|
Re: الف مبروك .......عزة بتى وعلى طاهر الخطوبة (Re: مامون أحمد إبراهيم)
|
سلمى سلامات أول ما دخلت المنبر لقيت البوست قدامى قلت أدخل أشوف منى خوجلى جابت للعرسان هديتى ولا لسة. فتشت الصفحة الأولى ودون أن أنتبه إلى أن البوست ثلاث صفحات جرى على الكى بورد وكتبت الآتى
Quote:
أم العروس سلامات ما زلت أنتظر مقدم الأخت منى خوجلى ومعها هديتى.. قلق أنا من تأخرها..فما عودتنا أن تتأخر من واجب.. عساها بخير لك ولها ولعزة ولخطيبها ولكل المارين من هنا محبتى..
على هامش الطلة.. إكتشفت أن لى فى تهانى عازة نصيب كيف لا ونحن يلتقى نسبنا فى (المسلمية) وفى أشياء أخرى ستكتشفينها يوم العرس إن كان فى العمر بقية
|
عدت مرة أخرى لأكتشف خطئى.. ووجدت أن الأخت منى خوجلى قد وصلت ولم تخيب رجائى حيث أحضرت هديتى معها..
للمرة الكم وكمين كدة ما عارف .. أرسل تهانى الحارة.. وللجميع محبتى ولمنى خوجلى تشكراتى على الحضور البهى ..
| |
|
|
|
|
|
|
Re: الف مبروك .......عزة بتى وعلى طاهر الخطوبة (Re: azhary awad elkareem)
|
ازهرى الحبيب وتانى شكرا ليك شفت يا ابو الزهور قالوا اهلنا الدم بحن دحين يعنى انت عمها لعزة بتى وحباب اهل عزوزة وين ما كانوا كيف ماكانوا وانت عارف معزة عزة لاهلها كان من ناحية ابوها ولا امها بنية عديلة وفضيلة الله يغتى عليها من عينى وعين الناس
ومنى خوجلى دا موضوع تانى دى ست الكرم والمحبة للناس كتر خيركم ومردودة ليكم فى السمح ود امى
| |
|
|
|
|
|
|
Re: الف مبروك .......عزة بتى وعلى طاهر الخطوبة (Re: مامون أحمد إبراهيم)
|
سلمى سلامات أول ما دخلت المنبر لقيت البوست قدامى قلت أدخل أشوف منى خوجلى جابت للعرسان هديتى ولا لسة. فتشت الصفحة الأولى ودون أن أنتبه إلى أن البوست ثلاث صفحات جرى على الكى بورد وكتبت الآتى
Quote:
أم العروس سلامات ما زلت أنتظر مقدم الأخت منى خوجلى ومعها هديتى.. قلق أنا من تأخرها..فما عودتنا أن تتأخر من واجب.. عساها بخير ل%D
| |
|
|
|
|
|
|
Re: الف مبروك .......عزة بتى وعلى طاهر الخطوبة (Re: tarig almakki)
|
واحلالى يا طارق واحلالى وكتر خيرك وشكرا لمحجوب ابوها محرية فيهو هسى ابكى ولا اكتب واحلالى واحلالى حبيبى وابو عزة محجوب شريف احبك من هنا ليوم الدين وابعد احبك لمن اموت وابعد احبكم كلكم حلاتن على وعزوز ربنا يحفظكم من كل شر ويتم ليكم على كل الخير يا رب شكرا ليك يا طارق ولدى الحبوب وتانى مبروك عزوز وعلى
| |
|
|
|
|
|
|
Re: الف مبروك .......عزة بتى وعلى طاهر الخطوبة (Re: Elmosley)
|
يا سلمى
عليك الله قولي للموصلي الجميل دا
يغني ليهم ولينا .......................... مهما فيك طولت صابر يا سنين عمري الشقية مهما طال فيك حظي عاثر ودوبت عمري الأسية ما بقول أنا راح أواني عارفو ببسم لي زماني وسعدي يرجع ليا تاني بالأماني السندسية ............................ بكرة بصبح ذكريات حالي داك الكنت فيهو تملا آمالي العراض كل دربا أقتفيه بكرة تجمعني الصلات بعزيزا أصطفيهو ............................. بالجد يا سلمى الزول الجميل دا ما ساهل... وأنا والله أكتر سوداني عاجبو صوت الموصلي. وعليك الله أسمعيهو لمن يقول بكرة (بصبح ذكريات) لما يجر (كلمة ذكريات) دي بجرنا معاهو لمناطق لا نعلم اين هي ؟ أفي الأرض أم السماء.... التحية عبرك لهذا السوداني العبقري
| |
|
|
|
|
|
|
Re: الف مبروك .......عزة بتى وعلى طاهر الخطوبة (Re: Elmosley)
|
يوسف الجميل عساك طيب وما جايينا فى العيد؟ طبعا ما اتلاقيت مع محمود العريس لغاية الان امشى البيت يكون مشى اجى على اساس نتلاقى يقوم يضرب تلفون يقول شغال لكن بنتلاقى حاقصة فى بيتكم الوكت كله ومن هسى دى دعوة للنادى زى ماقالت صديقتنا ماجدة خوجلى لكن بالجد يا يوسف مش فكرة لذيذة انك تكون جد؟واكون حبوبة ؟
يلا خلينا نشوفك فى العيد نسوى خروف تمام الكمونية على اقعد عافية
| |
|
|
|
|
|
|
Re: الف مبروك .......عزة بتى وعلى طاهر الخطوبة (Re: سلمى الشيخ سلامة)
|
ايوووووووووووووووووووووووووووووووووووووووووووووووووووووووووووووووو ايوووووووووووووووووووووووووووووووووووووووووووووووووووووووووووووووووووى ايوووووووووووووووووووووووووووووووووووووووووووووووووووووووووووووووووووووووووووووى ايوووووووووووووووووووووووووووووووووووووووووووووووووووووووووى
| |
|
|
|
|
|
|
Re: الف مبروك .......عزة بتى وعلى طاهر الخطوبة (Re: Kamal Karrar)
|
سلمى تحذيرك كان بنفع اربي شنب !!! الساعة الدخل علي ابوجقادو وشال الفاتحه لونه وضحكنا ما نزل لمن جانا الجوكر قمنا طلعنا برةعاملين فيها بندخن ضحكنا مرق الشارع في ناس جو اعزو سمعوا الضحك قربو ارجعوا فاكرينالكلام ما جد غايتو عملت فيها زعلان من نفسي وابيت افتح التلفزبون عزمت احلام معرض الكتاب وبعدوا على السينما تغيير قالت لي مش احسن كان تفتح التلفزيون ورحعنا حزنانين بعد ما ربطت ليها الضحك في طرف توبها صورة العروسين تجنن وخاصة التوب
| |
|
|
|
|
|
|
Re: الف مبروك .......عزة بتى وعلى طاهر الخطوبة (Re: Marouf Sanad)
|
أختنا / بت الشيخ ....
ألف مبروك للشباب .... وطبعاً أنا متأخر في التهنئة .... بس أكيد ح تسامحي لأني جايب ليك معاي تهنئة من زول مهم جداً ورائع ..
Quote: الاستاذة سلمى الشيخ أسعدنا خبر خطوبة عازة السودان و عقبال الفرح الكبير والتهنئة مقرونة للخال حذيفة الصديق الذى افتقد أخباره لكم تحياتى وكلماتك فى حقه جاءت فى محلها دكتور/ طه كروم المدينة المنورة
|
-
| |
|
|
|
|
|
|
Re: الف مبروك .......عزة بتى وعلى طاهر الخطوبة (Re: Hatim Yousif)
|
حاتم اخوى مافى عوجة تب شيتا جيت وجبت معاك الحبايب حبابكم يا اصحاب الولد الزين زفزاف وحذيفة صاحب كل الناس وحبيبهن وحبايب حذيفة نشيلهم جوه القلب يااولاد امى الحبان مليتوا علينا المكان جمال ربنا يديكم من جماله ويزينكم بسمح خصاله الامن والعافية والخوة الما بتتبدل اقعدوا بيناتنا تشيلكم عيونا وتعالو دايما فى الفرح وللفرح نفتح كل ابوابه ونهديها لكل الحبان
| |
|
|
|
|
|
|
Re: الف مبروك .......عزة بتى وعلى طاهر الخطوبة (Re: محمد سنى دفع الله)
|
هيا السنى الايام دى اسعد زول انقر مالى ؟ ما لقيت قاسم نصر وهاك يا تلفونات عارف اخر حاجة قالا لى وكانت المحادثة قربببت تنتهى مش بجى صوت نسائى بقول ليك المحادثة قربت تنتهى اها قاسم قال لى قاعد اقول لاهلى دى مرتى ياالسنى ود ستونة كان بس ناقصنا حضورك مع قاسم وكتر خير بكور ود السمندل اللمانى فيهو ياخ اليوم داك بكينا بكى واتعاورنا عوارة لكن برضو سعيدة بوجود قاسم معاى عبر التلفون
| |
|
|
|
|
|
|
Re: الف مبروك .......عزة بتى وعلى طاهر الخطوبة (Re: على محمد على بشير)
|
الاخ على محمد على بشير اولن شى يعنى ليه خاتى صورة النجمة دى قدر كدى ؟ ما برضو نحنا هلالاب وكده معليش دا بره النص
داخل النص نجيك فى السمح وفى نجاح الوليدات وفى (انتصارات المريخ ) تانى مرقت من النص يعنى قصة مريخابى دى اظنها موجعانى بلحليل
عارف اخو الكبير الله يطراهو بالخير كان الوحيد المريخابى فى البيت اها يوم الهلال غالب المريخ وكان فى بيتنا فى مكتبة بقعد فيها للمذاكرة فى الديوان وزمنا كنا بنكتب بالحبر السائل واقلام السهم ما تديك الدرب امى عليها كل الرحمة قالت لى ـ خلى الحبر ما تمليهو هسى لانه طارق مغلوب ووشو ينعل قفاهو لكين المكاواة اخليها لمنو مشيت ياسيدى وبقلب قوى قلت ليهو ـ ممكن المحبرة وطبعا الحبر لونو ازرق والقصة دى فايته على الساعة اليشيل القلم ويكسرو لى قلم جديد لنج وهاك يا بكا ويا دموع امى من بعيد بتراقب فى الموقف قالت لى براحة ـ ما كلمتك ؟ اها قلمك اتكسر اوعى تزيد باكر اشترى ليك محبرة وختيها عندك هنا وشدة ما مريخابى لمن اتزوج بت ناس سيد سليم الكان مدرب المريخ شفت اللعب كيف ؟
ووحاتك ياالغالى الكورة فكينا دربها وتشجيعها من زمن ناس طارق احمد ادم هسى كان سالتنى البلعب منو ووين ؟ يخربنى خراب الترب معليش ياخ دى حركة منى ساكت لكن ما بشجع الكورة ، ابييييييييييييت
| |
|
|
|
|
|
|
Re: الف مبروك .......عزة بتى وعلى طاهر الخطوبة (Re: Najlaa El Mahi)
|
الأخت الأستاذة / سلمى ،
تحياتي ،
ألف مليون مبروك للإبنة عزة (سونيتا) وللإبن العريس علي الطاهر ،
ندعو لهما بكل التوفيق والسعادة في الخطوبة ، وعقبال لمن تفرحي بيهم الفرحة الكبرى .. لك ولأفراد الأسرتين ولكل أحبابكم ومعارفكم كل التهاني القلبية ، وأن يجعل الله كل أيامهم وأيامكم أفراحاً وسعادة دائمة .
ومؤكد إبننا العريس المرتقب ود الطاهر قد خاطب العزيزة عزة أثناء الخطوبة قائلاً :
أجيك فارساً يشق .. صمت المتاهة الطال .. مواعدك بي حكاوي الشوق .. وبي شمساً وراها (سونيتا) ..
و .. مبروك مقدماً أختي سلمى باللقب الجديد ( حبوبة) سلمى .. وكلنا في (الحفيدية) شرق .. وعقبال لمن تزداد أفراحك وتشوفي عيالهم ، و كمان عيال عيالهم (!!) ، وانشاء الله يارب وقتها تكونين في قمة عنفوان الصحة والعافية الملفوفة بحرير السعادة . و .. آمين يا رب
ألف مبروك مجدداً أستاذتنا الأديبة سلمى ،
مع مودتي ،
جدو ( ليمو )
| |
|
|
|
|
|
|
Re: الف مبروك .......عزة بتى وعلى طاهر الخطوبة (Re: abdulhalim altilib)
|
ليمو الحبيب جنس الكلام دا وحيدو البجيب الدموع مارقة اصلها قاعدة على الهبشة وعجبتنى كلماتك وعجبتنى القصيدة يعجبك الخير ود امى ويعجبك السمح اليقعد فى حداك ويحرسك من كل شر وياجدو ليمو وكتين يجى الفرح الكبير موعودين بحضورك الزاهى موعودين بوجودك الدافى يخليك يارب ويديك الفى مرادك اقعد عافية وزين يا سيد الزين
| |
|
|
|
|
|
|
Re: الف مبروك .......عزة بتى وعلى طاهر الخطوبة (Re: ترهاقا)
|
ترهاقا او الاخ الحبيب ساطور مبروك لبتكم ويا ساطور اخوى عزوز دى ما لاقيتا معاى فى المعهد؟ كانت صغيرونة بتجى معاى وبعدين البنات مازى الاولاد مش الغناى قال الله يكبرن الكبرنى وسمحن؟ ياهو كدى يكبرو هم ويخلونا ويمشو نتلاقى يا ساطور فى فرح عزة السنه الجاية فى السودان كلنا ونعمل هيصة ما حصلت قلت كيف؟ حضر الاكورديون من هسى
| |
|
|
|
|
|
|
Re: الف مبروك .......عزة بتى وعلى طاهر الخطوبة (Re: HOPEFUL)
|
الصديقة الحبيبة : سلمى
من جبين الشمس وعطر النهار وزاز الخريف الدافق أرسل تهانيي القلبية الخالصة لك ولذات الاسم الكبير وصاحب الحظ السعيد
وبيت يعرش فيه المنى والسعد والدفء المستدام ( دي على وزن السلام المستدام كما يقول سيدنا (ود المهدي !!) عليه السلام !!! ) .
مودتي وسلامي بلاحدود لك وشقيقك الودود ( طارق) الذي التقيته بالدوحة قبل نحو اسبوعين أوثلاثة بمقر صحيفة (الراية) ..
خضرعطاالمنان [email protected]
| |
|
|
|
|
|
|
Re: الف مبروك .......عزة بتى وعلى طاهر الخطوبة (Re: خضر عطا المنان)
|
الصديق الحبيب خضر او ابن بطوطة انت هسى وين ؟ فى الدنمارك ولا فى الخليج ؟ حاسداك على السفر طبعا لانى مهووسة بالسفر اتمنى ان تعود ونعود جمعنا الى حيث بيوتنا واهلنا واحباءنا وسلامى لطارق اخوى كان بقيت فى الدوحة ونتلاقى باذن الله فى فرح عزوز فى السودان كتر خيرك ود امى
| |
|
|
|
|
|
|
| |