الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد...

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 14-12-2018, 07:20 PM الصفحة الرئيسية

مدخل أرشيف الربع الرابع للعام 2009م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
10-04-2007, 02:06 PM

خالد العبيد
<aخالد العبيد
تاريخ التسجيل: 07-05-2003
مجموع المشاركات: 21545

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)

    ود محجوب اخوى

    مليون سلام من سيدنى

    يلقاك منشرح زى الدباس والقمرى

    وليدك ها العديل يبقانا زينة ودخرى

    ولى حد دار جعل سيطكون يدوى ويدوى

    يا اخوى الزيويين ماك الغتيت وغشيم

    فهمان تب نبيه عقلك كبير بالحيل

    شهامة وزى سمح قلبك عطوف وحنين

    ديمة اخو البنات ما شفنا منك شين

    فارس دار جعل ما دبجوك بالسيف

    تمشى بلا سلاح قلبك حرارتو تزيد

    كريم الخسال زى الملوك وأمير

    جددتو الخلافة ودولة أمويين

    ---

    ست البنات .
                   |Articles |News |مقالات |بيانات

10-04-2007, 02:15 PM

ست البنات
<aست البنات
تاريخ التسجيل: 02-10-2002
مجموع المشاركات: 3639

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)

    ود محجوب اخوى

    مليون سلام من سيدنى

    يلقاك منشرح زى الدباس والقمرى

    وليدك ها العديل يبقانا زينة ودخرى

    ولى حد دار جعل سيطكون يدوى ويدوى

    يا اخوى الزيويين ماك الغتيت وغشيم

    فهمان تب نبيه عقلك كبير بالحيل

    شهامة وزى سمح قلبك عطوف وحنين

    ديمة اخو البنات ما شفنا منك شين

    فارس دار جعل ما دبجوك بالسيف

    تمشى بلا سلاح قلبك حرارتو تزيد

    كريم الخسال زى الملوك وأمير

    جددتو الخلافة ودولة أمويين

    ---

    ست البنات . ( يا الحبان انا جيت دايشى وداقسى ودخلت كتبت فوق بوكان أخوى خالد العبيد - دحين العفو !)

    ست البنات .







    · · ·
                   |Articles |News |مقالات |بيانات

10-04-2007, 07:18 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: ست البنات)

    Quote: ود محجوب اخوى

    مليون سلام من سيدنى

    يلقاك منشرح زى الدباس والقمرى


    سراني كلامّك يا الزينة وحنينة ضُمّه
    أخوك باقي جعلي من نمّه بتشيلو الهمّه
    بطير لافوق وإدور صقريّه في الأرض بالتمّه
    ماعدمناك ياست البنات والشكره هيلك نعمه
                   |Articles |News |مقالات |بيانات

10-04-2007, 07:38 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: خالد علي محجوب المنسي)


    ولاد شايق سلام

    الرحول عز العرب والعودة محمودة وفضل .. الغربة قلاية جمرها مُوقد .. بتاكل في الحشى وتشيب بالزول قُبال يومو.
    لا أقول أن الشايقية هم أول من جربوا الغربة والبعد عن الأهل لكنهم أول من وثق لها شعراً ونثرا والشواهد قائمة في ذلك .. حين كانت غربتهم داخل ديار الشمال ... وحين أمتدت لعند بلد الترك كما يحلو لهم أن يسموها وهي الخرتوم زاد المر مرين كتب الكثير في هذا الموضوع من شعراء الشايقية
    دعوة للتوثيق لذلك أحبابي رواد حوش ابوالحسين الفاضل

    حليل أرض الجزائر
    والمراكب والطنابير الترّن
    حليل ناس ليلى
    ساعة الليل إجن
    ياغالية يا تمرة فؤادي
    الليلة ماعاد المراكب شرقّن
    والقمري فوق نخل الفريق
    فاقد الأهل يبكي ويحن
    نحمّل رسائلنا وشواقنا
    لي حبايبنا للأهل
    وللقاطعين الرسائل
    الأحلى من عسل النحل

    لذات الضفائر الطايشه
    بين مجلِس عشيرة وبين أهل
    وبي خجل
    بلدنا.. حابيبنا.. أهلنا
    راحو للحلّه لا بكاتبونا
    لا بفيدونا الحصل

    حليل الراحو
    وخلّو الريح تنوح
    فوق النخل فوق النخل
    حليل الفاتو
    لدار الأهل بدون أهل

    والجروف الكابه
    من شاطئ النهر
    صابه المحلوالنخل متاكّي
    وين سوق طيرو
    وجْوجْ في أمل


    نلاحظ أن هجرتهم كانت في داخل البلاد بدليل راحو لدار الاهل بدون أهل
                   |Articles |News |مقالات |بيانات

11-04-2007, 01:57 AM

yasiko
<ayasiko
تاريخ التسجيل: 04-02-2002
مجموع المشاركات: 2906

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)

    الأستاذة موسى الحسين
    سلام
    بالإشارة لطلبك الخاص بتوثيق التراث
    أحيلك إلى الرابط أدناه لأهديك ما تغنى به
    الأستاذ عبد الرحمن أحمد محمد "عبد الرحمن الكرو" ، وأعتقد أنها
    من كلمات الأستاذ محمد جيب الله كدكي ، راجياً مقارنتها بعهد التكنلوجيا
    الذي نعيشه الآن ، راجياً عدم الحكم من القراء على الشاعر بمعايير اليوم
    وإنما النظر لما قاله الشاعر في ظل معايير الأمس وفي ظل عرف
    بيئته وتقاليده
    ا


    هذا هو الرابط

    يا حليل قرفتنا وتمورنا - ويا حليل طابنا ودليبنا !!
                   |Articles |News |مقالات |بيانات

11-04-2007, 01:31 PM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22545

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)


    سلام يا الحبان
    ما تشوفوا شر
    اخوكم لليلي مغبون من موت الحاجة عشة الشايقية الله يرحمها
    بجيكم صادي
                   |Articles |News |مقالات |بيانات

14-04-2007, 06:06 AM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: طارق جبريل)

    Quote: سلام يا الحبان
    ما تشوفوا شر
    اخوكم لليلي مغبون من موت الحاجة عشة الشايقية الله يرحمها
    بجيكم صادي



    عزيزنا طارق...

    حمداً لله على سلامة الطلة... ونسال الله المولى عزل وجل لوالدتنا عشة الشايقية المغفرة والجنة بجوار المصطفى صلى الله عليه وسلم...

    لك كميات مودتي...


    أبو الحســــــين...
                   |Articles |News |مقالات |بيانات

11-04-2007, 06:29 PM

ست البنات
<aست البنات
تاريخ التسجيل: 02-10-2002
مجموع المشاركات: 3639

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)

    طارق أخوى الحزين -

    حزينون نحن لحزنكم وفقدكم !

    ولكن يا شقيقى هذا حالها الدنيا تقهر وتفاجئ , وتحزننا حد الرهق , ونقوى أو نتحايل على الحزن بالصبر والصبر !

    وأعلم ان بالحلق لغصة , وبالقلب أسى ونزيف , وأتمنى ان تكون آخر الأحزان .

    ورحم الله الوالدة وأسكنها فسيح الجنان . وألهمكم الصبر وحسن العزاء .

    ست البنات .
                   |Articles |News |مقالات |بيانات

11-04-2007, 06:38 PM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22545

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)


    ست البنات كيفنك
    الفقد كان كبيرا الله يلزمنا الصبر
    سلمي على الحبان المعاك
                   |Articles |News |مقالات |بيانات

12-04-2007, 01:38 AM

yasiko
<ayasiko
تاريخ التسجيل: 04-02-2002
مجموع المشاركات: 2906

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
                   |Articles |News |مقالات |بيانات

12-04-2007, 02:57 AM

yasiko
<ayasiko
تاريخ التسجيل: 04-02-2002
مجموع المشاركات: 2906

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)

    في زيفة الاحتفالات ببطولة الشعب السوداني وانتفاضته
    في مارس ابريل نحي الشعب السوداني كله ونحي
    الأستاذ الشاعر / عبد الله محمد خير والأستاذ الفنان/ صديق أخمد
    عبر عرضنا لهذه الكلمات الروائع
    نفسي أرجع وألفح الحرية شالا(ه)
    وألبس التوب المطرز بالعدالة


    يا وطن حبك مَتَكـَّن جوه بين المفاصل


    (عدل بواسطة yasiko on 12-04-2007, 03:08 AM)
    (عدل بواسطة yasiko on 18-04-2007, 01:17 AM)

                   |Articles |News |مقالات |بيانات

14-04-2007, 03:31 PM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: yasiko)

    Quote: يا وطن حبك مَتَكـَّن جوه بين المفاصل



    عليك الله يا دكتور شوف كلمة متكَّن دي... ياكلوها من ياتُو طرف...

    أماااااااااني إن كان إنبرالها خالد المنسي بي يجيها جيهة!!

    كميات مودتي... والصحة والعافية ليك ولي صديقك صديق أحمد...


    أبو الحســــــــــين...
                   |Articles |News |مقالات |بيانات

13-04-2007, 02:36 AM

yasiko
<ayasiko
تاريخ التسجيل: 04-02-2002
مجموع المشاركات: 2906

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)

    Up
                   |Articles |News |مقالات |بيانات

14-04-2007, 06:05 PM

حاتم هاشم
<aحاتم هاشم
تاريخ التسجيل: 31-08-2006
مجموع المشاركات: 1411

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: yasiko)


    بسم الله الرحمن الرحيم
    سلام ياهلنا...

    يا سلام
    ..........
    الشاعر...اسماعيل حسن
    ........................
    لو شـفـتو مـيرى يا سـلام
    لو نهـا زى زيتـونة
    ناضـجة راقدة فوق غصن السـلام
    العيـون الشـاربة من الجور
    توشـوش ليك كلام
    القوام بس شن نقول
    ما خـلاص كمل الكلام
    ميرى زى الريح تولول
    وميرى زى فرخ الحمام
    كنا ننضـم ويا حلاوة اللهجة
    ميرى كان تمتم فى الكلام
    وبى بشيش حدثت ميرى
    قلت ميرى ان شــاء الله اموتو انا
    وبى حنين قالتلى هاو
    ما زمان فرقنا هـاو والله هاو
    ادفنونى ان شاءالله حى
    فى ربـوع الجنة واو
    يا ســلام.
    ............................
    تحياتي...
    حاتم هاشم.
                   |Articles |News |مقالات |بيانات

15-04-2007, 06:26 AM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)

    اللــون

    السر عثمان الطيب...

    يا لون الجرف الشارب
    خضرة لون الزول السمح
    الخاتف من لون الليمون
    مبتلّة شفايفو الزي أم راس
    السال عسلا ونقّط فوق العرجون
    يا لون الفرح إنشرّ في جبين جدّي التربال
    ال "لمّ" المسرة
    وفرح الشفّع كان مرهون بي لون الجرف
    الشارب خضرة لون الزول السمح
    الخاتف من لون الليمون
    وبرنين أوتار طنبور "أب خبتة"
    الفجّر صمت ليالي الشاطي
    إنساب جوّه الأرواح بهدوء وسكون

    الله . . الله . . أنا آه
    يا لون الراية المرفوعة
    يا لون الخرقة المرقوعة
    يا لون الطيبة وينبوعا
    يا لون البت المفدوعة

    يا قزح العصُر النجّا الدفّيقة
    يا نضرة لون الوجه الأغبش
    نام في لهيب الشمس وحرّيقا
    الحيا . .
    فوق وجه الزينة الإتوارت
    عِن شوفة العاشق إندارت
    خلف التمرات

    الله . . الله . . أنا آه
    يا العسجد مندفّق
    عِن غيبت الشٍّمِس النّعساني
    متمدّد . .
    فوق الغيمة الفتراني
    الجات من نبع القدرة الرّبّاني
    روّت بيّوضة العطشاني
    تفترّ . . ثغور البرقالبِشلع
    نورا الأبيض
    متلو جلاليب ناسنا
    الغسلوا نفوسُن
    قصدوا الجامع
    رفعوا كفوفن
    حمدوا الرب
    يوم خدّر نبت الأرض المحلاني

    الله . . الله . . أنا آه
    يا لون الصبح وإشراقو
    الغيب ابوابو مسوجرة
    بين طيّاتو وآفاقو

    الله . . الله . . أنا آه
    يا لون محزون . . ممكون
    مجنون . . مفتون
    بِهواك يا لون بلدي السودان

    ـــــــــــــــــــــــــــ

    كميات مودتي...


    أبو الحســــــــــــين...
                   |Articles |News |مقالات |بيانات

15-04-2007, 05:36 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)

    Quote: يا وطن حبك مَتَكـَّن جوه بين المفاصل


    الحبايب أبوالحسين... والفنان المرهف دكتور ياسين المتكّن جوه جرابو فن جميل مأصل
    نحمد ربنا الذي جعل في عاميتنا السودانية الجميل والكثير من مثل تلك الكلمات التي يترتعش البدن عند سمعاها
    متكّن .. مجكّن ( الجيم بثلاثة حروف وطبعاً انتو يا ابناء بلدي تعرفون كيف نطقها ) ... أقدل فوق عديلك .. أسم قافيب .. وغيرها من الكلمات التي تشرح موسيقاها معناها
    مع العمق البعيد للمفردة ( متكّن ) شوف كما تكنها وين لا الجلد لا في اللحم لا في الدم تكنها جوه بين المفاصل وكان يا ابوالحسين قمتها مرقتها من بين مفاصل بتعقلّو وأقعد كسيح فوق العنقريب

    أقترح أحياء للكم الكبير من مثل هذه الكلمات أن نوثق لها وأن تكون مقرونه بالشرح لمعنى الكلمة حتى تعُم الفائدة

    ارجو هذا لأني جد أجهل الكثير من معاني كلمات أهلنا ولاد شايق

    ولكم ودي وكميات مودتي كما يحلو للحبيب ابوالحسين

    خالد
                   |Articles |News |مقالات |بيانات

16-04-2007, 01:35 PM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: خالد علي محجوب المنسي)

    كتب أُستاذ/ خالد...
    Quote: أقترح أحياء للكم الكبير من مثل هذه الكلمات أن نوثق لها وأن تكون مقرونه بالشرح لمعنى الكلمة حتى تعُم الفائدة

    ارجو هذا لأني جد أجهل الكثير من معاني كلمات أهلنا ولاد شايق

    ولكم ودي وكميات مودتي كما يحلو للحبيب ابوالحسين

    خالد


    تسلم يا خالد يا اخوي على إهتمامك بمفردات كلمات أهلك الشايقية... إنت عارف يا خالد أنا حقيقي مرات كدي قاعد أقول في مفردات كدي عندها مدلولات تعرفها براها... مثلاً زي كلمة متَكَّن... ومجكَّن (بالجيم أُم تلات نقط)... في إختلاف كبير خلاص بينهم... بالرغم من قرب النطق بينهم...

    مَتَكَّن: جايي من تِكِّين التيراب في السرابات وأطراف الحيضان... يعني لا جوة لا جوة...

    أما مجَكَّن "بالجيم أم تلات نقط": جايي من كلمة يجَكِّن النجيلي في الشوالة... أو من كلمة التَبَني زي مثلاً يقول ليك جكن ليهو كرعيهو ديل... ومرات تعني مدْفوس دفِسْ... (يا ربي دي وِضْحَت ولة نستعين بصديق)!!

    ولك كميات مودتي أخي خالد وأبقى قريب...


    أبو الحســـــــين....

                   |Articles |News |مقالات |بيانات

16-04-2007, 04:21 AM

حسن الطيب يس
<aحسن الطيب يس
تاريخ التسجيل: 09-10-2005
مجموع المشاركات: 1312

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)


    أخونا العزيز جدا
    أبو الحسن
    ألله يجازيك خير
    أنا غائب من البلد زمن و اليوم رجعت

    بسلم علي ناس البيت و عم يضحكوا

    الولد حفيدي يفتح الجهاز و يوريني

    Quote: إنت آآ د. ياسين... مسعول من الخير... صاحبك دا مالُو إتْخُووَجْ!!!

    لعلو طيبي!!!

    البرنيطة دي نساها الخواجة عند العمدة جدي يس
    قلت ألبسه أوريكم ليها
    بكرة راجعين للعراقي و الطاقية
    و الله ليكم إنت و د.يس وحشة و شوق
    د, يس غير الوليد البيرفرف أنا كمان بسوي ذيوه
    و صباحات الله بيض

    ناس البيت سموني الخواجه
    ألله يجازي محنك يا أبو الحسن
                   |Articles |News |مقالات |بيانات

16-04-2007, 07:13 AM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: حسن الطيب يس)

    Quote: أنا غائب من البلد زمن و اليوم رجعت

    بسلم علي ناس البيت و عم يضحكوا

    الولد حفيدي يفتح الجهاز و يوريني


    Quote: إنت آآ د. ياسين... مسعول من الخير... صاحبك دا مالُو إتْخُووَجْ!!!

    لعلو طيبي!!!


    أقْبُض! د. ياسين لاحظ لي كلمة حفيدي دي!!! عشان بعدين ما ينكرها!!!

    Quote: و الله ليكم إنت و د.يس وحشة و شوق
    د, يس غير الوليد البيرفرف أنا كمان بسوي ذيوه
    و صباحات الله بيض

    ناس البيت سموني الخواجه
    ألله يجازي محنك يا أبو الحسن



    والله نحن شوقنا ليك بحر يا عملات أُستاذ/ كمال حسن محمد...

    والجابك يا اخوي يجيب لينا الفاتح القرير وهاشم الحسن وطارق الأمين وكل الشباب الطولو غايبين...

    لك كميات مودتي... وأبقى قريِّب... المرة دي الجاتك في التِخِوِِّج سامحتك...


    أبو الحســــــــــين...
                   |Articles |News |مقالات |بيانات

16-04-2007, 04:39 AM

yasiko
<ayasiko
تاريخ التسجيل: 04-02-2002
مجموع المشاركات: 2906

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)

    Quote: أنا غائب من البلد زمن و اليوم رجعت

    أستاذ حسن الطيب
    حمداً لله بسلامتك
    نورت الديار
    أبو الحسين طايرا ليهو "برنيطة" لانو كره العقالات
                   |Articles |News |مقالات |بيانات

16-04-2007, 09:28 AM

مجدي عبدالرحيم فضل
<aمجدي عبدالرحيم فضل
تاريخ التسجيل: 11-03-2007
مجموع المشاركات: 8848

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: yasiko)

    داري والدارك تب ما فاتك
    أفوتكم وين وأقبل وشفتك
    بين نوارة الحلوين شقتني
    شايقي وآيه شايقي وبشلوخ
    تلاته بالله العظيم أتلت الدخله
    وما أمرق تاني من جوه القليب
    بركل الشمال وزينة الكمال أنتوا
    وهاك الوليده ده شلخوه كمان
    أبوالحسين والأحباب

    (عدل بواسطة مجدي عبدالرحيم فضل on 16-04-2007, 09:30 AM)

                   |Articles |News |مقالات |بيانات

17-04-2007, 05:17 AM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: yasiko)

    Quote:
    أستاذ حسن الطيب
    حمداً لله بسلامتك
    نورت الديار
    أبو الحسين طايرا ليهو "برنيطة" لانو كره العقالات



    يجازي محنك يا دكتور...

    عليك الله شفت سماحة صورتو القديمة بتاعة حفيدو ديك بالعِمِيمِي والعراقي...
                   |Articles |News |مقالات |بيانات

16-04-2007, 02:47 PM

yasiko
<ayasiko
تاريخ التسجيل: 04-02-2002
مجموع المشاركات: 2906

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)

    Quote: نفسي أرجع وألفح الحرية شالا(ه)
    وألبس التوب المطرز بالعدالة


    الحبان الأساتذة خالد وأبو الحسين
    سلام
    بالله في بلاغة اكتر من دي
    وشوف توزع الحرية والعدالة بين الجنسين
    ودلالة الشالة(ا) ، زول كمل كل الأساسيات ، وشوف "التظريز في التوب" لزول كمل لبسو
    باحتصار حاجياته الأساسية كإنسان اكتملت ويتضرع بشالته وتوبه المطرز
    أين نحن من هذا كله؟؟؟؟؟؟؟؟
    هذان البيتان يشكلان المدينة الفاضلة في ابسط لغة
    وأقل مفردات ، ربما يحتاج شرحهما كتباً قانونية كثيرة
    لله درك الأستاذ عبد الله محمد خير

    (عدل بواسطة yasiko on 17-04-2007, 10:08 PM)

                   |Articles |News |مقالات |بيانات

17-04-2007, 04:09 AM

حسن الطيب يس
<aحسن الطيب يس
تاريخ التسجيل: 09-10-2005
مجموع المشاركات: 1312

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)


    الحبايب أولادشايق
    الاخوان جدي يس و أبوي أبو الحسن
    انا رسلت البرنيطة في البوسطة

    معنونه لي ابو الحسن وأظنها حتكون لايقة عليه
    إكان أدنا بيها صورة يكون تمام
    و يا ابو الحسن عمك حسن قفل المدد و قطع الستين لي غادي
    نسأل الله الصحة و العافية
    الصحة في هوي الشمال و ريحة الدميري وقراصة القمح في
    صحن الدبكر و الملاح كداد
    ولكم الود كله
                   |Articles |News |مقالات |بيانات

17-04-2007, 06:11 AM

مجدي عبدالرحيم فضل
<aمجدي عبدالرحيم فضل
تاريخ التسجيل: 11-03-2007
مجموع المشاركات: 8848

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: حسن الطيب يس)

    ياسلام ياصديق والله رجعنا لتلك الأيام

    وبالذات أعياد الأستقلال في ربوع نادي الأمتداد

    وهو يغرد بهذة الوحه الوطنية الرائعة مشتهيك أنا يابلد

    وليك راجع لا محاله وبعد حررت نفسك من قيودك ببساله

    انا نفسي ارجع والفح الحرية شاله والبس التوب المطرز بالعداله!

    ورائعات وردي واللمه الحلوه ومحبين الفنان الرائع صديق أحمد وأرتباطوا

    بكل مناسباتنا له منا تحية حب ممزوجه بالود للهذا الرقم في خارطة الأغنية

    السودانية والشمالية المتفرده تسلم ياداري ويابلد أحبابي البركل الشموخ

    ،،،أبوقصي،،،
                   |Articles |News |مقالات |بيانات

18-04-2007, 01:06 PM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: حسن الطيب يس)

    Quote: الحبايب أولادشايق
    الاخوان جدي يس و أبوي أبو الحسن
    انا رسلت البرنيطة في البوسطة

    معنونه لي ابو الحسن وأظنها حتكون لايقة عليه
    إكان أدنا بيها صورة يكون تمام
    و يا ابو الحسن عمك حسن قفل المدد و قطع الستين لي غادي
    نسأل الله الصحة و العافية
    الصحة في هوي الشمال و ريحة الدميري وقراصة القمح في
    صحن الدبكر و الملاح كداد
    ولكم الود كله



    الحِبيّب ود ياسين...

    لك من المودة والمحبة أحلاها وأعذبها...

    إنت عارف يا غالي... أنا من المعجبين جداً بلبس (الكسكسيقات)... جمع كسكسيقة وللماب يعرفوها... هي زي برنيطة عكم حسن الطيب دي لكن شوية كدي حريفاتها البجنبي ديل زايدات... وكُنت دايماً تلقاني حاقبها كدي أيام الجامعة الصباح عشان ألبسها بالظهر في المشاوير الكدي وكدي...

    فلو جاتني حقتك دي حا تكون لي قشرة في إجازتي الجايي ...

    كميات مودتي...


    أبو الحســــــــــين...
                   |Articles |News |مقالات |بيانات

17-04-2007, 03:13 PM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


خالد شقوري... (Re: أبو الحسين)

    صابريه

    خالد شـــــقوري...


    طفت اطراف الفيافي

    شلت صبحي وليلي حافي

    مانسيت ارد القوافي

    زي طعم صبريه مافي

    زي عشم صبريه مافي

    زي نغم صبريه مافي

    شافعي من عربان بلدنا منها وفيها الوداعه

    شتله في قيزان بلدنا قايمي بايده وضراعه

    القديم اللافه طرقي زاهي في روعة طباعه

    البسيمات في وجيها الباهي من زمن الرضاعه

    فاقعي زي شمس العصاري في العمر باقي له ساعه

    في القليب الشايله صافي زي صفا صبريه مافي

    في الهجير راحت تدقق في النهارالحار تورق

    للهدوم بالليل تلتق ....

    في الجرف زارعه له حوض راجي قبل الحين يبتق

    والبسالمه من بلدنا هي تقولو انشالله عافي

    زي كلام صبريه مافي وزي سلام صبريه مافي

    في كريقة خاله احمد شايله ليله وايده تنبح

    شوكي لاقته في دريبه لما كان بالمعز تسرح

    نامت المسكيني تقنت والفوينيس زادو روح

    باقي تمتمه في خشيمه تسال الله المسره تنجح

    ماله مال المسره الا شان حبيب روحه يفرح

    دي البنيه الريده وافي زي غرام صبريه مافي

    زي شعور صبريه مافي زي غرام صبريه مافي

    رادت الناس السمر رادت الصفا والعكر

    رادت الموج الهدر ..........

    ردات الحله وبيوته

    في عيون صبريه طلت ريدة الخلا للبحر

    نافري من قيلة الكرارق وخايفي من قولة السفر

    والرحيل السرو خافي في قلب صبريه مافي

    في زمن صبريه مافي وفي خيال صبريه مافي

    والنهايه المن فصول سيرة البنيه

    لما عادت للبيوت الكانو قبل المغربيه

    مالقت غير الزوامل شايله احلام الصبيه

    شايلي عيدان الكرراق في الصباحات والعشيه

    ضاربي بطن الوادي زفه لمت الناس والسعيه

    والمطيره الضاربي قبلي لاقت الدمعه العصيه

    والرحيل عز البوداي الرحيل وجع البنيه

    زي رحيل صبريه مافي ِ

    زي سفر صبريه مافي

    زي حلم صبريه مافي

    ـــــــــــــــــــــــــ

    ويا ريت د. ياسين لو نزلها لينا بصوت المبدع محمد النصري...

    مع كميات مودتي...


    أبو الحســــــــــين...
                   |Articles |News |مقالات |بيانات

18-04-2007, 01:16 AM

yasiko
<ayasiko
تاريخ التسجيل: 04-02-2002
مجموع المشاركات: 2906

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)

    Quote: صابريه

    خالد شـــــقوري...


    طفت اطراف الفيافي

    شلت صبحي وليلي حافي

    مانسيت ارد القوافي

    زي طعم صبريه مافي

    زي عشم صبريه مافي

    زي نغم صبريه مافي


    الأستاذ أبو الحسين
    ورواد الحوش
    سلام
    هذه هي صبرية فايل سماع وفايل فيديو
    بس وين الأستاذ موسى والأستاذ هاشم والأستاذ خالد
    وست الناس ست البنات
    غايبين طولو
    يا سلام عليك يا أبا قصي
    ذكرتنا ايام جميلة
    لك الود

    فايل صوتي
    استماع
    صبرية





    أوقف التسجيل أعلاه واضغط مرتين على الأيقونة التالية
    Play
    لمشاهدة "صبرية" فيديو



    (عدل بواسطة yasiko on 24-04-2007, 04:14 AM)

                   |Articles |News |مقالات |بيانات

18-04-2007, 05:15 AM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: yasiko)

    Quote: الأستاذ أبو الحسين
    ورواد الحوش
    سلام
    هذه هي صبرية فايل سماع وفايل فيديو
    بس وين الأستاذ موسى والأستاذ هاشم والأستاذ خالد
    وست الناس ست البنات
    غايبين طولو



    تسلم يا د. ياسين وإنشاء الله جرابك ديمي بالأفراح مليان قول آمين...

    والله الناس السألت منهم ديل يبقى كلهم من ناس بي غادي... لكن صاحبي الهني دا الصيفية دخلت يا ربي يكون ناوي يقطع غَرِب؟؟؟

    عساهم بخير ويرجعوا بالسلامة ينوروا الحوش المنور بي وجودكم ومتاوقة الحِبان...

    قواسيب مودتي...


    أبو الحســــــــــين...
                   |Articles |News |مقالات |بيانات

18-04-2007, 02:45 AM

yasiko
<ayasiko
تاريخ التسجيل: 04-02-2002
مجموع المشاركات: 2906

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)

    Quote: القديم اللافه طرقي زاهي في روعة طباعه


    Quote: للهدوم بالليل تلتق ....


    Quote: في الجرف زارعه له حوض راجي قبل الحين يبتق



    Quote: في عيون صبريه طلت ريدة الخلا للبحر


    !!!!!!!!!!!!!!!!!!!!!!!!!!!!!!!!!!
                   |Articles |News |مقالات |بيانات

18-04-2007, 06:17 AM

مجدي عبدالرحيم فضل
<aمجدي عبدالرحيم فضل
تاريخ التسجيل: 11-03-2007
مجموع المشاركات: 8848

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: yasiko)

    Quote: طفت اطراف الفيافي

    شلت صبحي وليلي حافي

    مانسيت ارد القوافي

    زي طعم صبريه مافي

    زي عشم صبريه مافي

    زي نغم صبريه مافي

    شافعي من عربان بلدنا منها وفيها الوداعه

    شتله في قيزان بلدنا قايمي بايده وضراعه

    القديم اللافه طرقي زاهي في روعة طباعه

    البسيمات في وجيها الباهي من زمن الرضاعه

    فاقعي زي شمس العصاري في العمر باقي له ساعه

    في القليب الشايله صافي زي صفا صبريه مافي

    في الهجير راحت تدقق في النهارالحار تورق

    للهدوم بالليل تلتق ....

    في الجرف زارعه له حوض راجي قبل الحين يبتق

    والبسالمه من بلدنا هي تقولو انشالله عافي

    زي كلام صبريه مافي وزي سلام صبريه مافي

    في كريقة خاله احمد شايله ليله وايده تنبح

    شوكي لاقته في دريبه لما كان بالمعز تسرح

    نامت المسكيني تقنت والفوينيس زادو روح

    باقي تمتمه في خشيمه تسال الله المسره تنجح

    ماله مال المسره الا شان حبيب روحه يفرح

    دي البنيه الريده وافي زي غرام صبريه مافي

    زي شعور صبريه مافي زي غرام صبريه مافي

    رادت الناس السمر رادت الصفا والعكر

    رادت الموج الهدر ..........

    ردات الحله وبيوته

    في عيون صبريه طلت ريدة الخلا للبحر

    نافري من قيلة الكرارق وخايفي من قولة السفر

    والرحيل السرو خافي في قلب صبريه مافي

    في زمن صبريه مافي وفي خيال صبريه مافي

    والنهايه المن فصول سيرة البنيه

    لما عادت للبيوت الكانو قبل المغربيه

    مالقت غير الزوامل شايله احلام الصبيه

    شايلي عيدان الكرراق في الصباحات والعشيه

    ضاربي بطن الوادي زفه لمت الناس والسعيه

    والمطيره الضاربي قبلي لاقت الدمعه العصيه

    والرحيل عز البوداي الرحيل وجع البنيه

    زي رحيل صبريه مافي ِ

    زي سفر صبريه مافي

    زي حلم صبريه مافي

    ـــــــــــــــــــــــــ



    تسجيل حضور ومتابعه لهذا الجمال دمت ياأبا الحسين.
    أبوقصي،،
                   |Articles |News |مقالات |بيانات

18-04-2007, 04:06 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: مجدي عبدالرحيم فضل)

    Quote: في عيون صبريه طلت ريدة الخلا للبحر


    مبدع ..مبدع
    جمع موفق وفي الحلال يا سلام يا دكتور تسلم

    خالد
                   |Articles |News |مقالات |بيانات

18-04-2007, 06:38 PM

حاتم هاشم
<aحاتم هاشم
تاريخ التسجيل: 31-08-2006
مجموع المشاركات: 1411

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: خالد علي محجوب المنسي)


    بسم الله الرحمن الرحيم
    سلام ياهلنا...

    موية الشعير
    ................
    الشاعر... اسماعيل حسن
    ...........................


    تطروا صاحبى الكان قبيل
    شانو دقينا المزازيك
    مامهم كان دقنو شالا
    ليه راين فى الحلاقة
    راى عشان ما كان اخو
    وراى عشان يظهر صغير
    المهم الفضلت سبحتو
    كهرمان سبحة امير
    تلقى طول اليوم يسبح
    يا حفيظ بيك مستجير
    وبقرأ يس الف مرة
    زى حجاب يعمى الكبير
    ومرة فى الليل جيتو زاير
    القزاز بالكوم وساقط
    فى الترابيز بالدست
    وصاحبى يشرب بالصفير
    زى الحمار فوق الحفير
    والعجيب لمان يسكسك
    بس قرد فوق قوز رمال
    حامى بى لهب الهجير
    الحقيقة الجو عجبنى
    قت سلام سيدى المدير
    ات دحين البيرة
    ما قالو حرام
    قالى يا شافع الحرام
    ما حرام
    ديه ما موية شعير
    يا سلام
    ..........................
    تحياتي...
    حاتم هاشم.
                   |Articles |News |مقالات |بيانات

19-04-2007, 06:21 AM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)

    إخوتي الكرام...

    أهديكم "بت الإصول" وهي من آخر ما سطر وأبدع أُستاذنا/ محمد سعيد دفع الله...

    وأهديها لكل شيالات التقيلي في غياب أزواجهن...

    مشكورة يا بت الإصول يا زهرة ماب تعرف ذبول...

    تنفح أريجها قريب بعيد ريَّانة في كل الفصول...

    مهما كتبت حروفي فيك واخترت أفضل ما أقول...

    ألقاها ما أوفت ثناك ومقامها ما وصل الحجول...

    يا المنظرك يبهج يسر كل البشاهدِك في الحقول...

    مهما تطول نظراتو ليك فيها ارتياح وما مكان ملول...

    سامحيهو كان قطفك مُحِب من شوقو ما راعى الإصول...

    وطبع البشر من يوم وُجِد يا زهرة معروف كان عجول...

    يا إنتِ يا شمس الفرح في دارنا حاربْتِ الإفول...

    فضلك علينا بلا فرِز طبعك عطا الغيث الهطول...

    غذِّيتي للمغروس نبت وافتَرَّ باسم في الشتول...

    لما استوى وأينع بديع أثمر عناقيد العقول...

    حاشاكي ما كليتي تَبْ في غيبتي كم شلتي الحمول...

    حاملة الرسالة بلا ملل عارفاني ما دُرت الرحول...

    معليش رحلت على أمل كان ظني احققو بس في حول...

    وحالت ظروف فرضت علي تتمدد السنوات تطول...

    عانيت كتير في غربتي ومن شوقي خاويت الذهول...

    عايش هموم من كل لون والبي ما يَبْلابُو زول...

    يا رب تسهل لي النزول ولي بلدي أنعم بالوصول...

    وارجع وأكون بين العِدُول عيشاً هَنِي وعُمْراً يطول...

    ـــــــــــــــــــــــــــــــ

    تعظيم سلام لبت الإصول المعنية في القصيدة ولكل بنات بلادي المخلصات...

    مع كميات مودتي...


    أبو الحســـــــــين...
                   |Articles |News |مقالات |بيانات

19-04-2007, 11:19 AM

الكيك
<aالكيك
تاريخ التسجيل: 26-11-2002
مجموع المشاركات: 20785

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)

    كثيرة هى المحن التى مرت وتمر على السودان على مر الزمن والازمان وكانت لمجاعة سنة ستة انعكاساتها على المجتمع حيث توفى الكثير من الناس بالجوع حيث تفشت المجاعة فى جميع انحاء السودان ..
    وطبيعى ان تفرز تلك البلوة افرازاتها الاجتماعية التى انعكست على الاحياء منهم فى بقية حياتهم ..
    اعود لكم بعد غيبة ومع اروتى تاثر بتلك المجاعة ونظم ابياتا من الشعر خلدت الحالة البائسة تلك على مدى التاريخ ..
    تقول الابيات ..
    للاروتى الجعان والتى يصف فيها حاله فى تلك الايام التى لا اعادها الله علينا وان كان الكثير من اهلنا فى السودان اليوم يعيشون بتلك الحال التى اصبحت من التاريخ للاسف لهم ولكم هذه الابيات على لسان حاله وهو جوعان كما تنطق فى الخليج ..

    اروتى جعان

    يا ريى تدينى ستة وستين حرف
    وقفة من سبروق الجرف
    وتدينى ست بصلات اقرف
    وقرعة ترمس ...وهينين مريق ..
    ديل كلهن فى فكة الريق
    ويا غداى برجاك بالضيق .
    وبعد داك اهبش فى المعاليق ..
    طبعا الجيل الجديد يحتاج للشرح
                   |Articles |News |مقالات |بيانات

19-04-2007, 01:11 PM

موسى الحسين سيد أحمد

تاريخ التسجيل: 07-09-2006
مجموع المشاركات: 143

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: الكيك)


    الحبان جميعاً تحياتي وشوقي

    الصديق وقت الضيق الأخ د/ يس
    استمتعت بأغنية صبرية وقد أبدع فيها الفنان المبدع محمد النصري لحناً وأداء
    كلماتها رائعة ومؤثرة، وحقاً زي طعم صبرية مافي ، زي حنان صبرية مافي ، زي ريد صبرية مافي .
    كل شئ من ذلك الزمن الجميل الآن مافي ، عندما تتلفت حولك تجد كل اهل الحنان والمحبة قد غادروا ، كل الأخوان وشركاء الذكريات إما لحقو بهم أو تشتتوا في أصقاع الدنيا وقد ضاقت بهم رغم اتساعها،
    وجودك هنا او هناك لا فرق للأسف ، هذه ليست دعوة للتشاؤم ولكنه حنين لذكريات جميلة لن تعود.
    بكيت اليوم كما لم أبك من قبل وانا أتفحص في الشخوص الذين ضماهم شريط أغنية بلاص على الصفحة التاسعة من هذا الحوش عرفت منهم الاخ عبود رحمة الله وصديقنا د/ محمد احمد سيداحمد التوم أطال الله عمره.
    شكرالك أخي د/ يس لسؤالك عنا والاخوة الأكارم مرتادي الحوش ، وأنا أتابع هذه الحوش اول بأول.

    الاخ الكيك
    هذه الفترة من تاريخ منطقتنا لم تجد حظها من التوثيق رغم ماحدث للناس هناك في تلك الفترة ولعل الذين كتبوا تاريخ السودان إنحازوا لجهة او فكر معين ومن ثم طمسوا الكثير من الحقائق عنها أو لنقدم حسن الظن ونقول اهملوها أوسكتوا عن إيراد حقائق واحداث مهمة تعرض لها أهل هذه المناطق خاصة الفترة التي أعقبت هزيمة معركة توشكي وعودة الجيوش من تلك المعركة.
    ولعل جمع الأشعار والتراث الذي انتج خلال تلك الفترة قد يلقي الضوء على كثير من الحقائق التي حدثت في ذلك الوقت.

    (عدل بواسطة موسى الحسين سيد أحمد on 19-04-2007, 01:42 PM)
    (عدل بواسطة موسى الحسين سيد أحمد on 21-04-2007, 01:35 PM)

                   |Articles |News |مقالات |بيانات

19-04-2007, 03:22 PM

yasiko
<ayasiko
تاريخ التسجيل: 04-02-2002
مجموع المشاركات: 2906

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)

    Quote: بكيت اليوم كما لم أبك من قبل وانا أتفحص في الشخوص الذين
    ضماهم شريط أغنية بلاص على الصفحة التاسعة من هذا الحوش عرفت منهم
    الاخ عبود رحمة الله وصديقنا د/ محمد احمد سيداحمد التوم أطال الله عمره.


    أستاذي موسى الحسين
    لك السلام مطبوق
    لقد انتابني الشك عندما رأيت تلك الشخصيات وكنت أبحث عمن يؤكد ظني ، فها أنت تؤكد زعمي وتنكا الجراحات
    نعم لا فرق بين تلك وهذه
    دعني ادعوك لزيارة هذا الرابط لنقل سوياً كم أنت "مسيخة" أيها الفانية؟
    لك ودي

    رثـاء لأب / صديق / عزاء لكل من فقدَ عزيزاً / نسأل الله الرحمة لكل فقيد
                   |Articles |News |مقالات |بيانات

19-04-2007, 04:02 PM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22545

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)


    اهلنا يا الطيبين كيفنكم
    عثمان اليمني كان عندو اغنية بتقول
    يا العائد الدار حالها كيف
    ما العايد اصلو بيجيب خبر
    حال الاهل حال البلد
    شمسا شديدا فيها حر


    لو لقيتوها لي أكون ممنون شديد
                   |Articles |News |مقالات |بيانات

20-04-2007, 12:14 PM

حاتم هاشم
<aحاتم هاشم
تاريخ التسجيل: 31-08-2006
مجموع المشاركات: 1411

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: طارق جبريل)


    بسم الله الرحمن الرحيم
    سلام ياهلنا...
    هل زاكراني
    ..............
    عزالدين شكري
    .................

    ياربي هل زاكراني
    زي ما في عاشت زكرتك
    واللا المسافات والظروف
    والدنيا قدرت نستك
    والله كل ما يمر صباح
    تنزف جراحات فرقتك
    واكتب بدمي الغالي ليك
    وارسم واللون لوحتك
    كم مره في اليوم بشتهيك
    وانا مشتهيك في حضرتك
    وكم مره بشتاق للقاك
    وانا شوقي غرق حلتك
    دايما بهدهد شوقي ليك
    وامني نفسي برؤيتك
    لكنو اه شبح الفراق
    خلاني ما ادور لقيتك
    اتخيلي الزول بشتهيك
    ويخاف ويهرب من لقاك
    بيخاف عليك من شوقو ليك
    ما شوقو اكتر من هواك
    ما ريدو ليك ما بتوصف
    ما روحو دايما مشتهاك
    ما قلبو غيرك ما عرف
    وما مستعد يعرف بلاك
    بي حبو ضاق كل الوجود
    ماحبو اكتر من دناك
    اكبر من الذمن الحدود
    الفرقه الهم والهلاك
    وبرضك تختي اللوم علي
    وتقولي ما اهتميتا بيك
    مع اني خاتك في عيني
    ومناي اطول رشرش عينيك
    والله مهما تخلصي ومهما
    تراعي عهودنا ديك
    تلقيني اوفي من الوفاء
    اصدق محب واخلص شريك .
    .......................
    تحياتي...
    حاتم هاشم.
                   |Articles |News |مقالات |بيانات

21-04-2007, 01:24 AM

yasiko
<ayasiko
تاريخ التسجيل: 04-02-2002
مجموع المشاركات: 2906

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)

    Quote: اروتى جعان

    يا ريى تدينى ستة وستين حرف
    وقفة من سبروق الجرف
    وتدينى ست بصلات اقرف
    وقرعة ترمس ...وهينين مريق ..
    ديل كلهن فى فكة الريق
    ويا غداى برجاك بالضيق .
    وبعد داك اهبش فى المعاليق ..
    طبعا الجيل الجديد يحتاج للشرح


    الأستاذ الكيك
    سلام
    هذا كتاب تاريخ كامل للمتأمل
    سلمت يداك
                   |Articles |News |مقالات |بيانات

21-04-2007, 08:51 AM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)

    Quote: اروتى جعان

    يا ريى تدينى ستة وستين حرف
    وقفة من سبروق الجرف
    وتدينى ست بصلات اقرف
    وقرعة ترمس ...وهينين مريق ..
    ديل كلهن فى فكة الريق
    ويا غداى برجاك بالضيق .
    وبعد داك اهبش فى المعاليق ..
    طبعا الجيل الجديد يحتاج للشرح



    الغالي جداً الكيك يا اخوي تغيييييييييييب وتغتس وتجينا بي دُرة...

    أها الشرح خليهو علي حسن الطيب...

    أما أنا داير لي وقفة صغيييييييييرة عند (قُفَّة من سبروق الجرِف)!!! دي الجوعة ولة بلاش!!! الشئ قبضة وااااااحدي بي تشبعوا!!!

    لك كميات مودتي... وبجيك راجع للشرح إن بقى ود الطيب عمل طناش...


    أبو الحســــــــين...
                   |Articles |News |مقالات |بيانات

21-04-2007, 03:01 PM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)

    في سكـون الليــل

    شاعرنا المبدع عمر عثمان (الزومة)...


    فـي سكـون الليـل مـا أحلـى فـي خيـال فـنـان

    يبدع ألحان ... يسـرح هيمـان .... ويـذوب تحنـان

    في سكون الليل والنـاس راقديـن نايميـن فـي أمـان

    يسهـر فنـان بـي دمـع الشـوق يطفـي الأشجـان

    يرحل لي الفـوق جـم نجـم الليـل يفضـل سهـران

    وبـي خِفـة وذوق يبـرا النجمـات ريقـان ريـقـان

    ومن غير مجهـود ينضملـو عقـود أشكـال وألـوان

    هاك يا محبـوب مـن سحـر الليـل أجمـل عنـوان

    ألبس في جيدك وفي إيدك من زينة الليل وأقـدل نشـوان

    في ظلام الليـل ... أسـرار وأسـرار يحكيهـا زمـان

    حيطان وستار مـن عيـن النـاس فـي لِقـا الحبـان

    همَسات الشـوق .. كلمـات الريـد .. وهيـام وحنـان

    والليـل مبسـوط ... وتـرا ًمشـدود إيقاعـو كمـان

    ونسيـم الليـل بـي فوقـن مـار شايـلَ الريـحـان

    شايل فـي طيبـو نـدى البرسيـم وريحـة الحيضـان

    مـا احلـى الليـل وسكـون الليـل فـي لقـا الحبـان

    وما أحلى الليـل لـي زول هيمـان ضـاربَ الوديـان

    طيـف المحبـوب واقـف قدامـو عـيـان وبـيـان

    يتمنى يقول يا ريـت بالصـح .. يـا ريـت لـو كـان

    وينشـد مـوَّال بيتيـن دوبـيـت ويـظـل حلـمـان

    في سكون الليـل .. مـا احلـى الليـل والدنيـا أمـان

    القمر الطالع إسبوعين في أجمل لوحـة رآهـا إنسـان

    وسحابة تعاكس تتحدى .. وفجأة تذوب تصبـح دخـان

    والرملة البيضة تعَكْسَ النور وتبقى سرير لي زول تعبان

    وتجيك نغيمة من الطمبور شايلاها الريح من وين ما كان

    والليل بقى مسرح لي الأحداث ماالليل مستودع لي الكتمان

    ما أحلى الليل وسكون الليل لي شاعر قلبو ملان أحـزان

    أشعارو تنفس آهاتـو وينساهـا همومـو معـا الأوزان

    والليل الهادي يغنِّي معا .. وترقص نجماتو معا الألحـان

    ما أحلى الليل وسكون الليل .. الرحمة الجاتنا من الرحمن

    ــــــــــــــــــــــــــــــــــــــــــــ

    تعظيم سلام صديقي عمر عثمان... وصح لسانك يا اخوي...

    مع كميات مودتي...


    أبو الحســـــــــــين...
                   |Articles |News |مقالات |بيانات

22-04-2007, 03:22 AM

yasiko
<ayasiko
تاريخ التسجيل: 04-02-2002
مجموع المشاركات: 2906

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)

    Quote: أقترح أحياء للكم الكبير من مثل هذه الكلمات أن نوثق
    لها وأن تكون مقرونه بالشرح لمعنى الكلمة حتى تعُم الفائدة

    ارجو هذا لأني جد أجهل الكثير من معاني كلمات أهلنا ولاد شايق
    خالد المنسي



    Quote: الأخ يس رجاء توثيق مثل هذا التراث من الأهمية بمكان بل هو واجب .
    (عدل بواسطة موسى الحسين سيد أحمد on 05-04-2007, 12:41 م


    لقد طلب الأستاذ موسى الحسين والأستاذ خالد المنسي توثيق تراث وكلمات
    الشوايقية ، التي قد لا يعرفها الجيل الجديد رغم محاولة بعض الشعراء
    تضمينها في القصائد وعلى رأسهم الأستاذ محمد الحسن حسن (حميد ، وقد
    ساعد الأستاذ المرحوم مصطفى سيداحمد في نشرها رغم عدم إدراك المتغنين أو
    المرددين للأغنية بها للدلالة الحقيقة للمفردات لغياب الصورة الحقيقية من
    خياله. أسمحوا لي أن أورد لكم شيئاً قيلاً من ذلك القاموس من مداخلة
    للأستاذ ود العوض وآخر ، سقط اسمه سهواً ، له المعذرة ، من منتدى
    أمدر ، وجدتها ذات يوم
    لهم الشكر


    السبلوقة
    الكرّاب
    النقاع
    الكبيق
    الاشميق

    الشرقرق

    البوغة

    الكشّق
    اللقدابة
    البندِق

    الرقراق
    الآرنيق

    النوريق

    الصايح

    القرقريبة

    البسديق

    الكُشر
    الشرو

    الدُقُل

    التُكُل


    Quote: ود العوض أظنك عاوز تبيع الموية في حارة السقايين اعدل طرفك
    السبلوقه حاجز يصنع في مجري الجدول للتحكم في اندفاع المياه عندما
    تسيل من عال إلى واط في الأرض وغالبا ما تكون من حجرين في
    شكل 7 وفي بعض البلاد الرميلة تستخدم الشوالات وغيرها من باغات
    بلاستيك والغرض حتى لا تنخر المياه بجريانها حواف الجدول الناقل
    للمياه في الأرض المنخفضه
    الكراب هو الجزء الاخير من العنقريب المنسوج بالحبال ويشد به من
    وقت لآخر عندما تتراخى الحبال بكثرة الاستخدام وتتمدد
    النقاع هو قطرات الماء المتقطره من الزير عبرمساماته إذ انه
    مصنوع من الفخار وهي صافيه جدا تستخدم في الشاي وفي بعض
    المنازل تترك لسقيا الدجاج
    الكبيق إناء فخاري ذو استخدمات متعددة وهو يشبه الزير الا
    انه صغير الحجم جدا كل يستخدمه حسب بيئته الموية اللبن العجين
    المريسه مع الاحترام والتقدير ونقول انه اناء فخاري صغير يستخدم
    لحفظ السوائل
    الاشميق هو لحاء التمر النخيل تصنع منه الحبال وبالمناسبة اشميق
    البركاوي افضل من الجاو لانه طايع وقوي وكلما قدم وطالت النخله
    صار عديم الفعالية وكلما تغير لونه من الاحمر إلى الداكن الاسود صار
    حبله عديم الفائده سرعان ما ينقطع وبالمناسبة تعرف تفتل الحبل وتكسره
    الشرقرق هو اناء يغلى فيه البن ويوضع في مقدمته حاجز من الاشميق
    لتصفية البن حتى كون خالية من تفالة البن المقلى وكب الجبنه يا بنية
    في ضل الضحاوية
    البوغه آزول والله جدع ذكرتا أيام البوقه دي شغل الرجال وهي تجهيز
    وحفر الارض النقاحه يعني وتوزيع البذور ودفنها وريها بالماء. وبوقة
    الشتاء دائما قمح صعب بالحيل دحين شقت الدقشاوي شئ وضربك حجر الدغش
    الكشك هو مبنى صغير يبنى من الصفيح أو أي مادة متوفره في المنطقة وغالبا

    ما يستخدم كبقاله صغيره او أي غرض آخر لكن هناك أما الكشق او في بعض
    المناطق هو العشق هو عود يوضع في سن الحلقة الصغيرة للساقيه حتى لا ترتد
    القواديس بفعل ثقل الماء المحمول في الالس وذلك عند توقف الساقيه عن
    الدوران يعني فمرلة يد
    التكل هو مطبخ الشايقية
    اللقدابه هي مبنبى يكون زي الصاله يستخدم للمقيل يتجمع
    فيه الناس في كل بيت يتجاذبون فيه الحديث وغالبا ما تكون
    بارده ومهيئة لذلك وفي بعض الاحيان تبني من جريد النخيل أو غيره
    البندق إذا لم اكن مخطئ له معنا آخر في إجزاء من الشايقيه لكن
    المشهور هو السلاح البندقيه
    الرقراق هو اشعة السمش المرسلة بين فجوان عرش المبني المصنوع من
    جريد النخل
    الارتيق الارتيق هو المنطقة التي تستطع فيها الشمس في الشتاء وتكون
    محمية بحائط يمنع هبوب الرياح يستخدم للتدفئه وغالبا ما يكون في
    ظهر البيوت
    النوريق هو دهس سنابل القمح بعد تنشف وذلك أما بالبقر أو الحمير
    الله يعزك وتكون مرصوصه بعد ان تربط في صف على عود في التقاء وتكون
    الحركة دائرية
    الصايح كفا الله الشر آزول هو شيال الخبر والخبر هنا هو اعلان موت احد
    ويكون غالبا من الشباب ويركب على دابه دون سرج ما سمعت النعام آدم
    فاوضني بلا زعل حيث يقول وينقطع شيال الخبر
    القرقريبه سعفه من سعف الدوم تستخدم لعواسة الكسره وللاسف في الىونة
    الاخيرة استبدلت بالكشتينه أي بلاستيك ويسبب كثير من الامراض شفنا
    الله وإياكم
    البسديق قطعة قماش ينظف بها سطح الصاج من باقيا عواسة الكسره ويكون
    شكلع اسود من كثرة التنظيف و لا يغير لانه مرتوي بالزيت والدهن
    الذي يصب على سطح الصاج لتسهيل استخراج الكسره من والقراصه من سطحه
    الكشر هو عود ينجر له اسنان يستخدم مفتاح للابواب الخشبيه القديمه
    ولعلمك لا كشر يفتح باب آخر بالرغم من التشابه.
    إيه رأيك آزول نجحت أم لا وجزاك الله خير نشطت الذاكره بمفردات قديمه
    للشايقيه


    جل من لا ينسى ينساك الموت
    الدقل في بعض المناطق من الشايقيه تنطق التقل وهو إناء دائري
    يصنع من عرجون النخيل الناشف ويخاط بى سعف الدوم ويستخدم لحفظ
    الكسره او القراصه ويكون باحجام مختلفه ويزين في بعضهم بزيق من
    اللون الازرق وفي الفترة الاخيره صار يوضع للزينه مع الطبق ضمن ادوات
    الزينه في البيوت الراقيه وبعد الصفره والخبز والرغيف ما اظن تاني
    تقوم ليه قائمه حليلي منها ما دوامه
    اما الشرو والله انت ماك هين ابدا الشرو دا هو القفل الذي يقفل به باب
    الخشب وبه فتحات تنزل فيه قوائم خشب تمنعه من الفتح الا بالمفتاح الخاص به
    والمصنوع طبقا للفتحات ودا كلام قديم أظن أسع ما تلقاه ولو في المتحف
    اظك قديم انت آزول او ووروك الكلام دا الكلام دا ما بقوله الا زولا مخضرم
    عفيت منك.

    بس فى نقطة وااااحدة بدور اوضحها وانت سيد العارفين وهى كلمة
    الدُقُل بضم الدال وضم القاف والمعنى الذى ذكرته صحيح وهذا
    الذى يشبه الطبق ويستخدم لحفض القراصة والفطير والكسرة يطلق
    علية ايضا العمارة وهى دائما يلتف حولها طير الجني اثناء العواسة ، اما
    الدقل الذى قصته انا فهو بما يعرف الآن بالكيلون بتاع الباب فهو
    الذى يحتوى الشرو ويتم ادخال الكشر فيه لفتح الكبد او الباب ... اذن
    هو العلبة التى تحوى جميع هذه المعدات وكما قلت هو الكيلون باللغة الحالية
    واستدل على ذلك من قصيدة قديمة للشاعر الفذ كدكي حين قال فى احدى قصائده
    الخالدة وكان يصف وصول احد ابناء البلد الى بلده فى وقت متاخر من الليل
    واخذ يطرق الباب قال - حالتو الكشر فوق الدقل - بمعنى انا هذا الشخص
    لو ركز انتباهه الى الدقل لما احتاج لقرع الباب فى هذا الوقت
    المزعج ..... والشكر لك مرة اخرى بحرارة

    الله يزيد علم وتقوى وتبقى العالم بأمور الدين والدنيا
    الدقل فعلا غابت علي لكن تذكرتها بعد شرحك لى كلام ود الدابي
    الدقل هو العارضه أو الخشبه القويه فوق الباب وتحت تعبة
    الباب محفوره فيها حفره عشان تضبط حركة الباب بلسان خشبي طالع
    من الباب ويدخل في الحفره وحتى مرات يكون ليها صوت لما تفتح وتقفل
    الباب وعادة ما يختو فوقها الكشر فعلا إذا أخطات انا وطلعت ما شايقي
    نصيح لك الشكر وخليك من الكشر والدقل هاك دي وشوف شاعرنا
    عبد الله محمد خير ود الدبه قال شنو في الزمن عام 1981م
                   |Articles |News |مقالات |بيانات

22-04-2007, 06:07 AM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)

    Quote: الدقل في بعض المناطق من الشايقيه تنطق التقل وهو إناء دائري
    يصنع من عرجون النخيل الناشف ويخاط بى سعف الدوم ويستخدم لحفظ
    الكسره او القراصه
    ويكون باحجام مختلفه ويزين في بعضهم بزيق من
    اللون الازرق وفي الفترة الاخيره صار يوضع للزينه مع الطبق ضمن ادوات
    الزينه في البيوت الراقيه وبعد الصفره والخبز والرغيف ما اظن تاني
    تقوم ليه قائمه حليلي منها ما دوامه
    اما الشرو والله انت ماك هين ابدا الشرو دا هو القفل الذي يقفل به باب
    الخشب وبه فتحات تنزل فيه قوائم خشب تمنعه من الفتح الا بالمفتاح الخاص به
    والمصنوع طبقا للفتحات ودا كلام قديم أظن أسع ما تلقاه ولو في المتحف
    اظك قديم انت آزول او ووروك الكلام دا الكلام دا ما بقوله الا زولا مخضرم
    عفيت منك.



    د. ياسين صباحات بجبُوجِية... حلالي الليلي يبقى لي هواك جاي من (أُوسلي) عِدِل...

    إنت عارف قريت الإقتباس الفوق دا... ماااااااا وقعْلي شئ... خصوصاً مسألة الدُقُل دي... داير إقتبسو وأرد عليهو... بأن الإناء البتوضع فيه الكسرة والقراصة وغيرها إسمو العُمْرة أو في بعض الناس بيطلقو عليها العُمارة... فالحمد لله لقيت التوضيح في نفس الموضوع تحت...


    Quote: بس فى نقطة وااااحدة بدور اوضحها وانت سيد العارفين وهى كلمة
    الدُقُل بضم الدال وضم القاف والمعنى الذى ذكرته صحيح وهذا
    الذى يشبه الطبق ويستخدم لحفض القراصة والفطير والكسرة يطلق
    علية ايضا العمارة وهى دائما يلتف حولها طير الجني اثناء العواسة ، اما
    الدقل الذى قصته انا فهو بما يعرف الآن بالكيلون بتاع الباب فهو
    الذى يحتوى الشرو
    ويتم ادخال الكشر فيه لفتح الكبد او الباب ... اذن
    هو العلبة التى تحوى جميع هذه المعدات وكما قلت هو الكيلون باللغة الحالية
    واستدل على ذلك من قصيدة قديمة للشاعر الفذ كدكي حين قال فى احدى قصائده
    الخالدة وكان يصف وصول احد ابناء البلد الى بلده فى وقت متاخر من الليل
    واخذ يطرق الباب قال - حالتو الكشر فوق الدقل - بمعنى انا هذا الشخص
    لو ركز انتباهه الى الدقل لما احتاج لقرع الباب فى هذا الوقت
    المزعج .....



    لكن والله قديِّم خلااااااااااس... شوف كلمة الشرو وحلاوته؟؟؟

    لك كميات مودتي مودتي...


    أبو الحســـــــين...
                   |Articles |News |مقالات |بيانات

22-04-2007, 06:31 AM

yasiko
<ayasiko
تاريخ التسجيل: 04-02-2002
مجموع المشاركات: 2906

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)






    دقل الباب
    وشرو الباب
    والكشر
    كلهن في الباب دا

    تكرم يا ابا الحسين الهوا صلاح الليلي
                   |Articles |News |مقالات |بيانات

22-04-2007, 01:31 PM

موسى الحسين سيد أحمد

تاريخ التسجيل: 07-09-2006
مجموع المشاركات: 143

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: yasiko)

    up
                   |Articles |News |مقالات |بيانات

22-04-2007, 02:15 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: موسى الحسين سيد أحمد)

    Quote: دقل الباب
    وشرو الباب
    والكشر
    كلهن في الباب دا


    لمْلم هدومو من الحبل
    شكاهّا فيها كُسر كُسر
    وسداها بي فقشة جريدتن يابسي
    عارضه زي كُشر

    باب الحراز موروث قديم .. يحكي عن أجيال مضت محفورة فينا .. اثر قدوم حاج سورين النجار الذي ترك مرتفعات ومنخفات توحي عن تقدمه في السن والادية ماصبحت توزن كويس .. وتلك الحفير التي يتدلا منها الجنيزير والطبلي المصقري.. حسيس المفتاح فيها يسوي صير تك صير تك .. يكب لو حبيبة زيت في المفتاح كان اسركن افتح الطبلي بسم الله يا مفرج .. اثر التراب المنزح تحت الباب في العوضه لا داخُل ترك منخفض ان ماعمل حسباك تعتر فوقو تقع رب وتنطفي اللمبة وتحيرك ويندفق جازها فوق الجلابية القعد تكوي فيها العصير بي عدلّو في شان تشيل بيها بيت البوش .. وريحة العوضي ذاتي يا سلام يعبق منها مجمع خليط روائح .. المنقي والتمر والبرتكان والحلبي والشمار والقريبفروت وريحة قرقاب حاجي سعدي وباقي هديماتها في السحاري .. وفي ركين مرمي المجوز الناوين يرسلو للخرتوم للجنى ابوالحسين باقي طول من الطلة للبلد فوقو الجرم والبركاوي والقنديل والدوم .. مركيب حاج سعيد مرمي في وسط العوضه وحيدة بالعدلي وحيدة مقلوبة .. وفوق وسطها ديك ياالشعبي يزين أعلاها لكمة التوحيد ( الله اكبر ) نحت حاج سورين
    الله يديك العافية يا دكتور ياسين
    ولك تحياتنا ومودتنا
    خالد محجوب

    (عدل بواسطة خالد علي محجوب المنسي on 22-04-2007, 02:22 PM)

                   |Articles |News |مقالات |بيانات

22-04-2007, 03:12 PM

yasiko
<ayasiko
تاريخ التسجيل: 04-02-2002
مجموع المشاركات: 2906

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)

    Quote: يكب لو حبيبة زيت في المفتاح كان اسركن افتح
    الطبلي بسم الله يا مفرج .. اثر التراب المنزح تحت الباب في
    العوضه لا داخُل ترك منخفض ان ماعمل حسباك تعتر فوقو تقع رب وتنطفي
    اللمبة وتحيرك



    Thank you Usatz Khalid
    Alaways beyond my imagination
    May God bless you and your family
                   |Articles |News |مقالات |بيانات

23-04-2007, 05:19 AM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)

    Quote: وريحة العوضي ذاتي يا سلام يعبق منها مجمع خليط روائح .. المنقي والتمر والبرتكان والحلبي والشمار والقريبفروت وريحة قرقاب حاجي سعدي وباقي هديماتها في السحاري



    لووووووووووووووووووووول!!!

    الكلمي دي لقيتها وين؟؟؟

    يشهد الله إنك موسوعة يا خالد يا اخوي ربنا يكملك بي عقلك ويحفظك يااااااارب...

    مع كميات مودتي... وبجيك راجع...


    أبو الحســــــــــين...
                   |Articles |News |مقالات |بيانات

23-04-2007, 09:58 AM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)

    محمد سعيد دفع الله...

    خلاص راجع يا ولادى
    بعد سنوات مره حنضل
    قضيته بعيد عن بلادي
    بدورلى طرف في السعادى
    وأعيش بينكم لمّا أودع
    بتات ما أفوت تانى غادي
    مرقت ومو بى مرادى
    ظروف العيشى البتجبر
    تسوق الزول وادي وادي
    كم عانيت في جهادي
    وبعيد عن بلدي آرفاقه
    يشوف كل شي ما اعتيادي
    أقاسى الشوق وليل سهادي
    تقول الشوك في عيوني
    وكمان في فرشي ووسادي
    حروفي بقت ياها زادى
    أحاولا كان لي تصبّر
    تزيل الهم من فؤادي
    دوام ظمآن قلبي صادي
    مناهو النيل يروى منّو
    بيحلم بيهو و ينادى
    كتيره الناس في عدادي
    إلا شعورى البحسو
    مثل مسجون إنفرادي
    معاهن وبينن قعادى
    يروح البال مو معايا
    النهار والليل في شرادى
    سألت رفعت الأيادي
    كريم يقبل لي دعايا
    أعود ويعود طيري شادي

    ـــــــــــــــــــــــ

    كميات مودتي... وربنا يرد غربتك يا أُستاذنا سالماً غانماً ياااااارب...


    أبو الحســـــــــين...
                   |Articles |News |مقالات |بيانات

23-04-2007, 10:00 AM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)

    محمد سعيد دفع الله...

    خلاص راجع يا ولادى
    بعد سنوات مر%E
                   |Articles |News |مقالات |بيانات

23-04-2007, 01:40 PM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)



    صور من بلادي من موقع البركل دوت كوم...

    إهداء للجميع مع كميات مودتي...


    أبو الحســـــــــين...
                   |Articles |News |مقالات |بيانات

23-04-2007, 02:00 PM

مجدي عبدالرحيم فضل
<aمجدي عبدالرحيم فضل
تاريخ التسجيل: 11-03-2007
مجموع المشاركات: 8848

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)

    ديار أحبابي الحنان

    وبيت أبا الحسين وناااس خالد جمال الشيل وجمال في الحديث الزين!

    Quote: : وريحة العوضي ذاتي يا سلام يعبق منها مجمع خليط روائح .. المنقي والتمر والبرتكان والحلبي والشمار والقريبفروت وريحة قرقاب حاجي سعدي وباقي هديماتها في السحاري



    دي تراث قل من يحفظوا بارك الله فيكم يديكم العافية بطان بلدي الحلوين،،

    بجيكم راجع وتاني راجع لسمح وزين والتراب الحنين بالحيل برجعنا لرئحة
    الطين والتميرات ودفيقم وظل ضحي نقرابوا اللوح في مسيد ودالحسين،

    ،،،،أبوقصي،،،،
    يمكن ندل للعرس أخوي أبوريده ،، باقيلي قريب مو بعيد تشوفه العين
    وتحسوا في قلوب العزاري زغاريده جاااايي وجااااااااااااي ده فال زين
    وبنتمه العديل ياعديلة الله تقدموا وتبره .
                   |Articles |News |مقالات |بيانات

23-04-2007, 02:00 PM

مجدي عبدالرحيم فضل
<aمجدي عبدالرحيم فضل
تاريخ التسجيل: 11-03-2007
مجموع المشاركات: 8848

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)

    ديار أحبابي الحنان

    وبيت أبا الحسين وناااس خالد جمال الشيل وجمال في الحديث الزين!

    Quote: : وريحة العوضي ذاتي يا سلام يعبق منها مجمع خليط روائح .. المنقي والتمر والبرتكان والحلبي والشمار والقريبفروت وريحة قرقاب حاجي سعدي وباقي هديماتها في السحاري



    دي تراث قل من يحفظوا بارك الله فيكم يديكم العافية بطان بلدي الحلوين،،

    بجيكم راجع وتاني راجع لسمح وزين والتراب الحنين بالحيل برجعنا لرئحة
    الطين والتميرات ودفيقم وظل ضحي نقرابوا اللوح في مسيد ودالحسين،

    ،،،،أبوقصي،،،،
    يمكن ندل للعرس أخوي أبوريده ،، باقيلي قريب مو بعيد تشوفه العين
    وتحسوا في قلوب العزاري زغاريده جاااايي وجااااااااااااي ده فال زين
    وبنتمه العديل ياعديلة الله تقدموا وتبره .
                   |Articles |News |مقالات |بيانات

23-04-2007, 02:01 PM

مجدي عبدالرحيم فضل
<aمجدي عبدالرحيم فضل
تاريخ التسجيل: 11-03-2007
مجموع المشاركات: 8848

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)

    ديار أحبابي الحنان

    وبيت أبا الحسين وناااس خالد جمال الشيل وجمال في الحديث الزين!

    Quote: : وريحة العوضي ذاتي يا سلام يعبق منها مجمع خليط روائح .. المنقي والتمر والبرتكان والحلبي والشمار والقريبفروت وريحة قرقاب حاجي سعدي وباقي هديماتها في السحاري



    دي تراث قل من يحفظوا بارك الله فيكم يديكم العافية بطان بلدي الحلوين،،

    بجيكم راجع وتاني راجع لسمح وزين والتراب الحنين بالحيل برجعنا لرئحة
    الطين والتميرات ودفيقم وظل ضحي نقرابوا اللوح في مسيد ودالحسين،

    ،،،،أ[وقصي،،،،
    يمكن ندل للعرس أخوي أبوريده ،، باقيلي قريب مو بعيد تشوفه العين
    وتحسوا في قلوب العزاري زغاريده جاااايي وجااااااااااااي ده فال زين
    وبنتمه العديل ياعديلة الله تقدموا وتبره .
                   |Articles |News |مقالات |بيانات

24-04-2007, 04:12 AM

yasiko
<ayasiko
تاريخ التسجيل: 04-02-2002
مجموع المشاركات: 2906

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)

    (عدل بواسطة yasiko on 24-04-2007, 04:47 AM)
    (عدل بواسطة yasiko on 27-04-2007, 04:06 AM)

                   |Articles |News |مقالات |بيانات

24-04-2007, 04:42 AM

yasiko
<ayasiko
تاريخ التسجيل: 04-02-2002
مجموع المشاركات: 2906

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)

    الأستاذ الفنان عبد الرحمن أحمد محمد
    انت ماك زولن صغير .... لا ولاك زولن بوصو
    انت مالريد في عيونك ............ تاني كيفن دار تدسو

    انت ياقيسنا الروانا ............. من بعد وديانا يبسو

    انت يا مرسى الأمان .... الفيهو بعد الهجعة يرسو

    انت شيتن في عيوني قاسي...... ما بتقدر تحبسو

    شيل عيوني وحات عيونك ...... بالعليك احرسو


    قلبي قبلك كان مليس ............... الغرام ماكان بيعرفو

    ليه تسعه سنين مقفل ............... بابو مافيش حد لمسو

    الا يادوب عاد غرامك ............ سوه منو قميص ولبسو
    دابو هاش للدنيا فتح ...... إلا الناس شالو حسو
    انت ياك في الصيف ضليلو ...... انت في امشير ياك شمسو
    انت يا الكلمي الحنيني .... بصبحوحبا الناس ويمسو
    انت يانيلنا البيجري ............ من صفاهو الناس يغرفو
    انت يا دخري التعابا .... ويا الخدار الغتا جرفو
    انت يا الزيف المزرقن ........في الدعاش والناس تكرفو
    تاني كبف أنسالي زولن ..... ديسو نازل غتا كتفو
    تاني كيغ انسالي زولن ..... شال منام عيني طرفو
    لا لا ما بنسالي زولن .... انطبع جوايا حرفو
    تاني كيف انسالي زولن ...... هد جبل اشعاري وصفو
    لالا مابنساه زولي ..... وين في زولن بينسى نفسو
                   |Articles |News |مقالات |بيانات

24-04-2007, 05:24 AM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)

    Quote: انت ياك في الصيف ضليلو ...... انت في امشير ياك شمسو




    أولاً د. ياسين أشكرك جداً على اللوحة الجميلة الرسمتها لينا الصباح دا مع عبد الرحمن الكرو... وأعتقد أن هواك قَلَب علينا كَدِي

    ثانياً أجيك لي حكاية التشبيه الجميل المثل بيهو محبوبتو... شوف ما شدة إحتياجنا نحن في الريف للضُل في الصيف... إبتداءاً من ضُل الضحى البارد حيث تجلس الحريمات ينضِّفِن كان خُدْرة كان شغلانية بيت تاني... (من ضفيري وغيرها)... نهاية بضُل العصر اللي ناس يضيقُو ليهو بي فارق الصبر متين يخُت عشان يطلعوا من الغرف والبرندات لي نسمة بالرغم من أنها في كثير من الأحيان (سمُوم)... فشوف قيمة الضُل عند أهل الريف وإستغلاله الجميل من الشاعر...

    أما شمس أُمشير فسبحااااااانك يا ربي تجد التوفيق أيضاً حالف الشاعر فما أحوجنا لها نحن في الريف حيث البرد القارس وكيف كُنا نباري (الدَّفُّويي) وهي المنطقة بجانب الحيطة العالية لكن الشمس مركزة عليها بشدة ويكون الحائط مضاري الناس من الهواء الشمالي الشرقي!!! أمووووووووووت أنا وألقى الحس الزي دا... وأظنه لو ما خانتني الذاكرة هو حِس شاعرنا محمد جيب الله كدكي...

    مع كميات مودتي... وإنشاء الله دايماً جرابك مليان يا ياسين يا اخوي...


    أبو الحســـــــــين...
                   |Articles |News |مقالات |بيانات

25-04-2007, 09:39 AM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)

    سماح حلفا

    إبراهيم بابكر إبراهيم (البركل)


    سماح دنياك ممتدة لا ساحل ولاضفـــــة

    بلا شاطى بلا ريان بلا مرفـــــأ

    وأتوه فى لجة المجهول بلا مقداف بلا دفـــــة

    ألقى أقدارى تبحر بى براها تسوقنى تتلفــــا

    حقيقة انا ريدتى ذاتها غربية كانت ذاته بالصدفة

    ما اتلاقينا قبالا ولا بيناتنا كان عرفــــة

    ريده غريبة من نوعها .صحيح محتاجة ليه وقفة

    كانت فى البداية كلام وزادت بينا بالالفـــــــة

    لما ايدينا اتلاقت بدت ايدى بى رجفــــــــة

    لأنو سماح سماحة ريد أحلى بنية من حلفـــــــا

    سرحت بعيد مع الخاطر .وبديت اتذكر الزفـــــــة

    واتذكر ولاد بلدى يجونا يشرفو الوقفـــــــة

    تمامة الريد تمامة الجيب وتبقى بداية بى سلفــة

    وبديت اسرح وكمان امرح ونسيت عرس المدن كلفة

    ويقولوا ليك انت أبدأ وهى تجهز الغرفـــــــة

    تشيل وتشيل ماقادر وفجأ ترجح الكفــــــــة

    اشربى من ينابيعك ينبوع ريدى ما جفـــة

    ده شيتا ما قدرتى انا وبحرك مابى يتكفــــــــا

    سماح خليها دنياى تبقى نهاية لى عرفــــــة

    عشان ما نبقى فى السيرة وتفكرى انت فى الخلفــة

    سماح خلينى ما قدرك لودايرة الامور تصفــــا

    حياتك ما حياة اهلى وطباعك ذاته مختلفــــــة

    ـــــــــــــــــــــــــــــــــــــ

    والتحية عبر هذا الشاعر الرائع لكل أهلنا الطيبين...

    مع كميات مودتي...


    أبو الحســــــــــين...
                   |Articles |News |مقالات |بيانات

25-04-2007, 02:07 PM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)

    شوفُو حلاة الوَحْلة دي...



    من حوش الأخ العزيز مامون جعفر من البركل دوت كوم...

    أهديها لكل من طال غيابو عن بلد هذه الصور...

    مع كميات مودتي...


    أبو الحســـــــــين...
                   |Articles |News |مقالات |بيانات

25-04-2007, 02:27 PM

yasiko
<ayasiko
تاريخ التسجيل: 04-02-2002
مجموع المشاركات: 2906

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)

    Quote: انت يا الزِّيف المَزَرْقِـن ........في الدُّعاش والناس تَكُرْفُو

    Where are you Ustaz Khalid from this beauty
                   |Articles |News |مقالات |بيانات

25-04-2007, 03:46 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: yasiko)

    Quote: انت ماك زولن صغير .... لا ولاك زولن بوصو
    انت مالريد في عيونك ............ تاني كيفن دار تدسو

    انت ياقيسنا الروانا ............. من بعد وديانا يبسو

    انت يا مرسى الأمان .... الفيهو بعد الهجعة يرسو

    انت شيتن في عيوني قاسي...... ما بتقدر تحبسو

    شيل عيوني وحات عيونك ...... بالعليك احرسو

    قلبي قبلك كان مليس ............... الغرام ماكان بيعرفو

    ليه تسعه سنين مقفل ............... بابو مافيش حد لمسو
    الا يادوب عاد غرامك ............ سوه منو قميص ولبسو
    دابو هاش للدنيا فتح ...... إلا الناس شالو حسو
    انت ياك في الصيف ضليلو ...... انت في امشير ياك شمسو
    انت يا الكلمي الحنيني .... بصبحوحبا الناس ويمسو
    انت يانيلنا البيجري ............ من صفاهو الناس يغرفو
    انت يا دخري التعابا .... ويا الخدار الغتا جرفو
    انت يا الزيف المزرقن ........في الدعاش والناس تكرفو
    تاني كبف أنسالي زولن ..... ديسو نازل غتا كتفو
    تاني كيغ انسالي زولن ..... شال منام عيني طرفو
    لا لا ما بنسالي زولن .... انطبع جوايا حرفو
    تاني كيف انسالي زولن ...... هد جبل اشعاري وصفو
    لالا مابنساه زولي ..... وين في زولن بينسى نفسو


    الحبان سلام ومرحبتين
    المبدع دكتور ياسين بتعرف الذوق والكلام البضرب ويتوكر جوه ويبدأيداعب في الاحاسيس ومكامن الوجع الدام سنين ... حكايتك معانا بقت زي سيد الضربي الوارمي تألمه ويسلذ أن يضغط عليها برفق مع غمضة عين وهو منجدع علي قفا في عنقريب هبابي متوسد ضراعو تحت لبخة ضليلة كريمة رماية ضليل لعند الجيران.

    نرجع للكلام الحلو ...

    Quote: انت ياك في الصيف ضليلو ...... انت في امشير ياك شمسو


    البحر قايم أمواجو تبلع والشمش تشرق من وسط الشرق دغري لا ميلان صاقعي .. تقوم من صباح ودغغشاً بدري تحلف تقول غازين لك كونش في حلقك من العطش والحلق ناشف زي شراب الأمباشي الشاري في الحبل لي يومين .. وحين ترفع شوية لا فوق تضرب في الجبهة بِدور تشقها عديل... وكان ما حدرتَ الطاقية الحمراء شغل مشغل أم سهمين بت علي ولا سويت جريدة الأيام ضروة في الجبهة .. والعجب العجيب تعامدها في وسط السما داك الحين يفور المخ وتتخمر الافكار وتنشل الحركة أها عاد شن بقى بلا الضل وهو الملجأ والمأوى من الهجير والسموم والقهنوبي البتقلي الحبة ... تخيل زولاً في وسط تلك المعمعة شنو بتكون أمنيته بلا ضل ضليل ينتكي فيهو وياخد لو غميدي وعرقو يخر جداول... في عز الصيف الضل غالي الحبيبة غاليةولا تشرى كان وزنوها دهب ...

    ولما الشم خَوُخت وبردن ليالي الحرة وعاوي الزيف ينفخ تقول صور... الكشكة علت ايادي السغيرين ومافي ضميد وعلاج غير الجلسرين والفازلين وبي العدم ودكاية من متكون الضحية الفايته وهي شن فضل فيها اها حبيبة في قعر الحلة اها غايتو جاي جاي بكورنو ويمشقوا بي الاديات والكرعات الشلاليف ودي حكايتا حكاية أن بقى وصلا الشقيق والضحك وتضحك وخشيمك معوج ... وحيناً ينفتح شقاُ في الإدية ولا الكراع تحلف تقول إخدود .. ودا ماعندو علاج غير تكمد لك فوقو ودكة وتكويها بي جمرة .. الليل دا حكايتو حكاية.. وفي الاويضة والعناقريب متجاورة والمنقد متوسط الاوضه يطقطق فوقو قنقر ( عيش الريف ) يفكو بي رجفة الحنيك من صقيع البردة بعد العشا كان بقى سليقي ولا تشة ولا فول مصلح حار ملهلب تلوك اللقمة خشمك فاتح والبوخ لاوي من الخشيم زي مدخنة فون ودالزاكي .... ومن تصبح تقوم البطينة ملصوقة علي الضهر من الجوع وطول ليل الشتاء قُبال ماتجر مسواك في الخشيم بتسعل يا يمة أن شاء الله رميتي ليك لقيمات ( زلابية ) اها عاد يوم يقولوا ليك اي بالحيل رميتها .. عاد يوم داك بتجيه المسواك واللسان دا من الدعكي بدور ترمي من محلو ... وبعدها ما حل غير قعدة في الدِفوية وزي ماقال ابوالحسين دوما بكون موقع الدِفوية تحت حيطي حاجزة ريح الشمال ومقابلة لشعاع الشمش البقت زي نور التلاجة ومابتحرق ... عليك الله في أغلى من الدِفوية دي في ايام الشتاء فكانت بغلاة المحبوبة

    إستغربت زوجتي من حرة بردنا الجاف في زيارتنا لشندي وقالت لي والله تحمل جسمي درجات حرارة قد تصل ل30 تحت الصفر بس زي برد بلدكم دا ما شفته ينقر في العضام بلا الإبار

    برجع ليك يا دكتور لو مد الله في العمير

    (عدل بواسطة خالد علي محجوب المنسي on 25-04-2007, 04:11 PM)

                   |Articles |News |مقالات |بيانات

26-04-2007, 00:33 AM

yasiko
<ayasiko
تاريخ التسجيل: 04-02-2002
مجموع المشاركات: 2906

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)

    Quote: حكايتك معانا بقت زي سيد الضربي الوارمي تألمه ويستلذ
    أن يضغط عليها برفق مع غمضة عين
    وهو منجدع علي قفا في عنقريب
    هبابي متوسد ضراعو تحت لبخة ضليلة كريمة رماية ضليل لعند الجيران.

    دا اسمو الوجع اللذيذ

    Quote: ومقابلة لشعاع الشمش البقت زي نور التلاجة ومابتحرق ... عليك الله
    في أغلى من الدِفوية دي في ايام الشتاء فكانت بغلاة المحبوبة


    شكراً يا سيد الكلمة
                   |Articles |News |مقالات |بيانات

26-04-2007, 08:13 AM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)

    عاشة بت سيد أحمد الحسن ود هندي...

    نقلاً عن أُستاذ/ عثمان الحليبي... من ديوانها بالبركل دوت كوم...

    إهداء خااااااااااااص للخليفة أبو هاشم...

    ابتديت بالقادر

    إبتديت بالقادر ربنا الرحمن

    ربنا الناظر الخالق الانيس والجان

    الحي القادر الما راهو انسان

    يحفظ الشابات ويحفظ الشبان

    ويهدي الشايبات ويهدي للشيبان

    ينزل التوفيق ويطهر الابدان

    يتركوا الفاني ويعبدو الرحمن

    نحمد القادر ربنا الرحمن

    النجحهم وسواهم نبات احسان

    فوقم اية الكرسي والحمد والفرقان

    تبوا يا شبان كلم شجعان

    شرفوا التاريخ وكرموا البلدان

    ووجدوا التوفير للضمي العطشان

    وافتحوا الديوان واكرموا الضيفان

    نعمة يا تاريخ البينشر الشجعان

    ناس عكود الشيخ وهندي في القيزان

    كانوا اهل الجود والعجب فرسان

    وفي القرير الغالي كانوا اعز مكان

    القرير معروف اخير الاطيان

    فيك جناين مدني وزهرة البستان

    وفيك ولاد سوار ود دغور وخمجان

    رمز درقة وسيف في الحرب شجعان

    في شمالك اوسلي دوحة الاوطان

    ام شتيلا شايل ومروي في الحيضان

    فوقة صوت القمري يطرب الغضبان

    ولدو فيها مهيرة فارسة الميدان

    وولاد عبود بهجة السودان

    الفي مداخل كورتي ولعوا النيران

    بالدم العباسي سجلوا العنوان

    قولي للشايقية الكلهم فرسان

    مافيهم الخواف البقولوا جبان

    لبسوا توب العز الما فيهو قولة ان كان

    فيهم الشاعر الملهم الفنان

    وفيهم الاجواد البي الكرم مليان

    وفيهم التجاني البيعبد الرحمن

    وفيهم السالكين طرق الختم عثمان

    السلام بالدين ممزوج من الريحان

    يغشى لي نبي الله احمد العدنان

    بالسلام الدايم يحفظ السودان
    ــــــــــــــــــــــــــــــ

    صح لسانك أُمنا عاشة بن ود هندي... وكميات مودتي لأساسقِك لا جنا الجنا وللغالي الحليبي...


    أبو الحســـــــــين...

                   |Articles |News |مقالات |بيانات

26-04-2007, 02:11 PM

حاتم هاشم
<aحاتم هاشم
تاريخ التسجيل: 31-08-2006
مجموع المشاركات: 1411

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)


    بسم الله الرحمن الرحيم
    سلام ياهلنا...


    حُبي الفقدتو بعد وَفا
    .........................
    حُبي الفقدتو بعد وَفا
    عَكَّر لي جَوِي بعد صِفا
    وصِبحت سعادتي من المُحال
    جَمري القديم ما كان كَفى
    موقِد يَلهلِب وما انطفا
    جَات تاني هَبَتو ريح منال
    ريدنا الزمان مالو اختفى
    مالا المودة بِقَت جَفا
    ريدًا انت عارفو حُلو وحَلال
    البِت دي وين كت شايفا
    أو مَرَّة واحده مَصَادِفا
    ياصح تقولو سمعنا قال
    رُوحي المَشَحتَفة عارِفا
    مالا السِّيرة بِقَت تَخَوِفا
    شن دار يكون سببا غير الجمال
    مسكيني فاقِدي عَواطِفا
    عَشمِاني فيك تَوالفِا
    راجاك تَجُودلها بالوِصَال
    قلبي العليل كايس الشِّفا
    لو شِلتو في حُضنَك دِفَا
    كان بالسعادة عِميري طال
    قَدَمِي العليك سَاسَق حِفا
    هو بَراهو حَالتو يَوَصِفا
    يَغنِي البيشوفو عن السؤال
    غالبني حالتي أصنِّفا
    وِشِّي وقَفَايا بِقَن قَفَا
    وبقى جِسمي دايما في انتحال.
    ...............................
    منقول
    تحياتي...
    حاتم هاشم
                   |Articles |News |مقالات |بيانات

27-04-2007, 03:29 AM

Osman Musa
<aOsman Musa
تاريخ التسجيل: 28-11-2006
مجموع المشاركات: 17416

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: حاتم هاشم)



    ما سر جمال حياة الناس هناك؟
    غابات النخيل الكثيفة التى
    نبتت على النهر تدرك السر!
    الناس تغنى . الطيور تغنى. حتى
    الضفاضع على الضفتين ظلت تغنى
    وظل كل السودان يرهف السمع.
    لكل قادم من ديار الشايقية .
    لهم كل الحب . انا احمل لهم كل الود والأنتماء الكلى
    والتقدير.
















                   |Articles |News |مقالات |بيانات

27-04-2007, 04:05 AM

yasiko
<ayasiko
تاريخ التسجيل: 04-02-2002
مجموع المشاركات: 2906

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)





    يا مراحب بيك الأستاذ عثمان موسى
    نعم الانتماء


    أفارقا
    كلمات الأستاذ أيوب محمد الحاج / مقاشي
    أداء الأستاذ الفنان صديق أحمد

    (عدل بواسطة yasiko on 05-05-2007, 04:34 PM)

                   |Articles |News |مقالات |بيانات

27-04-2007, 05:16 AM

هاشم الحسن

تاريخ التسجيل: 07-04-2004
مجموع المشاركات: 2150

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)

    انت يا الزيف المزرقن ........في الدعاش والناس تكرفو
    Quote: ولما الشم خَوُخت وبردن ليالي الحرة وعاوي الزيف ينفخ تقول صور
    دا زاتـــو ما ياهو الكلام يا أبان كلام!!!
    تسلمو يا أهل الذوق عالي،
    و لا فـــــــــــوق...

    منطرب بَّكم بلا حد،
    وأشجيتموني دونما (حدود) ياالأخوان


    كيفنكم يا الّخوان؟؟


    وكيف أمسيت يا (ود عمتي المذكور ماك المنسي)؟إنشا الله عافي آآزول؟

    بوستيكم بايلنو مبروك حد دايرلو وضو عشان تقربوا !!!
    و من بركتوا، الشايفا فوق نفسي و ما حدسوني بيها!
    فناني المفضل في أيام الله دي، ياهو (ود النصري)...
    و أخوكم كابي الجرس و يحمد الله.
    و الفضل أولا لي الله،
    و بعدين ليكم يا ود الحسين و يا ياسيكو
    و لي أخونا(معاوية كرفس) و أختنا (ملكة سبأ) في بوستات أخر.
    ولي ود النصري،
    الما متلو أصلي


    وما إنقطعنا، وسننقطع، إلا بسببين


    ضيق الوقت المتاح
    و خوف الضرايب

    في جمهورية (الحنين) و (الحنان)

    و من ثم،




    أبشِِِِِششششششررررر، أبشر بالخيــــــــــــــــــــر


















    وكتّر من ود النصــــــــــــــري
    كتَّر الله خيـــــــــــــــــــركم
                   |Articles |News |مقالات |بيانات

27-04-2007, 02:11 PM

حاتم هاشم
<aحاتم هاشم
تاريخ التسجيل: 31-08-2006
مجموع المشاركات: 1411

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: هاشم الحسن)


    سلام ياهلنا...

    الظروف
    ..........
    كلمات... جادالله عثمان
    ........................
    اداء... عزالدين شكري
    ..........................


    كيفن ألم عليك واتهنـا
    مـادام الظـروف حكمانـى
    والزمن العنيد ماحنّ
    والدنيـا العبـوس حارمانـى
    حرب الريد على ما ونىّ
    واسياف الغرام كاتلانـى
    والقلب الجريح ومعنىَّ
    جرحك دموا ينـزف تانـى
    ماعزرونى فيك اهلنا
    فيك كـل الخلـوق لايمانـى
    ما أصلو البحب فى زمنا
    فى قانونا بصبـح جانـى
    قيس لو مرة حبّ وجنا
    برضي أنا ذيوا روح شقيانى
    بين الآهة بين الأنـه
    الشقـى والعـذاب عنوانـى
    كل ما القمرى قوقا
    وغنـا تتهيـج علـى اشجانـى
    طمبورنا وتر غنـا
    احسبـوا جـوه فـى وجدانـى
    راجى الله البيدى الجنة
    بيك يجمعنى يـا المازيانـى
    اكون رابط الحرير والحنة
    ابشر والخلوق تبعانـى
    تبسم لى الزهور فى الجنة
    يتبكى السحاب باكانـى
    شاركنى الفرح ما ضنىّ
    رشـى وخـدر الوديـان .
    ..........................
    تحياتي...
    حاتم هاشم.
                   |Articles |News |مقالات |بيانات

27-04-2007, 03:54 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: حاتم هاشم)

    Quote: وكيف أمسيت يا (ود عمتي المذكور ماك المنسي)؟إنشا الله عافي آآزول؟


    هاشم الحسن
    سلام بقولك فوق ردي ليك

    دي المحرية فيك وات الضكير ماك حاسي
    يا ود الرجال القِبْل ونحن بيكا نفاشي
    الحال والصحة زين عِلا مهضوم وما متراشي
    هداني الغُرب من الديار والدمع صار قاسي

    لك كميات مودتي على قول شيختا ابوالحسين
    سلام

    خالد محجوب
                   |Articles |News |مقالات |بيانات

27-04-2007, 07:56 PM

حاتم هاشم
<aحاتم هاشم
تاريخ التسجيل: 31-08-2006
مجموع المشاركات: 1411

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: خالد علي محجوب المنسي)


    بسم الله الرحمن الرحيم
    سلام ياهلنا...



    انا الماساتي ما بتتقال
    ..........................

    كلمات... قسم السيد عبدالرسول
    .................................
    انا الماساتي ما بتتقال
    بقيت احسب عميري الفات
    عذب لا حفلة لا شبال
    لقيت الفات كتير وكتير
    مرق لا زوجة لا اطفال
    تراني فى مهب الريح
    مريكب لا فحها الشلال
    بقيت مسحور عيونك ديل
    اتحجر بقيت تمثال
    وافتش فى مكانك وين
    لقيتك فى قليبى هنا
    انا الجرب مآسي الغي
    تعال شوف كيف حفن كرعي
    وانا اتبشتنتا يا خلاي
    فوق درب الفريع الني
    بقت لى مع العيون قصة
    مخلفة فوق جروحى الكي
    خيالن مادوام نافر يحلق
    فى خلاهو الصي
    ولا قادر افيق وارجع
    ولا قادر ادارى البي
    واشوف غيمك انا العطشان
    واقول هسع يجيني الري
    وفكر فى امور الحب
    وادور في ساقية غير معني
    يا حليلى انا حليل
    ايام سعادتي معاك وكت
    كان الزمن بسام يشاور
    لى دوام ضحاك
    يضمنا كان هدوء الليل
    هو لا حس همسة لا كوراك
    لقيت يا قلب زولك
    بعد وجعك لقيتو دواك
    اتاريهو الزمن دولاب
    قسي ورجعني الف سنه
    طريتا انا طريت
    السمحة بين اهلها
    وكت تنزل وكت تطلع
    مع الحوب يجتمع شمِلها
    تمد ايديها للمنقة
    تداعب للجريد قبلها
    وماهماها زولا فات
    يقاسي الغربة من اجلها
    ماخلاني ابتليت بي ريدها
    افتل فى حبال رمله
    كمان خايف الجنون يحصل
    تفوت عقليتي بى قبلها
    بوريكم مآسي غرامي
    عشتها وعمرى كان تمنها .
    ...........................
    تحياتي...
    حاتم هاشم.
                   |Articles |News |مقالات |بيانات

28-04-2007, 12:48 PM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: حاتم هاشم)

    Quote: راجى الله البيدى الجنة
    بيك يجمعنى يـا المازيانـى



    عليكم الله يا اخواننا شوفو حسن النية وصدقها والتذلل للباري في البيت دا كيف؟؟؟

    ويا الحِبَيِّب الله قاعد يدي الجنة ماب يلمك بي محبوبتك وست ريدك؟؟...

    عبرك يا شاعرنا المُجيد... أسأل الله يلم كل البي يهاتو بالرباط المقدس... ويسعِد ويهني المتزوجين ياااااااااااارب...

    كميات مودتي... وتشكرات يا الخليفة أبو هاشم وأنت دايماً تتحفنا من بيت الكلاوي...


    أبو الحســـــــــين...
                   |Articles |News |مقالات |بيانات

29-04-2007, 05:35 AM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: هاشم الحسن)

    كتب أُستاذ/ هاشم الحسن...

    Quote: منطرب بَّكم بلا حد،
    وأشجيتموني دونما (حدود) ياالأخوان



    يا هاشم يا أخوي نحن طلتك دي لينا ذااااااااتة بالدنيا وما فيها...

    بس قاعد تطول الغيبة...

    يا هلا بيك وأبقى لا داخُل مكانك موهَّط تَبْ في قلوب أهل الدار...

    مع كميات مودتي...


    أبو الحســــــــين...
                   |Articles |News |مقالات |بيانات

28-04-2007, 07:32 AM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)

    كتب أُستاذ/ عثمان موسى...
    Quote: ما سر جمال حياة الناس هناك؟
    غابات النخيل الكثيفة التى
    نبتت على النهر تدرك السر!
    الناس تغنى . الطيور تغنى. حتى
    الضفاضع على الضفتين ظلت تغنى
    وظل كل السودان يرهف السمع.
    لكل قادم من ديار الشايقية .
    لهم كل الحب . انا احمل لهم كل الود والأنتماء الكلى
    والتقدير.



    الحِبيِّب عثمان...

    تحية صباحية... وألف حمداً لله على سلامة عودتك...

    إنت غناء الضفادع الذكرتو في مداخلتك دا... ذكرني قصيدة للشاعر الرائع محمد ود حُمد إحمد الشايقي... في مطلع قصيدته (الشوق للريف)...

    بيقول في مطلعها...

    ريفنا الحبيب أنا قلبي عليك مِنْدَلِق...

    وراجي الكريم خالق الخَلِق...

    أجيك راجع وتاني أبداً ما نِتْفَرِق...
    ................................

    ................................

    ويمشي لا تِحِت بعد يتكلم عن جمال الريف يقول...

    وأنا أطرب للقَعُويْ ساعت يغني... ويعجبني الطالِع في التميرات داك يَكَشِّقْ...

    في جلسة معاهو قلت ليهو يا حاج محمد... والله أنا من الله ما خلقني ما شفتلي واحد يطرب لي (نقيق القَعُوي) فقام قال لي يا ولدي ماب تجربو إلا تغيب من البلد (ولاحظو يا إخوتي الغياب من البلد كان سكنو في أُمبدة يعني ما قطوع بحر ولة ركوب طيارة!!) وتجي راجع في ديوان عمي العوض ود التومي وتستمتع بجمال صوت القعوي جاييك من (لَوَرْ) ساقية ود منصوري من لا قِبْلِي...

    التحية والتجلة وتعظيم سلام لشاعرنا ود حُمد إحمد ونسال الله يمتعو بالصحة والعافية يااااااااااااارب... وإنشاء الله أوعدكم بإنزال القصيدة كاملة...

    مع كميات مودتي... وإقامة طيبة يا عثمان يا أخوي...


    أبو الحســــــــــين...
                   |Articles |News |مقالات |بيانات

29-04-2007, 06:48 AM

فيصل محمد خليل
<aفيصل محمد خليل
تاريخ التسجيل: 15-12-2005
مجموع المشاركات: 24911

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)

                   |Articles |News |مقالات |بيانات

29-04-2007, 11:57 AM

حاتم هاشم
<aحاتم هاشم
تاريخ التسجيل: 31-08-2006
مجموع المشاركات: 1411

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: فيصل محمد خليل)


    بسم الله الرحمن الرحيم
    سلام ياهلنا...
    رمــــال حــلـتـنـا
    ............................



    رمال حلتنا زولاً كان
    مأنسك يا حليلو
    فات رحل من بلدو روح
    والله روح فاتلو لدار
    ماها هيلو ماها هيلو
    ياحليلو الكان بيطلع
    يطلع ومره ينزل ومره
    يشرب من سبيلو
    مره يترنم يحاكي الحسو
    يرزم فوق نخيلو
    الليلي باكي دموعه سايلي
    نازلي مابيسرك حويلو
    يبكي مطرطش مودر
    متلفت فاقد دليلو
    الرمال تبكي وتعاتبو
    وتشكي منو وتشتكيلو
    تقولو ليه خلتني فت
    والسمر فتش بديلو
    ياسلام لو كان رجعلك
    يابلادنا الهم يزيلو
    يسمع القمري البغني
    وينسى حزنو مع هديلو.
    ........................
    تحياتي...
    حاتم هاشم.
                   |Articles |News |مقالات |بيانات

30-04-2007, 05:48 AM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: فيصل محمد خليل)

    أخي فيصل خليل جزاك الله خير على الطلة والمرور الجميل...

    ونسأل الله معك أن ينعم على أهلنا بدارفور بنعمة الأمن والأمان وأن يهدي كل من حمل السلاح إلى وضعه والجلوس إلى دائرة العقل والتفاوض... وحقن دماء المسلمين يااااااااااااارب...

    مع كميات مودتي لك صديقي خليل...


    أبو الحســـــــــين...
                   |Articles |News |مقالات |بيانات

30-04-2007, 03:13 PM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)

    كتب الأُستاذ/ صلاح هاشم السعيد... في منتديات البركل دوت كوم...

    الطمبور السوداني

    يعد الطمبور بأشكاله المتعددة من أقدم الآلات الموسيقية الوترية الشعبية في العالم ويرجح قسم كبير من الباحثين أنه اقترع أصلا في الشرق الأوسط غير أنه معروف ومنتشر في مناطق شرقي البحر الأبيض المتوسط وأفريقيا ولا تزال بعض أنماطه القديمة مستخدمة في السودان بنفس بدائيتها.
    ومن المناسب في بداية البحث في أصول هذه الآلة الموسيقية الشعبية العريقة الإشارة إلى أنها تنطق في السودان بالميم والنون ، وفد تنطق بالنون إلا أنها تكتب طمبورا . والطنبور (بالنون) يطلق على نوع الغناء الذي ساد العاصمة السودانية قبيل انبلاج فجر الأغنية السودانية (الحقيبة) ويسمى أفراد الفرقة الغنائية المصاحبة للمغني طنابرة، ويطلق اللفظ نفسه على غناء قبيلة الجوامعة التي يوجد مركزها الرئيسي في مدينة أم روابة عاصمة منطقة شرق كردفان وهو شبيه بغناء أواسط السودان في أوائل القرن الحالي.
    اما الطمبور فيطلق على الآلة الموسيقية الشعبية المعروفة التي تتخذ عدة أسماء داخل السودان نفسه، ومن بينها الربابة، وهو (الأخير) الاسم الأكثر شيوعا في العالم العربي غير أن الاختلاف في نطق اللفظ لا يعني شيئاً، فـ(الطنابرة) العاصميون يسمون أيضا طنابرة في غرب السودان، ويحدث الإبدال الحرفي هناك أيضا، إذ يقول المطرب ابراهيم موسى في إحدى أشهر أغنياته الفلكلورية (أنطوكي للطنباري) . ولعل الأكثر شيوعا تغليب النطق بالميم . دخلت آلة الطمبور طور المشاركة الحقيقية في أغنية أواسط السودان بطريقة منظمة للمرة الأولى العام 1928 بعدما سجلت اول اسطوانة سودانية بصوت المطرب بشير الرباطابي، وقد أنتجتها شركة بيضافون المصرية في القاهرة . وكان الرباطابي : نسبة إلى قبيلة (الرباطاب ) يغني في مقاهي العاصمة بمصاحبة هذه الآلة التي تستخدمها على نطاق أوسع قبائل الشايقية والمحس والرباطاب والمناصير.

    بيد أن اسطوانة بشير الرباطابي لم تطلق حمى الطمبور في الخرطوم ، ولم تكتب لتلك الآلة حياة في الأغنية القومية السودانية بعدما تغلب تيار الغناء (الحقيبي) الحديث ، غير أنها استعادت جانبا من مكانتها في الخمسينيات غداة ابتكار برنامج إذاعي يعنى بفنون ربوع السودان. وقد برع في عزفها المطرب الملحن النعام آدم الذي يعتبر مدرسة قائمة بذاتها في هذا الضرب من الفنون الغنائية. كما أن المطرب محمد جبارة يتميز باسلوب خاص بعزفها .
    والطمبور هو (السمسية) المستخدمة في جنوب الجزيرة العربية. وهو الربابة في صعيد مصر، ويسمى أيضا الطمبورة. وكانت تسمى (كنر).

    أما الطريقة التي دخل بها الطمبور السودان فذاك أمر يثير جدلا كبيرا، فهناك قسم من الباحثين يرى أنه سبح عكس تيار النيل قادما من مصر التي كانت ذات صلة وثيقة بالسودان. ويقول الباحث العراقي الدكتور صبحي الرشيد أن الطمبور أساساً اختراع عراقي كما انتقل إلى روما واليونان ثم إلى مصر ومنها إلى السودان. ويرجح جمعة جابر أنه ربما دخل السودان من أرض الحضارة البابلية عبر آسيا، حيث انتشر في دول الخليج ومنها وجد طريقه إلى أثيوبيا وارتريا فالسودان. غير أن عازف الطمبور والفنان النوبي السوداني المعروف محمد عثمان وردي يعتقد ان الطمبور نشأ في بلاد النوبة وتطور معها ويرفض أن يكون الطمبور وفد إلى الحضارة العريقة من أي مكان في العالم القديم. ولا توجد مصادر تاريخية تنبئ عن تطور الطمبور في بلاد السودان القديم، ويعتقد أن أقدم مصدر أشار إلى الطمبور في السودان هو كتاب الرحالة الأوربي يوهان لودفيج بركهارد الذي صدر في العام 1819م إثر زيارته للسودان العام 1813م . يقول بركهارد : (الآلة الموسيقية الوحيدة التي رأيتها في بلاد النوبة كانت نوعا من الطمبورة المصرية، عليها خمس أوتار، ومكسوة بجلد غزال) ، وأجواء النوبة مفعمة بـ(الميلوديات) . غير أن الرحالة الدنماركي كارستن نيبور ذكر أنه شاهد طمبورا في دنقلا 1776 .

    يؤنث أهل اليمن الطمبور، ويشير الدكتور نزار غانم إلى أن الأرجح أن الطمبور إنتقل من بلاد النوبة إلى سواحل البحر الأحمر من خليج السويس شمالا إلى باب المندب وعدن جنوبا. وكثيرا ما يرد ذكر ميناء سواكن في أراجيز رقصة النبوان الخليجية، وهي قولة في النسبة إلى بلاد النوبة بل ويورد الدكتور نزار كلمات إحدى أشهر رقصات الطمبورة اليمنية ومنها : حبيبي دقنة دقنة يا ماله ـ انجليزي يتمنى حرب سواكن. وجلي الإشارة إلى البطل عثمان دقنة.

    ومما يستدل به على انتقال الطمبور من بلاد السودان إلى منطقة الخليج أن معظم أغنيات السمسية في تهامة وعموم الجزيرة العربية تقوم على السلم الخماسي. ومن أشهر انماط الغناء في اليمن نمط يقال له نوبية . وأشار سيد محمد عبدالله في كتابة ( من حياة وتراث النوبة منطقة السكوت) إلى أن طمبورا شوهد في منزل مغني نوبي يدعى خليل معروف خليل في جزيرة صاي شمال السودان قبل حوالي مئة عام. ونسب المؤلف إلى المطرب النوبي السوداني المعروف محمد عثمان وردي القول أنه شاهد طمبورا في متحف اللوفر في باريس وضعت عليه عبارة (آلة موسيقية نوبية) .

    ولا يختلف اسلوب عزف الطمبور في مختلف مناطق السودان على رغم اختلاف خصائصه في كل منطقة. ويقول الدكتور / مكي سيدأحمد العميد السابق لمعهد الموسيقي والمسرح في إطروحة الدكتوراة التي بحث فيها خصائص اللحن والإيقاع النوبي في منطقة السكوت التي ينتمي إليها أن آله الطمبور تنتج نظاما نغميا يتميز بأنه خماسي بصورة مطلقة كما يتميز بخلوه التام من أنصاف الصوت.
    شاهد المؤلف طمبوراً العام 1994 لدى الفنان السوداني محمد عثمان وردي اعترته إصلاحات وابتكارات عدة، لجهة المواد التي صنع منها، وتزويده أدوات عصرية حديثة لشد الأوتار ودوزنتها، مع تزويقه بطريقة تزينيه معاصرة. وأوضح صاحبه أنه تلقاه هدية من شاب نوبي مصري مغرم بفن النوبة وأصوات أبنائها. وكان الفنان السوداني أبو عبيدة حسن قد استخدم في مستهل السبعينات طمبوراً مطوراً مماثلا.

    ويوجد الطمبور في معظم أنحاء السودان وبأسماء مختلفة، مع اختلافات طفيفة في مواصفات الصنع والتصميم. غير أن تلك الاختلافات واسعة للغاية في مجال الدوزنة. يسمى النوبيون الطمبور الكسر، وتسمية قبائل جبال الانقسنا في جنوب النيل الأزرق جنقر، وتعرفه فبائل البرتا باسم إبنقرنق. وتسمية قبيلة الشلك النيلية في جنوب السودان توم MOHT . وفيما بقيت أوتار الطمبور في شمال السودان خمسة فحسب على مر العصور، توجد أنواع من الطمبور لدى قبائل الشلك والدينكا والزاندي في جنوب السودان يتراوح عدد أوتارها بين السبعة والتسعة. والأرجح أن الطمبور تأثر هناك بالطمبور الشائع في كينيا واثيوبيا واريتريا .

    ــــــــــــــــــــــــــــــــ

    ومن أبي الحسين للباحث صلاح السعيد كميات مودتي وتشكرات جيداً على هذه الجهود الجبارة التي يبذلها في إحياء هذا التراث العظيم...

    مع كميات مودتي...


    أبو الحســــــــــين...

                   |Articles |News |مقالات |بيانات

30-04-2007, 05:11 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)


    أولاد شايق سلام أهلي البجبرّو الحيل
    مدخورين للتقيلة وما بتعرفوا الميل
    هيلكم من قديم أهل تقابة وتسعوا الخيل
    أسياد اصل أصيل مغّور غارب ألآف ميل

    في الباردة متكاتفين وروقكم رايق
    وكت الحارة سيفكم يلاحق الفازة بِِتسارق
    أهل صولة حاشى مابينهم الشليق شالق
    بتفشّو المغبونة وتحلو ضِيقة الضائق

    فوقكم بجر قولي ومابقول سويت
    مستحقين الشكرة أسياد الجداية أم خيت
    أولاد الكرام عُمار الزرع والبيت
    فوق درب الجدود قايمين لا ملة لا مليت

    أنتظم العقد في حوشكم المعمور
    ابوالحسين بقود الركب ووشو مو مصرور
    ودهاشم وياسين الجراب دوام مدخور
    ست البنات تشهل وهاشم بيتكي التور

    مابنسى العزاز أمثال وليد جبريل
    ابوشوك العديل الكل سويعة بميل
    ودالقرير الصامد جبل وجمل للشيل
    وباقي العقد العتيق أخواني البشدو الحيل

    ولكم تحياتي العقد مجتمع والزوار الكرام

    خالد محجوب

    (عدل بواسطة خالد علي محجوب المنسي on 30-04-2007, 05:15 PM)

                   |Articles |News |مقالات |بيانات

01-05-2007, 06:45 AM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: خالد علي محجوب المنسي)

    Quote: أنتظم العقد في حوشكم المعمور
    ابوالحسين بقود الركب ووشو مو مصرور
    ودهاشم وياسين الجراب دوام مدخور
    ست البنات تشهل وهاشم بيتكي التور

    مابنسى العزاز أمثال وليد جبريل
    ابوشوك العديل الكل سويعة بميل
    ودالقرير الصامد جبل وجمل للشيل
    وباقي العقد العتيق أخواني البشدو الحيل

    ولكم تحياتي العقد مجتمع والزوار الكرام

    خالد محجوب



    يا المَكْ العظيم نضمك سمِح بالحييييييييل...

    ليك تعظيم سلام يا الخاتي من الميل...

    الدار بيك منورة يا الصبوح وجميل...

    الله يحفظك رُكْناً تشِد الحيل...


    ـــــــــــــــــــــــــــــــــ

    تسلم يا أخي خالد على هذه الرجزة الصادقة النابعة من قلب صااااااااافي ملؤه المودة والمحبة للكل... ودي ياها دايماً شيمتكم أبناء العم...

    مع كميات مودتي...


    أبو الحســـــــــــين...
                   |Articles |News |مقالات |بيانات

01-05-2007, 02:36 PM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)

    شاعرنا علي محمد سند...

    يوم ألقاك ..

    تبل جرف الأمل جواي ..

    وتروي الشوق ويتلملم شتات الخاطر المحزون

    تبتق فرحة في وش الغنا البكاي ...

    يغني الليل وغلبا ياما هد الحيل .. يهج يرحل

    يفوت بعد الولف دنياي ...

    وتعرف كيف رجيت جيتك على قيف العشم

    مشرور على بحر التمني أساي ...

    وكيف بعدك صبح واحد ... ضلام الليل وشمسا ما تبجيب

    صبحك يطل بين الخلوق ضواي ...

    وكيف بعدك صبح واحد كلام شمات .. جراح الذات ..

    وكلمة حنينة من زولا قريب عزاي ...

    وكيف قاسيت شجون الغربة كان وسط الأهل منفاي ..

    وكم مات بين إيدي صباح .. وكم سبلت لي الأيام

    عشانك ما بكيتو الراح متكنو فرحي في القدام وفي الزمن المعاك رتاي ..

    وأقول لك والخطاوي بعاد ... بشيل طول الليالي سهاد

    على جمر الهوى الوقاد .. يحرق في القليب كواي

    لو طال في سما ي سواد بيرجع يصفى من تالاي

    لو طال

    في سماي

    سواد

    بيرجع

    ليه

    تاني

    صفاي

    ــــــــــــــــــــــــــــــ

    مع كميات مودتي أخي علي وصديقي عصام سر الختم وكل أعضاء منتدى البركل دوت كوم...

    أبو الحســـــــــــين...
                   |Articles |News |مقالات |بيانات

01-05-2007, 04:16 PM

حاتم هاشم
<aحاتم هاشم
تاريخ التسجيل: 31-08-2006
مجموع المشاركات: 1411

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)


    سلام ياهلنا...




    حبى أنا ليك كان زادى
    وكان جوه الحنايا دفين
    كتّ بضـارى من الناس
    وخايفه عليهو من العين
    عـليهو كت بصوم
    وافطر عليهو بكابد النارين
    كت بحـسـب سنين
    الغربة لما تعود تجينى متين
    وكت برجاك فوق
    النار لما وكت لقانا يحين
    نونس فى براءة أطفال
    وفى الحب نروى ننهل زين
    وكـلما يوم يزيد
    البينا لما بقينا قاب قوسين
    اتارى أنا كت فيك مخـدوعه
    وكم من زي مخدوعين
    ما قايلاك حـبيب
    آلاف وقـلبك قبله للضالين
    وما قايلاك بتـنسي
    حبيب صبر راجيك سته سنين
    وساهـر كم ليالى
    طـوال يتقلب شمال ويمين
    كـيفـن يهـون عـليك
    تنساهو زولاً كان عليك حنين
    وتشـغـل بالك الأشــواق
    لمن تزبل الياسمين
    كـت دايراك بسـمة عريضة
    فى وجه الزمان الشين
    وكـت دايراك سـاعة الحاجة
    تبقى ليّ دخرى خزين
    كت دايراك مـقنع
    حوبه وكتين المضارى يبين
    وكت دايراك فـارس احـلامى
    تشاركنى ونتم الدين
    وكت دايراك أمل بـسام
    يزيل ألم البعاد والبين
    كـت دايـراك شـريك
    الروح واخدمك حافية القدمين
    وكت بحـلم بك انت معاي
    مجرتق بالعديل والزين
    جنبك فى يمـينك قاعـده
    نسمع فى دقر يا عين
    تبشـر زين مع الأصحاب
    وتتشـبـل من الوزين
    أنا الأبـحــرت راكــبه الموج
    اكيد مرسايا بين موجتين
    وداعـاً يا زمـن ظــالم
    وبالأفـراح عـليّ ضنين
    وداعــاً يـا قـلب قاسي
    لا بـيحـن ولا بيلين
    وداعـاً يـا سـراب خـداع
    محال ما بيروي عطشانين
    وداعـاً يـا كــلام معـســول
    حـدو ومكـمـنو الشفتين
    وداعـاً يا سحـابـة صيــف
    شايلى مطر ضليلا رهين
    تبـشـر بـى خـريف جايـينا
    ياما الناس رجوهو سنين
    كل زولاً يـفكـر فـيهـا
    ما معـروفـة تـنزل وين
    وألف سلام عليك يا قلبي
    المـسـالم وديمه طبعو حنين
    يتـاورو الـشــوق ويلعـب
    بيهو تنحر فى حشا السكين
    تـعاودو الـذكري تـنتر
    جوا حالو يحنن المسكين
    أخـيراً مـى لـيك سلام
    وقبل ما تجف دموع العين
    وقـبال مـنى مـا تـعدى
    وقبال الفراق ما يحين
    بخيت وسعيد عليك إن شاءالله
    يبقالـك عـمار وبنين
    وقـلبى أنا خـلى فـى
    أناتو بعدك ياما راجى أنين
    ولو كان يا قلـب
    حـبيت بـعـدو بعـد
    قسمت يمين ما ينـتمّ ليك
    مـراد لا تضـوق لا حلو ولا زين
    وتفضل طول حياتك تبكى
    طول عمرك تعيشو حزين
    وعـمرك مـا تجـيك سـعـادة
    مـا تـتهـنا قـول آمين
    وتانى الحـب عليك حرمان
    ووعد الحر أمانه ودين .
    ..........................
    تحياتي...
    حاتم هاشم.
                   |Articles |News |مقالات |بيانات

02-05-2007, 06:05 AM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)

    Quote: ما ينـتمّ ليك
    مـراد
    لا تضـوق لا حلو ولا زين

    وتفضل طول حياتك تبكى
    طول عمرك تعيشو حزين

    وعـمرك مـا تجـيك سـعـادة
    مـا تـتهـنا قـول آمين



    نسأل الله السلامة لا يوم القيامة...

    عليك الله يا د. ياسين شوف شراسة الدعوات دي وكُعُوبِيَّتها!!!

                   |Articles |News |مقالات |بيانات

02-05-2007, 01:59 PM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)

    عبد الله محمد خير...

    رحلة النسيان

    نـســــــيــــــتـــــــك أنــــــــــــــا

    نـسـيـتـك مـــــا لأنـــــي إنــســـان ونــســـاي

    نـســــــيــــــتـــــــك أنــــــــــــا

    لأنــــي بـقــيــت لــمـــا أطـــــراك بـســاهــر

    وإنـــــــت طــيــفـــك مــــاهــــو لــــــــولاي

    نـســــــيــــــتـــــــك أنــــــــــــــا

    عــشـــان ردة فـــعـــل ذكــــــراك جــــــواي

    بــقــت تـنــتــر مــغـــس مـــــرات ولـــــواي

    نــســــــيــــــتـــــــك أنــــــــــــــا

    ونسيت كل السماحه الفوق دريبـا بقيـت غنـاي

    وخليت لـك بلـد بـي حالـو ورحلـت بـي جـاي

    غلطانه إن بقيت فهمتي إنو رحيلـي فـوق رأي

    مهاجر شان أحسن حالي وأرجع ليك شاشـاي

    وحاتك لا لا .. دنيـاك مـا بتوافـق تانـي دنيـاي

    وحاتك لا لا .. لا داير أخادعك ولاني خازاي

    قسا القلب الببكي الشوق عليك بقي ماهو بكاي

    وجفاها القمري عصرياتنا ماعاد فيها .. قوقاي

    صحيح حسدوني فيك زمن عزلتك وقالوا نقاي

    ما عارفني بكدح وبشقـى ساكـت ومانـي لقـاي

    يفيض بحرك يعم وما فيهـو مـن تـالاي سقـاي

    نسيتك أنا وبفتش في دليـل لـي دربـي ضـواي

    دحيـن أطفيهـا نـار الغـيـره أو زيديـهـا بـوبـاي

    وأبكي على غرورك بعدي أو كوسيلو رضاي

    وقـول لـي مـعـاك سـلامـه، أو قوليـهـا بـابـاي

    ـــــــــــــــــــــــــــــــــــــــــــ

    نسأل الله الصحة والعافية لشاعرنا المرهف عبد الله محمد خير يااااااارب...

    مع كميات مودتي...


    أبو الحســــــــين...
                   |Articles |News |مقالات |بيانات

02-05-2007, 09:55 PM

حاتم هاشم
<aحاتم هاشم
تاريخ التسجيل: 31-08-2006
مجموع المشاركات: 1411

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)


    بسم الله الرحمن الرحيم
    سلام ياهلنا...

    تحياتي...
    حاتم هاشم.
                   |Articles |News |مقالات |بيانات

03-05-2007, 07:53 AM

موسى الحسين سيد أحمد

تاريخ التسجيل: 07-09-2006
مجموع المشاركات: 143

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: حاتم هاشم)

    جاء في صحيفة الخرطوم اليوم الخميس 3/5/2007م خبر بعنوان تكريم الشاعر السر عثمان ويقول الخبر
    يشهد نادي الهلال بامدرمان مساء اليوم الخميس إحتفالاً كبيراً لتكريم الشاعر السر عثمان الطيب يشارك فيه كل مبدعي قبيلة الطنبور من شعراء وفنانين نذكر منهم الفاتح ابراهيم بشير حاتم حسن الدابي وآخرين بجانب الفنانين .
    والجدير بالذكر أن الشاعر السر عثمان الطيب قد تغنى له معظم فناني الطنبور بأغنيات شهيرة نذكر منها (بحر المودة) التي شدا بها الفنان محمد جبارة والتي يقول مطلعها: يايمة رسلي لي عفوك ينجيني من جور الزمان.

    و من جانبنا نرجو ان يكون قد تم الإعداد لهذا الحدث المفرح الإعداد الجيد حتي يأتي حفل التكريم بالصورة التي تليق بهامة هذا الرجل الرمز الذي عطر سماءنا وشحن وجداننا باعذب الكلمات وأحلى الألحان وهو بلا شك رجل يستحق التكريم .

    (عدل بواسطة موسى الحسين سيد أحمد on 03-05-2007, 08:05 AM)

                   |Articles |News |مقالات |بيانات

03-05-2007, 05:16 PM

حاتم هاشم
<aحاتم هاشم
تاريخ التسجيل: 31-08-2006
مجموع المشاركات: 1411

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: موسى الحسين سيد أحمد)


    سلام ياهلنا...
    الاستاذ موسي
    سلامات..الف شكر علي المعلومه
    والاستاذ الشاعر السر عثمان
    يستحق التكريم واكثر

    تحياتي...
    حاتم هاشم.
                   |Articles |News |مقالات |بيانات

04-05-2007, 06:36 AM

سمية الحسن طلحة

تاريخ التسجيل: 18-11-2006
مجموع المشاركات: 4712

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: حاتم هاشم)

    سلام ياأهلنا
    أبو الحسين وزواره الكريم
    هاكم كلام ود الرضى البشبهكم ده :ـ



    نحن بنو الحسين والزهرا حبوبتنا
    يوم دق النحاس إياه يوم حوبتنا
    نحن الصالحين شربوا عقاب حوبتنا
    نحن السم شربناه والدابى فى عببتنا
    ود الــرضــــى
                   |Articles |News |مقالات |بيانات

05-05-2007, 05:54 AM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: موسى الحسين سيد أحمد)

    Quote: حتي يأتي حفل التكريم بالصورة التي تليق بهامة هذا الرجل الرمز الذي عطر سماءنا وشحن وجداننا باعذب الكلمات وأحلى الألحان وهو بلا شك رجل يستحق التكريم .



    تسلم صديقي أُستاذ/ موسى على إيراد هذا الخبر المُفرح وتشكرات عبرك لكل القائمين بهذا التكريم المستحق لهذه القامة من قامات الشعر والإبداع في بلادي...

    ولك وعبرك للسر عثمان الطيب وكل الإخوة الكرام كميات مودتي...

    وداير أسألك... وييييييييييين د. ياسين ليهو مدة ما ظهر عساهو وكل الإخوة الطولوا ما تاوقوا علينا بخير وعافية...


    أبو الحســـــــــين...
                   |Articles |News |مقالات |بيانات

05-05-2007, 02:00 PM

حاتم هاشم
<aحاتم هاشم
تاريخ التسجيل: 31-08-2006
مجموع المشاركات: 1411

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)


    بسم الله الرحمن الرحيم
    سلام ياهلنا...



    عـــافــيـــة مــنــك
    وراضــيــة عنــك سـو رضايـا
    ومـــا بـيــخــــيـــــب الـرضــا
    والـدتــو يـا جــنـايـا
    أنت مـن يـا دوب صـغــيـــر
    مـن زمان دايماً مـعايا
    أنــت ديـمـه أمـامـي سـايـــر
    مـا بخـليـك بـي قـفايـا
    ما بتغيب من عيني لحــظـة
    ولا حصـل سبتك ورايا
    لا من الله يشيـل أمانتوا
    أنا بـبـقي خاصاك بالرعـاية
    ليَ يــرعــاك الـبـيـــرعـي
    لـيَ بـيــك يبـــرد حشايـا
    أصــلـك أنــت هـديــه مـنـو
    والله بـيـك أجزل عطايا
    جيـتــنـي واحـد مـالـي
    تــانى رحمـه في آخر صبايا
    قـبــل مــا أفــقــد قــدرتـي
    وقـبــل مـا تنـهـار قـوايـا
    جيـتـنـي ذي بــدر منـور
    وفجـأة طلـيــت فـي سمـايا
    انـت لــمـا خـلاص كـبـرتـا
    دار تسيبني أعيش برايا
    دار تـفـارقـني وتـسـافــر
    والـحــزن يصـبــح جـزايا
    كيف يـهـون لك تحـزن أمـك
    شـان تحـقـق ليـك غاية
    كان مسـافـر شـان عـلاجي بـلـقي
    في شـوفتـك دوايا
    وكان عشـان تـســقـيــنـا
    نهـلك نحـن بي حنـك روايا
    كان عشـان كــرعــيــنـا راحـل
    نحن بي بـعدك حفايا
    كان مهاجـر شــان تـعـرس
    خـيـر أبـوك مالي التكايا
    خـيـرو وافـر أبــوك يحـمـدوا
    مراحو مليـان بالسعايا
    وبالـقروش الجـيــب مـجكن
    ولسه برضو الجايا جايا
    بـرضـي مــنــك مـا بـقـصـر
    بـحـفــر أديـــك المعـايا
    كــان ده كـلــو كـمــان شُـويّ
    بـتلقي في دهبي الكفايا
    أصـلـي مـن ســويـتــو نــاذرا
    إبـقـي لــي أيـام قسـايا
    خـاتـــا للــزمــن البـعــانـد
    لـي سعــادتــك يــا عشـايا
    أنـت مـن شبـيـت صـغـيــر
    راسـي مـا بتحتاج وصايا
    مـا حـصـل خيـبـتــا ظـني
    ولا فشــل فيـك زين غنـايا
    لا تسـيـب أمــك تـهـاجــر
    يـمـه محـتـــاجــي الحـمايا
    لا تسـيـبـني وراك تـرحـل
    إنـت يـاك ضُـلـي وضرايا
    أنـت فـوق الـحـوبــة مـقـنــع
    إنـت للـمـكشـوف غطايا
    دايري مـنـك تـبــقـي جنـبي
    جنبي في فـرحي وبلايا
    دايـري كـان قحـيـت اتـبـنـك
    ارفـع اقـســمـلـك غـتـايا
    أنت سـاعـة تـبـقي جنـبـي
    تـبـقـي ضُـلــي وتـوب قفايا
    ومـا بخــاف ظـلـم الـلــيــالي
    وأنـت يــاك عكاز عمايا
    دايـري أقـضـي عـمـيـري جنـبـك
    أصـلو قارب للنهايا
    خـايـفـي كـان ســافرتـا ترجع
    تلقي فـاضي البيت بلايا
    حـيـنــا مـا بتـنـفـع قـروشـك
    وما تجـيــب لك أم سـوايا
    مـاني عــارفـي سـبــب رحـيلك
    يـا وليدي شنو الحكاية
    إلا تبـقي بـــراك شــايـف
    فـي فــــراق الــوالــدة غـايـه
    ما بعاتبك وما بلومك لو رحلت
    بلـقي في الأمثال عذايا
    عـلـي حـجــر دايـمـاً قليـبـك
    وقليـبـي كـله عليـك جنـايا.
    ..............................
    تحياتي...
    حاتم هاشم.
                   |Articles |News |مقالات |بيانات

05-05-2007, 06:52 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: حاتم هاشم)


    ابوالحسين سلام
    نرجو الأذن آ المبروك ... زارت حوشك البركة بت الشيوخ أهل الراية واللوح

    Quote: سلام ياأهلنا
    أبو الحسين وزواره الكريم
    هاكم كلام ود الرضى البشبهكم ده :ـ


    الريحانة أبوالحسين وصحبّو برحبّو بيكي
    ألف راس بدين في حقّك ماأظن كفاية عليكي
    مفروش الحوش ورود زوارو يفخروا بيكي
    زيارتّك موها ساهلة لابد من توسم ليكي

    والتحية لك اخي وحبيبي ابوالحسين والتحية لبت البطانة المرتع والسهل والوادي ...البطانة والدرق والسيف والطبنجية ... البطانة السكين الحمرا من دميم مذبوح للكرم... البطانة الراية والدواية ... البطانة الحزمة والقومة والعرضة والصقرية ... البطانة الفيها كتير وقولنا قليل ما أظن نوفي حقوقة
    سلام سمية بت الحسن طلحة ومرحب بيك في حوش أهلك ولاد شايق

    ولكما التحية والمودة والاحترام
                   |Articles |News |مقالات |بيانات

06-05-2007, 02:00 PM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)

    الغالي جداً إبن عمي أُستاذ/ خالد المنسي...

    وبت الخلفاء وشيوخ العرب سمية الحسن...

    التحية لكم... وعذراً لو تأخرت اليوم من الدخول لدوحتكم الغناء هذه نسبةً لمشغولية جهجهتني شوية...

    كميات مودتي لكم وأهديكم هذا المنظر الجميل... وما زلت عبركم أتساءل عن سيد الحوش د. ياسين كدي يا خالد يا اخوي الليلي عند المغيرب سرِِّج لي أحمد وليدك اليقُفْرُو يشوف بلدو وين؟؟




    أبو الحســــــــــين...
                   |Articles |News |مقالات |بيانات

06-05-2007, 08:18 PM

yasiko
<ayasiko
تاريخ التسجيل: 04-02-2002
مجموع المشاركات: 2906

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)

    Quote: وما زلت عبركم أتساءل عن سيد الحوش د. ياسين كدي يا خالد
    يا اخوي الليلي عند المغيرب سرِِّج لي أحمد وليدك اليقُفْرُو
    يشوف بلدو وين؟؟


    الحبيب الأستاذ أبو الحسين
    تشكر على السؤال ، لكن اليومين ديل
    معايا نسيبتي ، "بالي راسي ومدوري حلاقي فيهو" !!!!!
    بعد نحلق صلعة بجيكم صاد
    لكم الود
                   |Articles |News |مقالات |بيانات

06-05-2007, 08:34 PM

عبد المنعم ابراهيم الحاج
<aعبد المنعم ابراهيم الحاج
تاريخ التسجيل: 22-03-2005
مجموع المشاركات: 5691

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: yasiko)

    هسّعيتي البوست ده ينقري كيفن..ضمة باقي حيرتي
    زي عملات حبوبات ابو الحسين في غنا عيسي بروي
    ودليبو "الفلللّي"

    " هسة ده انجيتي يرقصو كيف؟

    وانجيت ده يقروهو كيفن

    بوست توثيقي راااائع
                   |Articles |News |مقالات |بيانات

08-05-2007, 05:49 AM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: عبد المنعم ابراهيم الحاج)

    Quote: هسّعيتي البوست ده ينقري كيفن..ضمة باقي حيرتي
    زي عملات حبوبات ابو الحسين في غنا عيسي بروي
    ودليبو "الفلللّي"

    " هسة ده انجيتي يرقصو كيف؟

    وانجيت ده يقروهو كيفن



    صديقي منعم...

    البوست دا تقراهو كدي دا...

    أمس أسمع في أُغنية للرائع وليد أب دوم... شاعرها محمد جيب الله كدكي... أها في ختام الأُغنية في كلمة (كَدِي)... يعني إشارة إلا الفنان يأشرها بي إيدو حتى تُفهم...

    دحين يا منعم يا أخوي هسع البوست دا يقروهو كَدِي!

    Quote:
    بوست توثيقي راااائع



    تسلم يا اخوي وفي إنتظار إضافاتك... وطلتك البتسعدنا على الدوام...

    مع كميات مودتي...


    أبو الحســـــــــين...

                   |Articles |News |مقالات |بيانات

07-05-2007, 05:15 AM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7824

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: yasiko)

    Quote: الحبيب الأستاذ أبو الحسين
    تشكر على السؤال ، لكن اليومين ديل
    معايا نسيبتي ،
    "بالي راسي ومدوري حلاقي فيهو" !!!!!
    بعد نحلق صلعة بجيكم صاد
    لكم الود



    ألف حمداً لسلامة الفَقِيرِية بت الفقراء لأرض أمريكا...

    وأقول ليها يا عملات كلامي قبل كدة لمن زارت الحاجة/ نفيسة بت عثمان ود سورج أمريكا... وعندي علاقة بيها قوييييييييية وأريدها ريد شديد وكل السورجاب عموم...

    والزمن داك أمريكا كانت متورطة لا إضنيها في أفغانستان...

    أها قلت ليها في مطلع قصيدة مدح وفخر لي حاجة نفيسة وعموم السورجاب...

    أماااااااااني آمريكا ألله اداكي من ها العِلَّة حلَلِك بان...

    بت العُمدة ناوية زيارة بُشْرَة خير من السودان...


    والقصيدة طويلة حا أنزلها لمن نصل لحظة التوثيق للسادة السورجاب...

    لك يا د. ياسين وللفقيرية ولأُم سامي وسامي وجمانة والمعاكم كلللللهم كميات مودتي... وألف حمداً على السلامة... وبركة غيبتك البقت مع نسيبتك آ اخوي ... والجابك يجيب لينا باقي الأحباب الغياب...


    أبو الحســــــــين...
                   |Articles |News |مقالات |بيانات

07-05-2007, 12:14 PM

حاتم هاشم
<aحاتم هاشم
تاريخ التسجيل: 31-08-2006
مجموع المشاركات: 1411

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)


    بسم الله الرحمن الرحيم
    سلام ياهلنا...
    كبرياء
    ............
    الرائع... محمد سفلة
    ........................

    لو خايفالي من آهاتي
    وأحزاني البعيشها وراكي
    أعرفي إنو عزة نفسي
    أكبر من مدار إدراكي
    وتاني لا بتهزني ريده
    ولابرجع بجيك متشاكي
    قادر حتي افارق ضلي بس
    رمشي أنا ما يدمع باكي
    من جور الظروف إعتدت في
    كل خطوة اشوفو هلاكي
    أيه يعني إن قسيتي وجرتي
    وإتنكرتي ليهو هواكي
    لا الدنيا بتقيف كان فتي
    لا روحي بتفوت بي وراكي
    لا قلبي العليه إن دهدهتي
    قادر لحظة يستناكي
    الدنيا العبوس بي خيرا
    إياك من تظني إياكٍِ
    ياك قمر الزمان في سمانا
    يالسمحة إتخلقتي براكي
    عذرا لو عليك قسيت
    أو مات في دواخلي غناكي
    عفواً ما بقت تسكرني
    النسمة اليجيبا شذاكي
    وشكرا منك إتعلمت
    أرفع راسي فوق لسماكي
    وأهلا بالضياع والوحدة
    لو رفقت خطاي خطاكي
    وما ندمان علي ما ضينا
    وايامنا اللي راحو فداكي
    وما عشمان اعود من تاني
    وارجع من جديد القاكي
    ولو قايلة بتزلني ريده
    واتحمل غصب يا ملاكي
    خاب ظنك وحاة البينا
    هاكي قليبي واتحداكي .
    ......................
    تحياتي...
    حاتم هاشم.
                   |Articles |News |مقالات |بيانات

07-05-2007, 09:43 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: حاتم هاشم)


    قال الشاعر :-

    يا باري القوس بريا إن لست تحكمه
    لا تظلِم القوس واعطي القوس باريها

    أهلنا الشايقية فاقوا في حكم الكلمة البسيطة الهينة المتداولة بين الناس فخرجت ببهجة للنفوس تحدو بها الركاب ... يترنم بها العاشق الولهان ... زاد في الغربة للسافر وابتعد ... نغم القجوها بكري من تمير الجاو ... مسحة بي إيدين الحنينة في صدير الجاهل المرضان ( النوم النوم بكريك بي الدوم .. النوم تعال سكت الجهال ) نغيمة فال في خشيم مرسال قابض عراقي بين اسنانو للكنتين بيع لو رطيل شاي وسكر تعينو من رمض الحراية وسمومها... فرحة عيد للعايد يلاقي حبيب وأحباب ...

    شدتني بساطة كلماتها وعمق معناها ويا سلام لو تكرم عشا البيتات قوا... البلحق الملهوف وأضناهو ألم الغربة... بي نغم وتراً حنين ينتح جوه الجوف يقلل نومو ويفرق للرمش إصبح مِفارق للغمده... يا دكتور ياسين ألحقنا بيها بصوت الرائع عليه رحمة من الله النعام آدم

    فاوضني بلا زعل
    ياخي طمنّي أنا عندي ظن
    أنا كُت فوق البحر
    بي خيال حبيبي فكّر
    يا سلام لو تمَّ الأمل
    أنا جرحي يبرا وشوقي ينْبل
    فاوضني بلا زعل
    ياخي عارفني أنا في خطر
    السنون بروق المطر
    والعيون كشافة قطر
    يا سلام يا الشيك اب جمل
    يا البلاك ماتمَّ الأمل
    لامتين المحبوب يصل
    قابل قبل وينقطع شايل الخبر
    ياخي فاوضني بلا زعل


    الشيك اب جمل دا طبعاً بس بعرفو ناس دكتور ياسين وابوشوك ايام بنك بركليز

    (عدل بواسطة خالد علي محجوب المنسي on 07-05-2007, 09:50 PM)

                   |Articles |News |مقالات |بيانات

07-05-2007, 11:21 PM

yasiko
<ayasiko
تاريخ التسجيل: 04-02-2002
مجموع المشاركات: 2906

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)

    شدتني بساطة كلماتها وعمق معناها ويا سلام لو تكرم عشا البيتات قوا... البلحق الملهوف
    وأضناهو ألم الغربة... بي نغم وتراً حنين ينتح جوه الجوف يقلل نومو ويفرق للرمش إصبح
    مِفارق للغمده... يا دكتور ياسين ألحقنا بيها بصوت الرائع عليه رحمة من الله النعام آدم

    فاوضني بلا زعل
    ياخي طمنّي أنا عندي ظن
    أنا كُت فوق البحر
    بي خيال حبيبي فكّر
    يا سلام لو تمَّ الأمل
    أنا جرحي يبرا وشوقي ينْبل
    فاوضني بلا زعل
    ياخي عارفني أنا في خطر
    السنون بروق المطر
    والعيون كشافة قطر
    يا سلام يا الشيك اب جمل
    يا البلاك ماتمَّ الأمل
    لامتين المحبوب يصل
    قابل قبل وينقطع شايل الخبر
    ياخي فاوضني بلا زعل


    الشيك اب جمل دا طبعاً بس بعرفو ناس دكتور ياسين وابوشوك ايام بنك بركليز


    العزيز أستاذ خالد

    لك الود
    لم أجدها بصوت الراحل النعام " عليه الرحمة" ولكن بصوت صلاح بن البادية


                   |Articles |News |مقالات |بيانات

08-05-2007, 03:55 AM

حسن الطيب يس
<aحسن الطيب يس
تاريخ التسجيل: 09-10-2005
مجموع المشاركات: 1312

للتواصل معنا

FaceBook
تويتر Twitter
YouTube


Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)


    أخونا ابو الحسن
    و كل الاحباب
    و الله ليكم شوق و وحشة
    أفتش فيكم لقيتكم في قليبي هنا
                   |Articles |News |مقالات |بيانات


[رد على الموضوع] صفحة 13 „‰ 15:   <<  1 2 3 4 5 6 7 8 9 10 11 12 13 14 15  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de