الشيوعي الكوز بدر الدين أحمد موسى وهدى بندر والليبرالي بتاع السينما ....

Quote: يا عادل انا جبتا ليك رأي و موثقو بمراجع و اصول و كنتا منتظر نقاش منك فيها فكيف لك أن تدعي انو ليس رأي و انا أعلم انو خاطي يا عادل لا يمكننا أن نلتقي في حوار و كل منا مصر على أن رأيه او موقفه هو الصواب المطلق الذي لا يقبل التغيير و الا فما فائدة النقاش من الاصل هذه الروح الاستعلائية يا صديقي (لا بتودي و لا بتجيب) ثم انا الكلام القلتو و زعلك دا كان (هذا اطلاق نظري يا عادل غير سليم و كاذب تماماً في صياغه التاريخي) و كان الكلام عن انو الماركسية جعلت الالحاد دين رسمي للدولة و انا قمتا اختلفتا معاك و قلتا ليك دا ستالين العمل كدا ما الماركسية و هنا انا ما وصفتا كلامك مش بانو كاذب او انك انتا كذاب بل بانو اطلاق نظري غير سليم و كاذب شفتا اللغة دي بتنفع للحوار كيف يا فردة اما بقية حديثي فكان يا سيدي فهمي انا لموقف الماركسية من الدين بالاستناد للمراجع الذكرتها ليك و اعتقد دا برضو موقف الحزب الشيوعي السوداني بالاستناد لفهمو لطبيعة المجتمع السوداني و اجتهادات و اسهامات المفكرين من اعضائه و عموماً باب النقاش مفتوح معاك يا عادل لكن اتذكر مافي حاجة اسمها بس دي الماركسية و ما عداها ما ماركسية الموضوع دا كتير و بيخضع لافهام كتيرة حسب الواقع بتاعو يعني الاختلاف المنهجي بين الشيوعي الماركسي السوداني و الشيوعي الماركسي الكوبي ليس معناهو انو احدهما ليس ماركسياً لانو الموضوع ما دين و ثوابت لكن معناهو ماركسياتهم مختلفة و دا مقبول في اطار التعامل مع الواقع بحسب خصوصيتو بدر الدين غلطان و ستين غلطان لكن انتا برضو ما تلخبط الحاجات و اعتقد كل الناس الجوو \اخلين وضحوا ليك انو هم متفقين حول غلطو