|
|
 محمد النصري- أم الحسن إهداء لـ[ملكة سبأ- البينو- ست البنات- بشري الطيب]...
|
محمد النصري- أم الحسن
وقفت بعد حلبت لبينة الشاي تكورك يا الحسن
يا ام الحسن وينو الحسن
ولمن صفت رغوة شخيبات اللبن في حلتا المبنية من طبق السكن
واقفي في حوش البهايم ولسع تكورك يا الحسن
جاها حسا من بعيد مارق من القاطوع ورا
قال ليها خير يا الحاجه خير
قالتلو خير تعال لي جاي دايراك تعنون لي جواب يا الراسي لي ولدي الخدير
لا تبقي زي شافع السرير يقول لي زين آيمة زين وزين تبقي بعد شهير
وان جاني يكتب فد سطير
اقولو يا سجم السجم انا زي قرايتك ما قريت لكن عويناتي بيفرزن الوريقة البيضاء من لون القلم
بعد المغيرب بي شوي جاها الحسن تعبان يسير
دا العشى غنمو من الدرب وسرقت ندي وشو الهجير
سوتلو شايا بي لبن قرض معاهو حرف فطير
قالتلو بسم الله قول واكتب وصيتي انا للخدير
الزمن يا ولدي ماحقاهو السنين
البعيش في الدنيا ما بعيش مرتين
العمير فاضل لي بس منو اليقين
وانت طول(ت) في البنادر يا الحبيب لا متين
تعال اوريك حق ابوك الجم حقيق حاج اللمين
ان عرفتو بلا عمار يقولو ولدا عندو طين
العلاج لا تنسي رسلو لي دحين
العوينات يا جناي شوفن ضنين
سلامنا ليك مطرز للبنيات والبنين
ولو الارض يا ولدي تنشال في الايدين انا كت برسلا ليك
في لوري الخزين
.
|
|
 
|
|
|
|
|
|
|
 Re: محمد النصري- أم الحسن إهداء لـ[ملكة سبأ- البينو- ست البنات- بشري الطيب]... (Re: طارق جبريل)
|
عزيزي الحبيب
طارق جبريل
شوايقة الامتداد والرباط ديل مامعانا لانهم شوايقةمن منازلهم.. .
اخبارك وصحتك يا استاذ طارق وكيف الوليدات اسي كدى سمعهم الاغنية دي ولو شروحها ليك بالفرنسي تعال ورينى قالوها ليك كيفين. ..
ياطارق..
لا تبقي زي شافع السرير يقول لي زين آيمة زين وزين تبقي بعد شهير
وان جاني يكتب فد سطير
اقولو يا سجم السجم انا زي قرايتك ما قريت لكن عويناتي بيفرزن الوريقة البيضاء من لون القلم...
شكلنا حنرجعك حجر العسل عدل..
...
| |
|
|
|
|
|
|
|
|
|
Re: محمد النصري- أم الحسن إهداء لـ[ملكة سبأ- البينو- ست البنات- بشري الطيب]... (Re: ملكة سبأ)
|
خالص التحايا
الزميلة الغالية
ملكة سبأ
اولا الشكر اولا واخيرا لك ، فولاكي لما كان هذا النشيد...
تسلمي ستى ويديك العافية..
وزى ماقلتى ود النصري هدية لاتقاس بمقدار ابداع ونعم الابداع...
Quote: ولو شكر الدنيا دا كلو يتشال في اليدين
كان برسلو ليك في لوري الخزين |
مالي اتخيلت انو الشغلة مع لوري الخزين ده بتيخ بتيخ. ..
| Quote: اهابقيت يامعتز مزرورين |
طروقى ده انساكي منو وركز في النصري ده .. .
سلامات لآل جبريل من هنا لي القُرير ، تاني خليهو يزعل كمان..وسلام ليك وانت بقية العقد الفريد. .
التحاياالنواضر..
| |
|
|
|
|
|
|
|
|
|
Re: محمد النصري- أم الحسن إهداء لـ[ملكة سبأ- البينو- ست البنات- بشري الطيب]... (Re: طارق جبريل)
|
طارق البركل..
كل مرة عامل لينا فيها زعلان ، شنو يعنى الفرق بين ناس البركل والقرير وتنقسي وكريمة وبارا. .
يازول انتطرب لمن توري المغاربة ديل كتاب..
تليشة:
تعرف جاتنى فكرة جادة انو اتعلم الطمبور اها تعلمينى كفين يا الحسن. .
سلامنا ليك مطرز للبنيات والبنين وكل سنة وانت طيب و[ملكة سبأ- البينو- ست البنات- بشري الطيب]...
وكل اهلنا في كل السودان ولعموم قبيلة الشايقية بالاراضي المقدسة. .
التحايا النواضر
| |
|
|
|
|
|
|
|
|
|
Re: محمد النصري- أم الحسن إهداء لـ[ملكة سبأ- البينو- ست البنات- بشري الطيب]... (Re: معتز تروتسكى)
|
معتز .. كيفك ..؟
ياخى عايز اقوليك كلام لكن ماتزعل ..
الاغنية لوغمضت عينك وطفيت النور وشغلت المكيف ولاالمروحة و استمعت ليها احسن واجمل واعمق
وبتسرح بي خيالك بعيد لام الحسن والخدير وتفاصيلهم
انا جربتها وكدى انت جرب ..
وعشان كدة لمن جيت شاهدتها واستمعت ليها في هارمونى حزنت جدا ..
ياخى سيف الدين حسن ماكان غالبو يجيب ام الحسن والخدير والقرية والمدينة ويربط بيناتم بالتفاصيل المذكورة في الاغنية
مثلا هنا
وقفت بعد حلبت لبينة الشاي تكورك يا الحسن
يا ام الحسن وينو الحسن
ولمن صفت رغوة شخيبات اللبن في حلتا المبنية من طبق السكن
واقفي في حوش البهايم ولسع تكورك يا الحسن
جاها حسا من بعيد مارق من القاطوع ورا
ام الحسن هنا واقفة في زريبة بهائم وبتحلب
وبتنادى الحسن
والحسن بيجى عليها
وبتطلب منو يكتب ليها خطاب لولدها الخدير
قال ليها خير يا الحاجه خير
قالتلو خير تعال لي جاي دايراك تعنون لي جواب يا الراسي لي ولدي الخدير
لا تبقي زي شافع السرير يقول لي زين آيمة زين وزين تبقي بعد شهير
وان جاني يكتب فد سطير
وهنا مشهد تانى لام الحسن والحسن
هى بتملى وهو بيكتب
اقولو يا سجم السجم انا زي قرايتك ما قريت لكن عويناتي بيفرزن الوريقة البيضاء من لون القلم
بعد المغيرب بي شوي جاها الحسن تعبان يسير
دا العشى غنمو من الدرب وسرقت ندي وشو الهجير
سوتلو شايا بي لبن قرض معاهو حرف فطير
قالتلو بسم الله قول واكتب وصيتي انا للخدير
اما دى بقى فيها تفاصيل كتيرة
وهى القضية الاساسية في الغنية
المفروض المشاهد تكون متعددة ومتنقلة بين حياة الخدير في المدينة وحياة ام الحسن في القرية
الزمن يا ولدي ماحقاهو السنين
البعيش في الدنيا ما بعيش مرتين
العمير فاضل لي بس منو اليقين
وانت طول(ت) في البنادر يا الحبيب لا متين
تعال اوريك حق ابوك الجم حقيق حاج اللمين
ان عرفتو بلا عمار يقولو ولدا عندو طين
العلاج لا تنسي رسلو لي دحين
العوينات يا جناي شوفن ضنين
ودى القفلة ..
حيث فيها لوارى السفر والبنيات والبنين بتاعن الخدير
والارض والحواشات و شوية دموع وكدة ......
سلامنا ليك مطرز للبنيات والبنين
ولو الارض يا ولدي تنشال في الايدين انا كت برسلا ليك
في لوري الخزين
باختصار
الاغنية دراما ...
لكن سيف ماعمل شي غير انو محمد النصرى بيغنى في جنينة
وام الحسن بتتحاوم بى جنبو ...
التفاصيل الكانت بتسرح بى خيالى كلها راحت شمار في مرقة .......
مودتى ...
| |
|
|
|
|
|
|
| |
معتز تروتسكى
طارق جبريل
ملكة سبأ
الطاهر ساتي
ابو عثمان
الملك
فيس بوك
تويتر
انستقرام
يوتيوب
بنتيريست