بعد الشروق نجمك أفل نعشك غشانا على عجل
    يا امة وافاها الاجل وماتت على سوء الختام
    واخر الكلام فى لسانا كان هبلاً .. هبل
    هبلاً .. هبل
    وسقط هبل .
                   Subscribe on YouTube |Articles |News |مقالات |بيانات

06-13-2010, 06:12 PM

صديق عبد الجبار

تاريخ التسجيل: 03-07-2008
مجموع المشاركات: 9329
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: الشفيع وراق عبد الرحمن)

    قلنا دايرين " نربط حـمـارنـا مع حـمـيــر الكتبة " يا الشفيع إن ما عنكم مانع ....

    طبعاً الكتبة ديل الجماعة الفطاحلة اللي بننقل عنهم ديل .. مش نحن ناس قريعتي راحت ديل ... !!

    تسلم يا قريبي .. وشكراً على الترحاب ..
                   Subscribe on YouTube |Articles |News |مقالات |بيانات

06-13-2010, 06:27 PM

صديق عبد الجبار

تاريخ التسجيل: 03-07-2008
مجموع المشاركات: 9329
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: صديق عبد الجبار)

                   Subscribe on YouTube |Articles |News |مقالات |بيانات

06-13-2010, 06:55 PM

Barakat Alsharif

تاريخ التسجيل: 06-08-2010
مجموع المشاركات: 1247
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: صديق عبد الجبار)

    تجدون شرحا وافيا لهذه القصدة الرائعة على هذا الرابط ومن المدهش أن كثير من مفرداتها (العامية) تعود إلى أصل فصيح

    http://asala-sudan.net/vb/showthread.php?t=210
                   Subscribe on YouTube |Articles |News |مقالات |بيانات

06-13-2010, 07:04 PM

صديق عبد الجبار

تاريخ التسجيل: 03-07-2008
مجموع المشاركات: 9329
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: Barakat Alsharif)

    أخي الفاضل / بركات الشريف ...

    لك التحية والسلام ..

    وألف شكر على تفضلك بهذا الرابط المفيد ..

    وسأرجع للتعليق عليه برواقة إنشاء الله ، فهي محاولة قيمة وإجتهاد مقدر من الدكتور خشان الخشان ...

    تحياتي وتقديري __صديق أبوفواز
                   Subscribe on YouTube |Articles |News |مقالات |بيانات

06-13-2010, 07:22 PM

قرشـــو

تاريخ التسجيل: 02-05-2002
مجموع المشاركات: 11331
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: صديق عبد الجبار)

    الجنيات الغابت جابت
    إنت الجيب بس قايلو قميص افرنجي وكرتونات كرملّة
    لا لا وحاتك
    حاشا وكلا
    ديل يوم عادوا اتلافو الجاهل بحقوق الله
    ديل كم لحقو البشهق ضايق وداوو العلة
    الولد الجاي حقايب سفرو تقال.. تقال
    من جنس كتاب ومجلة
    الحكمة النضم إياهو الكان..
    الحكمة الولد اتوضا وصلّ
    عادة البلد الدخلت فيهم سكنت ..
    سكنت ماب تتخلا
    نحن كمان طارين الحلة
    ودرنا الطلة
    نشيلا معاهم فرح وميتة
    حلاة الموت كان في عبدلة
                   Subscribe on YouTube |Articles |News |مقالات |بيانات

06-13-2010, 09:27 PM

صديق عبد الجبار

تاريخ التسجيل: 03-07-2008
مجموع المشاركات: 9329
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: قرشـــو)

    وهكذا غنى ود بادي للوطن الكبير :

    رضعتك في لبي الامات
    وشلتك زفة في البيشان وفي اللمات
    نميتك غني وأنات
    هسع وفي صباي الفات
    وهزيتك نصايص الليل بوارق
    والذكر تهليل
    وشلتك فوق عواسي الخيل
    مجرتق والرقاب شارفات
    واريدك ياعزيز الشأن
    واناديبك ونادهك في البلاد سودان
    اهاتيبك وكاتمك في الفؤاد اشجان
    الاهيبك وشايلك في الكتف نيشان
    اباهيبك واناديبك
    واهاتيبك واباهيبك
    والاهيبك مولقدة في لهاليبك
    وشلتك لوح
    ادون في نورات الفجر
    اتهجأ في الاخلاص
    وارتل لوح
    ونسماتا دغيش بتفوح
    تتاوق في رواكيب الفريق
    تنكب تدلق في النفوس الروح
    ومجروح السواقي تنوح
    مدد
    مدد ياشيخ ياود التويم
    انا مجروح
    انا مجروح
    وكان الشيخ ينزل في الورد
    ياسبوح وياقدوس
    وبالاشواق مشيتك
    في مشاوير العشق ساساق
    وكانت ألفة ما بين الضراع اخضر
    والشتل مشتاق
    وعتلة الجزيرة ام خير
    وقناديل المقد تحمي رقابا
    وكان زرع العيوش افراق
    ويافرح الحصاد
    والحبة تمرق من سراديب الشتاء
    والجرف المخنوق يفارق قيدو والخناق
    وانحنا نكيل قمحا بلا دهب الخليج
    ساعة الوزن دافقنوا في الاطباق
    كم عرق الترابلا الندا
    علا في الهامات
    وصبا علي الارض نقناق
    ومن شمسا بتقلي الحبة
    تمرق وتبرد في المقيل رقراق
    من الفجراوي
    والعشاوي
    من دمع السواقي السال
    غزيز دفاق
    بيمرق في الحصاد خيرا
    ينسّي الفات
    ويابخت المشيل زملو فاق
    وارتاح من الساساق
    وباكر من غزيز الدمعة
    نوقد في المواسم شمعة
    ويابهجة ليالي الصيف
    هما راق و دما فاح
    يفوح الصندل المعقوف
    يسقي الوادي عطرا يشرق العشاق
    ويصحي الليل
    يلمع فوق عرسنا هلال
    يشلع قرمصيص الفـأل
    حرير في ليل الزفاف براق
                   Subscribe on YouTube |Articles |News |مقالات |بيانات

06-14-2010, 07:28 AM

صديق عبد الجبار

تاريخ التسجيل: 03-07-2008
مجموع المشاركات: 9329
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: صديق عبد الجبار)

    Quote: وشلتك فوق عواسي الخيل
    مجرتق والرقاب شارفات
    واريدك ياعزيز الشأن
    واناديبك ونادهك في البلاد سودان
    اهاتيبك وكاتمك في الفؤاد اشجان
    الاهيبك وشايلك في الكتف نيشان
    اباهيبك واناديبك
    واهاتيبك واباهيبك
    والاهيبك مولقدة في لهاليبك
                   Subscribe on YouTube |Articles |News |مقالات |بيانات

06-14-2010, 06:04 PM

صديق عبد الجبار

تاريخ التسجيل: 03-07-2008
مجموع المشاركات: 9329
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: صديق عبد الجبار)

    .
                   Subscribe on YouTube |Articles |News |مقالات |بيانات

06-14-2010, 07:27 PM

Nazik Eltayeb

تاريخ التسجيل: 11-27-2007
مجموع المشاركات: 2357
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: صديق عبد الجبار)

    هذا البوست من اجمل ما قرأت مؤخرا
    خالص التحايا و الشكر
                   Subscribe on YouTube |Articles |News |مقالات |بيانات

06-14-2010, 07:34 PM

صديق عبد الجبار

تاريخ التسجيل: 03-07-2008
مجموع المشاركات: 9329
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: Nazik Eltayeb)

    شكراً نازك الطيب ...

    هذا من ذوقك الرائع ..

    تحية وتقدير ___________أبوفواز
                   Subscribe on YouTube |Articles |News |مقالات |بيانات

06-14-2010, 08:11 PM

صديق عبد الجبار

تاريخ التسجيل: 03-07-2008
مجموع المشاركات: 9329
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: صديق عبد الجبار)

    Quote: وبالمرة كمل جميلك ونزل لينا الأعمال الكاملة لهذا الرائع ودبادى.
    وتكون كملت الروعة لو فتشت لينا رائعة طه وريا وود دكين واظنها من اعمال العبادى.


    هدية للجميع وخاصة الأخ عبد العزيز الفاضلابي إلى أن نجد الباقيات ؛ رائعة الشاعر إبراهيم أحمد بابكر (العبادي) : يا عازة الفراق بي طال


    ياعازة الفراق بي طال --------

    يا عازه الفراق بي طال
    وسال سيل الدمع هطال
    طريت برق الفويطر الشال
    وساح دمعي البكب وشال
    كمل صبري ومنامي انشال
    لبس من ناري عمه وشال

    أرض آمالي في امحال
    ومن الهم بقيت في أوحال
    وبعدك عزه ساء الحال
    منامي وصبري أضحى محال

    حليل الناسا وناسا
    طريت أم در حليل ناسا
    وكيف أنساها وأتناسا
    ومفتون بي ظبي كناسا

    ولع جوفي جمري الحي
    وما بتطفيه آه وأحي
    فيا زينة ربوع الحي
    لي دياركم يعود الحي .
                   Subscribe on YouTube |Articles |News |مقالات |بيانات

06-15-2010, 11:47 AM

صديق عبد الجبار

تاريخ التسجيل: 03-07-2008
مجموع المشاركات: 9329
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: صديق عبد الجبار)

                   Subscribe on YouTube |Articles |News |مقالات |بيانات

06-16-2010, 11:55 AM

صديق عبد الجبار

تاريخ التسجيل: 03-07-2008
مجموع المشاركات: 9329
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: صديق عبد الجبار)

    الـرســـالة : ود بادي
    الرســـــالة
    بت الخير يجيك الخير
    وصل جوايك الكاتباهو للولد الحتالي
    وكان الظن ترسلي ليه هين هينين من البركاوي
    داك الطعمو حالي
    ولو بالقل شخاليب دوم
    وهنا والله ني ومسيخ وغالي

    سؤالك يمة عن احوالي
    كان شفتيها تغنيك عن سؤالي
    انا اتوكرت في قلب البنادر
    زي غريب شرقان مدلدل في الدوالي
    جات شايلاني حرّة جوف
    انا اتحديت مجالا مومجالي

    مصايب الجامعة
    اكبر من جميع الشفتو ولا سمعتو في ايامي الخوالي
    قعاد الكرسي كان شفتيهو ورم ساقي زي سيد الزلالي
    اقلب في الدفاتر من صباحا بدري لامن تمسي ما بنسي انشغالي
    اسوق الليل تحت ضوء الكهارب
    وديمة هارب من فراشي وهادو حالي
    ده كلو عشان اجيب نمرا انافس بيها واستر بيها حالي

    والله عاد حالة ما بتسر البال ومن يوم ما هديت ما انسر بالي
    سلاطين العلم يايمة ينسوا العشرة في فد يوم يدفروك بره زي دفر الطبالي
    وخايف من اجيك مرفود وهادي الفكرة من ما جيت معشعشه في خيالي
    واخير افتح اضانك قبل ما تلقي فوق اضني ملويات حبالي

    وكان حصل القدر يايمة
    لا تلوموني لومي علي البنادر نورا اقوي من احتمالي
    بناتا فيها رويانات جسومن بالدهون تلصف بلا جلود السحالي
    سبيبن ديمة بالحزم الكبار مبهول مردم فوق قفاهن..وا حلالي
    صدورن طامحة زي موية الدميري الهايجي تكشح في العوالي
    عيونن واسعة تبلع مية زي ولدك تشرك للموحد والضلالي

    وحاتك ضُمّه ما بقدر عليهن
    ساعة اقيف قدامن
    انكس راسي بي قدري وجلالي
    مشيهن سوا زي سرب الغزال
    لكن نفورن مو غزالي
    عدادن مابخبرو الا وين ما امشي الاقاهن قبالي
    وقصاصن ينقّر بي عصاتو
    ومايفرّق دربهن من بين دريبات القماري

    بخورن في سماء البندر يدوخ متل مسك العشاري
    رقيصن ينهزنو بلا الفلو الّلماتو غابن منو في ضل الضهاري
    يجمّع في قفاهو وينطرح
    يتمطّى تتحتحت مفاصلو وده ياهو الفاك جباري
    دلالكين تجيب الضلّ علي متاهات الضهاري
    غناين اصلو ما سمعنابو كنت بقول ليكي الا هسع ما ني طاري
    وطنبورن مبرقع وحسو فاقع لا في كنتر لا ودع فوقو بيراري

    عشوقن في الرقيص يتلوي
    متل سيد المغص يوم يبقي في حالة طوارئ
    والمداين ديمة فايري زي وحوشا في البراري
    والمـآسي كتيرة حاصلة والمكضب يلاقي بوليس السواري
    عاد دي حالتا بقدر اتستر معاها خلاف احاكي الناس واجاري؟

    وانتو راجيني يوم اجيكم بشهادتي وينبسط ضهري وكباري
    وبرضو خايفين من اجيكم بي غربية وفي خجل قايد صغاري
    والقدر بي غادي كاتب ليه شيتا لاني حاري ولا ني طاري
    حاجة واحدة تكون في علمك
    اني جايي وتاني راجع لي دياري

    وياني حمّيد القديم
    الا بس فاقد حجابي وراح سواري
    يمة كتري من رضاكي
    وسلميلي علي المعاكي
    وقولي لي حبوبة زيك نحن شبنا وماك براكي
    سلميلي علي جروفنا وحتى وزينا البكاكي
    سلميلي علي بناتنا وقولي ليهن ماني ناسي
    طاري شلاخا مواسي زي شقوق بيتاً سداسي
    طاري نقشا فوق خدودن بين ضفايرو وشوفو قاسي
    جسمي في البندر ممدد الا بينكم بي حواسي
    سلميلي علي البكادن والبشتت في التقاوي
    في الكرد محراتو قالع وصوتو فوق تيرانو عاوي
    ماحزم بقجة ثيابو وقام فجر لاحق اللواري
    اخيرو يحفر في جروفو مالو مال حفر المجاري

    سلميلي علي الضرايح والفضل من الخلاوي
    والفقير الفوق حصبرو يكتب البخرة ويداوي
    مع السلامة ودعتك الله
    ولي وصيتك ماني ناسي
    لي شفقتك مافي داعي
    وابقي عشرة الراعي واعي
    في بحور اهل البنادر من زمن طالق شراعي
    كان نحجت بجيك غانم
    وكان فشلت بجيك ضراعي
                   Subscribe on YouTube |Articles |News |مقالات |بيانات

06-16-2010, 06:09 PM

صديق عبد الجبار

تاريخ التسجيل: 03-07-2008
مجموع المشاركات: 9329
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: صديق عبد الجبار)

    Quote: سلميلي علي الضرايح والفضل من الخلاوي
    والفقير الفوق حصبرو يكتب البخرة ويداوي
    مع السلامة ودعتك الله
    ولي وصيتك ماني ناسي
    لي شفقتك مافي داعي
    وابقي عشرة الراعي واعي
    في بحور اهل البنادر من زمن طالق شراعي
    كان نحجت بجيك غانم
    وكان فشلت بجيك ضراعي
                   Subscribe on YouTube |Articles |News |مقالات |بيانات

06-16-2010, 10:07 PM

صديق عبد الجبار

تاريخ التسجيل: 03-07-2008
مجموع المشاركات: 9329
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: صديق عبد الجبار)

    Quote: كتب محمد بادي في جدّه "سعيد ولد بادي العكودابي"


    بعد عشرين حسبتها يابا يوم فوق يوم وعام فوق عام حنينكم طش فى طشيش
    ويا مالقيت تملى الحنين جمام
    اتلفحت شال الشوق احادى الراحلة لا قدام
    كسحت شمال وحس طمبوركم الولوال نحاس ابواتكم الرزام صليلن
    يصحى فى الشوق اذا ما نسم النسام
    نزلت قرير اهالى الشان بعشو الضيف بخيلم فنجرى وعزام
    كرفت الطينة ارث الفات وما كفانى الا بركت فوق الدار واتنسمت من السام
    شرفت على رمال القوز واترحمت على حرزا هناك مركوز
    على راسم سريع النهمة كان ودتوم وكان فى الماضى مو نوام
    ردفت الصيحة فوق الصيحة واتحزمت ابكى رجال
    بكيت سيوفن المدروعة فى الحيطان وزى ما هم رقادن طال رقادن طال
    بكيت فرواتن المفروشه للجهال ويا ما قال ويا ما قال ويا ما عرض الصهال
    نشدت الفى الضريح راقدين عليكم الله يا خالدين
    عليكم عزتن كان زمن زينكم ودنياكم لبن معسول وتشربوا فيها بى هينكم
    جدى سعيد ولد بادى العكودابى دحين يا ابواتى كان بينكم
    قالوا اتربى فوق خيركم ويوم الحارة شايل شيلتو من شيلكم
    يخالطكم قداحة الخير ويتحزم وكت شينكم
    وشكاراتو سمعن قولى قالن سى بدن شكرو وقالن لى يمين ما قلت فى
    جدك كلام قدرو وكل القلتو فيه قليل وما قارب عشر عشرو
    الصهالة والوقالةوالرقالة وام غره هو ركابن
    الجهتية والقطنية والمحوية وام درة الباريها حلابن
    العشاية والشاشايةوالسباية وام ضرة لى ضيفانو بسخاين
    المزروعة والمقروعة والمفدوعة لا برة متمسح ديمة قيسابن
    المفزوعة والمقلوعة والممنوعة بالمرة كان من مافى جيابن
    راكب الفصلوا انسابن ودايما قدمو فى ركابن
    اسود الغابة غلابن وبعرف يكسر انيابن
    حلفوا الشافوا قدحو الحار وشافو كتار وماهو كضب
    قالوا وساعو مركب زان يشيل اطنان وخرسو هلب
    جفير سكينو دمو ينز وداك برادو واسكت كب
    اهل السايحة والمتراوحة خاتمة وعاقبة بى قدامو سوا درب
    ده ماهو كتير على ولدا مربى على ضفاف النيل
    ويوم ولدوه دفنو ابواتو صرتو فوف مراقد الخيل
    عكود الكان بعبر الكيل يمين الدنيا جاتو هينة ولينة بالخيرات مشيلة شيل
    سواقى تسوق تلوت الليل ونخلوا متنى شايل العجوة والقنديل
    عيوشو مصوبرات كيمان وعيش الريف ولد تيمان وخاتى البودة والعسيل
    ده شيتا كم دقون شافنو بين شفقة وحرص عبدنو والعقار لعابن يسيل
    الا سعيد الطلق الزايلة وخطب بى مالو دارا خالدة كان عزام وباعو طويل
    بساطو الاحمدى المحضور غدا وعشيات ملاقية فطور وديمة ضيوفو ديل فوق ديل
    يختف من مطايب الدكة لى ضيفانو ما ضباح حميل ######يل
    طحاناتو ما نامن جبال اللقمة كم عامن فوق سمنا مصفى تقيل
    ويوم الودع الحبان ونورو الضاو تحت التراب ما بان
    كان الفقد فيهو كبير وكان اليوم ده ما خاتنو فى الحسبان
    وكان ميراثو كل ميراثو قدحا ناز وسيف فولاذ وفروة ناس اصال وعزاز وسبحة
    ملانة يا حنان ويا منان
    قبل العم وقبل الخال بكوا العدام ..بكوا الايتام بكى الكرم الصبح
    مشلول وكل ابواتو راحو وغابو فى الرهبان
    ونحن عشنا لازمنا قبل ما يبنوا فيه البيت يكوسو الطبلة والجنزيز مع البيبان
    زمان الصالة والصالون زمان الرغوة والبالون حليل الكان
    حليل الدانقة والديوان
    حليل النافق اموالو وتدى يمينو وما تعرف حسابو شمال خليك من يعرفوا فلان
    كل فضيلة فى الاجداد ابت ما تبقى فى الاحفاد ومسكت فى النعوش
    الطاهرة واندفنت مع الجثمان وكل مكارم العابرين معاهم راقدة فى شبرين
    وبقت امجادنا كانوا زمان وكانوا زمان
                   Subscribe on YouTube |Articles |News |مقالات |بيانات

06-17-2010, 04:35 PM

عبدالبديع عثمان

تاريخ التسجيل: 08-08-2009
مجموع المشاركات: 290
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: صديق عبد الجبار)

    Quote: قول ما ذلة ..




    اعتقد ان الاصوب ما دلة(بكسر الدال)


    وليس ماذلة
                   Subscribe on YouTube |Articles |News |مقالات |بيانات

06-17-2010, 08:36 PM

صديق عبد الجبار

تاريخ التسجيل: 03-07-2008
مجموع المشاركات: 9329
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: عبدالبديع عثمان)

    Quote: الاصوب ما دلة(بكسر الدال)


    وهو كذلك .. معك حق أخي عبد البديع .. هذا هو الصواب، لم أفطن لهذا الخطأ ...

    شكراً على التصويب ..

    كل الود والتقدير ____ أبوفواز
                   Subscribe on YouTube |Articles |News |مقالات |بيانات

06-22-2010, 07:15 AM

صديق عبد الجبار

تاريخ التسجيل: 03-07-2008
مجموع المشاركات: 9329
للتواصل معنا
FaceBook
تويتر Twitter
YouTube



Re: أنا أخو البت اللكعت ... قرن الخمرة النازة (Re: صديق عبد الجبار)

    بحر المودة - السر عثمان الطيب

    بحر المودّة "يا يُمّــه"
    شوفي الزمن يا يمه ساقني بعيد خلاص
    دردرني وإتغرّبت وإتبهدلت ورّيني الخلاص
    ساقني القدر منّك بعيد لأذاي كاس . . جرّعني كاس
    يا يمه يا فيض الحنان الما كمل
    يا يمه يا بدري البشع دايماً يهل
    يا يمه يا نور الصباح وكتين يطل
    وا شري يا زينوبة ولدك في بحور الشوق كتل
    محروم من الحب والمحنة وراك همل
    يا يمه يا بحر المودة وكتين يفيض
    يا يمه يا شعلة أمل زادت وميض
    يا يمه يا عنقود كلام منظوم قريض
    يا يمه يا نغماً حنين بالشوق يرن
    وافكاري فيهو بيرتعن
    دمعاتي شانو بينزلن
    بتذكّرك يا يمه في الدغش النسايمو يهبهبن
    قايمي الصباح متكفلتي وشايلي الحليلي على المراح
    والساعة ديك يا دوبو ديكنا بدا الصياح
    والطير صغارو يغرّدن . . جبتي اللبن بي إنشراح
    وإتذكّرك يا يمه في ساعة الهجير
    صالاكي نار الدوكي عستيلنا الفطير
    رشيتي قلتي اكلوهو خير
    وإتذكّرك يا بسمة الطفل الغرير
    وكت الخلوق ترقد تنوم
    وارقد براي ارعى النجوم
    والشوق يرف جنحيهو بي فوق لي يحوم
    واهتف باسمك في الخيال
    طيفك بي فوقي جال
    واتمنى لو لحظات يدوم لكني فجأة ألقاهو زال
    وإتذكّرك يا يمه ساعة الناس يجونا من البلد
    ناعم ترابا علي جسيماتن رقد
    ريحة التمر فوق الهدوم لون الخدار خانس لبد
    والشوق أوارو بيشتعل . . كان ظني فيهو يكون خمد
    وإتذكّرك يا يمه والناس قالوا قايمين البلد
    رصوا الهديمات عدّلوا
    ركبوا اللواري وقبّلوا
    خلّوني وحدي بلا أنيس كيف إنفرادي إتحملّو؟
    شالوا السلام من عندي ليك وإن شاء عندك يوصلوا
    يا يمه ساعة يوصلوا
    ويقولوا ليك .. شفناهوا في بلد الأمان
    مبسوط ورايق في أمان
    إنبسطي يا نبع الحنان
    وأنا حالي يشهدبو الزمان
    يا يمّه . .
    رسّلي لي عفوك ينجيني من جــــور الزمان

                   Subscribe on YouTube |Articles |News |مقالات |بيانات

اراء حرة و مقالات

Latest Posts in English Forum

Articles and Views

اخر المواضيع فى المنبر العام

News and Press Releases

اخبار و بيانات

SudaneseOnline at YouTube

SudaneseOnline at Pinterest

[رد على الموضوع] صفحة 1 „‰ 1:   <<  1  >>

تعليقات قراء سودانيزاونلاين دوت كم على هذا الموضوع:

أنا أخو البت اللكعت ... قرن الخمرة النازة فى FaceBook

· دخول · ابحث · ملفك ·

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
News and Press Releases
Articles and Views
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de