|
Re: مامه دومه في ثياب العيد صور بالكوم قيقراوي كيكي بركوته عصام جبرالله وكل الرهط (Re: مزمل خيرى)
|
دومة يا منقة ( كده حاف بدون القاب وتبجيل وتكبير وتهليل ) هناك اتلومتي وإتلولوتي مع قيقا وكيكي حتى ظنيتك من عطبرة عشان دي الحتة الوحيدة الممكن تلمك مع الخيانة المابجيب اسمهم هنا عشان مجليهم وأحسن الواحد يقرب ليك الشبهة بذكر محمد عوارة وشعوطة القون ومنقزا
بشوف مداخلاتك دائمآ رصينة وعقلانية إلا عندما يتعلق الأمر بالنطيح والمتردية بتبقي حاجة تانية وماقدرت اجد تفسير لذلك وجمع الضد إلا في ( الليل والقمرة ضدين إجتمعوا )
هسع البوست ده عاجبني وفيهو ناس لذيذين وعزاز ( شامي ) وملاوز أن أكون قد كوجنته وعملت ليهو ( إبراهيم كوجان )
غايتو لو ده حصل فأمسحيها لي في وشي الشين ده أو كلمي أميرة الشيخ ما تسنثنيني من الكفوف والشلاليت
غايتو انا مابيهون علي نقدك عشان عارفك زولة أصيلة ونبيلة ده غير إنك جميلة وممكن تكوني زميلة لو بطلتي ملاوزة أو مخاطرة ( تعملي خاطر يعني ) للمتردية
كل عام وأنت أغلى وأحلى و أرقى
| |
|
|
|
|
|
|
Re: مامه دومه في ثياب العيد صور بالكوم قيقراوي كيكي بركوته عصام جبرالله وكل الرهط (Re: doma)
|
Quote: قيقا يا اخي انت ما شاركت في حفل شواء لا خربت بوست زول ولا شئ انا عزمتك ساكت فنجريه مني و عربون محبه كدا. |
ما دا الكاسر فينا ضلعة ذاتو ياخ
و الله زي ما بقولوا القلوب شواهد . . نفس التوارد في الخواطر . . . الخ . . . الخ . . . حتى يا سمراء يا واضحة . (او كما قال ) من امس - بتوقيتنا - البقا متزامن مع تفاصيل و توقيت الوجع بالمناسبة ، بقرأ في سودانيز الجن دي لحدت الصباح ، حاجة واحدة بس خطرت لي - بعد قريت انك مقهومة و ماشة تفتشي عن سلوى في شوارع لا تخصنا و صينية كمان - يعني ما اصلية ! - فكرت اني اعمل مداخلة ليك ، تخصك تماماً و اتخارج . . . اها بليلها داك غلبتني دت - بالمناسبة عملنا ليك صور - بس ما راضية تنزل ، بس فيها " وعد " بكرة بالمناسبة و ان لسه الدنيا بخشها ضوء
المصدر : الي صديقتي الغجرية ... في أي مزاج كانت و برضو ممكن تراجعي الخيط - على قول المسغفين - عشان تشوفي كمية الجمال و القبح الفينا و طقسهم المشاكس العتيد
اما بعد يا ماما دوما القالو بركوتة انا ما عندي بيهو علاقة ، عشان كدا بطلب من اميرة انها تراجع قرار الاعفاء ، بلنجة و ام دلدوم و اتنين شلوت كان ما صلحن النظر يعني ؟ . . امكن يبقن ليهو بفتيح عوينات . . . حد عارف ؟ التجربة خير برهان ، انا براهن على جودة النتيجة حد يراهن ؟
اها بقى شي اخير المعرفة ترقد في بطون الكتب . . . لا بتغلط عليك لا بتوسخ إيديك - ما تقولوا لي دي للأكل ! الكيبورد دا بتطقطقوهو برجولكم ؟
محبة قر الكون دا كلو و اكتر بي كتيييييييييييييييييييييير
------------- د. سيف و محمد حيدر المشرف اها اوفينا بوعد ماما دوما و باقي وعدي بباقي الصور
| |
|
|
|
|
|
|
Re: مامه دومه في ثياب العيد صور بالكوم قيقراوي كيكي بركوته عصام جبرالله وكل الرهط (Re: قيقراوي)
|
دومة الجميلة .. صباح الخير ياخ .. أتمنالك صباح خالي من الأكل البحري و تنانين بحر الصين و الخواجة لما ينوم .. و اليسار السوداني المكعوج .
الكركوبة بركوتة حنكو بيش و ما عندو سالفة .. ياها مكنتو دي بيجي يكبها كلما الناس قالت هبشك الماضراك ، و كأن الفكر الشيوعي حرم أقدس و فكي بي قبتو ( و الشيوعيون تحت القبة يسبحون بحمد السلطان ) .. الشيوعيين الجد جد اتربينا علي أيديهم .. رجال زي النار و لا يخافون في الحق لومة لائم و كبير عندهم الجمل .. ناس دوغررررررري و واضحين زي الشمس .. قبل و بعد معتقدهم الإيدولوجي بيختو أخلاقهم السمحة قدام و ورا .. و يقولوا للناس تعالوا حاسبونا . عادل عندو امكانيات فكرية و خطابية و تنظيرية مهولة .. تسقط في أول إختبار عملي ، و تجي ناطه بدلها حماقتو و لغتو الكعبة البيعرفها براهو ديك و الكلام المهبلس و القبيح و البيش .. بدر الدين غلطان ثم غلطان و كعب و كلامو شين و مهبب و لا أخلاقي .. مش لو بقي شيوعي مهذب .. لو بقى نبي الله الخضر ، الكلام المليان إشارات بذيئة و فاحشة و لا أخلاقية ما داير ليهو تاريخ كويس عشان ينسخو . عصام زول صادق و أحمق و حقاني و جميل كما يجب .. ( نقطة ضعفو هي أصحابو ) .. ينصرهم حتى و لو يقع هو في النار . ليبرالي علي شيوعي علي رز باللبن .. كلو طلع فشوش .. و كان الناس راجية نفاعاً من جنس ( رافعي المشاعل ) ديل .. أخير ليهم اليقعدو في الضلمه و يرجوا الله .
..... قيقا يا أصلي .. إنت برضو يا بروتس بتقول ماما ؟؟ أبو ميه ... قول يامين .
| |
|
|
|
|
|
|
Re: مامه دومه في ثياب العيد صور بالكوم قيقراوي كيكي بركوته عصام جبرالله وكل الرهط (Re: Emad Abdulla)
|
Quote: قيقا يا أصلي .. إنت برضو يا بروتس بتقول ماما ؟؟ أبو ميه ... قول يامين . |
صباح الخير يا عمدتنا - بمناسبة الديم و الديامة - انا ديامي بالمنصاهرة و الانصهار زي ما عمدتني شادية عبد المنعم اها راجين تزكية منك و ابو ساندرا و محسن و الديامة الاصليين . . . صينيين زي ناس كسلا ديل يمتنعون
ياخ مالك ياخ " ماما " دي لينا نحن المهمشين " قيقراويين " تمييز ايجابي ياخ ! انت قايل القيقر دي وين شقية الحال و المآل ؟ لو ما شبعنا في ماما دي هنا اها تاني نلقا الفرصة وين ؟ فررررررررررصة يا رجبية . . . او كما قالت هناية
غايتو بابا شبعنا فيها ( بتصرف الا ! ) . . . كان جارنا في القيقر " الحكيم " . . . حكيم الشفخانة ما تمرجي ساي اها ولدو من جنس ناس بابا و ماما الحامينا ليها دي . . . محمد اخوي الكبير بس طلعت في راسو ليه هم احسن مننا ؟ و شبك ليك " ابوي " . . " ببا " . . . و الله لمّا بلغنا حتن فرزنا انو دا ما اسم ابوي . . . الله يرحمهم و يحسن اليهم الجوز ، و يبشبش الطوبة التحت رسينم ببركة العيد دا
------------- ست الدار بت احمد قالت للجماعة : هاكم دي
الرمادة كالت حماد
| |
|
|
|
|
|
|
Re: مامه دومه في ثياب العيد صور بالكوم قيقراوي كيكي بركوته عصام جبرالله وكل الرهط (Re: doma)
|
دوما لكن ما كترت المحلبية شوية .... دوما يا أختي الليله ما كان دايرا تكسري فيني ضلعه مع الكبر دا ... بس انا شفت ليك العنوان دا و جيت طاير طير ... قلت بس الليله أشوف دومه للدنيا و الزمان , دوما لابسة توب الشفون الما خمج و هاك يا خصل و منكير و ايييييييييييك الي نهاية القائمة من ما انتجته مصانع لانكشير من أدوات التجميل ... أجي القي بركوتة و كيكي و ميكي ....يا دوما عليك الله خلي عنوانين جريدة الدار ...
تسلمي يا دوما و كل سنة انت و اسرتك بالف خير و حب
| |
|
|
|
|
|
|
Re: مامه دومه في ثياب العيد صور بالكوم قيقراوي كيكي بركوته عصام جبرالله وكل الرهط (Re: حافظ حسن ابراهيم)
|
Quote: وما لكن ما كترت المحلبية شوية .... دوما يا أختي الليله ما كان دايرا تكسري فيني ضلعه مع الكبر دا ... بس انا شفت ليك العنوان دا و جيت طاير طير ... قلت بس الليله أشوف دومه للدنيا و الزمان , دوما لابسة توب الشفون الما خمج و هاك يا خصل و منكير و ايييييييييييك الي نهاية القائمة من ما انتجته مصانع لانكشير من أدوات التجميل ... أجي القي بركوتة و كيكي و ميكي ....يا دوما عليك الله خلي عنوانين جريدة الدار ...
تسلمي يا دوما و كل سنة انت و اسرتك بالف خير و حب |
لووووووووووووووول لووووووول والله يا حافظ ولدي اضحكتني حتي بانت سنون اللبن . تصدق يا حافظ ولدي وتامن بالله انه امك دومه لم تمتلك فتيل منكير في حياتها اظافر ذاتها ما في من غسيل الهدوم وكرش الحلل . يااخي دومه دي زوله غبشه من الله خلقها وطلقها والخصل دي بس اجيبها من وين يا حافظ ولدي ؟؟؟! علي قول شيري ولا بت قضيم ما بتذكر كويس انه الشعر ضد قانون الجاذبيه الارضيه وعلي قول امي محارب القفا ومصالح العنقره . لكين عشان خاترك بنشوف ليك صوره من الفوتو شوب .
| |
|
|
|
|
|
|
Re: مامه دومه في ثياب العيد صور بالكوم قيقراوي كيكي بركوته عصام جبرالله وكل الرهط (Re: Emad Abdulla)
|
Quote: الكركوبة بركوتة حنكو بيش و ما عندو سالفة .. ياها مكنتو دي بيجي يكبها كلما الناس قالت هبشك الماضراك ، و كأن الفكر الشيوعي حرم أقدس و فكي بي قبتو ( و الشيوعيون تحت القبة يسبحون بحمد السلطان ) .. الشيوعيين الجد جد اتربينا علي أيديهم .. رجال زي النار و لا يخافون في الحق لومة لائم و كبير عندهم الجمل .. ناس دوغررررررري و واضحين زي الشمس .. قبل و بعد معتقدهم الإيدولوجي بيختو أخلاقهم السمحة قدام و ورا .. و يقولوا للناس تعالوا حاسبونا . |
صباحك زين يا عمده بحري والمدن المجاوره لا فض فوك يا زول يا دوغررررررررري .
| |
|
|
|
|
|
|
Re: مامه دومه في ثياب العيد صور بالكوم قيقراوي كيكي بركوته عصام جبرالله وكل الرهط (Re: قيقراوي)
|
Quote: يا ماما دوما القالو بركوتة انا ما عندي بيهو علاقة ، عشان كدا بطلب من اميرة انها تراجع قرار الاعفاء ، بلنجة و ام دلدوم و اتنين شلوت كان ما صلحن النظر يعني ؟ . . امكن يبقن ليهو بفتيح عوينات . . . حد عارف ؟ التجربة خير برهان ، انا براهن على جودة النتيجة حد يراهن ؟ |
قيقا حبيب امك دومه انت براءه بركوته بقن عليهو اتنين ضعف نظر والزهايمر مبكر كان الله في عون رشيده . بنكون منتظرين الصور وما تنسي التلفزيون بغشاكم بس ستفوا لي في كرتونه .
| |
|
|
|
|
|
|
Re: كل سنه وانتو طيبين (Re: Kostawi)
|
كوستاوي يا خردة خليك محضر خير ياخ ! اسي بدل ما تورينا " ام جضوم " الجبتها دي منو ؟ تجي تسأل انت ذاتك ؟
للمشككين في اجندة البوست : اهدي ملابث العيد . . اقصد سياب العيد
| |
|
|
|
|
|
|
Re: كل سنه وانتو طيبين (Re: قيقراوي)
|
يا قيقر إنتا مالك بتسرق في الصور و تلصق الجكس دا ملكية خاصة...للكرمبا فقط
تمشوا تهابشو لمن يهبشوكم تولولوا
_________________________________________________ القيقر دي غير الفسيخ و عرقي العيش تاني فيها شنو?
| |
|
|
|
|
|
|
Re: كل سنه وانتو طيبين (Re: Kostawi)
|
Quote: القيقر دي غير الفسيخ و عرقي العيش تاني فيها شنو? |
الفسيخ اي نعم و العيش ( حب ) اي نعم و دا ذاتو الودانا هناك
لكن النصيحة عرقي دي ما بعرفا . . نحن بتوع الاتوبيس يا عمك .. الحمدلله طلعت منها و انا في اولى ابتدائي
لكن قولي مشيتو وين ؟
---------------- كوستي الرديف . . . ، اكمل العبارة ؟ و الله دا كان سؤال في معاينة في بنك التضامن سنة 1996 م لما قرأ في الـ CV مكان السكن الدائم " كوستي " انقر دقن المعاين دا لحدت وين ؟
| |
|
|
|
|
|
|
Re: كل سنه وانتو طيبين (Re: قيقراوي)
|
كتب العماد عون:
Quote: الكركوبة بركوتة حنكو بيش و ما عندو سالفة .. ياها مكنتو دي بيجي يكبها كلما الناس قالت هبشك الماضراك و كأن الفكر الشيوعي حرم أقدس و فكي بي قبتو ( و الشيوعيون تحت القبة يسبحون بحمد السلطان ) .. الشيوعيين الجد جد اتربينا علي أيديهم .. رجال زي النار و لا يخافون في الحق لومة لائم و كبير عندهم الجمل .. ناس دوغررررررري و واضحين زي الشمس .. قبل و بعد معتقدهم الإيدولوجي بيختو أخلاقهم السمحة قدام و ورا .. و يقولوا للناس تعالوا حاسبونا . |
اعلاه كله كوم نغلط ونخش المجلس المركزي بزعم زعزعة نظام عبود من الداخل ونغلط وندخل المجلس الوطني الإنتقالي بزعم الإستفادة من ساحته أو قبته بزعم الحرص على تطبيق نيفاشا وأحداث التحول الديمقراطي ده كله كوم زي ماقلت ليك فوق لكن المغصة و الوجع أن نجد بعد كم وثلاثين سنة من إجابة عبدالخالق محجوب ردآ على سؤال السفاح الإستفزازي بأنه ظل يقدم الوعي هذا الوعي الذي بت أتشكك فيه كلما قرأت أو طالعت كلام زي ( تطبيق الشريعة ) التي قالت خالتنا دومة إنها السبب في عدم تزملها ودخولها الحزب الشيوعي ، وسيبك من السبب الثاني المتعلقة بجرائم التطبيق في الإتحاد السوفيتي والدول الدارت ودورت في فلكه في اوروبا الشرقية يومها وفي فيتنام وكمبوديا وكوريا ، سيبك منه لأنه سبب لايخصنا وأن جمعنا معهم الإسم الموجع إنه مازالت في ناس بترى أن تطبيق الشريعة ممكن بعد تجربة نميري المأساوية وبعد تجربة الكيزان الأكثر سوءآ ومأساوية
علينا ، ليس في الحزب الشيوعي السوداني فقط يا عماد لكن في كل الأحزاب والتنظيمات الديمقراطية أن نبذل جهد مضاعف لنكشف للناس ونزيل الغشاوة عن عيونهم ويستعيدوا مآلات مايسمى بتطبيق الشريغة ليروا ‘الى يمكن أن تساق بلدنا تحت تلك الدعوة الشائهة
لن ينزل الله جل وعلا لبطبق مايسمى بالشريعة المحصورة في كم حكم جلد وقطع من خلاف وتغريب في الأرض ورجم ، ولن تجود السماء بواقع اليوم بصحابة علمآ بأنه حتى والصحابة شهود رأينا الفشل المزري وليس بيننا معصوم لو لبس جبة الامام أو إعتلى دبابة كلاهما والملالي أهل حكم يتوسلون بالشريعة والحكم بأسم الله لترويع الناس وإسكاتهم وشغارهم الحديث المضروب بأن أطيعوا أولي الأمر فيكم
شريعة بتاعت قلبك يا شيخة دومة
| |
|
|
|
|
|
|
Re: كل سنه وانتو طيبين (Re: أبو ساندرا)
|
Quote: بنكون منتظرين الصور وما تنسي التلفزيون بغشاكم بس ستفوا لي في كرتونه . |
كدا التلفزيون خلصنا منو الحمد ليك يا رب . اها نسوان الجيران ديل بشتريهن منو ؟! لازم نجفف كل مصادر ارهاب " منظمة قالوا " دي ياخ !
الانسة " شلوفة " او في رواية وعد " جونا" .. برضو بريالة العيد
--------------- يا ماما دوما عارف واطاتكم اصبحت . . . لكن نحن ليلت عندنا . . . و ارهاق شديد نلقاكم بكرة تصبحوا على وطن خيّر ديمقراطي . . . يسع الجميع
| |
|
|
|
|
|
|
Re: كل سنه وانتو طيبين (Re: قيقراوي)
|
امى الجميلة
كل الاعوام وانتى كما تتمنى دوما
يخليك ليك كل البتحبيهم... ويخليك لينا
والمتداخلين كل سنة وانتم طيبين
عزيزتى منو كل عام وانتى بخير
| |
|
|
|
|
|
|
Re: كل سنه وانتو طيبين (Re: فادية اليمني)
|
Quote: مى الجميلة
كل الاعوام وانتى كما تتمنى دوما
يخليك ليك كل البتحبيهم... ويخليك لينا |
فدويتي حبيبتي كل عام انت واهلك وكل من تحبين بخير وعافيه والسنه الجايه كل امالك محققه خلوني اشوفكم في المسنجر وعليك الله تسالي لي بتي نعوومه مالها مختفيه مني وشايله نوم عيني ؟؟ بالجد انا محتاره ما من عاداتها
| |
|
|
|
|
|
|
Re: كل سنه وانتو طيبين (Re: قيقراوي)
|
Quote: ها نسوان الجيران ديل بشتريهن منو ؟! لازم نجفف كل مصادر ارهاب " منظمة قالوا " دي ياخ ! |
لووووووووووووول غايتو نسوان الجيران ديل الا تربي ليك schaeferhund وتطلقه في الحوش حلاتها وجن ام عجن كان بتقبلوا بي ناس ودبانقا بنجيكم سايرين تب عسولات البنيات وحنينات والله .
| |
|
|
|
|
|
|
|