لا تفرحوا بفصل الجنوب

Quote: حبيبنا الزبير جيتك اخوى بخطوة بخطوة برد عليك Quote: الشرق ودارفور ليسو مثل الجنوب علي الاقل هناك وحدة الدين والعروبة طيب اخوى بحديثك هذا خلطت امرين معا اولا بقولك تلمح او تؤكد ان الصراع فى السودان صراع دينى وعرقى وليس سياسى وفكرى ليس كل القبائل التى فى الشرق والغرب عربية اخوى (لو سمحت راجع القبائل التى تقطن فى الشرق والغرب) نرجع لحكاية الدين ما تقصده هو الدين الاسلامى حسب معرفتى انا ان الدين الاسلامى يدعو الى العدل والمساواة واعطاء كل ذى حق حقه الدين الاسلامى لا يدعو الى قتل الانسان تقول الاية الكريمة (من أجل ذلك كتبنا على بني إسرائيل أنه من قتل نفسا بغير نفس أو فساد في الأرض فكأنما قتل الناس جميعا ، ومن أحياها فكأنما أحيا الناس جميعا ) (المائدة: 23) عليه اى دين الذى يوحد الشرق والغرب مع نظام الانقاذ لان الانقاذ لا تمثل كل الشمال وبقولك هذا فكانما تقول ان الانقاذيين يحكمون بالدين الاسلامى المشكلة فى السودان ليس مشكلة عرق او دين انها مشكلة ظلم وتهميش واكل حقوق الاخرين ولا اعتقد ان النظام الحالى برئية من كل تلك الممارسات عليه راجع كلامك Quote: ودعونا نجلس لنتفاكر قليلا ونسال هل الجنوب بعقليتة التي ظهرت ابان مقتل جون قرنق هي التي يريد الشمال الاتحاد معها، كمية من الحقد والنظرة القاصرة والدونية التي يحسون بها تجاة الشمال وضح لى اى عقلية بالضبط وانا بجاوبك عليها والله الحقد دى انا ما شفتها رغم ان الناس لاكتها كثيرا موخرا والنظرة القاصرة دى نتيجة ترويج اعلام الجبهة لا اكثر Quote: حدودهم فليذهبو بمواردهم ان ارادو فالشمال من جعلهم علي قيد الحياة منذ الاستقلال يا راجل استغفر الله دنيا رمضان الجنوبيين ديل خالقهم الله يعنى مافى زول عندو فضل علي ارواجههم ومافى زول بيقدر يمنع منهم الهوء وبعدين الجنوبيين ديل هم فى وطنهم لو فى الشمال او اى مكان اخر يعنى بصريح العبارة هم اصحاب حق زيك بالضبط فى اسلاتفادة من كل شبر فى هذا المليون ميل مربع وبعدين هم فى الشمال ما عاشوا عالة على احد اتوا وعملوا فى كل المهن الجيدة والهامشية وكل جنوبى عمل فى الشمال على حسب مؤهلاته يعنى خلاصة القول كلامك دى ما ليهو اى اساس

(عدل بواسطة الزبير صالح الزبير on 10-06-2007, 08:42 PM)