|
|
 الأمثـال ( الحبيبو نورانيــة ) ختررررري!!
|
شبهينا و أتلاقينا ....... وشك والقمر !!
لقي أصحابوا و نسي أحبابوا .... يا العاملة خوة مع الشموس !!
الرماد كال أنتظار المجرَّة لي غشوة كواكبك !
حال اليابة للسحابة التـابي تمطر في ديارك ..... كنت مُدرِك
انو حالي بقي للخلا والشــدر !
والعشر القاملو شوك كون رحيلك يفتح فيني جرحـاً باقي ذكري
أكلو التمساح .... شليل أحلامي فيك ...راح و فات !
العترة بتصلح مشي الشوق شان لقاك ...! و الجمرة بتحرق الواطي الجفـا
الفرح الابيض في المغس الاسود .. وانا ريدتي ليك عايرة و أدوها صوط!!
الشي بالشي .... أنت تجرح ونحن نفرح .........
لصيق الطين في الكرعين ما ببقي نعلين ... ما بشبهك !!!
الجاية من السما تتحملا الواطـــــة وانا بندهك ... يا الداقي صيوان
وماك عارف الميت منو؟؟؟؟!
جيتك عشان أشيل منك حزن .... ساعدو في قبر أبوهو دسّ المحافير !
ما قلتي لي أنك مرتبة للبعاد ؟ الجاتك في حبيبك بشتنتك !!
بس كنت دايرك تحفظي للوداد .... وانا كنت حارسك من زمن آدم وحوة
الا يظهر النار تلدي الرماد !!!! قلبي علي جناي وقلب نورة علي حجر!
تعالي وشيلي من الدموع .... أيد علي أيد تفرح بعيد !
ما تبقي أنتي الفرحة وبرضو بتبكي ... تمر الفكي السيدو شايلو و مشتهي!
خلينا أتنين في العشم ...... ورغم الألم .. الزارعنا غير الله يجي يقلعنا!
مالك علي ؟؟؟؟؟؟ الما دارك في الضلمة يحدر ليك !
مالك علي يعني الريد يجقلب و الشكر لي حماد ؟؟؟! واللا دار أبوك
كان خرب شيلك منها عود؟؟؟!
انا قلت أغرف منك الفرح الكفـــي .... وأنتي بتجودي بالموجود جفـا !
جابوكي فزعة و بقيتي وجعة ! يعني قلبي علي هواي وقلب مناي علي حجر؟؟
حلفت أغني ما أبكي .... أدوب في عيونك القاسيات ...... شان السترة
والفضيحة متباريات !!! .... ما نحن خطين أستواء أرتاحو في الفعل
التوازي !!! أديتك الفرح الأساس ... خططت ليك كل الحواس
لونت ليك شكل المسـا ....ومن كل شجرة شوق عصــا !!!
|
|
 
|
|
|
|
|
|
|
 Re: الأمثـال ( الحبيبو نورانيــة ) ختررررري!! (Re: حبيب نورة)
|
Quote: حلفت أغني ما أبكي .... أدوب في عيونك القاسيات ...... شان السترة
والفضيحة متباريات !!! .... ما نحن خطين أستواء أرتاحو في الفعل
التوازي !!! أديتك الفرح الأساس ... خططت ليك كل الحواس
لونت ليك شكل المسـا ....ومن كل شجرة شوق عصــا !!!
|
حبيب نورة الجن بداوا كعبة الإندراوا , هسع عليك الله ده كلام شنو ؟؟ كلام الطير في الباقير
ما قلت ليك إنت بتقاسي وناسي نفسك في الفيافي
والسترة من الله العظيم والكلام القلته انت قاسي ؟؟
والفضيحة تفوت بعيد وعننا تبعد يالله زي المرافي
والشوق غلب قلب اليتيم خلاهو تائيه في حواسه محروم يعاني
لونت لي شكل المسا ماهو الصباح ود المسا
والليل ظلامه بدون صباح كيفن يجيب لينا المسا
والشجرة لو ما جاها صيف فروعها ما بتصبح عصا
يا حبيبا لخبطت لي قول القصيد والسكة بقيت ما بعرفا
| |
|
|
|
|
|
|
|
|
|
Re: الأمثـال ( الحبيبو نورانيــة ) ختررررري!! (Re: تماضر الخنساء حمزه)
|
أم العروس
أعلن انا حبيب نورة وانا في كامل قواي العقلية
أعلن تنازلي عن الجلابية والعراقي حقات وزير العروس
والفطور و مسلتزماتو
بس أنتي حِسِّي ووزعي الببسي !!
انا عارف الزمن ود عمك !!
بغطي قدحو معاك!!
و برسل ليك شنطة شيلة فرح
أتناشر أتناشر !!
يا الكبرتوك
والبنات لو ركبوا ليكي صاروخ ما بحصلوك
فلق الصباح يا شمس!
وبي الدغري عديل كدة
ما بي الضرا وبخرة من شيخ أب شرا!
تفك بورة كلام ما خطبوا زول
مو ناقص شان نقول
المافيه قول ماتامي زول
| |
|
|
|
|
|
|
|
|
|
Re: الأمثـال ( الحبيبو نورانيــة ) ختررررري!! (Re: حبيب نورة)
|
Quote: حلفت أغني ما أبكي .... أدوب في عيونك القاسيات ...... شان السترة
والفضيحة متباريات !!! .... ما نحن خطين أستواء أرتاحو في الفعل
التوازي !!! أديتك الفرح الأساس ... خططت ليك كل الحواس
لونت ليك شكل المسـا ....ومن كل شجرة شوق عصــا !!! |
| |
|
|
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
| |
حبيب نورة
هاشم أحمد خلف الله
نهال الطيب
abubakr
Mustafa Mahmoud
هاشم الحسن
Fadl Karrar
فيس بوك
تويتر
انستقرام
يوتيوب
بنتيريست