|
|
|
 Re: ممدوح طلعت فريد (Re: sumah)
|
ذاك كان الزمن الجميل
عندما كان بإمكان الزمن أن يكون جميلا
عندما كانت أمدرمان مكان نظيف تفوح منه رائحة التاريخ كالخبز الطازج..
يا سلام
شكرا يا sumah
| |
 
|
|
|
|
|
|
|
|
Re: ممدوح طلعت فريد (Re: fadlabi)
|
ياسلام عليك ياراقى يا احساس
ممدوح كنز وجب علينا رعايته
هو مدرسة وجب علينا زيارتها
لنتعلم منها فنون الفن والابداع
لا استطيع ان اصفه بقدر كلماتك
لكن هذا الممدوح الممدوح له شان
آخر, كم تمنينا ان يصاحبنا ويشاركنا
فى مهرجان نيويورك ولو فعل لتخاطفته
جيوش الميوسيك قاطبة وتنافست فيه لتحظى
به. يا الله اين انت ياممدوح فانى اشتاقك
كما الحلم لنعيد سيرتنا الاولى هناك قبل
الطغيان.
تشكراتى يافاضلابى على الاهداء العذب
ولك كل الحب
| |
|
|
|
|
|
|
|
|
|
Re: ممدوح طلعت فريد (Re: سمندلاوى)
|
سمندلاوي
جارنا في الجغرافيا و الفنون 
شهادة قيمة من موسيقي كبير..
أتمنى أن يقرأها ممدوح ليعلم كيف يسكن قلوب و قلوب
شكرا يا بكري
| |
|
|
|
|
|
|
|
|
|
Re: ممدوح طلعت فريد (Re: Hussein Mallasi)
|
فاضلابي
الله يجازي محنك
ببو مره قال لي في المعهد زمان
كان بتدرس الجيتار في المعهد بنيه رومانيه قالوا
ادت ممدوح الكراسات قالت ليهو اقراء قالوا ممدوح كمل المنهج
كلو في سنتين بعدين قالت ليهو امشي بيتكم لم الناس تصل خامسه تعال
انا ما عندي حاجه تاني اديك ليها حيرا ليك في حنانا
ممدوح مجنون وبعذب الجيتار يا ريت ببو يجي ماري من هنا
معتصم
| |
|
|
|
|
|
|
|
|
|
Re: ممدوح طلعت فريد (Re: معتصم ود الجمام)
|
معتصم
إمكن لو قلبي رضى لي أسمعك حاجة تانية هي إعادة توزيع لغنية حقيبة قديمة
علي القسم لو جابو شاوسسكي ما يقدر يسوي زي ده خليها الأستاذة
و ياريت يجي ببو على قولك لأنو كلامه بكون كلام مزيكة و فهم
نحن ديل ناس خلعة ساكت و محبة
| |
|
|
|
|
|
|
|
|
|
Re: ممدوح طلعت فريد (Re: Hussein Mallasi)
|
صدقت يا ملاسي
أحد رواد السباحة و منشئي إتحادها في السودان هو ماجد طلعت فريد
كنا مأخوذين تماما بمهارته العالية و صوته الخفيض وأدبه الجم عندما كنا نشارك في بطولاتها..
بعدها سمح الظرف أن ألتقي ممدوح و هو يجيد صنعته تماما كماجد
هي بذرة طيبة لا شك
| |
|
|
|
|
|
|
|
|
|
Re: ممدوح طلعت فريد (Re: محمد حيدر المشرف)
|
ود المشرف و الله الزول ده من زمان شديد خلاص ...
و عندي لسع حاجات ليهو لكن دغالة كده ما بنزلها
و سبحان الله لسع في ناس بقولوا ده منو ..
و الله يا محمد لمن قلبي يوجعني لمن زول يقول كده خصوصا لمن يكون زول ضماااااان لو سمعه حيحبه زيك كده..
نقول شنو عاد.. الإعلام و عمايله
| |
|
|
|
|
|
|
|
|
|
Re: ممدوح طلعت فريد (Re: fadlabi)
|
fadlabi izayek
ombare7 kan 7afl tabeen a7'ona alla yer7amao
ghandi a7med 3bdel ra7man adam Rojaal
os6orat alfulet fil sudan
lano mashi lai ahalo fi farnsaa
kan fi 3'ona jameeel fiho kam 7aga lail mobde3 ostaz mamdo7
ma kloo mayekon fi babo wa gitar bigi ostaz mamdo7 bi 6ool alial
.....
wa 3ala 7iss algitar
fa wal7mdoliah kan fi 7'msa gitarat fi 3ain al3adoo
winta 6ab3an 3aref laman yetlamo 7'msa gitarat fi Fluete wa7eed
......
wallail daman 3'andi 3'ana laina ma3alsalama bi 9oto
3alla zikra almar7moom sadigna m7med alfadlabi
........
ya' mushtagen yaaa
Dia
| |
|
|
|
|
|
|
|
|
 Re: ممدوح طلعت فريد (Re: fadlabi)
|
التحيه والتجله
هذا الأسياذ الجليل من الذين وضعوا اللبنات الأولي لموسيقي سودانيه جديده قديختلف عليها الناس ولكنني أجد نفسي فيها ومتأثرا بها.اذكر في إحدي دورات مهرجان الخرطوم الدولي للموسيقي والذي كان يعقد بإنتظام قبل سنوات أذكر ان هذا المبدع كان مشاركا وعلي ماأذكر غنت له الفنانه نهله عبدالمنعم أغنيه السنين وكان يجلس بجانبي الاخ الخير أحمد أدم (عقد الجلاد) وعند انتهاء الأغنيه كان مخلوع وقال الزول منو؟ وشنو؟ وكيف ؟ فقلت ليهو اذا قلت ليك انو الاغنيه دي انا سمعتها قبل عشره سنه لي ورا يكون الغنا في السودان مشي قدام ولا وقف ولا راجع . التحيه لك ممدوح وزمانك جاي لسه .
| |
|
|
|
|
|
|
|
|
|
Re: ممدوح طلعت فريد (Re: fadlabi)
|
أيوه يا فاضلابي ..
وإنت ماشي في الشارع الدكاتره في أمدرمان قلبك هياخد
على لفه شمال وتدخل بيت قديم على يمينك ..
ممدوح : عيون وهدوء .
متصوف وغرقان في حب الموسيقى ، مليان بيها وبيعبر عنها
وبتعبر عنو .. الإتنين بيشبهوا بعض : هو الوموسيقى ..
بشعر بممدوح مختلف لأنو مبدع حقيقي وخالص ومصفي ، التجديد
والتطوير في الموسيقى حاجات أصيلة وما مصطنعه ، لأنه كمان
إنسان حديث ومتجاوز وكبير والموسيقى خلت من روحو مجال
حيوي للصفاء والتأمل والإستشراف ..
ممدوح إنسان بيشبه حاجه ما موجودة في الخرطوم ، بيشبه روح
هاربة وإحنا قاعدين في إنتظارا كأنها حلم ؛ بيشبه الخرطوم
المليانه بالناس الحية والبيوت الجميلة والحركة والناس
والأجناس المختلطه ..
عايش في هدوء ، وبيألف موسيقى في هدوء وبيعلم الناس في هدوء
وبيحب الحياه في هدوء ..
| |
|
|
|
|
|
|
|
|
|
Re: ممدوح طلعت فريد (Re: طلال عفيفي)
|
آة يازمان آة ويا سلام يارفيق دربي ياسلام
يا فضلابي لك التحية ...لا أستطيع أن أوصف لك سعادتي عندة سماعي لهذة العمل الجميل ولهذة الفنان النادر الاصيل
رحلت بي الزكريات لمكان وزمان لم اشتم عبق عطرة منز اكثر من ثلاث عقود فسالت دموع اشواقي
وتناثرت صور ومشاهد توقف قلمي وهو يجترها فاصبح عاجزاً
فاكتفي بكتابة ممدوح هوة من خيرت الفنانين اللتي جادت بها ارض السودان الطاهرة اللة يدية الصحة والعافية
..................................ولك يافاضلابي يافنان كل الحب والتقدير ...........................نادر السوداني
| |
|
|
|
|
|
|
|
|
|
Re: ممدوح طلعت فريد (Re: نادر السوداني)
|
نادر كتر خيرك أنا عمري ده كله متأكد إنه ممدوح أخو ماجد
عموما نأسف على الغلطة الغير مقصودة
و نعتذر لممدوح و ليكم عن جهلنا
شكرا على التصحيح و على شهادتك ويا ريت تسمعنا من العندك
| |
|
|
|
|
|
|
|
|
 Re: ممدوح طلعت فريد (Re: نادر السوداني)
|
الأخ نادر التحيه
رد الله غربتكم وكل السودانييين
الرجاء التكرم بمدي بالتسجيل المذكور فقد سألت الأستاذ ممدوح عنه وأخبرني بانه يبحث عنه
وعلي ماأذكر شارك فيه الفنان الفاتح كردي وشخصك وصحح إن كانت معلوماتي خطأ.
تصحيح صغير الأخ فاضلابي
الواقعه التي ذكرتها حدثت في حوالي 1997 لوماخانتي الذاكره والاخ الحبيب الخير كان عضو جديد في الجلاد وارجو ايضا ان يكون متابع ويصحح ان كان هنالك خطأ ولك الود ولكل الجلادب .
| |
|
|
|
|
|
|
|
|
|
Re: ممدوح طلعت فريد (Re: نادر السوداني)
|
الأخ سوداني
شكرا للمعلومات القيمه ... سأحاول الإتصال بلاستاذ ممدوح علي الأقل ليتابع
مقدار محبته .. لك الود .. أكون ممتن لو مديتني بالشريط النادر يانادر .
| |
|
|
|
|
|
|
|
|
|
Re: ممدوح طلعت فريد (Re: طلال عفيفي)
|
طلال صاحبي
بيتهم ده سره عجيب
كان طريف بسوقنا هناك و فجأة من شارع زحمة و عرباته كتيرة تلقى نفسك في حوش كبير فيه نجيلة جميلة و هدوء عجيب..
هناك كان أستاذ ممدوح بونسنا بصوت هادئ و ينقرش جيتارة فننسحر
يدخل جوة و يجيب شريط من التمانينات فيه صوته طري و يقول لينا أسمعوا كنا وقتها نلمح في عيون ممدوح بريق فيه حنين و تصوف
و نرجع بيوتنا مجذوبين
| |
|
|
|
|
|
|
|
|
|
Re: ممدوح طلعت فريد (Re: fadlabi)
|
**
*
عرفتهم عن قرب ..
وهامت الخطاوى نشوى..
تعانقنا في الدروب مساسقه
مابين الشوارع واحد وستين وسبعة وخمسين ..
وتبعنا الدروب ورقصنا على النغم الطروب..
صالة الفروسية وكفتريا السكة حديد وما بينهما..
عالم اخر وزمان غير هذا ..
للعيون فيه روعة..
وللقلوب فيه لوعه..
****
***
هذة هى اللقطة الحقيقية نادر يا.... رة..
*
**
***
| |
|
|
|
|
|
|
|
|
|
Re: ممدوح طلعت فريد (Re: Masoud)
|
يا سلام على ديل و زمن ديل...
ياااااه ........
كانت لهم أيام
و توهني إسم ممدوح طلعت فريد
و الإسم بتاعنا كان:
مودي ألفريد
| |
|
|
|
|
|
|
|
|
|
Re: ممدوح طلعت فريد (Re: Azhari Nurelhuda)
|
الحبيب أبو الزهور تحيياتي وأشواقي
لقد كانت دفعتنا المعهديية لها بريقها الخاص وتخرجة منها العديد
من نجوم الفن ومن تركوا بصماتهم واسروا الساحة الفنيية غناء وطرب
وتكنييك عزفي عالي لهم التحيية
علي السقيد
ممدوح طاهرفريد
ازهري عبد القادر
ابرهيم محمد الحسن
نادر عبداللة
احمد باص
مرغني الزين
الفاتح .........القاشي
سلمي
محمد سيف
عبداللة....فلوت
.............................يالها من ايام وزكريات ....نادر السوداني
| |
|
|
|
|
|
|
|
|
|
Re: ممدوح طلعت فريد (Re: sumah)
|
يا سمعة يافنان تصدق ام العيال قالت لي الزول الفي الصورة دي بشبهك
عاد نبقي في جنس الحالة دي !!!!!!!!!!!!!!!!!! ماعدمناك يادفعة ويوم شكرك مايجي
| |
|
|
|
|
|
|
|
|
|
Re: ممدوح طلعت فريد (Re: fadlabi)
|
يافاضلابي
شكرالتسليطك الضوء علي هذه الدرة الغالية...مبدع حتي النخاع...وعبقري موسيقي مجنون
الله يعلم يافاضلابي وكان مكضبني ذي ما بتقول حبوبتي أسأل سمندلاوي أزهري والآستاذ أبو عركي الذي طلبه بالأسم عشان يجي يشاركنا في مهرجان نيويورك...وتحدثت أنا معه شخصيا... وطلبت منه وهذه المره الثالثه أطلب منه الحضور لي يأمريكا عشان يبدع ويعمل عمالوه دي هنا.... ولكن كل مره عنده سبب واهي...أهو كسل العباقره?
المره الأخيره دي عركي قال ممدوح جوازه ما مجدد عشان كده يافاضلابي عليك الله أمشي شيل باسبورته وجددو ليهو ورسل الفاتوره عشان يجي مع عركي في الشهور القادمه بإذن الله وقول ليهو متوكل قال ليك ماتزوغ المره أخوانك هنا منتظرنك
يا فاضلابي أنا بحنس في ممدوح لي عشره سنين وفشلت أها أعمل شنو?غايتو درعتها ليك في رقبتك... موصلي عاوزيموت بشوفة ممدوح ده... سوق معاك طلال عفيفي وبالله كتفو لينا والباقي بنتمو برانا
شكري وتقديري
أخوك د.متوكل محمود
| |
|
|
|
|
|
|
|
|
|
Re: ممدوح طلعت فريد (Re: omar altom)
|
سلام
يا فضلابي
ما عارفه اعبر كيف
فقط حسيت اني طائر في سماء الابداع
عمل موسيقي فظيع فظيع
يتسرب جوا جوا دون استذان
دون ان تحس بدخوله لمسامات
اسمعه من داخل الروح ليس عبر حاسه السمع
لكم عاجز الشكر و التحايا
يا فرقه مودي الفريد
و يا فضلابي انت زول كريم
ما ممكن تبقي بخيل علينا
و انت اصلك بديت بالخير تمو
و نزل الباقي
مع مودتي
مي الاسيد
| |
|
|
|
|
|
|
|
|
|
Re: ممدوح طلعت فريد (Re: bent-elassied)
|
شكرا فاضلابي ممدوح الانسان الجميل المبدع صوت متمرد على التجعير موسيقى لوحة تشكيليه كنت احتفظ بالبوم فرقة السودانيين ومن كثرة الترحال فقدته لهم التحيه اينما كانوا واصل ايها الممدوح ودعنا ننوح على الماضي اللي ولى وراح علم الاصوات الصاعدة سر الغناء
| |
|
|
|
|
|
|
|
|
|
Re: ممدوح طلعت فريد (Re: fadlabi)
|
يا نادر شكرا كتير على التوثيق المهم لهذه الفرقة المهمة التي لا يعرفها كثير من الناس
و لكل المتداخلين أعلاه
أهديكم هذا العمل لفرقة السودانيين الحالية و قد ذكره الأخ نادر في حديثه عن تأريخ الفرقة و هو من تأليف ممدوح طاهر فريد
يا شباب أهديكم (يا غريب ) ربنا يجمع شمل المسافرين و يجمع نادر بممدوح
| |
|
|
|
|
|
|
|
|
|
Re: ممدوح طلعت فريد (Re: Azhari Nurelhuda)
|
لقد صدقت قولًا يابوألزهور في حق ممدوح نقاء قلبة كصفحة الماء اللتي تعكس ما بدواخلة من فن راغي
يتلامس وأحاسيس من يستمع لاغانية وجيتارة العجيب
=================================
نواصل
-------
عندة نهاية الحفل عرضة الفنان يحي خليل علي ألمساعدة في ذهاب الفرقة لمصر لتسجيل اعمالها الغنائية
والتسجيل في أكبر أستوديهات مصر وتعريفنا بالمنتجيين المصريين وتقديم هذة اللونيية الغنائية الجديدة
في اطار الوطن العربي اللزي لا يعرف في زالك الوقت سوي الفنان الراحل المقيم // سيد خليفة //
لم تتردد الفرقة في قبولها لهذة العرض اللزي كان حلماً نسعي لتحقيقة .........نواصل نادر السوداني
| |
|
|
|
|
|
|
|
|
|
Re: ممدوح طلعت فريد (Re: نادر السوداني)
|
اتمني ان يتعلم وينهل اي موسيقي من علم وخبرة هذة الفنان واعني تحديدا فرقة السودانيين الحاليية
فهم الاقرب لة فممدوح مدرسة موسيقية وانا اعلم تماما لا يريد سماع مثل هذة الكلام فمقايس الابداع
لها حسابات اخري في عالمة من الصعب وصفها قد يتحسسها من عاش في عالمة وداخل دهاليزة المخضرة
الشكر لك يافاضلابي ورمضان كريم والتحية لكل من مرة بهذة الدهاليز ...........نادر السوداني
| |
|
|
|
|
|
|
|
|
|
Re: ممدوح طلعت فريد (Re: سمندلاوى)
|
الله عليك يا فاضلابى
ممدوح الراجل الفنان الهادئ المسكون بالموسيقى
أعرفه جيدا لقربه من خالى جيلانى الواثق....
بداخله موسيقى تتدفق ..
Quote: جقلرة
====
كانت من اهداف هذة الفرقة في ذاللك ألزمان تطوير ألموسيقي ألسودانيية كما كانت تعتمد علي الغناء ألجماعيي
ولا بد لي أن أزكر بعض من العازفين ومن شاركونا مشوارنا الفني
?/ أحمد حامد/ عازف درمس
?/ أحمد خليفة / المشهورباحمد إسكيس /عازف جيتار
? / ابراهيم محمد الحسن / عازف اورغ
?/ كمال حمدي / عازف اورغ
?/ محمد سعد / عازف درمس
?/ اسامة بكلوا وكان هذة الفنان الجميل في فترة ديفد قروب |
قال نادر السودانى ذلك عن فرقة السودانيين وهو من أعضائها.... أتفق معه وأضيف بأن هذه الفرقة برعاية محمد عبدالرحمن سعد ( رحمه الله ) كانت من أقوى الفرق الموسيقية وأذكر ذلك جيدا لإرتبانا بها حيث أنها تتخذ من ذات العمارة التى نقطن بوسط الخرطوم مقرا لها( عمارة سعد والتى تقابل إدارة سجون الخرطوم وبنك امدرمان الوطنى بالخرطوم غربوتقع جنوب النيليين _ محل بيتنا القديم يا فاضلابى)
ونحن صغار نمر عليهم وتهز موسيقاهم صمت الليل وسكونه
وهذه الاسماء التى ذكرها نادر معروفة اوائل الثمانينيات واواخر سبيعنات القرن الماضى وقت إنتعاش فرق الجاز السودانى
هذه الفرقة شاركت باعمال مسجلة للتلفزيون واذكرها جيدا ( رغم صغر السن حينها) لكنها قريبة منا كما اسلفت... واذكر جيدا السهرة التى بثت على تلفزيون امدرمان منتصف الثمانينات...
هناك المزيد....
عمرو
| |
|
|
|
|
|
|
|
|
|
Re: ممدوح طلعت فريد (Re: AmroKamal)
|
شكرا عمرو نتمني ان نسمع منك ومن عاشوا فترة الثمانينات اللتي تواكبت وازدهار مايعرف
بفرق الجاز اللتي اسرت الساحة الفنيية في ذلك الزمان البديع وممدوح وغيرة من الفنانين
ومن كانوا نجوم تتلالأ في سماء العاصمة المثلثة.... كان لهذة الفرق دور كبير وهم يقودون
حملة تحت شعار نحن السودان لجمع المال لمساعدة من تضرروا بالجفاف والتصحر
كانت فرق الجاز تعزف في الشوارع والميادين العامة لجمع التبرعات وختمت هذة الحملة
بحفل قاعة الصداقة اللزي شاركت فية كل الفرق كما شارك فية الفنان العالمي هنري بلفونتي وغني مع الفنان شرحبيل
احمد في ذلك الحفل اللزي نقلة التلفزيون السوداني في ذلك الزمان البديع كما كانت
هنالك لجننة منتخبة من اتحاد فرق الجاز // الفنان كمال كيلا // والفنان شرحبيل احمد //
والفنان جيلاني الواثق // وتم تسليم التبرعات اللتي جمعت وسلمت للسيد سوار الدهب
يالهم من فنانيين عظماء لم ينساهم التاريخ ومواقفهم البطوليية .في ذلك الزمان ويالة من زمان ......نادر السوداني
| |
|
|
|
|
|
|
|
|
|
Re: ممدوح طلعت فريد (Re: نادر السوداني)
|
من أهم أسرار نجاحات هذة الفرقة البرفات وورش العمل اللتي كانت وبصورة يومية
كانت لوائح الفرقة تفرض قرامة مبلغ الخمسة جنيهات لأي عضو من أعضاء الفرقة
في حالة تاخر العضو عن مواعيد البروفة وكان الجنية السوداني يوجع اجعص جيب
خليك من الخمسة جنيهات وكانت تحفظ هذة المبالق في صندوق الفرقة وصرفها
لشراء ماهوة جديد من كتب وإسطوانات لدعم الفرقة
العمل الجاد والدقة والتجويد كان هو شعار الفرقة اللزي يؤمن بة ويتفق علية كل أعضائها
كان الإهتمام بتطير الغنية السودانيية يرتكز علي عدة محاور
النص الشعري
القالب الموسيقي
التوظيف الآلي
الغناء الجماعي
التقنية // واعني الآلات وألأجهزة الموسيقية اللتي تساعدنا في تسجيل وتوصيل فكر الفرقة الموسيقي ///
الأهتمام بالغنية الشعبيية إن كانت // شمالية / آو غربية // أو شرقية // أو جنوبية // داخل إطار الوطن
وفرد مساحات وقتية داخل ورش عمل الفرقة الموسيقية لتطويرها وتقديمها في إطار ما إكتسبتة الفرق من خبرات
سوف أتناول بالشرح عن الخمسة محاور اللتي كانت هي من اهم اهداف هذة الفرقة العملاقة .......نواصل.....نادر السوداني
| |
|
|
|
|
|
|
|
|
|
Re: ممدوح طلعت فريد (Re: نادر السوداني)
|
النصوص الشعرية داخل دهاليز فرقة السودانيين
لم تتعامل الفرقة مع أي شاعر أو كاتب أغاني في ذلك الوقت بل كانت
كل النصوص الشعرية تساغ بواسطة أعضاء الفرقة الاساسيين وهم
ممدوح وألفاتح وشخصي الفقير
كانت تري الفرقة في أسلوب شعراء الحقيبة مثل العبادي والمساح وغيرهم من شعراء
هي الامثل من حيث المربعات الشعرية اللتي كتبت بحرفية وعمق جمالي كنا نعشقها
كما لم نكن متفقيين مع نوعية الاغاني ونصوصها الشعرية وما كانت تتغني بة فرق ما
يعرف بفرق الجاز كنا نحلم ان نجد نصوصاً شعرية تتناسب مع حدودتنا الغنائية
بنفس قوة أغاني مفردات شعر الحقيبة وكنا نحلم ان تجد ألحاننا دروبا داخل دهاليز
هاشم صديق والقدال ومحمد هلال وكان كل الشعراء يرونة في موضوع فرق الجاز
الغنية الخفيفة زي اللابس البمبي ولا كفاية مزاح وغيرها من اغاني ذلك الزمان
كنا نجلس لساعات طويلة بعد اختيارنة لاي غنية ومحاولة ايجاد شكل مرضي
اوقريب لما نراة كشكل نهائي للغنية من حيث صياقتها الشعرية داخل ورشة عمل
الفرقة وافرزت هذة المحاولات العديد من الاغاني الناجحة للفرقة في زلك الزمان ......نواصل نادر السوداني
| |
|
|
|
|
|
|
|
|
|
Re: ممدوح طلعت فريد (Re: AmroKamal)
|
نادر ياصديقي الحنون
فتحت للحزن جداول
وخليت البكاء إشيلنا
حسي البسكتني منو
ياخي زمن كان جميل
وفيهو الفن عنوان
انا دايما بقول انا ظهرت في زمن الفنانة تحية زروق
وبقول حسي في ناس كتار ظهروا في زمن السودانيين
منو الما بعرف ديفيد قرووب
منو المابعرف السودانيين
اولاد حلويين كانت ليهم تجارب وصلتهم لي تحويل مسار الغناء
بس اخ من الدراسات المتابعة والموثقة
واخ من الزمن والأحوال البعثرتنا على المنافي
ليك كل المحبةواصل ذكرياتك عن الزمن الكلو ابتكار وابداع
زمن ظهر فيهو ربشه وطرقيتو العجيبة في الأداء
المعهد والتوزيع الأوركستراليوالشعر المتمرد على القديم
والغناالجديد عند السودانيين
والفرق الماخمج زي البلو استار وفرقة الأصدقاءجاز الديوم
السودانيين حفروا الصخر وكتيوا على موج النيل اسمهم
يالضوء والنور
| |
|
|
|
|
|
|
|
|
|
|
Re: ممدوح طلعت فريد (Re: AmroKamal)
|
الحبيب عمرو كمال سلام اتمني ان تزعفني زاكرتي الخربة بسرد وتوثيق
كل شئ داخل عالم فرقة السودانيين الفريد ولك مني كل حب ........نادر السوداني
| |
|
|
|
|
|
|
|
|
|
Re: ممدوح طلعت فريد (Re: نادر السوداني)
|
لابد لي ان اعرف من يتابعون مشوار فرقة السودانيين بفنان وهوة احد اعمدة
الفرقة // الفاتح يوسف إسماعيل الكردي // علا نجم هذة الفنان قبل فرقة ديفدقرووب
وهوة موأسس لاول فرقة للفنان جيلاني الواثق وكان قبل ذلك موأسس لفرقة الصول ميوسك
وكانت من انجح الفرق في ذلك الوقت فالفاتح بجانب عزفة الجميل للجيتار فلة صوت جميل متميز
وهوة كاتب ومالف لكل اغانية وكان لة دور كبير داخل هيكل الفرقة الموسيقي لة التحية
من اشهر اغانية غنية غاب القمر بتقول
غاب القمر لامن ظهر محياك
مالت نجوم الليل طرب في هواك
اشعلتي ناري
يالفي خيالي
انتي القمر كل الفرح والنجوم
والريدة الكانت شايلاه الغيوم
اشعلتي ناري
يالفي خيالي
لبينا دعوات القلوب
مهدنة للريد الدروب
آن الاوان للريد يبين
والشايفة مرسوم في الجبين
.........آة..آة... آة... واللة يالفاتح يافنان سوف انذل هذة العمل في مرحلة قادمة في هذة
البوست .......نواصل .........نادر السوداني
| |
|
|
|
|
|
|
|
|
|
Re: ممدوح طلعت فريد (Re: نادر السوداني)
|
لم نكن شعراء او كاتبي أغاني بل كانت لنا محاولات لكتابة الشعر ومايتناسب ومضوع الاغاني
اللتي نالفها في ذلك الوقت وهذة كان من اصعب الاشياء فكان لابد لنا نقراء ونطلع لمن سبقونا
في كتابة الشعر وبحورة وعروضة وحوارية وزهبنا لابعد من ذلك درسنا اللغة والصوتييات التي
كانت تدرس في المعهد لكي نتعلم ونحن نتعامل مع نصوص لم تصل الي مستوي من كانوا
يصدحون في عالم حقيبة الفن
كنا مقتنعين تماماً بشكل الحقيبة الدائري اللذي يتشابة لحد كبير وشكل اغاني مايعرف
في ذلك الوقت بموسيقي الجاز والغنية الغربيية تتكون من شكلين أو ثلاث اشكال A..B..C وعندما
نقارن هذة الشكل باغاني الحقيبة نجد // مطلع + كوبلية + مطلع وهوة نفس الشكل الدائري اللذي
يتوافق مع اغاني الحقيبة وعبقرييتها ولذلك كنا نجد سهولة التطوير في هذة الشكل لثراء إيقاعاتة
وتدفق الحانة وعمق معاني كلماتها
لم تستهوينا أغاني الوسط التي كانت تتشابة وألأغاني العربيية ومن يحاولون ان يتغنوا بشكل
في غالب ام كلثوم..// ومحمد عبد الوهاب // واعني الغنية الطويلة // كنا نري قوة موضوعنا الموسيقي
ياتي بقوة إيقاعاتنا // والمثل بيقول البتلعبة اقلبة // نحن من اقوي شعوب المنطقة من حيث الائقاع
لتفردنا بخليط عربي افريقي نفخر بة .......نواصل نادر السوداني
| |
|
|
|
|
|
|
|
|
|
Re: ممدوح طلعت فريد (Re: نادر السوداني)
|
كانت تري الفرقة كما زكرت في غالب الحقيبة الغنائي شكلا ومدرسة جديدة داخل
موضوع الفرقة الغربي الملامح وعندة تحليل الاشكال الموسيقية اللحنية لاي غنيية
حقيبية إن جاز التعبير فهي زات شكل ميلودي دائري محسوب // وأعني حجم الجملة
الموسيقية للنص الملحن تتساوي من حيس الحساب في // عدد الموازيز // لكل شكل
مغني إن كان // مطلع أو كوبلية // وهذة مما يساعد بصورة مباشرة في تكويين جمل ميلودية
هارمونيية وإقاعيية مصاحبة للحن الاساسي داعمة لة وخالقة حالة نغميية دائرية للغنية
تتفاعل مع مربعاتها الشعرية وصورها الجمالية
كنا نري الغنية في ثلاث أبعاد كنا ندعم البعد الثالث // وأعني الخلفيية الموسيقية // للعمل
الموسيقي من خلال توظيف بعض الالات أو إستخدام الكورس الغنائي // في صورة آهات
أو بعض الكلمات في شكل كورس غنائي مصاحبا ومكملاً للجملة المغناة إن كانت // مطلع
أو كوبلية في صورة غناء جماعي
كانت الفرقة قليلة العدد فكان لابد من توظيف كل آلة // وأعني الاورغ والجيتارات والباص جيتار
والدرامس باشكال سابتة متنوعة من حيث إستخدام أصوات السنتسايزر // في شكل كمنجات
أو جملة براص .. كان الفاتح الكردي عازف الجيتار كان يعزف علي سنتسايزر
جيتار // وهذة الجيتارالعجيب يحمل نفس مواصفات الاورغ من حيث الاصوات // وتعتبر فرقة
السودانيين اول من تعاملت مع هذة التكنلوجية المتقدمة في السودان في زلك الوقت
الإلتزام التام بما حفظناة في ألبرفات وعدم تقيرة كان من اهم سمات نجاح الفرقة موسيقياً
ذائد علي تحكم أي فرد من أفراد الفرق في فليوم آلتة علي خشبة المسرح وكانت هذة من
أصعب الاشياء أسمحوا لي ان ازكر قصة // تراهن عاصم زين والمرحوم عمر قيلي رحمة اللة//
علي ما يسمعة عمر من غناء اتي من النادي الإيطالي للفنان بوب مارلي هوة من أسطوانة وليسة من
أداء فرقة السودانيين وكانت فرقة البلوستار تغني بنادي ابولوا وهوة النادي المجاور للنادي الإيطالي
حضرة عاصم والرحوم عمر للنادي كنا سعداء بقدومهم رغم التنافس الشديد اللذي كان بين الفرق
كان التنافس شريف وبناء لخدمة الموسيقي والفن ................نواصل ..نادر السوداني
| |
|
|
|
|
|
|
|
|
|
Re: ممدوح طلعت فريد (Re: نادر السوداني)
|
السوداني يا حبيب
رمضان كريم إنشاء الله و يعود عليكم بالصحة و العافية إنت و أسرتك الكريمة..
يا صديقي طرأت لي فكرة و هي:
ماذا لو سجلت كل خواطرك و ذكرياتك بصوتك و غنيت و بكيت و ضحكت و حكيت الطرف و النكات و المقالب و أي شئ عن ذلك الزمن الجميل. ثم نزلت فايلاتك هنا؟
أنا أفتكر إنها بتديك زمن أطول و تركيز أكثر بدل القصاصات أو بمعنى أصح (الشحتافات) ديل....و كل سطرين و نواصل... يا ِش......ف
| |
|
|
|
|
|
|
|
|
|
Re: ممدوح طلعت فريد (Re: Azhari Nurelhuda)
|
يابوالزهور إنتة زول برجوازي إنتة قايل كل الناس عندة سماعات في الكومبيوتر
يا ب..د ....... ة يا ... شل...........ش.....ي. وبعدين وين الوقت القاعدين
نلقاة في بلد الجن دي مش كويس انا لقيت وقت عشان أكتب السطريين ديل
وبعدين قال المثل خدوهم بالصوت انتة بتعرف فرقة السودانيين اكتر من اي زول
مالك ماكتبتة .......بعد دة كلة بحبك موت ورمضان كريم اعادة اللة عليكم بالصحة
والعافية................يا .............................ش
| |
|
|
|
|
|
|
|
|
|
Re: ممدوح طلعت فريد (Re: fadlabi)
|
يا شباب أنا بطلت أكتب لأني مستمتع بكلام نادر ده متعة عجيبة..
تأريخ جميل..
و نادر ما عارف أشكرك كيف على حكاويك الجميلة ياريت يستفيد منها الشباب الجاي..
أنا رأي إنك تواصل عرض تأريخ السودانيين و تزيدنا صور و نماذج عشان التوثيق للفرقة المهمة دي..
و ما تتعب نحنا منتظرينك
أحكي يا نادر
أحكي..
| |
|
|
|
|
|
|
|
|
|
Re: ممدوح طلعت فريد (Re: fadlabi)
|
الحبيب فاضلابي رمضان كريم
لاشكر علي اقل من واجب في حق فنان وفرقة بحجم الوطن
الصبر اخي فاضلابي سوف انزل الاغاني في اقرب وقت إنشاء اللة
وبعض الشهادات التقديرية للفرقة في مشوارها الفني ...
| |
|
|
|
|
|
|
|
|
|
Re: ممدوح طلعت فريد (Re: Kostawi)
|
الزول الزمان كان ود حلتي تشكر انتة ماخردة ولاحاجة انتة انشط زول
البلد دي وجريها مخلي الواحد مابيعرف ايام الاسبوع ولا الشهور ولا حتي
السنيين ...طاحونة.... عيش فترييتة ...ها... ها... اموت في الدوكة والحلومر
ياحنين نادر السوداني قدم في حوش بكري دة زي حداشر عمل
/ الخيول
/ دارفور
/ جور الزمان
/ باب السنط
/ امدور
/ مسدار
/ عصفور الغربة
/ حليل زمنا
/ عزة في هواك
/ دمعة الشوق
/ نوير مارش
وطابور الاغاني طويل ولي حسة في ناس كتيرة مابيعرفوا نادرالسوداني ولا بيعرفو ممدوح طاهر فريد
ولا فرقة السودانيين ولينا ذي ثلاثين سنة بننبح بالغني عشقاً وحباً في الوطن اللزي نسانا ولم ننساة
قد يكون الكلام محزن وابواب الاماني بعيدة ودروب الفن طويلة لنا ان نزكر الفنان الراحل المقيم
عثمان الموا يالة من فننان وهوة فنان الجاز الاول وبلا منافس بعد كزا جيل تلمسنا نحن ما
كان يتمناة للغنية السودانيية هل ياتري مزيكاتية هذة العصر يعرفون هذة الفنان هل يسمعون اغانية.....اتمني ذلك عسي
ان يتعلموا شئ كان حافزاً لنا لتطوير الغنيية السودانيية
| |
|
|
|
|
|
|
|
|
 Re: ممدوح طلعت فريد (Re: نادر السوداني)
|
أبو مدينة يا فنان وضيوفه الأعزاء..
كل عام وأنتم بخير..
تحية للرائع ممدوح طلعت فريد وهو يتيح لكل هذه الحكاوي والأنغام ان تخرج ممن عرفوه.. وتحية ثانية لفرقة السودانيين وصديقنا نادر
فقد أعطوا حياتنا نغما لازلنا نعيش على روعته.
* ليه ما شفتا البوست ده قبل كده..؟
سؤال ساذج. لأن الصفحة الأولى تزدحم بركشات عجيبة
ودي للكل
| |
|
|
|
|
|
|
|
|
|
Re: ممدوح طلعت فريد (Re: نادر السوداني)
|
الجيتار داخل هيكل فرقة السودانيين
=======================
كنا نعتمد إعتماد كبير في صياقة موسيقي الفرقة علي الة الجيتار وكما يسمونة موسيقيي الغرب
بلائبن الشرعي للبيانوا لما لة من صفات تجمعة بوالدة من مركبات هارمونيية وميلودي وثراء نغمي
تصدرها اوتارة الستة بارقم من صقر حجمة بالمقارنة بالبيانوا الاب
وكما زكرت سالفا الجيتار كقيرة من الات يحتاج لتمرين مستمر ولابد لي ان اقف قليلاً في هذة
المنعطف لشرح بعض الاشياء قد تفيد من يعشقون هذة الالة الجميلة
أولاً
=======
التمرين المنتظم وفي اوقات محددة يومياً قد يساعد العازف لهذة الآلة في التحكم العضلي
والتحكم في اعصاب اليدين مما يجعلهما في حالة إستجابة فوريية لأي إشارات دماقيية ترسل
من المخ تترجمها الاصابع من خلال حركتها علي اوتار الجيتار وتصبح موتطابقة تماما
للفكرة او الجملة الموسيقية اللتي ارسلها المخ .. وفي حالة ضمور هذة الاعصاب والعضلات
// وفي حالة عدم المواظبة علي التمارين اليوميية // تصل هذة الإشارات لعضلات واعصاب اليد فتجدها
عاجزة او غير قادرة لتنفيز الجملة او الفكرة الموسيقية كما ينبقي وهذة ينطبق تماما علي
كل الآلات الموسيقيية
فالئنتظام والمواصلة علي التماريين اليوميية من اهم الاشياء لاي موسيقي جاد
ثانياً
======
الدراسة النظرية ومعرفة كل ماهوة مهم قد يساعد العازف في كشف القموض ومعرفة اسرار آلتة
الإستماع والتحليل لاي فكرة موسيقية غربية اوشرقية قد يساعد العازف في إتساع
مداركة وقد يكتسب خبرات كثيرة من خلال تعاملة مع موسيقي شعوب العالم
ثالثاً
======
نجد العازف قد تعلم العديد من اشكال الموسيقي // كلاسيكيية // اوموسيقي جاذ اوبلوز او موسيقي الروك اندرول.. الخ
فهوة يجيد العزف في كل هذة الإستايلات بتمكن // فيجد نفسة في استايل محدد تنساب احاسيسة داخل حدائقة فيبدع
ومن هنا يكون العازف قد تحصل علي اول مفتاح للنجاح والابداع
وبالمناسبة // ليس كل جيتار ولاكل امبليفاير ولا حتي اي وتر ينفع ان ينفز بة اي نوع من انواع الموسيقي الغربية
فنوع الاوتار والجيتار والامبليفاير لابد للعازف في هذة المرحلة ان يختارهم بعناية لتوصيل فكرة الموسيقي بتفاصيل
اكثر دقة ويمكن ان يكون ذلك زي الريشة والالوان لمن يجيدون الرسم // فيستطيع العازف ان يوجد صوتا لالتة يتميز بة
عندة سماعنا لنغم جيتارة ويترك بصماتة.. ويكتب لة الخلود زي كارلوس سانتانا ولا جورج بينسون .. والعديد
كان المبدع ممدوح بيسمي البدالات اللتي توصل بالجيتار //بالغم // والعفاصات //
واللغم والعفاصات هي / الريفيرب/ والكورس/ والاكوا/ وكان يعشق الدستوشن لعشقة لموسيقي الروك اندرول
وكان يقول لي البدالات دي ذي الشطة والملح والبهارات بتدي طعم خاص لالة الجيتار
يالها من زكريات ويالك من فنان يا ممدوح ...........نواصل...... نادر السوداني
| |
|
|
|
|
|
|
|
|
|
Re: ممدوح طلعت فريد (Re: نادر السوداني)
|
كانت فرقة السودانيين تعتمد علي فكرة الغناء الجماعي اللزي
اصبح سمة اساسيية لاغاني الفرقة ....كانت الفرقة تتكون من ثلاث
مقنيين اساسيين / الفاتح / ممدوح / نادر / وكان سيف عازف
الدرامس نستخدم صوتة الباص برتوني العجيب لدعم خطوط
الكورس وفي القالب كانت خطوط الكورس المصاحب للغناء تتكون
من اربعة خطوط غنائية مختلفة مكونة ما يعرف بالهارموني
كنا مقتنعين تماما عندما تنتشر الفرقة وتنجح فكرتها الغنائيية
حينفصل الثلاث مغنيين الاساسيين مكونا كل واحد منهم فرقتة الخاصة
حاملا معة خبرات وما تعلمناة داخل ورش الفرقة الموسيقية
لدعم وانتشار ما بنيناة في مشوار طويل مليان عزاب وشقي
لخدمة الموسيقي والفن السوداني
| |
|
|
|
|
|
|
|
|
|
Re: ممدوح طلعت فريد (Re: نادر السوداني)
|
ياغريب عن ديارك
مصيرك تعود
بعد غربة سنين
تشكي لي يمة شوق
شال منامك زمان
تحكي ليك الحنيين
يابة عاتب عليك
لية رسايلك قُلال
ياخي ما بصح ليك
شوقنا ليك عمرة طال
الظبية أم عيون
شوقة ليك يوم تعود
راجية منك وعود
تزرع الريد
في دربك باجمل ورود
وريدة فايت الحدود
برضو عاتبين عليك
لية رسايلك قُلال
ياخي مابيصح ليك
شوقنا ليك عمرة طال
================وشوقي ليك طال وطال يارفيق دربي
| |
|
|
|
|
|
|
|
|
|
Re: ممدوح طلعت فريد (Re: omer ibrahim)
|
عدنا....
وفى حديثى السابق تحدثت عن فرق الجاز وفرقة السودانيين أبان الثمانينات
وكم كان من عظيم العمل ما شاركت به الفرقة فى حملة قلبى على وطنى
وقد ضمت الحملة فرق موسيقية عديدة ولكن اتحاد غرق الجاز لعب الدور الاكبر فى نجاح الحملة،،،،
وأذكر لقاءات التلفزيون مع المطربين واشهرها السهرة التى سجلت عقب ذلك مع الفنان الجيلانى الواثق وعرض فيها الفكرة اضافة للمشاركة العالمية التى قادها فنانون غربيون على مستوى النجومية العالمية وغنوا لطفل افريقيا والسودان
مايكل جاكسون ... ستيف وندر ... جانيت جاكسون الخ .....
وفى التسغينات وما بعد 1995 تكونت فرقة سودانيز ساوند قروب وكان لممدوح فريد السبق بتكوينها والإشراف
وكانت الفرقة تؤدى عروضها فى الأندية والحفلات الخيرية وكنا قد إتفقنا معهم عام 1998 او نحو ذلك بتقديم عرض بباذار التنس ( وكانت فكرة الباذار منتشرة تلك الأيام )
وأجمل فقرة كانت مصاحبتهم للفنان نادر خضر بتقديمه لأغنية غربية بالأنكليزية تحمل اسم كيرلس ويسبر
وكان ممدوح النجم كعادته ويقود جيتارته ليخترق سكون الليل معبرا عن الحب والبهجة والفرح ... وكنت اتتبع حفلات الفرقة وللأسف لم تستمر كثيرا بعد ذلك
وفى حوالى 2000 وبعد ايلولة الفندق الكبير إلى الماليزيين تعاقدت إدارة الفندق مع فرقة ممدوح والتى حملت إسم السودانيين من جديد على ما أعتقد
وأشتهرت مثلما اشتهرت فرقة سودانيزساوند بتركيبة فريدة من الأغنيات السودانية والعربية والغربية والأفريقية وحتى غناء الريقى وكم اجادوا ذلك واكثر ما يعيش فى ذاكرتى اغنية get up stand up
وما كنت لأبدل حفل السودانيين على التراس قبالة النيل .... ولا أقبل بغير ذلك مهما كانت الرغبة فى خلق برنامج او قضاء امسية خرطومية هادئة دافئة
شكرا يا فادكس
ونادر
| |
|
|
|
|
|
|
|
|
|
Re: ممدوح طلعت فريد (Re: نادر السوداني)
|
ياعمرو كمال ارجو ان تبلق سلامي الكثير واشواقي الحارة لاخي وصديقي الفنان
الكبير جيلاني الواثق
ولا بد لي ان ازكر اول تكوين لفرقة جيلاني الواثق وكانت في نتصف السبعينات
علي ما ازكر وبدايات جيلاني الواثق كانت في نادي التنس وكان الفاتح الكردي
وكمال حمدي هم من مواسسين فرقة جيلاني كما كان لهم دورهم داخل تكوين
فرقة السودانيين القديمة
جقلرة
====
واصل يا عمر لتوسيق فترة التسعينات ونشاطاط ممدوح وفرقتة
وإنشاء اللة بعد العيد حيكون في حاجات جميلة وكل سنة ونت طيب
| |
|
|
|
|
|
|
|
|
|
Re: ممدوح طلعت فريد (Re: AmroKamal)
|
شارك ممدوح في العديد من الفرق بداية من فرقة مركز شباب امدورمان في منتصف السبعينات اللتي
كانت تضم كل من // ممدوح ..جيتار // نادر السوداني باص جيتار// المرحوم محمد ازهري اورغ //
// وحيد دينق درامس // وكانت الالات مهداة من جمهورية الصين عندما شويدة مركز الشباب في ذلك الوقت
الفرقة الثانية فرقة الانجلس وصاحب هذة الفرقة كان الرشيد الجوهري عازف الاورغ
ممدوح جيترا // نادر السوداني باص جيتار // وكمال عازف للدرمس //
الفرقة الثالثة وهي فرقة ديفد قرووب وتتكون من // المرحوم احمد داؤود عازف للدرامس //
ممدوح // نادر // احمد خليفة جيتار// وبعد ذلك // الفاتح الكردي جيتار// اسامة بكلوا //
الفرقة الرابعة فرقة الكريسيدرس هي من نفس المجموعة اضيف عازف الدرامس // احمد حامد
وعازف الاورغ ابراهيم محمد الحسن // وعازف الدرامس محمد السيد // ومحمد سعد //
الفرقة الخامسة كانت // فرقة السودانيين // انضم للفرقة عازف الدرامس سيف عبداللة سعيد
وعازف الاورغ كمال حمدي//// مشوار طويل ومشرف لممدوح كان نجم وفنان ومبدع تعلمنا منة الكثير
وإنصهرت احاسيسنا لتصبح نغماً شجياً داخل ما اللفناة من أغاني داخل ورشة عمل فرقة السودانيين العملاقة
وكان كل من شارك في مشوار فرقة السودانيين لة دورة المتميز المشرف داخل نسيجها النغمي فلهم التحية والشموخ
| |
|
|
|
|
|
|
|
|
|
Re: ممدوح طلعت فريد (Re: نادر السوداني)
|
لكل من مرة بحدائق وورود فرقة السودانيين // كل عام وأنتم بألف خير وعافية //
وتعود ألأيام أخي ألعزيز فاضلابي وربنة يحقق ألأماني ومزيد من ألتالق وألإبداع
| |
|
|
|
|
|
|
|
| |
fadlabi
sumah
سمندلاوى
محمد حيدر المشرف
Hussein Mallasi
معتصم ود الجمام
Dia eldin khalil
طلال عفيفي
نادر السوداني
Gazaloat
خطاب حسن احمد
Azhari Nurelhuda
Mutwakil Mahmoud
omar altom
bent-elassied
الفاتح يسن
AmroKamal
Kostawi
محمد سنى دفع الله
bukhary el amin
Raja
فيس بوك
تويتر
انستقرام
يوتيوب
بنتيريست