|
|
 سِيد النضال جا !! ست النضال جات !!
|
و سيد النضال هنا..
هو أي واحد ..
على وزن
سيد اللبن .. بتاع ..
تجيبو القروش و لا أبول ليكم هنا..
إنتهازي فحسب ..
جبان و لا أقل ..
و سيد النضال مثل .. كما تقول أهلنا في كردفان ..
سيد الساعة الزرقة
النطّ الحوش بي زربة ..
أرح نوريكم دربة ..
قبال الفار ما يخربها ..
و أسياد النضال .. هنا ..
هم .. كثر ..
الجعجاعين بلا طحين ..
و المنظراتية بلا هدف ..
و هم
ثقال عند الفزع
حفاف عند الطمع..
و ليس أقل جبناً من الصبيان الجروووو
و يحلمون أن يجدوها سااااقطة ..
وهم
عيييييك ..
عد و أنسى ..
و دعهم في وهمتهم يدقسون ..
و من باب الإنصاف ..
يتعين علينا أن لا نغفل ..
ستات النضال ..
و هن على وزن ( ستات الهناي )
أو ( ستات ) أي شئ ..
المهم هن( ستات ) ..
و هن ...........
أحيى أنا من الرجالة ..
التخلي الواحد يأكلها..
في حنانو و يسكت ..
أسمعوها ..
يا أسياد النضال
و يا ستات النضال
و يا كل الهبطرش
و الناس الما عندها موضوع ..
الزارعنا غير الله
يجي يقلعنا ..
و الله يقلعكم ..
|
|
 
|
|
|
|
عصام دهب
Tragie Mustafa
فيس بوك
تويتر
انستقرام
يوتيوب
بنتيريست