|
Re: الى العضو (دينا خالد ) ذكرا كان ام انثى ... (Re: محمد عبد الماجد الصايم)
|
الموضوع وما فيه يا شباب للتحرر من قيود واقعنا المتخلف اختارت دينا خالد ان تحافظ علي خصوصيتها . ودا في حد ذاته ذكاء خارق واتمني ان تظل دينا بهذا البورد لانها بتعبر عن الكثيرات ممن سلبهن الواقع السجمان التعبير عن ارائهن خاصه ان كانت هذه الاراء ليست ما الفه المين استريم والمقصود به المجتمع الذكوري . . دينا خالد سامعاني يا بتي
ابقي هنا مشعل استناره لزمان قادم .
وخلونا نحن لافحين براطيشنا من بيت بكاء لبيت سمايه وطق الحنك .
| |
|
|
|
|
|
|
Re: الى العضو (دينا خالد ) ذكرا كان ام انثى ... (Re: doma)
|
شكرا جميلا ياوليد على فكرة الدعم الانيقة دى لكل المتضررين من حالة نبش الخصوصيات اللى قاعدة تجيهم لا ايديهم لاكراعهم سوى انهم ناس قاعدين يكتبوا باستنارة وجمال ودون حالة انفصام اسفيرى ماسكة بشر كتار بى جاى .... وعشان مايبقى الكلام كسير تلج ساكت وعشان انا زول يادوب بقول ياهادى بى جاى قمت رجعت لكتابات الاخت دينا خالد ولقيتها غاية فى الاتزان وكتابات تدل على وعى متقدم ومخزون فكرى ثر جدا .... الداير اقولو هنا نعم لنقد الاخر فى كل مايكتب دون قيود وبلا تجريح ولا للنبش وراء الاخرين ايا كان الغرض نبيل او غيره ....
| |
|
|
|
|
|
|
Re: الى العضو (دينا خالد ) ذكرا كان ام انثى ... (Re: doma)
|
ـــــ الأنوثة قطب والذكورة كذلك قطب في السياق الوجودي المنفتح علي الأفاق الإنسانية التي تسبح في فلك الروح , فــ دينا خالد مؤنثة من خلال الإسم الذي تكتب به وموجودة وإنسانة ولها روح , ما إهتم وأنشغل به هو صيرورة الكتابة , وليست الهوية, وما يهمني أسس الإختلاف والرآي وليست أسس التنوع البيولوجي ومن هناأحتفل بأنوثة دنيا من قاعدةالمؤمن صديق . دينا خالد توغلت في نقد المجتمع السوداني في مناطق كانت محرمة توغلاً جلب عليهاتأليب بعض قريناتهاوكثيراً من الذكور إنتقادات حادة , فرموها بما رموها بدائها وأنسلوا , ولكن إذا دققنا النظر فيما تكتب في كثير من الإحيان فهي لديها نظرة صائبة , وقدرة مدهشة , وأفكار جميلة , وروح تتقبل الأخر آيُّا كان ..! وحضور باذخ وبهاء كتابتها لامع ومضئية وواعدة ومع هذا سريتها كاشفة بجوهرها مع الصون المحير لكم فما يضيركم هذا ؟!. فيحق لي أن أسأل ماذا تريدون ومن دنيا خالد ؟! هل يحق لكم أن تخوضوا فيما أنتم فيه خائضين ما بين دنيا خالد ولد لا بنت في السر والعلن ؟! وهل كل ما خفي عنا هو الضد ؟! لماذا لا نتعامل علي الأشياء من خلال الإختيار فإنه أقرب من الواقع ؟! لا أحد يعلم حقيقة دينا خالد إلا دنيا خالد نفسها , فعليكم بما تكتب وأتركوها وربها وأعرفوا أنفسكم تعرفوا ربكم ..!
كل ما أتمناه من الأخت دنيا خالد أن تكون موجوده هنا كما هي تحب أو كما كانت , طالما لم تسيء إلي أحد ولا تخترق قانوناً ولا تنتهك كرامة وأدمية بني آدم , فما عرفتها عنها سحر الكلمات والمعاني والأفق المنفتح والمحبة والعقل الراحج واللطافة والتسامح .
فلكِ التحايا الأخت دينا خالد إينما كنتِ .
| |
|
|
|
|
|
|
Re: الى العضو (دينا خالد ) ذكرا كان ام انثى ... (Re: emad altaib)
|
Quote: فيحق لي أن أسأل ماذا تريدون ومن دنيا خالد ؟! هل يحق لكم أن تخوضوا فيما أنتم فيه خائضين ما بين دنيا خالد ولد لا بنت في السر والعلن ؟! وهل كل ما خفي عنا هو الضد ؟! لماذا لا نتعامل علي الأشياء من خلال الإختيار فإنه أقرب من الواقع ؟! لا أحد يعلم حقيقة دينا خالد إلا دنيا خالد نفسها , فعليكم بما تكتب وأتركوها وربها وأعرفوا أنفسكم تعرفوا ربكم ..! |
يديك العافية يا عماد
| |
|
|
|
|
|
|
Re: الى العضو (دينا خالد ) ذكرا كان ام انثى ... (Re: doma)
|
دلّوش سلامات: ده كلام شنو؟ الجاب سيرة احترام ومحترمه وما محترمه منو؟ كدي راجعي كلامي كويس لو لقيتي فيهو كلمة ما محترمه وريني, بعدين كلام البنات انت بتفسريهو بالدلع والمياصه وللا شنو؟ اسلوبها ما اسلوب بنات يعني اسلوب أولاد, مش في فرق بين كلام البنات وكلام الأولاد وللا مافي؟ داليا لو سمحت ما تحمّلي كلامي تفاسير ومعاني ما قلتها, وما تشطحي بتفكيرك وتسقطي علي فكرتي الواضحه معاني ما فيها, أنا نقطتي لو دينا خالد ولد زي ما هو مشاع وملاحظ فدي حاجه غلط من وجهة نظري, دايره تعرفي يعني شنو اسلوب اولاد يبقي فتشّي في الأرشيف , بعدين شنو لبني وما لبني, يعني دينا خالد ماسكه علي زلّه ولا حاجه, وللا أنا رايح لي مكان أصفي لي حساب معاها؟ ياداليا أنا اترّفعت من اني أجاري دينا في اسلوبها في البوست الانتي قاصداهو, ولو انتي فسرتي ترّفعي غير كده فده خطأ في قرايتك لي,
غيره ما عندي كلام,
تحياتي ..
| |
|
|
|
|
|
|
Re: الى العضو (دينا خالد ) ذكرا كان ام انثى ... (Re: Amany Elamin)
|
سلام يا وليد و زوارك الكرام
بوست ممتع و يلخص محكات عمليه للنقاش في نقطتين مهمات في حياتنا العملية و في البورد خصوصا
النقطه الاولي، نقطه حرية الحفاظ علي الحريات، سواء لدينا او للاخرين البيطلبو انه يتعرفو علي جنسها، و في نظري ان لدينا كامل الحق كما اسلف الكثيرين بالتحفظ علي حياتها الخاصه، و في نفس الوكت الاخرين من حقهم السؤال، و المهم انه اي من الحريات دي لا يتعارض مع الاخر و في حاله ده يحصل، تعطي الاولويه للاقل ضرر
النقطه التانيه، عن مفهوم الجنس و النوع و بيوري اللخبطه العايشاها الناس دائما في الفصل بين التصنيفين و انه النوع لا يعني الجنس، باختصار تعليقات دينا قد يكون شكلها ذكوريحسب فهم المجتمع السوداني، و لكن ده لا يعني ان دينا رجل
النقطة الاولي، هي نقاش دائم و قديم و اخد شكل قانوني مؤخرا في دول الغرب عن عن نوعين من الحريات: Freedom of information Act and the Data protection Act بصوره محدده، دينا من حقها تحمي خصوصياتها، بما في ذلك جنسها، و اقول جنسها ما نوعها، و ايضا من حق الناس ان يستفسرو و يسالو عن ماهية دينا، و ده برضه حق من حقوقهم كافراد الحقين لا يتعارضوا، و لكن حسب الموقف تكون السيادة لاحد الحقوق علي التاني، و يتبادلو السيادة و هناك الكثير من الامثله البيوضح لاي حق من الحقوق تكون السيادة و متي يتغير ذلك
النقطه التانيه مرتبطه بفصل مهم جدا لتصنيفين، الا و هم تصنيف الجنس و تصنيف النوع، و عموما الناس بتخلط بين الاتنين، عشان كده لمن البعض يقول انه بعض كلام دينا و تعليقاتها ذكوريه و تنط طوااالي لانه دينا رجل، بتحصل مشاكل، لو صنفت تعليقات دينا من قبل ود الموج وغيره بانها ذكوريه، قد يدور النقاش في حته مهه اثارها تبارك بسخريه و هي حته ما هو مفهومنا للذكوره و الانوثه في مجتمعنا و هل الفهم ده قابل للتغيير او النقد؟
النقطه التانيه، و البالنسبه لي ممتعه جدا في النقاش الدائر ده كله، حكايه انه الناس و برغم تطور معرفتها بمصطلحات جديده علي مجتمعنا، و الدرايه الجديده بالجندر و فهمها للمصطلح، فئه كبيره لا تميز بين الجندر او النوع و الجنس او السيكس و ديل لو اتفرزو، ما بتحصل مشاكل في النقاش
ما بين تصنيف الجنس، بيكون في تصنيف ذكورة و انوثة لكل من الجنسين، يعني النساء تيباينو ما بين انثي مائله للذكوره و انثي مائله للانوثة، حسب مفاهيم الذكوره و الانوثه في المجتمع و الكلام ده بينطبق علي الرجال كذلك مثلا، اذا كان هناك امراة تملك قدرات تحليليه عاليه و مثلا شاطرة في الرياضيات او في انها تكون مديرة ناجحه، الناس بيصنفوها بانها مائله للذكوره حسب فهم المجتمع لما هو مؤنث و ما هو مذكر
كان في برنامج جميل جدا في البي بي سي قبل فتره عن الحاجه دي و عندهم سايت في الانترنيت لفحص النوع لكل من الاجناس و يمكن للكل محاوله معرفه نوعهم و الاستمتاع باختبارهم Sex ID http://www.bbc.co.uk/science/humanbody/sex/add_user.shtml
لي رجعه كان الله هون، ديوني كتيره في البورد ده
sorry for the disorganized thoughts
| |
|
|
|
|
|
|
Re: الى العضو (دينا خالد ) ذكرا كان ام انثى ... احب ميتنك زاتو (Re: وليد محمد المبارك)
|
سلام يا شباب
اماني صباحاتك ورد و ان شالله بقيتي احسن
يا اماني هوني عليك دا الكلام القصدتو باختلافات الناس في قصة القراية و الكتابة اهو انت كتبت شئ و نحن قرينا بما تيسر لينا . . انت في كتابات دينا خالد قاعد تطلع ليك فيها شنبات و كتيرين لا . . هل دا كلوا بأثر او بغير في دينا خالد الانسان ؟ موضوع البوست المعني - رأيي فيهو ما اتغير - لكن انت زجيتيهو بمطالبتك الاثارت حفيظة أ / عبد المحسن ( الجزء المكوت من مداخلتك ) . و الذاكرة متواطئة جدا و صراحة ما بعرف بتشتغل كيف ؟ انا ذاتي الحاجة الوحيدة الجات في راسي البوست دا و بقى ينطط فوق كل فكرة . عموماً بعتذر عما يليني في الحتة دي و اكيد دا ما بمس الانسان النقي جواك و هو خطأ قراية مني . بس راجعي ما يخصك في الاشارات المرسلها الجزء المقتبسو أ / عبد المحسن و يا ريتو هو نفسو يتكرم و يراجع ردة فعله البعتقد انها كانت اوفر حبة كدا . داير اقول ليك حاجة انا حولي كمية من البورداب هنا و معاي في الشغل 3 و بقضي معاهم وقت اكتر من اسرتي ما استفدت منهم التكتح و لو علي اولع فيهم بجاز بس ناس وهم ساي و شخصباتم باهتة ، لكن دينا خالد زولة واضحة و شخصيتا ( الاسفيرية ) كتاب مفتوح و قادرة توصل افكارها بأناقة و رقي و لطافة حازمة . . فعلاً هي ايقونة لزمن جميل صاح كلامك " لو " ما طوالي بتفتح عمل الشيطان
قيل عن مي زيادة : و دي ايقونة براها
لو في النساء رسلاً كنت النبية
اتاملي معاي في الكلام دا : " ان بدات في تقييم الناس لن تجد الوقت لكي تحبهم " الام تريزا
سلام و احترام و مودة انت عارفاهم كويس
--------------- كثفي الدعاية في موضوع الدعوات دا لو صاح النتائج جيدة ؟ خلينا نحولو لبزنس . و الغلة بالنص انا بطور الامكانات الفنية ( محاية / حجاب اسفيري . . . الخ ) و نوظف التكنلوجيا
| |
|
|
|
|
|
|
Re: الى العضو (دينا خالد ) ذكرا كان ام انثى ... احب ميتنك زاتو (Re: قيقراوي)
|
سلام يا وليد وتحية للجميع... والكلام العاوز اقولو ده كنت مفكر اكتبو في بوست كبير وعريض.. ولكن اعتقد انو مداخلة في بوستك ده تكفي ومساحة جيدة للافادة والادلاء بشهادة لله اولا والحقيقة والحق... اليوزرنيم الذي يكتب باسم دينا خالد هو لانثي وانا تكلمت معاها باضاني البياكلها الدود دي في التلفون.. لمدة نصف ساعة تقريبا في اجازتي الاخيرة للسودان في شهر نهايات شهر فبراير 2008... وطلت في حديثها ذلك في غاية الاحترام والتقدير واللطف...!!! ..................................... ظروف اجازتي التي كانت مزحومة بجانب تواجدي المستمر في الاقاليم (مدني وسنار) لم يمكنني من الالتقاء وجه لوجه بها... ولكن الاكيد واستنادا علي تلك المكالمة فهي انسانة موجودة (وانثي) معروفة الاحداثيات والله علي ما اقول شهيد..
Quote: دينا يا دينا نشكر الزمان الذي اتاح لنا ان نهاتفكم ونسعد
|
Quote: عب الكريم !! سعدت بمهاتفتك اليتيمة !!
ولكنك لم توف الوعد !! قول واحد
حمدلله سلامة .... وامنياتى بموفور الصحة للوالد
ياسيدى قدرنا الظرف والجايات اكثر ......... |
يبداكي من وين يا دهشة ابكر ده؟؟؟؟
| |
|
|
|
|
|
|
Re: الى العضو (دينا خالد ) ذكرا كان ام انثى ... احب ميتنك زاتو (Re: وليد محمد المبارك)
|
طيب يا أمانى (وكت مشيتى الشغل وجيتى) ورينا برااااحة براحة ...
انا معترف بى إنى بكتب بى اسم بت فى منبرِ ما .... لنفترض جدلاً (ومن أجل توضيح النقاش فقط) أننى انا من يكتب بإسم "دينا خالد" ...
انت تقولين:
Quote: أنا نقطتي لو دينا خالد ولد زي ما هو مشاع وملاحظ فدي حاجه غلط من وجهة نظري, |
بالله وضّحى لينا وجهة نظرك دى ..... الحاجة الغلط شنو؟
(ونشكرك لتحويلك لقضية الحوار إلى "ملاحظة" و "إشاعة" بعد أن كان "إتهام")
أكملى لينا الجملة عشان نفهمك ... تبارك شيخ الدين كونو يتجرأ ويكتب بى اسم دينا خالد يكون ارتكب خطأ كبير ألا وهو: .......
(لو قلتى لى "التشبه" بالنساء .... حأكتب بى اسم "بكرى ابوبكر" وأرفدك)
... المهم .....
| |
|
|
|
|
|
|
Re: الى العضو (دينا خالد ) ذكرا كان ام انثى ... احب ميتنك زاتو (Re: تبارك شيخ الدين جبريل)
|
دينا دي واحد من اتنين يا إما بت .. يا إما راجل باطل..
وفي الحالتين ما فرقت عندنا النوعين في البورد.. ــــــــــــــــــ
Quote: الى العضو (دينا خالد ) ذكرا كان ام انثى ... احب ميتنك زاتو |
وليد خلاص ختيت دينا بين القوسين؟؟
ــــــــــــــــــ دينا كلمتك ...انا الوحيد ومعاي ابو جضوم قدر الثقة ..بس ما صدقتي.. ــــــــــــــــــــــــــ رحاب الله يسالك هسي ده بوست تخشي فيهو؟؟
| |
|
|
|
|
|
|
Re: الى العضو (دينا خالد ) ذكرا كان ام انثى ... احب ميتنك زاتو (Re: DKEEN)
|
Quote: اسلوبها ما اسلوب بنات يعني اسلوب أولاد, |
الغريبة واحد اخونا يحلف يقول ده اسلوب بنات..
الاخت العزيزة اماني.. تقبلي سلامي اولا.. واعلمي.. مسالة الاسلوب دي ماتقرضي عليها كتير ويأ خي اربأي بنفسك من جرد حسابك مع دينا في بوست مبذول لمحبة دينا.. القياس على الاسلوب لا ينتج منطقا ولايمكن التعويل عليه، مثلا وهبة يستخدم اسلوب القوالات والقيل والقال..بيدان هذا لايعني ان وهبة ليس ذكرا بالغا قويما..
ــــــــــــــــ الى الجميع ليس في ماذكرت تصفية حسابات مع الاخ وهبة،ن فانا صفيت حسابي معاهو زمان .. انما تم ذكر اسم المذكور كدلالة ليس إلا..
ــــــــــ وهبة ناسف لاستعارتك في هذا البوست.. مالقيت احسن منك للاستدلال .. كن بخير وعش كما تحب انا اؤمن بحرية اختياراتك.. وتاكد من اني احبك ..بيد انك لاتفهم محبتي كما يجب ...
ــــــــــــــ وليد الشفت حاول ارعى مواهب الابناء في الرسم وبطل تحب الناس بشكل الوهم الانتا فيهو.. انتا عندك قطعتين ادميتين يمكن استثمارم بشكل جيد في مجال الفن والتشكيل .. قرض عليهم واعتني بهم وخليك بني ادم سوي.. دينا لاتحتاج الى مؤازة مبذولة في شكل محبة .. ـــــــــــــ
ريحاب ياخ مالك ومال القصص دي؟؟
ـــــــــــ دكين
انتا عارف وانا عارف دينا دي منو..بطل حركات وما تعمل لينا فيها الاول..
ــــــــــــــــ ود الموج
انا قتا ليك اتصل بي نوبي والبقولو ليك صدقو.. يعني في داعي للهيلمانة دي؟؟ ــــــــــــ نوبي يا صاحب... دينا لاتعني اكتر من مجرد اسم وراي ووجهة نظر.. فقرض على ماتراه ولاتبذل اكثر مما بذلته دينا..
ــــــــــــ سارة علي
مشتاقين يا صديقة.يعلم الله انو مودتي اليك كما هي .. والبورد ده لايسوي عندي ونسةتحت شجرة النبق جوار الاكزام هول..
| |
|
|
|
|
|
|
Re: الى العضو (دينا خالد ) ذكرا كان ام انثى ... احب ميتنك زاتو (Re: DKEEN)
|
DKEEN
Quote: القياس على الاسلوب لا ينتج منطقا ولايمكن التعويل عليه، مثلا وهبة يستخدم اسلوب القوالات والقيل والقال..بيدان هذا لايعني ان وهبة ليس ذكرا بالغا قويما.. |
والله الاخ عبد الوهاب علي الحاج ليس يهذه الصفات وانماء هذه الصفات تنطبق عليك انت ..... ووينو شنب الرجال العندك
نحن ماسكبن وهبه عشان مايعملك الصمرقع لكن بعد دا نخليهو اعملك الساخن فاخش
فليس لك معنا مكان مع الشرفاء امثال وهبه اذهب انت وشيطانك
| |
|
|
|
|
|
|
Re: الى العضو (دينا خالد ) ذكرا كان ام انثى ... احب ميتنك زاتو (Re: محمد المسلمي)
|
Quote: ووينو شنب الرجال العندك |
محمد المسلمي
انتا لي متين تكون راجل دلوكة كده؟؟ هسي وهبة بي شنابتو جاي تطبل ليهو انتا..مالو وهبة محنن؟؟ يعني انتا ارجل منو جاي جاري لافح شنبك؟؟ هو وينو شنبك النسالك؟؟ اهو الشنب الفتحتا بيهو بوست مكايدة لبمن وصل صفحتين قربتا تزغرد داك ولا واحد تاني؟؟
Quote: نحن ماسكبن وهبه عشان |
خليك ماسكو قوي..ووان فكاك مافكو ..
قال نحنا ماسكين وهبة قال؟؟ انتو منو ؟؟ووهبة ذاتو شنو؟؟ اهو نوعك ده الخرب الراجل المكسين وهبة ..تزينون للمسكين والمسكين يشيل ويطرقع.. ياخي سيبو الراجل الغلبان في حالو.. زول الله في بلد الله ...امرقو منو حياتو خلي يعيش في سلام مع نفسو البسيطة وعالمو القدرو..
انتو صحي الخرطوم دي ماعندكم فيها شغلة لامين البنابر وعاملين فيها صحاب؟؟ قبل بورد بكري ده كنتو حايمين ورا شنو؟؟
ــــــــــ بعدين ياخي قنا وهبة جا هنا عرضا الموضوع دينا خالد لوعايز نرفع ليك بوست وهبة بتاع القوالات عشان تطرش فيهو هبلك ده.. حبابك..
| |
|
|
|
|
|
|
Re: الى العضو (دينا خالد ) ذكرا كان ام انثى ... احب ميتنك زاتو (Re: DKEEN)
|
Quote: محمد المسلمي انتا لي متين تكون راجل دلوكة كده؟؟ |
ياحليلك يالنايم على حيلك بقيت ما قادر تفرز السيد من محمد حالتك متأخرة Quote: انتو صحي الخرطوم دي ماعندكم فيها شغلة لامين البنابر وعاملين فيها صحاب؟؟ قبل بورد بكري ده كنتو حايمين ورا شنو؟؟ |
والله شغالين شغل لمن تحتار فيهو وقدرنا حققنا الفشلت انك تحققو من طلعت من البلد ليوم الليلة كايس تسدد ديونك اها الناس الانت بتتكلم عنهم ديل كل زل باعمالو ومشغل تحتو جيش جرار وكل زول ببيتو ملكو وبأولادو انا لمن كنت في سنك كدا كان عندي تلاتة اطفال انت المافاضي دا عملت شنو ؟ وقبل بورد بكري دا كنا حايمين في دار النشر واتحاد الكتاب لمن انت كنت في الكديت ياوهم
| |
|
|
|
|
|
|
Re: الى العضو (دينا خالد ) ذكرا كان ام انثى ... احب ميتنك زاتو (Re: DKEEN)
|
Quote: وهبة ناسف لاستعارتك في هذا البوست.. مالقيت احسن منك للاستدلال .. كن بخير وعش كما تحب انا اؤمن بحرية اختياراتك.. وتاكد من اني احبك ..بيد انك لاتفهم محبتي كما يجب ... |
شوف يا دكين الكلام دا انت كررتو كتير لامن مسخ ذاتو انا غير مسئول عن اي كلام يصدر من الدوحة بعد البوست بتاع كمال الزين البعتذر فيهو لابوساندرا ياخ البوست دا فيهو كمية وسخ يتناسب تماما مع امثالك والزيك دا لمن يلقى جو خانق زي جو البوست المسحوب داك بفرهد وبعيش اجمل ايامو عندي ليك صورة من صورك في الدوحة - بتاعة الافطار - شكلك متغير تماما عن الصورة بتاعتك الفوق دي اها هسه كلام بحبك دا معناهو انت ماشي كويس في العلاج ... قبل شهر بس كتبت هنا مخاطبا احد اصدقائك بأنك رافض ان يضعنا معا في شاشة 17 بوصة واحدة اها شفت مزايا التواجد مع وهبة في شاشة واحدة كويسة كيف ؟ شايفك بقيت ما بترتاح الا تجيب سيرة وهبة هههه وهبة انا عارفو فقرى شديد 1- خليت الكلام النابي وبطلت قلة الادب 2- بقيت توزن كلامك قبل ما تكتبو 3- بطلت تكتب بالانجليزي وتفضح نفسك وجهلك به رغم تمسكك الغريب بالانجليزية ... حتى ما في واحد من اصحابك الانت بتعتز بيهم ديل رسل ليك في المسنجر قال ليك يادكين تاني ما تكتب بالانجليزي والاسوأ من كدا فتحوا ليك بوست بيسخروا منك ... راجع مكتبتك 4- بديت تهتم بانك ترجع للناس حقوقها ... سامو مثالا 5- ولسه مع وهبة ستجني الكثير وانت الرابح
_____ الزول بتاع الدوحة الاتصل دا زي ما قلت ليك قبل كدا تفاصيل مكالمتو انا بعلنها في الوقت المناسب ويمكن ما اعلنها علي كيفي ..... ما تتاجر كتير بالموضوع بتاع المكالمة دا عيب عليك لأنك حرفت الموضوع والقوال قاعد معاك في الدوحة وانت عارف حيث يجب ان يكون واحتمال كبير تكون انت ذاتك الاتصل الله اعلم لانو الزيك دا ممكن يعمل اي حاجة بس ما يظهر انو مهزوم ودي آخر مرحلة بطلعك منها وبعدها حتكون زول كويس خالص .. ملحوظة : ما وهبة الممكن تستفزو بالطريقة البائسة دي عشان يوريك اي تفاصيل .... اقرا الداخلة وحاول ما ترد ولمن ترقد بالليل داير تنوم قلبها في راسك وحاول استفيد من كلامي دا
| |
|
|
|
|
|
|
Re: الى العضو (دينا خالد ) ذكرا كان ام انثى ... احب ميتنك زاتو (Re: DKEEN)
|
Quote: لو دينا طلعت بت شنبي ده يقوم في وهبة؟؟ |
دكين خلاص الفطر جا والاكولة قامت عليك تاني ما مشكلة يا سيدي هو نحن غير الحك عندنا شنو ؟ انا لا كاتب قصة ولا شاعر ولا بتاع سياسة ولا اي حاجة ترا حايم في المنبر لزي نوعك دا كتر خير الدوحة العملت ليك شنب مع الرجال الله يرحم ايام زمان كدي وريني شنبك دا الدايرو يقوم فيني وينو هو ذاتو ؟ هاهاهاهاهاهاههاهاهاهاها انت قايل نفسك ود السراريج
كدي وريني شنبك دا خليتو في البيت يا اب شنب ؟
____ كنت ولاسباب انسانية قررت اخليك تمارس دجلك على خلايق الله في المنبر دا لكن غيرت رأيي وبواصل في حكك لمن تقول وااااي ...
| |
|
|
|
|
|
|
Re: الى العضو (دينا خالد ) ذكرا كان ام انثى ... احب ميتنك زاتو (Re: تبارك شيخ الدين جبريل)
|
قيقراوي ازيك .. انت عارف انو كلامك علي عيني وراسي دايما .. الحمد لله اني لسه بقراك كويس ياصاحب, وكلامك الهنا ده واقع لي تماما, معليش سامحني ما حأقدر أغير طريقتي الاتكلمنا عن انها غلط بين يوم وليله, لكن ما فاقده الأمل في اني اتغير انشاء الله أما موضوع الدعوات فخلينا نشتغل بنظام المقاولات أحسن, يعني هسي دعوتك عملت دفره للموضوع, كمّل جميلك للنهايه وأنا اعمل ليك الدعايه طوالي هههههه
دكين: أهلا بيك برضو تصفية حسابات, عارف قيقراوي صاحبي ده مرّه حكيت ليهو حكايه مفادها اني أفضّل اني أشتري دماغي علي اني أدخل في صراعات وهميه أو أي مضايقات ليس من وراءها طائل, وحتي لو ورائها طائل كمان -موضوع التراويح يا قيقا-
يعني مش لو دي دينا خالد, لو زول بيهمني ومؤثر في حياتي ما بضيع زمن في تشّفي وانتصار للذات وثأر, الزمن كفيل بانه ياخد حقك من كل البيغلطوا فيك, دي نظريتي في الحياه,وظابطه معاي شديد علي فكره ..
تحياتي,
(عدل بواسطة Amany Elamin on 09-28-2009, 05:06 PM) (عدل بواسطة Amany Elamin on 09-28-2009, 05:07 PM)
| |
|
|
|
|
|
|
Re: الى العضو (دينا خالد ) ذكرا كان ام انثى ... احب ميتنك زاتو (Re: tasneem)
|
تبارك سلامات: يادوب رجعت من الشغل .. طيب قلت لي:
Quote: بالله وضّحى لينا وجهة نظرك دى ..... الحاجة الغلط شنو؟] |
ورادّي علي نفسك:
Quote: لو بتفتكرى انو دى جريمة أو خداع أو خطأ .... فإنتى غلطانة .... |
غلطانه ليه؟ مش كذب وخداع وللا لأ؟ أول حاجه خلينا نتفق علي شئ: نحن بنكتب في المنتديات ليه؟ تعبير عن الذات؟ توصيل لمعلومات للقارئ؟ بغرض النقاش وتداول المعلومات؟ ونسه؟ كله وارد صاح ؟ طيب لو انت عندك معلومات عايز توصلها للقارئ فانت خدعته بعكسك بيانات خاطئه عنّك .. وحكاية الأفكار لا تؤنث وتذكر دي قلنا غير صحيحه.. أفكارك تفاعل للظروف المحيطه بيك مع دواخلك وكله مرتبط بكونك ذكر أو أنثي, الذكوره والأنوثه فيصل لتوجهات الانسان السوي وخياراته وميوله .. أي Error في موضوع الذكوره والانوثه بيولوجيا طوالي بينعكس علي الخيارات والسلوك بمنتهي الوضوح, وما عدا ذلك فهو خلل نفسي , الكلام ده درّسونا ليهو في علم ممتع جدا اسمه سلوك الحيوان Animal Behavior , السلوك الحيواني -طبعا الحيواني دي بتشمل الانسان برضو علي فكره- خليط بين كونه موروث ومكتسب من البيئه, فياجماعه بالله مافي زول يجي يقول لي السلوك ماعنده علاقه بالذكوره والانوثه, طيب؟ بس أوعه يجي زول يقول السلوك ماعنده علاقه بالأفكار كمان
نفترض انك ما عندك أي معلومات عايز توصلها لقارئ انت زول عايز تتونس -عادي جدا- أثناء تواصلك مع زملائك في المنتدي فيهم بنات اتبّسطوا معاك -من بساطه- وعاملوك بود علي اساس كونك بت وما في داعي للتكلفه مثلا, حكوا ليك خصوصيات في الماسنجر, رسلوا ليك صور بيانات, معلومات كل ده علي أساس انك بت وانت راجل متنكر, في خداع أكتر من كده؟ يعني مثلا صديقتي سناء خالد, بحبها جدا واتكلمت معاها في التلفون كتييير وبعرف أختها معرفه شخصيه, لما لاقيت ماما دوما واتصورت معاها رسلت صورتنا ليها في الايميل ودي كانت أول مره تشوفني في الصوره لأني ما قاعده أنزل صوري في النت, طيب لو سناء ولد (سنويه انشاء الله ما تقري الكلام ده ههههههه) ده غش وخداع وجريمه وللا لأ؟
جنسك هو الحاجه الوحيده الما بتغيرها أثناء حياتك الا اذا كنت مريض نفسيا أو عضويا, ممكن تغير اسمك لو ما عاجبك لكن جنسك مستحيل لو انت زول طبيعي, وبنفس الفهم انتحالك لشخصية انثي في منتدي خداع للقرّاء ولزملائك وتصرف غيــــــر طبيعـــــــــي .. ولا يصدر من انسان نفسيته سليمه وأغراضه سويه .. فشوف ليك سبب تاني مقنع شويه غير حكاية تغيير دي الله يرضي عليك ..
المهم ..
(عدل بواسطة Amany Elamin on 09-28-2009, 10:52 PM)
| |
|
|
|
|
|
|
Re: الى العضو (دينا خالد ) ذكرا كان ام انثى ... احب ميتنك زاتو (Re: Amany Elamin)
|
والله يا أمانى انا ما عارف اقول ليك شنو .... انتى عندك افتراضات كتيرة غلط بتبنى عليها كلامك كلو ... وما جبتى سيرة الإفتراضات دى ....
هنا فى أمريكا فى قضايا مفتوحة فى المحاكم ليها علاقة باليوزنيم والبروفايل فى الإنترنت ... والفرق بين حرية التعبير والخداع ...
المسألة كلها بتعتمد على الإتفاقات الإنتى بتدخلى طرف فيها .... والوعود البتتلقيها من جهات محددة ....
وطالما مافى اتفاق مسبق بأن يمثّل الأعضاء أنفسهم ... وطالما لم تتلقى وعود من "سودانيزاونلاين" بالتحديد بأن الأعضاء يمثلون شخصياتهم الحقيقية .... فلا يمكن اعتباره خداع ...
لتسمية الخداع .... يجب أن يكون هناك اتفاق مسبق بعدم الخداع ....
لا يوجد أى اختراق لأى بند من لوائح المنتدى يمنع كتابة رجل بإسم امرأة أو العكس ...
(البحصل فى المسنجر دا مسؤوليتك الخاصة .... يعنى لو رسلتى لى صورك عريانة ... تكونى خدعتى الوالد ولاّّّّّّّّ الزوج ولاّ المسنجر؟ البيحصل فى المسنجر ما مقياس للخداع)
إذا كان هذا المنبر - أو أىّ منبر آخر - يستدعى الإشتراك فيه استيفاء شروط محددة من ضمنها الهوية الأصلية للعضو، وحدث بعد ذلك تلاعب فى الهوية أو النوع، فيمكن فى هذه الحالة تصنيفه "خداع" .... باعتبار أن هنالك اتفاق مسبق يضمن نوع العضو ... وتم اختراق هذا الإتفاق ...
أما فى حالة المنابر المفتوحة للعموم ... فكما تقول الأسطورة الفينيقية القديمة "العفش داخل البص على مسؤولية صاحبه" ...
والخطأ ... هو اعتبارك لما هو مباح ... أنه خطأ ... دون سند منطقى - غير عجزك عن حماية نفسك - ليدلل على هذا الخطأ ...
والصواب هو ... أنك طالما أنك ناضجة ... وقرأت لوائح المنبر قبل الإشتراك ... فعليكِ القبول بكل اشتركتِ فيه طوعاً واختياراً ....
ولو جهلتِ من قبل بأن كتابة الرجل بإسم المرأة مباح فى هذا المنبر (وفى كثير من المنابر الأخرى) ... فها أنتِ الآن تعلمين ... ولا تزال مسؤولية حماية نفسك ... تقع على عاتقك كاملة .... ________________
كنت أتوقع منكِ رأى ... وليس موقف قانونى ....
Quote: مش كذب وخداع وللا لأ؟ |
سؤالك دا زى سؤال عن الشخصية الحقيقية لشخوص المسرح ... (لا اعتقد انك تشاهدين المسرحيات والمسلسلات والأفلام بناءً على منطقك الحالى)
Quote: وبنفس الفهم انتحالك لشخصية انثي في منتدي خداع للقرّاء ولزملائك وتصرف غيــــــر طبيعـــــــــي .. ولا يصدر من انسان نفسيته سليمه وأغراضه سويه .. فشوف ليك سبب تاني مقنع شويه غير حكاية تغيير دي الله يرضي عليك .. |
وما تفتكرى انو نشر الوعى بالسهولة البقطعوا بيها الزايدة ويخيّتوها ...
"اسمى أمانى الأمين، أنثى، درست علم حيوان ضمن دراسة الطب، وعندى معلومات دايرة أنشر بيها الوعى!"
... الموضوع ما بالبساطة دى يا اخت ... وانا دايماً بشتكى من عدم تدريس "المنطق" مع "علم الحيوان" ....
ولى معلوميتك .... من حيث الوعى والتوعية ... لا زال هنالك صوت ذكورى للرجل غائب بين حنايا ذكورته المعقدة التركيبة ... لا بد أن يتم إسماعه والتعبير عنه فى يوم من الأيام .. ولا زال هنالك صوت أنثوى للمرأة غائب بين حنايا انوثتها المعقدة التركيبة ... ولا بد أن يم اسماعه فى يوم من الأيام ...
و "التغيير" ... تبرير كافى ومحترم وجاد ومسؤول ... بالنسبة لى ... وآسف لأنه ليس كذلك بالنسبة لكِ ...
أما مسألة النفسية الغير سليمة والأغراض الغير سوية ...... باص!
.. المهم ....
| |
|
|
|
|
|
|
Re: الى العضو (دينا خالد ) ذكرا كان ام انثى ... احب ميتنك زاتو (Re: السيد المسلمي)
|
ياخينا يامسلمي
شنو الكلام الخارم بارم بتاع الشكل ده يااخونا.. انتا هسي المزعلك قدر ده شنو..شنبي ياخي وانا حر اراهو كما اراهو واحلف بيهو زي ماعايز.. انا قتا شنبك انتا؟؟ حسادة يعني ولا الشنبات بقت تقوم في حلتكم انتا واخوك محمد ..( انتو بالجد انا ماقادر افرزكم )وبعتبركم واحد..والاتنين بصراحة خسارة.. اهو الشنب قدامك في الصورة الختاها (وهبة المسلمي) فوق مالو يعني مااهو ده مسمسم ومجهبظ صلاة النبي فوقو صحي مابحصل شنب صلاح عبد الله بس شنب بتحلف فوقو تب..
معطونا ياخي محل القى وهبة القى المسلمي؟؟ وهبة ده عليكم الله ادوهو ساقية معاكم في المسلمانية..انشالله ينفعكم.. ماتبقى ونسات وحكي فارغ ساي..
| |
|
|
|
|
|
|
Re: الى العضو (دينا خالد ) ذكرا كان ام انثى ... احب ميتنك زاتو (Re: DKEEN)
|
تبارك:
Quote: كنت أتوقع منكِ رأى ... وليس موقف قانونى .... |
تصدق اني ما جبت سيرة القانون لحدي الان, أنا بتكلم عن الموقف الأخلاقي,
-- لو سمحت الفقره الفوق في كلامك عن الصور ضايقتني كونها موجهه لي ولو علي سبيل المثال, ممكن لو تكرمت تقوم بحذفها أو تعديلها لأنها بالصيغه دي فيها عدم احترام لي؟
| |
|
|
|
|
|
|
Re: الى العضو (دينا خالد ) ذكرا كان ام انثى ... احب ميتنك زاتو (Re: تبارك شيخ الدين جبريل)
|
أماني صباح الخير
قلتي:
Quote: الجاب سيرة احترام ومحترمه وما محترمه منو؟ كدي راجعي كلامي كويس لو لقيتي فيهو كلمة ما محترمه وريني, |
والحقيقة أنا الأوردت الكلمة وانا بشرح ليك وبحاول أصل لفكرتك عن كلام البنات وقلت ليك :
Quote: المجتمع الداير يشوفنا كدة ..بس كتيرات مننا بتكلمن بعبارات وبتبادلن نكات وبعملن حاجات كتيرة
في الخفا أو في النطاق الضيق وبين الأصدقاء ..ألخ هل ده معناه أنهن بنات مامحترمات ؟ |
يعني يا ستي كان ده حوار ما إتهام ..
وقلتي:
Quote: اسلوبها ما اسلوب بنات يعني اسلوب أولاد, مش في فرق بين كلام البنات وكلام الأولاد وللا مافي؟ |
ماعارفة أرد على حتة أسلوب البنات والأولاد ده كيف ..وأظنك بتقصدي الكتابة الأنثوية والكتابة
الذكورية ..وبما انو نقاش ما شكل ، فيا ستي في مقدرة إحترافية عالية جدا عن بعض الكتاب
خلت الناس زمن طويل مترددين في كونهم ذكور او إناث ..وفي كاتبة مشهورة جدا هي "نادية عابد " إكتشف
الناس في آخر الأمر انها الصحفي الشهير " مفيد فوزي "
وغيرا من الأمثلة ..
Quote: بعدين كلام البنات انت بتفسريهو بالدلع والمياصه وللا شنو؟ |
أبدا ياستي وين انا فسرتو بي كده عشان قلت :
ما عنيته بحركات البنات هو الإصرار على الظهور بقالب الفضيلة ومطالبة الجميع طول الوقت
بالإحترام ..وإدعائهن إنهم ما بسمعوا نكات خارجة ألخ ..وهن ممكن يعملن الحاجات دي لكن في الخفاء
وعشان ما تمشي بعيد انا بتكلم عن البدعن ما الحقيقيات ..
Quote: دايره تعرفي يعني شنو اسلوب اولاد يبقي فتشّي في الأرشيف , |
أها هنا انا ما فهمتك أسلوب اولاد يعني شنو ؟
هل معناها أنو لغة الذكور = لغة خارجة
يعني إذا أنا فهمت كلامك صاح فهو يعني الآتي :
لغة رجال = لغة خارجة وما محترمة
لغة نساء = المدينة الفاضلة ..
والكنت عايزة أصل ليهو ياستي أنو لأ ..ده ما حقيقي الشخص وتفكيرو وتربيتو ومجتمعو وثقافتو
وأصحابو وتاريخو ودنيتو هم البشكلوا إسلوبو في الحياة او الكتابة ما كونوا ذكر أو أنثى ..
Quote: بعدين شنو لبني وما لبني, يعني دينا خالد ماسكه علي زلّه ولا حاجه,
وللا أنا رايح لي مكان أصفي لي حساب معاها؟ |
يا ستي العفو ما زلة ولا حاجة ..انا عشمت في انك ما تختي نفسك في موضع تشكيك وعموما انا
آسفة أنتي وتقديرك للامور .
تحياتي
| |
|
|
|
|
|
|
Re: الى العضو (دينا خالد ) ذكرا كان ام انثى ... احب ميتنك زاتو (Re: وليد محمد المبارك)
|
Quote: الأستاذة عزاز شامي كتبت
Quote: في ظل ما يحدث في هذا البورد يوميا من انتهاك لخصوصيات الأعضاء و غير الأعضاء لمجرد خلاف في وجهات النظر، أجد مبررا كافيا لأي شخص رجلا كان أو امراة بالتحفظ على خصوصيته ما دامت حريته في "التخفي" لا تتغول على حرية الآخرين ...
فضيلة الوضوح و طرح الاوراق المكشوفة غير مربحة هنا والأصل هنا التعدي لا العدل أو النبل في الخصومة...
من حق "الانسان" الذي اختار اسم "دينا خالد" ان يكون كما أراد ولا شأن لنا بما يدوربين الأعضاء خارج إطار البورد ولا وصاية لنا على أ
ظلم فادح لا يشبهك
انا"انتهكت خصوصيتي" وفرشت كل شيء عني في بروفايلي, النتيجة: عشرات الأصدقاء الذين فارقتهم قبل عقودكان بروفايلي مصيدة ناجحة للقبض عليهم ففي كل اسبوع اظفر بأحدهم وآخرهم فارقته قبل 31 عام. |
الاستاذ محمد الشيخ،
كل سنة و انت طيب و الله يجمعك بكل من تحب و يستحق ثقتك ...
اسمح لي ان اناقش بعض النقاط من خلال مداخلتك والتي اثارت نقطة جوهرية ، وهي "الخيار الشخصي" هنا انت اخترت طواعية أن توفر معلومات عنك بغرض الاطلاع عليها و بالتالي يختار "عضو آخر او متصفح" طائعا أيضا الاتصال بك لبناء علاقة جديدة أو لاستكمال علاقة انقطعت... من يتصل بك لا ينتهك خصوصيتك التي بذلتها انت طائعا، قد يسيء استخدامها و يقع اللوم مناصفة على كليكما إن حدث ذلك، في الحالة قيد النظر اختارت العضو دينا خالد التحفظ على خصوصيات حياتها و من تكون و اكتفت باسم "دينا خالد" بكل دلالاته الضمنية (نوع و عرق) و باقي السمات الشخصية characteristics استنبطناها بعد قراءة مشاركاتها...
لك كامل الاختيار في توفير أي قدر من المعومات عنك حياتك، مع التسليم جدلا بقدرتك على تحمل مسؤولية هذا القرار و المترتب عليه و فتحه ابواب علاقات قد لا ترغب بها و حرج اجتماعي، ولكنها حرية مكفولة لك بلا شك ... على الصعيد الآخر، من حق دينا خالد أو أي عضو في المنبر التحفظ في معلوماته الشخصية طالما ظلت مشاركاته لا تلامس امرا قانونيا أو مشكلا يخص مطالبة وفي تلك الحالة على مدي رالمنبر تسليم المعلومات كاملة للمتضرر، وقد حدث هذا في قضية الاخت منال خوجلي والقضية الآن يبت فيها القضاء ..
في حالة سابقة سجل رجل باسم آمنة عبدالكريم و ابتدر مشاركته ببوست تجميع معومات في غاية الحساسية (عناوين المنازل للاعضاء) بذلها الاعضاء طائعين ولا نعلم مصير تلك المعومات حتى الآن أو الغرض منها في حالة دينا خالد لا أذكر لها مشاركة قد تثير غبارا سوى بوست واحد فقط، و حتى كشف شخصيتها و تاريخ اسرتها لن تحل مشكلة أزمة التعصب العرقي في السودان...
اما التشكيك في جنس دينا ذكرا أو انثى استجابة لتخرصات من هنا و ظنون من هناك، فهو أمر غير مبرر، وإن ساق له المروجون الحجج بدعوى فك الالتباس و الازدواجية أو وقف الخداع. نطالع يوميا خداعا بينا واضحا يمشي بقدمين من اناس معلومين محددي الاحداثيات ولم يفد ذلك في وقف خداعهم أو خطل دعواهم.
المنبر العام ليس عيادة نفسية أو مركز ابحاث اجتماعي يشخص و يحلل و يصف العلاج متى ما لزم الأمر، المنبر يعرض شريحة من المجتمع العريض بكل افرازاته و ازداوجيته و شروره و خيره، والتعاطي و علاج كل ما تقدم لن يكون من خلال المنبر أو نقرات على الكي بورد ...
الامر اعمق من ذلك بكثير ...
وتقبلي ودي و احترامي،،
| |
|
|
|
|
|
|
Re: الى العضو (دينا خالد ) ذكرا كان ام انثى ... احب ميتنك زاتو (Re: سارة علي)
|
الأخت أمانى ...
Quote: لو سمحت الفقره الفوق في كلامك عن الصور ضايقتني كونها موجهه لي ولو علي سبيل المثال, ممكن لو تكرمت تقوم بحذفها أو تعديلها لأنها بالصيغه دي فيها عدم احترام لي؟ |
واضح من كلامك انو المقصود ضرب المثل ... وليس عدم الإحترام (ولا أعتقد انك كعضوة ... فوق أن تكونى مضرب مثل)
وواضح انو تبادل الصور العارية "ربما" يمثّل سلوك غير محترم ... يعنى المثل أدى المعنى المقصود فى هذا الجزء ...
الجزء المهم فى المثل أن الخصوصية وحرية السلوك الشخصى لا يمكن أن تكون معيار للأمانة أو الخداع ... ولم تذكرى شيئاً بهذا الخصوص ...
(بعدين انا ما عندى تاريخ بتاع حذف وتعديل فى المنبر دا ... الأخطاء الطباعية ما قاعد ارجع اصلّحها ... حصل مرتين تلاتة كان عندى مشكلة فى النت وفى مداخلات اتكررت اكتر من مرة .... وحذفت الإضافيات ... لكن الكلمة "الأطول من العمر" دى ... بدّيها حقها للآخر .... خلّى طموحك فى حدود "اعتذار" ... بعد داك ... ينظر ويفاد)
... المهم ....
| |
|
|
|
|
|
|
Re: الى العضو (دينا خالد ) ذكرا كان ام انثى ... احب ميتنك زاتو (Re: تبارك شيخ الدين جبريل)
|
يا دكين انت يا زول من ما وهبة ختاها ليك بقيت تشلت شاااااااكت ...شايل اسم وهبة ولافي بيه من بوست لي بوست
بعدين شنو دينا ما محتاجة ؟
انت القال ليك منو ما محتاجة؟
هي وكلتك ولا انت فكي .. ولا دكين ودينا شخص واحد لدرجة انك تتكلم بالنيابة عنها
انت المدخلك بيني وبين دينا شنو ؟
وشابك وهبة قوالات وما ادراكما طيب انت في البوست ده ما قاعد تحرك على القواله شابك الناس اتصلوا بي فيصل نوبي بديكم الفايد هي القوالات غير الاتصالات دي كيفنها !!!؟؟؟
فيصل نوبي علق في البوست ده اكتر من مره لو عنده فايده في موضوع دينا ما يكتبه هنا
انت زاتك بدل ما (بين القوسين ) واسالوا منو واتصلوا على شنو ... عندك كلام واضح عن دينا قوله هنا بدل المطاعنات دي
انت قايل القوالات بتختلف عن شغل المطاعانات البتسوي فيه الايام دي
| |
|
|
|
|
|
|
Re: الى العضو (دينا خالد ) ذكرا كان ام انثى ... احب ميتنك زاتو (Re: وليد محمد المبارك)
|
Quote: انت زاتك بدل ما (بين القوسين ) واسالوا منو واتصلوا على شنو ... عندك كلام واضح عن دينا قوله هنا بدل المطاعنات دي |
يا وليد دكين دا غير المطاعنات وكلام النسوان عندو شنو ؟ دا المطاعنات جارية في دمو وقلة الادب والسفالة مكونات اساسية من مكونات شخصيتو ما كنت متخيل انك تتوقف في مداخلاتو الوقفة الطويلة دي واصل يا صديق والتحية ليك انت ودينا مع خالص الود
| |
|
|
|
|
|
|
Re: الى العضو (دينا خالد ) ذكرا كان ام انثى ... احب ميتنك زاتو (Re: عبدالوهاب علي الحاج)
|
Quote: يادما يا اختي بتك دي انا خالها وحرّم ما بنرميها لفطيس زي دا الرجال ما عدموا من البلد وتاني لو قلت كلامك دا انت ذاتك انا بتشاكل معاك وما يعرفونا من الصين ولا من بكين |
والله يا وهبه انت خالها وعمها وفي محل ابوها كمان وانا عيني ما ارفعها عليك وطلباتك عندي اوامر لكين انت ما شايف انه البينك وبين دكين دا ما صحيح ؟؟؟!ّّ والله انا الاتنين ما رضيانه ليكم الحاصل دا ودكين دا زول كويس انا بعرفه قريب 8 سنوات ما شفت منه غير كل موده واحترام وما تسمع هترشاتو ولسان المتبري منه دا هو زول نظيف ونقي وجميل بالله انعلوا ابليس وادو نفسكم الفرصه تعرفوا بعض والله انا لو جيت ولقيت دكين دا في السودان الا اجيبه ليك في بطن بيتك عشان تعرف الود دا جميل كيف . اكان بتعتبرني اختك واكبر منك وعندي ذره تقدير عندك بس توقف الهتر البينك وبينه هنا
| |
|
|
|
|
|
|
Re: الى العضو (دينا خالد ) ذكرا كان ام انثى ... احب ميتنك زاتو (Re: Tabaldina)
|
Quote: والله يا دومه مرات الواحد بقي يتأسف على اشياء كثر .. ولتعلمى من هنا انا لا اتواضع مع الاخرين ولا اساوى نفسي مع الغير .. |
لازم تفسر كلامك داما فهمت ما هي الاشياء الكثر التي تتاسف عليها ؟؟ ومن هم الاخرين الذين لا تتواضع معهم والغير ديل منو؟؟؟ والجاب المساواه شنو ؟؟ مرات بقيت اتحير عديل كدا عايزه اعرف السبب الخلاك تقول الكلام دا من مداخلاتي في البوست دا شنو ؟
| |
|
|
|
|
|
|
Re: الى العضو (دينا خالد ) ذكرا كان ام انثى ... احب ميتنك زاتو (Re: doma)
|
الأخ تبارك:
Quote: واضح من كلامك انو المقصود ضرب المثل ... وليس عدم الإحترام (ولا أعتقد انك كعضوة ... فوق أن تكونى مضرب مثل) |
لأ فوق اني أكون مضرب مثل من شاكلة أمثلتك دي, اتلفت حوالينك شوف انت بتعرف منو ممكن تضرب بيهو مثل زي ده واستعمله طوالي في أمثلتك, وشنو كعضوه؟ نحن أعضاء وين أصلو؟
Quote: وواضح انو تبادل الصور العارية "ربما" يمثّل سلوك غير محترم ... يعنى المثل أدى المعنى المقصود فى هذا الجزء ... |
ما فهمت والله, ده انجليزي؟
Quote: الجزء المهم فى المثل أن الخصوصية وحرية السلوك الشخصى لا يمكن أن تكون معيار للأمانة أو الخداع ... ولم تذكرى شيئاً بهذا الخصوص ... |
انت بتجيب الشعارات دي من وين؟ دي لا خصوصيه لا حريه شخصيه, ده كذب وخداع وتدليس وغش, بعدين حريتك الشخصيه تتوقف عند حدود حرية الاخرين والمبدأ المعروف لا ضرر ولا ضرار,
Quote: (بعدين انا ما عندى تاريخ بتاع حذف وتعديل فى المنبر دا ... الأخطاء الطباعية ما قاعد ارجع اصلّحها ... حصل مرتين تلاتة كان عندى مشكلة فى النت وفى مداخلات اتكررت اكتر من مرة .... وحذفت الإضافيات ... لكن الكلمة "الأطول من العمر" دى ... بدّيها حقها للآخر .... خلّى طموحك فى حدود "اعتذار" ... بعد داك ... ينظر ويفاد) |
دي اسمها قصة حياتك, أنا خاطبتك كأخ محترم, ردك بيدل اني أخطأت في ظني ده, خليهو قاعد, كلامك بيعبر عنك وعن نفسيتك,
--- مش قلنا البينتحل شخصية بت بتتوقع منو أي حاجه,
| |
|
|
|
|
|
|
Re: الى العضو (دينا خالد ) ذكرا كان ام انثى ... احب ميتنك زاتو (Re: saif massad ali)
|
Quote: وما تسمع هترشاتو ولسان المتبري منه دا هو زول نظيف ونقي وجميل |
صحيح يا دوما فعلا دكين كان زول نضيف كتاباته الزمان كانت بتعبر عنه وبتقول كده لكن ليه فترة ادمن السماجة ورابط ليه وش ككو ومقدم نفسه على انه زول سمج وسخيف ومفتي ديار البورد وكمان عامل فيها زول نباااااااااااااااااااااااااااااااار وحافظ كلام الصرة وما تحتها وهارش بيه عموم اهل البورد
زغنا منو يمين جانا شمال زغنا منو شمال جانا يمين
هسع النسالك اولادي ... وكنونو اكون انسان سوي .. ده الدخلو هنا شنو مع بين القوسين وباقي الكلام البيض الفاقعة فوقنا ده
حكاية لسانو متبري منو دي ما صعبة واسهل ما يكون ،، وممكن تتقال للزول في وشو عديل ..
| |
|
|
|
|
|
|
Re: الى العضو (دينا خالد ) ذكرا كان ام انثى ... احب ميتنك زاتو (Re: doma)
|
يا خاله
Quote: يا وليد اخوك لو غلط عليك ممكن تسامحه واكيد بشوف غلطه وبرجع ليك. عشمي فيكم كلكم انكم ترجعوا حلوين كما كنتم |
الحكاية ما قدر ده قبل كده وفي وكت دكين ما نبزنا بـ ( مابين القوسين ) ... انا كتبت قلت اني معجب بدكين وكتابته ... عشان كده ما حا احسب ليه سقطته ديك ... وسكانا بيها في مكانات تانية قلت نفس الشي الزول ما بعجبو زول بالساهل عشان يتشربك ويتدرعك فيه بالساهل ... نفوت ليه الاولى والعاشرة
لكن دكين كمان عاوز يتدخل في ادارتي لشئون بيتي ... شنو الكلام الفاضي سوي وانصرف لتربية ابناء ك وما ادراكما
هو زاتو بعرف لتربية الابناء شنو ؟ عشان ينصحني هو متزوج ؟ عنده وليدات بدون زواج ؟
طيب ينصحني كيف انا ؟
| |
|
|
|
|
|
|
Re: الى العضو (دينا خالد ) ذكرا كان ام انثى ... احب ميتنك زاتو (Re: وليد محمد المبارك)
|
Quote: الحكاية ما قدر ده قبل كده وفي وكت دكين ما نبزنا بـ ( مابين القوسين ) ... انا كتبت قلت اني معجب بدكين وكتابته ... عشان كده ما حا احسب ليه سقطته ديك ... وسكانا بيها في مكانات تانية قلت نفس الشي الزول ما بعجبو زول بالساهل عشان يتشربك ويتدرعك فيه بالساهل ... نفوت ليه الاولى والعاشرة
لكن دكين كمان عاوز يتدخل في ادارتي لشئون بيتي ... شنو الكلام الفاضي سوي وانصرف لتربية ابناء ك وما ادراكما
هو زاتو بعرف لتربية الابناء شنو ؟ عشان ينصحني هو متزوج ؟ عنده وليدات بدون زواج ؟
طيب ينصحني كيف انا ؟ |
ياوليد الشفت اته الزول دا فاضي لا عندو فاطنه لاامحمد بعد نصايحوا دي شغال طيبين بلا مرض وسلام بلا غرض
كل سنه وانت طيب ياعمك
| |
|
|
|
|
|
|
Re: الى العضو (دينا خالد ) ذكرا كان ام انثى ... احب ميتنك زاتو (Re: doma)
|
طبعا يا وليد رقبتنا وجعتنا وانت بترد في لي كل زول في محله .. ما ممكن نرجع من التالتة للاولي عشان نعرف آخر رد ..
دي ما مشكلة مشكلة في الموضوع الانفتح بسببه البوست دا ..
Quote: يا ود الزين
والله قلنا نقفل ونقرض على كده
لكن وييييييييييييييييين يا معلم
البوست ده شكله ما حا يقفله الا الارشفة |
انت شايف البوست بقدرة قادر - وعلى عادة اهلنا بسودانيز - اتحول لي شنو؟!
يعني موضوع دينا خالد هسع اتنسي انها ولد بت والناس البتشكك اول شتات زي ما حصل اي شئ وكانهم لم يقولوا امراً .. وليس طلب توضيح بل شجاعة الحضور وتبيان لماذا الخلط والهرج والمرج الحصل خلال اسبوع ثم الصمت فجاءة عندما كتب الكاتبون ما كتبوا .. اما ان يتحول البوست لمظاهرة استعراض شنبات وضنبات ومن اطول لساناً وازفر حديثاً فهو مايجعل الاستفراغ يبلل جنبات هذا البورد .. اعتبروني ( ادرج - امرد - اظعط - ) لكني لن استعرض بشنبي لاغطي به عورة كلماتي .. اعتقد يلزم بيان من لجنة علماء أجناس - ام انواع راسنا ضرب والله - المهم لجنة اجناس/انواع هذا البورد توضيحي مع توضيح اين كان الخطأ ويفض السامر بعدها .. ولتقم مناسفة اختيار اطول شنب واجمل ساقين في معرض آخر ...
حيدر الدروج
| |
|
|
|
|
|
|
Re: الى العضو (دينا خالد ) ذكرا كان ام انثى ... احب ميتنك زاتو (Re: وليد محمد المبارك)
|
لعناية الأخت أمانى الأمين ....
Quote: قوانين المنبر العام ولوائحه
المنبر العام بسودانيزاولاين دوت كم هو منبر حر للنقاش بالشبكة الدولية مفتوح لجميع السودانيين دون تمييز بسبب الانتماء السياسي أو العقائدي أو الفكري، وجميع الآراء والأفكار والمواد المنشورة فيه تعبر عن وجهة نظر كاتبيها ولا تعبر بالضرورة عن رأي إدارة الموقع وذلك دون إخلال بقوانين وضوابط النشر المعمول بها دوليا وهذه هي قوانين المنبر ولوائحه، والتي سوف يبدأ العمل بها ابتداء من يوم 28 ديسمبر 2005
ا- يمنع منعاً باتاً التدخل في شؤون إدارة المنتدى. ولإدارة المنتدي كامل الصلاحية في حذف , تعديل , نقل أو إغلاق أي موضوع/مداخلة أو إيقاف عضوية أي مشترك دون ذكر الأسباب. 2- على جميع الأعضاء الالتزام بأدب الحوار والاختلاف واحترام الرأي الآخر. ولا يجوز لأي عضو أن يسب أو يشتم أي عضو آخر أو يكفره بسبب رأيه أو معتقده..... 3- لا يجوز سبّ الأديان وكريم المعتقدات، أو إساءة الأنبياء والرسل، وذلك دون الإخلال بحرية الاعتقاد والرأي ودون مصادرة لحرية البحث العلمي وحق الاجتهاد...... 4- يمنع إعادة نشر مواضيع محذوفة سابقا أو مخالفة قوانين المنتدى أو مواضيع تم قفلها من قبل الإدارة ..... 5- يمنع الدعاية لمواقع تخل بإحدى بنود قوانين المنتدى ..... 6-يجب الإشارة إلى حقوق المؤلف والٍملكية الفكرية عند النقل أو الاقتباس وذلك بوضع اسم المؤلف إذا كان معروفا أو وضع نقاط بين قوسين (....) إذا كان المؤلف غير معروف...... 7- لا يجوز استخدام نظام الرسائل الخاصة (الماسنجر) في أي فعل مخالف لأحكام هذه اللائحة او استخدامه فى الدعاية لمواقع اخرى .....
8- على العضو توجيه ملاحظاته إلى أمين الموقع عند وجود تجاوز من قبل الأعضاء عبر البريد الإلكتروني، ويمنع منعا باتا توجيهها في المنتديات الأخرى
9- يمنع الدعاية التجارية دون أذن مسبق أو الاتفاق مع إعلانات سودانيزاونلاين .....
10- عدم نقل مواضيع/مداخلة/أيميل/....الخ من شخص غير عضو بالمنبر أو من منبر آخر تشوه/تصور/تدين/....عضوا بالمنبر
11- عدم السماح لشخص غير عضو/ة بالمنبر بأن ينشر/يشارك مستخدما حساب عضو/ة بالمنبر بدون علمه
12- لا يسمح لأي عضو الإعلان عن استقالته بطريقة فيها تشهير بالمنبر أو إدراته أو أعضائه، ويجوز للإدارة سحب العضوية من ذلك الشخص فورا وطلب/موضوع الاستقالة من المنبر فورا. ولكن يجوز لأي شخص أن يعلن بأسلوب هادئ بعيد عن الإثارة عن توقفه أو غيبته لأي سبب من الأسباب ..
13- تمكين أي شخص يتعرض للإساءة من أحد الأعضاء من عنوان هذا الشخص لمقاضاته حيثما كان... تسلم هذه المعلومات فقط للجهة القضائية بخطاب رسمى عند طلبه على أن يكون بالبريد العادى المسجل وليس الكترونيا.. كما يحق للإدارة تجميد/سحب العضوية من العضو/ة فى حالة رفض إعطاء الاسم الكامل والعنوان للجهة القضائية بالنسبة للأعضاء القدامى أو من لا تتوفر معلومات لدى الإدارة عنه.
14- لا يجوز لأي عضو أن يسجل في المنبر الحر بأكثر من اسم أو لقب واحد وتسحب العضوية فورا من كل عضو يثبت اشتراكه أو تسجيله بأكثر من اسم أو لقب.
15-على كل عضو مسجل باسم مستعار أن يزود الإدارة باسمه الحقيقي وعنوانه الصحيح إذا طلب منه وأي عضو يمتنع عن ذلك أو يتبين أنه أدلي باسم وعنوان غير صحيحين تسحب منه العضوية فورا
16- يكفل المنبر الحر لكافة الأعضاء حرية التعبير والرأي والبحث العلمي والاجتهاد ومناقشة جميع الأفكار والمواضيع الدينية والفلسفية والسياسية والاجتماعية والاقتصادية والفنية وسائر ضروب العلم والمعرفة، مع ضرورة التزام الأعضاء بالحوار الموضوعي واحترام حق الآخرين في الاختلاف معهم/ن.
-17 الفصل الفوري لكل من يهدد بالـقـتـل أو يدعو إلى قـتـل أو اغـتـيـال أي شخص أو نـشـر مادة تدعو إلى، أو تؤيد، ذلك. ولا يجوز منح ذلك الشخص العضوية مرة أخرى تحت أي مسوِّغ.
-18 لا يسمح اغراق المنبر/السيرفا بصورة متعمدة برفع مواضيع لعضو/ ة معين او بمواضيع معينة الى الصفحة الاولى او بشكل لا نهائي أو بفتح عدد لا نهائي من البوستات في وقت واحد….أو فتح بوستات مختلفة من نفس العضو لنفس الموضوع
19- سوف يتم سحب عضوية كل من يستخدم الماسنجر فى رسائل تامرية ضد الموقع او اعضائه
20-لن تسمح الإدارة بـتحديث المكتبة الارشيفية لأى عضو/ة اذا ثبت اخلاله/ا باللوائح اكثر من مرة إذا أعتقدت الإدارة أو كان لديها ما يحملها على الأعتقاد بأنَّ ذلك الشخص يسعى لتدمير الموقع أو الإضرار به.
21- لن تخصص مكتبة ارشيفية لأي عضو/ة اذا تأكد انتهاكه /ا للوائح و قوانين المنبر اكثر من مرة
22- سوف يتم مسح اى بوست للتزكية او ضياع كلمة السر او خلافه فى المنبر العام 23-يمنع منعا بات جمع التبرعات خارج نطاق منظمة الموقع والتى سوف ترى النور قريبا
ترسل كل الشكاوي والتظلمات والطلبات والقرارات الإدارية من والى العنوان : [email protected] ولا تنظر الإدارة في الرسائل والمكاتبات التي ترد عبر الماسنجر أو التلفون أو خلافه.
.... تدعو إدارة سودانيزاونلاين جميع الوطنيين/ت والشرفاء/ت إلى مساعدتها وذلك بتنبيهها فى حالة تجاوز أى عضو/ة للائحة عبر البريد أعلاه وذلك لعدم تواجدنا بصورة مستمرة ويومية،
سوف تسرى هذه القوانيين على كل المواضيع والمداخلات التى كتبت ابتداء من يوم 27 ديسمبر 2005.
ادارة سودانيزاونلاين دون كم
9 ابريل 2004
[email protected] |
بالله اقرى الكلام دا كويييييس .... بعد داك اتصرفى التصرف البيعجبك (شايفك معولة على نفسياتى شديد ... رغم انو قلت ليك:باص) خصوصاً الفقرة بتاعة:
Quote: 15-على كل عضو مسجل باسم مستعار أن يزود الإدارة باسمه الحقيقي وعنوانه الصحيح إذا طلب منه وأي عضو يمتنع عن ذلك أو يتبين أنه أدلي باسم وعنوان غير صحيحين تسحب منه العضوية فورا |
ملاحظة ... يزود الإدارة ... مش أمانى الأمين ... وانتى دايماً بتتكلمى بى لغة "غش" و "خداع" وهلم جرا ... دى لغة قانون ما لغة حوار .... ومن حقك .. لاكين ما تفكّرى تحجرى على آراء الناس بى حجج نوع:
Quote: لأ فوق اني أكون مضرب مثل من شاكلة أمثلتك دي, اتلفت حوالينك شوف انت بتعرف منو ممكن تضرب بيهو مثل زي ده واستعمله طوالي في أمثلتك, وشنو كعضوه؟ نحن أعضاء وين أصلو؟ |
انا اقتبس ليك رد يريحك ... من قيقراوى
Quote: آيي صاح دي سودانيز " وطن من لا وطن له " لكن الشغلة ما طلقيت و مفتوحة لكل طيف طايف و ان بقى لحاظو كالقذائف ذاتو ! . . دي في شروط العضوية في ؟ |
فبالله مشاكل نفسيتك السلطوية دى امشى فكيها فى زول مسكين واقع تحت رحمتك .. لأنو الشتايم نوع:
Quote: الزول دا سلوكوا عريانة زيي سيم سيم و بالمنطق كدا و بالتجربة و البرهان ، سلوك عريانة تتقاطع بكون في شرارة لازم مش ؟ |
أو:
Quote: مش قلنا البينتحل شخصية بت بتتوقع منو أي حاجه, |
من وجهة نظرى دى شتايم شخصية، ومفروض تجى فى سياق النزاعات الشخصية (اللى هى ما واردة بينى وبينك أو بينى وبين قيقراوى)
بالأول لمن قلتى كتابة الذكر باسم أنثى يدلل على اغراض غير سوية ونفسية غير سليمة ... اعتبرتها وجهة نظر ... وبما انها وجهة نظر أخلاقية أكتر من كونها موضوعية وفيها إشارات شخصية لأنى قلت ليك انا بكتب بى اسم بت .... قررت انو ما امشى مع الحوار فى المنحى دا وقلت ليك: باص!
لاكين الكلام نوع "سلوكوا عريانة" و "بتتوقع منو أى حاجة" دا إسفاف من باب "حجة العاجز عن الحوار" ... انا كاتب ليك كلام بالبولد وتحتو خط عشان اوريك غلاف القاموس الممكن اكتب منو ...
أخيراً ....
مسؤولية حماية نفسك (من الخداع والتدليس والسقوط فى درك قيقاراوى والشتايم الشخصية) تقع على عاتقك بالكامل .... والفيصل بينك وبين الأعضاء قوانين المنبر الواردة أعلاه ...
أنا مشكلتى (زىّ زى الأعضاء الهنا فى أمريكا) بنقع تحت طائلة القوانين المسجل بيها المنبر ... والقوانين دى فى أمريكا سارية المفعول جداً ... وبكرى أبوبكر ممكن يختنى حراصة بالتلفون لو انا اتجاوزت أى بند من بنود اللائحة لأنو جزؤ من القوانين دى جنائى .... والناس البتكتب من امريكا هنا كلها عارفة الكلام دا ...
ملحوظة تانية ليك ولى زمانك ...
"الأخلاق" متغيّرة القيمة وليست ثابتة .... حاولى ما ترتكبى الخطأ الموضوعى بالقياس بالأخلاق أو الحكم بالأخلاق أو بناء رأى على أساس الأخلاق ....
الأخلاق بتختلف من مجتمع لى مجتمع، وداخل المجتمع الواحد بتختلف من أسرة لى أسرة، وداخل الأسرة الواحدة بتختلف من شخص لى آخر ... وهى البتتحكم فى معايير الصاح والخطأ، والمباح والممنوع فى راس البنى آدم ...
ولا زالت قبعاتنا مرفوعة للعضو (دينا خالد) ذكراً كان أم انثى ....
.. المهم ....
| |
|
|
|
|
|
|
Re: الى العضو (دينا خالد ) ذكرا كان ام انثى ... احب ميتنك زاتو (Re: تبارك شيخ الدين جبريل)
|
.. .
Quote: الحاصل شنو يا مان؟ داك كان راى مختلف فى بوست مختلف .... وابيت اشتمك رغم محاولاتك الدؤوبة .... عندك زول فى البيت بيقرا سودانيزاونلاين ولاّ شنو؟ |
يا زول قول بسم الله .. اولا لا تهدد .. اشتم فلنا السن .. اما تعليقى على جملة او اضافة الى ما قالت الاخت امانى وما كتب لست انت معنى به بل رودا مردا امنه عبدالكريم دينا خالد
وتطول القائمة فى وقتهاالمناسب
المهم ...
______
لا تأخذوا تباركـ بما يقول ..
| |
|
|
|
|
|
|
Re: الى العضو (دينا خالد ) ذكرا كان ام انثى ... احب ميتنك زاتو (Re: Tabaldina)
|
.. .
Quote: لازم تفسر كلامك داما فهمت ما هي الاشياء الكثر التي تتاسف عليها ؟؟ ومن هم الاخرين الذين لا تتواضع معهم والغير ديل منو؟؟؟ والجاب المساواه شنو ؟؟ مرات بقيت اتحير عديل كدا
عايزه اعرف السبب الخلاك تقول الكلام دا من مداخلاتي في البوست دا شنو ؟ |
اعتقد دى المره الكم تطالبينى بتفسير جمله وانا اعتقد لست ضعيفا فى اللغة ولا الصياغة واكتب عربي ماسواحلى .. تبارك عايز يشرحو ليهو وانت عايزه يشرحو ليك وانا ما مستعد اكرر الجمل
__________
كدى اقرى كلامك وكلام الشفت تانى دا اخر كلامى ..
| |
|
|
|
|
|
|
Re: الى العضو (دينا خالد ) ذكرا كان ام انثى ... احب ميتنك زاتو (Re: Tabaldina)
|
بماا انه دا اخر كلامك يبقي الموضوع منتهي واساسا انت قلت لوليد الشفت لا تؤاخذها يعني بالواضح مرفوع عني القلم . كان بيكون جميل لو خليت التقدير دا للشفت نفسه حد يتبرع يوريني مشكله تبلدينا معاي في كلامي القلتوا في البوست دا شنو ؟؟ هل اشرت ليك من قريب او بعيد ؟؟؟ كل كلامي كان مع وهبه ووليد بخصوص دكين وانهم يوقفوا المهاتره انت اساسا ما طرف في القضيه ولا انا جبت سيرتك ولا خطرت ببالي . دا ما عدل يا تبلدينا انك تغلط علي من غير سبب .
| |
|
|
|
|
|
|
|