|
Re: خالكم (حمزاوي ) قبض عليه متلبسا (Re: welyab)
|
فلوس السودان والفئات والتسميات دا حكايتو حكاية التاجر يقول لك رقم مع تسمية تانية وانت تعطيه فئة مع تسمية تانية وحسع بدأوا يكتبوا مبلغ بمسمى جديد ( يعني التاجر يقول يا اخي الحاجة دي بالف جنية تقوم انت تعطيه 100 دينار والبنوك تتعامل بالجنية الجديد ) المقيمين بالسودان بيعرفوا يتعاملوا كيف الكمساري ياخذ كل الانواع ويرجع الباقي تمام التمام وبتاع الدكان والخضار بس البيتلخبطوا هم المغتربين وطوالي لمن تغلط في الحساب بيقولوا ليك انت مغترب ولا شنو انا غايتو حلاً للمشكلة دي قمت عملت علاقة قوية مع بتاع الدكان الجنب البيت وبقيت لمن اكون عايز اي حاجة امشي ليه واشيل منو وهو طلع ابن حلال يوريني اديه كم وياتو فئة مرة المرا طلبت مني اجيب ليها طلح ( للدخان ) وقالت كمان داير حفايظ قمت مشيت لي بتاع الدكان صاحبي قلت ليه يا اخي جيب لي طلبات المرا دوول قال لي الحاجات دي انا ما عندي وما بعرف عنها شئ قلت ليه دبرني عليك الرسول قام مشكور غايتو قفل الدكان وركب معاي ودبرناها . . عندي شافع في البيت مقرم نقش موضوع اني ما بعرف فئات الفلوس بقي بدون ما يرسلوه يجيني يا ابوي دايرين نمشي نجيب العيش وانا اقوم اديه الفلوس شويتين ماشين نجيب طعمية وشويتين عايزين كراس وقلم يوم جاني بعد صلاة المغرب وقال لي عايزين نمشي نجيب زبادي قمت اديتو القروش امه شافت المبلغ وقالت الولد دا انت اديته الفلوس دا كلو لي شنو قلت ليها عشان يجيبوا الزبادي قالت سجمي تديه عشرين الف جنية عشان يجيب زبادي اتضح اني انا بدي الولد ورقتين من فئة الف دينار على اساس انه الف جينة . . عشان كدا المغتربين دائماً مسطحين وانصح اي واحد لازم ياخذ درس عصر في فئات الفلوس السودانية الجنية القديم ودينار الانقاذ وجنية نيفاشا. حاجي راجع واحكي ليكم قصتي في سوق الجلود بام درمان وعم سليمان وقرب الموية .
|
|
|
|
|
|
|
العنوان |
الكاتب |
Date |
خالكم (حمزاوي ) قبض عليه متلبسا | welyab | 02-11-07, 09:26 AM |
Re: خالكم (حمزاوي ) قبض عليه متلبسا | ابو جهينة | 02-11-07, 09:29 AM |
Re: خالكم (حمزاوي ) قبض عليه متلبسا | welyab | 02-11-07, 09:34 AM |
Re: خالكم (حمزاوي ) قبض عليه متلبسا | حمزاوي | 02-11-07, 09:42 AM |
Re: خالكم (حمزاوي ) قبض عليه متلبسا | welyab | 02-11-07, 09:56 AM |
Re: خالكم (حمزاوي ) قبض عليه متلبسا | abubakr | 02-11-07, 09:52 AM |
Re: خالكم (حمزاوي ) قبض عليه متلبسا | إسماعيل وراق | 02-11-07, 10:00 AM |
Re: خالكم (حمزاوي ) قبض عليه متلبسا | welyab | 02-11-07, 02:40 PM |
Re: خالكم (حمزاوي ) قبض عليه متلبسا | حمد فتح الرحمن | 02-11-07, 11:17 AM |
Re: خالكم (حمزاوي ) قبض عليه متلبسا | محمد زمراوي عبدالعزيز | 02-11-07, 02:46 PM |
Re: خالكم (حمزاوي ) قبض عليه متلبسا | abubakr | 02-11-07, 05:30 PM |
Re: خالكم (حمزاوي ) قبض عليه متلبسا | ولياب | 02-11-07, 06:34 PM |
Re: خالكم (حمزاوي ) قبض عليه متلبسا | عثمان سيد أحمد | 02-11-07, 10:55 PM |
Re: خالكم (حمزاوي ) قبض عليه متلبسا | حمزاوي | 02-12-07, 08:37 AM |
Re: خالكم (حمزاوي ) قبض عليه متلبسا | حمزاوي | 02-12-07, 12:15 PM |
Re: خالكم (حمزاوي ) قبض عليه متلبسا | ابو جهينة | 02-12-07, 12:37 PM |
Re: خالكم (حمزاوي ) قبض عليه متلبسا | ناذر محمد الخليفة | 02-12-07, 01:42 PM |
Re: خالكم (حمزاوي ) قبض عليه متلبسا | حمزاوي | 02-12-07, 01:48 PM |
Re: خالكم (حمزاوي ) قبض عليه متلبسا | Muna Khugali | 02-12-07, 06:12 PM |
Re: خالكم (حمزاوي ) قبض عليه متلبسا | صالح عبده | 02-12-07, 02:08 PM |
Re: خالكم (حمزاوي ) قبض عليه متلبسا | حمزاوي | 02-12-07, 02:12 PM |
Re: خالكم (حمزاوي ) قبض عليه متلبسا | ابو جهينة | 02-12-07, 02:26 PM |
Re: خالكم (حمزاوي ) قبض عليه متلبسا | welyab | 02-12-07, 08:39 PM |
Re: خالكم (حمزاوي ) قبض عليه متلبسا | حمزاوي | 02-13-07, 07:16 AM |
Re: خالكم (حمزاوي ) قبض عليه متلبسا | حمزاوي | 02-13-07, 09:05 AM |
Re: خالكم (حمزاوي ) قبض عليه متلبسا | حمزاوي | 02-13-07, 01:05 PM |
|
|
|