|
|
 كانت في طريقها للخرطوم : ضبط 140 قنطار من البنقو
|
Quote: كانت في طريقها للخرطوم : ضبط 140 قنطار من البنقو
2009-07-19 13:21:15
ضبطت ادارة مكافحة المخدرات حوالي 140 قنطار من المخدرات محملة في عربتين لاندكروز بيكب وذلك بمنطقة شرشار غرب المزروب بولاية شمال كردفان . اعلن ذلك(لسونا) اللواء محمد عثمان مجذوب مدير الادارة العامة لمكافحة المخدرات مشيرا الى ان الضبط تم بناءً علي معلومات من المصادر وسط هؤلاء المجرمين أفادت بتحرك هذه العربات من جنوب دارفور متجهة الى الخرطوم وعندما احس المتهمون بمتابعة الشرطة لهم في منطقة شرشار فروا هاربين وتركوا العربات وهي تحمل حوالي 64 جوال كبير بها حوالي 70 الف قندول بنقو /ما يوازي/ 140 قنطار فيما تم العثور على جنسية احد المتهمين وهو من كبار تجار المخدرات المعروفين لدى ادارة مكافحة المخدرات . واضاف انه تم فتح بلاغ لدى شرطة المزروب وتولى التحري الملازمة محمد الطيب .
|
|
|
 
|
|
|
|
|
|
|
|
Re: كانت في طريقها للخرطوم : ضبط 140 قنطار من البنقو (Re: ghariba)
|
غريبة !
دا بوست يشبه جنابو عمر عثمان !!
| Quote: حوالي 64 جوال كبير بها حوالي 70 الف قندول بنقو /ما يوازي/ 140 قنطار |
تاني مافي واحد يقول ناس السودان بقوا دايشين مالهم ؟؟
طالما بقى بترحل بي الكمايت دي !
لكن معقول يكونا بس كدا دافرينها والا عندهم ناس يمهدوا
ويصلحوا ليهم الطريق ( تفكير خبيث !)
بعد تخت كباية الشاي فكر في كلامي دا يا غريبة سمح ؟
هشام
| |
|
|
|
|
|
|
|
|
|
Re: كانت في طريقها للخرطوم : ضبط 140 قنطار من البنقو (Re: عزام حسن فرح)
|
| Quote: 140 قنطار من المخدرات محملة في عربتين لاندكروز بيكب |
القنطار = 100 رطل
لو إفترضنا كل عربيَّة تحمل 70 قنطار = 140/2
ما تحمله العربة من وزن بالرطل = 7000 رطل
ما تحمله بالكيلوجرام = 7000/2.25 = 3111.11
بالمقارنة مع جوال السكر سعة 50 كيلوجرام 3111.11/50 = 62.22 جوال سكر..
هل يعقل أن عربة لاندكروزر بيك تحمل ما يعادل 62.222 جوال سكر؟؟؟
___
إنا لله يا قول عماد عبدالله..
يا غريبة لو في طريقة، كلم مصدرك ده يزيد العربات شويَّة، ولا تحملو البيك أب ما لا طاقة لها به..
| |
|
|
|
|
|
|
|
|
|
Re: كانت في طريقها للخرطوم : ضبط 140 قنطار من البنقو (Re: Yassir Tayfour)
|
تاااااااااااااني بنقو؟
يا ياسر
الحسابات دي تخصصي انا
هسة انا اقول شنو
وبعدين ده شايل بنقو يعني خياله واسع
ممكن يحمل اللانكروزر اكتر من كدة مرتين تلاتة
البوست بتاع محمد فرح كان سمح والله في الريع الفات ...بنقو بأربعة مليار دولار(وجع)
يا ود الصايم تعال لفها هنا واقعد وكورك لنوبي وصلاح
__
يبدو لي (والله اعلم) حسب اجواء الخرطوم الآيلة للغيوم والامطار ده الرش تايم بتاع البنقو
نتمني للشعب السوداني تحليقا لا يشوبه التوتر علي أن نلقاكم قريبا علي متن الخطوط الجوية الوطنية وشكرا
| |
|
|
|
|
|
|
|
|
|
Re: كانت في طريقها للخرطوم : ضبط 140 قنطار من البنقو (Re: GamarBoBa)
|
Quote: يبدو لي (والله اعلم) حسب اجواء الخرطوم الآيلة للغيوم والامطار ده الرش تايم بتاع البنقو
نتمني للشعب السوداني تحليقا لا يشوبه التوتر علي أن نلقاكم قريبا علي متن الخطوط الجوية الوطنية وشكرا |
ادامك الله ياهذا زخرا للوطن..
ويبدو انو التحليق بدا عندكم...
فى كل الحالات انا حاسداكم ياقمر .....
| |
|
|
|
|
|
|
|
|
|
Re: كانت في طريقها للخرطوم : ضبط 140 قنطار من البنقو (Re: Osama Mohammed)
|
| Quote: كانت في طريقها للخرطوم : ضبط 140 قنطار من البنقو |
فحم ولا حطب دا البقنطار!
140 قنطار دا الا يكون صمغ عربى!
بعد دا دخلوهو التموين!
ولا اقول ليكم ادو التوكيل للمتعافى ما دام الموضوع فيهو زراعة!
140 ضرب 100رطل للفنطار الواحد يساوى 14000 رطل اى قرابة ال7 طن مترى يعنى العاصمة بقت كلها مخخنجية بعدا يسموها الغرزة المثلثة بدل العاصمة!!
جنى
| |
|
|
|
|
|
|
|
|
|
Re: كانت في طريقها للخرطوم : ضبط 140 قنطار من البنقو (Re: ممدوح أبارو)
|
والله يا ممدوح شوق مبالغة
اسمع هاك دي هدية لاولاد الحلة :
في الليل داك
وفي نفس المكان الكان
بفتفت فيه كل الهم
واسوق أفراح بدل أحزان
أجيبا معاي من الحبان
ودفتر لف من الدكان
واجيب بالباقي منو لبان
واصنقر في الأرض وانجم
ولما ألف بكون فرحان
بكون هيمان
بكون خرمان
أفت الحمرا في الورقة
وأكب من فوقا سر الجان
ولي صباعي الصغير أمدغ
وأطلّع للبذر بحنان
وامسك للوريقة الحلوة
وأبدا ألف بخور الجان
وبلساني المرطب ديمة
ألحسا بالعرض بأمان
وأبرم للطريف الفوق
واشمّها زي حريف إدمان
واختّها في الخشيم المر
سواد شلوفته زي قطران
وكبريتي الملهلبة نارا
أشعل عودا زي بركان
وامرّر للهب بشويش
سجارة الدوكو دايرة حنان
ولنفيس البداية أجر
وألحقو بالتني بجنان
ويتقل راسي زي صخرة
ويبرد حيلي زي تعبان
واحس برجولي زي مافي
وأهبش فيها زي مرضان
وأبدا في دور من السرحان
وواصل في السجارة شراب
واشوف حاجات عجيبة كمان
أشوف غنماية في فستان
ممكيجة في خشيما لبان
ومرة كمان أشوفلي بحر
وفيه حسان بكل ألوان
وضحكات صاخبة منداحة
والكل بي فرح طربان
وأوصل بالسجارة هناك
محل شوشاوتا وازدان
وازغرت بيها زي نسوان
واجرجر للرجول أوقف
واهبش في الارض حفيان
نعالي نسيته وين ختيته
من جيت للمكان خرمان
وأمسك دربي زي برجل
أدوّر في المشي السكران
وأوصل بيتنا دربه أمان
واشيل الجك وافوت للزير
ده ريقي نشف نشاف البان
واقرطع للجكيك كله
وبرضي كمان بكون عطشان
وأفتح للمواسير سيل
وكل دقيقة بمشي كمان
وفي الآخر سريري حنين
يشيلني نعاس وانوم غمران .
| |
|
|
|
|
|
|
| |
ghariba
Hisham Ibrahim
عزام حسن فرح
Osama Mohammed
Yassir Tayfour
GamarBoBa
انعام عبد الحفيظ
HAIDER ALZAIN
محمد عبد الماجد الصايم
ممدوح أبارو
jini
Deng
انس التوم احمد
سيف اليزل جعفر عبد الرحمن
مازن الجمّال
مزمل خيرى
حبيب نورة
فيس بوك
تويتر
انستقرام
يوتيوب
بنتيريست