نفق عفراء موووووووول يتحول الى بركة مياه راكضة .. نموزج للعبث المسمى تنمية

Quote: المشكلة انو مافي زول بيرفض التنمية لكن بنرفض التنمية من اجل المتاجرة وطك الحنك وبدل ما تكون في مشكلة تنمية بنكون عطلنا التنمية لانو بتكون المبالغ المالية ضاعت عبث ومن اجل منطقة لحظية ليس الا .. في جدة لاحظت ان هنالك اختلاف كبير جدا في الشوارع في شوارع جديدة وفي شوارع اترصت فيها كمية من الكباري ودا في بلدية صغيرة من بلديات جدة موش الحكومة باكملها ! كل الانجازات دي وما حصل شفنا رئيس بلدية خلي سيد البلد ذاتا وقف في شاشة ورقص وقال السد السد ولا كباري كباري .. اي مسئول بشوف واجبو شنو وبعملو بصمت ... وكلو من جيب وخزينة الدولة لا في نقاط تفتيش لا قبانة نقاط التفتيش ما بتسالك الا من هويتك ورخصة سواقتك بس .. حتى الخزانات في المؤسسات الحكومة اتلغت كل شي بقى بالانترنت او الصراف الالي مافي بتاع بوليس شايل ايصالات وما يرجع الدفتر الا بعد ما يعرس ويلد زي ما بحصل في السودان ...

Quote: نرجع تانى لى ورا شوية - الشاحنة فى الصورة رقم واحد دى واااااقفة من الساعة 1 م وعدستى مرت عليهم الساعة 6:30م - العربة نص النقل ( الدفار ) فى الصورة التانية برضو واقفه - الشاحنة والعربة نص النقل ( الدفار ) زرقاء اللون برضوا واقفات السؤال هو ليه واقفات

Quote: نفق عفراء موووووووول يتحول الى بركة مياه راكضة .. نموزج للعبث المسمى تنمية

Quote: رمضان كريم يا محمد حسن العمدة.... بعد شوية حا يجيك محمد فرح أو ود الباوقة يقول ليك النفق أصلا لمن عملوهو كان قاصدين يستفيدو منو في تخزين مياه الأمطار في الخريف لحل مشكلة المياه في المنطقة. لعلك تقصد "راكدة"، لأن (راكضة) هذه لها معنى آخر تماما.

Quote: هسة يجيك واحد من الدجالين الارزقجية المنافقين يقول ليك دي تنمية وبطيخ انت يا ود العمدة الناس ديل في المدرسة ما علموهم وضع الزول المنافق في المجتمه بيكون كيف ...خليهو وضع المنافق عند رب العالمين ... اصلو الحتة دي مافارقة معاهم كتير..

Quote: الغلطة ما من الحكومة..الغلط من المطرة!!

Quote: ود العمدة النفق اتحول لحوض سباحة ابسط ابجديات الفيزياء بتقول بتجمع المياة في اخفض أرض قانون الجاذبية العادي

Quote: كل المنشات من كباري وطرق وحتي السد الذي وقف في العقبة وحرن عن توليد الكهرباء كل هذه الخدمات الاساسية في البنية التحتية في السودان هي فهي مهب الريح الهندسي والموشرات وسبهللية ممارسة ضبط الجودة الهندسية المنبية علي (الامانة والدقة) مفقودة ومعدومة ... عشان كده بتقع عمارات وكباري تغرق وجسور تتملي موية تفوق مويتها موية (بوطة نمورا) في ابيي خريفا.. وسدود تحرن وما تتنج كهرباء وطرق تتشقق.. واميات كهرباء تطق وتفرطق الناس المسكينة..

Quote: هلا يا ثروت ومشتاقين ياخي ورمضان كريم.. وياخي الفوضي العملوها الناس الحرامية في البلد دي بتحرق الفشفاش ياخي.. تعرف جسر عفراء مول ده بكون جابو ليهو صينين (جيان سووو) وديل اكثر ناس ماعندهم زمة في العالم اها ناسنا هنا بتساهلو معاهم في التسليم وضبط المواصفات والمواد وبعد شهر شهرين تلقي الكبري واقف زينة ومضروب بوهية ويرقش...والصينين يضايروا عيونهم الصغار دي ويركبو طيارتهم ويفرتقوا من البلد.. اها اول مطرة تقوم تقعد ليك الجسر او الكبري في السهلة وهاك يا بلاوي وفضائح ويسجل بلاغ ضد الخريف المفاجي الشديد.. وله الله هذا الوطن يا ثروت

Quote: البعيد عن مقاصد الدين ياخ.

والله يا ثروت ديل مش يطلعونا بعيدين من مقاصد الدين وبس
ديل ممكن يقولو هندستنا دي تم نسخهاوما بتشتغل في الدولة الرسالية وضد مسيرتها القاصدة

(عدل بواسطة عبدالكريم أحمد الامين on 08-27-2009, 06:47 PM)

Quote: يا اخي والله انا في حاجه محيراني يعني اغلب المسولين و كبار المهندسين. يا اشتغلو بره السودان يا مشو قرو بره السودان حتي و لو كان ماليزيا دي المطر فيها سبلوقه و بعد ربع ساعه باباح يعني الناس ديل شافو الحاجات دي و شافر المطارات وشافو جزر البندقيه و بس ما عارف البيحصل ليهم اشنو بعد ما يرجعو السودان يا ربي يكون الشافوه دا من عمل الشيطان. استغفر الله العظيم وأعوذ به من الشيطان الرجيم. و يا ربي لا تمحنا ولا تسحنا زي ما بتقول حبوبتي الله يرحمها بس تسحنا دي ما عارف معناه

Quote: تعرف جسر عفراء مول ده بكون جابو ليهو صينين (جيان سووو) وديل اكثر ناس ماعندهم زمة في العالم اها ناسنا هنا بتساهلو معاهم في التسليم وضبط المواصفات والمواد وبعد شهر شهرين تلقي الكبري واقف زينة ومضروب بوهية ويرقش...والصينين يضايروا عيونهم الصغار دي ويركبو طيارتهم ويفرتقوا من البلد.. اها اول مطرة تقوم تقعد ليك الجسر او الكبري في السهلة وهاك يا بلاوي وفضائح ويسجل بلاغ ضد الخريف المفاجي الشديد..

Quote: وقد يجيئك من يتحدث عن أن الأمر هو كارثة أصابت (الوطن) بسبب بعد بنيه عن الدين .. ود العمدة كل سنة وانت طيب .

Quote: كل المنشات من كباري وطرق وحتي السد الذي وقف في العقبة وحرن عن توليد الكهرباء كل هذه الخدمات الاساسية في البنية التحتية في السودان هي فهي مهب الريح الهندسي والموشرات وسبهللية ممارسة ضبط الجودة الهندسية المنبية علي (الامانة والدقة) مفقودة ومعدومة ... عشان كده بتقع عمارات وكباري تغرق وجسور تتملي موية تفوق مويتها موية (بوطة نمورا) في ابيي خريفا.. وسدود تحرن وما تتنج كهرباء وطرق تتشقق.. واميات كهرباء تطق وتفرطق الناس المسكينة..

Quote: ياود العمدة كل سنة وانت طيب يا اخي انتو بس مترصدين اخفاقات الانجاز اسف الانقاذ... اولا هذا النفق صمم خصيصا لفصل الشتاء يعني في الصيف علي السودانييين ان يسلكوا الطرق الاخري المعبدة والمرصوفة... وايه يعني لما النفق يتحول لبركة ما فينيسيا كلها برك ومجاري وخيران وممكن في فصل الخريف دي تكون اخر محطة بالنسبة للقادمين من الخرطوم او الجنوب وعندها سيقوم احد عباقرة الاستثمار بجلب عدد من اللنشات لزوم التعدية ويللا فرص توظيف لكم شاب... بس انتو ما دايرين الخير للوطن...........!!!!! هي جات علي النفق بس

Quote: إذا حدثت مِثل هذه المهزله فى دولة تحترم القانون ,, ويوجد قانون يُحاسب المسؤوليين على أدائهم للمسؤوليات المُلقاه على عاتقهم :- ** فإن المسؤول يستقيل قبل أن يُطلب منه ويتحمل المسؤوليه القانونيه للخطأ المُرتكب من قبل أحد موظفيه ويُسمى قانوناً (مسوؤلية المتبوع عن أعمال تابعه) - وبما أن أدب الاستقاله خارج مُقرراتنا الانقاذيه فى ظل النهب المُستشرى للمال العام وظهور أثرياء حرب فى كل صباح من الإنقاذيين - فالعباره المتداوله :- قِـــرض على كده..

Quote: بمناسبة المطر الكيزان طلعو مظاهرة

Quote: ودي ذكرتني قنصلية جدة بعد أن قامت بإرغامي بدفع مبلغ 1500 ريال لزوم الزكاة، دعا لي الموظف بقوله: ربنا يتقبل منك والله نهب كلها مشاريع نهب مصلح

Quote: يا اخي والله انا في حاجه محيراني يعني اغلب المسولين و كبار المهندسين. يا اشتغلو بره السودان يا مشو قرو بره السودان حتي و لو كان ماليزيا دي المطر فيها سبلوقه و بعد ربع ساعه باباح يعني الناس ديل شافو الحاجات دي و شافر المطارات وشافو جزر البندقيه و بس ما عارف البيحصل ليهم اشنو بعد ما يرجعو السودان يا ربي يكون الشافوه دا من عمل الشيطان. استغفر الله العظيم وأعوذ به من الشيطان الرجيم. و يا ربي لا تمحنا ولا تسحنا زي ما بتقول حبوبتي الله يرحمها بس تسحنا دي ما عارف معناه

Quote: المسؤلين ولا هم بى مسؤلين لا يهمهم ان كان هناك برك مياء أو مصطقعات تلعلع فيها الضفاضع ألا مسؤلين يهمهم نهب مكتسبات هذا الشعب واللهم أرزقنا من لدنك حراما أو حلالا! الصين أعدمت مسؤل فى وزارة بسبب أدوية الاطفال المشهورة(وهذا الحكم ليسى من شرع اللة) بل من الاخلاق والامانة والاحســـاس بى المســـــؤلية تجاة الشعب أين الحــرامى النصاب المتعافن وشركاؤ(أخجلو يا ما مســـؤلين على هذا الحال.؟

Quote: ودالعمده رمضان كريم دي من المفاجات السنوية موية رمضانيه لكل احياء العاصمه و بالمجان لطفي

Quote: بلد بتصنع طيارات تغرقها مطره 80 ملي كم مطره زي دي و مكتسبات الامة تروح في شربة مويه

Quote: يا ود العمدة أنت حركات الشيوعيين ده ما تبطلها ياخ وزير التخطيط العمراني زات نفسوا قال في التلفزيون نحنا قاعدين نحفر المصارف (ما عافاهو قاصد ياتها) لكن المواطنين خصوصاً ستات الشاي قاعدين يرموا فيها الأوساخ يعني دي ما غلطة الحكومة غلطة المواطنييييييييييييين يا جماعة

Quote: سلامات ود العمده....و كل سنة و انت طيب. ح اقول ليكم حاجه غريبه قالها لى صديق مهندس كان بيتكلم عن النفق ده. قال صديقى بان الجماعة ديل بيكونوا قاصدين الحكاية دى. و لما سالت كيف. قال يكونوا لقوا ان تكلفة تصميم نظام لتصريف المياه كبيرة جدا جدا. فقرروا يخلو الموية تتجمع فى المطرات الكبيرة لمده يوم يومين و بعد كده الموية تتصرف و يرجع كل شئ لحاله. _______________________ ما تشاكلونى دى ما فكرتى

Quote: طوالي شايل البردعة

Quote: عشان اركب بيها في ضهر الحمير الما بتفهم