إمتداد الصحافة ... وكما نحبه

حفل دعم الجالية السودانية بمنطقة واشنطن الكبري بالفنان عمر احساس
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 22-09-2018, 03:37 AM الصفحة الرئيسية

مكتبة حيدر أبو القاسم محمد(HAYDER GASIM)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
02-07-2006, 05:53 PM

HAYDER GASIM
<aHAYDER GASIM
تاريخ التسجيل: 18-01-2005
مجموع المشاركات: 11862

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: HAYDER GASIM)

    إتصالا بعاليه...

    ولأن ثمة جهد شعبي يمكن أن نفعله هنا,
    ولاننا نعرف أن لو إنتظرنا الحيكومات,
    فسوف ننتظر لأبد الآبدين, فأقترح أن يتبنى
    أبناء وبنات الصحافة خارج السودان, يعني
    مغتربين, مشروعا يمكن ان نسمية ( الصحافة...
    خضراء ) , وفى تقديري أن الركن الأساسي فى هذا
    المشروع هو المال, لهذا وبعد مرحلة متقدمة من
    الحوار والتداول حول هذا الموضوع, وفى إطار
    الإنتقال إلى مرحلة التنفيد العملي لمشروع, فأقترح
    أن يتبرع كل صحافاوي مغترب مبلغ وقدره خمسة دولارات
    شهرية حتى تعود الصحافة خضراء ... التفاصيل تتأتي
    تباعا... والله لا يضيع أجر من أحسن عمله ولا الصحافة كذكك.

    مكرر: لأبناء الصحافة الذين يودون المساهمة فى هذا البوست,
    لكن ليس لديهم عضوية. أستعينوا بالعنوان الإلكتروني التالي,
    تصل مساهماتكم وتعم القرية الإسفيرية حالا.

    [email protected]
                   |Articles |News |مقالات |بيانات

03-07-2006, 04:44 PM

mutwakil toum

تاريخ التسجيل: 08-09-2003
مجموع المشاركات: 2327

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: HAYDER GASIM)

    نرفع البوست بوصية من ابناء الصحافة بمدينة Durham محمد عوض الطيب مرفق بتحياتهم لعموم الحضور
                   |Articles |News |مقالات |بيانات

03-07-2006, 05:24 PM

HAYDER GASIM
<aHAYDER GASIM
تاريخ التسجيل: 18-01-2005
مجموع المشاركات: 11862

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: mutwakil toum)

    الأخ متوكل

    مرحب بيك حبابك...الصحافة أهلك وأحبابك,
    شرفتنا ... وكثيرا, وشمينا فيك رائحة
    الوفاء والإنتماء... وهذا خصب وطيب, تعالوا
    جميعا لساحة رحبة غناء, أستريحوا قليلا
    بعد عسر وشقاء... نطالب بمحمد عوض شخصيا,
    وبالله يا متوكل خليهو فى الصورة ... والتي
    لا تكتمل بدونه, فهو الولد الشقي الشفيف.

    وننتظر العقاب
                   |Articles |News |مقالات |بيانات

21-07-2006, 09:35 AM

zole


للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: HAYDER GASIM)

    الاخ الكريم حيدر قايم
    لك منى كل التحايا الطيبه
    لقد اثرت فيناما لايمكن ان ننساه ابدا ، تسلم ياغالي ولطوالي
    الاخوان عزيز عيسى ولنا مهدي ، تحياتي
    أنا من سكان الصحافة غرب مربع 20
    ويا لنا ناس التوت ديل ما ناس اماني علي مكي والياس علي مكي وهم مقيمين معنا في ابوظبي
    وناس خالتي كويسين عليها رحمة الله من اعز اصدقاءنا وباستمرار بكري وانا بنتزاور في الغربة وهو مقيم في دولة قطر
    وللبيعرفو الصحافة تماما دا بكري سر الختم احرف لاعب وسط انا شفته بعد عامر شين بتاع بري وكان مفروض يتسجل في الهلال لكن المشكلة كانت في اخوه سعادة اللواء عثمان سر الختم سكرتير نادي الهلال لفترة طويلة وعلشان مايقولوا جامل اخوه وهو زميل وصديق واخو شقيقي الاكبر المرحوم عثمان محمد نور كابتن الخرطوم 3 ولاعب البرنس السابق
    ناس القندران ديل ناس عمك ياسين ربنا يطراه بالخير
    اها ناس عمتك ديل ناس منو؟
    اجمل مافي الصحافة اننا تربينا وكبرنا مع بعض ، والله انا في مدرسة الصحافة المتوسطة او القدس حاليا دقوني اكثر من الجرس اححححححححححححح اناوبرجع ليكم ياككويات مالكم علينا
                   |Articles |News |مقالات |بيانات

30-07-2006, 12:37 PM

Elmosley
<aElmosley
تاريخ التسجيل: 14-03-2002
مجموع المشاركات: 34383

للتواصل معنا

FaceBook
تويتر Twitter
YouTube


كيف تاسس فريق العزيمه بالصحافة شرق (Re: HAYDER GASIM)

    برغم اني من الصحافه غرب الا انني اعرف الحقيقه

    السبب
    أن علي زيدان مؤسس هذا الفريق هو أساسا من قشلاق البوليس الغربي
    حيث كان فريق العزيمة الاصل (الام) والذي كان يلعب فيه تارة ثيؤدباك
    وتارة اخري استوبر وهو خطر في الحالتين وطبعا عزيمة الاشلاق صدر كثير من اللعيبه
    الى الدرجة الاولي وكان لاعب النيل العظيم يوسف مرحوم
    يترك احيانا تمارين فريقه ليتمرن هناك

    أما في الصحافة فقد نجح فريق العزيمة وخريج لعيبه في جمال الثنائي

    التاج محجوب وشقيقه ابراهيم محجوب (الزومه)
                   |Articles |News |مقالات |بيانات

13-02-2007, 02:43 PM

منزول محمد توفيق
<aمنزول محمد توفيق
تاريخ التسجيل: 13-02-2007
مجموع المشاركات: 568

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (المطالبة بتكوين برلمان الصحافة) (Re: HAYDER GASIM)

    الإخوة الأعزاء
    مشكورين على هذا الجهد الطيب وفتح باب الصحافة
    من هذا المنطلق أقترح عليكم تكوين برلمان الصحافة في كل بلد من بلاد الدنيا التي توجد بها جالية سودانية كبيرة بتكوين هذا البرلمان بالاضافة الى الأباء والإخوة والأخوات بالصحافة في السودان أيضا يكونوا برلمان الصحافة ( هيئة مستقلة ، من كل مربع ممثل ) وأن يكون من أهداف هذا البرلمان
    1- صحافة بلا فقر
    2- صحافة بلا مرض
    3- صحافة رياضية
    4- صحافة اجتماعية
    5- صحافة ثقافية
    6- صحافة تنمويةاقتصادية
    7- ولكم ان تضيفوا
    والإستفادة من كل ( صحافابي ) ( صحافيي )
    من موقع عمله أو خبرته أو علمه حتى نورث لأبنائنا مدينة نموذجية

    ( يا جماعة الخوف من سيد مسي يسرق الفكرة )

    أخوكم منزول
    الصحافة شرق مربع 37
                   |Articles |News |مقالات |بيانات

04-07-2006, 03:40 AM

امير عوض الجمري
<aامير عوض الجمري
تاريخ التسجيل: 25-04-2006
مجموع المشاركات: 2560

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: HAYDER GASIM)

    الصحافاب الأجلاء
    تحية وتقدير

    ما بكم ايها الصحافاب ؟ انفضوا عنكم غبار الكسل وانكبوا للتواصل عبر هذا البوست الوطن .. وصدقوني سيكون واحة تستظلون بها وسيكون البوست قناة للتواصل فيما بينكم وهذا عن تجربة فنحن في بوست الامتداد وجدنا ضالتنا في لم شمل ابناء هذا الحي عبر هذا المنبر وكان ان تححققت اهداف واماني كثيرة وربط كبير بين اهلنا في الداخل والخارج ..
    فيا احباء تواصلوا عبر هذا البوست المنشأ بيد الاخ حيدر وهو يشكر على ذلك وحتى للذين لا ينتمون إلى مشتركي سودانيز اون لاين تكرم الاخ حيدر بفتح ايميل خاص بالبوست فيمكنكم جميعا الدخول عبره.. وانا آسف جدا اخي الكريم حيدر على ندائي لأبناء الصحافة دون استئذانك لكنكم جميعا احبتي واخوتي واتمنى لكم كل الخير ..

    مودتي واحتراماتي .
                   |Articles |News |مقالات |بيانات

04-07-2006, 03:52 AM

امير عوض الجمري
<aامير عوض الجمري
تاريخ التسجيل: 25-04-2006
مجموع المشاركات: 2560

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: HAYDER GASIM)

    الصحافاب الأجلاء
    العزيز حيدر قاسم

    الاخوة الصحافاب في مدينة الرياض بالمملكة العربية السعودية .. مثال للجد والنشاط في العمل الثقافي والاجتماعي والرياضي ..

    دار ابناء الصحافة بالرياض متكأ حقيقي لأبنائه فهو ساحة للتجمع والتواصل وفيه تنوع ابداعي في شتى الضروب .. اقيمت فيه وعبره العديد من ليالي الوفاء لمبدعين من داخل وخارج الصحافة وتقام فيه ليالي ادبية تنشر مآثر وابداعات فنانونا ومبدعونا في كل المجالات ..
    نشكر كل القائمين على امر هذه الدار .. والشكر موصول للاخوان سيف علي البشير واحمد عوض و عادل جبارة وخالد حيمورة ونصر الدين حقار واحمد سعيد ومزمل ود الصول وعامر سنجراب وكل اللذين لا يألون جهداً في سبيل رفعة اهل المنطقة .
    ومزيدا من العطاء والتقدم .. واتمنى على الإخوة في رابطة ابناء الصحافة بالرياض في الكتابة عبر هذا البوست لنشر الانشطة والفعاليات التي تتم بالرابطة .. وايضا لعرض الاقتراحات وتداولها .

    لكم شكري وتقديري وموفور محبتي
                   |Articles |News |مقالات |بيانات

04-07-2006, 05:49 PM

HAYDER GASIM
<aHAYDER GASIM
تاريخ التسجيل: 18-01-2005
مجموع المشاركات: 11862

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: امير عوض الجمري)

    ما بكم ايها الصحافاب ؟ انفضوا عنكم غبار الكسل وانكبوا للتواصل عبر هذا البوست الوطن


    أي والله يا أمير ... الأمير
    طيبت خاطري ... ويا سلام عليك

    وبالمناسبة ... لا تأسفات هنا علي
    الإطلاق ... ومسعاك النبيل هذا لا
    يستدعي إذنا من جانبكم ... أكثر
    مما يستدعي التقريظ والشكر من
    جانبنا... فواصل مبادراتك الطيبة
    والحوش حوشك

    ويا خالد حيمورة وعادل جبارة,
    بإسم العشرة أتوخى الحضرة

    ويتثق الود
                   |Articles |News |مقالات |بيانات

05-07-2006, 01:25 AM

سامي عبد الوهاب إدريس
<aسامي عبد الوهاب إدريس
تاريخ التسجيل: 15-11-2005
مجموع المشاركات: 1508

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: HAYDER GASIM)

    التحية لأهل الصحافة
    وهذه مساهمة من الأخ عبد الدائم سيد أحمد
    Quote: العزيز ود قاسم لك كل الشوق

    لقد قمت بعمل جريدة حائطية والان هى بنادى الشبيبة بمربع 25 تحتوى الجريدة بمقتطفات كثيرة من داخل! البوست ، وكيفيه الدخول للبوست ، كيفيه طلب العضوية لسودانيزاونلاين ، وضعت ايميل مؤقت للمراسلة ونسبة لان البوست ما زال فى طور&n bsp; البداية وليس لدى كل الناس درايه بالموضوع اتوقع انشاء الله فى خلال الايام القادمة سيشهد البوست تحرك ايجابى ، ولك منى ومن كل الصحافاب كل التقدير لجهدك الرائع .

    عبدالدائم سيداحمد ، الصحافة 25 ، جده السعودية

    E.Mail : [email protected]



                   |Articles |News |مقالات |بيانات

05-07-2006, 04:33 AM

انعام حيمورة
<aانعام حيمورة
تاريخ التسجيل: 29-06-2006
مجموع المشاركات: 11083

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: HAYDER GASIM)

    الاخ حيدر قاسم
    السلام عليك - طولت شديد من السودان وكيف حرمكم المصون والاولاد - لينا زمن منكم

    هذه اول مشاركة لي بعد ان تكرم الاخ بكري ابو بكر بتسجيلي في الموقع شاكرة له ,,

    شرف عظيم ان اكون من الصحافة القيافة ...

    وعجني التوثيق جدا خاصة اني قرأت من قبل توثيق الامتداد والتحية ليهم خاصة الاخ راكوبة ومشاركته بصوره الجميلة.. خاصة منطقة النزاع ( محطة 7)..
    اصلو انا بكون اقرب صحافية لمنطقة النزاع لانو بابنا بفتح على خور جانقي وقصاد شباك الموية زمان .. (مربع29) جنب بقالة تانا ..

    حيدر قاسم عين الحيمورابية اشراقة لتكون ( سيدة ) البوست ... شرف عظيم لبت الصحافة وللحيموراب .. يلا اجتهدي لينا بكتاباتك ...

    والتحية للسيد عموض الجمري وعلى قراره
    حا اذكر اسماء نساء وبنات الصحافة ...

    سيدة الصحافة الله يرحمها ( جمال) زوجة عمي جلال كمان الله يرحمه مربع 29 ولما كان لها دور في خدمة الصحافة ..
    نعمة عثمان – بدرية شبر – حوة حيمورة – عرفة الشايقية –
    عواطف ابو زيد – سهام ابوعاقلة – الهام قاسم - سامية – بدرية عبد الله – بنات كنونة – الهام عباس – وبنات حيمورة ( الهام واخلاص ) .
    و زينب الجمل (ما في زول في الخرطوم ما اكل كوارع عندها)
    والبقية تاتي ...
                   |Articles |News |مقالات |بيانات

05-07-2006, 05:27 AM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22532

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: HAYDER GASIM)

    Quote: وعجني التوثيق جدا خاصة اني قرأت من قبل توثيق الامتداد والتحية ليهم خاصة الاخ راكوبة ومشاركته بصوره الجميلة.. خاصة منطقة النزاع ( محطة 7)..
    اصلو انا بكون اقرب صحافية لمنطقة النزاع لانو بابنا بفتح على خور جانقي وقصاد شباك الموية زمان .. (مربع29) جنب بقالة تانا ..


    الفاضلة انعام كيفنك
    بعد اذن سيد الحوش
    تسلمي على الاطراء الجميل في حق الامتداد

    تليشة:
    يا ناس الصحافة هوووووي محطة 7 دي ما تحلموا بيها
    بعدين ما تستغلوا زوجات اولادنا (الصحافيات) عشان تستولوا
    على اراضينا
                   |Articles |News |مقالات |بيانات

05-07-2006, 06:26 AM

Ishraga Haimoura
<aIshraga Haimoura
تاريخ التسجيل: 24-01-2004
مجموع المشاركات: 1463

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: HAYDER GASIM)

    نساء الصحافة

    الجنديات المجهولات ..... من كن يقدمن قطع الأقمشة المبلولة ويخرجن خراطيش المياه لتبريد حرارة "البمبان" في المظاهرات الليلية أيام الإنتفاضة ويفتحن أبوابهن للطلبة حين تطاردهم بكاسي الأمن وعربات الشرطة

    الخالة والدة "عصام بوكو" بصيرة ساهمت بفعالية في الحركة الرياضية في الصحافة .....ومجاناً عالجت أي رياضي مصاب

    الأستاذة/ فاطمة كننة .... مدرسة 16

    الأستاذة/ حليمة النور ... مديرة مدرسة على السيد التي رفعتها عالياً قبل أن تسقط داوياً

    مرينا .... أفطر على يديها كل من تخرج من مدرسة الحزام شمال

    الحاجة سعدية الدينارية..... أحلى كسرة في الصحافة

    الخالة نعمة "عثمان التوم" ....... راعية الديمقراطية في مربع 23

    الحاجة شيخ طويل ..... أول دكان بإدارة نسائية في الصحافة

    الخالة سكينة ............... أشهر كوارع

    حاجة زهرة..... أجمل تسالي على مستوى مدارس الصحافة

    الزهو .... حرم العم حسن فضل الله

    بنات القاضي .... علائم التعليم والاستنارة في مربع 24

    بدرية داؤود .....

    وللحديث بقية
                   |Articles |News |مقالات |بيانات

05-07-2006, 06:03 PM

HAYDER GASIM
<aHAYDER GASIM
تاريخ التسجيل: 18-01-2005
مجموع المشاركات: 11862

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: Ishraga Haimoura)

    يا سلاااااااااااآم عليكم يا بنات حيمورة

    شغل فى محلو ... اثلجتم صدورنا وشنفتم آذاننا

    الآن تتفتح نوافذ هذا البوست ... لتتخلله
    ( الطراوة ) و ( الهمبريب ) من كل الجهات,
    الإن يحق لنا أن نفخر بقوائم النساء الصحافيات,
    ولما لم تفرقهن عن الصحابيات إلا درجة, فهنيئا
    لنا هذا الملف النسائي المتميز , والله إستر ما
    إجيب لينا ( العين ) ...

    كما عهدتكم بنات حيمورة ... بناء على بناء ,
    وعادة فوق الإستثناء , وأمل يستبق الرجاء,
    فواصلنا عروضكن الشيقة هذه , تتبلل أوصال وتتصل
    أجيال , فتطيب الصحافة مقاما ومآل.

    يا إنعام حيمورة ... وأنا أتوجه قبالة بيتي الإسفيري
    هذا المساء رأيت فى ناصية من هذا البورد نداء للترحيب
    بك ... قلت أصل بيتنا أولا ( إمتداد الصحافة ... كما نحبه )
    وأتفقد أحواله وناسه , ثم أعرج على من يلينا , فالود كان
    ما كفى ناس البيت إحرم على الجيران, فوجدتك فى نص البيت
    قاااااااااعدة ومحكرة , فأسقطت فى يدي رغبة الترحيب بك,
    فرب المنزل يرحب بالناس لا العكس, لكنها ( أي الرغبة إياها )
    طاقة لا تفنى ولا تندثر ... لهذا أراها تتحول إلى فرح كبير
    يعتمر أرجاء نفسي , ويقلدها ( ميدالية ) على شرف الرفقة
    الصحافاتية والمعزة الاخوية.

    سيدة هذا البوست إشراقة ... أشرقت فجتنا وأنضاءت عواتم,
    سيرة المرأة فى الصحافة حرية بالعرض والتامل , تذكرت بعض
    أعلام ممن ذكرت , نساء يستحقن القيام لهن, وهذا بفعلهن وليس
    بتغريظي, والله على ما أقول شهيد, فواصلي عرضك البهي هذا...

    يعني ... ما تنقطعي
                   |Articles |News |مقالات |بيانات

06-07-2006, 12:03 PM

صلاح شكوكو
<aصلاح شكوكو
تاريخ التسجيل: 19-11-2005
مجموع المشاركات: 4484

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: HAYDER GASIM)

    رغم أني لست من أهل الصحافات
    ترعرعا .. ولكن عندنا بيت فيها
    ما عارف المسألة دي قانونيا كيف ؟؟

    ممكن تعتبروني منكم ؟؟
    المهم أنا بيتنا بعد الكلية المهنية
    محطتين وبعدين شمال زأنت جاي من الخرطوم

    بالله وروني الحتة دي مربع كم .. وبالمناسبة
    جنبنا في سوق وسط الحي ..

    سؤال تاني مهم بالنسبة لي :

    (( هل هناك أشخاص يحملون لقب شكوكو في هذا الحي )) ؟؟
    دا سؤال يهمني جدا لأن حصل لي موقف (( طريف جدا ))


    تحية ومودة


    =
                   |Articles |News |مقالات |بيانات

06-07-2006, 05:58 PM

HAYDER GASIM
<aHAYDER GASIM
تاريخ التسجيل: 18-01-2005
مجموع المشاركات: 11862

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: صلاح شكوكو)

    الأخ صلاح

    تحياتي المشرقات

    كنت أود توضيح وضعيتك القانونية كما
    أشرت إليهافى مطلع مساهمتك, لكن عجزها
    أغناني عن التوضيح, فأنت بحسب روايتك
    تتحدث عن منزل بإمتداد الدرجة الثالثة
    وليس الصحافة, ويا خسارة , قلنا كسبنا
    لاعب وفرحنا شديد , لكن طلع إنو ما زال
    مسجل فى حلة الإمتداد.

    مبروك عليكم يا طارق جبريل ... وإن شاء
    الله ما ينفعكم...

    يحول ملفك عزيزي صلاح لبوست ( إمتداد الدرجة
    الثالثة... ذلك الحي المتميز ) وغايتو أخد
    جكتك معاهم , وكان ما نفعوا معاك , فلدينا
    محكمة إستئناف عليا تنظر فى مثل حالتك,

    عاشت الصحافة المؤسسة ... ودام عز الجميع
                   |Articles |News |مقالات |بيانات

07-07-2006, 06:07 AM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22532

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: HAYDER GASIM)

    Quote: كنت أود توضيح وضعيتك القانونية كما
    أشرت إليهافى مطلع مساهمتك, لكن عجزها
    أغناني عن التوضيح, فأنت بحسب روايتك
    تتحدث عن منزل بإمتداد الدرجة الثالثة
    وليس الصحافة, ويا خسارة , قلنا كسبنا
    لاعب وفرحنا شديد , لكن طلع إنو ما زال
    مسجل فى حلة الإمتداد.

    مبروك عليكم يا طارق جبريل ... وإن شاء
    الله ما ينفعكم...


    صلاح شكوكو انت زول حقنا عديل وجنسيتك وجوازك جاهزات تب
    خليك من ناس الصحافة ديل لانهم مبهولين في طورشمية مربع
    الدايرو كله بتلقاهو عندنا بس تعالنا في الامتداد

    الحب كله لاهل الصحافة
                   |Articles |News |مقالات |بيانات

07-07-2006, 06:55 AM

صلاح شكوكو
<aصلاح شكوكو
تاريخ التسجيل: 19-11-2005
مجموع المشاركات: 4484

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: طارق جبريل)

    Quote: كنت أود توضيح وضعيتك القانونية كما
    أشرت إليهافى مطلع مساهمتك, لكن عجزها
    أغناني عن التوضيح


    العزيز / حيدر
    لك التحية والود
    ولعل مدخلي إليكم قد كان عبر بوابة ( إمتداد )
    لكن أظن أن المسألة تحتاج الى توصيف قانوني يحدد
    عبارة إمتداد التي هي من المد ..

    ورغم أن المد ( خشم بيوت ) فإن خشم بيتنا ومن
    خلال توضيحك قد جعلتنا خارج المد المكاني لديكم
    (( طيب من باب العلم بالشيء أرجو تعريف وتحديد
    هذا الحد والمد الذي يحدد حدودكم )) حتى لا يتغول
    ( رايح ) مثلي الى الرتوع حيث حماكم ..

    مع عاطر مودتي وتقديري لكم ولحيكم العامر بكم .

    Quote: صلاح شكوكو انت زول حقنا عديل وجنسيتك وجوازك جاهزات تب
    خليك من ناس الصحافة ديل لانهم مبهولين في طورشمية مربع
    الدايرو كله بتلقاهو عندنا بس تعالنا في الامتداد


    العزيز / طارق جبريل
    لك التحية والود
    أولا شكرا على الترحيب الرهيب والغشيب
    وحقيقة يشرفني أن أكون منكم وبينكم ..
    أما ناس الصحافة فقد كنت ومنذ أمد بعيد أحس
    بأنني منهم .. ويشق على أن أخلع ظني بهذه السرعة..
    لألبس فانلة الأمتداد مع ناس (( عثمان خضر ))
    وعماد الدين العاقب وعلى كل أخيرا عرفنا نحن ومن وين ..

    شكرا طارق على الترحيب وهذا اللطف الواسع
    وأتاري من زمان بنلعب لعب غير قانوني .

    أها بيتنا دا في مربع كم .. وحلتنا دي إسمها شنو ؟؟
    عشان نشيل دا كله ونجيكم بهناك جاهزين ..

    مودتي لك أخي حيدر
    ومودتي لك أخي طارق


    ولكل أبناء الصحافة والإمتداد


    =
                   |Articles |News |مقالات |بيانات

07-07-2006, 06:41 PM

HAYDER GASIM
<aHAYDER GASIM
تاريخ التسجيل: 18-01-2005
مجموع المشاركات: 11862

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: صلاح شكوكو)

    قال الأخ طارق جبريل مخاطبا نجمهم الجديد صلاح شكوكو:

    خليك من ناس الصحافة ديل لانهم مبهولين في طورشمية مربع,

    يعني أخونا طارق ومن حيث يدري أو لا يدري يعترف ( بكبر )
    الصحافة, وضمنيا عن إمتدادهم, وهذه ميزة بالمناسبة فى
    ميزان ( العدالة ) وهو يقيم الامر بين الإمتداد والصحافة,
    كما أن تفوقنا فى المساحة عنهم, يعني كذلك تفوقنا من ناحية
    عدد السكان, وبالتالي المرافق الحياتية المختلفة التي يقيمها
    الناس لتلبية إحتياجاتهم المعيشية, من مواصلات وصحة وتعليم
    وخلافه, كما تعني كذلك تفوق الصحافة البائن فى مضامير الفن
    والرياضة والمحافل الإجتماعية وما يتصل.

    هذا إعتراف نفهمه ونقدره... وهو الحقيقة الساطعة كالشمس
    فى بلادي ولما هي بلادها كذلك.

    مع هذا فنحن حفظة جميل ورعاة عهد وحملة ود ... وللإمتداد التحية
                   |Articles |News |مقالات |بيانات

07-07-2006, 07:24 PM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22532

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: HAYDER GASIM)

    Quote: يعني أخونا طارق ومن حيث يدري أو لا يدري يعترف ( بكبر )
    الصحافة, وضمنيا عن إمتدادهم, وهذه ميزة بالمناسبة فى
    ميزان ( العدالة ) وهو يقيم الامر بين الإمتداد والصحافة,
    كما أن تفوقنا فى المساحة عنهم, يعني كذلك تفوقنا من ناحية
    عدد السكان, وبالتالي المرافق الحياتية المختلفة التي يقيمها
    الناس لتلبية إحتياجاتهم المعيشية, من مواصلات وصحة وتعليم
    وخلافه, كما تعني كذلك تفوق الصحافة البائن فى مضامير الفن
    والرياضة والمحافل الإجتماعية وما يتصل


    حيدر كيفنك
    والله كتلتني بالضحك

    اقول ليك حاجة فنلندة على صغر مساحتها صنعت نوكيا
    وبنغلاديش على كبرها صنعت...


    الحب كله للصحافاب
                   |Articles |News |مقالات |بيانات

07-07-2006, 10:19 PM

HAYDER GASIM
<aHAYDER GASIM
تاريخ التسجيل: 18-01-2005
مجموع المشاركات: 11862

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: طارق جبريل)

    الأخ الكريم .... طارق جبريل

    ما أظنك تكون قاصد ( كتار وممحوقين )
    حتى لو قاصد ... برضو بنحبكم ... ودام
    عزكم.
                   |Articles |News |مقالات |بيانات

07-07-2006, 10:28 PM

HAYDER GASIM
<aHAYDER GASIM
تاريخ التسجيل: 18-01-2005
مجموع المشاركات: 11862

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: HAYDER GASIM)

    أعزائي ,

    يوسف الموصلي,
    أبو أنس الصحافاوي


    وين إنتو ياجماعة,
    طواااااااالي نايمين
    بره البيت,

    أدونا طلة إجونا خلق الله
                   |Articles |News |مقالات |بيانات

08-07-2006, 02:36 AM

انعام حيمورة
<aانعام حيمورة
تاريخ التسجيل: 29-06-2006
مجموع المشاركات: 11083

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: HAYDER GASIM)

    الزعيم / حيدر قاسم

    كيفنك
    شكرا على الترحيب

    والله انا ناوية اعمل خبطة صحفية اظني لانو من يوم ما سجلت في سودانيزاونلاين انا صباح ومساء نايمة وصاحية انا بفكر في الصحافة وكيف نعمل بوست (صاح الصاح) ...

    والله ناس الامتداد ديل ما بنبقى بلاهم لانو زمان اي حاجة مافي في الصحافة بنكملها من الامتداد .. لانو كل نسوان الصحافة كانوا بمشوا يجبوااللحمة والخضار من جزارة الامين .. ويشتروا من دكان عمي عوض .. الله يرحمه ساكن في الصحافة لكن دكانه في الامتداد ...

    وياناس الامتداد البركة فيكم في خالد (كشكشة)...

    عموما انتظروني ... جـــــــــــــــايكم
                   |Articles |News |مقالات |بيانات

21-07-2006, 07:26 AM

Elmosley
<aElmosley
تاريخ التسجيل: 14-03-2002
مجموع المشاركات: 34383

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: انعام حيمورة)

    انعام حيموره أكيد ده مربع 23 مش كده؟؟؟
                   |Articles |News |مقالات |بيانات

24-07-2006, 02:07 AM

انعام حيمورة
<aانعام حيمورة
تاريخ التسجيل: 29-06-2006
مجموع المشاركات: 11083

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: Elmosley)

    استاذنا الموصلي

    لك التحايا .. أرد الله غربتك الى صحافتنا العامرة .. دا مربع 29 ..

    البفتح على 17 مربع ناس خالد الصحافة !!!؟؟؟

    ولك الود
                   |Articles |News |مقالات |بيانات

08-07-2006, 06:18 AM

omer abdelsalam
<aomer abdelsalam
تاريخ التسجيل: 07-04-2006
مجموع المشاركات: 3450

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: HAYDER GASIM)

    يوسف الموصلي,
    أبو أنس الصحافاوي


    وين إنتو ياجماعة
    ------------------------------------
    العزيز / حيدر قاسم
    تحية ليك من الرباط
    وموصولةلللأستاذ/ يوسف الموصلي ، مبدع حينا الجميل - الصحافة -
    نغيب عن بوستنا الرائع بالقلم ..ولكن العين والقلب ، حاضران ، بالرغم من كل المنقصات اليومية التي تعكر المزاج .
    نتابع أقتراحتكم وآراء الزملاء والزميلات
    بالتأكيد سنعود للتواصل .
    أعتقد أنه بعد انتهاء معمعة المونديال سيتدفق المداد على البوست .
    وناتقي
    --
    ابوانس الصحافاوي
                   |Articles |News |مقالات |بيانات

08-07-2006, 05:11 PM

HAYDER GASIM
<aHAYDER GASIM
تاريخ التسجيل: 18-01-2005
مجموع المشاركات: 11862

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: omer abdelsalam)

    الأخ عمر عبد السلام

    تحياتي مضمخة بعبير المونديال ( الأشتر )

    شايف ألمانيا فشت مغصتا فى البرتقال, ونشوف
    بكرة الحا إحصل شنو, وإن همدت المشاعر بخروج
    من نحبهم من الأعماق, فهذا المونديال لا يمثل
    لدينا ( المستديرة ) فحسب, وإنما نتفاعل معه
    بكل احاسيسنا, وحيث نستخضر كل غبائننا التاريخية
    ومظالمنا الإجتماعية ومآزرنا الثقافية ومعاناتنا
    الإقتصادية وفوارقنا الحضارية... فنشجع بحمية مركبة
    وحاملة لكل الأجنة آنفة الذكر ... ما علينا, نرجع
    لصحافتنا الغراء.

    ... إلى جميع الصحافاب ... الاحباب

    لعل رغبتي فى مشاركة مستمرة ونشطة من قبل كل أبناء
    وبنات الصحافة, تنبثق من إحساسي بأن ما نكتبه هنا
    ليس لتزجية الوقت فحسب , إنما يحمل مضمونا معنويا
    نعبر من خلاله عن حبنا للصحافة ووفائنا لها, كما أن
    هذا البوست وسيلة هامة وفعالة لتحديث المعلومات
    وتداولها بين من يهمهم الأمر , فعلى يفاعة هذا البوست
    فقد تمكنت من خلاله من معرفة احوال الكثيرين من الأصدقاء,
    كما بدأت فى ملء بعض الفراغات فى معلوميتي حول الصحافة,
    بالمقابل كسبت أصدقاء جدد آمل المولى ان يديم المحبة بيننا,
    فالمنافع جمة والكلفة ضئيلة والهدف حميد ... فلنتوفر إلى
    هنا بأكثر مما هو كائن ...

    كما لا أخفي ( غيرتي ) من بوست ناس الإمتداد, وهو ينمو بسرعة
    صاروخية متفوقا على أي بوست فى هذا البورد على الإطلاق, فهم
    يضيفون صفحة كاملة كل بضعة أيام, ويسجلون أعلى نسبة قراء تغريبا
    ويحافظون على بوستهم دائما فى الصفحة الأولى, فلنستفد من تجربتهم
    هذه ونتفوق عليها, خاصة وأن الصحافة تتفوق عمليا وعلى الأرض عن
    غريمها وصديقها اللدود إمتداد الدرجة الثالثة...

    املي من ثم فى إنطلاق جديدة وجبارة ... ويله يا شباب
                   |Articles |News |مقالات |بيانات

09-07-2006, 07:05 AM

omer abdelsalam
<aomer abdelsalam
تاريخ التسجيل: 07-04-2006
مجموع المشاركات: 3450

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: HAYDER GASIM)

    Quote: ما علينا, نرجع
    لصحافتنا الغراء.

    --------------------------------
    الصحافة .. ضحية (دانات ) الأنقلابيون في مدرعات الشجرة
    ******************************************************
    العزيز/ حيدر قاسم
    لاأدي في صباح اليوم لاحت في مخيلتي دون سابق أنذار ، ذكريات من سنوات السبعينات في الصحافة شرق .لكنها تحمل بعض الالم والتساؤل المشروع .. لماذاحدثت تلك الأشياء المروعة ؟
    الخاطرة التي مرت بذهني ، المحاولات الإنقلابية الدموية في السودان والتي تبدأ اول مشاهدها من مدرعات الشجرة .. فأذكر ونحن فتيان ، كنا نتسيقظ في صبيحة جمعة ما ، على أصوات دانات الدبابات والمدفعية الثقيلة وهي تدوي بأصوات رهيبة ، فنقفز فزعين من أسرتنا .
    وكنا نخشى ان تفلت القذائف التي ترمى عشوائيا و تسقط في احد منازلنا بمربع 40 وقد تحول ذات يوم هذا الهاجس الى واقع مرير عندما سقطت دانة دبابة في الشارع الفاصل بين مربع 40 و42 وسقط الجزء الكبر منها في منزل كان افراده نيام في الحوش ، فقتلت رجلا في الحال واصابت آخر بجروح ، وكان القتيل قد وصل لتوه ضيفا من مدينة بورتسودان .
    منذ ذلك الحين والى ان غادرنا الصحافة للمغرب في اواخر السبعينات ، كان هاجس ( دانات ) دبابات الشجرة يؤرقني .
    ولاادري كم من ضحية وطفل روع وأمراة اجهضت في مربعات الصحاف الأخرى ، وخاصة تلك المجاورة للشجرة ومعسكر المدرعات ؟
    والسؤال : هل مازال هناك من يفكر في السودان في الحصول على السلطة بتلك الطريقة الهمجية ؟
    اعذرني أخي / حيدر على تلك الخاطرة المحزنة .. ولكنها جزء من تاريخ ووقائع عرفها أمتداد الصحافة
    ونتمنى ألا يروع الجيل الجديد من ابنائها بمغامرات طائشة يقودها إنقلابيون جدد!!!
    ولك مودتي
    --عمر عبدالسلام

    (عدل بواسطة omer abdelsalam on 09-07-2006, 07:11 AM)

                   |Articles |News |مقالات |بيانات

09-07-2006, 08:07 PM

HAYDER GASIM
<aHAYDER GASIM
تاريخ التسجيل: 18-01-2005
مجموع المشاركات: 11862

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: omer abdelsalam)

    الأخ عمر عبد السلام

    تحياتي مورقات سامقات

    من سواقط الذاكرة إستحضرت ما تحدثت عنه,
    دانات الشجرة وقبل أن تأخذ طريقها للقصر,
    تصيب الأهالي فى مواجع, ولما تصل إلى حيث
    تريد يتوجع كل الوطن, فلا حول.

    ذكرتني حدثا مؤلما ذو صلة بهذا المناخ العسكري
    المتربص بالمدنيين, أو قل الأبرياء أينما حلوا,
    فقد كان إثنين من أصدقائي, أحدهما يدعى التاج
    عبد المطلب وكان شغال معانا فى التخطيط, وآخر
    يدعى أسامة فى زيارة إجتماعية للشجرة أو العزوزاب
    لا أذكر, ولما كانا من سكان إمتداد الدرجة الثالثة,
    فقد قررا أن يختصرا طريق الأوبة إلى الإمتداد, والشمس
    آنها ترخي بأشعتها الذهبية سلكا طريقا ترابيا محليا
    يربط بين الشجرة والصحافة, كان على الطريق نقطة تفتيش,
    أو قل كان هناك عسكر, ومن شدة تواضع مظهر المحل لم ينتبه
    السائق ( التاج عبد المطلب ) إلى أن هناك ثمة شخص كان
    يقول ( توقف ) ... لم يصل هذا النداء لمسمع التاج وواصل
    سيره بشكل عادي, فإذا بعسكري يوجه ( دانة ) إلى العربة
    ويقصفها قصفا مبرما, إخترقت الدانة الزجاج الخلفي, ثم
    ( رأس ) أسامة, ولما كان فى مقعد الركاب الأمامي فتوفى
    فى الحال.

    أي ضريبة هذه يدفعها الأبرياء ... وأي مقابل يكون وأي
    حساب لا يكون... عدت هذه الحداثة الأليمة وهي تطوي معها
    مأساتنا السياسية ومضايعنا القانونية ... إنها قصة من
    كتاب ( إرهاب الدولة ) ... إنها عنوان مفارقتنا العظيمة
    لعصر القانون وسيادته, تخيل يا عمر ... لم تتعرض لهذه
    الحادثة المأساوية ولا جريدة...ناهيك عن التحقيق المهني
    والمساءلة القانونية والمحاسبة وفق مآلات الحدث .

    راح أسامة بكل شبابه... فارق دنيانا ولما نجهل جنيته التي
    تكلفته كل حياته, وإزدرد التاج مرارت الرهبة وجثامة الحدث.

    يا عمر مالك مطريني المأساه ده ولما قبرتها الأيام عبر كلفة
    نفسية عالية.

    طيب ... أنطوت القصة آنفه على إسم إمتدادي هو التاج عبد المطلب,
    وهو الآن يعيش عمره الجديد بعد حادثة الشجرة تلك, وأظنه مغترب,
    فتشوهو يا ناس طارق جبريل ... وأدونا بعد داك البياض.
                   |Articles |News |مقالات |بيانات

11-07-2006, 09:30 AM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22532

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: HAYDER GASIM)

    Quote: كما لا أخفي ( غيرتي ) من بوست ناس الإمتداد, وهو ينمو بسرعة
    صاروخية متفوقا على أي بوست فى هذا البورد على الإطلاق, فهم
    يضيفون صفحة كاملة كل بضعة أيام, ويسجلون أعلى نسبة قراء تغريبا
    ويحافظون على بوستهم دائما فى الصفحة الأولى, فلنستفد من تجربتهم
    هذه ونتفوق عليها, خاصة وأن الصحافة تتفوق عمليا وعلى الأرض عن
    غريمها وصديقها اللدود إمتداد الدرجة الثالثة...



    مغص... مغص يا الصحافة
    بس تموتوا مغص يا الصحافة



    الحب كله لاهلنا في الصحافة

    تليشة:
    اول ضربات القلب كانت عندكم
                   |Articles |News |مقالات |بيانات

11-07-2006, 01:15 PM

صلاح شكوكو
<aصلاح شكوكو
تاريخ التسجيل: 19-11-2005
مجموع المشاركات: 4484

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: طارق جبريل)

    Quote: الأخ المفضال...صلاح شكوكو
    إجتمعت محكمة الإستئناف العليا بالصحافة صباح هذا
    اليوم الأغر ... ونظرت فى أمرك على ضوء الحيثيات
    والبينات المتوفرة ببوست ( إمتداد الصحافة ) ,
    وبناء على مدارسة متأنية قررت المحكمة المشار
    إليها عاليه ( بالإجماع ) منحك عضوية الشرف
    الفخرية لإمتداد الصحافة, وهذا مما يؤهلك قانونيا
    وموضوعيا للإنتساب للصحافة, كما قررت المحكمة كذلك
    أهليتك ( الكاملة ) فى المشاركة فى بوست الصحافة,
    متى ما شئت وكيفما كذلك.


    الأخ الأكرم / حيدر قسم
    لك التحية وعاطر الود

    ولما كان الإنتماء للقلوب والنفوس أقوى الإنتماءات ..
    ولما كنت أرى أن الجوار المتمد بينكم في رحم التواصل
    نوعا من التوأمة الضرورية في تمدد الحياة ودورانها
    أجد نفسي في مقام الشكر والتقدير لكم على هذه المنحة
    الطيبة وهذا الشرف العميم وأنتم خيار من خيار تمثلون
    كفتي الميزان بين ( الصحـــافة والإمـــتداد ) وكل يحاول
    أن الرجحان دون تطفيف ..

    ولعل مصادفات القدر أن يكون التمدد من رحم بعضكما البعض
    وما هذه الأقلام وهذه الحمية وهذا التمترس إلا واجهة لإستثارة
    المواهب والقدرات والملكات .. في فن المدح والإطراء والقدح
    المهذب العفيف .. وكأن الجميع يسير في طريق المدح هذا
    محفوفا بأزاهير من المودة وحسن الكلم ..
    وهنا تكمن الروعة وحسن المقال والمآل ..وما هذه الدعوة الكريمة
    والمنحة لشخصي الضعيف إلا تعبيرا حيا لهذا الود الدفاق
    في نهر الإبداع الجميل بين جوار يخلو من الجور .. مملؤ بالود
    والحبور .

    وهنا تكمن روعة هذا السجال والمقال .. ويحق للفرد أن يفاخر
    ذاته بهذا التفرد الجميل .. تفرد أن تكون بين كفتين تتنافسان
    في الريادة وعدو المودة .. وسماحة النفس الرضية .

    في هذين الحيين تكمن كل سحنات بلادي .. لم لا وهما حيين شعبيين
    إختزنا روعة وطن متمدد في الوجدان قبل أن يلامس تخوم الأرض
    وصفحات الرمال ..

    التحية والود لكل الرائعين في الحيين الجميلين .. التحية لكل
    الأقلام الزكية التي نشتم من بين حروفها نكهة الإخاء والصفــاء
    وإن بدت للسطحيين أنها حـــرب ضروس .. لا تختلف عن الداعيسين
    والغبراويين .. ولا أهل البس من البسوس ..

    لكنها لأهل الصفاء محفل للتلاقي الجميل في ظلال الإلفة والمحبة
    والقول الجميل ..

    ورائع أن ننتسب لكل هؤلاء .. ورائع أن تكون من بعض هؤلاء ..

    ولكم مودتي وتقديري
                   |Articles |News |مقالات |بيانات

12-07-2006, 01:13 PM

omer abdelsalam
<aomer abdelsalam
تاريخ التسجيل: 07-04-2006
مجموع المشاركات: 3450

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: HAYDER GASIM)

    Quote: ذكرتني حدثا مؤلما ذو صلة بهذا المناخ العسكري
    المتربص بالمدنيين,

    *الوجه الباسم للمناخ العسكري الإنقلابي
    -------------------------------------------
    الحبيب/ حيدر قاسم
    بالتأكيد في وسط كل مأساة ، تطل لحظات ومفارقات لاتخلو من الإبتسامة ، حتى لو كانت تبدو تراجيدية الشكل والمضمون ، أعتقد في ظل سلسلة طويلة من الإنقلابا ت العسكرية الدموية في السودان ، نستحضر لحظات ساخرة وطريفة علقت في الأذهان كما علقت مشاهد الوجوه المسحوقة بالدانات والرقاب المتدلية من المشانق ، قد نذكر ( ابوعاج ) وهو يقفز من سور القصر بجلابية النوم أثناء انقلاب يوليو 1971، ويسارع بركوب سيارة المطرب الراحل سيد خليفة .
    اذكر في تلك الأيام الكالحة عقب انقلاب هاشم العطا ، والبلاد ، دخلت في منعطف خطير ، ووقعت تحت سطوة صراع اقليمي ودولى ، وقتل العديد من ابناء الشعب عسكريين ومدنيين ، بالتأكيد من بينهم أبرياء لاناقة لهم ولاجمل ، وأختفت وجوه ورموز سياسيية ونقابية كان لها وزنها المحلى والدولي ... في تلك الأيام اصاب البلاد خوف من المجهول ، وراح البعض يتصرف بقلق وخوف من رد الفعل والإتهام والذي قد يؤدي الى ما يحمد عقباه .
    في ظل تلك الأجواء اذكر ان أحد جيرانا في مربع 40 ، يدعى حسن محمد هاشم العطا ، كان من الشخصيات الظريفة ، صاحب نكتة ، مشهور في وسط الحي بمدعباته للصغير والكبير نساء ورجالا ، يشجع فريق الهلال بحماس ولكن دون تعصب اعمى ، ومع كل الحب والإحترام الذي كان يلقاه من سكان الحي، اصاب هذا الرجل الجميل هلع شديد مابعد فشل انقلاب 19 يوليو ، فلرجل لم يكن ينتمي للحزب الشيوعي ، ولم يكن معروفا بانه من المتعاطين مع السياسة وألاعيبها ، ولم يكن له صلة بماجرى لامن قريب ولامن بعيد ، فقط صادف ان اسمه وخاصة جده ووالد جده ، مطابقا للأسم قائد الإنقلاب ( هاشم العطا) ، وكان الحي قد تعرض لتفتيش من قوات الأمن وأعتقال اشخاص بدو متعاطفين مع االإنقلاب ،
    فسارع صاحبنا بخطوة سريعة بمجرد فشل المحاولة الإنقلابية وسالت الدماء ، الى محو اسم جده من اليافطة المعلقة في باب منزله ، واختفي اسم العطا ، وعاش الرجل اياما عصيبة واختفت ضحكته المجلجلة والتي كان يطلقها في الحي صباح مساء . وكنا نمر من أمام بيته وننظر الى اليافطة المعدلة ، وتعلو وجوهنا ابتسامة ولكن يطبعها الأسى على مأصاب هذا الرجل اللطيف المعشر من هلع وغم يتناقض تماما مع شخصيته المرحة .
    وكنت في ذلك الوقت فتا يافعا ، معجبا بشخصية جارنا ( حسن ) ، وبقدر ما اصابني الحزن في تلك االأيام من هول ماجرى ، تأسفت جدا لما اصاب جارنا العزيز من هم وخوف ، وتغيير في السلوك دام لعدة سنوات الى ان عادت اليه البسمة مرة اخرى ، ولكن ليس كماعهدناه في السابق .

    (عدل بواسطة omer abdelsalam on 12-07-2006, 01:20 PM)

                   |Articles |News |مقالات |بيانات

13-07-2006, 04:58 AM

انعام حيمورة
<aانعام حيمورة
تاريخ التسجيل: 29-06-2006
مجموع المشاركات: 11083

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: HAYDER GASIM)

    اتمنى ان أكون قد وفقت ولو قليل ..

    بنتهي الامتداد في مربع (14)

    تبدأ الصحافة من مربع (15) بجاور مربع 15 دا مزاد جبرة ...
    بعده مربع (16)
    الفيه اشهر مدرسة ابتدائي بنات واولاد .. مدرسة البنات دي الكانت فاطمة كننة ناظرتها -وعلى فكرة اولاد اختى بضحكوا على ابوهم لما مرة قال الناظر بتاعنا .. ومدرسة الاولاد كان بدرس فيها استاذ صلاح الهسي عندوا مدراس صلاح وما اظن مافي زول في الصحافة ما قرأ معهد صلاح حتى تدرج ووصلت مدراس صلاح ذات الشهرة العالمية..
    عارفين .. عندي زكريات جميلة جدا جدا في مدرسة 16 دي واحلى ايام حياتي قضيتها فيها.. لاني كنت في ذلك الوقت اشهر لاعبة كرة طائرة .. قد فريق المدرسة الى كأس ما بين النيلين ومشنا استاد الخرطوم ادوني كاس فضة خطير – وجاء زول اتبرع لينا بي 100 ج بي شيك كمان ( واصر الا استلموا انا) لانو مبلغ كبير .. وفي احتفال كمان ..
    وبمجرد ما استلمت الشيك ابو 100 جنيه .. اخني الحماس الى ان أعلن عن تبرعنا نحن بنات الفريق بقيمة الشيك لصالح المدرسة وبالفعل تم بناء فصول بالـ 100 ج .
    وكمان كنت بفوز دائما بسباق الدرجات البعملوا في منتزه 19 ناس المدرسة والمربع ...

    بعد منه بجي مربع 17 ..
    في اغلب الأحيان بفصل كل مربع والتاني خور متوسط .. وعلى فكرة .. الصحافة فيها احسن قناة تصريف لمياه الأمطار .. وفيها بوستة بتجي للبيوت حتى الآن.. البوستي ابو عجلة يدق ليك الباب يديك الظرف .. ولو طرد بديك اشعار تجي تستلموا من البريد الكان في مربع 29 جنب اجزخانة الصحافة جنب د. بكري الله يرحمه .. لكن الان انتقلت لبيت ناس مصطفى جني ..
    مربع 17 دا الفيه خالد الصحافة وفيه دكان حاجة شيخ طويل وفيه كمان مدرسة القدس المتوسطة ..

    مربع 18 فيه برضو مدرسة شهيرة ..
    اغلب المربعات فيها مدارس وجوامع ..
    نجي بعد داك لي مربع 19 دا منتزهة فيها جامع الصحافة مربع 19 وفيها مركز مربع 16 الصحي الياما مشينا من المدرسة شايليين ارانيك اتعالجنا فيه ...
    ومربع 20 فيه مدرسة برضو وفيه دكان ضمرة ...وساكنة فيه استاذة ام سلمة الناظرة ..

    ومربع 21 مشهور بالكورة .. ومدرسة على السيد بنات وفيه الخال عثمان حيمورة .. ودكان حسن .. وفيه سعيد بتاع الكوارع .. وفيه بنات النور ....
    مربع 22 منبع الهيلاهوب ...
    مربع 23 .. فيه مدرسة الحزام شمال زمان (هسي ما عارفة سموها شنو) واشهر خالة من خالات المدارس الخالة (مرينة ) .. دا ذي ما قلنا مربع الزعيم حيد قاسم .. وفيه دكان نفيسة مرت الضو .. تتذكرا ياحيدر ..
    مربع 24 .. دا فيه ناس عوض ابشر وامال ابشر .. ومربع هادي وجميل ..
    مربع 25 .. جلال الصحافة ، جمال سليمان (اخوان طبعا) ما في حفلة في الصحافة الا كانوا هم عناصر فيها..
    مربع 26 منتزه الا انو الآن امتلأت عمارات وشقق إيجار من ساكنيها أستاذ صلاح ابو ضحكة مجلجلة ..
    مربع 27 دا مربع العلم .. أولاد أبو عاقلة .. أولاد محمد صالح .. منارة في العلم

    مربع 28 .. فيه مدرسة الرجاء أول مدرسة خاصة في الصحافة .. كان لها إسهامات ثقافية عديدة .. ومن أشهر سكانه الفنان الخالدي .. وكمان ناس أشرف الأزهري وسندس ..
    كدة الصحافة غرب انتهت

    نجي للصحافة وسط
    مربع 29 .. واجهة الصحافة .. بقالة تانا .. عمارة خليل (ذات الصيت) بيتنا ..
    مربع 30: سكينة ست الكوارع وزينب الجمل يكفينان ولا شنو ؟؟؟
    مربع 31 .. مدرسة الشهيد الطاهر
    مربع 32 منتزهة
    مربع 33 : مدرسة الشهيد الطاهر
    مربع 34 : قسم الصحافة + المحلية – بلغة هسي
    مربع 35 : ناسو حنان .....

    كدة الصحافة وسط انتهت

    تجي الصحافة شرق بتبدا من مربع 36 وحتى 43 ياريت زول يكمل عني وصف شرق لانو علاقتي شوية بيها ضعيفة ما اذكر اسماء .. ( لكن اهم شي في 39 في مستشفى ابراهيم مالك + خالتي الروضةمحي الدين بخيت ، الحاجة المناضلة المقاومة المكافحة الله يرحمها ) ..
    عشان تبدأ اركويت من مربع 44




                   |Articles |News |مقالات |بيانات

13-07-2006, 08:32 AM

omer abdelsalam
<aomer abdelsalam
تاريخ التسجيل: 07-04-2006
مجموع المشاركات: 3450

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: انعام حيمورة)

    Quote: تجي الصحافة شرق بتبدا من مربع 36 وحتى 43 ياريت زول يكمل عني وصف شرق لانو علاقتي شوية بيها ضعيفة ما اذكر اسماء .. ( لكن اهم شي في 39 في مستشفى ابراهيم مالك

    * الصحفة شرق - لكل مربع .. نكهته الخاصة
    *****************************************
    االأخت العزيزة / أنعام حيمورة
    احاول ان اصف الصحافة شرق من خلال بعض الإنطباعات ، لكن للأسف - بسبب الغربة الطويلة - تعود هذه الملاحظات الى سنوات الصحافة شرق الأولى ،لمرحلة السبعينات ، والنصف الأول من الثمانينات، وياريت كمان يتطوع شخص آخر من سكان الصحافة شرق ليكمل مابعد هذه المرحلة .
    --------
    شكلت الصحافة شرق من خلال مربعاتها ( 36 و 37 و38 و39 و40 و41 و 42 ) كيانا متفردا له خصوصيته وملامحه المميزة ، ولكن اللافت ان لكل مربع من تلك المربعات كان له ملامحه ومميزاته الخاصة ، والغريب كنا نرى في سنوات الصحافة الأولى ان احياء الصحافة شرق تتشكل وفق ملامح ووجوه وأثنيات معينة ، فلكل مربع تغلب عليه قبائل وعائلات دون غيرها ، وبالرغم من ان تقسيم أمتداد الصحافة تم عن طريق القرعة العشوائية ، لم أجد تفسيرا لتجمع عائلات وقبائل في مربع ما ولاتجدها بنفس الكثافة في المربع الآخر .. هذه الملاحظة ربما يجيب عليها أحد المهتمين بالتوزيع السكاني من ساكنى الصحافة .
    أكثر المربعات التى تبدو فيها غلبة قبائل وعائلات واضحة ، وهي : مربع 40 و37 38 ... مربع 40 معقل فريق العزيمة ( فريق الطفولة والصبا ) كان اول من سكن المربع وبكثافة هم الشايقية والبديرية ، حتى ان فريق العزيمة كان يعتبر من ضمن الممولين الرئيسين لفريقي الزومة وجلاس في الخرطوم ، وكانت اول المتاجر التي فتحت اصحابها من الشايقية ، واحيانا كانت هناك شوارع بأكملها ينتمون لتلك القبيلة السودانية الكبيرة ، بل احيانا ، تجمعهم صلات قرابة أو نسب ، ومربع 40 كان معروفا بحيوية سكانه ونشاطهم الدؤوب خاصة من خلال الجمعيات التعاونية والخيرية والرياضية بالرغم من وجود صراعات بين الأجيال .
    مربع 37 كان يمثل بالنسبة لنا ، مربع الهدوء والسكينة ، وغلب على سكانه انهم من منطقة حلفا وسكوت المحس ، لم تكن فيه ضوضاء وحركية كمافي مربع 40، والحادث الوحيد الذي هز كيان هذا المربع الوادع ، تلك الجريمة البشعة التي ارتكبها احد سائقي الحافلات في حق صبية من ساكنة الحي في اواخر الثمانينات اودت الى إزهاق روحها بعد ارتكاابه لعمل شنيع ضدها ، ولكنه نال عقابه ، وقد خرج سكان الحي في تلك الفترة من هدؤهم وعبروا بقوة عن استنكارهم لماجرى .
    مربع 38 ، هذا المربع كان يعتبر المنافس ةالخصم لمربع 40 في العديد من المناشط ، بدءا من كرة القدم فقد كان إجراء مباراة كرة قدم بين العزيمة و( الزمالك ) ) كان بمثابة حرب داحس والغبراء ، وكان أنضمام لاعب من مربع 40 لفريق الزمالك يعتبر خيانة ، والعكس كذلك اذا انضم لاعب من الزمالك ي للعزيمة . وغلب على مربع 38 ان غالبية سكانه من الدناقلة ، وكانوا اول من بادروا الى الهجرة والإغتراب خارج السودان مع موجة الهجرة في منتصف السبعينات .
    اما مربع 41 فقد ملاصقا لمربع 42 الذي كان اكثر صخبا وحيوية وطغي بذلك على جاره حتى اصبح التفريق بينهما ليس بالسهل ، وكان يضم نجوما في الغناء مثل عباس تلودي ، وكان فريق ( ترهاقا ) ممثل المربع ايضا على عداء كروي حاد مع فريق العزيمة ، بالرغم من الصدقات الحميمة التي تجمع بين أبناء المربعين ..لاأدي ان هناك مربع يعرف ب 39 ويقال فقط انه مجرد منتزه وميدان كبير .. لاأدري ماصحة ذلك .. ارجو ان اكون صائبا .
    تلك ملامح عامة نحتها من الذاكرة عن الصحافة شرق . ونرجو ان أكون قد اكملت شيئا ما ماخطته زميلتنا انعام .. والبركة في الجيل الجديد ليكمل ماعجزنا عن ادراكه وتذكره .. والعتب على السن والغربة الرديئة .
    ---
    اخوكم
    عمر عبدالسلام
    الصحافة شرق مربع 40
    حاليا الرباط المغرب من دون مربع

    (عدل بواسطة omer abdelsalam on 13-07-2006, 08:38 AM)
    (عدل بواسطة omer abdelsalam on 15-07-2006, 04:48 PM)
    (عدل بواسطة omer abdelsalam on 15-07-2006, 04:49 PM)

                   |Articles |News |مقالات |بيانات

13-07-2006, 06:05 PM

HAYDER GASIM
<aHAYDER GASIM
تاريخ التسجيل: 18-01-2005
مجموع المشاركات: 11862

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: omer abdelsalam)

    الأخت إنعام حيمورة

    تشكري على المجهود الكبير ده, وعلى نحت الذاكرة حتى تساقطت رطبا جنيا, الآن بدأنا والفعل فى تصميم وفى بناء إنسكلوبيديا الصحافة, ناس ومرابيع ومدارس ومواقف وتاريخ ورموز. ولأنها البداية فأتوقع أن يتوفر من كل مربع فى الصحافة من يقدم معلومات أكثر وأكثر, وأن نتوغل فى مبحثنا هذا حتى نلامس عصب الصحافة المندغم بين دفتي التاريخ والجغرافيا.

    المعلومات حول الصحافة وأجيالها وأحوالها لهي فى عظمة الصحافة نفسها, وهي موجودة ولا شك لكنها حبيسة الأذهان والأضابير, مع هذا فنحن نصر على أن تتدفق وتغمر الأرجاء حتي يرتفع المعروض الإعلامي للصحافة إلى مكانتها فى وجداننا, وإلى أهميتها وحيويتها فى إطار المنطقة ككل.

    وإذ إخترنا هذا البوست ( ثقبا ) تتحدر من خلاله المعلومة الصحافابية, فمن نافلة الأمر مشاركة كل بنات وأبناء الصحافة ذوي العضوية فى سودانيزأونلان فى بوست الصحافة ... وكما نحبها, وهذا أولا... يليه تحرك هؤلاء الأعضاء أنفسهم فى حدود نطاقات معارفهم وبما يسعه وقتهم, لبناء حلقة أخرى من المتابعين والمشاركين فى هذا البوست من غير الأعضاء , وذلك عبر التفاهمات الثنائية والجماعية , وكذلك عبر العنوان الإلكتروني الذي خصصناه للتواصل مع رقعتنا الإسفيرية هذه, ونكرر العنوان بين الفينة والأخرى لأهميته :

    [email protected]

    نرحب كذلك بأية مقترحات أخرى لتطوير أداءنا الإعلامي ولتكريب صلاتنا الصحافبية الطيبة.

    إنعام... جاييك لاحقا للأسماء التي ذكرتيها وفق فرزها المربعي, تحرك جيد ومجهود مقدر,

    سأقدم بعض الإضافات هنا وهناك... وحاولي ( إستقطبي ) لينا المزيد من الكتاب لهذا البوست.

    كده خليني أمر على عمر عبد السلام ده... باقي حنين والغربة كاتلاهو

                   |Articles |News |مقالات |بيانات

13-07-2006, 06:08 PM

HAYDER GASIM
<aHAYDER GASIM
تاريخ التسجيل: 18-01-2005
مجموع المشاركات: 11862

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: HAYDER GASIM)

    الأخ عمر عبد السلام

    إن شاء الله تمام

    تشكر عزيزي على إفضائك لما علق بذاكرتك حول مرابيع الصحافة والقصص ذات الصلة, فإن كان هذا حال ذاكرتك بعد إنقطاع يقارب أو يفوق العقدين من الزمان , فدعني أقول أن ذاكرتك بخير وما تزال نصيحة تتسيد الموقف, وقد تأكدت من ذلك ولما مررت على بوستك المتعلق بخريجي جامعة فاس بالمغرب, منتهى اليقظة وإحتفاظ جميل حتى بالتفاصيل الصغيرة.

    نحتاج بالفعل لرابط معلوماتي من الصحافة شرق, فكده فى الونسة كده لو طقش أضانك إسم ألكزوا علينا. بعدين ياخ وين راكوبة, فقد إفتقدناه وإسهاماته المتميزة وموضوعاته الطروب.

    أخليك يا راجل شوية .... مع تحياتي لأحبائنا السودانيين فى مغربكم العامر , ولجملة أصدقائك خاصة ناس الإمتداد الأعداب الأحباب.
                   |Articles |News |مقالات |بيانات

13-07-2006, 06:11 PM

HAYDER GASIM
<aHAYDER GASIM
تاريخ التسجيل: 18-01-2005
مجموع المشاركات: 11862

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: HAYDER GASIM)

    الأخ شكوكو

    كيف عامل

    مشكور ياخ على كل سطر كتبته إلينا , وعلها سانحة لأبدي إعجابي بمكتوباتك, فهي ذات معنى شفيف يستقر على مبنى وريف, أنا سعيد بوجودك بيننا ولما وفرت لنا سانحة شخص قابل للإكتشاف بإستمرار وهذه ميزة... فلتنعم بما تملك من قدرة وبيان .... وللننعم بمنتوجك ما كان.

    نعم ... وكما قلت ... نخلق المناوشة مع الإمتداديين ... كيما نرفع مقادير التبادل بيننا إلى درجة المنافسة... وتعلم أن المنافسة تخلق الكروموسومات الضرورية للإبداع وتوفر كذلك حواملها الجينية, تضفي بالطبع مقاليدها على الريزم وعلى الملعب والمتفرجين ... توقنا أن يشاهد الجمهور مباراة شيقة, وإن كانت النتيجة مضمونة لصالح الصحافة.

    ما أحببت ان نلتقي ... فعسانا نراك فى محطة سبعة ( واجهتنا على الإمتداد ) وبعضا من أفضال خيرنا عليهم ... نشوفك ما سمحت ظروفك.
                   |Articles |News |مقالات |بيانات

14-07-2006, 03:17 PM

صلاح شكوكو
<aصلاح شكوكو
تاريخ التسجيل: 19-11-2005
مجموع المشاركات: 4484

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: HAYDER GASIM)

    Quote: مشكور ياخ على كل سطر كتبته إلينا , وعلها سانحة لأبدي إعجابي بمكتوباتك, فهي ذات معنى شفيف يستقر على مبنى وريف, أنا سعيد بوجودك بيننا ولما وفرت لنا سانحة شخص قابل للإكتشاف بإستمرار وهذه ميزة... فلتنعم بما تملك من قدرة وبيان .... وللننعم بمنتوجك ما كان.

    لك التحية والود أخي / HAYDER GASIM
    أشكر لك هذا السيل الجارف من الثناء العاطر
    والذي لا أستحقه ولكنه ينم عن خاطر عفٌ جميل
    وهذا ديدن الرائعين الذين يجملون لنا الحياة
    بأزاهير وأطايب الكلم ..

    ولعلني أرى سجالكم هذا نوعا من الإستثارة البريئة
    التي توقد قداحات الإبداع والإبتداع صفاءا ومودة
    ومحبة ..

    شكرا لهذا التطويق الجميل ..
    وشكرا لهذا الثناء العاطر
    وهذا الود الغامر .



                   |Articles |News |مقالات |بيانات

14-07-2006, 11:20 PM

HAYDER GASIM
<aHAYDER GASIM
تاريخ التسجيل: 18-01-2005
مجموع المشاركات: 11862

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: صلاح شكوكو)

    أخونا طارق اللمين

    إن شاء الله ما حاسي
                   |Articles |News |مقالات |بيانات

15-07-2006, 12:06 PM

HAYDER GASIM
<aHAYDER GASIM
تاريخ التسجيل: 18-01-2005
مجموع المشاركات: 11862

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: HAYDER GASIM)

    Quote: مربع 38 ، هذا المربع كان يعتبر المنافس ةالخصم لمربع 40 في العديد من المناشط ، بدءا من كرة القدم فقد كان إجراء مباراة كرة قدم بين العزيمة و( اليونتي ) كان بمثابة حرب داحس والغبراء ، وكان أنضمام لاعب من مربع 40 لفريق اليونتى يعتبر خيانة ، والعكس كذلك اذا انضم لاعب من اليونتي للعزيمة . وغلب على مربع 38 ان غالبية سكانه من الدناقلة ، وكانوا اول من بادروا الى الهجرة والإغتراب خارج السودان مع موجة الهجرة في منتصف السبعينات









    عزيزي الفاضل شكرى الكثير لك لكن الفقرة أعلاه تخص مربع 38 وليس مربع 36 انما تخص فريق الزمالك



    والذى يمتلك ناديأ في ذلك الزمان وكان بمثابة الاتكاءة لكل من وسط وشرق

    لزوم التنبيه لابن دفعتي ازهري عبد السلام وشكري



    وصلتنا هذه الرسالة من الأخ محمد طالب,
    فمرحبا به طالبا للتواصل مع صحافتنا الرؤوم,
    وإن كانت هذه البداية, فليس منظورا النهاية,

    فلنشعل كل الشموع لنرى كل الصحافة.

    أظن الأخ محمد طالب يرد فى إقتباسه الآنف على
    جزئية من مداخلة للأخ عمر عبد السلام, وليس
    أزهري عبد السلام. ولما تشير قرائن الإسم إلى
    أنهما أخوان ( أزهري وعمر ) , وإن صح تقديري
    هذا, فنحن نسأل عن أزهري شخصيا... أين هو وهل
    من سبيل ليشاركنا فى هذا المحفل الصحافابي الآلق.
    نأمل ذلك.

    مع مودتي
                   |Articles |News |مقالات |بيانات

15-07-2006, 02:26 PM

كبسيبة

تاريخ التسجيل: 05-05-2003
مجموع المشاركات: 0

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: HAYDER GASIM)

    إنتي يا درب الأماني يا غنيوات المسافة
    يا نهايات المواني يا صباحات الثقافة
    نحن منك بسمة تمسح عن بحيراتك جفـافة
    نحن منك نبني مجدك ومهرجانك يا صحافة


    وتحية لكل أهل الصحافة العظماء .
    ذكرياتي لا تنتهي :
    الشهيد الطاهر ..... حلويات سعد.....علي السيد
    وجاييكم

    (عدل بواسطة كبسيبة on 15-07-2006, 02:30 PM)

                   |Articles |News |مقالات |بيانات

15-07-2006, 03:50 PM

برير اسماعيل يوسف
<aبرير اسماعيل يوسف
تاريخ التسجيل: 03-06-2004
مجموع المشاركات: 4443

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: كبسيبة)

    في البدء التحية و التقدير لكل ناس الصحافة ... و تحية قلبية خاصة للأخ حيدر قاسم ... الذي حرك فينا الكثير من الشجون ... و اعاد الينا ذلك الزمن الجميل.

    اريد ان اضيف الي صفحاتكم العامرة العديد من الشخصيات الرياضية في الصحافة الحبيبة الي قلوب الجميع.

    من اللاعبين الذين صالوا و جالوا في ملاعب الصحافة الترابية و في الملاعب الخضراء بعد ان التحقوا بفريقي القمة السودانية و بغيرهما من فرق الدرجة الاولي العاصمية في ذلك الزمن الحلو نذكر الاتية اسماؤهم و نتمني الا تخونني الذاكرة فقد وهن العظم مني و اشتعل الرأس شيبا:

    1/اللاعب الدولي الفنان هاشم عز الدين لاعب الأهلي
    2/ الاعب الدولي الفنان عمر ضو البيت الذي لعب في الأهلي ثم هلال بورتسودان
    3/ اللاعب الدولي سعد زكريا نادي الأهلي
    4/اللاعب الفنان مبارك حمزة الذي لعب للمريخ ثم الزهرة يوم ان كانت زهرة
    5/ اللاعب فتحي التوم كابتن النيل
    6/اللاعب فيصل عبد الحميد حارس الاهلي ثم الشبيبة بورتسودان
    7/ اللاعب طارق خضر الذي لعب للمريخ
    8/اللاعب حمودة الذي لعب للهلال
    9/ اللاعب عادل خليفة الذي لعب للهلال
    10/ اللاعب عبد الله موسي الذي لعب للزهرة
    11/ اللاعب عباس عوض لاعب النيل
    12/ اللاعب عماد عبد الله او عماد الزومة الذي لعب للهلال
    13/ اللاعب معاوية حسين لاعب الاهلي
    14/اللاعب فايز حاج سعيد لاعب المريخ ثم العباسية
    15/اللاعب محمد علي يس لاعب ام دوم

    و من الاداريين اللواء معاش عثمان سر الختم مدير الكرة بنادي الهلال
    و من فرق رابطة الصحافة وسط بل و من اهمها علي الاطلاق فريق الكوكب ابان زمن المرحوم مكرم حيث احرز الكوكب 9 كؤوس و شهد علي تلك الفترة الجميلة اللاعب العظيم و الاخ الكبير بكري عبد الجليل مدرب فريق الحزام و ايضا شهد عليها الاخ الصديق فتحي التوم ... علما بان قائد فريق الكوكب في تلك الفترة كان هداف منتخب الصحافة اللاعب المرعب الدكتور صلاح عبد الله الذي رفض اغراءات فرق المقدمة لانشغاله بدراسة الطب.

    معذرة مقدما ان نسينا فالنسيان آفة احيانا و نعمة في بعض الاوقات.

    في المختتم التحية موصولة للعزيز يوسف الموصلي .

    هاشم سيد احمد عتيق


    يا جماعة الخير هذه وصلة تاريخية من احد سكان الصحافة تقبلوا منه التحيات الكثر.

    برير اسماعيل يوسف
                   |Articles |News |مقالات |بيانات

15-07-2006, 03:54 PM

omer abdelsalam
<aomer abdelsalam
تاريخ التسجيل: 07-04-2006
مجموع المشاركات: 3450

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: HAYDER GASIM)

    Quote: عزيزي الفاضل شكرى الكثير لك لكن الفقرة أعلاه تخص مربع 38 وليس مربع 36 انما تخص فريق الزمالك

    العزيز / محمد طالب
    تحية عطرة بعد هذا المسافة الشاسعة من زمن ولى
    كلام صحيح .. صدقني كنت مساء اليوم بعد ان بدات ذاكرتني تنتعش قليلا تذكرت انني ارتكبت خطئا وكنت أود تصحيحه وسبقتني انت على ذلك .. بالتأكيد ماكنت اقصده ، هو فريق ( الزمالك ) أما اليونتي فهو فريق مربع 36 ( سامحنا اخي محمد على هذه التخريفة - العتب على السن ) .
    واشكرك جدا للأنك ادركت بعد كل هذه السنين أن اسمي الذي كان متداول في الصحافة شرق هو ( ازهري ) يعني اسم الحلة وكنت معروفا به في فريق ( العزيمة ) .. اما عمر فهو الأسم الرسمي بتاع .. الشهادة والمدارس والجامعات ،وقليلون هم من يدركون ان( عمر ) و( أزهري عبدالسلام ) هما اسم لشخص واحد .
    والمعذرة للأخونا / حيدر قاسم على هذه اللخبطة ، فقد كان لدي اسم ( حلة ) وأسم ( مدرسة ) ومن بعد أسم ( جامعة )و( اسم غربة ) ... معليش يفترض انني كان يجب ان اوضح للأهلى المتابعين لبوست الصحافة هذه الملاحظة من قبل .

    وشكرا ليك مرة اخرى محمد طالب على التوضيح ، وكشف الإسم الآخر ،

    (عدل بواسطة omer abdelsalam on 15-07-2006, 05:11 PM)

                   |Articles |News |مقالات |بيانات

15-07-2006, 05:02 PM

omer abdelsalam
<aomer abdelsalam
تاريخ التسجيل: 07-04-2006
مجموع المشاركات: 3450

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: HAYDER GASIM)

    Quote: , وإن صح تقديري
    هذا, فنحن نسأل عن أزهري شخصيا... أين هو وهل
    من سبيل ليشاركنا فى هذا المحفل الصحافابي الآلق.
    نأمل ذلك.

    اخي / حيدر قاسم
    انت تسأل عن ازهري عبدالسلام ، فهو قريب منك يشاركك هموم البوست منذ نشأته .
    ارجو ن يكون التوضيح اعلاه قد كشف لك سر ( ازهري ) لاعب فريق العزيمة سابقا وابن حلة مربع 40 .
    وامامك حاليا الشيخ / عمر الذي كاد بسبب الغربة الطويلة ان ينسى أن له اسم آخر ..لولا ايقظني ابن دفعتي / العزيز / محمد الطالب ، اين انت يارجل ، ارجو ان نرى الكثير من رسائلك على هذا البوست
    اما لماذا لدي اسمان . فتلك حكاية اقترنت بالمهد وخيارات الأب والأم ..يمكنني سردها فيما بعد
    التحية للأهلنا في الصحافة شرق -- طال شوقنا اليهم .. وربنا يعيدنا لتلك الأيام الجميلة ، ايام المنافسة الحامية بين ( العزيمة ) و ( الزمالك ) ....

    (عدل بواسطة omer abdelsalam on 15-07-2006, 05:04 PM)

                   |Articles |News |مقالات |بيانات

15-07-2006, 10:32 PM

HAYDER GASIM
<aHAYDER GASIM
تاريخ التسجيل: 18-01-2005
مجموع المشاركات: 11862

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: omer abdelsalam)

    wow ... قال ليك جونا ناسا مشاهير, كبيسة, برير إسماعيل يوسف,
    ومن قبلهم النجوم الصواعد, محمد الطالب... والبقية تأتي.

    كبيسة يفرج عن أشعار حبيسة
    يستطيب مقامنا فصحافتنا أنيسة
    يا مرحى قياما والأميرة جليسة
    إنها ديارناالصحافة تتالق قديسة


    ويله ياكبيسة... فلتتداعى

    أخونا برير... شرفتنا هاهنا وأضفت لمعدل الصحافة فنطازا
    أتحفتنا بتلك القائمة الطويلة من مبدعي الصحافة ... شعرت
    والحال كذلك أن كنا وربما من الممكن أن نشكل فريقا قوميا
    بحاله.

    قلت أن وهن العظم وإشتعل الرأس شيبا, وما براك, لكن هذا يعني
    أن سوف تأتينا من العتاقي ... وما أحلاه ... ننتظر بهاءك القادم.

    أخونا ( نفسه ) فقط بإسمه الجديد ( أزهري عبد السلام )

    تتجدد التحايا كما يتصافح البحرسطي والأطلنطي على سواحلكم,
    إكتشفنا الآن ( التزوير ) تحت مادة ( حمل إسمين ) دون إخطار
    السلطات الرسمية. عرضنا حالتك على محكمة الصحافة الدستورية
    العليا, وبعد تدارسها فى الأمر , ومن قبل مشاوراتها مع المملكة
    المغربية. فقد توصلت المحكمة الموقرة إلى عقوبة تندرج تحت المادة
    السابعة من قانون ( تجديد المنفى ) ... بناءا عليه فقد حكمت عليك
    المحكمة بما يتوافق وإختيارك, فإما قرطبة ... أو الصحافة, إذ لم
    تعد المملكة الحسنية موطنكم من بعد ... فقرر ... وأخطر ... وأختر.
                   |Articles |News |مقالات |بيانات

16-07-2006, 06:18 AM

omer abdelsalam
<aomer abdelsalam
تاريخ التسجيل: 07-04-2006
مجموع المشاركات: 3450

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: HAYDER GASIM)

    Quote: إكتشفنا الآن ( التزوير ) تحت مادة ( حمل إسمين ) دون إخطار
    السلطات الرسمية. عرضنا حالتك على محكمة الصحافة الدستورية

    -------------------
    حملت وزرها دون أن يكون لي في الأمر خيار
    ----------------------------------------
    الحبيب حيدر قاسم
    مجبر ان اوضح حقيقة ( الأسمان ) .. اعتقد انني لى الحق بالدفاع امام محمكمة الصحافة الدستورية .
    ببساطة تم الأمر كالتالي: في اواخر الخمسينات سافر والدي ( أطال الله عمر ) الى مدينة جدة مبتعثا من وزارة الأشغال السودانية لتشييد مباني في السعودية التي كانت وقتها تتلمس خطواتها الأولى نحو النمو .. وفي تلك الفترة كنت وقتها جنينا يتلمس آخر المراحل للخروج ا لى هذه الدنيا العجيبةفي حي الديوم الشرقية جوار دكان ( الرشيد الشايقي ) و وعندما اضفت كشخصية رابعة في الأسرة ، اختارت لى الوالدة( رحمها الله ) بمعية اشقائي ، عبد المنعم ، وتاج الدين ، وعبدالفتاح ، اسم ازهري ، والذي كان وقتها اسما لامعا في السودان ، وفي نظر الوالدة رمز ا للوطنية ومحررا للبلاد من الإستعمار ، وهكذا عرفت في اوساط الأسرة باسم ( ازهري ) ..
    ولكن بعد اسابيع قليلة ، عاد الوالد من السعودية ، فرح بقدومي بالتاكيد ، ولكن لم يهضم اسم أزهري ، لاأدري ماهو السبب ، فهو لم يكن من أقطاب حزب الأمة ، ولم يكن من مناضلي أحزاب اليسار ، وأن كان صديقا شخصيا للنقابي الراحل الشفيع احمد الشيخ ، عملا سويا وكانا يتبادلان الزيارات الأسرية .. أعتقد أن الوالد قد جاء مشبعا بالأجواء الروحانية للأراضي المقدسة مع حجة وعمرة ، وأعجابا منه بشخصيةالخليفة عمر بن الخطاب رضي الله عنه ، أكد جازما امام الأسرة أن اسم ( عمر ) هو الأفضل .. وسجلت رسميا في سجل المواليد باسم ( عمر )
    لم يعترض احد على رغبة الوالد ، وبدون إتفاق مسبق ، وبدمقراطية وتراض ، اصبح الوالد هو الوحيد الذي يناديني بأسم عمر في المنزل وفي الحي ووسط العائلة جميعها ، بينما البقية كانوا لايعرفونني بغير ( ازهري ) لدرجة الوالدة كانت اذا جاء احد زملاء المدرسة يسأل عني ، كانت ترد عليه لاشعوريا : ( لايوجد عندنا أحد باسم ( عمر ) .. ) قبل ان تستدرك ان المقصود هو ( ازهري ) .. واللافت في االأمر ان الوالد لم يخطئ يوما ويناديني باسم ( ازهر ي ) الى ان غادرت السودان ، لاأدري هل هو نكاية في الإتحاديين ، ام رغية جامحة للإثبات الذات ( وأن كلمة الراجل هي التي تمشي على طول ) .
    وهكذا صرت أحمل ( اسمان ) غصبا عني وليس اختيارا مني .. أعتقد أن ( عمر البشير ) لو كان بادر بأنقلابه العسكري قبل ( انقلاب عبود ) لكان الأمر محسوما ربما الوالدة رحمها الله ، كانت سوف تختار اسم ( عمر ) وكفى المؤمنين القتال ، وكان ( ازهر ي ) راح شمار في مرقة .
    وأرجو أن أكون قد بينت جميع الحيثيات والوقائع أمام المحكمة المؤقرة برئاسة مولانا القاضي ( حيدر قاسم ) .. وهيئة المحكمة من بورداب بوست ( امتداد الصحافة .. وكما نحبه )
    وأخيرا نلتمس الرأفة والعدالة من المحكمة المؤقرة .
    المتهم ( ظلما وعدوانا )
    عمر أو ازهري

    (عدل بواسطة omer abdelsalam on 16-07-2006, 06:25 AM)

                   |Articles |News |مقالات |بيانات

16-07-2006, 02:30 PM

كبسيبة

تاريخ التسجيل: 05-05-2003
مجموع المشاركات: 0

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: HAYDER GASIM)

    أسماء في الذكرة (لم تذكر)


    كــورة :
    عــادل العــــوني
    علـــي كابــــــو
    أدوارد جلـــــــدو (غياتو قرينا سوى في الشهيد الطاهر) يا ربي لسة ساكن الصحافة

    شخصيات عامة :
    النـــــــــــــيل (الخياط)
    عبده ربـــــــــو ( الجزار)
    المرحوم سعـد العمدة (العطار)
    حاجة العافيـــــــة (تخصص مفاصل وعظام ..)
    حاجة سكيــــــــنة (تخصص كـــوارع)
    هــــــارون ( حلاق )


    معلمين :
    أ. القدير محمد نقــــد
    أ. عبدالرحمن ود المصرية
    أ. عـــباس مسيـــــــك
    أ. نصر الدين كاروشــــة
    أ. محمـــد علــــــــي
    أ. وليد محمــد أيـــوب
    أ. أحمد ديســـكــــــو
    أ. مدثـــــر (بحــيـث)
    أ. محمـــــــــوداللورد
    أ. نــادر
    أ. عبدالباسط
    أ. عبدالرحمـن
    أ. ذينـــب
    أ. شهـــاب
    أ.أم كلثـوم
    أ. ندى (دي كانت شرط عديل كده) حصتها كانت أحلى حصة
    أ. الســـر
    أ. دفع الله
    أ. مبـــارك



    فــــن
    سمــــيرة دنيـــا
    تغريد جبــــــرة
    ولــيد الجــــنة (ساوند سيستم)
    أمجــد (ساوند سيستم)
    خالــد يحـــــي (ساوند سيستم)
    نـزار الامتـــداد (ساوند سيستم)
    إسماعيـــل نــور ( عازف أورغ)
    التيجاني ( عازف أورغ)
    عثـمان ضيــــق (راقـــــص )
    علـــــــوووب (راقــــص)
    يحي صـــــالح (الهيلاهوب)
    نبيل متوكل (ممثـــــل)
    إخلاص عيســى (ممثلــــة)
    ماجد (ممثل ) الأطفال يحكمون العالم
                   |Articles |News |مقالات |بيانات

16-07-2006, 08:45 PM

HAYDER GASIM
<aHAYDER GASIM
تاريخ التسجيل: 18-01-2005
مجموع المشاركات: 11862

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: كبسيبة)

    الاخ أزهري/عمر عبد السلام

    معزتي وإصطفائي

    شكرا على التوضيح, ولما تركبت معطياته
    ومفاعليه الأسرية والتاريخية... مع هذا
    فنحن نحبك... عمرا كنت أم أزهريا.
                   |Articles |News |مقالات |بيانات

16-07-2006, 08:57 PM

HAYDER GASIM
<aHAYDER GASIM
تاريخ التسجيل: 18-01-2005
مجموع المشاركات: 11862

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: HAYDER GASIM)

    الأخ كبيسة

    تحية... ولا كل التحايا

    ناولتنا من الغريق ... وألهبت مشاعرنا
    وكثيرا... نعم ... من ذكرت نجوما وعاديين
    من ناس الصحافة ... يستحقون التجلة, سنحفظ
    تاريخهم جميعا ... وسنضيئ شموعنا الصحافاوية
    حتى تستنار كلها... فلن نترك تاريخنا يتسرب
    بين الأصابع هكذا... لنندب من بعد أنفسنا قبل
    حظوظنا.

    صحافاويتك أصيلة يا كبيسة... وقد عرفت كيف
    تعبر عنها... فأضفت لصحافتنا فرحا ... ولفرحنا
    صحافة... جميل أنت يا هذا... فواصل.
                   |Articles |News |مقالات |بيانات

17-07-2006, 00:56 AM

suliman ibrahim
<asuliman ibrahim
تاريخ التسجيل: 11-10-2003
مجموع المشاركات: 183

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: HAYDER GASIM)

    ياسمائى الدخان الدخان
    حائطا خامسا فى المكان
    كلما نمنح الارض من حبنا
    تصبح الارض منفى لنا ولاحلامنا
    (ابوزكرى)
    ما قادنى لكتابة هذه الابيات فى مقدمة هذا الرد تظل غير معلومة للوهله الاولى لكن فكرت ووجدت ان مايكتب هنا نوع من انواع البحث والترجى للمجد المسلوب ونوع من انواع ارجاع العصير ليكون فاكهة كما تقول (الفرنجة)لكن هيهات وبالمناسبة ما يكتب هنا تاريخ ليس ببعيد كلها سنوات تفصلنا عن هذا الزخم الجميل لكن على قلت هذه السنوات لن تعيد مبارة القمة فى رابطة الصحافة شرق بين الذمالك واليونتى او الذمالك والعذيمة لن يقف الحكم المخضرم عبيد ليقف كقامة مديدة فى وسط الملعب او يعود العقيد الشيخ لتدريب والنضباط والتهذيب لن تدوى صرخات نعمان العذيمة لتصل حدود المربع وتدخل كل البيوت لن يجلس العم الخزين جلسته عند خط الوسط ليعلق عن لاعب مرشح للا نتقال لفريق من فرق الدرجة الثانية.....
    لن اقابل (فلانة)عند بقالة عابدين فى مساء يوم نوفبرى بارد تشعر معه بان الدنيا كلها تتجمع عند هذه اللحظات نسير على الدرب الترابي عند حدود الاسفلت وهنا تظهر انوار المتاجر و ترى وجهها يخرج تكتمل ملامحها لنعود و تقول عند الختام اراك غدا صباحا ....
    لن يغنى فيصل الصحافة او جلال او عمار حتى حدود الساعة الثانية فى اي مربع تختارون لن يظهر عثمان ضيق بنفس تلك الروح المرحة المتسامحة مع ذاتها ومع الاخرين لن يظهر علوب بتلك الخفة والايقاع المرتب لان العمر يمر...
    لن تقابل زملاء دراسة فى مخبز طنون او عند( عجلاتى المره)
    لن تحيك ابتسامة حبيبتى عندما يمر بص التاتا عند الصباح بالقرب من محطة الكوكب وتعتزر لك بان نجلاء القتيتة قفلت الشباك...
    لن تقيم مدرسة على السيد بنات اسبوعها الثقافى لتحل فرقة الهلاهب ضيف على البرنامج ولن تقيم رابطة الصحافة بالجامعات والمعاهد الكورس الصيفى ...
    ولن تستقبل المكتبة القبطية ايام مفتوحة او غير مفتوحة ....
    لن يراسل الشيخ ضرار عالم الرياضة او سعيد على سعيد لن تصل مجلة ماجد الى مكتبة نبتة او ود العبيد
    لن يكون العم حسن هولى بتلك السخرية ليتهكم على عمو العجلاتى (اتعلمه وين)
    لن تعود تلك الكتابات على جدران حائط المستشفى لتقول انتحرت الاخلاق وماتت الذمم فى40 او سكر الجمعية ارباحوا تكاسى خاصة
    لن ترى تلك الزحمة عند دكان الحرزاوى .....لن تغنى بلبلو بفستانها الاصفر وشعرها الافرو فى 31 وان فعلت لن تعيد نضارتها فى ذلك اليوم السرمدى واندهاشى الذى صيرها عندى كملكة اغراء ولازلت اعانى تبعيات ذلك اليوم الى الان.........
    لن تدفع مصروفك اليومى لزجاجة بزيانوس لك وللحبيبة امام مدرسة القديمة بنات .....
    لن تسمع ثنائى العاصمة فى 29 ولمه ترجع بالسلامة وترجع ايامنا الجميلة ولن تضمك جلسة ونسة مع اصدقاء فى احد مظلات الراحلين .....
    كتبت هنا لان كتاباتكم قد لامست اوتار قلبى المتعب دوما بسبب ذلك العالم الارجوانى المفقود او المتسرب بين الاصابع .....
    لم اقرر الكتابة لكن اقلامكم احدثت ثقب داخلى فكتبت ...احيان كثيره اخاف ان تضيع هذة الذكريات وتتراكم عليها اتربة السفر والتجوال وشدهات الحياة لكن اظنها اقوى بكثير من ان تستسلم لهذا الذمن الذي يمر وهو فاقد لذاكرة وغير مكترث لذلك
    تحياتى لكم جميعا وبخاصة صاحب البوست الاستاذ حيدر قاسم والاستاذ عمر عبد السلام و الاستاذة انعام والاستاذة اشراقة على هذا التداعى الجميل مستمتع لدرجة بهذه الجدارية الزاهية الالوان
    وكذلك شكرا للاستاذ كبسيبة وسيم البور الجميل
    سليمان ابراهيم
                   |Articles |News |مقالات |بيانات

17-07-2006, 02:49 AM

انعام حيمورة
<aانعام حيمورة
تاريخ التسجيل: 29-06-2006
مجموع المشاركات: 11083

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: HAYDER GASIM)

    بعد أذنك يا زعيم ..

    احي الاخ سليمان ابراهيم على تناوله الجميل الذي ارضى غروري ..
    لاني اتذكرت الخزين (الله يرحمه) قلت ياجماعة ما في زول جاب ليه سيرة ... خاصة لما جات سيرة الرياضة برضو اتذكرت .. عصام جوليت .. وسامي عبد الرحمن ( صاحب الرجل الذهبية) وسحروه لما رجلوا اتكسرت ومشى القاهرة عاني ما عاني حتى رجع سامي عبد الرحمن (فقط) ...

    وكمان ياجماعة ما ننسى حسن دهب ومجهوداته المقدرة في ميدان الجزيرة ..

    أما على الصعيد السياسي ..
    من حسن الحظ انه حضرنا ( الانتخابات ديمقراطية ) بعد الحكومة الانتقالة ...

    ويا سلام كانت ايأم جميلة ...

    لما بدأت الانتخابات كانت لها نكهة خاصة في الصحافة ولا شنو يا جماعة .. تتذكروا ..

    بدأت مرحلة التسجيل مشينا سجلنا (وعلى فكرة في الوقت داك كنا يادوب متعلمين السياسة) وغايتو شاركنا قدر قدرتنا ..

    احتشدت المربعات للتسجيل ومافي سيرة بقت غير التسجيل للانتخابات قرابة الشهر ونصف امكن ...

    وبعد داك بدأ البرنامج الانتخابي ...

    بدأت الندوات السياسية وشهدت ميادين الصحافة كل الاطروحات الحزبية ..

    حزب الامة .. وكان السيد الصادق بنفسه بجي الصحافة يعقد الندوات وكان تحس بالفرحة في عينوا لما يخلص من الندوة والناس تصفق بقوة تهز ارض الصحافة ونصتفا عشان ما نسلم عليه ... والندوة كانت في شارع جبرة (شارع التراب) ..

    الحزب الشيوعي السوداني .. الاستاذ / محمد ابراهيم نقد عمل ندوة ضخمة جدا جدا في أكبر ميدان مربع 32 وراء مدرسة على السيد بنات اصتف لها حشد جماهيري ما كان متوقع وبتذكر كان معاه في الندوة د. لام أكول ..

    الاخوان المسلمين (الكيزان) الترابي وطبعا فأجأ الناس بانه نازل في الصحافة ...
    واتقلبت الموازين ... لدى كل الاحزاب الاخرى ...

    واتحدوااا
    الا الوطني الاتحداي كان نازل براه

    الامة - الشيوعي - الديمقراطي

    وكان مرشح الحزب الديمقراطي هو مرشح (الاتحاد)

    بما أني ديمقراطية - ما كوزة -

    كنت شغالة مع الاتحاد (دا عن نفسي)
    اجتماعات - وقومة وقعدة - ونمشي من غرب لشرق لي وسط عشان نشوف الاقتراع ماشي كيف ...
    وتحدي ...
    كبير ..
    الى ان حققنا .. حلمنا .. الصحافوي .. وفاز ( الاتحاد )

    في ذلك اليوم ما نمنا حتى الصباح نلف شوارع الصحافة ونجول بين كل المربعات حتى استيقظ الكل .. وعرف نتيجة الانتخابات ..

    وواصلنا قي تجوالنا لحدي ما وصلنا جيرانا الديامة باركنا ليهم ...

    بعد الانتخابات ...

    عملنا دار سميناه ( تجمع الشيوعيين والديمقراطيين) - لان كل شيوعي ديمقراطي وليس كل ديمقراطي شيوعي -

    الدار دا كان تجمع لاهل الصحافة واستفدنا منه الاستفادة القصوى .. فلقد كان يشمل برامج سياسية ثقافية - وتعليمية - كورس فرنسي - وانجليزي- .
    كان الدار في مربع 34 ..
    وياما شهد جلسات استماع للراحل مصطفى سيد احمد .. والعديد من البرامج .. خاصة كورال الصحافة .. عشان كنا منافسين لكورال الامتداد .. لكن والله كنا لما نطلع برة الامتداد والصحافة بنعمل (اتحاد ) برضو !!!!
                   |Articles |News |مقالات |بيانات

17-07-2006, 10:05 PM

HAYDER GASIM
<aHAYDER GASIM
تاريخ التسجيل: 18-01-2005
مجموع المشاركات: 11862

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: انعام حيمورة)

    الأخ سليمان إبراهيم

    إستقطرتنا يوما صحافيا نضرا, نعتد به
    كمثال لمسار الحياة اليوماتي فى الصحافة,
    وأضفت لسجلنا من يستحقون التدوين
    بالبونط العريض, أخرجت مساهمتك على نحو
    يزيدنا حنوا لإثنين: الصحافة وكتاباتك,
    وهكذا يتحدر الإبداع ولما يكون وراءه
    تاريخ ( كالصحافة ) ومبدعين كسليمان.

    نعلم أن تاريخنا ( وكل الأمم والمناطق )
    لن يتكرر, ولن يجدي ما نفعله قيد أنملة
    فى إسترجاع إلى الوراء ولو قليلا, فهكذا
    الدنيا, ونعلمها كذلك, لكننا كنا نحاول أن
    نضع أمام المقادير التاريخية ترياقا,
    على أمل أن يرفع ذلك من أهليتنا المعنوية
    فى إستحضار تاريخنا ( لجماله ) , وأن نترفع
    عن رزايا الحاضر بمتعة الآجل ولما نتخيله يحط
    برحله على حيث كنا نقيم ( يعني الماضي )

    عجني نظمك وهو يتمرد على السرودات التاريخية
    التقليدية, وأحسست بنكهة قلمك المتميز, ويبدو
    أننا ها هنا موعودين بالأجمل.
                   |Articles |News |مقالات |بيانات

17-07-2006, 10:21 PM

HAYDER GASIM
<aHAYDER GASIM
تاريخ التسجيل: 18-01-2005
مجموع المشاركات: 11862

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: HAYDER GASIM)

    الأخت ... إنعام

    طابت أوقاتك

    ولولا أنه الواجب كما تمليه الصحافة,
    لشكرتك على جهدك ووقتك ومعلوماتك, وأعلم
    أن مهمتنا أكبر مما تسعه مواعيننا موضوعيا,
    فقط هو التحدي ولما إختارنا الصحافة أو
    إختارتنا ماؤها ودماوها وحرارة أنفاسها,فمن
    أجلها نتوخها ( الصحافة ) عذبة من منبعها
    إلى مصابها... وفى هذا الإتون تتكون أجيال
    مدينتنا الوضيئة... ولأجل هذا نسعى... حتى
    نرى أعقابنا أكثر وسامة... وأنضر إبتسامة.

    حييتي
                   |Articles |News |مقالات |بيانات

19-07-2006, 09:15 PM

HAYDER GASIM
<aHAYDER GASIM
تاريخ التسجيل: 18-01-2005
مجموع المشاركات: 11862

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: HAYDER GASIM)

    وصلتنا هذه الرسالة من الأخ جهاد... الصحافابي المبين

    Quote:

    يا الله ده ما حاجه عجيبه يا ناس ياحلوين بالله الصحا فه وناس الصحافه هنا ياجماعه ما نسيت اقول السلام عليكم لاني بالجد ما صدقت الا واحد من الاحباب قال افتح سودانيز اون لاين وشوف ناس الصحافه عاملين شنو

    في البدايه شكرا اخونا حيدر وكل المشاركين وخصوصا اخونا الكبير ازهري وجارنا الحريف هو في مربع 40 وانا في38 وطبعا ود حلتنا سليمان .ياجماعه الصحافه كبيره وناس الصحافه قلوبهم كبيره زي ارضهم وفي كل بلاد

    الله تلغي لازم واحد من الصحافه ودايما ظاهرين ومميزين وما عارف ابدا من وين ناس الكوره . ناس الفن . ناس السياسه . ناس الونسه .ناس الليل .و... المهم طال ما انا من شرق سوف احاول بقدر الامكان اوثق عنها

    يا ناس 36 جاكم ضيف وطبعا نحن البيوت واحده والحاله واحده وانت ماري بميدان اليونتي تلقي الشباب قاعدين جنب بيت ناس الشفيع وعبد الحفيظ والونسه والشغل لبعض ويجيك كمون ولا عصام اخوه ولاعثمان مريسه

    وكان لاعب حريف فنان ويعمل بمصلحه السجون وعصام مريسه الفنان ذو الصوت الكبير وناس فارتيا ورمضان . ابوعبيده وعابدين .والفاضل عابدين .عوض الجزار .وعمر الطويل ( الله يرحمه ) ومكرم .نبيل اخوه .

    وبابكر صلاح . وكمال قدوره (الله يرحمه- توفي غرقا في الشماليه) ويونس واخوانه . وجعفر الكوتش .كمال البعيو .مرتضي سمبك .وكمال اخوه.ومحمد شريف . وحيدر .وفيصل (حاج الباكات) ويحيي المصري.واولاد عدلان

    طبعا فاكهه الحله كمون وعصام اخوه وحماد وديل ناس طيبين كل البيت ناس بتاعين ضحك ويحبوا اليونتي ذي عيونهم وعلي ما اعتقد تاسيس اليونتي ابتدا من منزلهم و36 و38 ديل توام الروح وحتي هناك شباب من38 اتزوجوا

    من36 والعكس فاصبحت المساله نسب متبادل .وطبعا ده القليل وقبل لا انسي اذكر الاخوان بمحمد طابونه طبعا ده من سكان 38 ولكن قاعد في 36 واخوه الله يرحمه(عوض السيد- ابو الجاز) مناروع ناس 38 ومن الموسسين

    لفريق الزمالك ياجماعه حاولت انشط الذاكره بذكر هولا وعفوا لو سهوت لان الذاكره اصبحت مشتته بين حنين الوطن وطول الاغتراب ونقول للحلوين اولاد الصحافه خلو الصحافه دايما فوق.......... فوق .......... فوق





    مرحب بيك أخ جهاد فى ديارك, وأخالك تحتضن فرحا حماسيا
    سوف يعيننا وكثيرا فيما نحن به نهم, أرى بين سطورك ما
    يستنهض شديدا من العزم والمداد المتكومين لدى الاخ أزهري
    عبد السلام, فربما مزيدا من الحصائل يتنزل , ولما أشعلت
    أخي جهاد قدح الذكريات وأنرت بعض خوابي حياتنا الإجتماعية
    والرياضية, فكل الود أزاهيرا تفوح بلا نصاب.

    واصل... فالصحافة فى مخيلتنا رديف الإبداع والأناقة.
                   |Articles |News |مقالات |بيانات

20-07-2006, 03:49 AM

انعام حيمورة
<aانعام حيمورة
تاريخ التسجيل: 29-06-2006
مجموع المشاركات: 11083

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: HAYDER GASIM)

    الاخ
    جهاد
    بقترح بنوع من الطرافة ... ان .. نعطى القاب الصحافة مساحة ... على وزن (عثمان مريسة)

    حسن كديس - بتاع الطعمية في محطة سبعة - ياناس الامتداد - لكن ساكن الصحافة مربع 27 ...
    طارق كادوسة - مربع 23
    ياسر كالوبة - مربع 21
    حسن جيرك - مربع 21
    سعيد السحار - مربع 21
    جعفر أبو لغوفة - مربع 29

    ونواصل

                   |Articles |News |مقالات |بيانات

20-07-2006, 03:39 AM

انعام حيمورة
<aانعام حيمورة
تاريخ التسجيل: 29-06-2006
مجموع المشاركات: 11083

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: HAYDER GASIM)

    الاخ حيدر .. تحيات بعرض وطول الصحافة


    الاخ مجاهد لك الشكر على الحماس ذي ما قال اخونا حيدر

    ... الله يرحم .. الحاجة سعدية بت الله جابوا .. احدي .. جندريات الصحافة لما لها من قوة شخصة ... والحاجة سعدية .. سليلة اسرة الله جابوا - الفنية المشهورة .. ووالدة (حسن جيرك) ...
                   |Articles |News |مقالات |بيانات

20-07-2006, 06:07 AM

صلاح شكوكو
<aصلاح شكوكو
تاريخ التسجيل: 19-11-2005
مجموع المشاركات: 4484

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: انعام حيمورة)

    Quote: ... فعسانا نراك فى محطة سبعة ( واجهتنا على الإمتداد ) وبعضا من أفضال خيرنا عليهم ... نشوفك ما سمحت ظروفك.


    الوريف / حيدر قسم
    لك التحية والود

    وأنت مايسترو هذا المحفل .. ومؤلف سيمفونية الألتقاء
    بين هذه الكوكبة المزهرة والمزدهرة والوريقة الوارفة .

    التحية لمحطة سبعة وأخواتها من الأزاهير والرياحين
    ولكل محطة محفل جميل ..

    كثير من المحطات في بلادنا كانت حافل للتلاقي ..
    كثير من الفرح بدأ ممثل هذا التلاقي ..
    وكثير من الصدف تشكلت في حيث هذا التلاقي

    بل أن هذه المحطات في ظل عدم وجود عناوين محكمة
    للأحياء السكنية تصبح هي العناوين التي تتفرع
    منها ملامح البيوت والشخوص والزمن .

    لك ولكم كل المودة والتقدير


    =
                   |Articles |News |مقالات |بيانات

20-07-2006, 11:13 AM

عامر تيتاوى
<aعامر تيتاوى
تاريخ التسجيل: 14-01-2006
مجموع المشاركات: 3328

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: صلاح شكوكو)

    الاهل والجيران فى الصحافة

    التحايا العطرة ومودة خالصة من ناس تعشق الامتداد وتحب الصحافة

    وتلك هى التوامة الجميلة التى تجمع بين هذا الحى الواحد الممتد

    جغرافيا فيما جذوره فى القلب

    وهكذا تصدق الاخت انعام حيمورة ذاكرة الصحافة الحية والتى تزاوج

    بين الامتداد والصحافة بحكم الموقع الاستراتيجى المتمثل فى عمارة

    خليل
    ومعلمها الابرز بقالة تانا المشرفة على تخوم الامتداد وواجهة

    الصحافة المطلة على توامها الامتداد وقد ترجمت تلك المعانى فى اكثر

    من مرة من خلال مداخلاتها القيمة والمتقدة بشعاع التاريخ الذى لا ينطفىء

    وهى تؤرخ لمنطقة كبيرة ومترامية مثل الصحافة وقد كتيت مصداقالذلك :

    Quote: وياما شهد جلسات استماع للراحل مصطفى سيد احمد .. والعديد

    من البرامج .. خاصة كورال الصحافة .. عشان كنا منافسين لكورال الامتداد

    .. لكن والله كنا لما نطلع برة الامتداد والصحافة بنعمل (اتحاد ) برضو !!!!


    وهكذا هما الامتداد والصحافة صنوان لا يفترقان

    والتحية الخالصة لكل الصحافاب وفى مقدمتهم كولومبوس الصحافة

    حيدر قاسم والمناوش عمر او ازهرى عبد السلام ولكم جميعا من

    اهل الامتداد سلام
                   |Articles |News |مقالات |بيانات

20-07-2006, 01:33 PM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22532

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: HAYDER GASIM)

    الفاضلة انعام حيمورة

    Quote: حسن كديس - بتاع الطعمية في محطة سبعة - ياناس الامتداد - لكن ساكن الصحافة مربع 27 ...


    يعني بالنهار لاجئ في الامتداد



    كل الحب للصحافاب
                   |Articles |News |مقالات |بيانات

20-07-2006, 02:58 PM

Elmosley
<aElmosley
تاريخ التسجيل: 14-03-2002
مجموع المشاركات: 34383

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: طارق جبريل)

    ياشباب ماتقلقو بوست جيرانا الحلوين الامتداديين قديم جدا

    الصبر

    أها انا كل يوم بديك بوست عن واحد من الثائمة ادناه وزياده

    أخي حيدر

    هنالك بعض الشخصيات الموسيقية والرياضية الهامة

    من الموسيقيين
    الموسيقار الراحل عبد الله ابراهيم اميقو
    عازف الكلارنيت واستاذه بكلية الموسيقي (مربع ثامنية وعشرون)
    عازف الساكس والفلوت والاستاذ السابق بكلية الموسيقي
    عثمان عبد الله مربع (ثمانية عشر)
    الموسيقار عبد الماجد خليفه (مربع 27)
    الفنان الراحل حيدر حدربي (الصحافه شرق)
    الفنان المغني وعازف الكمان مختار ابوسبح (مربع 23)
    المغني زكريا صالح (مربع 27)
    الفنان فيصل الصحافة (مربع 27)
    الفنان فيصل الصحافة (مربع27)
    الفنان حمزه حسن) مربع (27)
    عازف الساكس عبد الحليم (أوشان) مربع(27)
    عازف الطرمبه محمد طرمبه مربع(27)
    ثنائي الصحافة شرق
    المغني وعازف الاورغ خالد الصحافة (مربع 23؟؟)

    ولسه بجيك للشعراء واللاعبين الدوليين

    خليني أحك راسي
    المغني وعازف الكمان عمر كوستي (مربع 25)
    عازف البيز حسن حامدمربع (ثمانية وعشرون)
                   |Articles |News |مقالات |بيانات

20-07-2006, 09:33 PM

Elmosley
<aElmosley
تاريخ التسجيل: 14-03-2002
مجموع المشاركات: 34383

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: Elmosley)

    عبد الله ابراهيم أميقو

    الراحل المقيم تقريبا هو الدفعة الثالثة للمعهد
    هو واحد من أمهر وأشطر الذين تخرجوا في المعهد العالي للموسيقى والمسرح
    وكان له دور كبير في حياتي الفنية فهو من أهم الذين ساعدوني معنويا وماديا للخروج من منطقة الرق الى الاوركسترا فعندما توقفت حفلاتي كان يقاسمني المصروفات حتى شبيت عن الطوق مرة أخري كان يسكن مربع 24 وكان سريع الغضب وأذكر أنه في إحدى المرات عندما تأخر اصحاب الحفل في توصيلنا من الخرطوم الى الصحافة أن مشي راجلا ولم تنفع محاولاتنا لاقناعه بالانتظار وعندما حصلنا على المواصلات لحقنا به قرب المنطقة الصناعية بشارع الحرية فوقفنا له ليركب فرفض وواصل حتى منزله بالصحافة
    يحب القراءة وأبدع كثيرا مع أبوعركي البخيت وقام بالتوزيع للأغنيات الناجحة لعمر إحساس
    توفى ففجع الوسط الفني تماما
    عليه الرحمة
                   |Articles |News |مقالات |بيانات

21-07-2006, 05:38 AM

omer abdelsalam
<aomer abdelsalam
تاريخ التسجيل: 07-04-2006
مجموع المشاركات: 3450

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: Elmosley)

    Quote: لفنان الراحل حيدر حدربي (الصحافه شرق)

    حيدر حدربي كان سامقا بخلقه كقامته
    *********************************
    الحبيب الأستاذ/ يوسف الموصلي
    عدت بي بالذاكرة الى سنوات مابعد منتصف السبعينات ، وهي التى عرفت فيها الراحل الفنان / حيدر حدربي في الصحافة شرق .
    كنت اراه جالسا بقامته المديدة ومظهره الأنيق امام الدكان المجاور لمنزله ، كان وقتها قد بدا يشق طرقه للشهرة في عالم الغناء .
    كان يعجبنى صوته المميز ، عندما كانت الكثير من الأصوات الفنية التي تعج بها الساحة الفنية في الخرطوم تتشابه وتتلاطم من كثرتها .
    اأكثر ماكان يلفت انتباهي، ان حيدر حدربي ، فنان يتمتع بحس رهيف ، وتواضع يخجل من يجالسه ويتكلم معه ،لم نر فيه عنجهية من وضع قدمه في اول سلم الشهرة ، لو لم تكن لك معرفة مسبقة بأنه مطرب ، لما ظننت انه فنان ومطرب حقيقي ، لايستعجل الشهرة والنجومية .
    كان قليل الإنتاج ، متريث في تقديم أعماله ، لايحب الأضواء ، والظهور في الصحف والمجلات .
    تأسفت لأنني لم اتواصل معه كثيرا فقد غادرت الصحافة شرق مع نهاية السبعينات ، الى غربة طويلة .. والفترات االقصيرة التي كنات ازور الصحافة لم تتح لي الإلتقاء به ، ومتابعة ماقدمه من ابداعات بانتظام في سنوات الثمانينات والتسعينات .
    رحم الله ، حيدر حدربي ، فنان ، يجبرك على احترام شخصه وفنه .. اتمنى اخي الموصلي ان نكتب مانعرفه عن هذا الراحل الجميل .. ونتمنى من لازم حيدر وعاش معه ، ان يهب بقلمه للكتابة عنه في بوست ( االصحافة ) لانه علم من اعلام هذا الحي الراقي الوديع ، وهمتك اخونا / حيدر قاسم .
    ------ عمر
                   |Articles |News |مقالات |بيانات

21-07-2006, 07:38 AM

Elmosley
<aElmosley
تاريخ التسجيل: 14-03-2002
مجموع المشاركات: 34383

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: omer abdelsalam)

    تعرف عزيزي عمر

    حيدر اخته المنية كالبرق والله حزنت حزنا عميقا ولكن ماذا نقول
    فالخير فيما إختار الله
    أول معلرفتي به كانت عندما كنت طالبا بالخرطوم الاهلية الوسطي
    وفي إحدي الجمعيات الادبية أحضروه لنا كفنان وغنى لنا (في سبيل نظره من عيونك)
    وقتها لم ارحل للصحافة وقبلها الديم.
    أما الصحافة فهو قد كان حيدر في الضقة الشرقية وكنت أنا بالغربية مربع 27
    وكان هذا الرباعي
    حيدر حدربي
    عبد الماجد خليفه
    زكريا صالح
    وشخصي
    بدأنا التلاقي كجزء من مجموعة عبد الماجد خليفة
    التي تغني الاناشيد الوطنية والدينية مثل(في صباحي ومسائي)
    ونغني ككورس مع الفنانين وكان هذا مصدر دخل اضافي بالاذاعة لنا
    ومنهم سيد الاداء الغنائي الراحل أبو داؤود
    ثم تزاملت مع حيدر حدربي في مركز شباب السجانة وتنافسنا على مستوي
    المركز لتمثيله في مسابقات المراكز وقد فزت انا باغنية انتي ليا
    ثم أحرزت بعدها الدرجة الاولى على مستوي المراكز وكان اول المهنئين حيدر فيا
    للروح الطيبة
    ثم تزاملنا بنادي الخرطوم جنوب وكان تعجبني طريقته الهادئة في الغناء
    وكانت حلاة الزهره من شعر الراحل حسن الزبير وألحان الاستاذ حسن بابكر
    من الاغنيات التي يدهشني بغنائها
    تفرقت بنا السبل والغربه عليه الرحمة
                   |Articles |News |مقالات |بيانات

21-07-2006, 05:12 AM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22532

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: HAYDER GASIM)

    استاذنا الموصلي

    Quote: ياشباب ماتقلقو بوست جيرانا الحلوين الامتداديين قديم جدا


    هسا دي نختها في ياتو خانة (الحسد-الغيرة-الصلبطة)


    الحب كله للصحافاب
                   |Articles |News |مقالات |بيانات

21-07-2006, 07:24 AM

Elmosley
<aElmosley
تاريخ التسجيل: 14-03-2002
مجموع المشاركات: 34383

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: طارق جبريل)

    حبيبنا طارق


    الحب اولا

    والغيره ثانيا

    بس كدي نديها صنه وبنشوف

    هييييييع
                   |Articles |News |مقالات |بيانات

21-07-2006, 01:11 PM

omer abdelsalam
<aomer abdelsalam
تاريخ التسجيل: 07-04-2006
مجموع المشاركات: 3450

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: HAYDER GASIM)

    Quote: أما الصحافة فهو قد كان حيدر في الضقة الشرقية وكنت أنا بالغربية مربع 27

    ابن صحافتنا المبدع الجميل / يوسف الموصلي
    اشكرك على كلماتك الجميلة في حق الراحل الفنان / حيدر حدربي ابن الصحافة شرق
    اضفت الكثير من المعلومة عن مسيرتكما الفنية المشتركة
    ونتمنى ان يحمل آخرون الراية من الموصلى لمواصلة تدوين أحرف عن حدربي ، خاصة من اصدقاء دراسته ومن سكن بقربه في حي الصحافة شرق .
    --
    عمر عبدالسلام

    (عدل بواسطة omer abdelsalam on 21-07-2006, 01:13 PM)

                   |Articles |News |مقالات |بيانات

21-07-2006, 08:20 PM

HAYDER GASIM
<aHAYDER GASIM
تاريخ التسجيل: 18-01-2005
مجموع المشاركات: 11862

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: omer abdelsalam)

    عزيزنا ... صلاح شكوكو

    لا يأتينا شك فيك, فنستعجبه رديفا لإسم شخص يمور باليقين,

    ما الحكاية...

    يبللني إحساس تولى خصائص الماء ... فعم خيالي
    وأوردني عبر الحاسة السادسة, شعور أن سوف
    نلتقي أول مرة بمحطة سبعة, فلنحفظ هذا الحدس
    ولننتظر ماذا توقع الأحوال.

    مرورك من هنا يسعدنا بمقدار توق جراحنا للبرء,
    وصباحنا للقماري, وصدورنا لتفعيل النسائم

    مرحبتين حبابك , البوست السعيد الليلة جابك
                   |Articles |News |مقالات |بيانات

21-07-2006, 08:30 PM

HAYDER GASIM
<aHAYDER GASIM
تاريخ التسجيل: 18-01-2005
مجموع المشاركات: 11862

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: HAYDER GASIM)

    الأخ عامر تيتاوي

    حييت

    ليس للود بيننا من سبيل غير التواصل,
    لا لأنه ود وحسب, بل هي البطن الواحدة
    ولما كان الإمتداد البكر والصحافة التني,
    ويا ريت لو طلعنا تيمان.

    شكرا على تفقدات الاحوال وعلى الحمية الجيرانية
    الرءوم... نحمد الله بكم

    وتسلم حبيبي
                   |Articles |News |مقالات |بيانات

21-07-2006, 10:19 PM

HAYDER GASIM
<aHAYDER GASIM
تاريخ التسجيل: 18-01-2005
مجموع المشاركات: 11862

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: HAYDER GASIM)

    جارنا اللصيق بالديار... وفى محبتنا لكم... مسدار

    طارق بين بحر وعدو ... إبن جبريل يمخر المشوار

    كان لزاما لأعيننا أن ترى الإمتداد, ونحن نعبر يوميا
    من خلالكم للوازم حياتنا عملا ودرسا ورفه وتواصل
    متعدد الجباه والأعراض, ونحن نمر من عندكم... نتامل,
    ونمعن البصر ونؤكد المشاهد ... وهكذا إستضلع ( جين
    الإمتداد ) فى مركباتنا الوراثية... فلكم التحية...
    ولنا المستقبل.

    ثنائي الحب والغيرة ( راجع الموصلي ) خطير جدا, فإما
    أن يصيب فيبلغ الغمام, وإما أن ينقلب كما السحر فيطال
    الساحر... مع هذا فعينا عليكم باردة... مانحن إخوات.

    عاش الإمتداد ... إمتدادا للمسافة ... أقصد الصحافة.
                   |Articles |News |مقالات |بيانات

21-07-2006, 11:05 PM

HAYDER GASIM
<aHAYDER GASIM
تاريخ التسجيل: 18-01-2005
مجموع المشاركات: 11862

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: HAYDER GASIM)

    عزيزي ... الموصلي

    القومة ليك يا حبيب

    طلتك ... بالدنيا, وقلتها لك من قبل,
    أن وجودك هنا هو عطر موضوعتنا ومسكها,
    فأمسك قوي, وهاتينا العتاقي.

    سيرة أميقو وكما حكيتها موجزة صائبة,
    حملت معالم تاريخ تعج تفاصيله إلى حد
    ( الدوشة ) مع هذا فقد إخترته سائغا
    مستساغا, أظنك ماشي بالدور ... فما
    أجملك, على حر ننتظر قادمك على قوادمك.

    حيدر حدربي ... وكأنه لم يمت ... فلا حول,
    أستوحش الكلام عنه بصيغة ( المرحوم ) , رغم
    أن الرابط وجداني فحسب, مع وصلة جغرافية
    ناتج كون خالته ( النعمة ) تقطن مربعنا 23,

    دلفا على الذكر إلى مركز شباب السجانة, ولما
    كان واحة للمبدعين خاصة المغنين منهم, وقد
    تداعوا من كل أرجاء الخرطوم, فما القصة هنا
    وكيف تصيب الإشارة حال الشروع فى صياغة ملامح
    لتاريخ هذا المركز بصيغته الجمعية تلك؟

    أفضل من إنتظار عوائد الذاكرة الخام, إضافة
    حامض الذكرياتيك حتى تتفاعل على نحو ما نصبو,

    ول شنو.
                   |Articles |News |مقالات |بيانات

21-07-2006, 11:22 PM

HAYDER GASIM
<aHAYDER GASIM
تاريخ التسجيل: 18-01-2005
مجموع المشاركات: 11862

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: HAYDER GASIM)

    الأخ أزهري عبد السلام

    طبتم أرضا وساحلا

    ليتني عرفت أكثر مما أعرفه عن الراحل حيدر حدربي,
    لكنها دعوة مفتوحة لكل من يعنيه الأمر, ومن تمسه شعرة
    كانت آصرة بينه وحدربي, ولما كان الجذع هو الصحافة,
    برحابتها وبمقاديرها العالية فى التواصل الإجتماعي,
    فأتوقع سيلا من الموضوعات ذات الصلة,لن نترك سيرة
    ذلك الشاب الوضئ الفنان المبدع عرضة لإجتياح الغفلة,
    كما لن نترك مبدعينا يتوسدون الطينة الباردة دون أن
    نتوسل كل معانيهم وإبداعاتهم , ودون أن نستظرها للناس
    كما تقيضه المسئولية الأخلاقية والأدبية... فآتونا بالرجل
    سيرة وصورة وتاريخ وإنجاز وإبداع... ومن قبل له الرحمة.
                   |Articles |News |مقالات |بيانات

22-07-2006, 06:05 AM

Rakoba
<aRakoba
تاريخ التسجيل: 05-02-2002
مجموع المشاركات: 5814

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: HAYDER GASIM)

    Quote:
    الخرطوم : خالد فتحى
    قدَّم سكان الصحافة شرق مربع 38 الدعوة لصحيفة «الصحافة» لاجراء تحقيق مصوََّر عن مدى التدهور البيئي الذى حاق بالمنطقة، وقالت مجموعة من السكان تلقت الصحيفة مناشدتهم إنهم يشكون فى اختلاط مياه الشرب بمياه المجاري بمستشفى ابراهيم مالك، وطالبوا أن يقوم المسؤولين بالمجلس التشريعي بولاية الخرطوم بالتكرَّم بزيارة الموقع وأن تتخذ وزارة الصحة الولائية والاتحادية اجراءً.
    وتساءلوا في الختام (هل يحق لسكان مربع 38 المتضررين المطالبة برفع الضرر حيث أن المياه تتدفق أمام منازلهم ليلا ونهارا، فقد تبع ذلك أضرار، حيث أصبحت هذه المياه مصدراً للبعوض وغيره).
                   |Articles |News |مقالات |بيانات

22-07-2006, 01:44 PM

HAYDER GASIM
<aHAYDER GASIM
تاريخ التسجيل: 18-01-2005
مجموع المشاركات: 11862

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: Rakoba)

    ورسالة من صديقنا عبد الدائم سيد احمد, إستعد يا موصلي للرد.

    Quote:

    بعض ما اذكره عن الفنان الراحل حيدر حديربى



    ** حلاة الزهرة ... بريد الزهرة ... فاحت اكتر .. وجمالا انضر ..



    ** مع الفنانة حنان ابراهيم لهم نشيد وطنى مسجل بالتلفزيون اسمو مهيرة السودان

    على ما اذكر دى بعض من كلمات النشيد :

    دورى دورى مهيرة السودان

    كفاحك خلى يعلا يزيد ..

    وزغردى وزيدى الثورة الف شهيد ..

    نسميهم اسامى نضال

    ولدنا الاول السودان

    وبنتا وحدة وطنية ..



    ** مع الفنانة سمية الشيخ / شريط كاسيت ( كان طلعت القمرا )



    ***********************



    الفنان العزيز الموصلى وينك انت الطال غيابك ؟؟

    اذكر ونحن صغار فى مربع 25 كنت بتغنى فى الحفلات اغنية بترقصنا وتتضحكنا فى نفس الوقت

    وبتقول فى بعض كلماتها على ما اذكر :

    سمرا فى لونا ... وشايله ليمونة ..

    وشايله ليمونة وماشة تتقدل ...

    كلمة من الريد وكلمة من الحب ...

    وكلمة من الريد ... وريدة مجنونة .. سمحة سمحة ....

    ومش عارف ايه ........................ فى 15 سمحة سمحة ...



    عاوزك ترجع بالزمن وتورينا مين هى ( مجنونة ) ؟؟

    ومين هى الفى مربع ( 15 ) ؟؟؟؟



    عبدالدائم سيداحمد ، الصحافة مربع 25

    [email protected]


                   |Articles |News |مقالات |بيانات

22-07-2006, 07:40 PM

Elmosley
<aElmosley
تاريخ التسجيل: 14-03-2002
مجموع المشاركات: 34383

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: HAYDER GASIM)

    يااخوي الظاهر عليك ماشديد في الحساب

    الرقم 18 والقصيده كانت اعجابا بشابة مهذبة دائمة الابتسام
    وتضع وردة على قمة راسها

    محبتي
                   |Articles |News |مقالات |بيانات

23-07-2006, 03:33 AM

HAYDER GASIM
<aHAYDER GASIM
تاريخ التسجيل: 18-01-2005
مجموع المشاركات: 11862

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: Elmosley)

    يواصل الأخ عبد الدائم

    Quote: العزيز الرائع الموصلى
    بما انك ذكرت المربع هو 18 وبعد ما رجعنا لاخواتـنا بنات 25 وسألنا مين
    كان بتخت وردة بيضاء على شعرها زمان ايام البص الاحمر ؟؟
    قالو ليك عرفناها !!
    بس فى سؤال تانى فى اغنية قديمة ليك :
    سلامتك انتى يا سـمـيـة ...
    يا القلبك صافى النية ....
    اظن عرفت السؤال ؟؟؟؟
    25 فى انتظارك ما نحن عندنا حق النسب .

                   |Articles |News |مقالات |بيانات

24-07-2006, 04:10 AM

Elmosley
<aElmosley
تاريخ التسجيل: 14-03-2002
مجموع المشاركات: 34383

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: HAYDER GASIM)

    سميه دي قبل ماأرحل الصحافه

    انسانه غايه في الجمال من اسره غايه في الكرم

    وبث
                   |Articles |News |مقالات |بيانات

23-07-2006, 05:22 AM

Alsa7afa_30
<aAlsa7afa_30
تاريخ التسجيل: 06-02-2003
مجموع المشاركات: 6618

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: HAYDER GASIM)

    لاااااااااا حولاااااااااا!!!


    ناس الصحافة كلهم بي جاي و أنا ما عندي خبــر!!


    ممكن ندخل؟؟



                   |Articles |News |مقالات |بيانات

23-07-2006, 01:34 PM

HAYDER GASIM
<aHAYDER GASIM
تاريخ التسجيل: 18-01-2005
مجموع المشاركات: 11862

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: Alsa7afa_30)

    Quote: لاااااااااا حولاااااااااا!!!


    ناس الصحافة كلهم بي جاي و أنا ما عندي خبــر!!


    ممكن ندخل؟؟


    تدخل ياحبيب بكل الفرح والميمونية, بكل العفش
    والأحقبة, بكل ما تملك من الحسي والمعنوي, بكل
    أرصدتك الجارية فى حسبة الصحافة, فلو تدري أن
    وصلت منزلكم, تقول لي ... ممكن ندخل؟

    يا أهلا ... فقط إختر لنفسك إسم ( خفيف ) نذكرك
    به ها هنا, إذ رميت بنظرة على اللقب, ووقفت عند
    صعوبة تصريفه ... ول كيف.
                   |Articles |News |مقالات |بيانات

23-07-2006, 07:02 PM

Alsa7afa_30
<aAlsa7afa_30
تاريخ التسجيل: 06-02-2003
مجموع المشاركات: 6618

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: HAYDER GASIM)


    HAYDER GASIM:

    تشكر كتير على حفاوة الترحيب ..



    Quote: يا أهلا ... فقط إختر لنفسك إسم ( خفيف ) نذكرك
    به ها هنا, إذ رميت بنظرة على اللقب, ووقفت عند
    صعوبة تصريفه ... ول كيف.



    Alsa7afa_30=الصحافة_30


    و اذا عندك لي اسم تاني ما عندي مانع..





    كل الود..
                   |Articles |News |مقالات |بيانات

23-07-2006, 03:56 PM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22532

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: HAYDER GASIM)

    Quote: طارق بين بحر وعدو ... إبن جبريل يمخر المشوار

    كان لزاما لأعيننا أن ترى الإمتداد, ونحن نعبر يوميا
    من خلالكم للوازم حياتنا عملا ودرسا ورفه وتواصل
    متعدد الجباه والأعراض, ونحن نمر من عندكم... نتامل,
    ونمعن البصر ونؤكد المشاهد ... وهكذا إستضلع ( جين
    الإمتداد ) فى مركباتنا الوراثية... فلكم التحية...
    ولنا المستقبل.


    حيدر كيفنك

    وكتين اعترفتوا بي حقنا فيكم كان كدي بنسحب
    قواتنا من محطة سبعة
    ألم اقل لك انا اول الخفقات كانت عندكم
                   |Articles |News |مقالات |بيانات

23-07-2006, 09:39 PM

HAYDER GASIM
<aHAYDER GASIM
تاريخ التسجيل: 18-01-2005
مجموع المشاركات: 11862

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: طارق جبريل)

    عبد الدائم يواصل توقده ... ويقدح الذاكرة مليا, يقول:

    Quote: كما نوهت الاخت انعام حيمورة سابقا عن الالقاب فى الصحافة حيث يحمل الكثير من الاخوان القابا" طغت على الاسم الاصلى وصارت جزء من شخصيهم ومنهم على سبيل المثال :
    مربع 25
    محمد خير داقير / الـلـنــقص / عمر الحاوى / صنفرة / سمير الكديس / طيارة الصباح / صلاح النكهة / السر كرارة / يوسف الخال / عثمان ككو / بيب بى / التجو / ترييق / الــقح / لــج / مجدى كوكا / ثعلباتى! / ود اب جـك / ديداية / كجة / سـيـلـفــر / اشرف الـغـول / وليد ستى / كاوندا / خالد حواء / صديق زنقل / محمد قلوط / الطيب كلع / محمد اسمك / علاء الدين لكوة / معاوية المكاجر / الشيخ اب سنون / عمر جاكوما / محمد كجيك / منعم ادوا / صلاح برونطة / ناصر ود التايه / ناصر النعجة / فؤاد اب لغوفة / محمود كرن / سامى ود العب / اسامة اللونق / نميرى سوقود / خالد كابو / محمد جنى .
    مصطفى اب رأس / الله يرحمه ويحسن اليه
    عماد فله / الله يرحمه ويحسن اليه
    عادل تمساح / الله يرحمه ويحسن اليه
    عبدالله اب رقبة / / الله يرحمه ويحسن اليه

    مربع 27
    كمال مريم / الجنكل / عوض كضمى / على تندليسا / وليد العربى / ود نفاش / على اب سفيرة / الصادق ماردونا / عادل مويه فول / بكو / كرنديس / طلقا / كافونقا / جنى كولا / بابورية .
    مربع 23
    عثمان ود الحرام / منتصر الصايع / نادر حمى / الفاتح قميحة / فيصل كورى / كجامة /! حامد مويات / ابراهيم شكب / بـارتـا الجريح / عادل قرن / عقرب / ود اللواء / عصام منقة /&n! bsp; عصام زقلة / ود العاتى .
    مربع 22
    الصادق تبشة / ظبطو / حميد ود اب جك / هشام شرو / ضرس / التوم ود الفكى / قحة / تاى تاى / صلاح الحلبى / عثمان كسرة / عمر عي عي / الامين جبنا / حمزة كوك / صلاح كفو / اليسطا / عشة كشك / فتحية ست الطعمية .

    وهناك : نزار دوناب / عمر رتى / عمر فريدا / عبود عتود / خالد قش / ح! يدر جنى / انـقــش / حواء ام عيون / عنقريب / حفتية / حلة خمجانة فى 16 / حنكوتة / تمبوش /

    تخريمة
    يا اخوانا نسيتو فى الفنانين تذكرو عاطف البلال ، مربع 24 الفنان المفضل لجيرنا ناس الملك

    افراح
    تهانينا للاخوان خالد حواء وبدالدين سليمان وعلى حسين واميرة سعد الدين ومنى الملك بمربع 25 بحياة زوجية سعيدة وبي! ت مال وعيال آى يووى يووووووووووووووووى يووى !!!

    عبدالدائم سيداحمد ، الصحافة مربع 25

                   |Articles |News |مقالات |بيانات

23-07-2006, 10:24 PM

HAYDER GASIM
<aHAYDER GASIM
تاريخ التسجيل: 18-01-2005
مجموع المشاركات: 11862

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: HAYDER GASIM)

    الأخ عبد الدائم

    تحياتي

    يبدو أن الأسماء المستعارة فى مجتمعنا الصحافابي
    مستشرية بما يستدعي التأمل, وما عارف إنعام حيمورة
    ( نفشت ) الموضوع ده كيف ... مع إنها وبالفرضية
    النسوية بعيدة, بعيدة ولو نسبيا عن هذا العالم
    ( الذكوري ) لكن يبدو أنها ناصحة ... وما شاء الله.

    شملت قائمتك من أسرتي ( الكريمة ) شقيقي الفاتح
    ( قميحة ) ففرحت له وهو يتعرض للساحة الإسفيرية
    لأول مرة أظنها فى حياته, مع هذا والأمر يتصل بعاليه,
    أود أن أضيف وفى نطاق ذات الأسرة شقيقي أسامة, وقد
    كان يسمى ب( المصقر ) وأصغرنا عمر ( طحنية ) ...
    يا إلهي ... من أين تأتي هذه الأسماء, وكيف تستقر
    فى ملفاتنا الأجتماعية ... هكذا؟ عالم يأبى الخسارة
    وأقل صيده ... الجنون ... ياربي أنا عندي إسم ...
    ول ما عارفو.
                   |Articles |News |مقالات |بيانات

24-07-2006, 02:38 AM

انعام حيمورة
<aانعام حيمورة
تاريخ التسجيل: 29-06-2006
مجموع المشاركات: 11083

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: HAYDER GASIM)

    الله اكبر .. دا الكلام ...

    الاخ الصحافابي (عبد الدائم سيد احمد)

    نشكر جهدك المقدر ..
    واله انبسط جدا جدا لانو عارفة انو الصحافة مليانة بالالقاب اللذيذة وعلى فكرة (يوسف الخال) دا عمي اخو ابوي طوالي...


    شفت ما قلت ليك يازعيم (جاياكم بخبطة صحفية) .. عليك الله ما اتكيفت وصراحة علاقتي بالٍفرد قوية

    ولسة النكيت حاصل اصبر بس ما تقول لي حسد ولا بقر ولا عين !!!!!؟؟؟؟؟.
                   |Articles |News |مقالات |بيانات

24-07-2006, 03:00 AM

انعام حيمورة
<aانعام حيمورة
تاريخ التسجيل: 29-06-2006
مجموع المشاركات: 11083

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: HAYDER GASIM)

    أخبار الصحافة ( العربية )

    اقامت رابطة ابناء مدينة الصحافة بالرياض حفل لتكريم الفنان جلال الصحافة (عارفة لقبه شنو ) فكان حفل بهيج تخللته برامج عدة من ضمنها كورال الصحافة بالرياض ..متكون من يافعين حلوين (ابناء وبنات ) اولاد الحصافة.

    واكتر حتة عجبتني في الكورال

    ... ناس بعزو الفن حقيقية .. الصحافة
    من حديثهم لي حقيبة .. الصحافة

    بلحن جميل واداء متميز بقيادة فنان صحافي ..

    رتب الحفل ابناء الصحافة الاجلاء وحضرته الاسر بالرياض وتقلد فيه الفنان جلال وشاح الصحافة..

    ومن قبل قد كرم الفنان حيدر حدربي .. رحمه الله فقد كان فاجعة لنا وساتصل بالاخوة بالرياض حتى يمدوني بمادة التكريم.
                   |Articles |News |مقالات |بيانات

24-07-2006, 07:18 AM

عادل جبارة

تاريخ التسجيل: 19-07-2006
مجموع المشاركات: 1795

للتواصل معنا

FaceBook
تويتر Twitter
YouTube


أنا جاي !!! (Re: HAYDER GASIM)

    الأخ حيدر قاسم

    كل التحيا والأشواق لك ، أنا قادم للمشاركة وبقوة إنشاء الله

    أخوك عادل جبارة
                   |Articles |News |مقالات |بيانات

24-07-2006, 09:35 AM

HAYDER GASIM
<aHAYDER GASIM
تاريخ التسجيل: 18-01-2005
مجموع المشاركات: 11862

للتواصل معنا

FaceBook
تويتر Twitter
YouTube


Re: أنا جاي !!! (Re: عادل جبارة)

    الأخ عادل جبارة

    مزيدا من النوار يشيل ويخت, وهكذا الصحافة,
    حياة حافلة متجددة وحرية بالرصد والإستذكار.

    مرحبا بك إضافة مشرقة لهذا البوست, أرى الدار
    الآن وقد بدأت تعج ببنيها, أخال بمقدمك سوف تتوارد
    خطى آخرين, خالد حيمورة, مصطفى الناظر وجمال وشريف
    وآخرين وآخرين... أظنك سوف تدير نفيرا رائعا فى
    المملكة من أجل إعلاء راية الصحافة... تسلم يارجل.
                   |Articles |News |مقالات |بيانات

24-07-2006, 09:42 AM

HAYDER GASIM
<aHAYDER GASIM
تاريخ التسجيل: 18-01-2005
مجموع المشاركات: 11862

للتواصل معنا

FaceBook
تويتر Twitter
YouTube


Re: أنا جاي !!! (Re: HAYDER GASIM)

    الأخت إنعام

    أي والله ... خبطتك الصحافية تتفاعل بشكل خلاق,
    والخير على قدوم الواردين, فمزيدا من الطحين,
    ديارنا الآن تتجمل بفوح بينهاوتهبنا مقاما طيبا
    للإقامة الآمانة الودودة, فيا اهلا
                   |Articles |News |مقالات |بيانات

25-07-2006, 08:45 AM

عادل جبارة

تاريخ التسجيل: 19-07-2006
مجموع المشاركات: 1795

للتواصل معنا

FaceBook
تويتر Twitter
YouTube


Re: أنا جاي !!! (Re: HAYDER GASIM)

    أخي حيدر
    الزعيم إنت بس تأمر وأهديك بعض الرحيق

    أوبريت أهل الصحافة
    كلمات وألحان الأستاذ الشاعر حسين حمزة - الرياض

    فـي ليلـة صيفيـة مـن ليالـي الغربـة وبـدار رابطـة أبنـاء الصحافـة بالريـاض كـان الموعـد تكريـم الفنـان الحـاج عبـد الحميـد يوسـف رحمـه الله ، وكـان ضيـف الأمسيـة الشاعـر الكبيـر الأستـاذ صديـق مدثـر وتغنـى وأبـدع الفنـان حيـدر حدربـي رحمـه الله فـي تلـك الليلـة ، وكمـا أخبرنـي بعدهـا المبـدع حسيـن حمـزة كـان خيـال الشعـر قـد أسـرج وسمـا فأضـاء مخيلـة شاعرنـا الفـذ حسيـن حمـزة بأبيـات لـم يطالـه سلطـان النـوم فـي تلـك الليلـة حتـى وضـع اليـراع مختتمـا ومنشـدا بتلـك الكلمـات الرائعـة التـي أصبحـت نشيـدا لمنتـدى الصحافـة الأدبـي ، وأبـدع شاعرنـا وصـاغ كلماتهـا لحنـا ليتغنـى بهـا أبناؤنـا فـي الفرقـة الذهبيـة كما شاهدتهم الأخت إنعام حيمورة فـي مهرجـان تكريـم الفنـان جـلال الصحافـة والـذي كـرم مـن خلالـه أيضـا إبـن الهاشمـاب الشاعـر حسيـن حمـزة ، وإليكـم أخوتـي أهـدي الكلمـات كاملـة .

    فن تمارسو في جو معافا....
    داير تعيشو مرة واقع....
    أمشي دار أهل الصحافة....
    تلقى أشكال من روائع....
    وتلقى ألوان من ثقافة
    قربت في الغربة ياما ...
    بينا والوطن المسافة ...

    ديل ناس أهل الصحافة ....

    ناس بعزو الفن حقيقة ...
    من حديثو .. للحقيبة...
    كل جلساتم تعجبك ..
    وتغمرك دهشة وعجيبة ...
    هي التخليك بس تسافر ...
    لي ربا البلد الحبيبة ...
    وتطرى أهلك وعز بلادك ...
    وتنسى إنك كنت عايش ...
    في ديار عنك غريبة ...

    ديل ناس أهل الصحافة...

    ناس فنون وأدب وثقافة ...
    كرمو الفن بي جدارة...
    وكانو طارين لي عمالقة ...
    ختو بصمات لينا واضحة ...
    في نفوسنا لسه عالقة ...

    ديل ناس أهل الثقافة ...

    أهل فن وطرب مثالي...
    وبحر أمواجو الثقافة...
    ياما بمتاز وبتمازج..
    وصدر واسع وبي حصافة...
    يجزبوك لي منتداهم ...
    وبي كرم تلقى الضيافة...
    حايمة حولك كل ثانية...
    بي شراهة واستضافة...
    وقدرما معاهم قعدت...
    لحظة واحدة تحس بإنك ...
    زول وساكن في الصحافة...
    ديل ناس أهل الصحافة...
    ناس طرب وأدب .. وثقافة...

                   |Articles |News |مقالات |بيانات

24-07-2006, 09:39 AM

عادل جبارة

تاريخ التسجيل: 19-07-2006
مجموع المشاركات: 1795

للتواصل معنا

FaceBook
تويتر Twitter
YouTube


الصحافة والثقافة (Re: HAYDER GASIM)

    أخي حيدر ،،،

    تحياتي لك مرة أخرى وسلام وشوق شديد ، بعد غيبة طويلة نلتقي عبر هذا المنبر الراقي والرائع لنتبادل الأخبار عنا وعن أهل الصحافة ومن حالت بيننا وبينهم ظروف الغربة والأبتعاد عن الوطن ومن تفرقت بهم السبل فساروا وسرنا هنا وهناك ، وأشكرك على مناجاتك لي للكتابة مما جعلني أسرع بمهاتفة أخوتي بل حتى إزعاجهم حتى حصلت أخيرا على العضوية من أجل المشاركة المباشرة في هذا البوست والشكر لهولاء الأخوة : بكري أبو بكر وإسماعيل وراق وجلال أبو جهينة وصديق الموج ومحمد عبد الجليل وأمير الجمري ، وهذه مقدمة المشاركة أخي حيدر وكافة الأخوة والأخوات وسأواصل مدكم بمعلومات وأخبار شيقة عن نشاطنا نحن رابطة أبناء مدينة الصحافة المقيمين بالرياض ، وبالمناسبة هذه الرابطة تأسست في يوليو من عام 2002 م بجهود مقدرة من أخوة سأذكرهم لكم تفصيليا في المرة القادمة وبالمناسب الأخ الفاتح قاسم كان له جهدا مقدرا معنا في بداية تأسيس هذه الرابطة وافتقدنا نشاطه بعد سفره ، توجد لدي العديد من اللقطات المسجلة لتكريم الفنان الراحل حيدر حدربي وأغنياته التي شدا بها في منتدى الصحافة الأدبي بدار أبناء مدينة الصحافة بالرياض وكذلك تكريم الفنان جلال الصحافة وأبريت الصحافة من تأليف الشاعر الفذ / حسين حمزة شاعر ( جسمي إنتحل ) كل ذلك سأجهزة لكم جميعا أخوتي لإطلاعكم عليه من خلال هذا البوست قريبا ،

    وإلى اللقاء ،،،
                   |Articles |News |مقالات |بيانات

24-07-2006, 09:52 AM

HAYDER GASIM
<aHAYDER GASIM
تاريخ التسجيل: 18-01-2005
مجموع المشاركات: 11862

للتواصل معنا

FaceBook
تويتر Twitter
YouTube


Re: الصحافة والثقافة (Re: عادل جبارة)

    Quote: وكتين اعترفتوا بي حقنا فيكم كان كدي بنسحب
    قواتنا من محطة سبعة
    ألم اقل لك انا اول الخفقات كانت عندكم


    الأخ اللطيف طارق جبريل

    أما نحن فى بقاع الصحافة فليس لدينا قوات البتة,
    نحن يا عزيزي نمتشق البنفسج, نصوبه تجاهكم على الدوام,
    ونطلق من زخاته بين الفينة والأخري ما يؤكد حبنا لكم.

    دمتم بين خافقينا أحبابا.
                   |Articles |News |مقالات |بيانات

24-07-2006, 10:09 AM

HAYDER GASIM
<aHAYDER GASIM
تاريخ التسجيل: 18-01-2005
مجموع المشاركات: 11862

للتواصل معنا

FaceBook
تويتر Twitter
YouTube


Re: الصحافة والثقافة (Re: HAYDER GASIM)

    الاخ الصحافة30

    أتارنك قاعد فى هذا البورد تزرع الفرح
    وتسعى بين الناس بالجمال, زرت بوستك الخاص
    بعقد الجلاد والفنان المرحوم إبراهيم عوض,
    فغشتني طيوف آلقة من الطرب الجميل, فأنقل
    إلى بوستنا بعضا من إبداعاتك تلك ... نشوفك.
                   |Articles |News |مقالات |بيانات

24-07-2006, 11:46 AM

Alsa7afa_30
<aAlsa7afa_30
تاريخ التسجيل: 06-02-2003
مجموع المشاركات: 6618

للتواصل معنا

FaceBook
تويتر Twitter
YouTube


Re: الصحافة والثقافة (Re: HAYDER GASIM)


    Quote: زرت بوستك الخاص
    بعقد الجلاد والفنان المرحوم إبراهيم عوض,
    فغشتني طيوف آلقة من الطرب الجميل,


    ان شاء الله ايامك كلها تكون طرب و جمال..


    Quote: فأنقل
    إلى بوستنا بعضا من إبداعاتك تلك


    ابداعاتـي؟؟

    ما أنا ال ناقل لابداعات الآخرين يا صحبي ..

    و ان شاء الله ما بنقصر..
    .
    .
    .
    .

    كل الود..
                   |Articles |News |مقالات |بيانات

24-07-2006, 07:38 PM

HAYDER GASIM
<aHAYDER GASIM
تاريخ التسجيل: 18-01-2005
مجموع المشاركات: 11862

للتواصل معنا

FaceBook
تويتر Twitter
YouTube


Re: الصحافة والثقافة (Re: Alsa7afa_30)

    يا ولد يا صحافة يا 30

    لماذا كل هذا التواضع, ( فالنقل )
    فى حد ذاته الفنية إبداع, إذن فأنت
    مبدع, ولو شايفا كتيرة, فأنت ( ناقل )
    مبدع.

    طيب... هاتينا من مطربي الصحافة ماعونا
    كبير, ودعنا نطرب ( إلى ما بعد منتصف الليل )
    يعني أعمل ليناحفلة إسفيرية لنستحضر الصحافة
    والغناء الجميل والطرب الرطيب ... ومالو ...
    مش الدنيا بقت قرية سغننننننونة, ففي شوارعها
    منزل يسمى الصحافة.

    وكل الهنا
                   |Articles |News |مقالات |بيانات

24-07-2006, 08:26 PM

HAYDER GASIM
<aHAYDER GASIM
تاريخ التسجيل: 18-01-2005
مجموع المشاركات: 11862

للتواصل معنا

FaceBook
تويتر Twitter
YouTube


Re: الصحافة والثقافة (Re: HAYDER GASIM)

    رسالة من نجم صحافوي جديد... إسمه مدثر ... شوفوهوا.

    Quote:
    سلام لكل سكان الصحافة اود اضافة بعد الالقاب التي سقطت سهوا ولم
    يتم ذكرها وابداء من اول المربعات مربع15
    عمر(الحاج)-امير القون-معتز الشايقي-بكري تنقا-طارق الطويل-محمد حبش-عمر كرشو-عبدو كديسة-اللورد
    مرب-16نادرجون-عمرقورماهيا-عمار باقيرا-التوت-معتصم بلاتينى-عمرالدكتور- تن تن-سيف الشايقى -ملوالحبشى
    مربع17
    حسن (التوم)حسين النسر(التوم)-فيصل الصينى-عمربرمة-عاطف زنقد
    مربع19 ميادين وسوق
    مربع20
    حسن وحسين التيمان-يحي بطبط-خالد الريشة-معاوية ام دوم-كوني-عادل بايركس-عبدو ساكس-بديع-جلمبوظ-طارق جلكمة-ابدلامة-ياسر شطة-فخري عطوط-بهاء الدين ضفاري-قدورةالحبشي-عثمان ضبانة-حميد-محمد لفت-احمد الميج-معتز قرادة-نزار شارع جبرة-ناجي فلاتي-احمد فيكا-امير غراب-بلية-وليد الكنين-عبدو كيو-وليد كارلويس-ابراهيم القون.
    مربع21
    الصادق وانى-امير حجي-حمودية-جاسوس-عباسكو-هشام سليقة-نزارنونو-عبدلرحمن ابوالدقيق-بهلول-كمال حبة-محمد ودالشيك -ادم كارنو-وليد العربى-اسامة ابلمبة-عاطف ودالسفير-ياسر الضقل-احمد ابوالتقا-عثمان ويلة-سالم الضرير-عوض كولض -حسن كيلو-كازنجا-صلاح جبنة-طارق حليمة-عباس ركس-عصام كوارع-سامي ابليس-شواطين.
    مربع23
    مجدي السوية-عادل فولة-حمدي البربري-طارق كادوسة-عبدلرؤف افة-عباس كرور-خالد حنكوتة-هيثم عيشة-جومو-بابكر(ابداؤد)-حسين دمسة-عبدالعزيز عزو-حمدي الجا-كرمي كرمجة-منعم ابوريقة-عبداللة بريش
    مزمل ود الصول-لوئ الجاك-هيثم ارطسط-بدر الدين ابشنب-هشام شمو-اسعد عجورة-فايز جن-عوض ننة-ماهر الشايقي-نور الدين ابوعركي-هيثم ابوالعلب-خالد فسودة-مزمل بامسيكا-امير الجرو-مصعب التيس-عمار نقار
    عادل القار -بدرالدين القار-ودالمقبول-هشام الصينى-عادل جغلانة-صالح منقة-متوكل نفسية-عمار ركشة-منير ابوقدوم-مصطفي صولة-مصطفى ابوزرت
    -اسامة اتنى-شهاب شمرة-خالد نيلز-ادهم ابجرقد-ياسر بقرتو-مدثر السحار-منتصر الصايع-عبدالجبار جبرة-احمد قورو-منصور منصا-محمد عقربة
    -مجاهد ابوالجوج-عمر فرن-معاذ قش-وائل(يس)-حمادة ابوراس-اسامة باع-ياسرالدكتور-خالد ابسن-نادر حمي-فيصل كورى-اسامة ثعلباتي-محمدوداللواء-محمد بقرة-بخارى بخة-دوولي-نزار سمكة-ياسر عكة-حاتم العربي-نزار ابصوفة-علي اللتل-عادل كلبو-هشام اباكة-حسن عموش-خالد هجام-عمر قاي-هيثم سمبرية-منتصر موقابي-احمد كشيف-عمر قردو-احمددوخة-بهاءالدين موطر-حاتم الزنكلوني-عمر طحنية-الفاتح قميحة-معتز الباشا-هشام الباشا-محمدالجعلي.

    مدثرسعيد(السحار)[email protected]


    تسلم حبيبنا... وكلامي فيك جاي ... بس أصبر
                   |Articles |News |مقالات |بيانات

24-07-2006, 08:31 PM

HAYDER GASIM
<aHAYDER GASIM
تاريخ التسجيل: 18-01-2005
مجموع المشاركات: 11862

للتواصل معنا

FaceBook
تويتر Twitter
YouTube


Re: الصحافة والثقافة (Re: HAYDER GASIM)

    وثلاثة رسائل متتالية من عبد الدائم ...
    وهكذا ينداح الخيط الصحافي ... آملكم المتعة.

    Quote: اشارة الى الالقاب المذكورة اعلاه واطرفها هو لقب عثمان ود الحرام لدرجة انو معظم الناس الى الان ! ; ما بعرفو اسمو الحقيقى والاسم الحقيقى هو عثمان عبدالصادق وسمى بهذا اللقب لانو فى طفولتو كان شقى وشرير مافى ولد فى الحلة ما دقاهو ويقال ان احد الصبـيان جاء ليشتكى عثمان لوالده فطرق الباب واذا بوالد عثمان يفتح الباب ، الولد قال ليهو بالله عم الحرام موجود ؟؟
                   |Articles |News |مقالات |بيانات

24-07-2006, 08:33 PM

HAYDER GASIM
<aHAYDER GASIM
تاريخ التسجيل: 18-01-2005
مجموع المشاركات: 11862

للتواصل معنا

FaceBook
تويتر Twitter
YouTube


Re: الصحافة والثقافة (Re: HAYDER GASIM)

    Quote: المبدع الموصلى
    ما بين 18 وسمية ، طلعنا نحن 25 الكسبانين ويا فرحتنا بيك رغم طول السنين
    شوف قدر شنو انت مؤثر فينا ، وتحيات 25 كلها لبنت الربيع وبالذات بنات جيلها
    وعلى قدر الشوق ما يمد مديت / محبك عبدالدائم سيداحمد
                   |Articles |News |مقالات |بيانات

24-07-2006, 08:37 PM

HAYDER GASIM
<aHAYDER GASIM
تاريخ التسجيل: 18-01-2005
مجموع المشاركات: 11862

للتواصل معنا

FaceBook
تويتر Twitter
YouTube


Re: الصحافة والثقافة (Re: HAYDER GASIM)

    Quote: العزيز حيدر
    اخونا الامتدادى طارق جبريل ، زميل دراسة عزيز بكلية البيطرة جامعة الزقازيق
    ( واتبرلم ) على يداي وانا عارف مكامن القوة والضعف بتاعتو وين ومن زمان انا ( لابد )
    ليهو وشايفو مرة يهاجم ومرة يجامل ، وقريبا فى اعضاء جدد حيدخلو المنبر وهو عارفهم
    ودى رسالة يا طارق ، اتمنى تكون وصلت ؟؟
    اذا كان راكوبة بصور ساكت خلاك تجقلب ، ارجا الراجيك ؟؟
                   |Articles |News |مقالات |بيانات

24-07-2006, 08:39 PM

HAYDER GASIM
<aHAYDER GASIM
تاريخ التسجيل: 18-01-2005
مجموع المشاركات: 11862

للتواصل معنا

FaceBook
تويتر Twitter
YouTube


Re: الصحافة والثقافة (Re: HAYDER GASIM)

    Quote: اذا كان راكوبة بصور ساكت خلاك تجقلب ، ارجا الراجيك ؟؟


    اللهم أجعله خير
                   |Articles |News |مقالات |بيانات

25-07-2006, 09:16 AM

Alsa7afa_30
<aAlsa7afa_30
تاريخ التسجيل: 06-02-2003
مجموع المشاركات: 6618

للتواصل معنا

FaceBook
تويتر Twitter
YouTube


Re: الصحافة والثقافة (Re: HAYDER GASIM)



    الفنان حيدر حدربي
    لو شفـتو الـعيون


                   |Articles |News |مقالات |بيانات

25-07-2006, 07:31 AM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22532

للتواصل معنا

FaceBook
تويتر Twitter
YouTube


Re: إمتداد الصحافة ... وكما نحبه (Re: HAYDER GASIM)

    Quote: العزيز حيدر
    اخونا الامتدادى طارق جبريل ، زميل دراسة عزيز بكلية البيطرة جامعة الزقازيق
    ( واتبرلم ) على يداي وانا عارف مكامن القوة والضعف بتاعتو وين ومن زمان انا ( لابد )
    ليهو وشايفو مرة يهاجم ومرة يجامل ، وقريبا فى اعضاء جدد حيدخلو المنبر وهو عارفهم
    ودى رسالة يا طارق ، اتمنى تكون وصلت ؟؟
    اذا كان راكوبة بصور ساكت خلاك تجقلب ، ارجا الراجيك ؟؟


    عبد الدايم الزقازيقي الرائع كيفنك
    نحن في انتظار تمكينك من العضوية وبعدين
    نحن ناس الامتداد ما بنتهدد
    حامدين الله ما عندنا حاجة نخاف عليها
    يعني بومب يا جدع
    تحياتي للمدام والوليدات
                   |Articles |News |مقالات |بيانات


[رد على الموضوع] صفحة 2 „‰ 10:   <<  1 2 3 4 5 6 7 8 9 10  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de