.. اما ( الكاتيوشا) دي نحنا ما ناسا .. و لا اظنها وردت في بوست ناسنا
ناتاشا بتعادل عندنا في السودان : فاطمة السمحة
البت ديك الفي مدرسة شارع حلتكم ( مدرسة المنار ) اللي كنتوا بتقيفو ليها صف بعد نهاية الحِصص و تقلو :
" يا بت انا ود الحلة .. عاشقك و حياة الله "
.. رجع لينا بوست الحب في المنبر .. رجع لينا بنك المحبة اللي استثمرنا فيهو عواطفنا حبة حبة
ومن عجائب ما لاحظت يا صاحبي المتمم كيفي : انو الناس البعزوك و بحبوك ديل معظمهم ما لاقوك و لاشافوك !
دي ثورة العواطف الاسفيرية .. تريد زول و تحبو علي صعيد ديجيتالي !
بس برضو نحنا علي نهج محجوب شريف : زولا تحبو و تشتهى .. لازم تلقاهو في !
بس برضو الامر مشروط بانو يكون زول جمال روحو و قلبو واضح .. يعني زول تحبو ( سمبوهار )
و السمبوهار في لغة الكوتشينة حسب قاموس الراحل علي المك .. إنك تجر مقدما .. تجر علي المغطى .. تخاوي ناس ودحامد و آخرين فريدين بتوصية من القلب فقط خارج دائرة رادار العين و الاحتكاك المباشر
يا موطأ الكنف ، قلتها ليك مرة : لاحظت إنو امجد لمن يعمل غلطة كان بخاف من صحبانك اعمامو .. لانو كان عارف بجيك من وين !
اعصر مع ناس المحنة الجوك زرافات و وحدانا .. فنحن و للاسف من بلد حكامها قساة ، و اغنيائها لصوص لئام
و ختاما " الله يأذي الأذانا " حسب قول الانظكية حواء بنزين
01-31-2008, 03:59 AM
HAYDER GASIM HAYDER GASIM
تاريخ التسجيل: 01-18-2005
مجموع المشاركات: 11868
خالد علي محجوب ( المامنسي)، إزيَّك يا نهر الريد الصافي وأحد سدنة صرح المسادير والكلام السمح وبهي الحروف. يا العزيز لك شكري ( دي لامني فيها مازحا شكري ماطوس وقال لي أي زول تقول ليهو: لك شكري ؟ ) والله يا خالد ما عندي شي أكتبو عشان كدا بقيت من (الخلايا النائمة) ولو كان عندي شغل سمح زي البتسوي فيهو مع منصور المفتاح وسميه طلحه ما كنت وقفت من الكتابه ، ودا كلام ما من طرف اللسان وما مجبور عليهو لكنها الحقيقه، اللغه دي يا خالد حاجه خطيره وبالتالي تتطلب حرصا وميزان ديجيتال عند التعامل معها وكما قال واحد اسمو أرنست كاسبرر ( اللغه ليست مدرسة الحكمة فحسب ولكنها مدرسة الحماقة أيضا) وأعانني الله على شهوة الكتابة والكلام ونقائصي اللامحدودة. ياخي أدام الله التواصل والمحبه في زمن التجزؤ المريب.
01-31-2008, 12:20 PM
Adil Osman Adil Osman
تاريخ التسجيل: 07-27-2002
مجموع المشاركات: 10208
الأخ الحبيب / ودالمرتضى أولا لك الشكر على الرد الجميل .. تصدق اليوم ومن دون الأيام ولا أدري ماذا حدث ما استطعت أن أقتبس في مداخلتي هذه ... أداة الإقتباس غير مفعلة. كان ... ردك يستشف منه عكس ما ذهبت إليه يا بطل .. رد ينبئ ان صاحبه يملك نواصي إدارة دفة الحديث لكن الطبع غلب عليك أيها الرجل المتواضع .. لك مني كل التحايا عامرات بليالي ناسنا والحب في المنبر.
خالد
01-31-2008, 11:56 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
كمال علي، أمدرمان العنوان، أمدرمان سالم والشيخ ومحمود وعبدالوهاب والحجه أم سر وديجول وبدوي وجدهم، هيييه، دنيا وأيام، رحمهم الله. كيف الدوحه الشايله من سوداننا ناس سمحين بالحيل ، شوف اللي في المنبر ده براهم يسدوا عين الشمس ، ناس هميم والعمده ود عبدالله وكيكي وضحيه ونورالهادي وأولاد علي نمر صحابي من الزمن السمح وكتيرين معاهم، فضيلي جانا مشروق بيكم وبقا ركيب سرجين وصاحب بالين وتلفوناتو ليكم بقت تشفق وخايفو بعد شويه يغني لينا عندي التلت من قلبي وعندك التلتين، شئ عجيب يا فضيلي. ربنا يديم عليكم النعم بس تسلموا علي استاذتي د. أسماء محمد عبدالحليم .
صداقتك للوالد حامد يا كمال شئ طبيعي ، أربعون عاما في التربية والتعليم في كل أنحاء السودان عجنت الوالد، يطول عمره، ومنحته قدرة عاليه على مصاحبة كل الأعمار والأعراق وأكسبته صبرا يدهشني وتسامحا يرقى لدرجة الرسالة. سأبلغه سلامك وسيكون بيننا قريبا إنشاءالله ، ثق أني سأبقى هنا وهذه المساحة تفيدني بمطالعتها وأحس بالتواصل فيها فقط أتمنى لو تزيد جرعة التسامح والنأي عن العنف. محبتي يا كمال وربنا يحفظكم وسلام لهاشم وعادل.
02-01-2008, 01:20 AM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
saadeldin abdelrahman يا سعد.. كما يغنيها عمر عبداللات,
ليتني كنت قمرا كما يغني الراحل الرائع المُسكِر الشيخ طه (بادي) والذي رحل عنا في نفس الشهر من العام الفائت. بادي ، يا سعد، لايطربني وحسب بل يبكيني بنشيج يبدأ رحلته من كل خلية في قلبي ودفقة في شراييني، بادي ، يا سعد، يطرب الذين سمعوه فقط فيسكرهم حتى الإرتعاش والترنح فالغيبوبة، فمابالك بالنسبة لمن امتزج الطرب فيه بمعرفة شخصية لذلك السمح وجيرة سابقة في أمدرمان العظيمة أردفها بوجوده لأربعة شهور معنا في مسقط بدعوة وضيافة من الشاهق السامق د. أحمد القرشي لم ينقطع فيها عن زيارتي وتشريفي فخبرت فيها خبايا بادي العظيم الإنسان. هيِّن تستخفه بسمة الطفل نظيف شكلا ومضمونا، كريم جواد متسامح برئ شفيف يصيح في طلعات الطرب الصوفي وتحليق السحب السوامق ويدمع ويبكي فيُبكي كل من ألقى السمع وهو شهيد. الكواكب احتفلوا بالقمر لاتناسبني وتناسبني ، لست قمرا فهي لاتناسبني وتناسبني لأن الكواكب أعظم من الأقمار والأخيرة توابع الأولى. قمر على بعلبك ودم على بيروت ، كا قال محمود درويش ، ويا بادي ( ليت لي قلبك.. لأموت حين أموت). الحبيب سعدالدين.. مكان يجمعني بك هو حتما جميل. أيها الكوكب سلام الله عليك.
02-01-2008, 01:57 AM
HAYDER GASIM HAYDER GASIM
تاريخ التسجيل: 01-18-2005
مجموع المشاركات: 11868
Quote: ثق أني سأبقى هنا وهذه المساحة تفيدني بمطالعتها وأحس بالتواصل فيها فقط أتمنى لو تزيد جرعة التسامح والنأي عن العنف.
كلام جميل يا المرتضى ... والعنف نقابله بمزيد من التسامح, فما العنف إلا إستثناء يقترن بالجشع والسيطرة, فيما نحن لا هذا ولا ذاك. ولهذا ... فأنا متفائل بإنتصار إرادة الناس { الكتاااار } والطبيعيين على من يعتزمون العنف وأيا كان جبخانة ولا كلمة, فالصبر بموسوعه الإنساني وبتفعيله الديمقراطي لهو أفضل الحلول ... وأسمق مراد.
ومجددا ... أحييك ... شاعر المشاعر... فضيلي.
مع عاطر مودتي
02-01-2008, 11:02 AM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
محمد طه علي الملك، مولانا، من نعم الإله علينا أن قيّض لنا في هذه المساحة ، أناسا ، رغم أنّا لم نسعد بلقياهم ، يوطِّدون في وجداننا حقيقة أن العسر يصاحب اليسر، إن مع العسر يسرا. قولك أنا لم نلتقِ في دروب الزمان يؤكد لي حقيقة أزلية هي أن العمر القصير المتاح لي في هذه الفانية لم يترك لي متسعا لمقابلة السمحين وياحسرتي ، فكيف أفنيه على قِصَرِه في خصام؟ أستاذي فضيلي ود جماع ظن بي الخير يا الملك مقدرا أن أكتب بسند من مهنتي وحينها ستكون المساحة هذه امتداد للعمل وهذا ما لا أقدر عليه لكن الدفاع عن الحرية واجب مقدس وعقيدة لا يرد عليها استثناء ، إن الذين يأنسون في أنفسهم نفَسَ نضال يتبنون مبدأ الحرية في كل زفرة وأولها حرية الآخر في ألا تُسجن كرامته أو تُؤذى مشاعره ويراق على حواشيه وفي متنه الأذى السائل. هذا بعض من العقد الإجتماعي منذ روسو وأنت أعلم مني في هذا المجال، وسمعت أنه سبحانه وتعالى بقوله (وجعلناكم شعوبا وقبائل لتعارفوا ) قصَد أن نعامل بعضنا بالمعروف إضافة إلى المعنى الظاهر، والله أعلم, شكري لك يا أستاذنا ومودتي.
02-01-2008, 03:17 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
استاذى فضيلى جماع سلامات والف شكر .. وانت تجرجر الزول المن ناسنا ودالمرتضى الرجل الذى نقتبس منه الحكمة فى انواع من الناس لها من الجمال ما للحدائق . ... نعم محمد قدرك أن تكتب وتدافع عن الحريات ! فانت رجل تكره العتمة .. والله فرحانين بعودتك تحياتى
02-10-2008, 08:39 AM
فضيلي جماع فضيلي جماع
تاريخ التسجيل: 01-02-2004
مجموع المشاركات: 6315
Quote: استاذى فضيلى جماع سلامات والف شكر .. وانت تجرجرالزول المن ناسنا ودالمرتضى الرجل الذى نقتبس منه الحكمة فى انواع من الناس لها من الجمال ما للحدائق .
العزيز عثمان موسى..كلك ذوق؛ وهاهو الرجل يعود إلى أحبابه ولسان حاله يقول ديل ياهم "ناسنا"!
02-01-2008, 04:36 PM
saadeldin abdelrahman saadeldin abdelrahman
تاريخ التسجيل: 09-03-2004
مجموع المشاركات: 8857
الكثيرون من احبائك هنا كانوا يحملون فكرة و شوق الاستاذ فضيلي و لكن من يحمل مثل قلمه و (رهافة الحس البلون ضحكة الناس العزاز)؟ كنت متأكدا أن مناشدة مثله ستجد وقعا مثاليا و ستصيب منك مكامن الحب للناس و الوطن، اضف على ذلك مداخلات الرائعين السمر و التي بقدر ما كنت استشف انها ستخجلك ، كنت اسعد بها ثقتي في قلم استاذنا فضيلي هي تماما مثل ثقتي في محبتك للناس و اذا صاحب ذلك صوت صديقك الراحل بادي.. الكواكب احتفلوا بالقمر (اواوووووووه) فالمحصلة حضور باذخ يفرح به كل من يرتاد نزل الجمال.
محبتي.
02-05-2008, 09:21 AM
فضيلي جماع فضيلي جماع
تاريخ التسجيل: 01-02-2004
مجموع المشاركات: 6315
Quote: كلام جميل يا المرتضى ... والعنف نقابله بمزيد من التسامح, فما العنف إلا إستثناء يقترن بالجشع والسيطرة, فيما نحن لا هذا ولا ذاك.
الأخ الفاضل حيدر قاسم، أحسنت بكتابتك هذا الكلام..وياحيدر أتتبع خطاك وتحليلك الواعي لسباق الرئاسة الأمريكي. شيء غاية في المتعة...وطبعا أخوك في القطار الذي يقوده باراك أوباما. أعرف أن تغيير المؤسسة الرأسمالية الأمريكيةالقبيحة يحتاج عصورا لكن دعنا نحلم مع من ينادي بتغيير هذا العالم نحو الأجمل.
02-10-2008, 08:02 AM
فضيلي جماع فضيلي جماع
تاريخ التسجيل: 01-02-2004
مجموع المشاركات: 6315
Quote: في هذه الفانية لم يترك لي متسعا لمقابلة السمحين وياحسرتي ، فكيف أفنيه على قِصَرِه في خصام؟
حشاك أخي من أن يفنيها مثلك علي قصرها في خصام .. وأنت ممن أتوا العلم والخبرة والقدرة .. وممن يتخفّر بهم الناس لفض مظاريف خصوماتهم وعلاج مسبباتها..
Quote: إن الذين يأنسون في أنفسهم نفَسَ نضال يتبنون مبدأ الحرية في كل زفرة
ما ذا بعد أن خُبِرنا بأنك من قالها مجلجلة في وجهه هو دون مواربة .. وزحزحت عن ذاتك الأبية بجسارة هي من متممات حمل أمانة الحق واستكائه صفة الساكت عنه ؟ أبعد هذا تحسبني غير آس علي ماض بلا تعارف بين أبناء جيل أنت منهم تصدي لنظامين عسكريين .. وقبل أن يلتقط أنفاسة ويأخذ دوره في دولاب بناء الوطن .. جسم علي صدره بليل نظام عسكري مؤدلج لم يعيده للمربع الأول فحسب .. بل نفاه علنا وخفية فتفرق في شعاب الأرض قبل أن تتصافح أياديه .. ولإن قيض الله لنا هذا الحاضر الإسفيري بفضل هذا المهندس السوداني الخلوق .. فاجتمعت رؤانا علي أهداب هذا الوطن الإفتراضي فلن تستكين جوانحنا إن غرب عنها قلم..
Quote: وأولها حرية الآخر في ألا تُسجن كرامته أو تُؤذى مشاعره ويراق على حواشيه وفي متنه الأذى السائل
صدقت غير أنك تعلم أنها الأنفس الخديج الأمارة بالسوء.. وأنت أنت من ملك ناصية حكمة الصبر علي الأذى والكاظمين الغيظ .. سعدت بإستجابتك الكريمة ولا عجب فأنت من ( ناسنا ) اولئك الكرماء. وفقك الله وأفادنا بقلمك .
02-02-2008, 07:02 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
shahto أشكر لك اهتمامك وأتمنى ، أكرر ، اتمنى أن يبقى المنبر جسرا للتواصل والتفاكر بيننا كأعضاء وقراء وأن نَفيد و نُفيد واضعين نصب أعيننا أن المُخاطَب بشر له أحاسيسه وألا شيئ هنايعادل القول الطيب غض النظر عن نتائجه التي هي في كل الأحوال موجبة في حتى في حدودها الدنيا، هي ( الشجرة الطيبة). صابحني دايما مبتسم يا shahto كما هي طلعتك.
02-02-2008, 05:11 PM
Ahmed al Qurashi Ahmed al Qurashi
تاريخ التسجيل: 08-28-2006
مجموع المشاركات: 4263
الأخ العزيز الأستاذ / فضيلى جماع دائما لك الفضل.. أشكرك كثيرا لهذا البوست الرائع والجميل شكلا ومضمونا ويكفى انه أعاد إلينا الأستاذ محمد المرتضى لهذا المنبر لتتسع بوجوده مساحة الجمال والفكر والراى وعفة القلم واللسان ...... الأستاذ محمد المرتضى حامد تعرفت عليه قبل عشرة سنوات وكنت قد سمعت عنه قبل ذلك بسنوات وعن مواقفه ونضاله ضد الاستبداد والقمع وهو زوج الفاضلة الدكتورة هاله زين العابدين ابنة الدكتور زين العابدين وشقيقة المناضل الأستاذ الدكتور والجراح البارع شاكر زين العابدين والذي جمعني به العمل السياسي والنضالي في فترة سابقة أما والده فهو المربى الجليل والأستاذ الوقور حامد عبدالله وهو من أبناء امدرمان لكنه جاب السودان شماله و شرقه وغربه وقضى كل عمره في التعليم وتربية وتنشئة أبناء الشعب السوداني ووالدته لها الرحمة أيضا من المتعلمات الفاضلات كانت لها أنشطة ومشاركات اجتماعية مختلفة نشا الأستاذ محمد المرتضى وتربى في كنف هذه الأسرة الكريمة وتشرب من أخلاقها وارتوى من معينها.. وترحل الأستاذ مع أسرته في جميع أنحاء السودان وتلقى تعليمه في مدارس مختلفة فأختلط مع كل هذه الثقافات وتشبع منها لذلك عندما يتحدث عن الغرب تظن انه من غرب السودان ولكنه يفاجئك بمعلومات عن منطقة في الشرق فتظن انه من البني عامر لأنه عرف عادات وتقاليد وثقافة هذا الوطن الواسع فتشكلت شخصيته وفكره من هذا التلاقح والتنوع الثقافي فهو رجل متسامح عفيف اليد واللسان نقى و نظيف وأنيق في دواخله وفى هندامه ...فأجا الجميع في عام 1990 عندما انبرى لعمر البشير أثناء اجتماعه بالسودانيين بمسقط ولم يصدق البشير إن هناك من يهاجمه علنا وفى وجهه بعد أن استبد وارهب وأذل الشعب السوداني .. لم يخاف محمد المرتضى كعادته وبمنتهى الشجاعة والقوة والثبات قال لعمر البشير الحقيقة التي لا يحب سماعها في ذلك الوقت بان ما حدث في السودان كان انقلابا دبرته الجبهة الإسلامية ولم ين ثورة... وقال إن ما حدث هو بداية لفساد وفوضى وديكتاتورية فخرج عمر البشير عن طوره وانفعل وهاجم الأستاذ محمد المرتضى واصفا إياه بالشيوعي والبعثى والعلماني .. صعق كل من كان في القاعة... دفع محمد المرتضى ثمن ذلك غاليا عند زيارته للسودان بعد ذلك بسنوات حيث لم ينسى هولاء الشرذمة تلك الحادثة .. لم يتوقف نضاله عند هذه الحادثة فلقد كان دائم الدعم بالراى والفكر والمال للعمل الوطني ...هذا الرجل كان من مؤسسي النادي السوداني بمسقط والذي كان له دورا كبيرا في جمع السودانيين بسلطنة عمان ولقد حاربته ووقفت ضد تكوينه السفارة كثيرا وكونت جسما موازيا له يسمى الجالية السودانية بسلطنة عمان ولكن نجح النادي ولم تستمر الجالية .. ساهم الأستاذ محمد المرتضى في استمرارية النادي وفاعليته بدعمه الفكري ومساهماته المادية .......أما من الناحية المهنية فهو محام بارع سلح نفسه بالعلم والقانون والمنطق وساعده اطلاعه الواسع وثقافته العالية على إجادة عمله وتفوقه فيه حتى نحت اسمه بأحرف من نور على لائحة المحامين الكبار .. أما من الناحية الاجتماعية فكل سوداني تقابله مشكلة قانونية أو قضائية يتجه نظره نحو محمد المرتضى فيكون سندا قانونيا قويا له ويشهد له بذلك زملائه وساحات المحاكم .. لا يتوانى في تقديم المساعدة لكل شخص يطلبها منه بل في بعض الأحيان هو من يبادر بالمساعدة لأشخاص لا يعرفهم أو يقابلهم وله في ذلك مواقف كثيرة لا يرضى هو أن يذكرها....اى مريض سوداني يحتاج للمساعدة يكون هو أول المبادرين بماله ويسعى مع الآخرين لتقديم الدعم ...شخصيته واحترام كل الناس له وخاصة العمانيين كانت السبب الاساسى في تقديم الدعم المادي الكبير لأحد المرضى بهذا المنبر من الديوان السلطاني والذي تجاوز 18 ألف دولار.. ومساهماته المادية للمرضى لا تحصى فكل بوست يفتح لتقديم الدعم لمريض يكون محمد المرتضى أول المساهمين .. حتى الأدوية والعلاجات التي يقدمها صاحب قناة الحقيقة يرسلها مرتضى لمن يطلبها عن طريق المنبر وهو لا يعرفهم وهى غالية السعر بالرغم من عدم اقتناعه ب؇ذا العلاج ... هذه المساهمات لا تحصى ولا تعد وهو لا يرضى أن نذكر ا و نتحدث عن فضائله .... هذا الرجل يحترمه كل من يعرفه ويقدره ل من يحادثه ويوقره كل من يجالسه ويعجب به كل من يحاوره ... مستمع جيد وعندما يتحدث لا تملك إلا ت؆صت بأدب واحترام لأنه يتخير كلماته بل أحرفه ليتأكد جيدا إنها لا تمس شخصا أو تجرح إنسانا لذلك الأخطاء و فلتات الألسن عنده قليلة أ؈ معدومة لهذا لا يلجا للاعتذار ليس تكبرا أو ترفعا أو إصرارا على الخطأ وإنما لان حديثه وتصرفاته لا تحوجه لذلك ... إذا اتفقت معه فلقد وجدت حجة لك ولأرائك وإذا اختفت معه تحترم رايه وشخصيته لان لسانه عفيفا لا يجرح وقلبه نقيا لا يضمر حقدا وصدره واسعا يعفو لكل من أساء له... أهلا بك استاذى وصديقي محمد المرتضى وشكرا لك استاذ الجميع فضيلى وأسف للتأخير لظروف السفر السفر.
02-03-2008, 01:40 AM
mamkouna mamkouna
تاريخ التسجيل: 12-05-2004
مجموع المشاركات: 2246
الأديب الأريب فضيلي جماع... و كل من خطٌ/ت حرفاً في هذا البوست الحميم..
أشهدوا إني حفظت كلمات هذا المرتضى عن ظهر قلب... و أشهدوا أيضاً أنها ستكون شعاري فيما تبقى من رحلتي الحياتية/ الإسفيرية.
Quote: من نعم الإله علينا أن قيّض لنا في هذه المساحة ، أناسا ، رغم أنّا لم نسعد بلقياهم ، يوطِّدون في وجداننا حقيقة أن العسر يصاحب اليسر، إن مع العسر يسرا. قولك أنا لم نلتقِ في دروب الزمان يؤكد لي حقيقة أزلية هي أن العمر القصير المتاح لي في هذه الفانية لم يترك لي متسعا لمقابلة السمحين وياحسرتي ، فكيف أفنيه على قِصَرِه في خصام؟
02-03-2008, 10:35 AM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
هاتفني من عندكم أخي ودالقرشي وحكى طويلا ، وهو مولع بالتفاصيل يخدمه في ذلك النفس الطويل، حكى لي عن لياليه بينكم وماذا سقيتموه بكؤوس ودكم المترعات ومازال يحكي عنكم حتى حسبته لن يعود، أصلو عمر الدقير وناسو البيمشي ليهم بيقطِّع تذكرة الرجعه. ربنا يخليكم يا طارق وتحياتي لجميع الأحباب طرفكم وقول لنادر راجينك.
02-03-2008, 11:10 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
مصدق مصطفى حسين، أستاذنا الفنان الشامل، تقبل تعازيَ في رحيل الفنان الجميل عزالدين عثمان الإنسان، لم نعرف بما عاناه إلا من خلالك لأن لبعضنا ، ويا ألمي ، ذواكر مثقوبة، إنها الحياة، صدقني يا مصدق ، مثل رحيل عزالدين عندي يماثل بعض من زهايمر على الباب، كلما يرحل واحد من (ناسنا) يأخذ معه بعض رصيد ما يمتعنا حتى يأتي اليوم الذي يصبح فيه ذلك المكان الذي يسافرون إليه أجمل من هذه الفانية الخؤون العبوس الغرّارة فنحمل عصا الرحيل ضاحكين. لعزالدين الرحمة ولك ولأهله حسن العزاء. محبتي يا ود مصطفى.
02-03-2008, 01:57 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
هشام هباني، كيفك يا أبا نضال صديق زمن السماح ، الشوفتو بتزيل الكلاح, والله يا هشام تحرِّض يمين وشمال ، أدخلوا وتعالوا و... عموما يا عمده بعد كدا ننسى غنوة خلف الله حمد وتاني ما بنشتغل ليهو كوراس نردد ( ديما هديلي ساجع.. ) لأننا لقينا المغيث ولقينا المُراجع بل منظمة إغاثة بحالها. مغيثين بلا حدود، تسلم يا حبيب،
اخوي محمد يغشاك والمعاك السلام ،، حكي الدكتور احمد القرشي عننا وعن ليالينا نقطة في بحر حكيه عنكم وعن لياليكم ... والله لولا المعايش قرررربنا يا نجي معاه و لا كمان نخليه معانا بي هنا الا المعايش واكل العيش .. تعرف يامحمد مرات لما زول صادق زي الدكتور يحكي ليك عن زول زيك والله تنعل ابو الغربة والشتات وتتمنى لو تقوم تسافر معاه عشان تلاقي الناس السمحين ( طبعا طبع الى اجل مؤقت ) الناس الزيك وزي فضيلي ..والبقية.. غايتو ما لينا الا الدعاء بلقاء يجمعنا ونسأل الله انو يكون قريب .. سلامك ان شاءالله واصل لكل البى طرفنا ونادر ده لمن نحن نلاقيه بنقول ليه نحن وانتو راجينه ...
02-03-2008, 06:07 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
خالد كودي، الصديق القديم ، نسوي شنو ياخالد ، براك شايف ومافي شي جديد، رحل عنا أكرم والمنتصر وكردمان وجلابي ورهط من الأخيار وما خلّوا لينا نصيب غير البكا والنحيب يا الحبيب. مرات لما تشوف الكتاحه الشغاله بره تعتقد إنو الأرض دي ذاتا ماذرة في غبار الكون دعك عن أن الإنسان نفسه ذرة في هذه الأرض. نعم( للثوار وجه واحد) وللحرية أيضا. سلامي ومودتي
02-03-2008, 10:34 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
الطيب شيقوق، الباكستانيين عندهم واحد بيغني وبيمدح بمستوى من الروعة تقطع النفس اسمو نُصرت فتح علي خان ، ما تستعجل وتبقى شفقان تجري لليو تيوب ، حا أجيبو ليك هنا، الراجل ده ، رحمه الله ، عندو (شُغُل) مدهش رغم إني ما بعرف في اللغة الأوردية حتى السلام وهي (السلام) في تلك اللغة ودي برضو قصتي مع الأغنيات الأثيوبية بتاعت بوزنيش بكيلا وتالاهون قَسّاسا، بفهما كلها رغم انو ماعندي معرفة بلغتهم إلا من بضع كلمات بشففني ليها أبوعاقله أبوسن ومرات أحمد القرشي أصلو سنين إرتريا علمتو الكثير وعرفت منو بس (طُعُم بُن و طُعُم هبكه) قالا لواحده قدامي جابت لينا قهوه ملخبتا بابتسامه ومعاها بخور نارو جنب القلب، المهم يا الطيب الباكستانيين بيسمُّوا اللي زي نصرت دا (قوّال) ، إنت يا شيقوق (قوّال).
02-04-2008, 08:19 AM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
البحيراوي، سلام يا عزيز، سأكتب يا سيدي كلما كان هناك ما يستأهل الكتابة فيه أو عنه وأتاح الخاطر والوقت ذلك، مهنتنا ، يا بحيراوي، جعلت من الكتابة عملا جافا ولعل هذا يتبدى في كل سطر أخطه هنا لكن لن أتوقف عن المحاولة رغم أني أقرأ هنا أكثر مما أكتب، فهذه المساحة فيها كتاب لاتملك إلا أن (تنصت) لهم. مودتي,
02-04-2008, 08:37 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
شكري سليمان، الناس اللي جبتهم في كلامك ديل يا شكري الواحد لو كتب عنهم وعن الزمن السمح بين الأهليتين العامة والعليا ، بِكون محتاج لعمر إضافي عشان يكمل الكتابة , يعني عمر (شعيريه) لوحده عايز مجلد ، محمد الفاتح إبراهيم وبقية الجميلين ديل ربنا يحفظم ويرد غربة الجميع. تحاياي يا عزيز و (تعود لمسالمتك سالم وعوده سلامه يا مسالم).
02-04-2008, 05:38 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
(مى حاجاجة مى لاجاجة فوق شرك التهم هبارة مى ولاجة فرع الخيدران أم طلعة وجاجة دى أم بيتا خريف للجارة والمحتاجة شن برضيها غير البل جدية الباجة ما برضيها غير البل جدية الباجة)
لم تبارح كلمات ذلك المسدارعيوني منذ أن جاء بها المنصور المفتاح ولا أدري ، وأدري ، سبب ارتباطها بشخصك في مخيلتي, لكن يا أهل المسادير الماشاف سماحتكم في كتابتكم وفي نضمكم خانتو ظروفو، والله هذا المنبر يتباهى بك يا أم عمر الماحاجاجه وما لاجاجه, تحايا لاتنتهي.
02-04-2008, 09:19 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
مولانا أريت حالك طيب، بالطبع لايمكنني أن أنصح بكري أبوبكر بأن الوقت قد حان لتطبيق اللائحة بصرامة فنحن أولاً ضيوف في هذه المساحة وشايف المسأله زي العيب كدا لأنو بكري منحني عضويه بشرط ما أشاغلو في شغلو وبشروطو ، كان عجبني أقعد وكان ما عجبني (أشتِّت وأفحِّط) بلغة اليومين دي، ثانيا بكري رجل يعي مسئولياته ويوازي بينها وبين التزاماته وبين عوامل كثيرة ومعقدة بقدر تعقيد توجهات وجذور وثقافات وخلفيات العضوية، إن إدارة مكان بهذا المستوى كالسير في حقل ألغام وكلنا يدرك هذه الحقيقة، فالرجل juggling eggs وربنا يعينو، إلا أنه، وكما قالت رجاء بت العباسي ، التجاوزات في المدارس وأماكن العمل تجد لها رادعا ، وحتى الدول المتحضرة (جدا) تضع رادارات لمعاقبة الذين يتجاوزون السرعة المقررة، وبكري عندو رادار لكن الصور الملتقطه لاتدفع عنها غرامات أحيانا ، لذا تجد بعضهم يقودون بسرعة الصوت ولا يكون الجزاء سوى إخفاء (السرعة والصوت والصورة) في المكان اللي إسمو الخور إلى حين عرض جديد للعضو السوبرسونيك. يا أبابكر ، كثير من الناس يخشى أن يغشى مكانا يُعتدى فيه عليه ويلتفت فلا يجد البوليس ، أها ده السبب اللي يخلِّي الزول المعتدى عليه ما يمشي بالمكان داك تاني, وغايتو يا مولاي بكري أبوبكر دا ماعندي غير أغني ليهو مع البلابل ( إنت ما مجبور علينا نحن مجبورين عليك).
شكرا يا بكري,
02-04-2008, 09:26 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
صادق البوصيري، سلامي واهتمامي وسؤالي عن حالك أيها الصوفي الجميل، ليك وحشه والله يا صادق وبعدك الغُبرة أصبحت خلا، جونو (مسح) الفلل إياها، مناي أن تكون بخير وألف عافيه, مودتي يا صادق،
فضيلى أمسك عندك الحكاية دى يحكى أن أعرابى بقارى ضربه الفلس ، وتكالبت عليه سوالف الزمان .فالتفت يمين ويسرى لم يجد شيئا يبيعه فى يوم السوق غير حمار عجوز ضبلان جدا يطن حوله الذباب وليس ببارح . لكن كان بين الرجل ونفسه شك فيما اذا كان ذلك الحمار الضبلان ذو الذباب سوف يجد شاريا أو من يرغب فيه . فذهب الى رجل سمسارى وهو عربى بقارى . قال صاحب الحمار - يا أخى انى أرغب فى بيع حمارى هذا ، وهو كما ترى ليس به جازب للشاريين ، لكنك ان أحسنت مدحه ، وأجدت مشكاره والله سوف أعطيك نصف قيمته. الحقيقة لم يخطر لدى صاحب الحمار ان ذلك الرجل من الكذابين ، وانه سيبالغ فى الأمر . فعندما أخذ الرجل حماره الى السوق لم يجد بائع ، فانتهى يوم السوق وكاد لأن يعود الرجل لاعنا حظه العاثر حتى ظهر ذلك المرابى الكذاب السمسار فدار هذا الحوار : السمسار - فلان سلام عليك صاب الحمار - هل هذا هو حمارك الذى تقتل به الزراف ؟ ( انقطع رأس صاحب الحمار ، وأستغرب لهذه الكذبه الكبيرة التى لم تخطر على باله )فقال صاحب الحمار- يا أخى ان حمارى سيباع دون ذلك !!!
أما ما هدفت اليه من هذه القصة هو لفت نظرك الى ( بوست وداعا أيها الكذب)
أستاذنا الجنرال أحمد طه، يا ابا عزه لك مني الود والإحترام، مناي أن تعود لإمتاعنا بموسوعتك عن شرق أفريقيا والتوثيق لأهلنا في أثيوبيا فنحن نفتقد ذلك الجانب كثيرا ، سلامي للأهل والأسرة الجميلة طرفكم.
02-04-2008, 10:26 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
إنعام عبدالحفيظ، سلامي يا عزيزه، بصدق يا إنعام ، قراءة ما يكتب أهل المعرفة في المنبر شئ ممتع لدرجة تحمدالله معها أنك مع أولئك العذبين، أما الكتابة فهي تحتاج لأدوات ومعارف وأعصاب وجلد لا يتوفر لي منها إلا القليل وهذا القليل هو الذي يدفعني للتعبير أحيانا في مسائل بعينها ، ولكن تبقى (المشاهدة) والقراءة هي القاعدة، لذا غيابي في واقعه انزواء الفقير, شكرا يا إنعام.
02-04-2008, 10:43 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
الباكستانيين عندهم واحد بيغني وبيمدح بمستوى من الروعة تقطع النفس اسمو نُصرت فتح علي خان ـــــــــــــــــــــــــ الأخ الحبيب / ود المرتضى وأنا أشاهده ( هذا الباكستاني إنقطع نفسي مرة واحدة أنت الجميل ودوماً تأتي بالجميل والله تساورنا فرحة العروس الخايفة العريس ينط يعني فرحين بعودتك شديد ومن شدة فرحنا خوفنا أن تختي مرة ثانية وقد هددنا بها العقيد شيقوق وقال أن سودانيزولاين قد أخذت كل وقته وربما يفارق المنبر .. عليكم الله يا ناس مسقط الحلوين ما تسوو فينا كدا ..( تعلمونا علي الرِضاعة وتفطمونا سريع كدا ).
تحياتي ودالمرتضى
02-05-2008, 09:07 AM
فضيلي جماع فضيلي جماع
تاريخ التسجيل: 01-02-2004
مجموع المشاركات: 6315
أخي الدكتور ابوالقاسم قور..تحية طيبة، وبعده (كما تقول لغة الرسائل العتيقة) فقد طالعت - رغم زحمة الأمور وضيق الوقت عندي- مداخلتك هنا وكذلك كل ما حفل به بوستك حول (الكذب) والذي طلبت مني مطالعته. شكرا لك على لفت انتباهي للبوست، شغلتني الشواغل الأيام الماضية عن مطالعة سودانيز أونلاين -إلا ما ندر وعلى عجالة..لذا لم أطالع بوستك مع كتابات كثيرة وهامة في سودانيزأونلاين. ارجو المعذرة. وقبل قليل لفت انتباهي من لا أشك في فطنته وحسن نواياه إلى مداخلتك..وها أنذا أقفز فوق الحواجز متخطيا نفرا أعزاء سأعود للتعليق على مداخلاتهم بعد الرد علي شخصك الكريم.
أشك أنني فهمت ما ترمي إليه من قصة الحمار الغلبان وترويج السمسار له، والربط بينها وبين بوست دعوت فيه الأستاذ محمد المرتضى للعودة إلى موقعه بيننا في سودانيز أونلاين ، وكذلك إشاراتك المغلفة بالرمز في بوستك حول الكذب. أرجوك لا تتهمني بالتهرب من المداخلة..أعترف لك إن شئت أنني تعتريني هذه الأيام بلادة تفكير (وليس بلادة حس)؛ ولئن عجزت عن فك قصة الحمار الجربان وربطها يموضوع بوستك عن الكذب وهذا البوست عن مناشدة الأستاذ محمد المرتضى حامد بالعودة وطرح الغبن جانباً -إن فاتني الربط بين كل أولئك- فليس الذنب ذنبك بل الأمر كما قلت لك بلادة تفكير تغشتني هذه الأيام!!
أنت - كشخص قريب مني بحكم صلة القرابة وبصحبة الآداب والفنون تعرف أنني في مواقفي المبدئية (حق وحريةالإنسان) دفعت من العنت والأسفار والمنفى عني وعن أسرتي الصغيرة حصة من سنوات عمري ولا أزال على استعداد لدفع المزيد حتى لو أدى ذلك إلى إزهاق الروح. لذا فإن أهم ما صرت أروج له في حلي وترحالي هو ضبط النفس وتحمل الآخر المختلف. وطبعاً تنسمت في كلامك حتى هذه اللحظة حسن النية الذي لا شك عندي أنه ديدنك في التواصل بيننا. وحتى لا يبدو حديثي هو الآخر رموزا وطلاسم فإنني أدعوك مثلما دعوت أخاك محمد المرتضى حامد لعدم الاحتجاب عن هذا المنبر لأي سبب من الأسباب. هي نفس الحجة أسوقها لك وللمرتضى ولكل الإخوة والأخوات هنا: كلما تضاءلت مساحة الجمال والتسامح في هذا المنبر كلما زادت مساحة القبح فيه. إن من أهم ميزات هذا الوطن الافتراضي (سودانيزأونلاين)أننا جميعا متساوون فيه في الحقوق والواجبات بقدر مايسعى كل منا نحو الآخرين بكل ما يملك من حب وعطاء وتقدير للآخر المختلف. أنت كأستاذ مسرح وكناقد مسرحي ناجح (وهذا أقوله عن صدق) يحتاجك هذا الموقع. دعنا نسهم بقدر ما أوتينا من قليل الزاد لكن بصدق يجعل لمساهماتنا قيمتها وطعمها الشهي ، بدلا من أن نغادر المكان ليحتله من لا يهمه من الدنيا إلا مواطن النكد والغبن.
هل تراني قلت شيئا مفيدا مقابل تعليقك الذي عجزت عن حل رموزه وطلاسمه؟ لي العشم.
02-05-2008, 12:30 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
العزيز نصار ، سلامي يا سيدي، كل كلامك جدير بالإقتباس والرد عليه ، نعم ، ربما لم نتداخل لكن لاشك أن ذلك لم يكن متعمدا منك أو مني وربما تخصصك في الكتابة في السياسة يجعل مني قارئا لما تكتب دون المشاركة بالتداخل العريض لأنني ، بشكل عام ، لا أعرف الكتابة في السياسة لجهلي بشئونها ، حتى الأمور الأخرى ترى أن إسهاماتي فيها جد متواضع ومنذ التحاقي بهذا المنبر في عام 2006 لم أبتدر سوى (3 بوستات) وبقية الخمس أو ست بوستات كانت فقط للترحيب بأعضاء جدد تشرفت بإقناعهم بالكتابة هنا لأنهم من ذوي الخبرة والدربة في أمور حيوية نعايشها بشكل يومي، عدا ذلك ستجد معظم مشاركاتي تنحصر في ما يكتب الأعضاء أو التعازي والتهاني والدعاء ، وكان وقع في عيني صيوان ما بتجاوزو. (عندي احساس ما قادر اتخلص منه اللهو انه من يغادر هذه الساحة بوجه لينا اهانة شخصية, منهم من يتعمد ذلك) والله كلامك دا استفزني إيجابيا لدرجة بعيدة رغم أنك أعفيتني من أن أُصَنَّف من هؤلاء ، على العكس تماما يا نصار ، لم أبتعد إلا لأسباب تجمعت في وقت واحد وتزامنت لينتج عنها حال الإنزواء وتلك أسباب بعضها ورد أعلاه وبعضها لا داع لإيراده ، المهم يا نصار حتى أثناء فترة عدم المشاركة بالكتابة كنت أزور المنبر وأظل أحس أني بين الآخرين ، تعلم يا العزيز أن المشاركة ليس بالضرورة أن تكون بالكتابة فمجرد الإنصات والإستماع ضرب من المشاركة وشخصي الضعيف يميل للإستماع أكثر من الكلام ( طبعا المحاكم استثناء لزوم الشغل) ، أتفق معك أنه ربما يوجد من لايرد أو يشارك تكبرا أو تعاليا وهذا مرفوض لكن هناك أيضا من يتحاشى الرد نأيا بنفسه عن أشياء كثيرة غير مفيدة أو منتجة فكل شجار وعنف لفظي هنا الرابح فيه خاسر، لسنا هنا للعراك والتقاتل وبالتالي لامجال للتمادي مع من لايعي هذه الحقيقة. أتفق معك يا العزيز في كل ما جاء بمداخلتك القيمة وأرجو أن يعيد كل متداخل قراءتها. شكرا يا نصار وأتمنى تواصلا أعمق في مساحات أرحب. واصل لي موضوع الكولسترول لأنو بيهمني
02-05-2008, 07:47 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
شكرا ياالحسن على حديثك في صديقك أستاذي فضيلي، أتمنى يا سيدي الفاضل أن يبقى الود بيننا والوصل، هذه المساحة يا الحسن جد خطيرة الأثر ووعرة المنحنيات، ُتُسعد وتُشقي ولكن الخير يغلب فيها يا العزيز.
مودتي
02-05-2008, 07:54 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
ياسيدى تمنيت أن أكون كما تقول عني لكن ، ودون تواضع زيوف ، لا أحس أن لدي ما يضيف إلى هذه المساحة ولكن يسعدني التواصل بكم من خلال كتاباتكم ، هذه المساحة نتشرف بالإنتماء إليها لأنها بعض الوطن ولها لونه وطعمه وعبقه,
لك الإعزاز أخي عبده,
02-05-2008, 07:59 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
العمده، كنت راجيك تزيد في (ناسنا) وانا وقفت وانت كمان ، والله يا عمده قريت ليك (سيره ذاتيه) لامن طبعتها وأديتا لزول صاحبي ، ولو تعرف يا عماد السيرة دي كأنها كلها سيرة جيلنا وممكن تاخد منها نسخه وتكتب عليها أي إسم من ناسنا مع بعض التعديل الطفيف لزوم التوجه السياسي واللي هو كلو في النهاية واحد (سوداني) ، والله يا عماد بقدر فنك وكتابتك السمحه اللي بس الواحد يتفرج فيها باللون الخاص داك ، بالمناسبه إنت اللون البني قصتك معاهو شنو؟ بقدر سماحة حديثك، يا عمده زي كلماتك الحنينه وبالذات كلمة (العشم) دي بتهدني عديل وتجردني من أي قدرة على العناد البشري متوسط العيار، ياخ الكلمه الطيبه لها أثر نووي عندي، الكلمه الحنينه يا عمده والإبتسامه الجايه من نخاع العظم بيغيروا اتجاهي ببساطه غريبه وبيصححوا كيمياء خاطري ورقه ورقه في زمن الإمتحانات الصعبه دي.
يحفظك مولاي مساج للروح.
02-06-2008, 12:48 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
حيدر قاسم، السفر له دعاء معروف لأن فيه وعثاء ومخاطر حتى لو كان بالطائرة ، كان وجود الوالده إلى جانبي مبعث إطمئنان لا يمكنني وصفه لأن أولئك الأخيار تبث قسماتهم الوضيئة في بدنك سكينة وراحة لاتوصف، أسعدتني الرحله مع والدتكم الكريمة ، وهي البرهة القليلة بين مسقط والخرطوم، وهذه من نعم الله علينا أن يسخر لنا مثل الحاجه فاطمة فتعتقد هي أننا نخدمها وفي الواقع هي التي تمنحنا معنى وجودنا، كنت أسافر كثيرا مع والدتي رحمها الله وبعد رحيلها منذ مايزيد على ثلاث سنوات أصبحت أبحث عنها في وجوه الأمهات وأصبحت كل من هي في قسمات الحاجه فاطمة أمي. ربنا يحفظ أمي فاطمة ، يديها العافيه يا حيدر ما زالت شباب ، عيني بارده, لاشك أنك بنظرتك الشمولية للأشياء نظرت إلى جانب آخر من سبب (الشلهته) التي أعيشها يا حيدر وأشرت لها في مداخلتك ألا وهي آثار الإعصار جونو ، فبخلاف أنه دمر تماما كل ما جمعته في حياتي من وثائق وكتب ومراجع وخطابات وأشرطة وألبومات صور وأغاني و تسجيلات توثيقية وأصابني بزهايمر نهائي، إضافة إلى ذلك كله ، فشلت في إعادة البيت إلى حاله حتى الآن وحاليا أجمع أشيائي للرحيل لبيت آخر وأنت أدرى عواقب حالة عدم الإستقرار وما يمكن أن تتسبب فيه، لكن الحمدلله على العافيه لأن الإعصار ذهب بأرواح الكثيرين ومنهم زميل مهنة وممتلكات الكثيرين ولولا لطف الله وعون الحكومة العمانية لكانت الكارثة أكبر. على أية حال يا حيدر نحتاج لوقت أطول وجهد أكبر لنعود إلى الوضع الطبيعي ودعواتكم معنا كما دعوتم لنا أثناء المحنة. أشكرك يا حيدر على جهدك المكشوف في رفع روحي المعنوية لكنني رفيق الفشل ونديم الفجيعة دون مغالاة، هل أعد نفسي ناجحا وأهلي وبلدي كما ترى؟ محبتي الصادقة أيها الأديب الواعي.
02-06-2008, 12:54 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
خاطرك ديمه مجبور يا قرضابي وأتمنى أن يبقى ويستمر شرف الإنتماء إليكم وإلى مساحة أنتم فيها ، في الأصل يا بركه الإنسان لاقيمة لوجوده إلا مع الغير فنحن لانرى أنفسنا إلا من خلال الغير من البشر، بل إن السلوك الإنساني في مجمله يتمحور حول هذه الحقيقة وبدون الآخرين يا عزيزي سيكون كل منا (طرزان) أو روبنسون كروز ، عشان كده كان السجن عقوبة والعقوبة الأقسى في السجون هي الحبس الإنفرادي، التواصل أمر حاسم في حياتنا وبدونه نذبل تدريجيا ، والتواصل كمان مع السمحين عندو طعم (غير )، بالله سلام كتير لمعاوية (المتابع الجيد) لكن حكمو عليَّ ما كان صاح وفيهو تحيز ومحاولة ترضية وأنا قبلان بالمحاولة ، يامعاوية المنبر ده فيهو ناس مجرد وجودي معاهم يكفي سيرتي الذاتية عن أية مؤهلات أخرى if any
02-06-2008, 12:58 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
سلامات يا سيد المسادير، هسه بالله مش أحسن لي أوقف أي حاجه وأحفظ مسادير يا أهل المسادير، قال أكتب قال, يا حبيبنا لما شخص مثلك يأمرني بالكتابة بكون فرحان مع احتمال الزهو والعُجُب. برضو بدعو ليك وبشكرك على كلامك المحفز للغدد الناضبات, أديني رضاك وخاترك كان غبت لظروفي العجيبة لأني بالفعل (أفكاري تايهة)
02-06-2008, 01:10 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
خضر حسين خليل، مولانا، الله يرد غربتنا ويجمعنا دايما في الخير والساعات السمحه، حمدالله على سلامة أختنا غاده والفضل يرجع ، بعد الله ، إليكم وكل من شارك في ذلك العمل الجميل ، لم أسعد بالمشاركة في ملحمتكم وما جاء للغادة كان من عند الله والمشاركة من هنا كانت من أهلنا العمانيين وحكومتهم الرشيده وبعض أهلكم السودانيين، لكن الفضل كله بعد الله يرجع إلى سودانيزأونلاين وبكري وإليكم وإليها بصمودها، ياخ الزوله دي بكَّّتني مرتين, ربنا يحفظكم للوطن.
02-06-2008, 06:48 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
المناضل نظيف القلب واليد واللسان. رغم مشغولياتك لا تنأى عن أصحابك والتواصل هو ديدنك ، شكرى على المهاتفة والسؤال. لم أشأ أن أثني عليك في حضورك لأن هذا يخجلك لكن تمنيت لو كان كل داع لقضية في مستوى لغتك ونظافتك وترتيبك وأدبك ، وهذه بعض شيم أهل دارفور الأصائل ، فأمثالك يلتف الأنصار حول لوائه حتى إن كان صمت المجدلية شعاره, محبتي يا عريس ودعائي لك بحياة توازي مقامك وأحلامك.
02-06-2008, 06:56 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
يا عزيزة اشكرك على حديثك الواعي ومايلي من كلمات لا يتصل بمداخلتك الكريمة لكن وددت أن أضيف أن مهنتي يا رجاء هي الدفاع عن الناس وحقوقهم ومن باب أولى الدفاع عن نفسي ، لكن لا فائدة في معارك وهمية يصطنعها البعض هنا كما لو أن نوبل الجائزة في انتظار المنتصر، أكرر يا رجاء إن أي معركة في هذا الوطن الإسفيري الرابح فيها خاسر وأعلم أنك أدرى مني بهذه الحقيقة سيما أنك أطول باعا ووجودا في هذه المساحة التي سبقتني إليها بسنين عددا. بالله انظري مقدار الوقت والجهد المبذولين في التطاحن المجدب هنا, دون مجاملة ، تعجبني كتاباتك المباشرة المرتبة التي تكشف عن عمل مهني متمكن وأتمنى لك مزيدا من النجاح والتقدم، لك إحترام وود مستدام.
02-06-2008, 06:58 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
غبت عن إنساني مالك، الشاه مات يا أبوحميد ، إنت ساهي منذ عهد عرش الطاؤوس وبهلوي؟ أهو شايف ، أستاذنا فضيلي ( لبيد المنبر) أبى إلا أن نصطف خلفه هنا كأنما نسي من الذي يتبع الشعراء وأنت نهم، ( مش بيقولوا وجه ضاحك)؟
سلامي للأولاد يا بدر السما في صفاك.
02-06-2008, 07:00 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
ليس لي أن أضيف إلى ما كتبه عنك الناس هنا في المنبر في مساحة خضراء زرعتها أختي منى بت الخليفه خوجلي ورواها أحبابك في المنبر ولا أزيد، أشكرك على مبادرتك الكريمة وأياديك البيضاء وأجرك عند المولى, تعرف يا محمد زي الحاجات دي هي الباقية وهي التي تدفعنا للبقاء في أعتى موجات النكوص فتحول بيننا والإنحسار. محبتي يا جليل.
02-06-2008, 07:01 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
من المتابعين في اندهاش لأسلوبك في الكتابة، مش أخوانا بتاعين السايكاتري بيعملوا كهرباء ECT للبيفوتوا الحد؟ أها كتابتك دي عندها نفس المفعول، أنا غايتو كان سرحت بتصحيني، شكرا يا صباح على ما قلته عني رغم اني بعيد عنه،
02-06-2008, 07:22 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
يعني ما بتظهر إلا في صيوانات العزاء؟ شكرا يا هميم ، نعم كنت من المشاركين في أول (بوست) لي هنا وكنت يومها حديث عهد بالمنبر، ووالله ما قصدت من ذلك البوست سوى تنبيه الغير إلى مافي ذلك الوطن من جمال حتى لايحكم الغير على مليون متر مبجل ومايزيد على الثلاثين مليون شخص من خلال تصرفات بعض الغافلين ، ياخ كان جينا للصح إنت مالك اخترت البعاد؟ إنشالله السبب (الملائكة) يا عريس.
02-06-2008, 07:27 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
آثار جونو ما زالت بيننا ونحتاج لوقت طويل لتجاوز المحنة، هنالك أشياء يا عادل لن تعود وهي الأغلى والأثمن ولن تشتريها النقودوزي ما بيقولوا أهل الشام ، اللي أخدا من عيونا ياخدا من قلوبنا. تحياتي واحترامي.
02-06-2008, 11:27 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
الباشمهندس ارشيف الجمال وصومعة السماحة، متلي كم ضايعين، ولدنا طراوه إبن أبروف البار إتوصوا بيهو اصلو هو كان متأكد ماليهو كاتل حتى أُخذ عنوة واقتدارا بواسطة ظبي النتيلة، والوه ومعاكم معاويه وعثمان موسى في غناهو عنّو ما مرق منو،
02-06-2008, 11:29 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
مافي شي ، المسألة كلها شلهته وجهجهة وأكل عيش وشراب أسى ويصاحب ذلك منخفض جوي وزوابع منبرية وأتربة ستذهب قريبا كالزبد جفاء ، أتابع غناكم في ندوة الحافي حالق الجاي ود علايل ابروف ، من الجميل أن يوثق للجمال، هذا المنبر يحتاج لعدة رئات إضافية يا عثمان عشان الماراثون العايشنو هنا دا بيحتاج لأكسجين أكتر. سلامي يا أمير وما تغيب عننا ، الحياة أقصر مما نتصور.
02-06-2008, 11:31 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
برضو غائبة وكما قال أستاذنا فضيلي غياب الجمال عن هذه المساحة يزيد من مساحة القبح ، الله لا جابو، شايف الناس اللي اختاروا البيات الشتوي انتهزوها فرصة وعملوني (البايت) الوحيد، معزتي يا سوسن
02-06-2008, 11:37 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
نعم ، حكيت القصه دي السنه الفاتت هنا في المنبر، زميلنا المحامي البريطاني تقاعد في سن ال 45 وترك مرتبا يسيل له الميسيسبي ، قال لي يا محمد كفايه شغل ، عندي كتب كتيره داير اقراها وأماكن كثيرة عاوز أزورا وأفلام داير اشوفا وناس كتيرين أقابلهم الخ.. والعمر الباقي لي ما حايكفيني أعمل عشر العايزو لأنو التبت براها سنه والهند سنه ولو انتظرت آخد المعاش في سن متقدمة ما حا استمتع بعد داك بالحاجات دي بالذات هاواي و هواي أو كما قال، هنا يا ممكونه عرفت أننا بنبعزق في العمر في الفارغة ونعيش وكأنما رصيدنا في بنك الزمن لاينفد حتى نلاقي الله فجأة بدون مانكون عشنا دنيا وفي رواية أخرى .. آخرة، ووقتها الواحد فينا لو سألوه فيم افنيت شبابك ، ما يعرف يودي وشو وين,
ربنا يحفظك يا أم احمد،
02-08-2008, 01:19 PM
ماجدة عوض خوجلى ماجدة عوض خوجلى
تاريخ التسجيل: 12-25-2006
مجموع المشاركات: 7279
اخى العزيز فضيلى ... متابعه البوست ده من اول يوم نزلتو لكن بامانه شديدة اترددت كتير فى الدخول والسبب هو الخوف من كلماتك تقصر فى حق ... من تريد تكتب عنه او تكتب ليهو من السهوله انك تعلق على بوست وتقول رايك فيه لكن رايك فى الانسان شى صعب شديد ... وذى ماقلت الخوف من التقصير بيكون السبب خاصا اذا كان انسان جميل الدواخل عزيز الحرف مهذب الذات ... اخى محمد المرتضى حامد لك منى كل الود والتقدير والاحترام جمعنى هذا المكان بك وباخوه واخوات عزاز كرام يعلم الله ... انكم صرتم جزء اصيل منى ويعلم الله اننى احبكم جمعيا واكن لكم الكثير الكثير من المعزة الخالصه والتقدير الكبير ... نفتقد بوستاتك المميزة كتير لك التحيه ولكل من معك السلام ... فضيلى كويس انت انااطمئنيت عليك من اسوية ... تسـلم يارب ...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
خالد علي محجوب المنسي
انعام عبد الحفيظ
فضيلي جماع
أحمد طراوه
HAYDER GASIM
محمد المرتضى حامد
Adil Osman
Osman Musa
saadeldin abdelrahman
نصار
محمد على طه الملك
الطيب شيقوق
Ahmed al Qurashi
mamkouna
tariq
Abuelgassim Gor
ماجدة عوض خوجلى
فيس بوك
تويتر
انستقرام
يوتيوب
بنتيريست