|
|
|
 Re: ونـسـة دُقآقـــة... ممنوع دخول النســـوانـ ... (Re: معاوية المدير)
|
واحد بلدياتنا, ما شات معاهو نِسوان النوع السُمان شديد, يجدعن
في الشارع يااااالله, ولمان الواحدة تكون دايرة تتكلم تقيف وتغزز
يدينها في في نصها حتى تتكلم. صاحبنا زهجان منهن شديد, الواطه
سخانة والموقف لايحتمل. في هذه الأثناء ظهر القطر. واحدة وقفت
عاينت للقطر وقالت: قااااادر الله, عاد يا أخواتي الراجل السايق
القطر ده شديد جِنس شدّة!!!
فردّعليها صاحبنا وهو في حالة زهج شديد: والله شديد أنا, شديد
أنا السايقكن إنتن ديل...
| |
 
|
|
|
|
|
|
|
|
Re: ونـسـة دُقآقـــة... ممنوع دخول النســـوانـ ... (Re: معاوية المدير)
|
واحد صاحبي قال لي عندو جماعة أصحابو بيطلقو على نسوانهن
إسم ( العدو). واحد منهم يوم إتصل على صاحبو, وبيسالو: يا أخي
إنتَ وين؟
قال ليهو: أنا هسّع فوق كُبري شمبات معاي العدو, وقاطعين الكُبري
كداري.
صاحبو طوالي قال ليهو: بسسسس دي فرصة عظيمة, طوالي أجدعها
في البحر.
بسرعة اآخر قال ليهو: والله أجدعها في البحر إلآ التمساح في دقائق
يجيبها لي رآجعة...
ملحوظة, كنتَ عايز أقول ليهو: والله أكان جدعها في البحر كان
طفّحت. يا زول ديل ما بيغرقن...
| |
|
|
|
|
|
|
|
|
|
Re: ونـسـة دُقآقـــة... ممنوع دخول النســـوانـ ... (Re: معاوية المدير)
|
حلفاوي مرتو ماتت. الجماعة بسرعة شديدة جداً غسلوها, وكفنوها
وقاموا جاريين جري شديد جداً على المقابر. في أثناء ما هم مسرعين
ضربوا عمود الكهرباء, العمود وقع, وأسلاك الكهرباء وقعن فوق الجنازة
المراة فنترب قامت على حيلها. تاأأأني عاشت مع أخونا الحلفاوي وبعد
ثلاث سنين ماتت. الجماعة جو برضو بسرعة شديدة جداً غسلوها وكفنوها
وقاموا طايرين طيران على المقابر, وأخونا الحلفاوي جاري من الناحية
الفيها العواميد وشابكُن ليك: إإملو هسابكم من الأمود يا جماعة, إإملوا
هسابكم من الأمود يا جماعة...
| |
|
|
|
|
|
|
|
|
|
Re: ونـسـة دُقآقـــة... ممنوع دخول النســـوانـ ... (Re: وجن)
|
Quote: والله بالغت عديل
بس انت شكلك من أنصار النساء وكده
قبل يومين قريت العبارة دي موقع بيها أحدهم
وعجبتني شديد
عندما يخطئ رجل يقولون ياله من رجل غبي
وحين تخطئ امراءة يقولون يالغباء النساء
المرأة مظلومة رفقاً بالقوارير بالله |
يا وجن ما قلنا ما تجن.
لكن وكت أصلك جيتي, وحات الشهر العظيم ده ما أخليك
تمشي ساكت. هاك دي:
الولد قال لى أُمو: يا ماما, إنتِ سهير الشغالة بتطير؟
أُمو قالت ليهو: يا ولدي كيف تطير؟ الإنسان بيمشي ما بيطير.
لكن إنت سالتني السؤال الغريب ده ليه؟
قال ليها: لأني سمعتَ بابا في الصباح وهو طالع قال لى سهير:
صباح الخير يا فراشة!.
الأم قالت ليهو: زمان ما بتطير, لكن الليلة وحاتك يا ولدي
إياها الطايرة...
قلت لي رفقاً بمنو...؟
| |
|
|
|
|
|
|
|
|
|
Re: ونـسـة دُقآقـــة... ممنوع دخول النســـوانـ ... (Re: وجن)
|
| Quote: و احد زهجان قال لصحبو: و الله النسوان كان قالو الدوا منهم من غير ما تعرسوهم كان عملوا فينا فائدة. |
رمضان كريم يا صديق...
واحد قال لصاحبو: حسن الترابي أفتى إنو ما في حور
عين يوم القيامة, وإنو زوجتك في الدنيا بعدين تتحول
لحورية وتتزوجها.
صاحبنا زوجتو كانت شيّنة طوالي قال ليهو: يا أبو الشباب,
الله يكضّب الشينة...
| |
|
|
|
|
|
|
|
|
|
Re: ونـسـة دُقآقـــة... ممنوع دخول النســـوانـ ... (Re: صديق الموج)
|
Quote: معاويه يا عمك
الاخبار وكيف رمضان معاكم؟ وتصوم وتفطر علي خير
بعدين الليله موجه علي الجماعه مالك ياخ
رفقا بالقوارير.
بوست هوا . |
الكباشي يا حبيب. رمضان كـريمـ ..
واحده جات لراجلها قالت ليهو: أديني جنيه لاحقة
النسوان في الحافلة ما شات بيت البكا.
قال ليها: يا ولية على الطلاق ما أديك, فوتي من قدام وشي ده.
بعد شوية الولد جاء لى أبوهو قال ليهو: يا بابا حافلة
البكا إتقلبت والنسوان كلهن ماتن.
أبوهو قال ليهو: يا ولد أُمّك ما لقت ليها زول دينها...؟
قلت لي بوست هوا. يعني جاري هوا زي نمرك ده والا شنو؟
| |
|
|
|
|
|
|
|
|
|
Re: ونـسـة دُقآقـــة... ممنوع دخول النســـوانـ ... (Re: معاوية المدير)
|
Quote: ونسة الضكير للضكير اخير منها جبنة فى ضل العصير...
مثل صينى....
خليهن يجن جاهن الــ.......
هن كان بجن ويفوتن اطعم منهن مافى
لكن المشكلة قعادن طواااااااااااااااااااااالى ده...
شافع قال لابوه:
يابا الثعبان دخل غرفة امى
الاب: غلطان هو الوداه غرفة امك شنو؟؟؟ |
يا صديق الموج مالك داير تجيبهن لينا, يجن يوقفن حالنا كمان.
واحد بعد إتخرّج جا قال لى أبوهو: يا أبوي أنا عاوز إتزوّج.
أبوهو قال ليهو: طوالي يا ولدي بت عمّك جاهزة.
الولد قال ليهو: لكن يا أبوي, بت عمي دي أنا ما عايزها.
قال ليهو: أها مالا؟ عيبها لي.
الولد قال ليهو: يا أبوي ما فيها عيب. لكن أنا ما بحبها.
أبوهو قال ليهو: يا ولد أوّل أنا أُ مّك الزي العقرب دي,
أنا كنتَ قاعد أحبها!!!
رمضان كـــريمــ ...
| |
|
|
|
|
|
|
|
|
|
Re: ونـسـة دُقآقـــة... ممنوع دخول النســـوانـ ... (Re: الكباشى البكرى)
|
معاوية المدير
رمضاااان كريم
قلت معاوية دا ممنوع دخول القوارير , فأكيد البوست مزدحم بنون النسوة
فلقيت العكس وقلت ياريت ود المدير كتب ممنوع دخول الرجال !!!
المهم في زول شهير كدا متزوج اربعة حريم ثلاثة ماتن ... جارنا بيجئ من السفر
في اجازته السنوية يقولوا ليهو فلان دا مرتو ماتت امشي شيل معاهو الفاتحة ..
يعزي ويرجع لي غربتو وفي زيارة تكررت القصة في التالتة مشى ليهو ولم يعزيه
قال ليهو تعال انت بتلقى النسوان البموتن ديل وين ؟
............. بدون توقيع وحقوق الملكية لصاحبنا محفوظة .
| |
|
|
|
|
|
|
|
|
|
Re: ونـسـة دُقآقـــة... ممنوع دخول النســـوانـ ... (Re: Osman Musa)
|
| Quote: قال ليهو تعال انت بتلقى النسوان البموتن ديل وين ؟ |
الرفاعي صباح الخير...
ماتت إمراة فإشترى لها زوجها كفناً قصير.
فقالت له الغاسلة: الكفن قصير!
فقال لها: البسيها خُفيها..
النوع ده يا الرفاعي هو البيخلينا نتضامن مع الجماعة..
ســــؤال: مولانا حجر, كان بيدرسنا التربية الإسلامية في
مدرسة القومية عطبرة. هل هو قريبك؟
| |
|
|
|
|
|
|
|
|
|
Re: ونـسـة دُقآقـــة... ممنوع دخول النســـوانـ ... (Re: نوفل عبد الرحيم حسن)
|
Quote: عزيزنا المدير
سلامات
ورمضان كريم
عارف يا صاحبى عايز أكتب وخايف ..
تحياتى |
الله أكــرم يا عثمان...
يأخوي أنا هسع قاعد إتركض واكتب, والبوست
أصلوا إتعمل ومافي طريقة يرجع, دحين يا زول
تعال أبهل كلامك, وزي ما تجي تجي.
بالمناسبة دي هاك دي:
واحده جاااارة توبها بالتراب وماشية على البحر
الجماعة قالو ليها: يا زولة التوب ده ما ترفعيهو!!
قالت ليهن: أصلي ماشة أغسلو...
| |
|
|
|
|
|
|
|
|
 Re: ونـسـة دُقآقـــة... ممنوع دخول النســـوانـ ... (Re: معاوية المدير)
|
Quote: غايتو الليله شد حيلك
وان شاءالله تجيك عزاز اول واحده من مافي
معاوية رمضان كريم وتصوموا وتفطروا علي خير |
الله أكــرم يا نوفل, وأنتم كذلك...
إتحداك يا نوفل, وإتحدى المـ.......كـ...
شلة كده من النوع البيتلمن يشربن جبنة النهار ويدورن قطيعة ديّك.
واحدة فيهن راجلها قاعد يدقها بعروق الملوخية( يعني عامل فيها حنين
وكده) وهي دائماً بتشتكي لصحاباتها. ودائماً بيقولن لها: أمشي النقطة
إشتكيهو(نظام تحريشات). هي عايزة تشتكي لكن خااااايفة. يوم يا زول
نفخنها ليك نفخ شديد, قامت لبست توبها, ومشت على النقطة.
الفراودة قاعدات يشفطن في الجبنة, ومنتظراتنها. دخلتها عليهن قالن
لها: أها, إشتكيتيهو؟
قالت ليهن: لا!!
قالن لها: لييييييه!!!
قالت ليهن: مشيت لقيت النقطة قافلة!!!
| |
|
|
|
|
|
|
|
|
|
Re: ونـسـة دُقآقـــة... ممنوع دخول النســـوانـ ... (Re: معاوية المدير)
|
Quote: معاوية
ابو حنيفة ما براهو الضايق
الرجال ديل معظمهم الواحد من مرتو تموت يفكر في التانية |
رمضان كــريم يا شبكة...
في نوع كمان ما داير, وعندو فلسفتو للموضوع.
زي واحد بلدياتناكان مقرطها شويّة. قالوا ليهو:
يا زول ما تعرّس!!
قال ليهن: مالي بفك البلاء من أهلو, وادرعوا في
رقبتي؟؟؟
| |
|
|
|
|
|
|
|
|
|
Re: ونـسـة دُقآقـــة... ممنوع دخول النســـوانـ ... (Re: معاوية المدير)
|
شايف حكاية (أأملو حسابكم من الامود) عاجباكم شديد
تشيلوا وتكوتوا
عموما النوبة ديل لياقتهم تعبانة في رمضان لكن لو اديتهم صفارة واتلموا في البوست ده تاني الا تطلعوا انتو في العمود فخدوا راحتكم و(كوتوا) قدر ما تكوتوا..انشاء بعد ضحكم ده غربتكم تتفرج وسدودكم تنور وبيوتكم ما تقع من الامطار وكان عربيكم عاجبكم ابقوا اقيفوا بيه في وش القنوات العربية الشغالة فينا (آآآآي) ويا زول و(قت ليك) وشغالة استهزاء بالسوداني والمايشتري يتفرج.
حتي عربي السودان ده طلع ما عربي ما شفنا الخليجين...
في دعاية الايام دي شغالة عن حجر بطارية بلهجة قبيلة من غرب السودان...شغلة برضو تعل البني الآدم
يلقوها من الجنجويد ولا من ضحالة تفكير ناس الخرطوم البضحكوا بقلب الحرف من عين الي الف ولا حاء الي هاء
هسة امانة عليكم وفي ذمتكم قول انا قلبت حرف الضاء دال...يعني شنو عوض ولا اود؟؟؟بتفرق شنو
قول ضحكتو شديد يعني شنو؟؟؟كدة الامور فرجت والمآسي جبرت؟؟
تسلموا ورمضان كريم ولا شيء شخصي
| |
|
|
|
|
|
|
|
|
|
Re: ونـسـة دُقآقـــة... ممنوع دخول النســـوانـ ... (Re: الكباشى البكرى)
|
Quote: شايف حكاية (أأملو حسابكم من الامود) عاجباكم شديد
تشيلوا وتكوتوا
عموما النوبة ديل لياقتهم تعبانة في رمضان لكن لو اديتهم صفارة واتلموا في البوست ده تاني الا تطلعوا انتو في العمود فخدوا راحتكم و(كوتوا) قدر ما تكوتوا..انشاء بعد ضحكم ده غربتكم تتفرج وسدودكم تنور وبيوتكم ما تقع من الامطار وكان عربيكم عاجبكم ابقوا اقيفوا بيه في وش القنوات العربية الشغالة فينا (آآآآي) ويا زول و(قت ليك) وشغالة استهزاء بالسوداني والمايشتري يتفرج.
حتي عربي السودان ده طلع ما عربي ما شفنا الخليجين...
في دعاية الايام دي شغالة عن حجر بطارية بلهجة قبيلة من غرب السودان...شغلة برضو تعل البني الآدم
يلقوها من الجنجويد ولا من ضحالة تفكير ناس الخرطوم البضحكوا بقلب الحرف من عين الي الف ولا حاء الي هاء
هسة امانة عليكم وفي ذمتكم قول انا قلبت حرف الضاء دال...يعني شنو عوض ولا اود؟؟؟بتفرق شنو
قول ضحكتو شديد يعني شنو؟؟؟كدة الامور فرجت والمآسي جبرت؟؟
تسلموا ورمضان كريم ولا شيء شخصي |
تسلم يا قمر بوبا. الله أكــرم...
طيب عشان ما تطرّم شديد نغير ليك الموجة...
قال ليك نسوان لامات الشفع في الشارع, وشاداتلهن
بليلة, الشُفع يدقوا في الصفايح ويكوركو. جا واحد شايقي
فايت قالهن: مالكِن في شينو؟
قالن ليو: القمرا خسفت يا سيد أحمد!!!
قالهن: ما من عمايِلكِن السودي.
واحدة قالت لو: عمايلنا السودا شنو كمان؟
قال لهن: بتزيدِن المريسي مويِ!!!
| |
|
|
|
|
|
|
|
|
|
Re: ونـسـة دُقآقـــة... ممنوع دخول النســـوانـ ... (Re: معاوية المدير)
|
Quote: انا ما قلتلك انت مقطوع طاري
ابيت تصدقني |
يا ود جبرين, إنت الجابك بجاي شنو؟
البوست ده كان قامت فيهو كعّة بتقدر تستحملها؟
نديك واحدة حسب موقعك من الكرة الأرضية:
كان رجل كثير المخاصمة لإمراته, وله جار يعاتبه على ذلك.
فلما كان في بعض الليالي خاصمها خصومة شديدة وضربها, فإطلع
عليه جاره فقال: يا هذا, إعمل معها كما قال الله تعالى: إما
إمساك أيش إسمو, أو تسريح ما أدري إيش؟؟؟
| |
|
|
|
|
|
|
|
|
|
Re: ونـسـة دُقآقـــة... ممنوع دخول النســـوانـ ... (Re: معاوية المدير)
|
Quote:
الاخ معاوية المدير
ســــــلامات ...... مالك علينا يا زول في رمضان ده...
اللهم أجعل كلامنا خفيف عليهن بس
وردني عبر الايميل :
سألوا خبير في الشؤون السياسية عن أنواع النساء فقال :
المرأه من عمر 14 الى 18 ...متل ماليزيا.... كل شي فيها حلو ....
ومن عمر 18 الى 25 ...مثل لوس انجلس... مثيره ومتوحشه وغامضه...
ومن عمر 25 الى 35 ...مثل دبي... متطوره ورائعه ...
ومن عمر 35 الى 45 ...مثل جده... رطبه وحاره ولاتزال جذابه....
ومن عمر 45 الى 50 ...مثل القاهره... خسرت الحرب ولم تخسر الامل ...
ومن عمر 50 الى 55 ...مثل الرياض... متوثبه وراقيه ولكن لا احد يريدها ...
ومن عمر 55 الى 65 ...مثل قطر... بتموت بالمشاكل...
ومن عمر 65 الى 75 ...مثل دمشق ماضي عريق... ولكن بدون مستقبل .......
_________
منقــــــــول |
يا البشير, رمضان كــريمـ ...
بمناسبة الأعمار...
قال ليك واحدة إتقدم ليها راجل كبيييييير ووافقت...
قامن صاحباتها يعاتبن فيها.
قالن ليها يأخ بالغت لكن, ما للدرجة دي.
قالت ليهن: ياخ هو كده أنا رضيانة...
واحدة قالت ليها: مبااالغة لكن. يا زولة ده ضهرو زاااتو
محني عدددديل كده.
قالت ليها: محني, محني. أنا دايره أسطّر بيهو...
| |
|
|
|
|
|
|
|
|
|
Re: ونـسـة دُقآقـــة... ممنوع دخول النســـوانـ ... (Re: معاوية المدير)
|
وجن شكلك أساسية عندنا في بيت السودانيين
أبداً والله أنا ما بتصفح موقع سوداني غير بيتي دا بس بالصدفة لما قلت لي
عاوز بيت الشعر داك اللي طلع بعد داك أغنية لود الريح
قوقلت البيت طلعت لي انت بهناك
توقيعك جميل
معاوية أنا نادوني ماجيت ضهبانة المرة دي
بعد الحجارة الختيته لي لملمت توبي ومرقت
بوستك زاتو شين
| |
|
|
|
|
|
|
|
|
|
Re: ونـسـة دُقآقـــة... ممنوع دخول النســـوانـ ... (Re: عبد الحكيم نصر)
|
آخر شمار من ابها
سيدة سعودية تدخل طليقها مستشفى الأمراض العقلية
بعد زواجه عليها
تمكنت سيدة سعودية من أن توجه ضربة قاضية لزوجها السابق وتدخله مستشفى الأمراض النفسية بعد أن 'خان العشرة' وأحضر لها ' ضرة' ناسيا سنوات كفاحها معه في رحلة العمر.
وبحسب صحيفة 'اليوم' السعودية فقد شهدت مدينة أبها في جنوب البلاد أغرب قصة لانتقام زوجة من زوجها بعد أن تزوج عليها، حيث قام الزوج بالاشتراك مع زوجته ببناء منزل (العمر) وبعد أن انتهى من بناء طابق أرضي ودور مرتفع فوقه قرر الزواج على شريكته في البناء والحياة الزوجية ولم يكتف بذلك بل أسكن زوجته الجديدة في الدور العلوي وأمر زوجته الأولي بالبقاء في الدور الأرضي.
وقد أوغرت أفعال الزوج صدر الزوجة الأولى ضد زوجها وتظاهرت بموافقتها على ما قام به زوجها وأقنعته بأن يكتب الدور الأول باسمها بالنظر إلى أنها شاركته في البناء، وبعد أن تسلمت صك ملكية الدور الأول من المحكمة فاجأت الزوجة زوجها بطلب الطلاق كما طلبت منه أن يتولى حضانة الأطفال.
وأشارت الصحيفة إلى أن محاولات الأقارب للإصلاح بين الطرفين قد باءت بالفشل فاضطر الزوج لطلاقها وبعد أن أتمت الزوجة شهور العدة أقدمت على الخطوة الأخيرة من انتقامها بأن تزوجت من شخص آخر وأسكنته معها في الدور الأرضي بنفس البيت الذي يسكن فيه زوجها،
مما أدى إلى أن يصاب الزوج بحالة سيئة دخل على أثرها مستشفى الأمراض النفسية ولا يزال تحت العلاج.
| |
|
|
|
|
|
|
|
|
|
Re: ونـسـة دُقآقـــة... ممنوع دخول النســـوانـ ... (Re: سيف الدولة كامل)
|
العنوان الزى ده بنتاوق ليه براحه من راس الحيطه
معليش شايفاكم فكيتو غلبكم فينا ما فى مشكله الظاهر رمضان غلبكم
بقت عليكم حكاية
لا بريدك ولا بحمل بلاك
بس الله ما وراكم راينا فيكم
وهسى كان لاقتكم وحدى بس فيها حبة ظرافه شويه
او لو جات وحدى ماشه ساكت كلكم
تتكبكبو وتكوبو الجرسه
وحبوبتى فى مناسبه قالت وكانو البنات والنسوان قاعدين
اتونسوا واقطعو فى الرجال بعد ما سمت الكلام كل قالت
يا بناتى عرسو والدو ولادتكم بتنفعكم لكن الرجال ديل.........
والله بس ما بنقدر نمشــى حفيانين
تصوموا وتفطروا عل خير
ومعذره لو رفعته الكلفه
البوست لطيف جدا
| |
|
|
|
|
|
|
|
|
|
Re: ونـسـة دُقآقـــة... ممنوع دخول النســـوانـ ... (Re: معاوية المدير)
|
Quote: معاويه الجنا عليه الرحمه زمان لمن يشملو زول بسل سكينو وبقولو أنا خابر
رويحتك كركرت والله القريمانه دى إلا تشبع فيك فليخ دحين يا جر واطى يا
رويحتك مكركره.
رمضان كريم
منصور |
أفوووو يا المنصور!!!
أنا عربياً ما بخاف ولا بعرف الخوف
إن كشكش كديس تلقاني قايم صوووف...
ملحوظة: الكديس ممكن نستفيد من جلدو نعملوا مركوب
عشان كده ما تسلموهو الجماعة...
رمضان كريم. بديك سلك...
| |
|
|
|
|
|
|
|
|
|
Re: ونـسـة دُقآقـــة... ممنوع دخول النســـوانـ ... (Re: معاوية المدير)
|
Quote: امود شنو يا باشاوات انتو ما بتحترمو التعدد؟
في واحدة اشترت شريحة جديدة وحبت تعمل مفاجاة لراجلها
قامت ضربت ليهو من المطبخ وهو في الصالون:ازيك يا حبيبي؟
قال:اقفلي هسه الحيوانة دي موجودة بتصل بيكي بعدين... |
يا عبد الحكيم رمضان كــريم...
الحاجة جلكُونية شدييييد, أولاد بنات
بنتها قالوا ليها: يا حبوبة أخيرليك
العرس, والا الرُز باللبن؟
قالت ليهن: يا ولادي أنا الرُز باللبن
عندي ليهو سنون!!!
| |
|
|
|
|
|
|
|
|
 Re: ونـسـة دُقآقـــة... ممنوع دخول النســـوانـ ... (Re: معاوية المدير)
|
في واحد مشي لصاحبو في البيت لقاهو بنادي علي زوجتو
وبقوليها يا روحي ويا عمري
قام قاليهو ماشاء الله بعد 25 سنة لسة بتدلع مرتك كدة
قاليهو اسكت بس والله ما متذكر اسمه
والله السعودية دي كيفتني كيف
إنّ كيدهُنَّ عظيييييييم يا ود الشيخ.
يعني إنت شفت كيده وما شفت غدر راجله
غايتو جنس رجال الله يدينا خيركم
| |
|
|
|
|
|
|
|
|
|
Re: ونـسـة دُقآقـــة... ممنوع دخول النســـوانـ ... (Re: وجن)
|
واحدة بايركس مشت للشيخ قالت ليهو يا شيخنا ما تشوف لي موضوع العرس دا
الشيخ صنقع ودنقر وجر السبحة وقال ليها انتي بعرسوك قريب دا
البت بقت تضحك ضحك شديد
الشيخ جر السبحة تاني وقال ليها وكمان العريس مغترب في السعودية
البت قعدت تبكي الشيخ قعد يسكت فيها يابتي مالك انتي ما كنتي كويسة
قبل شوية مالك ؟ البت قالت ليهو: والله يا شيخنا انا هميت من ولادة الغربة
| |
|
|
|
|
|
|
|
|
|
Re: ونـسـة دُقآقـــة... ممنوع دخول النســـوانـ ... (Re: عبدالله ابوشواب)
|
Quote: ســــؤال: مولانا حجر, كان بيدرسنا التربية الإسلامية في
مدرسة القومية عطبرة. هل هو قريبك؟ |
عطبرة دي كلها أقربائي من امبكول وإنت ماشي داخلة حصاية سكة حديد
الامتدادات والان المطار ... محي الدين حجر شمسون عمي واكيد مولانا
حجر لو من جلاس قريبي ... بعض احلى ايام حياتي قضيتها في عطبرة
وأتوق لها دوماً .
..................................................حجر.
| |
|
|
|
|
|
|
|
|
|
Re: ونـسـة دُقآقـــة... ممنوع دخول النســـوانـ ... (Re: عبد الحكيم نصر)
|
معاوية رمضان كريم وزوارك..
كل مره اقرا العنوان واقول خلاص ما بدخلزز
اللي غلبني!
وكنت ناويه اعمل ما دخلت بعد قريت البوست..
لكن من شد ما اتكيفت غلبني ما أظهر الشماته ..
Quote: وأشارت الصحيفة إلى أن محاولات الأقارب للإصلاح بين الطرفين قد باءت بالفشل فاضطر الزوج لطلاقها وبعد أن أتمت الزوجة شهور العدة أقدمت على الخطوة الأخيرة من انتقامها بأن تزوجت من شخص آخر وأسكنته معها في الدور الأرضي بنفس البيت الذي يسكن فيه زوجها،
مما أدى إلى أن يصاب الزوج بحالة سيئة دخل على أثرها مستشفى الأمراض النفسية ولا يزال تحت العلاج.
|
عفيت عنها الفالحة..
| |
|
|
|
|
|
|
|
|
|
Re: ونـسـة دُقآقـــة... ممنوع دخول النســـوانـ ... (Re: معاوية المدير)
|
اثنين اتزوجوا من عشرين سنه قرروا يصيفوا ع البحر بنفس الفندق اللى قضوا فيه شهر العسل زمان لكن الزوجة كانت مشغولة فاتفقت مع زوجها إنه يسافر لوحده وهي تلحقه بعد يومين وصل الزوج الفندق ودخل الغرفة حصل كمبيوتر بالغرفة وموصل بالانترنت فقال: ارسل ايميل لزوجتي اطمنها على أحوالي. بعد ماكتب الرسالة وهو بيكتب عنوان البريد الالكترونى لزوجته أخطأ فى كتابة حرف فى العنوان وبالطبع راح الايميل لشخص ثانى تصادف إنه كان لأرملة توها راجعة من مراسم دفن زوجها اللى توفاه الله بنفس اليوم .. الأرملة فتحت كمبيوترها عشان تقرأ ايميلات التعازي وطاحت على الأرض مغمي عليها بلحظة دخول ولدها اللي حاول يسعفها بكل الطرق وما قدر نظر الابن إلى كمبيوتر أمه وقرأ الرسالة التالية : زوجتى العزيزة .. وصلت بخير .. ويمكن تتفاجئين لأنك تعرفين أخباري عن طريق الانترنت ، لأنه الان صار فيه كمبيوتر عندهم ويقدر الواحد يرسل أخباره لأهله وأحبابه يوم بيوم .. أنا لي ساعة واصل وتأكدت إنهم جهزوا المكان وكل شىء .. وما باقى غير وصولك عندي هنا بعد يومين .. إشتقت لك كثير ومشتاق أشوفك واتمنى تكون رحلة سريعة زي رحلتي .. ملاحظة : ما ضروري تجيبي ملابس كثيرة معاك لأن هنا الحر شديد خالص يعنى جهنم إن شاء الله ما تتأخري علي ياعمري..!!!
| |
|
|
|
|
|
|
|
|
|
Re: ونـسـة دُقآقـــة... ممنوع دخول النســـوانـ ... (Re: عبد الحكيم نصر)
|
| Quote: لحين عودة الهارب معاويه المدير . |
لاحول ولا قوة إلا بالله العلي العظيم...
والله النسوان التقول عمان لي عمل. من يوم فتحتَ البوست ده
كمبيوتري ما قال أحيّ يالعافية, وأخيراً حتي الشبكة زاااتها طشّت...
يا الكباشي يا سجامان, أغيب وأجي القى البوست إتملأ نسوان!!
طلعتَ ما فيك فايدة...
| |
|
|
|
|
|
|
|
|
|
Re: ونـسـة دُقآقـــة... ممنوع دخول النســـوانـ ... (Re: عبد الحكيم نصر)
|
| Quote: لحين عودة الهارب معاويه المدير . |
لاحول ولا قوة إلا بالله العلي العظيم...
والله النسوان التقول عمان لي عمل. من يوم فتحتَ البوست ده
كمبيوتري ما قال أحيّ يالعافية, وأخيراً حتي الشبكة زاااتها طشّت...
يا الكباشي يا سجامان, أغيب وأجي القى البوست إتملأ نسوان!!
طلعتَ ما فيك فايدة...
| |
|
|
|
|
|
|
|
|
|
Re: ونـسـة دُقآقـــة... ممنوع دخول النســـوانـ ... (Re: معاوية المدير)
|
Quote:
خليجي سمع مصري بيغازل في زوجته
المصري لزوجته: شايفه القمر يا حبيبتي
الزوجة : ااه والله منظره حلو وجميل
الزوج : بس انتي احلي واجمل
الخليجي عاوز يطبق النظرية مع زوجتة:
الخليجي لزوجتة: شايفه القمر يا حبيبتي
الزوجة : علامي ما شايفه عميه متل امك
رمضان كريم يا ود المدي |
الله أكـــرم يا نديدي...
تعال شوف الشفوت بتاعين الجاهلية البقعدو تحت ضل السدرة, مُش
تحت لمبة العمود. قال ليك الجماعة متلمين جات مجموعة بتاعت جكس
من بني حنظلة, وبني دارم ماشات. واحد شِفِت قال ليهن:
إنّ النساء شواطيناً خلقنَ لنا نعوذ بالله من شرّ الشواطينا
ردّتَ عليهو واحدة أشّفت منو قالت:
إنّ النساء رياحيناً خلقن لكم وكلكم يشتهي شمّ الرياحينا
أحياناً بيتجلن يالسيف أخوي...
| |
|
|
|
|
|
|
|
|
|
Re: ونـسـة دُقآقـــة... ممنوع دخول النســـوانـ ... (Re: الكباشى البكرى)
|
Quote: تصوموا وتفطروا عل خير
ومعذره لو رفعته الكلفه
البوست لطيف جد |
تصومي وتفطري على خير يا محاسن, ورمضان كـــريم...
قلنا ممنوع الدخول. إنت جايانا رافعة الكُلفة كمان؟؟؟
غايتو أصلكن ما بتخلن محنكن...
على العموم يا زولة وكت الخبار جابك ما بنمرقك ساكت, وهاك دي:
بتاعات جبنة نُصّت نهار البيريدن القطيعة زي عيونهن ديك. قال ليك مرّة قاليك مرّة
ظابتات الجبنة وقاعدات بمزاج, وواحدة مدوراليك في مراة من نسوان الحِلّة قطيعة
من العيار التقيل. والمراة الشادنها من النوع الشرير جداً, وصاحبتنا دي تشيل وتسلخ
فيها. أكان المراة جات دآخلة وقفت وراها, وزولتنا تشيل وتمعط فيها ما جايبة خبر,
وصحباتها البغمز بعينها, والبتلوي في خشُمها, والبتعضعض في شلاليفها, وديك مآخدة
راحتها بالكامل. أكان إتلفتت لقتها وراها, إتبهطت, وإتخلعت, ودون ما تشعر قالت
لها: أها, جنيّت, وقُلتَ, السمح بيقولوهو, والكعب بيقولوهو...
شكراً على المرور يا أُخُت محاسن...
| |
|
|
|
|
|
|
|
|
|
Re: ونـسـة دُقآقـــة... ممنوع دخول النســـوانـ ... (Re: معاوية المدير)
|
Quote: واحدة بايركس مشت للشيخ قالت ليهو يا شيخنا ما تشوف لي موضوع العرس دا
الشيخ صنقع ودنقر وجر السبحة وقال ليها انتي بعرسوك قريب دا
البت بقت تضحك ضحك شديد
الشيخ جر السبحة تاني وقال ليها وكمان العريس مغترب في السعودية
البت قعدت تبكي الشيخ قعد يسكت فيها يابتي مالك انتي ما كنتي كويسة
قبل شوية مالك ؟ البت قالت ليهو: والله يا شيخنا انا هميت من ولادة الغرب |
رمضان كــــريم يا أبو شوارب. مرات كده في جماعة بيعرسو ضربة حظـ سااااكت...
جماعة صاحبهن عرّس. قالوا يمشو يباركو ليهو, مشو لقوليك العروس
شينة شنا مباااااالغة. يا زول إتبهطو, وراحو داقين فرامل طوالي, وبدو
يتفاكرو يقولوا ليهو شنو؟؟. واحد قال ليهن: أنا بخارجكن من الموقف ده.
طواااالي مشاليك للعريس, سلّم عليهو, وقال ليهو: أسمع يا أبو الشباب,
الجماعة معاي, وبيقولوا ليك الجاتك في مالك ســـــــــامحتكـــ ...
| |
|
|
|
|
|
|
|
|
|
Re: ونـسـة دُقآقـــة... ممنوع دخول النســـوانـ ... (Re: معاوية المدير)
|
Quote: مسطول مشي يخطب بت ..
قدمو ليه كباية شاي فيها (كيس لبتون)
قال لي صاحبو : أها من قولة تيت ساوين لينا عمل!! |
بوست خفيف وظريف ، بس بننبه الناس بعدم الخوض في أي نكات تمس الدين وان كانت للضحك فالله عز وجل لا يقبل بذلك .
يا جماعة رفقاً بالقوارير ، والله أنا شخصياً لمن اغيب من زوجتي يوم واحد بحس بي انو حياتي خاوية على عروشها.
تقبلوا تحياتي
| |
|
|
|
|
|
|
|
|
|
Re: ونـسـة دُقآقـــة... ممنوع دخول النســـوانـ ... (Re: محمد عبدالله مختار)
|
سلام يا شباب ورمضان كريم
وتصوموا وتفطروا على خير
وربنا يطلعكم من البوست ده بالسلامة
مرة مع المسنوح صديق الموج ده
وكنا معزومين فطور في رمضان في استراحة
بعد الفطور الونسه اقترحت عليهم نمشي البيت
نشرب لينا حجر شيشه مع جبنه كاااااربه00
وافقوا وذهبنا للبيت انا فتحت باب الشقة ودخلت توووووش للمطبخ
ولعت البوتجاز0000عشان الموية للجبنه والفحم للشيشة0000
جيت راجع لقيت ليك الموج واقف بتململ عند الباب وما دخل
وكان مزنوق 00وداير الحمام000
-مالك ما دخلته000
- يا خ ما حركات البلد دي تخش وتقفل باب النص وتستازن من الاولاد 00وكده
-ياخ ادخل ما في زول
-ليه الاولاد وين
-فاطرين مع ناس خالتهم
الموج- ياسلالالالالالالالالالالالالام ياخ ايوه كده الواحد ياخد راحته
والله كمان لو ربنا وفقك وطلقتهم0000تكون احسن زول في الدنيا!!!
| |
|
|
|
|
|
|
|
|
|
Re: ونـسـة دُقآقـــة... ممنوع دخول النســـوانـ ... (Re: معاوية المدير)
|
Quote:
احلى تعبير
واصل متابعين |
رمضان كـــــريم يا عبدالله بابكر...
عمّك الجاحظ قال: ما أخجلني قط إلا إمراة مرّت بي إلى صائغ فقلت له: أعمل
مثل هذا, فبقيت مبهوتاً, ثمّ سالت الصائغ, فقال: هذه المراةأرادت أن أعمل
صورة شيطان, فقلت: لا أدري كيف أصوره, فأتت بِكَ إليَّ لاصوره على صورتك...
شوفته الحقارة كمان يا عبد الله
غايتو الله يلزمنا الصبر...
| |
|
|
|
|
|
|
|
|
|
Re: ونـسـة دُقآقـــة... ممنوع دخول النســـوانـ ... (Re: معاوية المدير)
|
الأخ/ معاوية
سلامات
بوستك عينة وقصر لينا نهار رمضان.. وحأجيك بصينيتي علشان ما تقول بنملح!!
Quote:
ردّتَ عليهو واحدة أشّفت منو قالت:
إنّ النساء رياحيناً خلقن لكم وكلكم يشتهي شمّ الرياحينا
أحياناً بيتجلن يالسيف أخوي... |
كنت ماشي كويس..
أها قمت تكسر في التلج..
تحياتي
عبدالعزيز
| |
|
|
|
|
|
|
|
|
|
Re: ونـسـة دُقآقـــة... ممنوع دخول النســـوانـ ... (Re: Abdlaziz Eisa)
|
Quote: يا مَدير معاوية
بوستك بس كستبلي يعني جميل شديد زي الكستليته في رمضان |
رمضان كــــــريم يا الصادق ود الصديق...
زمان في (الحُجا). قالوا: الفار معرّس الخنفُسانة, ومريحها ليك رآحة شدددديدة,
ومنغنها نغنغة في السلك, ومانعها تطلع من البيت بحيث إنها ما محتاجة لحاجة.
يا زول يوم هفّت ليها قالت تمشي ترِد موية من البحر, عايزة تملأ القُلتة الموجة
لفحتها ليك. أها جا راجل يتوضأ فوق البحر, قامت كوركت ليهو: هووووووي يا طويل
الرقبة, قول لى طويل الضنبا ست النساء في غلبة.
الراجل راح في الدُكان مستغرب يحكي للجماعة قال ليهم: في حاجة في البحر
قالت لي هووووي يا طويل الرقبة قول لى طويل الضنبة ست النساء في غلبة.
الفار قاعد تحت البنك سمع الكلام قال: نحن اليسوانا, والما يسوانا يتحدث في
قفانا!!!.
مشى طوالي البحر مرقها, ودقاها, وطلقها...
شُفّته عدم سماع الكلام يا الصادق بيسوي في النسوان شنو!!!...
| |
|
|
|
|
|
|
|
|
|
Re: ونـسـة دُقآقـــة... ممنوع دخول النســـوانـ ... (Re: معاوية المدير)
|
Quote:
واحد بلدياتي عندو مرتو نقة
مرة بعد فاصل من النقة ..وزولي ساكت
ما بيرد ..بعد ان غادرت الزوجة قال لي:
والله يا ولدي الحريم ديل المفروض زي العقارب
يلدو وطوالي يموتو) |
هاك الهدية دي يا ود نصــــر...
عندنا صا حبنا نسيبو ظريف جداً. يوم صاحبنا ده داير يعمل حريف راح
قال لى نسيبو: أسمع أنا داير أعرّس فوق بنتك...
نسيبو قال ليهو: والله بقت عليك حكاية الراجل الشيلوهو النعجة ظرت,
قال أنا متعود على شيل التيران....
| |
|
|
|
|
|
|
|
|
|
Re: ونـسـة دُقآقـــة... ممنوع دخول النســـوانـ ... (Re: معاوية المدير)
|
Quote: كل مره اقرا العنوان واقول خلاص ما بدخلزز
اللي غلبني! |
بتقدري يا مُنى لكن؟ والله ما بتقدري..
قالوا الخبار كتلو مراة!!!
رمضان كــــــــــــريمـ ...
واحدة جبوا ليها خبر, قالوا ليها: راجلك عـــــرّس فوقك!
قالت ليهم: بعد زبّل لي الأولاد, وطهّر لي الحيط, اليعرِس
أكان داير يعرّس!!!
| |
|
|
|
|
|
|
|
|
|
Re: ونـسـة دُقآقـــة... ممنوع دخول النســـوانـ ... (Re: معاوية المدير)
|
Quote: نظر الابن إلى كمبيوتر أمه وقرأ الرسالة التالية : زوجتى العزيزة .. وصلت بخير .. ويمكن تتفاجئين لأنك تعرفين أخباري عن طريق الانترنت ، لأنه الان صار فيه كمبيوتر عندهم ويقدر الواحد يرسل أخباره لأهله وأحبابه يوم بيوم .. أنا لي ساعة واصل وتأكدت إنهم جهزوا المكان وكل شىء .. وما باقى غير وصولك عندي هنا بعد يومين .. إشتقت لك كثير ومشتاق أشوفك واتمنى تكون رحلة سريعة زي رحلتي .. ملاحظة : ما ضروري تجيبي ملابس كثيرة معاك لأن هنا الحر شديد خالص يعنى جهنم إن شاء الله ما تتأخري علي ياعمري..!
معاوية المدير
osman righeem
وجن
Siddig A. Omer
صديق الموج
almogira alemam
الرفاعي عبدالعاطي حجر
Osman Musa
نوفل عبد الرحيم حسن
SHIBKA
GamarBoBa
طارق جبريل
حماد الطاهر عبدالله
الامين موسى البشاري
munswor almophtah
عبد الحكيم نصر
MOHAMMED ELSHEIKH
سيف الدولة كامل
محاسن أحمد محمد
الصادق صديق سلمان
Muna Khugali
محمد عبدالله مختار
طارق عبد اللطيف نقد
Abdlaziz Eisa
فيس بوك
تويتر
انستقرام
يوتيوب
بنتيريست