|
Re: أهي ؟؟ حقنات طلق .. أم جرعات مسكنة .. والألم ياهو الألم (Re: جلال جبريل)
|
قريبي المنسي وين بلودك ياملك ............................................ ............................................
مرحب ودجبريل مرحب خريفنا الزارنّا
ويا الحزن المعشعش فينا وقبل يلدونا بطون أماتنا
شكراً كتير ووفير يا ودجبريل مسعول من الخير أخبار صاحبي كيف طول مني بالحيل وغائب لكن في القلب محفوظ
| |
|
|
|
|
|
|
Re: أهي ؟؟ حقنات طلق .. أم جرعات مسكنة .. والألم ياهو الألم (Re: خالد علي محجوب المنسي)
|
الحزن المالح عطّن فرح الحلّة في ليلة الدُخلة الحزن المالح قطع الخرزة وقلع الرشمة .......................................................... ..........................................................
وكما عودنا دوما الشاعر الجميل محمد طه القدال إنتقا ء المفردة المتحركة التي تكسب أشعاره طعم خاص ولون مخصوص ووقع يلمئ الأذن والشعور بهجة وأنت نسمع لنشيده
نراه لم يقل الحزن بل قرن الحزن أنه كان حزناً مالح والملح طعمه خاص نذوقه في الفم بدءً في الجوف له مفعوله
عطّن : يا سلام ويا لها من مفردة عطن أي سكب عليه سائل وزي مابقولوا أهلنا أعطن الهدوم أولا وبعدين أغسلها .. أي اغمرها بالماء الحزن المالح عطن فرح الحلة ومتي ؟؟ في ليلة الدُخلة وليلة الدخُلة معروفة يوم فرح الفرح فما بالك أن تكون تلك الليلة معطونة بحزن مالح فهذا هو الحزن المعشعش
الخرزة والرشمة الخرزة هي السوميتة وهي زينة للمرأة الرشم هو معروف الرشيم الأخضر
| |
|
|
|
|
|
|
Re: أهي ؟؟ حقنات طلق .. أم جرعات مسكنة .. والألم ياهو الألم (Re: جلال جبريل)
|
إسعل منك الخير ياود أعمي
صاحبك كانت الإلتخابات تاعباهو
لكن الحكاية هدنت شوية اليومين ديل .......................................................... .........................................................
الحمد الله أنتهت بي خيرها وشرها ونحمد الله أن تدارك شرها برحمته علي أهلنا
خلاص مادام هو بعيد أنت خليك قريب
تحياتي ومودتي
| |
|
|
|
|
|
|
Re: أهي ؟؟ حقنات طلق .. أم جرعات مسكنة .. والألم ياهو الألم (Re: خالد علي محجوب المنسي)
|
مبروكة الصرخة الأولى علي لسنات الحضروا المولد جات محتشمة فوق جاه الحلّة الشايلا الحفة .............................................................. ............................................................... ومبروكة الصرخة يومها الصراخ صراخات صارخ أم أضنها ألم الولادة صراخ طفل خارج يشم أولى نسمات هواؤ ومنتظره كون فسيح يمشي فيه خطئ قد يصيب وقد يضل وكلو في علم المولى في كتاب مسطور صرخ وزغاريد فرح علي لسنات الحاضرين المولد
ومن حكمه أن جعل أول مايسمعه الوليد آذان يفتح له خيراً على دنيا مليئة بالمحن
لذا كان القول أن الحياة قصيرة فهى مدة قصيرة من زمن تقاس بالمدة بين الأقامة والصلاة فنقم الصلاة بالأذآن في أذن الطفل ويصلى علينا يوم نموت دون أقامة وما بينهما هو حياتنا التي قد نمل منها وهي قصيرة ونحن لا ندري
| |
|
|
|
|
|
|
Re: أهي ؟؟ حقنات طلق .. أم جرعات مسكنة .. والألم ياهو الألم (Re: خالد علي محجوب المنسي)
|
لا سيرة تدق لا زين لا حُق
>>>>>>>>>>>>>>
لا سيرة تدق
ويا حليل السيرة لما كانت تمرق عصر ويا حليل السيرة لما بالمهر ,, تسرج المهر من عصراً بدري وتزان للعريس في جبينو الهلال يلالئ زين هلال شوال يحمل بشرى وفرحة بعيد والعيد لقاء الأحباب والبعيد والغائب
شدو لي الحصان الغليد برّو وين المتلو هو ووين البشبهو ياود العزاز الجماعة جو يلم لي علي يضو ساحة أبو
لا زين لا حُق
الزين يقصد بها العديل والزين أو البنينة وهي قصيدة تعد للعريس توصف فيها محاسنه .. وعادة تعد البنينة الأم أو خالة أو عمة
منها ....... الليلة ليل العديل والزين الليلة العديلة تقدمو وتبرى
وغيرها كُثر
والحق معروف وفيه تحفظ العطور البلدية وصار في زماننا هذا مدعاة حفظ تراث يملك ويوضع رمزاً لحضارة وثقافة قديمة
| |
|
|
|
|
|
|
Re: أهي ؟؟ حقنات طلق .. أم جرعات مسكنة .. والألم ياهو الألم (Re: هاشم أحمد خلف الله)
|
ود محجوب أخوي كيفنك يا ملك يشهد الله مشتاقك كتير كنا في سيرتك أنا وود عمك آمير الجمري قبل إسبوعين >>>>>>>>>>>>>>>>>>>>>>>>>>>>>>>>>>
الجميل هاشم خلف الله وأين من عينيّا هولاء الشعراء وأشواقنا تفيض فيض النيل بكرا وأروحنا متشحتفا لي لُقاكم يا كرام ربنا يجمعنا بنا في ساعة مبارة
هذا البوست بالذات يوجب وجودك ووجود كل شاعر في المنبر وكل مهتم بمجال الشعر لأني سوف اناقش فيه كل كلمة حزينة كتبت شعرا
تحياتي ومودتي وربنا يقدرنا على جزاكم بارك الله فيكم تحياتي عبرك لامير الجمري والجمرة بتحرق واطيها
| |
|
|
|
|
|
|
Re: أهي ؟؟ حقنات طلق .. أم جرعات مسكنة .. والألم ياهو الألم (Re: خالد علي محجوب المنسي)
|
في هذه الأبيات التي نظمها محمد طه القدال قد يكون الموضوع ( التيما ) التي حركت وجدان الشاعر فأفرزت روحه كلم طيب قد يكون الموضوع غائب عنا تماماً فنقرأ قصيدة حليوة مثلاً وكل منا يفسرها حسب هواه الحزين قد يكون الحزن لفقيد .. الفقد فقدان ... موت غيب حبيب وعزيز أو حبيب هجر واختار البعاد في موت عبرة والموت سنة الحياة فيكون الجرح حزنا ويبرئ .. ونحمد الله الذي غرس فينا خاصية النسيان وهو نعمة من نعم الله علينا لكن في الثانية يظل الحزن مكابدنا وفي أكبادنا يبني ويشيد ويحل ويرحل السكان ينفجر بركانه كلما وقعت على مسامعنا كلمة حزينة في شعر أو نثرا فنحن لا نعشق الحزن لكن الحزن قد هوانا وأصبح هوانا ولا إرادة لنا ولايد لنا في ذلك
| |
|
|
|
|
|
|
Re: أهي ؟؟ حقنات طلق .. أم جرعات مسكنة .. والألم ياهو الألم (Re: خالد علي محجوب المنسي)
|
محويب الصبر الربط ربط وفضّل وكان برواز في الخلوة معلق فوق برواز الجد الأكبر يابرواز الصبر جميل
تعجبني دوماً الكيفية التي يصهر بها الشاعر محمد طه القدال الكلم والمفردة العامية ويخرجها لنا في ثوب جميل مغاير فتصبح الكلمة الجامدة متحركة بصياغه العجيب نجد نفس المفردة بنفس حروفها يصوغها ويشكلها بعد صهرها فتخرج في ثوب بديع كأنك تسمعها لأول مرة فتبدأ الإشارات ترسل من الأعصاب للمخ للأذن فتعيها وهي كانت مفردة جامدة لكن بعد ان يخرجها لنا القدال تجدها
فقد أجاد القدال هذا الفن وأتقنه والمتمعن في شعره يرى هذا واضح جلي ينتقي القدال المفردة فتكسي شعره جمال ولون خاص
| |
|
|
|
|
|
|
Re: أهي ؟؟ حقنات طلق .. أم جرعات مسكنة .. والألم ياهو الألم (Re: خالد علي محجوب المنسي)
|
سجم وضؤنا نائب فاعل اوع تكتب ينقض وضؤئنا - اكتب ينقض وضوؤنا
انت ادبي ولا علمي يا سجم ؟ ....................................................................................................... ....................................................................................................... ههههههههههههههههههههههههههههههههههههههه
وأنت هو ولا نائبه أللهمَّ أكفينا شره وشر نائبه
أنا أمتحنت أدبي أحياء
تحياتي ومودتي
| |
|
|
|
|
|
|
Re: أهي ؟؟ حقنات طلق .. أم جرعات مسكنة .. والألم ياهو الألم (Re: خالد علي محجوب المنسي)
|
المتأمل لأشعار الشاعر محمد طه القدال على العموم قصيدة حليوة على وجه الخصوص نجد أنها من القصائد التي سكب فيها الشاعر روح جماله الشعري زينها بمفراته العميقة ذات المدلول العالي الذي يبهر الروح عند سماعه لها ...... فيها من الصياغ والموسيقى الشعرية والبلاغة والمفردة العميقة تجعلك تحتار .... هل القدال هذا يخالطه جن يأتي له بهذا الكلم الطيب العجيب ...كيف تأتيه الفكرة وكيف وكيف فعلاً أمر محير الشعراء يتبهم ....................
لله درك الشاعر الشفيف محمد طه القدال وقولنا ليك زيد وزيد ونحن عطاشّه
| |
|
|
|
|
|
|
Re: أهي ؟؟ حقنات طلق .. أم جرعات مسكنة .. والألم ياهو الألم (Re: الطيب شيقوق)
|
منو السمع بالترقيع الفوق دا؟ يمكن دا س ...........ليك الليلة لخبط
اعمل ليهو مجلس تاديب الكلب ........................................................................................... .......................................................................................... الجهبوظ يا شيقوق سمعت الطيب عبدالله ود اليماني بقول
لو خلاص قلبك نسى الأيام معايَّ برضو راضي .. في الغرام كم ضحايّا بس تأكد يا جبيبي .. إنو حبك في دمايّا
وبي الأمل صبرت قلبي وهل يفيد الأمل هل يعيد الحبيب الذي حبذ البعاد ؟؟ وهل وهل؟ لآمن تكمل الهلات لو جاز جمعها هكذا سبويه
تحياتي ومودتي
| |
|
|
|
|
|
|
Re: أهي ؟؟ حقنات طلق .. أم جرعات مسكنة .. والألم ياهو الألم (Re: الطيب شيقوق)
|
جايي اتبرك ساى حاريك من الصالحين آآآآآآآآآآآآآآآآ الشوم .................................................................................. .................................................................................. ناس خير السيد جو جو الأهلو بعيد جو جو
قال ود الحليوة لي عمتنا لينا قالت يا ودالحلوية خليتك لي شيخي ودحسونة قام رد ليها قال : شيخك حسن ودحسونة داير سوي لي شنو ؟ والله أقوّم لي شيخي سلمان ودالعويضية إلا يخلي يضرط الضحى الأعلى
هههههههههههههههههههههههههههههههههههههههههههههههههههههههههههههههه
تحياتي يا الشوم دي اضرب ليها تلفون مخصوص لي شاعرنا الاديب جماع وأخونا الزبير
| |
|
|
|
|
|
|
Re: أهي ؟؟ حقنات طلق .. أم جرعات مسكنة .. والألم ياهو الألم (Re: خالد علي محجوب المنسي)
|
ما أقسى الليالي ........ كل ساعة كل دقيقة كل ثانية كل فانية لو فضل في العمر فانية والدنيا فانية ويبقى وجه ربك ذوالجلال والاكرام
تمر كل أشكال الزمن ثقيلة ...... مؤلمة .. موجعة آهات وألم فراق وحرقة .. عنيدة يكسوها الهم والغم وطعنة في الجوف توغز القلوب وما هماها تساهر بيك سهر الضرس ومن الضروس ما يسكنه القرنفل أو قصعة من تماك عماري نمرة واحد ..... لكن ألم الفراق قاسي سرفت عبوة الأهات والزفرات المؤلمة والحسرات منه ....... حيناً رضاء وحيناً عتاب ىبطعم الحنين لوم تغمره محبة وحنان ...... وقلبي مابعرف يعاددي لا لا مابعرف يعادي ومهما يبدأ القسوة قلبك تلقى بي الحنية بادي ومابعرف يعادي
| |
|
|
|
|
|
|
Re: أهي ؟؟ حقنات طلق .. أم جرعات مسكنة .. والألم ياهو الألم (Re: خالد علي محجوب المنسي)
|
أيوا صحيح شقي ومجنون انتو سبب جنوني يا حلوين
هو جنون العشاق من شوية .... ديل لازوا يحملون ألم الفراق وليه ما يجنّو
فجني ما من شوية العلي كتير وكبير جنوني عيون عيون وكيف أوصفها من جمال جمالها هي عيون نصاح دي عيون لو ........ لو شافها عطشان السنين يروى وبرضو ملام ... وتقولوا علي شقي ومجنون ليه ما أجن وأزيد في الجن بث انتو حنو يا حلوين في حنانكم الصبر كلو نمد حبلو وليه اخترتو البعاد والفراق جنوني عيون
| |
|
|
|
|
|
|
Re: أهي ؟؟ حقنات طلق .. أم جرعات مسكنة .. والألم ياهو الألم (Re: خالد علي محجوب المنسي)
|
في الفراق راحة المفارق وعذابات المهجور والهجر حرمان
أنا التايه وانت تايه في دلالك
وماخصاك
حال حال .. والليل البشيل الناس بشيلو هموم وليلي في مشيته مر السحاب ريث أقاسي مرارة الحرمان وأغالب دمعة المحروم أتعذب سنين وشنين ماضقت طعم النوم طعم ألم الفراق مراً لا بتلاك ولا بنزل وكثير أمثالي من هجر الحبيب جنّو وليه ما أجن وأزيد في الجن بث أنتو يا حبايب حنّو
| |
|
|
|
|
|
|
Re: أهي ؟؟ حقنات طلق .. أم جرعات مسكنة .. والألم ياهو الألم (Re: خالد علي محجوب المنسي)
|
Quote: الفراق طعمو مر الله لا شاف حدا طعم فراق عزيز في الفراق نحس خوو القليب من كلمة محنة وحنان كلمة حب داري وماكا داري عايش والروح بعيدة سابحة في غمرة الاشجان بين الناس أنت غائب .. سارح ترعى غنم أبليس وجليس الخيال تجتر من ماضي الذكريات |
الله يا ود محجوب مالك علينا طاري الفراق ياما ما دموعنا جرت لناس عزاز علينا إتفرقوا لا عرفنا أخبارهم ولا الخيال قدر يلحقهم مالك علينا يا خالد ما كنا كويسين وفي حالنا وبنحاول ننسى او نتناسي الله يسامحك بس .
| |
|
|
|
|
|
|
Re: أهي ؟؟ حقنات طلق .. أم جرعات مسكنة .. والألم ياهو الألم (Re: adil amin)
|
ارحل اخلي ليك سودانيز دي آآآآآآآآآآآ الشوم؟ >>>>>>>>>>>>>>>>>>>>>>>>>>>>> ..................................................................
يا ودشيقوق الرحول عز العرب
لكن نحن مابنرضى البجيب زعلك وما بنرضى البفرق إتنين
ورينا المضايقك شنو ومن العين دي قبل الأخرى نحن في حضرة كلام واشجان وحسرة وآهات كل من ضاق الحرمان وألم الفراق المر
فلو كانت أحزاننا تؤذيك ماعاش من يؤذي شيخ العرب لكن طلبنا أن تفسح لنا مجال ننفس عنما بدواخلنا من الحزن ونحن قوم نعشق الحزن والألم ( تشوبنا شئ من سادية عاطفية )
تحياتي الغالي ودشيقوق
الليلة وانا في هذه الحضرة الحزينة نازل مني
| |
|
|
|
|
|
|
Re: أهي ؟؟ حقنات طلق .. أم جرعات مسكنة .. والألم ياهو الألم (Re: خالد علي محجوب المنسي)
|
Quote: يا ودشيقوق الرحول عز العرب
لكن نحن مابنرضى البجيب زعلك وما بنرضى البفرق إتنين
ورينا المضايقك شنو ومن العين دي قبل الأخرى نحن في حضرة كلام واشجان وحسرة وآهات كل من ضاق الحرمان وألم الفراق المر
فلو كانت أحزاننا تؤذيك ماعاش من يؤذي شيخ العرب لكن طلبنا أن تفسح لنا مجال ننفس عنما بدواخلنا من الحزن ونحن قوم نعشق الحزن والألم ( تشوبنا شئ من سادية عاطفية )
تحياتي الغالي ودشيقوق
الليلة وانا في هذه الحضرة الحزينة نازل مني |
الناس ديل كتار انا قايل شغالين تبادل في الدوامات - زول الليلة دا فيهو خير
| |
|
|
|
|
|
|
Re: أهي ؟؟ حقنات طلق .. أم جرعات مسكنة .. والألم ياهو الألم (Re: الطيب شيقوق)
|
الله يا ود محجوب مالك علينا طاري الفراق ياما ما دموعنا جرت لناس عزاز علينا إتفرقوا لا عرفنا أخبارهم ولا الخيال قدر يلحقهم مالك علينا يا خالد ما كنا كويسين وفي حالنا وبنحاول ننسى او نتناسي الله يسامحك بس .
>>>>>>>>>>>>>>>>>>>>>>>>>>>> ................................................................ ................................................................ يا هاشم لو تركنا الحزن ........ هوبتركنا دا بنى فينا بين العظم واللحم الدموع ودموع الرجال شواهد الرجل ماببكي من هيّن ...... إلا إذا تمكن ونفضل جارين وراء سراب وما أحلى الجري وراء سراب المحبوب نحن قوم يا هاشم أصبحنا نعشق الحزن ونتلزز به ( وهذه هي السادية العاطفية بعينها )
ونظل نبكي من كتبو الفراق على طريقنا وربنا لا يضيق حدا ألم الفراق والبين
تحياتي هاشم وخليك قؤيب الكلام دا بهمك
| |
|
|
|
|
|
|
Re: أهي ؟؟ حقنات طلق .. أم جرعات مسكنة .. والألم ياهو الألم (Re: خالد علي محجوب المنسي)
|
الاخ العزيزخالد سلام تذكارعزيز لابراهيم...من اكثرالاغاني حزنافي نظري
خاصةمقطع(احسو في روحي اغتراب >>>>>>>>>>>>>>>>>>>>>>>>>>>>>>>> ......................................................................... .......................................................................... الأخ الكريم الظريف عادل محمود وكما يحلو لك عادل أمين وفعلاً أنت أمين لمبادئ خطها عقلك في طريقك
وربنا يوفقك أتفق معك أن هذه من الأغاني التي تدمي القلوب عند سماعها ووين الصلات ؟ وين الشموع ؟؟ الفي دروبنا منورات بقت هموم أحزانا أحزان والحزن الفينا لو قسم على أهل الأرض لشقاهم الهم والشجن وبرضو صابرين نحن قوم نصبر على الشدائد ونشيل الهم ونضحك ضحك يبكينا من الداخل ونظل نحمل البسمة والضحكة رغم الأحزان الفينا والمعين هو رب كريم لا ضيم عنده لو ظلمونا الحبابيب ينصفنا هو الكريم والواحد الأحد
سوف أنزل نصها
تحياتي عادل وخليك قريب
| |
|
|
|
|
|
|
Re: أهي ؟؟ حقنات طلق .. أم جرعات مسكنة .. والألم ياهو الألم (Re: خالد علي محجوب المنسي)
|
جرحي الأليم الشايلّو تذكار طول حياتي .. أسى وهموم
جرحي الدفين .... ياقلبي طول عمرك أنين داريتو في الأعماق سنين غنيتّو لي العُشاق حنين غربة وشجون غنيتّو أجمل أغنيات وأصبح مجرد ذكريات وين الصلات ؟ وين الشموع ؟ الفي دروبنا منورات بقت هموم تذكار تشيلو جرح أليم
أصلو القلوب الهايمة تعشق في الجمال بضيع سنينها الحلوة في الريد إبتهال ولهانة تحلم بي الوصال مسكينة تحلم بي بالمحال لي متين بتبني قصور رمال ؟
ماكفاية يا قلبي الحزين وأكتر شباب عمرك هدر شال النضار الكان مفرهد ومزدهر خلى الجفاف .. خلى اليباب الكل ساعة بعيشو لحظات من سراب أحسّو في روحي أغتراب بحسو شوق وشقى وعذاب نـــار في الضلوع وجرح أليم تذكار عزيز ياقلبي شايلو أسى وهموم
| |
|
|
|
|
|
|
Re: أهي ؟؟ حقنات طلق .. أم جرعات مسكنة .. والألم ياهو الألم (Re: الطيب شيقوق)
|
عان خليقتو الما بتحنن <<<<<<<<<<<<<<<<<<<< .............................................. .............................................
قالوا ياود شيقوق عثمان حسين عليه رحمة لما يشوف في الحفلة بنت حلوة بترقص بغني كل جميل من أشعار حسين بازرعة ولما يشوف واحدة شينة بترقص بغني ( معاك ياطيبة الأخلاق )
مع أني من أنصار الخُلق قبل الخِلقة
| |
|
|
|
|
|
|
Re: أهي ؟؟ حقنات طلق .. أم جرعات مسكنة .. والألم ياهو الألم (Re: الطيب شيقوق)
|
وما فضل لنا غير ذكرى الأحباب نجترها وهل يشبع ما أجترَّ
نجتر حلاوة وطعم شهد الهوى الكان معهم حب كان زادنا في الشوار الطويل والدروب شائكة وإيه أنا عندي في الدنيا فؤادي انتو مالكنّو شبابي الكنتَّ بحلف بي ودرتوهو من بدري الصبر كملتو بي صبري أساهر الليل برايا وبي شوق السنين ممكون وأتحسر وأشيل الهم علي يوم بكرة كيف حايكون
وليت بكرة مايصبح بعدكم يا أحباب وليت الفراق كان فنانا
| |
|
|
|
|
|
|
Re: أهي ؟؟ حقنات طلق .. أم جرعات مسكنة .. والألم ياهو الألم (Re: خالد علي محجوب المنسي)
|
حمدك يا الله - انا اصلي عارفك من زمان كدا
اكان ما بقيت كدا كان زمان فكيت صحبتي معاك ................................................................... ...................................................................
الحب يا شيقوق طريقه للقلب لا يقارب الأجسام يملكه زمام الحنان والطيبة والعطف وحسن المودة
تملكك المحبوبة بالصفات الطيبة الكلمة الأحساس والمشاعر تدفق شوق وحنين وعطف وعاطفة ومودة وحب يل الببقو
وكلو بمضي
تحياتي
| |
|
|
|
|
|
|
Re: أهي ؟؟ حقنات طلق .. أم جرعات مسكنة .. والألم ياهو الألم (Re: خالد علي محجوب المنسي)
|
قال محمد طه القدال
الحزن المالح عطّن فرح الحلّة في ليلة الدُخلة الحزن المالح قطع الخرزة وقلع الرشمة
مبروكة الصرخة الأولى علي لسنات الحضروا المولد جات محتشمة فوق جاه الحلّة الشايلا الحفة
لا سيرة تدق لا زين لا حُق لا خالة تحن لاعمة تحنن ولا إخية حتى الزغرودة الأغرودة مجروجة وباهتَّ وملغية كل المواعيد أحلام الريد الأغنية صبحت مهزومة ومتكية
ومن الحزن تولد أجمل وأعمق التعابير نحن هنا في حضرته نلتمس بعض سلوي شكرن بحزن
| |
|
|
|
|
|
|
Re: أهي ؟؟ حقنات طلق .. أم جرعات مسكنة .. والألم ياهو الألم (Re: هند محمد)
|
ومن الحزن تولد أجمل وأعمق التعابير نحن هنا في حضرته نلتمس بعض سلوي شكرن بحزن >>>>>>>>>>>>>>>>>>>>>> ................................................... الحزن فينا ( أهل السودان ) متمكن وحيناً نفتعله ونحبه ونسعد به ونتعشق كل كلمة شعرية فيها حزن نعم أصدق ما يقال من شعر وأجوده الشعر الذي ينبع من نفس حينها كانت حزينة لأمر ما أو من نفس حزينة ( حزن دائم ... مثل الذي فينا )
والناس اللاحسّا الكوع الكادة البوع الخيلهم نفّاً الناس الحادة علي الما مات الحي مكفّن أفراح الناس ما كفّن أحزان الناس ماكفّن الصبر جميل
تشكرات أختي هند محمد على هذا المرور الطيب وفي بطني كلام كتير خليك قريبة تحياتي ومودتي
| |
|
|
|
|
|
|
Re: أهي ؟؟ حقنات طلق .. أم جرعات مسكنة .. والألم ياهو الألم (Re: خالد علي محجوب المنسي)
|
ماني زولاً فنجري ولاعندي مال حبيبة من قراون أفنجرك لاسيارة فراهة لا فيلا راقدة فوق تلة تلالئ من اللصيف متوجهة بلون الدهب وقت المغيب كل العندي قلب جميل يعرف معانيك ويقدرك يحبك كتير يفرش شريانو يوسدك عشان تضوق طعم السعادة وطعم الشهد في حب جميل نفرش بيهو عُشنا نغرد نطير والفضاء رحب نحضن بعض ننزل هنا نحضن بعض ننزل هناك وين حللنا نرش سعادة ما السعادة بقت جارية في دمنا نسعد معانا كون كل البشر الجنبنا مادا الملكنا والباقي لينا في ها الدنا دار الفناء
| |
|
|
|
|
|
|
Re: أهي ؟؟ حقنات طلق .. أم جرعات مسكنة .. والألم ياهو الألم (Re: خالد علي محجوب المنسي)
|
عجبي !!!! لمن حبَّ يوم أن ينسى العشرة في غمر زحمة هذه الدنيا وهي تسوى عند الله جناح باعوضة كيف ينسى عُشر’ ايام خوالي كان فيها الكلام همس والضحكة همس الأنشودة همس وكل حياتنا همس ما الهمس بطرق قلوب تفتح دروب عصاها غبار الزمان ما الهمس بفتح صعاب قساها مر الثوان
حارمني ليه ما أسمعك هانت عليك غربتنا ديك ولا الدموع ما بتنفعك
كيف تقسى القلوب الفي يوم كانت حبيبة
| |
|
|
|
|
|
|
|