ود بت ام الحسين..................... رئيسا

Quote: الحكاية ما انك تسوي انقلاب وتجي التلفزيون وتقول ليك كلمتين المعنى يعنى الخلق القبالك ديل حكايتن مي نافعة معاى وماني داير معاهن دحين اليتزاخرو وانا بسدها وبقدها ومحل رهيفة التنقد ، وكررررر تديهن جبخانه تجيب خبرن وانت زاتك ما العليك الرك يا ود بت ام الحسين ، البلد دي ياما فيها نسوان ولدن وسمن ،رجالا يسدو عين الشمش ، والله رجالا تختهم في الجرح يبرا ويطيب من نحينتو ،

(عدل بواسطة خضر حسين خليل on 03-10-2009, 06:27 AM)

Quote: هوي ياناس هوي ، ، البلد دي مافي راجلا غيري بحكما ، امي قالتلي ـ ــ جيد لي وكت قلت ليها ماشي اسوي انقلاب علي الحكم الفاسد ، وزغردت سمع اضاني ، ياإني ما خساني بي جنس واحد فيكم ، الينضم ولا اليسكت ، يلا قومو امشو خلونا نشوف شغلنا ، ولا قايلني ود بت ام الحسين البخسة الزمان ؟ قاعد فوق راس اليرضي واليابي ، وعلى اليمين الكرسي دا ما بنزل منو الايجي الارجل مني ،لمن اموت ، واجعكم وين ؟

Quote: قالوا بلد مافيها التمساح يقدل فيها الورل ... وكان السياسيين والمعارضين جنس عبد الواحد أخير لينا ود بت ام حسين اهو شايلاهو الجعليه (وموت لي موت أخير موت ود اللعم من نموت تحت المارينز ) ونسوانا بدل مايغتصبوهن المارنيز وبكره يجيبن ليهن وليدات عيونن خدر أخير ليهن اولاد بلدن مش قالوا لالوب بلدنا ولا تمر الناس ..

Quote: هسى يعنى يا بابكر اخوى ناس عبد الواحد ديل اجانب ولا نفهم شنو من كلامك دا؟ وبعدين الجعلى ود بت ام الحسين دا ما غطس حجرا البلد يعنى الحجر لمن يغتس كيفنو ؟ دا خطاب غريب جدا بالجد كانه السودان دا حق الجعليين يغتسو فيهو لمن يروح دا كان فضل فيهو شى غايتو كلامك دا ما وقع لى ولو اصلا دا مقياس ببقى البلد دى عليها العوض لانه خيارها وفقوسا بقى واضح

Quote: لكن ناس عبد الواحد ديل بعملوا فيها بالمثل البقول في البير واقع فيها الفيل بمعني (ود بت ام الحسين وقعها في البير ... وناس عبد الواحد عاوزين يوقعوا فيها الفيل عشان تاني اصلا ما تقوم ليها قايمه )

Quote: 0الناس مرقت متل الشايللهن جنازة لكين العوجة بقت وخازوق آ ناس خازوق الترك ، مامنو فوته ، ونعمنو اخرق ، خالي الناس قلبا فى ايدا ، وحلفو قالو الرجال المشو ليهو كل واحد ختّ كرعيهو في راسو ويا درب جاك زول ، والناس العليهن الرك ، يا من بني وعلا ترسو مارقين خلوها لي ود بت ام الحسين يسوط ويكب ، لمن حتلت دحين خلاها متل جنازة البحرامكن يبقي فيها شيتا يتمسك ، الوشي ما باينات فيهو ملامح ، السمك الماكن نقر الجته طب ، كان بتقدرو عليها قومو العفنه كتلت الناس ، يا ادفنوها ولا كان بتقدرو باصروها ، كلامي قلتو ، ودعتكم الحي الدايم

Quote: (المرة قالو المرقوت هاريها قدر ما سوت ما نفع ، وهي بتزرع في الخلا ، اها يوم جاها الصايح : ـــ: يا حاجة بيتك حرقتو النار قالوا ولا عاينت للصايح : ـــ بركة عجبني للمرقوت ) هسي كمان انا ، عجبني للمرقوت

Quote: ود بت ام الحسين..................... رئيسا