خوفا و هلعا جموع من المواطنيين تغادر العاصمة الخرطوم الى الاقاليم .... !!!!!

Quote: أخى الطيب..السلام عليكم.. البلد فى مرحلة تحول ديمقراطى..وإهتمام بألأنتخابات لايسبق له مثيل..لكن المتوقع كثير..والمخاوف من ألأحداث التى حدثت قبل ذلك. Quote: و قد ارتفعت تذاكر البصات الى الاقاليم الى ضعفين او اكثر ليس ضعفين..ولكن عادة حتى فى ألأعياد ينتهز أصحاب النقل مثل هذه المواقف..وهناك عطلة للجامعات لمدة إسبوع ..قد تكون تسببت فى ذلك.. إتصلت بألأهل والوضع مطمأن..طيب الناس الماعندهم ناس فى الأقاليم ياكلوا نارهم..الله يستر بس.. أحترامى

Quote: الغيت الانتخابات بمدينة بربر وتم اغلاق جميع مراكز الاقتراع بعد اكتشاف لخبطه وخلط في رموز المرشحين

Quote: قبل فترة كنت في مطار الخرطوم وتأخرت الطيارة اكتر من 4 ساعات ولان الصالة ممله لقيت انترنيت كتر خير ناس سوداني عاملين ليهم انترنيت مجاني في صالة المغادرة قلت اشوف سودانيز اون لاين فتحت لقيت خبر كبير عن هروب اعداد كبيرة من الناس خارج البلد وناس بتكورك وكلام كتير تصدقوا قعدت اتلفت حوالي ما لقيت غير الناس المسافرين معانا وناس رحلة تانية لمصر وأغلبهم مصريين وكانت في رحلة لجدة ركابها على الطيارة أستغربت مشيت سألت لي واحد من ضباط المطار قلت ليه انت في صالة للمغادرة تانية غير دي قال لا بس ناس الامم المتحدة ديل بسافروا براهم وكبار الشخصيات بمشوا بي هناك عندهم صالة تانية سالته طيب عن السفر قال اقل من عادي البعرفوا ما في سوداني بهرب وبخلي بيته ولا يخاف وخصوصا ناس الخرطوم وشفنا الناس بي عينا ايام احداث العدل والمساواة الضرب شغال والناس واقفه في الشارع تتفرج وتعلق واتذكر يوها اتصلت على شقيقتي في أمدرمان عشان اطمئن عليها قالت لي ما في حاجه سالتها عن زوجها قالت لي مرق يتفرج وفي ناس من بحري ومن الخرطوم جات امدرمان لحظات الاحداث عشان تتفرج تقول لي يشردو وهلع وخوف

Quote: و قد ثبت ذلك من خلال ما ورد فى صحف الكيزان و غيرها ...

Quote: بل وخسر بعض الأهالي أرواحهم جراء وقوفهم في الشارع - مثل الطفل الخلوق المكافح عبد الرحيم الذي كان يسعى لرزق والده وأخوته بالكارو - وأصيب بعضهم بشظايا

Quote: لكن رغم كل هذا لم يهرب أحد

...

Quote: أهل السودان أشجع من ذلك

.. والله البلد ضيقة بس .. لكن رد زي دا .. مفترض بكري يعمل ليهو منبر براهو ..
منبر خاص بضحض الأكاذيب والفبركة والاشاعات.. وتصوير ناس الخرطوم بي الناس النيين البجرو ويخلو بيوتم وبخافو الموت
او منبر تاني خاص .. تحت اسم..
يا أخوان البنات الجري دا ما حقي ..

برافوووو ..

Quote: يا تمبس .. انا قبيل قلته ليك شنو؟.. ده ونزار نزوح عباره عن ككو واستنسخوهو وقامو قسمو ارباع .. كل ربع منه ادوهو باسورد .. باقي الربع التالت ما ظهر لسه لكن هسه بظهر .. ياخ ابو الطيب ده عبارة عن بوكيمون غير قابل للتطور ... صدقني اقتراحك بتاع الكشف الطبي داك مفروض بكري ياخد بيه .. يعني عمك ابو الطيب ده مفروض يحللو ليه البولينا ووظائف المخ والاعصاب قبل اي بوست .. يا كمان يدونا بدل كشكشه .. Quote: لعنة الله على الفسادين و المدلسين والكذابين يعني معقول يجيبو لينا ناس فاطين عشره سطور يقعدو يقدونا هنا وينبزونا وفي النهايه طلعونا كذابين ومنافقين .. بعد شويه احتمال عمك ده يهدر دمنا في يثرب وما جاورها ... يعني يا تمبس حقو تعمل ليك درقه وسيف لما تكون مارق السوق والا ماشي السوبر ماركت .. عمك ده قطع شك بكون جاب ليك بعض الفتيه من قريش ليتبصوا بك في اي لفه من ملفات الرياض .. يا كمان يكون عامل ليك كمين في حدود الشام ... ............. ...... قلته لي نحن في القرون الوسطي .. طيب يا الطيب كدي ورينا انت في القرون العليا والا الدنيا ؟؟ سبحان الله ..الواحد يجيك في بيتكم يقول ليك انت يا بتاع القرون انت لعنة الله عليك .. هسه انت متين شفتني شايل لي قرن .؟؟ والا انا حصل هددتك بي قرن ؟؟ زمان كان في واحد في حلتنا كضااااااب وعامل لينا فيها شغال بتاع مباحث .. كان بجي العصر حايم في ميدان الكوره وخاتي ليه قرن تحت القميص .. وفاكيها في الناس وقال ليهم دي طبنجه .. لغايه ما مره قامت شكله في الكوره والناس جو شبكوهو يا جنابو تعال وقف الناس دي .. اها قام صاحبنا اتنفخ وقام يقابض ويكبر في صوته وشبكهم يا زول يا زول اقيف ..ثابت مكانك يا مواطن ...لمن جازفوهو هو زاتو .. ودردقوهو بالواطه .. وظهر القرن .. احتمال انت تكون قاصد القرن ده ؟؟ الغريبه القرن ده شالوهو معروضات بعد الشكله ؟؟ واساسا اكتشفو ان عمنا حسن سنج فاتح بلاغ انه عنده قرن التور بتاع عرس علي ولده اتسرق يوم الصبحيه .. وناس المباحث جابو عمك حسن عشان يتعرف علي القرن ..وطلع القرن بتاعه ..لكن لسه ما لقو الفرده التانيه .. تكون يا الطيب انت شلتها معاك من الزمن داك ومعلقه في الصالون بتاعك في السعوديه .. بس ما تكون شابك الناس دي من ادوات التعذيب بتاعت الكيزان ؟؟ احتمال يقولو ليك عزبوك بيها كيف دي ووين ..؟؟

Quote: الطيب رحمة قريمان Quote: هذا البوست خبرى بالدرجة الاولى و بالفعل كانت أعدادا كبيرا من الكواطنيين تغادر العاصمة الى الاقاليم شفتك وين كدا بتقول عن نفسك صحفي واتعلمت الصحافة وين ما عارف وما عندي وكت افتش وراك المهم طيب العلموك الصحافة ديل ما علموك كيف تحقق من الخبر قبل نشره والتأكد من مصادرة ما علمت نفسك يكون عندك ميزان منطقي يميز الخبيث من الطيب وتفرق بين الكذب والصدق ما علموك انه في حاجه اسمها اشاعة مغرضه ومعني مغرضه شنو يعني عندها غرض وما وروك انو الاشاعة المغرضه بتكون ذات مصلحة لأصحاب الغرض ومضره لغيرهم ودائما بتضر شوف أنا ما صحفي لكن عاوز اديك حصة هنا تزيدها لمعارفك لوجه الله نموذج للأشاعة المغرضه نفترض يا الطيب أنت وزيد وعبيد وحسب الله من رواد مقهي البامية وكل يوم تقعدو في مقهي البامية تشربوا شاي وتتكلموا في الادب الانجليزي والمدارس الشعرية وأتجاهات الحداثة في تطوير الفن وتبحثو عن الحلول لحل الازمة السودان السياسية وكل يوم الناس تجي ماره تشوفكم قاعدين في القهوة بتتكلموا وجنبكم كم تربيزة كدا قاعدين فيها ناس معروفين للناس ، اقوم اجي البورد دااكتب لي بوست اقول فيها حسب مصادر انو اكتشفنا انو رواد مقهى في المكان الفلاني وأخت لي أشارات لي مقهي البامية شواذ جنسياً وبمارسوا الفاحشة بين بعضهم البعضويديروا اوكار للدعارة من المقهى وأخت لي رابط لافحه بالقوقل يتكلم عن أنتشار الشذوذ يجي واحد يكون شامي زيد يأكد الكلام دايجي واحد زهجان يأكد يجي واحد ينفي أقعد انطط وابرر واجوط وأعمل قرد في حرازة شوف الاتضرر منه انت وزيد وعبيد وحسب الله وناس الترابيز المجاورة الماعندهم ذنب Quote: و قد ثبت ذلك من خلال ما ورد فى صحف الكيزان و غيرها ... إذا أنت صدقت صحف الكيزان مجبر تصدق أي كلام بكتبوه بعد ده تاني ما تجي تنتقد صحفهم ، ما تصحح وتصدق وتصدقها وتستعين بيها وكت تكون في صالحك وتكذبها وتستهزئي بيها لمن تكون عكس ما تشتهي Quote: و لكن بقدرة قادر تحول الى بوست جدل ... أسمح لي أقول ليك أنت حولته لي جدل ولو كنت إنسان واعي كنت بلعته من الأول ولو كنت أوعى كمان ما كنت فتحته من اساسه ويا أخي احسب ردود الفعل المعاكسة قبل ما تفتح البوست وأثر البوست على الغير والأثار الممكن يترتب عليها فتح البوست اول Quote: و الغريب فى الامر ان الذين اثاروا الجدل و رموا الاتهامات هربوا من غير عودة ... ما هربوا قرفوا ومافي زول عاقل بشيل ليه قربه مقدودة يقعد ينفخ فيها بس بقينا ليك نحنا عديميين الشغله Quote: فعبدالعزيز حسين جاء متأخرا و يبدوا من كتابته انه من تلك النوعية التى هربت او جادلت فيما لا ينفع الناس ... أين الحكمة يا ناس ... ؟؟؟؟ نعم كان هناك جدل و خوف . و بعدين ما تعنى كلمتى الجدل و الخوف ... ؟؟؟ الم تكونا حالة نفسية ... ؟؟؟؟ دا نخليه من تعليق

Quote: و الذى تدعى فيه المعرفة باعتبار واحد فقط و هو أنك من الخرطوم

Quote: الطيب قريمان أول مره أشوف لي زول يروح في بوست فاتحه بنفسه وكت ما بتقدروا عليه بتفتحوه مالكم اتخلبط عليك بوستك مع بتاع الرفاعي حجر داك انساه خلاص ببح يا الطيب شوف انت براك جيت تتفلسف وتفك كلامك الفارغ دا في بوست حجر بي هناك وبوستيك دا شفناه بس ما اشتغلنا بيه لكن وأنت براك جيت ناطي وما فاهم حاجه جيناك هنا مالك بتجقلب Quote: بالله عليك يا عبدالعزيز شوف ما كتبه فى ذلك البوست ياسيد كلامي المقتبسه دا مكتوب هنا في بوستك دا هنا عاين فوق وشوف هسع دا كلام شنو دا Quote: و الذى تدعى فيه المعرفة باعتبار واحد فقط و هو أنك من الخرطوم يازول وين ادعيت عليك المعرفة عشان انا من الخرطوم الطيب عيب كدا ما كويس شوف ما تفكر في حاجه وتعتقد انها صاح وتبني عليها وما تسمع كلام نفسك لانك زول موسوس ودي ما المرة الأولى تقولني كلام ساي أمشي فكفك عقدك أول وتعال اكتب - - - - - - - - - - - - - - - - - - - - - - - - - - - الأخوان تمبس وفيصل ليكم التحية الزول دا معقد ومسوس زمان كان عندي صديق زي الزول عذبني نفسه بتوسوس ليه افكار سيئة ويعتقد أنها صح ويتعامل على أساسها يعني أديه مواعيد نتلاقى يعتقد أني ما حا اجي ومايجي ويلاقيني زعلان ويشاكلني عشان ما جيت واكون انا جيت واتشريت ما يقتنع وغيرها

Quote: عليه امشى شوف ليك شغلة تانية لانو كلامك كله خارم بارم