|
Re: الحزب الجمالى ... حز ب المعارضة (العناية الالهية ) (Re: bayan)
|
Quote: انت يا على كنت وين ؟ (القصثه) بقت جماليات تانية اطلع منها ، هسى انت ليك كم يوم ماجيتنا ؟خلينى مع بيان عندنا جماليات تانية |
سوري يا سلمى ما قصدتا احرف لك البوست بس نوستالجيا المعهد شديدة.. خلاص نخليكم ترجعوه للجماليات الاولى.. ويوما ما الواحد يكتب عن الجماليات التانية.. الاعتذار لكل القراء على حرف البوست والاعتذار للاخوان على و السني و الموج.. والتحية للعزيزة سلمى على هذا البوست الجميل.. وكل ناس المعهد
لكم المحبة كلها...
| |
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: سلمى الشيخ سلامة)
|
هسى عليك الله اجمل م كده فى ؟ اجمل مافى المسالة انها جمالية ومافيها اى انحراف ، لانو الكلام عن المعهد برضو جماليات وما طلعنا من موضوعنا لاننا بنتكلم عن جماليات الناس الجميلين ، وما تعتذرى ، زى ماقال محمود درويش فى واحد من دواوينه الاخيرة اسم الديوان حقيقة (لا تعتذر عما فعلت ) ولست بنادمة على اى حرف كتبته ولا بيحصل
| |
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: سلمى الشيخ سلامة)
|
يا كارلوس انت كويس؟ طمنى عليك اول حاجةورسل لى تلفونك فى المسنجر تانى حاجة الاضافات كيف ؟طبعا لاقيت كل الجماليين فى السودان سنتين متصاقرين من المسرح للبقعة للاذاعة للتلفزين ، يسالوا عنك اشد السؤال خاصة الرشيد احمد عيسى ، وقرنى وكل الذين تحبهم ، لكن يا كارلوس الحاجات بقت ما ياها غايتو نتكلم وكت تانى بالراحة تلفونى 3193370477 والقطاعة كان ما كلمتنى ، يلا سلام
| |
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: سلمى الشيخ سلامة)
|
الفاتح ياسين ازيك تانى ، اول حاجة كارلوس فى امريكا ليهو خمسمية سنه ، وقاعد فى تينسى ، هو واضافافتو زى ما بسمى اولادو عندو خالد وياسين ونهى ، شفت كيف ، وطبعا كارلوس عندو مقولات جمالية كتيرة ، قال عاوز يعمل شركة انتاج تلفزيونى واعلانات وبراهو بعمل الاختبارات الجمالية طبعا الفترة الاخيرة شهدت رحيل كتير من الجميلين ( اميجو ، وحيدر حدربى) حيدر امكن ليهو اكتر من سنتين مما رحل عننا ، لكن ما بعرف اسرته وين ؟ عموما المعهد مازلت بقول المعهدكان علامة فارقة فى حياة اى واحد درس فيهو او حتى عبر منه مرة
| |
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: سلمى الشيخ سلامة)
|
سلمى حيدر حدربي وحلاة الزهره رحمه الله قالتو في السعودية هو ذلك الانسان الرقيق وادخل على يحيى الهجاعازف الابوا شخصيه ظريفه ومقلقه دائما في قلق من الته الابوا كلما اسمعو وهو بتمرن في بلكونه الطابق الثاني كنت امشي اصنقر جنبو واسمعو ينتهي من التمرين ويبدا في القلق من الابوا ويقول يا اخي الابوا دي الكتلت عبدالحليم حافظ اقوليهو ياخي مش الابوا البلهارسيا ويايحيى تعددت الاسباب والموت واحد يحيى كان مهووس بالتصوير وكان عندو معمل تصوير في دار الاتحاد مشيت ليهو يوم شغال تحميض وانا الوكت داك مخنفس ومنكش قال لازم ياخد صوره ومرفق لك الصورة
http://www.sudaneseonline.com/u/237.jpg
| |
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: سلمى الشيخ سلامة)
|
سلمى حيدر حدربي وحلاة الزهره رحمه الله قالتو في السعودية هو ذلك الانسان الرقيق وادخل على يحيى الهجاعازف الابوا شخصيه ظريفه ومقلقه دائما في قلق من الته الابوا كلما اسمعو وهو بتمرن في بلكونه الطابق الثاني كنت امشي اصنقر جنبو واسمعو ينتهي من التمرين ويبدا في القلق من الابوا ويقول يا اخي الابوا دي الكتلت عبدالحليم حافظ اقوليهو ياخي مش الابوا البلهارسيا ويايحيى تعددت الاسباب والموت واحد يحيى كان مهووس بالتصوير وكان عندو معمل تصوير في دار الاتحاد مشيت ليهو يوم شغال تحميض وانا الوكت داك مخنفس ومنكش قال لازم ياخد صوره ومرفق لك الصورة
http://www.sudaneseonline.com/u/237.jpg
| |
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: سلمى الشيخ سلامة)
|
الفاتح يس انت تقصد امو يحي الهجا ولد القضارف الكان بجى الكافتريا وبقول العندو سجارة حمرا يدينا اتوفى ؟؟؟؟؟؟؟؟ ما اظن لانى ما سمعت خبر زى كده اصلا ، كدى اتاكد وورينى ، دا كان زول جمالى جدا ومنطوى جدا على نفسو ، لكين بحب الجمال المطلق والمتمثل فى الابوا الكان ماهر فيها ، بتذكر حتى قبل ما نخش المعهد كانوا بجيبوه فى الكورال بتاع المعهد لمن يكون فى احتفال ، دايما بتكون صورتو واضحة فى الشاشة زول وسيم ، كدى اتاكد لى من المعلومة دى
| |
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: الفاتح يسن)
|
اشكر اهتمامك بالموضوع ، لانو ماقدرت انوم للصباح الزول كان جمالى وصاحبى جدا ، كان لمن يعزف الابوا دى بقول ليهو انت عبد الحليم حافظ قريبك ؟ لانو الالة نفسها ماكان فى عازقين كتيرين ، سمعت انه عمر الخزين كان برضو عازف ابوا، لكين الكلام عن صلاح ابا يزيد داير فرقة كبيرة كنا اصحاب ومعانا الدرديرى احمد الشيخ وازهرى عبد القادر ونادر السودانى ، لكين علاقتى بصلاح امتدت لاننا بعد داك اشتغلنا فى جريدة الايام فى التمانينات ، وهو كان برسم الكاريكاتير فى الجريدة ، الله يرحمو ، مرة فى محطة التلفزيون الاهلية وكنا جديدين فى المعهد ، المهم قالو لينا ناس سنه اولى تجو التلفزيون عشان تحضرو التسجيل ، كان فى اغنية لحنها صلاح ابا يزيد ( عشان ليه تبوزى فينى ياشيشة ، وعشان ليه تقولى على زول كيشة وانا الريشة وشايل حبى تكويشة ) الكلام دا كتبو عباس الزبير ولا قاسم ابو زيد ما متاكده السنى بكون متذكر ، واللحن صلاح ابايزيد ، لحن جاد وغنا جاد اعتقد الكان بغنى قاسم ابو زيد والكلام لعباس الزبير ، كان ملحن عظيم جدا وقائد فرقة عالى الحضور ، وبعد دا كلو كان درس علوم فى جامعة الخرطوم والتحق بالمعهد ، الف رحمة على صلاح ابايزيد
| |
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: سلمى الشيخ سلامة)
|
يا نور البوست ما طش منى ، دابى لقيتو ، لمن جات البنية رفعت الكلام ، وانا الشوق ليكم ما كاتلنى وحاسداكم انت والسنى ،واهدى ليك كمان كلام لذيذ بمناسبة شوقى ليك قصيدة من عميرى : يا مسافر ابقى فاكر انى باكر يا ما لى شخصك اغنى وازرع النيا ابتسامة وضحكة فى لون التمنى شفت الشوق حقنا كيف ؟ اها التسجيل تم بت يا جنا ، بس تدفعوا لينا كل الجمال الحولكم ، ما بالقروش ولا اى حاجة ، بس محنه وكلمة حلوة وابتسامة
| |
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: سلمى الشيخ سلامة)
|
زنوبة ، تعرفى المعهد (كان )طبعا لمن الزول يجيهو بجى كبير ، يعنى بكون خلص الثانوى على الاقل وعنده تراكم بتاع جمال ولو نسبى ، بكون قرا ليهو كم كتاب ، وكم رواية ، خاصة قسم المسرح ، لانو الحزب نفسه كان فى قسم الدراما ، وفى ذخيرة معرفية متكونه عندو ، تعرفى احمد طه مثلا ترجم مسرحية وهو فى سنه تالته (لجزيرة لاثول فوجارد)اتخرج بيها الزميل الرشيد احمد عيسى، المهم يا زينب الجميلة ، كان المدرسين برضو ليهم اثر فى الاستفزاز لقدرات الطالب ، المعرفيه ، وكنا بندخل فى معارك معرفية مع الاساتذه بالمراجع ، بنفتش الاثر الجمالى فى كل حته ، سفارات مراكز ثقافية مكتبات الجامعات التانية ، اركان النقاش ، كل هذه الاشياء طورت مقدرات جمالية ما كان لها ان تكون لولا الوعى الجمالى لدى الطلاب فى ذلك الحين ، كنا لمن نمشى ندوات فى اى جامعة بسالونا انتو طلاب ولا اساتذه ؟
| |
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: سلمى الشيخ سلامة)
|
تعرفى يا زنوية الحزب دا داير انقلاب داخلى عشان السر ماجاب لينا التقارير الاخيرة بتاعة ستاشر سنه مما خلينا ليهو الحزب وطفشنا ، لكين يبدو انه عمل ابتكارات وعضوية اتسعت فى ايام (الولاية) بتاعتو ، وخاصة انى وجدت ترحيب كبير من اعضاء جدد من رواد الاوزون ، ودى بقاع جمالية جديدة علينا ناس ( الشريعة طرشقت ، وفصل الدين عن الدولة ، ) يا زولة دا عالم جديد وجميل ، للسر كل الحب فى هذا الكون ولك مثل حظه يا صديقتى
| |
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: abdalla elshaikh)
|
Quote: تعرفى يا زنوية الحزب دا داير انقلاب داخلى عشان السر ماجاب لينا التقارير الاخيرة بتاعة ستاشر سنه مما خلينا ليهو الحزب وطفشنا ، لكين يبدو انه عمل ابتكارات وعضوية اتسعت فى ايام (الولاية) بتاعتو ، وخاصة انى وجدت ترحيب كبير من اعضاء جدد من رواد الاوزون ، ودى بقاع جمالية جديدة علينا ناس ( الشريعة طرشقت ، وفصل الدين عن الدولة ، ) يا زولة دا عالم جديد وجميل ، للسر كل الحب فى هذا الكون ولك مثل حظه يا صديقتى |
تعرفي يا سلمي بمناسبة السر السيد و انا جديد في الحزب الجمالي و بنتباري أنا والسر السيد ما بين الفرع وداخلية المعهد وإتحاد الكتاب السودانيين.. وبيت الكفونجية في بانت أقصد بيت ناس يحي فضل الله و السماني لوال و الرشيد احمد عيسي وبيتر كوش الألماني بالمناسبة دي الزول ده حصل ليه أيش؟ و كنا بنتطور دراسة "الشاكوش بين المطرقة الإقتصادية والحالة الإبداعية" الوسط الطلابي نموذج اها في بيت بيتر كوش و الكوفونجية جاء راجل ألماني و معاهو بت المانية إسمها إلكا و تقوم تنشأ علاقة حب بيني وبين هذه البنت في بيت الكوفونجية و اقوم أنقطع ليك من مبتابعة السر السيد و البد ليك مع البنت و نتابع من متحف لي كلية الفنون ، وفتحت ليك للسر السيد أها سمع من وين ما عارف ، وبقي يفتش فوقي لحدي ما لقاني في بيت الكوفنجية مع البنية و عجبتو ليك و الغيرة شالتوا فوق ورمتو تحت ، وقت ما عرف يعمل شنو، قام نط وقال لي - اعمل حسابك من البنية دي، حا تدشدشك ساكت دي تراثها هيجل وكارل ماركس و إنت يا ود يا بقة تراثك إبن حنبل و غسل الجنابة تمتم تمتم و غني ليدين من حجر وزعتر بطريقته و مضي
| |
|
|
|
|
|
|
Re: الحزب الجمالى ... حز ب المعارضة (العناية الالهية ) (Re: سلمى الشيخ سلامة)
|
عبد الباقى يبقى الحزب الجمالى دائما مقرا للذين لا ينتمون الا للجمال والجمال هنا ليس جمال الشكل فقط انه جمال الروح وجمال الروح كما تعلم هو مفتاح الشخصية والا لما بقيت بيننا شخصية مثل مجدى النور ذاكم الفارس الجمالى الذى كان مفرط الحساسية باتجاه الجمال انظر الى شعره حين يفاجئك وانت تقرا السطور والحروف والكلام (فاجانى النهار وانا ماشى بيناتا)كيف يمشى بيناتا وهو الذى كان لا يود ان يمشى بعيدا عنا لكنه مشى ، مشى والممشى العريض يدفعه نحوه ، ممشى كتبه الجمالى عميرى وغناه الجمالى مصطفى وشلناه معهم لكننا لم نكن ولن نود غياب ذاك الجمال من بيننا ، هل قلت غياب ؟ بل حضور يتوهج برقا كلما فج السحاب يخرج من بين الحلم الموجوع ويبدا مشى الجمال
| |
|
|
|
|
|
|
|