|
|
|
 Re: دكين عشاء البايتات DKEENDKEEN الف الف مبروووووووك (Re: ناصر البطل)
|
Quote: أوووووووووووووووع يكون عمله و خطب
يدقس يتلحس |
كيفك يا ناصر يا بطل
افرح حاجة ياناصر بتفرحني
انو اسمع خبر جيد وسعيد عن زول
صاحبي وبعزو ودكين صاحب شديد
ايوة نعم وغد خالص بس جدع
وانسان ولو غلط بيجي يقول
غلطته ولو شاف غلط بيقيف
الف احمر حتي لو حصل شنو داك
ما بتراجع عن موقفو الصاح !
اها يا ناصر الزى دكيين ده
مابخيطب وما بيدقس ده بيقبض
صح وقوى 
| |
 
|
|
|
|
|
|
|
|
Re: دكين عشاء البايتات DKEENDKEEN الف الف مبروووووووك (Re: DKEEN)
|
دكين
Quote: الله يبارك فيك ياسفيان..
عقبالك انشالله
طبعا الشباب قايلنو عيد ميلاد برضو زي بوست نوبي..
هاهاهاهايكا ..كلو في غيو سادر
تسلم ياصاحب
ونجيك في الللية الكبيرة نبشر ليك |
فرحته ليك يا دكين من كل قلبي يا صاحب
فرحته لك ولمشوارك في الحياة وللحاجات
والصلته ليها بي جدك وأجتهادك وسهرك
وتعبك عليها .
يا دكين كنت بفتكر في يوم زي ده بقدر
اكتب عن شعوري بطريقة توضح فرحي وسعادتي
لكن يا صاحب ماقدرته ماقدرته نهائي
وغلبتني الكتابة ايوة نعم ما بعرف فيها
كتير لكن حتي قدر البعرفو راح (بابح)
ما لقيت غير الف الف مبرووووووك
وتسلم يا صاحبي وأنا الحا اجيك وابشر
الف الف الف مبروووووك
| |
|
|
|
|
|
|
|
|
|
Re: دكين عشاء البايتات DKEENDKEEN الف الف مبروووووووك (Re: رشا سالم)
|
مرة خضر عطا المنان عمل بوست قال باركو لي يا جماعة
أها البورد كلة العميان شايل المكسر جو باركوا
في النهاية قاليهم إنتوا ناس بتاعين فارغة
الحكاية دي مقروءة مع حالات الإنتحال و الفصام المنتشرة في البورد
و عمك القالوا بيقرا كم ألف مسنجر في اليوم و يمسح المابعجبوه
قلت أخير أتريث و أشوف آخر الموضوع حتى أبارك
و بوصيكم بذلك....
______________________________________
(بعد إذنك سفيان)
الأخت رشا سالم
ألف مبروك و سامحينا على التأخير
عندي سؤال هل المهندس راشد سالم أخوك؟
| |
|
|
|
|
|
|
|
|
|
Re: دكين عشاء البايتات DKEENDKEEN الف الف مبروووووووك (Re: محمد البشرى الخضر)
|
Quote:
الأخت رشا سالم
ألف مبروك و سامحينا على التأخير
عندي سؤال هل المهندس راشد سالم أخوك؟ |
الاخ محمد البشري...
مافي عتاب والله يبارك فيك...
والمهندس راشد سالم اخوي وتومي عدييييييييييييييل كده...
بس بيناتنا كم سنة
راشد اخوي الاكبر مني ..وكنا زي التيمان طول اليوم متبارين...
وهو دلوقت بقي ابو مؤمن...
وولده صورة طبق الاصل منه..يعني سماحة وخفة دم وعيون حنينة...
بعد الاندياح دا كدي نسالك ...انت بتعرف راشد اخوي من وين؟
| |
|
|
|
|
|
|
|
|
|
Re: دكين عشاء البايتات DKEENDKEEN الف الف مبروووووووك (Re: رشا سالم)
|
| Quote: انت بتعرف راشد اخوي من وين؟ |
كيف ياخ بعرفه من وين؟
إحنا دفعة
خمسة سنين سوا
للأسف في إجازتي السنة الفاتت ما أتوفقنا نتقابل
رغم إني قابلت وداعة (قولي لي دا كمان بتعرفه من وين؟)*
و على ماأذكر قال لي راشد ربنا رزقه بنت
ما شاء الله ربنا يبارك ليه في مؤمن
و عقبالك إن شاء الله
تحياتي للأستاذ طارق و لراشد
----------------------------------
*وداعة غير معرفة الحلة أنا كنت شغال معاه في كرستال
دا غير إني درسته في كورس صيفي
| |
|
|
|
|
|
|
|
|
|
Re: دكين عشاء البايتات DKEENDKEEN الف الف مبروووووووك (Re: محمد البشرى الخضر)
|
اخي العزيز /
محمد البشري
تحياتي وسلامي
اخي العزيز ما يحمله كلامك ربما يكون مفيد ، لكن دعني اخبرك أنه يحمل شي
اخر واضح وانت لم تخفيه انظر انت قلت :-Quote: مرة خضر عطا المنان عمل بوست قال باركو لي يا جماعة
أها البورد كلة العميان شايل المكسر جو باركوا
في النهاية قاليهم إنتوا ناس بتاعين فارغة
الحكاية دي مقروءة مع حالات الإنتحال و الفصام المنتشرة في البورد
و عمك القالوا بيقرا كم ألف مسنجر في اليوم و يمسح المابعجبوه
|
ووضحت بشكل كامل فهمك هنا :-
Quote: قلت أخير أتريث و أشوف آخر الموضوع حتى أبارك
و بوصيكم بذلك....
|
من حقك يا اخي محمد ان تتريث ومن ثم تأتي للتهنية والمباركة عموماً يا صديقي
هي (علي ما اعتقد) أول مداخلة لي معك أتمني أن تكون فاتحة لحوارات وتداخلات
كثيرة .
لا اظن يا صديقي أن كلمة الف مبروك تحتاج للتشكيك فالناس ياسيدي (تتفأل) بالافراح
قول مبروك واتريث متل ما عايز .
ملحوظة يا محمد :-
ما رافض انك انت ورشا تطايبو وتسألو من اخبار الاهل والاخوان
بس كمان يا صاحبي أنت (متريث ومتشكك) اها الفاتح نفسك شنو
تم تريثك وتعال اتطايب كل شي ملحوق زي ما قالت رشا .
كن بخير واتمني أن تفهمني ببساطة يا صديق
| |
|
|
|
|
|
|
|
|
|
Re: دكين عشاء البايتات DKEENDKEEN الف الف مبروووووووك (Re: سفيان بشير نابرى)
|
العزيز سفيان
الموضوع ليس تشككا و لكنها معزتي لك و لدكين هي اللتي أعطتني الحق في مداعبتكم
| Quote: واتمني أن تفهمني ببساطة يا صديق |
و أنا أيضا أتمنى عليك فهمي ببساطة
سعيد أنا بالتداخل و تبادل الحوار معك
و عشان ما تزعل التريث خليته و الوصية سحبتها
و يا دكين ألف ميروك و ربما يتمم على خير
و لو الموضوع ما عرس عقبالنا إن شاء الله
بالمناسبة....
حرقتوا روحنا, ممكن تورونا الموضوع بعد دا , عشان ما ننظر ساي
| |
|
|
|
|
|
|
|
|
|
Re: دكين عشاء البايتات DKEENDKEEN الف الف مبروووووووك (Re: رشا سالم)
|
Quote: يارب تكون الدكتوراة ولا الماجستير..
العرس ملحوق يا دكين
عموما الف مبروك والبفرح عزيز اكيد بيفرحنا..
ربنا يديهو الفي مراده ويخدر سكته شقيش ما يقبل...
ومشكور يا سفيان.. |
رشا سالم صاحبتي وصديقتي كيفك وحمداً بسلامة عودتك
لديار غربتك وعملك وكيف عاملة .
يارشا افتتاحيتك دي :-Quote: يارب تكون الدكتوراة ولا الماجستير..
|
خوف من اللوم ساي ودكين ده (عضمو مر) وما بدقس يارشا
انتو معاهو في الغربة وقريبين ليهو والخبر ده يجيبو زول زي أنا
الفي اخر الدنيا!!!؟ اها سؤالك لي (ربك) ما عندي فيهو رأي بس
ما بطلعك من اللوم لو في زول بيطلع من اللوم في ناس (سعوديتكم) دي
بيكون (تمبس ومعتصم وخالدة والخال حمزاوي) أما الزمرة الباقية مافي
طريقة تطلع نهائي .
وعموماً الحصل حصل أحسن تدقو صدركم وتمشوا تباركو بي الباب.
| |
|
|
|
|
|
|
|
|
 Re: دكين عشاء البايتات DKEENDKEEN الف الف مبروووووووك (Re: Soumeta)
|
يا سفيان .. والله انا لقيت العنوان ده وانا صاحي من النوم حسع دي
المسالة دي بقت لي ( حلم .. حلم )
ياسلالالالالالالالالالالالام ياخ ..
معقولة دكين يعمل كده ؟؟
انا اصلو من زمان عندي قناعة انو دكين ده ( مبروك وتركة صلاح ) وكلما يمشي عمرة ويجي قاعد اشوف الود ده وشووو مضوي
الغريبة امس بالليل ما قال لي حاجة لي آخر لحظة كان بتكلم بي صوت واطي جدا ومدنقر في ( ال و اطه )...
بعدين سالتو سؤال عرضي كده .. يادكين المسالة دي مش مفترض تعمل ليها حاجة هنا في الرياض .. قال لي .. لالاياخ عملوها في السودان وخلصت خلاص ..
.
.
غايتو ما عارف يا سفيان
كان بتتكلم عن الفنله البنية ولياقته بيضاء ومقاس (M) بتاعت أمس دي ماركة عالمية فعلا ..
انا من ما شفتها قلته كده ..
دكيــن..
( ما عندك ما عند جدتي )
| |
|
|
|
|
|
|
|
|
|
Re: دكين عشاء البايتات DKEENDKEEN الف الف مبروووووووك (Re: tmbis)
|
تمبس سلام وتقدير
يا تمبس قبل احلامك وقبل اي شي
مافي زول كلمك قال ليك انا زعلان منك ؟!! عموماً يا سيد زعلان منك
وما ح ارضي ابداً يازول وبكلمك مدام لقيتك قدامي براي وبي كيبورديني ده.
يا تمبس يكلمك كيف الزول ده وهو ماصدق أنو اليوم ده جاء ياخ دكين وغد
مش مغفل وغد وغد وعارف تمام (اقضوا حوايجكم بالكتمان) دي قالوها في ناس منو
عموماً يا سيدي عقبالك والا اقول ليك عقبال عمار صاحبي .
| |
|
|
|
|
|
|
|
|
|
Re: دكين عشاء البايتات DKEENDKEEN الف الف مبروووووووك (Re: Soumeta)
|
سوما العزيزة
Quote: اها يا الحبان ماتجوا تقولو عدلت شنو
والله مسحتو ست عليهو وكتبتو من اول وجديد |
بتكونى كتبتى كتبتى كتبتى ايووووووووووووه أسم
العروس اوعه تانى تعملي كده يا سوما أنا ياخ
Quote: ويا سوفي الخبارات الزي دي ما كركرب دو بيرموها
|
يا سوما ما فرحان ياخ وما عرفته اسوى والناس زاته ما صبرت
اسوى شنو المهم هسي نفرح بي صاحبنا .
وبيني وبينك كلامك ده :-
Quote: علا البشوف هيلمانتك ديك يا يابا يقول حتهلمن لي حولك ده والجاي
والبعدو بس كمان كل شي في الحياة جائز .
انشاء الله تتباخت وتلقي مرادك شاحده ربي كل زول يلقي مرادو
|
والله كلامك عين الحقيقة وبقولو معاك كمان
Quote: انت زاتك تلقي مرادك يا سوفي انا
|
أميييييييين أمــــــــــــــــــــــــــين
| |
|
|
|
|
|
|
|
|
|
Re: دكين عشاء البايتات DKEENDKEEN الف الف مبروووووووك (Re: DKEEN)
|
يعني جنس شحتفة عليكم
على العموم انا اساسا يا دكين قلت ما عرس لانك ما ممكن ياخ تعرس تانية الفالنتاين
من غير عروس الهيلمانة دي ما تعبرك ولو بوردة,, ولو كان دة حصل بانصحك تعيد النظر في
الموضوع دة.
ومهما يكون الفرحك اكيد بفرحنا وربنا يتم ليك علي خير.
بس ما تكون بقيت مستشار خادم الحرمين
| |
|
|
|
|
|
|
|
|
|
Re: دكين عشاء البايتات DKEENDKEEN الف الف مبروووووووك (Re: Gafar Bashir)
|
ده كلام شنو يا جعفر بشير
وإسماعيل وراق وينو وحسن حسين الإبن والجد !!!!
نحن متابعين عشان نفهم تودرنا خاااالس ?
إنشاءالله تكون داخل بالغلط
دايرين نبارك لدكين العرس
أصلو مهددنى وخاتى عينو فى قبطبية
على كل حال حزرت بنات أهلى فى السعودية والخليج
هو أولاد عمومتنا الحلفاوين ما أدوهو
الله يخدر طريقو
سلام يا سفيان
| |
|
|
|
|
|
|
|
|
|
Re: دكين عشاء البايتات DKEENDKEEN الف الف مبروووووووك (Re: Sayed Bekab)
|
النابري، سفيان
كيفك يا صديق
نقول مبروك وبيت مال بس، لأنو العيال عند دكين مضمونة إلا هو براهو يابا
يا سفيان بعد تابعت كل مداخلات دكين -هنا- إتأكدت إنو عملها
_______
ربنا يعوض البورد بدكين آخر،
لأنه سيصاب قلمه بالخوف والتردد من الشريك الجديد
دكين مليون مبروك يا زول
نتمني ليك حياة زوجية ملؤها الحب والسعادة
| |
|
|
|
|
|
|
|
|
|
Re: دكين عشاء البايتات DKEENDKEEN الف الف مبروووووووك (Re: Adil Osman)
|
DKEEN
3 بوستات تهانى لحضرتك فى وش البورد ... خير؟؟؟
و احد بمناسبه عيدميلادك .. و انا بصراحه ما من انصار حكايه اعياد الميلاد دى
واحد تانى بمناسبه الفالنتاين ,,,, و انا برضوا بصراحه ما قاعده احتفل بالفلنتاين
و ده التالت ,,, و بما انو حتى الان ما معروف بمناسبه شنو (المرجح خطوبه او عرس) , انا ح ابارك ليك هنا
مبروك و الف مبروك ,, و ربنا يجعل ليك البركه فى موضوعك ده
(عدل بواسطة smart_ana2001 on 02-16-2007, 07:02 AM)
(عدل بواسطة smart_ana2001 on 02-16-2007, 07:44 AM)
| |
|
|
|
|
|
|
|
|
|
Re: دكين عشاء البايتات DKEENDKEEN الف الف مبروووووووك (Re: عبدالرحمن عزّاز)
|
| Quote: (اقضوا حوايجكم بالكتمان) |
سفيان ياخ ( قضاء الحاجة ) بيفتحوا ليهو بوست ؟؟؟
شابك الزول عشا البايتات و عشا الطيارات و شايل حسو !!!
ياخ قول ليهو : بركة الإتحليت بالسلامة , و خلاص .
معقولة 31 سنة كتمان يادكين ؟؟
زمننا ده كلو قايلنك بتحب البر و الـ ( الخروج إلى الخلاء ) ..
لمن إتحيرنا : خلا و كتّيم !!! .. شغل صحابة عديل ..
غايتو مبروك , عملاً للأجر سااااكت .
إلا زي البهلة دي بنقول فيها : الحمدلله الذي أذهب عنكم الأذى .. و عافاكم .
ملحوظة :
هيلمانة ؟؟ .. تشيّلنا المكنة نحنا ؟؟؟
| |
|
|
|
|
|
|
|
|
|
Re: دكين عشاء البايتات DKEENDKEEN الف الف مبروووووووك (Re: Emad Abdulla)
|
عمدة يا صاحب سلام
مشتاقين كتير
Quote: سفيان ياخ ( قضاء الحاجة ) بيفتحوا ليهو بوست ؟؟؟
شابك الزول عشا البايتات و عشا الطيارات و شايل حسو !!!
ياخ قول ليهو : بركة الإتحليت بالسلامة , و خلاص .
|
يا عمدة ياخي (الكتمان) ياهو السواهو دكين شغل الناس
بي (بت وهيلمانة) ومابعرف ايه وايه ده ومانشرناهو
الا بعض ما خلاص (قطع عرق وسيح دم) اهو تكتك تكتيك نضيف
بالمختصر كده يا صاحبي (كتم) الامور من (تنمبس ) والذين
علي (شاكلته) أها وريتك الكتمان مقصود بيهو منو كيف بلاي؟!!
يعني يا صاحب العصفورة فعلاً :-
Quote: هيلمانة ؟؟ .. تشيّلنا المكنة نحنا ؟؟؟
|
شيلتكم ليها شيل جد .
الله يبارك فيك وعقبالك برضو
| |
|
|
|
|
|
|
|
|
|
Re: دكين عشاء البايتات DKEENDKEEN الف الف مبروووووووك (Re: سفيان بشير نابرى)
|
تحياتي وسلامي للجميع ,,
جعفر بشير
سلام يا صاحبي والف الف مبروك
حسن حسين وسلامي لي نضال والف
حمداً علي سلامته .
ياجعفر ياخوي متين حسن حسين وصل؟؟
آآآ ده شنو البتسوي فيهو ده هاهاها
Quote: تحياتي اسماعيل وراق
وشكرا لتتهنئة الحارة
وحسن حسين (الإبن) مثل الجد
ورصيد لأهله ولكم |
هاهاها غايتو ياجعفر
نرحب باخونا ود وراق والله مشتاقين ليهو
وانشاء الله حسن حسين يكبر ويعرس كمان
Quote: دايرين نبارك لدكين العرس
أصلو مهددنى وخاتى عينو فى قبطبية
على كل حال حزرت بنات أهلى فى السعودية والخليج
هو أولاد عمومتنا الحلفاوين ما أدوهو
الله يخدر طريقو
سلام يا سفيان |
رأفت ميلاد مرحب ياحبيب
والله يبارك فيك عموماً (النوبه) دي التهديد ختاكم تب
بس دكين ده قطع شك رجل مزواج وطالما هددكم يبقي ما ح يخليكم
المهم انت كل (ساعة) والتانية بدون مناسبة جيب سيرتو بالخير
يمكن يختاكم ما معروف هو اصلاً (بيقيم) للمعروف اعتبار واعتبار
شديد كمان .
اها وريتك عشان تتخارج منو كتر عليهو المعروف بس المشكلة
(دماغو) ناشف لو حسه بانك بتعمل فيهو معروف ممكن يقول ليك
عايز (تلاته)
ياسر طيفور
يا زول يشهد الله اشوفك افرح
كيفك يا حنين ؟
Quote: النابري، سفيان
كيفك يا صديق
نقول مبروك وبيت مال بس، لأنو العيال عند دكين مضمونة إلا هو براهو يابا
يا سفيان بعد تابعت كل مداخلات دكين -هنا- إتأكدت إنو عملها
|
كل أنسان وارده يا صاحبي والناس السانهم طويل لما يردوها بيكونو لزيزين
والناس (بتورهم) عادي وهم (قابلين للاشتعال) في اصغر كلمة اها شفلك جنس
تدوير هسي يابا وين يا (يابا) هو لحدود هسي ما مصدق
ياياسر طيفور بختلف معاك في دي :-
Quote: ربنا يعوض البورد بدكين آخر،
لأنه سيصاب قلمه بالخوف والتردد من الشريك الجديد
|
من خلال متابعتي يا صاحبي للمتزوجين لسانهم وقلمهم بيفلت اشده مما قبل الزواج
لانو الحياة بقت فيها التجربة والتجربة يا صاحبي طالما طبيعية أها هم ما في شي
بيسكتهم ، بالواضح كده يعني تاني (الكورة) بتكون عالية خلاص وعادي ممكن يطرشقه
(دوووووووووو) . كدي فكري ووريني رايك في اختلافي معاك ده !
الله يبارك فيك وعقبالك كمان.
ملحوظة يا ياسر طيفور :-
والله كل ما اكتب اسمك ده بحس اني عايز اكتبو تحتو طوالي (يا صاحبي)
يا صاحبي.
سودانية 2000
الف مرحب حبابك يا صديقة Quote: نابري سلامات
مبروك ليك ولينا واحد ح يفقد جذوة الحياة
اها الصورة الوجيه دا ما يكون الوغد زاتووو
اكون اتمقلبت ساي ورفضتو
|
الله يبارك فيك يا سودانية وعقبالك كمان
اوعه تركزي مع الصورة يا سودانية واسالي
نفسك مش ممكن زول زي دكين ده وبي كتاباتو
المنشورة هنا ده ومعاركو دي يكون (خاتي)
صورة زول عسان لو قدر الله وحصلت مصيبة
يطلع منها زي (الشعرة من العجينة)؟!
وانتى ياستى اسمعيها مني زي ما غناها
القدال وعقد الجلاد (لا تندم علي خطواً تملي
مشيتو لي قدام) يعني خلاص الحصل حصل يا صاحبة
والندامة ما ح تفيد
ربنا يديك الفي نيتك والفي ضميرك
وتسلمي يا صديقة تسلمي.
| |
|
|
|
|
|
|
|
|
|
Re: دكين عشاء البايتات DKEENDKEEN الف الف مبروووووووك (Re: Adil Osman)
|
عادل عثمان
الرجل الهمام صاحبي من زمن البابونج
كيفك يا صديقي شوق كتير ومتابع مجهودك
ايوة في السودان صح كلام بس اسفيراً الافراح
عابقة والجو (بهجة ومسرة) وح تتواصل
وتضرب السراداق والخيام في فضاءات كتيرة
وعقبالك أو عقبال برضو لو ما حاصل يحصل
ولو حاصل وعندك نية برضو يحصل .
| |
|
|
|
|
|
|
|
|
|
Re: دكين عشاء البايتات DKEENDKEEN الف الف مبروووووووك (Re: Adil Osman)
|
عادل عثمان العزيز خالص
تعرف ياعدولة
اخيرا
متذكر زماااان
كان في لعبة كده اسمها كم في الخط..
يقول ليك : كم في الخط؟؟
تقول ليهو مثلا :14
يقول ليك : كضبا كاضب
تاني تقول ليهو 9 يقول ليك كضبا كاضب
تقول ليهو 1
يقوم يقول ليك فجاة شد واركب
تقوم تقبض اقرب زول وتنط في ضهرو...
اها ياحبيب اخيرا اخوك لقى الرقم الصاح
بعد ده مفترض اعمل شنووووووووووو..
الله يباركفيك ياعدل ونردها ليك في السمح ..
وانتا زول مابتحب إلا السمح
| |
|
|
|
|
|
|
|
|
|
Re: دكين عشاء البايتات DKEENDKEEN الف الف مبروووووووك (Re: سفيان بشير نابرى)
|
ياتامبا
| Quote: بعدين سالتو سؤال عرضي كده .. يادكين المسالة دي مش مفترض تعمل ليها حاجة هنا في الرياض .. قال لي .. لالاياخ عملوها في السودان وخلصت خلاص .. |
بس اساسي ده منو القال ليهو؟؟
| Quote: كان بتتكلم عن الفنله البنية ولياقته بيضاء ومقاس (M) بتاعت أمس دي ماركة عالمية فعلا .. |
انا من ما شفتها قلته كده
ايه ده بقى ياحبيب من بندة العزيزية..
يعني بي تمن طماطماية
لكن ياحبة الجد جد
اخوك عبر خلاص..
عقبالك انتا وصاحب بيت الثعلب
| |
|
|
|
|
|
|
|
|
|
Re: دكين عشاء البايتات DKEENDKEEN الف الف مبروووووووك (Re: سفيان بشير نابرى)
|
اها جيناك يا عماد عبد الله
الفلاليح يا عمدة
فلاليح دنقلا
احلى منهم الله ماخلق
واطيب منهم ترمي البحر...
مزيونة وبيضاء..
لكنتها اللكنة حقتم ديك..
لاقيتها في البنطون السنة الفاتت..
اعاين ليها وتعاين في البحر
قتا ليها البحر ده حقك ولاشنو؟؟
قات لي بي لكنة الفلاليح دي:
انتا مين ؟؟
تاني يوم كنتا في (اقجة) قدام بيتم
واااااااااااي ياعمدة من فلاليح دنقلا
واااااااااااااي يا عمدة من البحر البقى من اليوم داك حقهم..
ديل من شفافيتهم قالو الاسد الجابو ناس حديقة حيوان دنقلا كان مخوفهم شديد..
طبعا الاسد في الشمالية مافي زول شافو قبل كده إلا قبل سبعة الف سنة..
والفلاليح الوكت داك لسع كانو في البوسنة وكرواتيا
اها الاسد ده يوميا عندو زئير كده بهز ليك نص دنقلا دي..
ابو البت راجل لذيذ جدا
مرة قال لي بي لهجتم البتجنن ديك: الاسد ده كان حيجننا ..
وكل يوم بلذولو حمار من حمير الكارو الماعندها تصديق يا عبدلعزيز..
يقبضو الكاروهات الماعندها تصديق ويشيلوالحمار على القفص دغري..
الحمار هو حي العسكري بلزو جوه القفص..
يبول ويكورك ويفرفر ويهنك والعسكري بتاع حرس الصيد مايهمو ..
والاسد مبسوط بتفرج..
والحمار ببكي بي دموعو الاسد يديلو كف..
يوديهو اخر القفص..
كل يوم حمار ياعبدلعزيز..
الحمير في دنقلا اتعدمت في قفص الاسد..
بعديها بي ستة شهور مات الاسد بعد وجبة خروف مسمم بي عناية..
تم اتهام الفلاليح في ونسات الصوالين وكلام الناس..
بس مافي زول بقدر يثبت فيهم شي..
اهو في النهاية مجرد اسد وديل نبض دنقلا وحياتها وحياتي..
فرح الفلاليح ايما فرح بموت الاسد ..
فرحت لفرحهم فانا احبهم..
واستغليت الفرحة دي ومشيت ليهم البيت عصر ذلك اليوم ..
ماحكوها معاي كتير..
الان انا استطيع ان اقول لي نفسي بي كل جدارة
مبروك يا دكين..
عمدة
طيارات شنو ياحبيب
نحنا خلاص حجينا..
| |
|
|
|
|
|
|
|
|
|
Re: دكين عشاء البايتات DKEENDKEEN الف الف مبروووووووك (Re: محمد البشرى الخضر)
|
سلام يا محمد البشري
Quote: كدا ممكن أقول 1000 مبروك
بي مزاج وقلب قوي
ربنا يهنيكم و يتم على خير
و ما عقبالنا
أتاريك المرة دي ما إنفعلت في ضحكة و ليد
باقي ليك في راي |
شفته يامحمد اهو الموضوع ببساطة واضح
وماعيز تريث ونصائح لكن يا صديقي نحنا
شعب ادمن التمسك بالعقل والتريث اكتر
من انو الحاجة دي أساسه يكون موجود
(محمد البشري كلامي ده اخدو كده ببساطتو
دي اوعه تسرح بيهو بعيد ياخ تقوم تفهمني غلط)
وبرضو يامحمد عقبالك مدام سوداني الجوة وجداني
تحياتي وتقديري
| |
|
|
|
|
|
|
|
|
|
Re: دكين عشاء البايتات DKEENDKEEN الف الف مبروووووووك (Re: الطاهر ساتي)
|
الطاهر ساتي
سلام وتحية
| Quote: شايف كل مداخلة تهنئ ليلاها |
يا الطاهر غايتو الناس ديل (ليلاتهم) بقطعوها
قطع اخضر وهم العايزين يسوقونا عليها
اها قريبك ده (ختر) منهم غادي ودربو انفرز
انت ما تتجهجك جمبك السلك شدو وقول (الو)
إن قلبك ما اطمن ، الا اعمل حسابك من لسانو
لانو اصلاً ما ح يرحمك .
الله يبارك فيك يا الطاهر
وعقبالنا .
| |
|
|
|
|
|
|
|
|
|
Re: دكين عشاء البايتات DKEENDKEEN الف الف مبروووووووك (Re: سفيان بشير نابرى)
|
0
الجماعة الحلويييين كلهم....
تحيات وسلام من...ابتسامات دكين
دكين دا لا عرس ولا خطب...ولا نجح فى امتحان
لكن فتح ليه محل يعنى دكان او بوابة لبيع العطور المركبة..والكريمات الحريمية
فيها كريم فاتكا وكريم الدخان.الفلنتاين السودانى...العنوان ( ايتسامات دكين)محل رقم 630
تلفون....3660011 مركز جمال..البطحاء جوار فندق العروبة ..الرياض...
للزوار والزائن المحترمين...الرجاء زيارتنا..او الاتصال لحجز الكمية التوصيل مستقبلا مجانا ...
وشكرا لاخونا سفيان على الدعاية الاعلانية
وحقوق الدفع محفوظة لسودانيز اوت لاين
| |
|
|
|
|
|
|
|
|
|
Re: دكين عشاء البايتات DKEENDKEEN الف الف مبروووووووك (Re: حمد فتح الرحمن)
|
حمد ياحمد
مشتاقين والله
ربنا يخليك وخالتي انيسة
ياحمد ياخ لا مركب ستلايت
لا مكنة اويرلس كل القصة
دكين من زمان زول شدايد
ولما يبقي علي الجد جد
بطنو غريقة اها هو هسي
لما جي يطمن خته شروطه
وزبط التعهدات زي السم
يعني لو انا كان لحقته
بصصته زول والا قلته ام
بغيم كان لسان الزول ده
خليهو ساي وانت عارف انو
ما بيرحم ووغد واي حاجة
عادي ممكن يكشحه ويمشي .
يا حمد عقبالك والله وعقبالي كمان
| |
|
|
|
|
|
|
|
|
|
Re: دكين عشاء البايتات DKEENDKEEN الف الف مبروووووووك (Re: سفيان بشير نابرى)
|
| Quote: تلفون....3660011 مركز جمال..البطحاء جوار فندق العروبة ..الرياض... |
يخوانا انا امس اتعرضتا لي هزة مالية عايدة..
قمتا شلتا لي حاجات من البيت ومشيت ببيع فيها في البطحاء على السابلة ..
ابو قتة زررني وان بفاصيل في سعودي..
ابقوتة
السترة والفضيحة متباريات يا ولدي..
عايز تزلني بيها
اهو كتلنا ليك الدش في يدك..
وكراع البقر بتجيبك البطحا دي
| |
|
|
|
|
|
|
| |
سفيان بشير نابرى
ناصر البطل
فيصل نوبي
ملكة سبأ
fadlabi
رشا سالم
محمد البشرى الخضر
Salah Waspa
Soumeta
tmbis
ماجدة عوض خوجلى
عمران حسن صالح
Sayed Bekab
رأفت ميلاد
Yassir Tayfour
Adil Osman
smart_ana2001
عبدالرحمن عزّاز
Emad Abdulla
علاء الدين حيموره
مهيرة
Gaafar Ismail
الطاهر ساتي
abuguta
حمد فتح الرحمن
waleed500
فيس بوك
تويتر
انستقرام
يوتيوب
بنتيريست