|
Re: تعالوا شوفوا الدهب المجمر ال من جبال شنقول = توجد صور (Re: abubakr)
|
Quote: انتي وكت تقابلي عمو خلي ياخد العرريب الصيني المغشوش دة البادية محل الدبابيب والكركبة والكشافات الفووق في السما وبعد داك النشووف ...دة عرريب مهكر بخاف من الصارقيل |
افو افو افو يا الرطاني
نحن عيال شلاعه نحنا الغيرنا ماتسمابا
أولاد عز وللعباس جدودنا صحابــا
الفى الواجبة مهما تكون وفيهاصعابا
نسلط فيها بالدم العزيز نســــخابــــا
هيييييييييييييع كع
| |
|
|
|
|
|
|
Re: تعالوا شوفوا الدهب المجمر ال من جبال شنقول = توجد صور (Re: abubakr)
|
Quote: هو اصلا السوميت جاكم ياعرريب مع الجرتق من النوبة .. والسوميت ليس حجرا كريما ولكنه يشبه الاحجار الكريمة ويتدرج لونه بين بياض في الاطراف الي اسود في وسطه وتلبسه العامة والخاصة وخصوصا في الجرتق حيث تلبسه العروس في عنقها .. والبعض يلبسه في المعصم ... برضو تقوللي سوميت ...ا |
صحبى الجميل شكرا على جزيل المعلومات
الطيب الزول السمح بشيشك على صحبى الجميل دا
اميمة حبيبتى ياخ احترمك جدا لانك حافظة للارث دا ياخ احبكم كلكم بث
| |
|
|
|
|
|
|
Re: تعالوا شوفوا الدهب المجمر ال من جبال شنقول = توجد صور (Re: الطيب شيقوق)
|
Quote: اميمة حبيبتى ياخ احترمك جدا لانك حافظة للارث دا ياخ احبكم كلكم بث |
الغالية جدا جدا العمة سلمى بت الشيخ,,,
مرحب حبابك الف,,,
أعتز باحترامك وصداقتك يا اصيلة,,,
وانت موسوعة للحكي والتراث,,,أقرأك ياسلمى ولا ادري ما أقول,,فقط استمتع واغرق في محبتك,,,
:).
سلمى,,,
قلبي الليلة من طول الحنين متفجـــــــــــــــــــــع والبرق اللبلوح لى نوم عيوني منجــــــــــــــــــــع قمرية الدباس الفي الفروع بتسجــــــــــــــــــــــع مالها الليلة في القوقاي تعيد وترجــــــــــــــــــع
(الفرجوني).
| |
|
|
|
|
|
|
Re: تعالوا شوفوا الدهب المجمر ال من جبال شنقول = توجد صور (Re: Abdlaziz Eisa)
|
Quote: عما كباسة ياشايب انا عندي احفاد محترفيين في الاندية الافريقية زيك ؟ |
كدى اسعلك يا اللخو :
انت قريت الاولية ولا الصغرى ؟
درسوكم غنمي ترعى طول اليوم وبها اسعى طول اليوم وسط المرعى طول اليوم؟ درسوكم المدونة الطبيعية ؟ درسوكم في القولد التقيت بالصديق انعم به من فضل صديقي؟ درسوكم طائر يشدو على فنن ؟ درسوكم طه القرشي مريض؟ درسوكم وليم تييييييييييييييل؟
اها و بعد يطلقوكم في فسحة الفطور بترجع بيتكم وبتعمل مشاكل زي شيقا كدا ولا مسكين تاكل الجاهزة وتقدل ساى ؟
وبعد نهاية الحصص كنت بتجي ناقز فرحان؟ اها بعد تدرع الشنطة في مسمار الحيطة او امينة البيت دحين بتسعل هل حماركم شرب ولا طوالي بتركبو وتوديه يشرب في البحر؟ اها ووقت يبدأ يشرب دحين بتصفّر ليهو عشان يروى زيييين نامن يدشر ليك في عراقيك؟
جاييك
عزو
كن معانا عشان تسمع محن السائب ده
| |
|
|
|
|
|
|
Re: تعالوا شوفوا الدهب المجمر ال من جبال شنقول = توجد صور (Re: فيصل محمد خليل)
|
مراير؟؟؟؟
وين؟؟؟
أها وكبد ألبل كمان,,,
ولا فيجيترين,,,موليتة بس,,, البندراوي,,,
عازمنك موليتة بالبتنة,,,
ماتتأخر...
سمح...
:).
| |
|
|
|
|
|
|
Re: تعالوا شوفوا الدهب المجمر ال من جبال شنقول = توجد صور (Re: الطيب شيقوق)
|
Quote: انت قريت الاولية ولا الصغرى ؟ |
انا قريت الصبقرييد وشوية اولية وما دخلت خلوة لانو ما كانت في خلوة بتشرح بالرطانة ...وعرفت انو بتاع الغنمايات كان بغش ناس الحلة ويكورك "النمر النمر " وبعدين العراريب يجو جاريين ما يلقو نمر (اها شفت غشامة العراريب شن بيجيب النمر في الصقيعة دييك )ويرجعو ويوم العرريب جاهو النمر ( كان مرفعيين بس لابس جلد نمر من سوق امدرمان )وكورك النمر النمر ومافي زولا جاب خبرو وبعدين اكلو المرفعيين اللابس جلد النمر .... اهو جنس اللاغويس دي الكانت في مقرر العربي .. .. انتو وين مع ناس شيخ زبير ومنهجهم ومان اند ذا بان وذاتز ااجير وذيز ايز ااوومن وذاتز ان ارب... عربي قال
| |
|
|
|
|
|
|
Re: تعالوا شوفوا الدهب المجمر ال من جبال شنقول = توجد صور (Re: abubakr)
|
Quote: اهو جنس اللاغويس دي الكانت في مقرر العربي .. .. انتو وين مع ناس شيخ زبير ومنهجهم ومان اند ذا بان وذاتز ااجير وذيز ايز ااوومن وذاتز ان ارب... عربي قال |
دائما بتلخبط الكلام السمح وما شغال ليك برود ماب - هسع ناطي بينا لهناك مالك - اصبر خليني اشوف ايام كان برسلوك للسكر وبتلحسو في السكة او الحليب الجاف وتقوم تفتح العلبة وتتجغم منها ويروح الحليب مدكك بطرف لهاتك علا تخرتو خرت عشان يمشي بلعومك .
مالك ناطي بينا ماشي لجكسويتك جين اير jean year وترجر أيلند treasure island ومتاكي على الجونير .
خلينا في المحطة دى اصلك خجلان منها ما عايز تحكي بيها - انا قلت ليك بالواضح كنت صغير وبحلقوا لي صلعة عندنا اسمها زيانة ( بالله تخيل التعبير عن اهلنا كان كيف (زيانة مش حلاقة) تخيل يعني من الزينة . وكان عندي قنبير صغير وبلبسوني الحاجب يتدلدل في بطينتي وعيييييييييييييك
| |
|
|
|
|
|
|
Re: تعالوا شوفوا الدهب المجمر ال من جبال شنقول = توجد صور (Re: abubakr)
|
Quote: اهو جنس اللاغويس دي الكانت في مقرر العربي .. .. انتو وين مع ناس شيخ زبير ومنهجهم ومان اند ذا بان وذاتز ااجير وذيز ايز ااوومن وذاتز ان ارب... عربي قال |
دائما بتلخبط الكلام السمح وما شغال ليك برود ماب - هسع ناطي بينا لهناك مالك - اصبر خليني اشوف ايام كان برسلوك للسكر وبتلحسو في السكة او الحليب الجاف وتقوم تفتح العلبة وتتجغم منها ويروح الحليب مدكك بطرف لهاتك علا تخرتو خرت عشان يمشي بلعومك .
مالك ناطي بينا ماشي لجكسويتك جين اير jean year وترجر أيلند treasure island ومتاكي على الجونير .
خلينا في المحطة دى اصلك خجلان منها ما عايز تحكي بيها - انا قلت ليك بالواضح كنت صغير وبحلقوا لي صلعة عندنا اسمها زيانة ( بالله تخيل التعبير عن اهلنا كان كيف (زيانة مش حلاقة) تخيل يعني من الزينة . وكان عندي قنبير صغير وبلبسوني الحاجب يتدلدل في بطينتي وعيييييييييييييك
| |
|
|
|
|
|
|
Re: تعالوا شوفوا الدهب المجمر ال من جبال شنقول = توجد صور (Re: abubakr)
|
مدخل الى RUN من طريق Start ...
--------------------------------------------------------------------------------
اوامر Run مدخل الى RUN من طريق Start ... 1- الامر ( winipcfg ) لمعرفة الـ ip الخاص بك 2- الامر ( regedit ) لفتح شاشة الريجسترى للوندوز 3- الامر ( msconfig ) اداة مساعدة ومنها ممكن توقف تشغيل اى برنامج اما الوندوز يبدا 4- الامر ( calc ) لفتح الالة الحاسبة 5- الامر ( command ) لفتح نافذة الدوس 6- الامر ( scandisk ) او ( scandskw ) الاثنين واحد وطبعا من اسمهم باين وظيفتهم 7- الامر ( taskman ) لمشاهدة كل اللى مفتوح ف التاسك بار (شريط المهام) والتحكم فيه 8- الامر ( cookies ) للدخول بسرعة على ملفات الكوكيز 9- الامر ( defrag ) باين من اسمه برضه هو ايه 10- الامر ( help ) وممكن برضه F1 11- الامر ( temp ) للوصول لفايلات النت المؤقتة 12- الامر ( dxdiag ) لمعرفة كل مواصفات جهازك وكل معلومات عنه ( وهذا من وجهة نظرى اهم امر فيهم وما حد يعرفه الا قليل ) 13- الامر ( pbrush ) لتشغيل برنامج البينت ( الرسام ) 14- الامر ( cdplayer ) لتشغيل برنامج السى دى بلير 15- الامر ( progman ) لفتح البروجرام مانجر 16- الامر ( tuneup ) لتشغيل معالج الصيانة للجهاز 17- الامر ( debug ) لمعرفة نوع كارت الشاشة 18- الامر ( hwinfo /ui ) معلومات عن جهازك وفحصه وعيوبه وتقرير عنه 19- الامر ( sysedit ) لفتح السيستم كونفيجريشن ايديتور ( محرر تكوين النظام ) 20- الامر ( packager ) لاستعراض برنامج تغيير الايقونات 21- الامر ( cleanmgr ) لتشغيل برنامج التنضيف 22- الامر ( msiexec ) معلومات عن حقوق البرنامج والشركة 23- الامر ( imgstart ) لتشغيل اسطوانة وندوز 24- الامر ( sfc ) لارجاع ملفات dll لو حصلها حاجة 25- الامر ( icwscrpt ) لنسخ ملفات dll 26- الامر ( recent ) لفتح الريسنت الخاص بك واستعراض الملفات اللى تم فتحها قبل كذا 27- الامر ( mobsync ) لفتح برنامج مهم جدا لتنزيل صحفحات النت وتصفحها خارج النت فيما بعد 28- الامر ( Tips.txt ) ملف مهم فيه اهم اسرار الوندوز 29- الامر ( drwatson ) لفتح برنامج دكتور واطسون لعمل فحص شامل على جهازك 30- الامر ( mkcompat ) لتغيير خصائص البرامج 31- الامر ( cliconfg ) للمساعدة ف شبكة الاتصال 32- الامر ( ftp ) لفتح File Transfer Protocol ( بروتوكول نقل الملفات ) 33- الامر ( telnet ) وهذا تابع اصلا لليونكس وبعد كذا دخلوه علي الوندوز عشان الاتصال بالسرفرات وخدمات الشبكات 34- الامر ( dvdplay ) وهذا موجود بس في الوندوز ميلينيوم وهذا لبرنامج بيشغل فيديو
لاتنسونة بالدعاء
| |
|
|
|
|
|
|
Re: تعالوا شوفوا الدهب المجمر ال من جبال شنقول = توجد صور (Re: محمد عثمان محمود)
|
عمو كماااااااااااااااال
انت شايت وييييييييييييييييييييييييين؟ انا بقصد الدهب البشري . نزل لي انا الجمري وعوم جنى الوزين ونزل لي الفريع البان ونزل لبت الفرجونى الناس البسواا القوق في الشوشاي والدوبيت . ونزل للرطاني اندرية قروميكو ونزل لفيسل هليل ندى القلعة ونزل لعزو عبد الحمن عبد الله ونزل لنفسك البلوم في فرعو ...
يلا كب النغم في انتظارك
محمد عثمان محمود
حباب سفير النوايا الحسنة بالسلطنة والله بقدومك بيتنا نور وكل زينة
| |
|
|
|
|
|
|
Re: تعالوا شوفوا الدهب المجمر ال من جبال شنقول = توجد صور (Re: abubakr)
|
Quote: كان مرفعيين بس لابس جلد نمر من سوق امدرمان |
ده بكون البعشوم اللاقى اصحاب عمو فيسل واتصرف فيهم...
قطع شك كان قايلينو كلب,,,,
اها وبسسسسسسسسس
البعشوم" يجنر"...وهم بكون اسوووا...بس بابوبي مالك ار يو هانقري
اها,,,
يكون بس قاموا مدولو لحمة,,,وعوووووووووووووو البعشوم عوا لرفاقتو
وعينك ماتشوف الا النوووووور...
سلام يا عولي :)
الليلة كنت مزحومة جداااااااااااا...
| |
|
|
|
|
|
|
Re: تعالوا شوفوا الدهب المجمر ال من جبال شنقول = توجد صور (Re: الطيب شيقوق)
|
كتبت الامورة اميمة
Quote: ده بكون البعشوم اللاقى اصحاب عمو فيسل واتصرف فيهم...
قطع شك كان قايلينو كلب,,,, |
ذكرتيني بحكاية الكديسة اليمنية
عملوا مبارة عالمية بين الكدايس
عشان يشوفوا اقوي كديسة في العالم
كل الشعوب جابت كدايسه وفكوهم في
الميدان فقامت الكديسة اليمنية طاخ طاخ
ردخت كل الكدايس وماشي يقدل و يستعرض
في عضلاتو و ما فضل ليهو الا يشنق الطاقية
اها قاموا سئلوا سيد الكديسة عن نوع هذه
الكديسة.
قال والله بصراحة دي موش كديسة انما اسد يمني
يعاني من سوى تغذية.
فبعشوم ناس شيقا على نفس الشاكلة
ناس شيقا ما خلو ليهم حاجة ياكلوها
مع تحياتي و احتراماتي للجميع
| |
|
|
|
|
|
|
Re: تعالوا شوفوا الدهب المجمر ال من جبال شنقول = توجد صور (Re: abubakr)
|
Quote: * تجفيف نهير يقع بالقرب من البردانة *قطع جميع اشجار الطلح في الدندر بغرض الدخان *الاستيلاء علي مفردات الطير من "عيييك وكيييك" وجعلها في قاموس نضمه * القضاء علي كل "الزعف (كان سعف زمااان ") في منطقة جبال بني شنقول *المساهمة في ازدياد الكتاحة في امدرمان بسبب حفرة الدخان العميقة التي في منزله بامبدة *حرمان اهل البردانة من مواصلات حديثة بسبب فشله كمساعد سواق في اخراج عربية عمه التيمس المغرزة ...
لذا لزم التنويه
ويحيا العديامولانا ابو المعمارية ممكن تثير هذا الموضوع المهم في وجود المختصيين من مولانات ونشطاء حقوق انسان ليقومو بلاتصال بالمحاكم الختصة للقبض علي العرريب ودشيقوق للضرر الذي سببه للبيئة وبالتالي الانسان كما يلي: ل |
معليش الكوتنج اتقلب وقلبنوا عمايلك يا مسنوح
انت بتشكي لمولانا حسن فاكرو عارف الطلح شنو؟
اما انك مصيبة
| |
|
|
|
|
|
|
Re: تعالوا شوفوا الدهب المجمر ال من جبال شنقول = توجد صور (Re: فيصل محمد خليل)
|
السلام عليكم ورحمة الله وبركاته
ديا جماعه اول موضوع اشارك بيه ويا رب يعجبكم ... عشان ما اطول عليكم الموضوع
الطريقة سهلة جداً إذا اتبعناالخطوات جيداً
أولا :لتأكد من أن الجهاز غير مصاب بالفيروسات
1- اذهب إلي start و اختار run واكتب command
2- اكتب ..cd واضغط enter ثم اكتب ..cd واضغط enter
3- اكتب cd windows واضغط انترثم اكتب cd system32 واضغط انتر
4- اكتب setup واضغط انتر
إذا جت رسالة بالشكل ده ( رجاءالإنتقال إلي لوحة التحكم
لتثبيت مكوناتها ونظم تكوينها)
فعلم إن جهازك خال من الفيروسات، وان لم تأتي هذه الرسالة
فجهازك به فيروسات
الفكرة : إن ملف إل setup الموجود داخل إلsystem32
يكون مغلق عندما يكون بجهازك فيروس ويكون مفتوح عندما يكون جهازك غير مصاب
لأن معظم الفيروسات تغلق جميع امتدادات
system.exe
****************************
ثانيا
أغلق ثلاث ثغرات خطيرة بالاكس بي
هناك ثغرات في أجهزة الاكس بي دائما تكون مدخل للها كرز ومعظمنا لا يعرفها
الثغرة الأولى :
تعتبر أحدى البوابات الخطرة للفيروسات وملفات التجسس
1- لوحة التحكم control panel
2- خيارات المجلد folder options
3- أنواع الملفات file types
وهناك ابحثوا عن : ًWindows ****** host setting file واحذفوه على الفور
الثغرة الثانية :
اسمها ( مشاركة ملفات بسيطة ) simple file sharing لكن تفعيلها مش بسيط بل هو خطير جدا ..
1- خيارات المجلد (folder options)
2- عرض( view )
3- يجب إزالة علامة الصح من داخل المربع أمام :
مشاركة ملفات بسيطة ( مستحسن)
(Use simple file sharing) (recommended )
الثغرة الثالثة :
اسمها : (( عدم حفظ الصفحات المشفرة إلى القرص)) save encrypted page to disk والطريقة كالتالي :
1- لوحة التحكم control panel
2- Network and Internet Connections
خيارات انترنت (internet options)
3 - خيارات متقدمة(advanced)
4- وضع علامة صح داخل المربع :
عدم حفظ الصفحات المشفرة إلى القرص ( don't save encrypted page to disk)
****************
ثالثا
الاغلبيه منا تجد جهازه يعج بالمخلفات الانترنتيه ربما لشهور ولا يقوم بالتنظيف الدائم لهذه المخلفات مما يجعل جهازه عرضه للبطء الدائم والتهنيق ومشاكل آخري وربما الاغلبيه لا يعرف ما هي أوامر التنظيف أو يستخدم طرق تقليديه أو لا يقوم بالتنظيف بالطرق الصحيحة اليوم اعرض لكم أوامر التنظيف التي تساعدكم بإذن الله علي المحافظة الدائمة علي أجهزتكم. . . نبدأ بالأمر الأول :اختر من قائمة ابدأ كلمة تشغيل واكتب هذا الأمر(Prefetch)ثم اضغط موافق تظهر لك صفحه احذف كل شئ بها بطريقتك الخاصة بالحذف. . . الأمر الثاني :اختر من قائمة ابدأ كلمة تشغيل واكتب هذا الأمر(temp) ثم اضغط موافق تظهر لك صفحه احذف كل شئ بها بطريقتك الخاصة بالحذف. . .الأمر الثالث :(%temp%) اختر من قائمة ابدأ كلمة تشغيل واكتب هذا الأمر ثم اضغط موافق تظهر لك صفحه احذف كل شئ بها بطريقتك الخاصة بالحذف. . .الأمر الرابع (dllcache)اختر من قائمة ابدأ كلمة تشغيل واكتب هذا الأمر ثم اضغط موافق تظهر لك صفحه احذف كل شئ بها بطريقتك الخاصة بالحذف ملاحظه :عند الحذف البعض يستخدم التظليل ثم بالماوس الزر يمين وحذف أومن القائمة كلمة حذف إذا كنت تستخدم هذه الطريقة المحذوفات ستتوجه لسلة المحذوفات ويتوجب عليك الذهاب لهذه السلة وتفريغها من ما يوجد بها إما إذا كنت تستخدم التظليل وshift + del فهذا حذف نهائي ولن تجدها بسلة المحذوفات ولا يحتاج تفريغها بالذهاب لسلة المحذوفات<<<<<<<مجربها أنا بنفسي ميه على ميه بالتوفيق
| |
|
|
|
|
|
|
Re: تعالوا شوفوا الدهب المجمر ال من جبال شنقول = توجد صور (Re: Omayma Alfargony)
|
Quote: والتحلية ""غباشة"" بموية بااااااااردة من ""القربة"".. |
اخخخخخخخخخ بت الفرجونى ذكرتيني عمتى فاطنة بت شيقوق الحنينة ومليانة رزق كانت كل صباح تجي شايلة البسكلة مليانة غباشة وكايسة لوليدا طيوبا سكر الكوبا .
دحين بتعرفي السبارس ؟
عمو كمال
الله ايجازيك كان داير تبقى السبب وحاة النبي بعاين وبعاين وبعاين نامن بلعت ريقي
الله يمتعك بالصحة والعافية
| |
|
|
|
|
|
|
Re: تعالوا شوفوا الدهب المجمر ال من جبال شنقول = توجد صور (Re: abubakr)
|
حباب عبد الله حباب عبد الله ود الفرجوني
Quote: وهاكم شوفو البكار ديل كيف سمحات والمابعرف (البكار) يعني شنو اللشوف لو تايتن تانيه التايه دي تايتنا ومعلقات فوقها قربنا |
بالحيل بكار متنعمات في خريف دفرة وعقلة .
ماني التنبل القاعد بقول سويت ويشهد ربي كان يوم السؤال قرّيت كان بردن نقود ماني البخيل صريت وكان حرن بكار ماهن صفايح زيت
تاية شنو يا عبد الله اخوى البعرفوها الرطانة ديل متين سمعو الغناي بقول :-
نحن التَايَهْ والاندايَهْ والزِريعهْ والعيزومهْ واتفضلْ ، ونحن الرايَه مرفُوعه ونحن الكُلفَه مرفُوعه ونحن حلفتَ ... مدفوعه تقول لِى شنو وتقول لِى منو ، وأما عجيبْ وأما غريبْ ، وأقيف لسعْ وأقيف .. وأسمعْ ، أنا الكَعَب البسوى الويلْ وأنا الزول السَمِحْ ..بلحيل ، وداير ..منَِّهُمْ .. يَاتُو ..، تقولى لِى شنو وتقول لِى منو هيييييييع كع
| |
|
|
|
|
|
|
Re: تعالوا شوفوا الدهب المجمر ال من جبال شنقول = توجد صور (Re: الطيب شيقوق)
|
Quote: يابني عجبك الموضع يالف مرحب بس انت جايب معاك حاجات غريبة دي غنماياتكم ...؟؟ woooow very big goats |
هااااااااااااي قال wooow very big goats
دي اسمها جقله ولو ماعارفين جلقه يعني شنو
اعملو ليها google you can google it هااااااااااااااااااااااي
يا جقله العقيدك بكّر فارسك ديمه فى بلد العد بيتوكر ناس بقره وغنم أنا عندى ما بتتشكر لبنك فيو طب للماسكو مرض السكر
يا جقله التمونك غاليه ناس منك غِنو صبحت جيوب ناس خاليه ديمع عليك فى الروح العزيزه مباليه يا الشنقا الغرابية أم سراةً عاليه
جقله سعادة الولد المكٍتر فيها جقله شقاوة أب حظا بقى مخاتيها جقله عقيدها فاقر بالهويد والتيهه جقله مردمه الشر فوق عوالى سريها
جقله سعادة الولد السعى وولدتّا جقله شقاوة أب حظاً أبا يقالدتّا تشبّع سته كان إتكمّشت عتمتّا دى أم دمسه الخداريه الغليد فاسدتّا مرات دارّه مرات هى ومره بسوط ترى دا البجبر الزولللدرك والموت جقله تملى ناجعه مشرته السبّوت جقله بترتع البلد المقاموالتوت
جقله بتجدع الفارس نجيض كلفوت إلا إن ولعت نيرانها ما بتموت جقله العفه جقله الفوت جقله الخير وجقله الشر جقله الموت
با م شعفهالتملى مكربات شيحانك مع البياح بطنن للعتم حيرانك شنقا وفيك كتانات وماضىجرانك يا الدبسا العكل يوم حربتك دخانك
| |
|
|
|
|
|
|
Re: تعالوا شوفوا الدهب المجمر ال من جبال شنقول = توجد صور (Re: عبدالله الفرجوني)
|
Quote: تاية شنو يا عبد الله اخوى البعرفوها الرطانة ديل متين سمعو الغناي بقول :-
نحن التَايَهْ والاندايَهْ والزِريعهْ والعيزومهْ واتفضلْ ، ونحن الرايَه مرفُوعه ونحن الكُلفَه مرفُوعه ونحن حلفتَ ... مدفوعه تقول لِى شنو وتقول لِى منو ، وأما عجيبْ وأما غريبْ ، وأقيف لسعْ وأقيف .. وأسمعْ ، أنا الكَعَب البسوى الويلْ وأنا الزول السَمِحْ ..بلحيل ، وداير ..منَِّهُمْ .. يَاتُو ..، تقولى لِى شنو وتقول لِى منو هيييييييع كع |
والله الماعندو تايه السو ليه تايه وصاحب العقل يميز
| |
|
|
|
|
|
|
Re: تعالوا شوفوا الدهب المجمر ال من جبال شنقول = توجد صور (Re: عبدالله الفرجوني)
|
Quote: عليكم النبي شوفوا الجمال داا مش غزال عديل |
جمال وافعال,,,
الفرجوني قال:
فراقاتك دروع طي الشروق فوق صـــــــــــــــي تلت جرايدك يا السليم من كـــــــــــــــــــي على درعات معيز روف البتابي الحــــــــــــــي كفك بقلع السافي وبنفض الفــــــــــــــــــــي
ياشارف الحدوق البطرود البراقــــــــــــــــــــــــ راسك جبدو تور في الكفوف بقاقــــــــــــــــــــــــ على سكر كنانة البشرق المقاقـــــــــــــــــــــــــ دانيت البعيد سيت الخبيب أفراقـــــــــــــــــــــــ
:).
| |
|
|
|
|
|
|
Re: تعالوا شوفوا الدهب المجمر ال من جبال شنقول = توجد صور (Re: عبدالله الفرجوني)
|
ابشر ود الفرجوني اخوى الله يمتعك في الدنيا والاخرة
يا جقله العقيدك بكّر فارسك ديمه فى بلد العد بيتوكر ناس بقره وغنم أنا عندى ما بتتشكر لبنك فيو طب للماسكو مرض السكر
يا جقله التمونك غاليه ناس منك غِنو صبحت جيوب ناس خاليه ديمع عليك فى الروح العزيزه مباليه يا الشنقا الغرابية أم سراةً عاليه
جقله سعادة الولد المكٍتر فيها جقله شقاوة أب حظا بقى مخاتيها جقله عقيدها فاقر بالهويد والتيهه جقله مردمه الشر فوق عوالى سريها
جقله سعادة الولد السعى وولدتّا جقله شقاوة أب حظاً أبا يقالدتّا تشبّع سته كان إتكمّشت عتمتّا دى أم دمسه الخداريه الغليد فاسدتّا مرات دارّه مرات هى ومره بسوط ترى دا البجبر الزولللدرك والموت جقله تملى ناجعه مشرته السبّوت جقله بترتع البلد المقاموالتوت
جقله بتجدع الفارس نجيض كلفوت إلا إن ولعت نيرانها ما بتموت جقله العفه جقله الفوت جقله الخير وجقله الشر جقله الموت
با م شعفهالتملى مكربات شيحانك مع البياح بطنن للعتم حيرانك شنقا وفيك كتانات وماضىجرانك يا الدبسا العكل يوم حربتك دخانك
جقله صعيد وجقله السافل جقلهالغرب وجقله سواكن جقله معزة أم حسساً مطول ساكن جقله ولدتا ميلان ناس مصرمساكن حمرا وليها طيار ريش وخفها ماكن
جقله مكجنه الحله ورباط البيت ديمه مرادا فى الحدب أب وحوش بتبيت جقله عقيدا للمطموره ديمه شطيط جقله بتجرد البنك إن جرت مربيت
الرزامه حنت للبروق الرفّن دايره تراتع الصيدأب طبايعن عفّن جقله جمالها عقرن بالمهاوى ولفّن دايره صمود مكوك مابحدروها درفّن
يا التحت الرشايم زام مصع مهدودك من دون السعيه التانيةنادر عودك تمنك غالى بالحيل كان لبستى عقودك قبال تسعه يوم جرد البنوكاقَعُودك
جقله الماها بقره عُقَداها ديمه يزربو فوق الجوع تصابر والعطشتسفربه عندها طبعه يوم تنوى الرَفَق بتخبرو عيصها يقلّم الحطب الصريع يفطربه
هيييييييييييييع كع عاش ود البناء
| |
|
|
|
|
|
|
Re: تعالوا شوفوا الدهب المجمر ال من جبال شنقول = توجد صور (Re: الطيب شيقوق)
|
لكن يا اخوي جملك ده مكلوف بالحيل
عمنا من اهلك ناس البردانة اسمو صالح ود دريس ما بلعب في جملو كلو كلو لما يجيب الجاو جاو ( وهو مخلفات السمسم بعد الحت ) بقنطرو ليهو فوق ضهر الخف ( الخف مربعة حقت جالوص) عشان يمد رقبتو وياكل فوق بدون ازعاج من الغنم الفاكنها سيادها عشان تاكل علوق الجمال وقت المغربية .
واحد مسنوح سالوهو قالوا ليهو تتمنى شنو في الجنة يوم القيامة قال لهم متمنى ابقى زى جمل صالح ود دريس يعلقوا لي في ضهر الخف لا تيسا بحبسوهو بالمطرق ولا عناقا بنشوها
| |
|
|
|
|
|
|
Re: تعالوا شوفوا الدهب المجمر ال من جبال شنقول = توجد صور (Re: Omayma Alfargony)
|
Quote: واحد مسنوح سالوهو قالوا ليهو تتمنى شنو في الجنة يوم القيامة قال لهم متمنى ابقى زى جمل صالح ود دريس يعلقوا لي في ضهر الخف لا تيسا بحبسوهو بالمطرق ولا عناقا بنشوها |
ههههههههههههههههه.
يديك العافية....
دحين كلنا كان لقينا عليقة في ضهر الخف ما بناباها...
:).
البندراوي سامع الحكي الما خمج...
...البندراوي اخوي ده بنعلق ليهو فوق السطوح...ملحقات الحضارة الدراب وكده...
:).
| |
|
|
|
|
|
|
Re: تعالوا شوفوا الدهب المجمر ال من جبال شنقول = توجد صور (Re: Omayma Alfargony)
|
يا عيال الفرجوني والعرريب دة" دخول العرب السودان المرحلة الثانية" واللا شنو ؟؟؟ قلبتوها سوق "عكاظ" ؟؟؟ بقيتو تتغزلو في الهجمة الكبيرة دي وتقولو عليها غزال ؟؟؟ انت ما سمعتو بالمترو والهوفر كرافت والهمر والبورش وتاجير الاسبيس شاتل لرحلات فسحة الي القمر وبقيتو لامين لي الجقاجق دييل تغنو ليها ؟؟؟هسع انتو في امريكا والبندر بتربطوها وين في الابارتمنت ؟؟؟
| |
|
|
|
|
|
|
Re: تعالوا شوفوا الدهب المجمر ال من جبال شنقول = توجد صور (Re: abubakr)
|
Quote: يا عيال الفرجوني والعرريب دة" دخول العرب السودان المرحلة الثانية" واللا شنو ؟؟؟ قلبتوها سوق "عكاظ" ؟؟؟ بقيتو تتغزلو في الهجمة الكبيرة دي وتقولو عليها غزال ؟؟؟ انت ما سمعتو بالمترو والهوفر كرافت والهمر والبورش وتاجير الاسبيس شاتل لرحلات فسحة الي القمر وبقيتو لامين لي الجقاجق دييل تغنو ليها ؟؟؟هسع انتو في امريكا والبندر بتربطوها وين في الابارتمنت ؟؟؟ |
نحن علوقنا ما زى علوقكم الهوامير نحن علوقنا الجقاجق يا مسنوح
| |
|
|
|
|
|
|
Re: تعالوا شوفوا الدهب المجمر ال من جبال شنقول = توجد صور (Re: الطيب شيقوق)
|
عوافي اهل الدار...
يميسيكم بالخير...
مشغوووووووووووووووووووولة........
Quote: ؟؟؟هسع انتو في امريكا والبندر بتربطوها وين في الابارتمنت ؟؟؟ |
نو ات ذا باك يارد.
:).
عمك الفرجوني عندو كلوب صيدسلوقيات في اريزونا راجي حظرالسواين فلو_(كان كان بعلفو الداهي السايب غباشةماكان جابلنا المصايب دي)_اها راجي الحظر يفك منشان يرسللن لعن اهلنا في ""الكاهلي""...
شن يجي الهوفر الحديدة الخرابة الباردة جنب جقلة,,,جقلة دي ياما فيها خير...
:).
ودشيقوق اخوي...
عشي البندراوي سبارس منشان يفوق حبة...
:).
| |
|
|
|
|
|
|
Re: تعالوا شوفوا الدهب المجمر ال من جبال شنقول = توجد صور (Re: Omayma Alfargony)
|
Quote: يا عيال الفرجوني والعرريب دة" دخول العرب السودان المرحلة الثانية" واللا شنو ؟؟؟ قلبتوها سوق "عكاظ" ؟؟؟ بقيتو تتغزلو في الهجمة الكبيرة دي وتقولو عليها غزال ؟؟؟ انت ما سمعتو بالمترو والهوفر كرافت والهمر والبورش وتاجير الاسبيس شاتل لرحلات فسحة الي القمر وبقيتو لامين لي الجقاجق دييل تغنو ليها ؟؟؟هسع انتو في امريكا والبندر بتربطوها وين في الابارتمنت ؟؟؟ |
هههههههههههههههااااااااااااااااااااااااااااااااااااااااااااااااااااااااااييييييييي
| |
|
|
|
|
|
|
Re: تعالوا شوفوا الدهب المجمر ال من جبال شنقول = توجد صور (Re: عبدالله الفرجوني)
|
Quote: هههههههههههههههااااااااااااااااااااااااااااااااااااااااااااااااااااااااااييييييييي |
دي زيادة علي "عييييك " و"كع" و نضمكم الزي دة وبعد دة كلو تقولو نضمنا احنا رطانة ... صوت الجمل هو الرطن يعني العرريب اي صوت ما بعرفو قالو عليهو رطانة ..ويبدو ان العرريب من حبهم للجمل صارو ينضمو بلغته ... دحين منو البيرطن العرريب واللا احنا ؟؟؟
| |
|
|
|
|
|
|
Re: تعالوا شوفوا الدهب المجمر ال من جبال شنقول = توجد صور (Re: abubakr)
|
عبد الله ود اخوي الفرجوني
Quote: دي هنا اسمها عكوله المجننه الناس |
والله امتعتنا آآآآآآآ عيسييييييييييي الله يمتعك في الدنيا والاخرة
عكولة دى اخخخخخخخخخخخخخخخخخ منها ذكرتني حاجات كتيييييييير كنت بترس وراها لما تهبر من تحت العيش اللتيب ومندي
الرطاني
كاشفين حالنا بدراب البجراوية والكدراوية اها شفت حضارتنا عند ود الفرجونى كيف؟
اها هسع انت بتعرف السبارس شنو ؟
| |
|
|
|
|
|
|
Re: تعالوا شوفوا الدهب المجمر ال من جبال شنقول = توجد صور (Re: خالد المحرب)
|
Quote: والله يا الفرجونى ذكرتنى ايام القنيص مره لاقيت الفرجونى قدام جبل اللبيتور قانصين ومنطة الحجر بلد الحبر |
والله حسي اللبايتور حسي فار مافيهو ولا شدره الحيوان الناس كملو هلو
اللبايتور ده للناس المابعرفوا جبل فى البطانه قدام حلة الكاهلي زيدان والحجر دا وادي قدام اللبايتور بشوية كانت زمان مليانه ارنب وحبار وبعشوم والله ذكرتني البايتور وناسوا الطيبين تسلم شيخ خالد
| |
|
|
|
|
|
|
Re: تعالوا شوفوا الدهب المجمر ال من جبال شنقول = توجد صور (Re: الطيب شيقوق)
|
الاخ الطيب شيقوق السلام عليكم موضوع البوست فعلا محتاج لتنقيب شديد وحسب معرفتى البسيطة بعد المحاضرة التى قدمها المناضل عمنا يوسف ناصر المسئول السياسي لجبهة بنى شنقول عن تاريخ المنطقة والنضالات التى خاضوها من اجل تحرير بنى شنقول وارجاعها لحضن الوطن وما لاقوه من تنكيل وتعذيب ونفى حيث ذكر بان والده اغتيل شنقا امام مرآى ومسمع ابناء جلدته ويمتلك صورة والده وهو على حبل المشنقة وتحدثت مؤخرا قبل فتحك للبوست معه لنشر تفاصيل جبهة بنى شنقول ونضالاتهم وابدى استعداده بمدى بكافة التفاصيل لنشرها هنا فى المنبر وسوف اعمل جاهدا باخذ المواضيع منه ايضا ابدى استعداد للرد عن كل الاستفسارات طبعا عندى شوية كسل ويا حبذا لو هناك اسئلة واستفسارات ارجو طرحها عشان اوديها ليهو اخوك الصديق
| |
|
|
|
|
|
|
|