|
بدون مجاملة .. صلاح قوش ولبنى احمد حسين !
|
انتقل الفريق اول مهندس صلاح عبدالله محمد من رئاسة جهاز الامن والمخابرات الى رئاسة الجمهورية فشكل الامر دفعة وجرعة معنوية لمن يمقتون النظام وكان مفاتيح الحكم قد سلمت لهم وسيقت اليهم احمال السلطة والصولجان للمرة المليون بعد المليون تثبتون كما يقول حسين ملاسى انكم تقرأون باذانكم .. وامانيكم
سلام عليكم ومشتاقين ...كتير ...
|
|
|
|
|
|
|
|
Re: بدون مجاملة .. صلاح قوش ولبنى احمد حسين ! (Re: محمد حامد جمعه)
|
الزميلة لبنى احمد حسين قلم احترمه واكن لها تقديرا عظيما لجملة مناقب جدير بالمرء احترامها وانزالها مقامات الود العريض واعجبنى فيها انها صنعت نفسها بنفسها واعتمدت على قدرات مهنية قدمتها فى زمن وجيز الى الصفوف الاولى على مدرج النابهين ولست معنيا كثيرا بتصنيفها السياسى فهذه نقطة لا اقايس عليها تاسيس مواقفى الشخصية او العامة لكن فى الموقف الاخير وان كنت اثبت لها حقها فى ضبط التهجم عليها بالقانون فارى انها زودت المحلبية قليلا وخرجت بقضيتها من خانة احقاق الحق الى نقطة الانفعال المصطنع ..وسافصل كما سافعل مع سيادتو قوش
| |
|
|
|
|
|
|
Re: بدون مجاملة .. صلاح قوش ولبنى احمد حسين ! (Re: Tabaldina)
|
تبلدينا
قاعد يا ابوك .... بناكل تورنا وندى زولنا ... شوقى الكتير
عارف الوغد خدر ان كل ما اجهز ليهو ابوست اسحب قواتى الى ما وراء حدود 56 اشفاقا على الرجل اعددته له نص لن يعرب من حرفا الا من كانوا معه فى سلم واحد وهؤلاء قلة انت احدهم .. ربك يهون ونطلق سراح النص لكن بعدها ... بطلعوا محمد عطا عديل اصلو ناسك ديل لا يرحمو لا يخلو رحمة الحروف تنزل
| |
|
|
|
|
|
|
Re: بدون مجاملة .. صلاح قوش ولبنى احمد حسين ! (Re: esam gabralla)
|
يا ود جبرالله ماتساعدوهو بتشتيت كورتو، خلوهو يسترسل في موضوع لبنى، عشان نشوف بعيون إنقازيَّة كميَّة المويَّة الدلقتها لبنى على حسب رأي محج.. ___ محج، الفرق الوحيد بينك وبين الجماعة الهارين مصارين خدر، هي إنو فيك حبة حرفنة، يعني مثلاً لو في تلاتة مستنيرين، دايرين ليهم زول يربعهم في طربيزة وِست، ممكن يستعينو بيك، علي مضض
| |
|
|
|
|
|
|
Re: بدون مجاملة .. صلاح قوش ولبنى احمد حسين ! (Re: عصام دهب)
|
حبابكم كلكم
جاييكم زول زول
بس خلونا نفكك ليكم الوهمة دى ، اصلو طولتو بطنكم ما طمت
طيب
الاخ صلاح قوش - طبعا جماعتنا بشيلو الكلفة مع بعض وكدا - شخصية مؤثرة ومميزة وعندها حضور وقدرات كبيرة ، وهو ركيزة مافى اتنين تلاتة وجملة مناقب مافى داعى نفصل فيها ، رتب جهاز الامن وخلهاو قوة مؤثرة وحاضرة ، بقى الصامولة الرابطة البلد كلها وطور منهجية عمل الجهاز وخلهاو عسكرى ومدنى ، يعنى كدا بمشى وكدا بمشى ونظم المؤسسة دى خلاها زى الساعة ، جداول مويتها مرتبة تمشى وتشيل من وين وتكب وين ، كلو مية مية طيب ...
| |
|
|
|
|
|
|
Re: بدون مجاملة .. صلاح قوش ولبنى احمد حسين ! (Re: محمد حامد جمعه)
|
طيب
نخليكم من عمكم قوش دا نشوف موضوع الاستاذة لبنى
شوفو يا جماعة وصلو على النبى انا لو القاضى ولو كنت صاحب سلطة - بعد الحصل والاستقطاب والاوهام التجارية دى - كنت جلدتها وبعدها تمشى ساركوزى ولا يان كى مون يفرش بظروفو تنجلد ، غلطانة ما غلطانة انا لو بقيت عندى قرار تنجلد لانها ختت الحاجات كلها فى المحك (حاجتنا طبعا )
راى دا ما عندو علاقة باحترامى وتقديرى للبنى ... لكن دا راى وموقفى من كيسها وليه كدا بكلمكم
| |
|
|
|
|
|
|
Re: بدون مجاملة .. صلاح قوش ولبنى احمد حسين ! (Re: محمد حامد جمعه)
|
Quote: انا لو القاضى ولو كنت صاحب سلطة - بعد الحصل والاستقطاب والاوهام التجارية دى - كنت جلدتها وبعدها تمشى ساركوزى ولا يان كى مون يفرش بظروفو تنجلد ، غلطانة ما غلطانة انا لو بقيت عندى قرار تنجلد لانها ختت الحاجات كلها فى المحك (حاجتنا طبعا ) |
من قبيل راجِنّك، أفصِح وأبِن.. ___ Cary on, we're listening ...
| |
|
|
|
|
|
|
Re: بدون مجاملة .. صلاح قوش ولبنى احمد حسين ! (Re: الجيلى أحمد)
|
Quote: قلعوهو قلعة ضرس بى زردية والله الكاميرا جابت وشو زى آخر عبس! |
و انت الصادق يا جني هاك مداخلتي دي في بوست عمار
Quote: الاستاذ عمار الخبير في الحركة الاسلاموية السودانية اخاطبك بصفتك كوز سابق دي 100% يعنى لا جدال حوله و كوز حالي ودي فيها اقوال كثيرة ما علينا اخ عمار مظهر قوش في احتفال الجيش يشير الى ان الرجل ممكون و اطيح بل و غدر به ظهر الرجل (بالمناسبة انا الراجل ده شفتو فيس تو فيس ) و الحريص جدا على هيئته و مظهره العام حتى في احلك ظروفه ظهر في احتفال الجيش على غير العادة بشعر لا يكسوه الصبغة الحالكة السواد و غير حليق الذقن و بشعيرات بيض على الوجه و دي لاول مرة منذ اعتاد الرجل الظهر على المنابر الاعلامية |
| |
|
|
|
|
|
|
Re: بدون مجاملة .. صلاح قوش ولبنى احمد حسين ! (Re: الجيلى أحمد)
|
Quote: رجالتكم بتسووها مع النساء الضعيفات |
هؤلاء كن يجلدن منذ عقود جانيات وبريئات ولم ارى او اسمع شخصا من اصحاب الحلاقيم الكبيرة يخرج هاتفا او مدافعا وجوقة المحامين ودافقى الاحبار عليهم التيقن ان ثمة مليون لبنى جلدت على مدار تاريخنا القانونى والاجتماعى قبل حادثة توقيف الاستاذة وربما قبلها بساعات وبعدها بدقائق لكن لا بواكى عليهن منكم افهم ان الحكومة ظالمة وبت ستين كلب فما بال قومك ... اهتمتهم بت اللتيبية
| |
|
|
|
|
|
|
Re: بدون مجاملة .. صلاح قوش ولبنى احمد حسين ! (Re: محمد حامد جمعه)
|
البشير ليس غبيا حتى (يقرش ) صلاح قوش فى مثل هذه الظروف ، هذا احتمال لا يرتكز على اى فرض منطقى ، قوش مفتاح دوائر اقليمية ودولية وداخليا فانه حاجز صد معنوى ومادى ملموس لكثير من القوى الحزبية والعسكرية الحاقدة على البشير وداخل اروقة التنظيم - او ما بقى منه - فانه يمتلك شعبية ذات قيمة غير منكورة والاهم من كل هذا انه رجل لديه القدرة والجراة على اتخاذ القرار والمبادرة ومل الفراغات دون تردد او مراجعة وكلها صفات ايجابية تشير بالضرورة الى منحه مزيد من المساحة والحركة التى لا تتاح له فى موقعه القديم
| |
|
|
|
|
|
|
Re: بدون مجاملة .. صلاح قوش ولبنى احمد حسين ! (Re: محمد حامد جمعه)
|
أخ جمعة : ماهذا? زعمت أن قوش قد شكل حاجز صد ضد قوي حزبية وعسكرية وهذا مفهوم... ولكنك أضفت أن قوش تصدي مادياومعنويا لقوي داخل التنظيم أو بقايا التنظيم!!! وهذا يفرز سؤالا مشروعا عن طبيعة ذلك التنظيم وكنهه!!أتراك تقصد الحزب الحاكم أو كيان الحركة الأسلامية داخله? وإن كان الأمر كذلك من هي تلك العناصرالتي تحقد علي البشير في تنظيمه أهي مراكز قوي أم أفراد وكيف تصدي لها قوش?
| |
|
|
|
|
|
|
Re: بدون مجاملة .. صلاح قوش ولبنى احمد حسين ! (Re: محمد حامد جمعه)
|
Quote: فشكل الامر دفعة وجرعة معنوية لمالقن يمقتون النظام وكان مفاتيح الحكم قد سلمت لهم وسيقت اليهم احمال السلطة والصولجان |
محمد جمعة سلام
افتراضك من البداية خاطئ
من اين لك ان المعارضين للنظام قد هللوا لهذا الامر!
هل عملت استفتاء او شئ من هذا القبيل؟
ولا القصة نضم ساكت!
اما قولك: *مفاتيح الحكم * يمقتون النظام * احمال السلطة *الصولجان
فنقول لك ساعدنا بالالفاظ
| |
|
|
|
|
|
|
Re: بدون مجاملة .. صلاح قوش ولبنى احمد حسين ! (Re: محمد حامد جمعه)
|
ود جمعـة كيف حالك ?
Quote: يا الجيلى ان زاتى بقول ان شاء الله يبقو رجال ويجلدوها |
يا زول كلامك دا ني وبنفخ البطن وبطلعك زول ساكت ! إنت كاتب مرموق ومقرب .. يلا سخر قلمك لذلك الغرض ! بعدين دا تنزيلك ليها مقامات الود العـريض ??!! عليك دينك البت دي عملت شنو عشان تستحق الجـلد? ما تقول لي بنطلون وشبط أصـفر وطرحة .. ده كلام ميت . يعني عشان إتحدت قانونكم الجائر وركعـتكم?? منطـقك فطـير وظالم ومحابي .. وافجـيعـة خــدر فـيك !
| |
|
|
|
|
|
|
Re: بدون مجاملة .. صلاح قوش ولبنى احمد حسين ! (Re: Abd Alla Elhabib)
|
ود جمعة:
Quote: البشير ليس غبيا حتى (يقرش ) صلاح قوش فى مثل هذه الظروف ، هذا احتمال لا يرتكز على اى فرض منطقى ، قوش مفتاح دوائر اقليمية ودولية وداخليا فانه حاجز صد معنوى ومادى ملموس لكثير من القوى الحزبية والعسكرية الحاقدة على البشير وداخل اروقة التنظيم - او ما بقى منه - فانه يمتلك شعبية ذات قيمة غير منكورة والاهم من كل هذا انه رجل لديه القدرة والجراة على اتخاذ القرار والمبادرة ومل الفراغات دون تردد او مراجعة وكلها صفات ايجابية تشير بالضرورة الى منحه مزيد من المساحة والحركة التى لا تتاح له فى موقعه القديم
|
و أصبح ود جمعة يتيم سياسيا .. هذه مناحة سياسية .... الذي قذف بك اليوم ههنا ... إعصار شديد يدور في أروقة نظامك هناك .. و يبدو أن القادم أخطر في مقبلات الأيام... ( قصة لبني هذه أردت بها صرف الأنظار عن فداحة فقدك ... و الجرح بلغ العظم )
| |
|
|
|
|
|
|
Re: بدون مجاملة .. صلاح قوش ولبنى احمد حسين ! (Re: Abd Alla Elhabib)
|
Quote: غلطانة ما غلطانة انا لو بقيت عندى قرار تنجلد لانها ختت الحاجات كلها فى المحك (حاجتنا طبعا ) |
للاسف منطقك هذا هو الذي ارتكبت به جنايات كثيرة عبر تاريخ الطغاة الطويل في كل ارجاء الدنيا
كل المذابح والسحل والظلامات التي يرتكبها الطغاة بكون تبريرهم ليها غالبا انهم اتختو في محك
(حاجاتهم ) !
| |
|
|
|
|
|
|
Re: بدون مجاملة .. صلاح قوش ولبنى احمد حسين ! (Re: Marouf Sanad)
|
وأنا لو كان عندي سلطة كان جلدتك يا محمد حامد عشان طولت الغياب. ياخي بعدك (فريقكم) هنا بقى حالتو شلش..دفاع مهلهل وحارس مرمى تشوت فيهو من القون التاني كشك بي حالو يخش..وهجوم يا كافي البلا يشوت في مرمى فريقو.. صحي انت مرات لياقتك بتكون تعبانة لكن على الأقل بتقرا الملعب كويس.
أهلا بعودتك يا جمعة..وكتر خير لبنى زرزرتكم وطلعتكم من بياتكم الشتوي. غايتو لبنى دي كان جلدتوها وووووب كان ما جلدتوها وووووووبين بتسووا شنو؟ تاني تجوا الدوري؟
بعدين كترت المحلبية شنو ياخ؟ انتوا عدمتوا السوق حبة محلبية واحدة..من 20 سنة هريتونا محلبية خليتوا ريحتنا طير طير..شوفوا الضقناهو شوية أصلكم تستاهلوا فضيحة (دولية) زي دي.
| |
|
|
|
|
|
|
Re: بدون مجاملة .. صلاح قوش ولبنى احمد حسين ! (Re: خالد عويس)
|
Quote: (فريقكم) هنا بقى حالتو شلش.. دفاع مهلهل وحارس مرمى تشوت فيهو من القون التاني كشك بي حالو يخش.. وهجوم يا كافي البلا يشوت في مرمى فريقو.. |
ما فريقهم الهنا براهو
وزي ما قال أحد أعمامنا سابقا في البرلمان
(الرهزي الهنا دا
من الهشكي الهناك
وسجل يا ود فوراوي)
الباقر موسى
| |
|
|
|
|
|
|
Re: بدون مجاملة .. صلاح قوش ولبنى احمد حسين ! (Re: خالد عويس)
|
محمد حامد مبروك اولا النيولوك وحمد الله على السلامة ..
أعتقد إنو سعادة الفريق اول صلاح وطنى من الطراز الاول وقد ساهم بشجاعة واقتدار فى الحفاظ على هذا الوطن فى أوقات حرجة تعرض فيها الوطن لمحن خطيرة ويحمل بين اكتافه من المسؤوليات لايحملها الا الشجعان .. تحية كبيرة له ...
| |
|
|
|
|
|
|
Re: بدون مجاملة .. صلاح قوش ولبنى احمد حسين ! (Re: خالد عويس)
|
Quote: هؤلاء كن يجلدن منذ عقود جانيات وبريئات ولم ارى او اسمع شخصا من اصحاب الحلاقيم الكبيرة يخرج هاتفا او مدافعا وجوقة المحامين ودافقى الاحبار عليهم التيقن ان ثمة مليون لبنى جلدت على مدار تاريخنا القانونى والاجتماعى قبل حادثة توقيف الاستاذة وربما قبلها بساعات وبعدها بدقائق لكن لا بواكى عليهن منكم |
الفارق، يا محمد، أنها لم تسكت على الظلم. فقد حملت قضيتها بيدها. وطالبت الناس لحضور محاكمتها وجلدها. هذه الجسارة هي التي أحالتها إلى رمز لمواجهة مشروع الهوس الديني برمته، باعتباره مشروعاً حاط بالكرامة الإنسانية، وباعتباره أداة سياسية يتدرق بها المؤتمر الوطني لسوق الناس إلى الاستكانة عن طريق إذلالهم. هذا هو جوهر القضية. قضية تطعن في دستورية القوانين التي تحاكم بها لبنى، وتظعن في دستورية بعض مواد الدستور الانتقالي، التي زعم المؤتمرجية أنها تضمن تطبيق قوانين الشريعة في شمال السودان.
Quote: افهم ان الحكومة ظالمة وبت ستين كلب... |
أتفق معك تماماً في النصف الأول من الجملة، غير أنني لا أوافقك في النصف الثاني منها، إذ أن الوفاء صفة معروفة في الكلاب. وقد قال فيها الشاعر، يصف أميراً: أنت كالكلب في الوفاء...
ولا يدل ما حدث للترابي في زمان مضى، ولعلي عثمان في زمن ليس ببعيد، ولقوش في محنته اليوم، ولا لكثيرين أن الوفاء شيمة من شيم أولى الأمر في المؤتمر الوطني!
ندع المزاح المفيد جانباً، و نرحب بك يا محمد. لقد افتقدناك بحق، إذ فيك نستطيع أن نخاطب وجهة النظر الرسمية بغير الإسفاف المألوف حين تكون هناك مواجهات بين عضوية المؤتمر الوطني والمعارضين له ولمشروعه المدمر.
لا حظت أنك استشهدت بالأخ حسين ملاسي. تحياتي له عبرك!
| |
|
|
|
|
|
|
Re: بدون مجاملة .. صلاح قوش ولبنى احمد حسين ! (Re: د.نجاة محمود)
|
تكوركو لينا نجيكم نجيكم تكوركو
خدر ورهطه تكوركو من دغش الرحمن . يا محمد جمعة تعال..
محمد جمعة وينو ..
محمد جمعة ليه تسيبنا يا حبيبنا..
محمد جمعة قرب تعال ما تبتعد..
محمد جمعة سيبني في عز الجمر .
الرجل اتي اليكم ملهلب الجمر وقعدتو تنططو .
دنيا فرندقس ..
| |
|
|
|
|
|
|
Re: بدون مجاملة .. صلاح قوش ولبنى احمد حسين ! (Re: Haydar Badawi Sadig)
|
الجيلي
سلام
Quote: ابقو رجال واجلدو لبنى. |
الجيلي، كلامك دا ذكرني قصة كانت الوالدة-الله يرحمها وينور قبرها- بتحكيها لينا.
قالت: اثنين حجاج من ناسنا-بالفهم العريض- جو امدرمان يا دوب لسة تراب القطر عليهم، اول حاجة
لاقوها واحد من صعاليك امدر وعتاولتها. العصبجي قام لاتخ ليك مهمن-محمد- بونية لله كدة، مهمن التاني
عمل ما شايف.
بعد مسافة الاول قال للتاني مهمن، كيف تشوف الزول داك ضربني وما تقول هاجة وانت كبير كدا
مهمد قال ليه، والله ضربك كدي نرجع ليه!
للعصبجي، يا زول ليه ضربت هاج مهمن دا، كدي اضربو تاني انشوفك كان راجل!
العصبجي لتخ مهمن تاني بنية اشد!
مهمن الاول: اضربو تاني كان راجل!
العصبجي ضرب مهمن المسكين بنية اشد
مهمن لاخوه، مهمن ارح خليه دا ما بخاف الله!
دحين يا الجيلي يا اخوي ما تجيب الجلدة للبنى ساكت، الناس ديل ما بخافوا الله، ونحن ما حنعمل ليهم
حاجة!
--
ودجمعة ياخ ازيك، انا عارفك ما بتعرفني لكن والله مشتاقين!
| |
|
|
|
|
|
|
Re: بدون مجاملة .. صلاح قوش ولبنى احمد حسين ! (Re: ود الباوقة)
|
محمدجمعة حمدالله على السلامة
((جهاز الامن هوالصامولة الرابطة البلدكلها))
كلام صحيح
لكن مش امر مخجل البلد بدل ما يربطها مشروع فكرى او ثقافى او وطنى
يا اخ يعنى المشروع الحضارى صامولتوحلجت
فرويد بيفتش على الحقيقةفى فلتات اللسان والمسكوت عنه اها عندك فلتات القلم
يعنى البلدماسكنها امن والبطش فقط
| |
|
|
|
|
|
|
Re: بدون مجاملة .. صلاح قوش ولبنى احمد حسين ! (Re: فيصل محمد خليل)
|
Quote: انا لو القاضى ولو كنت صاحب سلطة - بعد الحصل والاستقطاب والاوهام التجارية دى - كنت جلدتها وبعدها تمشى ساركوزى ولا يان كى مون يفرش بظروفو تنجلد ، غلطانة ما غلطانة انا لو بقيت عندى قرار تنجلد لانها ختت الحاجات كلها فى المحك (حاجتنا طبعا )
|
واهمون من يفرز عضوية الانقاذ بأن فلان احسن من علان يتفقون فى منهجهم الظلامى ويختلفون فى لعب الادوار
| |
|
|
|
|
|
|
Re: بدون مجاملة .. صلاح قوش ولبنى احمد حسين ! (Re: هشام المجمر)
|
Quote: لبنى لو ما انجلدت النظام معناه بقى ماسورة ... يعنى اعارة ما بتجيب حقو |
اذا عرف السبب بطل العجب..
على العمومالجُحُرْ إتْمَلا شوفْلَك دِبَبْ يا فار.. -----
حمد لله على سلامة العودة يا ود جمعة.. ---- ود الباوقة شايفاك استلمت الوردية بهمة ونشاط.. مبروك الـ(مورننغ شِفْت).
| |
|
|
|
|
|
|
Re: بدون مجاملة .. صلاح قوش ولبنى احمد حسين ! (Re: elsharief)
|
والله الجماعة يشتاقوا ليك وينادوك ويدوك دفعة معنوية ويبيضوا ليك وجهك الكالح ده ويظارفوا معاك ده فهمهم براهم، لكن تظل في نظري ونظر الكثيرين هنا مما يرضون التصالح مع عفنكم يا إنقاذيين مجرم وأرزقي وإنسان غير جدير بالاحترام طالما انك:-
- تصمت عن جرائم جهاز الأمن التي راح ضحيتها الكثير من شرفاء هذا البلد، وتعد بذلك في نظري مشاركاً في الجرم ومتستراً عليه.
- تصمت على سرقات المال العام من جانب سدنة الإنقاذ وأذيالها ما أدى إلى الانهيار الاقتصادي الذي أفقر الشعب حتى بات 95% منه يعيشون تحت خط الفقر بينما الـ5% يعيشون في رغد وبحبوحة من أموال هؤلاء الفقراء.
- تمجد وتطبل لنظام دكتاتوري مستبد صادر الحريات العامة، وسطا بليل على الديمقراطية وقتّل ولا يزال الأبرياء العزل بدم باااارد.
قوم لف بلا وهم معاك نحن فاهمين غيبتك كانت خجلة وغياب حجة ترد بيها على سوءات نظامك، أعطوك دفعة معنوية وعملوا منك بني آدم فخرجت تهلل من مستنقع بؤسك لتطل بعفنك ووسخك من جديد.
لا تصالح مع المجرمين واشباه المجرمين من أمثالك الذين ماتت ضمائرهم وصاروا يسترزقون من عذابات الأبرياء ... إلى الجحيم يا عفن الإنسانية ونتن الحياة ... إلى الجحيم أنت وأشباهك ... بيننا وبينك القصاص تحت شمس صباح سيطل قريباً وإن طال السفر... عفن
| |
|
|
|
|
|
|
Re: بدون مجاملة .. صلاح قوش ولبنى احمد حسين ! (Re: فيصل محمد خليل)
|
Quote: أعتقد إنو سعادة الفريق اول صلاح وطنى من الطراز الاول وقد ساهم بشجاعة واقتدار فى الحفاظ على هذا الوطن فى أوقات حرجة تعرض فيها الوطن لمحن خطيرة ويحمل بين اكتافه من المسؤوليات لايحملها الا الشجعان .. تحية كبيرة له ... |
يعني لو إنتقل قوش إلي ربه، يصبح الوطن في خبر كان؟؟؟!!! لذلك يجب أن يذهب النظام الذي عرض الوطن لتلك المحن الخطيرة. أبو الوليد
| |
|
|
|
|
|
|
Re: بدون مجاملة .. صلاح قوش ولبنى احمد حسين ! (Re: عزاز شامي)
|
Quote: حسي نواصل من حتة المحلبية الكترتها لبنى و اخلي موضوع قوش للبورد - بنين |
دقيقة دقيقة يا عزوز يا اخونا انتو اصول الضيافة بقيتو ما بتعرفوها ؟ طوالي مسخنين مع الراجل كدي في الاول خلونا نقول خطبة الاستقبال يا عزوز بعد داكـ نمشي لي خُطبة الماسورة محمد حامد حمدلله علي السلامة و بركة المرقكـ صلاح قوش , انت صحفي شاطر و بتعرف تقراء كويس اوع تقول لي مرقكـ بوست اليوقرت (الروب) , انت مرقتكـ الماسورة الساق ليها البشير صاحبكـ قوش و بوست التور الابيض جابها ليكـ مقشره و انت ما تفسر و انا ما بقصر يا ود الباوقة شفتي بوست التور الابيض ده انا اصلا عملتو عشان نوع ردودكـ الهنا و الهناكـ دي يا بلدينا لو بتعرف تقول كلام زي ده نحن ما كان طفشنا بالحلال نكوركـ ( الروب الروب )
Quote: الزميلة لبنى احمد حسين قلم احترمه واكن لها تقديرا عظيما لجملة مناقب جدير بالمرء احترامها وانزالها مقامات الود العريض واعجبنى فيها انها صنعت نفسها بنفسها واعتمدت على قدرات مهنية قدمتها فى زمن وجيز الى الصفوف الاولى على مدرج النابهين ولست معنيا كثيرا بتصنيفها السياسى فهذه نقطة لا اقايس عليها تاسيس مواقفى الشخصية او العامة لكن فى الموقف الاخير وان كنت اثبت لها حقها فى ضبط التهجم عليها بالقانون فارى انها زودت المحلبية قليلا وخرجت بقضيتها من خانة احقاق الحق الى نقطة الانفعال المصطنع ..وسافصل كما سافعل مع سيادتو قوش |
Quote: شوفو يا جماعة وصلو على النبى انا لو القاضى ولو كنت صاحب سلطة - بعد الحصل والاستقطاب والاوهام التجارية دى - كنت جلدتها وبعدها تمشى ساركوزى ولا يان كى مون يفرش بظروفو تنجلد ، غلطانة ما غلطانة انا لو بقيت عندى قرار تنجلد لانها ختت الحاجات كلها فى المحك (حاجتنا طبعا ) |
او زي انكـ تفكر معانا زي ما سعادتو بعمل لمن يكون ما متأكد زي ده
Quote: لماذا لا يكون الترتيب ان يقوم قوش من موقع المستشار بتنظيم الشرطة ووزارة الداخلية والاشراف على الجيش خاصة ان ظروف وزير الدفاع الصحية قد تنقله من منصبه الى موقع اخر اقل كلفة للصحة.. مش ممكن !! |
فيا ود البوقة عليكـ الله إتخارج اصلكـ واقف ورا القون و تشجع لمن محمد يجيب قون و تلبد و تقول والله كان عندي مشوار لو شفت محمد الشباب ودوهو الماسورة
انتهي الترحيب
| |
|
|
|
|
|
|
Re: بدون مجاملة .. صلاح قوش ولبنى احمد حسين ! (Re: خدر)
|
محمد سلامات و شكرا علي جبر الخواطر ياهدهد ( الزول الزيكـ يا محمد بسموهو هدهد سبا) بحكم قربكـ من الاحداث. قضية لبني ما حا اناقشكـ فيها اولا لانها لو كانت سبب عودتكـ كان مفروش تجي قبل اليوم , انت جابكـ صلاح قوش لكن ده ما بمنع انو اقول ليكـ انو رأيكـ القلتو بصدد جلد لبني ده بالضبط نهج (جناح البشير) تنجلد تنجلد
Quote: كنت جلدتها وبعدها تمشى ساركوزى ولا يان كى مون يفرش بظروفو تنجلد ، غلطانة ما غلطانة انا لو بقيت عندى قرار تنجلد لانها ختت الحاجات كلها فى المحك |
و ده النهج الماشة بيهو الانقاذ في بداياتها, رغم انو ردكـ هنا رد مغسة ساي و ما عندو علاقة بي حِكمة السياسة لانو انت قررت بجلدها فقط لانها وضعت الدولة في المحكـ و يالها من تهمة عطيمة (وضع هيبة الدولة في المحكـ) وده بكشف تفكيركـ , معقول وانت قاضي تجلد مواطن بعيدا عن حيثيات القضية فقط لانو مارس حقوقو كمواطن لحفظ حقو ؟
اعدلوا
| |
|
|
|
|
|
|
Re: بدون مجاملة .. صلاح قوش ولبنى احمد حسين ! (Re: خدر)
|
Quote: الاخ صلاح قوش شخصية مؤثرة ومميزة وعندها حضور وقدرات كبيرة ، وهو ركيزة مافى اتنين تلاتة وجملة مناقب مافى داعى نفصل فيها ، رتب جهاز الامن وخلهاو قوة مؤثرة وحاضرة ، بقى الصامولة الرابطة البلد كلها وطور منهجية عمل الجهاز وخلهاو عسكرى ومدنى ، يعنى كدا بمشى وكدا بمشى ونظم المؤسسة دى خلاها زى الساعة ، جداول مويتها مرتبة تمشى وتشيل من وين وتكب وين ، كلو مية مية |
Quote: قصة مستشار الرئيس الجديد ستتضح ان تامل المرء عميقا فى المهددات الامنية الماثلة والمحيطة بالبلاد وبجملة قرارات قد ترتبط بوزارات ذات طبيعة امنية وعسكرية (الدفاع والداخلية ) |
Quote: لماذا لا يكون الترتيب ان يقوم قوش من موقع المستشار بتنظيم الشرطة ووزارة الداخلية والاشراف على الجيش خاصة ان ظروف وزير الدفاع الصحية قد تنقله من منصبه الى موقع اخر اقل كلفة للصحة.. مش ممكن !! |
Quote: البشير ليس غبيا حتى (يقرش ) صلاح قوش فى مثل هذه الظروف ، هذا احتمال لا يرتكز على اى فرض منطقى ، قوش مفتاح دوائر اقليمية ودولية وداخليا فانه حاجز صد معنوى ومادى ملموس لكثير من القوى الحزبية والعسكرية الحاقدة على البشير وداخل اروقة التنظيم - او ما بقى منه - فانه يمتلك شعبية ذات قيمة غير منكورة والاهم من كل هذا انه رجل لديه القدرة والجراة على اتخاذ القرار والمبادرة ومل الفراغات دون تردد او مراجعة وكلها صفات ايجابية تشير بالضرورة الى منحه مزيد من المساحة والحركة التى لا تتاح له فى موقعه القديم |
شايفكـ سقتنا سواقة عشان نسبح بحمد صلاح قوش بل ختيتها لينا عدييل لمن لقيت فهمنا تقيل و تكهنت بتولي قوش لوزارة الدفاع قريبا و ان منصب مستشار الرئيس ليس سوي مرحلة إنتقالية نحو وزارة الدفاع
رأيكـ شنو يا حمادة .. نخليكـ تواصل كلامكـ كلو و نجي نردمكـ بعد داكـ ولا نردمكـ اسه حار حار ؟
| |
|
|
|
|
|
|
Re: بدون مجاملة .. صلاح قوش ولبنى احمد حسين ! (Re: Salah Abdulla)
|
الشريف و نادر سلام
Quote: واهمون من يفرز عضوية الانقاذ بأن فلان احسن من علان يتفقون فى منهجهم الظلامى ويختلفون فى لعب الادوار |
Quote: والله الجماعة يشتاقوا ليك وينادوك ويدوك دفعة معنوية ويبيضوا ليك وجهك الكالح ده ويظارفوا معاك ده فهمهم براهم، لكن تظل في نظري ونظر الكثيرين هنا مما يرضون التصالح مع عفنكم يا إنقاذيين مجرم وأرزقي وإنسان غير جدير بالاحترام طالما انك:- |
اذا كان الكلام ده اشارة لبوست خدر تبقي دى مشكلة حقيقية و لا بد من توضيح الاشياء حتى لا تصبح تهمة او ادانة بالمرة . ما فهمته انا من البوست الساخر انو خصم عاقل افضل من خصم جاهل, يعنى لا فيها فلان احسن من علان او اشواق او تبييض وجه او مساومة. بالعكس اذا كان الامر حجم مسئولية عما تفعله الانقاذ قطعآ مسئولية من هم في موقعم.ح.ج. اكبر من الطير و ناس الارزاق و السد السد. نجى للجانب التانى و الأهم, أنا شايف افضل لأى شخص يريد بشكل جاد ان يفهم كيف تفكر و تخطط الانقاذ (لو بتخطط اصلآ) و ماذا يدور داخل صفوفها الخ ان يكتب او يصرح او يعلن صناع القرار (ليس بالضرورة هنا. اعنى بشكل عام) او من هم اقرب لحلقات صنع القرار, لأنك من كتاباتهم يمكنك استنتاج اشياء و التقاط اشارات هنا و هناك و فك رموز الخ. كل هذا ضرورى خاصة في حالة انظمة مثل الانقاذ تقودها حلقة ضيقة تسعى بكل الوسائل لتعتيم كل شئ لأن هذا أحد اسرار بقاءها. م.ح.ج. ليس فاعل خير او كوز كويس او غيره. هو يقوم بعمله في المنظومة الحاكمة هنا او في موقع آخر . ما يكتبه تجب قراءته بحذر و دقة و عدم تسرع في القفز لاستنتاجات , لأن واحدة من مهامه هى ان يسوق الرأى العام لاتجاهات تلائم مصالح النظام, ده شغله. السؤال المهم: هل هناك ما يمكن استنتاجه و قراءته - بكل الانتباه و الحذر - من كتابات م.ح.ج. كمثال الواردة في هذا البوست ? و هل يمكن استنتاج او قراءة أى شئ من كتابات - اسميها كتابات تجاوزآ - ودالباوقة او السيدح مثلآ عدا انهم ابواق معطوبة ?
دى محاولة لوضع الامور في نصابها , و اذا لم نتفق ده شئ عادى لان كل زول عنده طريقته للنظر و التعامل مع الأشياء , بس اعفونا شوية من قصة الاحكام بتاعت تصالح و تبييض و احسن و ما شابهها.
اتمنى الكلام ده ما يطفش البلوم م.ح.ج. و يواصل يفك لينا الكلام و انحنا بنفرزو بي طريقتنا سلام
| |
|
|
|
|
|
|
Re: بدون مجاملة .. صلاح قوش ولبنى احمد حسين ! (Re: esam gabralla)
|
كتب عصام جبر الله:
Quote: سؤال سريع: هل صحيح انو حاج ماجد سوار - دفعتى - حيمسك محل محمد عطا ? |
أها محمد عطا ده برضو ود دفعتنا
وكتب :
Quote: اتمنى الكلام ده ما يطفش البلوم م.ح.ج. و يواصل يفك لينا الكلام و انحنا بنفرزو بي طريقتنا |
لو كنت انا مكان البلوم لإتخذت الحيطة والحذر من كلامك ياخ تقوم تنبه الراجل مجاني كده بأننا سوف نمحص اقوالك وكتاباتك ونحللها ونفككها وتنتظر منه أن يوافيك بما يعينك عليه ؟ والبعيد شنو إنو يقوم يتلولو ويفك ليك كتابة مضروبة عشان يضرب قرآءتك وتحليلك ؟
دي مجرد ملاحظة ساكت
| |
|
|
|
|
|
|
Re: بدون مجاملة .. صلاح قوش ولبنى احمد حسين ! (Re: Hussein Mallasi)
|
Quote: الاخ صلاح قوش - طبعا جماعتنا بشيلو الكلفة مع بعض وكدا - شخصية مؤثرة ومميزة وعندها حضور وقدرات كبيرة ، وهو ركيزة مافى اتنين تلاتة وجملة مناقب مافى داعى نفصل فيها ، رتب جهاز الامن وخلهاو قوة مؤثرة وحاضرة ، بقى الصامولة الرابطة البلد كلها وطور منهجية عمل الجهاز وخلهاو عسكرى ومدنى ، يعنى كدا بمشى وكدا بمشى ونظم المؤسسة دى خلاها زى الساعة ، جداول مويتها مرتبة تمشى وتشيل من وين وتكب وين ، كلو مية مية |
.
يا ربي الجملة دي بي كم..؟...!. ؟ ؟ ؟
| |
|
|
|
|
|
|
Re: بدون مجاملة .. صلاح قوش ولبنى احمد حسين ! (Re: Hussein Mallasi)
|
الاخ الكريم محمد حامد جمعة
حمد الله على السلامة
انا عايز اسالك اسالة قد تكون شوية مغايرة عن القالوهو الناس ديل اولا: هل صحي الزول الانتا عارفو وانا عارفو لما سمع بي دخول قوات خليل ابراهيم لأمدرمان قال فجروا الكباري!!!! قام علي عثمان زعل واصدر اوامر بان تعليمات الزول اياها ما يشتغلوا بيها ؟ ثانيا هل صحي انو عايزين يجبيو غوش للدفاع؟ وطيب الدفاع حيبقى كيف ؟ قشاش ولا كنب ؟
| |
|
|
|
|
|
|
Re: بدون مجاملة .. صلاح قوش ولبنى احمد حسين ! (Re: د.محمد حسن)
|
لا أدري كيف يدير أهل الإنقاذ أفكارهم الآن ....
أسرار أهل الانقاذ استعصت على الكثيرين .... فكل منا يحلل ويحلل وينظر
ولكن لا أحد يملك أن يعرف ما يحدث .....
ولو لاحظتم أن خبر إبعاد قوش من الأمن قد أعلن هنا وفي أماكن أخرى خلال فترة الشهر الماضي أكثر من مرة ... ومن مصادر مختلفة .... لكن الأسباب والمسببات والمآلات ... لا أحد يعلمها .....
إذا كان البعض يردد إلى الآن أن كل ما حدث من انقسام ومعارك كان مفبركا فما بالك بخبر مثل نقل قوش من جهة إلى جهة أخرى
لا أحد يعلم كيف يخطط أهل الحكومة أو إلى ماذا يرمون !
| |
|
|
|
|
|
|
Re: بدون مجاملة .. صلاح قوش ولبنى احمد حسين ! (Re: jini)
|
Quote: يا ربي الجملة دي بي كم..؟. |
بفنيلة حمرا .. و معاها همـر هدية .. تتصور جنبو و ترجعه .. و لو اديتو غسلة تكون ما قصرت ..
.. ..
خدر ( زوبعة ) .. ممكن تخلي الرفيق محمد جمعة يكمل كلامه .. علي الاقل كان ما عجبنا ممكن تقرأ ما بين السطور .. !!
.. ..
سمـع هس .. !!
| |
|
|
|
|
|
|
Re: بدون مجاملة .. صلاح قوش ولبنى احمد حسين ! (Re: jini)
|
Quote: لا أدري كيف يدير أهل الإنقاذ أفكارهم الآن ....
أسرار أهل الانقاذ استعصت على الكثيرين .... فكل منا يحلل ويحلل وينظر
ولكن لا أحد يملك أن يعرف ما يحدث .....
ولو لاحظتم أن خبر إبعاد قوش من الأمن قد أعلن هنا وفي أماكن أخرى خلال فترة الشهر الماضي أكثر من مرة ... ومن مصادر مختلفة .... لكن الأسباب والمسببات والمآلات ... لا أحد يعلمها .....
إذا كان البعض يردد إلى الآن أن كل ما حدث من انقسام ومعارك كان مفبركا فما بالك بخبر مثل نقل قوش من جهة إلى جهة أخرى
لا أحد يعلم كيف يخطط أهل الحكومة أو إلى ماذا يرمون ! |
أنا زيك كده كنت مفتكر الكيزان ديل خطيرين؛ استراتيجيات وسياسات وتخطيط وإجراءات وجداول أعمال وتنفيذ، لكن بعد متابعة اتضح إنو الموضوع رزق اليوم باليوم، خبط عشواء.
| |
|
|
|
|
|
|
Re: بدون مجاملة .. صلاح قوش ولبنى احمد حسين ! (Re: jini)
|
عصام جبر الله سلامQuote: فهمته انا من البوست الساخر انو خصم عاقل افضل من خصم جاهل, يعنى لا فيها فلان احسن من علان او اشواق او تبييض وجه او مساومة. بالعكس اذا كان الامر حجم مسئولية عما تفعله الانقاذ قطعآ مسئولية من هم في موقعم.ح.ج. اكبر من الطير و ناس الارزاق والسد السد. |
أنا شخصياً - لاحظ أنا وما طلبت من زول يعمل كده وما كتبت الكلام ده في البوست داك، جيت فشيت غبينتي في محمد حامد جمعة هنا - ضد فكرة ذلك البوست عشان جملة أسباب أبرزها:- - محج البينا وبينو دماء شهداء أحباب، زهقت أرواحهم بأيدي من يطبل لهم هذا الصحفي المدعي، وبالنسبة لي محج مشارك في هذا الجرم، ودي فهمها ما بيغباك يا عصام، وضيف لي ده كلللو كمية الظلامات الحصلت في 20 سنة، ما أظن ساهل نضاحك معاهم ونلمعهم ونتبادل معاهم القفشات، ما أظنهم لما كانوا بيعذبوا د.علي فضل أو راسخ أوأو أو كانوا بيضحكوا معاهم وبيقولوا ليهم ياخي إنتو ناس كويسين ويجيبوا ليهم بيبسي وميرندا. - بوست خدر فيه تلميع واضح لمحج، كون خدر زهج من القرع داك ما مبرر يضيف رصيد ووهج إعلامي في البورد لزول زي محج، وأصلا مافي زول قال لي خدر أمشي ناقش ناس زعيط ومعيط ديك أو غالطهم، كوراكم وفلقتهم دي بيسووها كان ناقشتهم كان خليتهم، يكبر اللفة من بوستاتهم ويسد دي بي طينة ودي بي عجينة ويعتبرهم كائنات طفيلية أوفبوينت في الحاصل ده كلو. - كنت عارف زي بوست خدر ده بيجيب أمثال المدعوة د. نجاة محمود عشان يصطادو في الماء العكر، وفعلاً ده الحصل جاية شايلة شماتتا وغلها وحقدها وتطلب من الناس يعتذروا!!!!!! بعد القلتو ده كلو، كلو زول بيعرف يباصر عداواتو كويس، ونحنا ناس طريق واااااااحد كجين يعني كجين للدين. بخصوص نقطتك ديQuote: السؤال المهم: هل هناك ما يمكن استنتاجه و قراءته - بكل الانتباه و الحذر - من كتابات م.ح.ج. كمثال الواردة في هذا البوست ? و هل يمكن استنتاج او قراءة أى شئ من كتابات - اسميها كتابات تجاوزآ - ودالباوقة او السيدح مثلآ عدا انهم ابواق معطوبة ? |
ما يمكن أن نستنتجه ونقرأه لم يفيدنا في شيء ببساطة لأنك بتتفق معاي على ما أظن في إنو الناس دي ماشة بي رزق اليوم باليوم، حكمونا 21 سنة كوارة لا تخطيط ولا أمشي ولا تعال، خبيط وتهديد وقتل وتنكيل ساي، ولو في زول بيحاول يقرأ الأمور ويستنتج من إعلامهم حاجة بي قراءة متأنية يبقة واهم، ناس أمسك لي وأضبح ليك، وشغلهم وااااضح بالمعنى النسبي للوضوح، ما عندهم في العدواة المغلفة بصداقة مزيفة والبرستيدج الحبة، نظام الإنقاذ ما عاش 21 سنة بي تفكير واستراتيجيات وتكتيكات، لا أبدا، بالقوة والعنف واستغلال الدين في أوساط المستغفلين. نظام رئيسوا خطبوا كلها طلاقات وشتايم من نوع تحت جزمتي ويموصوها ويشربو مويتها يقروا ليهو قراءة متأنية يا عصام ويحللوا ويستنتجوا ليهو شنو؟؟!! بعدين محمد حامد جمعة زاتو أرزقي ساي لا هو زول مؤثر ولا هو شخص داخل في عضم النظام عشان كلامو يكون مهم، وعندو قيمة يستفيدو منها، ده لو ماهو ذاتو يكون أضينة ساي بالنسبة ليهم بيشيلوهو كلام والحاصل أساساً كلام تاني. أنا في المحصلة النهائية مع عزلهم عن المجتمع لأنو ماأرتكبوهو في حقنا جرم كبير جداً ولا يمكن نسيانه، عزلهم حتى يشعروا بأنهم منبوذون ومقصيون عن ممارسة حياتهم الطبيعية بداعي الجرم الذي إرتكبوه، إنهم صادروا حياتنا الطبيعية في سبيل تحقيق أغراضهم الدنيئة فكيف بنا أن نهبهم حياة طبيعية بيننا؟ مع تحياتي
| |
|
|
|
|
|
|
Re: بدون مجاملة .. صلاح قوش ولبنى احمد حسين ! (Re: على محمد على بشير)
|
السلام عليكم كنت حريص علي المتابعه فقط لكن ابليسي عنيد لبني احمد حسين .... كل ما سمعت او قراءت هذا الاسم اتذكر قصة الرجل الذي كان يمشي في الغابه بعد غروب الشمس فوجد اخر ممسك بحلوف وهو الخنزير البري حيوان مفترس بالطبع كان الرجل يحمل في يده سيف وفاس تعجب الاخر في هذه الصدفه وصاح له يا ودعمي عليك الله تعال اقتل الحلوف دا ما يعوقني ولحظتها كان الرجل يمتلك زمام امر الحلوف من فكه وراسه رد الاخر يازول اقتلو كيف ؟؟ لا لا دي انا ما بسويه خالص طيب خلاص تعال امسكو واديني السيف انا بقتول وبالفعل امسك الرجل الحلوف بعد ان وضع سيفه علي الارض وبعد ان امسك صاحب السيف بالحلوف امسك الاخر بحذائه وجري صاح له المتورط يازول ما تجري تعال امسك حلوفك قال ليهو كان حلوفي فكو لبني الله بسترك مع الحلوف القذر دا
اما صلاح يذكرني بقصه الضيف الذي جاء في ليلا متتاخر يصعب علي اهل الدار اكرامه ودخل الي الصالون ونام وهو جائع وفي الصباح الباكر احضر الابن الكبير الشاي فصب للضيف كوب كبير ولكن .. وكان الولد يجلس صامتا مما قعد امر الرجل الذي كان يعشم في كباية شاي اخري حتي تسند جوعه حاول التحدث مع الولد حتي يتثناء له طلب كبايه اخري فسال الولد وين ابوك فرد الولد ابوي سافر لكن بجي بتره يقصد بكره وهنا تكشف الامر فاذا بالضيف يتمهل اكثر يستريح في جلسته وبصوت جهوري خلاص كب الشاي دا
اما راي في لبني وصلاح مجتمعين سيكون بعد الشاي الكبايه ما تبرد
| |
|
|
|
|
|
|
Re: بدون مجاملة .. صلاح قوش ولبنى احمد حسين ! (Re: محمد على طه الملك)
|
ياجمعة نظامك قاعد فوق بركان, ولو سكبتم ماء الأرض والسماء فهى لن توقف بركانآ, الماء البارد ياجمعة لن يعبر مسام الارض ولن يشفع عن دماء الشهداء وعرق ولهاث الغلابة الحامى. كلماتك المثلّجة والبلاستيكية قد تجد صدى عند اصحابك القدامى ولك الحق ولهم فى التواصل والتندر كيفما راق لكم,
لكن ياجمعة عليك بتغطية رأسك فالحمم قادمة من كل صوب
| |
|
|
|
|
|
|
Re: بدون مجاملة .. صلاح قوش ولبنى احمد حسين ! (Re: نادر)
|
نادر سلامات قريت كلامكـ امس و ما متفق معاكـ فيهو , عصام عفاني مشقة الرد لكن شايفكـ برضو مصّر انكـ ما تلقي اسباب منطقية لي بوست خدر البلمع فيهو محمد حامد جمعة و ده حقكـ .
Quote: بوست خدر فيه تلميع واضح لمحج، كون خدر زهج من القرع داك ما مبرر يضيف رصيد ووهج إعلامي في البورد لزول زي محج، وأصلا مافي زول قال لي خدر أمشي ناقش ناس زعيط ومعيط ديك أو غالطهم، كوراكم وفلقتهم دي بيسووها كان ناقشتهم كان خليتهم، يكبر اللفة من بوستاتهم ويسد دي بي طينة ودي بي عجينة ويعتبرهم كائنات طفيلية أوفبوينت في الحاصل ده كلو |
اسه انا عاوز اعزمكـ علي بوست ودالباوقة الجديد عشان تشوف بركات بوست خدر البلمع فيهو محمد حامد جمعة
Quote: انا قلت رأي واضح مسالة الزي الذي رأيناه في الصورة والذي كانت ترتديه لبني زي (عادي ) ونشاهده باستمرار في الحفلات العامة والخاصة .
انا قلت هل باننا في حاجة لكل هذه (الهيلامنة ) والزيطة والزمبريطة وشيل الحس . داخليا وخارجيا .
المسؤول الذي امر بدهم الحفل نفسه لم يكن يتصور ان تتطور الامور الى هذا الحد .
لبنى نفسها لم تكن تتوقع الهيلمانة التي جرها عليه هذا الاتهام.. |
الدعوى خربانة ...
افتكر كده موقفي او طريقتي في معالجة الامور وضحت ليكـ
| |
|
|
|
|
|
|
Re: بدون مجاملة .. صلاح قوش ولبنى احمد حسين ! (Re: خدر)
|
يا خدر التحايا والأشواق نظرتي للموضوع من زاوية أوسع وأشمل من زاوية رؤيتكم في تقديري، مدام قلت رد عصام جبر الله كفاك عناء الرد، ابدا ليك من ردك. يا خدر ما عشان ود الباوقة فتح بوست "الدعوى خربانة" معناها الزول نضج سياسياً وعرف البيهو والعليهو وفارق درب الصقريات والسد السد الرد الرد، ولا عشان كتب ليهو كلمتين معناها طلع من وحل افكارو وساوسو الخربة فيما يخص التعقيدات السياسية الحاصلة هو ومن لف لفه، ولسنا يا طارق معنيين بهذه التبتبة والتدجين المؤذي في قضية راح ضحيتها الملايين تحت عجلات الإنقاذ ومجرميها في مقابل نقطة واحدة تضاف إلى رصيد هؤلاء العسس أمثال محج، ما لم نكن قد حصرنا الصراع برمته في هذا البورد حيث البحث عن مناقش ذكي وفطن وناقش وبيعرف يناقش سياسياً.
ثم أننا لن نختزل كشف حسابنا الصارم والقاسي بكل حمولاته المضنية القاسية مع مجرمي الإنقاذ في ترويض بعض صغار المراهقين سياسياً، ونتناسى التضحيات التي أنجزت طول عقدين، ونضحك مع المدعو محج ولكأنه برئ من دم شهدائنا، ولأن الشيء بالشيء يذكر، متى عاملتنا الإنقاذ كابناء آدم وراعت مشاعرنا واحاسيسنا وتبتبت علينا؟؟
ومن منظورك الأنا فاهمو يا خدر إنت صاح، بس أنا صاحك ده ما بقنعني إلا بعد ما نقيف نحنا والإنقاذ موقف قصاص ينال فيه كل مظلوم حقو كامل مكمل. وفي النهاية زي ما قلت في مشاركة سابقةأي زول بيعرف يدير عداءاتو أو يصرفها ويقول مافي عداءات ويسلك مسلكك الراقي ده وينوم مرتاح سعيد بما أنجز على صعيد التفاعل الإنساني وخدمة قضايا المعتوهين ومشوهي الفكر.
| |
|
|
|
|
|
|
Re: بدون مجاملة .. صلاح قوش ولبنى احمد حسين ! (Re: نادر)
|
Quote: ده ما بقنعني إلا بعد ما نقيف نحنا والإنقاذ موقف قصاص ينال فيه كل مظلوم حقو كامل مكمل. |
, علي العكس واصل في طريقتكـ لانو في تقديري انو نحن انا و انت و اخرين عندنا دور رئيس حاليا بإعتبارنا غير موجودين في السودان واعضاء في المنبر ده انو نفضح النظام و تجاوزاتو كل زول فينا و اسلوبو و في النهاية الهدف واحد
انا ما عاوز اقنعكـ يا نادر ابدا و مافي مواطن قال انو مافي عداءت او غباين , كلو موجود و كلو بي وكتو و لحدي وكت القصاص المتفقين عليهو ده انا شايف انو كل زول فينا (كلنا) ينضف منطقتو بالطريقة الهو شايفها بخصوص ودالباوقة , انا ابدا ما قلت انو خلاص نضج , انا ختيتو ليكـ مثال صاحي و حار عشان تقيس عليهو , انت واصل مع ود الباوقة القصاص و التنابذ و انا بواصل معاهو بي اسلوبي و نشوف النتائج حا توصلنا لي وين , ودالباوقة بي بوستو ده انا شايف انو واجه روحو لاول مره و ده موش عشان انا اتكلمت معاهو لا , ده عشان البورد ده بطريقة الاخذ و الرد الفيهو زي ما قلنا مليون مره بتيح فرصة نادرة جدا للكثيرين لمراجعة مواقفهم لانو ببساطة بتختهم قدام روحهم , يبقي انا مؤمن بدور المنبر و العضوية في إستعدال و سمكرة مفاهيم بعض.
| |
|
|
|
|
|
|
Re: بدون مجاملة .. صلاح قوش ولبنى احمد حسين ! (Re: Hatim Yousif)
|
Quote: الجيلي، كلامك دا ذكرني قصة كانت الوالدة-الله يرحمها وينور قبرها- بتحكيها لينا.
قالت: اثنين حجاج من ناسنا-بالفهم العريض- جو امدرمان يا دوب لسة تراب القطر عليهم، اول حاجة
لاقوها واحد من صعاليك امدر وعتاولتها. العصبجي قام لاتخ ليك مهمن-محمد- بونية لله كدة، مهمن التاني
عمل ما شايف.
بعد مسافة الاول قال للتاني مهمن، كيف تشوف الزول داك ضربني وما تقول هاجة وانت كبير كدا
مهمد قال ليه، والله ضربك كدي نرجع ليه!
للعصبجي، يا زول ليه ضربت هاج مهمن دا، كدي اضربو تاني انشوفك كان راجل!
العصبجي لتخ مهمن تاني بنية اشد!
مهمن الاول: اضربو تاني كان راجل!
العصبجي ضرب مهمن المسكين بنية اشد
مهمن لاخوه، مهمن ارح خليه دا ما بخاف الله!
دحين يا الجيلي يا اخوي ما تجيب الجلدة للبنى ساكت، الناس ديل ما بخافوا الله، ونحن ما حنعمل ليهم
حاجة! |
سلامات يا بدر الدين
دا ايسن حاجة اتكتبت من اجل لبنى شكرا على الحكمة العظيمة دا بركة ستجلد لبنى وحدها وسيطويها النسيان كما طوى نادية اصبون..
ممكن اسلفها لبوست تاني؟
| |
|
|
|
|
|
|
Re: بدون مجاملة .. صلاح قوش ولبنى احمد حسين ! (Re: د.نجاة محمود)
|
Quote: بركة ستجلد لبنى وحدها وسيطويها النسيان كما طوى نادية اصبون.. |
د.نجاة سلام
لبني لاتخاف من الجلد ....وإلا لقبلت بحصانتها وقرارات العفو والوساطة...
للتاريخ زاكرة,,,نحييها نحن قبل غيرنا....فأن كنا نريد لها أن تبقي في زكرانا نستطيع ذلك...
نادية صابون ولبني ضحايا...فلنقف مع حقهم في العدل....ولنصرخ معهم أو لنصمت....
أو كما قال مظفر... في قصيدتةالقدس عروس عروبتكم
وسللتم كل خناجركم...
وصرختم فيها أن تسكت صونا للعرض...
أولاد القحبة كيف تسكت مغتصبة...
ولك الود والإحترام
| |
|
|
|
|
|
|
Re: بدون مجاملة .. صلاح قوش ولبنى احمد حسين ! (Re: salah awad allah)
|
Quote: هؤلاء كن يجلدن منذ عقود جانيات وبريئات ولم ارى او اسمع شخصا من اصحاب الحلاقيم الكبيرة يخرج هاتفا او مدافعا وجوقة المحامين ودافقى الاحبار عليهم التيقن ان ثمة مليون لبنى جلدت على مدار تاريخنا القانونى والاجتماعى قبل حادثة توقيف الاستاذة وربما قبلها بساعات وبعدها بدقائق لكن لا بواكى عليهن منكم
|
هن أهن وهان هوانهن علينا ودخلنا خدورهن وما تبرنا وما علينا
قل للسبية ما كان أباك سيد طي ولا جلادك نبي في المدينة
وقد أضحى أخاك دفين وحي في مصرعه شكوك وفي مدفنه اليقين
| |
|
|
|
|
|
|
Re: بدون مجاملة .. صلاح قوش ولبنى احمد حسين ! (Re: المسافر)
|
حمد لله على سلامه العوده
Quote: ظروف وزير الدفاع الصحية قد تنقله من منصبه الى موقع اخر اقل كلفة للصحة.. |
ارجو ان يكون هذا الموقع وسط اسرته ويقوم باستثمار وقته بالصلاه والاستغفار ولا اتمنى ان يكون هذا الموقع وزاره او منصب حكومى اخر ... حيث لا يخدم فيه بل يخدم فياخذ اجرا دون عمل ايضا لا اتمنى ان يكون هذا الموقع ربع شبر فى مساحه ارض بالقرب من شارع الثورات
| |
|
|
|
|
|
|
Re: بدون مجاملة .. صلاح قوش ولبنى احمد حسين ! (Re: يوسف الولى)
|
شنو يا اخوانا ما قلتو نكوركـ ليكم ما عارف شنو تكوركو لينا شنو كده ما عارف وين حمادة يا اخونا يجي يتم كلامو ولا يدينا الاذن عشان نردم
هتاف
يا حمادة يا فنان المعارضة في الميدان
حدسي يقول لي يا محمد حامد جمعة انكـ تعاني الان الاحساس بأنكـ قد تحدثت اكثر مما يجب حول إقالة قوش و هذا ما ابعدكـ إختياريا حتي الان عن البوست .. فهل صدق حدسي ؟
يعني التقول لو حدسي صدق حا يكلمني
| |
|
|
|
|
|
|
|