غنوا معاى .....دوبيت الحردلو

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 16-12-2018, 01:36 PM الصفحة الرئيسية

مكتبة الفنان حمزة سليمان(HAMZA SULIMAN)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
08-11-2002, 10:21 AM

Tumadir
<aTumadir
تاريخ التسجيل: 23-05-2002
مجموع المشاركات: 14699

للتواصل معنا

FaceBook
تويتر Twitter
YouTube


Re: غنوا معاى دوبيت الحاردلو (Re: mohmmed said ahmed)

    كل ما قت اتوب من البنات وانساهن
    عقلى يفرنى
    وجوه المنام اطراهن
    بى ردحيياً يسونوا الصبح بتناهن
    هن ما بتنسن، هن ما بتنسن
    وانا ما بخلى غنـــــــاهن

    انا طبعا ما شغلتى بتناهن لكن قلت نتشبه بالعارفين
                   |Articles |News |مقالات |بيانات

08-11-2002, 10:44 AM

mohmmed said ahmed
<amohmmed said ahmed
تاريخ التسجيل: 25-10-2002
مجموع المشاركات: 7060

للتواصل معنا

FaceBook
تويتر Twitter
YouTube


غنوا معاى دوبيت الحاردلو (Re: HAMZA SULIMAN)

    فى الصميم ياتماضر وهل يمكن ان تقرا البنات الاولاد والصبيان او الجنيات


    يا خالق الوجود انا قلبى كاتم سرو
    وما لقيت من يدرك المعنى بيهو ابرو
    بهمة منصح الوادى المخدر درو
    قعدت قابى تطوى وكل ساعة تفرو
                   |Articles |News |مقالات |بيانات

08-11-2002, 10:44 AM

mohmmed said ahmed
<amohmmed said ahmed
تاريخ التسجيل: 25-10-2002
مجموع المشاركات: 7060

للتواصل معنا

FaceBook
تويتر Twitter
YouTube


غنوا معاى دوبيت الحاردلو (Re: HAMZA SULIMAN)

    فى الصميم ياتماضر وهل يمكن ان تقرا البنات الاولاد والصبيان او الجنيات


    يا خالق الوجود انا قلبى كاتم سرو
    وما لقيت من يدرك المعنى بيهو ابرو
    بهمة منصح الوادى المخدر درو
    قعدت قابى تطوى وكل ساعة تفرو
                   |Articles |News |مقالات |بيانات

08-11-2002, 10:52 AM

Tumadir
<aTumadir
تاريخ التسجيل: 23-05-2002
مجموع المشاركات: 14699

للتواصل معنا

FaceBook
تويتر Twitter
YouTube


Re: غنوا معاى دوبيت الحاردلو (Re: mohmmed said ahmed)

    اريل شام شروق
    شراكى ما نشابك
    وشم نفسك يفوق
    مسك العشارى الشابك




    عشبة بان قسى، المى فريك نقادة
    وارضو البان قسى ديسها المضلم قادة



    ....

    الله يديك العافية ياود سيداحمد، دفرة


    جديات العسين قالن لى احمى رهودنا
    عن اسد الشرى وامنع ضوارى فهودنا
    قالن لى
    لو تحفظ مواثيقنا وتراعى عهودنا
    تتوسد غدايرنا
    وتنام
    فى
    نهودنا

    (عدل بواسطة Tumadir on 08-11-2002, 10:48 PM)

                   |Articles |News |مقالات |بيانات

08-11-2002, 05:34 PM

Faisal Salih
<aFaisal Salih
تاريخ التسجيل: 12-10-2002
مجموع المشاركات: 477

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: HAMZA SULIMAN)

    البارح أنا وقصبة مدالق السيل
    فى ونسة وضحك لامن قسمنا الليل
    وقتين النعام إدردقنبو الخيل
    هى لا بخلت ولا جادت على بالحيل
    الحاردلو
    النعام والخيل: مجموعات من النجوم يعرفها أهل البادية ويستعينون بها فى سفرهم
                   |Articles |News |مقالات |بيانات

08-11-2002, 10:06 PM

anwar abu gaidaa

تاريخ التسجيل: 30-04-2002
مجموع المشاركات: 1310

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: Faisal Salih)

    امدرمان سلام يا العاصمه الغربيه
    امدرمان جمال جيلك ازانى ازيه
    وانا قلبى نسيتو فى صينية البلديه؟
                   |Articles |News |مقالات |بيانات

11-11-2002, 07:41 PM

bit-alkhaleel
<abit-alkhaleel
تاريخ التسجيل: 15-10-2002
مجموع المشاركات: 361

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: HAMZA SULIMAN)

    حمــزة سليــمان وبقيــة العقــد الفــريد أبدعتوا والله
    وهاكــم

    واوحيحــي وواجع قلبــي
    من صيــدة القنص الفتــرت كلبي
    القــاري العلم من دينو بتســلبي
    والماشــي الحجاز من جــدة بتقلبــي
                   |Articles |News |مقالات |بيانات

16-11-2002, 05:10 PM

HAMZA SULIMAN
<aHAMZA SULIMAN
تاريخ التسجيل: 20-04-2002
مجموع المشاركات: 3278

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: bit-alkhaleel)

    يا بت الخليل
    من امضاءك روحك متاريفه تعيشى فى زمن الحضاره ولا يهمك
    المهم الدواخل التى ما زالت اصيله
    وواصلى
                   |Articles |News |مقالات |بيانات

16-11-2002, 05:12 PM

HAMZA SULIMAN
<aHAMZA SULIMAN
تاريخ التسجيل: 20-04-2002
مجموع المشاركات: 3278

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: HAMZA SULIMAN)

    سيداتى سادتى
    اقدم لكم الفنان الشعبى الكبير
    تماضر شيخ الدين
                   |Articles |News |مقالات |بيانات

12-11-2002, 05:58 PM

Soumeta
<aSoumeta
تاريخ التسجيل: 17-10-2002
مجموع المشاركات: 1733

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: HAMZA SULIMAN)

    دي من جميلات الحردلو القديمه البايته بي كل الجديد،،،
    حمزة،،،،، تسلم يا عشا البايتات
    أها خليتكم في وداعتو،،
    سوميتا
    ***************
    تقول لِى شنو
    وتقولى لِى منو ،
    أنحنَا السَّاسْ
    ونَحنا الرَّاسْ
    ونحن الدّنيا جبناهَا
    وبَنيناها..
    بِويت ..فى بِويتْ
    وأسْعل جدى ترهاقَا
    وخلى الفَاقة .. والقَاقا
    تقول لِى شنو
    وتقول لِى منو ،
    تَالا أبوى .. بعنخى لَزَمْ
    وتَالا اللُمْ..أَبوىْ أوْلبَابْ
    وأمى مهيرة بتْ عبودْ
    وأخويا المهدى ..سيد السيفْ
    والخلى النصارى تقيفْ
    هناك ..فى القيفْ ،
    تقول لِى شنو
    وتقول لِى منو ،
    ونحن الشينْ
    ونحن الزينْ
    ونحن العقبه والعتمور
    ونحن القِبله .. والقرعانْ
    ونحن الشانْ
    ونحن النانْ
    أتينا عشانْ
    نسوى الدّنيا للإنسانْ
    تقول لِى شنو
    وتقول لِى منو ،
    ونحن الصّافى
    والوَافى ،
    ونحن الشّافى
    والكافِى ،
    ونحن الزادْ
    ونحن العِينه
    والزِيّنه ،
    ونحن – يمين – أهالينا
    أهلى سرورْ
    ووكَتين ينزل المستورْ
    تَرَانَه النور
    تقول لِى شنو
    وتقول لِى منو ،
    ونحن الجبنه واللبريقْ
    ونحن قداحنا سَاوات ضيقْ
    ونحن بيوتنا مفتوحاتْ
    مَسَاىْ .. وَصباحْ
    ونحن وشُوشنا
    مطروحاتْ
    مَسَاىْ وصباحْ
    ونحن السَمحه
    والقَمحه
    ونحن الطله .. واللمحه ،
    ونحن الصِيدْ
    ونحن العيدْ ،
    تقولى لِى شنو
    وتقولى لِى منو ،
    ونحن عُزَازْ
    ونحن حَرَازْ
    ونحن هَشَابْ
    ونحن قُمُوحْ
    ونحن تُمُورْ
    ونحن عُيُوشْ
    ونحن النيلْ
    وَكضَاب – يا زويل – منْ قالْ
    إنّك .. تانى لينا متيلْ ،
    تقولى لِى شنو
    وتقولى لِى منو ،
    ونحن الحَجه والتوبه ،
    ونحن الهِجره .. والأوبه ،
    ونحن كُتَارْ
    ونحن كُبَارْ ،
    ونحن – يمين – جُمَال الشيلْ
    ونحن – يمين –نَضِمنا قليلْ ،
    تقول لِى شنو
    وتقول لِى منو ،
    ونحن مِحايه
    نحن طِرايه
    نحن فِدايه
    نحن سِمايه
    نحن حجاب
    ونحن اللوحْ
    ونحن شَرَافه فى الدنيا
    ونحن كِتاب عِلمْ مفتوحْ
    على كل البُلودات ..نُورْ ،
    ونحن – يمين – مَداين نورْ ،
    ووشنا نورْ ،
    تقول لِى شنو
    وتقول لِى منو ،
    ونحن الحِنه والجرتقْ
    ونحن الزفه والسيره ،
    ونحن ..أبشرى والشبال ،
    ونحن السَىْ
    ونحن الوَىْ
    ونحن الرقبه .. والتُمْ تُمْ
    ونحن اللَمْ ..
    يكون فى الدنيا ..متلنا ..لمْ
    تقولى لِى شنو
    وتقول لِى منو ،
    ونحن العَاجْ
    ونحن الصَاجْ
    ونحن البوشْ
    ونحن الحوشْ
    ونحن الناسْ
    وكتين الديارا ..يباس
    وإن درت العديل والزين
    تعال يا زول ،
    وإن كست الكعب والشين
    أرح .. يا زول
    تقولى لى شنو
    وتقول لى منو ،
    ونحن السورْ
    ونحن الحُورْ ،
    ونحن بناتنا محروساتْ
    ونحن وِلادنا ضُلالاتْ
    ونحن أُماتنا ياهِنْ ..ديلْ ،
    وجِيب ورينى زيىِّ منو ،
    وتقول لِى شنو
    وتقول لِى منو ،
    ونحن فَزَعْ
    ونحن وجَعْ
    ونحن اليُمه ..واليَابَا
    ونحن أريتو بالتَابَه ،
    ونحن – يمين – إذا حَرّتْ ،
    نخلى الواطه ..رُقَابه ،
    تقولى لِى شنو
    وتقولى لِى منو ،
    ونحن زَغَاوه والعطرونْ
    ونحن الدُونَا ..مافيشُ دونُ
    ونحن وِلاد مَلك خِرتيتْ
    وسَابَ الجرْ
    وحجَر السِكه ،
    والتاكا ،
    وسيّدنا الفى الجبل ..دَاكَا
    ونحن – يمين – نضِمنا كُتُرْ
    وشيَتنا كُتُرْ
    وأسعَل ناس كَرن والطُورْ ،
    وأسعَل كَررى .. والعَتْمُورْ
    وأسعل – يا جنَاَ – الخرتُومْ ،
    وشوف كيفن زعلنا كُتُرْ ،
    وشوف كيفن فرحنا كُتُرْ ،
    أنحنا الـ للرجال خُوسَه ،
    ونحن –يمين – جِنَات موسى ،
    تقولى لِى شنو
    وتقول لِى منو ،
    ونحن الدوكه
    والضُلاله ، والدونكه ،
    ونحن الدانقه ،
    والراكوبه ، والواطه ،
    ونحن الفَكَه
    والشِبكَه
    ونحن الحجزه .. والعكَه ،
    ونحن الجُودْ ،
    ونحن أسودْ ،
    ونحن النَانْ ،
    حديثنا إذا أرِدتو رُطَانْ
    وحين دايرين ..نسوى بَيَانْ ،
    تقول لِى شنو
    وتقول لِى منو ،
    ونحن الخَلوهَ والدايره ،
    ونحن تَكيه العايره ،
    ونحن الضُّلْ ،
    ونحن الكُلْ ،
    ونحن سبيل غريب الليلْ ،
    ونحن صباح مسافر الليلْ ،
    ونحن فَنَاجرةَ الدّنيا ،
    ونحن حَبَابْ
    حديثنا حَبَابْ
    تعال شَرِف .. وشوفنى منو ،
    وتقولِى شنو ،
    وتقولِى منو ،
    أقيف لِسَعْ
    وأقيف وأسمعْ ،
    ونحن صديرى منضوم ويلْ
    ونحن القَرمصيص ..بلحيلْ ،
    ونحن التوبْ
    ونحن الووبْ
    وناس حبوبْ
    وناس حَرّمْ
    ونحن إذا رأينا كبيرْ
    نقيف طولنا ..ونقولْ لُه ..حَبَابْ
    ونديه البُكَان ..ترحابْ
    ونحن. اليَانَا ديل .. يا زولْ
    وتسعلنى .. وتقول لِى منو
    وتقولِى شنو ،
    أقيف لسعْ
    وأقيف .. وأسمعْ
    ونحن التَايَهْ
    والاندايَهْ
    والزِريعهْ
    والعيزومهْ
    واتفضلْ ،
    ونحن الرايَه مرفُوعه
    ونحن الكُلفَه مرفُوعه
    ونحن حلفتَ ... مدفوعه
    تقول لِى شنو
    وتقول لِى منو ،
    وأما عجيبْ
    وأما غريبْ ،
    وأقيف لسعْ
    وأقيف .. وأسمعْ ،
    أنا الكَعَب البسوى الويلْ
    وأنا الزول السَمِحْ ..بلحيل ،
    وداير ..منَِّهُمْ .. يَاتُو ..،
    تقولى لِى شنو
    وتقول لِى منو ،
                   |Articles |News |مقالات |بيانات

14-11-2002, 03:20 AM

بكرى ابوبكر
<aبكرى ابوبكر
تاريخ التسجيل: 04-02-2002
مجموع المشاركات: 19833

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: Soumeta)

    test
                   |Articles |News |مقالات |بيانات

16-11-2002, 05:04 PM

HAMZA SULIMAN
<aHAMZA SULIMAN
تاريخ التسجيل: 20-04-2002
مجموع المشاركات: 3278

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: Soumeta)

    يا سوميتا ابشرى بالخير
    وبالحيل
                   |Articles |News |مقالات |بيانات

17-11-2002, 01:00 PM

ود شاموق
<aود شاموق
تاريخ التسجيل: 17-11-2002
مجموع المشاركات: 3605

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: HAMZA SULIMAN)

    قال ود ضحوية

    الناس العلي الساحر بشقوا الصي
    أمسوا الليلة فوق راياً نجيض ما ني
    ناس أب ترمة جاموس النحاس أب دي
    عقدوا الشورة ميعادن جبال كربي
                   |Articles |News |مقالات |بيانات

17-11-2002, 01:09 PM

ود شاموق
<aود شاموق
تاريخ التسجيل: 17-11-2002
مجموع المشاركات: 3605

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: HAMZA SULIMAN)


    هذه المرثية هي حقيقة أجمل ما قرأت من مراثي، ووالله ما أظننت أحداً يرثى بمثلها، إنها حقاً مرثية، كتب كلماتها ود البنا في رثاء شيخ العرب حسان أب عاقلة أب سن


    ,مفقود يا خَرِيفْ دَارْنَا ال... بمِهل النَّجعة
    ببكي عليك بكاياً فِيه كمِيَّن وجَعة
    آخرهن فُراقاً لا خبَر لا رجْعة
    وأولهِن رحِيلاً سَيتُو مِننا فَجْعَة
    * * *
    ببكِي عليك بُكاياً في ضَمايري جرُوحُو
    بي حُزناً كتير غَلَبَن لِسَاني شروحو
    درَّاج الضَّعيف ال... خيرُو مُو دُوب رُوحو
    مَفقودَاً بشاشُولُو الضُعَاف وبنُوحُو
    ***
    ود أبْ سن وكاملَ الحِن رَحَل فَارقْنَا
    ماهل الدَّار وراحة الجار ، رحيلو حَرَقنَا
    قَمر اللِّيل ، وصَمَد الخيل ،كفوفو دَرَقنا
    مُونَتنَا وخَريف عَامُنا العَليهُو مَرَقْنا
    * * *
    تبكي عَليهُو أرض أجدادُو تبكي بَطاينُو
    يبكي عليهُو جُوُداً مِنْ جِدُودُو مداينُو
    ببكيهُ العَشِير ال..كَابِي فوقُو وصَايْنُو
    ببكوهُ الضُّعَاف ال.. لي بَشَايرُو بعاينُو
    ****
    ببكنُّو الصِّدِي ال.. فوقهِن حَديدهِن شَكْ
    ببكنُّو السِّيُوف ال..ضَرِبَهن لا شَك
    ببكيهُ القُطَابي ال.. فُوق مَجسَّفُو رَك
    تَبكي بُطَانْة ابُوه ال.. مَا اندنت لي مك
    * * *
    فَارِس الصَّف ، وطاهر الكَف خبارُو اللَّيلة
    ما لاقَانَا بِتبسمْ لَزوم الشيلَة
    أبكن يا البُروق كُبَّن دُمُوعكَن سيْلة
    رَقَد ال.. بسنِد الهَاكعَة وبِعَادْلَ الميلَة
    ***
    رَقَدْ ال..مَسمِي فوق جَد جدو فُوق حَسَّان
    وَدْ ال..لي مَحافل أُمَّات دِرُوع عِرسانْ
    رَقَدْ ال.. في النَّشيد فايق علي حَسَّان
    رقدْ ال .. وصَفُو في قُصر الكَلام إنسان
    * * *
    تبكي عليك بُطانتَك بالبروق ال.. لَحَّنْ
    ويبكنَّك نَقَاقِير الِجِدود ال.. قحَّنْ
    يبكنَّك سيوفاً يُوم طَنَاهِن صَحَّنْ
    يبكُوك الضُّعاف وَكتْ المواجيد شَحَّنْ
    ****
    يا فَارسَ النَّقَاقِير ال.. مَحَنضَل رُوزَكْ
    الخَيل رَوَّقن يوم مَعركِيبهِن فَوزَكْ
    ببكنَّك ودَيَّن كُلَّهِن في حُوزَكْ
    ببكيك أبْ علي الجَدْ ال.. عَلَيهُ ركُوزَكْ
    * * *
    وافر الكَيل،وتِلَب الشيْل وخير العامَّة
    صادق القُول ، ومينةَ العُول، ونُوم الهَامَّة
    حليلْ حَسَّان حليل ذَاتُو ونَفَايلُو التَّامَّة
    حَلحَال عُقدة الحجن الورَاهِنْ طامَّة
    ****
    ما تَبكيهُ يا عَينْ بالدِّمُوع وخلاس
    ابكي الدَّم على ال ..شَلَبي وسَخي وْوَد نَاسْ
    خيراً عِندو ما كنَّاه للخُنَّاس
    مُشرَع للضُّعَاف من كافَّة الأجناس
    * * *
    سَرَف القَيفْ ، وبَطَر الضِّيف ، ووارْث ابْواتُو
    تَامَّ الكَيف ، ونِيل الهَيف ، خريف أوكَاتُو
    زايلَة وهَلاَّ يا حليلُو ال.. نَبيهَة صِِفاتُو
    يا حليلُو ال ... بِعيش مَرمِي القبيلَة شتاتُو
    ****
    بِبكُوا الناس عَلى النَّاس بالدِّموعْ الجَاريَة
    ويبكنَّك نَفَايلاً للمَكَارِم حَارْية
    مَغبُونْ السحَابْ تكتُل بِروقُو الفارْية
    هَادِي دمُوعُو نَزَلتْ فوقْ بُطانتك سَاريَة
    * * *
    يبكيك أب علي وحَسَّان ولا كاكُوم
    ويتْرزَّم نحاس اجدادَك المَعَلُوم
    يا المهَل ال... على ضَهَرُو الولايا تنوم
    يبكنَّك خُيولَك عْْْْْْنْ مَلاقِي القُوم ?
    * * *
    يبكنَّك سِيوف أجدادك القطَّاع
    ويبكيك أب عَلي ال..صَدَّ الهَمج مَا طاع
    جَنسك مُو مَلَمْلِم بُرقة مُو لُطّاع
    نُور في نُور كواكبَك كُلهِن سُطَّاع
    ****
    يبكنَّك نقاقِير القَبيلة ال.. رَزّنْ
    ?يبكنك سِيوفاً فوق نحاسك هَزَّنْ
    ?تبكيك الخيول يُوم الرُّقاب ينجزّنْ
    ?يبكنَّك بطاينَا بي مِطُورهِن عزَّنْ
    ***
    يبكيك الكَرم وايضاً فعايل السَّمْتَة
    يبكنَّك همايلاً بي لِزومهِن قُمتَ
    ما قَفَّلت بَابَك مِن مِجاورَك ونمتَ
    شِلت الشيلْ مَطَبقْ ، للعشير مَا لمتَ
    * * *
    لا قاني القُطابي ، وقال حَلَفت قَسَمتَ
    طرْ في الجو على سَابع القبايل حُمتَ
    رَحلوا ال..بشبعُونِي وبي قفاهُم صُمتَ
    فاتُو وماتُو هَجُواتي الكِتالِهُن غَمتَه
    ***
    لا قاني القُطابي ، وقال لِي طِر في جَوِّي
    حُمتَ وعُمتَ ما لِقيتْ مِنْ وَقَع في هَوِّي
    الدُّغُم الكتالهُن بالحديد القوِّي
    وكت اتنقُّو مِينْ تَاني ال..بجيبني مخوِّي
    * * *
    في ودَاعة الله ياحسّان حَسين الخلَّة
    نَعَشَك مِنُو فوق أرض الجِنان تَدلي
    عَاشرتَك سِنين عُمرَك مِنَافِي الذَّلة
    رَادمُو عَلى قَفاك حمل الضَّعيف الكَلَّ
    ****
    مَاكْ دُخرِي بَرَاي ، دخري ال..رَقَد مَغَلُوب
    حِملَك شِلتُو جَاهِل مِنُو جاضَّة تلُوب
    لاك شَكَّاي ولاك حَكاي ولاك مسْلوب
    يا لبَنْ النَّخيبَة ال..للضُيوف مَحَلُوب ?
    * * *
    يَا اللَّدِر ال.. بَرَزِّم فِي الرضِيمَة أم شُوكْ
    مالَهُنْ هِملوا مِنْ امِس اليتَامَى ال..جُوكْ
    بتلفت وأعاين لَك وأقول لك غُوكْ
    بسَمَع حِسَّي رايِح كُلُّو أُوك فِي أُوكْ
    ****
    جِيتي زيارة فِي البَلَد البَعِيدْ طَلَّيتنِي
    شَرَّف قَدري فوق عُليا النِجوُم علَّيتني
    مُو خايل عليك يَاود أبُوي خليتني
    لي حُزنَاً ببالِيني الدِّهُور وليتني
    * * *
    كَبدي مَعَلقابَكْ يا صَدِيق شبَّانِي
    أولادَك جَنَاي وكلَّكُم حِبَّانِي
    وُدَّاً من قديم طَوَّل بَنَاهُ البَانِي
    بَتكَرَّفْ نَسيمكُم طِيبُو مَابَغَبَانِي
    * * *
    وُدَّاً فِي الضَّمير سَاكِن مُقِيم مُو مُبَارِح
    خُوَّة وعُشرَة مِن زمَن الشَّبَاب السَّارِح
    بَتَذّكر حَديثي معَاك تَقُول البَارِح
    وعَينَي بذرِفن دَمْعَ الفُراق الجارِح
    ****
    جِيتنِي زيارة في البَلَد البَعيدْ في الغُربة
    بَرَّيتني ورَعَيت حَق الوِِدَاد والقُربَى
    كَبدي مِن اليقين تالاكَ بقت مِنْخربَة
    وعْدَك لي خَلفَتُو ، وشِلتَ مِنَّي التُّرْبَة
    ****
    حُزنِي عَليك مَسرمَد لاهُ يُوم لاَ لَيلَة
    فِيك عَزَّيتهَا نَفْسِ وفيك بعَزيْ قَبيلَة
    حَدْ مَا البَرق يسُوق فُوق البَطَايِن نِيلة
    تغَرَق عينِي دماع الغبينة يكِيلا
    * * *
    حُزنِي عَليك مَسرمَد ماه حُزنَاً دُوُنْ
    حُزناً عمَّ مِنْ نَاس بيلا لا سِيدونْ
    مِنْ عَاديكنا لا كَسَلا أُم جُبالاً كُونْ
    الله يعزِي شُكريتَك مَحَل مَا تكُونْ
    ****
    أصلها فَانَية والمُوت فيها ماهُ غَرِيبَة
    لا بدُّور مَسَبب لا بِتكوسلُو ضَرِيبَة
    سَمُّوها ام قِدود القَايسين تجريبَة
    بتِّم العَمِيرة وتمشِي في تخرِيبه
    * * *
    لا عِنْد ال..بثكَّل فِي سمَاهُ يَحلِّقْ
    لا بُد ليهُ يُوماً فِيه عُمرُو يغلِّقْ
    مَلَك المُوت بِتبْ حَالِف عَليهُ مطَلِّق
    ياخْد الرُوح ويرمِيهُ البَدَن مِطلِّق
    ****
    أبْ رَسْوَة البنترِّ في رَضيمُو وكِرِّو
    رِعْيان الحَلال هَابُوهُ مِنُّو انَصرُّو
    ملك الموت بُجيهو غير يشاورو بضرو
    يا كلُو الطيرْ وعَضَّامُو الحَصَيني يجُرُّو
    * * *
    جامُوساً بنفج الصُومَعيِّة ويسَرِّح
    حَابس أمَّات عِجُولُو وللكتَّال متقرِّح
    يجيهُو المُوت نِهاراً قايله مَاهُ تبرِّح
    فوق عَضَّامُو جَقدُول والحِصينِي بَمرِّحْ
    ****
    دمَّارة المِلوك الدِنيا مي دار فَايدَة
    حَد مَا اتقدَمَت لا بُد بتعَكِس عَايدة
    غَبَّارة الرَّجَال سِتْ الفعال الكَايدَة
    لا خلَّـت بَليد لا سِيد نَبَاهةً زَايْدَة
    * * *
    ما تَحدِّثني بيها الدُّنيا شِن معَنَاهَا
    خَربَانة ومشَّلَّع يا فَهيم مَبْنَاهَا
    مَهمَا تمتعَك ليك الفِرُوع تََحناهَا
    لا بُد ليها يُوماً منك بتَاخدُو طَنَاهَا
    *****
    أصلها فانية خربَانة وبِنَاهَا مَهَدَّم
    كسَّارة وعكُوس بِتصدِ بَعَد تتقَدَّم
    مفقود العلي ضَهَرو الحِمِل بتردَّم
    وحَكم السِّيد مُطَاعْ نَرضاهُ مَا بِتنَدَّم
    * * *
    حاتِم والسَّمَوْءل ومُعْتَصِم واخوَانهُن م
    بركَة نَاسْ ابُوهُن، تَبقَى في ديوانهُن م
    تعمر دَار أبُوهُن ويَبقَى زاهِي أوانْهُن م
    وأيَّام الدَّهر يبقن جميع أعوانهُن م

    (عدل بواسطة ود شاموق on 18-11-2002, 08:38 PM)

                   |Articles |News |مقالات |بيانات

18-11-2002, 08:46 PM

ود شاموق
<aود شاموق
تاريخ التسجيل: 17-11-2002
مجموع المشاركات: 3605

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: HAMZA SULIMAN)

    قال ود ضحوية

    الليلة النفس صبحت حزينة وعامدة
    وما بتسلى بي برقع حميدة وحامدة
    فارقنا الرباعة أبان قلوباً جامدة
    ناس طه اللحو ضو القبيلة الخامدة

    وقال أيضاً

    الدرب البجيب كمش النقود موهين
    وما بمشيهو ديك بيتو اب جليدا لين
    الولد البيقوم من أم حمد مدين
    غصبا عنو ياالساحر يسوقن بين
                   |Articles |News |مقالات |بيانات

18-11-2002, 08:58 PM

HAMZA SULIMAN
<aHAMZA SULIMAN
تاريخ التسجيل: 20-04-2002
مجموع المشاركات: 3278

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: ود شاموق)

    يا ود شاموق
    يا اريل شام شروق
    والله كيفتنى بالحيل
    والمرثيه فى غايه الجمال
    وجديده على حقيقى
    ويا خى عقب عقب
    واهلا بيك وسهلا
                   |Articles |News |مقالات |بيانات

18-11-2002, 09:26 PM

ود شاموق
<aود شاموق
تاريخ التسجيل: 17-11-2002
مجموع المشاركات: 3605

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: HAMZA SULIMAN)

    يا ود سليمان
    شراكي ما نشابك
    وشم نفسك بيفوق
    مسك العشاري الشابك
    لك التحية
                   |Articles |News |مقالات |بيانات

18-11-2002, 09:39 PM

HAMZA SULIMAN
<aHAMZA SULIMAN
تاريخ التسجيل: 20-04-2002
مجموع المشاركات: 3278

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: ود شاموق)

    هاك يا ود شاموق 00000

    لاقانى الظبا مارق على اخياتو
    محزحز بى دروعه وبى شموع طياتو
    شافنى ولبد اندس فى ادياتو
    كيه على رصعتى بطبنجياتو
                   |Articles |News |مقالات |بيانات

18-11-2002, 09:52 PM

ود شاموق
<aود شاموق
تاريخ التسجيل: 17-11-2002
مجموع المشاركات: 3605

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: HAMZA SULIMAN)

    وهاك دي يا ود سليمان

    الليلة الصعيد نفض السحاب غدارو
    ذكرني الحبيب الليا مقطعات أخبارو
    بتابع في سهيل حد ما توقفت أسفارو
    زي فاقد الوحيد الفرا نوم أبصارو

    الهمباتي
                   |Articles |News |مقالات |بيانات

18-11-2002, 10:05 PM

HAMZA SULIMAN
<aHAMZA SULIMAN
تاريخ التسجيل: 20-04-2002
مجموع المشاركات: 3278

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: ود شاموق)

    هاك يا الحبيب

    من عوج الوكت ما بتركن وانساهن
    فوق حيا فوق محل دايما بجر غناهن
    ناس ابن الزريح ضربوا المثل بى جناهن
    من كل السوام سيدى الحسن يبراهن
                   |Articles |News |مقالات |بيانات

18-11-2002, 10:06 PM

ود شاموق
<aود شاموق
تاريخ التسجيل: 17-11-2002
مجموع المشاركات: 3605

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: ود شاموق)

    ودي لي ناس البوست

    وكتن تعزموا الضيفان تحلوا القول
    سوقو لهم بكاراً من مراح تمبول
    يا ناس الله وينكم ما ني شايف زول
    هسع جوا داركم لي قريب من حول
                   |Articles |News |مقالات |بيانات

18-11-2002, 09:31 PM

ود شاموق
<aود شاموق
تاريخ التسجيل: 17-11-2002
مجموع المشاركات: 3605

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: HAMZA SULIMAN)
                   |Articles |News |مقالات |بيانات

18-11-2002, 10:24 PM

ابو يسرا
<aابو يسرا
تاريخ التسجيل: 21-02-2002
مجموع المشاركات: 1855

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: ود شاموق)

    لاخ حمزة بصراحة البوست جميل للغاية
    اهديك هذا اللحن الجميل
                   |Articles |News |مقالات |بيانات

18-11-2002, 10:25 PM

ابو يسرا
<aابو يسرا
تاريخ التسجيل: 21-02-2002
مجموع المشاركات: 1855

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: ود شاموق)
                   |Articles |News |مقالات |بيانات

19-11-2002, 10:04 PM

HAMZA SULIMAN
<aHAMZA SULIMAN
تاريخ التسجيل: 20-04-2002
مجموع المشاركات: 3278

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: ابو يسرا)

    الاخ ابو يسرا
    كيف الحال
    شكرا لى الاهداء
    واتوقع مجادعتك
    ويلا دوبى
                   |Articles |News |مقالات |بيانات

20-11-2002, 04:16 AM

Soumeta
<aSoumeta
تاريخ التسجيل: 17-10-2002
مجموع المشاركات: 1733

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: HAMZA SULIMAN)

    حمزه و ود شاموق عليكم الله كان ما واصلتو،، حقيقي مستمتعه بي ردودكم لي بعض النبي عاد كان تقيفو،، أها خسمتكم،،
    سوميتا
                   |Articles |News |مقالات |بيانات

20-11-2002, 04:56 AM

ود شاموق
<aود شاموق
تاريخ التسجيل: 17-11-2002
مجموع المشاركات: 3605

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: HAMZA SULIMAN)

    جدا يا سوميتا هاك يا ود سليمان

    الليلة طيف الريل حماني الهجعة
    من فد نظرة نساني القصيد والسجعة
    بي سهم الرميش فقدني درب الرجعة
    لي كحل الطريف سالت عيوني الدمعة

    في رجاك
                   |Articles |News |مقالات |بيانات

20-11-2002, 03:43 PM

ود شاموق
<aود شاموق
تاريخ التسجيل: 17-11-2002
مجموع المشاركات: 3605

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: HAMZA SULIMAN)

    يا ود سليمان طولن غيباتك
    حن علينا أدينا من أوكاتك
    لو كنتا مشغول خلصن شغلاتك
    يا سمح النضم سمعنا أبياتك

    (عدل بواسطة ود شاموق on 20-11-2002, 04:38 PM)

                   |Articles |News |مقالات |بيانات

20-11-2002, 04:55 PM

ود شاموق
<aود شاموق
تاريخ التسجيل: 17-11-2002
مجموع المشاركات: 3605

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: HAMZA SULIMAN)

    وهاك دي جديدة

    من منام الميل شبعن عيوني كفاهن
    زادن نجوم الليل نجماًً جديد بحداهن
    ياللدر اللحو الديمة حامي حماهن
    كيفن عيون الصيد تقدر تفوت تنساهن

    عاد بعد دا اتلومتا
                   |Articles |News |مقالات |بيانات

20-11-2002, 09:06 PM

HAMZA SULIMAN
<aHAMZA SULIMAN
تاريخ التسجيل: 20-04-2002
مجموع المشاركات: 3278

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: ود شاموق)

    يا ود شاموق

    شكرا لك يا اصيل ويا حساس
    وبجييييييييييك اسى س س س س
                   |Articles |News |مقالات |بيانات

20-11-2002, 09:28 PM

HAMZA SULIMAN
<aHAMZA SULIMAN
تاريخ التسجيل: 20-04-2002
مجموع المشاركات: 3278

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: HAMZA SULIMAN)

    هاك يا ود شاموق
    عمر البنا

    ماحت بالصدود قلبى وحشاى ذوابه
    زى صيدة الخلا المن الرصدهوابه
    وسط القامه مقسومه وضميرها هوابه
    تتبختر ابت ما ترد على جوابه
                   |Articles |News |مقالات |بيانات

20-11-2002, 10:20 PM

ود شاموق
<aود شاموق
تاريخ التسجيل: 17-11-2002
مجموع المشاركات: 3605

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: HAMZA SULIMAN)

    يا ود سليمان المقسوم من الله حبابه
    كان سمح كان شين نفسي راح ترضابه
    كان فرت أريل الصيد صيادي ما نشابه
    وكان قدر الله الصيد نفسي تتهنابه
                   |Articles |News |مقالات |بيانات

20-11-2002, 10:38 PM

HAMZA SULIMAN
<aHAMZA SULIMAN
تاريخ التسجيل: 20-04-2002
مجموع المشاركات: 3278

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: ود شاموق)

    يا ود شاموق

    نيران الصدود لازلت اتكوابه
    وانوار الخدود ليل هجرى ما ضوابه
    يلعب قلبى زى هبابه تتهوابه
    مقنيه الضرى البى الحله ما لوابه
                   |Articles |News |مقالات |بيانات

20-11-2002, 10:51 PM

ود شاموق
<aود شاموق
تاريخ التسجيل: 17-11-2002
مجموع المشاركات: 3605

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: HAMZA SULIMAN)

    المابيرضى بيك ياحمزه ما ترضابه
    بعد الكبر يدخل تبقى النفس توابه
    صوم وحج البيت جاور النبي وعن بابه
    وصلي آخر الليل الدنيا ديه خرابه

    (عدل بواسطة ود شاموق on 20-11-2002, 10:53 PM)
    (عدل بواسطة ود شاموق on 20-11-2002, 10:54 PM)

                   |Articles |News |مقالات |بيانات

20-11-2002, 11:08 PM

HAMZA SULIMAN
<aHAMZA SULIMAN
تاريخ التسجيل: 20-04-2002
مجموع المشاركات: 3278

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: ود شاموق)

    يا ود شاموق
    وين السلمه وين 000 0000

    والله ضحكتنى ياخى انت رائع

    هاك
    يا ود شاموق حليفه العفه الدايما ملازمه صوابك
    ومستوره القناع الخايفه من توابك
    اصلها من نشت ما اجتازت البوابك
    يلا انظر خدوده والنسمع استجوابك
                   |Articles |News |مقالات |بيانات

20-11-2002, 11:19 PM

ود شاموق
<aود شاموق
تاريخ التسجيل: 17-11-2002
مجموع المشاركات: 3605

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: HAMZA SULIMAN)

    ود سليمان يامراحب يا حبيبي حبابك
    رجعتا في قولي وخليكا بين أحبابك
    النبي والصيام والحج ماهم اكيد طلابك
    عيون الصيد بتزعل كان أذاها غيابك
                   |Articles |News |مقالات |بيانات

20-11-2002, 11:26 PM

HAMZA SULIMAN
<aHAMZA SULIMAN
تاريخ التسجيل: 20-04-2002
مجموع المشاركات: 3278

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: ود شاموق)

    لا اله الا الله محمد رسول الله
                   |Articles |News |مقالات |بيانات

20-11-2002, 11:31 PM

ود شاموق
<aود شاموق
تاريخ التسجيل: 17-11-2002
مجموع المشاركات: 3605

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: HAMZA SULIMAN)

                   |Articles |News |مقالات |بيانات

21-11-2002, 01:16 AM

ود شاموق
<aود شاموق
تاريخ التسجيل: 17-11-2002
مجموع المشاركات: 3605

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: HAMZA SULIMAN)

    ما تزعل، هاك دي من شانك

    ياحمزة الكريم القرشو ما اتلما
    الوارث الجدود، لي فضلهم تما
    من قومة الجهل، في بيتو ما انجما
    دراج الهموم، داب نفسو ما اهتما

    جيهتك انشاء الله
                   |Articles |News |مقالات |بيانات

21-11-2002, 10:30 AM

HAMZA SULIMAN
<aHAMZA SULIMAN
تاريخ التسجيل: 20-04-2002
مجموع المشاركات: 3278

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: ود شاموق)

    ابشر بالخير يا ود شاموق
                   |Articles |News |مقالات |بيانات

21-11-2002, 06:02 AM

Shinteer
<aShinteer
تاريخ التسجيل: 04-09-2002
مجموع المشاركات: 2083

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: HAMZA SULIMAN)

    كتيوي أب سنبل العنف الدرُُع بي لبّو
    كوعو شريت و محجمو لا المضابح كبو
    تب الندوتين الصافي رايق صبو
    مايق الدوّر القطبي المنور حبّو


    يا قارح الدواوير الملوح برقك
    في ابو صريصري تلب و انسند بك طرقك
    راسك قلو وقّل في كواكب شرقك
    و رانفي قوللو جاورت ام لهيب بتحرقك
                   |Articles |News |مقالات |بيانات

21-11-2002, 02:08 PM

ابو يسرا
<aابو يسرا
تاريخ التسجيل: 21-02-2002
مجموع المشاركات: 1855

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: Shinteer)

    تأليف ابراهيم العبادى

    طه: أخوك يا ريّة أخوك وقت الخيول يدبكن

    اخوك يا ريّة أخوك وقت الرماح يشبكن

    أخوك جبل الثبات وقت القواسى يتحبكن

    كم بكيت وكــم قشيت دمـوع الببكن

    ريّه: وراك أسـود علىّ ما نمت أسـع طيب

    طه: ها بسم الله قـــولى أخــوك طيب

    وشديد وحاضـر وقلبوُ ماهـو مغـيب

    إلا الشفتو فى النـوم من هوايلو اشيب

    *******

    الزول فى الصُحى مهضوم عليه شقاهو

    وإن غمد شويه تجى الهموم لحقــاهو

    الصف أب لؤيس أنا ما بخاف لقيـاهو

    يا ريت الحلم فى صحاي كان بلقـاهو

    ******

    كان خير ولو شر برجاه ما بهـم بـالى

    وحارثنى الثبات من الكبـار قُبّـــالى

    وقت حســع حسيت وشفتك قاعدة قِبَالى

    إن إتلخبط الكـون تـانى مـانى مبـالى

    ريّه: كعب نوم النهار أمس العصير كنت نايمه

    رأيت قدام فريقن اشوف صقـوراً حايمه

    كبير غـار على من نـوم تبين غـايمه

    صحيت مهجومه لا مفصل ولا فينى قايمه

    طه: إنتى كمان رأيتى صقور

    (هنا يشعر طه ان حلمهم مع بعض)

    علامة كافيه ظنيت الحكايه قريبه

    هاك من الصحيح الما بتدخلو الريبه

    هذه الحله بعينىّ أشوف تخريبه

    دحين يا اختى يلاك لأرض الجعلين نعيش

    هناك باقى حياتنا معاهم

    ( هنا ريّه قنبت تبكى)

    طه: ما بفيد البكى وكلامى احسن تنسى

    ريّه: كيف ما ببكى كيف افوت مراتع انسى

    افقد كل شىء عزء ورجالى وجنسى

    تطلق فوقى ناراً عقباً تقولى أنسى

    ************

    ما ببكى الفريق ببكى الرجال قُبالو

    شن طعم الفريق ما بيوت شُقاق وحبال

    خرابُُ انت حين ما بمر بالبال

    إلا يقع قتالا بعده نلقى وبال

    طه: هاْ فأل الخير أخير ما شفنا شيتن جَتَ

    كل الشفنا احلام فى طريقَ اتعدت

    قبل الليله بيدى حمان قط ما ندت

    مانهدم شرفنا لو السماء انهدت

    ريّه: ورينى الحلم التورك مذهول

    طه: اصبرى لىّ أروق عقد الفكر ممهول

    احكيلك شنو الشفتو والله مخول

    شفت الوحده..وشفت النار وشفت الهول

    احيلك تمام الشفتو ما بتغابه

    جاين العصير أنا وانت من الغابه

    سايقه ليك بهم قدامك برقابه

    بين والفريق اتولعت التقابه

    قدر ما نشوف بعيد قدّامن نلقى حريق

    وقت النار علت ما شفن تانى فريق

    باصرن المروق مالقين لينا طريق

    تشكى من العطش واخوك يابس ريق

    فترتى قعدتى وانا محتار جلست حداك

    حاقب الدركه ختيت سيفى فوق أوراك

    وقت بِعد البهم دا كسحتى انتى براك

    كسحتى وجيتى ومعاك كور صقور تبراك

    تبيت بعجل شافنى جفلن وطارن

    غابن من عيونى فى اللعوت إضارن

    ما غابت كتير جن إقدلن يتبارن

    قدامهم كبيرن عيننى وغارن

    سلّ سيف لاقاهم اخوك يالضامرة

    تور غنز ام هشيم الفى المجامع دامرة

    سيل تلا واندفق فوق السحابه الهامره

    حجر الصاقعه فرتاق الصفوف العامره

    بادرنى الكبير ، ديلك استعدن وقفن

    مامهلتو طار راسو وجناحيه يرفّن

    طاراً ديلك وقت بريشو رقد إتكفن

    ريّه: عارض ومات الليله يمكن عفّن

    طه: نحمد ربنا اليله مات عارضنا

    وان كان عمرو طال يا ريّه كان قارضنا

    يلحقو بعجل ديش همنا المارضنا

    انبدا زواجنا بكرة منو البجى يعارضنا

    بطال البعيش فى الدنيا اصلو مناهو

    إن كان مالو راح غير اهلو مومدناهو

    سمح الفوق اساس ابواتُ تّم بناهو

    والزول دون قبيلةُ مناهو شن معناهو

    ما بنفرح بمال ونقول كفانا ورثنا

    نفخر بالرجال فى الحارة يبقوا ترسنا

    نجمع ناسن هيلنا من الكبار حارسنا

    يحضروا اهلنا فرحانين يباهوا عرسنا

    كل بطحانى يفرح بعرسنا مناهو

    ساعت جمعتهم بيتنا بنتم بناهو

    عزاب عيش يا ريّه مرض مناهو

    سمح الزول حبيبى يلد ويربى جناهو

    (كان والدها لم يتم السنه عايزاه كلام ذى دا لا يذكره حكايه العرس)

    ريّه : دا الأعوج ترا والشين نهاية حدّو

    وان شاع دا الخبر يمل الفريق لآ حدو

    يقولو اب كبس من دخل ودّ جدو

    فرحوا وعرسوا لا من حزن ولا جدو

    وان كان فى الفريق ماتت مرّيه ذليله

    للحول يرفعوا العرس البختُ الليله

    خليه أب كيس راس الرجال وقليه

    لو كان بيقيله تعد تبقى قليله

    خليه الكلام وعرسنا سيد الحال

    من بالك أمرقُ محال والف محال

    على ميتت أبوى الليله حول ما حال

    نصبح بكرة ونسه ونشب بشاتين حال

    طه: هأ الموت موشمت غايت البفوت والببرو

    والجد والحزن ما جابو زول من قبلو

    الزول فى الشدايد اول يلزم صبرو

    بترج الكريم مولاه كسرو يجبرو

    بنخاطر من الوجعه هيلنا برانا

    نحن اهل المصاب الناس لُزم جابرانا

    فى آخر المراح دايما تجى الفترانا

    عات الحد ندوسه الناس عقب تبرانا

    ريّه : الناس بالمكارم والفعال تتباها

    وينشأ الزول فطرة حسب مرباهو

    عادت جِدُ عادتو ومثل أباه نباهو

    يلبس توب قبيلتو ان دار والله اباهو

    من الليله حول نقضيه تانى اتكلم

    الداير يتم رب العباد ان سلم

    طه: تانى انا أقضى حول وانا بالحسار أتالم

    علىّ حكمك صعب أنا قابلو ما بظلّم

    لكن مشيتى للسنه قاسيه وصعبت علينا

    ريّه: تمّ الاتفاق من الكلام خلينا

    زي عادت البلد لازدنا لا قلينا

    إنشاء الله السنه بخير عايده علينا

    يا طه البهم قاربن راجوعت الراح

    بنات واولاد هديل ناس فريقن الراح

    تصبح سمعتها من الكبار الراح

    قالوا العربى ما بنعز كما مراح

    (هنا تخرج ريه ماشه ويظل طه يعاين ليها ويقول)

    طه: آه يا ريت السعادة ان كان بقت بديه

    كنت اعيش هنى فى الدنيا بالزنديه

    علىّ حكمُ ناس الفيّ طلبوا الدِيه

    الموت بالعطش والمويه بين إيدِيّه

    ريّه علىّ قاسيه وجايرة فى التفنين

    آه يا ربى أرحم صدرى أنس ضنين

    يمحق دى السنه ربى الحليم وحنين

    يخصم من حياتى رضيت بعشرة سنين

    كيف أهن واعيش وانا صبرى ولاّ مودع

    وسبب الدخرج المن مامتور مفدّع

    جنيت وجنى جنّ وحالى اصلُ مبدّع

    اهج فى الجيش اهج فاضلى تانى أجدع

    ( قامت ماشه على الفريق لاقوها جماعه كدا قدام الفريق بجمالن وبتاع-دا يعنى ملامح من الحلم تقريباً يعنى ديل نفس ود كين ومعاهو جماعه ماشين حِته اسمها ام شديده جات مارة كدا فوقهم ساكت فايته فوقهم ناقم واحد عربى مع شيخ العرب قاليهم)

    العربى: بالضيفان تمرّ لا سلام ولا كلام

    صدقوا اهل المثل توب العرب صُح لام

    (هنا ريه تلتفت اليهم وتقول)

    ريّه: حبابكم عشرة من دون كشرة والف سلام

    يا وجوه العرب المتلى ما بتتلام

    أنا بت الرجال اهل الحدق والسيف

    بت الما بهم بحساب الخريف والصيف

    بت البيحجزوا المرقوب البكرموا الضيف

    انا ريّه ان كان شفتكم افوتكم كيف

    العربى: من وين فى الأهل يا بنيه كفاك فخر

    ريّه: أنا بنت البيوت المن بعيد معنيه

    أنا بت أب كبس فى النسبه بطحانيه

    (هنا شيخ العرب عرف زولتو الدايرة لانو قُبال كدا سمعان بيها ساكت ردّ عليها)

    شيخ العرب: آآآهـ عبد الله اب كبس عز البطانه وفخرى

    وفى رأس العرب بنعدو ما هو الوخرى

    كريم وهميم وصميم وكان للقبائل دخرى

    بت شيخ العرب هيلك صحيح تفتخرى

    توقد نارو ديما الما بكوس الجمره

    وفى ضيفان يمين وسكين دايما حمره

    بكاس ما عبر لبن يجيك بالعمره

    هيل الشكر..هيل الرّآس..هيلُ الأمره

    المرحوم ابوك كان للقبيله قطاه

    عزاك قديم حسين ابوطه

    إنشاء الله يكون اخوك دى السكه ما تخطاه

    (دايره تديه كلمه ناقصه فى ودعمها)

    ريّه: كما بسد مكانو قدم ليه يطاه

    لا يفوت ولا يموت السعى وت مغشيه

    تُهابه الفريق يوقد صباح وعشيه

    زايد فى الرجال طالق غفايه وغشيه

    ضيوف الليل يكفيهم مرارة وشيه

    شيخ العرب: مادخلت التراب البركه فى الزرّيه

    والخلاك وراه ماهو المات يا ريّه

    دايماً فى القبائل سيرت ابوك مطريّه

    بيك وبأخوك تزيد ودى المحريه

    (تانى العربى داك سأل)

    العربى: ما بتسألى لا من وين ولا وين ترسو

    ريّه: كيف العربى يسأل ضيفو كيف تنسو

    اول بكرمو وبخابرو ساعه انسو

    من مغلب حديث تعرف ابوه وجنسو

    العربى: عملتى حسابو ضيفك وكرمو وجيتى

    ويخجل كان سالتى واسمو ما عرفتى

    واسم شيخ العرب سامعابو ما عرفتى

    (داير يوريها بان حمد ودكين دا راجل غنى وراجل كذا وكذا..عشان تقبل بيه)

    دا خريف البطانه الفيها ما لو مشارك

    هيل السارحه...هيل الصاهله..هيل البارك

    ماوقع ليك كلامى ساكت لشنو خبارك

    فخرك ود دكين جاك فى فريقك زارك

    ريه: مرحب بالعز وموهو كفايه

    اب ناراً تولع للضيوف دفّايه

    بشيخ العرب الافتخار ما كفايه

    تابعو ان جانا نفخربو ونخدمو حفايه

    شيخ العرب: بارك ربى فيك عقلك يدوم يا ريه

    وكرمك موهو كُلفه دى طبعتك فطريه

    إياك بت اب تروب والسمت فيك محريه

    قديم فوت البطاحين عزّة للشكريه

    (هنا فى المحل دا جاء طه ودعمها)

    طه: سلام شيخ العرب مرحب خريفن الزارنا

    مرحبتيت حبابك واشرفنبو ديارنا

    مرحبتين حباب البيه كل مزارنا

    تنزل فى الدرب ليه ماتت نارنا

    شيخ العرب: حباب طه الضرس الفى الصهيباب راس

    الجود والكرم هيلك قديم ميراس

    نارك ما بتموت يا ولدة الحُراس

    قاصدين أم شديدة ومعانا عوجة راس

    طه: لعدوك العوجات فى الكبس سراى

    راسك ما بدوس مليان رجاله وراى

    باكر لأم شديدة بركب معاك براى

    يا شيخ العرب لكن تختو كراى

    (كراى دى لخمت شيخ العرب ما قدر يعرفها قال لطه)

    شيخ العرب: هادى الشورة يا طه القلبنا دليلا

    كل البنزلو فيك نلقاهو قليلا

    طه: كراى الدايرو تبقوا ضيوفى انتو الليله

    ترقدوا فى الفريق حتى ان عشاى بليله

    شيخ العرب: مسكنا الدرب اسرع قوام ما تلعب

    ودارك ديمة عامرة والسمح ما بتعب

    بكفينا الوصف لا تشد جمل لا تتعب

    وهدنا الطريق عقب الوصول ما يصعب

    طه: يمين تخشوا الفريق بتفوتو نحن مغابر؟
                   |Articles |News |مقالات |بيانات

21-11-2002, 09:11 PM

HAMZA SULIMAN
<aHAMZA SULIMAN
تاريخ التسجيل: 20-04-2002
مجموع المشاركات: 3278

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: ابو يسرا)

    يا ابويسرا
    تب ما قصرت والله
    ابداااااااااااااااع
    ما بتقترح معاى شعرنا يكون مقرر بدل المعلاقات
    ويا سلام على الحاله الابداعيه الساكنه حكرا ما بى ايجار
    تسلم يا ابويسرا
                   |Articles |News |مقالات |بيانات

21-11-2002, 10:25 PM

ابو يسرا
<aابو يسرا
تاريخ التسجيل: 21-02-2002
مجموع المشاركات: 1855

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: HAMZA SULIMAN)

    يا استاذ حمزة مادام ود عزة رشح محجوب شريف لرئاسة السودان اتوقع ان ترشحونى وزيراً للتعليم والله ابسطكم للآخر ولن تجد عند طلاب المدارس سوى اشعار هاشم صديق وحميد وخيري ووحسن الدابي والحردلو والقدال وبقية العقد الفريد

    (عدل بواسطة ابو يسرا on 21-11-2002, 10:36 PM)

                   |Articles |News |مقالات |بيانات

22-11-2002, 10:17 AM

HAMZA SULIMAN
<aHAMZA SULIMAN
تاريخ التسجيل: 20-04-2002
مجموع المشاركات: 3278

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: Shinteer)

    Shinteer

    ابشر بالخير عقب
                   |Articles |News |مقالات |بيانات

22-11-2002, 05:58 PM

المسافر
<aالمسافر
تاريخ التسجيل: 10-06-2002
مجموع المشاركات: 4982

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: HAMZA SULIMAN)



    يا حمزة أخوي شيشك علينا شوية
    ومن تالا الكلام القالوه كتير ماشوية
    شن القول مغص فيه البطون مشوية
    من زمن الترك والسادة والباشوية

    رمضان كريم
                   |Articles |News |مقالات |بيانات

10-03-2003, 11:47 PM

WAD ELGAALI#4
<aWAD ELGAALI#4
تاريخ التسجيل: 11-07-2002
مجموع المشاركات: 2024

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: المسافر)

    الله اكرم يا اخوى
                   |Articles |News |مقالات |بيانات

26-05-2003, 07:10 PM

ود شاموق
<aود شاموق
تاريخ التسجيل: 17-11-2002
مجموع المشاركات: 3605

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: HAMZA SULIMAN)

    وين يا حمزة دوبيتك ؟

    أها هاك دي

    أبوك يالزينة عكاهن قبض في روسن
    الهوج والشرق فوق العواتي بكوسهن
    أمسوا الليلة في الغوب الكتير جاموسهن
    ناوي العودة للغالي ورفيع ملبوسهن

    (عدل بواسطة ود شاموق on 26-05-2003, 07:29 PM)

                   |Articles |News |مقالات |بيانات

26-05-2003, 07:30 PM

ود شاموق
<aود شاموق
تاريخ التسجيل: 17-11-2002
مجموع المشاركات: 3605

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: ود شاموق)

    ودي من دوبيت الحاردلو سيد المهرجان زاتو

    الخبر الأكيد قالوا البطانة اترشت
    ساريةً تبقبق للصباح ما انفشت
    هاج فحل أم صريصر والمنايح بشت
    وبت أم سايق علي طرف الفريق اتعشت

    .
                   |Articles |News |مقالات |بيانات

26-05-2003, 07:57 PM

HAMZA SULIMAN
<aHAMZA SULIMAN
تاريخ التسجيل: 20-04-2002
مجموع المشاركات: 3278

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: ود شاموق)

    عقب يا ود شاموق
    انت احد فحول الشعراء
    وكرم الشعراء
    قصيده لكل الجوعى
    واحساس غير
                   |Articles |News |مقالات |بيانات

26-05-2003, 08:56 PM

alfatih
<aalfatih
تاريخ التسجيل: 04-02-2003
مجموع المشاركات: 1150

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: HAMZA SULIMAN)

    الاستاذ حمزة سليمان
    عاطر التحايا...و كمان الاساتذة المبدعين ديل
    الله يخليهم

    الحاردلو قال في الشجاعة

    انا شوك الكتر الجرجروني
    وانا الجن البخلي الزول ينوني
                   |Articles |News |مقالات |بيانات

27-05-2003, 02:15 AM

ود شاموق
<aود شاموق
تاريخ التسجيل: 17-11-2002
مجموع المشاركات: 3605

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: HAMZA SULIMAN)



    يا حمزة يا حبيب

    هاك دي معاصرة جداً جداً


    البورد النفس عافت مساختو وسخفو
    نفس المشكلات غير الأسامي اختلفو
    الحجاز يحجّز والمشاكلين حَلَفو
    والفراجة كترت في الشبابيك وقفو

    .

                   |Articles |News |مقالات |بيانات

28-05-2003, 03:07 PM

HAMZA SULIMAN
<aHAMZA SULIMAN
تاريخ التسجيل: 20-04-2002
مجموع المشاركات: 3278

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: ود شاموق)

    جاييك يا ود شاموق
                   |Articles |News |مقالات |بيانات

29-05-2003, 01:00 AM

عديلة المتوهجة

تاريخ التسجيل: 22-04-2003
مجموع المشاركات: 0

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: HAMZA SULIMAN)

    المبدع دائما ابو أواب
    فتشت عن كلمات اعبر بيها عن شعورى الان وانا انقر على بابكم العتيق
    لاجد من المفاجات ما يدهشنى ولا املك الا ان اقول لكم الله يا مبدعينا جمع الله شتاتكم فى ربوع بلادنا الحبيبة
    للاسف ما عارفة للحردلو غير بعض الذى ذكرتوه انت والاخوان وهاكم دى من عمر البنا
    الزول ان وقع احسن يقوم بشيلتة
    والقدر ان نزل اصلو العبد شن حيلته
    فى اليوم الصعيب كل زول يسوى الهيلته
    ود الناس بخاف من كلمة ترمى قبيلته


    ودى كمان حاجة جميلة
    عمر البنا
    للعز الرخيص لامن يموت ما بحصل
    تلبسه بدلتين وهو للفسالة يفصل
    ترفعه من اباطاته ويقع متنصل
    درب الصح قريب ودرب الكضب ما بوصل


    احمد عوض الكريم ابو سن


    الزول النفيس ابعد بعيد من رده
    والباب البجيب النقة افضل سده
    جلد الحر رهيف واقل حاجة تقده
    والوارث الفسل ..ما بخلى عادة جده

    وشكرا اخى حمزه على ابوست الرائع روعة بلادنا



    ودمتم للمحبة
                   |Articles |News |مقالات |بيانات

29-05-2003, 05:51 AM

HAMZA SULIMAN
<aHAMZA SULIMAN
تاريخ التسجيل: 20-04-2002
مجموع المشاركات: 3278

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: عديلة المتوهجة)

    يا متوهجه
    عديله مشاركتك
    الف شكر
                   |Articles |News |مقالات |بيانات

29-05-2003, 05:57 AM

HAMZA SULIMAN
<aHAMZA SULIMAN
تاريخ التسجيل: 20-04-2002
مجموع المشاركات: 3278

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: HAMZA SULIMAN)

    اها يا ود شاموق

    لونن من بعيد مثل البليبلى نضاف
    حرد ومعصرات من شبت الاكتاف
    لى الناس البغنولن يجروا القاف
    ماليات الخشم من كامل الاوصاف
                   |Articles |News |مقالات |بيانات

29-05-2003, 06:04 AM

HAMZA SULIMAN
<aHAMZA SULIMAN
تاريخ التسجيل: 20-04-2002
مجموع المشاركات: 3278

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: HAMZA SULIMAN)

    هاك يا عديله المتوهجه


    اجمع فى الرزق لى شان رضاهن افاقى
    كترتو ومسخ واتعاجزت عرافى
    قدر ما ادى قدر مظنونى مانى مكافى
    غير متاسف الياخدنو كلو عوافى
                   |Articles |News |مقالات |بيانات

29-05-2003, 06:10 AM

HAMZA SULIMAN
<aHAMZA SULIMAN
تاريخ التسجيل: 20-04-2002
مجموع المشاركات: 3278

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: HAMZA SULIMAN)

    اها يا متوهجه
    هاك تانى

    مما قمتى فوق ساجك مولع ضيك
    ما اتبعت عز لافيه العطاش بى ريك
    السرع والنشاط ما بشبهن لى زيك
    تاتى المشيه خلى الناس تموت بى غيك

    ابشرى
                   |Articles |News |مقالات |بيانات

29-05-2003, 06:16 AM

Shinteer
<aShinteer
تاريخ التسجيل: 04-09-2002
مجموع المشاركات: 2083

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: HAMZA SULIMAN)


    فرشوت غبّر السبعات و طلق الفوف
    و جاب لقلبي وحّاحة و زلازل خوف
    عينيْ يا العوض حرمنّي من الشوف
    و انقطع الوداد من القناها أب روف

                   |Articles |News |مقالات |بيانات

29-05-2003, 02:16 PM

HAMZA SULIMAN
<aHAMZA SULIMAN
تاريخ التسجيل: 20-04-2002
مجموع المشاركات: 3278

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: Shinteer)

    عقب عقب
    يا شنتير
                   |Articles |News |مقالات |بيانات

29-05-2003, 05:39 PM

عديلة المتوهجة

تاريخ التسجيل: 22-04-2003
مجموع المشاركات: 0

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: HAMZA SULIMAN)

    الاخ حمزه شكراااااااايا رائع
    هاك دى زغروتة يويييييييييييييي
    ومعاها شبال الكترونى
    تحياتى لكل الاخوان واهدى كل هذا الجمال لك وللموصلى ولكل من يهتم بهذه الثقافة




    ومتين نرجع
    ودمتم للمحبة
                   |Articles |News |مقالات |بيانات

29-05-2003, 10:05 PM

HAMZA SULIMAN
<aHAMZA SULIMAN
تاريخ التسجيل: 20-04-2002
مجموع المشاركات: 3278

للتواصل معنا

FaceBook
تويتر Twitter
YouTube


Re: غنوا معاى .....دوبيت الحردلو (Re: عديلة المتوهجة)

    تسلمى يا عديله
                   |Articles |News |مقالات |بيانات


[رد على الموضوع] صفحة 2 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de