محسن خالد يحلق عاليا مع إبن بطوطة في لندن

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 14-11-2018, 11:37 PM الصفحة الرئيسية

مكتبة حيدر حسن ميرغني(حيدر حسن ميرغني)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
20-01-2011, 03:36 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: وكانت الغسالة يابانية الصنع (Re: بله محمد الفاضل)

    Quote: مادام جبت سيرة الجامعة و طرائفها ..

    تتذكر يوم ما ونستك بالفيزياء النووية و كون أن البروتونات المتشابهة الشحنة تتجاذب في النواة رغم تنافرها الكهربي ..
    قمت مشيت ألفت ليك نظرية جديدة في إمتحان علم الإجتماع في صباح اليوم التاني و الأساتذه إفتكروها حاجة جديدة و أدوك إمتياز !!

    لو بتذكر كويس كان الكلام بتاع المقرر بيتكلم عن نموذج للمجتمع بيعتمد على موديل التجاذب والتنافر بتاع الذرة بتاع الثانوي (موجب و سالب)..
    قمت إنت كتبت ليهم أن دعونا من النظريات القديمة و عرضت نموذجا جميلا من وحي الفيزياء النووية
    حول تجاذب المتنافرات و دوره في التماسك الإجتماعي أو شيء من هذا القبيل لو لم تخني الذاكرة ..

    كانت تلك أيام إبداع و طرفة و إمتصاص للمعرفة كالإسفنج تماما
    محمّد قرشي

    يا صديقي العزيز ود القرشي تلك كانت هي الحياة الحياة الحياة، ويا حليلنا منها.
    جادلتهم من ذلك الوقت، حول أنَّ علم الاجتماع المتوفّر هذا يحتاج لإعادة تأسيس على ضوء العلوم التطبيقية، وعلى ضوء المجتمع السوداني ذاته لأجل تحقيق قانون التناسب، فعلم الاجتماع الغربي لن ينزل لينا طاااخ كدا كعلم اجتماع سوداني!
    فلا بد من الاسترشاد بالعلوم التطبيقية وبالبيئة السودانية عشان يسعى ليه مسّاكات وقبّاضات، المتوفّر دا نضمي ساكت وتحليل وصفي للداتا، وما تعرف تمسكه من وين، ولا كيف تعيّره أو تقيسه وتقوّم جدواه!
    بخصوص هذه الحادثة، نتجت لأنّني بالأصل لم أكن أفهم على ماذا بُني الموديل، ومنذ بداية تدريسه كنتُ أشك في فلسفته ورياضياته (معاً)، حتى جئتني أنت في تلك الونسة بالفكرة القاتلة من الفيزياء وجئته أنا بالساحق والبلاء المتلاحق. حقيقي الفيزياء هذه تجعلك تشك في العلوم كلّها، وفيها هي ذاتها ههه. كان الدكتور شجاعاً ويعتد بذاته التقويمية والمعرفية ليمنحني +A. محمّد إدريس رفض بحث التخرُّج تماماً، وتعنّت، لولا وساطة بروف الطاهر، ولكنّه في النهاية أيضاً كان شجاعاً ليمنحني +B، وقال لي بالحرف الواحد، والله كنت محتار فيك ح تعمل شنو، لكن بالجد شغل نضيف! (ومع ذلك أخوك اتخرّج من الكليّة بالجلالة، وبدرجة تخجّل عديل من كترة الإفّات، والانصراف لتأسيس محسن اليوم ههه).
    ياخي ناس بتوع رياضيات بحتة واقتصاد بحت، أقوم أجيب ليهم فيزياء وفلسفة علوم و"كمان" دوبيت، ياخي ذنبهم شنو؟ هههه
    أتذكر واحداً من الأساتذة وغالباً الكيزان –والله أعلم- كان يدرِّس مادّة يسمونها
    (Islamic financial institutions) بالمناسبة، دا جانب من الموضوع الذي غالطني حوله الأستاذ تبارك شيخ الدين ببوست الكوشرثيا حول المؤسسية الإسلامية.
    كنت كل يوم أقرأ هذه المادّة وأضحك، وأقول لنفسي والله المادَّة دي أسوأ مادّة قابلتني من ناحية التأليف، وتحتاج ممن ألّفها أن يشتغل عليها من جديد، لاحدّي ما طخّاني ليك أستاذها بــD غليييدة ههه.
    أتذكّر من ضمن هذه الحوادث حادثة دكتور أزهري قاسم أستاذ المحاسبة، وحادثة دكتور عمر الشريف أستاذ اللغة العربية مع وضعية اللغة وتوقيفها، أيام ياخي كانت من جنون ونار.
    وبعدكم، وبعد تلك الأيّام، لم أجد إلا قليلاً قليلاً، لو على صعيد المعرفة ومحبّتها، وإن كان على صعيد الواقعي والصدق والاستقامة بتاعة الدنيا والعالمين العادية دي!

    ---
    ياخي كان الإرادة ودّتك مدني ما تمشي تشوف الجامعة لو عندها أرشيف ههههه (ح تكون معجزة مش؟).
    لأنو بحثي بتاع التخرّج دا فعلا كبيت فيهو جهد، وما عندي منو نسخة وحاة أمّي! كان لقوهوا ناس حسن الجزولي ديل بنفعهم، مكبوب فيه عرق حقيقي وبيعمل إضاءة قوية على مسألة فنون الريف وارتباطها بالتنمية، وكتبتُه من خلال المعلومات الكانت متوفرة من خلال الكلية ويُستبعد توفري عليها مرة ثانية. يا ريت إنت وألا أصحابي الشويعيين الزمان يكوسوهوا إن بقى بنكاس بعد الزمن دا كلّو ويجدعوه في مكتبتهم، إن بقى عندهم مكتبة للأمور دي.
    هل يتابع الحزب الشيوعي المنشورات المتعلّقة بالدراسات الميدانية وغيرها في حقول الاجتماع والاقتصاد والتنمية ويقوم بتجميعها والاحتفاظ بها لأجل تأسيس تلك البنية التحتية النظرية؟ حسبو وأعمامه نقد والتيجاني أعلم.

    ---
    يا حسبو الأيامات دي قايم عليكم دايركم تصحوا، زهجتونا ياخي
                   |Articles |News |مقالات |بيانات

17-01-2011, 08:59 AM

قيقراوي
<aقيقراوي
تاريخ التسجيل: 22-02-2008
مجموع المشاركات: 10279

للتواصل معنا

FaceBook
تويتر Twitter
YouTube


Re: شرح الدقّة! (Re: محسن خالد)

    السلامو عليكم تاني
    Quote: والحزب الشيوعي ذاته لا يمتلك بنية تحتية من الدراسات والخُطط النظرية حالياً، ولا يدفع بأي جهودٍ على أرض الواقع العملي، الصلد الـSolid،

    شفت كلمة [ حالياً ] دي كلمة مفتاحية ( تسد و تفتح ) بيبان كتييييييرة
    خصوصاً اذا اتفتحت على كل الاحتمالات ( وراء و قدام ) الفي قراءة حبيبنا عادل عبد العاطي عن حالياً بتاعة عمنا نقد بتاعة ( الصلاة ) ديك متذكرا !!
    هو نقد دا ما عارف انو الصلاة دي صلة بين ( العبد ) و ( ربو ) يعني !؟
    نان الخرف في شنو طيب ؟
    مونسنا بي صلاتو/عدما لي شنو ؟
    باقي ليك دا ما الاغتراب القالوا جايين يحررونا منو ذاتو ؟ ... اها الشعب دا ( الدين ) دا عندو اهم شئ ... كيف الدبارة !؟
    مازال المعلم / عبد الخالق يوصي في الشويعيين ديل ( الوضوح الفكري و النظري ) يا جماعة الشويعيين يرحمكم الشعب ! ... ( الوضوح الفكري و النظري ) ... ( الوضوح الفكري و النظري ) ... كررها حتى قالوا ليته سكت، و لم ... بل زاد و افاض .. الاستقامة الفكرية و السياسية .. الاستقامة يا أمة .. يا اخوانا ما تاخدو مواقع ( دفاعية ) دايمن ياخ !
    و عييييييييك ... حسو انقرش ساي رحيمو الله، و لا حياة لمن تنادي انت دا ذاااااااتك !!
    كان في دراسات باطنية للمجتمع بتاعنا دا و كان في [ بنية تحتية من الدراسات والخُطط النظرية ] ... و " الماركسية و قضايا الثورة السودانية " تقف على ذلك من الشاهدين ... بي الاصلاح الزراعي ... و ال و ل ول ولول ... لوووووووووول
    لكن هي قضايا " القشرة السودانية " دي واقفة في ي ي ي محلها عاد !؟
    [ حالياً ] كيف !!!؟
    وكت " الشويعي " [ حالياً ] بدخل حزب الشويعيين دا من " بوابة " " السياسة " الداعي شنو لحمولات ايدولوجية قدُر دا !
    دا اوvـــر لوود يقصم ضهر اعتي حــــمار مكادي ...
    هم ما يهبطوا بـ ( الفلسفة ) - تقرأ بنفس فهم الجماعة هناك في الارياف - لارض الواقع و ارض السودان الشغيغ دا تحديداً ياخ !؟
    و يخلونا نتكلم اولاد بلد ساي ... مواطن لاخيه المواطن ... بدون تغلية اسعار و رفع قزاز ... و لّ شنو ؟
    و بكرة دا خلوهو اسي .. يوم بكرة جميل و باكر ضواي ... او كما قال، شاغلين نفسكم بيهو اسي ليه ؟ ما مسئوليتكم ذاتو ياخ ! .. نحن شنو يعني مجرد سلّمة - درجة في سلم - تمتطيها البشرية دي في تقدمها ؟ ... اها بتدون ( حياة ) تانية نجي نستمتع فيها بانجازاتنا القدمنا حياتنا الاولى قربان ليها !؟
    يا ناس [ المستقبل دا فضاء مسكون بناس اكتر منا ذكاءاً][ اعتقد المقولة للمرحوم الخاتم ] و مني انا دا و جمالاً كمان ! .. المافي شنو!؟ .. اكثر ذكاءاً و جمالاً
    و المغالطني ينزل يشوف براااااااو ... شوف و قارن؟ ( دي على وزن سف و قارن؟ بتاعة سلطان الكيف ) ...
    ياخ زمنا الفي ي الجامعة بتين بس البسون الميك أب و شايلين حسهن مسمنهن شيطان المين و شعنونة !! ...
    الزمن دا الشيطنة ياها الزمااااااااان كنا قايلنها رزانة و بلا بلا !!! ... طلعت بشتنة ساي عالم الله و شاهد !!؟
    اسي في ي ي ذمتكم دي ناس الجلاكس التاااب منو الإي فون ... اللخ ... اللخ من هيك تكنولوجيا كان زول ونسكم بيها قبل 20 سنة ما كان قلتو ليهو : ززززززززززززن ..يا الدليبة الشقت الحوش !!؟ .. و الله بقيت تغمّبلا !! .. قوم لف كدا ولّ كدا !؟ .. ياخ ما تفكا فينا ياخ !؟
    عماً و صديقاً لينا، و اسمه صديق ود البلولة، حكى لي انو مغتربين زمان كانو لمن يجوا الحلة - ود البصير في نواحي الحلاويين - يحكوا عن دهشة التكنولوجيا و يكلموهم بالابواب البتفتح براااااااها ! و كانو يقابلونها بجنس الكلامات الفوق دي ... فلبد ليهم لمّن الله سهلا عليهم و اغتربوا في بدايات تمانينات القرن المنصرم، اها قبل المقالدة و السؤال عن ( الجيتو منهم كيف ؟ ) ... جرجرم من يدينم على المول طوالي يويريهم الباب البفتح براهو دا
    رواه قيقا راوي و اضاف، حدثني من لا اشك في صدق حديثه انو واحد لازم " شيخو " في رحلة عمرة و زيارة للمدينة المنورة، و رجع يحكي ليهم عن كرامات " الشيخ " انو بس يقيف قدام الباب كدا، الباب برااااااااهو يتفتح !! .. مدد يا سيدي ؟ .. مدد

    ااااااااايييييييييه
    هيجتوا شجن !! ... يا شباب ما لكم علينا !؟
    و يا حيدر بعد السلام و التحية .. ما نكون خربنا و خرّمنا ليك بالموضوع الاساسي
    و التحايا لسيدنا محسن و عقبال نشوفك اعلى و اعلى حيث يجب ان تكون



    ----------------

    Quote: ولكن بأقل تقدير هو يمنح هذه الرؤية حظاً من الاهتمام والتفاكر في أحلامه إن صادف واجتمع سامِرُهُم بعد خمسين ستين سنة، ونيف.
    وهو حزبٌ مُحَصَّنٌ ضد النَّقْد من الخارج، لأنَّه معروفٌ بردود أفعاله الدفتردارية، كما هو ذو مناعة هومورالية لتثبيط النقد من الداخل، ضد أي صوت طامح، أو يحلم بما هو أكثر من بياته الشتوي الذي لا ينتهي هذا، كي يقود الناس.



    Quote: ألوذ في ردي ونقدي لهذه الإجابات الثلاث بالمنشور الواسع القراءة بدلاً عن العادة السرية التنظيمية التي تستسهل لوك وإعادة لوك الأزمات
    د. المأمون علي صالح http://sudaneseonline.com/forum/viewtopic.php?t=4995&sid=...100d779f552c90d41c5a

    عاد [ العادة السرية التنظيمية ] دي بتعشّر !؟ .. و لّ بتجيب ليها جنا لاكين !؟

    بس ما الريف براهو يا محسن ... !!
    في عوالم منسية جوووووووووة المدن ذاتا
    و دا العالم التحتاني الح يهب و يهد عمايد الفوقاني ذاااااااتو
    و لّ نكون اتسيكنا عاد !!!
                   |Articles |News |مقالات |بيانات

17-01-2011, 10:22 AM

Adil Al Badawi

تاريخ التسجيل: 27-07-2005
مجموع المشاركات: 1143

للتواصل معنا

FaceBook
تويتر Twitter
YouTube


Re: شرح الدقّة! (Re: قيقراوي)

    Quote: العقارب خلفه تسعى ومعايشه مغروزة في غدر نهر
    ياخي والله لو الزول بفتّش لوصف الوضع الراهن ببلدنا، لما وجد أفضل أو أجمل من هذا الوصف.

    مشكور، يا محسن، مشكور وعسانا نعود لنشولب معاك ومع المشاركين ظلم ذوي قُربى الريفيين.
                   |Articles |News |مقالات |بيانات

17-01-2011, 03:41 PM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: شرح الدقّة! (Re: Adil Al Badawi)

    Quote: عاد [ العادة السرية التنظيمية ] دي بتعشّر !؟ .. و لّ بتجيب ليها جنا لاكين !؟
    قيقراوي


    البعيد شنو؟ دي على وزن المافي شنو؟
                   |Articles |News |مقالات |بيانات

17-01-2011, 04:38 PM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: شرح الدقّة! (Re: محسن خالد)

    Quote: محسن يا "شويعي"

    نوبي
    قبل أيام طالعت عنوان الخبر ده قبل الدخول في التفاصيل
    mohsin.JPG Hosting at Sudaneseonline.com

    يمين قربت افتح بوست
                   |Articles |News |مقالات |بيانات

17-01-2011, 09:02 PM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: شرح الدقّة! (Re: حيدر حسن ميرغني)

    ضحكتني يا حيدر
    زمان واحد مصري شتمني ليك جنس شتائم (احتمال) فاكرني الزول دا.
    يضحك نهارك
                   |Articles |News |مقالات |بيانات

17-01-2011, 09:11 PM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: شرح الدقّة! (Re: محسن خالد)

    Quote: (المستشرقون الشباب ديل)
    م. خالد

    أو (المستشرقون السودانيون) وإطلاقها على أبناء المغتربين الذين يعانون من شح في معرفتهم بالثقافة السودانية أو يقلبنون الثقافة السودانية (كاربة خلاص يقلبنون دي) لعدم معرفتهم الجيدة بها وبمفرداتها ومصطلحاتها.
    حقوق الابتداع والتأليف لهذا المصطلح تعود لصديقي العزيز الكاتب عثمان حامد سليمان، الله يطراهو بالخير.
                   |Articles |News |مقالات |بيانات

17-01-2011, 11:05 PM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: شرح الدقّة! (Re: محسن خالد)

    يا حسن الجزولي، يا فردة
    ياخي المادة بتاعتي دي طبعا قطع شك بتكون قريتها
    وعمي التجاني ذاتو بكون قرأها، وجماعتكم لخموني بالتلفونات.
    ياخي المادة دي أهديك لها لله تعالي، وأرجو أن تنشرها في الميدان.
    وهي مادة مهمة وفي غاية الأهمية عن شوف الناس ليكم
    وعن شوف أطفال الريف ليكم، وغيابكم في الريف.
    وبوسعها إلهام الكثيرين، ليفعلوا شيئاً (ما) بهذا الصدد.
    أتمنى عليك يا صديقي حسن الجزولي نشر هذه المادة في (الميدان).
    وهي هدية للميدان، الصحيفة السودانية الوحيدة التي بوسعي أن أعتبرها صحيفتي.
    مش الميدان دي حقتنا كلنا (اليسار التقدمي في إطلاقه)، وألا كيف؟
    شيل المادة دي، عفو الله والرسول، وانشرها هناك.
    ولو دايرني أحررها أكتر، بحررها ليك لامن تستمخ. المافي شنو؟ -قيقرواي
                   |Articles |News |مقالات |بيانات

18-01-2011, 01:22 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: شرح الدقّة! (Re: محسن خالد)


    صديقاي العزيزان، الكاتبان، الأستاذ عثمان حامد سليمان ودكتور حسن الجزولي
    فلاش (لازب) هذا الذي أتى بهما في مكان واحد
                   |Articles |News |مقالات |بيانات

18-01-2011, 08:53 AM

قيقراوي
<aقيقراوي
تاريخ التسجيل: 22-02-2008
مجموع المشاركات: 10279

للتواصل معنا

FaceBook
تويتر Twitter
YouTube


Re: شرح الدقّة! (Re: محسن خالد)

    Quote: البعيد شنو؟ دي على وزن المافي شنو؟

    إلا كان بقى فيل !!
    انتو الافيال بتتكاثر كيف هي ؟

    اما قبل ...
    بعيداً عن الضحك ... قريباً من الجد
    حزب جماهيري، السرية ليو شنو !؟
    الاحادية ما بتنتج شئ، يطلع يلاقي الجماهير البحلف بي حياتا ساي دي ، و في مواقعا .. يتعلم منها كوييس .. يعرف لغتا، يتحسس آلاما و اوجاعها .. حتن بعدين يشوف كان محتاجة تعليم منو و لّ شئ ؟ ... و الله الخوف يتفاجأ بما حققتو الجماهير من وعي في مشوار مدها الطويل الكان غايب هو فيهو عن ( الوعي ) و مستغرق في ( عاداتو السرية ) !!
    لكن هو ذاتو المعرفة دي تجي كيف بدون ( تواصل ) واعي و امتلاك جيد لادواتو و مستلزماتو ؟
    التنظير بحل ليو مشكلة ؟ .. حليلو قبلو !!؟
    رجعتو الديالكتيك أب صايد داون تاني !!؟ ... حليلو هو التعب و ساهر لياليهو يستعدل فيهو !؟

    اما بعد ...
    فكرتي ( الاولى ) عن [ الشويعي ] - و انا زول بنادر - كان مختلفة خالص، لكن نفس الارتباك، نفس الصورة الغيبية المتوعدة بالويل و الثبور و فظائع الامور فيما يخص مآل هذا الشويعي ( التعيس ). بس كان موجود في مرتع صبانا ( كوستي )، وجود فاعل و واضح. يبدأ من د.حمودة فتح الرحمن مرشح الحزب الشيوعي في انتخابات 1986 م ، و لاينتهي بشخصيات ليها وزنها و احتراما في مجتمع كوستي. و لا حتى بنتهي بجيران نظيفي سيرة و سريرة و قدام الناس في الفرح و الترح و متصدرين للعمل العام. و لا ينتهي بابن عمي و ابن كوستي البار عماد عبد الرحمن " الثعلب " ... بل ينتهي في بيتنا عديييييييل ... شفت كيف ؟ الله يرحمهم ( حمودة ، عماد، محمد خلف الله " ود القيقر " ) .
    و الاخير دا كان الـ " بيق براظر " بتاعي ... بالضبط بالفهمتو ... دا غير انو كان مثل اعلى " وسيم ، ذكي جداً ، متفوق في كل المجالات ، خطاط ، و كمان لعب في مريخ كوستي ... المافي شنو !؟ * "
    لكن كان داسيها [/IMG]، عندو ليك كمية من الكتب الحمرااااااااااااااااااء، كلها فيها صور ناس ابان دقون، و صلع ساااااااي !! .... بخطو الجميل كاتب علي كل واحد نفس العبارة المخاتلة " هل كل من يقرأ للشيوعيين، بالضرورة هو شيوعي !؟ " .... ابو الزفت ... قليك دناااااااااااااااايل بالطريقة الصاح ذاتو !!
    مرة و انا جايي من المدرسة - تقريباً كنت في تانية، اول سنة لي في كوستي - لقيت لي ورقة، اتضح لاحقاً انو هي ما مجرد ورقة ساي ! اسمها " منشووووووور " فيها كلام عجيب كلو كلو ! .. نبز رسميييي لنميري - و نحنا وكتها طلائع مايو و ابوكم مين ؟ نمييييييييييييري و عاك عيك - و تحريض راسو عديل لحاجة اسمها " الشعب السوداني " و مختومة بـ " عاش نضال الشعب السوداني ". و مذيلة بـ " الحزب الشيوعي السوداني " ... انقر انا الغبيان - ودا الوصف الاتلصق لي لاحقاً- انقر ما طبقتها و شلتها معاي البيت !؟
    يا زول حسسوني اني اتيت فعلن منكر شديد ... غايتو يومها حسيت اني دخلت النار بالمزيكا عدييل !؟
    في شنو يا ناس ؟
    الشيوعيين ديل كفاااااااار ! .. انت ما عارف ؟
    شطبوا راسي كلو كلو ... طيب لمن زول يسب الدين لي بتقولوا " ما تسب الدين، الدين دين محمد " !؟
    الـ " بيق براظر " ... نسيتوا
    و الله الشغلة كان جايطة جنس جوطة !!؟


    ------------

    * كل شئ في .. المافي شنو يا حنين ..!؟ شوف الصورة الهنا
    العبارة تراث شعبي و ملكية عامة يا حبيب ... غايتو الا كان ما متعبة معاك كل مرة تجيب فيها " المافي شنو !؟ " اذكرني معاها .. باقي اخوك بحب الشهرة زي الخال واااااااحد
                   |Articles |News |مقالات |بيانات

18-01-2011, 10:34 AM

عبد الله إبراهيم الطاهر
<aعبد الله إبراهيم الطاهر
تاريخ التسجيل: 19-04-2005
مجموع المشاركات: 616

للتواصل معنا

FaceBook
تويتر Twitter
YouTube


Re: شرح الدقّة! (Re: قيقراوي)

    صاحبي محسن خالد
    الشوق كيمان كيمان
    كيفك والدنيا... غايتو الليلي أتكيفته جنس كيف مع البوست السمح والطاعم ده ... لي زمن من سودانيز ...
    سعدت بسماع أخبارك هنا ...

    أبقى طيب ...

    احتراماتي
                   |Articles |News |مقالات |بيانات

18-01-2011, 12:25 PM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: شرح الدقّة! (Re: عبد الله إبراهيم الطاهر)

    يا الهى
    من هذا البوست الجميل


    اعجاب لليفة , هى الدنيا فيها كلام زى ده يا حيدر حنين
    محسن خالد والمتداخلين , استمتعت , لامن قلت بس
    تحياتى , وانا من المتابعين
                   |Articles |News |مقالات |بيانات

19-01-2011, 01:02 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: شرح الدقّة! (Re: منصور عبد الرازق)

    عبد الله ود الطاهر
    يا راجل إزيك وكيفنّها الدنيا معاك
    سعيد بشوفتك هنا يابا، خليك قريب
    وكن بألف خير
                   |Articles |News |مقالات |بيانات

19-01-2011, 01:04 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: شرح الدقّة! (Re: محسن خالد)

    أهليين يا منصور
    ياخي حبابك ألف، كتّر خيرك، واتفضّل لجوه
    كن بألف خير
    ويضحك نهارك
                   |Articles |News |مقالات |بيانات

19-01-2011, 04:02 PM

حسن الجزولي
<aحسن الجزولي
تاريخ التسجيل: 05-12-2002
مجموع المشاركات: 1240

للتواصل معنا

FaceBook
تويتر Twitter
YouTube


Re: شرح الدقّة! (Re: محسن خالد)

    إقتباس:- ((
    يا حسن الجزولي، يا فردة
    ياخي المادة بتاعتي دي طبعا قطع شك بتكون قريتها
    وعمي التجاني ذاتو بكون قرأها، وجماعتكم لخموني بالتلفونات.
    ياخي المادة دي أهديك لها لله تعالي، وأرجو أن تنشرها في الميدان.
    وهي مادة مهمة وفي غاية الأهمية عن شوف الناس ليكم
    وعن شوف أطفال الريف ليكم، وغيابكم في الريف.
    وبوسعها إلهام الكثيرين، ليفعلوا شيئاً (ما) بهذا الصدد.
    أتمنى عليك يا صديقي حسن الجزولي نشر هذه المادة في (الميدان).
    وهي هدية للميدان، الصحيفة السودانية الوحيدة التي بوسعي أن أعتبرها صحيفتي.
    مش الميدان دي حقتنا كلنا (اليسار التقدمي في إطلاقه)، وألا كيف؟
    شيل المادة دي، عفو الله والرسول، وانشرها هناك.
    ولو دايرني أحررها أكتر، بحررها ليك لامن تستمخ. المافي شنو؟ -قيقرواي))
    -------
    الأعزاء قيقراوي
    و يا أيها((العيًُ)) ,, إبن أمنا البتولا!
    تأمرون أنتم ,, وسنفعل!.. و (باكر) ناظره قريب ,, وهلم!.
                   |Articles |News |مقالات |بيانات

19-01-2011, 05:30 PM

بله محمد الفاضل
<aبله محمد الفاضل
تاريخ التسجيل: 27-11-2007
مجموع المشاركات: 8617

للتواصل معنا

FaceBook
تويتر Twitter
YouTube


Re: شرح الدقّة! (Re: حسن الجزولي)

    يا ربي أنا كنت هنا
    ولا دا ما أنا


    يا محسن يا اخي
    ما منتظرك عديل كدا

    في تفاكير دايرة ليها قلم نصيح زيك وشواف
    بالله عليك تشوفا في أخر الصفحة الأولى

    ولا هسا بقوم ما أزعل


    هههههه
                   |Articles |News |مقالات |بيانات

20-01-2011, 09:15 AM

قيقراوي
<aقيقراوي
تاريخ التسجيل: 22-02-2008
مجموع المشاركات: 10279

للتواصل معنا

FaceBook
تويتر Twitter
YouTube


Re: شرح الدقّة! (Re: بله محمد الفاضل)

    هي يا بلة !؟
    Quote:
    يا ربي أنا كنت هنا
    ولا دا ما أنا

    بلة الدقّ ( الرغم ) جلىّ !!
    ياخ انت حشرت مداخلتك قدام مداخلتي و دفرتها للصفحة دي كيف ما عارفك !

    تفاصيل ما جرى :
    من برّة البوست بظهر آخر متداخل بلة محمد... اللخ اللخ ، و تجي تفتحو تلقى أخر مداخلة قيقا شنو كدا ما عارف !؟
    اها دي ( روايتي ) الرسمية لما جرى ... و الله على ما اقول شهيد
    بعد داك جرت مياه كتييييييييرة من تحت جسر البوست


    -----------

    يا سيدنا محسن
    و الله بتجيب ليك في جنس محن انت !!
    ياخ كلام " الشويعي " دا ما كان تسويهو بوستي براهو ياخ !؟
    اها اسي باقي نقتا دي نقبل بيها وين ؟
    ان شاء الله ما نكون خربنا لسيد البوست فكرتو من البوست
    مع اني زمان كنت قايل حبيبنا حيدر دا ذاتو ( شويعي ) ... إلا اظنو كادر ( سري ) شايفو ينكرا كل ما يقولوها لهو !
    الشينة منكورة ...

    سلام د. حسن الجزولي

    Quote: تأمرون أنتم ,, وسنفعل!.. و (باكر) ناظره قريب ,, وهلم!.

    كلام زي قسم الدهب
    و نردد معاك - من باب الامل المؤسس .. عسى، و لعل ... - يوم بكرة جميل و باكر ضواي ..

    الفو استاذنا ...
    لكن بالمرة كدي - و على قولة الخلايجة، ما أمر عليكم عدو - برضو ما تشوفوا موضوع ( الاسم ) ؟
    ياخ الاسم دا بقى " مُحرِج " و الله
                   |Articles |News |مقالات |بيانات

20-01-2011, 12:54 PM

بله محمد الفاضل
<aبله محمد الفاضل
تاريخ التسجيل: 27-11-2007
مجموع المشاركات: 8617

للتواصل معنا

FaceBook
تويتر Twitter
YouTube


Re: شرح الدقّة! (Re: قيقراوي)

    هي نان يا قيقا
    مداخلتي مداخلة هي
    الموضوع شرق
    ومداخلتي جنوب

    لِمهن


    بس برضك يا قرقراوي
    فيها زاوية نظر
    أردت من ود البتولا أن يعاين في جواها
    وهي حكاية الهامش داخل الهامش نفسه
    دي الأولى

    والمداخلة التانية
    مُناكفة ساهي ليهو
    ولا أقوليك
    قول شوق شحمان
    ومحبة راسا عديل

    أها
    المافي شنو



    ولك تحايا ود عباس
                   |Articles |News |مقالات |بيانات

20-01-2011, 03:09 PM

حسن الجزولي
<aحسن الجزولي
تاريخ التسجيل: 05-12-2002
مجموع المشاركات: 1240

للتواصل معنا

FaceBook
تويتر Twitter
YouTube


Re: شرح الدقّة! (Re: قيقراوي)

    Quote: لكن بالمرة كدي - و على قولة الخلايجة، ما أمر عليكم عدو - برضو ما تشوفوا موضوع ( الاسم ) ؟
    ياخ الاسم دا بقى " مُحرِج " و الله


    أها ياقيقراوي أنا ح أعمل فيها إنو فهمت مداخلتك ليا دي بطريقة تانية وعليه أرد عليك كالآتي :- لا جدآ لمن ننشر ليك المقال حا نشوف طريقة لتغيير الاسم الماعاجبك ده ..مع إنو شايف إسم قيقراوي ده جميل ياخ!!لووول.
                   |Articles |News |مقالات |بيانات

20-01-2011, 04:00 PM

قيقراوي
<aقيقراوي
تاريخ التسجيل: 22-02-2008
مجموع المشاركات: 10279

للتواصل معنا

FaceBook
تويتر Twitter
YouTube


Re: شرح الدقّة! (Re: حسن الجزولي)

    Quote: لا جدآ لمن ننشر ليك المقال حا نشوف طريقة لتغيير الاسم الماعاجبك ده ..مع إنو شايف إسم قيقراوي ده جميل ياخ!!لووول.

    حلوة و ملعوبة
    انا ذاتي قلت كدا

    محسن خالد جابا ليكم عند ( البدو ) عندهم هناك .. هنا عندنا ناس ما ( بدوا ) لسه كلو كلو و الله !!
    خليك من تقول لزول انا ( قيقراوي ) راسك عديل !؟ .. اشتراكي ذاتا نبزة ... اشتراكي شنو ياخ !؟ حزبي ساي نبزة !!
    معانا واحدن " اشتراكي يمني " - النصيحة هو معااااااط - اها لمن يزهجوا منو يكوركوا ليك فيهو : شوف الحزبي دا بالله !!

    متمني ما اكون رسلت رسايل عكسية
    غايتو ...
    لكن ستين سنة كافية ... كافية خالص
    مرة في التلفزيون شفت - في مجلة علمية مصورة - تجربة فيها مكعب زجاجي مفتوح بجهة كاملة، كل مرة بغيروا اتجاهها. و جواهو مكعب جبنة. اها يقوموا يفكوا ليك فأر.. لما عكسوا اتجاهو الفار جاء نابل و طاخ خبط ليك في القزاز. . مرة و التانية .. صدق التالتة - و التالتة واقعة - لف ليك محوّد المكعب الزجاجي لمّن لقى الباب راسو عديل .. اتعدل راسو ! كان شفتو اتكيف من نفسو كيف ؟ .. ياخ انا ذاتي اتكيفت ليك منو

    تحياتي يا دكتور
    و محبة راسا عديل



    ----------

    في شأن الاحراج :

    عن طبارك الذي ليس بيده شئ، عن عثمان بشرى أنه حينما سئل عن " الحب " انه قال : [ الحب مُحرِج ] ... او كما قال
    رواه قيقا راوي
                   |Articles |News |مقالات |بيانات

20-01-2011, 06:26 PM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: شرح الدقّة! (Re: قيقراوي)

    يا الحسن
    مشتاقين يا شاب
    خلاص اتفقنا
    كتابك البقى عليهو شنو، مرقتو وألا لسّع؟

    ----
    إنت {العي} دي يا حسن قاصد بيها شنو؟ غايتو شطبت بيها رأسي، كلها نبزة، يضحك نهارك
                   |Articles |News |مقالات |بيانات

20-01-2011, 06:42 PM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: شرح الدقّة! (Re: محسن خالد)

    البلّه ياخي كلو شيء ولا زعلك دا، فلك في قلبي من المحبّات الحنيذة ما لا قِبَل لك به، يضحك نهارك
    الجزيرة أعرفها تمام المعرفة، يمكن أحسن منّك إنت ذاتك ود الجزيرة هههه
    المشكلة ننضم في شنو ونخلي شنو؟
    عجبتني قصة التلفزيون بتاعة أمحدزين دي عجب شديد، حاجة بديعة خالص. ياخي مش القصص بتاعتنا بتشبهها، أبداً، ياها هي ذاتها.
    حتى اسم البت الشعيتة في القصة أنا عارفو، بالجد. أطرف حاجة فيها ناس البيت بس المسموح ليهم يتكلموا وكت المسلسل،
    عشان أمور بيتهم وحياتهم ما تقيف، سقيت الحمارة؟ جبت القش؟ ولّعتِ النار؟ ياها ذااااتها.
    الريف السوداني دا كلو منسوخ من بعضه ومُكَرَّر*
    فما ح يعذّب الشويعيين (كثيراً) في التخطيط للتنمية، حسب تقديراتي ههه.

    ----------------
    يا أخوانا الشباب ديل (مكرور) دي بخلوها متين! وألا كمان بورونا معناها شنو متين؟ مكرور دي معناها مجرور بالواطـــة، يضحك نهاركم

    (عدل بواسطة محسن خالد on 21-01-2011, 11:48 AM)

                   |Articles |News |مقالات |بيانات

20-01-2011, 06:45 PM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: شرح الدقّة! (Re: محسن خالد)

    يا قيقرواي هم دايرين شيوعية مسبّكة ياخي، إنت يعني دايرهم يتموا حلّة الشيوعية دي موية وألا شنو؟
    الاشتراكيون مَرَقُ الشيوعية
                   |Articles |News |مقالات |بيانات

20-01-2011, 07:50 PM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: شرح الدقّة! (Re: محسن خالد)

    يا أخوانا زمان قلت لصاحبي حسبو جملة كويسة أفتكر، وهي أنّ (المعرفة للجميع) وتحت هذا التصوُّر قلتُ له، لا مانع عندي، على نحو شخصي، من توزيع أفكاري ومبتكراتي الشخصية على الناس، أو فليقتبسوها، إن رأوا فيها ما ينفعهم، وما بوسعهم خدمته لأجل تحقيق رؤية (المعرفة للجميع) ما دمتُ لا أستطيع أن أقوم عليه بنفسي، ولا أجدُ وقتاً لذلك.
    وحقيقي صراع سامسونغ (المفردة) مع الشركات الغربية (المتكاتفة والمتكالبة مجتمعة)، أعتبره إحدى كرامات ومُلْهِمات العصور الحديثة، وإحدى رباعيات الدوبيت الكاربة لـ(خوارج –وفي بعض الأحايين "منهم"- همباتة التكنولوجيا)، ومن المنطقي أنَّ أية فكرة بشرية تتصدر الأرض وتظهر على سطحها هي للجميع. يعني معقول تخترع التلاجة وتتباخل بيها تب على الدنيا والبشر المعاك؟ وجيرانك؟ والمحتاجين ليها؟ والناس يقعدوا يتفرجوا فيك وإنت تقرطع في الموية الساقطة؟ معقول؟
    من بدائع ما قاله النبي محمّد، وهو رجل اشتراكي متعصّب لرؤيته الاشتراكية، ولو شئتم مائة دليل "فقط" على هذا الزعم، لأوفِّرَنَّ لكم 1000 دليلاً على ذلك.
    عن أبي ذر، قال: قال رسول الله "لا يحقّرن أحدُكُم شيئاً من المعروف، وإن لم يجد فليلقَ أخاه بوجه طليق، وإذا اشتريت لحماً أو طبخت قدراً فأكثر مرقته واغرف لجارك منه"، سنن التِّرْمِزِي.
    لاحظ نوعية الأحاديث التي كان يتمسّك بها أبو ذر ويرويها، تشبه اهتماماته النظرية وانشغالاته في الحياة ومحاربة الكانزين والرأسماليين وسلطان الجور.
    عن أبي ذر، قال: قال رسول الله (لا تحقّرنَّ من المعروف شيئاً، ولو أن تلقى أخاك بوجه طَلْق، فإذا صنعت مرقةً، فأكثر ماءَها واغرف لجيرانك منها)، صحيح ابن حبّان.
    الاشتراكيون "ماجي" أو مَرَقُ الشيوعيين، هل ذلك صحيح؟
                   |Articles |News |مقالات |بيانات

21-01-2011, 11:04 AM

Adil Al Badawi

تاريخ التسجيل: 27-07-2005
مجموع المشاركات: 1143

للتواصل معنا

FaceBook
تويتر Twitter
YouTube


أدبُ الرحّالة: أدبُ المدائح وأدبُ الفضائح (Re: محسن خالد)

    Quote: بينما المرأة الواقعية في الريف السوداني لا تنقصها أية تاء تأنيث حالياً، وإنّما ينقصها المقوت والهدم والكركار وفك الحرف ذاته بخشم الباب والدرب العديل! وإن ألصقوا لها مائة تاء تأنيث من فئة الألف، وهي في غيّابة الجب هذه، فلن تستطيع قراءتهن ولن تربح شيئاً.
    عمّتي سعاد، يا محسن، تتحلّف إما بقول "أهد الله" (أي، وعهد الله) أو "اتيمّنتَ واتنضّرتَ" (أي، بذلت اليمين وبذلت النذر). باقيلك في راجل، حتى إن بِقى شويعي (ههه) ذاتو، بيتجرأ فيطلق وعوداً معبأةً بمثل هذه العهود والأيمان والنذور المغلّظة!

    حدّثنا أبوي عن أبيه قال: في سنةً جابت الحلّوف، عليّ الطلاق بلاد أبوي فضل المولى أم خمسة جدوع دي نضّفناها حَشْ مُرْ وكديب وقلّيع قش أنا والنّـيْ وعبد الفرّاج. دحين قول لجنيات التنمية الريفية ديل ينزّلوا الهيدفونات دي يسمعونا نورّيهم إنّو الخمسة جدوع فيها خمسة وعشرين فدّان والما عارفين منّهم حتى الفدّان شنو بنقول ليهم الواطـة دي مساحتها فوق الميّة ألف متر مربّع. بالمرّة قول ليهم إنّو "النّـيْ" إمرأة ما صادفها نَـيْ إلاّ ودفستو في النار خاسئاً حسيراً؛ وإنّو سنةً بتجيب الحلّوف هي سنة مطرها كابّي كبيب المطر بماكوندو ودا معناتو القشّة بتنهز أختها تقوّمها تشوف مشهادها في اللوّل حتّين تدّي راسها للنّـيْ أو لعبد الفرّاج أو لأبوي أمحمّد يجزّو. ببساطة، سين سعي وشين شقاوة وصاد صبر ومثابرة لو أدرجها سياسيّونا بالموديلز (إن وُجِدت) البحكمونا بيها لما احتاجوا لأن يشقّوا الجيوب ويلطموا الخدود ويدعوا بدعوى الجاهليّة أسفاً على بترول الجنوب الراح ولا شقّوا بيهو ترعةً في هذا السهل الممتد من أمام حوشنا ببانت إلى ما لا نهاية ومن عند يدي اليمين، وأنا أتأمّل هذا السهل، إلى النهر الرهد وما خلفه ومن عند يدي اليسار، وأنا أتأمّل هذا الممتنع، وإلى النهر العطبراوي وما خلفه. سهلٌ تعجّب الصينيّون، في رواية لا مصدر لها، من السبب الذي جعل أهل البطانة يبذلون هذا الجهد الخرافي بحيث يصبح ذاك السهل منبسطاً (مِتِل الانبساطة دي) ثمّ يعجزون عن زراعته!

    داير تضيف تاء التأنيث، للحروف التي ذكرنا، بالموديل التي نحلم بها؟ تاء تأنيث تنسيك واو الجماعة الرجال؟ جماعتنا! انقز إلى الحوش بالجزيرة المرويّة (قول لي كانت مروية آلغبيان دا، قول ساي فوق عديلك)؛ انقز لتسأل عن حاجّة آمنة بِتْ أصيلة تلقاها، في سبعينات القرن الماضي، خاتّة بنبرها في خشم باب اللجنة المنعقدة لتوزيع التلاميذ على مدارس الحوش بين داخلي وخارجي. أمرق من باب اللجنة تلقى عند حاجّة آمنة بِتْ أصيلة السؤال الأهمّ من "سعالات" أفنديّة اللجنة: وزّعوك شنو آجنا؟ وقبل أن تقع دميعاتك من حيطة حوش عويناتك تكسر رقبتها عند قدمي ستّ الحوش، حاجّة آمنة بِتْ أصيلة، وأنت تنطق "خارجي" بكلّ مافي الدنيا من مسكنة؛ يأتيك صوت حاجّة آمنة بِتْ أصيلة ليجبر هذا الكسر قبل أن يقع: "خُتْ شنطتك دي أقعد فوقها جنب أخوانك ديل". والبعدَك والبعدَك والبعدَك لامِن الضحوة تنكرب وحتّى الضلّ دا يلزم بيتو متقريفاً لي قهوتو وحاجّة آمنة بِتْ أصيلة ما متقريفة إلاّ لصوتها "يحمي ويعتني": "خُتْ شنطتك دي أقعد فوقها جنب أخوانك ديل"؛ "خُتْ شنطتك دي أقعد فوقها"؛ "خُتْ شنطتك"؛ "خُتْ". ووكت اللجنة تتفرتق لاحقة بتّيخ عقاب السوق، لجنة حاجّة آمنة بِتْ أصيلة تلتئم بتلاميذ وتلميذات، وين! بالداخليّة الشعبيّة الخاصّة التي أقامتها حاجّة آمنة بِتْ أصيلة وحافظت عليها عبر السنين فخرج منها (من هذه الجي آي بيل* الشعبية) الدكاترة والمهندسون والمدرّسون والمحاسبون والصحفيّون والسياسيّون. لكنّ السياسيّين في شغلٍ شاغل عن كلّ ذلك؛ شغلٍ عبّر عنه أحدهم (ربّما في مكان ما من نواحي حاجّة آمنة بِتْ أصيلة دي ذاتا) بالقول: هَيْ إنتَ في "دا" وألاّ في كدوسي الانكسرت فيهو قشّة دا! ولابدّ أن "دا" المذكور هو داءٌ سياسيٌ عضال وُضِع، رغماً عن ذلك، في سلّة الـPending إلى أن يعالج السياسي الهمام علّة كدوسه العاجلة.

    وحاجّة آمنة بِتْ أصيلة داية تخرّجت في مدرسة الدايات وبذا فهي كانت تموّل احتياجات الجي آي بيل الخاصّة بها (أرجو أن أعود لأصف المحتويات النبيلة الأخرى بحقيبة هذه الجي آي بيل) من دخلها الشخصي فهي ما سلّت ليها كراع شافع من بطن أمّو إلاّ وأسهم ذلك (عبر المسكة التي تستلمها وعبر كراع بهيمة السماية التي تخصّص لها) في أن ينسلَّ شافع آخر (أو أكثر) من بطن حوت السيستم إلى حيث شجرة من يقطين الكرم والإيثار الشعبي الذي ربّما لم يتناوله (وربّما لن يتناوله) "شويعي" بالبحث نظراً في هذا النوع من علاقات الانتاج المفضي إلى نمط من الانتاج هدفه انتاج البشريّة الصالحة النابع صلاحها من رضاعة الإيثار من ثدي كرم حاجّة آمنة بِتْ أصيلة.

    وحبّوبتي فاطنة بِتْ أم باع (هيع) دايةٌ أيضاً وإن لم تتخرّج من مدرسة الدايات إلاّ إنّني يشرّفني أنّها قد سلّت كراع كاتب هذه السطور من ضمن الشفّع السلّت كرعينهم من بطون أمّهاتهم. ومثل بِتّ أم باع بتَ الروح (هيع) بودّ الكاشف فضحكة بتّ الروح ما زالت تجلجل في أذنيّ فيما تشهد عيناي ضحكات الرجال (بل وعصيّهم وسيطانهم) تتضاير من أمام ضحكة بتّ الروح؛ أذكرها في وقتٍ (في القرن الحادي والعشرين) يتضاير فيه الرجال أنفسهم إلى مسبّة جلد النساء. تجلدوا النسوان! ما شافتكم بتّ الروح وإلاّ ما كانت لتطفيء سجارتها إلاّ في عين أوقـحـكم. تجلدوا النسوان! ما شافتكم حاجة آمنة بتّ أصيلة وإلاّ كانت كحّلتكم كلّكم بالشطّة. تجلدوا النسوان! ما شافتكم بتّ أم باع بنظرة بَسْ منّها تعرفوا لو كنتوا مربّيين وألاّ لا. قليلين الحيا.

    لكن أين ثمرة جهد الحزب الشيوعي بمدرسة الدايات أو بـ"مدرسة" التمريض العالي أو بمختلف مدارس التدريب المؤهّلة لممارسة مختلف المهن الصحيّة. مدارسٌ تكاد تخرّج نساءً صرررر إلى حيث يُخرِجنَ لهذا العالم كلّ من ضاق عليه بطن أمّه ويتعهّدن بالحقنة والدِرِب والغيار ومحاليل التروية وبالسلفا وبالسفوفة كلّ من ضاق عليه بدنه. تلقوا ليكم علمانية (ههه، أوكي...أوكي قول اختراق لأوساط النساء) وين أفضل من إنّو الواحدة تحرّر وجعها (يا لسطوة العبارة ويا لتعدّد وجوهها) بالصراخ: يا الله لَـيْ، يا الله لَـيْ، يا الله لَـيْ وهي عارفة في قرارة نفسها إنّها ما بتِنْحَل إلاّ على يد بِتّ أم باع، أو بِتّ الروح أو بِتْ أصيلة! تلقوا ليكم ولاء (من الرجال قبل النساء) وين أفضل من إنّو الواحد يقعد يزازي برّة الخيش** إلى أن تقرّر (شفتَ كيف) نَسَمَة بِتْ عبد الفرّاج (البديل الحداثي لبتّ أم باع) ما إذا كانت الولادة تتم في بطُن بيتو وألاّ كمان تنهرو: أمرق جيب ليك عربيّة، دا ما وجع ولادة بيت!

    أها نحنا، بصفتنا ريفيين، ذاتنا بننهركم: الوجع دا ما وجع ولادة سلسة في بطُن بيتكم الفي المدينة الما فايقة تنتظر لامِن الوجع يحِر (وقيل ما فايقة تلِد ذاتو)؛ دا وجع ولادة حبلاً غليد، حبلاً بِمسكوهو فِرِد مسكة من ساعة يغيب الضو لامِن يخفِس يطلع بهناك. أها تمرقوا تجيبو اللوري أب سقفاً سباتات القال ليكم عليهو أخوي محسن تشيلوا الأم دي تولّدوها عند أهلها وألاّ حا تطعنوها، كالعادة، تبنّجوها وتمرقوا شافعكم دا بولادة قيصرية (يا للمفارقة، يا لمفارقة درب أبوات الشيوعيين) والأم ماتت الأم حِيَت ما فرقت!

    أرجو، مخلصاً، أن أعود لاسيّما بالمزيد عن حاجّة آمنة بِتْ أصيلة ففعالها الخيّرة تجعلها نخلةً ترنو لها كلُّ فسيلة كما وأودّ أن أهدي قولي في أعلاه إلى آل القوّاس وآل عبد الحفيظ وأخصّ منهم أخي أنور القوّاس الذي سهِرتُ ليلةً أستمع لحكاويه عن حاجّة آمنة بِتْ أصيلة حتى شقّ أذانُ الفجرِ جدارَه وما قال طق، أصلو، جدارُ اصغائي.

    ويا حيدر البنيّة مبروكة وتربى في عزّكم وفي عزٍّ تناله بنات جنسها، قادر يا كريم. وياخي قد يقول قائلٌ إنّ البوست قد انحرف عن مساره لكنّني أرى أن ما دام البوست في أدب (وفن وسياسة واجتماع) الرحّالة الشافني شبّعتكم، مع الجماعة، ممّا نعصر من جنس ذلك ما كضّب.


    _____________
    * حلم سودنة الجي آي بيل GI Bill أو: بنك الفقراء (أي كافة ... إلا قليلاً) الحكومي
    ** "برّة الخيش" عبارة قديمة قِدِم أيّامٍ كانت فيها دار الرياضة برفاعة مسوّرة بالخيش، كيف ما عارف! تلك أيّام إذا طرد الحكم فيها أحد اللاعبين أو المشجّعين توجّب عليه أن يتعامل مع الهتاف " برّة الخيش... برّة الخيش... برّة الخيش" بأكثر من تعامله مع حالة طرده نفسها.
                   |Articles |News |مقالات |بيانات

21-01-2011, 12:17 PM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: أدبُ الرحّالة: أدبُ المدائح وأدبُ الفضائح (Re: Adil Al Badawi)

    يا عادل يا عادل، عسل عسل، موت موت
    أحب "حاجّة آمنة بِتْ أصيلة" مسودنة الجي آي بيل ههه، و"فاطنة بِتْ أم باع"، وبت الروح وعييييك.
    ذَكَّرتني "أم جفيل" و"وصال" و"بت رَكَزَي" و"النَّهَمُوها"، شوف الأسماء دي ذاتها كيفن! وقارن بين المداخل الواقعية دي، البسيطة وماها بسيطة لمن يرى حقاً ويعي، والجي آي بيل، وطرائق ثانية للملمة الجراحات الإنسانية وبناء الحياة (الشعبية؟) لا أوّل ولا آخر لهن. ياخي الهرتدش السوداني في الاشتراكية وتصنيع المؤسسات ذاتية وشعبية التمويل، والنّاهمة حين الحاجة، ما محتاج ذاتو من أهلنا الشويعيين ديل لطوب ولا مونة، فقط مصطرين وقِدَّه وخيط لأجل وزنته جيداً بالمعارف والبحوث والعلوم. والله كلّ الناقص وزنته بس يا عادل أخوي، والطريقة واللغة التي يقدم بها للناس كي يقبلوه ويتحمسوا له ويتبنوه من بعد، على ضوء المعرفة، فتزدهر الحياة.

    ----------
    يا زول حيدر قال عافي لينا عفو الله والرسول، تم ونستك ساكت. وفي تُولاي دي بجيك معقّب بونسات كان يدّي فضت، وبرضِّي ليك حيدر دا تب، برشيه ليك بالمقدمة كاملة لكتاب نوري ما دام عجبته هههه.
                   |Articles |News |مقالات |بيانات

21-01-2011, 01:09 PM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22545

للتواصل معنا

FaceBook
تويتر Twitter
YouTube


Re: أدبُ الرحّالة: أدبُ المدائح وأدبُ الفضائح (Re: محسن خالد)

    عارفكم مجانين لمن تكونوا رايقين
                   |Articles |News |مقالات |بيانات

21-01-2011, 02:54 PM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: أدبُ الرحّالة: أدبُ المدائح وأدبُ الفضائح (Re: طارق جبريل)

    سلامات عادل
    نبارك ليك في السمح
    Quote: قد يقول قائلٌ إنّ البوست قد انحرف عن مساره

    لا انحراف ولا حاجة
    ياخي الحكي لما يكون على السجية في حد زاتو إبداع
    سعدت - وأكيد معاي محسن - بمرورك الخلاق
                   |Articles |News |مقالات |بيانات

21-01-2011, 07:07 PM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: أدبُ الرحّالة: أدبُ المدائح وأدبُ الفضائح (Re: حيدر حسن ميرغني)

    قيقرواي العزيز
    Quote: مع اني زمان كنت قايل حبيبنا حيدر دا ذاتو ( شويعي ) ... إلا اظنو كادر ( سري ) شايفو ينكرا كل ما يقولوها لهو !
    الشينة منكورة

    الشيوعي ياتو?
    المنتمي للحزب وبدفع إشتراكاتو الشهرية ?
    انا زول عنقالي ساي
    شيوعيتي قاطعا من راسي وما ناكرها تب
    مرة شيخنا الراحل الطيب صالح سألوه مالك ما عرست سودانية
    قال ياخي الزواج ده مثل الملاريا يداهمك من حيث لاتحتسب .. داهمني ورقدت سلطة
    ما وصلت مرحلة السلطة البدفعوا ليها (إشتراكات) دي
    ولا في شيئ يغري لذلك ..
    _
    هسع مالك فتحت نفاج لإغتيال شخصيتي دي
                   |Articles |News |مقالات |بيانات

22-01-2011, 02:27 PM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: أدبُ الرحّالة: أدبُ المدائح وأدبُ الفضائح (Re: حيدر حسن ميرغني)

    المغرب وبهجر الشبّاك


    أووووو
    طارق جبريل، يا راجل!
    متوحشنك بزاف آلزوين.
    شنو الانقطاعة؟ حشومة عليك قَعْ.
    ياخي أخوك زهجان جنس زهج الأيامات دي، لو ما جيت المغرب، واتوهّطت لي قدام شاهي أخضر، والخبز بجنبه بزيت اللمتمّر، الللههههه
    أمتلك مقياس ريختر للبسط والسعادة، وأُسمّيه على وزن مقياس ريختر (بَهْجَر الشبّاك) وهو يلوح وضاءةً ونعيماً ووسامةً تتفجّر من الأعماق، أعماق هذا الشاب، انظر إليه بجوار الشبّاك.
    شمس جوّاه، وشمس ساندة حيلها عليه من برّه.
    الأيامات بما فيها من دواليب وجو وحكايات.. عندكم كيف؟ نتلّب في طيّارة وألا نستنى شوية!؟
    شوف (بهجر) الزول الجنب الشبّاك دا عشان تآمن، والغنية إبداااااع.
    http://www.youtube.com/watch?v=j7S9GEIumfM
    ---------
    إضافة اليوتيوب فيها مشكلة يبقالي.
                   |Articles |News |مقالات |بيانات

22-01-2011, 02:48 PM

قيقراوي
<aقيقراوي
تاريخ التسجيل: 22-02-2008
مجموع المشاركات: 10279

للتواصل معنا

FaceBook
تويتر Twitter
YouTube


Re: أدبُ الرحّالة: أدبُ المدائح وأدبُ الفضائح (Re: حيدر حسن ميرغني)

    Quote: ما وصلت مرحلة السلطة البدفعوا ليها (إشتراكات) دي
    ولا في شيئ يغري لذلك ..
    _
    هسع مالك فتحت نفاج لإغتيال شخصيتي دي

    إغتيال الشخصية ساي ما بسوي الحبة دي ! .. اسالني انا دا الما عندي شخصية كلو كلو دا !؟ و اهو عااااااااايش في امان الله !
    يا زول اخوك مع شخصيتو الضعيفة دي .. احتمال كبير ما يلقوها كلو كلو .. يقوم السيف يجي فيهو هو همسلف
    معااااااا قولة ( شا " قيقا " ... ) بس، تسمع : " اليّ بالسيف و النطع يا ابن ابي بلتعة !؟" ... يخلوا ليك النتيجة 4/4 ( قيقا ) براها ... و ( رواي ) براو !
    و غالباً ( راوي ) الفصل الاخير من نهاية الراوي السوبر يكون زول تاني !
    جبت المفيد يا حبيب في [ ولا في شيئ يغري لذلك .. ]
    بس كلم لينا محسن دا :

    Quote: يا قيقرواي هم دايرين شيوعية مسبّكة ياخي، إنت يعني دايرهم يتموا حلّة الشيوعية دي موية وألا شنو؟
    الاشتراكيون مَرَقُ الشيوعي

    قديماً قيل : الفاتو اللحم، يلحق المرق
    اها خايفين مباراة التسبيك تمرقنا بي قد القفة ساي !! حزب من غير طبقة....(بيرة) من غير كحول ... و اضاف [ وفى الحالتين...النعنشة مفقودة ] [ حاتم الياس ]

    بعد اذنكم ... انقل الكميرات للناس المسحوقة و منسية ... كتيبة الجنقو ..و "الجنقو.. مسامير الأرض " [ مقولة مجهولة القائل .. عبد العزيز بركة ساكن ]

    Quote: ندما أتيت الي هذه الحياة إكتشفت أن ست فتحية و فتحي أخاها الأستاذ أيضاً , إكتشفت أن هذه الثنائي يشكل شيوعي. و كثيراً انتظرنا اللحظة التي تزف فيها فتحية عروساً لشقيقها كما هو متفق عليه.
    ست فتحية ماتت بالسل بعد عراك طويل مع الكحة المصحوبة بالدم , أما فتحي فقد إبتلعته الغربة للابد...ست فتحية كنت أحبها كبني أدم و كثيراً اتجنبها و أكرهها كشيوعية كما يقال عنها, أتذكر حتي الان ووقتها كنت في السنة الثانية أبتدائي, أتذكر كيف أتت الي بيتنا تحمل بقجة اصغر حجماً من أن تكون ملابس بغرض الغسيل و أكبر من أن تكون كتب لنا كصغار قدرها ان تتبنانا معرفياً,,, القت ست فتحية السلام في عجل موتور علي أمي ومعه القت البقجة أرضاً برفق. بعد إنتهاء عبارات المجاملة قالت:
    يا خالتي تعالي انا دايركي برا....
    تبعت أمي تلكم الفتحية ....و كمتلصص جيد كنت وراء هؤلاء النسوة حتي أكتشف ماذا يفعلن دون أن يشعرن بوجودي.....
    همست ست فتحية الي أمي قائلة: خالتي الدنيا مقلوبة و بكره الناس طالعين مظاهرة في المدينة ضد زيادة السكر, أها يا أمي جابوا لي الورق دا مفروض الموا هنا في البيت لكن البوليس بعرف بيتنا عشان كدا انا دايراكي تلمي لي الورق دا عندك لحد ما الدنيا تبرد شوية؟
    أمي: لكن يا فتحية بتي... أمي كانت خائفة لتجاربها السابقة مع البوليس....
    و قبل أن تكمل أمي كلامها قاطعتها ست فتحية قائلة: والله يا خالتي أنا جبت الورق دا لبيتكم لانو البوليس ما بشك فيكم ... والله يا خالتي لو البوليس عرف والله أنا براي أجي و أقول ليهو الورق دا حقي أنا و أنتو ما عندكم بيهو أي دخل.....
    أمي: ليه يا فتحية بتي تقولي كدا ما شينتكم شينتا....
    لكن يا بتي الدنيا ما معروفة , الموت فوقي و فوقك ...
    بس بكرة الوليدات يمشوا المدرسة أنا الورق دا بحفر ليهو في سدر البيت و بدفنو و لو حصلت أي حاجة تلقي ورقك في سدر البيت مدفون.
    عانقت ست فتحية أمي و علي ما أعتقد كانت تبكي و هذا ما أحرزته من مخارج حروفها عندما رددت قائلة: شكراً خالتي كتير خيرك....
    غضبت الي أبعد حدود الغضب , عن ماذا تفعل أمي مع الشيوعيين؟
    لماذا تتأمر مع ست فتحية لإخفاء هذا الورق؟
    في النهاية قررت أن أفعل شيئ ما.... في رأسي دارت كمية من الأشياء واجبة الفعل مثل:
    أخبر البوليس ؟
    سريعاً ما تراجعت عن هذه الفكرة لأني أعي جيداً ماذا يعني البوليس....
    أخبر أبي ؟
    و هنا فضلت البوليس علي أبي,,,,
    أخبر خالتي حمرة؟ ... خالتي حمرة إحتلت مرتبة أم ثانية دون أي منازع أو منافس, فكثيراً ما أحتمي بها باكياً عندما تعاقبني أمي, و بعد إنتهائها من كل أغراضها الحياتية تمسك بيدي و ترجعني الي البيت,, و تبدأ العراك اللفظي مع أمي:
    خالتي حمرة: أنتي مالك رزيلة كدا.... هسي الولد دا سوا شنو لمن تدقي ذي دا؟
    أمي: حمرة إنت الولد ما تعرفي ترا... ولد قليل أدب و حلاق كراعو في السماء دا مافي...
    خالتي حمرة: ما ياهو حال الجهلة.... صالح وليدي تاني ما تحلق.
    دوماً تنتهي هذه المشاجرة المصطنعة بين أمي و خالتي حمرة بشأني بالعبارة الصادرة من خالتي حمرة (صالح وليدي تاني ما تحلق أقعد في بيتكم)... تنتهي المشاجرة بالعبارة الأخيرة و بعدها تبدأن في همس يخص الكبار....صرفت نظر عن اللجوء لخالتي حمرة بإعتبار أني فقط سأكون ذريعة لتهامسها و تكرار تلكم المسرحية السخيفة.
    في الختام وصلت الي فكرة أن أحرق هذا الورق و إذا قررت أمي معاقبتي سألجأ الي أبي بدلاً عن خالتي حمرة, سألجأ الي أبي بناء علي قانون قديم يسمي (علي و علي أعدائي)... راقتني هذه الفكرة كثيراً و تركت أمي و ست فتحية تمارسان العادات النسوية القديمة و هي التحدث عند باب الدار.... رجعت الي القطية وعلي الفور بدأت أبحث عن كنه ومعني هذه الأوراق التي تقلق مضجع البوليس ,,, عندما سمعت خطو أمي علي مقربة مني أخذت كمية من الاوراق و رحت الي سريري متظاهراً بالنوم....علي ضوء لمبة الجازولين أخذت أقرا في تلكم الأوراق و بين السطور أبحث عن السطر الذي يدعو أن يتزوج الأخ أخته.....
    بشغف أبحث عن السطر الداعي الي تكسير الجوامع....
    لدهشتي لم أجد شئ من كل هذا و فقط وجدت أشياء ########ة لا يمكن أن يعاقب صاحبها علي الإطلاق ... تساءلت بيني و ذاتي:
    الحكومة دي مجنونة؟
    حزنت و سرحت بأثر رجعي علي دوزنة الكتب التي تهبها الينا ست فتحية..سرحت ووجمت علي إعتبار ما يكون و ذلك بموت أمي و مواصلة تربيتنا بواسطة جارتنا التي عانت كثيراً من طلاق مزمن حتي فقدت الأمل في ذكر يخصها, و كيف تحولنا بواسطة تلكم الجارة التي إحتلت خانة أمي بعد وفاتها الي طيور بيضاء كما في قصة (زوجة الأب) وجمت كثيراً دون سبب ظاهر أقلها لهذا الأحمد و عندما فشل في مواساتي أخذ يبلحق في كجلف مجنون.ا




    حكاية عرس ( الاخوان الشيوعيين ) دي انا ذاتي سمعت بيها
                   |Articles |News |مقالات |بيانات

25-01-2011, 02:50 PM

قيقراوي
<aقيقراوي
تاريخ التسجيل: 22-02-2008
مجموع المشاركات: 10279

للتواصل معنا

FaceBook
تويتر Twitter
YouTube


Re: أدبُ الرحّالة: أدبُ المدائح وأدبُ الفضائح (Re: قيقراوي)
                   |Articles |News |مقالات |بيانات

22-01-2011, 03:08 PM

بله محمد الفاضل
<aبله محمد الفاضل
تاريخ التسجيل: 27-11-2007
مجموع المشاركات: 8617

للتواصل معنا

FaceBook
تويتر Twitter
YouTube


Re: شرح الدقّة! (Re: محسن خالد)

    شنو ليك
    بمش أعصِر صنقوري المصدئ دا
    واستعين بالحاجة (باقي هنا اليومين دي)
    وأكمل البديتو دا جت عليهو

    والله يا ود البتولا
    الغُربة دي تمنا غالي خلاص
    بقينا قرعوبة يشهد الله


    بعدين
    عارِف رقبتي عصرت عليك شديد
    والفضاوة عندك بقت مسارقة
    بس نسوي شنو
    دايرين النجيضة علي قول الضاحك المضحك ود الصائم

    تاني
    عمايل ود الزين اخوي دا
    كان قعدلها زين بتجيب الناقص جت
    لكن شغلتو كتيرة بقت
    وليدات ومدارس وشغل
    أخير أنا شوية
    المرأة في المدرسة
    والأولاد في المطبخ

    ومكرور دي الليلتي أنا دا في رقبتي
    وما بخلها
    عاج ب ا ن ي يا اخي
    بس بباصر ليك محلها وأقشطا
    ما تنجهني فيها تاني
    سمح


    ـــــ
    ما عارف ليه الرقيب الحرفي دا قصتو شنو
    هسا عا########ي دي فيها حاجة مقطعة كدي

    (عدل بواسطة بله محمد الفاضل on 25-01-2011, 04:14 PM)

                   |Articles |News |مقالات |بيانات

28-01-2011, 02:07 AM

دينا خالد
<aدينا خالد
تاريخ التسجيل: 26-06-2006
مجموع المشاركات: 8736

للتواصل معنا

FaceBook
تويتر Twitter
YouTube


Re: شرح الدقّة! (Re: بله محمد الفاضل)

    يا سرور
    وينك منتظرنك بالتعليق
    تعالى ورينا فى محسن يوم !











    ــــــــــــــ
    تجى ولا نجى !
                   |Articles |News |مقالات |بيانات

24-02-2011, 06:51 AM

Ashraf el-Halabi
<aAshraf el-Halabi
تاريخ التسجيل: 08-10-2006
مجموع المشاركات: 5508

للتواصل معنا

FaceBook
تويتر Twitter
YouTube


Re: شرح الدقّة! (Re: دينا خالد)

    الشيخ دا غتس وين والقيامة قايمة يا حيدر؟
                   |Articles |News |مقالات |بيانات

15-03-2011, 03:05 PM

Adil Al Badawi

تاريخ التسجيل: 27-07-2005
مجموع المشاركات: 1143

للتواصل معنا

FaceBook
تويتر Twitter
YouTube


محسن خالد يحلق عاليا مع إبن بطوطة في لندن (Re: Ashraf el-Halabi)

    sudansudansudansudansudansudansudansudansudansudansudan53.jpg Hosting at Sudaneseonline.com

    Quote: للمرة الأولى في تاريخها البالغ أربع سنوات فقط؛ تقاسمت روايتان الجائزة العربية للرواية «البوكر» ،2011 إذ حصلت كل من رواية «القوس والفراشة» للكاتب المغربي محمد الأشعري، ورواية «طوق الحمام» للروائية السعودية رجاء عالم مناصفة على الجائزة العالمية للرواية العربية لعام ،2011 لتصبح عالم بذلك هي الكاتبة الأولى التي تفوز بالجائزة.


    http://www.emaratalyoum.com/life/four-sides/2011-03-15-1.368274
                   |Articles |News |مقالات |بيانات

15-03-2011, 05:40 PM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: محسن خالد يحلق عاليا مع إبن بطوطة في لندن (Re: Adil Al Badawi)

    سلامات عادل
    شرفنا الروائي أمير تاج السر بإختيار احد أعماله ضمن القائمة القصيرة
    أتمنى أن تعرج الجائزة على مرابع مبدعينا المرة القادمة
                   |Articles |News |مقالات |بيانات

15-03-2011, 06:06 PM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: محسن خالد يحلق عاليا مع إبن بطوطة في لندن (Re: حيدر حسن ميرغني)

    قال الكاتب "النوبلي " الكبير وول سوينكا "إن أبخرة اليأس والضياع التي تتصاعد فوق سماء القارة الأفريقية لابد أن تستغرق إهتمام الكاتب الأفريقي كله وأن تكون لديه الشجاعة ليلهمها تماما
    المهم أن لاينصرف الكاتب عن قضايا مجتمعه الملحة ثم يحتمي وراء الالتزام بنظريات مستوردة
    فالذي لا تثيره قضايا أمته ليس ملتزما حتى وإن تعلق بأهداب الثورة العالمية"
    تحية لمحسننا وهو يدلل على شجاعته وإلتزامه مع قضايا أمته العريضة
    " بيان تضامني مع ثورة شعب ليبيا من الشعراء والأدباء والمثقفين العرب واصدقائهم "

    453.JPG Hosting at Sudaneseonline.com

    454.JPG Hosting at Sudaneseonline.com

    http://www.arabs48.com/?mod=articles&ID=78656

    بيان تضامني مع ثورة شباب مصر من الشعراء والأدباء والمثقفين العرب
    http://www.arabicstory.net/anews/?p=7994
                   |Articles |News |مقالات |بيانات


[رد على الموضوع] صفحة 2 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de