|
|
 النسوان ديل الله يضرهن!!!!!!!!!!!!!
|
womens are complex creatures
If you praise her, she thinks you are lying
لو شكرتهن بقولن كضاااااااااااااب
If you don't, you are good for nothing
اكان قفلت خشمك يقولن دة اصلو ما نافع!
If you agree to all her likes, you are a wimp
اكان وافقتهن علي رأي واحد يقولن عديم شخصية!
If you don't, you are not understanding
و لو ما أتفقت معاهن انت ما بتفهم التكتح
If you visit her often, she thinks it is boring
المرة كان زرتها كتير بتقول عليك خفيف كيس نايلو بس!!
If you don't, she accuses you of double-crossing
ولو قطعت كراعك منها بتقول عليك انت شايف روحك في الفاضي
If you are well dressed, she says you are a playboy
اكان لبست و قشرت ومرقت الشارع طوالي انت في نظرها
طالع علي حل شعرك وفي أنطلاقتك ولو سعلوها منك بتقول
بِس خليني منو دة!!
If you don't, you are a dull boy
و لو لبست عادي بتقول عليكم الله شوفو المبهدل دة!!
If you are jealous, she says it's bad
لو غرت عليها من الهواء الطاير تقول انت زودتها شوية
If you don't, she thinks you do not love her
لو ما غرت عليها بتقول ما بتحبها وما شغال بيها كلو كلو!!
If you are a minute late, she complains it's hard towait
لو مشيت الدكان و أتأخرت دقيقة تحاسبك عليها حساب منكر
ونكير وتديك محاضرة في أدب الألتزام بالوقت والزمن
If she is late, she says that's a girl's way
ولو أتأخرت هي بتقول ليك دي أمور نسوان ما تتدخل فيها!!
If you visit another man, you're not putting in "quality time"
اكان مشيت زرت ناس أمك بتقول ليك انت بتضيع وقتك في
الفاضي و شوف ليك شغلة أقضاها!!
If she is visited by another woman, "oh it's natural,we are girls"
ولو لفحت توبها كايسة لي القوالات والصواطات فتحت خشمها تقول
ليك دي حاجات عادية انت مالك معقد الأمور!!
If you fail to help her in crossing the street,you lack ethics
لو وقفت ليها بي عربيتك عشان تقطع الشارع بتقول عليك
عديم أخلاق و منحط وتافه!!!
If you do, she thinks it's just one of men's tactics for seduction
واذا وقفت, فانت موقف تتفرج
If you stare at another woman, she accuses you of flirting
لو ساهي جات جمبك بنت و عاينت ليها تقول عليك زول ثقيل
ومارق لي الريبا و التلاف
If she is stared by other men, she says that they are just admiring
ولو مرقت مشخلعة و كابة العطور وكلو تمام و شافوها رجال
الحلة بي الطريقة دي تقول ليك ديل معجبين!!
If you talk, she wants you to listen
لو أتكلمت دايرك تسمع بس!!!
If you listen, she wants you to talk
لو كانت تستمع دايراك تتكلم للصباح!
In short
باختصار
So simple, yet so complex
بسيطات , ومعقدات
So weak, yet so powerful
ضعيفات, لكنهن قويات
So confusing, yet so desirable
يكرهوك الدنيا زاتة لكن محبوبات
can't live with them..
ماتقدر تعيش معهم
can't live without them ...
ولا تقدر تعيش بدونهم
النسوان ديل
الله يضرهن!!!!!!
|
|
 
|
|
|
|
|
|
|
 Re: النسوان ديل الله يضرهن!!!!!!!!!!!!! (Re: حبيب نورة)
|
حبيب نويرة
Quote: If she is visited by another woman, "oh it's natural,we are girls"
ولو لفحت توبها كايسة لي القوالات والصواطات فتحت خشمها تقول
ليك دي حاجات عادية انت مالك معقد الأمور |
الترجمــة بس يخلوها ليك
أنا طبعا من مناصري (المرأة) والايام دي اعيادهــن
عشان كدا الدعا دا عليه ملاحظات - انا عارف انك ما قاصده كدا بس انت عايز تجيب القراء.
اللهم الا اذا كل واحدة رايقة تتدلع في امها الله يبعث ليها واحد يكدر عليها عيشتها ويصرخ عايز الفطور والغداء والعشاء وما يساعتها ابدا
مجهود عظيم ولك التحية
| |
|
|
|
|
|
|
|
|
|
Re: النسوان ديل الله يضرهن!!!!!!!!!!!!! (Re: ملكة سبأ)
|
ملكيكة سبأ
والله ما عندي ليك رد غير كلام سجيمان
اصلو راجل شناف
شنف النسوان ديل وختاهن في ا##########
علي قول شيري
اها أسمعي
لا تنكحوا هؤلاء النسوة
د.عادل الصادق المكي
ان بقيت بخيت.....ربنا يديك....مرا هدية ورضية.... السماحة ما ضروري لانو بعد شوية...... ما حتكون سمحة..... حتكون عادية....... نصيحة لك..... النسوان البقولن ديل اوعك تعرس واحدة فيهن.....الفنانة.... و الحنانة....و الحردانة,,,,,المدرسة.. والمدبرسة......والمفلسة النوامة..والحوامة......واللوامة,,,,,البوبارة......والكوُبارة.....والخبّارة
,,,, الممحوقة.....والمطلوقة.....واللايوقة"
اها.... نمسكن واحدة واحدة
الفنانة...... حتمرق معاها وتقعد تحوم.....في الحفلات...وتشوف كرسي قدام. ..وتقعد فيهو..شايل عكازك....وسكينك في ضراعك....وعينك عليها.......ان راجل بشّر ساكت..... تتحنفش...وتقوم......الا يهجروك اتنين...علي الكرسي.....وتجو نص الليل راجعين اهلكم....والنهار كلو نايمين....
الحنانة........طول النهار برا البيت....تحنن في نسوان الرجال....وهي كرعيها يكونن ما شافن حنة ليهن سنتين...والنهار كلو انت تحاحي في الشُفع ما يلمسو الصبغة....
الحردانة...... دي حتكرهك حياتك....اقل كلمة...تتقنّع توبها وتجري بيت ناس ابوها...وتلحقها انت.....وتلقى ابوها....تقعد في طرف العنقريب.... تطقطق...في اصابعيك.. ومدنقر في ا##########...وداير تراضيها ترجع البيت....... لكن احسن حل لك يا تسكنو مع ناس ابوها...يا تجيب ناس ابوها عندكم ....عشان توفر المشاوير والجري..........
المُدرسة..........اول حاجة دي ما بتقدر تفرق بينك وبين الطلبة...... وحتقعد..... تعيد وتكرر في الكلام مليون مرة..زي برنامج من الامس الفي التلفزيون ....وممكن جدا تسرح وتقول لك فاهم يا شاطر؟
المدبرسة........تلقها طوالي زهجانة.....وشايله اخلاقها في طرف نخرتها...وان كلكلتها ما تضحك........في النهاية حتوديك التيجاني الماحي...... نزيل اكتئاب
المفلسة.........ما دايرة أي شرح
النوامة......... تجي من الشغل نص النهار وزهجان.... تلقاها....تانية المخدة وخاته ايدها تحتها....وتشخر... وريالتها سايله...وحالتها بالبلا.....وتكره اليوم الفكرت انت فيهو في التكاثر........
الحوامة.........طول اليوم فوق كرعيها...في الحلة من بيت لبيت.....وتدخل البيت.. قبال ما انت تجي من الشغل بخمسة دقائق....وتجري تولع النار.......وتطبخ لك القطر قام....واول ما ينتهي الغدا .....تدخل في
سفنجتها....استعداد لرحلة جديدة ......
اللوامة.....دا نوع مزعج جدا.....لو جبت سيرة اخوك ساكت....تفتح فيهو...
الله بيسألني.......سنتنا ديك وقت انت خليتنا بلا قروش وسافرت.... يدخل
ويمرق علينا مدلدل ايدهو...كويس موز ساكت ما بيجي شايلو.......ولو جبت سيرة امك...... هي والله امك دي اصلها ما بتريدني.....من توشفني تزعل والنيران تطلق فيها...وتمد قدومها.....ووليداتي ديل السلام.... يا الله ويا امين
تسلم عليهم......
البوبارة.......دي تحملك فوق طاقتك...تشريك الما بينشري....وجيّت ناس في البيت...تجري علي علبة الدهب...وتتعنكش كلها من راسها لكرعيها....وتقعد تنضم..بايديها وكرعيها ورقبتها...واضنيها...عشان توري الدهب
الكوبارة........ دي تكبر أي موضوع...وتسوي ليهو توم وشمار..... وتقول لك ناس القبور دقو الطنبور...... لو شافع من شفعك.....عتر ووقع...... تصرخ وتخت ايديها في نص راسها.....وبطول حسها.....ووووووووب علي ووووووووب علي ...مااااااات ...ماااااااااات........ يسمعوها في الشارع....والمصيبة لو انت كنت نايم وسمعتها..... تقوم مخلوع.....وتمرق من الاوضة لحدي نص الصالة..... .......اما لو كان عندك قلب مرضان....اللحظة ديك....من المهد الي اللحد
الخبّارة...... البي تدور الخبار..... لو في نضم تلقاها سكتت
الشفع....ونهرتهم عشان تسمع.......الجيران مالهم بيهرجو وصوتهم
عالي......ولو كانت بتكوي لك في هدوم.....قطع شك......قميص ولاّ
جلابيه.....حيكون في عداد ضحايا الحريق.....وممكن الملاح...يحرق وممكن الجردل يكون في الماسورة.... يتملي والبيت يغرق من الفيضان......وحرمكم المصون واقفة فاتحة خشمها وتصنت للجيران........
الممحوقة ..............دي ان جبت دكان كامل وختيتو لها في البيت تكملو في
يومين......تصوطو كلو فوق تحت...........لكن ممكن توديها لاصحابك الزعلان منهم لو عندهم مناسبة تطبخ لهم.... عشان....لما المناسبة تنتهي يشحدو وانت تتبسط........
المطلوقة...........واضحة وضوح الشمش
اللايوقة..........دي حكاية تانية.... تمسك في موضوع يحلك منو الجليل
الرحيم......يا...دا ....هوي يا دا..... الليله يا يمة.... طرشت؟...وقدر ما
تطنش هي مصرة.....وممكن تجي جنبك وتخجك.....خجة جامدة عشان تنتبه......
للنقة....
(سجيمان)
| |
|
|
|
|
|
|
|
|
|
Re: وهوووووووووووي يا حبيب نورة اعمل حساااااابك (Re: Ehab Eltayeb)
|
أيهاب!!!!!!!
كل هذا الحب ..يا امي اجمعه اليوم ليكون بعض من حبك..
نقطة ..في بحر عطائك الدائم لحياتي..
وعبير زهرة.. من بساتينك الفواحة في سبلي..
وشعاع.. من شموس حنانك ودفئك في دنياي,,,
والله مشتاقين يا باشا
لكن منو القال ليك نورة معانا هنا؟؟
ياخي نورة معانا ما تغشانا
مالك داير تجيب لينا الهواء؟؟؟
هسة دة كلو لزومو شنو يا أبو الطيب
تحايا...........................
| |
|
|
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
| |
حبيب نورة
bint_alahfad
محمد الامين احمد
أحمد الشايقي
مريم بنت الحسين
ملكة سبأ
Ehab Eltayeb
صديق الموج
فيس بوك
تويتر
انستقرام
يوتيوب
بنتيريست