اين مولانا عادل سمير توفيق؟؟

Quote: والحروف دي متفرقة يا رأفت أخوي علشان نغش الكومبيوتر ومايقوم يشـطبها لينا زي ماشطب حقتك الأمس وخلا المافاهمين الفيلم 'زينا' زمان يظنوا بيك الظنون!

والله لما لقيتا مشـطوبة شطبت راسى أنا زاتو

أحكى ليكم الفلم وشوفوا جن الخواجات ديل دايرين يجننونا .

مقدمة بسـيطة
المدينة الأنا عايش فيها عام 1356 قام فيها زلزال مسـحها من الأرض
ومزكور فى تاريخها بشدة ودى صورة تلقاها فى مكتبات التوثيق

الصفحة
Wann war das Erdbeben von Basel?

أمبارح ضربتنا حوالى 5 هزات أرضية وطبعآ (جقلبنا) الهزة نمرة 3 كانت صاح
الليل ما نمناه .
وعملنا تلفونات سويسرا كلها مافى حاجة . قلنا ده قاصدانا عديل
التفزيون الإنترنت الراديو مافى حاجة

الليلة الصباح جبت الجرايد

فى شركة (عندها تصريح) بالتفجير على عمق 1600 متر تحت الأرض
عايزين يصلوا للأعماق المنصهرة عشـان يجلبوا الحرارة لتغزية
التدفئة بديل أرخص للكهرباء والغاز والجازولين .

قال الهزات كانت متوقعة لكن ليس بهذه القوة
أوقفوا العمل (موقتآ)

المصيبة متابع الفورم بتاع الصحيفة الرئيسـية
مافى تصديق وإتهامات وإحتمالات تشـيب الراس
مثلآ إتهام بصناعة قبلة قذرة جديدة (بتعبيرهم)

قولوا الله يسـتر