لقراء وقارئات المنبر العام غير الأعضاء ...... معرفة رأيكم تهمنا

نداء أنساني بخصوص الدكتور الباقر العفيف
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 19-11-2018, 10:17 AM الصفحة الرئيسية

مكتبة حيدر حسن ميرغني(حيدر حسن ميرغني)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
11-04-2009, 03:42 PM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


لقراء وقارئات المنبر العام غير الأعضاء ...... معرفة رأيكم تهمنا
                   |Articles |News |مقالات |بيانات

11-04-2009, 03:53 PM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: حيدر حسن ميرغني)

    يرجى الإنتباه إلى اننا لن نقوم بنشر الرسائل التي تتعرض بالشتم والسباب والنقد غير الموضوعي لأي عضو في هذا لمنبر حتى لايخرج البوست عن الغرض الذي فتح من أجله
                   |Articles |News |مقالات |بيانات

11-04-2009, 05:20 PM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: حيدر حسن ميرغني)
                   |Articles |News |مقالات |بيانات

12-04-2009, 01:49 PM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: حيدر حسن ميرغني)

    أولى الرسائل وردت من الاخ عبدالله

    Quote: seedahmed abdoo" [email protected] To: [email protected]

    مشكله من بعض من يكتبون فى المنبر انهم بعتبرو نفسهم صفوه
    وده من خلال متابعتى للمنبر ده من 2002
    حتى طلبكم للمشاركه منا ارفقتموه ب
    أسهم البوست السابق في نيل عدد من القراء والقارئات عضوية المنبر
    هل وصلت النرجسيه لد يكم حتى خيل اليكم اننا ميتين فى طريقه لنيل العضويه
    المهم ما الاحظه خلال الفتره الاخيره انحدار مستوى النقاش والحوار
    وتحوله الى ساحه لتصفيه الخلافات الشخصيه وهذا هو الانطباع من بوست الاخ
    نادر اليوم
    وملاحظه اخرى وهو الشلليات داخل منبركم العامر
    ومحارله تلميع البعض للبعض بتسموها كتير تلج
    فى ماهى الا تسليه للبعض ومحاوله خلق بطولات وهميه
    برستيج على كل الله يصلح الحال وبرضه بنتابع لعل وعسى ان ينصلح سلوك البعض وشكرا
    عبدالله


    شكرا لك
    أما في مايتعلق بتنويهي لمن اصبحوا أعضاء بيننا من القراء لم اقصد مارميت إليه يا عبد الله
    بل كان مجرد تذكير فقط وعلى فكرة هؤلا الذين عنيتهم أنا نالوا العضوية بطريقتهم الخاصة وإذا تابعت البوست القديم ستجد اني عرضت رسائلهم وبعد أيام قلائل تداخلوا في نفس البوست
    على العموم اشكرك مرة اخرى ورأيك في مجمله محل تقدير
                   |Articles |News |مقالات |بيانات

12-04-2009, 01:52 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29123

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: حيدر حسن ميرغني)

    رسالة من القارئ خالد غالي ..

    Quote:
    نازر الخليفة سلامات

    بالاشارة الي موضوعكم في سودانيز اون لاين بخصوص راي القراء من خارج المنبر حقو تقبلو مشاركتي دي ولو نشرتوها جضومي حايتنفخو بالفرحة اصلهم منفخين

    طبعا انا من القراء المداومين جدا ومتابعكم متابعة شديدة .. والحقيقة اتمنيت كتير جدا انو يكون عندي باس ويرد ومرة حاولت اراسل بكري وبعد داك اكتشفت انو المسالة دي صعبة ومحتاجة دعم كبير من ناس البورد فاااااا قلت اتحمل العيين بي خرم الشباك افضل واشرف ..

    من اكتر المرات الاتحسرت فيها اني ماعندي باس ويرد لما قريت النداء الاخير بتاع دكين بالجد ضحكت واتبسطت ورغبت اشاركو في المناحة بتاعتو دي شديد وخاصة لما القي بوست فيهو دكين وعزاز متناقرين في حاجة بالجد كده بكون مبسوط لابعد حد .. وده كوم وبت قضيم كوم تاني يعني ماتتخيل المتعة الانا بقرا ليها بيها تقريبا قريت كل كتاباتها حتي الردود علي الناس دي زولة كلمة مبدعة عليها شوية الغريبة مرات بحس انو الناس مامدنها حقها في الاعجاب كده يعني المفروض يعملو ليها تمثال ولا اي حاجة كده وبرضو لاحظت انها ماعندها مكتبة ما عارف لييه بالظبط يعني ...

    قريت لي ناس كتيرين وقريت بوستات كتيرة لكن وقفت بالجد في كتابات دكتورة اشراقة الاخيرة دي بالزات ... كتيت عن الديامي الوسيم حتي حسدتهو علي حاله ووصلت مرحلة متقدمة من الاعجاب بيها هي نفسها وبعد داك قريت ردودها للناس في نفس البوست ولما خلصت البوست كنت خلاص وقعت في حبها فعلا ... وطوالي البروفايل فتشت ايميل .. لقيتو وطوالي كتبت رسالة غالبا مابتكون قرتها لكن يسرني اني ماكتمت شعوري جواي كالعادة ... وبعد داك كتبت عن تمبس لما اتمنيت اكون هو رغم اني في الحقيقة ما معجب بيهو شديد لكن خلتني بالجد احس تجاهو احساس تاني وكتبت عن وهبة .. وكتبت كتير واعجابي بيها كل يوم بيزيد كتير ..

    احترامي العميق دكين .... احترامي العميق بت قضيم ... احترامي العميق دكتورة اشراقة ... احترامي العميق عزاز ... احترامي العميق الغجرية ازابيلا ... احترمي لكم جميعا ..

    شكرا جزيلا بقدر ما امتعتمونا .. بقدر ما افرحتمونا .. وبقدر ما حركتم مشاعرنا تجاهكم

    شكرا لكم جميعا السادة البورداب لكم جميعا احترامي اللامحدود

    خالد غالي
    ابوظبي

                   |Articles |News |مقالات |بيانات

12-04-2009, 03:37 PM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: ناذر محمد الخليفة)

    رسالة من الأخت الكريمة ميساء نشكرها عليها وعلى ما جاء فيها من رأي وإشادة

    Quote: الاخ الكريم حيدر

    كل التحايا والشكر اللا محدود على المبادرة الطيبة وهو بلا شك بعض مما عهدناه فيك في منبر سودانيز، فانت دوما محضر خير ودوما محب له.. والفكرة جميلة فلماذا لا يكون هنالك بوست بهذا الشكل مفتوح باستمرار للناس المستضعفين الزينا كدة، يقولو آرائهم في المطروح فلا سبيل لذلك الا كذلك ما دمنا خارج الساحة.. فاحيانا او قل دائما بتتكتب مواضيع او حتى مداخلات الواحد بيكون عنده شديد الرغبة في التعليق عليها..وطالما كان هناك تنقيح للايميلات من قِبل متلقيها قبل عرضها فده اظنه بيجعل الامر ممكنا

    الاخ حيدر

    اود ان اطرح بعض ما تسعفني به الذاكرة حول البعض وطرحهم هنا

    وابدأ باشادة لا حد لها في تعليقك -ومن ثم آخرين بعدك_ للاخ ابوبكر صالح بخصوص تعليقاته على دكتوراة نجاة محمود في بوست الاخ امجد فريد، تقليل من شان مؤهلها بشكل متكرر وباسلوب ما جميل، لا سلمت الدكتورة منه ولا سلمت الجامعة المانحة

    ولا اعلم صراحة الملابسات الادت للحاصل بينهم دة لكن تمنيت لو كان حوار موضوعي بينهما حول نقاط اختلافه معها في بحثها، حوار نستفيد منه جميعا.. وايا كان الامر في النهاية فماذا يضيرالاخ ابوبكر ان كان البحث ضعيف او حتى لا وجود له اساسا؟ فهل يمنح بكري ابوبكر العضوية حسب المؤهلات الاكاديمية؟ وهل اعضاء المنبر مطالبين بالدفاع عن شهاداتهم ضد اي راي او ادعاء يتكتب هنا وكأن المنبر هو الجهة المخولة للتحقق من صحة الشهادات العلمية وبالتالي فالشخص المعني مطالب بتبرئة ساحته؟

    اعلاه ابتدرت به حديثي لوجوده امام اعيننا الآن

    ثم

    هنالك الكثيرون ممن اتابع كتاباتهم وهي وهم يستحقون الاشادة وارجو ان تسعفني الذاكرة

    من هؤلاء مثالا لا حصرا

    نجوان وممكونة .. كتاباتهم دوما واعية وهادفة وتمس صميم همومنا

    حمور زيادة الاديب الزول الكتّاب الذي يجبرك على متابعاته في مشاركاته المتنوعة في الادب في الاجتماعيات وفي غيرها.. زول صريح وواضح

    وما ميال للمجاملات على حساب قناعته او على الاقل هكذا اراه اخشى عليه فقط من الكترة، كترة الكتابة والتداخل هذا ما لاحظته اخيرا، واضح انه عنده انترنت تويني فور اورز

    عماد عبد الله صاحب القلم البُنيّ السنين.. كتااااااب ياخ لمن يعقد الكتابة في روحها

    دكتورة نجاة نفسها كتّابة ومثقفة وتلقاها ملمة وحاضرة في الكثير مما يطرح ونفسها طيبة مرات بيتكتب ليها كلام عجيب ومع ذلك تفاجئك بي انها تجي ترد بكل هدوء باين انها ماخدة مناعة ممتازة في الاسفيردة

    لكن بهمس ليك على الجنب كدة يا دكتورة جربي تقللي من مشاركاتك ومداخلاتك فالكترة مرات بتخلق ربكة وتُفقد بعض النكهة يا دكتورة امهاتنا بقولوا كلما تسبكوا التخديعة وتقللوا مويتها الطبيخ بيطلع اطعم اها يا دكتورة المعنى اظنه كدة واضح وليك كل تقديري فانت من الاقلام ذات الوزن

    اين تراجي مصطفى نفتقدها ويفتقدها المنبر

    مهما كان عدد من يختلفون مع تراجي فهي رقم لا يستهان به ..لا اعلم سبب غيابها اهو برغبتها؟ غايتو ان كانت موقوفة من قبل بكري ابوبكر فكاني به احيانا يكون عدو منبره فهي من نجوم الشباك لا شك

    ولا

    شيري الجات بقلمها السنين

    وتيسير الزولة اللطيفة الظريفة

    واميرة الشيخ الحاضرة دايما والباين عليها محبوبة ممن حولها

    ودينا خالد المشاغبة بذكاء

    وانعام حيمورة الانسانة

    ولا ايزابيلا الاكتشفتها في الاحداث الاخيرة دي

    زولة رااااسية وقمة

    اجتازت الاحداث بهدوء وحكمة وقليل كلام

    فخرجت بحب وشعبية على ما كان لديها

    قيقراوي مداخلات لطيفة وفي محلها وتفيض حكمة دايما

    جني دايما تعليقاته ساخرة وذكية

    امجد فريد قلم مميز بس لو يبرد نفسو شوية

    شهاب كرار يطرح مواضيع حساسة جدا وربما خطيرة تستحق استعداد تام لمناقشتها قبل طرحها

    فاذا بدا النقاش تجده لا يصمد صمود يتناسب واهمية وخطورة الموضوع المطروح، يختفي فترة طويلة ويعود لينتقي بعض المداخلات من النص كدة ويرد ردود احيانا ما مقنعة ومن ثم يغتس البوست فيعود شهاب بعد كم يوم بموضوع اخطر وهكذا

    يا اخ حيدر

    لو قعدت اعدد كدة للصباح ما بتخلصوا

    المهم انه هنالك الكثير من الاقلام المشرقة، مشرقة بعقول اصحابها

    وفي اقلام اخرى تعكنن عليك وتفقدك متعة الاطلاع

    ودي خليها للحلقة القادمة

    بقي لي تعليق واحد وهو اني عاوزة استنكر الاطراء والاحتفاء المفرط لمشاركات العضوات دونا عن الاعضاء، بمبالغة كدة تجعلك احيانا ترجع تقرا ما كُتب مرتين تلاتة وتتحسس عينيك واذنيك وادوات التقويم لديك قائلا في سرك ربما فات عليّ شي او لعله حصل لبس ما او لعلني لم افهم، وعندما تعود وتقرا ولا تجد اي لبس مما تمنيت، ترجع مجرجرا خيبة املك بانهم لو ما كانوا يرونا دونهم لما افرطوا في الثناء هكذا على مادة عادية، فبوست فلانة هذا كله لا يسوى جملة واحدة مما يكتب فلان ولكن هيهات له ربع ذاك الثناء

    عفوا اعذروني هنا

    فهكذا احس

    وربما من هو اجدر بوصفه بالمبالغة والافراط هنا هو انا

    اهم حاجة

    اني باكد على احترامي للكل ممن ذكرت وارجو الا اكون اغضبت احد ببعض التعليقات السلبية واخص تحديدا الاخوة ابوبكر صالح ود. نجاة وحمور وشهاب وامجد

    ولك من شكري اجزله يا اخ حيدر

    ميساء

    المملكة/ شقراء

    [email protected]
                   |Articles |News |مقالات |بيانات

12-04-2009, 04:10 PM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: حيدر حسن ميرغني)

    رسالة بليغة من الأخ / محمد الكامل عبد الحليم من تورنتو نشكره عليها ونتمى أن نراه بيننا


    Quote: الاستاذ حيدر--تحية طيبة مع وافر الاحترام--

    اشير الي دعوتكم لغير الاعضاء في منبر سودانيز اولاين الاسفيري للادلاء بدلوهم عن مرئياتهم في مساهمات الاعضاء

    بادء ذي بدء لم اتشرف بمعرفة سيادتكم لكنني حظيت بما تساهمون به من طرح ومداخلات تنم عن عمق ووضوح ومحاولة التنوير نحو راي حر ينأي عن الخوض في ما لا يفيد ونحن ننشد وطن ديمقراطي معافي.

    من الواضح ان المنبر قد ساهم في تواصل اصدقاء المنافي الاختيارية و القسرية وان يقف بعضهم علي احوال الاخر--هناك مساهمات تسعي الي خلق منبر حر ديمقراطي وان لم يتشكل ذلك بالعمق الكافي بعد

    من ناحية اخري تطل في كثير من الاحيان الافكار الجهوية و العنصرية البغيضة ومن هنا ياتي دور حراس المنبر في تنظيفه من هذه الافة مالم يكن الامر مقصودا من جهات لها هدفها في ذلك استطاعات

    الولوج الي المنبر باسماء مستعارة تارة و باسماء واضحة تارة اخري وتبرز هنا اهمية حراس المنبر في التشديد علي منح العضوية و التدقيق فيها ان كان للمنبر نهج وهدف معلوم--

    ياتي بعد ذلك اصحاب الاجندة الذين يعملون لحساب جهات معينة لا تخفي علي المتابع الحصيف يزرعون الشك و الالتباس والتضليل تارة ويحاولون اغتيال الشخصيات العامة لاهداف معلومة من سياق عرضهم

    الفطير تارة و الماكر تارة اخري ولعل اخلاقيات المنبر حتي الان في محك البحث عن الصدق و الحقيقة ان كان الهدف منبر حر نحو وطن حر وبناء دولة قومية تستفيد من تنوعها لخير اهلها كمثال يحتذي في

    دولة ذات موقع فريد وتاريخ نصنعه بفكرنا الديمقراطي الحر

    لم احظي ايضا بنيل عضوية المنبر رغم محاولاتي المستمرة التي توقفت حاليا ويبدو ان للمنبر اجندته التي يقوم علي اساسها اكتساب العضوية

    اكتب اليك من تورنتو حيث تقيم اسرتي اقامة دائمة ويسعدني الان ان اجد فرصة الكتابة الي شخصكم ويمككنني لاحقا التعريف بنفسي اذا رغبتم في ذلك --ولك وافر الاحترام -- محمد الكامل عبد الحليم


                   |Articles |News |مقالات |بيانات

12-04-2009, 05:22 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29123

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: حيدر حسن ميرغني)

    ة من الغفاري ال

    Quote: الاخ نادر الخليفة
    السلام عليك ورحمة الله
    والله العظيم انا كان نفسي من زمان اشترك في هذا الموقع العملاق
    وما صدقت لقيت البوست ده ولقيت لي زول يزكيني
    وكلي امل فيكم يا استاذ نادر
    اخوك الغفاري النور نور المدينة
                   |Articles |News |مقالات |بيانات

12-04-2009, 05:14 PM

Ishraga Mustafa
<aIshraga Mustafa
تاريخ التسجيل: 05-09-2002
مجموع المشاركات: 11885

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: ناذر محمد الخليفة)

    Quote: قريت لي ناس كتيرين وقريت بوستات كتيرة لكن وقفت بالجد في كتابات دكتورة اشراقة الاخيرة دي بالزات ... كتيت عن الديامي الوسيم حتي حسدتهو علي حاله ووصلت مرحلة متقدمة من الاعجاب بيها هي نفسها وبعد داك قريت ردودها للناس في نفس البوست ولما خلصت البوست كنت خلاص وقعت في حبها فعلا ... وطوالي البروفايل فتشت ايميل .. لقيتو وطوالي كتبت رسالة غالبا مابتكون قرتها لكن يسرني اني ماكتمت شعوري جواي كالعادة ... وبعد داك كتبت عن تمبس لما اتمنيت اكون هو رغم اني في الحقيقة ما معجب بيهو شديد لكن خلتني بالجد احس تجاهو احساس تاني وكتبت عن وهبة .. وكتبت كتير واعجابي بيها كل يوم بيزيد كتير ..



    ياخالد الف شكر ياخ على الكلام الطيب ده
    ومعليش ماوصلنى ايميل منك والاّ كنت رديت ليك طوالى,,,


    اسعدنى انك وقفت عند الديامى الوسيم, فعلا وسيم روح وانبل من رأيت فى الدنيا



    شكرا ياحيدر لاتاحة الفرصة لينا ولغيرنا
                   |Articles |News |مقالات |بيانات

12-04-2009, 09:00 PM

Emad Abdulla
<aEmad Abdulla
تاريخ التسجيل: 18-09-2005
مجموع المشاركات: 6751

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: Ishraga Mustafa)


    شكرا يا حيدر .

    أعتقد إنه الإستبيان العفوي ده من القراء غير الأعضاء مهم شديد و مفيد .. و وضح الصورة العامة للمنبر من زاوية مختلفة غير زوايا شوف الأعضاء اللي ممكن تكون محددة في علاقات بينهم قايمة على تقاطعات بأشكال مختلفة , و ممكن تغيّب - إلى حد كبير - كتير من تفاصيل الصورة العامة البيشوفوها القراء و بيقيموها بشكل حيادي .

    الملاحظات النقدية الوردت سواء المتعلقة بمشاركات الأخوات و الأخوة الزملاء أو لشخصي مؤكد ح تفيدني كتير على مستوى المواضيع اللي ح تُطرح لاحقاً و المعالجات الفنية ليها . و أتمنى إنها تفيد الآخرين برضو لقدام .

    تحياتي و شكري الكتير للأخت ميساء على كلماتها الطيبة و شهادتها في حق كتاباتي ..
    يجبر خاطرك يا ميساء و كتّر خيرك ياخ .


    .....
    حيدر الجميل ..
    مساْ الخير يا رجل .

                   |Articles |News |مقالات |بيانات

13-04-2009, 00:17 AM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: Emad Abdulla)

    رسالة بليغة من الاخ/حامد حسن / المانيا/ نشكره عليها وعلى ماجاء فيها من رأي واشادة بصاحب الموقع

    ....
    خالص الود والحب والتحايا لكم جمعيا
    اما بعد
    الفكره جد جميله دون شك اننا مره ومن الباب عدييييل كدا ندخل ونقول سلام بالرغم من المحاولات شبه الدائمه بالتقدم لنيل شرف العضويه والتواصل مع الاخرين تفاعلا مع ما يطرح من اراء وقضايا ومع ما يكتب من مشاهدات وخبر ومعايشات٠
    من خلال متابعتنا اليوميه للمنبر الحق انه حقيقه مساحه واسعه لنقاشات هادفه وان بدت بعض المشاركات احيانا اكثر حده وربما يراها كثيرين غير مجديه ويجب ان تحذف او حتي تسحب عضويه اصحابها ,فانا شخصيا اري غير كذلك واؤمن بانه اولي خطاوي التطور والتنميه الجاده ان نستمع للاخرين وان كانوا في بعض الاحيان حادين او قساه علينا .الا انه وللاسف تتطور هكذا الافكاروتولد هكذا النظريات والفلسفات.اما منع الاخرين حق الاختلاف معنا ,هو اولي الخطاوي والمبررات المنطيقيه للتطرف وميلاد واقع ظلامي وبالتالي الظلاميون,,,,
    والنسبه لبيروقراطيه التقدم الحصول لعضويه المنبر هو امر جد محزن وشئ غير مبرر ,فمن اي شئ يخاف اصحاب المنبر مثلا?فانا الان في المانيا فالبرغم من ان اشد الافكار تطرفا واكثرها تخلفا في عصرنا هذا هي ( العنصريه) الا واننا نجد ان(Nneu Nazistisch Partei deutschland) حزب الناذيون الالمان الجدد موجود بالرغم من الكراهيه والبغض الذى يجدها اصحاب هذا الاتجاه الا انهم طالما احترموا القانون الموجود فانهم موجودون ,اردت فقط من هذا ان اشير انه بقدرما نملك من قانون قوي فاننا لا نحتاج لان نخاف او نمع الاخرين حق مشاركتنا بحجه خوفنا انهم ربما يسئون علينا ,فقط علينا وضع القوانين التي تحفظ لنا كلنا حقونا,فرساله للسيد بكري الذي يديعي الجميع انه مالك الموقع ,اقول له لك الشكر والتحيه وكل تعبيرات الاحترام وانت صاحب فكره تاسيس الموقع بل والمداوم في إدارته وترتيب شئونه ومشقاته,,فانك مع هذا لا تملكه فهو ملك للجميع,
    لكم الود والحب وكلما هو جميل [email protected]

    Hamid,HaSSan

    (عدل بواسطة حيدر حسن ميرغني on 13-04-2009, 00:21 AM)

                   |Articles |News |مقالات |بيانات

13-04-2009, 05:44 AM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: حيدر حسن ميرغني)

    رسالة من الاخ/ برهوم الكارشي له الشكر على إهتمامه

    Quote: برهوم الكارشي,
    From: "Ulees Fiqi" [email protected] To: [email protected]

    اسعدني جداً ترك الفرصة لنا كـ غير اعضاء وان دلت على شئ فأنما تدل على محبتك لهذا الصرح ومحاولة الأخذ بأراء الأخرين او فلنقل المشاهدين ..
    عزيزي حيدر وعزيزي بكري ابو بكر ..
    لاحظت في واحتكم العامرة ان جميع المشاركين متوسط اعمارهم مابين الـ 30 - 70 وكم ارغب في ان شاهد بعض الدماء الشابه في هذا المنبر ..
    اتعتقدون بأننا لا نفقه شيئاً او اننا جميعاً كمراهقين نبحث عن الحب فقط والأختلاط في الجنس الأخر .. لا والف لا .. بعض الدماء الشابه تحتاج الى واحات كهذه لتعبر عن ما شعورها تجاه الوطن تجاه الحزب الحاكم تجاه المعارضه تجاه كل شئ .. أتمنى ان اجد بعض الدماء في واحتكم العامرة ..
    اما بخصوص الأعضاء المشاركين .. فلهم مني كل التحيه وبصراحه بقى سودانيز اونلاين أهم من شاي الصباح وأهم من التلفون البضربو للقيرل فريند :) الصباح لزوم صباحك سكر والحنك ده
    وتحييييه خاصه جداً للكاتب الخلاني أقعد الساعات واعمل ريفرش كل 5 دقايق الشاذلي بجد زول مبدع وكتاااب دا ما كسير تلج لكن حقيقه
    وتحيييه اخرى لمن أعتبره في الحقيقه قد لم اهم واخطر موضوع عائلي في هذا المنبر الأستاذ حمور بوست اذا الممتهنة نطقت بأي ذنب هتكت
    والتحيه لأخرين لا تحضرني اسماءهم ولكن استمتع بقراءة مواضيع
                   |Articles |News |مقالات |بيانات

13-04-2009, 06:04 AM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29123

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: حيدر حسن ميرغني)

    رسالة من حامد حسن :

    Quote: خالص الود والحب والتحايا لكم جمعيا
    اما بعد
    الفكره جد جميله دون شك اننا مره ومن الباب عدييييييييييييييييييييل كدا ندخل ونقول سلام بالرغم من المحاولات شبه الدائمه بالتقدم لنيل شرف العضويه والتواصل مع الاخرين تفاعلا مع ما يطرح من اراء وقضايا ومع ما يكتب من مشاهدات وخبر ومعايشات٠
    من خلال متابعتنا اليوميه للمنبر الحق انه حقيقه مساحه واسعه لنقاشات هادفه وان بدت بعض المشاركات احيانا اكثر حده وربما يراها كثيرين غير مجديه ويجب ان تحذف او حتي تسحب عضويه اصحابها ,فانا شخصيا اري غير كذلك واؤمن بانه اولي خطاوي التطور والتنميه الجاده ان نستمع للاخرين وان كانوا في بعض الاحيان حادين او قساه علينا .الا انه وللاسف تتطور هكذا الافكاروتولد هكذا النظريات والفلسفات.اما منع الاخرين حق الاختلاف معنا ,هو اولي الخطاوي والمبررات المنطيقيه للتطرف وميلاد واقع ظلامي وبالتالي الظلاميون,,,,
    والنسبه لبيروقراطيه التقدم الحصول لعضويه المنبر هو امر جد محزن وشئ غير مبرر ,فمن اي شئ يخاف اصحاب المنبر مثلا?فانا الان في المانيا فالبرغم من ان اشد الافكار تطرفا واكثرها تخلفا في عصرنا هذا هي ( العنصريه) الا واننا نجد ان(Nneu Nazistisch Partei deutschland) حزب الناذيون الالمان الجدد موجود بالرغم من الكراهيه والبغض الذى يجدها اصحاب هذا الاتجاه الا انهم طالما احترموا القانون الموجود فانهم موجودون ,اردت فقط من هذا ان اشير انه بقدرما نملك من قانون قوي فاننا لا نحتاج لان نخاف او نمع الاخرين حق مشاركتنا بحجه خوفنا انهم ربما يسئون علينا ,فقط علينا وضع القوانين التي تحفظ لنا كلنا حقونا,فرساله للسيد بكري الذي يديعي الجميع انه مالك الموقع ,اقول له لك الشكر والتحيه وكل تعبيرات الاحترام وانت صاحب فكره تاسيس الموقع بل والمداوم في إدارته وترتيب شئونه ومشقاته,,فانك مع هذا لا تملكه فهو ملك للجميع,
    لكم الود والحب وكلما هو جميل [email protected]

                   |Articles |News |مقالات |بيانات

13-04-2009, 06:29 AM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: ناذر محمد الخليفة)

    رسالة من الاخت منى عبد الله / سيدني/
    تحية لك ولمن معك من الاخوات
    ومشكورة على الاشادة والنصح

    Quote: الاخوه الاعزاء صباحكم زين شكرا ليكم كتير لاتاحة الفرصة بالمشاركة بالنيابة من كتير من الاخوات فى مدينة سيدنى بنحب نشكر كتير كل الاعضاء سودانيز اون لاين بقى لينا زي شاي الصباح حتي بقينا فى ونستا بتداول الاتكتب شنو والمواضيع المفتوحة سعيديين جدا بكتير من الاقلام وطريقة طرحهم وكتاباتم بس لينا بعض العتب وهو خروج البعض عن طورو زى مابقولو واحيانا بعض المهاترات المافى ضرورة ليها بنطلب من هؤلاء الاعضاء احترام الراي الاخر ومافى داعى للمهاترات واستخدام الكلمات الغير لائقة لانو فى النهاية كلنا اولاد بلد والكلمة الطيبة هى عنوان كل السودانيين كل الشكر ليكم ومزيد من المواضيع والاطروحات Muna Abdalla
                   |Articles |News |مقالات |بيانات

13-04-2009, 09:55 AM

عزاز شامي

تاريخ التسجيل: 08-01-2005
مجموع المشاركات: 5933

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: حيدر حسن ميرغني)

    الاخوة حيدر و ناذر،
    شكر عميق لهذه المبادرة و لاتاحة الفرصة للقراء لابداء ارائهم
    وفتح نافذة لنا نطلع بها على بعد آخر من التفاعل الغير متزامن

    Quote:
    من اكتر المرات الاتحسرت فيها اني ماعندي باس ويرد لما قريت النداء الاخير بتاع دكين بالجد ضحكت واتبسطت ورغبت اشاركو في المناحة بتاعتو دي شديد وخاصة لما القي بوست فيهو دكين وعزاز متناقرين في حاجة بالجد كده بكون مبسوط لابعد حد ..



    الاخ خالد الغالي،
    تحية طيبة و لعلك طيب ...
    كتر الله خيرك و سر بالي الاطراء وإن كان عسمني ربطك لي بالوغد الصديق اللدود دكين :)
    ليه كده بس؟
    ولكني سأنظر للنصف الممتلئ من الكأس .... و لنرفع أكف الدعاء له الهداية عل و عسى ان تصادف ساعة استجابة

    مودتي لكم جميعا ...
                   |Articles |News |مقالات |بيانات

13-04-2009, 11:53 AM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: عزاز شامي)

    فوق

    من أجل مزيد من التفاعل
                   |Articles |News |مقالات |بيانات

13-04-2009, 12:24 PM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: حيدر حسن ميرغني)

    رسالة معبرة من صديقة المنبر الأخت امال نورين / الخرطوم
    لها الشكر على ماتفضلت به من إشادات في حق كتاب وكاتبات في العام

    Quote: الاخوة الاعزاء والاخوات العزيزات – بمنبر سودانيزاونلاين

    الاخ / كاتب الموضوع / حسن ميرغنى

    السلام عليكم ورحمة الله وبركاته

    سعيدة جدا جدا بهذا البوست لانى واحدة من قدامى قراء سودانيز اونلاين- ولو كانت هناك عضوية شرف تمنح للقراء من غير الاعضاء(وراء الكواليس) لاستحقيتها عن جدارة . وعلاقتى بالمنبر ذى( قصة الريدة القديمة) ولا اذكر تاريخ معرفتى به بالضبط .,ويكون استهلالي للنت عادة بتصفح سودانيزاونلاين وانا احتسي الشاى ثم من بعد ذلك اقوم بمزاولة مهامى فى العمل( فى حب يا اخوانا اكتر من كدة؟؟(

    ودون مبالغة ارتبط المنبر عندى باسماء كثيرة جدا امثال عواطف ادريس – ود شيقوق – د اشراقة – على حسن عبداللطيف- بهاء الدين الهادى – عامر جابر – عزام فرح – محمد النور كبر – بريمة محمد ادم – د سلافة العاقب واخرين لا تسعفنى الذاكرة فى هذه اللحظة لتذكرهم .

    وكم يعترينى الاسي كثيرا عندما اجد موضوعا يستفزنى ويحول بينى وبين المشاركة فيه عدم نيلى العضوية – وقد حدث فى بعض المرات ان سطرت الاخت عواطف ادريس موضوعا فى البوست بعنوان – شباب ذى العسل وما لهمش فى الطيب نصيب – فابت نفسي الا وان اشارك باى وسيلة ومن ثم فقد عكفت ذلك اليوم وانا اقلب بروفايل الاعضاء على اجد ايميلا لأحدهم استطيع ان اشارك عبره – وبعد جهد مضنى وكمن يبحث عن (ابرة فى كوم قش) – استطعت ان احصل على ايميل الاخ الاستاذ/ الطيب شيقوق – المسنوووح – فله التحية منى وقد قام مشكورا بنقل مساهمتى وانزالها فى بوست الاخت عواطف التى قامت مشكورة بدورها بارسال رسالة لى عبر الايميل ترحب فيها وتعلن استعدادها لنشر كل ما اقوم بكتابته وقد اوردت لى بيت شعرا جميلا لازال موجودا فى خاطرى . كذلك ساهمت فى بوست الاخ علي حسن عبداللطيف – بعنوان – يا طلاب وخريجى جامعة جوبا وثقوا تجاربكم هنا .

    اشيد عبر هذه السانحة بسودانى الشتات والمنافى والمغتربين اكثر من سوداني الداخل – دون مجاملة الاسهامات الخارجية واثراء المنبر بالنقاش تبدو بصورة واضحة عند الفئات المذكورة اكبر من ( ناس جوة - كسلانين؟؟؟ ولا ناس برا نار الشوق للبلد كاتلاهم شدييد؟؟؟؟

    ما شاء الله على بورداب مسقط – متفاعلين مع المنبر واسهاماتهم بارزة بصورة كبيرة . يستحقوا انه يأخدو جائزة الربع الاول للمنبر عن جدارة , ان كان للمنبر جائزة تمنح .

    امال نورين / الخرطوم
                   |Articles |News |مقالات |بيانات

13-04-2009, 12:47 PM

جمال المنصوري

تاريخ التسجيل: 02-04-2009
مجموع المشاركات: 0

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: حيدر حسن ميرغني)

    الحنين ( حيدر)
    اشكرك جزيل الشكر لفرعك هذا البوست الجيد، خصوصا وانني كنت من المحظوظين بنيل العضوية بعد ان فتحت لنا الامل خلال احداث 10/5/2009 ومثل الكثير من الذين ينتظرون شرف عضوية السودانيزاولاين، اتمني ان تتيسر لجميع المنتظرين خلف الباب ليجدوا فرصة للتعبير عن انفسهم ووجة نظرهم عبر هذا المنبر الحر الذي لا يتوفر مثله في المواقع السودانية الاخري.. لذا ساضم صوتي الي صوت الأخ / ناذر الخليفة ، لتثنية الاخ غفاري، والي جميع من يود الانتساب لهذا الموقع دون تحفظ لراي او وجهة نظر..

    شكري لك مرة اخري
                   |Articles |News |مقالات |بيانات

13-04-2009, 01:17 PM

عزام حسن فرح
<aعزام حسن فرح
تاريخ التسجيل: 19-03-2008
مجموع المشاركات: 8891

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: جمال المنصوري)

    الأخت آمال نورين - الخرطوم

    شُكراً جزيلاً وكتر خيرك كتير ...
                   |Articles |News |مقالات |بيانات

13-04-2009, 01:38 PM

Baha Elhadi
<aBaha Elhadi
تاريخ التسجيل: 29-03-2008
مجموع المشاركات: 879

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: حيدر حسن ميرغني)


    الأخت آمال نورين :
    كيفك يا دفعة ؟؟
    أتمنى أن تكوني كما أود لك دائما
    وشكرا نبيلا على جمعي مع عمالقة

    يا أهل جوبا إن كان من يستحق شرف الإنتماء لهذا المنبر فهو آمال

    أين طلاب جوبا ؟
    قلم مشحوذ وهمة عالية
    وعلم
    لك التحية أختي آمال
    بهاء طوكيو

    (عدل بواسطة Baha Elhadi on 14-04-2009, 01:19 AM)

                   |Articles |News |مقالات |بيانات

13-04-2009, 05:25 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29123

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: Baha Elhadi)

    من أخونا محمد المعتصم ..:

    Quote:

    سلام حيدر وناذر وجميع البورداب والمشاركين من الخارج



    تحياتي عبركم للشرفاء والامناء واصحاب الاخلاق الصادقين من ابناء بلادي



    ملاحظه : انتبهوا لعدم تكرار المشاركات عندما يرسل البريد اليكما معا فقد تكررت رسالة جيميس من المانيا منكما



    محمد المعتصم ابراهيم عضو موقوف وعلامة وقفه العلة الظاهرة في طبعه ( لامهادنه ولا محاننه الا بقدح الكسرة وتبقي الفكرة حاره )



    احبكم في الله الاثنين معا واحد معجب شديد بكما

                   |Articles |News |مقالات |بيانات

13-04-2009, 06:53 PM

Biraima M Adam
<aBiraima M Adam
تاريخ التسجيل: 04-07-2005
مجموع المشاركات: 12844

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: ناذر محمد الخليفة)

    الأخت المحترمة أمال نورين
    لك التحية والتقدير
    Quote: ودون مبالغة ارتبط المنبر عندى باسماء كثيرة جدا امثال عواطف ادريس – ود شيقوق – د اشراقة – على حسن عبداللطيف- بهاء الدين الهادى – عامر جابر – عزام فرح – محمد النور كبر – بريمة محمد ادم – د سلافة العاقب واخرين لا تسعفنى الذاكرة فى هذه اللحظة لتذكرهم .
    ألف شكر لك وأنت تخصينا بهذا الإطراء المشرف .. بخصوص ذكرك للغربة يعتبر سودانيز أونلاين وطن لنا وأنتم بوجودكم معنا لقد زللتم لنا غربتنا وسعدت أكثر بذكرك للأستاذ محمد النور كبر .. هذا الأنسان بحق وحقيقة متفرد.

    وشكرك لك أخى حيدر على اللفته البارعة لقراءنا خارج المنبر.

    تحياتى لكم وفائق تقديرى

    بريمة
                   |Articles |News |مقالات |بيانات

13-04-2009, 08:50 PM

حمور زيادة
<aحمور زيادة
تاريخ التسجيل: 28-03-2007
مجموع المشاركات: 12116

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: Biraima M Adam)

    شكرا لاراء كل الاخوة.
    جعلنا الله كما يظنون و غفر لنا ما لا يعلمون.
    شكرا حيدر للبوست و التواصل.
                   |Articles |News |مقالات |بيانات

14-04-2009, 00:30 AM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: حمور زيادة)

    رسالة من الاخ/ محمد أدم

    أتفق معه في كل ما جاء فيها

    له جزيل الشكر

    Quote: From: "mohmmed adam" [email protected] To: [email protected]

    تحياتي

    المنبر .....

    كان يمكن أن يكون أفضل لولا :

    - المعارضه من اجل المعارضة ، و الدعوة للديمقراطية و الرأي الآخر و فعل عكسها

    - الناس البعيدين عن السودان ، توقفوا عند محطة مغادرتهم البلاد ، فما زال بعضهم يحدثنا عن الجبهة الاسلامية ، مع أن كل الذين في الجامعات الآن لا يعرفون عن الجبهة الاسلامية إلا أنها جزء من تاريخ السودان انتهت في يونيو 1989 ، و حتى لو بقي رموزها في ثوب آخر و لكن لا أحد من هؤلاء الشباب يعرف ما هي الجبهة الاسلامية و ممارساتها

    - أيضا ناس السودان الجديد و مناضلي دارفور يدعون الى التداول السلمي للسلطه و دولة القانون ، و هم يفعلون كل ما بوسعهم لأعاقة هذه المسيرة ، فبدون مشاكل دارفور ليس أمام السلطه سوى المضي في هذا الاتجاه

    - شلليات المنبر افقدته موضوعيته ، فأنا أؤيد فلان لأنه ( تبعي ) بغض النظر عن رأيه في هذه القضية و بالتنالي التوافق و النافر مبني الشخص لا آراءه

    البعض اعتبر المنبر هو عالمه ، فيتفاعل مع ما يدور فيه فرحا و حزنا تأييدا و معارضة كأنه هذا هو السودان و لا يستطيع أن يرى البلاد إلا من خلال المنبر ، فيعتبر عنصرية عضو هي عنصرية جهة بأسرها و تستخدم ألفاظ جلابه و غرابه و مهمشين و ناس مركز ، و كأنها واقع السودان مع أنه لا وجود لها إلا في المنبر ، البعض مازال أسير فترات تاريخية تجاوزها الواقع و لا احد يلفت اليها في العالم الحقيقي ، فإدمان المنبر أصبح جزء من عيوبه

    - الا انه بعد كل ذلك أصبح المنبر متنفسا حقيقيا لكل الحالمين من (جنيات ) السياسه ، ففي المنبر فقط تسقط الحكومة و يتفرتق المؤتمر الوطني و يتربص علي عثمان بالشير و نافع بعلي عثمان ، و الدولة تنهار إذانا بقرب حكم المهمشين إلخ ، و هذا التنفيس للأحلام أراح بال الحكومة من معارضة الخارج و تفرغت للمعارضة على الأرض و استطاعت أن تفعل بها ما ترون ،

    - بعض معارضي المنبر الذين تسمونهم بـ (مناضلي الكيبورت) هم اعظم هدية من بكري أبو بكر لحكومة الانقاذ ، دائما مصدر معلوماتهم اوهامهم ، فلم يعدو عدة تناسب مواجهة عدوهم ، لذلك هم دائما يتفاجئون ، هم في حالة دهشة مستمره منذ عشرين عاما

    كما يبدوا فأنا حاولت ابراز العيوب ، إما الحسنات فمن المفترض أنها جزء من طبيعتنا وحالنا كسودانيين ما أن جمعتنا أي ( لمه ) و لو كانت عبر الكيبورت ، و لمثل تلك الحسنات يظل الأمل مستقبل أفضل لبلادنا
                   |Articles |News |مقالات |بيانات

14-04-2009, 01:06 AM

د.نجاة محمود


للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: حيدر حسن ميرغني)

    العزيزة ميساء

    مشكورة جدا على وجهة النظر المقدرة وسعيدة جدا ان رؤيتك للامور ناصعة

    هناك من يحاول ان يبصق عاليا فبتساقط البصاق في وجهه
    من يظن انه يشوه الاخر فيشوه نفسه

    اجيال التيه المسكينة...

    مع احترامي وشكرا مرة اخرى لنصيحة..
                   |Articles |News |مقالات |بيانات

14-04-2009, 04:46 AM

Gaafar Ismail
<aGaafar Ismail
تاريخ التسجيل: 27-08-2005
مجموع المشاركات: 4637

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: حيدر حسن ميرغني)


    حنين
    ســلام
    عفوا لدخولي المتاخر ....بوست محترم...معرفة آراء ناس خارج المنبر مهمة لعل البعض يستفيد منها.
    لفت انتباهي رسالة الأخ محمد آدم
    فيها كثير من الحقيقة والموضوعية

    لي قـــدّام

    تحياتي
                   |Articles |News |مقالات |بيانات

14-04-2009, 04:59 AM

SHIBKA
<aSHIBKA
تاريخ التسجيل: 14-01-2009
مجموع المشاركات: 5736

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: Gaafar Ismail)

    بوست رائع جدا سواء من الاعضاء او من غيرهم



    احس باحساس القراء من غير الاعضاء لاني قبل قليل من الزمن كنت معهم وفي اوقات كثيرة كنت اتمنى لو استطيع الرد
                   |Articles |News |مقالات |بيانات

14-04-2009, 05:02 AM

ALazhary2
<aALazhary2
تاريخ التسجيل: 06-09-2003
مجموع المشاركات: 4966

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: Gaafar Ismail)

    .
    .

    أستاذنا العزيز حيدر

    بوست موفق جداً وفكرته مهمة .

    تحياتي وتقديري
    .
    .
                   |Articles |News |مقالات |بيانات

14-04-2009, 06:31 AM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: ALazhary2)

    الاعزاء جمال وجعفر وشبكة والازهري

    مشكورين على المرور والتعليق

    (عدل بواسطة حيدر حسن ميرغني on 14-04-2009, 06:58 AM)

                   |Articles |News |مقالات |بيانات

14-04-2009, 06:46 AM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: حيدر حسن ميرغني)

    رسالة قيَمة من الاخ / محمد ابراهيم علي نشكره عليها

    وعلى ما تضمنته من رأي

    Quote: الاخ حيدرصباحكم خيرشكرا علي اتاحة الفرصة للتعليق علي بعض ما يرد في الموقع ولي تعليق بسيط على البوست في اللنك ادناه سترك يا رب - شرخٌ في بئر السايفون يُسقِط زوجان في جُبِه...ارية محاولات الإنقاذ. طبعا كعادة السودانيين كل واحد ينظر بطريقتو كانوا بفهم في اي حاجة يجيك واحد يقترح اقتراحات مضحكة وهو تلقاه عايش في سقط لقط يعني معتمد علي مشاهدات واحد قاعد يعتمد في روايته علي حكاوي ناس قاعدين في العمود المقابل الشارع الفيهو الحادث وانا عندي اقتراح مهم جدا هنا ممكن ندي ناس الدفاع المدني شاشة بلازما 1500 بوصة ونفتح ليهم سودانيز اون لاين عشان يتابعوا خبراء الانقاذ ديل يورهوهم كيف ينقذوا الناس ديل لانوا معاكم ناس في البورد عايشين في الدول المتقدمة محل ما حاجة زي دي بتحصل وطبعا دا كلوا بعتمد علي مشاهدات سعادتو للتلفزيون ولا يجيك يمشي يقوقل علي اجهزة الكشف عن المعادن ويجي يخت صور الاجهزة واسعارها طيب يافالح ما كل العالم دي عارفة انو في ناس وقعوا في البير وفي ردم وقع عليهم هم وسريرهم الممكن يكون من خشب وممكن تكون المرة ما لبست دبلتها والرجال نسي ساعتوا ولا بس هي استعراض معلومات اي زول ممكن يجيبها من قوقل 2. تاني قريت تعليق للمذيعة نادية عثمان جعلني اضحك وابكي علي حالنا فعلي سبيل المثال (ياجماعة الناس ديل ممكن يكون الموية التحت في البئر جرفتهم البحر ؟؟) جهل بحقائق الجيولوجيا ولا عيب في ذلك اذ انها غير متخصصة في هذا المجال وهوعلم ليس للعامة فعشان كدة ما تحرجي نفسك وتقولي ما تنظري في حاجة ما بتعرفيها وتاني عندها تعليق (ياعلاء ووليد لو لاقيتوا أطفال المنكوبين صلوا معاهم صلاة استخارة لرب العالمين هو وحده القادر على رفع البلاء سمح ) جهل بما هو معلوم من الدين بالضرورة فنصيحة صادقة لها ان تكتفي بالدعاء في مثل هذه الحالات وتركز علي ما تجيده من عمل تلفزيوني وفي الختام شكرا علي اتاحة الفرصة واسف للاطالة محمد إبراهيم عليالرياض - المملكة العربية السعوديةوصية للاخ حيدر


    ليت المعنيين بالبوست الذي أشار إليه يتداخلوا هنا ويعلقوا على رأيه

    (عدل بواسطة حيدر حسن ميرغني on 14-04-2009, 06:50 AM)

                   |Articles |News |مقالات |بيانات

14-04-2009, 06:52 AM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: حيدر حسن ميرغني)

    رسالة من الاخت / أم شهد

    نشكرها عليها

    والاشادة بالمنبر محل تقديرنا

    Quote: السلام عليكم
    بالرغم من أنة لى غضوية فى المنابر الأهرى ال أننى أحرص على سودانبزأون لاين لأنى أجد فيه الخبر اليقين و السبب الحرية المتاحة للرأى و الرأى الأحر على عكس المنابر الأحرى التى يشعرك
    مديروها بتوجهات واضحة فهنيئا لكم منبركم الحر و شكرا لكم لأشراكنا معكم و لو بالقراءة فقط
    أم شهد
                   |Articles |News |مقالات |بيانات

14-04-2009, 12:47 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29123

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: حيدر حسن ميرغني)

    الرسالة دي عجبتني جدا :

    Quote:

    بسم الله الرحمن الرحيم

    به الاعانة بداءً وختماً وصلى الله على سيدنا محمد ذاتا ووصفاً و اسما

    الكرام الاخوة اعضاء منتدى سودانيز اون لاين

    فرصة طيبة ان اعود لاكتب فى المنبر من كراسى المشاهدين بعد غيبة دامت سبع سنوات ضاع منى فيها الباصويرد ولكن اكتسبت خبرات اخر

    وانهن لسبع عجاف اكلن سبعا سمان (الازهرى اختانى )

    ثلاث سنوات لم اجلس وراء كى بورد او اتابع النت الا لماما(سعادتك ماكنت زميلك) خلالها انفض سامر الانس مع التواصل الاسفيرى وظللنا نلاحق مسارب الضى الذى ابى ان نطاله حتى فى الافق او عند المغيب بل يظل يعاندنا ليوقظنا قبل خيوط الشروق للجرى

    انعتقنا غصبا عنا من سماع كل مانهوى لا البلابل ولا مصطفى سيد احمد او حتى عصام محمد نور وقد جادت علينا فى بضع ايام بسماع ياسر تمتام وسماع الاهيف (مبروك ياسر انضمامه ليكم) هذا ليس تقليلا من العقد الفريد للاغنية السودانية ولكنها هواجس عدم سماع

    اشتقت للاستاذة الرائعة تماضر شيخ الدين تابعت اخبارها وانجازتها ويارب نجاح كمان وكمان وياتماضر الثلاثة سنوات بتاعتى دى عندك فيها حبة نصيب بالحلم الكبير (والله الحلم ده هضربة عديل بس ممكن) وكمان حبيبنا الموصلى

    يازووووووول مبروك الوظيفة وجعلها الله اخر محطات الغربة

    الزول زاتوووو شايف الجكس فى الانترنت حاميك المرقة وشاهينا ماغيرو اسمه

    تبلدينا يذكرنى دوما بالعطش عند الخريف وانشاء الله دوما رويان وتريان (عطش الخريف ده اسالوا منه ناس عمكم النقابى)

    ود محجوب واحمد الشايقى سلام

    دينق السلطان

    فرانكلى يغطس مسافة وبعدين يقلع

    اقسمت الا اعود للغربة والهجرة وظللت اقاوم تلك الرغبات والعزوف عن المقارنات بين المساوئ والمحاسن

    بعد ان انقضت عدة المرأة بالسنين وليس بالشهور هلت بشايرنا وزار الفرح بيتنا فبان الانفراج وكان وعد ربك حقا وبدأت دورة جديدة

    عرفنا مداخل وابواب وصلحنا السيرة الذاتية (السى فى) وقلنا نستمر فى الطرق ولا للعودة

    وبدانا صغارا كما كنا فى اوائل الثمانينات من القرن المنصرم فى البداية لم نكن نستشار وعندما ابرزنا مالدينا من معرفة وبعض الخبرات انصلح حالنا ودارت العجلة حتى زدنا الحمد حمدا للكريم المتعال وظللنا خلال الاربع سنوات نجاهد لنجعل لنا موطئ قدم لمستقبل ايام الجيل الثانى طبعا دى كانت خصما على كل انواع المتابعات بكل اشكالها حتى الاجتماعية الا لماما

    عدنا للمتابعة والجلوس فى الانترنت بزيادة فى الوقت المستقطع

    اندهشت فى اول ايام المتابعة للمنبر فقد اختفت بعض الاسماء وظهرت اخرى (على فكرة كان مشرف المنبر ايامنا ديك يازول) كان هنالك تغيرات كثيرة ادرجناها تحت مسمى التطوير وان لم نحس ذلك المعنى فى دواخلنا وذلك من باب الالفة بالقديم

    دخلت نكهات كثيرة فى البورد ولكل منهم عبيره

    والكلام هنا ليس بتاريخ التسجيل فى البورد ولكن بطبيعة المشاركات

    حا اقول كلام عام عن الناس والماكتبته مايختنا فى الركن

    علاء متكيف منك فتوة عديل كدى لكن نظام المحاماة ((دى مش من محامين) دى من اتحامينا)) مع الزول الارباب باخلاقه عبد الوهاب (ياعبد الوهاب ارباب دى مابنديها لاى زول) على العمدة خففوها شوية الا العمدة وين ياجماعة شايف اللاب توب الرشاش ماشغال ولا يكون لحقوه تمبس (بعض مرات انا بتجينى موجات زهايمر)

    تمبس يا انيق منتظرين العودة تانى ونراها قريبة (صوتنا مع المتضامنين)

    ناذر انت زول فنان لكن الظاهر عليك(ختو ليك داغ الجعليات) والا ماكانت وضاحة (حفيدة اب عصاة سيف )عملت العملتو

    تراجى دى عندها كمية من النكهات

    الزول الاوتكيت جدا شول مليون سلام وحبة

    حمور زيادة اجعل اشرعتك مفردة دوما فان لك يراعا لاينقطع مداده

    جنى -جنى وبس

    د-بيان كتاباتك رائعة

    ميادة ياقانون

    حسين ملاسى مالك بطلت الدخلات الضفارى لك الود

    ود الصائم كان عندك تلج رسلوا البلد مولعة والكهرباء قاطعة وكان الكهرباء دى لحقت جات الليلة تلجك دة الا توديه بورتسودان

    ود القريش شايفك مصر على الرابعة( والمصريين قالوا التالتة تابتة)

    اما البنت الحديقة المشت الدمازين ونزلت فى فندق الصديق باقة ورد كبيرة (ايزابيلا)

    اكليل الزهور الى ابوجهينة يشيل منه حتة ويقسم منه حبة عشان حميدة وحبة لعقد الرياض والباقى يلبسوها نادية عثمان

    عواطف ادريس مالها

    اميرة الشيخ –اميرة

    طارق جبريل ده انا ماعاوز معاهو اى كلام سنة انا قاعد حارسو وكيتين عليك كدى بكسر تلج للشازلى الرائع (انشاء الله تحرقك وتخليك تقوم تكتب-انتو تعالو هنا طارق ده فيه حاجة حقت الطيب صالح هى شنو انا ماعارفها –كان فى واحد عارف يبصصنى) ) انا قلت حاجة حقت الطيب صالح المافاهمها ما ينط فى حلقى ساكت

    اما هارون دياب المريخابى داك ادوه امنية كويسة (اسة يقول ليك المريخ يشيل الكاس)

    وين ياود شيقوق

    انعام –منى –منال ديل طوالى انا بحسبهم حاجة واحدة ماعارف عشان شنو لكن رابطهم ربطة واحدة وماقادر افك اى واحدة من الباقى كلهم ناس طاعمبن زيادة

    الكوم التانى حواء وناهد بشير الطيب وبرضو زول يسالنى مافى المهم ديل كوم براهم فيهم حاجة كبيرة من الجيل القديم والماعارف يسال

    عزاز دى انا بختها فى كوم نادية عثمان وايزابيلا مش حر- شبكة بفكر اختك فى الكوم ده-

    اسة بنت عبد العزيز خالد دى اسوى ليها كوم براها ياربى

    د اشراقة تعقدك عديل كدى لمن تكتب والله تقول لروحك اصلوا حروف الضاد او تشبيهات البلاغة مابتعرف فيها حاجة اسة تقوم تشاغلها تنادى ليك الديامى انحنا ناقصين (اشراقة معاك زولةفى الكوم بس طولى بالك بوريك ليها –قاتل الله الزهايمر) الا بت عوض الكريم وينها

    ود الباوقة انا قسمت ليك فى كوم ناس الرياض

    ولما الشم مودعة غاربة

    وصت جملة الصقار عيونهم

    ابقوا الف

    الصقار ديل الانا ما كتبت اسمائهم هنا

    اخونا بكرى رسلت ليك جوابين (الكترونيا) ومافيهم تزكية من زول وماداير تزكية من زول انا اصلا كان عندى حق فى المحل ده وطالبت بيه –اى نعم انا ما من الجماعة الخطرين فى المنبر ولا شاركت مشاركات كتيرة عشان اكون علم فى المنبر - زول كان عضو هنا ولاى اسباب هو بعرفها او مابعرفها لما جاء راجع ماقدر يدخل وماكان الهكر سبب فى الموضوع ده –دحين ياباشمهندس رجعتنا بدون واسطة او تزكيات حبابك عشرة وكتر خيرك كمان ابيت وقلت دى لوائح والله مانى شاحدك وبنخش وبنشوف كان رضيت كان ابيت (ماتقولو انا الهكر)

    ابوشاكوش


    مشكور يا أبو شاكوش .

    (عدل بواسطة ناذر محمد الخليفة on 14-04-2009, 12:49 PM)

                   |Articles |News |مقالات |بيانات

15-04-2009, 05:05 AM

SHIBKA
<aSHIBKA
تاريخ التسجيل: 14-01-2009
مجموع المشاركات: 5736

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: ناذر محمد الخليفة)

    ابو شاكوش

    Quote: عزاز دى انا بختها فى كوم نادية عثمان وايزابيلا مش حر- شبكة بفكر اختك فى الكوم ده-


    اشكرك على مداخلتك الرائعة جدا
    رغم اكو عضو قديم ومفروض تكون سنير في المنبر

    والكوم الكبير الختيتني فيهو دا ابدا ما هين

    اشكرك تاني
                   |Articles |News |مقالات |بيانات

18-04-2009, 08:04 AM

ابو جهينة
<aابو جهينة
تاريخ التسجيل: 20-05-2003
مجموع المشاركات: 20315

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: ناذر محمد الخليفة)

    شكرا أبو شاكوش

    Quote: اكليل الزهور الى ابوجهينة يشيل منه حتة ويقسم منه حبة عشان حميدة وحبة لعقد الرياض والباقى يلبسوها نادية عثمان


    التحية للفنان ناذر و الأخ حيدر
                   |Articles |News |مقالات |بيانات

14-04-2009, 12:49 PM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: حيدر حسن ميرغني)

    رسالة من الاخ/ زكريا عبد المنعم محمد الدقير السعودية - راس تنورة

    نشكره عللى تفاعله مع مايطرح على سطح المنبر


    Quote: بسم الله الرحمن الرحيم

    الاخ حيدر ميرغنى

    السلام عليكم ورحمة الله تعالى وبركاته

    عبرك ازجى التحية لتلك البلدة الطيبة وسكانها الطيبون وزوارها والمدمنون عشقها امثالنا(سودانيز اونلاين)

    ولطالما ظللت متابعاً لكل ما يكتب فى البورد فقد كان ينقصنى هذا البوست فقط والذى ظلمتنى فيه اعينى التى لم تره من قبل

    لا اطيل عليك

    يمثل البوست لنا كعبة طواف المواقع السودانية فهو بالنسبة لى انا شخصياً بمثابة المدرسة وانتم اساتذة اجلاء

    فى هذه المدرسة ادهشنى جداً تجسيد مبدأ ( الاختلاف فى الراى لا يفسد للود قضية )

    ففى ظل الاختلافات الفكرية المتعددة تجد ادب الحوار واحترام الرائ الاخر ظاهراً الا فيما ندر وفوق كل هذا وذاك تدهشك عمق الصلات د

    الاجتماعية وروح المحبة السودانية الاصيلة

    وفى هذه السانحة تحياتى لبورداب الرياض على اللوحة الفنية الاخير لمقام الاستاذة نادية مختار

    وبين هذا وذاك اعجنى بالبورد انهار الادب المتدفق.. حمور زيادة .. ابو جهينة .. عزاز شامى......تاج السر الملك

    ثم تدلف اللى الانسانية ومنظمة عون المحتاجين من اوسع ابوابها ... انعام حيمورة...اسماعيل عباس

    الحوار الجرئ والفهم العميق وشجاعة الطرح .... وليد الشفت... تبارك شيخ الدين ......رجاء العباسى .... والمفقود تمبس

    غير شك تلك نماذج فقط وامثال هؤلا يرغموننا على ان نغض الطرف عن كل مسالب البورد

    الذى اتمناه فك الحظر عن جميع المحظورين تمبس .. ام حازم .... وهبة.....العمدة هبانى وغيرهم وان يظل هذا البوست منارة نهتدى بها

    فنيئاً لكم به وهنيئاً لنا بكم

    ختاماً اجدد شكرى وعميق امتنانى لك اخى حيدر

    وتقبلوا فائق التحايا والاحترام

    زكريا عبد المنعم محمد الدقير

    السعودية - راس تنورة
                   |Articles |News |مقالات |بيانات

14-04-2009, 12:56 PM

Tabaldina
<aTabaldina
تاريخ التسجيل: 12-02-2002
مجموع المشاركات: 11844

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: حيدر حسن ميرغني)

    ..
    .
    تسلم يا ابو شاكوش ..
    ولك القراء ..

    وان شاء الله دوما انت فى خير وطيب عيش
    ودوام صحة ..


    __________

    شكرا حنين وابو النيز

    للفرصة ..

    مودتى بلاحدود
                   |Articles |News |مقالات |بيانات

14-04-2009, 01:12 PM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: حيدر حسن ميرغني)

    رسالة من الاخ / عطية الله مصطفى

    Quote: الأخ /حيدر حسن ميرغنى
    السلام عليكم ورحمة الله وبركاته
    موضوعك مهم جدا لأنه يمكن أن يكون معيارا لمدى رضاء القراء عن المنبر والكاتبين فيه
    وبدون ذكر للأسماء فالمنبر بصفه عامه يذخر بجموعة طيبه من الكتاب كما أنه يعتبر واحه ومتنفس للقراء والكتاب السودانيين
    بالأضافه الى أن مستوى الكتاب والمواضيع التى تطرح به جيده ومفيده
    يعاب على المنبر مايلى
    1-التركيز على السياسه كما أن الذين يتداولونها تسيطر عليهم فكرة المعارضه من أجل المعارضه
    2-اللجؤ الى المهاترات والسباب والغمز واللمز مما يقود الى مزيد من أتساع رقعة الخلاف
    أمل أن يتبنى المنبر والكاتبين فيه الأهتمام بقضايا التنميه والأقتصاد فى السودان من منظور (واقعى) بعيدا عن السياسه حتى يمكن ضمان ولادة وطرح أفكار وبحوث ودراسات يستفيد منها السودان

    وتقبل خالص تحياتى
    عطية الله مصطفى
    [email protected]


    مشكور يا عطية وإن شاء الله سترتقى مساهمات الاعضاء الى ما تتمناه

    واتمنى ان يكونوا دائما عند حسن ظنك
                   |Articles |News |مقالات |بيانات

14-04-2009, 01:46 PM

Raja
<aRaja
تاريخ التسجيل: 19-05-2002
مجموع المشاركات: 16034

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: حيدر حسن ميرغني)

    العزيز حيدر..

    ســـلامات وإحترامات..

    شكرا لهذا البوست الذي يسمح بالتواصل مع الأعضاء المحترمين..
    وأسمح لي من خلاله لتقديم الشكر للفاضل زكريا عبد المنعم محمد الدقير السعودية - راس تنورة على رأيه المقدًر فيما أخط..

    ..
    في عام 2003 فتحت طاقة للأعضاء عبر هذا البوست: .. عفوا للأعضاء .. تحية لكل متصفحي المنبر الحر في سودانيز أون لاين

    وكان من من قبلت عضويتهم من خلاله الزميل بشاشة..

    تحاياي
                   |Articles |News |مقالات |بيانات

18-04-2009, 08:06 AM

ابو جهينة
<aابو جهينة
تاريخ التسجيل: 20-05-2003
مجموع المشاركات: 20315

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: حيدر حسن ميرغني)

    Quote: وبين هذا وذاك اعجنى بالبورد انهار الادب المتدفق.. حمور زيادة .. ابو جهينة .. عزاز شامى......تاج السر الملك


    شكرا زكريا
                   |Articles |News |مقالات |بيانات

14-04-2009, 12:51 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29123

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: حيدر حسن ميرغني)

    Quote: نازر سلامات .. عساك بخير

    اولا وقبل كل شي هل يجوز لقاريء زي نوعي ده المشاركة اكتر من مرة في البوست ده ؟؟؟ لاني صراحة احتمال اكتب كل يوم بعد ماشفت دكتورة اشراقة شخصيا بترد علي وكمان عزاز مخاطبة اياي بخالد ( الغالي ) سعدت ايما سعادة وانا اري كلام كاتبو بي خط كيبورتيي مكتوب في المنبر وبالجد حسيت بي الفة وفرحة مراهقين كده لما شفت الدكتورة بتخاطبني بي اسمي وكمان شنو بتقول عزرا

    بعيدا عن تكسير التلج اعلاه برضو كمان نتكلم عن بعض العيوب في البورد يعني مثلا الزول يلاحظ في تكتلات وشلليات انا غايتو عندي قناعة انو السودانيين من يتلمو في مكان وحتي لو كان اسفيريا طوالي بتحصل شلليات لكن حقو الناس طالما واعية وكلهم اسما لامعة تكون الشلليات دي بتتميز بي دبلوماسية وحقو الناس ماتجحف حقوق بعض لمجرد انو التاني بينتمي لشلة اخري نختلف معاها فكريا مثلا البوست بتاع دكتورة بيان والرؤية الضبابية ده بالجد بوست مؤلم يعني فيهو وصول لي الحياة الخاصة بتاعة الناس ويبدو انو امتداد لي بوستات تانية كتيرة فيها برضو جرح لي حياة الناس الخاصة وحتي تشكيك في شهادات علمية وغيرو ...

    وشفت بوستات كتيرة فيها ايميلات كلها نبز وكلام سيء والسؤال هو ماهي فائدة نشر ايميل يسبك فيه احدهم ويتهمك اتهامات بزيئة مستخدما الفاظ نابية ؟؟ وخاصة الكلام للعضوات من النساء .. ماخلاص زول يكتب بالطريقة دي اكيد هو زول ساقط وماطبيعي لي شنو تعرضو الرسالة .. صحيح انو النساء بقو مازي زمان ومابيتهددو بالالفاظ الكعبة لكن دي ما الطريقة التوضحو بيها انو مابيهمكم الالفاظ خاصة في مجتمع زي حقنا ده لغاية الان نظرة المجتمع ما اتغيرت وما اظنها تتغير بين يوم وليلة حقو الناس تكون مرنة وتنتظر التغير يحصل حسب التدرج الطبيعي .

    اخيرا لايفوتني ان اشكر اصحاب البوست شكرا جزيلا علي اتاحة الفرص للقراء وبالجد ماقصرتو ابدا .. وشكرا جزيلا يادكتورة اشراقة علي الاهتمام وشكرا جزيلا ياعزاز وربنا يهدي دكين وينزع السكين من ضراعو بالمناسبة هل صحيح انو بقي من اصحاب البرادو ؟؟ وياعزاز قبل ما انسي كنت عايزك في استفسار صغير كده لو تسمحي لي يعني حا اوصلو ليك قريبا ان شاء الله

    خالد غالي
    ابوظبي


                   |Articles |News |مقالات |بيانات

14-04-2009, 01:36 PM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: ناذر محمد الخليفة)

    رسالة من الاخ/ صادق

    Quote: أخونا حيدر

    شكراً لك من جديد ..لفتح هذه النافذة

    التي كنت قد ولجت في مرتها الأولى بمداخلة ما

    هنا وددت الإشارة لبوست مرتضى جعفر بتاع سقوط الشريعة الإسلامية بسبب جلد محمود عبد العزيز

    وأتساءل هنا عن مدى الحرية الممنوحة في الكتابة وفي اي فعل

    هل هناك حرية مطلقة في هذا الكون؟

    في أمريكا أو في غيرها من بقاع الدنيا؟

    هل من حق شخص ما أن يفعل ما يسئ للآخرين بدعوى الحرية والعدالة والكلام الفارغ دة؟

    هل من حق شخص ما مثلاً ان يخرج عارياً في الشوارع لأنها حرية شخصية وحرية معتقد؟

    أيحدث هذا في أمريكا؟

    هل من حق شخص ما في أمريكا أن يرسل رسالة بريد الكتروني أو مكالمة تلفون لأحد أعضاء تنظيم معروف بأنه ارهابي

    لأن ذلك حرية شخصية وحرية تفكير ومعتقد؟

    انتو يا اخواننا بتين ح تفيقوا من الغفلة دي؟

    ليس هناك حرية مطلقة لا في الدين الاسلامي ولا في غيره وال حتى عند الملاحدة

    هناك قوانين تنظم علاقات الناس ببعضها البعض بحيث لا يتعدى أحد على الآخر بطرق معينة

    ومن بين الاعتداءات التي نشهدها في منبركم هذا ما يقوم به أمثال مرتضى جعفر

    حيث يسب علناً ما نرى أنه مقدس

    اللهم إني أبرأ اليك مما كتب مرتضى جعفر

    وشكراً مرة أخرى


    رأيك محل تقدير وان شاء الله سيبلغ للاخ مرتضى

    وشكرا لك على الاهتمام
                   |Articles |News |مقالات |بيانات

14-04-2009, 01:45 PM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: حيدر حسن ميرغني)

    رسالة من الاخت / إشراقة/ استراليا

    Quote: hi haider
    i would just love sudaneseonline because i can find any news about sudan from pepole who writing here
    and i love some writer,s especially TARAGI i love her writing .....!
    and i will be happy if she back again to sudaneseonline, sorry because i don,t have ARABIC kybord.
    cheers
    ISHRAGA
    AUSTRALIA


    شاكر لك انطباعك الجيد عن المنبر

    وإن شاء الله الاخت تراجي ستعود قريبا

    وسيبلغها اشادتك واعجابك بكتاباتها
                   |Articles |News |مقالات |بيانات

14-04-2009, 02:51 PM

elsawi
<aelsawi
تاريخ التسجيل: 13-06-2003
مجموع المشاركات: 4233

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: حيدر حسن ميرغني)

    الأخوان حيدر وناذر لكما الشكر على فتح هذه النافذة للقراء للتعبير
    عن آرائهم حول الموقع واعضاءه، وبالطبع ستكون آرائهم مفيدة للكثيرين
    وبالرغم من ان الفكرة ليست جديدة واظن ان الأخ النصري امين كان قد فتح
    خيطاً مماثلاً من قبل إلا انني اعتقد انه من المفيد فتح مثل هذه النوافذ من حين لآخر ..
    استوقفتني رسالة الأخ محمد إبراهيم علي من الرياض ودعني اقتبس منها مايلي
    Quote:
    طبعا كعادة السودانيين كل واحد ينظر بطريقتو كانوا بفهم في اي حاجة يجيك واحد يقترح اقتراحات مضحكة وهو تلقاه عايش في سقط لقط يعني معتمد علي مشاهدات واحد قاعد يعتمد في روايته علي حكاوي ناس قاعدين في العمود المقابل الشارع الفيهو الحادث وانا عندي اقتراح مهم جدا هنا ممكن ندي ناس الدفاع المدني شاشة بلازما 1500 بوصة ونفتح ليهم سودانيز اون لاين عشان يتابعوا خبراء الانقاذ ديل يورهوهم كيف ينقذوا الناس ديل لانوا معاكم ناس في البورد عايشين في الدول المتقدمة محل ما حاجة زي دي بتحصل وطبعا دا كلوا بعتمد علي مشاهدات سعادتو للتلفزيون ولا يجيك يمشي يقوقل علي اجهزة الكشف عن المعادن ويجي يخت صور الاجهزة واسعارها طيب يافالح ما كل العالم دي عارفة انو في ناس وقعوا في البير وفي ردم وقع عليهم هم وسريرهم الممكن يكون من خشب وممكن تكون المرة ما لبست دبلتها والرجال نسي ساعتوا ولا بس هي استعراض معلومات اي زول ممكن يجيبها من قوقل 2. تاني قريت تعليق للمذيعة نادية عثمان جعلني اضحك وابكي علي حالنا فعلي سبيل المثال (ياجماعة الناس ديل ممكن يكون الموية التحت في البئر جرفتهم البحر ؟؟) جهل بحقائق الجيولوجيا ولا عيب في ذلك اذ انها غير متخصصة في هذا المجال وهوعلم ليس للعامة فعشان كدة ما تحرجي نفسك وتقولي ما تنظري في حاجة ما بتعرفيها وتاني عندها تعليق (ياعلاء ووليد لو لاقيتوا أطفال المنكوبين صلوا معاهم صلاة استخارة لرب العالمين هو وحده القادر على رفع البلاء سمح ) جهل بما هو معلوم من الدين بالضرورة فنصيحة صادقة لها ان تكتفي بالدعاء في مثل هذه الحالات وتركز علي ما تجيده من عمل تلفزيوني وفي الختام شكرا علي اتاحة الفرصة واسف للاطالة محمد إبراهيم عليالرياض - المملكة العربية السعوديةوصية للاخ حيدر
    Quote:
    ليت المعنيين بالبوست الذي أشار إليه يتداخلوا هنا ويعلقوا على رأيه
    انا احد المعنيين بالبوست الذي اشار اليه الأخ محمد ابراهيم علي يا حيدر ..
    كانت رسالة الأخ محمد ابراهيم علي تستحق التعليق لولا روح التهكم والإستفزاز التي سيطرت على خطابه
    فأبعدته عن طريق النقد الموضوعي البناء وساقت قلمه الى طريق الإسفاف، وليس لي تعليق سوى ان ادعو الله له بالهداية
    وللمنكوبين واطفالهم واسرتهم باللطف والرحمة ..

    شكري لكما مجدداً حيدر وناذر وعبركما لكل الإخوة والأخوات الذين شاركوا بآرائهم في هذا البوست
                   |Articles |News |مقالات |بيانات

14-04-2009, 08:47 PM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22545

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: elsawi)

    Quote: طارق جبريل ده انا ماعاوز معاهو اى كلام سنة انا قاعد حارسو وكيتين عليك كدى بكسر تلج للشازلى الرائع (انشاء الله تحرقك وتخليك تقوم تكتب-انتو تعالو هنا طارق ده فيه حاجة حقت الطيب صالح هى شنو انا ماعارفها –كان فى واحد عارف يبصصنى) ) انا قلت حاجة حقت الطيب صالح المافاهمها ما ينط فى حلقى ساكت

    ابوشاكوش


    حبيبنا ابو شاكوش
    ياخي اسمك دة براهو يخوف تقوم تدي الزول هبدة في راسو
    ههههههههههههههههههههه
    كدي بالله قول لي مالك معاي والمزعلك شنو
    وكل شي بنلقالو حل باذن واحد احد
    انت بس قولنا زعلناك في شنو

    بعدين يا سيدي رحمة الله على الطيب صالح
    ذلك يا عزيزي رجل دونه النجوم
    رحمه الله بقدر ما اعطى
    سطر واحد من موسم الهجرة الى الشمال يعادل
    كل ما يُكتب هنا (وجهة نظر خاصة جدا)

    كل الود
                   |Articles |News |مقالات |بيانات

14-04-2009, 09:06 PM

Amira Elsheikh


للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: طارق جبريل)

    سلاااااااااام ياحيدر

    وكل ضيوفك عبر البريد الالكترونى

    ودا اقرب للاستبيان او استفتاء ممكن من خلالو الناس

    تتحسس مواقع اقدامها(عشان العفيص الحاصل دا نخفف من شوية)

    ودا بوضح تفاعل القراء مع الموقع وممكن يكون اكتر من كتابة الاعضاء


    وشكر جزيلا لكل من كتب كلمة اشادة او كلمة نقد هادفة..

    وشكرا يا ميساء وابو شاكوش

    وليكم منى اطنان من المحبة والاحترام
                   |Articles |News |مقالات |بيانات

14-04-2009, 09:18 PM

علاء الدين يوسف علي محمد
<aعلاء الدين يوسف علي محمد
تاريخ التسجيل: 28-06-2007
مجموع المشاركات: 19575

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: Amira Elsheikh)

    Quote: علاء متكيف منك فتوة عديل كدى


    يا حبيب مشكور
    أصلو لقينا ليك في جماعات هِنا عاملين فيها أبضايات و تاريهم بيضايات ساي
    تجي تقول تِتفاهم يشبكوك عييييييييك و عوووووووووووووووووك و كااااااااااااك و قِلّة أدب شديدة و عاملين فيها شياطين و ليهم عبًدًة
    تطلِّع النبُّوت
    يقول ليك (كسّح)

    إنشاء الله يفتحو ليك الباب و تجينا بي شاكوشك دة و شاكوش على نبُّوت مية مية
    مشكور يا أبو شاكوش



                   |Articles |News |مقالات |بيانات

14-04-2009, 10:12 PM

سيف النصر محي الدين محمد أحمد

تاريخ التسجيل: 12-04-2011
مجموع المشاركات: 0

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: علاء الدين يوسف علي محمد)

    Quote: Salam Raja and All:

    This is a wonderful board, as a long time participant of SDB (Sudan.net), please allow me to say, (sadly) your discussion board is one sided!

    How?
    Ok for example where are Southern Sudanese here?

    Why Sad?
    Well since this board is dominated by the left and liberals in generals who present themselves as NIF (Old Sudan) alternative, one will expect something different, which is not the case!

    Sadly your board or 'Manber' is the same 'Old' Sudan all over again! Where the "good old boys" club is for members only!

    I'm refering to the privileged by birth, Northeren Sudanese in general not Sudaneseonline members!

    I urge you to change this picture.

    Please don't take my remarks personally, and thank you in advance for giving me this opportunity.

    Please post in "Taheya li kuli mutasafhi al manber"

    Akhookum

    Bashasha, Pomona California


    شكرا يا رجاء على اللمحة التاريخية..البورد شكلو كان مختلف بشكل كبير عن الوقت الحالي.
    و بشاشا على العهد لم تتغير مواقفه و اراءوه على مر السنين.
                   |Articles |News |مقالات |بيانات

15-04-2009, 00:12 AM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: سيف النصر محي الدين محمد أحمد)

    Quote: رسالة الأخ محمد ابراهيم علي تستحق التعليق لولا روح التهكم والإستفزاز التي سيطرت على خطابه


    الاخ العزيز الصاوي

    أنا تركت مسألة التعليق لامثالك من الاعضاء هنا لاني لا املك الحق في التعليق باسم اعضاء المنبر

    كل مااقدر عليه توجيه شكر للقراء على تفاعلهم مع فكرة البوست

    وعملا بمبدأ We Report, You Decide للقراء كل الحق في طرح رأيهم مثل ما للاعضاء مهما كانت درجة الاختلاف

    فائق تقديري لك
                   |Articles |News |مقالات |بيانات

15-04-2009, 00:21 AM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: حيدر حسن ميرغني)

    رسالة من المهندسة سارة أحمد موسى

    Quote: بسم الله الرحمن الرحيم
    الاستاذ المحترم حيدر
    حسنالسلام عليكم و رحمه الله تعالي و بركاتهشكرا لعي هذه النافذه و عبرك ازجي التحيه لجميع اهل سودانيس اونلاين الاعزاءبالجد و بكل صدق انا احس اني اعرفهم بالواحد من شدت متابعتي للمنبر العام و اعرف كل واحد منهم و ما هي شخصيته و كيف يفكربالنسبة للاقلام الحلوه هنا فهي كتيره لا اقدر ان احصيها لكن ممكن اقول اشراقه مصطفى و عزاز الشامي و كيكي ديل ناس حلوين و كتابينو بحب شديد كتابات ود الصايم و ودالبشري الجميلة و مداخلاتم حتى الصغيرهو كمال الزين الانيقو روزمين الشاعره الحاولو الناس اليقتلوهاليه اختفت يا روزمين ما تهتميباعداء النجاحو خالتي منى الزوله السودانيه العايشه بره لكنها ما اتعيرت زي ناس كتارو ناذر الجعلي بقول ليه كنت حلو لمن كنت بتنزل الاغاني مالك وقفتطبعا في زول جميل انا خليتو للنهايه لانه حلاوه المنبر العام و اغلب صديقاتي و زميلاتي بيقوا بيدخلو المنبر العام عشان يقروه لهالاستاذ الاديب حمور زيادهالزول ده بالجد فخر للمنبر العام و لينا كلناكل الحاجات البيكتبه حلوه و جذابه دايما عنده الفكرة و المعلومه و حاجاته ما بتشبه حاجات باقي الناسبطوط يتزوج زيزي و كرري التي لم يستفيد منها احد و قصة مرضه في العيد و لاقيت ليكم بكري ابوبكر و ولاء لم تعد تضحك و الممتهنه البوست الافضل في سودانيس اونلاين من غير منافسهالزول ده بالجد حيكون فخر للسودان لو لقا فرصتهبس بحس بيه بقدر ما هو طيب لكن مرات طيبته بتخليه يحكم على الناس غلط و بينسه انو في ناس اشرار شديد في المنبر العام ده لازم يوقفوهم عند حدهملكن عقله محترم شديد و ما بيخش في مشاكل و بيعرف يسكت متين من النقاش لما الزول التاني يقعد يتكلم كلام فارغ و عجبني جدا علاقته مع اصحابه امجد الزول المثقف و إيزابيلا الحلوه البتشبه بت خالتي رنداطبعا انا صحبت التلاته دول عاجباني لانهم مختلفين في الافكار السياسيه لكنهم اصحاب حلوين و عندهم صوره في بوست جميله و هم بيضحكوو عشان الاصحاب ياريت لو يكري ابوبكر يرجع لينا وهبة و تمبس لانهم ناس حلوين بالجد
    سارة احمد موسي مهندسة مدنية


    مشكورة يا سارة على الرسالة
    وبالتأكيد إشادتك بالاخوة والاخوات في المنبر العام ستكون محل تقدير
    وإن شاء الله دائما يكونوا عند حسن ظنك
                   |Articles |News |مقالات |بيانات

15-04-2009, 01:06 AM

د.نجاة محمود


للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: حيدر حسن ميرغني)

    Quote: د-بيان كتاباتك رائعة


    سلامات يا ابو شاكوش (يا النبي)

    اشكرك على ذكر اسمي ووصف كتابتي بالرائعة

    ربنا يجبر بخاطرك
    والكلمة الطيبة تذهب بعيدا....
    وانت زول مرح ولماح اتمنى بكري يجع ليك الباسورد

    لكن ما لقيتك ما ناس اهل الكهف
    زمن يازول (وش ضاحك)
                   |Articles |News |مقالات |بيانات

15-04-2009, 08:44 AM

Deng
<aDeng
تاريخ التسجيل: 28-11-2002
مجموع المشاركات: 46849

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: د.نجاة محمود)

    الاخ الكريم حيدر.

    أنا أتفهم قصدك من هذا البوست جيدا، ولكن يبدوا لي بأن هنالك أعضاء بهذا البورد يقومون بأرسال بعض الرسائل كأنهم من قراء المنبر. فيقومون بمدح أنفسهم أو بمدح كتابات أصدقائهم بالمنبر، أكيد هنالك من فطن الى مثل هذه الخدعة. أنا أتحدث مخصوص عن تلك الرسالة التي تمدح بشلة وأصدقاء معينين بالمنبر وفي نفس الوقت تطالب بأرجاع الموقوفين منهم.
                   |Articles |News |مقالات |بيانات

15-04-2009, 08:55 AM

محمد عبد الماجد الصايم
<aمحمد عبد الماجد الصايم
تاريخ التسجيل: 16-10-2005
مجموع المشاركات: 34989

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: Deng)

    يا دينق
    ما تبقى حاقد ياخ!

    Quote: بحب شديد كتابات ود الصايم


    باللاي بس جابو سيرة ود الصايم دا جيت تجقلب!






    _____________
    شكرا لصاحبة الرسالة ياخ!
    وكمان كمية

    (عدل بواسطة محمد عبد الماجد الصايم on 15-04-2009, 10:51 AM)

                   |Articles |News |مقالات |بيانات

15-04-2009, 09:45 AM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: محمد عبد الماجد الصايم)

    رسالة من الأخ / العمدة/مسقط

    Quote: لاخ حيدر

    لك التحايا من قبل ومن بعد ، كما نشكرك على هذه النافذه التي منحتنا اياها لنطل من خلالها على مايكتب على سطح هذا المنبر الجامع لكل اهلنا الطيبين بمختلف سحناتهم ومعتقداتهم والوانهم السياسيه وما يميز ما ذهبت اليه هو حرصك على معرفة الا راء حول مايكتب على سطح هذا المنبر وبالتأكيد هذا استفتاء الغرض منه التحليل والتمحيص للارتقاء بهذا المنبر ليكون العين الساهرة والمتربصة لما يحدث في بلادنا الحبية هذا أن كنت صحيح في تحليلي هذا.

    عزيزي ؛؛ هذا المنبر بحق هو بمثابة الرئة وهي المتنفس الوحيد لنا لمعرفة ادق الاخبار وما يحدث في البلاد سياسيا" ، اجتماعيا" ، اقتصاديا" وغيرها وكحقيقة نقولها لا لبس فيها فهو جامع لكل المواضيع الجادة وان لم تخلو من بعض المهاترات وهذا نتاج طبيعي للحرمان المتعمد من قبل من تولوا امرنا قديما" وحديثا" وبمزيد من الديمقراطية ومنحهم كامل الحرية في طرح مواضيعهم وبالاسلوب الذي يرونه هم قد يكسبهم المهارة في مناقشة مواضيعهم بجدية للوصوللهدف المنشود ، وحسب رؤيتي المتواضعة فهذه ظاهرة صحية لما اسلفت من اسباب. هذا المنبر يتحدث عن نفسه من حيث عدد الاعضاء والقراء الغير اعضاء فالمحافظة عليه وتوخي الحذر والجدية في تناول المواضيع يجعلة المنبر الاول على مستوى الاقليم ولا اقول السودان والتحية لك يا أخ حيدر.
    العمده - مسقط


    شكرا كثير على الإشادة بالمنبر
    وحرصك على أهمية المحافظة عليه
                   |Articles |News |مقالات |بيانات

15-04-2009, 10:32 AM

بت قضيم
<aبت قضيم
تاريخ التسجيل: 05-07-2002
مجموع المشاركات: 2048

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: حيدر حسن ميرغني)

    Quote: وده كوم وبت قضيم كوم تاني يعني ماتتخيل المتعة الانا بقرا ليها بيها تقريبا قريت كل كتاباتها حتي الردود علي الناس دي زولة كلمة مبدعة عليها شوية الغريبة مرات بحس انو الناس مامدنها حقها في الاعجاب كده يعني المفروض يعملو ليها تمثال ولا اي حاجة كده وبرضو لاحظت انها ماعندها مكتبة ما عارف لييه بالظبط يعني ...



    يسسسسسسسسسسسسسسلموا اخي
    يخليك يا رب ويطرح البركة فيك
                   |Articles |News |مقالات |بيانات

15-04-2009, 11:30 AM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: بت قضيم)

    رسالة من أخ مداوم على متابعة المنبر

    Quote: أنا قارئ و متابع للمنبر منذ 2001 و قد كنت عضو بأول منبر سوداني من هذا النوع و هو سودان نيت دوت نيت و كثير من أعضاء سودانيز أونلاين الأوائل كانو ا أعضاء هناك مصيبة هذا المنبر الضعف الثقافي للكثيرين و الحماسة الزائدة و التعصب و نفي الآخر المختلف و كل الأدواء الكثيرة الإنتشار في مجتمعاتنا السودانية- هناك أعضاء ينفرون الناس من الدخول و المتابعة أمثال تراجي التي نتمنى عدم عودتها و الموهوم بشاشا الكهل الذي بعقل و حماسة مراهق و د بيان التي كانت تمارس نفس عداواتها و ملاحقاتها للآخرين بالمنبر القديم و أسألوا البعض هنا عنها ينبئكم بشجاراتها و مشاكلها التي شملت معظم أعضاء البورد القديم و وصلت مراحل سخيفة تأذت هي نفسها منها ثم تمبس العدائي الفاجر الخصومة برغم أنه من الذين رسخوا عادة تنزيل الأغاني و هذا إسهام عظيم منه و آخرون يمارسون دعاياتٍ سخيفة و يعرفون بوار بوستاتهم و ما ينفكون يمارسون أدوارهم العبثية كمحمد فرح و محمد عادل و صلاح غريبة وآخرون تعلمونهم و ثمة آخرين يبقوننا على قيد اتصال بهذا المنبر كالمبدع عماد عبد الله و كناذر الخليفة الذي يجمع في الكتابة بين الإمتاع و الإفادة و آخرين يحفظون بريق هذا المنبر نرجو من بكري أن يبقى عليهم عشرة و علينا نحن أصحاب الكلكات الأكثر و ذلك بإيقاف الذين يشيعون التوتر و اللؤم بين الناس و يوقدون معارك لا يقدرون على إطفائها و لا يملكون عدة رفدها لكم الشكر و اعتذاري للذين ذكرتهم كأمثلة سالبة لكن الكي علاج قارئ قديم و عضو من منازلهم


    لك الشكر على إهتمامك
                   |Articles |News |مقالات |بيانات

15-04-2009, 03:19 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29123

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: حيدر حسن ميرغني)

    المهندسة سارة ...

    Quote: كتارو ناذر الجعلي بقول ليه كنت حلو لمن كنت بتنزل الاغاني مالك وقفت


    شكرا ليك كتير ...

    الحصل إنو في فترة من الفترات تم تعطيل خاصية إنزال الأغاني من قبل أمين المنبر .. أضف إلى ذلك إنشغالي ببعض الأعمال أدت لتقليل الفترة الزمنية التي كنت أقضيها بالمنبر لمتابعة وتنزيل البوستات ..

    وإنشاء الله عما قريب تعود الامور لطبيعتها ..

    تسلمي ..

    الاخ (المداوم) ..

    Quote: و ثمة آخرين يبقوننا على قيد اتصال بهذا المنبر كالمبدع عماد عبد الله و كناذر الخليفة الذي يجمع في الكتابة بين الإمتاع و الإفادة


    شكرا لك وأتمنى أن أكون عند حسن الظن ..
                   |Articles |News |مقالات |بيانات

15-04-2009, 03:34 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29123

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: حيدر حسن ميرغني)

    رسالة من الطاهر الفكي :

    Quote: |الاخ الكريم ناذر وكل اعضاء الاون لاين المحترمين
    السلام عليكم ورحمة الله
    في البدء اتقدم بجزيل شكري للاخوه ناذر وحيدر على هذه اللفته الجميله في
    فتح نافذه نطل بها عليكم بعد ان منعتنا اسواركم المنيعه واسلاككم الشائكه من الدخول الى عالمكم
    لم اكتب حروفي هذه لانال منكم تذكيه تمنحني تاشيرة الدخول الى وطنكم بقدر ما احببت من خلالها ان اعبر لكم عن اعجابي
    بمجتمعكم الراقي وخصوصا عندما اقراء بوستات لقاءاتكم الجميله سواء في ( قندهار ) او ( حوش بكري ) او حتى رحلة الجبل التي
    كادت ان تقضي على ثرواتنا السمكيه ،،،
    كتابات بعض الاعضاء واسلوبهم في النقاش يعجبني ،،، وكذلك العكس لبعض الاعضاء
    اتصفح منبركم منذ عام 2004 لم امل يوما الا في ايام الهجمات الهكرية التي اودت بحياة العديد من البوستات الجميله ( لها الرحمه والمغفره )
    اسلوب العضو عماد عبد الله يعجبني واتحرق شوقا لرؤية مداخله لصديق الموج
    كذلك سماحة اخلاق شول اشوال تجعلني املي نظري في صورته التي تزين بروفايله واتمنى صحبته في يوم من الايام
    غتاتة بكري صاحب الحوش تنرفزني ولكن لن تجعلني اقلل من شأني في مراسلته مرات ومرات لكي يمنحني العضويه !!
    معظم بقية الاعضاء تشرفت بالكتابة معهم في عدة منابر

    اتمنى ان تتحلى كل الاقلام في منبركم الجميل بالصدق والشفافيه والترفع عن سفاسف الامور ونبذ العنصريه التي كادت ان تعصف بمنبرنا هنا في new sudan

    اخيرا نتمنى عودة الاقلام القويه الموقوفه امثال تمبس وحميده والكثيرين ممن لم تسعفني الذاكره في ذكر اساميهم
    ولكم جزيل شكري


    الطاهر الطاهر
    [email protected]



                   |Articles |News |مقالات |بيانات

15-04-2009, 03:38 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29123

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: حيدر حسن ميرغني)

    رسالة من أحمد علي ..




    Quote: السلام عليكم الاخ ناذر
    اولا انت سينيرنا فى الثانوي فى الخرطوم الجديدة حتى بتذكرك كنت فى جمعية الموسيقى والمسرح
    لو بتتذكر" كمال نصر" -كمبو - اخو "عوض نصر" كان معاكم فى الجمعيه دى برضو اظن
    وهو كان صحبى وكنت شايفو بمشى معاكم طوالى بس انت طبعا ما بتعرفنى
    المهم ما علينا الكلام دا زاتو بعدين احذفو لمن تعرض الرساله دى ف سودانيزاونلاين
    الشى المهم انو بالجد منبر سودانيزاونلاين فيهو تحليلات سياسية مباااااالغه خااااااصة من الرائع الاستاذ كمال على الزين
    والله يعجز اللسان عن ايفاءه حقه وكلماته تنحت فى الذاكره نحتا ولا ازال اذكر تحليله الرائع" صنع فى جياد" ابان احداث غزو امدرمان
    وتحبليلات كثيره جدا امتعتنى والله وبنت لى وعيا كبيرا يرجع فيه الفضل للاستاذ كمال
    اما كمال على الزين فى نسخته الادبيه فعملاق ايضا ولا يقل عن النسخه السياسية
    وما زالت "جنابة الحبشية " محفورة فى ذاكرتي
    والابداع الاكبر كان فى "لقيط" والله بالجد لفت انتباهنا لماساة ما كنا شايفنها
    وتانى "ولإبليس التحية" التى تتبع فيها صراع الهويه منذ الازل
    المهم والله كيمو دا معلم كبير ياخ
    اما المعلم التانى فهو الاديب الاريب العملاق فريد عصره ونسيج وحده الاستاذ حمور زيادة
    واكتر ما اعجبنى "الحصة مكتبة" و "قابلتليكم بكري ابوبكر" و"الكتابة فى جلباب فرويد" و"لماذا لا يتزوج بطوط زيزي" وكثير كثير مما يكتب الاستاذ حمور اتتبعه
    واستمتع به غاية الاستمتاع
    وحقيقه يعجبنى ايضا ما يكتبه دكتور عزان سعيد فهو رغم قلة بوستاته الا انه يشخص تشخيصا سليما لكل ما يكتب عنه
    وتعجبنى ايضا كتابات الاستاذ حيدر قاسم
    لكن تزعجنى كثيرا فلسفات صبرى الشريف وكثيرين ينحون نحوه فى الكتابه
    على العموم المنبر جميل لولا الحرية الزائده عن حدها حيث ينقل اقوام الكفر البواح والطعن الصريح فى الدين
    وغايتو ربنا يهدى الجميع
    وفى الججملة المنبر بعد نزع بعض الاشواك ببقى ميه ميه
    وحقيقه فيهو مواضيع كتيره مميزة جدا وجميلة وحيويه
    واسف اذا اغفلت اسماء كثير من المبدعين لانو حقيقه القائمة طويله والزول ما بستحضر كل المبدعين
    فلكم كلكم الحيه
    واسف ع الاطالة
    وشكرا ليك انت وحيدر الفتحتو لينا نافذه نطل منها للمنبر

    بس اقتراح اخير
    شايف فى منتديات بتتيح امكانية انو الزوار الغير مسجلين يضعوا رسائل وتعليقات للاعضاء وهى زى الــ
    private massage
    بس بسموها
    visitor massage
    فارجو الاقتراح للاخ بكرى بانشاء خدمة رسائل الزوار هذه ان كانت ممكنه تقنيا
    ولكم ودى

    --
    وما كنت حجاماً ولكن احلنى
    بمنزلة الحجام بعدي عن الاهل


    ليك التحية وللأخوان كمال نص وعوض نصر ..
                   |Articles |News |مقالات |بيانات

15-04-2009, 05:25 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29123

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: ناذر محمد الخليفة)

    مرة تانية مع أخونا الظريف أبو شاكوش وهو بيتكلم عن نظرية المؤامرة :

    Quote:
    الاخ ناذر

    تحية طيبة

    معليش استحملينى شوية

    المؤامرة

    اعتقد انحنا كشعب من اكثر الشعوب فى الدنيا تمسكا واعتقادا فى نظرية المؤامرة

    وفى الاتجاه المعاكس من اكثر الشعوب بخلا فى البوح عما بدواخلنا

    (كسرة من عالم النفس الفيلسوف الذى لايشق له غبار فى سبر اغوار النفس البشرية الاهو انا :ومن ناحية فلسفية وسايكولوجية فان عدم البوح يؤدى الى تراكمات تجعل المعاناة النفسية فى اسؤاء حالات الانحراف النفسى عن المستوى العقلى والذى يؤدى بدوره الى اعتناق نظرية المؤامرة لتصبح هى ديدن حياة الافراد)) منقول من كتاب الاستاذ انا باب نظرية المؤامرة صفحة صفر

    نادية وناذر انا كاتب الاسماء بتاعتكم هنا مخصوص وعندى احساس انكم ما بتشتكوا وتقولوا عاوزين تعويض وحق قدح وحق ذم وبعدين انا لسة موظف يعنى كان عملتوا فيها محاكم وحركات الموضوع مابكون فى صالحكم اضافة الى انه انا وبحكم انى عالم سايكولجى وكدى فان نظرتى لن تخيب فى انكم لن تقودونى الى ساحات القضاء الاسفيرى (( بس يانادية مايطلع الكلام بتاع اخو اخوان وشنو كدى يبقى كلام بجيب هواء بعدين )) ثم ثانيا انا ماعرفت الاسماء بالكامل ومستعد انكر عديل كدى انه انا ما قاصدكم

    وثالثا وحيث اننى لم استشير المحامى فى الكلام المكتوب ده اذا جاب هواء لاى زول فى اطار نظرية المؤامرة فانى اعتذر عن هنات القلم (كى بورد )بدور براهو فى بعض الاحيان

    نشوف كم حالة فى نظرية المؤامرة

    1- مذيعة التلفزيون نادية فى المقابلة مع الاستاذ ولعت ليك النار بعد مامشت البيت وشافت الشريط بتاع المقابلة اصلوا مصور الكاميرا تو قام ركز فى حتة كدى على يدها الشمال وعمل زوم على اصبعها الوسطانى ولانه هى قبل المقابلة ظفرها بتاع اصبعها ده انكسر وهو كان واقف لما الطفر ده اتكسر عشان كدى تامر عليها وظهر الطفر المكسور وقامت على التيلفون وهاك ياضرب والدموع عشرة عشرة مع المخرج ماشفت فلان ده عمل معاى كيف والمخرج يروق فيها واصلوا ابت تسكت قام المخرج قال ليها ادينى فرصة خلينى اراجع الحتة دى وبعد فترة وهى تتنخج فى التليفون وقام قال ليها والله الزول ده بالغ عديل كدى والحتة دى لقطة فنية نادرة امكن بكرة بعد بكرة تبقى موضة وبعدين الزول ده ظهر جمال اضافرك بصورة مبالغة وانه اصابعك منسقات وجميلات وانه الطريقة العاملة بيها المنكير دى انا اصلا ماانتبهت انها جميلة بالدرجة دى

    لالا انت ماعارف هو خاتى عينهو على المذيعة فلانة ديك وكان اتكلم معاك عشان هى تقدم الحلقة دى ؟

    اى لكن الزول ده انتى عارفاهو زول محترف وماقاعد يلخبط الكيمان بتاعة الشغل مع الحاجات الشخصية وهو زاتو اكتر من مرة قال للزولة دى الكلام ده فى حلقات تانية وهى زعلانة منو فى انه ما بعمل ليها الحاجات زى ماهى عايزاها كدى روقى وخلى الموضوع ده اسة وبكرة لما تجى الشغل بنتفاهم

    قفلت والدموع خليها ساكت قامت ضربت لصاحبتها المقربة جدا والتى تعمل معاها فى القناة وحكت ليها الحاصل وتعال شوف الردحى على اصوله من صاحبتها انا ماقلت ليك من زمان الزول ده قاصدك واصلوا لما يشتغل معاك طوالى بجيب ليك اكعب الصور وبحاول يبوظ ليك الحاجات تذكرى الحلقة ديك لما انتى قلتى الكلام الحلو داك والحلق المدلدل الجميل داك كان بتهز وبرقش مع الكاميرا قام حول اللقطة لجهة ثانية عشان الناس مايشوفوا الحلق - لالا هو قاصدك وانا كلمتك الا انتى ما بتسمعى الكلام وتقولى لى الزول ده الناس ديل كلهم مشيدين بالكفاءة بتاعته اه شوفى الكفاءة دى ودتك وين

    عارفين الاستاذة ماشافت الشريط على الهواء مباشرة وادوها كل اللقطات بتاعة الكاميرات الشغالة فى التسجيل وفى لحظة البث المباشر وفى اللحظة دى بالذات كانت شغالة كاميرا ون

    ونخلى زولتنا دى فى ردحيها ونعمل فلاش فى حتة ثانية

    ناذر بتكلم مع زميله الصحفى فى الموضوع الكتبه امس ومساهر الليل وجضموا ليك على اساس انه موضوع قنبلة والله الناس تتكلم فيه شهرين واول مادخل الجريدة جرى على صفحته ولدهشتة الشديدة الموضوع مامنشور

    اصيب بحالة من الاحباط الشديد وبس منتظر مدير التحري متين يجى وهاك شوف الكلام الداير بين نادر وروحه

    اسة يجى مدير التحرير يقول ليه رئيس التحرير قال ما ينزل

    السبب شنو

    والله عندو تحفظات على بعض الحاجات الفيه

    زى شنو يعنى ((اسة رئيس التحرير يقول ما يتنشر وبعد اسبوعين ثلاثة موضوعى ده زاتو بلقاه منشور باسمه بعد مايعمل ليه شوية بهارات وكدى ويقلب فى حاجات من فوق لتحت ويغير الهيكلة بتاعتو عشان ما اقدر اغالطوا ليك))

    ياخى ده قبل كدى عملها مع فلان لمن فلان ده طشا من الجريدة وخلاها ليه

    واسة فلان القاعد ده هو لاطش منه كم مقال لكن هو زول مسكين وراضى كدى

    يمين بالله الدم ركب بالله شوف ده كمان بسكت ليه ولا بخليه يمين بالله انا الجرايد دى كلها بتتمنى انا اكتب فيها

    وكان طلعت من هنا الا افضحه ليك فضائح ده زول ما بختشى

    انا لحمى مر انا جدى العباس كمان لعب ولا لعب

    اول ماوصل مدير التحرير دخل معاه رئيس التحرير ومشوا على مكتب رئيس التحرير وكوركو لناذر الحقهم

    اول ما قعدوا رئيس التحرير اتلفت على ناذر

    ده كلام شنو الكاتبه ده انت داير تودينا فى ستين داهية ولا شنو وقول الحكومة خلتك الناس الجايب سيرتهم ديل والله ممتلكات الجريدة دى ماتتم نص مطالبتهم ولو ادونا ليها بالاقصاد قول 100 سنة حتى ندفع

    وعندما بدا ناذر فى اعادة قراءة ماكتب كان هنالك سيناريو اخر يدور فى الجهة الخلفية من الجريدة

    عليك الله اقراء كلام رئيس تحرير الجريدة دى الزول ده اسة مابنبذ فى جريدتنا عديل كدى يعنى مافضل ليه الا اكتب اسم جريدتنا دى بالخط العريض والله الاعمى يفهم انه قاصد شنو لازم نكلم رئيس التحرير يرد ليه ورد اقوى من كلامه ده هم ناسين حركاتهم البعملوا فيها ديك ولا قايليننا ماعارفين ما انحنا برضو قاعدين فى البلد دى وعارفين اى حاجة باخى تتذكر لما دايرين اعملوا الجريدة دى قروشهم ماكانت تامة والله اسال عمك فلان عارف ليك القصة وهم قاموا رفدوه عشان مايكون فى زول عارف اى حاجة

    وينط واحد داخل من هناك اسمعوا سمعتو الشمار ده والله قالوا الحكومة حتعمل قرار بحظر تصدير زيت النخيل الا الرخص القديمة بس الطلعت السنة الفاتت عارفين ليه قالوا اصلوا باقى رخصة واحدة بتاعة فلان وفيها كمية لم يتم تصديرها والزيت سعرو وقع فى الواطة دى والناس مالاقية ليها مشترى

    فى دار الرياضة (حاليا اسمها الاستاد)

    والله قال ليك الكورة مبيوعة عديل كدى

    لكن قال ليك رئيس نادى البرالمة ده شفت شفتنة ماعادية بعد ما اشترى حارس نادى الفناننين والباكات الاثنين برضو كان ملاوذ قام اشترى ليك الحكام

    والنتيجة معروفة غالب غالب

    وفى سودانيز اون لاين

    شفت ده كاتب شنو

    ياخى ديل بلمعوا فى روحهم كل واحد يكسر تلج فى الثانى ويقول فيه مالم يقل مالك فى الخمر

    عشان يعملوا انهم عندهم جمهور

    اسة بكرى ده زاتو شايت معاهم لما نطالب بتوقيف واحد انحنا شايفنه كتب كلام ماعديل ونقوم نطالب بكرى انه يوقفه الطناش بحصل بس اول ماانت ولا انا ولا اى واحد فينا (من شلتنا ) اكتب اى حاجة اللائحة تظهر نواجذها

    عشان تعرف انه الموضوع خيار وفقوس اسة شلتهم دى ورينا وقفو منها زول متين ما طوالى التوقيف ده عندنا هنا ياخى فلان داك ماشاغل ليك فلانة ديك عديل كدى عينك عينك والله ماسالوه بس انا لما قلت ليها شرط قالوا ده خروج على اللائحة

    وبعدين بعد مرات الموضوع بكون مسيس يعنى اول ماتهبش الحكومة كدى بتلقى الاشارات بقت حمراء وبعدين الجماعة بتاعين الحكومة اقولوا اى حاجة الاشارة اصلو ماتبقى صفراء خضراء طوالى

    وبعدين حتى لما يوقفوا زول منهم تلقى الجوه المنبر والبرة المنبر(ديل بكونا حاشدنهم) بطالبوا برجوع الجماعة الموقوفين والله لوا بلعبوا فى البرازيل مامفروض يرجعهم

    ولا والبزعل كمان بكرى مابرد ليك ولا بقول ليك عشان شنو

    اصلوا الناس ديل متامرين عديل كدى



    ابوشاكوش



    يا بكري والله منتظرين منك عضوية لي أبو شاكوش دا
                   |Articles |News |مقالات |بيانات

16-04-2009, 04:39 AM

SHIBKA
<aSHIBKA
تاريخ التسجيل: 14-01-2009
مجموع المشاركات: 5736

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: ناذر محمد الخليفة)

    ياخي ابو شاكوش خطير في خياله
                   |Articles |News |مقالات |بيانات

15-04-2009, 05:26 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29123

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: ناذر محمد الخليفة)

    والكاريكاتير الظريف دا من أخونا علي نور :



    من غير زعل يا جماعة ..

    (عدل بواسطة ناذر محمد الخليفة on 15-04-2009, 05:39 PM)

                   |Articles |News |مقالات |بيانات

15-04-2009, 06:47 PM

حنين للبلد

تاريخ التسجيل: 04-06-2003
مجموع المشاركات: 4796

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: ناذر محمد الخليفة)

    Quote: يا دينق
    ما تبقى حاقد ياخ!


    Quote: بحب شديد كتابات ود الصايم



    Quote: باللاي بس جابو سيرة ود الصايم دا جيت تجقلب!



    يعني يا دينق انا أسه من اشد المعجبين بي قفشات ود الصايم الذكية دي...أكون برضه متآمرة ...هههههههههههه.
                   |Articles |News |مقالات |بيانات

15-04-2009, 11:51 PM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: حنين للبلد)

    رسالة من د. صبري الخواض

    Quote: الاخ حيدر ،
    رغم الكتابة البعيدة: فرصة سعيدة
    المنبر خلاف الصحافة والتلفزيون لا خط سياسي معين له لذا نكهتة اقوى وأطعم:
    كسب المنبر شخصيات متفرقة وبالتالي هموم واحلام مختلفة: الميزة انك تلاقي الشخصية في تقلاباتا المختلفة في روقتا وزهجتا ولحطة تلبس توب السياسي او الفن، مثال:
    خلاف ابوساندرا وبيان الاخير(بالمناسبة الاتنين ديل ترومتر انفعالهم واحد حماقة وطيبة وشفتنة مع احترامي ليهم رغم انو واحد يمين واحد شمال ابوساندرا الشيوعي لا مكان غير البورد لتعرف ماذا هذا الرجل ؟ لن تنال من الاخبار سوي شيوعيته و دكتورة بيان كمان لن تنال من ما تضعه خلف الستار صرنا نعرف انها خلاف بحثها عن الغابة والصحراء شخصية لها نكهات مختلفة :
    اسامة الخواض مثلاً سمعناً به اديبا وشاعراً، لكن البورد كشف عن شخصية اخرى معتدة بنفسها الي الشكل الذي قد ينفر البعض: وقد يجذب البعض، شخصية ما خلف الكتابة المتناقلة والمطبوعة لم يكن ليهتم بها القاري ليست لعدم جدواها وانما لصعوبة الحصول على المعلومات حولها:
    البورد وفر صورة كاملة عن الكاتب التقليدي كما يسميه الخواض كبشرى الفاضل مثلاً البورد اتاح طريقة مجانية لفهمه عبر كتاباته المتفرقة البعيدة عن البنت التي طارت عصافيرها شخصية متواضعة ومهمومة بالوطن، شخصية تكثر من الاخطاء المطبعية لانها تسرق الزمن لتضع راياً تظنه مهم والواجب الاخلاقي يحتم كتابته
    البورد به أذواق مختلفة شرامة وعلماء وآباء وابناء
    د: احمد الحسين وبنته مريم وزوجها الواضح الساخط نادر:
    زول واخته الفنانة تماضر واخيهما بالاسم تبارك:
    أسر واصدقاء قدامى واصدقاء جدد عن طريق البورد
    انت يا حيدر والشكرو قدامو نبذوه
    والشاب ابوبكر صالح ذكي، ساخر، اكبر مكاسب بكري و من اهم انجازات فك التسجيلات الاخيرة

    والشفوت المقرمين عماد عبد الله وعصام جبر الله
    البورد عالم لكل الناس لولا عنت بكري، ليته يرخي قليلاً من تشدده في منح العضوية

    **
    تجد الذين ركزوا ان يظهروا في البورد ككتاب دون كشف تقلبات شخصياتهم لم يستمروا، لذا انا ضد من يقول ان البورد انحدر، فالبورد ليست ساحة للمفاكرة فقط، فهو للعزاء ومباركة الولادة والسماية وعيد الميلاد، فأن ترفعت عنها فاتك القطر
    او نزلت طائعاً
    د: صبري الخواض


    الف شكر لك يادكتور ولقرايتك العقلانية للمنبر ومخاليقو من كل لون
    وياريت بكري يطالع إنطباعاتكم كلكم هنا ويأخذ منها ما يفيد المنبر
    شاكر لك تفاعلك مع البوست واتمنى أن نراك قريبا بيننا
                   |Articles |News |مقالات |بيانات

16-04-2009, 00:41 AM

د.نجاة محمود


للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: حيدر حسن ميرغني)

    Quote: د بيان التي كانت تمارس نفس عداواتها و ملاحقاتها للآخرين بالمنبر القديم و أسألوا البعض هنا عنها ينبئكم بشجاراتها و مشاكلها التي شملت معظم أعضاء البورد القديم و وصلت مراحل سخيفة تأذت هي نفسها منها

    سلامات

    كنت ممكن اقوليك دي وجهة نظرولكن ما كتبته كذب وتلفيق ويتعدى وجهة النظر
    حيث انه قد تمت مهاجمتي من اناس بعبنهم ومازال الامر مستمرا

    بيان لا تهاجم فقط ترد العدوان
    قليل من الموضوعية لا يضرك شيئا ومعها صدق..
    وما حدث في سودان نت امر معروف جدا
    ويوجد شهود على ذلك
    اتمنى ان يتعلم الناس ان ينصفوا الاخرين.
    والظلم طلمات
                   |Articles |News |مقالات |بيانات

16-04-2009, 01:24 AM

عزان سعيد
<aعزان سعيد
تاريخ التسجيل: 28-11-2006
مجموع المشاركات: 1674

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: د.نجاة محمود)

    Quote: وحقيقه يعجبنى ايضا ما يكتبه دكتور عزان سعيد فهو رغم قلة بوستاته الا انه يشخص تشخيصا سليما لكل ما يكتب عنه


    شكرا أحمد على
    كلامك وسام على صدرى
                   |Articles |News |مقالات |بيانات

16-04-2009, 06:30 AM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: عزان سعيد)

    رسالة من لااخ/ محمد ود احمد

    Quote:
    سودانيز أون لاين عملاق بمثقفيه. أعيب عليه التصادمات الواضحة بين الأعضاء، في أمور بسيطة جداً، مع العلم أن الجميع هنا ينادي بالديمقراطية، وما عارف اختلاف الرأي لا يفسد إيه ما عارف، ودي كلها الأعضاء ما ماشة بيها ولا بتعمل بيها، ده رأيي يا مثقفي بلادي بعد قراءة دامت لأكثر من سنتين، لم أسع خلالها في أن أنال شرف الانضمام لهؤلاء القوم الصفوة لا لشيء إلا أن قامتهم سامقة، وأحرفهم جميلة، وثقافتهم عالية، ونحنا يا دوبك بنفك الخط.

    أيضاً ميول أعضائه البائنة بيان الشمس، الحزبي، القبلي، والمعرفة السابقة، والتي تسكن حروف الأعضاء، حتى وإن (تاورا) على مقولة: حسنٌ فَرِحٌ.

    من أشد المعجبين بكتابات عزام حسن فرح، دكتورة نجاة، وحمور (فوتو شوب) الأديب.

    نسيت كمان في واحدة كتبت عن مدرسة الخرطوم القديمة بنات، بس طولت ما ظاهرة، وانتو أعوذ بالله البغيب ما بتسألوا منو، وبهذه المناسبة أدعوكم لفتح بوست باسم (نداءات.. وسؤالات).. الغائب تسألوا عنو، واللي من زمن ما قابل زميل دراسة، زميل عمل، زميل حزب، يسأل عنو.. خاصة أن سودانيز، يُعد مرجعاً للسودانيين في مشارق الأرض ومغاربها، حتى وإن كانوا غير أعضاء، أضف إلى ذلك وجود كتاب هنا على درجة عالية جداً من الحرفية، ونحن لسة في بداية طريقنا (الأغنية)، محتاجين نقعد حروفنا، ونلونها، أضف إلى أن المنتدى يكاد يخلو تماماً، من (فن سابع سينما)، خاصة وأن أغلب الأعضاء في أمريكا أو أوروبا والأفلام الجميلة بتنزل عندهم على طول، ونحن هنا الواحد يشوف الفلم بعد (الأوسكار) البعد الجاي.. يعني يبقى (عفَّن)، وريحتو كتلت.

    إسماعيل بوردابي الرياض الراجل المشيب.. شخصية تدخل نفسك كده بس لله في لله.

    عبد اللطيف بكري أحمد، تمنيتها مثله بافارية أو ريدزاوية، ولكن .. أخ على الكورة، يعد من ظرفاء المنتدى.

    عبداللطيف التاني أبو عمة ونظارة، يا أخي الراجل الجنو قندهار داك، ده كمان صاحب: سهل ممتنع.

    شول اشوانق دينق، ما أحلاه وهو يناكف تلك الأنثى في موضوع الزواج عند الدينكا، ما أحلاهما.

    وأبو ريش.. رجل المنطق.. الزول ده شكلو هادئ.

    واحدة كمان اسمها مين كدة ما عارف فيصل.. وبقية العقد الفريد.

    وشكراً تاني عشان خليتونا ننضم معاكم شوية.

    وتقبلوا احترامي وفائق تقديري.

    محمد ود أحمد..


    لك الشكر يامحمد على الرسالة
                   |Articles |News |مقالات |بيانات

16-04-2009, 09:01 AM

ناهد بشير الطيب
<aناهد بشير الطيب
تاريخ التسجيل: 08-02-2008
مجموع المشاركات: 4179

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: حيدر حسن ميرغني)

    Quote: الكوم التانى حواء وناهد بشير الطيب وبرضو زول يسالنى مافى المهم ديل كوم براهم فيهم حاجة كبيرة من الجيل القديم




    فى البدء التحايا الخالصة للاستاذ حيدر والاستاذ نادر
    لفكرة هذا البوست الفريد.....


    ابوشاكوش

    لك كل الود والتقدير وشكرا


    (عدل بواسطة ناهد بشير الطيب on 16-04-2009, 02:02 PM)

                   |Articles |News |مقالات |بيانات

16-04-2009, 09:44 AM

محمد عبد الماجد الصايم
<aمحمد عبد الماجد الصايم
تاريخ التسجيل: 16-10-2005
مجموع المشاركات: 34989

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: حيدر حسن ميرغني)

    Quote: واحدة كمان اسمها مين كدة ما عارف فيصل.. وبقية العقد الفريد.



    يا عمكـ
    محمد ود أحمد دا ما يكون قاصد دينا فيصل
    طلعت مااااسورة ياااعمكـ
                   |Articles |News |مقالات |بيانات

16-04-2009, 10:15 AM

عزام حسن فرح
<aعزام حسن فرح
تاريخ التسجيل: 19-03-2008
مجموع المشاركات: 8891

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: محمد عبد الماجد الصايم)

    محمد ود أحمد

    كتر خيرك ... شُكراً كتير ...
                   |Articles |News |مقالات |بيانات

16-04-2009, 02:45 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29123

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: عزام حسن فرح)

    رسالة من عمر عبد الكريم علي :

    Quote: ناذر الخليفه
    إزيك ياحبوب
    حقيقةً أنا من المعجبين جداً بأونلاين ورسلت لي بكري ده لمن روحي مرقت لكن وحياتك يوم واحد ماهببوا لي ولا قاللي بتقول في شنو
    رأيي في الموقع إنو جميل جداً وهادف وعندو إسهامات كبيره جداً في العمل الخيري والعام
    بس في جماعه عندكم مكبرين الشغله جداً وماخدين الموضوع بي جديه ماإعتياديه
    اي نعم الإعلام الإلكتروني مهم واي حاجه لكن كمان ماقدر ده
    في ناس بتخلق معارك دون كيشوتيه وهميه جداً وبتنصب ناس أبطال وناس موش عارف إيه وحاجات زي كده
    بس برضو في أعضاء راقين جداً وبالجد بستمتع بي كتاباتهم لدرجه ماإعتياديه أمثال (حمور ، المبعد تمبس ، كمال على الزين ، د.بيان) وكثيرين لايسمح المجال لذكرهم
    أمنياتي بالتوفيق للموقع وللأمام دائماً

    عمر عبد الكريم علي - أمدرمان بيت المال

                   |Articles |News |مقالات |بيانات

16-04-2009, 03:22 PM

حمور زيادة
<aحمور زيادة
تاريخ التسجيل: 28-03-2007
مجموع المشاركات: 12116

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: ناذر محمد الخليفة)

    السادة القراء الكرام :
    استاذة ميساء

    Quote: حمور زيادة الاديب الزول الكتّاب الذي يجبرك على متابعاته في مشاركاته المتنوعة في الادب في الاجتماعيات وفي غيرها.. زول صريح وواضح

    وما ميال للمجاملات على حساب قناعته او على الاقل هكذا اراه اخشى عليه فقط من الكترة، كترة الكتابة والتداخل هذا ما لاحظته اخيرا، واضح انه عنده انترنت تويني فور اورز




    استاذ برهوم
    Quote: وتحيييه اخرى لمن أعتبره في الحقيقه قد لم اهم واخطر موضوع عائلي في هذا المنبر الأستاذ حمور بوست اذا الممتهنة نطقت بأي ذنب هتكت



    استاذ ابو شاكوش
    Quote: حمور زيادة اجعل اشرعتك مفردة دوما فان لك يراعا لاينقطع مداده


    استاذ زكريا الدقير
    Quote: وبين هذا وذاك اعجنى بالبورد انهار الادب المتدفق.. حمور زيادة .. ابو جهينة .. عزاز شامى......تاج السر الملك



    استاذة سارة
    Quote: زول جميل انا خليتو للنهايه لانه حلاوه المنبر العام و اغلب صديقاتي و زميلاتي بيقوا بيدخلو المنبر العام عشان يقروه لهالاستاذ الاديب حمور زيادهالزول ده بالجد فخر للمنبر العام و لينا كلناكل الحاجات البيكتبه حلوه و جذابه


    استاذ احمد علي
    Quote: المعلم التانى فهو الاديب الاريب العملاق فريد عصره ونسيج وحده الاستاذ حمور زيادة
    واكتر ما اعجبنى "الحصة مكتبة" و "قابلتليكم بكري ابوبكر" و"الكتابة فى جلباب فرويد" و"لماذا لا يتزوج بطوط زيزي" وكثير كثير مما يكتب الاستاذ حمور اتتبعه
    واستمتع به غاية الاستمتاع



    الاستاذ محمد ود احمد
    Quote: من أشد المعجبين بكتابات عزام حسن فرح، دكتورة نجاة، وحمور (فوتو شوب) الأديب.



    الاستاذ عمر عبد الكريم
    Quote: برضو في أعضاء راقين جداً وبالجد بستمتع بي كتاباتهم لدرجه ماإعتياديه أمثال (حمور ، المبعد تمبس ، كمال على الزين ، د.بيان)


    لكم الشكر على جميل حروفكم و حسن قولكم .. فقد طوقتموني قلادة فخر بما كتبتموه في حقي و هو اكثر مما استحق.
    جعلني الله كما تظنون و غفر لي ما لا تعلمون.
    و الحمد لله ان وفق متواضع حروف كتابتي ان تنال عندكم هذه المكانة و انزلتني عندكم منزلة حسنة ما كنت اظني بالغها.
    اطمح ان لا يتوقف تقييمكم عند المدح بل يلفت انتباهي الى كل خلل اقع فيه او سوء اقترفه.

    استاذة ميساء :

    Quote: اني باكد على احترامي للكل ممن ذكرت وارجو الا اكون اغضبت احد ببعض التعليقات السلبية واخص تحديدا الاخوة ابوبكر صالح ود. نجاة وحمور وشهاب وامجد


    لا تغضب التنبيهات و لا تحزن .. فالمدح يقطع الاعناق و لابد من لفت الانتباه الى الاخطاء لمن تقدر.
    و الكاتب الجيد ليس كائنا اسطوريا و لا هو فوق النقد و التنبيه ..
    الكاتب الجيد هو مجرد شخص منحه الله موهبة .. لا يد له فيها و لا حيلة.
    فهو لم يصبح كاتبا الا باستثمار ما وهبة الله.
    الكتابة الجيدة ليست لغة نتعلمها.. لكنها نعمة نستغلها.
    و الله اسأل ان اكون ممن يحسن استغلال ما وهبة الله.

    و يا ليت القراء يلفتون انتباهنا الى المواضيع المفتوحة التي استحسنوها او لم ترق لهم لنناقشها.
    فربما نفعنا ذلك ككتاب و لفت انتباهنا الى اخطاء اقترفناها او موضوع حسن افترعناه.

    تحياتي للجميع.
                   |Articles |News |مقالات |بيانات

22-04-2009, 01:46 PM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: عزان سعيد)

    up

    لمزيد من التواصل
                   |Articles |News |مقالات |بيانات

16-04-2009, 05:44 PM

rosemen osman
<arosemen osman
تاريخ التسجيل: 06-06-2008
مجموع المشاركات: 2916

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: حيدر حسن ميرغني)

    Quote: الانيقو روزمين الشاعره الحاولو الناس اليقتلوهاليه اختفت يا روزمين ما تهتميباعداء النجاحو


    أولا شكرى واحترامى للعزيزين حيدر وناذر على فكرة البوست
    وأتمنى أن تشرع الأبواب يوما للجميع من غير واسطة أو تذكية

    عزيزتى سارة أحمد موسى
    شاكرة جدا دعمك وسؤالك
    وأسعدتنى فكرة أن يفكر فيك أحدا أويفتقدك أويخشى عليك أن تنكسر..
    أنا بخير والحمد لله فقط هى مشاغل الحياة..
    شكرا مرة أخرى وأتمنى أن أكون عند حسن الظن

    احترامى وتقديرى للجميع
                   |Articles |News |مقالات |بيانات

16-04-2009, 06:54 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: rosemen osman)

    الاستاذ حيدر

    سلام

    والله انت لعيييييييب تمام الفكرة جاتك من ويييييييييييييين؟ والله الزمن ده كلو مافي حد خطر بباله يطيب خاطر الناس البقروا لينا بره بكليمة .

    دعني ايها الحبيب احيي عبركم جميع متابعي كتبات سودانيز اونلاين واخص بالشكر الاخت الاستاذة الفاضلة امال نورين للكلمات الطيبة التي ستكون حافزا لكل من ورد اسمه في مداخلتها لمزيد من الابداع - اما انا يا بت نورين ما ترجي منى غير السناحة القلتيها دى اصلي مسنوح ومسنوح ومحل رهيفة تنقد .

    اناشد الاخ بكري ابو بكر لتقليد وسام افضل متصفح لسودانيز اونلاين للاستاذة بت نورين .

    الاخ ابو شاكوش

    الله يخليك ويطراك بالخير ويا ربي تعود لينا لمباشرة نشاطك في هذا المنتدى
                   |Articles |News |مقالات |بيانات

17-04-2009, 03:37 AM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: الطيب شيقوق)

    رسالة اخرى من الاخت اشراقة / استراليا

    Quote: hi haider
    i just forgot to say i love DOC ISHRAGA,AZAZ,HALEEMA,NADIA,SALMA ELSHEIKH,HAWA include yourself and some i can,t rember their name,s now.
    and i hope if pepole avoid the argue . tanks alot HAIDER to gave us chance to write in sudaneseonline to share you our opinion.
    cheers
    ishraga khater
    ASTRALIA


    سلامات يا اشراقة

    وشكرا لك على التواصل
                   |Articles |News |مقالات |بيانات

17-04-2009, 03:46 AM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: حيدر حسن ميرغني)

    مداخلة الاخ الفنان عماد عبد الله أدناها
    تلخيص لفكرة البوست بإسلوب بسيط

    Quote: أعتقد إنه الإستبيان العفوي ده من القراء غير الأعضاء مهم شديد و مفيد .. و وضح الصورة العامة للمنبر من زاوية مختلفة غير زوايا شوف الأعضاء اللي ممكن تكون محددة في علاقات بينهم قايمة على تقاطعات بأشكال مختلفة , و ممكن تغيّب - إلى حد كبير - كتير من تفاصيل الصورة العامة البيشوفوها القراء و بيقيموها بشكل حيادي .


    شكرا لك ياعمدة
                   |Articles |News |مقالات |بيانات

17-04-2009, 03:59 AM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: حيدر حسن ميرغني)

    رسالة من الاخ أبوعيسى / ابوظبي

    Quote: الاخ حيدر

    التحيات النواضر

    أولا لك من الشكر أجزله على هذا الموضوع , وانا من المتابعين لسودانيز اون لاين منذ فترة ليست بالقصيرة وأعيب على بعض الكتاب الانحدار الى تسفيه الآخرين

    وآرائهم والبعض الآخر المجاهرة بالكفر والإلحاد والطعن فى ذات الله والرسول(ص). وياليت الامور الشخصية تكون على الايميل الخاص بدلا من أن يسب بعضنا

    البعض على الملأ.

    هناك البعض من ينقل اليك الخبر قبل أن يتأكد من صحته وعندما يكتشف زيفه يتوارى خجلا من غير أى(اعتذار). البعض الآخر يناصرزميله أو الذى من قبيلته ظالما

    أو مظلوما دون أن يدرى أن زميله ربما يكون هو المخطئ والحمد لله هم قلة . هذا لاينفى أن هناك كتابا ممتازين وتتمنى منهم أن يكتبوا كل يوم ولكن نجد أن أكثرهم وهم

    من قدامى المنبر أو من المؤسسين له قد ابتعدوا عن المنبر لما فيه من تراشقات بألفاظ بذيئة تخدش الحياء . فليتنا نعود ذلك السودانى رباى اليتامى مقنع الكاشفات.

    مع خالص تحياتي

    أبوعيسى/أبوظبي


    لك الشكر
    واتمنى معك ان يرتقي الاعضاء بكتاباتهم الى المستوى الذي ينشده الجميع
                   |Articles |News |مقالات |بيانات

17-04-2009, 08:11 AM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: حيدر حسن ميرغني)

    رسالة من الاخ / فيصل عوض

    Quote: الشكر للأساتذة / ناذر محمد الخليفة و حيدر حسن ميرغني علي فتح هذا البوست لمعرفة اراء قراء المواضيع التي تزين هذا المنتدي العامر . لست في موضع نقد لما يكتب في المنتدي ولا اعتقد انني مؤهل لذلك انما هي خواطر. لاهث وراء المواضيع الهادفه الرصينة التي تمس حياتنا اليومية وايضا الكلمة الجميلة التي تزرع البهجة في قلوبنا و تنسينا لبعض الوقت هموم الدنيا و اللهث وراء لقمة العيش .

    في البداية اشيد بالاستاذة / حليمة محمد عبدالرحمن و موضوعها عن الخفاض و الذي يجب اعتباره مثال للطرح و النقاش الهادف للموضيع و هو موضوع يمس كل افراد الاسرة السودانية و بالتالي المجتمع .

    الاستاذة/ عزاز شامي صاحبة اسلوب مميز ولو امكن تتفضلي علينا بروابط لبعض مواضيعك .

    الاستاذ / الطيب شيقون بقيت اخش مواضيعك علي المغطـي و محل رهيفة تنقـد.

    د. طارق جبريل إن ما بطلت غتاتة الشوايقة دي ماظنيتني اخش ليك موضوع تاني ياخي انت شارينا في قصة البت الشديدة ديك انا و معاي امة في الراكوبة و غير الراكوبة ( ابو حنين ) . ولولا غلاوة الامتداد و اهله ما كان عتبتو .( مربع واحد جيران ناس وديدي ).

    الاستاذ حمور ذيادة ( الكتابة الجيدة ليست لغة نتعلمها .. لكنها نعمة نستغلها ) كلام من ذهب .

    ختامه مسك و المسك يفوح و يعطر البورد من بين انامل ويراع الاستاذ / عزام حسن فرح صاحب الحضور المتميز في فلسفة الجفاء ، مقامات العشق و خواطره القـرآنية و لن ازيد علي ما قاله الاستاذ / هارون دياب ( لكل من يريد جمالاً في هذا المكان فعليه بعـزام ) .

    في الختام تحية إجلال و تقدير لكل من خط حرفاً في هذا المنتدي العملاق .

    فيصل عوض [email protected]


    لك الشكر يافيصل
                   |Articles |News |مقالات |بيانات

17-04-2009, 10:50 AM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22545

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: حيدر حسن ميرغني)

    Quote: د. طارق جبريل إن ما بطلت غتاتة الشوايقة دي ماظنيتني اخش ليك موضوع تاني ياخي انت شارينا في قصة البت الشديدة ديك انا و معاي امة في الراكوبة و غير الراكوبة ( ابو حنين ) . ولولا غلاوة الامتداد و اهله ما كان عتبتو .( مربع واحد جيران ناس وديدي ).


    يا فيصل الله بيسألني غلبني اكملها
    اميارح يا دوب رجعت اكتب فيها تاني
    بس قول يا لطيف
    وما تزعل ياخ
                   |Articles |News |مقالات |بيانات

17-04-2009, 12:19 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: طارق جبريل)

    Quote: الاستاذ / الطيب شيقون بقيت اخش مواضيعك علي المغطـي و محل رهيفة تنقـد.


    الاخ فيصل عوض

    تحياتي وشكرا لكلماتك الطيبة - لكن بيني وبينك طلعت ما عارف قبلتك لكن المهم تمشى ومحل رهيفة تنقد

    كدى بايميلك ده ذاتو حاول خت كلمة كلمتين في مخلاية حيدر المسنوح ده و خليني اعرف قبلتك بس زولي حيدر ده اخشى يجيبها مبتورة .
                   |Articles |News |مقالات |بيانات

17-04-2009, 12:30 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29123

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: الطيب شيقوق)

    رسالة من الأخت سلمى على ابراهيم
    ناذر سلامات

    Quote: سلام لي ناس زي اهلى وسلام لى الخاله دومه القلبها ما قاسي ..
    وسلام لى كل زولا طيب . وسلامى يقشاك يا سناء خالد يالسمحه يا ام خصالا طيب ..
    سلام عليكم يابنات العباسي يا بنات دار جعل ديل اهلنا وتاج راسنا..
    واذا جينا للزوق تعالو شوفو امانى الامين فى الظرافه ..
    سلام يغشاك يا عزاز شامى ال على الكلام الزين ما بتتلامى ..
    سلام خاص لى ست الفريق تماضر شيخ الدين يالسمحه أم ضميرا حي ..
    سلام ومعاهو شكيه للدكتوره بيان وآآآ( واسفاي وا ماساتي)والعكاكيز الشيلاها تزرب لها زريبة بهايم (معليش اذا عصرته عليك شويه سلام وشوق )
    سلام شديد لى ناهد بشير الطيب وكضاب يازوله البقول ليك متيلْ ..
    سلامى الحار للفارسه أم قليبآ طيب انعام بت حيموره يا ست الكرم والجود..
    سلام للفنجريه وضاحه يعلم الله مشتهى كتابتك الرزينه وسمحه ..
    سلام .. سلام .. على اطيب الانام بنات خوجلى ..
    وسلاما زائد ما ناقص لى أختى ناديه عثمان وبدور اقول ليها نحن وامهاتنا مشهورات بالخجل ..
    وسلامى الكثير للدكتوره ست الاسم باقى منبركم مليان بالدكاتره .




    سلمى على ابراهيم
    الخرطوم - الطائف
                   |Articles |News |مقالات |بيانات

17-04-2009, 04:09 PM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: ناذر محمد الخليفة)

    رسالة من الاخت شيماء عبد المنعم (بت العرضة)

    Quote: لاخ حيدر ميرغني
    السلام عليكم ورحمة الله
    واحييك والاخ ناذر على فكرة البوست
    فسلمت اياديكما وسلمتما

    كحال البعض كنت ذات يوم املك عضوية لهذا المكان
    وفقدتها ربما لانقطاععي فترة
    لا اعلم ؟؟؟
    المهم
    كتبت للاخ بكري غير مرة
    شارحة ظروف انقطاعي ومطالبة باستعادة الباصويرد
    ولكن دون جدوى
    فيبدو ان استعادة الباصويرد بعد سحبه
    اصعب من الحصول عليه اساسا
    ويبدو ان الاخ بكري بيتعامل احيانا بطريقة:
    مش المنبر منبري وانا حر فيه (هنا طبعا في وش مكشّر ومتفلهم)
    لكن عموما
    المتابعة من الخارج برضو ليها ميزاتها
    لانك ع الاقل بتقرا دون ان يشغلك شاغل التداخل والرد وربما احيانا (المشاكل)
    ومن برة برضو بتستمتع بي انك ما ملزم بي التوقيع في دفتر الحضور اليومي
    تجي متى ما تجي وتغيب كيفما شئت
    يفوتك ما يفوت .. ما مشكلة!!!

    واقوليكم حاجة
    انا بالجد كدة الواجعني هو باصويرد تمبس
    تمبس دة عضو قديم ومن الناس الحافظين توازن المنبر دة
    اي نعم هو شراني وما بيخلي حقو
    لكن كمان حقاني وما بيغلط ع زول
    وكرييتيف بالجد
    ياخ مرة طبخ ليه سجق في المنبر دة
    ونحن متابعين لمن معتصم جاب الخبز واتغدوا
    اها دي في زول سبقو عليها دي وفي كرييشن اكتر من كدة؟!!!
    ليهو التحية

    ما دعاني للكتابة هو اكتشافي
    بان التواصل مع الاعضاء مرهون بالمسنجر الداخلي في غالبه
    فالبروفايلات فارغة تماما الا ما ندر
    واحد القراء ممن سبقوني فوق اقترح تمكين بكري للقراء بالتواصل مع الاعضاء على طريقة المنابر الاخرى
    فيا ليت!!
    وعشان برضو لمن الواحد بكري يطبق فيه نظرية زي بتاعتي دي
    يقدر يلقى ليه كم وجيع كدة يساندوه!!

    تحياتي مرة اخرى ليك اخي حيدر ميرغني واخي ناذر
    وعذرا اذ استغليت البوست نافذة اطل بها عليكم بعد غياب
    يعني بكري جدعني بالباب جيت بالشباك كيتن فيه!!

    تحية وسلام للجميع بلا استثناء
    وسلام خاص لـ
    د.بيان
    غادة ع العزيز (مختفية لعلك بخير)
    ود البشرى (بقيت كسلان شوية في الكتابة لييه؟ ووين اسابيع البورد؟ قديمة انا مش؟ بس لانه دة آخر عهدي بالمنبر)
    ود الصايم (حمد الله ع سلامة العين وهوووي ابقى عشرة على عيونك ما تباري لي منبر بكري دة)
    حمور زيادة .. كل الاتكتب فيك فوق دة غيض من فيض فلديك قلم جدير بما قيل فيه واكتر، عيني باردة والله يحفظك!!

    اها اسة انا وحمور دة ممكن نكون في مكان واحد؟ اذن بكري ما غلطان!!!
    وملاسي ياخ،، ملاسي اهم زول،، بس انشا الله يكون خلى عادتو بتاعة تطنيش المتداخلين ديك
    تحيه ليهو (غيظة لي كيكي)
    وتحية لي كيكي زاتو
    وتحية للجميع
    ودمتم في حفظه

    شــــــــــــــــــــــــيماء
    بت العرضة
    واحدة كانت (اعضاء) واتحولت بقدرة قادر لي ( قراء)


    مشكوره ياشيماء وان شاء الله نشوفك بيننا قريبا
                   |Articles |News |مقالات |بيانات

17-04-2009, 04:15 PM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: حيدر حسن ميرغني)

    Quote: السلام عليكم الاستاذ حيدر والاستاذ ناذر
    حقيقة فكرة البوست عبقرية شديد والله احييكم عليها
    . كنت رسلت لناذر رسالة ونشرها مشكورا واتذكرت اضافات لمن رجعت للبوست ولقيت ود شيقوق معلق ومتداخل
    ود شيقوق والله قلمك سنييين وكتاااااااب وشيخ عرب جد جد خاصة لمن حكيت فى بوست طرائف التدريس عن رحلتك من البردانه للدندر
    وبالمناسبة انا ساكن الكلاكلة وجنبنا قريبك اسمو الضو وعندو اخو اسمو سليمان ولمن لقيت كلامك انو ناس البردانه اشداء وبشتغلو فى دق الطوب وكبر الفحم وكثير من الاعمال الشاقة
    مشيت للضو وسالتو وحكى لى عن آلية كبر الفحم وصعوبتها وخطورتها وعن خطورة انو الكمينه تهبر وعن ماساى اناس راحو ضحايا تلك الكمائن وبالمناسبة الضو دا زول مكافح جدا جدا والله وبالجد جنو دق طوب ومع انو ضعيف البنيه الا انه وكما ذكرت انت عن شباب البردانه انهم اقوياء وناس اشغال شاقه فهو بالجد ذو صبر وجلد وزول قلبو ابيض وظريف جدا ودايما بحكى لينا عن السمسم والكعوك الذى يشفط السمسم من الجو دون يلمسه وضحكنا شديد لمن قال انو هو شدة ما ضعيف الناس بيقولو ليهو انت شاربك كعوك؟
    والكلام دا كلو جنب دكان خالد جارنا وخالد دا من ابناء دوبا وهى قرية شرق نهر الدندر وهو ايضا مع صغر سنه الا انه موسوعه فى التراث فقد استفدت منه كثيرا فى معرفة عينات المطر من طرفه ونتره وخيرصان وما الى ذلك
    المهم كتير بشيل اللابتوب جنب دكان خالد دا وبورى الضو صورتك وهو كل مره بقولى اهلنا ديل تانى ما نزلو صور؟
    ---------------
    كان الجزء اعلاه عن ودشيقوق والبردانه اما ما اريد اضافته هو عن بوست طرائف التدريس للاستاذ القدير والمربى الفاضل محمد احمد الخضر
    فقد فقع مرارتنا من الضحك خاصة قصة خليل عاشه وقصة الاستاذ البقوهو فكى وبقو يجيبوا ليهو العيان فى الحلة كلو
    وحقيقة موضوع رائع من استاذ جليل سكب فيه كل تجاربه وخبراته عبر السنين فلك التحية يا استاذنا الجليل
    اكتب اليك هذه الروايه وبجوارى كتاب "حكايات كانتربري السودانية" الذى قمتم بترجمته وهو كتاب ممتع ويكفى انه من ترجمة استاذ كبير ومخضرم من امثالكم وهذا سبب كافى لاقتنائه .
    تانى بشكر الاخوان محمد ابو العزائم ابو الريش على جمال بوستاته وايضا الاستاذ محمد المرتضى حامد صاحب بوست" ناسنا" المميز جدا
    المهم والله هناك قامات سامقه فى سودانيزاونلاين تستحق المتابعة وان والله سودانيزاونلاين بالنسبة لى شىء اساسى وكل المواقع البدخلها بالعدد ولكن اهمها سودانيزاونلاين وحقيقة الزول بيلقى فيهو اى شىء عايزو
    وقبل ما انسى عايز اشكر الاخت سالى والاخ دكتور امبده على بوست الكتب وحقيقة كانت فكرة جهنميه وحقيقة انا استفدت منو شديد ومنو عرفت كتاب حواديت المشاوير بتاع خالد الخميسى فوالله نزلته وقربت اخلصو هسى مع انو القرايه من الكمبيوتر صعبة لكن الكتاب ممتع جدا فللاخت سالى والاخ دكتور امبده التحية ولكل من شارك معهم فى ذلك البوست المميز.

    فى الختام بس ياجماعة كان شفتو لينا تزكيه عن بكرى دا يدينا باسوورد تكونو ما قصرتو فوالله الواحد يتمنى يكون عندو اشتراك فى هذا النتدى المميز الذى يمثل وطن قائم بذاته
    ولكم التحية ولكل صاحب بوست مميز نسيناه نرجو منه المعذره لانو حقيقة المبدعين كتار والذاكرة خربانه
    لكم منا التحية
    وارجو المعذرة ان كان فى الجزء الاول من هذه الرسالة موضوع شخصى فانا لا املك ايميل للاخ ودشيقوق لمراسلته لذلك اضريت لمراسلته هنا
    واخيرا ارجو من اى واحد من كتاب سودانيزاونلاين يخت ايميلو فى البروفايل بتاعو عشان يسهل التواصل معاهو
    والسلام عليكم
    --
    وما كنت حجاماً ولكن احلنى
    بمنزلة الحجام بعدي عن الاهل
                   |Articles |News |مقالات |بيانات

17-04-2009, 04:47 PM

عبدالكريم الامين احمد
<aعبدالكريم الامين احمد
تاريخ التسجيل: 06-10-2005
مجموع المشاركات: 32520

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: حيدر حسن ميرغني)

    هلا يا حيدر
    وشكرا جزيلا علي النافذة المهمة دي...مهمة لانها بتعكس صدي القطاع الاساسي في فكرة المنبر وهم القراء الذين
    يتلقون الاحرف التي تكتب هنا ويتفاعلون معها سلبا او ايجابا ..
    فلكل القراء والقارئات التحية والتقدير والحب الكبير..
    وشكرللاخت المهندسة سارة احمد موسي علي حديثها الطيب واتمني ان نشوفوها معانا هنا دعما للمنبر الهام
    وسندا لمنبر اليوم الحار ذلك المكسب الهندسي الكبير..
    وللاخت شيماء نقول والله فاقدنك ومكانك خالي تماما ونتمني من بكري ان يحل اشكال الباصوريد بتاعك
    بس لمن تجي المرة الجاية اعملي حسابك وجيبي معاك مناديل ورق كثييييييير لاني ناوي اخد حقي كاش واقلل
    النقاش في حكاية ملاسي الغظتيني بيها دي لووووووول
    وكل التقدير والود للجميع
                   |Articles |News |مقالات |بيانات

18-04-2009, 07:47 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: عبدالكريم الامين احمد)

    اخي العزيز فيصل عوض بواسطة الاخ الجميل حيد حسن ميرغني

    .
    Quote: كنت رسلت لناذر رسالة ونشرها مشكورا واتذكرت اضافات لمن رجعت للبوست ولقيت ود شيقوق معلق ومتداخل
    ود شيقوق والله قلمك سنييين وكتاااااااب وشيخ عرب جد جد خاصة لمن حكيت فى بوست طرائف التدريس عن رحلتك من البردانه للدندر
    وبالمناسبة انا ساكن الكلاكلة وجنبنا قريبك اسمو الضو وعندو اخو اسمو سليمان ولمن لقيت كلامك انو ناس البردانه اشداء وبشتغلو فى دق الطوب وكبر الفحم وكثير من الاعمال الشاقة
    مشيت للضو وسالتو وحكى لى عن آلية كبر الفحم وصعوبتها وخطورتها وعن خطورة انو الكمينه تهبر وعن ماساى اناس راحو ضحايا تلك الكمائن وبالمناسبة الضو دا زول مكافح جدا جدا والله وبالجد جنو دق طوب ومع انو ضعيف البنيه الا انه وكما ذكرت انت عن شباب البردانه انهم اقوياء وناس اشغال شاقه فهو بالجد ذو صبر وجلد وزول قلبو ابيض وظريف جدا ودايما بحكى لينا عن السمسم والكعوك الذى يشفط السمسم من الجو دون يلمسه وضحكنا شديد لمن قال انو هو شدة ما ضعيف الناس بيقولو ليهو انت شاربك كعوك؟
    والكلام دا كلو جنب دكان خالد جارنا وخالد دا من ابناء دوبا وهى قرية شرق نهر الدندر وهو ايضا مع صغر سنه الا انه موسوعه فى التراث فقد استفدت منه كثيرا فى معرفة عينات المطر من طرفه ونتره وخيرصان وما الى ذلك
    المهم كتير بشيل اللابتوب جنب دكان خالد دا وبورى الضو صورتك وهو كل مره بقولى اهلنا ديل تانى ما نزلو صور؟
    ---------------


    يا سلام يا فيصل اخوى بالجد انا سعيد جدا اسمع من ناس يتابعون كتاباتي رغم ما يستصحبها من شغب كنت احسب انه خصما من موضوع الرسالة اى كانت تلك الرسالة ولكنى شعرت ان الرسالة الرتيبة لا تجد في عالمنا المعاصر من يتقبلها . ودى بتذكرني زمان زمن الطفولة لما ابوى يجيب الرغيف من السوق اول حاجة بعملها بخمش اللبة الجووووووووة عشان اجي مقبل للقشرة وناس البندر بسوا العكس بشيلوا القشرة وبجدعوا اللبة وكمان البسكويت المحشى كنت بفقشها ليك كش وبخمشي المحشى واجي راجع ليك على الباقي اقرمشو . اها دى كتاباتي يا فيصل اخوى نوعك انت ده بغرز ايدو في اللبة والمحشي ومحل رهيفة تنقد .

    فعلا الاخوان سليمان والضو اولانا وانا عمهم برضى زى الشاربني كعوك

    بالمناسبة توقع خلال الايام المقبلة اعمل بوست بعنوان ( شراب الكعوك)

    لك وللاخوين ناذر و حيدر حسن وللاخوان سليمان والضو اولاد العجب الزهجان خالص ودى

    (عدل بواسطة الطيب شيقوق on 18-04-2009, 08:39 AM)
    (عدل بواسطة الطيب شيقوق on 18-04-2009, 09:12 AM)

                   |Articles |News |مقالات |بيانات

18-04-2009, 08:59 AM

Sana Khalid
<aSana Khalid
تاريخ التسجيل: 01-02-2005
مجموع المشاركات: 2740

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: الطيب شيقوق)

    الأعزاء حيدر و ناذر
    مشكورين كتير على الفكرة الجميلة و على فتح الباب لمشاركة القراء الأعزاء
    و باتمنى يوم يبقى سودانيز اونلاين وطن حقيقي يجمع الكل بدون واسطات و بدون حواجز
    و اكيد بنتفق على انو الكلام عن انو الناس الهنا صفوة دا كلام غير دقيق.. أولا لأن الناس كلها سواسية
    و تانيا لأن الجميع يعلم أن هناك مميزين في كل المجالات لا يكتبون هنا و منهم من لم يسعوا أصلا لتسليط الضوء على أنفسهم لا ينقص ذلك من قدرهم شيئا ..
    لكل مثقفي بلادي و علمائها و فنانيها و مبدعيها و مميزيها في كل المجالات و لقرائنا أيضا التحية و التقدير و الاحترام

    Quote: وسلامى يقشاك يا سناء خالد يالسمحه يا ام خصالا طيب


    و ليك مني الف سلام و شكرا ليك كتير يا سلمى على كلماتك الطيبة اللي هي من جمال روحك بس و الله
    و ربنا يقدرنا نكون عند حسن ظنكم يا رب
                   |Articles |News |مقالات |بيانات

18-04-2009, 09:07 AM

شول اشوانق دينق
<aشول اشوانق دينق
تاريخ التسجيل: 13-02-2006
مجموع المشاركات: 5332

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: الطيب شيقوق)

    شكراً للأخوين ناذر وحيدر على هذا البوست وجميل جداً ان نتواصل مع قراء سودانيز اونلاين لنعرف رأيهم عما يكتب هنا:
    - ابوشاكوش طلعت زول خترى شديد ياخ وحافظ تمام
    - الطاهر الفكى يا زول صحبتك ما بناباها (برسل ليك فى إيميلك)
    - محمد ود احمد متابع لصيق ... تمام يا زول

    وتحية وتقدير لكل الذين راسلوا الأخوين ناذر وحيدر وشاكرين على نصائحهم
                   |Articles |News |مقالات |بيانات

18-04-2009, 10:25 AM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: شول اشوانق دينق)

    رسالة من الأخ امين


    Quote: اولا شكرا لهذه الفرصه...
    وسأحاول ان اتحدث بدون ترتيب مسبق واعداد..وفي نقاط:
    المنبر رغم السلبيات التي اعترته مؤخرا لا انه الحق يقال من افضل المواقع الحوارية التفاعلية..
    تراجع الاداء بصورة كبيرة مؤخرا..قل عدد المشاركين..قلت المواضيع الهادفه
    اعتقد ان هناك حدثان اثرا بشكل لافت في آداء المنبر هما :التهكير والبيان الذي صدرمن مجموعه المثقفين وهذان اعتبرهما حدثان منفصلان ..احدثا شرخا كبيرا عند الكثير جراء التعاطي الحاد من قبل البعض مع البيان.
    الشللية في المنبر لا تخطئها عين وواضح انها تساهم في رفد بوستات عديمة الفائدة تماما والعكس تغتال المفيد.
    بوستات الجنس اللطيف بها تهافت واضح والله اعلم ما هي الاسباب..
    الكثيرين في النقاش السياسي يقسمون الناس بطريقه غير متزنه(0يا ابيض يا اسود) في اعتقادي مثلا يمكن ان تكون معارض للنظام ولك موقف ضد الجنائية ويمكن ان تؤيد النظام ولك موقف ضد القيود المفروضة على الصحافة (مثلا يعني) وهذا اظن ما يسمى بالطريق الثالث.
    يوجد احيانا عمل منظم في المنبر لدعم فكرة معينة مثل ما فعله معارضو قرار توقيف البشير
    المنبر جعلنا نتعرف على زملاء دراسة واصدقاء فقدنا الامل في التواصل معهم.
    اجمل من يكتب في المنبر وياخذك الى اطياف الزمن الجميل (عماد عبالله)
    الذ مشاغب(تمبس وحميدة)
    احسن بوست رياضي هارون دياب (رغم هلاليتي)
    اجمل بوست اطلاقا بوست الثوب السوداني لعماد عبدالله
    اسوا بوست علي الاطلاق (اوقفو هذه الغجرية)
    اسوأ كريتريا لتسول انتباة القراء لبوست هو الاثارة السطحية(توجد اثارة ايجابية)
    امين ابومحمد


    له الشكر على تفاعله مع موضوع البوست
                   |Articles |News |مقالات |بيانات

18-04-2009, 04:27 PM

زهير الزناتي
<aزهير الزناتي
تاريخ التسجيل: 28-03-2008
مجموع المشاركات: 12240

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: حيدر حسن ميرغني)

    شكراً يا حيدر علي هذا البوست الهام
    وأهمئك وناذر الخليفة عليه ،
                   |Articles |News |مقالات |بيانات

18-04-2009, 04:33 PM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: حيدر حسن ميرغني)

    كتب دكتور صبري الخواض :
    Quote: خلاف ابوساندرا وبيان الاخير(بالمناسبة الاتنين ديل ترومتر انفعالهم واحد
    حماقة وطيبة وشفتنة مع احترامي ليهم رغم انو واحد يمين واحد شمال
    ابوساندرا الشيوعي لا مكان غير البورد لتعرف ماذا هذا الرجل ؟
    لن تنال من الاخبار سوي شيوعيته


    شكرآ يا دكتور صبري الخوض
    أهو إطريتنا وجيتنا
    وةالله انا ما أحمق لكن بيوترني الغلط
    ولو سألت عني ، ده لو مهم ، في الديم او في الدوحة
    بتلقاني زول واسع الصدر
    لكن ما بخلو من مشاكسة
    و وعورة أحيانآ ، حسب الموقف

    و عمومآ

    الوطن في مستقبل الأيام سوف يشهد إحتدامات وصعوبات
    سوف أسعى لأكرس معظم مشاركاتي هنا في شأنه
    ولن تجدني في المعارك الفشكن
    ولا في التحرشات اللذيذة ، إلا لمامآ

    أكرر شكري لك
    وتحيتي لسيد البوست حيدر الذي اتاح لنا فرصة معرفة رأي غير الأعضاء
    فيما نكتب هنا

    وبالمناسبة ، بالأمس قابلت أخت كريمة في إحتفال رابطة المرأة
    في الدوحة وجدتها مع قريبتي التي قدمتني لها فقالت : انا بعرف أبو ساندرا
    من سودانيز اونلاين وفتحت علي هجوم في بوست التعدد
    وقالت رأي مهم إحترمته وسوف أعمل به
    وسوف أسعى لدى بكري حتى يمنحها العضوية
    هي السيدة فاطمة ابوزيد

    وكذلك اتمنى ان يوسع اخونا بكري العضوية
    حتى نرى كل الذين بادروا هنا ، معنا
    وعلى رأسهم أنت يا دكتور صبري الخواض
                   |Articles |News |مقالات |بيانات

19-04-2009, 01:37 AM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: أبو ساندرا)

    Quote: أخي الكريم حيدر

    أنا من الزوار الدائمين لموقع سودانيس اون لاين لأنه بصراحة شديدة وبغض النظر عن اتفاقي او اختلافي مع ما يكتب فيه فهو مرآة حقيقية للسودان بكل تنوعه و ثراءه سلبا و إيجابا واشعر في أحيان كثيرة بمرارة شديدة و أنا أري نفسي عاجزا عن التفاعل رغم ارتباطي الشديد بالمنبر و افرح عندما اجد من بعبر عني تماما واحيانا افضل مما لو كنت انا الكاتب وفي تقديري هذه اهم ميزة من ميزات المنبر وهي ان تجد دائما شخصا يشبهك ويعبر عنك ( ويفش غبينتك) من أشخاص (علي شاكلة من سب الإسلام في بوست ظاهر اليوم).

    ترددت كثيرا قبل ما اكتب بسبب عبارة وردت في تقديمك للبوست وهي أن البوست السابق حول نفس الموضوع كان سببا في حصول الكثيرين علي عضويه المنبر وكأني بك تستجدي أشواقنا لنكتب في المنبر لحثنا علي تزبيط كراس الإنشاء لان المصحح سينظر فقط للمجيدين والظرفاء ودي فكرة رغم قناعتي بتوفر حسن النية فيها إلا أنها استفزتني جدا وشعرت بان الإخوة أعضاء المنبر ( متلبساهم) حالة زهو جميل وهي حالة مبررة بكل تأكيد لعدة اعتبارات معلومة.

    أود فقط أن أري رائي في المنبر رجاء إخواني أعيدوا لنا القلم المحبب الي تمبس وامني نفسي أيضا برؤية الهلالابي المحترم احمد الريح مجددا بينكم.انتم جميعا محل تقدير واحترام بكل تاكيد.

    تقديري الأكيد لك وأنت تفتح لنا نافذة لنعبر خلالها عن حبنا لكم جميعا.


    عصام الدين المنصور

    برلين في 18 ابريل 2009م


    الاخ عصام

    اولا شكرا على رسالتك التي تعبر عن متابعتك وإهتمامك بالمنبر

    أما بخصوص ما أشرت اليه انا بإسهام البوست السابق في نيل عدد من القراء عضوية المنبر لم اكن اقصد ما رميت اليه انت كما سبق لي ان

    اوضحت ذلك في ردي على اول رسالة وردت إلي

    قمت بحذف تلك الفقرة تحاشيا للالتباس بمجرد اطلاعي على رسالتك
                   |Articles |News |مقالات |بيانات

19-04-2009, 05:48 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: حيدر حسن ميرغني)

    والله فضحتونا بإستبيان القراء
    ست النفر دخلت يوم واحد وعشان أنا كل يوم شغال { نفخ }
    وبقول ليها والله ماشاء الله لو شفتي القراء وبوستاتي طالعة في السماء
    وفي ذلك اليوم تتفتح علينا كل أبواب السعادة
    تمنحك كل عطاء المراة
    وحينما تزورنا إمراة أو كثير من صديقاتها يبدا الحديث عن بوستاتي
    وعن مدى تجاوب القراء مع ابوحراز
    وهاك يامدح ونفخ
    وتجدني اعرض زي القيقم
    وعندما قرات هذا البوست اصابها الاحباط
    وكذلك صاحبكم
    ولكن استعملنا قليلاً من المهدئات علها تطفيء بعضاً من نفخنا وأكاذيبنا
    وقالت لي من اليوم ورايحة ماعاوزين سودانيز
    ركز وقتك وجهدك لأبنائك

    وبعيداً عن ست النفر وغيظها الشديد وتريقتها
    فإن هذا البوست قد أوضح لنا الطريق واشعل مزيداً من النور في اعماقنا
    بان نتلمس الطريق جيداً
    وأن نبث المزيد من الأنفاس الرائعة بأقلامنا
    وأن نعيد القاطرة الى سكتها
    وأن نكتب ماهو جيد ونصحح الكثير من أخطائنا
    وإن لم تنجح في البوست الأول والثاني
    فإن الدرب مازال أخضراً لكي تنجح في بوست القراء الثالث
    فالنملة تحاول أن تصعد على الجدار أكثر من الف مرة وتسقط
    وسنحاول أن نسقط الف مرة كي ننجح مرة واحدة

    أشكر كل القراء الذين قالوا رأيهم فينا بصراحة
    وأهنيء كل زملائي الذين طوقهم القراء بياسمين كلماتهم
    وسيكونوا جميعاً نبراساً لنا لنمشي على دروبهم المترعة بالنجاح
                   |Articles |News |مقالات |بيانات

20-04-2009, 00:32 AM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: ابوحراز)

    رسالة من الاخت سلمى تاور

    Quote: الى جميع رائعين/ات سودانيزأونلاينتحية...ولك أستاذي حيدر ميرغنيكل الود... بعد ان كللت جميع محاولاتي الانضمام الى عضوية المنبر بالفشل ، اتبعت طريقة باب الخروج لكي اورد وجهة نظري القاصرة على بعض المواضيع التي تستفزني جدا" _ وهي كثيرة _ وذلك عن طريق الإيميل _ إن وجد ، ونادرا" ما يوجد . وكثيرا" ما كنت أخشى أن يكره البعض تطفلي هذا .لذا أشكرك أستاذي جزيل الشكر لأنك ببابك الجانبي هذا أرحتني من الشعور بذنب التطفل.لا أريد أن أذكر أحدا" باسمه ، فالجميع هنا رائعون ، رائعون جدا" ، ولكن ثلاثة يجبرونني على ما لا أريد ، فإن لهم _ لن أسميها مواضيع _ إن لهم مواقف أثرت بي وبحثت لهم كثيرا" عن باب خروج لكي أتطفل عليهم من خلاله ولكنهم محكمو الإغلاق . الأديب الجميل ، أ. حمور زيادة ... ما أروعك !!لن أقول لك أنني أحببت كل ما كتبت ، لأنني لسوء ظروفي لم أقرأه كله ، ولكنني أأكد لك أنني سأقرأه وسأحبه . وددت كثيرا" أن أتطفل عليك في أحتفالك بخالتو أميره وجميع المعاشيين الذين لم يجدوا تقديرهم إلا من الرجل الوطن الشريف محجوب شريف ، الرجل الذي لو كنت أملك أن أختار أبي لاخترته ، مع العلم أنني أعتبر أبي أعظم رجل في الدنيا . د. أمجد ، الرفيق المخلص لكل شئ جميل . كتاباتك تجعلني أصدق فعلا" بأنو نحن القالوا فتنا وقالوا متنا وقالوا للناس انتهيتا ، نحن جينا . اسمح لي أيها الرفيق أن أعتبرك سنيري في الطب وفي الحزب . إستفزني جدا" حديث العشق لجيم دال الذي بدأته ، ونجحت أن أورد مشاركتي فيه عبر إيميل أحد المتداخلين الذي أشكره جدا" على رحابة صدره ونشره لمشاركتي في المنبر ، أرجو أن تقرأها إن لم تكن قد فعلت . أ. مؤيد شريف ، صاحب القلم الذي لن ينكسر ، برغم تخليك عن قيدك الصحفي ، موقفك هذا علمني أن إنسانيتنا بمقدار ما نملك من حرية . أردت فقط أن أقول لك : يالها من شجاعة !! ، وأن أحدثك عن موقف لي إتهمني فيه الجميع بالغباء ولكنك أكدت لي بأنني على حق . لكم جميعا" مني كل الإعجاب ... سلمى تاورباكستان


    شكرا لك يا سلمى
    وتقبلي اعتذاري في تأخير نشر رسالتك
                   |Articles |News |مقالات |بيانات

20-04-2009, 01:13 AM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: حيدر حسن ميرغني)

    رسالة من الاخ عماد اسماعيل البيلي

    Quote: سلامات ياحيدر
    اولا ، فكرة فتح هذا البوست لقراء منبر سودانيز اونلاين تعتبر جيدة ، ومحل تقدير كبير. حاولت أن ارسل هذه الرسالة لبريد الاخ ناذر ، ولكن يبدو لي أن الرسالة لم تصله ، أنا من المدمنين على مطالعة المنبر العام وأشعر بأنني أكاد أعرفكم جميعا. وفي الحقيقة شعرت (بشوية) خيبة امل لانني حاولت الانضمام للمنبر ثلاث مرات ، ولكن كل رسائلي التي ارسلتها على عنوان البريد الاليكتروني الخاص بالسيد بكري تم تجاهلها .
    بخصوص المنتدى ، لعل افضل ما فيه هو انه مصدر جيد للتزود بالأخبار . ورغم أنني لست في وضع يمكني من تقييم أي كاتب في هذا المنتدى ، ولكن أعتقد أن هناك كتاب مميزون بمواهبهم البارزة في الكتابة . منهم على سبيل المثال عماد عبد الله ، وكمال علي الزين وحمور زيادة ، (وملاسي، على طريقته الخاصة) وكذلك استمتع بكتابات محمد البشرى ومحمد الصائم وكيكي
    شكرا لك مرة اخرى على إتاحة هذه الفرصة
    اخوكم عماد البيلي


    شكرا ياعماد على رسالتك

    وتقبل اعتذاري للتأخر في نشرها بسبب بعض المشغوليات
                   |Articles |News |مقالات |بيانات

20-04-2009, 01:14 PM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: حيدر حسن ميرغني)

    Quote: الاستاذ / حيدر السلام عليكم و رحمة الله تعالي و بركاته .

    د. طارق شكراً علي التعقيب السريع . يا سيدي ما تزعل مننا و ما لمناك الا لحبنا لك و متابعنك و في انتظار بقية الرواية .. و قول يالطيف .

    الاستاذ / الطيب شيقوق محل ما تقبل بتلقاني و بعدين يا سيدي الظاهر عليها الرهيفة إنقدت .. الرسالة الرديت عليها ديك انا اعتبرتها امتداد لردك الاول مع إنو انا ما رسلتها حاولت افتش فيها عن اسم المـُرسل لكن ما موجود .

    هييييييييييييع كع دي ذكرتني زمان لمن كنا صغار في بحري كان في بصات لونها اصفر بنقول ليها كندا بتتحرك من سوق بحري لحدي شمبات و الحلفايا . لو ركبت جنب السواق بتلقاهو تاكل التعشيقة بعصاية و لمن يعشق اول حاجة يمسكك العصاية و يعشق التعشيقة بتقول هييييييييييع كع .

    فيصل عوض
                   |Articles |News |مقالات |بيانات

21-04-2009, 11:15 AM

haroon diyab
<aharoon diyab
تاريخ التسجيل: 20-06-2007
مجموع المشاركات: 23196

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: حيدر حسن ميرغني)

    شكرا استاذنا حيدر علي هذا البوست
    ومزيدا من التواصل مع الاخوة خارج المنبر....
    وعبركـ.....

    الاخ الفاضل / زكريا الدقير
    سلامات

    Quote: اما هارون دياب المريخابى داك ادوه امنية كويسة (اسة يقول ليك المريخ يشيل الكاس)


    تجدني سعيد كل السعادة بهذه المداخلة المعبرة
    وشكرا لانك قراتني جيدا في الامنية.
    بالمناسبة .....
    ابنتي ايضا ....امنية
    لك الود كل الود
    ونتمني ان نراك بيننا
    مودتي
                   |Articles |News |مقالات |بيانات

22-04-2009, 01:48 PM

Amany Elamin

تاريخ التسجيل: 24-01-2009
مجموع المشاركات: 3541

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: haroon diyab)

    الأخت سلمي علي ابراهيم :
    Quote: واذا جينا للزوق تعالو شوفو امانى الامين فى الظرافه ..

    ياستي ربنا يجبر بخاطرك ..

    وأنا كمان معجبه بكل الذكرتيهم في الايميل ..

    شكرا ليك ياذوق ..
                   |Articles |News |مقالات |بيانات

22-04-2009, 02:12 PM

حمور زيادة
<aحمور زيادة
تاريخ التسجيل: 28-03-2007
مجموع المشاركات: 12116

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: Amany Elamin)

    الأعزاء :
    الاستاذ فيصل عوض
    Quote: الاستاذ حمور ذيادة ( الكتابة الجيدة ليست لغة نتعلمها .. لكنها نعمة نستغلها ) كلام من ذهب .


    الاستاذة شيماء
    Quote: حمور زيادة .. كل الاتكتب فيك فوق دة غيض من فيض فلديك قلم جدير بما قيل فيه واكتر، عيني باردة والله يحفظك!!



    الاستاذة سلمى تاور
    Quote: الأديب الجميل ، أ. حمور زيادة ... ما أروعك !!لن أقول لك أنني أحببت كل ما كتبت ، لأنني لسوء ظروفي لم أقرأه كله ، ولكنني أأكد لك أنني سأقرأه وسأحبه . وددت كثيرا" أن أتطفل عليك في أحتفالك بخالتو أميره وجميع المعاشيين الذين لم يجدوا تقديرهم إلا من الرجل الوطن الشريف محجوب شريف ، الرجل الذي لو كنت أملك أن أختار أبي لاخترته ، مع العلم أنني أعتبر أبي أعظم رجل في الدنيا



    الاستاذ عماد البيلي
    Quote: أعتقد أن هناك كتاب مميزون بمواهبهم البارزة في الكتابة . منهم على سبيل المثال عماد عبد الله ، وكمال علي الزين وحمور زيادة ، (وملاسي، على طريقته الخاصة) وكذلك استمتع بكتابات محمد البشرى ومحمد الصائم وكيكي



    لكم الشكر على تفضلكم بالذكر و جميل الكلم
    لكم جليل تقديري
                   |Articles |News |مقالات |بيانات

22-04-2009, 03:36 PM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22545

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: حمور زيادة)

    Quote: د. طارق شكراً علي التعقيب السريع . يا سيدي ما تزعل مننا و ما لمناك الا لحبنا لك و متابعنك و في انتظار بقية الرواية .. و قول يالطيف .



    تشكر يا فيصل ياخ
    وبنتم ليك القصة ونجيب اختها كمان
                   |Articles |News |مقالات |بيانات

23-04-2009, 05:14 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: لقراء وقارئات المنبر العام غير الأعضاء ...... معرفة رأيكم تهمنا (Re: حيدر حسن ميرغني)

    فيصل

    Quote: الاستاذ / الطيب شيقوق محل ما تقبل بتلقاني و بعدين يا سيدي الظاهر عليها الرهيفة إنقدت .. الرسالة الرديت عليها ديك انا اعتبرتها امتداد لردك الاول مع إنو انا ما رسلتها حاولت افتش فيها عن اسم المـُرسل لكن ما موجود .


    انت مالك مكشوف حال ده رزق ساقه الله اليك صروبس واقدل بيهو مشنق ومحلرهيفة تنقد

    العتبي لكاتب المداخلة الذى لم احصل على اسمه اطلاقا
                   |Articles |News |مقالات |بيانات


[رد على الموضوع] صفحة 1 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de