|
Re: مدنية الصحافة ... وكما نحبها (Re: غباشي)
|
أولا ... مبروك الصفحة الثالثة من المجلد الثاني للصحافة ,
فنحن إذن ... نتقدم ونحرز النجاح تلو الآخر , ولو أسرعنا الخطى قليلا فسوف نحصد الأجمل ولا شك , فشدوا حيلكم يا شباب شوية .
بالنسبة للمباريات , حضرت الشوط الثاني من مباراة الهلال , ولم أوفق فى مشاهدة مباراة المريخ ... النتائج أضحت معلومة, ... أنبسط لفوز الهلال بمقدار إحساسي { القومي } وأفرح لتعادل المريخ بمقدار إنتمائي له وإعتقادي فيه ... أخوكم مريخابي قطع .
... لكن أحترم الهلال ... بإعتباره المعادل الموضوعي للآخر عندي .
مع مودتي
| |
|
|
|
|
|
|
Re: مدنية الصحافة ... وكما نحبها (Re: omer abdelsalam)
|
Quote: عبدالدائم ..اكتشاف جديد ..بعد جيرتك لينا في الصحافة الجميلة ..اكتشفت انك زميل دراسة في مدرسة المقرن الثانوية |
Quote: عمك عمر من دفعة اواخر السبعينات ومن المؤسسين للأول فريق كرة قدم |
يا خال ... عبد الدائم ده شكلو كان مع ناس الكورال و الجمعيات الأدبية ما شايف جنو وجن التراب و الكتيح ..... و رومانسي حالم
| |
|
|
|
|
|
|
Re: مدنية الصحافة ... وكما نحبها (Re: غباشي)
|
الاخوة الاعزاء
نعم امس فاز الهلال وتعادل المريخ ولكن ارجع لفوز الهلال
بالرغم من انتمائى للقلعة الهلالية الا ان الهلال لم يقدم
المستوى المطلوب واذا لعب الهلال بهذا المستوي سوف ينهزم
من اسيك ابيدجان فى ساحل العاج .
اما المريخ
فكانت مباراته عك فى عك ودفاع مفتوح نعم تعادل المريخ
مع الاسماعيلي وهذا انتصار فالنقطة غالية
لعل الاسباب وراء تراجع اداء المريخ والهلال فى الفترة الاخيرة
يرجع الى الاعلام واصحاب الاقلام المدمرة للرياضة فى السودان
فيتم شحن اللاعب السودانى اعلاميا فكيف يكون اداءه فى المباراه ؟؟
و المستور فى منتخبا القومي الذى سيلعب امام الكبار فى غانا
الله يستر ؟؟؟
حجر
| |
|
|
|
|
|
|
Re: مدنية الصحافة ... وكما نحبها (Re: عيدروس حجر)
|
أولا قبل أي شي ...... شكرا للهلال و المريخ ... الخلوك يا عيدروس تظهر و الله مشتاقين ..... (بالأحــضـــان ياخ) و الله لا أخفي عليك بأن الإعلام صار يبالغ في تضخيم الحقائق و الشحن اللا معقولى و الضحية هم اللاعبون و نحن مشجعين و السودان ككيان ...... أرجو أن يوجه الإعلام لتقدم و تطور الرياضة في بلادي ... حتى لا نصاب بانتكاسات عند كل انجاز ..... سلمت يا حبيب
| |
|
|
|
|
|
|
Re: مدنية الصحافة ... وكما نحبها (Re: HAYDER GASIM)
|
Quote: لعل الاسباب وراء تراجع اداء المريخ والهلال فى الفترة الاخيرة
يرجع الى الاعلام واصحاب الاقلام المدمرة للرياضة فى السودان
فيتم شحن اللاعب السودانى اعلاميا فكيف يكون اداءه فى المباراه ؟؟
|
اخي / عيدروس أرى انك وضعت الأصبع على الجرح ..تلك هي العلة
أضف اليها أنضباط الاعب السوداني التكتيكي داخل الملعب .. عدم تاثره باجواء المبارة وردود الفعل من الحكام والخصوم ..الاعب السودالني محتاج الى اعادة تاهيل سيكولوجي ليتعامل مع كافة أجواء المباريات خاصة خارج الأرض تخريمة : ده شنو العملتو ده ياغباشي فجأة لقينا نفسنا محلليين رياضيين
| |
|
|
|
|
|
|
Re: مدنية الصحافة ... وكما نحبها (Re: omer abdelsalam)
|
الصحافاب اجمعين
تحيايا معبقة بانتصارات الكرة السودانيةمساء 22/يوليو!!!!
الزعيم حيدر
شكرا علي ( لكن أحترم الهلال ... بإعتباره المعادل الموضوعي للآخر عندي ) .
اتمني ان اري الفريقين في المبارة النهائية لكل في بطولته.
احترامي كبير
| |
|
|
|
|
|
|
Re: مدنية الصحافة ... وكما نحبها (Re: omar altom)
|
Quote: أولا قبل أي شي ...... شكرا للهلال و المريخ ... الخلوك يا عيدروس تظهر و الله مشتاقين ..... (بالأحــضـــان ياخ)
|
هذا هو إحساسي كذلك ... إنتزعه غباشي ومشى به بين الناس ... إلا أن نشرع من بعد { لحق الملكية المعنوية }
مع مودتي
| |
|
|
|
|
|
|
Re: مدنية الصحافة ... وكما نحبها (Re: غباشي)
|
مهند حيمورة ...
على ظلال الذكري ... ثاني أيام عيد الأضحي المنصرم , وعلى متنها إلتقينا ... ذاك اليوم ... لأجل غادة , وكان بيتكم ... بيت الضيافة الذي لا تخبأ أنواره ولا رحابته , أذكرك ... وأنا لا أنسى الأعزاء إطلاقابالمناسبة , حفظتك فى سري وأنت اليوم جهور ... إقتبطت لكل أحوالكم آنها , وأنا اليوم كلي سرور ... وللصحافة مستحقات لا تناب .
ترحيب متأخر ... لأنه أبى إلا القدوم من الأعماق , لكون ديارنا الإسفيرية نترك على جنباتهانفس أحاسيس الصحافة الأرض والناس والتاريخ ... فمبلغ فرحنا بك عظيم ... خاصة وأنك من ناس الداخل الأشم .
عشمنا فيك كبير أن تعدل فى مسيرنا نحو الأرفع , وأن توافينا بالمتيسر فى معيتك من أخبار أهلنا فى الصحافة وعلى الميسور كذلك من جبهات إهتمامك ووصلك الطبيعي .
تحياتي ... لأسرتك الكريمة
مع مودتي
| |
|
|
|
|
|
|
Re: مدنية الصحافة ... وكما نحبها (Re: HAYDER GASIM)
|
العزيز حيدر قاسم تسلم ياسيدي علي الكلام الجميل ده بس انا ماقدر ده كلو والف شكر ليك وكل ناس الصحافه الحنان ودائما في خدمة الصحافه واهلها الطيبين
مع خالص حبي وتقديري لكم اخوكم الصغير مهند حيموره
| |
|
|
|
|
|
|
Re: مدنية الصحافة ... وكما نحبها (Re: عيدروس حجر)
|
الاخ الفاضل
غباشي
الشوق مطر زى خريف السودان والله لا فرقناويجمعنا فى ليله سهره
مهند الصغير
المنظراتيه فى السودان حدث ولا حرج ودا حالنا فى كل شئ وخاصة
الكورة والسياسية ودمت عزيزى
شقيقنا واهلى البعاد وصديق العائلة الحجرية
ود قاسم
كلامك كبير علينا وما بقدر عليه
مشكور
وحجر
| |
|
|
|
|
|
|
Re: مدنية الصحافة ... وكما نحبها (Re: ابوعبيدة حسن محمد)
|
Quote: زي كافتيريا كلية الاقتصاد بالنسبة لينا |
بتذكر يا أبو عبيدة لما خشينا الجامعة و في سنة أولى قررنا نعمل مسح شامل لجميع الكافتيريات و الغرض الأساسي هو أختيار أحسن كافتيريا في نطاق الأكل البلدي و البوش .... شفت يا حبيبنا مسكناها ليك من عمك الياس -السوق الشعبي - قانون- منتدى الفلاسفة- النادي الجغرافي - اقتصاد-علوم - بيزنيس بعد داك مرقنا برة للمتحف و كفتريا صحة .... تقريبا كان في وجه شبه بين معظم الكافتيريات لكن بتفرق في نظام القعدة و الكمية بعد داك رسينا على اقتصاد .... و استمرينا فيها لحدي ما امتحنا السميمستر الأول شتنا امتحاناتنا و أخدنا جمة كدة في البيت ... زي اسبوعين و أول يوم نزلنا فيهو الجامعة اتلاقينا و قلنا نمشي نفطر.... وييييين؟ في اقتصاد طبعا ...... و بقينا ما شين و شاقين الغربي باتجاه كافتيريا اقتصاد و أول ما عدينا بورد اقتصاد الشهير و لفينا يمين ..... شفنا منظر لاحولا و لا قوة الا بالله ..... الكافتيريا كسرووووووووها و من الزمن داك لحدي ما وصلنا سنة رابعة .... بقى علينا التعب و الأكل الكعب وفي رواية أخرى بقينا نحشي من البيت
| |
|
|
|
|
|
|
Re: مدنية الصحافة ... وكما نحبها (Re: HAYDER GASIM)
|
تحية صباحية من شاطئ الأطلسي للوجوه النيرة والخيرة التى طلت علي البوست في الآونة الأخيرة عمر التوم مهند حيمورة ابوعبيدة ونقول للغائبين ..طال غيابكم : هاشم احمد خلف الله - ابوأحمد - اشراقة حيمورة انعام حيمورة نزار حسين جعفر عبدالمطلب عبدالعظيم محمد أحمد على عبدالقادر معتز الأمين الباقر ابراهيم محمد البشرى الخضر عبدالمحسن حمد اسماعيل معاوية
| |
|
|
|
|
|
|
Re: مدنية الصحافة ... وكما نحبها (Re: HAYDER GASIM)
|
Quote: ونقول للغائبين ..طال غيابكم : هاشم احمد خلف الله - ابوأحمد - اشراقة حيمورة انعام حيمورة نزار حسين جعفر عبدالمطلب عبدالعظيم محمد أحمد على عبدالقادر معتز الأمين الباقر ابراهيم محمد البشرى الخضر عبدالمحسن حمد اسماعيل معاوية |
| |
|
|
|
|
|
|
Re: مدنية الصحافة ... وكما نحبها (Re: HAYDER GASIM)
|
يا ريس
سلامات واشواق
بخصوص سؤالك عن بكري عبد الجليل انا شخصيا ما عارفهو كان ساكن وين لكن برفع ليك البوست ده
فووووووق لحدي ما الجماعة يجو مارين بي هناوبدوك الاكيدة وان كنت برجح انو الكابتن بكري ساكن مربع
20 .
شفته جنس الغربة دي؟؟؟؟؟
تحياتي للجميع
| |
|
|
|
|
|
|
Re: مدنية الصحافة ... وكما نحبها (Re: omar altom)
|
Quote: شفته جنس الغربة دي؟؟؟؟؟
|
الظاهر عليها من نوع { أبوكديس }
تعرف يا عمر ... وفي سياق الغربة, فقد حدث وأن سكنت مع أحد أبناء البطانة ويدعي عوض الكريم على { ونسميه ... العوض } وكان ذلك فى مقتبل شهورنا الاولى بكندا.
كانت بالطبع همومنا مشتركة وقضايانا متسقة مع أحوالنا كمهاجرين جدد ... إلا أن صديقي العوض كان له هما آخر ... هو كيف { يوصف } البلد التي هو فيها الآن لأهله في ريرة/البطانة, فهو يجزم أن أهله لا يعرفون كندا البتة, وتأكيدا لزعمه فقد أضاف { هو أمريكا فى تلتله } ... لكنه يدري أن أهله يعرفون مصر , بل يعتقد أن في أحوالهم تماهي بأم الدنيا ... ويدلل على ذلك بقول شاعرهم الحاردلو {الشم خوخت بردن ليالي الحرة ... } وخوخت تعنى التشبيه بالخوخ ... والخوخ شجرة بحرطيسة ليس لها مقام فى البطانة, وعلى هذا النحو يؤكد صديقي العوض أن قصارى ما يعلمه أهله عن خارج السودان ... هو مصر .
كانت أيامنا تلك { فى بداية التسعينات } وكانت حينها الإتصالات التلفونية بالسودان عزيزة ولا تتم إلا عبر الساعات الطوال من التجريب والإنتظار ... وفي ليلة كما سائر ليالي العزابة كنا كلنا صاحين نتونس ونضرب الهم بالفرح ... فإذا بصديقي العوض ينفصل عنا فجأة بقوله { الخط جا } وإعتلت حنجرته بصوته القوي ... وإستزاد, وكأنها رغبته الخاصة فى التأكيد على حيوية هذا { الخط } والحيلولة دون إنقطاعه ... وكنا فى جواره نسمعه ... يسلم ويسأل ويتفقد الأحوال ثم كانت هناك برهة يستمع خلالها لمحدثه فى البطانة ... بالطبع لم نفهم حينها تلك البرهة وماذا كان السؤال ... لكنا سمعنا صديقنا العوض يرد قولة { تال مصر ... تال مصر } ... المهم إنتهت المكالمة وأودع صديقي السماعة إلى حجرها وهو يكتم ضحكة كادت أن تشرط أشداقه, فبدون أن نسأله قال ... سأله خاله عن أين هو الأن , فأجاب أنه فى كندا, فإستنفضت { كندا } كل مستغربات الخال فأردف سائلا ... كندا ده وين ؟ فكانت إجابة صديقي العوض ... تال مصر ... فهذا كل الممكن فهمه ... ولهذا أكرر معك:
شفت جنس الغربة ده ...؟
مع مودتي
| |
|
|
|
|
|
|
Re: مدنية الصحافة ... وكما نحبها (Re: HAYDER GASIM)
|
Quote: الكافتيريا كسرووووووووها و من الزمن داك لحدي ما وصلنا سنة رابعة .... بقى علينا التعب و الأكل الكعب وفي رواية أخرى بقينا نحشي من البيت |
عزيزي غباشي
الاتكسر كتير في الجامعة دي 00بداية من بيت القزاز بالنشاط ، ومقهي النشاط وووو 00
ربك كريم
وتحياتي
| |
|
|
|
|
|
|
Re: مدنية الصحافة ... وكما نحبها (Re: HAYDER GASIM)
|
Quote: الاتكسر كتير في الجامعة دي 00بداية من بيت القزاز بالنشاط ، ومقهي النشاط وووو 00 |
حبيبنا أبوعبيدة المشكلة ما في الكسير ... المشكلة في البتبنيهو محل الكسير .... و الله الكفتريا القالو عليها جديدة لا يمكن تمييزها من الكشك ؟؟؟ الكلام ده حسب آخر إحصائية 2003 تسلم
| |
|
|
|
|
|
|
Re: مدنية الصحافة ... وكما نحبها (Re: غباشي)
|
السلام عليكم كل ابناء وبنات الصحافة ..
فرحانين نحن اليوم عشان اخونا الباقر ابراهيم احمد ( 38 ) عريسا وقد اكتملت مراسم عقد القران بالمنشية على كريمة الاستاذ عبد الرحمن بشار ( هبة )
الف مبرو للاخ الباقر ولكل آل ابراهيم احمد وآل مكي ..
| |
|
|
|
|
|
|
Re: مدنية الصحافة ... وكما نحبها (Re: HAYDER GASIM)
|
ليس لنا من { بديل } لحب الصحافة
فلنرفع رايتها الإسفيرية ... كأضعف الإيمان
فهنا يحتشد مسرب فى التاريخ , يشرفنا أن نكون جمعيا فى غماره ... حضورا وهما ومشاعرا صحافية آلقة ... فأبقوا صادين وأعيدوا إجتماعكم على راية مدينتكم الحنون
مع مودتي
| |
|
|
|
|
|
|
Re: مدنية الصحافة ... وكما نحبها (Re: HAYDER GASIM)
|
الزعيم
وييييييين اراضيك؟؟؟؟؟؟
هيّ ................ فينا
فيها قمنا .......وابتدينا
من حنانها........ارتوينا
الشوارع ...علمتنا
المدارس...نورتنا
والامل فارد جناحو.....للشباب الطامحينا
(والصحافة....كما نحب)
نور ...عيونا
ضئ ...رتينة
فـــــــــــــــــــــوق
مكان تسمو الاماني
في الاعالي
كما المعالي
والثريات..........الثمينة
شكرنننننن علي رفع البوست....وفي انتظار البقية
| |
|
|
|
|
|
|
Re: مدنية الصحافة ... وكما نحبها (Re: zole)
|
Quote: هيّ ................ فينا
فيها قمنا .......وابتدينا
من حنانها........ارتوينا
الشوارع ...علمتنا
المدارس...نورتنا
والامل فارد جناحو.....للشباب الطامحينا
(والصحافة....كما نحب)
نور ...عيونا
ضئ ...رتينة
فـــــــــــــــــــــوق
مكان تسمو الاماني
في الاعالي
كما المعالي
والثريات..........الثمينة
|
يا سلالالام عليك يا عمر , أفرحتني بهذه الكلمات القوية الصادقة حول الصحافة , وهي بحق مصدر فخار ومنعة , وهي أصل جدير بالإحتفاء , وهذا ما لا أود أن يغيب عن ذهن أبنائنا وبناتنا الصحافاب الأحباب ... لأن في غيابه إضمحلال لأخصب ركن فى مضلع هويتنا وهو صحافتنا العظمية ... فأرجو ألا يحدث ذلك .
شكرا أبو عمير ... وخليك بي هنا ما أمكن , ويا حبذا لو جبت ليك بعض الصحافات إتنوسوا معاك عشان ما تشعروا بالملل , فقد صمم هذا البوست خصيصا لكم ... فعشقنا للصحافة ضاقت به الأرض وكان لزاما علينا التوجه به نحو هذا الإسفير الوفير .
مع مودتي
| |
|
|
|
|
|
|
Re: مدنية الصحافة ... وكما نحبها (Re: HAYDER GASIM)
|
Quote: فعشقنا للصحافة ضاقت به الأرض وكان لزاما علينا التوجه به نحو هذا الإسفير الوفير .
|
ولهذا نحن هنا.......
في هذا الفضاء ...حيث الصحافة هي الماوي....والملاذ.....في غربة يعلم الله وحده متي ستنتهي!!!!
التحية لكل لبورداب الصحافة في الشتات الكبير وهم يتنسمون عبير مدينتهم الجميلة عبر البوست
( الحنين) ....
اين معتز وطارق الامين؟؟؟؟
اجمعوا هنا ياشباب
| |
|
|
|
|
|
|
Re: مدنية الصحافة ... وكما نحبها (Re: omar altom)
|
Quote: اين معتز وطارق الامين؟؟؟؟ |
معتز ... فى تقديري ... ما يزال يكتنفه إحساس كونه { برلوم }
أما طارق الأمين ... فهو فى تقديرى كذلك ... تغيان ... والله أعلم .
أما غباشي ... فهو فى شرحي { هي لازم تكون طوااااالي شرحو }
... إنو ... عندو ... إمتحانات
ناس الرياض ... تختلف { أمزجتهم } بإختلاف الدوام , فما علينا
إلا بشكيتهم للحي الذي يدوم .
عمر عبدالسلام ... أتوقع أن يتداخل للتو ... فله فى سترة الحال شئون .
الصحافة تلاتين ... أوصلنا له النداء ... وله فى الحساسية قراريط وأوزان .
بنات وأبناء حيمورة فى السودان ... إلا أن نسمع منهمن/م ... أولا .
عبدالدائم ... شايفو قدم أوراق إعتماد { بأثر رجعي } للديم ... لكنه من رياحيننا .
زول { zole } ... فرد جديدة ... حارة فى سوقنا الإسفيري ... فمرحب به .
دحين يا عمر أخوي ... عليك بالباقي ... لكني أشاركك الدعوة بأن ... نجمع هنا .
مع مودتي
| |
|
|
|
|
|
|
Re: مدنية الصحافة ... وكما نحبها (Re: HAYDER GASIM)
|
الزعيم حيدر قاسم وجميع أبناء الصحافة الكرام , سلام من الله عليكم طبعاً كنت في إجازة سنوية في
السودان والحمد لله كل الناس بخير وصحة جيدة والأمطار ما زالت تهطل بغزارة شديد ومشكلة تصريف المياه
مازالت قائمة خاصة بعد توقف الأمطار كمية من البرك والحفر وربنا يعين بصراحة منظر يؤذي البصر
ويا ريت الناس لو تشد الهمة وتعمل نفرة لانقاذ ما يمكن إنقاذه ولا فائدة في حكومة اٌلإنقاذ , دعوة
للجميع للمشاركة في إيجاد حل جذري لهذه المشكلة , ودمتم في رعاية الله وحفظه .
| |
|
|
|
|
|
|
Re: مدنية الصحافة ... وكما نحبها (Re: HAYDER GASIM)
|
الصحافاب الاجلاء ..
تحية وتقدير ... اسجل حضور ومتابعة .. وبالجد الواحد قدر ما يقول ما يبرح هذا المكان .. الا ان المشغوليات كتيرة جدا جدا والاعباء اكتر .. ولكن لابد من الحضور فهو واجب يفترضه علينا المكان والانتماء ..
سبق ان قدم لي الباشمهندس بكري ابو بكر بان يحول هذا البوست الى كتاب يحكى عظمة هذه المدينة ...
رايكم شنو ؟؟
تحياتي وامنياتي للجميع
| |
|
|
|
|
|
|
Re: مدنية الصحافة ... وكما نحبها (Re: HAYDER GASIM)
|
Quote: تحية وتقدير ... اسجل حضور ومتابعة .. وبالجد الواحد قدر ما يقول ما يبرح هذا المكان .. الا ان المشغوليات كتيرة جدا جدا والاعباء اكتر .. ولكن لابد من الحضور فهو واجب يفترضه علينا المكان والانتماء .. |
شكرنننن ... إنعام , أحاسيس طيبة ومقبولة وأتمنى أن يغالب الجميع الظروف التي تحول دون مرورهم من هنا .
Quote: سبق ان قدم لي الباشمهندس بكري ابو بكر بان يحول هذا البوست الى كتاب يحكى عظمة هذه المدينة ...
رايكم شنو ؟؟ |
إقتراح مشرف ومقبول , لكن بي صراحة يا إنعام ما يزال هذا البوست يحتاج إلى مزيد من المعلومات حول الصحافة خاصة تلك المرتبطة بوضعها كمدينة قائمة بذاتها , بدءا من المسوح الجغرافية إلى الخدمات الصحية والتعليمية المتوفرة بالمدينة إلى جهازها الإداري وتركيبته التنظيمية , إلى مرافق العمل الطوعي إلى الأندية الرياضية إلى المراكز الثقافية إلى حركة المدينة الفنية ومسيرتها الإبداعية , إلى لجانها التعاونية وجمعياتها الخيرية ومنظماتها النسوية والشبابية ... إلى إجراء حوارات حية ومصورة مع نماذج للرعيل الأول فى المدينة ونجوم المجتمع , مع إضاءة على الخصائص السكانية والتركيبة البشرية وإقتصاديات الصحافة وحرفها السائدة ... وما يتصل .
فإن توفر لديكم أي مقدار من المعلومات آنفه , فأدفعوا به بالله إلى هنا ... وخطوة خطوة نتابع الأمر ونسد النقص فى المعلومات المطلوبة ... بل أقترح أن تتضافر جهودنا جميعا لإستكمال اللوحة الجمالية لمدينة الصحافة فى فترة زمنية مقدارها ثلاثة أشهر من الآن , كما أقترح أن يكون بورداب الصحافة بالداخل تجمعا مخصصا لهذه المهمة والتي غالبا ما تقتضي سعيهم على الأرض حتى يظفروا بما نريد , بالمقابل أقترح أن يوفر بورداب الصحافة خارج السودان الدعم المادي والمعنوي المطلوب لإنجاح هذه الحملة.
وحين { نحس } بأن فى معيتنا ما يكفي من معلومات ترتفع إلى قامة الصحافة تاريخا وحاضرا , فنكون إثرها قد تأهلنا موضوعيا وفنيا للحديث الجاد عن { كتاب الصحافة } وعلى نحو يشرفنا , ووقتها سوف نطلق الضوء الأخضر للأخ بكري لتنفيذ الفكرة .
فما رأيكم ؟
مع مودتي
(عدل بواسطة HAYDER GASIM on 08-28-2007, 07:27 PM)
| |
|
|
|
|
|
|
Re: مدنية الصحافة ... وكما نحبها (Re: HAYDER GASIM)
|
الزعيم / حيدر قاسم كل الأحبة في حوش الصحافة الجميل شوق ليكم من غير حدود نود التواصل معكم ... ولكن اكراهات عدة تحول دون ذلك على رأسها العطب المتكرر للكمبيوتر الشخصي الذي اصابني بالدوار سنعود ونلتقيكم قريبا وان شاءالله نلقاكم متلمين في جلسة سمر حلوة كل التي عهدناها لديكم في ايامنا الماضية . التحية للجميع عمر عبدالسلام
| |
|
|
|
|
|
|
Re: مدنية الصحافة ... وكما نحبها (Re: omer abdelsalam)
|
Quote: عمر عبدالسلام ... أتوقع أن يتداخل للتو ... فله فى سترة الحال شئون . |
وقد فعلها الرجل ... سجل حضوره خلال بضع سويعات من إشارتي آنفه .
تشكرا يا كريم ... وحين تتجاوز منقصاتك الحالية , فتعال للمقيل والبيتان فى داركم العامرة .
يهمني كذلك عزيزي عمر رأيك فى المقترحات آنفة الذكر حول { كتاب الصحافة }
ونسمع منك .
مع مودتي
| |
|
|
|
|
|
|
Re: مدنية الصحافة ... وكما نحبها (Re: HAYDER GASIM)
|
سلام و تحايا يا زعيم و كل الصحافاب ..
حقيقة لا أعرف ما هو سبب هذا الركود و الخمول بعد النشاط و الهمة اللذان انطلقنا بهما !!
دعنا نكون صرحاء و نناقش الأسباب حتى لا يكون تجمعنا هنا بدون فائدة .
ماذا عن مشروع موقع الصحافة الذي لم يرى النور حتى الآن ؟؟؟ إذا عجزنا عن اتمام هذا المشروع البسيط , ماذا عن المشاريع الأخرى التي يجدر بنا المشاركة الفاعلة فيها كالمساهمة في بناء مسجد أو مدرسة أو لدعم علاج شخص ما و ما شابه ..
أتمنى أن يتغير هذا الحال في القريب العاجل ..
مع التحية ..
| |
|
|
|
|
|
|
Re: مدنية الصحافة ... وكما نحبها (Re: Alsa7afa_30)
|
اخيرا تم الغاء القبض على
بوست امتداد الصحافة كما نحبه
من قبل Alsa7afa_30
بالله عليكم البوست كان وين الفترة دى كلها ؟؟؟
حتى فى Google لم يظهر عندي ,,
ضياع مجهودات مقدرة من اعضاء مكافحين للنهوض
بهذه المدنية العريقة ...
Quote: ماذا عن مشروع موقع الصحافة الذي لم يرى النور حتى الآن ؟؟؟ |
Quote: أتمنى أن يتغير هذا الحال في القريب العاجل .. |
حجر
| |
|
|
|
|
|
|
Re: مدنية الصحافة ... وكما نحبها (Re: HAYDER GASIM)
|
اهلي الحبان ناس الصحافة رمضان كريم , تصوموا و تفطروا على خير و إن شاء الله من العتقاء في هذا الشهر متلوم معاكم شديد و الله لكن ما عن قصد بس ربنا يهون القواسي و نرجع ليكم أحسن من الأول
عزيزي الزعيم حيدر قاسم ... رمضان كريم مرة تانية وأسأل الله ان ينعم عليك ببركات هذا الشهر .... طال الغياب و قد يطول أكثر و لكن ما باليد حيلة فانا ماذلت في المعترك و لا أدري متى أعتق !! و لكن تأكد بأنه و ما أن أن تستقر الأمور فستجدني في طليعة البوست معكم أحاول أن ألحق بما فاتني من جمالكم و جمال مدينتكم فقط ما أرجوه هو نقل هذا البوست قبل أن يؤرشف و سوف تصفو الليالي بعد كدرتها ....
تحياتي لكل الشباب ....
الأخ العزيز جداً عبد الدائم شكرا على الرسالة الرقيقة و الجميلة و ليس بغريب أن تكون كذلك طالما كُتبت بواسطتك ... تسلم يا حبيب
باقي الشباب تحياتي لكم و حبي اللا محدود .... الى أن نلتقى ... قريباً و إن طال الأمد أخوكم غباشي
| |
|
|
|
|
|
|
Re: مدنية الصحافة ... وكما نحبها (Re: Alsa7afa_30)
|
شكرا أعزائي الصحافاب
فقد حضر منكم اليوم إلى هنا عدد لا بأس به, ونتحرى الباقين ... آمل أن ينهض هذا البوست فى الفترة القادمة ليحمل أحلامنا وأحاسيسنا الجميلة تجاه محبوبتنا الصحافة , فببركة هذا الشهر المبارك فليلتئم الشمل وليؤوب حملة الرسالة الصحافاوية المبينة إلي دارهم الإسفيري حتى يحسنوا عرض الصحافة أما الملأ .
فأقل ما أنجزناها إلي الآن هو إعادة تأهيل العلاقات الإنسانية بين الأعضاء ووصل ما إنقطع منها بظروف الفرقة والشتات , بالمقابل فقد نهضت علاقات جديدة على وشائج قوية من الإلفة والإحترام , كما تم عرض مكتوب طيب عن الصحافة كدار للكرام وكتاريخ حافل وكذكريات حنونة .
بل تعرفنا من خلال هذا البوست على الإمكانيات الإنسانية والإبداعية للفيف من أبنائنا وبناتنا , ومن قبل الرغبة الأكيدة فى خدمة الصحافة وإعلاء راياتها أمام الناس ... صحيح أن طموحنا أكبر من محصولنا الراهن ... لكننا نمتلك القدرة على فعل أعظم وعلى إنجاز أكبر ... فقط ... لنتواصل مع مبتدئنا ونتفاعل مع أحلامنا حتى تصبح حقيقة .
مع مودتي
| |
|
|
|
|
|
|
Re: مدنية الصحافة ... وكما نحبها (Re: HAYDER GASIM)
|
الاعزاء الصحافاب
كل عام وانتم بالف خير ورمضانكم كريم
تحية خاصة لود جيرانا ابن الامتداد طارق جبريل علي حضوره الدائم في البوست و(إبداء حسن النوايا)
سنرجع يوما الي حينا .......ونغرق في دافئات المني
سنرجع مهما يمر الزمان......وتنأي المسافات ما بيننا
سلامكم- عمر
| |
|
|
|
|
|
|
Re: مدنية الصحافة ... وكما نحبها (Re: Alsa7afa_30)
|
أهلي وأحبابي ... ناس الصحافة الحنان
أينما كنتم أحييكم ... فى أرض صحافتنا الغراء, في الشتات ... في الإسفير ... في الهجير ...
أتمناكم عيد سعيد ... وأن يجد كل فرد فيكم مراده .
مع دوام العافية ... والسداد .
... مودتي
| |
|
|
|
|
|
|
Re: مدنية الصحافة ... وكما نحبها (Re: عبد الدائم سيد أحمد)
|
يعني كان كتير على عناب أن يحتل خبر خروجها إلي هذه الدنيا بعض كلمات فى بوستنا هذا , ما شفت علاء حيمورة { عرض } بهبة الله كيف, ربنا يحفظ كل أطفالنا , مبروك البنية وطابت أيامك وأسرتك الكريمة.
طبعا يا عبد الدائم حا تفوتنا صلاة العيد للمرة الألف , وقلبي يوجعني لأنها مناسبة تتم أمام منازلنا وتضيف إليها بهاءآ وحسنا... بعد ساعات قليلة سوف تنطلق النداءآت من جامع 26 لحض الناس على صلاة العيد { رحم الله عم أحمد } وسوف ينخرط الكبار والصغار فى صفوف ممتدة, وسوف تتبلم النساء فى الحيز الخاص بهن, وسوف يسبغ { البياض } لونه المشع على جمهرة المصلين, وسوف يقيمون الصلاة فى أدبهم وخشوعهم المعهود, وسوف يمسك كل جاره من يده بعد إنتهاء الصلاة تبريكا وطلبا للعفو والعافية , وسوف يرجعون إلى منازلهم وهي فى أبهي حللها وكامل ترتيبها, وسوف يتحركون زرافات ووحدانا على إمتداد الحلة والحلة المجاورة , سوف تمتلئ جيوبهم بالحلوي لأن قليلها يكفي { لسد النفس } فيما يصر كل من تطوف عليه بأخذ شئ من معروضه ... وسوف يعودون للمرابطة لوجبة الإفطار والتي غالبا ما تكون عصيدة بي ملاح تقلية أو روب , وبعضهم يؤثر القراريص ... وربما يأخذون من بعد قسط من الراحة فيما الأطفال لا راحة لهم ... يوم جميل مشرق وندي بالوصل ومزحوم بالإبتسام.
تصدق يفوتنا كل هذا المولد ... يا خسارة , عشمي فى أيام تعود بنا إلى بلدنا لنشارك أهلنا سرائهم وضرائهم .
مع مودتي
| |
|
|
|
|
|
|
Re: مدنية الصحافة ... وكما نحبها (Re: HAYDER GASIM)
|
عيد سعيد و كل عام و أنتم بألف خير يا أحلى ناس و ربنا يحقق جميع الأماني ....... و دايما صحافتنا بألف خير ...
أبو عناب عندك العيد عيدين يا حبيب .... و فرحتنا فرحتين ! ربنا يخليها ليك و لينا و من هسع حـاجزييييييييين
تحية خاصة ليك يا زعيم و كل عام و انت بالف خير
بورداب الصحافة .... ربي يسعدكم بالعيد .....
كل سنة و أنتو طيبين
| |
|
|
|
|
|
|
Re: مدنية الصحافة ... وكما نحبها (Re: HAYDER GASIM)
|
Quote: يعني كان كتير على عناب أن يحتل خبر خروجها إلي هذه الدنيا بعض كلمات فى بوستنا هذا , |
ولا حتى غنوا ليها ناس معاوية والصحافة 30
Quote: حا تفوتنا صلاة العيد للمرة الألف |
حاول الحق العيد الكبير وربنا يتوب علينا من الغربة
غباشى الظريف عاوز تحجزها لمنو
| |
|
|
|
|
|
|
Re: مدنية الصحافة ... وكما نحبها (Re: omer abdelsalam)
|
الاخ العزيز عمر عبد السلام(ازهرى) اولا البركة فيكم وفينا فى المرحوم والدكم واخينا انور شكرا لاهذا البوست جعلنا نشوفك من خلال هذة الاسطر .مدة طويلة لم نتقابل.وكل منا فى بلد ولكن فى البال كل الناس السمحين ودوما بحاول ابحث عن اخبار الصحافة وخاصة الصحافة شرق .قد لا اعرف فيها شخص الان كل الناس ضاق بيها المكان وهاجرت فى بلاد اللة الواسعة وتبدلت الوجوه والسكان .ياريت تكتب عن انطباعك بعد زيارتك الاخيرة للصحافة وخاصة مربع 40 ونواصل................ الباقر ابراهيم
.
| |
|
|
|
|
|
|
Re: مدنية الصحافة ... وكما نحبها (Re: غباشي)
|
Quote: مرحباً بكم مرة أخري و لمة جديدة عشان العيد ..... |
تسلم عزيزي ... غباشي,
بالله جبت البوست من سابع ياتو بئر ؟
لكن ... عشانك,
وعشان ... عناب,
... سيستمر.
وكل سنة وإنتو طيبين
مع مودتي
| |
|
|
|
|
|
|
Re: مدنية الصحافة ... وكما نحبها (Re: HAYDER GASIM)
|
وين ياناس
البركة بي الشوفة
اها انا ماشي الصحافة بعد اسبوع من الليلة
في اي وصايا؟؟؟؟؟؟؟
الحالمون يمتنعون
ــــــــــــــــــــــــــــ
الزعيم حيدر
سابلغ تحاياك للاهل وساقول باننا التقينا هنا في هذا المكان .او لم نلتقي؟؟؟؟
محبتي بلا حدود
| |
|
|
|
|
|
|
Re: مدنية الصحافة ... وكما نحبها (Re: HAYDER GASIM)
|
Quote: في اي وصايا؟؟؟؟؟؟؟ |
يا عمر يا ماشي لأهلنا .... بسراع و صل رسايلنا و الشوق ماتنسى يا حبيبنا لكل البيسألك عنا قول ليهم على العهد ما زلنا زكراهم أنفاسنا و مشاغلنا و كيف حال بستانا و خمايلنا ربوتنا مجمع حبايبنا ....
عيد سعيد عزيزي عمر التوم و ربنا يكتب ليك السلامة .....
و ما تنسى زول في الحلة إلا تسلم عليهو و تبوس إيديهو ...
غباشي ...
| |
|
|
|
|
|
|
Re: مدنية الصحافة ... وكما نحبها (Re: غباشي)
|
Quote: اها انا ماشي الصحافة بعد اسبوع من الليلة
في اي وصايا؟؟؟؟؟؟؟ |
يا حبيبنا ... أولا بالسلامة, وثانيا لأمك وأبيك العزيزين تحياتي الجليلة, وقول للنعمة إنو حيدر ما يزال { شبعان } من تلك القراصة ... وممتن لتلك الأريحية, وكمان عليك الله { قالد } بت التوم ... كما قالدتها قبل عام ... فأصابني إرتياح لعام كذلك.
أما سلوى عثمان التوم ... أم البينات الطوالع, فلها مني إصحطباحات السنين المواضي ... وإلتئآمي المحدث لجهة شخصها الوريف.
فيما إستورثتنا... نجلاء عثمان التوم من بعض كلياتها شعرا فخيما لا يتورع المرور من على أضيق الحلوق ... لهذا فهي نغم بازخ نود إعادة إكتشافه عدة مرات فى اليوم الواحد.
بلغ صديقي التاريخي ... عمر الناظر محبتي المتحشرجة على أنغام زمن الإفتراق ... لظني بأني وعمر ما كنا لينبغي أن نفترق.
وسيقلع مصطفى الناظر أذنك بصماخها ... من شدة إنعطافه لدوائر السياسة المستديرة ... فبلغه محبتى للوطن وتفاؤلي بإحتمال العبور إلى بر ديمقراطي مبين.
وسوف تصافح شقيقي وسميك { عمر } ودعني أسميه أفضلنا, لجهده المبذول يوميا ... على سبيل الأسرة ومجتمعه الصغير وتطلعاته الكبيرة فى إقترانها الأخلاقي بقضية السلم الإجتماعي.
عليك الله يا عمر حاول { دقق } ليك إن شاء ملوة عيش فى طاحونتا , عشان تجي وتحكي لي كيف ما تزال تقترب وتتباعد الأشياء.
لا تنسى ... تمشى من أول وهلة وتشيل الفاتحة فى خالتك حرم الباشا, رحمها الله, وكل الموجبات الأخر ... وأنت الراعي ... والواعي.
أتمناك إجازة طيبة ... وإلتقاء رحبا مجيبا بأهللك الطيبيين.
ونسمع منك ... وعنك ... كل خير.
| |
|
|
|
|
|
|
Re: مدنية الصحافة ... وكما نحبها (Re: HAYDER GASIM)
|
Quote: وعشان ... عناب,... سيستمر |
عناب معيدة فى الصحافة وحتمشى صلاة العيد مع حبوبتا وحتقول الله اكبر الله اكبر الله اكبر ولله الحمد وراء عمك عبداللطيف ستكون صلاة العيد فى تمام الساعة السابعة ونصف الله اكبر الله اكبر الله اكبر ولله الحمد مولانا حسن صالح بالعباية السوداء حيخطب خطبة العيد بعد الصلاة والخطبة حتطول شوية والجماعة بالهم فى الضبيحة والشية
بعد الصلاة والمعايدة السريعة للجيران ، ارى معظم الناس بيتجهوا لبيت الطبيب البيطرى فخرى محمد عبدالمطلب مربع 25 علشان بجيب معاهو لناس الحلة كمية من الضباحين ، بعد ما كبرو ابواتنا والمروة بقت ما ذى زمان وقلت عزيمة الشباب وبقو كسلانين زيكم كده يا ناس الصحافة ...
ويا عمر التوم بلغ سلامى لناس 23 وبالاخص قميحة ومنتصر الصايع ومــي ( ولد حلتكم )
| |
|
|
|
|
|
|
Re: مدنية الصحافة ... وكما نحبها (Re: HAYDER GASIM)
|
يأأهلنا في الصحافة عيدكم مبارك ....وكل سنة وانتم طيبين أخترت هذا العام..مدينة جرسيف بشرق المغرب لقضاء عطلة عيد الأضحي ...عسى ان ان تذكرنا بالصحافة شرق اينما رحلنا وارتحلنا ..الصحافة عزيزة علينا و دوما في البال ونتمثلها في حياتنا اليومية ..حتى ولو في أقاصي المغرب ...التحية للجميع ...وكل عام وانتم بخير
| |
|
|
|
|
|
|
Re: مدنية الصحافة ... وكما نحبها (Re: Alsa7afa_30)
|
Quote: يا جيرانا يا حلوين كيفنكم كل سنة وانتو طيبين والسنة الجاية زي ما عايزين |
شكرا ... عزيزنا ... طارق جبريل, دائما مبادر ... وأنت إبن الإصول.
تحياتنا من خلالك لكل أهلنا الطيبين بالإمتداد الحبيب, وأظنك تعلم أن {ظروفنا الموضوعية} لا تسمح بإستئناف الحرب على محطة سبعة, ولثقتنا فى أعماقكم الإنسانية المجيدة رغم إختياركم لحمل السلاح, لكننا نثق كذلك فى مقدار إلتزامكم {بالهدنة} الموقعة بيننا وبينكم ... ودمتم.
عيد سعيد ... وعهد جديد.
مع مودتي
| |
|
|
|
|
|
|
Re: مدنية الصحافة ... وكما نحبها (Re: HAYDER GASIM)
|
Quote: عناب معيدة فى الصحافة وحتمشى صلاة العيد مع حبوبتا وحتقول الله اكبر الله اكبر الله اكبر ولله الحمد وراء عمك عبداللطيف ستكون صلاة العيد فى تمام الساعة السابعة ونصف الله اكبر الله اكبر الله اكبر ولله الحمد مولانا حسن صالح بالعباية السوداء حيخطب خطبة العيد بعد الصلاة والخطبة حتطول شوية والجماعة بالهم فى الضبيحة والشية
بعد الصلاة والمعايدة السريعة للجيران ، ارى معظم الناس بيتجهوا لبيت الطبيب البيطرى فخرى محمد عبدالمطلب مربع 25 علشان بجيب معاهو لناس الحلة كمية من الضباحين ، بعد ما كبرو ابواتنا والمروة بقت ما ذى زمان وقلت عزيمة الشباب وبقو كسلانين زيكم كده يا ناس الصحافة ...
ويا عمر التوم بلغ سلامى لناس 23 وبالاخص قميحة ومنتصر الصايع ومــي ( ولد حلتكم ) |
عبد الدائم ... الظريف ... أبو عناب, ماض مهاب ... أهلا حباب ... داعي مجاب.
وكل سنة وإنت طيب, تسلم حبيبي لعناب ولأهلك ومحبيك وناس الصحافة وكل الوطن.
أها ... أخبار فريق الشبيبة شنو, وحاتك مشيت السنة الفاتت ما فهمت طظ من سبحان الله, لكن ... لاقيت الأولاد الحلوين وعلى رأسهم منتصر فى ركن منتهزة ستة وعشرين القريبة منكم, وحيث نهض هناك كشك جرائد تمام ومحضور بفعالية عالية وربما هذا أصبح { نادي } أولاد الحلة, لكن فقط بالنهار.
سيد أحمد ... ياخي عليك الله ما تنقطع, ووافينا بين زمانك المزدحم بلحظات أراها مهمات.
كل سنة وإنت طيب.
مع مودتي
| |
|
|
|
|
|
|
Re: مدنية الصحافة ... وكما نحبها (Re: HAYDER GASIM)
|
Quote: يأأهلنا في الصحافة عيدكم مبارك ....وكل سنة وانتم طيبين أخترت هذا العام..مدينة جرسيف بشرق المغرب لقضاء عطلة عيد الأضحي ...عسى ان ان تذكرنا بالصحافة شرق اينما رحلنا وارتحلنا ..الصحافة عزيزة علينا و دوما في البال ونتمثلها في حياتنا اليومية ..حتى ولو في أقاصي المغرب ...التحية للجميع ...وكل عام وانتم بخير
|
محب الصحافة ... وحكيمنا { المجاني } عمر عبدالسلام ... تسلم, كل سنة وإنت طيب ومتعافي وأكثر منعة وأخضر عودا.
أمنياتي لك بقضاء عطلة طيبة وزاخرة بالعوائد الجمالية والنفسية والإجتماعية, أما أن تختر جرسيف بشرق المغرب لإستحضار الصحافة شرق ... فهنا تتماهى وعلى نحو مجيد يزيد في غيرتنا على الصحافة ويوثق فى مقادير إرتباطنا بها وحبنا لها.
نتوقع طلتك البهية ... ما عزمت.
مع مودتي
| |
|
|
|
|
|
|
|