دكين .. معا من اجل وطن خالي من التركين .....

Quote: اخوك امبارح بالليل ضارب قراصيص تركين لمن ابليس خجل منها . لما شكيت انو الريحة وصلتكم هناك .

Quote: ملحوظة: بالمناسبة انا لسع ما قبضتا .انتا قبضتا؟؟

Quote: لا تستهتر بموروثاتنا ومنتوجات بيئتنا لو سمحت.. التركين ده انحنا لحم كتافنا من خيرو..

دكين التركين

ليك على اول زيارة ليك السودان فى اول لقاء بوردرابى
حلة بتاعت تركين ومعاها قراريصة وشطتته الخدره وبصله الابيض بدل الروتين البجيبوهو طواااااالى دة ماعارفه العاجبم فيهو شنو




بس لو طفشو وخلو الجلسة ماعلى

والله يكضب الشينه

(عدل بواسطة نجود حسن عبد الرحمن on 12-21-2005, 09:37 AM)

Quote: بس لو طفشو وخلو الجلسة ماعلى

Quote: بس انا مستغرب انتي زولة من الجزيرة شن عرفك بالتركين؟؟

Quote: وارق ناس

Quote: انتي لاقيتي معتصم دفع الله ولا شنو؟؟؟

Quote: بس لو طفشو وخلو الجلسة ماعلى والله يكضب الشينه

Quote: ولا تركينا ولا حتى ......قضيما

Quote: ود الباوقة قلت لي الريحة ساكت كانت حترميك واااااااطة طيب كان اكلتها كان حيحصل ليك شنو؟

Quote: انتو بتقبضو ايه من ورانا

Quote: ياود الباوقة ؟؟ أنتو بتقبضوا من الشباك الوراني والا عينك ياتاجر

Quote: بينكم وبين مصانع التاركين محطات قليله كيف ريحته كانت سوف توديكم الواطه

Quote: التركين ده اكلتنا المفضلة وهي اكلة حماشية وبتحب اللمة

Quote: سلام ود الباوقه انا التركين ما حصل لي معاهو الشرف لكن اخواني النوبيين خلونا نبلع ريقنا غايتو.. و العرب العاربه دي خليها تغمر... حا تغمر اكتر من كدي تمشي وين ?

Quote: العزيز ود الباوقه كابيده تركين ياولدى * * * اى ديس اى دفسى يا سندى ود الموج ترجم او استعين بغير الناطقين بها

Quote: عاش التركين وعاشت لياليه وايامه

Quote: دكين عمرو ما خدمني في حاجه من ما عرفتو.. فياريت الخميس الجاي وأنت جاي تجيب لي معاك من ( البمبان ) ده ختو في برطمانية مربى حلواني أخوان بتاعت مشمش .. واقفله كويس وأعمل حسابك في التفتيش ما يقوموا يعتبروهوا اسلحة ( بيولوجية )..

Quote: ود الباوقة بعد ما تجرب الحاجة دي و تقتنع بيها ممكن اخليك مدير التسويق .

Quote: اصبحوا يتجمعوا وحنعمل حرب اهليه لاننا

Quote: بالغت لكين يا حمودي ، وين قراريص التركين ، يعني ما عارف الليلة عيد ميلادي و لا شنو ؟ ليه ما غشيت البيت النوبي و جبت لينا تركين عيد الميلاد معاك

Quote: ناوى المبيت فى بوستكم..

Quote: اتذكر بوافر صبري وسلواني العزيزة هندوية لامن جابت لي من البيت السوري عقب اذان مغرب ونحن جلوس في السيغما حلويات عمري مافكرت فيها وقات لي عيد ميلاد مجيد يا عزيز .. وانا الاهبل كنتا قبل هند لا احفل لا بيومي ولا بأمسي..

Quote: بسمع بيهو التركين والله

Quote: التركين ما هو إلا smoked fish

(عدل بواسطة DKEEN on 12-21-2005, 03:18 PM)

Quote: استيائك من تركيننا أصابني في مقتل يا رئيس!

Quote: يادكتور حمد .. دكين عمرو ما خدمني في حاجه من ما عرفتو..

ود الباوقة ( أبو النسب )
و المتداخلات و المتداخلين

أولا يا أبو النسب في شيلة البنية الفنجرية ( وهلة ) سوف تكون هناك صفيحتان من التركين وارد الشمالية ..

و لعلمك التركين هو الطعام الوحيد في العالم الذي لا ( تاريخ إنتهاء صلاحية له ) ..
فعندما يضعونه في الصفيحة .. تنتهي الصفيحة بعد أن يأكلها الصدأ .. و يبقى التركين و هو يمد لسانه للصدأ و عوامل التعرية و النحت و كل الظروف البيئية و الجغرافية ..

هذا في شأن التركين مع العوامل ..

أما شأنه في صحة بني البشر فحدث و لا حرج ..

فهو يفوق الفياغرا .. لأن صحن تركين بقراصة 3 بوصة بها من المحفزات ما يعادل قوة محركات 3 تراكتورات ماركة ماسي فيرجسون ..

و هو مثبط أميني ( دي كلمة لطشتها من دكتور قريبنا ) .. و المثبط هذا يجعل الذي يأكل التركين ينام و هو مفنجل عويناتو و فاتح خشمو و مدلدل لسانو من فعل الشطة و كتمة البهارات ..
و التركين عموماً كالماء المهدرج الذي يستعمل في مفاعلات كوريا الشمالية و طهران .. لأنه يصبح سائلا دون ماء .. و تذوب فيه كل كميات السمك التي تستعمل في صنعه بفعل كتمة ( الأزيار ) التي يصنعونها بها ..

أما رائحته المشمومة فهي تدخل في باب ( من أكل تركينا فلا يقربن المسجد جمعتين.. و لا يهمسنّ في أذن إمرأته فقد تنخرم طبلة أذنها ) لأن رائحة التركين لها فعل الأسيد ..

أما رائحته التي ترقد في راحة اليد ليومين متتاليين .. فقد قال أحد المصريين : أنتو بتاكلو دة ؟ دة أنتو عليكو غسل جنابة ..

أما الفلاتي فقد قال بعد أكل التركين و لعق أصابعة العشرين ( العشرة مرتين ) : : هلو لاكين أفن : ( حلو لاكين عفن ) .. و هو معذور .. فالتركين ينطبق عليه المثل : ما بريدك و ما بحمل بلاك ...
فإدمانه إدمان غتيت .. و نعمل الآن لفتح مصحة لعلاج إكيلة التركين يكون مقرها الرئيسي في الكلاكلة صنقعت و سيكون رئيسها الفخري ( ود عبدالنبي ) الذي كان أيام إدمانه يشرب التركين قبل أن تنضج القراصة .. من كترة شفقته ..

قلت ذات بوست قديم .. أنني أخذت تركينا معي إلى جنيف بناءا على طلب زوجة السفير الحبيب ( عبدالمجيد على حسن ) و في مطار جنيف .. تم إيقافي لعدة ساعات .. و أتوا بكلب بوليسي و رجال المعامل الجنائية حتى تأكدوا بعد تعب أنه من مكونات السمك .. و لكنهم إستغربوا كيف تحول ذلك السمك ذو اللون الجميل إلى هذا اللون الفيراني الكئيب..

رغم كل هذا .. فشهادتي مجروحة في التركين .. فشهادتي تبدو سلبية .. حيث أنني مدمن حتى النخاع لهذه الأكلة التي يجب أن تدخل كتاب موسوعة (غينيس ) ضمن الأكلات التي لا إنتهاء لصلاحيتها .. و تنافس في ذلك محليا ( الكول و المرس ) .. و دولياً تنافس أكلة لا أذكر إسمها أكلتها في جزيرة إسمها ( هراكيولس ) بالقرب من اليونان .. مخزونة في برمة فخار عبارة عن أعشاب و مخلوقات بحرية.. و عندما يفتحوا البرمة عيونك تحوص و يجيك أبوالشهيق.

ود الباوقة .. شيل شيلتك.

(عدل بواسطة ابو جهينة on 12-22-2005, 01:39 AM)

Quote: أولا يا أبو النسب في شيلة البنية الفنجرية ( وهلة ) سوف تكون هناك صفيحتان من التركين وارد الشمالية ..

Quote: ليتك تعلم يا ود الباوقة ما هو التركين! ما كنت قرنته سجعا بدكين عشا البايتات! التركين صحن محنة مطبوخ ببهارات المودة يقدم ساخنا مع قراصة معجونة بالحفاوة قلبت مرتين لا ثالث لهما على صاج أحر من وجنتي فتاة خجول، وبعد التمام، تقطر عليه ليمونتين فقط ولسعة من شطة حمرا، ولا ضير من بصل ابيض ممزوج بالملح والليمون شرط أن يخلط في الصينية ساعة الأكل للتأكد من أنه fresh... وبعد ده تقولي لي دكين وجركانة بنية وتجرد التركين من معانيه السامية؟ التركين ما هو إلا smoked fish عبأ تواضعا منه في جراكين ...

Quote: ود الباوقة شفت السيمفونية الفوق دى ؟ أكيد بعد ده حتفكر تفطر معانا تركين لكن بعد تقديم إعتذار كامل لحبيبى التركين

Quote: وكما قال صديقي ( فيصل طه ) عن الوكياب أود أن أضيف :- ( من الباوقة مروراً بالزيداب والعالياب وصولا إلى ود سلفاب وطن خالي من الوكياب )