|
|
 Re: إدارة سد مروي علي حافة الافلاس.....!!! (Re: Abuelgassim Gor)
|
اخونا ابو القاسم
التحيه
وشكرا للمرور والمساهمه...!
Quote: عسكورى
أنا سألت قالوا كلامك كضب
ألله يكذب الشينه
ياخى السد دا فيه فايده كبيره لأهلنا ناس الشمالية
الناس المساكين وساكتين
ربما كانت هناك أخطاء فنية
لكن نحن عاوزين نشوف الشمالييين عندهم سدود
وخاجات وشنوه شنوه .. |
ناخد كلامك ( حته ... حته).اولا تقول ..
طبعا ده حقك الطبيعي إنك تسال وتثتوثق.... في هذه الحاله هنالك احتمالين لا ثالث لهما:
الاحتمال الاول : إنك سالت ادارة السد.
الاحتمال الثاني: انك سالت جهه غير ادارة السد ( أيا كانت) في هذه الحاله ربما تكون هذه الجهه محايده تماما أو غير ذلك ( بمعني لها علاقه بصوره او باخري مع ادارة السد) وما اكثر مثل هذه الجهات.
ناخد الاحتمال الاول : ( إدارة السد):
ناس ادارة السد طبعا ردهم علي ( كل) ما نكتب معروف ن بقول ليك ( ده واحد كذاب معرص بتاع جان برونك ولو لا جوازه البريطاني زمان كان اديناه طلقه في راسه).. هم طبعا قاعدين يقولوا عننا احط بكثير من هذا ( كله معروف.. لكن عشان ما نخدش الحياء والذوق العام هنا بنكتفي بهذه فقط)...
في نقطة ( سالت) نفسها... ما وريتنا سؤالك كان شنو... او سالت عن شنو...! هل الموضوع الفوق ده كله ( كذب) من اوله لاخره.. ام هنالك نقاط محدده فيه ! موضوعي الفوق ده فيه نقاط كثره جدا متداخله مع بعض... هل كلها كذب من اساسها.
في نقطة ( سالت) تاني... ما وريتنا دوافعك للسؤال عما نكتب! واجد نفسي مضطرا لمطالبتك بتعريفنا بنفسك... لانك رميتني بالكذب.... بناء علي سؤالك لجهات لم تسمها عن مصداقية ما اكتب! وان كنت رجل حريص علي مصداقيتك ... فاشرح للاعضاء هنا ما هي دوافعك للسؤال! طبعا ممكن تكون باحث عن الحقيقه المجرده... ده مكن... لكن الاحكام التي بنيتها وبسرعه فائقه لا تشير الي انك تبحث عن الحقيقه. لانه واضح جدا مما اوردته من نقاط انه لديك موقف مسبق من المشروع لانك اصدرت احكام بدون حيثيات (سنذكرها لاحقا)
نجي للنقطه التانيه:
(قالوا)! طبعا انا ( القواله) ما قاعد اشتغل بيها... وهذه جهه كما اشرنا ( مجهوله).... وللمصداقيه سمها باسمها لمصلحة الاعضاء والزوار... اما ان تقول ( قالوا) فهذا حديث لا قيمة له.... طبعا في الحياة عامة ممكن اي زول يقول اي كلام... ولكن الانسان الجادي لنفي ما نكتب هنا... عليه ان يحدد مصادره... لان ما نكتبه هنا حديث جاد وخطير ويهم مستقبل مئات الالاف في السودان ... لذلك حكاية ( قالوا) ما بتنفع.... النفي هنا بحتاج لارقام ووثائق ومستندات ... مش ( قواله)...
لكن خلينا نجي لحكاية ( الكضب)...
اولا اشكرك علي إرجاع ( التكذيب) لما اكتب لجهه اخري ( مجهوله) ووإبعاده عن نفسك... بالرغم من تاييدك الواضح لماقالته تلك الجهه المجهوله... ولا ادري لماذا تذكرت ذلك المحامي الشهير في محاكمة ( شاهد ما شافش حاجه) ( والدليل آلولو....!) والان انت ياسيد تريد ان ( تستكذبنا) بـ (آلولو)... تري من يصدق (آلولو)..
ناتي علي حكاية ( كضب)... خاصة وانت كما أعلنت ( قاعد تسال... ومهتم)..
طيب.... وطالما انت مهتم وبتسأل.. انا عايزك تتاكد لي من حاجه واحده... عشان ( خليك من كضبي انا) نعرف منو في ناس السد الكضاب. مثلا مدير السد ومسؤل التوطين يقولوا عدد المتاثرين بالخزان يتراوح بين 50 الي 55 الف... في نفس الوقت المدير المالي للسد ( معتز موسي... والمهندس المقيم للمشروع د. احمد الطيب ومعاهم مدير شركه لاهماير ايوقن فيلر) مقرين انه عدد المتأثرين هو 70 الف....) يعني الفرق ( بالميت) اكثر من 15 الف شخص... كده اعرف لينا ( الكضاب) في المجموعتين ديل منو...! ايضا مدير السد اعلن عشرات المرات إنه كهرباء السد ستدخل الشبكه في يوليو 2007 الامر الذي لن يحدث... طبعا اتاخر سنه...( من راي انه سيتاخر اكثر من ذلك كتير كتير...)ما شفناك قلت إنه كذب...
لكن الفضيحه الكبيره المنشوره علي العالم في موقع السد... ما شايفك ذكرتها... كده ( الفق لينا الارقام الكاتباها ادارة السد ديه في موقعها.... ديل مش بكذبوا ... ديل بغلطوا حتي في ابسط عمليات الجمع... كده عاين للارقام ديه ورينا رايك
Quote: حكومة جمهورية الصين الشعبية
القرض الأول: 400 مليون دولار
القرض الثاني: 65 مليون دولار
القرض الثالث: 54 مليون دولار
إجمالي مبلغ التمويل: 460 مليون دولار
تاريخ توقيع الاتفاقيات الثلاثة: 23/12/2003م. |
كده اجمع الارقام ديه وقارنها مع جمعهم وبعدين اشرح لينا التسعه وخمسين مليون راحت وين...! في زول بغلط في تسعه وخمسين مليون... ولمان نقول إنه ادارة السد كادرها غير مؤهل ما بنقول الكلام ده ساهي...بنقوله لانه بتلاقينا غلطات قدر ديه... بغلطوا في ابسط عمليات الجمع والطرح... والاخطاء هنا كما تلاحظ بعشرات الملايين من الدولارات.... كلها علي حساب الشعب السوداني.... وطالما انت قاعد تسال.. اسالهم لينا ال 59 مليون دولار مشت وين...!
بتقول ايضا ( ياخي السد ده فيه فوائد كبيره لاهلنا ناس الشماليه)... وانت عرفت كيف انه فيه فوائد... هل إطلعت علي دراساته... ولا ده حكم من عندياتك ساكت...! اذا كان اطلعت علي دراساته اشرح لينا فوائده الوارده في الدراسات... ويكون جيد لو نقلتها لينا هنا لانه ادارة السد رافضه تماما اطلاع اي شخص من المتاثرين عليها... بالرغم من انه ده من ابسط حقوقنا....
الامر الثاني بتقول...( ناس الشماليه)... هم المتاثرين ديل مش من ناس الشماليه... ! ولا ناس الشماليه ديل ناس تانيين! وعلي (افتراض) إنه المـتاثرين من ناس الشماليه... طيب ادارة السد بتكتل فيهم وتسجن فيهم ليه... مش المنطق بقول انه لو في ( فوائد) يدوهم منها حتي لو القليل... او اقلاها ما يقتلوهم ويسجنوهم... هنا برضه ما شايفك وقعت للمطالبه باطلاق سراح قيادات المناصير المعتقلين بدون سبب. نحن كمتاثرين الفوائد الشفناها الي الان من هذا السد هي الاعتقال والقتل والتشريد الي الصحاري...! لكن برضو ماشي... كده ورينا(ناس الشماليه القاصدهم انت في خيالك) حا يستفيدوا من السد بشنو...المتاثرين ديل اصلوا...هم ( ما مقطوعين واولاد حرام)... جو قعدوا لي (ناس الشماليه اسياد البلد) في المحله العايزين يبنوا فيها سد... عشان كده التخلص مهم بكل السبل مشروع... المتاثرين يستاهلوا هو البقعدهم في المحله ديه شنو....!
بتقول إنك عايز تشوف الشماليين عندهم سدود... انت القاليك منو ناس الشماليه عايزين سدود.... ولا هو التفكير الوصائي.... هسي انت سالت (ناس الشماليه) هل عايزين سدود ام لا.... يا اخي يمكن ( ناس الشماليه) عايزين يقعدوا كده... ! يمكن يكونوا مبسوطين جدا الان... لانه علي الاقل احسن ليهم من تدمير المجتمعات والتشريد الي الصحاري...الحكاية ديه انت مضايقاك في شنو...! إنت ليه عايز تغرقهم وتشردهم....
اخيرا وطالما انت بتسال... كده بالمره اسال لينا... عن مدير السد مؤهله الاساسي شنو! الصحفي محمد طه رحمه الله... قال الراجل ما عنده المؤهل الاساسي...( ما كمل كلية الهندسه)... ممكن تسال برضه من الحكايه ديه معاك بالمره...
بجيك راجع لحكاية الاخطاء الفنيه...
|
|
 
|
|
|
|
|
| العنوان |
الكاتب |
Date |
 إدارة سد مروي علي حافة الافلاس.....!!! | Asskouri | 04-28-07, 06:42 PM |
| Re: إدارة سد مروي علي حافة الافلاس.....!!! | Asskouri | 04-28-07, 07:16 PM |
| Re: إدارة سد مروي علي حافة الافلاس.....!!! | Asskouri | 04-28-07, 09:16 PM |
| Re: إدارة سد مروي علي حافة الافلاس.....!!! | Asskouri | 04-29-07, 01:00 AM |
| Re: إدارة سد مروي علي حافة الافلاس.....!!! | Asskouri | 04-29-07, 08:59 AM |
| Re: إدارة سد مروي علي حافة الافلاس.....!!! | Asskouri | 04-29-07, 06:52 PM |
| Re: إدارة سد مروي علي حافة الافلاس.....!!! | النذير حجازي | 04-29-07, 07:39 PM |
| Re: إدارة سد مروي علي حافة الافلاس.....!!! | Asskouri | 04-29-07, 11:46 PM |
| Re: إدارة سد مروي علي حافة الافلاس.....!!! | Abuelgassim Gor | 04-29-07, 08:12 PM |
| Re: إدارة سد مروي علي حافة الافلاس.....!!! | Asskouri | 04-30-07, 09:44 AM |
| Re: إدارة سد مروي علي حافة الافلاس.....!!! | Asskouri | 04-30-07, 10:36 AM |
| Re: إدارة سد مروي علي حافة الافلاس.....!!! | Asskouri | 04-30-07, 12:00 PM |
| Re: إدارة سد مروي علي حافة الافلاس.....!!! | Asskouri | 04-30-07, 04:35 PM |
| Re: إدارة سد مروي علي حافة الافلاس.....!!! | Abuelgassim Gor | 04-30-07, 06:45 PM |
| Re: إدارة سد مروي علي حافة الافلاس.....!!! | Asskouri | 04-30-07, 10:01 PM |
| Re: إدارة سد مروي علي حافة الافلاس.....!!! | Abuelgassim Gor | 05-01-07, 06:59 AM |
| Re: إدارة سد مروي علي حافة الافلاس.....!!! | Asskouri | 05-01-07, 10:40 AM |
| Re: إدارة سد مروي علي حافة الافلاس.....!!! | Asskouri | 05-01-07, 02:56 PM |
| Re: إدارة سد مروي علي حافة الافلاس.....!!! | Asskouri | 05-01-07, 10:50 PM |
| Re: إدارة سد مروي علي حافة الافلاس.....!!! | Asskouri | 05-02-07, 09:14 AM |
| Re: إدارة سد مروي علي حافة الافلاس.....!!! | النذير حجازي | 05-02-07, 03:51 PM |
| Re: إدارة سد مروي علي حافة الافلاس.....!!! | Asskouri | 05-02-07, 07:27 PM |
| Re: إدارة سد مروي علي حافة الافلاس.....!!! | Asskouri | 05-03-07, 09:30 AM |
| Re: إدارة سد مروي علي حافة الافلاس.....!!! | Asskouri | 05-03-07, 11:16 AM |
| Re: إدارة سد مروي علي حافة الافلاس.....!!! | Abuelgassim Gor | 05-03-07, 01:16 PM |
| Re: إدارة سد مروي علي حافة الافلاس.....!!! | النذير حجازي | 05-04-07, 10:22 AM |
| Re: إدارة سد مروي علي حافة الافلاس.....!!! | Asskouri | 05-04-07, 12:14 PM |
| Re: إدارة سد مروي علي حافة الافلاس.....!!! | Asskouri | 05-04-07, 12:17 PM |
| Re: إدارة سد مروي علي حافة الافلاس.....!!! | Asskouri | 05-04-07, 11:39 PM |
| Re: إدارة سد مروي علي حافة الافلاس.....!!! | Asskouri | 05-05-07, 11:08 PM |
| Re: إدارة سد مروي علي حافة الافلاس.....!!! | Asskouri | 05-06-07, 09:39 AM |
| Re: إدارة سد مروي علي حافة الافلاس.....!!! | Asskouri | 05-06-07, 10:01 AM |
| Re: إدارة سد مروي علي حافة الافلاس.....!!! | رأفت حسن عباس | 05-06-07, 10:04 AM |
| Re: إدارة سد مروي علي حافة الافلاس.....!!! | Asskouri | 05-06-07, 12:20 PM |
| Re: إدارة سد مروي علي حافة الافلاس.....!!! | Asskouri | 05-06-07, 08:57 PM |
| Re: إدارة سد مروي علي حافة الافلاس.....!!! | Asskouri | 05-07-07, 10:58 AM |
| Re: إدارة سد مروي علي حافة الافلاس.....!!! | Asskouri | 05-07-07, 07:47 PM |
| Re: إدارة سد مروي علي حافة الافلاس.....!!! | Asskouri | 05-08-07, 09:34 AM |
| Re: إدارة سد مروي علي حافة الافلاس.....!!! | Asskouri | 05-08-07, 07:33 PM |
| Re: إدارة سد مروي علي حافة الافلاس.....!!! | Mustafa Mahmoud | 05-08-07, 08:12 PM |
| Re: إدارة سد مروي علي حافة الافلاس.....!!! | Asskouri | 05-11-07, 12:27 PM |
| Re: إدارة سد مروي علي حافة الافلاس.....!!! | النذير حجازي | 05-11-07, 07:52 PM |
| Re: إدارة سد مروي علي حافة الافلاس.....!!! | Asskouri | 05-15-07, 05:29 PM |
| Re: إدارة سد مروي علي حافة الافلاس.....!!! | Asskouri | 05-15-07, 06:03 PM |
| Re: إدارة سد مروي علي حافة الافلاس.....!!! | Asskouri | 05-15-07, 06:33 PM |
| Re: إدارة سد مروي علي حافة الافلاس.....!!! | Nazar Yousif | 05-15-07, 06:38 PM |
| Re: إدارة سد مروي علي حافة الافلاس.....!!! | Nazar Yousif | 05-16-07, 10:52 AM |
| Re: إدارة سد مروي علي حافة الافلاس.....!!! | Asskouri | 05-16-07, 01:30 PM |
| Re: إدارة سد مروي علي حافة الافلاس.....!!! | Asskouri | 05-18-07, 03:54 PM |
| Re: إدارة سد مروي علي حافة الافلاس.....!!! | Asskouri | 05-18-07, 04:13 PM |
| Re: إدارة سد مروي علي حافة الافلاس.....!!! | Asskouri | 05-23-07, 09:30 AM |
| Re: إدارة سد مروي علي حافة الافلاس.....!!! | حسن بركية | 05-23-07, 05:07 PM |
| Re: إدارة سد مروي علي حافة الافلاس.....!!! | Asskouri | 05-26-07, 06:02 PM |
| Re: إدارة سد مروي علي حافة الافلاس.....!!! | Asskouri | 06-03-07, 02:05 PM |
|
| |
Asskouri
فيس بوك
تويتر
انستقرام
يوتيوب
بنتيريست