|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: حسن الدابي
مسخت عوم البترطن في جروفه
اه يا خلايه فجولي اللشوفه
الصدير رجفاته سبب لي خوفه
خام ثمار ال الله قال دانيت قطوفا
الرقيبه قزازة الروم في وقوفا
جرعتني العلاقم بي صنوفه
بروقيها الداره لخبطي لي صفوفا
خلي حسادك عديل تخضع انوفا
ديسه شوف عيني من شكت كتوفا
الا دايما نافره يا ناس ما ولوفا
صممن جاراتا قال لي عطوفه
ملا شوفته لي تشهر لي سيوفا
العلي والبي كلو سبب عزوفا
لو تحلو رموز اصابع اليد حروفا
اه يا خلايا |
الحِبيب عبد المجيد محمود...
صبحك الله بالخير والرضا...
ويا هلا بيك ونورت ديار أهلك وأحبابك السناجك...
داير أعلِّق بس علي بيت عملت تحته خط في الإقتباس أعلاه...
وهو الدِّيس الكثيف المِنو شكت كتوف البت دي...
يعني دا شنو يعني... أرجو من الأخ الأديب موسى ود الحسين... تناول هذه النقطة بشئ من التفصيل... وتحليله الجميل وباعو في مثل هذه الإمور أطول...
ويا رييييييييييت لو د. يس نزلها لينا بي صوت محمد كرم الله...
غلبناك يا دكتور/ يس إستحملنا غايتو لكن دا لأننا عارفيييييييييين جُرابَك مليااااااااااان ربنا يزيد ويبارك...
كميات مودتي...
أبو الحســــــــــــين...
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: حسن الدابي
مسخت عوم البترطن في جروفه
اه يا خلايه فجولي اللشوفه
الصدير رجفاته سبب لي خوفه
خام ثمار ال الله قال دانيت قطوفا
الرقيبه قزازة الروم في وقوفا
جرعتني العلاقم بي صنوفه
بروقيها الداره لخبطي لي صفوفا
خلي حسادك عديل تخضع انوفا
ديسه شوف عيني من شكت كتوفا
الا دايما نافره يا ناس ما ولوفا
صممن جاراتا قال لي عطوفه
ملا شوفته لي تشهر لي سيوفا
العلي والبي كلو سبب عزوفا
لو تحلو رموز اصابع اليد حروفا
اه يا خلايا |
الحِبيب عبد المجيد محمود...
صبحك الله بالخير والرضا...
ويا هلا بيك ونورت ديار أهلك وأحبابك السناجك...
داير أعلِّق بس علي بيت عملت تحته خط في الإقتباس أعلاه...
وهو الدِّيس الكثيف المِنو شكت كتوف البت دي...
يعني دا شنو يعني... أرجو من الأخ الأديب موسى ود الحسين... تناول هذه النقطة بشئ من التفصيل... وتحليله الجميل وباعو في مثل هذه الإمور أطول...
ويا رييييييييييت لو د. يس نزلها لينا بي صوت محمد كرم الله...
غلبناك يا دكتور/ يس إستحملنا غايتو لكن دا لأننا عارفيييييييييين جُرابَك مليااااااااااان ربنا يزيد ويبارك...
كميات مودتي...
أبو الحســــــــــــين...
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: وديما بهاتي ببكي عليك من اعماقي يا نديانا زي قصبة جرفنا اللينة تتمايل تحاكي البانا شوف يا خليفة كيفن خدرت وديانا يوم حنا الحنين بجلالو بفستانا يقدل جانا لابس توب وباريا فراشة يا وسط الخدار هيمانا |
عليك الله يا حاتم أخوي... شوف الحنان دا...
والله يا حاتم الأُغنية دي عندي في شريط عبد الرحمن البركل... وأنا طبعاً من معجبي الفنان عبد الرحمن البركل لمن نزلت إجازتي الصيف المضى لَمْلَمت ما خليتلي شريط ليهو من تسجيلات (الكمالي بكريمة)... فالأُغنية جميلة وتزيد حلاوة بصوت المبدع عبد الرحمن البركل ربنا يمتعه بالصحةوالعافية...
ولك قواسيب مودتي...
أبو الحســـــــــــــــين...
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
كتب موسى الحسين...
Quote: وتامل كذلك استخدام الشاعر الفذ السر عثمان الطيب لعبارة (إنتي جداولي حس خاويهاشاق محل السواقي وبورها) في الأغنية الرائعة ( وا لومي العتاب جابوه) وبالذات حس خاويهاأي حس خاوي الجدول سماع مثل هذه العبارات يملؤك حنين قد يصل مرحلة البكاء إن كان القلب رهيف . ونعود |
أخي الكريم موسى...
نهارك سعيد...
حقيقة الأخ السر إتقطَّع قِطِّيع في إختيار الكلمات دي... صحيح تدق في الوترة الحساسة في صميم الوجدان العايش وسطها... ناهيك عن المتغربين ليهو مدة...
ومنتظرين عودتك في نهاية تعليقك... بس ما تنسى ردودك من الركن اليماني التحت زي ما قال ليك د. يس...
كميات مودتي...
أبو الحســـــــــــين...
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
كتب موسى الحسين...
Quote: وتامل كذلك استخدام الشاعر الفذ السر عثمان الطيب لعبارة (إنتي جداولي حس خاويهاشاق محل السواقي وبورها) في الأغنية الرائعة ( وا لومي العتاب جابوه) وبالذات حس خاويهاأي حس خاوي الجدول سماع مثل هذه العبارات يملؤك حنين قد يصل مرحلة البكاء إن كان القلب رهيف . ونعود |
أخي الكريم موسى...
نهارك سعيد...
حقيقة الأخ السر إتقطَّع قِطِّيع في إختيار الكلمات دي... صحيح تدق في الوترة الحساسة في صميم الوجدان العايش وسطها... ناهيك عن المتغربين ليهو مدة...
ومنتظرين عودتك في نهاية تعليقك... بس ما تنسى ردودك من الركن اليماني التحت زي ما قال ليك د. يس...
كميات مودتي...
أبو الحســـــــــــين...
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
بسم الله الرحمن الرحيم
عزيزي ياسكو
سلامات . ما عندي خبر جديد من شيخ العاشقين لكن انشاء الله قريب يجي خبر مفرح بس ادعو ليه الله يشفيه...........
ودي حاجه بسيطه كده لاخواننا المشوكشيين.
......شاكووووش.....
مادام هى ما راعت شعورك ولا ضميرا هى استحى أنساها والبكا مابيفيد قشقش دموعك وأمسحا كلمنى شن وداك قبيل تظهر مشاعرك تفضحا خليت حى السوق رياض يانعة وزهورا مفتحة طولت إيدك لى قطوف زهرة وغميسة مسارحا زى ما هى عاشقة الإغتراب برضو أنت عاشق ملمحا ما كنت يا مظلوم دوام دايماً تشكرا تمدحا وما ترضى لو كان بالغلط بى كلمة انسان يجرحا ما كت فوق كل البنات تسرد محاسنا تشرحا كانت عواطف إنسان ضعيف ساكت جناحى مجنحا انشاء الله منها تتعظ تكون عظات تتوشحا كانت حساباتك غلط فى القسمة والضرب اتمحا اتأنى فى جبر الكسور براحة أجمعا وأطرحا وآخر شى كان تعلرف براك حتى الغرام بقى مصلحة بت حوة يا مظلوم بقت بالمال عقولا ملقحة يا ريت قلوبنا الناس بعد ما تحب تخش المشرحة يبدو المكامن فى القلوب كيف الشرايين تنضحا يتراجع الأخدو اللسان صح والله زى ضل الضحى مغرورة ما دارت سكون بلدن شقاوة ودردحة لا تمشى تنزل بى تحت لا حتى أرضك تنقحا لا بوغة لا موية شراب لا واطة ماها مصلحة لا شلت للمحرات فطور لا شتلة ماها مصفحة كانت قبيل طمعانة فيك فارسن جيوبو متمسحة دايراكا يوم جيت للعرس نار الله فى الناس تقدحا الشيلة بالشنط الكبار مقفولة راقدة مبطحة فى الحلى والناس دار تشوف راجين متين تجى تفتحا وكان بالا فى شهر العسل طول الزمن ما يبرحا ترحل معاك لى بيت كبير موكيت وحيطو مسلحة عربيتك الملك الحلال ..جلد النمر والملفحة بوتوجاز مولع وديب فريزر وأب رموت والمروحة تسرق مناها قبل يتم وكل المشاعر تضبحا ويا جعفر الحياه مدرسة ودايما مقررا فى الصحى ممكن نعينك فى الدروس لو إنت غلبك تشرحا وأعرف بأنو أول درس الزول بياكل المقدحا
.........................................
( وأعرف بأنو أول درس الزول بياكل المقدحا)
معليش يا شباب كن قلبنا ليكم المواجع....
حاتم هاشم
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
كتب الأخ موسى ود الحسين...
Quote: شكر لك أخي الحنين أبو الحسين على هذه اللمة الرائعة التي جمعت كوكبة من الحبائب والشكر لكل المشاركين من الاخوة والأخوات وأقولهم بدون فرز أتحفتونا ونسيتونا هموم الدنيا ولا زلنا نتابع بشغف أملاً في المزيد من حكاوي وتراث أهلنا الرائعين عسى ولعل نروي شيئاً من عطشنا.
وعودة إلى قصيدة أسماعيل حسن في رده على بتت خير رحمها الله وخاصة المقطع السابق الإشارة إليه
ورقابن يمه وين رقاب الريل ؟؟ علي الحدب البعيد شرفن علي هوهيو كلابي
كل مرة اسمع المقطع يقفز إلى ذهني المشهد نفسه كأني أشاهده واحس بعمق المعني وجمال الصورة وروعة التصوير الذي لا يجيده إلا امثال اسماعيل حسن وهو في تقديري أفضل ماكتب في الوصف والغزل . وأذكر ونحن نفر من أبناء المنطقة تضممنا روابط مروي بجامعة الخرطوم وجامعة القاهرة الفرع أذكر منهم الأخوة محمد أحمد سيداحمد التوم محمد بادي محمد (طبيبان فيما بعد) والراحل المقيم عبود شخصي (وآخرين)، وبمبادرة من صاحب المبادرات الرائعةالراحل المقيم عبود رحمه الله قررنا ان نصلح بين الفنان الكبير محمد وردي والراحل اسماعيل حسن لننهي قطيعة بينهما استمرت عشر سنوات لمواقف سياسية متقاطعة بين الرجلين وللتاريخ أبدى اسماعيل حسن حماسة للفكرة ولم يرفضها الفنان وردي وكان اللقاء والصلح وتلك قصة أخرى ،المهم وبمبادرة من الراحل عبود أيضاً أقام الفنان وردي على شرف هذا الصلح مأدبة عشاء بمنزله بالكلاكلة يوم الثلاثاء 29/12/1981م حضرها جميعنا وأقام الشاعر اسماعيل حسن مادبة مماثلة بعد اسبوع 5/1/1982م توفى بعدها بيومين حضرنا وغاب وردي وأذكر في تلك الجلسة (وهذا بيت القصيد في هذا السرد) قلت لإسماعيل حسن انو المقطع دة(المذكور فوق) هو أفضل ما كتبت. قال اللــــــــــــــــــــــــه أتخيل الغزالات وهي تنقز ومن فوق تعاين خايفي من الجاييها وبعدين حكي قصة قال تعرف ونحن في النيل الأبيض مجموعة أصحاب قررنا نمرق نصطاد شلنا بنادقنا ركبنا اللاندورفر وطلعنا الخلا وبعدين وقفنا عربيتنا وكمنا في وادي راجين الصيد، والله يا ولاد اعمي جات غزالة تتراقص وتتلفت يمين وشمال ولما قربت مننا واحد من الجماعة المعانا صوب بندقيته عليها، رجيتو بالله ورسول الله يقيف قلتلو الغزالة دي عندها مواعيد لا تحرموها، والله يا ولاد اعمي مافي دقائق إلا وجاء فحل غزلان للغزالة دي واتعانقوا كانو سنة ما شافو بعض والله المشهد ده كأنو قامي الآن وبعدين واحد من اخواننا الله يسامحو ما مهلهم ضربهم بالرصاص ومن اليوم داك انا كرهت رحلات الصيد وكرهت البيضرب الغزال لا يومنا دة.
ونعود |
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: yasiko)
|
بسم الله الرحمن الرحيم
ده ما القلب البجرسو شوق
دا ما القلب البجرسو شوق اذا ما اختار سميرو بعاد ولا القلب التبكي حبيبه لو غابت عن الميعاد قلب بالصح دا ما القلب البجرسو شوق قلب من قام صحاري الواحد كان يشقهن بالنوق محكوم بسياج العفه فد يوم ما سرح مطلوق شيال للتقيل مانحا لو ساق العمر ارقوق ندي ورياد كريم واجواد الا من الضعف معتوق دا قلبي نيل وكلو جمال ومابيحقد علي مخلوق ومهما جرحو المحبوب وخلا حشاهو كلو شقوق كتوم من قام يضاحك غيرو صابر والجرح مفتوق عليه اب يضحكوا الشمات وتجري دموعو روق فوق روق حكيم يعرف متين يرتاح وينسي شقاهو يصفي يروق ومتين يعكر يكون فيضان ويبقي علي الزرع خازوق فشكرا ياحبيب الروح عليه روادك المطبوق انا ان حبيت بقدس زولي وان فارق بفوت بي زوق الا بيبكي لما يشوف مابين الخلق في خلوق ماخده طباعا من الغابه شايلي ضميرا ماشي السوق وتاني بيبكي لما يشوف مابين الحقوق في حقوق نزلت من سماها زلال وطارت من تحت لفوق وداعا وما بقول بنساك وداعا القلب مخنوق وداعا وفي الختام دنياك مناي وراي تسوي القوق تمدلك السعاده ايدينا لفردوسا ليك تسوق وسيبني اعيش قسمتي وراك باسم والكبد محروق
.................................................
منقول
حاتم هاشم
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: حاتم هاشم)
|
بسم الله الرحمن الرحيم
مسيحيه
محمد سعيد دفع الله.........
قصة طويلة يا خلا عايشة وفى الفؤاد حية
قصة ريدة بين إنسان مسلم وبين مسيحية
أحلف ليها بالإسلام وتحلف بالمسحية
ليها عقيدة ما بتتفات ودينى كمان عزيز ليا
سان أسمر من السودان أنا
وقبيلتى شايقية فى أقصى الشمال
إتربيت هناك فى قرية عادية
إتربيت بالدقيق وجغمة موية طينية
أو قراصة بى سيروق والله بليلة لوبية
.......................................
منقول
حاتم هاشم
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: عبدالمنعم الرزوقي)
|
بسم الله الرحمن الرحيم
تراب بلدي ...........
السر عثمان الطيب ...................
مغستي رحل تلوت الليل شقاوتي رحل تلوت الليل مسالكي ضلمه ما بتنشق سكت روح نويرة الفرقة جوة الجوف تسوي البق مشيت لا زاد أشيلو معاي ولا زولاً معا اترفق ولما خلاص بقيت مارق نجيم الليل مشي إتفرق بكيت وبكيت طريف العين متمسح بالدموع رقرق عشان مظلوم زماني الليلي شتت للشمل فرق بسوي الووب نحاس احزاني جوه قليبي ينقر دق يوهدبي يلوعني واخاف من المصير واشفق اوادع الناس وافوت مجبور يجيني نغيم من الطنبور اشوفلي جني وقف صفق ينط لا فوق يطير يندق واطير واندق وادنقر فوق تراب بلدي أخم بي إيدي في رحلي اقول يا ليل وافارق الدار اجر فوق الوداع مسدار أنوني أنوني شاق الواح محال ارتاح ادخل إيدي في رحلي تراباً فيهو تسوى الكون تراب بلدي اشيل منو اشم وارتاح اشم طيبة اهلي منو تفوح ترد الروح عويناتن تلوح وتلوح عراريقن طواقيهن طواريهن سواقيهن انين الساقي لما تنوح حسيس البربخ المفتوح واعاين يا تراب بلدي اشوف فيك صورة ماب تنشاف واشم ريحة الكُليت والشاف بنات بلدي بنات بلدي طريحاتن مناديلن رقيصاتن شبابيلن حليلي حليلي يحليلن واشيل من زادي واتكرف واشوف فيك يا تراب بلدي الحنين المابي يتوصف سماح ناساً حلاة ناساً بلا السكر طعم قراصه في قدحاً من الدبكر كواريك شفع المغرب يقلبوا في الجمر قنقر ولاد بلدي نقاقيرن طنابيرن جبابيدن سنانيرن وافوت يا ناسي في دربي أقول يا أهلى واغلبي خلاص ريدكن ملك قلبي منو الغيركن بشيل حبي تراب بلدي بنات بلدي ولاد بلدي.
................................................
منقول
حاتم هاشم
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: حاتم هاشم)
|
بسم الله الرحمن الرحيم
ساقتنا الظروف ...............
السر عثمان الطيب ..................
مغستي رحل تلوت الليل شقاوتي رحل تلوت الليل مسالكي ضلمه ما بتنشق سكت روح نويرة الفرقة جوة الجوف تسوي البق مشيت لا زاد أشيلو معاي ولا زولاً معا اترفق ولما خلاص بقيت مارق نجيم الليل مشي إتفرق بكيت وبكيت طريف العين متمسح بالدموع رقرق عشان مظلوم زماني الليلي شتت للشمل فرق بسوي الووب نحاس احزاني جوه قليبي ينقر دق يوهدبي يلوعني واخاف من المصير واشفق اوادع الناس وافوت مجبور يجيني نغيم من الطنبور اشوفلي جني وقف صفق ينط لا فوق يطير يندق واطير واندق وادنقر فوق تراب بلدي أخم بي إيدي في رحلي اقول يا ليل وافارق الدار اجر فوق الوداع مسدار أنوني أنوني شاق الواح محال ارتاح ادخل إيدي في رحلي تراباً فيهو تسوى الكون تراب بلدي اشيل منو اشم وارتاح اشم طيبة اهلي منو تفوح ترد الروح عويناتن تلوح وتلوح عراريقن طواقيهن طواريهن سواقيهن انين الساقي لما تنوح حسيس البربخ المفتوح واعاين يا تراب بلدي اشوف فيك صورة ماب تنشاف واشم ريحة الكُليت والشاف بنات بلدي بنات بلدي طريحاتن مناديلن رقيصاتن شبابيلن حليلي حليلي يحليلن واشيل من زادي واتكرف واشوف فيك يا تراب بلدي الحنين المابي يتوصف سماح ناساً حلاة ناساً بلا السكر طعم قراصه في قدحاً من الدبكر كواريك شفع المغرب يقلبوا في الجمر قنقر ولاد بلدي نقاقيرن طنابيرن جبابيدن سنانيرن وافوت يا ناسي في دربي أقول يا أهلى واغلبي خلاص ريدكن ملك قلبي منو الغيركن بشيل حبي تراب بلدي بنات بلدي ولاد بلدي.
..............................................
منقول
حاتم هاشم
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: حاتم هاشم)
|
بسم الله الرحمن الرحيم
المشتهنك ..........
السر عثمان الطيب ..................
يا المشتهنك في غيابك بالنا بيك ضمه انشغل النوم وراك يبقالنا شر فارق عيونا خلاص رحل ضايقين متين ترجع تعود نسأل متين قطرك يصل حارسين شويفعنا البجيب لينا البشاره يجيب امل يجري ويناهت من بعيد شايلو شنطه وبي عجل يفرح يقول خليتو جايي وراي يسالم في الاهل والساعه ديك عاد البلد تنجارا قاصداك يا السمح والناس توسوس لى بعض يي داك وصل والله صح حتى اللى كان محزون وباكي الليلي عاد هش وفرح في يوم رجوعك يا حبيب روحنا تب يبرا الجرح والساقي بعد العنكبوت الفوق حطيبا خلاص بني بعد الكآبه ومسحة الحزن العليها مهيمنه مرقت تلاقيك زى عروس متعطره ومتزينه جدولنا من بعد اليباس الكان موجع تقنتو بعد السنين العاشا فى بعدك بيكتم أنتو بعد العذاب العذاب الفي غيابك كان يزيد لى محنتو بلقاك فرح جاك زي عريس يا دوب جديد بي حنتو والقمري من بعد الألم والحسره والنوح والجراح بعد الدموع السايله دايماً وعمرو ف كفكفيفا راح في يوم رجوعك جفنو من بعد السهر دابو استراح فوق السبيط زوزا ورقص طربان يزغرد للصباح واوتار طنابيرنا الأبت يا حبى فى غيبتك ترن حلفت محال ما تجيب نغم يفرح قلوبنا ويسعدن عادت هى متل ايام زمان تشرح نفوسنا وتبهجن.
...........................................
منقول
حاتم هاشم
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: حاتم هاشم)
|
بسم الله الرحمن الرحيم
اريدك ..........
السر عثمان الطيب ....................
كل ما تغيب عن عيوني بتبقي قريب لى فؤادي خلاص اصبح قطعه مني بريدك انا زى بلادي يمين جواي انت خالد خلود البركل زيادي خلود النيل يجري دايماً يجود بالخير في البوادي فراقك ماكنت دايرو رضيت بي حكم الارداي بساهر وطيفك معايا وبسوي الاحزان وسادي قليبي كمان سبتو امانه أمانه معاك في بعادي شقاوتي انا في غيبتي عنك عذابي واوطول سهادي اكون جنبك كل لحظة قريب لو ينتم مرادي احاول اقول مره اصبر يكون حزني على بادي اخت ريدك بين ضلوعى يكون لى في الغربه زادي اشيل من ينبوع حنانك اعود ألقى قليبي صادى بريدك وشانك بغني تغني معاي الشوادي يردد طنبوري اسمك يرنبو في كل وادي ارقص زهر الخمايل يميل طربان جاي وغادي الملم ناس بلدي ديلك يضاروك من الأعادي يسوولك في الضريري يقولولك فال وعادي واقلدك انا يا الحنين وشاح من ريدى وودادي دحين لامن اعود واجيك على نار الشوق قعادي دوام صورتك في عيوني ألاهي بذكرك وانادي
........................................
منقول
حاتم هاشم
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... [ 1 2 3 ]
الردود: 217
القراءات 60
الكاتب: أبو الحسين
آخر رد بواسطة 29-11-06, 00:41 ص بواسطة yasiko |
الإخوة الكرام...
صبحكم الله بالخير والرضا...
لاحظتو للإقتباس الفوق دا...
بوست الشايقية إنضرب بي فايروس يا اخواننا...
من الله ما خلقني... ما شُفْت لي ردود أكتر من القراءات إلا البوست دا...
توضيح سريع من أهل الإختصاص... ويلة يا د. يس المحامي وكل قانوني البوست... سجلو ملاحظاتكم في الموضوع... تَوَقَّعاً لرفع دعوى ضد من ضرب البوست بهذا الفايروس الذي جعل ردوده أكتر من مشاركاته ...
مع كميات مودتي...
أبو الحســــــــــــــين...
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
د. يس كتب في نهاية رده السابق...
Quote: تخريمة: لو تلاحظ حدث شيء غريب في بوستك دا ، لقد انخفض عدد الزوار من ألفين وشوية إلى 54 فقط في حين عدد الردود اكثر من الزوار ميتين وشوية ، معليش الجاتك في عدد الزوار سامحتك ، نرجو أن ينتبه الباشمهندس بكري لهذا الخلل ونأمل ألا يودي إلى خلل أكبر
|
وكتب أبو الحســـــــــــين...
Quote: الإخوة الكرام...
صبحكم الله بالخير والرضا...
لاحظتو للإقتباس الفوق دا...
بوست الشايقية إنضرب بي فايروس يا اخواننا...
من الله ما خلقني... ما شُفْت لي ردود أكتر من القراءات إلا البوست دا...
توضيح سريع من أهل الإختصاص... ويلة يا د. يس المحامي وكل قانونيِّ البوست... سجلو ملاحظاتكم في الموضوع... تَوَقَّعاً لرفع دعوى ضد من ضرب البوست بهذا الفايروس الذي جعل ردوده أكتر من مشاركاته ...
|
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
إخوتي الكرام...
صبحكم الله بالخير والرضا...
أهديكم جميعاً هذه الوصية... لنتناولها كمادة شعرية أولاً وقيم كانت في ذلك الزمان البعيد في مناطق الشايقية...
وهي وصية رجل لبنته وهي على أعتاب الزواج بأن لا تتزوج الأفَنْدي (الموظف) وتتزوج المزارع كما هو ظاهر في سياق هذه الأبيات...
كدي شوفوها معاي... وأرجعولي بالتعليق عليها... أُوصيك ريلة.... لا تاْخدي المصُوبِن لي كريمي أُخدي القَشَّقَة وقلع الهديمي المنضِّف تمرو قالِبلو اْلمي ديمي والمعلِّق تورو كارِبْلو التميمي....
ولكم ودي وحبي قواسيب قواسيب…
أبو الحســـــين.....
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: البليلي أم ملحاً نضيف حبي لوبا.. وحبي عيش ريف يا حلاتك في الشلاليف |
تخريمة على بليلة رمضان حكى لي أخونا احمد عبدالله من تنقاسي يقيم في تربة أنو عندهم جماعة في تنقاسي بيفطروا فطور رمضان في الشارع كعادة أهلنا الطيبين وبعدين في نعجة متواتاهم بس يقيموا الصلاة تغير على البليلة من صحن لصحن الجماعة يخلصوا الصلاة يلقوا صحن مرمي هنا وصحن مقلوب هناك والحكاية تكررت ، يوم بس حللوا الصيام الشيخ قام يلا الصلاة صلاة المغرب الصلاة ياناس أقيمو الصلاة .. واحد مسخوط أو مطموس قال لو يا شيخ بالله خلينا الصلاة دي النعجة داير تجي تأكلها .
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: تخريمة على بليلة رمضان حكى لي أخونا احمد عبدالله من تنقاسي يقيم في تربة أنو عندهم جماعة في تنقاسي بيفطروا فطور رمضان في الشارع كعادة أهلنا الطيبين وبعدين في نعجة متواتاهم بس يقيموا الصلاة تغير على البليلة من صحن لصحن الجماعة يخلصوا الصلاة يلقوا صحن مرمي هنا وصحن مقلوب هناك والحكاية تكررت ، يوم بس حللوا الصيام الشيخ قام يلا الصلاة صلاة المغرب الصلاة ياناس أقيمو الصلاة .. واحد مسخوط أو مطموس قال لو يا شيخ بالله خلينا الصلاة دي النعجة داير تجي تأكلها . |
الله يجازي محنك يا موسى يا اخوي...
خليتني أضحك في المكتب وأقرْقِرْ مِتْل الماني طِيبي!!!
إنت عارف ناس تنقاسي ديل فيهُم حاجة كدي مرحة خلاااااااااس في حياتهم... بعد الواحد ما يقول ليك (باقِي) وهاااااااك يا حلاوة وطعم كلام...
كميات مودتي لهم وأنا عاشرتهم ودَرَّست في مدرسة أُم أيمن بتنقاسي السوق... أماااااااااني فيهم خيرة رجال ربنا يغفر لمتوفاهم ويدي الصحة والعافي للحيين فيهم يااااااااااارب...
وعندي موضوع كان كَتَبْتو عن المرحوم الحاج ود الحاج الله يرحمه بفتش دفاتري القديمة وأجي أنزلو وإنشاء الله هو يكون الآن مع أهل الجود والكرم متحككككككر مع صاحب الكرم والتفاني سيدي علي الكرار (كرم الله وجهه)...
وعبرك يا ود الحسين... تعظيم سلام لكل أهلنا في تنقاسي منننننننننن الدبيبة ليييييييييييييي أبْرَنَّات....
كميات مودتي...
أبو الحســـــــــــــــــين...
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: تخريمة على بليلة رمضان حكى لي أخونا احمد عبدالله من تنقاسي يقيم في تربة أنو عندهم جماعة في تنقاسي بيفطروا فطور رمضان في الشارع كعادة أهلنا الطيبين وبعدين في نعجة متواتاهم بس يقيموا الصلاة تغير على البليلة من صحن لصحن الجماعة يخلصوا الصلاة يلقوا صحن مرمي هنا وصحن مقلوب هناك والحكاية تكررت ، يوم بس حللوا الصيام الشيخ قام يلا الصلاة صلاة المغرب الصلاة ياناس أقيمو الصلاة .. واحد مسخوط أو مطموس قال لو يا شيخ بالله خلينا الصلاة دي النعجة داير تجي تأكلها . |
الله يجازي محنك يا موسى يا اخوي...
خليتني أضحك في المكتب وأقرْقِرْ مِتْل الماني طِيبي!!!
إنت عارف ناس تنقاسي ديل فيهُم حاجة كدي مرحة خلاااااااااس في حياتهم... بعد الواحد ما يقول ليك (باقِي) وهاااااااك يا حلاوة وطعم كلام...
كميات مودتي لهم وأنا عاشرتهم ودَرَّست في مدرسة أُم أيمن بتنقاسي السوق... أماااااااااني فيهم خيرة رجال ربنا يغفر لمتوفاهم ويدي الصحة والعافي للحيين فيهم يااااااااااارب...
وعندي موضوع كان كَتَبْتو عن المرحوم الحاج ود الحاج الله يرحمه بفتش دفاتري القديمة وأجي أنزلو وإنشاء الله هو يكون الآن مع أهل الجود والكرم متحككككككر مع صاحب الكرم والتفاني سيدي علي الكرار (كرم الله وجهه)...
وعبرك يا ود الحسين... تعظيم سلام لكل أهلنا في تنقاسي منننننننننن الدبيبة ليييييييييييييي أبْرَنَّات....
كميات مودتي...
أبو الحســـــــــــــــــين...
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
هذه القصيدة كتبها الأخ محمد جيب الله كدكي كما سبق وذكرت سابقاً....
Quote: يا ولد فتِّح عيونك ديل إنت من تالانا ليه قلبك غَفَل؟؟
إنت مقطوع أصلو ما عندك أهل؟؟
من زمانك في هواكَ تراكَا في لبس البِدَل!!
نِحن لا لُمناكا لا اْتْفَتَّشْنا لي زولاً سعَل
عاد هواكا دا حدُّو لا وين؟؟؟ إن باريتو لي حد ماب تصل!!
كُتْ قبيل بتقول أبوي بي مالو أبوي بي عيشو أبوي سايق البصل!!
وكُتَّ مستَقْويني بي قمحي المنورَق في تقاتو بَلا الجبل
وبالتِمير الفي الجراري مليِّسٍنُّو يشيلنا في ساعة الوحل
وفي فَرِقْةَ الدور ويوم السوق نسَرْبِق منُّو إن غِلا وان نَزَلْ
عاد السني دي مي الكعوبيي!!! أصلو شوَّال ما فضل
مي المطر ضَرَّتْنا فيهو أصبحنا وحلانين وحل
نخَمْخِم فيهو مهرود لي غنمنا الفوق نقِلْبو رحل رحل
وبي تِحِتْ تِحْت امُّو في جاعورتو يِندَسَّ الجمل
أصلو زي دا من الله سوَّاني لا شُفْتو ولا حصل
ولي تَلاتْ ادوار تصيدني المَغَسة لا تِحِت ان نَزَل
وبي تِحِت فوق المِرِق مجدوعة مُلْفَحتي اْم عَبَل
وضارِب شُمَّارتي افتِّح في الجداول، ونَفَسِي قايِم لا مُرُوَّة ولا عَضَل
وراسي دايِشْ بالشَمِش وجسمي يي دا اللِّتْوَكَلْ
والضِرِيس الكُتْ بلُوكْبُو علي العليهو يي دا إتخَلْخَلْ نصل!!!
إن سعَل مني من تالاكَا داير انْشَقَّ طَرْرْرْ من الزعل
كم مشيت للبوستة ودَّر يومي ساكِت وانضَقَل
منَّ الجواب ناسيني ماك طاريني انا الماسك المحل
وانا لي منو اشتِل في الشتِل مي ليكا أريتو عنُّو شَتْلاً ما انشَتَلْ!!!
إن فتَّحت عينك وانعدل؟؟
دا يعجِبْني... وحبيل الوُد البينا اتقَطَع يكون يادوووووووبو بالتيلي اتفتل
أما اْن قصَّر حالِفْ ياني جاييك جاييك زول شَكَلْ... |
ورد عليه الشاعر محمد ود حُمد إحمد الشايقي... ممثلاً دور الأُم قائلاً:
يا يابة كُر مالَك عليهو مَزْرْبِقو مَطَرِّي الفشل؟؟
ياهو الوحيد الفي العَقاب راجِنُّنو يستلم المحل
بس انشاء الله يبقى عضِيمو طيِّب مشاكِلنا الكريم يلقالها حل...
أنا نادْهي اهل الضرايح يحفظوهو من الخرابات الهِناك لا يبقى سوَلُّو عمل؟؟
عرَّض لهِن سيدي الحســـن تور الأراك ساكْن الجبل
والروضة بت عبدَرْحمن الجات من الخرتوم وقطرها بالليل وصل...
قالت خيري كان متَعْتع وموووووووو نشيط الحافِضْ الله يادوووووب اشتغل
ياااااااا كَنَّانتو ديك أخَدَر ومخدِّر المولى يدِّيهو المهَل
يجيكَا راجع بالسلامة يفرِّحك وينسِّيك القدم داكاَ الحصل...
البارِح عيني رَفَّت وفي منامي انا شُفْتو جا.. الرسول لا تنْبِشُو ولا تَقْهَمو يومو اليصل
وابْشِر لا تخاف فول الجروف يي دا النِجِض والويكي قَرِنَة إتكسر
والبرتُكان شطورو منَفَخات إندَلْدَلَن فوق الفروع عملنْ تَقَل....
والنعجي بالليل تاومَت واحد في التويمات ينفَع للضحيي طلع حمل!!!
ويا أبو الخزين الدِّنيي أصلها ضُلْ صباح وماب تجيكا علي عَدَل...
وماب تساوي الناس سِنون كارديق واصبُر علي أديك مثل...
واحد تَفَتِّحْلُو الطريق وتشهِّروا تخلِّي ينقز مِتْل الحمل
واحِد تكتِّفوا بالمريد تخلِّي يسِك في القيد مِتْل الجمل
واحد تسقيهو الحَناضِل وواحد تنقِّطلُو العسل!!!
وواحد تمسِك في خُناقو تضايقو في البجي والبَصًل
كدي قوم طلِّق كرعيك ديل وانزل لا تحِت خلي الكسل
واسقي الشِتيلات الجُداد والترابلة يي دا درِبُن نزل
قالو الجدْوَل وسخان قشُّو شابِك داير نضاف وداير عدل....
عليكم الله يا إخوتي الكرام... لاحظو معاي الأبيات التحتها خط شوفو تطمين المرأة دي لي راجلها كيف...
اللللللللله يديك العافي يا شاعرنا محمد محمد أحمد الشايقي ويحفظك ويبارك في أيامك يااااااااااااااارب...
كميات مودتي...
أبو الحســــــــــــين....
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: عرَّض لهِن سيدي الحســـن ساكْن الجبل
ياااااااا كَنَّانتو ديك أخَدَر ومخدِّر المولى يدِّيهو المهَل
والبرتُكان شطورو منَفَخات إندَلْدَلَن فوق الفروع عملنْ تَقَل....
وماب تساوي الناس سِنون كارديق واصبُر علي أديك مثل...
واحد تَفَتِّحْلُو الطريق وتشهِّروا تخلِّي ينقز مِتْل الحمل واحِد تكتِّفوا بالمريد تخلِّي يسِك في القيد مِتْل الجمل قالو الجدْوَل وسخان قشُّو شابِك داير نضاف وداير عدل.... |
ووووووووووووووووووب يا أخي لا حَ ولا قَ (لا حول ولا قوة) له القومة كلام ينقط عسل
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: يا يابة كُر مالَك عليهو مَزْرْبِقو مَطَرِّي الفشل؟؟
ياهو الوحيد الفي العَقاب راجِنُّنو يستلم المحل
بس انشاء الله يبقى عضِيمو طيِّب مشاكِلنا الكريم يلقالها حل...
أنا نادْهي اهل الضرايح يحفظوهو من الخرابات الهِناك لا يبقى سوَلُّو عمل؟؟
عرَّض لهِن سيدي الحســـن تور الأراك ساكْن الجبل
|
إخوتي الكرام...
صبحكم الله بالخير والرضا...
لاحظو من الأول إفتتحت كلامها بي شنو...
يا يابَة كُرْ!! كلمة كلها حنية مع الإلتزام بالأدب... يعني تتخيلو لو قالت ليهو مالَك عليهو داير تشيلك حال جناك... دا كلام شنو دا!!! رد زوجها كان حا يكون شنو؟؟؟
لكن الأدب والرقة والذوق كان في مطلع ردها... يا يابَة كُر... مالك عليهو مزَرْبِقُو مطري الفشل...
وشوفو عليكم الله الزَرْبَقة دي إستخدمها كيف؟؟؟ بعد داك بدأت شغل الحن والمحنة... وذكرتو بأنه في عقابه هو الوحيد...
ثم تناولت حالتو يكون كيف وهو بعيد منهم وإستخدمت نزعتها الصوفية في نده أهل الضرائح وتور الأراك وسيدي الحسن...
فالشاعر أجاد حد الجودة ما يصل ليها حد في إختيار ألفاظو بين المحنة والرقة والتطمين والأخيرة دي هي الأهم لأن الأب عاوز من يطمنُّو دي من قراءاتي للقصيدة... يعني حالو ماهُو مايل شديد مع شوية تطمين ممكن يجي الدرب...
التحية والتقدير لشاعرينا وَدْ حُمد إحمد الشايقي... وكدكي وربنا يديهم الصحة والعافية...
بالمناسبة يا د. يس... محمد محمد أحمد الشايقي دا... هو كان سكرتير الحزب الإتحادي الديموقراطي في كريمة ورئيس نادي المريخ لمدة طويلة في كريمة ورئيس نقابة الحوض... إحتمال تعرفو من أيام كريمة...
كميات مودتي...
أبو الحســــــــــــــين...
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: وعريسك يشبه القمره
يشاركك ديمه في التواليت
والارياح وفي الخمره
كمان عند حفرة الدخان يقولك يا ختي زحي كدي |
عاد دي حالة دي يادكتور دا بقولو فيهو شنو ؟؟؟؟
وأجمل مافي القصيدة لما قال ليها
Quote: كدي اسكني اقلعي الباروكة كان ما تشبهي الكودي ولا تعالي بفستان قصير ركبي كان ما احلف عليك سقدي |
وكمان شوفو الخيخة يرفع ايدو ويقول فندي !!!!!!!
تخريمة في طريق منحدر
تعرف تذكرت قصة لواحد من أهلنا الشايقية الراجل كبر في العمر وبقى مابندلا لا تحت بس قاعد في البيت أها بنيتو كل يوم تلفح توبا وتقوم مارقه,, أقول ليها ماشي وين آبنية تقولو مندليّ اجيب لي سبروق ..... مرة قال ليها آبنيتي بدل كل يوم ما تتعبي مندليّ مندليّ ما تسوقينا نحن وتربطينا تحت
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: أخواني وأخواتي شاعرنا دا مو غريب. منكم وفيكم شايقي لكن مرخص في الجزيرة أم دوح في قرية حليوة في الجزيرة الخضراء هو الشاعر محمد طه القدال |
الحبيب الأستاذ خالد سلام آ زول الراجل أماني مو نضام وأديك كلام الحلو
Quote: بنية..... بنية لسالم وليد عتمان وصلاة الزين سموها الرتينة أمها بت علي الخمجان خريف الرازه عزينه
كبار الحلة آباته بكار الحلة أماته تمرق زينه تبرق زينه تمشي تهاتي وزينه |
الكتبتوا دا بي بصوت المرحومة بإذن الله ليلى المغربي أدعوك لاستمتاع كامل وان شاء الله انزل ليك الجزء التاني قريب أرقد عافي
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: yasiko)
|
Quote: الكتبتوا دا بي بصوت المرحومة بإذن الله ليلى المغربي أدعوك لاستمتاع كامل وان شاء الله انزل ليك الجزء التاني قريب أرقد عافي |
المبروك دكتور ياسين عوافي, والله ات زول حربي وتعرفي تداوي جراحي الشريط دا كنت امتلكه ايام الدارسة في جمهورية المجر ولا اعرف درب الان بالله أعمل فينا خير وانت أهل لذلك انزل باللنك حتى نحفظها في الجهاز. وبالذات قصيدة خمسين سنة في ايام السيول والأمطار التي ضربت ارض الجزيرة في السبعينات وأسم القصيدة الجزيرة أم دوح نعم القدال نضمو سمح بالحيل وعندو قصائد جميلة لكن لو انزلنها بتودي التوج بجو يخمونا ويودونا الكر ونحن ناساً عايشين في اوروبا وبنخاف ويا اخوي الخواف ربا عياله نحن عندنا وليدات وخايفين عليهم ارقد عوافي يا اخوي
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: حاتم هاشم)
|
بسم الله الرحمن الرحيم
يا شباب كان في واحد بيسال من اشعار الكاروري......
هذه واحده.........
قطفو الزهور
للشاعر...عبدالعظيم عبدالرحمن الكاروري
.................................................
قطفوا الزهور قطفوا الزهور قبال يحين يجي موسما وخلونى في ارض الضياع ارعي النجوم الفي السما قطفوا الزهور قبل الاوان جات بي شذاها مسلما وطلت حلاتها من الغصون فى وشهم متبسما ماكمترت ايدهم ترابها ولا سقوها من الظماء ماحاحو لي اسراب فراشها الكان .. يجيها ويلثما لكني رضيان بالنصيب مكتوبه لي ومقسما لو يبقي في الاخر جزاي تتخلي حواء عن آدما
قطفوا الزهور قطفوا الزهور قطفوها في عمر الزهور رغم انى لفيت السياج دسيتها داخل سور في سور سلسلت من شمس الشعاع أهديتها نور وسقيتا بدمع العيون فرحه وسرور نبتت علي الاحساس وخالجت الشعور واترعرت جواي من الساق للجزور
خايف عليها من الرياح والزمهرير وياخوفي من لفح السموم نزع الهجير ولو حتى مساها النسيم انا كت بغير أنا لي ما فاحت ولا نضحت عبير دسيتا فى أعماقي في قلبي الكبير واستاصلت ايدهم جزورا الفي الضمير قطفوا الزهور قطفوا الزهور
........................................
حاتم هاشم
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: yasiko)
|
بسم الله الرحمن الرحيم
منك لله
للشاعر...محمد سفله
...........................
منك لله انا زول مسكين وطول عمري مسالم وقلبي حنين تاتيتو هواك فوق الايدين من قبل صباك من عهد اللين خلاني وطار ربا الجنحين والخان الريد جد خان الدين يا قاف يا واو راء وياشين ويا حبي المات في مهدو دفين قادر انساك وابعد لكن من بعد هواك اقبل وين خليتيني وحيد باكي حذين وانا متا خلاص راجي التابين منك لله انا زول مسكين .
..........................
حاتم هاشم
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: وكان في الحلة يوم حنة علي الشاشوق مشينا نقدم البنوت علي ضو الرتاين عيونهن هارجه تنبح في الفجر والليل قريب واقف يعاين خدودهن جاهره زي جهر الكهارب الفي المدينه |
الإخوة رواد الحوش...
صباحكم زين...
جيت قلت أسلم وأصبح عليكم وأهديكم للوحة الإقتبستها دي...
عليكم الله شوفو حكاية عيونِنْ هارجة دي!!
إبداع والله... الله يديك العافي يا خالد أخوي... دايماً تتحفنا بالدرر...
كميات مودتي لامِن أجيكم راجع...
أبو الحســــــــــــــين...
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: يا شباب كان في واحد بيسال من اشعار الكاروري......
هذه واحده.........
قطفو الزهور
للشاعر...عبدالعظيم عبدالرحمن الكاروري
.................................................
قطفوا الزهور قطفوا الزهور قبال يحين يجي موسما وخلونى في ارض الضياع ارعي النجوم الفي السما قطفوا الزهور قبل الاوان جات بي شذاها مسلما وطلت حلاتها من الغصون فى وشهم متبسما ماكمترت ايدهم ترابها ولا سقوها من الظماء ماحاحو لي اسراب فراشها الكان .. يجيها ويلثما لكني رضيان بالنصيب مكتوبه لي ومقسما لو يبقي في الاخر جزاي تتخلي حواء عن آدما
قطفوا الزهور قطفوا الزهور قطفوها في عمر الزهور رغم انى لفيت السياج دسيتها داخل سور في سور سلسلت من شمس الشعاع أهديتها نور وسقيتا بدمع العيون فرحه وسرور نبتت علي الاحساس وخالجت الشعور واترعرت جواي من الساق للجزور
خايف عليها من الرياح والزمهرير وياخوفي من لفح السموم نزع الهجير ولو حتى مساها النسيم انا كت بغير أنا لي ما فاحت ولا نضحت عبير دسيتا فى أعماقي في قلبي الكبير واستاصلت ايدهم جزورا الفي الضمير قطفوا الزهور قطفوا الزهور
........................................
حاتم هاشم |
الأخ الكريم حاتم...
الشاعر الكاروري ... شاعر مجيد وذواق ويختار ألفاظه بعناية متقنة... وأكثر ما يزيد كلماته جمالاً وألقاً هو الفنان الشاب المجيد معتصم إبراهيم... الرجل المهذب صاحب الصوت الجميل الذي وُلِد عملاقاً... التحية له وهو يتغنى لفطاحلة شعراء نوري أبوك يا أُسامة... وردها من الأخ كدكي... أحمد الكرار قطفو الزهور، نوري الجميلة وغيرها من الروائع...
كميات مودتي...
أبو الحســـــــــــــــين...
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
إخوتي الكرام...
مساكم الله بالخير والرضا... إليكم مع مودتي... ملحمة د. محمد بادي... هـــوى يـا وليـــد نسأل الله أن يمتعه وإياكم بالصحة والعافية...
هوي يا وليد...
هوى يا وليد يا دلوعة يا مرنوعة أعدل إيدك المفدوعة واتلحلح واقيف دغرى وواس صدرك مع صدرى واتشدّع
ليك الحق شان ولدوك فوق اسفنج وحتى أول جديد سوهو ليك بالبنج وهسع هوايتك إنك تلعب البنق بونق وليك الحق عشان فطموك بعد مازدتا فوق سنتين وفى سن عشرة نومك كان على الليدين غطاك بالشاش وفرشك بحرير الصين والبتدورو كلو بتلقى غاب قوسين ابوك مليان وجيبو سمين وقلبو سمين وفاتحلك حساب فى البنك والتأمين
وليك الحق عشان ما خضتا فى وحل المطر والطين ومن الترعة ما سويت شراب الهين وما قيلتا فى ضل دومة بى فرعين وما شاققتا عرق النيل مع الوزين وليك الحق عشان ادمنتا عيشة اللين مشي الاسفلت ما جربتو بالكرعين ركوب اللورى فى شمساً تصر العين وما عانيت وقوف الصف وراء التموين عشان يا انتى ما بتدرى سجل ابواتك البدرى دحين اسمع .. أقيف واسمع سماك الباكى مجدو الزال يا ما كانوا تحتوا رجال ابوخنجر وابوشوتال والصقر البجيك خوجال صوتن كان يمين جلجال ومكسيين كمال وجلال لكن الزمن اسرع سيفن بلحس الفقره وما كان برضو بالحقرة وكانوا بضبحوا الشقره وكانوا بضوقو العادوه نوم الكوع وكانوا بموتوا فى شان حرمة المفزوع
الجعلى اب شرابا حار وقالوا بعدى يومو خنق والشايقى البياكل النار وفوقو نحاسو متخنق ودرفون البجا الصقار وحاقب سيفوا ياكل الشق والغرباوى عينو شرار وكضب القالوا عندو عرق والنيلى البعرفوا كتار على كتل الأسود جرّق والبطحانى والشكرى وغيرهم من أهل فخرى ومنهم أصلى لا بشبع ولا بقنع
هوى يا وليد حصل جربتا كب السارية فى القلعة وخلا العتمور وشفتا بروقه تترقص وتتحرقص تقول مطويه فى قرقور وعاوى الزيفة ينفخ فى جبال النقعة زى الصور والحصحاص يجرفوا السيل يكنسوا على مهاوى الخور وقلب الصاقعة يتطرقش يكب النار دمار وشرور وشفتا الحال عرق مقلوع جبل متروم فرع مكسور جمال غرقانة بى حالا وحد المويه فى الغرغور ود ابن ادم المسكين نجاتو تحت قرون التور والعوتيب يجيك يجرى يشيلك وانتى ما بتدرى وما بيرفع
هوى يا وليد ... حصل سادرتا بالديداب وقدامك مراحك وراكب الخباب ودربك طولوا يملا العين سحاب وغبار ومويتو سراب وهوى كرباجك البكاى يبكى على ضهور الضمر الانجاب وتسرى الليل وما تضوق هجدة لو كان النجم ما غاب وبعد أيام تجيك لفته ويلوحلك فى البوادى سحاب وتكرف من دعاش العينة تملا رئاك عطر وأطياب تلقى الوادى خضر زى تقول ماكان خراب ويباب وبت ام ساق تقييل من ضحاها على المعالى ونسمة الهباب وتفرش ليك حزمة نال تحت سيالة تريانة فروعها قراب وتنفخ كل آهاتك مع المزمار تصوغ الحان ملانة شباب وتنسي الدنيا كل الدنيا ماعندك معاها حساب خلاف برقا يشيل حرقاص أو رعدا تقول رصاص وكت فركع
هوى يا وليد ... حصل صحاك عز الهجعة صوت شتماً بعيد مخنوق وجاتك شخرة الطنبارى مشتاقاً يسوى القوق ونومك طار واتقسم والرشرش صبح مفروق واتلفحت نص من توبك الجرجار على الدلوكة سايق سوق وتلقى هناك بنات بلدك ولاد بلدك يعلو الصفقة تقدح فى القلوب الشوق ونغم الفال ابشرن يا بنات بالخير والجنيات تطير لا فوق وكم زغرودة تتفجر تفور بالناس بعد ما تروق يعوم الوز صدورو تشابى للمجهول وما بتضوق تميل زينوبة زى البان يمين وشمال تودى الطوق واخوان ام شلخ ينكبو جوه الداره زى صقرا نزل من فوق ضرب الصوت والركزة بيفرق الناس عشان زينوبة ما بتحوق وعاد تتحزم الجنيات وتتنظم تقيف في روق وكل واحد يهز ضرعاتو والحجبات تزح لافوق جفير الخوسة فايت الكوع وسيرو مع العضل مطبوق والطاقية تحت الحاجب المعقود هدية أم زين وما مشرية من السوق ويتقدم عريس السمحة رافع صوتو كان بسوقوا بيهو النوق والعنجاوى ينزل فوق ضهورن بس تقول منشحطة فيهو بروق يبدا مجرو بالترقوة ويتحدر مع الضلع القصار ملصوق واحمر عين يشم الدم بعد ما يرش بنات عمو ويزيدن شوق وثابت حيطة لا بتهز ولا بتلز وصارى جبينو كلو عروق وقال بعد العقد طلقانة ما يحجزوهو إلا يخلو ضهروا شقوق هناك الحال مغير جد وهيجة الناس تفوت الحد وكان حجازو مد الليد بتسمع كع
هوى يا وليد ... حصل شارفت دغشا بدرى فوق حجرة مخانق النيل فى سنة تساب والشرقي حزم القيف وطفح الكيل وشوفتا الهيبة فوق اسيادا والشخرى البكتل الحيل وشفتا الجارى يحفر فى جروف كوكبنا بس داير يشقو عديل يجيك بي صدرو متحزم ومتلقف صفوف فى صفوف يحاكى الخيل ومويتو الهايجة تبلع جب وتجقم فى مدالق السيل وفوق الرملة مشرور العشارى طويل معشعش بين نوايبو الطير حليلو جزايرو جاها النيل وحالف ما يخلى شبير حزم اطرافا يكسر فيها بالهدام وينحر فيها بالقرقير وبكرة يموصها يشرب طينها يزرع فيها شلالات هدير وهدير وتكسح مركب النواتة عايمى على قرون الموج جناحها كسير رواسيها مالى اصابعوا فى المجداف يقوم لافوق ويجى من تانى فوق الدفة رافع ايدو ينده فى جملة الصلاح واهل الخير هناك الموت يمين شافوهو شوف العين ومافى شفيع ومافى مجير تقول الزول يعرف اجلو ومكان موتو لولا إنو ما كشفو الإله لى غير عاد ما دام رقاب الموج تمد لسناتا فوق للحيف تكب الصير وشن فضل بلا الغرق البدور ناعى وفعلا كانوا يا هو مصير ومشيت المركب الغرقاني بين موجتين طفروا منها النواتا بطن اللجّة قالوا اخير تماسيحاً يقالدوا الموج يصارعوا عتاوة العرق الكتالو مرير ساعة يعومو بالضرعات وساعة فج صدورن ضمة مااتبلت ولو قطير ديل يا وليد ولاد النيل رضو الهيجة من صدروا ومن الطيبة رضعوا كتير الواحد فعايلو كتر ونضمو دقاق نهرتوا يمين تسوى الفاق ومراً أصلاً لا ضاقوه لا بنضاق كفاك يا وليد بلاش فاقة خلاص أنا تهتا فى الاشواق وما برجع وهسع ضمة لا شايفك ولا بسمع.
كميات مودتي...
أبو الحســـــــــــــــين...
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
بسم الله الرحمن الرحيم
قول الناس
محمد سعيد دفع الله
........................................ البوجع قليبي أنا ديمه فيهو النار يقيد
ده القول البقولو الناس يقولو علي سعيد
ماعارفين قليبي وحالو كيف عايش وحيد
والبعطف عليه نساهو منو رحل بعيد
كم قاسي العذاب متوالي كل صباح جديد
غرقان فوق هموم آهاتو كل مايوم تزيد
وشبيه البي تحت فى امو مال فدع الجريد
لاحام الدباس بي فوقو لا أتمدتلو إيد
حارساً ليه قاسي قليبو مصنوع من حديد
بالليل والنهار قاضيهو لا نوم لا غميد
ماراعي القرابه والالفه والريد الشديد
ولا حنن لقلبو قليبي أنا المكتول شهيد
يمر العيد طروبه الناس تغنى تميل تميد
الا قليبي حزنان باكي ما مرابو عيد
عايش فى الارض غير هادي زي طفلاً شديد
البكا والنواح هداهو ليهو اكيد يبيد
.........................................
حاتم هاشم
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: حاتم هاشم)
|
بسم الله الرحمن الرحيم
حكاية شافعة
للشاعر..........ابراهيم ابنعوف
........................................................
كيفن أصـــبر قليـــبى.. وكيفـــــــــن أعمــل حسابى ما دام عشمى فى نظــــــرة .. والعندو النظرة مابى بجرو غنايا أحكى ليكم .. تعالو أسمعـوا يا صحابى حكــــاية الشافعى البريدا .. وريدا شقــــايا وعذابى أحن لها حن القمـــــارى .. تقوقيبـــــا أوتار ربابى واهوى الهوى فى هواها .. وهواها قرايتى وكتابى منو القال ليكـــــم عقلتَّ .. وحاتكــــــــم جنيت دابى بقيت لمان ليها أفارق .. أفارق عقـــــــلى وصوابى أضيق لمتين ليها أرجع .. أخاف مايطول بى غيابى أعاين زين فيها وأشبع وأزيد إعجاب على إعجابى أشرِّق وين ما أغــــــرِّب .. وأشيـــل همى وإكتئابى محل ما أمشى ألاقــــى طيفاً.. مشتت فكرى وحجابى تطير روحى بعيد تغــــــازل.. خدودك زهر الروابى تتعلق بين عيونا .. ورموشـــــــــــا البى فوقا كابى قليبى يفارق ضــــــــلوعى .. يلاهى عليها ويشابى بعيد مابيقــــــــــــدر يقاوم.. بريق البسمة السحابى صديرن لما يتفـــــرَّ .. تبــــــق نار الله فى أعصابى وقديلتن كيتن على .. وا نشاف ريقى وخــــم ترابى حنينى ومرات بتقسى .. تقول فى نفســــــها اتغابى إتغابى العرفة فيهو .. وا زرف دمعــــى ووا خرابى صحيح أصبحت مملوكا .. أســوِّى أورادى وأزنابى متل ما ملكت فؤادى .. أنا ملك شيطــــــــان الكتابى أخاف ما بقــــــدر أعاتب .. أقول تزعــل من عتابى أموت أحسن من هى تزعل .. أو تزرف دمعة كابى عشانا أنا كم ضُقْتَّ مُـــــــرَّة .. عشانا مهمِّل عقابى عرفت الله فى عـــــذابك .. إنتَّ خاف الله فى شبابى
..................................................
منقول
حاتم هاشم
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: حاتم هاشم)
|
بسم الله الرحمن الرحيم
ليه كل الدروب
للشاعر..........الفاتح إبراهيم بشير
اداء المبدع..... جعفر السقيد .......................................................
يا قلبي الحزين وين تمشي ليه كل الدروب مقفولة كيفن زول يصل للجامعة يرجع تاني لي سنة أولى ياما كتار حليلهم ضاعوا في زحمة دروب مجهولا يزرعو في النوايا الطيبة كان ثمرة ضياع محصولا الواحد يريد النجمة ما بيقبل يشوفو افولا تلقى وسط ظروفو يشابي عشمان انو بكرة يطولا مسكين كان يخادع نفسو بي سحب الخريف وهطولا متعشم يقول المسرة يوم باكر يدقو طبولا مسكين ياحليلو اتناسى نكبات الزمان وفصولا واتناسى انو نحن غلابا احلامنا العراض مطبولا من زمن القراية شراي ما بشوف غير سيوف مسلولا كل ما اقول وصل لي مرسى القى احزاني شادى خيولا قاسي الزي يقلى الداريو نقاي يعرف المصقولا اول ما يقول ديك لي كل خلق الله بكرة يجولا عايش فد سؤال جواي ليه لحظات فرحنا عجولا وايام الحزن تندب زي السلحافية مهولا اختلطت على ايامي قدامي الهموم مسدولا ممشكلتي العلي ومالبي ما هو مرض دوا وكبسولا اه من دنيتي واقدارا اه من جحيما وهولا شينا الزي بلقى الدايرو منو الدمعة ما مقبولا لكن يا رفاق بالدغري كلمات بي صراحة بقولا انا كان جنيت او ودرت تبقى ظروفي هي المسئولة
...................................................
منقول
حاتم هاشم
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: حاتم هاشم)
|
بسم الله الرحمن الرحيم
محاااااسن ..............
تصدقي يا محاسن لمن خبرك جاء وصلني انا جيت ابارك جراحي تنزف لدياركم ساحبة ظني بي بشيشكن يا عيوني يا دمعوع لا تفضحني طالما الأقدار بتحكم غصب عنك وغصب عني جيت في ليلة زفافك برضاي ورغبة مني أنا جيت اضم الشوق واقالد وانضم الأشعار واغني جيت في فرحك اشارك جيت اقول مبروك واهني جيت امد ايدي البترجف لي ايادي ملاني حني انا جيت اعاين واملا شوقي في العيون العذبني انا جيت اودع في خدودك البي صفاهن جرحني كان مناهن اعيش معاهن أه دا لو كان بالتمني قسمة والاقدار ارادن يحرمني ويحرمني التمن املي البنيتو حتىلي شوفتك امني ادي حالي انا يا ليالي لي بكاي ماك دار تحني كنت في عتمت همومي اللبن ما يرحمني وانتي في عش السعادة أه انا الشوقك كتلني ابكي في زحمة سنيني في الليالي العاكسني الوداع الوداع الوداع يا نور حياتي يا امل خاب فيهو ظني بي بشيشكن يا عيوني يا دمعوع لا تفضحني طالما الاقدار بتحكم غصب عنك وغصب عني
..............................................
حاتم هاشم
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: ليك الحق شان ولدوك فوق اسفنج وحتى أول جديد سوهو ليك بالبنج وهسع هوايتك إنك تلعب البنق بونق وليك الحق عشان فطموك بعد مازدتا فوق سنتين وفى سن عشرة نومك كان على الليدين |
الأستاذ أبو الحسين شفت ود المصارين البيض دا كيف يبقالي انت والصديق د. بادى لا تخلوان من ذرة طينة حقد طبقي طبعاً انت ولدوك فوق "تبروقة" وطهروك بـ"القصبة" ولعبت بـ"ساقية البعر" وطبعاً ما رضعوك زاتو عشان يفطموك "في زمتك سمعت بالسريلاك قبل تمشي السعودية" وطبعاً نومك ما معروف كان وين
Quote: الجعلى اب شرابا حار وقالوا بعدى يومو خنق والشايقى البياكل النار وفوقو نحاسو متخنق |
دي ليك انت والأستاذ خالد
Quote: وتفرش ليك حزمة نال تحت سيالة تريانة فروعها قراب وتنفخ كل آهاتك مع المزمار تصوغ الحان ملانة شباب وتنسي الدنيا كل الدنيا ماعندك معاها حساب خلاف برقا يشيل حرقاص أو رعدا تقول رصاص وكت فركع |
يا سلام
Quote: ويتقدم عريس السمحة رافع صوتو كان بسوقوا بيهو النوق والعنجاوى ينزل فوق ضهورن بس تقول منشحطة فيهو بروق يبدا مجرو بالترقوة ويتحدر مع الضلع القصار ملصوق واحمر عين يشم الدم بعد ما يرش بنات عمو ويزيدن شوق وثابت حيطة لا بتهز ولا بتلز وصارى جبينو كلو عروق وقال بعد العقد طلقانة ما يحجزوهو إلا يخلو ضهروا شقوق |
آ زول والله الحديث الفوق دا ود بادى زاتو ما يركز لي سوط النقوق/الجمال دا لكن شوف عيني عرب الخلاء عندنا ياكلو السوط دا زي البياكلو في زبادي
هناك Quote: الموت يمين شافوهو شوف العين ومافى شفيع ومافى مجير تقول الزول يعرف اجلو ومكان موتو لولا إنو ما كشفو الإله لى غير عاد ما دام رقاب الموج تمد لسناتا فوق للحيف تكب الصير وشن فضل بلا الغرق البدور ناعى وفعلا كانوا يا هو مصير |
شعرة جلدي بتقوم ساعة أقرا الكلام دا لاني شفتو كم مرات في حياتي وانا صغير معدي لجزيرة بجبوج
Quote: نهرتوا يمين تسوى الفاق |
Quote: ومراً أصلاً لا ضاقوه لا بنضاق |
دا الساولينا الزهلله لاااا يوم الليلي
لك الود ونريد المزيد من قصائد هذا الشاعر الفذ
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: yasiko)
|
تعقيب على قصيدة الشاعر الفحل الطيب محمد ود بادي ود محمد سعيد العكودابي,,
نظم هذا الهجاء وكما قال في حق ولد بندرواي من اللذين أطعموا بملاعق من ذهب. والحصل كانت مشداة بين شاعرنا وذاك الولد في أهمية الريف بالنسبة للحضر وتأثيره عليه. والظاهر الوليد رمى ليهو كلمة في حق الريف هيجت ود بادي وحركت قريحة الشعر فيه. ونتمنى أن يسلط الله على ود بادي كل مرة وكل يوم مثل كذاك الولد حتى يشجي اسماعنا بقصيدة كهذه.قال ود بادي كنت جاي من الريف للجامعة في الخرتوم البندر اسود السنحة أغبش البشرة مثل عود الطنضب اليابس الحرقان وكان هو مثل قصبة الصفاف لين يتقصف بين الأصابع تتدلى سلسلة على جيده. وبرضو ود بادي يقول ليهو هات صدرك مع صدري.
فعلا كانت المقارنة شبه مستحيلة أو معدومة بينه وبين الوليد الذي حرمه حتى من صفة ولد, استخفاف به وليست حقد عليه, الوليد مولود لما كان في الفة فوق اسفنج وابوه فاتح له حساب في البنك والتأمين من وحتى ختانه كان على الطريقة الحديثة بالبنج, وطبعا طبيبنا ختن بالموس والقصبةوسواها ليهو بصير الحلة أو مزينها.
في هذه العملية ( الختان بالقصبة ) كان يدخل لب القصبة في الغلفة ويربط الجزء المراد قطعه بخيط ومهمة لب القصبة حتى يفصل رأس القضيب من الغلفة.وبعدها يقول المزين للصبي أبشر.... وهو يردد ماباشر... ابشر... ماباشر وبعدها يشّدهو باي شئ مثال ( شوف الحدية ديك يلتفت الصبي ليراء الحدية ) وتف يقطع الغلفة بودون بنج وبعدها تخاط. تفاخر الشاعر بصور ولوحات جمالية رائعة تصور حال الناس في الريف وهي صور تخلب العين للعايشها يسمو بها وللذي لم يعشها كان التصوير دقيق وأجمل مافيها كان تنقل الفحل ودبادي من صورة لاخرى.
اللوحة الأولي حياة الطفولة في الريف. الخوض في الوحل والطين, وشراب الموية من الترعة وفي الغالب تكون بدغلوبه وروث البهائم, والمقيل تحت الشدر وتعلم العوم في سن مبكرة حتى يصل الواحد منهم لمرحلة تمكنه من السباق مع الوزين وعكس الموج نعم... نعم هي حياة كل اطفال الريف وقد صورها واجاد.
الصورة الجمالية الثانية هي صورة موسم الخريف في تلك المنطقة,وكت البروق تتراقص الرعد يدوي في الظلام كلعنات الجن, وزاد جمال الوصف حين مثل صوت الزيفة لما تهب علي جبال النقعة ( وهي منطقة قبل بانقا ) (( فووووو )) كأنه صوت نفخ على صور. وبعدها تأتي وصورة الحصى عندما يجرفه السيل علي حافة الوديان ويرقد على حافة الوادي بعد انحسار المياه عنه كالؤلؤ والمرجان, وفي وسط هذا كله صورة انسان المنطقة الفرح ..المفجوع ..المخلوع..من خير ما تجلبه المطر وشر عواقبها عندما تتفرطق صاعقة وتكب النار الدمار .... تلقى عرق مقلوع.. فرع مكسور.. جمال غرقانة بحاله... والانسان نجاته تكون في ابسط الاشياء التي يقدرها له المولى... مثل ان يمسك في قرون تور ولا عودا ماكن جارفو السيل.
في المنطقة بين شندي والخرطوم توجد الكثير من الوديان التي تأتي بالسيل مثل ( وادي العوتيب وهواكبرها والعروس والكربكان وغيرها.. )
اللوحة الثالثة وهي وصف لايام السدور للمراعي.. وهي عادة اهل تلك المنطقة قبل موسم الخريف ونزول المطر في مناطقهم بتكون مراتع المراعي في مناطق الجنوب الشرقي رويت تب بالمطر, لذا بسدروا الخلاء ببهائمهم.
هوي يا وليد حصل سادرته بالديداب إلى ...... خلاف برقا يشيل حرقاص أو رعداً تقول رصاص وكت اتفركع....
واللوحة الأجمل هي تلك التي وصفها عندما تصحو بعد نوم عميق تحت فردة نسيج النقادة بصوت شتماً بعيد مخنوق ويجيك الصوت من بعيد وتقوم لاك مخلوع ولا مفجوع لكن بدافع مجهول يسوقك سوق للدلوكة وتتابع الصوت للحفلة متلفح توبك الجرجار. وصف ودبادي واجاد وابدع في لوحة الحفل والفورة بتحصل بين الناس الحضور لما تشوف صبي تالي ضرعاتو ( ابشروا بالخير ) وتتفجر ذغرودة تطلق في الجلود النار وفي ديك اللحظة بتقوم نوارة السمحة من البنات ترقص وتهج الداره وتودي صديره قدامه وتميل زي البان ينكبو الجنيات في الداره دايرين البطان وكل منهم يحب ان يثبت لها شهامته ورجولته. وطبعا لكل شئ اصول ( والشبال بحقو ) يعني الداير يشيل شبال من البت لازم ياخد حقو معروف و قوانين البطان متعدده ومنها مثلا ان يكون العريس عزيز عليك فتنجلد في زواجه أو ان يكون العريس انجلد في زواجك وانت تقوم تنجلد في زواجه وتوفي دينك ومنها التحدي ( الدق سداد ) وغيرها.
وجمال تصوير الشاعر لأخوان أم شلخ يصطفو في روق عارية اعالي اجسامهم مغطاة اسفلها وكل واحد مرتكز على عصاه المضبب ومقدم كراع ومأخر الثانية كأنه تمثال أصم والطاقية محدره وهي هدية من الحبيبةوما مشرية من السوق .
والعنجاوي الجلد به في البطان يحتاج لخبرة ومعرفة وعلى الذي يجلد لا يهوى به بل يخرته خرت حتى يغرز في الجلد. آخره يبدأ صائب للترقوة وهي عظمة الكتف وينحدر لتحت حتى يصيب طرفه الضلع القصار.. والجنى واقف زي الحيطة لا يحرك رمش لا بدن وبعد ما ياخد حقو يمشي متبختر ويرش بالدم بنيات اعمو ويزغردن ليهو وياخد شبالو ويمرق أو يعاود مرة اخرى.
الصورة الاخير هي صورة الصراع الحلو المر المذاق بين الناس والنيل فيه حياتهم وهو مصدر الخير والأمل وايضاً فيه ممات البعض منهم .....والبحر بياخد عوامو,,,
في هذه اللوحة بدأ شاعرنا في تسأل وصفي جميل وبديع للوليد ,, هل جربت العوم في البحر ايام التساب وفي مخانق النيل ( الشلالات ) وهي أيام يصعب العوم فيها حتى للخبير به. ثم عرج لفعل النيل في تلك الايام بالأرض يحزم ويطفح الكيل ويحفر بجريانه ويهدم الجزاير ومويتو الهايجه تبلع جب... وصورة العشاري وهو اكبر انواع التماسيح منشري في الرملة معشعش بين نوايبو الطير... نعم كان تصوير دقيق وبعين شاعر مرهف يحس وما يمر علينا عابراً كأنه لا يهمنا....والتمساح العشاري ومرق لانو المياه طمرت جزائره موطنه الذي يعيش فيه,, وفي زخم هياجان النيل كانت هناك مركب تصارع في الهلاك كسيرة الجناح يلفحها الموج يمين وشمال ويجاهد النواتي ويصارع في الامساك بالمجداف ويقوم لا فوق ويرجع تاني للدفة يحكم السيطرة لكن في نهاية الامر يروا انه لافائدة مع عتاوة الموج وخيروا النزول للج الموية وفعلا كان... طفروا في قلب الموية وهم طبعا ولاد النيل يعرفهم ويعرفوه وهم تماسيح في العوم ساعة يعومو بالضرعات وساعة يفجو الموية فج ومن ميزات الانسان العوّام ان لا ينبل صدره يعوم كأنه واقف.
وبعد ما تاه شاعرنا مع الاشواق وحال اهله في تلك الديار تذكر الوليد البندري ورجع ليهو وقال بلسان حاله صه يا ود صه يا ود اعذروني في التعقيب لكن ودبادي حملنا نحن كمان في الاشواق وكنت احس كل كلمة وكل تعبير قاله مما دفعني دفع للتعقيب فأعذروني ان اثقلت عليكم لكن حملني الشوق والحنين للبلد وناس البلد
(عدل بواسطة خالد علي محجوب المنسي on 12-03-2006, 06:02 PM)
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
كتب د. يس...
Quote: الأستاذ أبو الحسين شفت ود المصارين البيض دا كيف يبقالي انت والصديق د. بادى لا تخلوان من ذرة طينة حقد طبقي طبعاً انت ولدوك فوق "تبروقة" وطهروك بـ"القصبة" ولعبت بـ"ساقية البعر" وطبعاً ما رضعوك زاتو عشان يفطموك "في زمتك سمعت بالسريلاك قبل تمشي السعودية" وطبعاً نومك ما معروف كان وين |
الله يجازي محنك يا د. يس...
إنت عارف أقرأ في القصيدة الرائعة دي... وتحليل الأروع وأضحك براااااااي في المكتب...
شنو يا اخوي الكلام دا... أها أقول ليك أنا في زمني زبادي (كابو) دي ماااااااالي البلد!!!
وحليييييييييييييييل ساقة البعر يا دكتور... تتذكر دُنَّانْ الرعَد البي يقبضو كأنو إمتلك تور أصلي للساقية حقتو... ولة إنت قاصد ساقة الهواء!!! والله إنت قِدَيِّم خلاص... والله يا دكتور كأني بشوفها قدامي هسع...
أيام كانت يا حليلة... كميات مودتي... وواصل إبداع الله لا يخضِّر ضراعك...
أبو الحســـــــــــــــين...
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: يا قمره صديق احمد عبدالله محمد خير
يا قمره ... صبي السنسني الحمـره شوفي أبوي أنا الراجاهو كلو صبـاح يا زينوبه أبوكي هو أصلو حالو بـره لو قاري العلم هو ولاهو سيد خبـره ومو زول غربه لكن الظروف جابره مالو إن كان صبر كل الخلوق صابره والصابرات روابح لـو يجـن قمـاح
هو أصلو متين نساكم يُمة شان يطره بيتنفـس هـوا ذكراكـم العـطـره رهيف إحساس حنين قلبـو بالفطـره نديمو بقت دموعو الديمـه منقطـره وأصلو إن ما قعد بينكـم ولا بيرتـاح
جاهو العيد كمان زاد القليب حسـره ساد العبره حلقـو ونفسـو منكسـره هو لا لمّ القروش لا حصل المسـره بلد ما فيها زول مات من عدم كسـره فراقكم ليها يا أحباب ولا كان صـاح
يـا أمارتـي المـا طاعـت الأمـره ندماني وبقـت محتـاره فـي أمـره بعد قسن الـدرادر قصـرن عمـره الشوق فاض وعماها الحنيـن غمـره الشوق للبلـد لـي بهجتـه وسمـره الشوق لي مقيلا ضـم ضـم تمـره الشوق لي حديثا ضـم ضـو قمـره الشـوق للبلـد جابريـتـا وكـكـره كان الشوق يخفف والله يبرى جـراح
مشتـاق للحسينـاب أسقـه وبكـره مشتاق للقبيل إتربـوا فـوق حكـره مشتـاق للدميـري ومويتـه العكـره مشتاق للجزيـري وتشقـه وهكـره مشتاق لي قطع بحره ودخول وكـره مشتاق للأبي يفـارق الفـؤاد ذكـره مشتاق للعلـى مشغـول دوام فكـره مشتاق للصباح ديـدن غنـاي شكـره وياريت كت بقدر أسوي شوقي جناح. |
وبرضو نحن في إنتظار عودتك لينا أخي الكيك...
كميات مودتي...
أبو الحســــــــــــين...
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
بالرجوع لي صورة البنطون الفوق دي...
الحبيِّب د. يس عليك الله تتذكر أيام الذهاب لي مروي الصباح في البرد... ويكون البنطون بايت بي غادي... والواحد يكون مستعجل يركب الفيلوكة عشان يحصل الحصة الصباحية وعم الصول بي صوطُو القبيييييييل قلت ما جربتو داك واقف برة إلا الواحد يمشي بي وراء يدخل بي حوش الداخلية!! ... كانت أيام حليلها...
أهدي الجميع قصيدة إسمعين حسن وآآآ أسفاي...
وآآ أسفاااااى ..
و حاااااتـكن انتوا .. وا أسفاي !!
إرادة المولى رادتني..
وبقيت غناااااي ..
أسوي شنو مع المقدور..
أسوي شنو!!
براهو الواهب العطاااااي ..
منو !!
منو.. البدور يساهر الليل ..ويسااااافر
فوق جناااااح الشوق ..
يكوس.. نجماً بعيد ضواااااي ..
منو..الإذا وصفولو أرض الحور ..
تلاقي قوافلو.. طول الليل..
تشق التيه ..تجر النم ..
مع الحردلو في الدوباااااي..
وآآ أسفاااااى ..
ببيع الدنيا ..وآ أسفااى..
كل الدنيا وآ أسفاى..
عشان خاطر عيون حلوين..
منابع الطيبة متجاورين ..
ومتسااااامحين في السمحين ..
واسااااافر فوق صُبي العين ..
معاااااكى سلااااامة ..يا دنياى
يادنياااااي ..
بتمدد وبتوسد ..وسادة شوق
و أنوم مرتاح وخالي البال
أقالد تاني عهد صباااااي
عشان ما تبكي .. ببكي أنا!!
واحاكي الطرفة ..
في نص الخريف بكاااااي ..
حمولي تهد جبااااال الشيل
وفايت في العتااااامير ليل ..
ومتوكل عليك ..
عليك..يااااا الله ..
دااااافر الليل ..
بِريق البسمة إن لاح لي ..
بتتفتح مشاتل الريد ..
و أحس بالجوة..
جوة الجوة..زغرد فيها صوت الناااااى..
أسفاااااى ..
و حاااااتـكن انتو وا أسفاي
إذا ماشفت ناس سمحين ..
يتاااااتوا ..
يتاتوا ذى قدلة جنا الوزين
يتاااااتوا..
تلقى قليبي يرمح جاي
لما يتاتوا..ذى قدلة جنا الوزين
يتاتوا ..
حليل !!
يااااا حليل..
حليل الكان بهدي الغير ..
صبح محتار يكوس هدااااي ..
من ناس ديل..وا أسفاي ..
من ذى ديل
وآآ أسفاااااى ..
وكميات مودتي...
أبو الحســـــــــــــــين...
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: دكتور يا سين سلام يا المبروك والله كلو كوم ووجبة الحاج كوم حرف بملاح شرموط وبصلة خدرا وبعدها كوز مويه بارة من الجر بكوز اللييل تليص ترد الروح وتمرق صقع الجليد الدخل في عضامنا دا يا سلام يا سلام
اديك العافية يا دكتور |
الله يبارك فيكم يا شباب...
والله قاعدين ترجعونا لي أيام... حلوة وجميلة لكن حليييييييييييلة... إنت عارف يا أُستاذ/ خالد أنا العجبني شنو في الصورة دي... طبعاً كلها... لكن عليك الله الراجل القاعد يلقط ليهو في تميرات في الجردل الأحمر... (ونوع الجردل دا ذااااااااتو هسع ماهو في)....
الله يديك العافية كدي في عضيماتك يا يس يا اخوي...
كميات مودتي...
أبو الحســــــــــــــــين...
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: ليك الحق شان ولدوك فوق اسفنج
وحتى أول جديد سوهو ليك بالبنج
وهسع هوايتك إنك تلعب البنق بونق
وليك الحق عشان فطموك بعد مازدتا فوق سنتين
وفى سن عشرة نومك كان على الليدين
غطاك بالشاش وفرشك بحرير الصين والبتدورو كلو بتلقى غاب قوسين
ابوك مليان وجيبو سمين وقلبو سمين
وفاتحلك حساب فى البنك والتأمين |
الإخوة الكرام...
بالرجوع إلى قصيدة هوي يا وليد... والرجوع إلى تعليق د. يس أخذت الإقتباس أعلاه وعندي سؤال...
أول جديد سووهو ليك بالبنج...
يعني ما بالقصبة يا د. يس؟؟؟!!
والله يجازي محنك يا د. بادي...
كميات مودتي...
أبو الحســـــــــــــين...
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
كتب أُستاذ/ خالد علي المنسي...
Quote: تعقيب على قصيدة الشاعر الفحل الطيب محمد ود بادي ود محمد سعيد العكودابي,,
نظم هذا الهجاء وكما قال في حق ولد بندرواي من اللذين أطعموا بملاعق من ذهب. والحصل كانت مشداة بين شاعرنا وذاك الولد في أهمية الريف بالنسبة للحضر وتأثيره عليه. والظاهر الوليد رمى ليهو كلمة في حق الريف هيجت ود بادي وحركت قريحة الشعر فيه. ونتمنى أن يسلط الله على ود بادي كل مرة وكل يوم مثل كذاك الولد حتى يشجي اسماعنا بقصيدة كهذه.قال ود بادي كنت جاي من الريف للجامعة في الخرتوم البندر اسود السنحة أغبش البشرة مثل عود الطنضب اليابس الحرقان وكان هو مثل قصبة الصفاف لين يتقصف بين الأصابع تتدلى سلسلة على جيده. وبرضو ود بادي يقول ليهو هات صدرك مع صدري.
فعلا كانت المقارنة شبه مستحيلة أو معدومة بينه وبين الوليد الذي حرمه حتى من صفة ولد, استخفاف به وليست حقد عليه, الوليد مولود لما كان في الفة فوق اسفنج وابوه فاتح له حساب في البنك والتأمين من وحتى ختانه كان على الطريقة الحديثة بالبنج, وطبعا طبيبنا ختن بالموس والقصبةوسواها ليهو بصير الحلة أو مزينها.
في هذه العملية ( الختان بالقصبة ) كان يدخل لب القصبة في الغلفة ويربط الجزء المراد قطعه بخيط ومهمة لب القصبة حتى يفصل رأس القضيب من الغلفة.وبعدها يقول المزين للصبي أبشر.... وهو يردد ماباشر... ابشر... ماباشر وبعدها يشّدهو باي شئ مثال ( شوف الحدية ديك يلتفت الصبي ليراء الحدية ) وتف يقطع الغلفة بودون بنج وبعدها تخاط. تفاخر الشاعر بصور ولوحات جمالية رائعة تصور حال الناس في الريف وهي صور تخلب العين للعايشها يسمو بها وللذي لم يعشها كان التصوير دقيق وأجمل مافيها كان تنقل الفحل ودبادي من صورة لاخرى.
اللوحة الأولي حياة الطفولة في الريف. الخوض في الوحل والطين, وشراب الموية من الترعة وفي الغالب تكون بدغلوبه وروث البهائم, والمقيل تحت الشدر وتعلم العوم في سن مبكرة حتى يصل الواحد منهم لمرحلة تمكنه من السباق مع الوزين وعكس الموج نعم... نعم هي حياة كل اطفال الريف وقد صورها واجاد.
الصورة الجمالية الثانية هي صورة موسم الخريف في تلك المنطقة,وكت البروق تتراقص الرعد يدوي في الظلام كلعنات الجن, وزاد جمال الوصف حين مثل صوت الزيفة لما تهب علي جبال النقعة ( وهي منطقة قبل بانقا ) (( فووووو )) كأنه صوت نفخ على صور. وبعدها تأتي وصورة الحصى عندما يجرفه السيل علي حافة الوديان ويرقد على حافة الوادي بعد انحسار المياه عنه كالؤلؤ والمرجان, وفي وسط هذا كله صورة انسان المنطقة الفرح ..المفجوع ..المخلوع..من خير ما تجلبه المطر وشر عواقبها عندما تتفرطق صاعقة وتكب النار الدمار .... تلقى عرق مقلوع.. فرع مكسور.. جمال غرقانة بحاله... والانسان نجاته تكون في ابسط الاشياء التي يقدرها له المولى... مثل ان يمسك في قرون تور ولا عودا ماكن جارفو السيل.
في المنطقة بين شندي والخرطوم توجد الكثير من الوديان التي تأتي بالسيل مثل ( وادي العوتيب وهواكبرها والعروس والكربكان وغيرها.. )
اللوحة الثالثة وهي وصف لايام السدور للمراعي.. وهي عادة اهل تلك المنطقة قبل موسم الخريف ونزول المطر في مناطقهم بتكون مراتع المراعي في مناطق الجنوب الشرقي رويت تب بالمطر, لذا بسدروا الخلاء ببهائمهم.
هوي يا وليد حصل سادرته بالديداب إلى ...... خلاف برقا يشيل حرقاص أو رعداً تقول رصاص وكت اتفركع....
واللوحة الأجمل هي تلك التي وصفها عندما تصحو بعد نوم عميق تحت فردة نسيج النقادة بصوت شتماً بعيد مخنوق ويجيك الصوت من بعيد وتقوم لاك مخلوع ولا مفجوع لكن بدافع مجهول يسوقك سوق للدلوكة وتتابع الصوت للحفلة متلفح توبك الجرجار. وصف ودبادي واجاد وابدع في لوحة الحفل والفورة بتحصل بين الناس الحضور لما تشوف صبي تالي ضرعاتو ( ابشروا بالخير ) وتتفجر ذغرودة تطلق في الجلود النار وفي ديك اللحظة بتقوم نوارة السمحة من البنات ترقص وتهج الداره وتودي صديره قدامه وتميل زي البان ينكبو الجنيات في الداره دايرين البطان وكل منهم يحب ان يثبت لها شهامته ورجولته. وطبعا لكل شئ اصول ( والشبال بحقو ) يعني الداير يشيل شبال من البت لازم ياخد حقو معروف و قوانين البطان متعدده ومنها مثلا ان يكون العريس عزيز عليك فتنجلد في زواجه أو ان يكون العريس انجلد في زواجك وانت تقوم تنجلد في زواجه وتوفي دينك ومنها التحدي ( الدق سداد ) وغيرها.
وجمال تصوير الشاعر لأخوان أم شلخ يصطفو في روق عارية اعالي اجسامهم مغطاة اسفلها وكل واحد مرتكز على عصاه المضبب ومقدم كراع ومأخر الثانية كأنه تمثال أصم والطاقية محدره وهي هدية من الحبيبةوما مشرية من السوق .
والعنجاوي الجلد به في البطان يحتاج لخبرة ومعرفة وعلى الذي يجلد لا يهوى به بل يخرته خرت حتى يغرز في الجلد. آخره يبدأ صائب للترقوة وهي عظمة الكتف وينحدر لتحت حتى يصيب طرفه الضلع القصار.. والجنى واقف زي الحيطة لا يحرك رمش لا بدن وبعد ما ياخد حقو يمشي متبختر ويرش بالدم بنيات اعمو ويزغردن ليهو وياخد شبالو ويمرق أو يعاود مرة اخرى.
الصورة الاخير هي صورة الصراع الحلو المر المذاق بين الناس والنيل فيه حياتهم وهو مصدر الخير والأمل وايضاً فيه ممات البعض منهم .....والبحر بياخد عوامو,,,
في هذه اللوحة بدأ شاعرنا في تسأل وصفي جميل وبديع للوليد ,, هل جربت العوم في البحر ايام التساب وفي مخانق النيل ( الشلالات ) وهي أيام يصعب العوم فيها حتى للخبير به. ثم عرج لفعل النيل في تلك الايام بالأرض يحزم ويطفح الكيل ويحفر بجريانه ويهدم الجزاير ومويتو الهايجه تبلع جب... وصورة العشاري وهو اكبر انواع التماسيح منشري في الرملة معشعش بين نوايبو الطير... نعم كان تصوير دقيق وبعين شاعر مرهف يحس وما يمر علينا عابراً كأنه لا يهمنا....والتمساح العشاري ومرق لانو المياه طمرت جزائره موطنه الذي يعيش فيه,, وفي زخم هياجان النيل كانت هناك مركب تصارع في الهلاك كسيرة الجناح يلفحها الموج يمين وشمال ويجاهد النواتي ويصارع في الامساك بالمجداف ويقوم لا فوق ويرجع تاني للدفة يحكم السيطرة لكن في نهاية الامر يروا انه لافائدة مع عتاوة الموج وخيروا النزول للج الموية وفعلا كان... طفروا في قلب الموية وهم طبعا ولاد النيل يعرفهم ويعرفوه وهم تماسيح في العوم ساعة يعومو بالضرعات وساعة يفجو الموية فج ومن ميزات الانسان العوّام ان لا ينبل صدره يعوم كأنه واقف.
وبعد ما تاه شاعرنا مع الاشواق وحال اهله في تلك الديار تذكر الوليد البندري ورجع ليهو وقال بلسان حاله صه يا ود صه يا ود اعذروني في التعقيب لكن ودبادي حملنا نحن كمان في الاشواق وكنت احس كل كلمة وكل تعبير قاله مما دفعني دفع للتعقيب فأعذروني ان اثقلت عليكم لكن حملني الشوق والحنين للبلد وناس البلد
|
إنت عارف يا أُستاذ/ خالد من أمس أنا داير أعلق علي تحليلك الرائع اليَجِم الروح دا... ماعارف الشَدَهْني شنو...
لكن كلامي هو بس... الله يخضِّر ضراعك ويديك العافي... أما أشعار ود بادي ياني منزلها ليك مطر... بس أبقى قريب...
وكميات مودتي...
أبو الحســــــــــــــــين...
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
السنجك ابو الحسين ,
و عموم عيال شايق,
سلام مطبوق ,
من كمين زمن و انا بنتاوق بى جاى و ضمى مانى قادرة اجر لى حرف اها نحمدك يا الله الفكيت ساجور كيبوردينى !
عارف يا ابو الحسين : من اجمل ما سمعت من شعر منطقتنا المغنى اغنية (يا وفا) و هى وصف رقيق لمحبوبة تفيض رقة و اكثر من تأسرنى من كلماتها :
(ايدك تتعبا الهبابة و عيونك متعبانا قبيلى )
اها شوفو جنس الوصيف السمح ده!
مودتى كيمان كيمان كيمان ,
نادية السر
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: السنجك ابو الحسين ,
و عموم عيال شايق,
سلام مطبوق ,
من كمين زمن و انا بنتاوق بى جاى و ضمى مانى قادرة اجر لى حرف اها نحمدك يا الله الفكيت ساجور كيبوردينى !
عارف يا ابو الحسين : من اجمل ما سمعت من شعر منطقتنا المغنى اغنية (يا وفا) و هى وصف رقيق لمحبوبة تفيض رقة و اكثر من تأسرنى من كلماتها :
(ايدك تتعبا الهبابة و عيونك متعبانا قبيلى )
اها شوفو جنس الوصيف السمح ده!
مودتى كيمان كيمان كيمان ,
نادية السر |
بتنا نادية السر...
مرحبتين حَبابك واليوم السعيد الليلي جابك يا فريع البان...
يا هلا بيك... والحمد لله اليوم القِدِرتي لقيتيلك درِيباً جابك لينا...
كم قبلك أُخوات تاوَقَن ناس منى خوجلي وبت البدوي والقلب النابض وكتيرات جَن وروَّحَن... وتاني عيناً ما شافتِنْ...
بالرجوع إلى قصيدة وفاء أو الوفائيات للأخ الأُستاذ/ الشاعر الحاج محمد سر الختم... فالحاج دا من أميز الشعراء الكتبو في الغزل الممزوج بالهيام الهااااااااااري في القلب... وكتب كثيراً في وفاء وأجاد ويمتاز شعره بالحنية والنزعة الروحية الشديدة في معظم أشعاره والحكمة الموحاة من الحياة الصوفية وأيضاً الخيال الوااااااااسع ويظهر ذلك في نفس قصيدته وفاء ومنها البيت التالية:: حين يقول...
جاتني أمس العشيي (بليبة)... تبكي من الزعلي تشكيلي...
قَالتْلي الجمال سبناهو... مسَّخ بي كلامها هديلي...
لاحظي معاي هنا يعني القمرية لمن جات تشكي أصلاً ما عندها مشكلة في الجمال... يعني بالدارجي كدي يا (وفاء) الجمال دا خليناهو ليكي... كمان جايي تمسخي علينا الهديل وصوتنا الجميل النحن قاعدين نفاخر بيهو وسط خلق الله؟؟؟
فالحاج رجل فنان... وأنا إنشاء الله حا أحاول أنزل القصيدة دي كاملة لأنها فيها ما فيها من الجماليات... ونحاول كان لقيناها بصوت الأخ الفنان طارق العوض ننزلها تكون الناقصي تمت...
كميات مودتي لك أختي نادية... وإقامة طيبة نتمناها لك بين أهلك وأحبابك السناجك... وأبقي قِرَيْبِي...
أبو الحســــــــــــــــين...
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
بسم الله الرحمن الرحيم
الطويرق
للشاعر...محمد سعيددفع الله
........................................
انتنت عرجون تميره وقايمى قوم عز فى قريره شايله ناجحه وماها صيره وليل نهار غنايا طيره رمت الجدلات حريره ومال جسيم ناعم فطيره عينه سيافه الشهيره ساوى قلبى عديل جفيره خدها الزهره النضيره ومازج الصندل عبيره زين التفاح صديره ويا (حسن )وصف ضميره دى الخلوق جات من عِصيره وهايجى زى مويه الدميره نازله للشبال فى سيره وكل زول شايلاه غيره قالوا ما شايفين نظيره والجميع عشمان نِظيره وهى الخطيوه وكت تديره يمين رؤو س الناس تديره ليك قلوب الناس اسيره وغير غناك ما ليها سيره
..................................
منقول
حاتم هاشم
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: حاتم هاشم)
|
بسم الله الرحمن الرحيم
سلام الي كل المداخليين......
لو في حدبعرف الشاعر ده منو......
سلام يا دكتور ياسين..
القصيده دي بغنيها جعفر السقيد..
لو في طريقه ينذلها لينا..
معى خلص شكري واحترامي...
البت تقول اصبر ..................
البت تقول أصبر الأم تقول أصبر وابوها قال نصبر
جاها الغريب وعقد ما قالوا ليهو اصبر
علمتها وربيت إن شاءالله حسنه وأجر
ده زرعك الراويهو قوم لى حصادوا وصُر
ده ضلك الحارى يصبح رهين ويشُر
ورغم إنك آ المسكين ما خلو ليك صبر
وأنا ذاتى شن لى غير ليك أقول أصبر
انفرهدت يا داب تعجب نضاره يسُر
دابها هلاّ هلال قبل إكتمالها بدر
الكسوة والمصروف واجب عليك نزُر
وتلقى ما تلقى إن شاء الله تمشى تجر
الرجعة آخر الليل والقومة بدري فجُر
والريد مروة جان والعاشق آي بيفتُر
ما خافوا فيك الله وما قدروا أى عذُر
وكل البقولوا مُجاب ست الحسان تأمر
خيلك تجقلب حد وما تلقى أى شكر
استاذ خصوصى صباح وواحد يقري عصر
وتعبك على جيدها يلصف سلاسل ودر
يجي من دبي مختوم أصلى ومجمر وحُر
نكران جميل وجحود لو كنتا بتذكر
تمرنا لما يشيل وتكون صبايتو خُدر
يمسك يكنكش زين لا يقسى لا ينكر
ويقع براهو يحت أول ما يبقى تمر
من العليك والبيك رب العباد يستر
قدرك تقاسى الويل بيك الحبيب يغدر
وتعد نجوم الليل والدنيا لسه عصر
وتضيع أمانى رحاب حصاد سنين وعمر
.................................................
منقول
(ما قلو الصبر مفتاح الفرج)
حاتم هاشم
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
بسم الله الرحمن الرحيم
الزووول القيمه
للشاعر...خالد شقوري
...............................
يلا نسافر فوق الكلمة نشيل الزاد احلام وردية نحكي حكاية الزول القيمة الزول العاش للخاطر الحية عاهد نفسو ببذل الروح علم كيف العزة تكون شال امالو كتاب مفتوح مشروح وتروح من بينو قضية كان مكتوب في اول صفحة وطن مزروع حنيه وقمحة ومدن مصقولة عوالم سمحة وناس بتعرف الناس من لمحة كان مكتوب في الصفحة التانية طفلة تقالد الغيمة الحانية ونخلة بتهدي قطوف الدانية وهاك البلد الغالي هدية اغنية فيها تلاتة مقاطع مقطع شال لون الدوبيت ومقطع شال نفس الجراري ومقطع طالع من قمرية كان مكتوب في الصفحة الرابعة طالب بيقراء وعيونو متابعه خريطة البلد العالي الغالي وموية النيل المنها نابعة وعز موصول للصفحة الرابعة وشوق موصول للصفحة المية يلا نسافر فوق الكلمة نشيل الزاد احلام وردية ونحكي حكاية الزول القيمة الزول العاش للخاطر الحيه
..................................................................
منقول
حاتم هاشم
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: حاتم هاشم)
|
Quote: بسم الله الرحمن الرحيم
سلام الي كل المداخليين......
لو في حدبعرف الشاعر ده منو......
سلام يا دكتور ياسين..
القصيده دي بغنيها جعفر السقيد..
لو في طريقه ينذلها لينا..
معى خلص شكري واحترامي...
البت تقول اصبر ..................
البت تقول أصبر الأم تقول أصبر وابوها قال نصبر
جاها الغريب وعقد ما قالوا ليهو اصبر
علمتها وربيت إن شاءالله حسنه وأجر
ده زرعك الراويهو قوم لى حصادوا وصُر
ده ضلك الحارى يصبح رهين ويشُر
ورغم إنك آ المسكين ما خلو ليك صبر
Quote: وأنا ذاتى شن لى غير ليك أقول أصبر |
انفرهدت يا داب تعجب نضاره يسُر
دابها هلاّ هلال قبل إكتمالها بدر
الكسوة والمصروف واجب عليك نزُر
وتلقى ما تلقى إن شاء الله تمشى تجر
الرجعة آخر الليل والقومة بدري فجُر
والريد مروة جان والعاشق آي بيفتُر
ما خافوا فيك الله وما قدروا أى عذُر
وكل البقولوا مُجاب ست الحسان تأمر
خيلك تجقلب حد وما تلقى أى شكر
استاذ خصوصى صباح وواحد يقري عصر
وتعبك على جيدها يلصف سلاسل ودر
يجي من دبي مختوم أصلى ومجمر وحُر
نكران جميل وجحود لو كنتا بتذكر
تمرنا لما يشيل وتكون صبايتو خُدر
يمسك يكنكش زين لا يقسى لا ينكر
ويقع براهو يحت أول ما يبقى تمر
من العليك والبيك رب العباد يستر
قدرك تقاسى الويل بيك الحبيب يغدر
وتعد نجوم الليل والدنيا لسه عصر
وتضيع أمانى رحاب حصاد سنين وعمر |
يا سلام يا حاتم الكلام حلو وجميل لكن الموضوع يهز جبل الداير ومرة الكلام بشبه كلام شاعر شاب أبن الشاعر المتمرد ود الدابي كان ما خاب ظني أدينا من العيار دا الواحد لما يكون متكوك بعجبو زي الكلام البألم دا لك الصحة والعافية يا حاتم وتسلم يا اخوي
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: خالد علي محجوب المنسي)
|
حليـــــــوة للشاعر محمد طه القدال
يا حليوة يا زهرة وسمحة ونسمة قمحة تعطر ليل دخلتنا
هقيت للقمر القمر الأبيض لبناً هتف من ضرعات السدرن يومن ورتعن بدري وقبل الدنيا تغيم
يا أحلى صبية بتمرق مغرب عين في الأرض ويد تتناول... من خالاتها الضيق رواااب
ياخلوة بتعزم وتعزم باشا الضاقو الصي الهاجروا فوق رقاب الضي
مخلاية الزاد بتعشي الوين مداح الزين ضيفاً درويش سراي الليل فرسان الخيل دقاق العيش بتعشي الديش
الناس الماده عيونها تنادي الرحمة عيونهم جفنّ الناس الشاده بطونها الريقه الدخلت لا زال جوه بطونهم خفنّ الناس الكاده الجوع اللاحسه الكوع الخيلهم نفنّ
الناس الحاده علي ما مات الحي ومكفّن
أفراح الناس ما كفّن أحزان الناس ما كفّن الصبر جميل....
صبيان الحلة الغنو العرضّه وشالوا ملود المسرى البدري كانوا صغار ودرفّن...
محويب الصبر الربّط ربّط وفضّل
كان برواز في الخلوة معلّق فوق برواز الجد الأكبر يا برواز الصبر جميل
الحزن المالح عطّر فرح الحلّة في ليلة الدخلّه الحزن المالح قطع الخرزه وقلع الرشمه مبروك الصرخه الأولى علي لسنّات الحضروا المولد جات محتشّمه في جاه الحلّه الشايله الحفّه
لا سيره تدق لا زين لا حق لا عمه تحن لا خالة تحنن ولا إخيه... حتى الزغروده الأغروده مجروحة..وباهته.. وملغيه كل المواعيد ضحكات العيد أحلام الريد الأغنية صبحت مهزومه ومتكيه في جاه الحلّة الشايله الحفّه
أحساس أطفالنا بيوم الوقفه إندهش..إرتعش..اتحلل الكعك..البسمه..اللبسه الكل أتبلل....
عربون الفرحه الفي العينين مافرهد مات يا يوم العيد دمعات أماتنا علي اماتهم في العيدين ماهن رحمات يا يوم العيد في جاه الحلّه الشايله الحفّه
القسمه تفوت أحلى البنوت لا الغائب عاد لا لحقّن خيلهن في اللفه
وبقول غنوات وأقول غنوات في البلد البسيّر جنياتو لقدام وللولد البتل ضرعاتو في العرضّه ويطير في الداره صقريه
ولو السمحة تلت آيد ومدّت جيد يقوم شايلاهو هاشميه وإشيل شبالو ختفّت ريد وريدت روح وحمرة عين وإيديه
ويا الولد البشيل مدقاقو قولة خير علي القمره قابل الجايه متحزم ومتلزم كلام فأسك علي أرضك يبقى عديل يا بيضا ويبقى زفاف تزغرد ليهو قمريه قبّال حول تغيم غيمه قبليه وترش الداره والحدب الصعيد الحلّه يا رحمة نداوة الصفقه في النسمه الصعيديه ويا جهرة نهار الليله لما الليله بدريّه وحس جنياتنا في الحدب الصعيد الحلّه
يا قمحاتنا هولب لب ويا اللوز الفتق في الوادي هولب لب ويا سمحاتنا هولب لب ويا البحر الطمح مدادي هولب لب ويا حجواتنا يا صلواتنا هولب لب
سألتك بالذي ركز الأرض معبد... وسووا الفأس عليها مقام سألتك بحشا الأمات ودمعاتنا شليل وين راح ؟ يكون خير الخريف فاتنا شليل وين فات ؟ وزي برق السماك الجابها دغشيّه وزي زغروده للبطن الكبارّيه مرق... من شامة القمره مهقد بي وداعة الله ومقدّم بالعديل يبراك تعالوا... تعالوا أبشروا آجنيات شليل ما راح شليل ما فات شليل عند المسور مرق بقالو حصاد شليل فوق التقانت قام خدار وبلاد شليل مسدار شليل مشوار شليلنا أرضنا آجنيات شليل قايم نصايص الليل يتمتم ليلو ورديه حرازنا شليل شليلنا دليب شليلنا دليل علي البلدات بعد درب التبلديه شليل ما راح شليل ما فات شليلنا ونحن هماته ومهاجريه مزارع بات علي عشقين ترب بلدو وسماح فوق بت مزارعيه
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: انتنت عرجون تميره وقايمى قوم عز فى قريره شايله ناجحه وماها صيره وليل نهار غنايا طيره رمت الجدلات حريره ومال جسيم ناعم فطيره عينه سيافه الشهيره ساوى قلبى عديل جفيره خدها الزهره النضيره ومازج الصندل عبيره زين التفاح صديره ويا (حسن )وصف ضميره دى الخلوق جات من عِصيره وهايجى زى مويه الدميره نازله للشبال فى سيره وكل زول شايلاه غيره قالوا ما شايفين نظيره والجميع عشمان نِظيره وهى الخطيوه وكت تديره يمين رؤو س الناس تديره ليك قلوب الناس اسيره وغير غناك ما ليها سيره |
الأخ الكريم حاتم هاشم...
نهارك سعيد...
إنت عارف يا حاتم يا اخوي بالدرر القاعد تنزلها دي... بقيت كل عصراوية أحرس وأرجى فيك... لأنك دايماً ردودك بتجينا العصير ما عارف سِر العصراوية دي شنو؟؟؟ يااااااااربي مواعد حش القش ولة تمرين الكورة!!!
أسمحولي داير أرجع شويي كدي للقصيدة وشوفو الشاعر دا أبدع في طلبات الجماعة ديل ولخص لينا الطلبات كلها في ما تحته خط فوق... يعني كلللللللللهم بس دايرين ليهم نظرة فقط!!! (والجميع عشمان نظيرة).. دا تعبير شنو دا!!!؟؟؟
الله يديك الصحة والعافية يا أُستاذنا يا محمد سعيد دفع الله ويردك لي وطنك سالم وغانم من بعد ها الغربة الطويلة...
وكميات مودتي ليك أخي حاتم وواصل إبداع الله يخضِّر ضراعك... ورجاء راجع بوست السادة الختمية بي هناك...
أبو الحســــــــــــين...
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
إخوتي الكرام...
نهاركم سعيد...
القصص دي للكاتب الكبير الأديب عبد العظيم الطاهر... من أهلنا ناس نوري... إستأذنته لنشرها هنا في حوش الشايقية في حلقات... وهي قصص باللهجة الشايقية البلدية المية مية يعني لو في واحد من شوايقة لندن زاغت عليهو كلمة كدي ولة كدي... ما عليهو إلا الإستفسار عنها...
تحياتي ومودتي للأخ الكريم عبد العظيم الطاهر... وللجميع مودتي كلها بلا حدود... القصة تحكي عن شايقي بلدي أصيل وبسيط في نفس الوقت إسمه (حُمَّد إحمد)... وماني داير أزيد أكتر من كدي أخليكم تتابعوها معانا...
حُُمًَّد إحمد التمرجي
الجزء الأول
جاء داخل من لا برَّا ... رمى الطوريي اللَّتُو فوق القسِّيبي المختوتَة في الكيميِّي الغادي من الدونْكا ... عامنو فاطر وشربان الشاي لكن حسَّا لو بى جويعة كدي ... راح على الدونكا فتح التُقُل الليل الكسري , خمش لو سنسني وبقى يقرض فيها ... كورك لى مرتو ... يا آمني .. يا آمني .. إنتي حُمَدَ إحمَد وينو ؟ قالت لو راح يسقي الحمارة ويجي ... قال لها الحماره ؟ والعَز القت لو ودّها سوق ود شنّه ما ساقها شي ...؟ قالت لو لا لا ... إنت العّز بايعها لى شنو ...؟ غلَّبتك في القش ... ؟ القش مو ياهو دا الراقد ... وبرسيمك البى تحت لى الليلي ما إتفرض ... قال لها :- عمو مرسل لو جواب مع ناس ود الفكي ... قال يرسلوهو ليهو هناك في أدبره , شان يشوف لو صِرفه , يدخلو المدرسة الصناعية يتعلم لو صنعه , وإنتي عارفاني معلم الله ... قتا اللبيع العز تجيب لو حق التذكرة ومصيريفات يوصلنو هناك ... أصلو القراعه ما نفع فيها , أقول لو أمش اسقي الملاح , ولا البرسيم البى تحت , يروح يبعج لي الموية في الحيطان نامن يشرقن آب يجيب خبرن ... وديناهو يبقى مراسلة في المستشفى عمل لهن فيها تمرجي , الحكيم إن بقى مرق يقص الراقدين في العنابر , ولا يقضالو غرد... يتحكر هو في بكانو , ويصرف في الحبوب للناس ... دار الزين بت النعيم كان ما الله شافها ساكت , مو كان دار يلحقها الصِح ؟ .. غَمَت لها الحبوب في إيدها قال لها تبلعيهن كلهن أسع ده , المسكينة جابت لها جك موية , وإتفرجَخَت وكَمَدَتِن في خشمها , بى صَمّتِن زي ما هِن , بلعتن ضمّه في ساعتن , نامن جات تزح للناس برا , غالبها تمشي بى كرعيها .. ؟ مشيت إتحمد لها السلامي لقيت جضوما بتل المنقايي المخورني ..., تعاين لي دار تنضم تقولي شي ... وغالبها تنضم , والعوض ود أم الحسين , جاتو الوِردِي , مشى لقى الحكيم ماهو فِي ...,حُمَّد إحمد مسكو طبزو حُقني تحت أباطو... إيدو لا يوم الليلي مدلدلا بتل بت اللِّعاب ... علا يزحها بى إيدو التاني ... حد ما يلاقيني في السوق يسمعني كلمةً ماها ياها ... دار يسوي لنا عوجي الجنى ده ... وأسع شواليتو الليل كريمي ده , بلا فايدي ساكت , البيلقاها كلها رايحي في كرشو , وإن فضل شي يديهو ناس البنطون ويجي داخل اهلو مع العمال , بتل الزول النعيم ... لزيتي بو كرشك وتقنتي بو تسعة شهور على الفاضي غايتو0 حُمَّد إحمَد سقى الحماره وجايي بالدرب لاقاهو بابكر ود النصيح , زولاً كدي كلمتو حاااضري ما قاع يتلفت لها شي ...ديمي عليهو مباري المداديح , ولاد حاج الماحي , يحمس لهن في الطارات اللتن , ويولع لهن في البخور , يَعَشَقْ في المديح , ويتهوزز في الداره نامن يقع في الواطا مغبي ويرشوهو بالموية , وهو الصلاة ما قاع يصليها ... أها وقفوا ينضموا , حمد احمد قال لو:- أبوي عندو عَز جاي يبيعها , قال لي ودّها السوق , ما تجي اللبيعها ليك ..؟ والله حِسَّها سمح بالحيل ساعة تَمَعْمِعْ ... بابكر قال لو :- حسها سمح ..؟ نان ما تعلمها المديح ...؟ خلاهو ومشى على أهلن ...جاء داخل ..كرعيهو تشوفن من بعيد تحلف تقول لابس لو شرابات , من مشي الحفى والحال العليهن ... ملص عراقيهو وختاهو في العنقريب ... عليكن أمان الله العراقي واقف بتل الزول من الكدوب الفوقو ...إن جيت دار تطبقو يتفترن في إيديك بتل الكسري اليابسي ..وأصلو كان لى حُمَّد إحمد .. الصابونة الحلوي دي يبقى ليهو ستة شهور ما ختاها في جسماً ليهو ... بس يمشي يغتس في البحر ويجي مارق يا إندعك لو بى آشميقا يا ما إندعك ... ياهو ده حمامو , أبوهو كورك لو قال لو :- عمك مرسل قال يسفروك ليهو في أدبره يدخلك الصناعيي تتعلم لك صنعة ... قال لو :- آ يابا انا دار اسوي لي كارو إشتغل بها قبلي هني ... أبوهو ردا لو :- كارة أشني ..؟ البلد ملاني كوّارو ... والحمير وقعات في غضب الله ... زمان الناس يحشوا بن القش ويقضوبن مشاويرن ... أسع يا كافي البلاء حماراً تلقاهو مقَيّل في مراحو ماهو في .. جاتن آفة بقت لهن في رقبتن وشقاوةً إنتلحتن ... وأسع الكارو دي الدار تلقاها منها , تأكلك إنت ولا ياكلها الحمار ...؟ إنتا براك داير لك قيراطين اللات قمح ... بلا المريق ..في فد شهير ... أمك واقفي في دابك من عند الدونكا ما قاع تمرق ... كرش الحاجي اللتك دي كارتك آب تكفيها ... حضر نفسك للقطر الجايي خل المحقة البتسوي فيها دي ...
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
بسم الله الرحمن الرحيم
سلام يا ناس البيت
اميمه .........
للشاعر..علاء الدين ابشر .............................
أحمد معروف بالطيبة حسن أخلاق وعليها إتربه . . تكفي شهادة ناس الحلة إنو خلوق وخجول ومُربّه رغم حداثة سنو لبس تهذيبو أصالة وهيبة أدي الناس الحب أدوهو حسن الظن بيناتن شبأ خشت فجأة أميمة حياتو وصارت بينو وبينا محبة قلبو إختارها عشان معروفة زولة حنينة وراقية وطيبة دسو الريد في السر بيناتُن وخلّو حبيس دفين ومخبأ وكيف تنضارى متل أشواقن وليه زي ريدُن يوم يتخب وبعد أعوام وصلتلو رسالة جواب مليان تقيل ومعبأ قبال ما يفتحو عرف الراسل باينة وظاهرة رسائل وهبة أخوهو الليهو زمن متغرب تسعة سنين قضاهن غربه مرسل ليهو تذاكر وفيزا دايرو يجيهو هناك في طيبه طار في الأول أحمد فرحه كلم كل الناس والصحبه لما إتذكر أميمة حبيبتو فجأة إنتابو شعور بالخيبه لكن قرر إنو يسافر سرعة يعود ويتم الخطبه لأنو الغربه طريقه قصير وفيها يهون تحقيق الرغبه جاتو اميمة حزينة توادعو جاتو تجفف دمعو الكبه جاتو توصي عشان ما يقوى لا ينساها هناك في الغربه جاتو تطمنو إنو ح يفضل ريده الخالد مهما غبه حافظه عهود الريدة البينُن ومهما كان ح يظلو أحبه أهدتلو المصحف شان يرعاهو من العين والهم والكربه لبّسه عهد الريد في جيده عقد ممهور بصورة الكعبه قامو إتوادعو زين إتباكو فات خلاها وحيدة وخبا سافر شال همو وأحزانو بعد أيام في المملكة غبا لاقو الناس يا زول كيف حالك بالأحضان قام سالم وهبه قالو نصاح ناس أمي وأبويا مشتاقين راجنلك أوبة قالو أحمد: سافر يا وهبه غير جوَّك وروِّق حبه أمك ياخي تلاهي عليك لاخالالا ضريح لاقبه السودان مشتاقلك كلو ضفاف ورمال سواقي وتربه وحتى النيل فرحان راجيك تجي وتنهل من مويتو العذبه بعد أيام كان وهبه هناك بين أصحابو وأهلو وأحبه في حضن أمو الطول منو في حيشانو الواسعة الرحبه قالتلو أمو أخوانك كبرو وما فضلنا زول يتربه بس فضلي أشوفو جديدك وكتين لسع حيه وطيبه إختارولو بنيي سميحي تشع حيويه ورونق وهيبه أديبه وراقيه وكلها عفه وبرضو أهل وقراب في الحسبه يوم العرس الحي صباحي فرح مطبوق والناس منطربه شاق الليل صوت كم زغروده وحس طنبور ودليبن ربه إلا في واحده حزينه وباكيه سايله دموعا دوام منسكبه الفي دموعا سؤال بيحير وفي آهاته أسرار محتجبه وقالو الناس دي دموع الفرحه وغيرا شنو الحا يكون السِّبه بعد أيام ساق وهبه عروسو ساقا رجع لي بلد الغربه سايقو حنين لي كل أصحابو ولي أحمد أخوهو أشواق ملتهبه وصل الباب كورك يا أحمد فتح أحمد بي لهفه ورغبه شاف قدامو الما متوقع هم الكون فوق راسو إنصبه شاف السلسل عهد الريده نفس السلسل وصورة الكعبه شاف قدامو أميمه حبيبتو كانت قاسيه وقاضيه الضربه شاف أحلامو تضيع قدامو بعد ما كانت منو قريبه كانت لحظه تفيض بالدهشه شاف الدنيا كأنها تسبح كورك أميمه...أميمه وصنقع صنقع ودنقر.. ودّر وغبى وجن أحمد في نفس اللحظه جن الريـد..ما أظن بتخبأ
..............................
حاتم هاشم
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: حاتم هاشم)
|
بسم الله الرحمن الرحيم
مسافر وين ...........
للشاعر..عبدالله التاج ....................
وين قايم مسافر ماشى خاليها الديار خربانه وانت عارف رحيلك بعدو تتعوج وراهو قفانا ما بنحمل فراقك لحظة يا القمرة المضوي سمانا كيفن هسع حالنا معاك لامن دار تفوت تنسانا اسأل مرة قلبك قلو لو كان ليك قليب بأمانه يا خي هل يوم فى الخيال طارينا او ساكت خيالوا غشانا الليل لو كان بالدلال خصاك ربك بالنوح خصانا يا خى بس صون العهود البينا تحصد من ثمارا وفانا زولا عالى جد فى قدوا سامي وعندو بينا مكانه يا خى شوقنا المستعر لى لقاهو من قبل السفر هزانا الله من غصنا نادي يتمايل يحاكى البانه ياخى حافاهو الورود بالخضرة نايم للزهور فى حنانه ينده للنسايم هابي منفوح بالعطر رويانه ياخى هيجتا فينا لامن بالوصف اعيانا
..........................................................
حاتم هاشم
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: خالد علي محجوب المنسي)
|
Quote: وديناهو يبقى مراسلة في المستشفى عمل لهن فيها تمرجي , الحكيم إن بقى مرق يقص الراقدين في العنابر , ولا يقضالو غرد... يتحكر هو في بكانو , ويصرف في الحبوب للناس ... دار الزين بت النعيم كان ما الله شافها ساكت , مو كان دار يلحقها الصِح ؟ .. غَمَت لها الحبوب في إيدها قال لها تبلعيهن كلهن أسع ده , المسكينة جابت لها جك موية , وإتفرجَخَت وكَمَدَتِن في خشمها , بى صَمّتِن زي ما هِن , بلعتن ضمّه في ساعتن , نامن جات تزح للناس برا , غالبها تمشي بى كرعيها .. ؟ مشيت إتحمد لها السلامي لقيت جضوما بتل المنقايي المخورني ..., تعاين لي دار تنضم تقولي شي ... وغالبها تنضم , والعوض ود أم الحسين , جاتو الوِردِي , مشى لقى الحكيم ماهو فِي ...,حُمَّد إحمد مسكو طبزو حُقني تحت أباطو... إيدو لا يوم الليلي مدلدلا بتل بت اللِّعاب ... علا يزحها بى إيدو التاني ... حد ما يلاقيني في السوق يسمعني كلمةً ماها ياها ... دار يسوي لنا عوجي الجنى ده ... وأسع شواليتو الليل كريمي ده , بلا فايدي ساكت , البيلقاها كلها رايحي في كرشو , وإن فضل شي يديهو ناس البنطون ويجي داخل اهلو مع العمال , بتل الزول النعيم ... لزيتي بو كرشك وتقنتي بو تسعة شهور على الفاضي غايتو0 |
الحنين ابوالحسين سلامات وعافية درت والله زولك دا اجلح تب مرمي الله ما بترفع
تسلم يا يابا منتظرين الجزء الثاني خالد
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: دار الزين بت النعيم كان ما الله شافها ساكت , مو كان دار يلحقها الصِح ؟ .. غَمَت لها الحبوب في إيدها قال لها تبلعيهن كلهن أسع ده , المسكينة جابت لها جك موية , وإتفرجَخَت وكَمَدَتِن في خشمها , بى صَمّتِن زي ما هِن , بلعتن ضمّه في ساعتن , نامن جات تزح للناس برا , غالبها تمشي بى كرعيها .. ؟ مشيت إتحمد لها السلامي لقيت جضوما بتل المنقايي المخورني ..., تعاين لي دار تنضم تقولي شي ... وغالبها تنضم |
الأخ الكريم خالد...
إنت في شلاقة الراجل دا... ولة في دار الزين دي... كيفِن تصدِّق إنو هو بقى حكِيم (طبيب) يعالج وتصدقو وتبلع الحبوب بي صمَّتِن...
إنت عارف يا خالد يا اخوي أنا القصص دي عندي ليها مدة أخدتها من الأخ عبد العظيم وكلما أقراها أقعُد إتمحن في بساطة أهلنا الطيبين في الريف ديل...
القصص حقيقة دايرة تحليل من النوع التقييييييييل داك... وبجيك راجع لجوانب أخرى من القصة...
كميات مودتي...
أبو الحســــــــــــــين...
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
كتب الأخ حاتم من قصيدة الشاعر عبد الله التاج...
Quote: زولا عالى جد فى قدوا سامي وعندو بينا مكانه شوقنا المستعر لى لقاهو من قبل السفر هزانا |
الحِبيِّب حاتم...
عليك الله شوف جنس الشوق دا...
شوف::: شوقنا المستعر لي لقاهو من قبل السفر هزانا...
دا شوق شنو دا آخوي... هو لسع ما سافر والشوق كاتلو...
الله يديك العافية كدي في عضيماتك يا عبد الله التاج يا مبدع...
وتسلم حاتم هاشم...
كميات مودتي...
أبو الحســــــــــــــين...
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
كتب أبو عثمان...
Quote: كان زادي : للفنان المبدع عبدالرحيم ارقي الشاعر علاء الدين ارقي
______________________________________________________
حـبـى أنــا لـيــك كـان زادى وكـان جوه الحنايا دفين كـتّ بـضـــارى مـن الـنـاس وخايفه عليهو من العين عـلـيــهــــو كــت بصــوم وافطر عليهو بكابد النارين كـــت بـحــســب سنـيـن الغربة لما تعود تجينى متين وكـــت بــــرجــاك فــوق الـنــار لما وكت لقانا يحين نونس فــى بـراءة أطفال وفى الحب نروى ننهل زين وكـلــمــا يــوم يـــزيـــد البـيــنا لـمـا بقينا قاب قوسين اتارى أنا كت فيك مخـــدوعه وكم من زي مخدوعين مــا قــايــلاك حـبــيـــب آلاف وقـلـبـــك قبله للضالين ومــا قــايــلاك بتـنسي حبيب صبر راجيك سته سنين وســاهـــر كـم لــيـــالــى طــوال يـتقلب شمال ويمين كـيــفــن يـهــون عـليك تنساهو زولاً كان عليك حنين وتـشــغــل بــالـك الأشــواق لــمــّن تـزبــــل الياسمين كــت دايــراك بـسـمة عريضة فى وجه الزمان الشين وكــت دايــراك سـاعة الحاجة تبقى ليّ دخرى خزين كــت دايــراك مـقــنــع حـوبــه وكتين المضارى يبين وكــت دايــراك فـارس احـلامى تـشاركنى ونتم الدين وكــت دايــراك أمــل بـســام يــزيــل ألم البعاد والبين كــت دايـــراك شـريـك الروح واخدمك حافية القدمين وكــت بـحــلــم بك انت معاي مجرتق بالعديل والزين جنـبـك فـى يــمــيـنــك قــاعــده نـسمع فى دقر يا عين تـبــشـــر زيــن مــع الأصحــاب وتتشـبـل من الوزين أنا الأبـحــرت راكــبه الموج اكيد مرسايا بين موجتين وداعــاً يـا زمـن ظــالـــــم وبــالأفــــراح عـليّ ضنين وداعــاً يـا قـــلــب قـــاســـي لا بـيــحـــــــن ولا بيلين وداعــاً يـا ســراب خــداع محال ما بيروي عطشانين وداعــاً يـا كــلام معـســول حــدو ومكـمـنـــو الشفتين وداعــاً يـا سحـابـة صيــف شايلى مطر ضليلا رهين تبـشــر بـى خـريف جايـيـنا ياما الناس رجوهو سنين كل زولاً يـفـكــر فـيــهــا مـا مـعـــروفـة تـنــزل وين وألف سلام عليك يا قلبي المـسـالم وديمه طبعو حنين يتـاورو الـشــوق ويلعـب بيـهو تنحر فى حشا السكين تـعــاودو الـذكــري تــنــتـر جوا حالو يحنن المسكين أخــيــراً مــى لـيــك سلام وقبل ما تجف دموع العين وقـبــال مـنــى مــا تـعـــدى وقــبــال الفـراق ما يحين بخيت وسعيد عليك إن شاءالله يـبـقالـك عـمــار وبنين وقـلـبى أنـــا خـلــى فـى أنـاتو بـعـدك ياما راجى أنين ولو كــان يــا قـلــب حـبـيـت بـعـدو بعـد قسمت يمين مـا يـنــتـــمّ لــيــك مــراد لا تضـوق لا حلو ولا زين وتفضل طول حياتك تبكى طول عمرك تعيشو حزين وعـمـرك مــا تجـيـك سـعــادة مـا تـتـهـنــا قـول آمين وتـــانـى الحـب عليك حرمان ووعد الحر أمانه ودين .
_____________________________________________
امين عثمان المقل- كافوتة- الحجير |
الحِبيِّب أبو عثمان...
نهارك سعيد يا اخوي...
ويييييييييييينك يا راجل فرِد طلة مالها؟؟؟
منتظرين مساهماتك...
كميات مودتي... لك ولكل الأهل والأحباب في المقل والحجير مننننننننننن الحِلِيلي لييييييييييي السعيداب...
أبو الحســـــــــــين...
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
اللوحة الثالثة وهي وصف لايام السدور للمراعي.. وهي عادة اهل تلك المنطقة قبل موسم الخريف ونزول المطر في مناطقهم بتكون مراتع المراعي في مناطق الجنوب الشرقي رويت تب بالمطر, لذا بسدروا الخلاء ببهائمهم.
هوى يا وليد حصل شقيت بطون التيه نص الليل أو سادرت في عتمة وراح منك أبو الضليل واتفرقع مقطع سقط من قصيدة د/ محمدبادي من الذاكرة وقد تكون خربت أرجو من الاخوة المراجعة الأخ الصديق د/ يس ما شاء الله ارشيفك ملآن وكذلك الخليفة ودهاشم بالله شوفو لي أغنية تغنى بها قديماً الفنان القامة محمد جبارة تقول "" عليك ببكي وبنوع يا سيدة مشتاق ديمة طاريك عايك روحي بتروح ياسيدة غرقت في مجاريك.
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: هوى يا وليد ... حصل صحاك عز الهجعة صوت شتماً بعيد مخنوق وجاتك شخرة الطنبارى مشتاقاً يسوى القوق ونومك طار واتقسم والرشرش صبح مفروق واتلفحت نص من توبك الجرجار على الدلوكة سايق سوق وتلقى هناك بنات بلدك ولاد بلدك يعلو الصفقة تقدح فى القلوب الشوق ونغم الفال ابشرن يا بنات بالخير والجنيات تطير لا فوق وكم زغرودة تتفجر تفور بالناس بعد ما تروق يعوم الوز صدورو تشابى للمجهول وما بتضوق تميل زينوبة زى البان يمين وشمال تودى الطوق واخوان ام شلخ ينكبو جوه الداره زى صقرا نزل من فوق |
الأُستاذ موسى الحسين...
وأنا أهديك اللوحة الفوق دي...
شوف عليك الله يا أُستاذي...
وجاتك شخرة الطنبارى مشتاقاً يسوى القوق
ونومك طار واتقسم والرشرش صبح مفروق
أنظروا إخوتي الكرام لوصف الصحيان جابو كيف عشان القافية...
وأنا طبعاً قرَّطت على المقطع دا وما جبت سيرة الدق والصوط عشان ناس كدي!!! قالو ما جربوهو!!!
ولا إترنموا مع بحر النيل (الله يمد في أيامها)...
الصووووووووط الصوط يا جنا...
الصوط أحلى من الموت يا جنا...
كميات مودتي...
أبو الحســـــــــــين...
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
بسم الله الرحمن الرحيم
انا الماساتي ما بتتقال ........................
الشاعر..قسم السيد عبدالرسول ................................
انا الماساتي ما بتتقال بقيت احسب عميري الفات عذب لا حفلة لا شبال لقيت الفات كتير وكتير مرق لا زوجة لا اطفال تراني فى مهب الريح مريكب لا فحها الشلال بقيت مسحور عيونك ديل اتحجر بقيت تمثال وافتش فى مكانك وين لقيتك فى قليبى هنا .... انا الجرب مآسي الغي تعال شوف كيف حفن كرعي وانا اتبشتنتا يا خلاي فوق درب الفريع الني بقت لى مع العيون قصة مخلفة فوق جروحى الكي خيالن مادوام نافر يحلق فى خلاهو الصي ولا قادر افيق وارجع ولا قادر ادارى البي واشوف غيمك انا العطشان واقول هسع يجيني الري وفكر فى امور الحب وادور في ساقية غير معني ... يا حليلى انا حليل ايام سعادتي معاك وكت كان الزمن بسام يشاور لى دوام ضحاك يضمنا كان هدوء الليل هو لا حس همسة لا كوراك لقيت يا قلب زولك بعد وجعك لقيتو دواك اتاريهو الزمن دولاب قسي ورجعني الف سنه ... طريتا انا طريت السمحة بين اهلها وكت تنزل وكت تطلع مع الحوب يجتمع شمِلها تمد ايديها للمنقة تداعب للجريد قبلها وماهماها زولا فات يقاسي الغربة من اجلها ماخلاني ابتليت بي ريدها افتل فى حبال رمله كمان خايف الجنون يحصل تفوت عقليتي بى قبلها بوريكم مآسي غرامي عشتها وعمرى كان تمنها .
..............................................
حاتم هاشم
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: حاتم هاشم)
|
بسم الله الرحمن الرحيم
ارادة الله مقدره ...............
للشاعر..عبدالله التاج ....................
ارادة الله مقدرة قسمة مكتوبة مقدرة فيها نعمل ايه ياتري ما خلاص سايبين القري الزمان كيف جار افتري جانا بأحداثها مدبره هى النفوس باكية محسرة والسفر من غير خاطرها ياهو داك شبح القاطرة فى النفوس باكية محسرة دقة الساعة مؤشرة وحس كبيبية مكسرة والسفر من غير خاطرة تاني لا ونسات فى ضرا لا حسيس نغمة معبرة لا نشوف ليلات مقمره لا حسيس صفقة منقرة .
.....................
حاتم هاشم
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: إذما البيت لبخ جالوص ومزبل للخريف عمه وكان جواهو محبوبين وهبابين وخمسة عيال وسحارة وكان في البيت عقاب معزايه للشفع وكان الدنيا يا الضلمه وكان القبله جهاره وكانت غيمه دراره |
بادر بالسؤال لرفيق الدرب والجار ات يا محمد دا شهر كم فقال له نحن في مارس وداخلين علي ابريل وما بعيد بجي الخريف لكن لي شنو سؤالك ,,, والله يا محمد بدور ازبل البيت لكن ماعندي وبدورك تديني قريشات,, فرد محمد والله ما عندي المبلغ الليزبلك كل البيت لكن بديك مبلغ يكفي تزبل البيت عمة بس يكفيكم شر هدم الأمطار ويستركم وكان وقد حدث. زبالة البيت عمة تعني ان يزبل الإنسان الذي لا يستطيع زبالة البيت كله. أن يزبل فقط رأس البيت وتكون الزبالة نازلة شوية من رأس البيت على الحيطان ولذا شبه هذا النوع من الزبالة انها عمة والجامع وجه الشبة في كل ( مكروبة ومربوطة في الرأس )
هذا البيت البسيط الذي يمثل من مجمل بيوت السودان الغالب الاعظم كان جواهو محبوبين هما اب احمد وام احمد وخمسة عيال كبيرهم أحمد الذي كنيّ به ابيه وسحارة والسحارة هي دولاب يحفظ فيه كل ثمين وقد كانت والتفسير لشباب اليوم اللذين فاتهم زمنها وانشغل أهلهم بتعريفهم بها, وعنزة وحيده وهبابين والهباب هو عنقريب صغير الأرجل ويقرب من الأرض وخفيف بسيط لاحظ معي عزيزي القاري انهم حتى لا يملكون عنقريب عادية وسبعة افراد في البيت وعندهم هبابين فقط. اراد شاعرنا الفذ أن يوحي لانا ويعرفنا عن حالة اهل البيت او النوذج الذي استند عليه في ابيات قصيدته انه بيت عادي بل اكثر من ذلك أنهم فقراء وفقراء وهذا ما طلعوا به من دنياوعلهم يحيو حياة كريمة في الآخرة ونسأل الله لهم ذلك لكل في فقير تعذب وصبر في الدنيا الزايله. في داخل هذا البيت البسيط وفي ليلة مظلمة وكانت القبلة جهاره كناية عن شدة البروق وكانت غيمة درارة داكنة تحمل الخير للناس ولا يتظلموا أن هدمت ودمرت المطر خير وخير مطلق مهما كان.
| |
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
ود الحسين و البقية التمام سلام يغشاكم مع القموري المقيل فوق نخيلكم وهاكم دي لي ابن كرمكول الطيب وليد صالح في وصف جده
[ ...انه ليس شجرة سنديان شامخة وارفة الفروع في أرض منت عليها الطبيعة بالماء و الخصب, ولكنه كشجيرات السيال في صحاري السودان, سميكة اللحي حادة الاشواك, تقهر الموت لأنها لا تسرف في الحياة.] مؤسم الهجرة للشمال, صفحة 83.
وقال صاحبنا يصف البلد:
[ تتابعت الاعوام, عام يتلو عاما, ينتفخ النيل, كما يمتلئ صدر الرجل بالغيظ, ويسيل الماء بين الضفتين, فيغطي الارض المزروعة حتي يصل الي حافة الصحراء عند اسفل البيوت, تنعق الضفادع بالليل وتهب من الشمال ريح رطبة مغمسة بالندي تحمل رائحة هي مزيج من اريج زهر الطلح ورائحة الخشب المبتل ورائحة الارض الخصبة الظمأي حين ترتـوي بالماء.] عرس الزين, صفحة 32.
بجايكم صادي
| |
|
|
|
|
|
|
|