|
|
|
 Re: أمين عام جهاز السودانيين العاملين بالخارج الجديد (Re: welyab)
|
| Quote: وموضوع معايير التعليم الجامعي هذا مقترح من الاساتذة الجامعيين في الخارج والهيئة الطوعية لدعم التعليم العالي في السودان وهو سيكون مهما جدا في تغيير ذهنية واساليب القبول لجامعت السودانية ،ليس من اول ضربة ولكن من سار في الدرب وصل |
أخي دكتور كرار
بعد التحية والاحترام
نكرر لكم الشكر علي اهتمامكم بما يرد في هذا البوست ومشاركتكم المقدرة فيه بما منحنا دفعا قويا للمواصلة مع شعوري الخاص بانكم (بعيدا عن الرسميات ) تؤمنون ايمانا قاطعا بما نثيره في هذا البوست وانتم أعلم به بطبيعة الحال.
أما بالنسبة للرسميات فاملنا ان تمارسها بما لكم من صلاحيات لاحقاق الحق وتصحيح الأوضاع.
بالنسبة للاجراءات فالحق أقول ان بصماتكم بدأت في الظهور ولكن نطمح في المزيد.
الأمر المقلق أيضا الرسوم المرتبطة بهذه الاجراءات والتي يعاني منها الكثيرون فهي اكبر من طاقتهم.
نعلم انها مقررة من جهات رسمية أخري
ولكن لا أدري ما زالت قناعتي منذ تكوين الجهاز هو ان الجهاز هو خط الدفاع الاول عن المغتربين او هكذا ينبغي ان يكون.
لذلك وبصراحة القول نريدكم وننصبكم قائدا لهيئة الدفاع عنهم أمام كل هذه الجهات الرسمية بما تمتلكونه من القدرة والمعرفة وحجة الاقناع وفوق هذا وذاك قوة الحق والعدل الذي نثق بانها ستكون في جانبكم في كل الاوقات.
صحيح ان البعض قد أعفي من الضرائب ... ولكن ماذا عن الزكاة والخدمة الالزامية والخدمات وتاشيرة الخروج والمطار.......... والجامعات ........الخ؟؟؟
أجزم بان الكثيرين يستدينون لمقابلتها وهم صاغرين لا حول ولا قوة لهم.
أما بالنسبة لمعايير القبول بالجامعات
فكما ذكرت سابقا ان هذا الموضوع كما يقال قد قتل بحثا وتقدم هؤلاء الكرام الأجلاء من اساتذة الجامعات بمقترحاتهم ولكن دون فائدة حتي الآن.
فلا ندري ماذا سيكون الجديد في هذا الامر؟؟
سؤال:
هل مقترحات الهيئة الطوعية هي نفس مقترحات الاساتذة الأجلاء ؟؟
عزيزنا دكتور كرار
ولكن من سار في الدرب وصل
سرنا حتي حفيت اقدامنا .... الي متي سنظل سائرين .. ومتي سنصل؟؟
أملنا في الله ثم فيكم كبير.
دمتم،،
| |
 
|
|
|
|
|
|
|
 Re: أمين عام جهاز السودانيين العاملين بالخارج الجديد (Re: حسن طه محمد)
|
| Quote: البرنامج الصيفي نشاط معروف في كل مؤسسات الهجرة في العالم ولو طبقنا سؤال ابو محمد فؤاد اعلاه على كل مؤتمرات العالم فلن تعقد مؤتمرات اخرى بحجة ماذا فعلنا في السابقات |
د. كرار التُهامى
** مساءك خير.
** ذكرت أن البرنامج الصيفى نشاط موجود موجود فى كل مؤسسات الهجره فى العالم .. سؤالى كان ماذا أستفدنا منه نحن كمغتربين ؟؟ أم أن الامر إعتياد وقد جرى عليه العمل منذ سنوات فليستمر!!!
** المؤتمرات التى تعقد فى كل دول العالم يكون لديها توصيات ولجنة مُختصه لتنفيذ هذه التصويات على أرض الواقع ,, ومافعله السابقون واسميها لمه تنفض بإنفضاض السامر.. وهذا ماعهدناه ورايناه ولمسناه فى كل لمه تخصنامن قِبل الجهاز..
| Quote: كذلك مؤتمر تبسيط الاجراءات والذي استوحيته من هذا البوست الذي اصبح ديوان الاغتراب على وزن الشعر ديوان العرب ,, وهو مؤتمر مهم ياعبد الكريم يحتاج التشجيع والراي والرؤية فلا تحبطوا اعمالنا بتبخيسها ،،والمؤتمرات هذي لاتكلفنا شطط فالناس اصلا في اجازاتهم والدنيا بخير (بنك البركة يساعد،، وفيصل يساعد،، وسوداني تساعد ،،والله قبلهم جميعا يساعد |
** تبسيط الإجراءات هل تحتاج الى مؤتمر ولجنه تنبثق منها لجنه وتنبعج منها لجنه وتنبثق من المنبعجه لجنه أُخرى الى أن يتم تلجين الإجراءات التى نريد تبسيطها بتصعيبها..
** من وجهة نظرى المتواضعه أن تبسيط الإجراءات يحتاج الى إجتماع منك بصفتك سيد الحوش ,انك فى وش المُدفع بصفتيك (المُغترب السابق , وسيد الحوش) مع من يقيمون فى حوشك وحوشنا..
(ودام الود بيننا حتى نستعيد حقوقنا)
(ابو محمد فؤاد)
| |
|
|
|
|
|
|
|
|
Re: أمين عام جهاز السودانيين العاملين بالخارج الجديد (Re: عبدالكريم أحمد الامين)
|
Quote: الحسن كيف الحال بعد الزيارة الحاطفة للوطن ،،،
الطيب شيقوق قال في رسالة مختصرة انه يكفي حسن طه ان تاتوا له باغاني اهله - في اشارة الى الشاب الذي بكى في الساحة في بروكسل عندما سمع اغاني الوطن والهجرة بالرطانة جهاز المغتربين يحتاج من اهله النظر للوجه الاخر من العملة او بالاحرى النصف المليء من كاس الهجرة والارتحال ،،مشكلتنا اننا نصارع من جهتين المغتربين من وراء ظهورنا ذما وتقريعا والمؤسسات من امامنا فعلا وتشريعا |
الدكتور كرار لعلك اكثرت من ذم النقدالموجه الجهاز ولعلك تركتنا في قارع الطريق وانزويت دون اعطائنا اجابات على اسئلة مشروعة نتابعكم هنا ولكن نرغبكم هنا بلا شك فالأمر متصل .
ثم ماذا بعد سعادة الدكتور كرار التهامي ... (بخصوص المغتربين) ؟؟؟ !!!
...........................................................................حجر.
| |
|
|
|
|
|
|
|
|
 Re: أمين عام جهاز السودانيين العاملين بالخارج الجديد (Re: حسن طه محمد)
|
ود البوب
** مساءك خير
** فى مُشكله فى البوست دا من بعد مُداخلة الدكتور الاخيره والتى على ماأظن بانها غير مُكتمله ,, بعدها فى أكثر من مُداخله لم تظهر على البوست وحتى مُداخلتك الاخيره دى :-Quote: عزيزنا دكتور التهامي
خليك مع الضعفاء ولن تجد ان شاء الله الا الدعاء الصالح . |
لاتظهر على البوست إلا عند الدخول من NEW .
(ودام الد بيننا)
| |
|
|
|
|
|
|
|
|
 Re: أمين عام جهاز السودانيين العاملين بالخارج الجديد (Re: حسن طه محمد)
|
** ودالبوب
*8 مساءك الله بالخير
** لاتزال مُشكلة هذه الصفحه قائمه إذ أن آخر مُداخله تظهر عند فتح الصفحه هى مُداخلة د. التهامى فى 26/07/2009 وأن كل المُداخلات التى تمت بعد ذلك لاتظهر ,,, لقراءة هذه المُداخله إلا تضغط عند new .
## للتكرم بإرسال email لبكرى لمُعالجة الامر..
| |
|
|
|
|
|
|
|
|
|
Re: أمين عام جهاز السودانيين العاملين بالخارج الجديد (Re: حسن طه محمد)
|
أخي الكريم الدكتور كرار التهامي
كما تعلم أن هناك جموع من المغتربين من قانونيين وغيرهم قد يصل عددهم حد الاجماع برون علي
وجه اليقين بان ربط تاشيرة الخروج بدفع الالتزامات المالية بمختلف أنواعها والمفروضة علي
المغترب يتعارض تماما مع دستور البلاد في كثير من مواده الامر الذي دعاهم باستمرار الي المناداة
بالغاء هذا الربط بل مناداة كثير منهم برفع دعاوي دستورية ضد كل من يقوم بتطبيق هذا الشرط .
وأظن متابعنكم لهذا البوست تؤكد لكم ذلك.
رغم تقديرنا اللامتناهي لمشاركتكم في هذا البوست بالراي والكتابة الا أننا نلحظ انكم لم تتناولوا
هذه الجزئية الهامة والأساسيةوابداء رايكم فيها بصفتكم المسئول الأول عن تطبيق نظام السودانيين
العاملين بالخارج .
لذلك هل لنا ان نلتمس من سعادتكم تكليف الادارة القانونية بالجهاز - ونحسب انها مؤهلة لذلك - ان
تقوم بدراسة هذا الموضوع وابداء الرأي القانوني بصورة مهنية متعمقة في دستورية ربط تاشيرة
الخروج من عدمه بالنسبة للمغترب.
لكم الشكر مقدما ونحن في الانتظار.
| |
|
|
|
|
|
|
|
|
|
Re: أمين عام جهاز السودانيين العاملين بالخارج الجديد (Re: عبدالكريم أحمد الامين)
|
## من إرشيف هذا البوست:-
Quote: ** تعريف المُغترب بمفهوم النظام الحاكم :-
بقره حلوب تُدر العمله الصعبه وتغطى عجز الميزانيه تدفع بسخاء بالرُغم من الإحتجاج عند الدفع ولكن طالما أنه لايستطيع الخروج من البلاد إلا بتأشيرة الخروج فلنواصل الضغط عليه حتى يتم إستحلاب آخر قرش في جيبه , وإن لم يستطع فليتدين حتى يخارج نفسه..
** فليكن شعارمعركة إسترداد الحقوق:-
## مًـــــقـــابـــــل مـــاذا أدفــــــــــع؟؟؟؟؟؟؟
(ودام الود بيننا حتى نتمكن من إسترداد حقوقنا)
(ابو محمد فؤاد) |
| |
|
|
|
|
|
|
|
|
|
Re: أمين عام جهاز السودانيين العاملين بالخارج الجديد (Re: عبدالكريم أحمد الامين)
|
## من إرشيف هذا البوست:-
Quote: ** د. ود التُهامى
** ود البوب
** ود شيقوق
** الزملاء القانونيين
** جموع الاخوه المُتداخلين بمختلف المهن
## لكُل من أسهم في هذا البوست برأى لكم جميعاً الإنحناءه والتحيه والتجله والتقدير ويحدونا الامل أن نوفق لما يُرضى جموع المُغتربين المُنتشرين فى كل الفيافى بإستعادة حقوقهم ,, وان يُعاملوا كغيرهم من مغتربى الدول الاُخرى التى تحترم حقوقهم وتُجزل لهم العطاء علي ماوفوره لبلدانهم من عُمله حُره وتوفير مكانهم لتوظيف آخرين..
## أما مايقدمه المُغترب السودانى فهو شئ يفوق الوصف ,, مما جعل بقية مغتربي الدول العربيه والاسيويه يستغربون مدى قوة هذا التحمل وأنهم يفوقون أيوب فى الصبرِ من الاعباء التى يحملها علي كاهله من رسوم وضرائب وزكاه ومُساهمات وتأشيرة خروج من بلده!!!!! وبعد ذلك هو مسؤول عن أسرته وأكثر من اسره في عائلته والحى أو القريه ,, بالاضافه الي مساهمته في الجمعيات الخيريه والتطوعيه والمناسبات الاجتماعيه (الاتراح والافراح)..
## اما آن الاوان للحكومه أن تفك أسره؟؟؟
(ودام الود بيننا حتى نستعيد حقوقنا)
(ابو محمد فؤاد) |
| |
|
|
|
|
|
|
|
|
 Re: أمين عام جهاز السودانيين العاملين بالخارج الجديد (Re: عبدالكريم أحمد الامين)
|
أحبتي الكرام رواد البوست
أخي المستشار عبدالكريم أحمد الأمين
أخي المستشار حسن طه محمد
تحياتي وأشواقي
بعد طول إنقطاع فرضته على ظروف ليس لي فيها حيلة أولها أنني كنت قد فقدت كلمة السر لدخول المنتدى ولم أحصل على كلمة جديدة إلا هذا الصباح من الأخ المهندس بكري أبوبكر مشكورا
أما الهم الثاني الذي شغلني حقيقة طيلة الأشهر الماضية هو المعركة العنيفة التي نقودها ونخوض غمارها من أجل الدفاع عن جزيرتنا الباسلة توتي وهي تتعرض لأبشع هجمة لتفريغها من بعدها التاريخي والحضاري وتفتيت كيانها الإجتماعي وما عودتي إليكم في هذه السانحة إلا بسبب إستراحة محارب حيث أنتهت الجولة الأولى من المعركة من أجل توتي الباسلة إنتهت بإستبعاد والي الخرطوم السابق المتعافي والذي لم يكن بالإمكان التوصل إلى حل مرض في عهده ونحن الأن ننتظر بترقب يشوبه الحذر برغم أننا متفاؤلون إلى حد كبير بالوالي الجديد فهدأت المعركة قليلا حتى يستقر الوالي الجديد في كرسيه الوثير لنبحث معه الأمر بهدوء شديد وخلال هذه المهلة وصلتني كلمة السر الجديدة فرأيت أن أعود إليكم في هذه المعركة الثانية وسعدت بأن وجدت البوست ما زال ينبض بالحياة والإبداع والنقاش الحي الموضوعي فلكم مني كل التحايا ولولا أن قضية توتي تأخذني كليا ما فارقتكم ولكني سأحرص من حين لآخر وكل ما سنحت لي فرصة للمداخلة والمتابعة معكم قلوبنا معكم ونتابع بإهتمام ولن يضيع حق وراءه مطالب ودمتم في حفظ الله ورعايته والتحايا للجميع مع رجاء أن تشرفونا بزيارة موقع جزيرة توتي الأتي
www.tuti.ws
| |
|
|
|
|
|
|
|
|
 Re: أمين عام جهاز السودانيين العاملين بالخارج الجديد (Re: حسن طه محمد)
|
** الاستاذ عمار زكى
** حمداً لله على السلامه..
** الجماعه ديل ياالله ناسيين التاريخ ولى الحاصل شنو !! هو ناس توتى فيضان 46 ماطلعم منها ,, واب عاج فى عز سطوتو وجبروتو لمن كان عايز يبيعا للكويتيين مع تعويض ناس توتى بمساكن جاهزه ومبلغ دولارى يتراوح بين /3000/ الى /7000/ دولار ماقدر..
## الحمدلله بسمتيار التاجر الجشع كشحوهو من الولايه لكن جاكم فى الزراعه ومابعيد يعمل رسوم على منتجات توتى الزراعيه ,, طالما موضوع عمولتو ضاع عليهو فى الاستثمار فيها..
## كما ذكر ود البوب موضوع توتى أكثر اهميه من هذا البوست ..
(ودام الود بيينا)
| |
|
|
|
|
|
|
|
|
|
Re: أمين عام جهاز السودانيين العاملين بالخارج الجديد (Re: عبدالكريم أحمد الامين)
|
أخي المستشار عبدالكريم .. المحترم
إن ردك ورد المستشار البوب حسن محمد طه أثلج صدري وأزاح عني هما ثقيلا أنني كنت أخشي أبان غيبتي عنكم أن يكون عذري غير مقبول ناهيك عن أنه يكون الأن في رايكم الذي أعتز به أنه عذر مقبول لكونكم أعتبرتم موضوع جزيرتنا الحبيبة توتي هو في مقام قضايا المغتربين وأنا منهم ولذا شعرت بالإرتياح الكبير بهاتين الشهادتين منك ومن البوب ولا أجد على لساني سوى أن أقدم لكم وعدا حرا ووعد الحر دين عليه أن هذه الجزيرة ستسطر ملحمة أخرى في التاريخ
ودعني أبدا في سرد وقائع محاضرة رائعة قدمتها انا هنا قبل نحو عامين عن توتي جاء فيها ما يلي:
ثبت قيام عدة قرى قبل وجود الخرطوم واحدة بالقرب من قرية بري الحالية وأخري بجزيرة توتي في القرن السابع الميلادي.
سبب التسمية:
نسبة لتوت من سنار جاء بالطوف مع إخوانه الثلاثة كوج وقمر وكوكو جريف كركوج وجريف قمر وحلة كوكو واصل توت فوصل توتي وعرفت بإسمه.
سماها العنج وهم وزراء الفونج
بلغة المحس تعني كرش البقرة تو بطن تي البقرة
توتي بلغة الشلك تعني الرجل القوي أو السلطان
بمكتبة التجاني الماحي التي أهداها لجامعة الخرطوم خريطة لروبن هوش لإفريقيا سنة 1670م موضح فيها جزيرة بإسم تروتي ووردت أيضا في خريطة أوربية سنة 1729 ولم تذكر الخرطوم
وهذه الروايات تحتاج لمزيد من البحث والتقصي.
الأصل
المحس فرع من عرب الضباينة سكنوا منطقة النوبة وينتمون إلى الخزرج قحطان بن يعرب . دخلوا السودان مع حملة عبدالله بن سعد بن أي السرح خلال خلافة عثمان بن عفان رضي الله عنه.
إختلطوا بسكان المنطقة الأصليين النوبة وتزاوجوا معهم
كان للصحابي أبي بن كعب ولد اسمه عبادة جاء مع الحملة وولد له ولد سماه سعد هو والد محمد الملقب بماحس الذي ينتمي إليه المحس العرب أما القسم الثاني فهم السكوت والمحس
نزح المحس العرب إلى وسط السودان لضيق الأرض الزراعية وإستقروا في توتي وشمبات والعيلفون والبشاقرة غرب وغيرها ..
أول محطاتهم خور شمبات ثم المقرن ثم توتي فشمبات ثم العليفون ومنها توزعوا إلأى البشاقرة ومحس كترانج وحلة بلال بالجزيرة وحلة فضل بريفي رفاعة.
هجمات المهدية اجبرت جماعات من المحس والسكوت إلى الهجرة إلى أقصى شمال السودان بين وادي حلفا وكرسكو وهم الذين يطلق عليهم أسم الفديجة.
المحس أول سكان العاصمة
أول مستوطنة حديثة أنشئت بتوتي عام 1840م
المراحل التطورية لجزيرة توتي
المرحلة الأولي
مرحلة الإستقرار إبان المملكة السنارية
مرحلة الشيوخ الثلاثة أرباب العقائد وحمد وخوجلي
مرحلة التركية والمهدية
مرحلة التعليم النظام خلال الحكم الثنائي
مرحلة الثورة 1944
مرحلة شركة تعمير توتي
مرحلة الكهرباء والمياه
مرحلة التوسع في التعليم
المرحلة المستقبلية ما بعد الكبري
مرحلة الإستقرار خلال المملكة السنارية أو عهد الفونج السلطنة الزرقاء أو مملكة سنار حيث ثبت وجود سكان خلال هذه الفترة بجزيرة توتي
مرحلة الشيوخ الثلاثة
وسميت بذلك حيث كان ظهر عدد من رجال الدين المحس منهم الشيخ إدريس ود الأرباب وخوجلي أبو الجاز وآخرون
مرحلة العهد التركي والمهدية
تعرضت توتي لحملات الدفتردار الإنتقامية المعروفة
في مكاتبة من الخديوي للحكمدار جعفر باشا بتاريخ 23 جمادي الأول عام 1283هـ علمنا من إفادتكم أنه نظرا لإنخفاض موقع الخرطوم وكثرة الرطوبة فإنكم ترغبون في نقل العاصمة إلى جزيرة توتي وإننا نحيل على رأيكم وهمتكم أمر القيام بهذه العملية. ولكن الحكمدار جعفر باشا صرف النظر.
في المهدية كان هناك حي يسمي الورشة الحي رقم 5 الحالي لسك العملة المسماة أبوجزولي وتحمل إلى بيت المال كما توجد طابية ذكرها نعوم شقير في كتابه جغرافية وتاريخ السودان صفحة 872 ضرب منها السير تشارلس ولسن عندما قدم بالبواريين متقدما للخرطوم فعلم أنها سقطت في يد المهدي
بها مخزن كبير للبارود في عهد الخليفة عبدالله التعايشي
مرحلة الحكم الثنائي التعليم النظامي
أهم ما في هذه المرحلة بدء إنتشار التعليم
مرحلة الثورة 1944م يوم الجمعة 7 أبريل 1944م وهو تاريخ لقاء لجنة الستة لماكنتوش مدير الخرطوم الذي قرر نزع 350 فدان لإقامة تجارب زراعية وإستشهد في الثورة أحمد محمد يوسف سليمان موظف بالصحة
صدرت أحكام بالسجن على عدد من أهالي توتي وعلى رأسهم الزعيم مصطفى خالد
مرحلة شركة تعمير توتي
تلتها مرحلة إدخال الكهرباء والماء في عهد الزعيم الأزهري
ثم مرحلة التوسع في التعليم
وحاليا نحن أمام المرحلة المستقبلية ما بعد الكبري أو الجسر وله بعد قومي وأخر ولائي وإخيرا بعد محلي .....
ومواصلة لهذا الجهد قدمت أيضا محاضرة بتاريخ 3 مايو 2009 بالنادي حول الرؤية المستقبلية لجزيرة توتي بعد الكبري ويسعدني أن تتشرف بالإطلاع عليها من خلال زيارة موقع جزيرة توتي التالي:
www.tuti.ws
وستجد في الموقع عدة أقسام أذهب إلى القسم الخاص بمشاكل توتي وفيه إذهب إلى قسم الكبري والتخطيط وفيه ستجد قسم خاص بالملفات وستجد ملف بإسم الرؤية الإستراتيجية لمستقبل توتي ويشرفنا أن تطلع على الرؤية وتفيدنا برأيك أنت والأستاذ البوب
لكما مرة أخرى تحياتي الخالص ونواصل بإذن الله
| |
|
|
|
|
|
|
|
|
|
Re: أمين عام جهاز السودانيين العاملين بالخارج الجديد (Re: حسن طه محمد)
|
أخي المستشار حسن طه محمد
إن ردك ورد المستشار عبدالكريم أحمد الأمين أثلج صدري وأزاح عني هما ثقيلا أنني كنت أخشي أبان غيبتي عنكم أن يكون عذري غير مقبول ناهيك عن أنه يكون الأن في رايكم الذي أعتز به أنه عذر مقبول لكونكم أعتبرتم موضوع جزيرتنا الحبيبة توتي هو في مقام قضايا المغتربين وأنا منهم ولذا شعرت بالإرتياح الكبير بهاتين الشهادتين منك ومن البوب ولا أجد على لساني سوى أن أقدم لكم وعدا حرا ووعد الحر دين عليه أن هذه الجزيرة ستسطر ملحمة أخرى في التاريخ بعد الملحمة الشهيرة في عام 1944 حين حاول الإنجليز نزع توتي وسطرها شاعر توتي الشيخ عمر الضو في مسرحية بالشعر القومي يسرني أن أهديك لها وللمستشار عبدالكريم ولك أن تطلع على ردي أيضا للمستشار في ذات الخصوص وأمل أن يطلع هو بدوره على هذه الملحمة الشعرية
توتي ... الأرض و التّاريخ
ثورة توتي ضد الإنجليز
لقد قرّرت الحكومة الإنجليزيّة انتزاع
ثلاثمائة و خمسين فدّاناً من أراضي جزيرة
توتي .. ساد هرج و مرج و لكنّ المناقشات
الحادّة تمخّضت عن اتّفاق ، كان العمدة قد
أخبرهم بأنّ مدير المديريّة قد طلب مقابلة
ستة أشخاص يمثّلون الأهالي ، فكان الاتّفاق
على اختيار هؤلاء الستّة .
* * *
بعد صلاة العشاء في ذلك اليوم الكئيب
اجتمعت اللجنة المختارة بالمسيد للتّشاور
حول الغد المنتظر ، و في تلك اللّحظات دخل
عليهم العابد ذلك الرّجل الصّالح الذي اعتاد
ارتيادالمسجد في ذلك الوقت للتعبّدو الابتهال
و إحياء اللّيل فاندهش لوجود أشخاص بالمسجد
المشهد الأول
المكان :
المسيد (مسجد توتي)
الزّمان :
الجمعة 14/4/1944م .
الشّخصيّات :
* ستّة من أهالي جزيرة توتي :-
(1) مصطفى خالد .
(2) الحسن الفكي أحمد .
(3) عباس علي طيّب الأسماء .
(4) الأمين بابكر .
(5) عثمان ابراهيم .
(6) أحمد عبد القادر .
* ماكنتوش (مدير المديريّة ) .
* عبد الله الشّفيع (القمندان) .
* المراسلة .
* ثائران من أهالي توتي .
اللّوحة الأولى
مصطفى : بسم الله الرّحمن الرّحيم
نحن باكر نمشيلو و لا بدّ من نتصدّى
و نوقّفو في حدودو ما دام بدور اتعدّى
الحسن : أقول ليكم رايي
ما نمشيلو تب ما دام اللعين اتحدّى
و كان راجل اللّجى يشيلا شيلة شدّة
نحن رجال ما بنخاف و لا بنتهدّ
و نقولّو تعال قوام قبّال تطول المدّة
العبّاس : يا سلام
دا ضروري نحن نمشيلو و ناخد الزّبدة
لكن كمان الفي راسو قالو أدّا العمدة
الحسن : نان العمدة ليه ما ردّ ؟
العبّاس : و الله الرّاجل جاى من الزّعل
لا أخد لا أدّا
الحسن : النّصراني ود أم زردة
العبّاس : قالّيه داب اشتهيت الغمدة
باكر الرّجال إجوك
نخاف مكتبك انسدّا
عثمان : نحن النّاس سوّونا قيادة
كلامنا يكون أبينا لا نقص لا زيادة
ما بندّى المجال إبني البيوت الفاسدة
و لا هي محل ملاهى
طاهرة و مجاهدة و زاهدة
مصطفى : عفيت منّكم
كلامنا مع النّصراني ما متجانس
كلامكم عديل
ما فيهو زايد و ناقص
نحن ضروري نمشيلو
نقدر نوقّفو خالص
تاريهو اللّعين
لي توتي لابد و قانص ؟!
الأمين : ما دام اتّفقتوا كلّكم
و الكلام بقى عندكم
اللبقى رئيسنا الفارس
الحسن : الفارس منو يا زول ؟
الأمين : أنا قلت المصطفى
راجل مجال و مجالس
نحن تاني و تالت و رابع و خامس
ندّيهو الوكالة
يفاصحن و ينافس
عثمان : يعنى نحن نبقى لبّس لابس ؟
الأمين : خلاص اللبقى المصطفى رئيس اللّجنة
و يا مصطفى قرارو ما أزعجنا
انت براك عارف النّصراني
داير إلهجنا
مصطفى : شكراً على الثّقة الأوليتوني إيّاها
توتي إحنا جدودا إحنا بناها
يا إنزل قرار
يقولوا المدير خلاها
ولا يدوس جثثنا
نموت و أرواحنا فداها
الأمين : ملاحظة
الملاحظة إمكن الحكومة تحمى النّاس
المعدا
الحسن : تحميهن ليه ؟
الأمين : بتخاف البرق عبّادي إرعد رعدة
الحسن : و دحين ؟
الأمين : النّاس اتوزّعوا بالشّرق و الغرب
المراكب راقدة
و إتلمّوا في المديريّة
محل الرّجال متواعدة
( هنا يدخل العابد يصلّي تحيّة المسجد ثم يلتفت
إليهم و يسألهم )
العابد : سلام ناس المسيد
ها ناس … دي ساعة ونسة ؟
العبّاس : منو القالّيك دي ونسة آ سيدنا ؟
العابد : سوّيتوني ما بعرف الونسة ؟
نان شن بتسوّوا لى هسّة ؟
العبّاس : دا اجتماع لجنة
العمدة قال كوّنوها من ستّة
العابد : ما فهمت آ العبّاس
العبّاس : ها سيدنا إنت كبرت ؟
الحلّة من أمس مقلوبة دعاية
قالو فى ورقةً جاية
هسّع وصلت
العابد : شن فيها آ ولدى ؟
العبّاس : فيها تلتميّة و خمسين فدّان من توتي
نزعوها و قالوا انفصلت ؟
العابد :الله حي …!
و شن جايين تسوّوا بعد الحكاية الحصلت ؟
العبّاس : تراها اللّجنة ماشّالو
و لسّة ما اتّصلت
العابد : و قال ليكم متين الجلسة ؟
العبّاس : قال باكر الجلسة
العابد : إجلسوا في النّار الكفّار أكان مسوين
لنا مغسة
إنتو رجال ؟
المجموعة : نعم بالحيل
العابد : ما دام في الرّجال شرفنا ما بتمسّا
قوموا يا أولادي
هسّع اللّيل هوّد
اللّيل اتمسّا
باكر بعد الصّلاة
ناخد لنا حصّة
و نشرب القهوة
و نمرق نحضر الجلسة
أحمد : إنت يا سيدنا ما تعدّي
أكرب السّبحة و الفاتحة
ما تعدّي
العابد : دا يا أحمد
لو عندك لو عندي
الحسن : السّبحة أخير لينا
أكرب السّبحة
(ستار)
(في هذه الأثناء يبقى العابد بالمسجد كعادته
حتى صلاة الصّبح ،ظلام في المسرح ثمّ أصوات
الدّيوك ،أذان الصّبح ، إضاءة في المسرح مع
السّجدة الأخيرة ثم الرّفع و السّلام )
ينهض العابد
العابد : سويتوا الباقيات ؟
عثمان : في شنو آ سيدنا ؟
العابد : أكان سويتو الباقيات نرفع ايدينّا
أقروا الفاتحة
المجموعة : آمين ..
العابد : يا ربّي كفّ الشّينة
النّصراني دا مبارينا
قاعدين لا صحّة لا مصحّة
ما طالبنا بي تحسينا
نتعب
نشقى
نزرع
ندفع
ندفع القطعان
برضو الكلب ساكّينا !
الأمين : الخيرة قالت شنو آ سيدنا ؟
العابد : الخيرة قالت تقولوا أبينا
حكومة النّصارى
حد الله بينّا و بينها
التّرك بى تجاربهم شن لينا ؟
عثمان : إنت يا سيدنا ما تعدّي
أكرب السّبحة ما تعدّي
العابد : قتّ كدي ؟
المجموعة : أي بالحيل
العابد : أها ناس الخدار
قالوا ببيعوا جرجيرهم
و قالوا بجوا إحضروا الجلسة
بي حميرهم
و امشوا يا أولادي
ودعتكم الله
و ما تمشوا في فد درب
اتوزّعوا بالشّرق و الغرب
و أنا هنا بدرجوا ليكم الكلب
إن شاء الله الكلب إنغلب
اللّوحة الثّانية
(مؤثّرات صوتيّة : صوت النيل ، المديريّة ،
ماكنتوش يضغط الجرس فيحضر المراسلة )
ماكنتوش : ولد كلّم أبد الله أفندي
يجي أنا آوزو
عبد الله أفندي : قود مورننق
ماكنتوش : سباه الكير
النّهار دا أنا إندو إجتماع
مئا ناس توتي
ناس توتي ناس تكيان
إذا همّ آوز يأمل تلس ملس
عبد الله أفندي : ما يقدروا يعملوا حاجة
ماكنتوش : عبد الله أفندي شوف
أنا لما أقول كلاس
ما فيش كلام تاني
أنا آرف كلّ هاجة إيه
عبد الله أفندي : حاضر حاضر
المراسلة : سعادتك في ناس توتي برّة
ماكنتوش : كتير ؟
المراسلة : ما عدّيتهم
عبد الله أفندي : بليد روح عدّهم
المراسلة : سعادتك ستّة
ماكنتوش : كليهم يكشّوا
سباه الكير .. قود مورننق ،
أهلاً .. أهلاً
إتفدّل … الليمونات الموية قوام
إنتوا ناس توتي أنا كلّمو أمبارح
ألشان يجي
ناس توتي الستّة ؟
مصطفى : و دا خبر شنو دا النّشرتو إتّ ؟
ماكنتوش : الكبر مش نشرو أنا
لا .. لا …
الكبر نشرو هكومة
هكومة آوز يشيل
تلتميّة و كامسين فدّان
في أهسن هتّة
ألشان آوز يأمل تجارب
هسب الكتّة
ها … ها …. ها …
ألشان كدا …. ها … أنا قلت
آوز ستة … ها …
(يرفضون شراب الماء بعد إحضاره )
مصطفى : سعادة المدير
ديل مزارعين
عاملوهم بالحسنى
هسّع دي حمرة عين
المجموعة : ما هينة شيلة الطّين
(ماكنتوش يشير بأصبعه إلى مصطفى خالد
و يسأل عبد الله أفندي)
ماكنتوش : أبد الله أفندي ..
هو إز هي ؟
عبد الله أفندي : دا مصطفى خالد
زعيم أهالي توتي
ماكنتوش : فدّل مستفى متأسّف
مصطفى : دي حمرة عين
ثائر : بهتف بأعلى صوتي
عاش الوطن
بهتف بأعلى صوتي
و أفضّل موتي
و لا أديك شبر من توتي
ما بتقدر تشيل حقّي
الورثتو من جدّي من حبّوبتي
بموت كمداً معاك
ما بندفن بغبينتي
عبد الله أفندي : اترمي يا همجي
إنت البتزعق دا
في ستّة هنا بتكلّموا بإسمكم
(يلتفت إلى أعضاء اللّجنة)
يا أخوانّا يا ناس توتي
يا أهلنا
الموية كنتوا تشربوها
تبلّوا حلوقكم
القانون حكم
هم الإشيلوا حقّهم
و إنتوا شيلوا حقوقكم
الحسن : يا ودّ الشّفيع
الإنجليز ربّوكم
و الدّرب العديل
و الله منّو عموكم
عبد الله أفندي : و الله يا عم
أنا خايف عليكم
ما يجلوكم
ولا يجيب عساكرو
و يجو يكشّوكم
الحسن : يا ودّ الشّفيع كلامك لمو
و ماكنتوش دا الإحفظ دمّو
سجن .. موت … ناس توتي
ما بهتمّوا
عبد الله أفندي : جزيرة ناس ود حامد
الشّالوها منهم
إنتو ما زيّهم ؟
الحسن : ما زيّهم
مصطفى : ما زيّهم … ما زيّهم
عبد الله أفندي : طيّب يا ناس توتي
يا أهلنا
نزلاء اللّكوندا
قالو توتي بتكتّحنا
أخلوها خلّوها جنّة
كلّنا تفسّحنا
مصطفى : يا ولد بالله لا تجرّحنا
ناس ود حامد القاموا
اليوم في محنة
عبد الله أفندي : لكن ددد …
مصطفى : كفى لم باقي الكلام
و تاني ما تفاصحنا
عبد الله أفندي : بس أنا بدور …
مصطفى : بتدورو يعوم في النّيل
و يحوم في رمالي
عشان إزرع زهور
و جلب اللواتي ليالي
ما بندّيو شبر
الانسحب طوالي
و نحن مصمّمين
الستّة ما بنبالي
ثائر : أنا ودّ توتي المزارع
ما بشتغل زبّالي
ما بخلّيك تشيل أرضي
و أشغل بالي
و لا أدّيك جرفي
و أخلّي عيالي
بموت في حقّي
رأسي مرفوع عالي
و إن ضرب الرّصاص
ثابت و ساتر حالي
ماكنتوش : ولد دي بقول … موت …
رساس
شيلو كتّو في السّجن
كلامي واحد بس
قرار توتي منزوء أمس
مصطفى : ماكنتوش ..
ما تنسى إحنا محس
أسحب كلامك دا
ولا هسة دي بتندس
كدي تاوق في النّاس
شوف فيهم من بتونّس
والله إكّان لقوك
يمصّوا دمّك مص
و كان مغالط
أنزل ..
و سوق معاك حرس
ماكنتوش : أنا إم إم ..
مدير مديريّة
مش تلتميّة و كامسين
فدّان مستفى أفندي ..
بالدّبت أنا ممكن أشيل
توتي كلّو دى الوكت
مصطفى : كضّاب
و كلامك كلّو غلط
و حكاية تجاربك
قلناها توتي أبت
مفتّشك إتظلّت
و إن درت الضّرب
هسّع بتتكفّت
ما بندّيك
و ما بنطلع رجالة
و إن قمنا نتمشّط
الأمين : نقوم نمش وين ؟
توتي الجنّة
فيها الفرض و فيها
السنّة
هيّ أملنا فيها أهلنا
ثابتين كالجبال
مهما الزّمن محنّا
يا سجّان تعال أسجنّا
و يا تاريخ كمان سجّلنا
ما تجهلنا
ماكنتوش : كلام كتير
شيل النّاس دي برّة
قرار توتي منزوء
مش آوز كلام بالمرّة
العبّاس : قرارك حار .. قرارك نار ..
قرارك جمرة …
ما فيش فايدة
المصطفى
لا بدّ من الثّورة
مصطفى : يا ماكنتوش اللّيلة
نط الحوش
ضوق الدقّة
شوف الزرّة
الرّاوي : شوف الزرّة …
اللّيلة وين يا ماكنتوش
وين بتطير
وين هنري و هنفري و جفري ؟
ساعة الحارّة جات
و الحارّة بتورّي
شوف الزرّة ..
طريت (24) و فتحة الكبري
و منع النّاس تعدّي
لا البقعة لا بحري
طريت الشّدر
و رفع السّلاح البدري
و العسكر في الفروع
تحلف تقول القمري
طريت المكسيم و الإنجليز تجري
مشوا على الجّريف
و إندسّوا في برّي
الله أكبر
ماكنتوش : كلام فارغ كتير
برّة ..
مستفى أفندي
الهكومة مقرّة
مصطفى : و توتي مصرّة
تدّيك درس و تدّيك عبرة
بتخوض المعارك
مهما كانت خطرة
البتسوّوا سوّوا
الرّاوي : البتسوّوا سوّوا
كانت نبرة كانت سخنة كانت أحرّا
البتسوّوا سوّوا
واحدنا بهزم عشرة
الله أكبر
الله أكبر
البتسوّوا سوّوا العكّاز قصاد أبو عشرة
البتسوّوا سوّوا
طارت شرارة لمصرا
ماكنتوش : مستفى أفندي بقول سوّي سوّي
(يهرب)
(مؤثرات صوتيّة : الله أكبر - عاش الوطن)
الرّاوي : الله أكبر
وقع الضّرب
بين الرّجال و العسكر
اللّهم أهزم جنود الشّر
القيد انكسر و التّواتي انتصر
بالعكّاز … بالعود …
بفروع الشّجر
الله أكبر
نحن ما بنفشّر
و توتي ما بتقصّر
فيها الرّجال
الضّاربو المستعمر
الإيمان شعارنا
و الله أكبر تهدر
هجموا على البنادق
و وقعوا فيها تكسّر
الله أكبر
بخيت الشّجاع
لسانو سليط
ترجم للخواجة
قال ليهو : إنت جنيت
قلناها بصراحة
توتي قالت أبيت
ما بتخاف
لا من جن و لا عفريت
أسرع يا بخيت ..
أسرع يا بخيت ...
هجموا على العساكر
و ضربوه ضرب مميت
لكن الإله
أولى العناية بخيت
الزّين صاح : "عاش الوطن"
هيّج الواقفين
و العلم البرفرف
قطّعو لفتين
و خارج نفسو قاب قوسين
يا توتي الّيلة
أظهري و اتجلّي
صباح الجمعةموت
ضرب .. رصاص
مزمزي و اتسلّي
فيك الرّجال
أمثال ولد عصملّي
زيد في صلاتك
و على رسولك صلّي
المفتّش اتحنفش وقف
جاى متدلّي
اتصدّالو عصملي
أدّاهو حتّة كف
و قالوا الخواجة نزف
و قالوا الخواجة قضف
عاش ود عصملّي
الإيدو ما بتجلّي
فضل الله البطل
ضرب السّواري رماهو
هو و حصانو
بى رجلو اتوطّاهو
و عكّاز السّواري
الضمري ما خلاه
اتلقّاهو
كان قاصد البطل
الله الكريم نجاهو
ود أبّكر قبض الباب
هو يجر و العسكري يدفر
هو يجر و العسكري يدفر
و الله العظيم
نطّ تقول صقر
جدعو هناك يشخر
و دمّو يخر
ودّ الحفّان
قلع البندقيّة
و هجّج الميدان
قال ليهم : أكشّكم ؟
شوفو يا أخوان
الموت في الفضيلة
و حبّ الوطن ايمان
المك الصّميم
و الله ما فيك شك
الخبتّو ما تحرّك
و الخمشتو ما بنفك
ألحق يا الفكي
حصّل هناك عمّك
عمّك الصّديق
اتلمّوا فيهو و يضحك
بختك يا بطل
ود الإمام ازيّك
التّاريخ كتب
و اعترف ببسالتك
ود حمد النّيل محلّك
شفناهو رافع رايتك
يا راجل يا عظيم
الليلة أمش اتدلّك
و نور الجليل أحذر ديل
يا سلام
هجمت عليهو الخيل
معليش يا بطل
أصبح نهارك ليل
و لولاكم يا رجال
كنّا بنروح بالميل
و ود همزة عليهو أجرو
هدّدو بالسّلاح و ختّ الطبنجة
في صدرو
صاح فيهو الكفاح
شيل السّلاح يا نقرو
عبد الانجليز نوعك دا
بنجيب خبرو
نحن عارفنّكم
ماكن رجال تنسترو
عبد الوهاب
عبد الرّزاق
عبد السّيد
و جملة شباب يا حسين
الليلة اتحزّم
و الله العظيم شمّينا ريحة الدّم
اللهم ما في ندم
الشّعار : عود الخضار
العندو يتقدّم
خلّونا النّموت
و خلّوا النّفوس تنجم
(مؤثّرات صوتيّة : صوت رصّاص)
إيه الخبر يا إخوان ؟
أحمد محمد يوسف سليمان
كتلو الحكمدار بأمر القمندان
(مؤثّرات صوتيّة : موسيقى حزينة -
حمل الجثمان - نغمة حزينة تتبع اكسسوار)
و وكتين مات أصبح تارو أمراً واجب
و السّخط الشّديد علي المدير و الحاجب
النّاس تنادي الموت و وكتو مناسب
الموت في الحقّ كرامة و الجبن عندو عواقب
أحمد مات و أدّى الواجب
* * *
العابد : عوك … عوك … يا أرباب العقايد
النّصراني اتعنّت
خبارك ساكت و الدّقايق تمت
أولادك نفوسهم كشّت
و بناتك دموعهن بشّت
و دم الرّجال
بيهو الأرض اتنشّت
الفاتحة على روح الشّهيد
البروش اتفرشت
و السّجون اتفتحت
و المدافع رشّت
الموت في الفضيلة
و لا الكرامة اتخدشت
ما بنرتاح كان ما جبنا تارنا
و بطونّا اتفشّت
ما بنرتاح كان ما جبنا تارنا
و بطونّا اتفشّت
رصاصة ود يوسف تقول
قدّت قلوبنا و خشّت
يا الشّيخ خوجلي ..
يا أبو الجاز
توتيك أمس ما اتعشّت
شن بتسوّي تاني
بعد الرّصاص اتشتّت
أولادك في ظلم
و الإنجليز تتفلّت
ما بنجيك هناك
يقولو فيك اتحوّت
براك تعال
أكشف السّحابة الغمّت
الأطراف هناك برّي .. شمبات
و العيلفون و الأطراف رجالو
مع الرّجال اتلمّت
و حلال المحس بالقضيّة اهتمت
تعال يا أبو الجاز
أكشف السّحابة الغمّت
* * *
الرّجال سلطو
باقي الرّجال سلطو باقي الرّجال سـلطو
الفاتحين صدورهـم للسّلاح ثــبـــتــو
يا بنات زغردو
أبواتكـن يا بنـات لا رجفوا لا اترقطوا
قالوا الحارّة جـات و الموت خلاص وكتـو
وقـــع اللـقـــط اتلقطوا و اتخبـتـو
لاح عــود الخـدار ختّ الحصـان تحـتو
عـــزم الرّجـــال يا أهلنا برهـنتـو
ماكـنتوش هــــرب ياأخوانا وين إنتو
جـات ساعـة الضّرب إنتو الحدود فـتّــو
مافيـــش نص شـبر اتفقعوا و انشـرطـو
كــان بالـقــلـع ما بتقدرو تـخرتوا
الـفـايت حــــدّو صوفو بنـــحـتّـــو
في مــيدان الضّرب المعركة خسرتـــــو
قـولوا أسلمتــوا بالله لا تسكتـــوا
| |
|
|
|
|
|
|
|
|
|
Re: أمين عام جهاز السودانيين العاملين بالخارج الجديد (Re: عمار زكي)
|
## من إرشيف هذا البوست ومساهمة أخونا/ عمار زكى فى التلخيص :-
** هذا بعض من مجهود أخونا عمار زكي والذى طالت غيبته..
تلخيص مُداخلات هذا البوست في نقاط وسوف تتوالى المُلخصات المُكمله لهذا الجُهد لاحقاً - أستميحك العُذر لإنزالها :-
Quote: | Quote: Quote: 1/ رفع دعوى دستورية لإلغاء ضريبة الدخل (المساهمة الإلزامية على المغتربين) والزكاه وكذلك الرسوم المُصاحبه وربطها بتأشيرة الخروج. |
| Quote: Quote: 2/ رفع دعوى دستورية لحل جهاز السودانيين العاملين بالخارج. |
| Quote: Quote: 3/ هو قيام اتحاد للمغتربين |
| Quote: Quote: 4/ إعادة النظر في التعامل في كيفية تبسيط إجراءات الحصول على تأشيرة الخروج وعلاقتها بأداء الخدمة الإلزامية وفي حالة إلغاء تأشيرة الخروج نفسها يكون الأمر قد حسم تلقائياً. |
| Quote: Quote: 5/ إمكانية العودة الطوعية للوطن لقدامي المغتربين ودور الجهاز في ذلك. |
| Quote: Quote: 6/ إعادة النظر في موضوع الزكاة على المغتربين وكيفية حسابها وتاصيل تحصيلها فقهياً بعيداً عن الفكر الضرائبي المسيطر عليها. |
Quote: Quote: 7/ :
** أولاً: التشديد على موظفي الجهاز بعدم مغادرة أماكن عملهم وتنظيم التعامل من البابا الخلفي وأن تكون الألوية لمن هم في الانتظار أي أن ناس الوكالات يمكن تنظيم أعمالهم بطريقة بعيدة عن الشباك الرسمي..
Quote: ** ثانياً: تفعيل آليات المحاسبة الآنية للمقصرين من الموظفين بتخصيص مكتب لتلقي الشكاوى الفورية والبت فيها في حضور المتضرر (يشترط أن تمارس مهامها بشفافية)
Quote: ** ثالثاً: حث الموظفين على حسن التعامل وليس التهاون، وأن يتقوا الله في زمن من هم أمامهم من البشر...
وأن من لا يطيق ذلك منهم فليلزم داره.. أظنها حلول مؤقتة ساهلة ستبيض وجهكم تحياتي وأمنياتي.. |
| Quote: Quote: 8/ أن يقتصر عمل الجهاز فقط في تنمية مدخرات المغتربين و توجيه إستثمارتهم بينما تقع مسئولية الجهاز في الموافقة على إصدار تأشيرة الخروج على مكتب فرعي لها في منافذ الخروج بالمطار و سواكن. |
| Quote: Quote: 9/ قيام الجهاز بإدارة أعمال المغترب حتى عودته النهائية |
| Quote: Quote: 10/ قيام شركة مساهمة بين الجهاز و المغترب بأسهم محددة و رأسمال مشترك، تهتم في المقام الأول بالعقار . |
| Quote: Quote: 11/ عمل دراسة ميدانية وسط المغتربين لبرمجة أمور العودة الطوعية و إستحداث دراسات جدوى برسوم رمزية لتشجيع أصحاب الرساميل من المغتربين في إستثمار أموالهم بالوطن و الله الموفق.. |
| Quote: Quote: 12/ إجراء دراسة معمقة وعلمية لقانون جهاز المغتربين الجديد. |
Quote: Quote: 13/ * قضايا التعليم وحقوق العمال
14/ * والتدريب والتواصل التربوي ولثقافي
15/ * وتطوير برامج نقل المعرفة
16/ * وحصر الكفاءات والهجرة العائدة
17/ * واسواق العمل في مجالات تجديد الهجرة....الخ |
| Quote: Quote: 18/ مُخالفة المواد (29) و (48) من قانون تنظيم جهاز شؤون العاملين بالخارج لسنة 1998 لمواد دستور السودان لسنة 2005 .. |
|
| |
|
|
|
|
|
|
|
|
|
Re: أمين عام جهاز السودانيين العاملين بالخارج الجديد (Re: عبدالكريم أحمد الامين)
|
يا سلام اسناذ عمار
معلومات عن الجزيرة في غاية الروعة
ساحاول التواصل مع موقع الجزيرة ان شاء الله.
دمتم ودامت الجزيرة الخضراء لأهلها الميامين و لمحبي الجمال الذي تنفرد به ، ناشرة هواءها العليل في كل اتجاه علي المدن الثلاث.
لا زلت أذكر زياراتي لها مع بعض الاصدقاء ونحن في مرحلة الثانوي والجامعة وقضاء أمتع الأوقات وسط اشجارها الباسقة ومزارعها الجميلة وقبل هذا وذاك مع اناسها الطيبين.
| |
|
|
|
|
|
|
|
|
|
Re: أمين عام جهاز السودانيين العاملين بالخارج الجديد (Re: حسن طه محمد)
|
لكما الشكر والتقدير أساتذتي الأجلاء المستشارين حسن وعبدالكريم وأتمنى أن أكون دوما عند حسن الظن بي وآمل أن أتمكن من التواصل مع هذا البوست التوثيقي الهام فالمشاركة فيه هي أروع أنواع الضريبة التي ندفعها من أجل إسترداد الحقوق السليبة ولن يضيع حق وراءه مطالب طال الزمن أم قصر وإلى لقاء
| |
|
|
|
|
|
|
|
|
|
Re: أمين عام جهاز السودانيين العاملين بالخارج الجديد (Re: عبدالكريم أحمد الامين)
|
Quote: ** ود البوب
** مساءك خير
## غايتو البوست دا حصلتو ليك مع لفة أبوحمد وخفت يصل السد يقوم البُلطى يحلى بيهو ,, قلنا نرجعو للمقرن..
** وشوف البوست الظريف دا عن المغتربين :- (نستأذن من كاتبه الزميل مدثر فى نقله الى حوشنا)
الاخوة المغتربين الاهل بلغت اللهم فاشهد] |
كرومة
تحية طيبة ممزوجة حبا ومودة
شكرا ليك كتير وانت المنقذ .... ما جبت شئ جديد .. دا عهدنا بكم دائما
أخونا الزعيم شيقا شكله لسه بيقدل في السودان
آخر أخباري عنه ومنه انو في عشاء مشترك مع سعادة الدكتور كرار.( الكلام دا قبل أيام ).
بالهنا والشفاء
عقبال ما نعمل عزيمة كبيرة احتفاءا بازاحة بعض الحمل عن المغتربين كما وعد الدكتور .
دمتم،،
| |
|
|
|
|
|
|
|
|
|
Re: أمين عام جهاز السودانيين العاملين بالخارج الجديد (Re: حسن طه محمد)
|
مقتطفات مما سمعته في التلفزيون عن الملتقي الاستثماري الرابع الخاص بالمغتربين.
الملتقي الاستثماري الرابع:
ماذا كانت نتيجة الملتقيات الثلاثة الاول؟؟
تبصير المغتربين بالامكانيات التي تذخر بها البلاد:
معروفة... لكن العين بصيرة واليد قصيرة.
استثمارات المغتربين بين الواقع والطموح:
هي فضل فيها طموح وطمح من ؟؟
جذب مدخرات المغتربين يمثل أحد تحديات الاستثمار:
أين هي تلك المدخرات مع الضرائب والزكاة والتعليم وهلم جرا ؟؟؟؟
انشاء قاعدة بيانات للدخول في مجال الاستثمار:
اذا كان هناك من يريد الدخول في مجال الاستثمار من المغتربين فليتفضل برفع أصبعه!!
رجاء :
ما زلنا في انتظار الرأي القانوني من الادارة القانونية بجهاز المغتربين عن قانونية ودستورية ربط تأشيرة الخروج بالضرائب والزكاة وغيرها من الرسوم المفروضة علي المغترب.
دمتم،،
| |
|
|
|
|
|
|
|
|
|
Re: أمين عام جهاز السودانيين العاملين بالخارج الجديد (Re: عبدالكريم أحمد الامين)
|
تحياتي
| Quote: ما زلنا في انتظار الرأي القانوني من الادارة القانونية بجهاز المغتربين عن قانونية ودستورية ربط تأشيرة الخروج بالضرائب والزكاة وغيرها من الرسوم المفروضة علي المغترب. |
لقد أسمعت لو ناديت حيـاً ولكن لا حياة لمن تنادِ
ولو ناراً نفخت بها أضاءت ولكنك تنفخ في رمـاد
ورغم ذلك علينا أن نتمسك بقول الشاعر:
سأصبر حتى يعجز الصبر عن صبري
وأصبر حتى يأذن الله في أمـــري
وأصبر حتى يعلم الصبر أني صابر
على شئ أمر من الصبــــــر
| |
|
|
|
|
|
|
|
|
|
Re: أمين عام جهاز السودانيين العاملين بالخارج الجديد (Re: عمار زكي)
|
استاذنا حسن طه
اخوتي ع الكريم ابو فؤاد
الاستاذ عمار ود توتي
وجميع الاخوة المشاركين
لكم منى اصدق التحايا واطيب الاماني
ذهبت قبل ايام لجهاز المغتربين ولكم تمنيت ان التقي بامينه العام الزعيم طويل البال الدكتور كرار - كان نصيبي منه محادثات هاتفية طلب فيها منى الحاحا وتكرارا ان التقيه في مكتبه او منزله او اى مكان اخر - ترك لي الخيار في تحديدها - ولكن للاسف الشديد لم يكتب لنا اللقاء بسبب تصادف اى موعد نتفق عليه مع امور عارضة وملحة اما بالنسبة له او بالنسبة لي .
فقط احب ان ااكد لجميع الاخوة الزملاء ان خدمات الجهاز بالنسبة للمغتربين قد تغيرت كثيرا تقنيا واداريا - فما عاد ايصال السداد الضائع يمثل هاجسا لاي مغترب فآنئذ اصبح الموظفون مستعدين لدخول بيانات العميل والتحقق من السداد ومن ثم تسليمهم ما يفيد السداد دون الحاجة لذلك الايصال .
يمكنك الان الجلوس في كافتيريا متوفرة فيها خدمات متميزة وتطلب من اى واحدة من حسناوات تخليص المعاملات ان تنهي لك معاملتك وانت مشنق طاقيتك في الهامة وخالف كرارع في كراع ويا دنيا ما فيك الا انا المغترب ده . بس لما تطلع الشارع وتشوف اولاد البلد راكبين افخم السيارات تعود اليك الحسرة على سنينك الضيعتها هملة في بلاد برة وتتمنوا لو كلكم جيتوا راجعين عشان تاني ناس الحكومة يمسحوا حاجة اسمها جهاز لشؤون المغتربين كما سبق وان تفضلت الاخت عواطف اسماعيل !!
مولانا حسن طه
| Quote: جذب مدخرات المغتربين يمثل أحد تحديات الاستثمار: |
هذه رسالة هامة جدا للاخ دكتور التهامي .
هنالك اتجاه جاد جدا لتطوير سوق الخرطوم للاوراق المالية وهنالك توجه لانشاء ثلاث مؤسسات لسوق المال بالسودان لمواكبة التطورات التي تشهدها صناعة الاوراق المالية في العالم . هذا يعني ثمة اقبال لترسيخ مبادئي الشفافية والافصاح والمحاسبة . ان الغرض الرئيس من انشاء سوق للاوراق المالية هو جذب مدخرات المواطنين محليا وخارجيا من خلال انشاء شركات مساهمة عامة يتم الاكتتاب في اسهمها من قبل اصحاب رؤوس الاموال الكبيرة والصغيرة لتدار وفقا لقواعد حوكمة الشركات او الحكم الراشد Corporate Governance لتسهم في محاربة البطالة من خلال استقطاب الكثير من العاملين وتدوير الاموال المدخرة في دورة النقد وتسهم بصورة فاعلة في نمو الاقتصاد الوطني .
لقد آن الاون لندير ظهرنا عن الاستثمار التقليدي ونتجه للاستثمار في الاوراق المالية اسلامية ( صكوك شهامة وغيرها من الصكوك الاسلامية )او تقليدية ( اسهم ، سندات وغيرها من الادوات الاستثمارية ) حسبما تقتضيه عقيدة اي منا. ومن هنا اناشد الاخ الامين العام الترويج وسط جمهور المغتربين لانشاء شركات مساهمة عامة تدرج اسهمها في سوق الخرطوم للاوراق المالية ليتم تداولها بيعا وشراءا كما يمكن ادراج جزء من راسمالها في اى دولة اخرى وفقا للاصول المعمول بها في هذا الشأن .
لكم منى اطيب الاماني
| |
|
|
|
|
|
|
|
|
|
Re: أمين عام جهاز السودانيين العاملين بالخارج الجديد (Re: الطيب شيقوق)
|
| Quote: في كافتيريا متوفرة فيها خدمات متميزة وتطلب من اى واحدة من حسناوات تخليص المعاملات ان تنهي لك معاملتك وانت مشنق طاقيتك في الهامة وخالف كرارع في كراع ويا دنيا ما فيك الا انا المغترب ده |
يا شيقوق إنت بي جدك ولا كنت حلمان .. حسناوات تخليص المعاملات .. مجانا ولا مدفوعة القيمة؟؟؟
| |
|
|
|
|
|
|
|
|
|
Re: أمين عام جهاز السودانيين العاملين بالخارج الجديد (Re: حسن طه محمد)
|
عمي عمار
| Quote: يا شيقوق أنا مائة متر مربع من أرضي بتوتي تساوي ما يجمعه أجعص جعيص في الغربة في ربع قرن |
طيب انت يا العشاء مخليها وحائم بجاى عشان بعدين تبقى تركة لورثك
حقو نغير سياساتنا دى - بدل الواحد يكون ساكن ليه في بيت طين جنب البنك المركزى قيمة ارضه مليارات بدل يبيعها ويسكن بيها احسن سكنى ويعيش بيها بافضل وضع يتحكر فيها لحدها يودوهو المقابر .
الاخ عبد الكريم
الشوق ليك بحور وكتر خيرك ملايين
مولانا حسن
كيفك وما تدير بالك من البوست بتلحس
| |
|
|
|
|
|
|
|
|
 Re: أمين عام جهاز السودانيين العاملين بالخارج الجديد (Re: الطيب شيقوق)
|
Quote: لم استطع مقاومة الدخول وتحيتكم
رمضان كريم |
** د. كرار التُهامى..
** تصوم وتفطر على خير..
** إنت ماعندك مفتاح الحوش دا ,, وعقبال بركات الشهر الكريم يكون عندك كل مفاتيح الحوش داك والذى من أجله فتحنا حوشنا دا ,, ونتمنى أن يكون عام 2009 آخر أحزان المُغتربين لإسترداد حقوقهم..
(ودام الود بيننا)
(ابو محمد فؤاد)
| |
|
|
|
|
|
|
|
|
|
Re: أمين عام جهاز السودانيين العاملين بالخارج الجديد (Re: haroon diyab)
|
دكتور ود التهامي كرار
ابو محمد فؤاد عبد الكريم
ود شيقوق الطيب
ود زكي عمار
ود دياب ايمن
ود دياب هارون
مبارك عليكم جميعا قدوم الشهر الفضيل
ورزقكم الله ثوابه
وكل عام وانتم بخير .
مع افطار جميل .... اين ما كنتم
خاصة بالعاصمة مع امطار الأمس الغزيرة ومعها الجو الجميل..
هنيئا لك دكتور كرار.
وشكرا صديقي هارون علي رفع البوست ... رفع الله مقامكم أكثر مما هو مرفوع.
| |
|
|
|
|
|
|
|
|
 Re: أمين عام جهاز السودانيين العاملين بالخارج الجديد (Re: حسن طه محمد)
|
** ورد هذا التساؤل من أخونا ود البوب فى مكان آخر :-
| Quote: عبد الكريم ما في زول يفتي لينا بعدم جواز نهب الضرائب والزكاة من زولا معدم ؟؟؟؟؟؟؟؟؟؟ |
## وكان هذا الرد:-
** ود البوب ..
** مساءك خير..
## فتوى إفتراضيه من لجنة فقهاء دولة سازونيا اللاسلاميه حول الضرائب والزكاه وبقية رسوم الجبايات :-
** بسم الله الرحمن الرحيم.
** والصلاة والسلام على أشرف المُرسلين..
** وردت الينا العديد من الاستفسارات بخصوص موضوع ضرائب وزكاة المغتربين وبقية رسوم الخدمات الخاصه بهم ولقد أفتينا بالآتى:-
** بما أن الضرورات تبيح المحظورات ,, وبما أن الدوله كانت محظوره من قبل دول الإستكبار ولجفاف مصدر العملات الصعبه التى يحتاجها المسؤولين وأبناؤهم للاسفار الى بلاد الإستكبار فكان لابد من مُساهمة الاخوه المغتربين فى هذا اللامر والذى يُعتبر من الضروريات..
** إن أغلب المغتربين بإعتبارهم من الذميين ولم يحضروا دخول الاسلام لدولة سازونيا فى يونيو 1989 فيجب عليهم دفع ماعليهم صاغرين ,, وإن الدوله لم تأتى بجديد فى هذا الامر إذ أن الامر سابق لدخول الاسلام للدوله..
** تُفرض الزكاه والضريبه والرسوم على كل من وجدت بجواز سفره الاخضر البلومى تأشيره إقامه لآى دولة كانت بمافيها إسرائيل ,, أما من يدعى بأنه مُعدم فعليه العوده لجهاد الحياه بدولة سازونيا..
(والله ورسوله أعلم)
(صدرت هذه الفتوى بتاريخ اليوم الموافق الرابع من رمضان 1430هـ الموافق 25/08/2009 من لجنة فتاوى السلطان اللاسلاميه)
| |
|
|
|
|
|
|
|
|
|
Re: أمين عام جهاز السودانيين العاملين بالخارج الجديد (Re: عبدالكريم أحمد الامين)
|
** ود البوب ..
** ماتستغرب لو صدر منشور بالزام المغتربين بتحويل زكاة الفطر بالعمله الصعبه لديوان الزكاه ,, لانو الايام دى العُمله الصعبه فى مُشكله فى الحصول عليها ,, ماهو كلو ماتكون فى ضيقه الحيطه القصيره موجوده والبقره الحلوب ضرعها جاهز للحلب..
## خارج النص:-
مسطول سأل مسطول إنت الثعلب ببيض ولى بيلد .. قال ليهو :- والله دا مكار مُمكن يعمل الاتنين ,, فنحنا مع الثعالب ديل مُمكن تتوقع إى شئ فى إى وقت ومن دون مُقدمات وعلى حسب حالة السوق.
(ودام الود بيننا)
| |
|
|
|
|
|
|
|
|
 Re: أمين عام جهاز السودانيين العاملين بالخارج الجديد (Re: الطيب شيقوق)
|
Quote: ** ود البوب ..
** ماتستغرب لو صدر منشور بالزام المغتربين بتحويل زكاة الفطر بالعمله الصعبه لديوان الزكاه ,, لانو الايام دى العُمله الصعبه فى مُشكله فى الحصول عليها ,, ماهو كلو ماتكون فى ضيقه الحيطه القصيره موجوده والبقره الحلوب ضرعها جاهز للحلب.. |
** ودشيقوق .
** مساءك خير ,, وتصوم وتفطر على خير..
** الحمد لله مبسوط ,, بس مُنتظر منشور تحويل زكاة الفطر للحوش.ز
(ودام الود بيننا)
(ابو محمد فؤاد)
| |
|
|
|
|
|
|
|
|
|
Re: أمين عام جهاز السودانيين العاملين بالخارج الجديد (Re: الطيب شيقوق)
|
الأخوة المرابطين أصحاب البوست والكفاءات والخبرات العلمية والعملية وكافة الزوار أخشى أن أظلم أحدا أن ذكرت بعض الاسماء لكن لابد من ذكرها الأخوه حسن طه ، عبد الكريم ، ودشيقوق ، عمار وآخرين نبارك لكم ولجميع مسلمي العالم حلول الشهر الكريم واعاده الله علينا وعليكم باليمن والخير والبركات .. نساءل الله أن يزيح عنكم وعنا وعن كافة ابناء وبنات وطني العاملين بالخارج عناء وكابوس وظلم الإنسان لأخيه الإنسان تارة باسم القوانين وللوائح وأحيانا بالمزاج والعنرتيات وقوة السلطة والجاه ... وحتما سيزول وأنتم منا وفينا وبيننا وقدوتنا ... ودام الحب والود والتقدير بيننا
أخوكم
الشفيع إبراهيم
| |
|
|
|
|
|
|
|
|
|
Re: أمين عام جهاز السودانيين العاملين بالخارج الجديد (Re: الطيب شيقوق)
|
| Quote: الأخوة المرابطين أصحاب البوست والكفاءات والخبرات العلمية والعملية وكافة الزوار أخشى أن أظلم أحدا أن ذكرت بعض الاسماء لكن لابد من ذكرها الأخوه حسن طه ، عبد الكريم ، ودشيقوق ، عمار |
** سعادة المُستشار ود إبراهيم..
** صباحك خير ,, وتصوم وتفطر على خير..
## يُخيل الى أن الحكومه سوف تلتفت إلينا بعد أن تنتهى من مفاوضات كل الجماعات المُسلحه والمشلخه والتى فى طور حمل السلاح ,, وعندها سوف تفاوض أبناؤنا وتقول لهم عفا الله عما سلف ,, ولقد قررنا إعفاءكم من الضرائب والزكاه والرسوم والجبايات بس بشرط تسلمونا رواتبكم ونحن بنصرف عليكم..
(ودام الود والإحترام بين الجميع)
(ابو محمد فؤاد)
| |
|
|
|
|
|
|
|
|
|
Re: أمين عام جهاز السودانيين العاملين بالخارج الجديد (Re: عبدالكريم أحمد الامين)
|
ابو فؤاد
Quote: ودالبوب قد لاتحتاج لهذا البوست ,, إذا كان بترول شيخنا ود شيقوق فى طور التنقيب فلربما نرجع كمدراء أعمال له..
## أطرح البوست فى عطاء ,, وسلم العُهده... |
مشتهي بس يجونى ناس خديجة بت قنة وايمان بنورة لزوم اجراء حوار معي عن كيفية ايلولة تلك القطعة لود شيقوق - ويقوم اخوكم يلبس اللبسة الماخمج ويعمل فيها تقييييييييييييل يسالوهو ما يجاوب على السؤال الا بعد يشحتف روحن زى جمال الوالي
وحياة الله كلام جدالناس تخطوا ال 2000 متر حفر ومتوقع في اى لحظة التلفون يرن على مبشرا بتدفق النفط امام بيتي
طيب يا اخونا وروني السيناريوهات المتوقعة؟
هل الملم اطرافي من هنا واوري العمانيين عرض اكتافي ؟
ام على لزوم الصبر حتى ما تبقى علي ميتة وخراب ديار؟
| |
|
|
|
|
|
|
|
|
 Re: أمين عام جهاز السودانيين العاملين بالخارج الجديد (Re: AnwarKing)
|
Quote: طيب يا اخونا وروني السيناريوهات المتوقعة؟
هل الملم اطرافي من هنا واوري العمانيين عرض اكتافي ؟
ام على لزوم الصبر حتى ما تبقى علي ميتة وخراب ديار؟ |
ولاد عمك لزم، في كردفان شالوا ليهم كم عامل صيني كدي...وطلعوا بإتفاقية تنقط
دولارات...وكم منصب ودونكي وتيراب باسطة وحاجات تانية حامياني...
شيل معاك خنجر عماني أصلي...وبالعدم رتينزة من زنجبار!
| |
|
|
|
|
|
|
|
|
|
Re: أمين عام جهاز السودانيين العاملين بالخارج الجديد (Re: AnwarKing)
|
كنج
Quote: ولاد عمك لزم، في كردفان شالوا ليهم كم عامل صيني كدي...وطلعوا بإتفاقية تنقط
دولارات...وكم منصب ودونكي وتيراب باسطة وحاجات تانية حامياني...
شيل معاك خنجر عماني أصلي...وبالعدم رتينزة من زنجبار! |
دى خطة بت كلب لا سيما وان اهلنا متخصصون في معرفة المكامن ولديهم خبرات تاريخية وموروثة في قضايا السالف .
هسع -يا انور - قلت لي احسن اخمش الصيني المطرف وأتوجه بيهو المكامن عشان الحكومة تسولفو بخم الدولارات ؟
والله ده راي طب الله يديك العافية
| |
|
|
|
|
|
|
|
|
|
Re: أمين عام جهاز السودانيين العاملين بالخارج الجديد (Re: الطيب شيقوق)
|
سيد الخيط وضيوفه
رمضان كريم
كل التقدير للأستاذ / عبد الكريم لاستضافته لي عبر كي بورديه لفترة قاربت الأربعة اشهر متحملا مداخلاتي الضفارية منها والعادية ونرجع للبوست واصل البوست ولنبدأ بمقولة الاستاذ شيقوق
| Quote: الطيب شيقوق " فقط احب ان ااكد لجميع الاخوة الزملاء ان خدمات الجهاز بالنسبة للمغتربين قد تغيرت كثيرا تقنيا واداريا .....الخ" |
واتفق والاستاذ الطيب في مقولته السابقة جملة وتفصيلا فقد ذهبت إلى الحوش في نهاية نهار يوم حار واكملت إجراءات التاشيرة خلال 25 دقيقة مع ملاحظة ان تاشيرة الخروج تمت في اقل من دقيقتين وبدون ارفاق مستدات مصورة
ورغم ذلك نسأل مع سيد الخيط وبقية قانوني البوست حول "الرأي القانوني من الادارة القانونية بجهاز المغتربين عن قانونية ودستورية ربط تأشيرة الخروج بالضرائب والزكاة وغيرها من الرسوم المفروضة علي المغترب فسهولة الاجراءات لا تعني بالضرورة قانونيتها
وعودة للجهاز وقد نظم فعاليات صيفية متنوعة حسب الاعلانات التي نشرت عبر الموقع
ليت الدكتور /التهمي يكلف احد منسوبيه بتلخيص للفعاليات وما توصلت اليها من توصيات او توجهات في شأن خدمة المغتربين
كما اتمنى (وقد قرات عن مشاركة لبعض المصارف وتقديم عروضها الكرتونية في التمويل السكنى لجموع المغتربين)الاستماع لاحد الذين دخلوا في تجربة مع اي بنك من هذه البنوك لعرض تجريته فقد قابلت مندوب بنك الخرطوم ووجدت في عرض البنك شيلوكاً آخر فالبنك يطلب مقدما يتجاوز قدرات الراغبين او قل المحتاجين للقروض (30%) وبسعر فائدة (حسب المفهوم الاسلامي ) تتجاوز ال 7% في حين ان القروض العقارية وفي كل الدنيا لا تصل إلى نصف هذا الرقم واغرب مافي هذه العروض ان المصارف المقدمة للعروض تريد تشغيل الاذرع التابعة لها على حساب المقترض فعلي كمقترض ان ادفع تأمينا لشركات البنك وان استعين بالشركات الهندسية التابعة للبنك ....... الخ الا ان الاغرب ان البنك يستبعد الغرض الاساسي من القرض في الاعتبار عند حساب فترة السداد ليدخل راتب المغترب وعمره ضمن معادلات السداد في حين ان الغرض الاساسي هو امتلاك او تكملة عقار يسدد القرض المطلوب من ايراداته وليس من راتب المغترب او حساب عمره ليضمن البنك سداد مديونيته ؟
| |
|
|
|
|
|
|
|
|
|
Re: أمين عام جهاز السودانيين العاملين بالخارج الجديد (Re: الطيب شيقوق)
|
Quote: طيب يا اخونا وروني السيناريوهات المتوقعة؟
هل الملم اطرافي من هنا واوري العمانيين عرض اكتافي ؟
ام على لزوم الصبر حتى ما تبقى علي ميتة وخراب ديار؟ |
## شيخ مدينة البردانه البتروليه ود شيقوق
** جُمعه مُباركه..
#$ اولاً:- مع الجماعه ديل مابعيد يكون هسه بيتك شالوهو للمصلحه العام (هو الناس بشيلوها للصالح العام عشان كده شالو بيتك للمصلحه العامه) - وتم تحويل ملكيته للمواطن الصالح المُجاهد الصابر عوض بن الجاز ..
** داير الدباره والراى الزين :- شوف ليك كتيبه من جماعة البلاك ووتر الامريكيه مُدججه بكامل أسلحتها مع طيارتين مُقاتلتين وأعمل ليهم معسكر بالدندر (اصلو الجماعه ديل الناس المساكيين والبتمسكو بالقانون والإقناع مابيشتغلو بيهم ,, ومابفاوضوا إلا المسلحين)..
## تأخد إجازه بدون مُرتب بحُجة التحضير للدراسات العليا ,, وتنتقل للمعيشه بلندن عشان التصريحات وحقوق الانسان وخاصةً انو البيت حيتصادر إذا إتمسكنت ,, لكن طالما عندك قوات القسمه 50% ليك 0 50% للوزير بعد خصم التكلفه وحقوق شركة التنقيب - الشراكه فى الثروه فقط ,, السُلطه لا والف لا..
## إذا مشيت بالسيناريو المطروح دا مابتجيك إى عوجه ,, إى سيناريو خلاف ذلك بنخاف عليك تركب الصوانى وتقول :- بترول البردانه فى بيتى وبيتى شالو الوزير وشاركو الخفير وانا بقيت طالع نفير..
(ودام الود بيننا)
(مُستشار قوات حماية مُنشأت بترول البردانه)
(عدل بواسطة عبدالكريم أحمد الامين on 09-04-2009, 11:38 AM)
| |
|
|
|
|
|
|
|
|
|
Re: أمين عام جهاز السودانيين العاملين بالخارج الجديد (Re: عبدالكريم أحمد الامين)
|
Quote: واتفق والاستاذ الطيب في مقولته السابقة جملة وتفصيلا فقد ذهبت إلى الحوش في نهاية نهار يوم حار واكملت إجراءات التاشيرة خلال 25 دقيقة مع ملاحظة ان تاشيرة الخروج تمت في اقل من دقيقتين وبدون ارفاق مستدات مصورة ورغم ذلك نسأل مع سيد الخيط وبقية قانوني البوست حول "الرأي القانوني من الادارة القانونية بجهاز المغتربين عن قانونية ودستورية ربط تأشيرة الخروج بالضرائب والزكاة وغيرها من الرسوم المفروضة علي المغترب فسهولة الاجراءات لا تعني بالضرورة قانونيتها
وعودة للجهاز وقد نظم فعاليات صيفية متنوعة حسب الاعلانات التي نشرت عبر الموقع
ليت الدكتور /التهامي يكلف احد منسوبيه بتلخيص للفعاليات وما توصلت اليها من توصيات او توجهات في شأن خدمة المغتربين |
الاخ السندة تحياتي تمنيت لو مررت للسلام وتمام المعرفة
الاخوة الكرام ابناء الكرام ال stakeholders في هذا البوست الناضج
تحياتي والناس في القرى والحضر يتوجهون كلهم في هذه اللحظة الى المساجد ليتهجدون ويدعون بالخير لبعضهم البعض ،، تتطاول دعواتهم فوق هام السحب ثم تستقر في اعماقهم يقينا وعشما في الله ،، يغسلون سخائم الكراهية من النفوس بالتسامي والمحبة
لقد حافظتم على شمعة مولانا الحسن متقدة تتلألا حتى حال عليها الحول فأتت اكلها وزكت زكاتهامن فيض المعلومات دون اكتراث لطبيعة المكان و الزمان ،، لقد شكلت الكتابات والشروح التي انطلقت من هذا الكتاب المشترك دائرة معلومات قيمة كانت بالنسبة لي نهرا دفاقا من التعليم المستمر وجرعة من المعرفة المهنية يحتاجها كل من يتولى مهمة او وظيفة عامة
وميزة هذا البوست المتفرد ان الكتابة فيه توازنت فنقدت مايستحق النقد ورصدت ما يستحق الرصد ثم قدحت ما يستحق القدح ومدحت ما يستحق المدح وهذا امر يرتبط بالتوازن الفكري والتربوي والاخلاقي للكاتب نفسه فالذي نفسه بغير جمال لايرى شيئا في الوجود جميلا ،،،نظريةالرابط المتين بين الاسفاف وسوء المنقلب في المال والاهل ،،اي بين سواداللسان وسوادالقلب او في منطوق علم النفس السلوكي حيث يجنح المضطهد-بضم الميم وفتح الطاء-الى الاضطهادabused tends to abuse,ورغم العلاقات الشخصيةالغالية التي اسسها هذا البوست لكن اصحابه على عهدهم يركضون وراء الحقائق لاوراء المحن والزلازل والفتن ،،يعرفون الرجال بالحق وليس العكس
اما في حالتي والى حينه يبدو انني الوحيدعلى ظهر سابح ويمسك بلجام الوظيفة الرسمية ثم يتكبد مشاق الكتابة العلنية بكل ماتحمل من رهانات صعبة لكن ماشجعني على المضي في هذا الدرب هو ماكتبتموه هنا ومازرعتموه من حوارات تفوقت على ثقافة الكراهية والرفض الاعمى وفتحت للحوار دروبا سالكة يسير فيها كل واحدوهو يظن انه صاحب البضاعة الصالحة الى ان يثبت العكس
ماحال بيني وبين المشاركة معكم طوال هذا الشهر الكريم هو انشغالنا بالبرامج العلمية التي نظماها في الشهرين المنصرمين والتي كان من اهمها
-------- معايير الجودة والاعتراف في التعليم العالي بمعية نخبة من الاساتذة والمختصين من ابناء السودان في الخارج
-------- مؤتمر تبسيط الاجراءات وقضايا الهجرة بمشاركة ممثلي عدد كبير من رؤساء الجاليات وممثلي التنظيمات في الخارج
-------- المؤتمر السادس للمرأة المهاجرة
---------- ورشة عمل الناشئين في الخارج بالتنسيق مع الاتحاد العام لكرة القدم
-------- قضايا التعليم العام ومعادلات الشهادة
-------- الخ
وعموما امنى ان اجد فرص افضل للمشاركةفي الايام المقبلة وساحاول ان الخص كما اقترح الاخ السندة بعض المرئيات العلمية لماورد في هذه اللقاءات
عبد الكريم -ابو محمد فؤاد-
شقيقي شيقوق
المستشار حسن
دياب
وبقية الاصحاب
لكم التقدير
اخوكم د.كرار التهامي
| |
|
|
|
|
|
|
|
|
|
Re: أمين عام جهاز السودانيين العاملين بالخارج الجديد (Re: الطيب شيقوق)
|
هذا ماجاء على لسان الامين العام لجهاز شئؤن السودانيين بالخارج فى المداخلة عاليه.
وتجدون ادناه شرح وافى لانجازات الجهاز فى الفترة السابقة:
| Quote: -------- معايير الجودة والاعتراف في التعليم العالي بمعية نخبة من الاساتذة والمختصين من ابناء السودان في الخارج |
معناها: الغينا لكم الضرائب والاتاوات للابد ابشروا ..
| Quote: -------- مؤتمر تبسيط الاجراءات وقضايا الهجرة بمشاركة ممثلي عدد كبير من رؤساء الجاليات وممثلي التنظيمات في الخارج |
معناها: هاهو برنامج العودة الطوعية نفذ وبدا تفويج المغتربين للداخل ابشروا..
| Quote: -------- المؤتمر السادس للمرأة المهاجرة |
معناها افرحن؛ اخوات نسيبة نلتن حقوقكن بالكامل وانشانا مراكز الطفولة والامومةابشرن
Quote:
---------- ورشة عمل الناشئين في الخارج بالتنسيق مع الاتحاد العام لكرة القدم |
معناها الشافكم شلتوا كاس العالم 2010 ماكضب ابشروا...
| Quote: -------- قضايا التعليم العام ومعادلات الشهادة |
معناها: اولادكم قروا تب بل اصبح كلية لكل سته طلاب وبالمجانى ابشروا
معناها: طظ
| |
|
|
|
|
|
|
|
|
|
Re: أمين عام جهاز السودانيين العاملين بالخارج الجديد (Re: صديق الموج)
|
اخوتي الأعزاء
بمناسبة حلول عيد الفطر المبارك أتوجه اليكم جميعا بخالص وأرق الأمنيات داعيا الله أن يعيد عليكم هذه الايام المباركة بالخير واليمن والبركات
كل عام وانتم بخير.
أعزائي
أكاد لا أصدق نفسي وانا أشاهد البو ست في أعلي الصفحة الأولي من المنبر.
حين قررت سرقة بعض ثواني من الشغل الشاغل هذه الأيام لأدخل المنبر العام كان في مخيلتي أنني سامكث كثيرا في البحث عنه.
وكان قراري : ان وجدته في الصفحة الأولي فأهلا وسهلا ا والا سوف اترك الموضوع ليوم آخر.
وبحمد الله وبمشاركة اخوة أعزاء أثق في اهتمامهم بهذا البوست وجدته في الصفحة الأولي مما دعاني لأكتب هذه الكليمات علي عجل وارجاء التعليق علي مداخلاتكم القيمة لوقت قريب أرجو يكون قريبا.
تخريمة ( علي قول البورداب ):
وايمان بنورة
يا شيقا
انت من زمن بنورة ....
وينك من عياد
وبالكامل ايمان عياد
دمتم واكرر التهنئة بالعيد السعيد وكل عام وانتم بخير.
ود البوب
| |
|
|
|
|
|
|
|
|
|
Re: أمين عام جهاز السودانيين العاملين بالخارج الجديد (Re: حسن طه محمد)
|
Quote: ود الموج
Quote: اللون السياسى: حركة شعبية
بعد مشاركتكم في الحكم فيما بعد نيفاشا 2005 م اصبحتم انتم والمؤتمر الوطنى مساءلين بالتضامن والانفراد عن اى اخفاق في اداء اى جهاز او مؤسسة من مؤسسات الدولة .
اطيب امنياتي |
ود شيقوق كل سنة وانت طيب
مع ان الجميع كان يعول على شراكتنا كثيرا وكان سقف
الامنيات عاليا، ما استطاعت الحركة الشعبية ان تطوله
لاسباب عدة اهمها تعنت الشريك ولا يريد الناس ان يتنازلوا..
عموما اعترف واقر باخفاقنا لكن من يقنع الشريك
ليعترف بالاخفاق ...
ماياها الانشاء الفوق دى،،،،
| |
|
|
|
|
|
|
|
|
|
Re: أمين عام جهاز السودانيين العاملين بالخارج الجديد (Re: صديق الموج)
|
Quote: مع ان الجميع كان يعول على شراكتنا كثيرا وكان سقف
الامنيات عاليا، ما استطاعت الحركة الشعبية ان تطوله
لاسباب عدة اهمها تعنت الشريك ولا يريد الناس ان يتنازلوا..
عموما اعترف واقر باخفاقنا لكن من يقنع الشريك
ليعترف بالاخفاق ...
ماياها الانشاء الفوق دى،،،، |
والله يا خالي الصديق لن تبدّل احوالنا ان لم نبدّل ما بأنفسنا . فمثلا غازي سليمانكم الذى ظلننا نركض خلفه لريادة انتخابات المحامين وصلت حاله الى ماهي عليه الى ان نفضت الحركة يدها منه . فانا لا اصدق صدق ميوله للحركة الشعبية عندما كان معها ولا الآن انتمائه للمؤتمر الوطنى يعني القضية قضية مصالح شخصية .
والله يا العزيز نعيب زماننا و العيب فينا و ما لزماننا عيب سوانا و نهجو ذا الزمان بغير ذنب و لو نطق الزمان لنا هجانا فدنيانا التصنع و الترائي و نحن به نخادع من يرانا و ليس الذئب يأكل لحم ذئب و يأكل بعضنا بعضاً عيانا.
اطيب امنياتي
| |
|
|
|
|
|
|
|
|
|
Re: أمين عام جهاز السودانيين العاملين بالخارج الجديد (Re: حسن طه محمد)
|
أعجبني هذا المقال المعبر للكاتبة مني أبوزيد بشأن المغتربين وجهاز المغتربين.. Quote: هنـــاك فــرق
مغتربون تجوز عليهم زكاة الفطر ..!
بمناسبة استضافة الخرطوم للاجتماع التحضيري لمؤتمر المغتربين العرب : هل يعلم جهاز شئون المغتربين السودانيين العاملين بالخارج أن من رعايا حكومته المختبئين بالخارج أسر مغتربة تستحق الزكاة وتجوز عليها الصدقة ؟! ..
هل يعلم أن مسئولي الجاليات السودانية بالسعودية يجمعون زكاة الفطر للأسر السودانية الفقيرة المقيمة في بلاد الناس ؟! .. فيعلم أن الجالية السودانية في المدينة التي نقيم بها ـ مثلاً ـ جمعت زكاة الفطر من المغتربين المقتدرين من أصحاب المهن ذات الدخول الثابتة المحترمة لتوزيعها على الأسر السودانية الفقيرة ! ..
فما بالكم بالعاصمة (الرياض) ومدينة (جدة) معقل المعتمرين الزائغين في بلاد الناس بلا عمل أو هدى .. ثم ما بالكم ببقية دول الخليج والعرب وإفريقيا ةأوروبا والعالم ؟! ..
هل يدرك جهاز شئون هؤلاء السودانيين المختبئين بالخارج أن هؤلاء المختبئين بالخارج يفضلون (مواصلة) الاختباء الخارج على (متاهة) العودة الطوعية التي تنادي بها حكومة السودان ؟! ..
وبينما تتحدث صحف الخرطوم هذه الأيام عن (ديون) ما بعد العيد، التي سببها الصرف الباذخ على مستلزمات العيد، والذي فاق ميزانية الأسر .. هل يعلم جهاز المغتربين أن هنالك أسر مغتربة تصوم وتفطر على ما يساوي بصلة وتبقى في انتظار زكاة الفطر ؟! ..
هل يستوعب جهاز شئون السودانيين العاملين بالخارج أن الكثيرين من سودانييه بالخارج ما عادوا عاملين ؟ .. بل هائمين على وجوههم خشية العودة إلى (بعبع) الحياة في السودان ؟! ..
السودانيون العاملون بالخارج ـ أصحاب المهن المحترمة والدخول الثابتة ـ الذين يتحدث عنهم جهاز شئون المغتربين باتوا لا يمثلون المغترب السوداني .. بل هم شريحة إن لم يكونوا أقلية .. بعد أن مزقت عوامل التغيير السياسي فالاقتصادي الصورة النمطية للمغترب السوداني إرباً، إرباً ! ..
في الماضي القريب كان المغترب السوداني متوسط الدخل و الحال شخصية محترمة ومهابة (مادياً)، ينظر إليها بكثير من التقدير .. وكانت طبيعة أو نوعية الخدمات التي يطلبها الأهل و الأقارب من (زولهم) المغترب العادي تتراوح بين عقد العمل في الكويت، أو إقامة في السعودية، أو التبرع بتكلفة (الشيلة) لأحد المقبلين على زواج، أو المساعدة في بناء مسجد الحي أو مدرسة القرية .. إلخ ..
و كان المغترب متوسط الدخل يستطيع أن يبتني بدلاً عن المنزل الواحد ثلاثة و أربعة منازل .. دكان ناصية في السوق .. قطعة أرض ضخمة في مشروع زراعي .. لذا فقد كان الشاب المغترب العادي متواضع المؤهلات العلمية و الأسرية (عريس لقطة) يرتقي إلى مرتبة توازي (تاجر الغرب) في أغاني البنات ! ..
و كانت الفتاة تحلم بمغترب يحملها على (طيارة بيضاء) إلى مجاهل و عوالم أخرى حيث يقول الناس (ليش) عند السؤال .. و (هلا) عند السلام ! ..
أما اليوم فالمغترب متوسط الدخل لا تجوز عليه سوى الرحمة، بل أن سلوكه في الأجازات بات مصدر تندر و سخرية المرابطين في السودان .. فهو كثير الإشفاق من غلاء الأسعار، بالغ الهلع وهو يرقب ذلك التناقص المخيف لرزمة مدخراته بعد زيارة قصيرة للسوبر ماركت أو الجزار ! ..
هل يعلم جهاز شئون العاملين بالخارج عن غير العاملين ؟! .. هل يعلم عن المغتربين الفقراء الذين يملكون بالكاد قوت اليوم ؟! .. عند هؤلاء السفر والأجازات السنوية ترف باهظ لا قدرة لهم عليه، ولا قبل لهم بمجاراة تبعاته المادية والجبائية في مكاتب القنصلية أو السفارة السودانية ! ..
اليوم هنالك مغتربون يتصدق عليهم بقية المختبئين بالخارج .. وكله من سياسات الدولة مع المغترب .. فماذا أنتم فاعلون بشأن هؤلاء المختبئين، يا ناس شئون السودانيين العاملين بالخارج ؟!
|
| |
|
|
|
|
|
|
|
|
|
Re: أمين عام جهاز السودانيين العاملين بالخارج الجديد (Re: حسن طه محمد)
|
Quote: تحياتي للجميع وكل عام وأنتم بخير...
صراحة أحترم جداً الأخ حسن طه وبقية المرابطين على هذا النضال الإسفيري
الساخن والطويل...
وأعتقد أنو كرار التهامي غلبكم 20/صفر...
البوست قلب 12 صفحة...ولسع في أسئلة مطروحة، ومطالبين يا مغتربين بربط
الأحزمة !!!
ذكرني قصة عمنا حاتم الوسيلة السماني، الذي خرج من بورسودان ومعه لقب
الصحّاف كما يقول أهل السمر في المدينة...
وبرضو خلال 8 سنوات على ما أذكر، كان بيعمل في مواجهة مؤسسات حكومية كتيرة،
ويسهر من أجل عيون المواطن الغلبان ده. (لكن المواطن كان مزهجو وحاميهو النوم زاتو)!
دخل الصحّاف...خرج الصحّاف وخرج وخرج وخرج...
وترك المدينة كما هي... عطشى في ظلام دامس حينئذ!
أستغرب هذا التسامح المسيحي الفريد، للمتضررين مع المُضرين!!!
فها نحن وبطريقة عجيبة شوية...نتعايد ونتبادل التحايا رغماً عن الضيم الماثل فينا!!!
طيب الزول الكعب منو هنا؟
طيب سيبنا من الزول الكعب...الحال المايل ده جاي من وين؟
هل يُقيّد البلاغ ضد مجهول؟
أهو الوالي...وهنا الرعية... طيب المشكلة شنو؟!!!! صراحة تهت في غياهب الجُب!
خلاصتو، كل زول يتحسس عصاتو...وقت الكعّة ما بتلقو مؤسساتية ولا زبادي بالطحنية!
أبقو على حقوقكم مليون ، ده لو في حاجة زي-حقوقكم -موجودة في دساتير السودان المعمول بها!
إحترامي للجميع
أنور
|
عزيزي انور كنج
كل سنة وانت طيب والسنة الجاية تكون كل مشاكل المغتربين اتحلت ان شاء الله .
قول يامين
ابتداءا اقول أن المباراة لسه ما انتهت
فمن اين أتيت بهذه النتيجة؟ وهذه النتيجة الكبيرة؟
وبالمناسبة لو متابع البوست فان فريقنا ولاعبيه الاساسيين من الدوليين وبنحضر لكاس العالم بجنوب افريقيا.
ونعتقد بكل تواضع أن هناك بعض الاصلاحات الاجرائية التي تمت بالجهاز وأن ما جاء بهذا البوست كان دافعا ومشجعا للاخ كرار التهامي لاجراء تلك الاصلاحات وهي تحسب له بطبيعة الحال.
ومع ذلك فان الطريق طويل وشاق
وما زلنا نناضل وسنواصل النضال من أجل احقاق الحق وانصاف هؤلاء المغتربين الذين نجزم بان الظلم عليهم قد طال .
هناك قضايا كبيرة مثل تعليم الابناء والضرائب وفوق هذا وذاك تاشيرة الخروج وربطها بدفع الضرائب وغيرها من الرسوم الملقاة علي عاتق المغترب بغير وجه حق.
هذا المغترب الذي أصبح مستحقا للزكاة كما ورد في مقال الاستناذة مني ابو زيد وهي محقة فيما كتبت
يستحق منا جميعا الوقوف معه في كل ملماته .
ويكفي النظر الي هيئتهم وهم داخل الجهاز مشردو البال وعيونهم زائقة مما هم عليه من موقف لا يحسدون عليه.
كلما ازور الجهاز لاجراء معاملة
وعندما اشاهد هؤلاء ومنظرهم المبتئس
أقول في نفسي : لا حول ولا قوة الا بالله والله يعينكم !!!!!!!
صديقي ملك الملوك انور
ما زالت المباراة مستمرة ونأمل ان تكون النتيجة النهائية في مصلحة من اوردنا هذا البوست بخصوصه وهم المغتربون الغلابة.
وحينها لن يكون هناك غالب ومغلوب
ما دام الفائز في النهاية هو المغترب.
دمتم ودامت ايامكم بكل جميل.
حسن ود البوب
| |
|
|
|
|
|
|
|
|
|
Re: أمين عام جهاز السودانيين العاملين بالخارج الجديد (Re: حسن طه محمد)
|
Quote: إن لم يكونوا أقلية .. بعد أن مزقت عوامل التغيير السياسي فالاقتصادي الصورة النمطية للمغترب السوداني إرباً، إرباً ! ..
في الماضي القريب كان المغترب السوداني متوسط الدخل و الحال شخصية محترمة ومهابة (مادياً)، ينظر إليها بكثير من التقدير .. وكانت طبيعة أو نوعية الخدمات التي يطلبها الأهل و الأقارب من (زولهم) المغترب العادي تتراوح بين عقد العمل في الكويت، أو إقامة في السعودية، أو التبرع بتكلفة (الشيلة) لأحد المقبلين على زواج، أو المساعدة في بناء مسجد الحي أو مدرسة القرية .. إلخ ..
و كان المغترب متوسط الدخل يستطيع أن يبتني بدلاً عن المنزل الواحد ثلاثة و أربعة منازل .. دكان ناصية في السوق .. قطعة أرض ضخمة في مشروع زراعي .. لذا فقد كان الشاب المغترب العادي متواضع المؤهلات العلمية و الأسرية (عريس لقطة) يرتقي إلى مرتبة توازي (تاجر الغرب) في أغاني البنات ! ..
و كانت الفتاة تحلم بمغترب يحملها على (طيارة بيضاء) إلى مجاهل و عوالم أخرى حيث يقول الناس (ليش) عند السؤال .. و (هلا) عند السلام ! ..
أما اليوم فالمغترب متوسط الدخل لا تجوز عليه سوى الرحمة، بل أن سلوكه في الأجازات بات مصدر تندر و سخرية المرابطين في السودان .. فهو كثير الإشفاق من غلاء الأسعار، بالغ الهلع وهو يرقب ذلك التناقص المخيف لرزمة مدخراته بعد زيارة قصيرة للسوبر ماركت أو الجزار ! ..
هل يعلم جهاز شئون العاملين بالخارج عن غير العاملين ؟! .. هل يعلم عن المغتربين الفقراء الذين يملكون بالكاد قوت اليوم ؟! .. عند هؤلاء السفر والأجازات السنوية ترف باهظ لا قدرة لهم عليه، ولا قبل لهم بمجاراة تبعاته المادية والجبائية في مكاتب القنصلية أو السفارة السودانية ! ..
اليوم هنالك مغتربون يتصدق عليهم بقية المختبئين بالخارج .. وكله من سياسات الدولة مع المغترب .. فماذا أنتم فاعلون بشأن هؤلاء المختبئين، يا ناس شئون السودانيين العاملين بالخارج ؟! |
سلامي وتحياتي للكاتبة منى ابو زيد
منى تتكلم عن دراية تامة بواقع الحال على الاقل في احدة اكبر الدول التي توجد بها جالية سودانية..
المؤسف انو الدكتور كرار نفسو على دراية تامة بواقع الاحوال للسودانيين في نفس الدولة..
عليم خبير بما يدور في داون تاون الاغتراب..
لسوء حظ دكتور كرار فقد جاء في زمان نضب فيه معين المغترب..
ولايزال الربط المطلوب من الجهاز كما هو لا ينضب معينه للخزينة العامة..
واريتا للخزينة العامة لو لتحسين اوضاع المغترب العائد او معاملته بما يليق في قنصلية المغتربين جنوب الخرطوم..
| |
|
|
|
|
|
|
|
|
|
Re: أمين عام جهاز السودانيين العاملين بالخارج الجديد (Re: DKEEN)
|
لايفوتني ان اسجل صوت شكر غاية في الامتنان للدكتور كرار التهامي
لفرده مساحات تقبل فيها الاراء والاستنكارات المتباينة..بل وابدى استعدادا طيبا للسماع وتبدال الافكار والاراء..
وهو رجل ذو خلوق واشهد بذلك عن تجربة وهي على اي حال شهادة لاتلزمه مني ..
ولكن يظل الفيصل في كل مايدور هو التجربة الشخصية والتي يمر بها المغترب حين يعبر جنوب الخرطوم..
زمان واحد قال الجهاز بمافيه من قوانين ولوائح يظل هو الجهاز القديم ولو جلبو له انبل الناس..
| |
|
|
|
|
|
|
|
|
|
Re: أمين عام جهاز السودانيين العاملين بالخارج الجديد (Re: DKEEN)
|
هؤلاء الناس لايكاجرون الدكتور لمجرد حبهم للمكاجرة..
ديل ناس اكتووا بضرائب باهظة تفوق قدرتهم
وزكاوات هم احوج الناس اليها..
ورسوم خدمات ولاخدمات يرونها ..
وبطاقات مغترب تجدد كل عامين واغلب المغتربين لايعودون الى اهلهم إلا كل عامين وبعضهم لايعود ابدا..
وموظفين لو تعاملت معهم لحسبتهم من التركية السابقة..
إجراءات معقدة ومطولة وكلها حلايف وقسم ومصاحف تطاقش كان بيننا وبينكم ثآر بائت..
انتا في ظنهم الابتدائي كضاب وعايز تتخارج بس..
فاذا ما هممت بالتبرير ارسلوك الى اخرين في تبرير يجعل امرك لله..
فاذا ماذهبت الى الاخرين شارحا لهم ..دفعوا بالمصحف الى الطاولة..
يجعلون الله بينك وبينهم..
فاذا ما اقسمت اجلو لك الحساب والزكاة ...
اجلو لك الحساب والله يعجل بالنصر وبالفرج..
الجهاز ده بذكرني بأسباب قيام الثورة المهدية في كتب التاريخ
قال ليك اذكر اهم اسباب سقوط التركية السابقة؟؟
الضرائب الباهظة ..
ثورة العبيد في السودان
نضوب الدهب في جبال بني شنقول
ــــــــــــ
بعدين ليه بقولو التركية السابقة .. هل كان المؤرخ يعلم ان في تركية تانية جاية ..
تراكوة ببشرات سمراء ...
| |
|
|
|
|
|
|
|
|
 Re: أمين عام جهاز السودانيين العاملين بالخارج الجديد (Re: عمار زكي)
|
## نتساءل ثم ماذا بعد ؟؟؟
## ماهو المطلوب من جموع المُستنزفين بالخارج ؟؟؟
## والى متى ستظل سئية الذكر تأشيرة الخروج ؟؟؟
## وهل المطلوب من المُستنزفين بالخارج , البحث عن غابه وتكوين تنظيم مُسلح ؟؟؟
** قلنا الذى نريده فى هذا البوست ولم نطلب المُستحيل بل طالبنا بحقوقنا وأن نُعامل كبقية البشر المنتشرين فى كل بقاع الدنيا فى دول الإغتراب من الجنسيات المختلفه والذين يتشوقون للذهاب فى الاجازات الى بلادهم ,, ونحن عكسهم تماماً نتخوف من الحضور الى بلادنا نتيجةً للجابايات والرسوم المسماه خدمات ولاتوجد خدمات..
** سؤال أخير :- هل سنظل قيد الإنتظار ,, والى متى !!!؟؟؟
(فليظل هذا البوست عالياً حتى نستعيد حقوقنا المسلوبه ودام الود بيننا)
(ابو محمد فؤاد)
| |
|
|
|
|
|
|
|
|
|
Re: أمين عام جهاز السودانيين العاملين بالخارج الجديد (Re: عبدالكريم أحمد الامين)
|
الاستاذ دكين
Quote: لايفوتني ان اسجل صوت شكر غاية في الامتنان للدكتور كرار التهامي
لفرده مساحات تقبل فيها الاراء والاستنكارات المتباينة..بل وابدى استعدادا طيبا للسماع وتبدال الافكار والاراء..
وهو رجل ذو خلوق واشهد بذلك عن تجربة وهي على اي حال شهادة لاتلزمه مني .. |
العقل والحكمة نعمة من نعم الله فقد انعم الله عليك بجزيل نعمائه
قواسيب احترامي
| |
|
|
|
|
|
|
|
|
|
Re: أمين عام جهاز السودانيين العاملين بالخارج الجديد (Re: حسن طه محمد)
|
استاذنا حسن طه
طاب صباحكم
الاخ عبد الكريم الامين (ابو فؤاد)
| Quote: وهل المطلوب من المُستنزفين بالخارج , البحث عن غابه وتكوين تنظيم مُسلح ؟؟؟ |
ضحكتني يا اخي الله يخليك بس اكل الكنتاكي والبيتزا بتت حيلنا طاب تاني الواحد فينا مروة يرفع بيها ابريق ما عندو سيبك من الدوشكات .
| |
|
|
|
|
|
|
|
|
|
Re: أمين عام جهاز السودانيين العاملين بالخارج الجديد (Re: الطيب شيقوق)
|
Quote: في سالف الازمان
كانت وزارة التربية والتعليم واحدة من وزارات الخدمات
وبالتالي كانت هنالك ميزانية مُخصصة ضمن بنود وزارات الخدمات
عندما كانت التربية التعليم خدمة من اوجب واجبات الحكومة
تغيرت الاحوال وتبدلت
تُركت التربية فمن يتبعها لن يطال لا بلح الشام ولا عنب اليمن
واصبح التعليم دجاجة تبيض ذهباً
ابت امبرطورية جهاز المغتربين الا ان تخوض مع الخائضين في الحصول على الذهب
فجاءت جامعة المغتربين
ورغم الكتابات والمساجلات التي تمت حول الموضوع على الشبكة الاسفيرية وفي منتديات سودانية مختلفة
وهنا نماذج من هذا المنبر
Re: مرة اخـــرى جامعة المغتربين.. اوقفو هذا المد والاستنزاف السرطاني
http://www.sudaneseonline.com/cgi-2bb.cgi?seq=msg&board...msg=1188128555&rn=29
ورغم جملة الآراء المناهضة لاستغلال اسم المغتربين قبل جهازهم في نشاط استثماري للقطاع الخاص
وفق امثلة ونماذج لا تٌحصى ولا تعد أقيمت دون تدخل من جهة حكومية كشريك اساسي او حتى كشريك اصغر
الا ان الامر وكأنما جُملت بالقول ......... " انتهي الامر الذي ..... ومن اين من جهازهم نفسه ؟؟؟؟؟؟؟ مفارقة لا مفارقة بعدها
فمجلس الوزراء يناقش قانوناً للجامعة تحت قيادة جهاز المغتربين
والقصد واضح فمحصلة الامر ان الجهاز يريد زيادة موارده المالية
ليه ؟؟؟ او بلغة عربية فصيحة لماذا ؟؟؟
هل (الجهاز ) جهة استثمارية ام خدمية
هل من واجبات الجهاز الدخول في مشروعات استثمارية لخلق موارد مالية اضافية ؟
وفي ماذا ستستفيد من هذه الموارد الاضافية خاصة وان نشاط الجهاز او قل واجبه الاساسي
يتلخص في العمل كجهة تنسيقية بين جهات حكومية متعددة
وهل يحتاج التنسيق لبنود صرف غير الفصل الاول من الموازنة ؟؟؟
فيما ستستغل عائدات هذا المشروع الاستثماري ( ونجاحه مضمون 500%)
هل لتغطية انظمة الصرف التفاخرية
الرحلات ونفقات السفر والحوافز المليونية ونثريات المؤتمرات ....... الخ الخ
يقول الخبر ان الجامعة ستعمل على حل قضايا التعليم لابناء المغتربين ؟؟؟؟
هل ستثتثنى من نسب القبول المطبقة على الجامعات الاخرى مثلا
هل ستخفض المصروفات الدراسية للطلاب المغتربين ( وقد قالتها الاستاذه /منى في مقالها المنقول على هذا البوست في معنى اصبحنا (المغتربين) محتاجين لزكاة ؟
لماذ ياخذ الجهاز دائما ولا يعطي ؟
هل يمكن ان يعمل هذا الجهاز كممول للمغتربين العائدين إلى الوطن من عوائد هذا الاستثمار
هل يمكن للجهاز اقامة مشروعات صغيرة وتمليكها للعائدين وهم كُثر وقد قدمو السبت واغلبهم في انتظار الأحد ؟
حيرتنا الحكومة
فهي نفسها التي طالبت بخروج الحكومة من كافة مجالات الاستثمار
على ان يقتصر دورها في تحسين البيئة الاستثمارية
عبر الحوافز والتسهيلات والقوانين .... وفق رؤية حمدي السياسية والاقتصادية ومصالحه ايضاً
وهي ايضاً التي تسمح لوزارتها بإقامة المشروعات الاستثمارية لتنافس قطاع الاعمال
في المجال الاستثماري الخاص وفق رؤية لاصحاب مصالح ايضاً ؟؟؟؟؟؟
هل تم استغلال اسم المغتربين وجهاز المغتربين من بعض المغتربين في مشروع استثماري /تجاري لاغراض اخرى
اللهم لانسألك رد القضاء ولكن .........................
|
الاخ الاستاذ السندة
كل عام وانتم بخير
جميعها اسئلة مشروعة نامل من سعادة الأمين العام دكتور كرار التهامي التفضل بالاجابة عليها.
شكرا لتداخلكم القيم والمقدر
وواصل عزيزي،،
| |
|
|
|
|
|
|
|
|
|
Re: أمين عام جهاز السودانيين العاملين بالخارج الجديد (Re: حسن طه محمد)
|
الأحباب الكرام.. أستعد للسفر للسودان قبل يوم واحد من عيد الأضحى المبارك..
وقبل شراء الهدايا والمستلزمات الشخصية، وضعت في الميزانية ما مقداره ألف وخمسمائة ريال لكي (تخارجني) من مباني الجهاز في الامتداد (بالسلامة).. وهي تعادل بحساب اليوم أكثر من (مليون جنيه) تحل ليها ألف مشكلة في السودان.. أقل حاجة تستأجر لي سيارة لمدة شهر..
عزيزنا الدكتور كرار.. ارجو إضافة (مليوني) لموازنتكم الحالية.. لأنني سأدفعها قبل أيام قليلة من قفل الميزانية ونهاية العام 2009.. سأدفعها رضيت أم بيت.. سأدفعها صاغراً أو رافضاً.. وسأدفعها مجبراً لا بطلاً....
ان شاء الله تنفعكم..
| |
|
|
|
|
|
|
|
|
|
Re: أمين عام جهاز السودانيين العاملين بالخارج الجديد (Re: أيمن دياب)
|
Quote: الأحباب الكرام.. أستعد للسفر للسودان قبل يوم واحد من عيد الأضحى المبارك..
وقبل شراء الهدايا والمستلزمات الشخصية، وضعت في الميزانية ما مقداره ألف وخمسمائة ريال لكي (تخارجني) من مباني الجهاز في الامتداد (بالسلامة).. وهي تعادل بحساب اليوم أكثر من (مليون جنيه) تحل ليها ألف مشكلة في السودان.. أقل حاجة تستأجر لي سيارة لمدة شهر..
عزيزنا الدكتور كرار.. ارجو إضافة (مليوني) لموازنتكم الحالية.. لأنني سأدفعها قبل أيام قليلة من قفل الميزانية ونهاية العام 2009.. سأدفعها رضيت أم بيت.. سأدفعها صاغراً أو رافضاً.. وسأدفعها مجبراً لا بطلاً....
ان شاء الله تنفعكم.. |
** الاُستاذ أيمن دياب..
** مساءك الله بالخير ..
*** الله وأعلم المبلغ دا يخارجك من الناس ديل بإعتبار أنو المطلوب منهم بأن يسلبو المغترب كل مافى جيبه وإحتياطياً ساعد نفسك بالف ومية ريال (300 دولار) إحتياطى لانو فى رسوم وجبايات مُمكن تكون تم فرضها قبل الموازنه الجديده ..
(وربك يكون فى عون كل المُستنزفين المنهوبين الذين يدفعون ولايعلمون مُقابل ماذا يدفعون !!؟؟)
(ابو محمد فؤاد)
| |
|
|
|
|
|
|
| |
welyab
حسن طه محمد
عبدالكريم أحمد الامين
الرفاعي عبدالعاطي حجر
يوسف الخضر
الطيب شيقوق
haroon diyab
AnwarKing
Al Sunda
صديق الموج
فيس بوك
تويتر
انستقرام
يوتيوب
بنتيريست