(ســــيناريوهات) : دمـغة غـريق

مرحبا Guest
اخر زيارك لك: 03-29-2024, 02:41 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة الفاتح يوسف جبرا(الفاتح يوسف جبرا)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
12-09-2006, 04:22 AM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
(ســــيناريوهات) : دمـغة غـريق

    دق مندوب شركة تحصيل فواتير ( التلفونات) باب منزل جارنا (حاج الطاهر)
    - ده منزل الطاهر فضل الله
    - نعم
    - نحنا فواتير التلفونات ( وناوله فاتورة التلفون)
    أخرج (حاج الطاهر) نظارة القراءة من جيب جلابيته وبدأ يقرأ في تفاصيل الفاتورة .. محادثات عالمية محادثات محلية .. هاتف جوال ... ضريبة.. دمغة غريق
    -(حاج الطاهر) في استغراب وهو يضع أصبع سبابته أمام ( دمغة غريق) مخاطبا المتحصل :
    - كدى اقرا ليا دى شنو ؟ دمعة شنو؟
    - دى يا حاج ما دمعة ... دمغة ... بالغين مش بالعين.. دمغة غريق .. ألف جنية بس
    - مش في ألف جنية بس.. هي ذاتا شنو؟
    - والله يا أستاذ أنحنا بنحصل بس القروش لو عندك أي أسئلة أمشي (شركة التلفونات) هناك ح يشرحوا ليك الموضوع
    في الشركة :
    -عاوز أقابل الزول المسئول عن التحصيل
    - شفت الممر داك.. أمشي عديل تأني لف شمال تأني لف يمين أول مكتب يقابلك دا مكتب مديرالتحصيل
    وبالفعل بعد أن قام (حاج الطاهر) بمتابعة (الوصف) وجد نفسه وجها لوجه امام مكتب (مدير التحصيل)
    - السلام عليكم
    - وعليكم السلام.
    - والله في الحقيقة أنا بس عندي استفسار..
    - (مبتسماً) إتفضل
    - الحقيقة جاتني فاتورة التلفون وفيها ألف جنية مكتوب قداما دمغة غريق.. أول حاجة الشئ الأنحنا عارفنو إنو الدمغة دى (طابعة) بلصقوها لمن الزول يجى يقدم طلب ... والحاجة التانية غريق شنو ؟ وأنا مالي ومال المسألة دي .. محادثاتى وبدفعها ليكم .. تأني ما عندكم معاي حاجة – مواصلاً- إنتو يعنى لازم تاكلو اموال الناس (بالباطل)؟
    - (بعد ان إستعدل المدير فى جلسته) يا أستاذ ما ( تهيج) ساكت.. أول حاجة أنحنا ما قاعدين ناكل مال زول بالباطل لأنو المسألة دي أجيزت من المجلس التشريعي للولاية..والنواب الأجازوها ديل إنتو الإنتخبتوهم .. يعنى هم بمثلوكم .. يعنى هم موافقين نيابة عنكم .. يعنى بالعربى إنتو موكلنهم .. وهم أصدرو القرار دا ونحنا ما علينا إلا التنفيذ.. والحاجة التانية (الحكومة) ما شغالة بالتسميات شغالة بالجوهر.. بالمضمون ..الدمغة بلصقوها .. يدبسوها .. ما مهم المهم تندفع .. هسع لو المسائل تسميات كان تكون فى حاجة إسمها (المساهمة الإلزامية) هو فى (مساهمة) وكمان (إلزامية)!!!
    - أها وهسع حكاية (دمغة الغريق) دى شنو ...؟
    - والله أنا ما بقدر (أفتيك) فى المسألة دى لكن لو عاوز تعرف أكثر.. لحسن حظك ( منظمة الغريق) ذاتا المبنى بتاعا أهو داك.. العمارة الصفراء ديك ممكن تمشي تأخذ منهم معلومات وتعرف الحاصل شنو.
    في المنظمة :
    مبنى المنظمة عبارة عن ( فيلا) فخمة ذات سياج معدني أنيق معلقه عليه بعض اللوحات الإعلانية التي تحض المواطن على تقديم الدعم والمساعدة للمنظمة من أجل القيام بدورها الإجتماعي فتلك لوحه تقول :
    ( أيها المواطن الكريم تبرع بكفن غريق تكسب ثواب ) وأخرى تقول : ( من كفن غريقا فكأنما أطعم عشرين مسكيناً) وثالثة تقول : ( الغرقى أخوانكم فتبرعوا لهم) ورابعة تقول : (الغرقان فى ذمة العايش) !!
    بعد أن قام (حاج الطاهر) بقراءة كل تلك اللوحات .. ومتع ناظريه بذلك (القطيع) من السيارات البيضاء الفارهه موديل العام (المرصوصة) فى المكان (المسقوف) المعد لها ... قام بدخول المبنى حيث طلب من موظف الإستقبال مقابلة المدير العام للمنظمة .
    مع المدير :
    دلف (حاج الطاهر) الى مكتب المدير العام .. المكتب فسيح .. التكييف مركزى .. تتدلى من حيطانة ستائر ايطالية بينما غطيت أرضيته بالسجاد الإيرانى .. به طقم جلوس (أمريكى) فاخر وقاعة إجتماعات أنيقة من الخشب (المصقول اللامع) .. أمامها مكتب نصف دائرى يجلس عليه السيد المدير بوجه لامع تبدو عليه أثار النعمة و(الراحات) و(التكييف طويل المدى)
    - السلام عليكم
    - وعليكم السلام ورحمة الله تعالى وبركاته (إتفضل- مشيراً الى أحد كراسى الجلوس الوثيرة)
    وجلس(حاج الطاهر) ثم قال مخاطبا السيد المدير :
    - والله فى الحقيقة أنا جاتني في فاتورة التلفون دمغتكم دي وقلت أجي أقابلكم أعرف الحاصل شنو ؟ وما مدى ( مشروعية) دفع الدمغة دي.
    - والله يا أخي نحنا (بنثمن) فيك الروح الطيبة دي وتجشمكم مشاق الحضور لي دارنا المتواضعة عشان تتعرف على ما تقوم به هذه المنظمة من عمل خيري يهم المسلمين جميعا ... في الحقيقة المنظمة دي جات نتيجة لتزايد حالات الغرق..كل يوم والثاني يقولوا ليك ثلاثة أصحاب مشوا البحر غرقوا...ناس مشوا رحلة ما رجعوا .. وحافلة وقعت من الكبري الركاب ما إتلقو.. وجثه طافية في النيل.. الناس ديل كلهم ( الحكومة) تجيب ليهم ( غطاسين) من وين ؟؟؟ وتجيب ليهم ( بكاسي) تشيل جثثتهم من وين ؟؟؟ .. وتجيب ليهم ثلاجات تحفظ جثتهم لحدت ما أهلهم يتعرفوا عليهم من وين ؟؟؟... الإجراءات.. حمل الجثمان للمشرحة.. وضعة في الثلاجة.. تشريحه.. تصويره وعمل إعلان في الجرائد عشان أهلو يتعرفوا عليهو.. وفي حالات (عدم التعرف) عملية تكفينو ودفنو.. من وين ؟؟؟ وما تنسى مرات بيكون الزول الغرقان دا ذاتو ( مكتول) وفي الحالة دي نحنا في المنظمة بنتابع مع (الشرطة) – مواصلاً- الصرف دا كلو الحكومة تصرفوا من وين ؟؟ - ثم متسائلاً- في (ميزانية الدولة) في بند ذى دا ؟؟ ما لازم( منظمات المجتمع المدنى) والمواطن يساهم في المسألة دي.. أنت هسع ذاتك ما ممكن بكره تقع بيك عربية وإلا (حافلة) في النيل( يجيبو ليك غطاسين من وين )؟ بإختصار نحنا مسئولين من (الغريق) من لحظة (دخولو المويه) الى لحظة دخولو (القبر)
    - دا كلو كلام جميل لكن أنا ذنبي شنو؟
    - ذنبك شنو كيف يا أستاذ ؟؟.. مش أنت زول (مسلم) والبغرقوا ديل كلهم إخوانك فى (الإسلام) ؟
    - (حاج الطاهر فى إستنكار) لا .. البغرقو ديل كلهم (مواطنين) وبس وممكن يكونو ما (مسلمين) وكلامك دا ضد (الدستور) وإتفاقية ...
    - (المدير مقاطعاً) لا أنحنا الناس الما (مسلمين) ديل عندنا ليهم (إدارة) براها فى المنظمة إسمها (إدارة غير الناطقين بها) .. (بالشهادة) يعنى !!
    - لكن هسع ( السودان) كلوا يدفع ( للغريق) دا؟ مسلم على غير مسلم ..يعنى لو التلفونات دى فيها مليون مشترك وانتو قاعدين تاخدو (الف جنيه) من كل واحد يبقى بتجمعو ليكم (مليار جنيه) فى الشهر .. دا غير العاوز يطلع او يجدد جواز او بطاقة او رخصة قيادة أو عاوز يطلع شهادة بحث دى كمان مليارات – ثم متسائلاً- إنتو بتودو القروش دى وين؟ أصلو القاعدين (يغرقو) ليكم فى الشهر كم؟
    - يعني أنت بس دي ( بالذات) عاوز تعرف أنها ماشة وين انت هسع ( الباقين) عارفم بمشوا وين ؟ عندك هسع دمغة ( الطريح) ودمغة ( الشليق) ودمغة (الحابل) ودمغة ( النابل) زائد كنانه والرهد ... ديل كلهم عارفهم بمشوا وين؟
    - (حاج الطاهر محتداً) هو نحنا (تطير عيشتنا) ما نعرف ولا حاجة .. يا أخى انا بس عاوز أعرف دى .. أيوه دمغة الغريق دى .. الباقى دا بيجى يوم نعرفو !!
    - (المدير فى برود) : أكيد تكون يا استاذ افتكرت انو القروش دى كتيرة .. أول حاجة يا أستاذ لازم تعرف انو مسألة انتشال الجثث دى مسألة مكلفة .. لنشات وغطاسين وجازولين وخلافه .. عندك مثلاً الراجل الوقع من كبرى (الإنقاذ) وانتحر الاسبوع الفات عشان ما قدر يدفع مليون جنيه رسوم ولدو الدراسية .. دا نحنا بس عشان نلقى الجثمان بتاعو المسألة كلفتنا تلاتة مليون ..
    - طيب لو كان أديتو التلاته مليون ما كان حل مشكلتو وما إنتحر !!
    - يا أستاذ انا بكرر ليك دى ما مسئوليتنا .. دى مسئولية ديوان الزكاة .. صندوق التكافل .. الرعاية الاجتماعية .. طلاب دعم الصندوق ..نحنا مسئوليتنا (محدده) و تبدأ من لحظة موت الغريق داخل الموية وحتى ندفنو !!
    - (فى استنكار) يعنى القروش دى كلها .. يعنى كم مليار جنيه فى الشهر كلها ماشه غطاسين ولنشات وجازولين .. معقول بس؟؟
    - طبعا لا يا استاذ .. القروش البتفضل قاعدين نوظفها .. قاعدين نعاين للمستقبل .. هسع لما يجى يوم الناس دى كلها تغلبها المعايش تكابس البحر وتنتحر والله ما تلقى الا المنظمة دى تسترها .. نحنا – يا أستاذ- مستعدين للغرق (الجماعى) ال ح يحصل وعاملين حسابنا .. ومش كدا وبس نحنا عملنا مشروعات استثمارية نوظف فيها القروش دى عشان تنمو وتعمل رصيد كويس نقدر نجابه بيهو اى (غرق) .
    - ذى شنو؟؟
    - طيب تعال اتفرج على الصور (وفتح السيد المدير البوم كبير ملئ بالصور الملونة) شفت دى الشايفها دا .. المبانى أم اربعين طابق دى .. دى (أبراج الغريق التجارية) فى قلب الخرطوم وبتنفذ فيها شركة (صينية) و ح نبيعها شقق ومكاتب .. - يقلب الصفحة- والبصات السفرية السياحية الفاخرة دى شفتها ؟.. دى مية وخمسين بص أسسنا بيهم شركة (سفريات الغريق) الخرطوم/مدنى/بورتسودان/دنقلا ... -يقلب الصفحة - وكل صيدليات (الغريق) الفى العاصمة دى بتاعتنا .. ولسع عندنا مشروعات كتيرة .. دا كلو يا أستاذ (إستثمار) عشان (الغريق )....يعني السودان دا كلو لو ( غرق) أنحنا ممكن بي امكاناتنا دي( نحصلو) ونشيلو ندفنو!! .. أها بعد دا فى زول يقول نحنا قاعدين نهمل الغريق؟؟ زول يقول إنو البلد ما فيها (آليات) لدرء الكوارث ؟؟!!
    - طيب انتو وكت القروش دى كتيرة كدا وعملتوها (عمارات) وشركات و(إستثمارات) ما تفكرو تساعدو المواطنين (الغرقانين) فى (الديون) و الفقر والمرض ودا ذاتو يكون شئ وقائى عشان ما يمشوا و(يغرقو ليكم) ؟
    - والله يا استاذ حسب (النظام الأساسى لمنظمة الغريق) نحنا بنعنى بمساعدة الغريق (البحرى والنيلى) وحتى البغرق فى (ترعة) .. لكن الغريق (البرى) دا ما معانا !! – مواصلاً- ده مسئولية (الرعاية الاجتماعبة) .. نحنا المواطن الغرقان دا همنا الاول والأخير ولازم يلقى عناية تليق بيهو مش هنا وبس حتى لو (بره السودان) .. نحنا الأسبوع الجاى ح نفتتح مكاتب (جهاز شئون الغرقانين بالخارج) عشان نكون مسئولين من البغرق برة السودان كمان !!
    - ودى طبعا ح تكون دمغتها بالدولار والريال والاسترلينى؟؟؟؟
    - أكيد .. نحنا عملنا المنظمة دى عشان نحفظ للمواطن السودانى (الغريق) حقو فى إنو يغرق غرقة (لائقة) .. يعنى مش معقول يعيش (ممرمط) و(مشلهت) ولما تتسدا الأبواب فى وشو ويقوم ينتحر ويغرق كمان تانى (يتبهدل)
    تعليق لكاتب المقال : وانتو ما (بتغرقو) مالكم ؟؟ غواصات ؟؟ الله لا كسبكم ولا آجركم !!
                  

12-09-2006, 04:39 AM

Gaafar Ismail
<aGaafar Ismail
تاريخ التسجيل: 08-27-2005
مجموع المشاركات: 4911

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: (ســــيناريوهات) : دمـغة غـريق (Re: الفاتح يوسف جبرا)

    الأخ العزيز الفاتح

    ســلام.

    يا أخي أضحكتني حتى دمعت عيناي ... تســلم.

    تحياتي وفائق احترامي.
                  

12-09-2006, 05:48 AM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: (ســــيناريوهات) : دمـغة غـريق (Re: الفاتح يوسف جبرا)

    عزيزى جعفر
    التحايا والود
    شكرا ليك على المرور والمتابعة ... ودمت
                  

12-09-2006, 06:30 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: (ســــيناريوهات) : دمـغة غـريق (Re: الفاتح يوسف جبرا)

    Quote: تعليق لكاتب المقال : وانتو ما (بتغرقو) مالكم ؟؟ غواصات ؟؟ الله لا كسبكم ولا آجركم !!

                  

12-09-2006, 09:25 AM

ابوبكر يوسف إبراهيم

تاريخ التسجيل: 05-11-2006
مجموع المشاركات: 3337

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: (ســــيناريوهات) : دمـغة غـريق (Re: ناذر محمد الخليفة)

    يا الفاتح أخوي نحن من ديوان الزكاة لديوان الحكم المحلي لديوان شئون الغرقي بالداخل إلى جهاز شئون الغرقى بالخارج .. كلها دووايين فيها المعلقات السبعة في تنفيض جيوب المواطن الغلبان .. طيب ما يسوا ليهم دمغة للغرقى في الغربة طالما هناك هجرة معاكسة واللآ لآزم الواحد يغرق في النيل عشان يصرفوا على إخراجو من البحر ويصرفوا على جنازتو؟ والله لو قرروا يدفعوا تكاليف إخراج الغريق وتكاليف الجنازة نقداً لكل مغترب عائد والله ما يلقوا غريق واحد يطلعوهو .. وبعدين حيشوفوا ليهم حجة تانية يفرضوا بيها رسوم الدمغة؟ بعدين غواصات شنو يا أخي .. ديل حركتم سريعة هوفر كرافت..غوريلا أكشن!!
                  

12-09-2006, 12:29 PM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: (ســــيناريوهات) : دمـغة غـريق (Re: الفاتح يوسف جبرا)

    إنت ما قريت الحته دى يا أبوبكر :
    Quote: نحنا المواطن الغرقان دا همنا الاول والأخير ولازم يلقى عناية تليق بيهو مش هنا وبس حتى لو (بره السودان) .. نحنا الأسبوع الجاى ح نفتتح مكاتب (جهاز شئون الغرقانين بالخارج) عشان نكون مسئولين من البغرق برة السودان كمان !!
    - ودى طبعا ح تكون دمغتها بالدولار والريال والاسترلينى؟؟؟؟


    ديل حاجة بتغلبهم مافى .. ديل غواصات !!!
                  

12-09-2006, 02:40 PM

Adel Sameer Tawfiq
<aAdel Sameer Tawfiq
تاريخ التسجيل: 10-05-2006
مجموع المشاركات: 1074

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: (ســــيناريوهات) : دمـغة غـريق (Re: الفاتح يوسف جبرا)

    Quote: - (المدير مقاطعاً) لا أنحنا الناس الما (مسلمين) ديل عندنا ليهم (إدارة) براها فى المنظمة إسمها (إدارة غير الناطقين بها) .. (بالشهادة) يعنى !!

    لاحول ولا قوة الا باالله ..
    Quote: تعليق لكاتب المقال : وانتو ما (بتغرقو) مالكم ؟؟ غواصات ؟؟ الله لا كسبكم ولا آجركم !!

    الفاتح..
    إنت متأكد التعليق دا مانزل سهوآ ؟؟!!
                  

12-09-2006, 03:08 PM

فاروق حامد محمد
<aفاروق حامد محمد
تاريخ التسجيل: 08-07-2006
مجموع المشاركات: 4648

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: (ســــيناريوهات) : دمـغة غـريق (Re: Adel Sameer Tawfiq)

    Quote: الفاتح..
    إنت متأكد التعليق دا مانزل سهوآ ؟؟!!



    الفاتح

    انت أقعد كاوي لي في عادل ده لامن الجمكسين يغطس حجرك !!!!!!


    بعدين جاييكم في الميزانية الجاية دي حاجة جديدة لنج

    أسموها دمغة (الذبيح)!!!!!!!!!!

    أقعد أعمل لي في سيناريوهاتك دي لامن تدفعونا دمغتكم !!!!!!!


    أعمل حساااااااااااااااابك شديد !!!!!!!!!!



    الــــلـــــــــــــــــه أكــــــــبــــــــر (كج كرج)


    كتلنا الكافر !!!!!!!!!!!
                  

12-09-2006, 04:25 PM

Adel Sameer Tawfiq
<aAdel Sameer Tawfiq
تاريخ التسجيل: 10-05-2006
مجموع المشاركات: 1074

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: (ســــيناريوهات) : دمـغة غـريق (Re: فاروق حامد محمد)

    يااااااســـــــــــــــــــااااااتر ...
                  

12-09-2006, 05:18 PM

فاروق حامد محمد
<aفاروق حامد محمد
تاريخ التسجيل: 08-07-2006
مجموع المشاركات: 4648

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: (ســــيناريوهات) : دمـغة غـريق (Re: Adel Sameer Tawfiq)

    Quote: يااااااســـــــــــــــــــااااااتر ...



    نعمل ليه شنو قلنا ليه تعال بجاي قال لا !!

    يعمل في سيناريهات جنب سكين الخاين والمجانين !!!!!!!!!

    والمثل بقول لا تعمل سيناريوهات للضباحين ولا تخلي الضباحين

    يسنيروك
                  

12-09-2006, 05:42 PM

Adel Sameer Tawfiq
<aAdel Sameer Tawfiq
تاريخ التسجيل: 10-05-2006
مجموع المشاركات: 1074

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: (ســــيناريوهات) : دمـغة غـريق (Re: فاروق حامد محمد)

    Quote: والمثل بقول لا تعمل سيناريوهات للضباحين ولا تخلي الضباحين يسنيروك

    المثل دا أنا سمعتو ويييييييين ؟؟!!
                  

12-09-2006, 06:07 PM

فاروق حامد محمد
<aفاروق حامد محمد
تاريخ التسجيل: 08-07-2006
مجموع المشاركات: 4648

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: (ســــيناريوهات) : دمـغة غـريق (Re: Adel Sameer Tawfiq)

    Quote: المثل دا أنا سمعتو ويييييييين ؟؟!!



    دي ذكرتني بالنكتة المصرية القديمة


    الود في الجامعة قاعد مع زميلته(لزوم خلط) وكده !!!

    وتذكروا انه بكرة الامتحانات حتبدأ ..............

    فجاة سكتوا الاتنين ... والبت مهوّّّّّّّمة ,,, فباغتها بسؤال:

    بتفكري في نفس اللي بفكر فيه ؟؟؟ فانتفضت قائلة : إخصي عليك

    يا أليل الأدب !!!!!!!!!!!!!!!!!!!!!!

    ويا هو ده الرد على سؤالك الأليل الأدب
                  

12-09-2006, 05:54 PM

Moneim Elhoweris
<aMoneim Elhoweris
تاريخ التسجيل: 06-29-2006
مجموع المشاركات: 429

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: (ســــيناريوهات) : دمـغة غـريق (Re: فاروق حامد محمد)

    يا الفاتح والله بتسعدنا بسناريوهاتك دى.
    لكن بالله عليك حاول يوم جيب لينا خبر حاجة
    سمحة زى توعدنا مثلا بالغاء جباية ما أو تسمية
    دعما ما للشعب المغلوب المسكين, زى ما بحصل
    لكل شعوب العالم. ولا ده مستحيل؟؟
                  

12-09-2006, 09:43 PM

Mohamed Ahmaed Olyesh
<aMohamed Ahmaed Olyesh
تاريخ التسجيل: 07-31-2006
مجموع المشاركات: 950

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: (ســــيناريوهات) : دمـغة غـريق (Re: Moneim Elhoweris)

    والله دى من اجمل الكوميديات السوداء
    واصل يا استاذ فى الابداع واجعل قلمك يفرحنا وكثيرا
    عليش
                  

12-10-2006, 01:49 AM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: (ســــيناريوهات) : دمـغة غـريق (Re: الفاتح يوسف جبرا)

    Quote: نعمل ليه شنو قلنا ليه تعال بجاي قال لا !!


    يا فاروق ياخوى (المرقه) تانى بقت لينا صعبة وما بنقدر عليها الكبر حصل و(الحركة) بقت ما ذى زمان وكمان عاوزين (ناجى ونشوى) يتربو فى (بلدهم) ودى مهمة جدا .. والأهم من كل ده إنو الواحد إتعود على (الفلس) وأسأل (مولانا) !! وبمناسبة مولانا إتخيل (إشتكانى) لى (منى خوجلى) وقال ليها (الفاتح جبرا بيكاوينى بيكى) شوف عليك الله جنس الكلام ده يا فاروق الود (لكلبوظة) ده قاعد (يخرت) فينا وكمان يشتكينا والله الإختشو ماتو!!
                  

12-10-2006, 01:56 AM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: (ســــيناريوهات) : دمـغة غـريق (Re: الفاتح يوسف جبرا)

    ألأخوين منعم و عليش
    شكرا على المرور والمتابعة والتعليق والجاى أحلى !!
                  

12-10-2006, 02:21 AM

Adil Isaac
<aAdil Isaac
تاريخ التسجيل: 12-02-2003
مجموع المشاركات: 4105

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: (ســــيناريوهات) : دمـغة غـريق (Re: الفاتح يوسف جبرا)

    Quote: (المدير مقاطعاً) لا أنحنا الناس الما (مسلمين) ديل عندنا ليهم (إدارة) براها فى المنظمة إسمها (إدارة غير الناطقين بها) .. (بالشهادة) يعنى !!





    Thanks Elfatih, this is really funny
                  

12-10-2006, 10:46 AM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: (ســــيناريوهات) : دمـغة غـريق (Re: الفاتح يوسف جبرا)

    UP
                  

12-12-2006, 03:50 AM

محمد حسن خضر

تاريخ التسجيل: 11-25-2006
مجموع المشاركات: 297

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: (ســــيناريوهات) : دمـغة غـريق (Re: الفاتح يوسف جبرا)

    لا أدري ما مصير المشاركات، وبالأمس مررت عليكم مشاركا، فلم أر أثاراً. افيدونا
                  

12-10-2006, 09:23 PM

saadeldin abdelrahman
<asaadeldin abdelrahman
تاريخ التسجيل: 09-03-2004
مجموع المشاركات: 8857

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: (ســــيناريوهات) : دمـغة غـريق (Re: الفاتح يوسف جبرا)

    و نحنا في الدمغات غرقنا

    ----
    مش كان اخير الدمعات و كدا..
    على الأقل الواحد يصلح صحتو حبة
                  

12-12-2006, 02:59 AM

wadismail

تاريخ التسجيل: 09-01-2006
مجموع المشاركات: 155

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: (ســــيناريوهات) : دمـغة غـريق (Re: الفاتح يوسف جبرا)

    متعتنا و الله يا الفاتح بسناريوهاتك الجميلة ، لكن عليك الله الجماعة ديل لو مروا على بوستك دا ما ممكن يفكروا يمرروا علينا بالجد بالجد !!!!!!!!!
                  

12-12-2006, 03:46 AM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: (ســــيناريوهات) : دمـغة غـريق (Re: الفاتح يوسف جبرا)

    Quote: ما ممكن يفكروا يمرروا علينا بالجد بالجد !!!!!!!!!


    أنا بينى وبينك عاوز قبلما الخفلة تفرتق ويلمو كراسيها أطلع ليا بى منصب (مستشار فى جهاز شئون الجبايات) !!
                  

12-12-2006, 05:52 AM

nazar hussien
<anazar hussien
تاريخ التسجيل: 09-04-2002
مجموع المشاركات: 10408

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: (ســــيناريوهات) : دمـغة غـريق (Re: الفاتح يوسف جبرا)

    دمغة جريح (دي موجودة)....ودمغة انة المجروح... (دي في الطريق)

    دمغة غريق (مقترحة)ودمغة المفضوح (دي في الطريق)

    دمغة الرهد وكنانة (دي موجودة)ودمغة تعليم الرطانة واللهجات المستعصية (دي في الطريق) لزوم ثقافة السلام وكدة


    ديل كلهن دمغات في الطريق....


    والشغلانة يا يوسف كراسيها صبة....وفنانينها صف طويل....ما تعشم بي فرتقة ...
    والمنصب الوحيد الفيه العشم....انك تكون بناي حريف ترمم اسمنت كراسي الصبة ومن
    شوال الاسمني الداخرو لي المطر...
                  

12-12-2006, 05:55 AM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: (ســــيناريوهات) : دمـغة غـريق (Re: الفاتح يوسف جبرا)

    نزار :


    Quote: ودمغة انة المجروح



    ياربى تكون دى الدمغة الدفعا (مولانا) أول أمبارح !!!!!!
                  

12-12-2006, 06:10 AM

فاروق حامد محمد
<aفاروق حامد محمد
تاريخ التسجيل: 08-07-2006
مجموع المشاركات: 4648

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: (ســــيناريوهات) : دمـغة غـريق (Re: الفاتح يوسف جبرا)

    تصدق شكلك حلو بالعمة !!!!!!!!!!!!


    "عايز توقع الناس في حبايلك"
                  

12-12-2006, 06:38 AM

nazar hussien
<anazar hussien
تاريخ التسجيل: 09-04-2002
مجموع المشاركات: 10408

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: (ســــيناريوهات) : دمـغة غـريق (Re: فاروق حامد محمد)

    Quote: ياربى تكون دى الدمغة الدفعا (مولانا) أول أمبارح !!!!!!



    ديك كانت دمعة الزناد المقدوح.....
                  

12-12-2006, 06:58 AM

Abdulbagi Mohammed
<aAbdulbagi Mohammed
تاريخ التسجيل: 12-12-2006
مجموع المشاركات: 1198

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: (ســــيناريوهات) : دمـغة غـريق (Re: الفاتح يوسف جبرا)

    ورا كل دمغة جديدة جمرة خبيثة

    نبؤة حاتتحقق
    i did like the naration , go a head man
                  

12-12-2006, 07:01 AM

Haytham Abdulaziz
<aHaytham Abdulaziz
تاريخ التسجيل: 05-28-2006
مجموع المشاركات: 2899

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: (ســــيناريوهات) : دمـغة غـريق (Re: الفاتح يوسف جبرا)


    الأخ العزيز الفاتح جبرا..

    حقيقي موضوع في غاية الروعـة ... يعني انا بقرا فيهو لامن غرقتــة ما قدرت أقبل جاي و لا جاي و فعــلاً موضــوع يغًرق ... و كفانا

    الله و إياكم شــرً الغــرق كان في البر او البحــر... و واصـــل الســـرد الجميــل...

    و تشـــكر يا عزيزي...

    هيثـــم القــوز....


                  

12-12-2006, 03:32 PM

ابي عزالدين البشري
<aابي عزالدين البشري
تاريخ التسجيل: 03-28-2006
مجموع المشاركات: 1178

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: (ســــيناريوهات) : دمـغة غـريق (Re: الفاتح يوسف جبرا)


    الأخ الفاتح
    تحية لك وتحية للإبداع
    من غريب ما تسمعه اليوم أن هذا النص ، قد قمت بنشره مرة على الشبكة، ظانا أنه يخص شخصا آخر، فقد وصلني بالبريد، وظننته له. واتصل بي من السودان وأوضح لي أن هنالك خطأ لابد من تصحيحه ودافعه في ذلك لا شك هو الأمانة وحدها. واعتذرت في نفس البوست ولكني كنت أبحث عن صاحب النص الأصلي، إلى أن وجدت اليوم بغيتي، فألف معذرة على خطأ غير مقصود، ورد وصححته واعتذرت لصاحب النص الذي كنت أجهله. وأكرر عذري.
    كان تعليقي على النص كما هو مبين ، وأعود لكم فتقبلوا عذري.


    Quote:


    النص ، سردي:
    النص الذي بين أيدينا ، يبدو كأنه خاطرة ، دارت في ذهن الكاتب ؛ إثر حادثة محددة؛ فأراد صاحبها أن يوثقها لنفسه؛ فأخرجت هذا النص.
    هذا النص يصعب تصنيفه، كقصة صغيرة، أو أقصوصة، رغم ما يتوفر فيه من عناصر القصة، من حيث تطور الأحداث وتصاعد الحوار. والعمل برمته يشابه شيئا من الكتابة التي مارسها الدكتور محمد عبد الله الريح ( حساس محمد حساس) في الصحافة، ضمن استراحته المشهورة، ويشبه أحيانا تجربة الأستاذ المبدع يحي فضل الله ، في ( تداعيات) خلال الثمانيات.
    ولكن النص اعتمد على الحوار، مما يجعله أقرب إلى العمل المسرحي أو كتابة التمثيليات، خاصة أن صاحبه قد جزأه تجزيئا يساعد على ذلك فجعله مشاهد، المشهد الأول ورمز إليه بعنوان جانبي ( في المنزل) والمشهد الذي يليه ( في مكتب التلفونات) ، ( في مكتب المدير) و... وكأن الكاتب قد أراد إخراجا مسرحيا لنصه، من خلال رسمه أو اقتراحه لشكل الحركة أو وصف المكان. فهو يقول:
    (أخرج حاج الطاهر نظارة القراءة من جيب جلابيته وبدأ يقرأ في تفاصيل الفاتورة ...)
    ويقول:
    (قال حاج الطاهر في استغراب وهو يضع سبابته أمام (دمغة غريق) مخاطباً المتحصل ")
    كذلك لم يهمل وصف المكتب ونوع الكراسي والستائر و لم يهمل وصف موقف السيارات,
    ولكنه سرعان ما أهمل ذلك لما استغرق في السرد.
    اللغة:
    الكاتب يستعمل لغة سهلة ، هي العادية ، الفصيحة لا الفصحى ؛ فلا يتكلف ولا يتقعر، بل يجعل الحدث نفسه هو الذي يخلق لغة السرد.؛ فكانت اللغة بسيطة وحلوة.
    أما لغة الحوار الداخلي، فنقلها الكاتب بأمانة تامة، كما هي، دارجة، سودانية، سهلة وحلوة.
    الكاتب الساخر:
    تتجلى روح السخرية في الآتي:
    أولا:
    النص كله، مبني على فكرة أنه يجب ( التحصيل) . التحصيل بأي صورة، سواء كانت مقنعة أو غير مقنعة. و المواطن لا يملك الحق في السؤال عن القيمة المحصلة طالما أنها ( رسمية). أما استهجان الكاتب لذلك فهو ظاهر إذ سمى النص كله بكلمة قبيحة (جباية).
    ثانيا:
    المفارقة الواضحة بين مظهر المكتب الفخم ، الذي بهر حاج الطاهر، وادعاء المدير أنه مقر متواضع.
    ثالثا:
    الحرفية في تطبيق اللوائح والقوانين التي تجعل من المدير منفذا غبيا، يدعي أن حدود مسئوليته هي الأموات ، بل الذين ماتوا غرقا ولا شأن له بالأحياء أو الحفاظ على الأحياء.
    رابعا:
    ذكر الكاتب لبعض الأسماء والمسميات التي لا معنى لها وليست موجودة وغير منطقية "..عندك هسع دمغة (الطريح ودمغة) ودمغة (الشليق) ودمغة (الحابل) ودمغة (النابل)
    ومثال آخر:
    منظمة الغرقانين بالخارج، للناطقين بغيرها ...
    خامسا:
    صور الكاتب بعين راصدة الأحداث المعاشة ، في زمن تاريخي معين وقضية فرض الضرائب ، بشكل مضحك، ومنفر في آن واحد. وهذا واقع عاشه الناس لفترة طويلة، ضريبة الشهيد ، ترعتي كنانة والرهد، رسوم القناة الفضائية، رسوم طريق التحدي، ضريبة صندوق دعم الشريعة و كثير من المسميات. وكثير من الهيئات والمؤسسات التي يحق لها أن تجمع المال، بطريقة عشوائية تنم عن الفوضى. وأظن أن الكاتب وفق لطرح القضية تحت المجهار، بغية التشخيص والعلاج.
    سادسا:
    موقف حاج الطاهر نفسه، موقف غريب، وقد يكون مرفوضا بين الناس، أن يتجشم أحدهم كل هذا العنت، ليسأل عن قيمة تافهة وهي الألف جنية. فاعتاد الناس على أن لا يسألوا إذا طلب منهم أن يدفعوا؛ طالما أن الحكومة رفضته وهو (رسمي)؛ كأنهم استسلموا للأمر.
    سابعا:
    حاج الطاهر نفسه ، الذي يمثل الضحية، لم ينج من الحرفية، فهو يسأل عن وجود الدمغة ( الدمغة دي بلصوقها...)، وكأني به لو كانت هنالك دمغة من ورق ملصقة على الفاتورة ، لما سأل. وهذا واقع اكتسبه من خلال العمل المدني. فهو أسير أيضا للوائح والقوانين، بل تعدى الأمر ليتكلم عن الدستور، مصيبا كان أم مخطئا، شأنه شأن كثيرين يظنون أنفسهم على علم ويتسمون تشدقا؛ (بالمثقفاتية).
    ثامنا:
    السخرية من موقف الحاج الطاهر، الذي اجتهد في قراءة المكتوب على الفاتورة ، بعد أن أكد الكاتب أنه قد استخرج نظارته؛ ولكنه أخطأ في قراءة الغين عينا." دي يا حاج ما دمعة.. دمغة.. بالغين مش بالعين . دمغة غريق.. ألف جنيه بس".
    وكأني بالكاتب قصد كلمة (دمعة) إشارة إلى الأسى الذي يحس به المواطن، فيقرأها هكذا وكأنه يهم بالبكاء.
    تاسعا:
    البرود الواضح للموظفين ، خصوصا المدير. لم يثر المدير في وجه المواطن ، كما نتوقع بل كان باردا متخلقا بسلوك من اعتاد على ذلك، متجاوزا للإثارة ؛ ليخدم غرضه الأساس في تحصيل المبالغ:
    " يا أستاذ ما (تهيج) ساكت.. أول حاجة انحنا ما قاعدين ناكل مال زول بالباطل لأنو المسألة دي أجيزت من المجلس التشريعي للولاية.. وانتو النواب ديل انتخبتوهم.. يعني هم بمثلوكم...
    بل أكثر من ذلك ساق الحجة على المواطن بأنه هو المسئول عن إصدار القرار وهذا واضح في النص أعلاه.
    وأخيرا:
    يتبنى الكاتب فكرة مفادها أن الموظفين المنعمين يستخدمون النصوص الدينة، واللغة الخطابية، مبرر للوصول لغاياتهم، لاحظ معي قول الموظف الأول، مستعملا كلمة أفتيك إشارة إلى الفتوى والتي اعتاد المواطن على سماعها، من أناس محددين:
    -
    كذلك وظفت اللوحات لكسب الشعور الديني ، رغم النقد الذي يمكن أن يوجه إليها:
    (من كفن غريقاً فكأنما أطعم عشرين مسكيناً) وثالثة تقول: (الغرقى إخوانكم فتبرعوا لهم)،
    (الغرقان في ذمة العايش).
    فالنص الأول ( من كفن غريقا فكأنما أطعم عشرين مسكينا) تخدع القارئ فيظن أنها حديث نبوي وهي ليست كذلك.
    و النص الثاني ، كتب بلغة دارجة لا يمكن أن تكون مثبتة على واجه مؤسسة ( الغرقان في ذمة العايش). و النص الثالث ( الغرقى إخوانكم فتبرعوا لهم)، نص يستطيع حاج الطاهر أن ينتقده، بحجة أن غير المسلمين ليسوا من إخوانه.
    تعقيب:
    النص ممتع واستطاع الكاتب أن ينفذ إلى قضايا مهمة في حياة المواطنين، بطريقة ساخرة. أفرز النص انتقادات لاذعة للمواطنين ، الموظفين ، أجهزة الحكم المدني ... ولم يتعرض بشكل مباشر للطعن في الحكومة.



    أنحني للإبداع و لك حبي وتمنياتي بالتوفيق دوما
    وتعليقي المنصص ليس لمن هو في قامتكم، ولكنه جاء في معرض آخر لرجل متخصص في نوع آخر من الكتابة العلمية، فله الشكر إذ أوصلني النص ولك الشكر يا مبدعه النص ومخرجه.
    .


                  

12-12-2006, 05:44 PM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: (ســــيناريوهات) : دمـغة غـريق (Re: الفاتح يوسف جبرا)

    يا فاروق ياخوى خلااااص (صاحبك) راح شمااااار فى مرقه !!!
                  

12-12-2006, 05:56 PM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: (ســــيناريوهات) : دمـغة غـريق (Re: الفاتح يوسف جبرا)

    Quote: لا أدري ما مصير المشاركات، وبالأمس مررت عليكم مشاركا، فلم أر أثاراً. افيدونا



    يا محمد يا عزيزنا ما بنقول ليك إنت ما مريت لأنك قلت مريت لكن حقيقة ما لقينا أى مداخلة ونحنا حريصين جدا إنو نرد على أى مداخلة عشان كده طوالى دخل مداخلتك تانى ولو ما لقيت عليها تعقيب لومنى !!!

    الفاتح جبرا
                  

12-13-2006, 01:51 PM

محمد حسن خضر

تاريخ التسجيل: 11-25-2006
مجموع المشاركات: 297

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: (ســــيناريوهات) : دمـغة غـريق (Re: الفاتح يوسف جبرا)

    الأستاذ جبرا كلامك صحيح وقد كان مروري علي سناريوهات الطريفي وهناك أودعت مشاركتي، ويوسقني الخطأ وسوء التقدير.
    مع خالص التقدير
                  

12-12-2006, 07:04 PM

محمد مكى محمد
<aمحمد مكى محمد
تاريخ التسجيل: 10-13-2006
مجموع المشاركات: 4082

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: (ســــيناريوهات) : دمـغة غـريق (Re: الفاتح يوسف جبرا)

    استاذ الفاتح
    لك التحية ايها المبدع ،كنت من اول قراء هذة المرسلة و لكن لم اجد الوقت للرد والمداخلة. ما كتبتة يعكس الواقع المرير لحال البسيط محمد احمد، ان كانت هناك دعوة للتمرد ،صغتموها بين حشايا القصة،فالظلم واقع ولكن وحدة لا يكفى لصناعة الثورة، والاحساس بالظلم هو الذى يصنعها.
    كل والود الاحترام
    اخوكم
    محمد مكى
                  

12-13-2006, 00:36 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: (ســــيناريوهات) : دمـغة غـريق (Re: الفاتح يوسف جبرا)

    الأخ العزيز الفاتح


    والله غرقتنا من الضحك وكمان طمنتنا إنه حيكون في جهاز شئون الغرقانين بالخارج يعني خلاص نقوم


    نغرق بمزاج وما نشيل هم أصلنا غرقانين في همومنا وناقصانا الدمغة عمومانشكرك على سيناريوهاتك


    الرائعة التي تأتينا من وقت لآخر كالنسمة في عز الصيف
                  

12-13-2006, 00:56 AM

abubakr
<aabubakr
تاريخ التسجيل: 04-22-2002
مجموع المشاركات: 16044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: (ســــيناريوهات) : دمـغة غـريق (Re: الفاتح يوسف جبرا)

    عزيزي الفاتح (دي بادب شديد.. لاني ما شايف **المطارزية بتوعني هنا في البوست دة .. مش ي البوستات التانية والصلعات)...
    ات قبل كام يوم خليت الماعمل حفلة والما عرس والما مشي المستشفي والما سافر والما شرب موية والما دخل الحمام يدفع ضريبة "الما سواها " ودحين جيت بضريبة الغراقنيين ما كل السودانيين غرقانيين .. منو البيدفع حق الدمغة بتاعتك دي ؟؟؟تدفعها براك ..احنا مالنا اهو بنتنفس تحت الماء وما طالعيين عشان ما تكون عندك حجة ...


    حاشية "** المطارزية دي لا ليها علاقة بالمطار ولا الترزية ولا رطانة دي يعني الحرس الخاص كما قالت العرب ..شفت كيف
                  

12-13-2006, 03:10 AM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: (ســــيناريوهات) : دمـغة غـريق (Re: الفاتح يوسف جبرا)

    الأعزاء جداً :

    عبدالباقى - هيثم - محمد مكى - عواطف إدريس :

    لكم منى كل الحب والتقدير والشكر الجزيل على المرور والمتابعة وهذا الإطراء الذى طوقتمونى به !! شكرا شكرا شكرا
                  

12-13-2006, 03:16 AM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: (ســــيناريوهات) : دمـغة غـريق (Re: الفاتح يوسف جبرا)

    Quote: أنحني للإبداع و لك حبي وتمنياتي بالتوفيق دوما


    عزيزى الأخ الأديب الرائع الأسناذ أبى عزالدين البشرى .. أنحنى أنا لك تحية وإجلالا لهذه الدراسة المتعمقة الشاملة لنص السيناريوهات المذكور والتى إن دلت على شئ إنما تدل على طول باعكم فى هذا المضمار ... صدقنى أخى لا أجد ما أقوله اللحظة غير شكرا شكرا شكرا ونلتقى

    الفاتح جبرا
                  

12-13-2006, 05:00 AM

الفاتح خليل الفكي
<aالفاتح خليل الفكي
تاريخ التسجيل: 10-15-2006
مجموع المشاركات: 892

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
(ســــيناريوهات) : دمـغة غـريق (Re: الفاتح يوسف جبرا)

    الأخ / الفاتح
    سلام واحترام ،،،
    حقيقة السيناريو جميل جدا
    واصل هذا الابداع ونحن متابعين معاك
    تقبل تحياتي ،،،،
    أبو كريم
                  

12-13-2006, 06:15 AM

Kamal Mahjoob

تاريخ التسجيل: 11-02-2006
مجموع المشاركات: 559

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: (ســــيناريوهات) : دمـغة غـريق (Re: الفاتح يوسف جبرا)

    الأخ الفاتح
    لم تصلنا الصحف السودانية هنا، ولم أقرأ لك في السابق إلا في هذا الموقع الجميل ... وأنا أتابع سطورك الأنيقة هذه أشعر وكأنك تتحدث نيابة / إنابة (واحدة في الإتنين) عنى وعن الملايين الغرقى ... شكرا لك ولا تحرمنا من هذه المقالات (الحلومرة جدا)
    Quote: طلاب دعم الصندوق

    جملة بمليون مقال

    سوف أتابع كل ما تكتب لأن كتابتك (بتفش غبينتي)
    لك أطنان من الود
                  

12-13-2006, 05:56 PM

رأفت ميلاد
<aرأفت ميلاد
تاريخ التسجيل: 04-03-2006
مجموع المشاركات: 7655

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: (ســــيناريوهات) : دمـغة غـريق (Re: Kamal Mahjoob)

    ودمغة (الحابل) ودمغة ( النابل)
                  

12-13-2006, 06:40 PM

فاروق حامد محمد
<aفاروق حامد محمد
تاريخ التسجيل: 08-07-2006
مجموع المشاركات: 4648

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: (ســــيناريوهات) : دمـغة غـريق (Re: رأفت ميلاد)

    Quote: عزيزي الفاتح (دي بادب شديد.. لاني ما شايف **المطارزية بتوعني هنا في البوست دة



    المطارزية معاك وين ما تمشي أيها الملك المبجل...




    Quote: ودمغة (الحابل) ودمغة ( النابل)



    * رافت

    هناك دمغة جديدة اسمها دمغة (الحامل) ودي بدفعها المتزوجون

    لو المرة حملت أو ما حملت ... المهم النية !!!!!




    * الفاتح ياخي عملت لينا شنو في دمغة (الذبيح)
                  

12-14-2006, 05:36 AM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: (ســــيناريوهات) : دمـغة غـريق (Re: الفاتح يوسف جبرا)

    Quote: * الفاتح ياخي عملت لينا شنو في دمغة (الذبيح)


    كدى يا فاروق ياخوى بالأول خلى (الطبخة) تنجض وتتطلع من (الفرن) !!
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de