ناسنا..

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 14-12-2018, 02:22 PM الصفحة الرئيسية

مكتبة محمد المرتضى حامد(محمد المرتضى حامد)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
10-08-2008, 09:54 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: الطيب شيقوق)

    و أعشق عمري لأني
    إذا متّ،
    أخجل من دمع أمي!




    ( في حضرة الغياب )

    يا محمود درويش ، وأنت أيضا ترحل ياوجه فلسطين الجميل .
                   |Articles |News |مقالات |بيانات

10-08-2008, 09:01 PM

حيدر امين
<aحيدر امين
تاريخ التسجيل: 13-07-2008
مجموع المشاركات: 2840

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    محمد المرتضى صورة الرومر وين الصباح كانت قاعده

    ساعتى رومر

    جوفيال
    امدرمان

    وست اند

    فيلبس

    غورندق رييل المانى

    رونسون

    نروبن ابيض واسود
                   |Articles |News |مقالات |بيانات

11-08-2008, 08:16 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: حيدر امين)

    حيدر ، مازلت أبحث عن صورة أصلية لعجلة الرالي والدبل والفونكس والفوريفر.
    بالله لو لقيت فتيل صاروخ أو soir de paris ما تنسانا وعموما ركِّز لي على العطور
    حتى لو كانت عطور الشبراويشي ككولونيا 555 .
                   |Articles |News |مقالات |بيانات

11-08-2008, 05:18 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)



    ورحل آيزاك هايز
    رحل صوت عميق جميل ،
    رحل (شافت).
    يبدو أن الإنهيارات تترى.
                   |Articles |News |مقالات |بيانات

11-08-2008, 09:36 PM

محمد عثمان

تاريخ التسجيل: 09-11-2006
مجموع المشاركات: 6490

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    Quote: رحل (شافت).


    بالله هو دا شافت..؟؟

    اتذكر الفيلم دا رهاب..رهاب
    زمن السينما الا بالدس...لا حولااااا
                   |Articles |News |مقالات |بيانات

11-08-2008, 10:00 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: محمد عثمان)

    Quote: بالله هو دا شافت..؟؟


    فيلم شافت يا محمد كان بطله ريتشارد راوند تري ولكن أغنية "Theme From Shaft," لآيزاك هايز في الفيلم
    هي التي خلّدت الفيلم ونال عنها آيزاك عدة جوائز وغناها في احتفال الأوسكار وما زالت من الروائع.
    الفيلم عرض في السودان في نهاية السبعينات - على ما أذكر - رغم أنه أنتج في بدايتها وكان وقتها الفيلم الذي
    لايمكن تجاوزه باي حال من الأحوال.
    رهاب رهاب يا محمد ، هي الذكرى وخراب خراب هي الذاكرة. أرجو ألا أكون عملت لخبته بين أفلام تلك الفتره.


                   |Articles |News |مقالات |بيانات

12-08-2008, 02:20 AM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

                   |Articles |News |مقالات |بيانات

12-08-2008, 11:13 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: abubakr)

    شكرا يا باش على الرهيرسال الجميل ، أحيانا تكون البروفة أكثر حميمية من العمل الرسمي.
    رحم الله آيزاك.
                   |Articles |News |مقالات |بيانات

12-08-2008, 02:24 AM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

                   |Articles |News |مقالات |بيانات

12-08-2008, 02:41 AM

Osman Musa
<aOsman Musa
تاريخ التسجيل: 28-11-2006
مجموع المشاركات: 17413

للتواصل معنا

FaceBook
تويتر Twitter
YouTube


Re: ناسنا.. (Re: abubakr)


    ناسنا العزاز محمد المرتضى
    يعلم الله مشتاقين
    __
    حزن شديد على رحيل زولنا الشاعر الماجد محمود درويش
    عليه الرحمه

    _
    تحياتى
                   |Articles |News |مقالات |بيانات

12-08-2008, 05:22 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: Osman Musa)

    نعم يا عثمان،
    رحيل محمود درويش ، وجه فلسطين الجميل ، يقول لنا أن باطن الأرض - للجسد - ربما يكون أطيب من ظاهرها،
    في كل الأحوال يا عثمان أنا من المؤمنين بأن الحياة الأرضية القصيرة هي محطة صغيرة في رحلة الروح السرمدية.
    صدقني ، روح درويش عانت كثيرا في الإسار المسمى الجسد وآن لها أن تنعتق منه في طريقها إلى أفق أرحب كما قال ابن سيرين.
    مودتي.
                   |Articles |News |مقالات |بيانات

12-08-2008, 02:49 AM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

                   |Articles |News |مقالات |بيانات

12-08-2008, 07:49 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: abubakr)

    الدوره المدرسية،
    سامي عزالدين،
    الطاهر هواري ،
    عصام مصطفى وعبده الشيخ والكشّه ضروري يا حموري،
    أمدرمان الثانويه بنات وكرة السله.
    ويا بنات الأم يا موضه يا نص كم.
    بيت الأمانه المرعبه الساحقه.
    متعدد المواهب فتحي فرج الله كمبوني الأبيض.
    في الغناء والمسرح برزت مواهب رفدت حدائقنا الخضراء تلك بماء عذب ومخصِّبات
    فأينعت في الروض زهور وليس زهرة واحدة كما غني أبوداؤود.
    كانت من محاسن عهد حبيب الشعب يانميري الذي انتهى بلن ترتاح يا سفاح،
    كانت أغزر فترات الإبداع في بلادنا قبل أن يأتي زمن مسخت فيه أغنية توطدت
    في الوجدان بكلمات مثل ( حتى يجف الشراب في حافة الكأس) فأوقف بثها و
    جف الشراب حتى في منبع الفكر ، وتم تعديل القبلة السكرى إلى السرقة الكبرى .
    رحمك الله يا سامي في زمن الكرة السراب.

                   |Articles |News |مقالات |بيانات

12-08-2008, 09:53 AM

محمد أحمد الخضر
<aمحمد أحمد الخضر
تاريخ التسجيل: 14-07-2008
مجموع المشاركات: 1302

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    الأستاذمحمد المرتضى
    نتابع البوست بإعجاب شديد ومتعة فائقة
    اعتبر هذا العمل توثيق لحقبة هامة من ناريخناالاجتماعي
    واصل المشوار وقلوبنا معك.
                   |Articles |News |مقالات |بيانات

12-08-2008, 07:42 PM

زهير عثمان حمد
<aزهير عثمان حمد
تاريخ التسجيل: 07-08-2006
مجموع المشاركات: 20438

للتواصل معنا

FaceBook
تويتر Twitter
YouTube


Re: ناسنا.. (Re: محمد أحمد الخضر)


    الرائع محمد المرتضي وكل من شارك في هذا البوست قدتم لنا متعة ليست لها حدود أتمي ان اجد الوقت لأكتب شيء جدير بهذا الكتابة العميقة
                   |Articles |News |مقالات |بيانات

13-08-2008, 11:39 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: زهير عثمان حمد)

    زهير كيفك ياخ،
    شكرا ياخ وأنا ممتن لهذا الثناء الخمج ، والله لو واحد بس قال أنني أمتعته أكون حامد شاكر
    وبرضو شاخص دوام. الكتابه العميقه يا زهير ، ولا أظنني من أهلها ، لا تحتاج لترتيب أو موعد
    مسبق وسكرتاريه ، فقط تدفق بصدق و ( كلِّم نفسك) ، بأسلوب التداعي الحر ،
    زمان قريت في ريدرز دايجست واحد قال في هذا الإتجاه لتقريب المعنى:
    "All you do is sit down at a typewriter and open a vein."

    شايف الزول ده بنجِّض النضمي كيف؟
    تقول لي كتابه عميقه وشنو ، عليك الله يا زهير شوف ودالرضي البسيط القال:

    الدهاة بالسلو ما دهوني
    عن تجاهكم ما وجهوني
    بي تحكو وشمتو النهوني
    وبرضي هايم وخاضع لهوني
    لا اقول مستنكف دهوني
    عن كثير عن قيس نبهوني
    عن حقيقة الحب غين ولام

    أها كتابة بالعمق ده باقي ليك (شيفرون) ذاتا بتلحقا؟
    يا زهير حكِّم ضميرك بالله.
                   |Articles |News |مقالات |بيانات

13-08-2008, 09:20 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: abubakr)

    يا باش،
    درويش قال:

    فكِّر بغيرك

    وأنتَ تُعِدُّ فطورك، فكِّر بغيركَ
    [لا تَنْسَ قوتَ الحمام]

    وأنتَ تخوضُ حروبكَ، فكِّر بغيركَ
    [لا تنس مَنْ يطلبون السلام]

    وأنتَ تسدد فاتورةَ الماء، فكِّر بغيركَ
    [مَنْ يرضَعُون الغمامٍ]

    وأنتَ تعودُ إلى البيت، بيتكَ، فكِّر بغيركَ
    [ لا تنس شعب الخيامْ]

    وأنت تنام وتُحصي الكواكبَ، فكِّر بغيركَ
    [ثمّةَ مَنْ لم يحد حيّزاً للمنام]

    وأنت تحرّر نفسك بالاستعارات، فكِّر بغيركَ
    [مَنْ فقدوا حقَّهم في الكلام]

    وأنت تفكر بالآخرين البعيدين، فكِّر بنفسك
    [ قُلْ: ليتني شمعةُ في الظلام ]
                   |Articles |News |مقالات |بيانات

13-08-2008, 09:24 AM

محمد عثمان

تاريخ التسجيل: 09-11-2006
مجموع المشاركات: 6490

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    زولك يا ود المرتضى...!!


    "
    showaudiocontrols="false" showtracker="-1" showdisplay="0" showstatusbar="0"
    videoborder3d="-1" enabletracker="false"
    src="/nsdoc/06ece687-494b-4c47-811e-b39392434543/?id=1158825828424"
    url="/nsdoc/06ece687-494b-4c47-811e-b39392434543/?id=1158825828424"
    autostart="-1" designtimesp="5311" loop="false">


    ـــــــــــــــــ

    (عدل بواسطة محمد عثمان on 17-08-2008, 07:32 PM)

                   |Articles |News |مقالات |بيانات

13-08-2008, 05:42 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: محمد عثمان)

    أستاذنا ود الخدر،
    كؤوس الشكر مترعة،
    والله يا ود الخدر لم أكتب ما وددت أن أكتب ، سمِّها ما شئت هذه الكتابة غير المرتبة التي قصدت منها مشاركة الغير ليقدموا
    ما يعن لهم من صور عن تلك الحقبة ، أناسا تركوا بصماتهم في عقولنا وأرواحنا ، أمكنة وأشياء كونت ما نحن عليه اليوم .
    من الأسكله وحلَ ، طبعا ماعندكم أسكلا في كسلا لكن الوصف المطلوب هو الوصف ذاتو في أي بقعة في الكرة الأرضية سواء كانت
    الكلاكله أو تيمور الشرقية ، كنت أتمنى أن أكتب شيئا آخر وربما تسرب بعض منه إلى (هنا) ألا وهو ذكرياتي في ربوع السودان
    اثناء تنقلي مع الوالد الذي ترجع أصوله إلى قبيلة التربية والتعليم ، بحكم وظيفته كناظر مدرسة ثم مفتش تعليم كان لابد
    أن يكون الثابت عنده هو المتغير ، والإقامة عنده هي الظعن ، يعني من أقصى الغرب لأقصى الشرق مع ( كونّكشنات) قليله مع
    الأهل في أمدرمان .
    أبوي جهجهنا إيجابيا ، الواحد كان يا دوب يفكر في مشروع ريده بريئة مع بت الجيران في حي الموظفين يجي أطال الله بقاءه،
    يقول لأمي ، رحمها الله ، كشف التنقلات طلع ونقلونا كدا.. أخ .. أمانه يا مرتضى ما انضربت في الأنكل وكما قال درويش : كلما
    آخيت عاصمة رمتني بالحقيبة أو : ما كدنا نعد الأرض حتى انقض حامينا على ( الريدات) والذكرى ، كنا صغارا لكن القلب كبير
    بما يكفي لاستيعاب الصحاب والأحباب وعطرهم اليشبه هبّة الدعاش وهيئة الرُشاش ... الرشَّه ، ويبدأ كورس الفراق ورحيل الحبيب
    والبكا بالتنخج مع حمد الريح حليل الراحو وخلوا الريح تنوح فوق النيم ، وأما محمد الأمين فكانت حليفته في قلنا مامكن
    تسافر وبإنو (الجكس) يجبر بالخواطر فكانت تستقطر منا دمعا يُنضِب الغدد ويودي بنا إلى حافة الديهايدريشن. كان زمنا
    سمحا وأهل التربية والتعليم يرعون الطلبة كابنائهم ويطعموهم بأيديهم وأيدي المؤمنين بالرسالة ويراجعون معهم الدروس
    باهتمام غريب وحب إستثنائي مما أورث المتلقين ولاءا لأساتذتهم دونه المهج . أنت من قبيل التربية ( فالتعليم) وتدري تماما
    ما أقول .
    كان زمنا سمحا حين كان الوالد يعلمهم الترتيل وفنون كرة القدم ويطلب إليهم في الليالي المقمرة أن يُسمِعوه الجرّاري
    والدوبيت . يا ود الخدر ، كانت الجنة مسرانا فضاعت من يدينا ثم ضاع الأمس واليوم وغدا وانطوت في الحجاب الحاجز
    جبال هموم وهضاب أسى وأما الحسرات والزفرات الحرّى فهي بعض التقاليد ووجبات أصبحت علينا كتابا موقوتا.
    شكرا ياود الخدر ، غايتو ، تبسمَل وتحوقَل وقول معاي :
    ألا ليت الياسمين يعود يوما ليرى ما فعل بي البنسلين.
                   |Articles |News |مقالات |بيانات

13-08-2008, 10:48 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: محمد عثمان)

    محمد عثمان
    لو يزورني الطيف أبقى كيف؟
    الله يدِّيك الفي مُرادك.


    قصيدة "متى مزاري"

    "متى مزاري أوفي نذاري..وأجفوا هذا البلد المصيف..

    ما أقول إمتى المزار..إلا تجرى دموعي..الغزار..

    زارني ناسم شاقني المزار..لو يزورني الطيف يبقى كيف..

    يا خصيب السوح إمتى أطوفك..وأستريح الروح من قطوفك..

    ياحبيبي إن شاء الله أشوفك...في نعيمك..وظلك وريف..

    أشهى..والآمال يفرحوني..مالي إلا سجعي..ولحوني..

    صرت أبغض من ينصحوني..هل تجامل وترسل لي طيف..

    إمتداحك بقى لي قراية..لي تملى القرطاس مراية..

    الوحايح فصمت عراي..ها جزا من يعشق ظريف ؟..

    *****
    شعرك أسود زى حظ حسدوك..نور تضاحك بدرك فصودك..

    كم غضنفر..فاتكابو سودك..والمها تهواك..يا خشيف..

    عفوك أسمح لأجلك ثناي..لا أمل من قبلك ..عناي..

    عندي مرك حلو يا مناي..والذي يرضيك هو اللطيف..

    يا ما عاشق وما هو وافي..ويا ما شاعر يقصد عوافي..

    مثلهم من يعشق ..قوافي..ومثلنا من يعشق..عفيف..

    يا محجب صاين..جمالك..يا مهفهف بعضك أمالك..

    دام زهاك..ودايم..كمالك..يا وحيد القدر..المنيف..

    يا رشيقا حسنك..نمالك..قل لطيفك هاجرني..مالك..

    *****
    دمعي كف وكفى انهمالك..إن بعد الصيف الخريف..

    يا لهيبي..الزاد اشتعالا ً..لي جمر الغضى انتعالا ..

    يا نسيم المحبوب تعالا..من أريجك أرحم ..بهيف..

    يا أماني..من كل واقب..ماله طيفك لي ما هو راغب..

    هل في طرق الأحلام مراقب..أم محاذر أمرا..مخيف..

    إن أقول الثنا يا جحاجح..فهو منه وإليه ..راجح..

    إن تزنبو ترى وزنه راجح..خلي معني و الروح خفيف..

    السلام ما ابتسمت زهورك..ما تلألأ رف نور نهورك..

    ما جلت بسماتك..شهورك..يبقى لي متكأك..قطيف"...

    تسلم يا هندسه.
                   |Articles |News |مقالات |بيانات

14-08-2008, 10:47 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: محمد عثمان)

    Quote: زولك يا ود المرتضى...!!

    طيب أعمل لينا بوست للراجل الفنان جد جد دا ونزل لينا غناويهو لأنو عندو أوصاف عديده
    ظهرت بقوافي وفنون جديده بتخلي أفكارنا تايهة ، وأكيد ستريح ال ( مِتلي كم ضايعين)
    الذين انتووا التوبة وقالوا ( مالي وما سهام العين) لكنهم في كل مرة يعودون فدخلوا
    في زمرة مظفر النواب القائل:
    كلنا قد تاب يوما ثم ألفَى نفسه قد تاب عما تاب.
    خسَّمتك بالنبي ما تتأخر.
                   |Articles |News |مقالات |بيانات

14-08-2008, 05:32 PM

محمد أحمد الخضر
<aمحمد أحمد الخضر
تاريخ التسجيل: 14-07-2008
مجموع المشاركات: 1302

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    Quote: أبوي جهجهنا إيجابيا ، الواحد كان يا دوب يفكر في مشروع ريده بريئة مع بت الجيران في
    حي الموظفين يجي أطال الله بقاءها يقول لأمي ، رحمها الله ، كشف التنقلات طلع ونقلونا كدا.. أخ .. أمانه يا مرتضى ما انضربت في الأنكل وكما قال درويش : كلماآخيت عاصمة رمتني بالحقيبة أو : ما كدنا نعد الأرض حتى انقض حامينا على ( الريدات) والذكرى ، كنا صغارا لكن القلب كبير
    بما يكفي لاستيعاب الصحاب والأحباب وعطرهم اليشبه هبّة الدعاش وهيئة الرُشاش ... الرشَّه ، ويبدأ كورس الفراق ورحيل الحبيب
    والبكا بالتنخج مع حمد الريح حليل الراحو وخلوا الريح تنوح فوق النيم ، وأما محمد الأمين فكانت حليفته في قلنا مامكن
    تسافر وبإنو (الجكس) يجبر بالخواطر فكانت تستقطر منا دمعا يُنضِب الغدد ويودي بنا إلى حافة الديهايدريشن. كان زمنا سمحا وأهل التربية والتعليم يرعون الطلبة كابنائهم ويطعموهم بأيديهم وأيدي المؤمنين بالرسالة ويراجعون معهم الدروس
    باهتمام غريب وحب إستثنائي مما أورث المتلقين ولاءا لأساتذتهم دونه المهج . أنت من قبيل التربية ( فالتعليم) وتدري تماما


    عزيزي مرتضى
    لقد لامست وتراً حساساوهيجت في دواخلي ذكريات خالدة وحنينالن ينضب أبدا.
    التحية أولا للأستاذ الوالد، أطال الله عمره،
    والرحمة والمغفرة لرفيقة دربه السيدة الوالدة.
    والشكر والتقدير ثانيا لشخصك الكريم وأنت تنعطف بهذا البوست
    إلى هذا الموضع الهام.
    أعجبتي كثيرا عبارة "أبوي جهجهنا إيجابيا"
    وأتمنى أن بستوعب كل أبناء المعلمين هذا المفهوم الراقي لهذه المهنة المقدسة
    ولكشف تنقلات المعلمين بكل ما يعنيه من جهجهة لهم ولآبائهم.
    كم من أبنائنا يا ترى قد ضربوا في الأنكل كما ضرب مرتضى
    في مشاريع "الريده البريئة مع بت الجيران"فيأتي كشف التنقلات
    ليبدأ مشروح ريدة جديدة في مدينة أخرى من مدن السودان.
    لقد تساءلت كثيرا من أين لمرتضى
    بهذه التجليات الإبداعية التي ظل يتحفنابهافي هذا البوست؟!
    والآن عرفت السبب؛ كان قدره ان يكون ابنا لمعلم،
    ولكنه استفاد كثيرا من إيجابيت كشف تنقلات المعلمين وكفى.

    أخي مرتضى
    ظللت تلح علي أن أكتب شيئاعن رحلتي في عالم التدريس
    وأستجابة لإقتراحك يسرني أن أعلن عن فتح بوست بعنوان:
    (مواقف وطرائف في عالم التدريس) فترقبوه قريبا.

                   |Articles |News |مقالات |بيانات

14-08-2008, 05:46 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: ناسنا.. (Re: محمد أحمد الخضر)

    ود الخضر

    Quote: (مواقف وطرائف في عالم التدريس) فترقبوه قريبا.


    في انتظارك عشان من هنا ولاهاى

    ات قايل هبدكم الفينا زمان بننساهو - انتوا علمتونا بساهل والله اى قصيدة
    او آية مقابل حفظها تكسروا سوط حنة كامل في راس الواحد .

    قال بوست قال ارح ابقى مارق بيهو يا اللخو عشان نقدم ليك قائمة كاملة بالهربوا من اهلنا تركوا التعليم بسبب الفلقة وبقوا رعيان في البطانة
                   |Articles |News |مقالات |بيانات

14-08-2008, 08:55 PM

محمد أحمد الخضر
<aمحمد أحمد الخضر
تاريخ التسجيل: 14-07-2008
مجموع المشاركات: 1302

للتواصل معنا

FaceBook
تويتر Twitter
YouTube


Re: ناسنا.. (Re: الطيب شيقوق)

    Quote: ات قايل هبدكم الفينا زمان بننساهو - انتوا علمتونا بساهل والله اى قصيدة
    او آية مقابل حفظها تكسروا سوط حنة كامل في راس الواحد .


    شبقوق المسنوح
    لو ما هبدنابتاع زمان ات كان بقيت زول؟
    مانكتر الكلام طرق كيبوردك واستعد.
                   |Articles |News |مقالات |بيانات

14-08-2008, 08:56 PM

محمد أحمد الخضر
<aمحمد أحمد الخضر
تاريخ التسجيل: 14-07-2008
مجموع المشاركات: 1302

للتواصل معنا

FaceBook
تويتر Twitter
YouTube


Re: ناسنا.. (Re: الطيب شيقوق)

    Quote: ات قايل هبدكم الفينا زمان بننساهو - انتوا علمتونا بساهل والله اى قصيدة
    او آية مقابل حفظها تكسروا سوط حنة كامل في راس الواحد .


    شبقوق المسنوح
    لو ما هبدنابتاع زمان ات كان بقيت زول؟
    مانكتر الكلام طرق كيبوردك واستعد.
                   |Articles |News |مقالات |بيانات

15-08-2008, 10:01 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: الطيب شيقوق)

    Quote: ات قايل هبدكم الفينا زمان بننساهو - انتوا علمتونا بساهل والله اى قصيدة
    او آية مقابل حفظها تكسروا سوط حنة كامل في راس الواحد .


    شيقوق ، ماكان في ضرب في الراس لكن في ظاهر اليد بالمسطره وشكلك كده كان بشدوك أربعه
    من السناير في الفصل وتاخدا لايطرف لك جفن ، وتقوم تقدل قدام الناس زي نابليون لأنك متعود
    البطان من البطانه لكن في الحقيقه بتكون (مردِّف).
                   |Articles |News |مقالات |بيانات

14-08-2008, 11:17 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: محمد أحمد الخضر)

    Quote: (مواقف وطرائف في عالم التدريس) فترقبوه قريبا.

    نحن في انتظارك.
                   |Articles |News |مقالات |بيانات

15-08-2008, 10:02 AM

saif addawla
<asaif addawla
تاريخ التسجيل: 07-12-2006
مجموع المشاركات: 911

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    محمد المرتضى

    نعود لناسنا بعد ان الهبها ( ود الخضر ) وتاتي العودة هذه المرة من وحي اخونا وصديقنا يوسف الحبوب ، يقول يوسف ان والده - عليه الرحمة - كان يؤنبه حين يطلب لاولاده اكلات من ماكدونالد ، فيقول له : يا ولدي اكل (المتابخ) ده ما تخلوه ، وطبعا ما يفوتك سرحنا بعدها في حديث ناسنا ، فجيل ناسنا يسمي الفندق حتى لو كان شيراتون يسميه ( لكوووونده ) ونقيب الشرطة لا يزال يسمونه( ملاحظ البوليس )

    يقول يوسف ان والده ساله مرة ، هل تعرف لماذا تسمى نقطة بوليس سوق امدرمان ب ( التمنه ) الاجابة كانت معلومة جديدة وهي انها القوة فيها تتكزن من ( تمانية ) عساكر ، لكن الاكثر غرابة علمت منه ان امدرمان كان فيها ( تمنه ) فالى جوار تمنة السوق توجد تمنة العباسية وتمنة ابروف وتمنة الموردة

    مع خالص تحياتي لناسنا
                   |Articles |News |مقالات |بيانات

15-08-2008, 05:49 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: saif addawla)

    سيف الدوله،
    بالله شوف البوليس اللي في الرابط أدناه.

    http://www.jamd.com/image/g/3331648
    في طريقه للحرامي مع الزول دا؟
    زمن ما قبل الرداء (الشورت).
                   |Articles |News |مقالات |بيانات

16-08-2008, 12:31 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    الزوزو رمز الألف كيف فراقنا بعد الوِلِف يا قسيم الريد تعال لي ،
    تعال ليّا وتعال..
    تظهر (زوزو) في أغنية أخرى لتعلن لكل متابع مرهف أن ل (زوزو) مكانة خاصة في فنون
    أحد أجمل مطربي السودان ، صاحب الأداء المائز الذي يحبس الأنفاس بتعابيره الفجائية
    الحادة في كل الإتجاهات وقدرته الفذة على توظيف أطرافه ورأسه في لغة جسد متناغمة
    مع اللحن والإيقاع ، إلتفاتة نحو اليمين أفقيا تعقبها أخرى إلى الشمال الجغرافي قبل
    أن تكمل ربع الدائرة ويدان تتجهان رأسيا في تبادل بديع ، حالة بين صدق الدعاء وسُكر
    الإنتشاء في صدق إستثنائي مع النفس والغير.
    خضر بشير ظاهرة لن تتكرر ، يطرب نفسه ثم (يكشح) النشوة نحو الجمهور في كرم حاتمي
    فيّاض تشهد به جهينة والنوبة وقحطان وما هي إلا ثوان حتى يمسح تسونامي الطرب كل الأدران
    والأحزان فتخرج من عند (خدر ) بشير وانت معافى عصبيا.
    يعرف خدر كيف تكون البدايات فيسرقك صادحا قوم يا ملاك والدنيا ليل نتناجى في الشاطي
    الجميل حيث تأخذك سِنة تغري بحالة خَدَر، وعندما يصل إلى (أتلاشى فيك وانسى الألم) يكون
    تخدير خدر قد بلغ مدارا جديدا ثم ينتقل بك إلى حالة التصوف المعروفة عنه في زورق أحلام
    يهدهدك في مهد الأقداس مردداً :

    ياملاكي ظروفي العصيبة حايلة دونك مالي صيبة

    قالي هاك أقوالاً مصيبة كل نفس توجد نصيبة

    والمصيبة المولى اليصيبة بالقدر كم عز الذليل

    كم ربوعاً أجدب خصيبة ومافي فجراً ماعقبه ليل

    فتغرق ويغرق الزورق وتصحو من حلم لتجد عافية النفس والبدن في انتظارك.
    إيهِ يا مولاي إيهٍ
    تاني يا مولاي إيهٍ.


                   |Articles |News |مقالات |بيانات

16-08-2008, 07:32 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    ناسنا بعد الشمس تغيب بيعفوا عما سلف

    بالله يا المرتضى تأمل في الطهر والنقاء بتاع ناسنا ديل
                   |Articles |News |مقالات |بيانات

17-08-2008, 05:26 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: الطيب شيقوق)

    Quote: ناسنا بعد الشمس تغيب بيعفوا عما سلف

    وبرضو ممكن يتنازلوا عن حياتهم بسبب كلمه مافي محلها.
                   |Articles |News |مقالات |بيانات

17-08-2008, 01:36 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    وردتني ، على بريدي الإلكتروني ، الرسالة التالية من أختنا بدور بابكر ،

    Quote: لك مني التحية والود

    لقد لمست كما يقولون وترا حساسا في بوست ناسنا ....... رغم مرور وقت طويل عليه الا انني قراته بتمعن الان فقط وبالغعل فقد صدقت في كل ماسطرته من حروف.. حليل ام در وحليل خرطومنا وحليل ناسا وحليل عطبرة الحلوة وتحديدا حي السكة حديد والفكي مدني والحصايا وحليل الزمن الروعة والناس الاروع....لقد جعلتني استرجع شريط جميل من الذكريات في لحظات سريعه......

    وفي اللحظات دي بالذات اتذكرت يوم الجمعة زمان حيث يجتمع جميع أعمامي بمنزلنا في حي الخرطوم 3 ذلك المكان ذو النكهة الخاصة وبعد الغداء يطلعو يشربو شاي العصر في الحوش ويبدأو في سرد حكايات زمان وكل واحد يذكر التاني بموقف معين ويضحك الجميع من القلب بما فيهم نحن الصغار ذي الكانه اول مرة نسمع القصص دي مع انها بتتكرر كل جمعة

    متعك الله بنعمة الصحة والعافية واتحفنا بمزيد من بوستاتك الرائعة ودمت


    شكري يابدور القلعة ، لمَّة الأهل في الجمعة والأعياد شئ لايمكن وصفه ككثير من المشاعر الإستثنائية، العمومة والخؤولة في مقام الوالدين ، كانوا يصنعون مناخا مدهشا عندما
    يجتمعون وحتى عندما يخلعوا عنهم جلابيبهم وعمائمهم ويقعدوا بعرّاقي الساكوبيس والسراويل
    الطويلة وعَشَرَة كونكان وارتفاع أصواتهم من الديوان بالصياح وينادون بين الفينة والأخرى :
    يا ولد ، جيب مويه ، عمك دا جيب ليهو مويه إنجرّ خمسينين وهسّه ورقو برضو شين وشوف خالك
    ده الجَبَنَه راماياهو.
    وكثير غيره يا بدور.
                   |Articles |News |مقالات |بيانات

17-08-2008, 07:37 PM

محمد عثمان

تاريخ التسجيل: 09-11-2006
مجموع المشاركات: 6490

للتواصل معنا

FaceBook
تويتر Twitter
YouTube


Re: ناسنا.. (Re: محمد عثمان)

    من ناسنا:

    عبدالله النحيب
    عبيد الطيب..




    ــــــــــــــــــ
                   |Articles |News |مقالات |بيانات

18-08-2008, 11:42 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: محمد عثمان)

    تسلم يا محمد على تحف الغناء السوداني
                   |Articles |News |مقالات |بيانات

17-08-2008, 09:21 PM

willeim andrea
<awilleim andrea
تاريخ التسجيل: 01-05-2002
مجموع المشاركات: 3804

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    ياسلام ما روع البوست ده ذكريات وبعضها جزء اصيل من ذكرياتي... مشكور اخي محمد وضيوفه علي البوست الجميل
                   |Articles |News |مقالات |بيانات

18-08-2008, 01:12 PM

سلمى الشيخ سلامة
<aسلمى الشيخ سلامة
تاريخ التسجيل: 14-12-2003
مجموع المشاركات: 10754

للتواصل معنا

FaceBook
تويتر Twitter
YouTube


Re: ناسنا.. (Re: willeim andrea)

    زولنا وحبيبنا محمد المرتضى
    زول جميل اسمه صلاح احمد ابراهيم
    هذه بعض نقاط كنت كتبتها فى دراسة عن كتابات صلاح احمد ابراهيم
    التى كان ينشرها فى احد المجلات العربية
    اختلفنا لكن بادب ومحبة

    صلاح احمد ابراهيم عاش الغربة لكنه لم يغترب بل ظلت الروح السودانية تحمله و ليس فى هذا ادنى شوفينية لان البعض قد تنكروا لهذا البلد ايما تنكر
    وحين تشهده يتحدث عن التاريخ فهو يهدف الى درب احادى ويفضى اليه عبر كثير من ترديداته نحن لانرفض هذا الانتماء حيث نقع فى قلبه لكن الامر مختلف بالنسبة للسودان حيث انك لن تستطيع عزل هذا الوطن عن منبته الاخر الافريقى
    لذلك حين يكون الحديث عن ( العروبة ) فى بلد تتداخل فيه الاعراق الافريقية واللغات الافريقية فاننا ظالميها بلا ادنى شك وفى تصورنا ان تسمية السودان جاءت من سحناتنا( بلاد السود) وحين نمضى الى لغاتنا المحلية سنجد انها تفوق المئتى لغة من الشمال الى الجنوب الى الشرق والغرب فسنجد اننا امام مفردات جغرافية تمتاز بالخصوصية ليس بصورة مطلقة ولكن لاننا الاكثر التحاما بالشعوب الافريقية دونا عن كل الامم العربية الاخرى
    ورغم ان صلاح احمد ابراهيم يعيش فى خطابه هائما فى عروبته التى يحاول ان يوائمها مع ماهو سودانى فيقول (وقد وجد العرب المهاجرون فى بوادى السودان خير معوض لهم عن بوادى خلفوها وراءهم وطردتهم عنها حين كانت الجزيرة العربية طاردة لابنائها احبوا مواطن الخير المغدقة وعرفتهم على الرخاء وتعهدت قيمهم التليدة ، فاذا تغنى اطفالهم انذاك بما حفظته ترانيم الطفولة فرددناها مع حبوباتنا
    قشتى الخضراء
    افرك واطويكى اشوف شبابى فيكى
    شبابى نور الوادى
    يا خضرا يا ام البوادى
    فزارة حاربونا
    شدوا جمالهم وجونا
    الزرزر ما كفاهم
    كفاهم جودة الله
    جودة الله ابو رقية
    رقية بت اهلنا
    ام شعرا متنى
    نحن نموت نخش الجنه

    ولانه يقدم لمقاله عنوانا ( بوادينا مهد عروبتنا ) فانه يمضى للقول ( حفظت بوادينا من تقاليد العرب العتيقة ما يعود الى عهود ما قبل الاسلام وعلى ذلك اللغة نفسها وتنوع اللهجات العربية يعكس بطبيعة الحال تنوع الاصول والمداخل)
    ويغوص بنا فى متن اللغة فى ابحار لا يداني ويقودنا الى مقاربة نحسها مهمة خاصة وهى اختيارات دقيقة ،فهاهو يقول ( استخدامنا(ام) للتعريف بدل (ال) ولعلك قارئى شاهد تلك اللهجة واليمنية فى سؤال الوفد اليمنى الى الرسول الامين (امن امير امصيام فى امسفر ؟)اى هل من البر الصيام فى السفر ؟فرد عليه السلام بنفس لهجتهم (من امبر امصيام فى امسفر)ونحن نقول فى السودان(امسويقة ) السوق الصغير ونقول ام رقيقة (نوع من انواع الادام المصنوع من البامية المجففة المسحوقة ، والبامية هى ما تسمى فى المغرب (الغيناوية ) نسبة الى غينيا كما نقول (ام لعاب )بفتح اللام والعين ، الى اخر القائمة التى نستخدمها سليقة دون ان نفطن الى الشاهد اللغوى فيها ثم لا ننسى (امبارح )وام هى (ال ) لا اكثر ولا اقل ...؟

    ويرى صلاح ان البادية هى الماعون الذى حفظ لنا ارتباطنا العربى يقول (حفظت لنا بوادينا شكل المعلقة فى القصيدة البدوية السودانية المطولة المسام بالمسدار (اغانى العمل )حيث هى (حداء ) فى الاصل يطرب به المسافر المترنم راحلته او زاملته ان شئت فتنشط فى المسير وبلوغ بيت المحبوبة فى اخر الدنيا ومن خلال هذا المسدار المتنوع المواضيع المتوحد الغرض ندرك ادراك معايش ان المعلقة رغم ما يبدو من مواضيعها المتعددة من عدم الترابط تتعثر فى الواقع بوحدة لانكران لها ويوغل صلاح باتجاه البادية حيث يعقد اوجه الشبه بين الصعاليك هنا وفى الجزيرة العربية ويشير بقوله فى هذا الصدد ( وحفظت لنا بوادينا ظاهرة مجتمع الصعاليك الهامشى فى المجتمع البدوى القديم ونسميها فى السودان (الهمبته ) على وزن ( الخربطة والزندقة والعملنه)ونسميها ايضا (النهوض ) فالهمباتى او النهاض هو الذى يغير على القطيع الكبير من الابل ويانف ان يقال عنه سارق الجمل والجملين والثلاثة ، ويفند هؤلاء النهاض باسمائهم (طه الضرير ، الطيب ود ضحوية )
    لكن عروبة صلاح لاتقف فى حد البادية من حيث البقارة والاباله بل تمتد الى العشق البدوى الذى يؤدى بالمحبوب الى الهلاك فيما يظل عالقا بالاذهان ، فكما كانت ليلى وقيس فانه يجد معادلا موضوعيا فى (تاجوج والمحلق ) حيث يرى اليهما على انهما عربيان تماما ، فتاجوج (ولعله اسم عربى بصياغة بجاوية كما هو اسماء غيره مثل اوهاج واونور ـ الحاج ، النور )
    حتى البجه يرى انهم عرب !!!!
    رغم انه يقدم لهم على انهم "شعب سودانى يسكن البر الافريقى بمحاذاة البحر الاحمر"
    ولا يستبعد فكرة ان تكون تلك القبيلة قد تناسلت مع قبائل ربيعة وجهينة ، ويبرر الاختلاط بقوله (قوم جمعوا ما بين السامية والحامية بلسان هو كذلك )
    لكنه لدى المحلق نجده يجزم بانه عربى محض معناه"ذو الحلقة "مشيرا فى ذلك الصدد الى قول الاعشى
    لعمرى لقد باتت عيون كثيرة
    على ضوء نار باليفاع تحلق
    تشب لمقرورين يصطليانها
    وبات على النار الندى والمحلق
    وحين يصف جمال تاجوج فانه يستند الى مرجعية سودانية تفوح منها الرائحة العربية رغم اعترافه الضمنى انها ( بجاوية )لكنها على اى حال رمز الجمال العربى الذى يلوح صلاح بصورته بل انه يلوح فى لحظة كمن هو يغمطها حق ان يكون لها مزار معروف ولعلنا نرد ذلك الى التقليد العربى الذى (يدارى )ودائما على المراة ويعتبرها ذات شان ادنى !
    وبالنسبة لصلاح لاضرورة لضريح فهى فى نظره "افما كان اولى ان يكون لحبيبها ضحية حماقته وشهيد حبه قبر معروف ومصون كقبر تاجوج؟)
    ولاننسى انها كانت ضحية وسواسه وهواجسه وغيرته الحمقاء، لكن صلاح مرجعيته (المرة كان بقت فاس ما بتكسر الراس )
    رغم ما تغنى به من (حقوق المراة الكانت ضايعة ) الى اخر القصيدة
    عموما الدراسة تطول ولكننا نقلنا جزءا منها ولك فائق تقديرى
                   |Articles |News |مقالات |بيانات

19-08-2008, 01:43 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: سلمى الشيخ سلامة)

    لاحولا يا سلمى،
    شكرا على مداخلتك الثمينه السمينه،
    كلامك كلو سمح وكلام الرائع صلاح ، رحمه الله ، لاشك تتقافز منه الأفكار الموحيات ، لكنني
    لاأتفق معك أن للمرأة شأن أدنى عند العرب ، يا سلمى مقولة أن الرجل العربي يداري
    على المرأة لأنها عنده ذات (شأن أدنى) قول لايستقيم، الإنسان يداري على الكنز الثمين
    ونحن نداري على نسائنا في غالب الحال مع وجود استثناءات كما في حالة قال فيها الدوش :
    ( خلِّي من حضنك ضرايا)، ومن الإستثناءات أيضا اللواتي قررن أن يكن من أهل الشأن الأدنى.
    بالطبع حتى تلك الحال أردت منهاالمزح وهي ليست استثناءا، أها يا ست أبوك، التراث
    العربي منذ المعلقات كانت المرأة لحمته وسداته ، نحن نجل المرأة ونرفعها في حياتنا
    (أسمى مكانه يا الجازيتني بكسر الأجنحه والمحركات والتنك) مع اعتذاري لمحمد يوسف موسى.
    المهم ، زي ما قال تبارك ودالناظر شيخ الدين ، أنا لا أحكم على غيري لكن العرب تقاتل
    حتى الموت لأجل المرأة وظل شرف الرجل ، حتى الآن ، يرتبط بأغلى ما في حياته وهو المرأة.
    يازوله كلامك دا تب مو صاح, راجعي نفسك وحكِّمي ضميرك وتعالي لي صادَّه.
    لكن تاجوج ما تجوج ، تحيي قبيله وتميت اخرى .
    زمان قلت هنا إنو الصينيين أهل ياجوج ، والكوريين أهل ماجوج ، ونحن تاجوج.
    محبتي.
                   |Articles |News |مقالات |بيانات

18-08-2008, 03:23 PM

حيدر امين
<aحيدر امين
تاريخ التسجيل: 13-07-2008
مجموع المشاركات: 2840

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)





    اها يا محمد المرتضى البلابل مع ابعاج ؟؟؟؟؟؟
                   |Articles |News |مقالات |بيانات

18-08-2008, 04:07 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: حيدر امين)

    أندريه،
    يا خوف فؤادي من غد،
    طرح الهادي آدم، غشيت قبره الطاهر شآبيب الرحمة، طرح سؤالا بسيطا في حروفه على من تمنى
    لقياه في الغد من باب العشم في جواب يبرِّد الخاطر ويشرح الصدر، نوع الجواب دا عادة
    مايتصنَّع الحبيب تأخيرا فيه بحجة التفكير والتأمل كنوع من( التَقَله)،
    يا خوف فؤادي من باكر.
    طرح المربي القدير والشاعر الرائع سؤاله وبقي العالم العربي من المحيط إلى الخليج
    منتظرا الإجابة وما برح ، رسم الهادي كل الصور ممكنة الحدوث في ذلك الغد المرتجى
    وأعاد الشعب العربي كله إلى فصول الدرس ليشرح له كيف تشرق الأضواء في ليل العيون
    وكيف يكون احتمال العمر نعيما وعذابا.




    أغداً ألقاك يا خوف فؤادي من غدٍ
    يالشوقي واحتراقي في انتظار الموعد
    آه كم أخشى غدي هذا وأرجوه إقترابا
    كنت أستدنيه لكن هبته لما أهابا
    وأهلت فرحة القرب به حين استجابا
    هكذا أحتمل العمر نعيماً وعذابا
    مهجة حرَى وقلباً مسه الشوق فذابا
    أغداً ألقاك

    أنت يا جنة حبي واشتياقي وجنوني
    أنت يا قبلة روحي وانطلاقي وشجوني
    أغداً تشرق أضواؤك في ليل عيوني
    آه من فرحة أحلامي ومن خوف ظنوني
    كم أناديك وفي لحني حنين ودعاء
    آه رجائي أنا كم عذبني طول الرجاء
    أنا لو لا أنت لم أحفل بمن راح وجاء
    أناأحيا في غدي الآن بأحلام اللقاء
    فأت أو لا تأتي أو فافعل بقلبي ما تشاء
    أغداً..أغداً ألقاك

    هذه الدنيا كتاب أنت فيه الفكر
    هذه الدنيا ليال أنت فيها العمر
    هذه الدنيا عيون أنت فيها البصر
    هذه الدنيا سماء أنت فيها القمر
    فارحم القلب الذي يصبو إليك
    فغداً تملكه بين يديك
    وغداً تأتلف الجنة أنهاراً وظلاّ
    وغداً ننسى فلا نأسى على ماضٍ تولّى
    وغداً نزهو فلا نعرف للغيب محلا
    وغداً للحاضر الزاهر نحيا ليس إلا
    قد يكون الغيب حلواً ..
    ...إنما الحاضر أحلى...
    أغداً ألقاك

    شكرا وليم.
                   |Articles |News |مقالات |بيانات

19-08-2008, 08:12 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: حيدر امين)

    Quote: اها يا محمد المرتضى البلابل مع ابعاج

    حيدر، كيفك يا حنيِّن يا طير الجنّه.
    تعرف يا حيدر ، البلابل ديل عندي ليهم مكانه خاصه رغم أنهن غنين لجعفر نميري وتغنين بشعر سبدرات رجعنالك،
    في (أبعاج أخوي) لم يكُنَ استثناءا على موجة ذلك الزمن التي ركبها الجميع من أبوداؤود وحتى وردي.
    الصورة جميلة يا حيدر ولكن أبعاج كان ثابتا ، ربما كان وقتها رئيسا لمجلس قيادة الثوره بالنص،
    يعني لم يكن رقيصا للجمهورية.
                   |Articles |News |مقالات |بيانات

19-08-2008, 02:12 PM

willeim andrea
<awilleim andrea
تاريخ التسجيل: 01-05-2002
مجموع المشاركات: 3804

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    ياسلام يا لحبيب... الاستاذ الراحل... الهادي ادم.... ياسلام كم جلسنا جاور بيته ونحن صبيا... وكم كان مربيا وخلوقا طيبا ........ ما قلته ليك كل ما تذكر هو جزء اصيل من ذكريات تقريبا كل المتداخلين,.... صدقني هذا البوست عجيب ينكش في الفؤاد لياتي بكل جمال الذكره الرطبه ... احترامي وتقديري ومتابعين معاك
                   |Articles |News |مقالات |بيانات

19-08-2008, 02:12 PM

willeim andrea
<awilleim andrea
تاريخ التسجيل: 01-05-2002
مجموع المشاركات: 3804

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    ياسلام يا لحبيب... الاستاذ الراحل... الهادي ادم.... ياسلام كم جلسنا جاور بيته ونحن صبيا... وكم كان مربيا وخلوقا طيبا ........ ما قلته ليك كل ما تذكر هو جزء اصيل من ذكريات تقريبا كل المتداخلين,.... صدقني هذا البوست عجيب ينكش في الفؤاد لياتي بكل جمال الذكره الرطبه ... احترامي وتقديري ومتابعين معاك
                   |Articles |News |مقالات |بيانات

20-08-2008, 07:31 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: willeim andrea)

    يا أندريه،
    قد تاتي قصيدة لاتخلد شاعرها فحسب ، بل تخلد شعبا بأكمله.
    معزَّة مستدامة.
                   |Articles |News |مقالات |بيانات

20-08-2008, 02:16 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    في الذاكرة يقبع مع التجاني يوسف بشير ولا أدري لماذا،
    هذا الرائع الذي كان في الأرض بجسده فقط لكن في الواقع إنتمى لأماكن أخرى تقع خارج مدارات
    الكون المعروفة كرابعة العدوية وكل من علم في يفاعته بأن الجسد مجرد وعاء لحمل الروح في مرورها الأرضي لاغير.. لذا رحل إلى حيث مدارات الطهر والنقاء والصفاء باكرا كغيره من الأجسام الضوئية التي تمر بنا للحظات سراع ويبقى اثرها فينا حتى نغادر العبوس الغراره.
    (لم يعد لي بقاء فوق هذي البقاع)
    الشابي إبن تونس الجميل ، بل إبن الرحيل والحزن النبيل،




    عذبة أنت كالطفولة كالأحلام كالحن كالصباح الجديد
    كالسَّماء الضَّحُوكِ كاللَّيلَةِ القمراءِ كالوردِ كابتسامِ الوليدِ
    يا لها مِنْ وَداعةٍ وجمالٍ وشَبابٍ مُنعَّمٍ أُمْلُودِ
    يا لها من طهارةٍ تبعثُ التَّقديسَ في مهجَةِ الشَّقيِّ العنيدِ
    يا لها رقَّةً تَكادُ يَرفُّ الوَرْدُ منها في الصَّخْرَةِ الجُلْمودِ
    أَيُّ شيءٍ تُراكِ هلْ أَنْتِ فينيسُ تَهادتْ بَيْنَ الوَرَى مِنْ جديدِ
    لتُعيدَ الشَّبابَ والفرحَ المعسولَ للعالمِ التَّعيسِ العميدِ
    أَم ملاكُ الفردوس جاءَ إلى الأَرضِ ليُحيي روحَ السَّلامِ العهيدِ
    أَنتِ مَا أَنتِ أَنْتِ رسمٌ جميلٌ عبقريٌّ من فنِّ هذا الوُجُودِ
    فيكِ مَا فيهِ من غموضٍ وعُمْقٍ وجَمَالٍ مقَدَّسٍ معبودِ
    أنتِ مَا أنتِ أَنتِ فجرٌ من السّحرِ تجلَّى لقلبيَ المعمودِ
    فأراه الحَيَاةَ في مُونِقِ الحُسْنِ وجلّى له خفايا الخلودِ
    أَنتِ روحُ الرَّبيعِ تختالُ في الدُّنيا فتهتزُّ رائعاتُ الورودِ
    وتهبُّ الحَيَاة سَكرى من العِطرِ ويدْوي الوُجُودُ بالتَّغريدِ
    كلَّما أَبْصَرَتْكِ عينايَ تمشينَ بخطوٍ موقَّعٍ كالنَّشيدِ
    خَفَقَ القلبَ للحياة ورفَّ الزَّهرُ في حقلِ عمريَ المجرودِ
    وانتشتْ روحيَ الكئيبَةُ بالحبِّ وغنَّتْ كالبلبلِ الغِرِّيدِ
    أَنتِ تُحيينَ في فؤاديَ مَا قدْ ماتَ في أَمسيَ السَّعيدِ الفقيدِ
    وَتُشِيدينَ في خرائبِ روحي مَا تلاشَى في عهديَ المجدودِ
    مِنْ طموحٍ إلى الجمالِ إلى الفنِّ إلى ذلك الفضاءِ البعيدِ
    وتَبُثِّينَ رقَّةَ الشوقِ والأَحلامِ والشَّدوِ والهوى في نشيدي
    بعد أنْ عانقتْ كآبَةُ أَيَّامي فؤادي وأَلجمتْ تغريدي
    أَنتِ أُنشودَةُ الأَناشيدِ غنَّاكِ إِلهُ الغناءِ ربُّ القصيدِ
    فيكِ شبَّ الشَّبابُ وشَّحهُ السّحْرُ وشدوُ الهَوَى وعِطْرُ الورودِ
    وتراءى الجمالُ يَرْقُصَ رقصاً قُدُسيًّا على أَغاني الوُجُودِ
    وتهادتْ في أُفْق روحِكِ أَوْزانُ الأَغاني ورِقَّةُ التَّغريدِ
    فتَمَايلتِ في الوُجُودِ كلحنٍ عبقريِّ الخيالِ حلوِ النَّشيدِ
    خطواتٌ سكرانةٌ بالأَناشيد وصوتٌ كَرَجْعِ نايٍ بعيدِ
    وقَوامٌ يَكادُ يَنْطُقُ بالأَلحانِ في كلِّ وقفةٍ وقعودِ
    كلُّ شيءٍ موقَّعٌ فيكِ حتَّى لَفْحَةُ الجيدِ واهتزازُ النّهودِ
    أَنتِ أَنتِ الحَيَاةُ في قدْسها السَّامي وفي سِحْرها الشَّجيِّ الفريدِ
    أَنتِ أَنتِ الحَيَاةُ في رِقَّةِ الفجر في رونق الرَّبيعِ الوليدِ
    أَنتِ أَنتِ الحَيَاةُ كلَّ أَوانٍ في رُواءٍ من الشَّبابِ جديدِ
    أَنتِ أَنتِ الحَيَاةُ فيكِ وفي عَيْنَيْكِ آياتُ سحرها الممدودِ
    أَنتِ دنيا من الأَناشيدِ والأَحلامِ والسِّحْرِ والخيال المديدِ
    أَنتِ فوقَ الخيالِ والشِّعرِ والفنِّ وفوقَ النُّهى وفوقَ الحُدودِ
    أَنتِ قُدْسي ومعبدي وصباحي وربيعي ونَشْوتي وخُلودي
    يا ابنةَ النُّورِ إنَّني أنا وحدي من رأى فيكِ رَوْعَةَ المَعْبودِ
    فدعيني أَعيشُ في ظِلِّكِ العذْبِ وفي قُرْبِ حُسنكِ المَشْهودِ
    عيشةً للجمالِ والفنِّ والإِلهامِ والطُّهْرِ والسَّنى والسُّجودِ
    عيشَةَ النَّاسكِ البتُولِ يُناجي الرَّبَّ في نشوَةِ الذُّهول الشَّدِيدِ
    وامنحيني السَّلامَ والفرحَ الرُّوحيَّ يا ضوءَ فجريَ المنشودِ
    وارحميني فقد تهدَّمتُ في كونٍ من اليأْسِ والظَّلامِ مَشيدِ
    أنقذيني من الأَسى فلقدْ أَمْسَيْتُ لا أستطيعُ حملَ وجودي
    في شِعَابِ الزَّمان والموت أَمشي تحتَ عبءِ الحَيَاة جَمَّ القيودِ
    وأُماشي الوَرَى ونفسيَ كالقبرِ وقلبي كالعالم المهدُودِ
    ظُلْمَةٌ مَا لها ختامٌ وهولٌ شائعٌ في سكونها الممدودِ
    وإذا مَا استخفَّني عَبَثُ النَّاسِ تبسَّمتُ في أَسًى وجُمُودِ
    بَسْمَةٌ مرَّةٌ كأنَّني أَستلُّ من الشَّوكِ ذابلاتِ الورودِ
    وانْفخي في مَشاعِري مَرَحَ الدُّنيا وشُدِّي مِنْ عزميَ المجهودِ
    وابعثي في دمي الحَرارَةَ عَلِّي أَتغنَّى مع المنى مِنْ جَديدِ
    وأَبثُّ الوُجُودَ أَنغامَ قلبٍ بُلْبُليٍّ مُكَبَّلٍ بالحديدِ
    فالصَّباحُ الجميلُ يُنْعِشُ بالدِّفءِ حياةَ المُحَطَّمِ المكدودِ
    أنْقذيني فقد سئمتُ ظلامي أنقذيني فقدْ مَلِلْتُ ركودي
    آه يا زهرتي الجميلةَ لو تدرينَ مَا جدَّ في فؤادي الوحيدِ
    في فؤادي الغريبِ تُخْلَقُ أَكوانٌ من السّحرِ ذاتُ حُسْنٍ فريدِ
    وشموسٌ وضَّاءةٌ ونُجومٌ تَنْثُرُ النُّورَ في فَضاءٍ مديدِ
    وربيعٌ كأنَّهُ حُلُمُ الشَّاعرِ في سَكرة الشَّباب السَّعيدِ
    ورياضٌ لا تعرف الحَلَك الدَّاجي ولا ثورَةَ الخريفِ العتيدِ
    وطيورٌ سِحْرِيَّةٌ تتناغَى بأَناشيدَ حلوةِ التَّغريدِ
    وقصورٌ كأنَّها الشَّفَقُ المخضُوبُ أَو طلعَةُ الصَّباحِ الوليدِ
    وغيومٌ رقيقةٌ تتهادَى كأَباديدَ من نُثارِ الورودِ
    وحياةٌ شِعْرِيَّةٌ هي عندي صُورةٌ من حَياةِ أَهْل الخلودِ
    كلُّ هذا يَشيدُهُ سِحْرُ عينيكِ وإِلهامُ حُسْنِكِ المعبودِ
    وحرامٌ عليكِ أَنْ تهدمي مَا شادهُ الحُسْنُ في الفؤادِ العميدِ
    وحرامٌ عليكِ أَنْ تسْحَقي آمالَ نفسٍ تصبو لعيشٍ رغيدِ
    منكِ ترجو سَعادَةً لم تجدْهَا في حياةِ الوَرَى وسِحْرِ الوُجُودِ
    فالإِلهُ العظيمُ لا يَرْجُمُ العَبْدَ إِذا كانَ في جَلالِ السُّجودِ
                   |Articles |News |مقالات |بيانات

20-08-2008, 09:54 PM

أحمد طراوه
<aأحمد طراوه
تاريخ التسجيل: 25-12-2006
مجموع المشاركات: 4132

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    .. تعرف يا ود حامد ، الانسان ربنا خلقو ، و إصطفاه دون المخلوقات
    و خصاهو بالدماغ البقى عقل و جاب التفكير و النفسية

    ودا كلوا ممكن يصل بالوضع الكيمائي - الفسيولوجي عند هذا
    المخلوق الفريد اللي اسمو الانسان الي درجة من العِلو و التراكم
    و تلك الظواهر الإستثنائية

    .. و سبب الكلام دا كلو هو ما اتى به زولك الجامايكي
    اوسيان بولت في بكين !!





    * ما يكل جونسون في اولمبياد اطلانطا 1996 قطع ال200 متر
    في 19 ثانية و 32 من الثانية ، ودا كان إعجاز

    * اوسيان بولت قطعا في 19 ثانية و 30 من الثانية ودا
    إعجاز الإعجاز

    .. القصة كلها بتفسرا تلك الاسرار الكامنة في المسافة مابين
    الدماغ/ العقل و الاطراف الاربعة

    .. و بتذكر في هذه اللحظة ( امين طيارة سيدي الامام) ، ذلك الجناح
    اللفت في فريق الحرية بتاع الصادق الجان ، امين الكان بجري
    و يفوت الكورة زاتا و تاني يجي راجع ليها ، و لمن يزنق
    و ما يلقى زميل فاضى يباصى ليهو الكورة ، الجان المدهش
    كان بقول ليهو : يا امين انت جراي باصيها لروحك !!

    * يا حليل فول الجان ، و احمد سعد ، و ابو العباس ، و ابو صليب
    و الحاج ابو جلاجل كلهم كانوا ناسنا


                   |Articles |News |مقالات |بيانات

20-08-2008, 10:18 PM

تماضر الخنساء حمزه
<aتماضر الخنساء حمزه
تاريخ التسجيل: 13-10-2006
مجموع المشاركات: 5215

للتواصل معنا

FaceBook
تويتر Twitter
YouTube


Re: ناسنا.. (Re: أحمد طراوه)

    Quote: و ما يلقى زميل فاضى يباصى ليهو الكورة ، الجان المدهش
    كان بقول ليهو : يا امين انت جراي باصيها لروحك !!

                   |Articles |News |مقالات |بيانات

22-08-2008, 07:17 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: تماضر الخنساء حمزه)

    قصص الكورة والمبالغة في وصفها ، يا تماضر ، لاتنتهي ، أما مسألة الواحد يلعب باص لنفسه ( لروحو) فهي
    أمر عادي ، لكن قيل لنا أن لاعبا يلقب ب ( قطر) كان ينفذ الضربه الركنيه ( يرفع الكورنر) لمبه في دكان
    يماني ويلحقا قدام المرمى ويجيبا قون بالرأس. شغل تمام مش كده؟ مش واحد لاعب قال والله لما نطيت اضرب
    الهيد شُفت السواري؟
    قيل لنا أيضا أن هنالك لعيبة منهم برعي وقِرعِم ودريسه الواحد فيهم بيشوت من راس طمنطاشر نحو المرمى مئة
    مرة ويجيبا قون في المية مره وفي نفس الزاوية ، هسه باقي ليك لو كان الفريق ده بتلعب فيهو أجهزة ناسا
    ذاتا ممكن تجي قون مية مره؟
    بَلاّل زورني مره.
                   |Articles |News |مقالات |بيانات

21-08-2008, 08:49 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: أحمد طراوه)

                   |Articles |News |مقالات |بيانات

21-08-2008, 12:20 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: أحمد طراوه)

    طراوه الحبيب القريب،
    Quote: يا حليل فول الجان ، و احمد سعد ، و ابو العباس ، و ابو صليب
    و الحاج ابو جلاجل كلهم كانوا ناسنا

    سلامات يا سيدي،
    تلك الأماكن لم تكن تقدم الفول المصلَّح فقط ، كانت تقدم الناس إلى بعضها وتجمع بين
    القلوب وأهلها يجلسون على ( البنابر) يتآنسون ويتبادلون الرأي والود المُصفَّى ، يغسلون
    هموم النهار واليوم الطويل قبل أن يغسلوا أيديهم مما تبقى عليها من طعام ويحفظون الوئام.
    يذهب واحد منهم خلسة ليدفع عن الباقين (الحساب) كأقل ما يبذل تجاه الأحباب والصحاب من جيل
    الذين يؤثرون على أنفسهم ولو كان بهم خصاصة.
    ليت اللحظات الجميلة تُشترى ، كما قالت صديقة ، ليت.
    ما تنسى السكي والمورده يا ود علايل أبوروف.


                   |Articles |News |مقالات |بيانات

22-08-2008, 09:19 AM

حيدر امين
<aحيدر امين
تاريخ التسجيل: 13-07-2008
مجموع المشاركات: 2840

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    سمك السكى فى امدرمان والبربى فى الخرطوم

    باسطة عمك بين فى امدرمان وحمدتو فى الخرطوم
                   |Articles |News |مقالات |بيانات

22-08-2008, 01:37 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: حيدر امين)

    Quote: باسطة عمك بين فى امدرمان وحمدتو فى الخرطوم


    الطيب سيد مكي عالم آخر يا حيدر ، باسطة غير قابلة للتحكيم أو التسويات ، عندو باسطه بسمن بلدي، كان لقيت منها
    قطعه ناصية ممكن يومين ما تصحا. لو سمعت عنها هاليبيرتون ومجموعة بكتل وناس بلاك ووتر ومجموعة بوش السيئة لنظموا
    غزوا لاحتلال بداية شارع أبوروف جهة المحطة الوسطى بدعوى حيازة أسلحة حلاة شاملة.
    إنت يا حيدر عندكم جماعه كدا عملو حلويات إسمها سلا وما خفي كان أحلى ، مشوا وين؟
                   |Articles |News |مقالات |بيانات

22-08-2008, 09:00 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    Quote: الدوره المدرسية،
    سامي عزالدين،
    الطاهر هواري ،


    الأخ العزيز / محمد المرتضى
    لك التحية والود
    ما ناسك نحن ماناسك
    الدرة الذي فارقنا على عجل سامي عزالدين ( الرحمات تتنزل عليهإن شاء الله من رب رحيم بعباده ) شارك في الدورة المدرسية كلاعب كرة قدم .. ولاعب كرة طائرة . ( اجاد في كل منهما ولمع نجمه ).. وقد صادف في يوم واحد أن لعب لفريق كرة القدم وبعد ضمان النتيجة التي كان سبب فيها ( نقوله ) من ميدان كرة القدم إلى ميدان الكرة الطائرة وكان النصر هو الحليف في الميدانين ...
    سامي وما أدراك ماسامي .. رغم أني هلالابي وعلى السكين لكن ألتقيت هذا الشخص المهذب الجميل عليه رحمة من الله في دول المجر عندما حضر لكورس تدريب لمدة ستة أشهر ( في الكرة الطائرة ) وتتوطد به العلاقة ويا له من أخ كريم وجميل عليه رحمة الله. أحزننا نحن طلبة مدينة مشكولتس ( بالمجر ) خبر وفاته لكن نقول ( نحسبه عند الله في جنانه العلى والله حسيبه ...)

    الطاهر هواري جمعتنا به علاقة المصاهرة تراه في الميدان ذاك الفتى المشاكس .. وأبني على العكس في حياته العامة .. الأدب والخلق السمح والروح الطيبة هذا هو ( الطاهر هواري ) أمد الله في أيامه ومتعه بالصحة العافية ..

    ولك التحية والمودة الحبيب محمد
                   |Articles |News |مقالات |بيانات

23-08-2008, 07:27 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: خالد علي محجوب المنسي)

    يا خالد ، القائمة تطول،
    هواري ، وفقا لتسمية الربان حاج حسن عثمان ، وهو أيضا من ناسنا الذين زينوا صحيفة
    الأيام عندما كانت الصحافه هي الأيام ، يعني أيام الصحافه الماخمج ، هواري كان من زمرة
    قدمت في فترة وجيزة إبداعات قلنا انها نتاج الدوره المدرسية ، منهم عبده الشيخ وعصام
    مصطفى ( عمو ) وعماد ( عمده) وعدد من الذين أثبتوا وجودهم وأعطوا رغم قصر المدة التي
    بقوا فيها في الملاعب.
    الطاهر هواري رغم أنه من الباكات الذين قل أن تجود بمثلهم الملاعب ورغم العنف القانوني
    الذي تمتع به إلا أنه ، كما قيل عنه ، كان دمث الأخلاق وصديقا للجميع.
    الله يديهو العافية.
                   |Articles |News |مقالات |بيانات

23-08-2008, 05:58 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    أستاذنا عبدالمنعم خليفة تنبأ لكاكي بذهبية ناصية في حي بكين ، كلنا ظننا أن كاكي لها وأن
    الميدالية ستأتيه منقادة تجرجر البنات السمحات الشايلاتنها، كبا جواد كاكي وحزن منعم مع
    من حزن من أمثالي، كل تلفزة العالم والصحف والإذاعات كانت هناك ، كنت أتمنى أن يعرف العالم
    أننا في الواقع لسنا كما ينقل عنا، مسكين انا.
    إسماعيل أحمد إسماعيل أبى اليوم إلا أن يكفكف عنا دمعا هتونا ظللنا نسكبه كلما خرجنا من محافل
    التنافس كما يخرج اليتامى من موائد اللئام ، وعندما حمل علم السودان ولوح للآلاف نزلت مني دمعه
    والأمه مجتمعه،
    حبيب روحي يا سُمعه.
    الله يجبر بخاطرك زي ما جبرت بخاطري.


                   |Articles |News |مقالات |بيانات

23-08-2008, 06:50 PM

محمد أحمد الخضر
<aمحمد أحمد الخضر
تاريخ التسجيل: 14-07-2008
مجموع المشاركات: 1302

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    مرتضى

    عودة لتلك الرتينة التي أتيت بها في صورة سابقة ولم تلفت انتباه الجماعة حتى الآن؟؟!!
    قبل أن نحيل الرتينة إلى المتحف
    ألا تستحق مناأن نذكر مناقبهاوما قدمته للناس من خدمات جليلة؟؟
    كم رتينه كانت تضاء في ليالي الأعراس، وكم في فصول المدارس الوسطى سابقا لزوم المذاكرة المسائية؟؟ وكم في المساجد.
    وتخليدا لذكراها الخالدة أود أن أختبر أبناءنا المشاركين في بوستك الفخيم بهذا السؤال:
    ماهي مكونات الرتينة؟ وما هي الخطوات الواجب اتباعهاحتي تعطيناذلك النور الساطع؟!



                   |Articles |News |مقالات |بيانات

24-08-2008, 06:52 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: محمد أحمد الخضر)

    Quote: أود أن أختبر أبناءنا المشاركين في بوستك الفخيم بهذا السؤال:
    ماهي مكونات الرتينة؟ وما هي الخطوات الواجب اتباعهاحتي تعطيناذلك النور الساطع؟!

    أستاذنا ودالخدر ،
    معقوله بس ، الرتينه دي هم ذاتم عارفنها شنو دعك عن معرفة مكونتاها وكيف تضئ؟ ياخ في
    ناس من دفعتنا ما عارفين الرتينه ، أو إتغابو فيها العِرفه ، لايعرف عن تفاصيل الرتينه إلا
    واحد ( حتَّ) الشاشه ، أو دفق السبيرتو خارج الحوض الصغير ، السبيرتو الأزرق الباهت، كانت
    رائحته مقبوله عندي ويبدو أني كنت مشروع شماشي وأخطأت طريقي ، الرتينه الصينية الجديده
    كان عندها نور قوي ، والزجاج ( المضلَّع) كان أحسن من الأسطواني ، في رأيي الخاص طبعا،
    الرتاين يا سيدي كانت عالم خاص وتشاركنا المذاكره والمناسبات . شباب اليومين ديل
    ما بعرفوها لأنهم لايحتاجونها، يا مولاي شباب البلاك بيري لهم العذر لكنهم خطيرين و
    wizards في التكنولوجيا وما يُعرض منها في أسواق العالم وهذا شئ جيد .
    هسه يا أستاذنا لو قلت لأحد أبنائي أن الصوره أدناه لمكواة فسيسألني :
    كيفن بِتَكوي وما فيها سلك كهرباء؟ رغم إننا (بِنِنكَوي) بحاجات كتيره ما عندها أسلاك.


                   |Articles |News |مقالات |بيانات

24-08-2008, 07:52 AM

محمد أحمد الخضر
<aمحمد أحمد الخضر
تاريخ التسجيل: 14-07-2008
مجموع المشاركات: 1302

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    مرتضى

    مكوتك وريتاأحمدحفيدي وسألته دي شنو.
    عاين ليها كثير وقال لي (عرفتها: دبابة صغيرة، مش؟؟)
                   |Articles |News |مقالات |بيانات

26-08-2008, 06:52 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: محمد أحمد الخضر)

    Quote: مكوتك وريتاأحمدحفيدي وسألته دي شنو.
    عاين ليها كثير وقال لي (عرفتها: دبابة صغيرة، مش؟؟)

    الغريبه يا ودالخدر زي حفيدك دا ماشاف اللي شفناهو في طفولتنا وصبانا وكهولتنا من إنقلابات ودبابات
    المسكين لا شاف جنازير الدبابات تهشم الظلط والتلتوارات في شوارع الملازمين جاريه تذيع بيان رقم واحد
    أيها المواطنون الأحرار ولا سمع بال T55 ولا سمع بالمارشات يعقبها سنذيع عليكم بيانا هاما من الوكيل عريف
    فلان الفلاني فترقبوهو لحد ما الضل يرمي ويجيك واحد لابس أظبليتا ويعلن أنه وزمرته جاءوا ليخلصوا الشعب
    من الذين انتخبهم الشعب.
    ياخ حفيدك دا فاتتو جنس بلاوي ، ورغم كده بيعرف الدبابات؟ خلي بالك دا متابع شخيافيلي ومباراة روسيا جورجيا
    أو في الغالب متابع غزوات اللص أولمرت وسيئ الذكر بوش في التلفزيزن وعمايلو في العراق.
                   |Articles |News |مقالات |بيانات

24-08-2008, 12:18 PM

willeim andrea
<awilleim andrea
تاريخ التسجيل: 01-05-2002
مجموع المشاركات: 3804

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    Quote: (عرفتها: دبابة صغيرة، مش؟؟)


    ياسلام يالاحباب محمد المرتضي ومحمد الخضر .... فعلا ناسنا بوست دسم وفيها معلومات وتوثيق .... وانشاء الله يظل في الشبكه العنكبوتيه للابد للاحفاد واحفاد الاحفاد ...... احترامي وتقديري لكم وضيفكم الكرام
                   |Articles |News |مقالات |بيانات

24-08-2008, 03:31 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: willeim andrea)

    Quote: وانشاء الله يظل في الشبكه العنكبوتيه للابد للاحفاد واحفاد الاحفاد

    والله يا ناس أمدرمان،
    طيب ، ما تنسى مدارس المليك.

    محبتي يا أندريه.
                   |Articles |News |مقالات |بيانات

25-08-2008, 06:59 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    Quote: رغم إننا (بِنِنكَوي) بحاجات كتيره ما عندها أسلاك


    نعم ان لله في خلقه شؤون !!
                   |Articles |News |مقالات |بيانات

25-08-2008, 07:22 PM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: ناسنا.. (Re: الطيب شيقوق)


    حضور ومتابعة لهذا البوست الجميل والرائع ...نزور هذا البوست للراحة والاستجمام ....

    بمناسبة الرتاين اظن ان اشهر ماركة للرتاين هى الالمانية بتروماكس ... والزجاج المضلع يا مرتضى اظنه اختراع سودانى يركب بعد ان ينكسر الزجاج الاصلى ولقد رايت الحدادين بسوق ابوجهل بالابيض يصنعون هذا النوع من الزجاج ... لكم الود
                   |Articles |News |مقالات |بيانات

25-08-2008, 08:14 PM

الرشيد شلال
<aالرشيد شلال
تاريخ التسجيل: 27-11-2006
مجموع المشاركات: 378

للتواصل معنا

FaceBook
تويتر Twitter
YouTube


Re: ناسنا.. (Re: Ahmed al Qurashi)


    سيدى مرتضى والاحباب ، مازال ناسنا متفردا بجمال اللمسات من المتداخلين ومن التحكم المميز من سيدى ودمرتضى ، والله شدتنى الرتينة والمكواه ، ولنا زكريات فى ذلك فالرتينة تزكرنى بمشكلة كهرباء الابيض المستمرة 0
    فلقد كانت الرتينة جاهزة بأستمرار وتدربنا على تجهيزها واشعالها فالوالد رحمه الله كان منظما جدا فتعلمنا منه الكثير والكثير ، طبعا كنا نجيب الجاز من الصفيحة ونملا الرتينة وبعدين نكب الزبيرتو بعد تتأكد من صلاحية شاشة الرتينة واعمل حسابك من ان تتحت الشاشة ايام والله ، وبعدين تبدأ المزاكرة 0
    بعدين المكواة طبعا زكرى خاصة مع خورطقت وانتظار الصف فى ذلك ليهو حكاوى 0

    لكم الود 00 دعواتك سيدى ودمرتضى ،،
                   |Articles |News |مقالات |بيانات

27-08-2008, 09:26 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: الرشيد شلال)

    شيخي الرشيد شلالي،
    نحن كنا بنذاكر بالفانوس لأنو الرتينه مزعجه وبعدين الفانوس أكثر حميمية زي مابيقول يحيى
    فضل الله ولما الجاز يكمل كنا بنستخدم (المَسرَجَه) بالزيت ، الجاز (الكيروسين) كان استعماله
    رائجا ومتعدد الإستخدامات وأكثر ما كان يعجبني ضوء ثلاجة الجاز الأزرق الهادئ.
    تسلم يا العزيز وما تنسانا من الدعاء في الأيام الطيبه دي.
    رمضان كريم.
                   |Articles |News |مقالات |بيانات

26-08-2008, 03:46 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: Ahmed al Qurashi)

    أحمد القرشي،
    حمدالله على السلامه ياخ ،
    يا سيدي نحن بانتظار الجزء الثاني من أجمل عمل توثيقي قرأته في هذا المنبر.
    صدقني ، وعد بكري بأن يطبع البوست على نفقته خوفا عليه من عاديات الأسافير
    في محلو ونحن في انتظار سيد الحوش وحاجزين نسختنا.
    ياخ تعال فرح ليالينا في زمن الضلام الدامس دا.
                   |Articles |News |مقالات |بيانات

26-08-2008, 09:43 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    الجَبَنَه وسجاير البرنجي بعض من الطقوس، أحيانا،
    العده مسلَّه طويله، آنية صغيره و مُخرَز إلم تخني الذاكرة ،
    تفكيك الضفاير الرفيعة أو الغليظة ( حسب المشاط السابق) ، بالطبع الضفاير الرفيعة تأخذ وقتا أطول لدقتها.
    عملية تفكيك المشاط القديم تسمى ( نقض) وهي كلمة عربية فصحى.
    الماشطه (المشَّاطة) كانت تجلس في (بمبر) عال يوضع أحيانا فوق العنقريب حتى يتيح للماشطة وضعا أعلى ونظرة فوقية للأمور
    ويهيئ لها علو مقامها ( ملكه) في الراس محل المشاط وبالتالي يمكن أن نسمي عملية التفكيك ( النقض العليا) .
    دائما ما تتم تلك العملية في أوقات راكدة بين العاشره صباحا والواحده ظهرا ، حيث يقل العمل المنزلي والحركه والزيارات
    وتتحين النسوة غياب الرجال عن البيت حتى تتحلل الماشطة من التوب وملحقات الحشمه الشكليه واللسانيه ، أضف إلى ذلك أن
    غياب الرجال يتيح لبعض الماشطات ، المتقدمات في السن ، التدخين بعد فنجان القهوة ، مع احتمال سفّة تمباك ، كما يتيح
    للماشطة وزبونتها التحدث في شتى شئون الإقتصادية والإجتماعية بحرية ، فالماشطة تتاح لها فرصة (اللف) على الكثير من النساء
    وبالتالي تكون ملمة بأخبار البلاد والعباد الداخلية منها والخارجية والتغيرات في أسعار البورصات و(المهر) والشيله
    اللي جابوها لبت ست النفر كانت كم دسته ودهب ناس إخلاص السرقو وقالوا الحرامي قَمَّحُم يا يمه وما خلاّ ليهم نفاخ النار
    وراجل عشَّه قالو نميري ودَّاهو للصالح العام أنا يا اختي الصالح العام ده ماكنت قايلاهو جنب كوبر.
    حكى لي الصديق كمال عبدالغفار أن إحداهن سألت الأخرى : إنتي صدام دا شال الكويت سببو شنو؟
    فأجابتها الأخرى : والله يا نفيسه يا اختي قالوا الكوايته َدنكَسو عليهو البترول،
    بالطبع كثيرا ما لاتكون هناك دِقه أو صدقية في أحاديثهن والتي تتم فقط لتزجية الوقت وطرد الملل والرتابة لذا يمكن أن تسمع عن
    الشائعات أنها (كلام مشاطات) ، لكن في الوقت ذاته تجد منهن كثيرات لايحشرن أنوفهن و(مسلاتهن) في مالايعنيهن وعلى قدر عال
    من الأدب والإحترام وفي كل الأحوال كنا نخاطبهم بخالتي فلانه وكنا نحبهم بحق عدا اللواتي يكثرن من (المراسيل) أو (صرَّة الوش).
    الملاحظ أن بعض من يحترفون الحلاقه يتصفون بالثرثرة مع كل زبون ، ومرات بيعملوا حركه بالمقص في الهوا ساي لما الونسه تحلو.
    قد تستمر sessions المشاط يومين تلاته حسب كثافة الشعر ونعومته لكن في النهايه يصبح الرأس قطعة فنية وتختتم الألعاب
    الأولمبية ب ( مسيرتين) مموجتين في الغالب الأعم وأحيانا بدون مساير.
    ياسلام على خالاتنا المشاطات وقاتل الله الكوافير، أرهق جيوب الرجال وهلك بعيرهم فقد كانت أمهاتنا يدفعن مالا قليلا مقابل المشاط
    حتى أن إبن الباديه عبَّر عن كرم العريس سيد الحيشان التلاته فقال : ودفع الميّه للمشاطه.
    يا عديله لي.


                   |Articles |News |مقالات |بيانات

27-08-2008, 05:04 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    Quote: وبالتالي يمكن أن نسمي عملية التفكيك ( النقض العليا) .


    Court of Cassation شكيتك على الله


    Quote: عدا اللواتي يكثرن من (المراسيل) أو (صرَّة الوش).


    عشان كدا انا زمان بسال امي بقول ليها الجاياك للمشاط مني؟ وبتقول لي فلانة اكان من النوع ده ياني المقيل في طرف الحلة .

    لكن يا مرتضى المشاطات ديل اغلبهن بتاعات اعلام خطير ودعايات انا بذكر في الانتخابات بيكون التركيز عليهن اكتر لجذب العنصر النسوى وكان الجنيه الواحد بيعدل راس الواحدة لكن في الانتخابات الجاية متوقع تكون في حملة استقطاب لهن تبدا مطلع العام المقبل .

    Quote: ومرات بيعملوا حركه بالمقص في الهوا ساي لما الونسه تحلو


    ومعاها مرات حنية رقبة - سألت واحد صاحبي قلت ليهو انت جك جك جك الفي الهواء ساااااااى ليشنو؟ قال لي عشان لما يتونس مع شخص ويجكجك بيوحي للزبون that I am there

    Quote: وتختتم الألعاب الأولمبية ب ( مسيرتين) مموجتين


    والله انت مسنوح عديل كتلتني بضحكة

    يلا مرتضى ات نسيت حاجة مهمة جدا جدا جدا


    الواحدة بعد يمشطوها واخدت حمام حلووووو وسمعت ليها محل لمة نسوان ورجال ويلا لبست ومشت ولو قالوا نكتة بايخة تلقاها ضحكت لمن تنكفي على قفاها عشان التوب يقع من راسها والناس يشوفوا مشاطتها زى المغتربات اللابسات الدهب في المطارات عندما يمشن محل الوزن يرفعن يديهن عشان يعدلن تيابن بلا سبب يعني شوفوني متروسة دهب .
                   |Articles |News |مقالات |بيانات

27-08-2008, 09:34 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: ناسنا.. (Re: الطيب شيقوق)

    ود القرشي

    Quote: بمناسبة الرتاين اظن ان اشهر ماركة للرتاين هى الالمانية بتروماكس ... والزجاج المضلع يا مرتضى اظنه اختراع سودانى يركب بعد ان ينكسر الزجاج الاصلى ولقد رايت الحدادين بسوق ابوجهل بالابيض يصنعون هذا النوع من الزجاج ... لكم الود


    يا اخي نسينا نحييك عبر هذه النافذة فيا اخي الف مرحب بيك والبلد نورت وفي انتظار استئناف الكتابة عن الحزن في اغنية الحقيبة .
                   |Articles |News |مقالات |بيانات

27-08-2008, 11:37 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: الطيب شيقوق)

    Quote: يلا مرتضى ات نسيت حاجة مهمة جدا جدا جدا

    الواحدة بعد يمشطوها واخدت حمام حلووووو وسمعت ليها محل لمة نسوان ورجال ويلا لبست ومشت ولو قالوا نكتة بايخة تلقاها ضحكت لمن تنكفي على قفاها عشان التوب يقع من راسها والناس يشوفوا مشاطتها زى المغتربات اللابسات الدهب في المطارات عندما يمشن محل الوزن يرفعن يديهن عشان يعدلن تيابن بلا سبب يعني شوفوني متروسة دهب .

    يا الطيب مالك عاوز تجيب لي الكتاحه، عموما في نوع مشابه، الواحده تكون اشترت ليها عقد أو سلسل
    من النوع اللي وزنو تلاته طن ويحز الرقبه ولما تقعد مع صاحباتا ويكون التوب مغطي ( الورشه اللي
    لابساها ) تقوم تعمل حركه ، كأنها عفويه ، وتكشف عن ( مكنونات صدرها) من عيار 22 وتواصل في ضحكتها
    كأنو ما حصل شي وهنا تكون المتلقيه في حالة استقبال للصدمة الأولى وبعد بلع الريق تسألها: الللللاه
    إششششش ده من وين وهنا تعرف ( ست الورشه) أنها بلغت مقصدها وتدخل في حالة إيفوريا لاتعادل ،
    مش في واحد قال women dress to please men and displease women ؟
    الكلام دا ما صاح وبالله تاني ما تجيني هنا في البوست دا وتخرب ما بيني وبين ناس ممكونه،
    ياخ ديل برضو ناسنا.
    تسلم
                   |Articles |News |مقالات |بيانات

27-08-2008, 10:16 AM

mamkouna
<amamkouna
تاريخ التسجيل: 05-12-2004
مجموع المشاركات: 2246

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    Quote: يتيح للماشطة وزبونتها التحدث في شتى شئون الإقتصادية والإجتماعية بحرية ، فالماشطة تتاح لها فرصة (اللف) على الكثير من النساء
    وبالتالي تكون ملمة بأخبار البلاد والعباد الداخلية منها والخارجية والتغيرات في أسعار البورصات و(المهر) والشيله
    اللي جابوها لبت ست النفر كانت كم دسته ودهب ناس إخلاص السرقو وقالوا الحرامي قَمَّحُم يا يمه وما خلاّ ليهم نفاخ النار
    وراجل عشَّه قالو نميري ودَّاهو للصالح العام أنا يا اختي الصالح العام ده ماكنت قايلاهو جنب كوبر.
    حكى لي الصديق كمال عبدالغفار أن إحداهن سألت الأخرى : إنتي صدام دا شال الكويت سببو شنو؟
    فأجابتها الأخرى : والله يا نفيسه يا اختي قالوا الكوايته َدنكَسو عليهو البترول،


    ...
    التحية ليك يا سيد ناسنا و لكل الأحباب الموجودين هنا..
    جاتني من فترة طويلة رغبة في كتابة بوست بعنوان (( ونسة كوفيرات )) أو (( قعدة حنة )) أو (( بديكير و مانيكير )) أو حتى (( حمام زيت و سشوار ))..
    فكرة البوست جاتني من يوم كنتَ مرابطة فيهو لفترة ليست بالقصيرة في إحدى كوفيرات العاصمة الكبيرة..لأسباب لن أستطيع شرحها..
    المهم..كانت فرصة كافية لأن أتخلع و أنبهت و أتهجم من التغيير الهائل الحصل في الحتة دي..
    لاقيت سيدات أعمال تُدار أعمالهن بالموبايل بينما تُرسم على أقدامهن أشكال هندسية و زهور و ورود..
    لاقيت أمهات بيتابعوا مع أطفالهن حل الواجب اليومي بينما هن تحت السشوار..
    لاقيت شابات بيقدمن لوظائف بينما وقفن في صف تصفيف الشعر....
    سمعت بأضاني دي سيدة تتحدث مع مدير مكتبها عن مُناقصة يجب تسليمها بعد إسبوع بينما أسلمت هي قدميها للزهور و الوردِِ..!!
    الحوار بيننا كان من الجمال و الروعة بحيث إني ما قادرة أنساهو حتى اليوم..
    سياسة..إجتماع..نقد..فكاهة..طرافة..وسائل تربوية..
    و طبعاً غلب على المواضيع سيرة نصفنا الآخر..تكتيكات..إستراتيجيات..خطط..تدابير أمنية و غيره..
    صحفيات..موظفات..ربات منازل....مديرات..إلخ..
    جمعت بينهن الرغبة في الظهور بأحسن حُلٌة..بعدما إكتمل العقل بحلو التعليم و الثقافة.

    التحية لكل سيدات و آنسات بلادي..
    سمحات..الخِلقة و الأخلاق.

                   |Articles |News |مقالات |بيانات

27-08-2008, 11:22 AM

الزاكى عبد الحميد
<aالزاكى عبد الحميد
تاريخ التسجيل: 09-12-2005
مجموع المشاركات: 895

للتواصل معنا

FaceBook
تويتر Twitter
YouTube


Re: ناسنا.. (Re: mamkouna)

    Quote: التحية لكل سيدات و آنسات بلادي..
    سمحات..الخِلقة و الأخلاق.


    نعم التحية لهن أينما كنَّ..
    التحية لهن يوم أسسن "رابطة الفتيات الثقافية" عام 1946 وضمت عدداً
    من بنات الموظفين ممن تراوحت أعمارهن من 18 إلى 22 سنة! وكن بقيادة خالدة زاهر السادات التي
    أصبحت فيما بعد أول طبيبة سودانية وفاطمة طالب اسماعيل التي عملت في مجال التعليم حتى يوم وفاتها..
    كانت الرابطة ارهاصاً لتبلور وعي المرأة السودانية وإحساسها بضرورة إشاعة التعليم وسط النساء لتأكيد انتشار ذلك الوعي حتى يستطعن الإمساك بقضايا تحررهن..
    وتصاعدت الحركة الوطنية وبلغت ذروتها في سنوات الأربعين من القرن الماضي وساهمت المرأة السودانية بنصيب وافر في الأحداث السياسية والحركة المطلبية..والتحية لهن وهن يمشين إلى
    الغد الواعد بخطى حثيثة دون التخلي عما يميزهن عن غيرهن من نساء العالم..
    لك الله يا وطن..

    التحية لهن
    والتحية لصاحب البوست الرائع "الاستراحة من الصهد والهجير"
    والتحية لك ممكونة..

    الزاكي
                   |Articles |News |مقالات |بيانات

27-08-2008, 11:54 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: ناسنا.. (Re: الزاكى عبد الحميد)

    Quote: ( الورشه اللي لابساها ) تقوم تعمل حركه


    خلاص ما بجيكم هنا تاني علا عندى سعال واحد بس واختاكم

    اها لما يكشفوا الورشة سريع زى قلبة ال ADSL ورحت عاينت خطفة وشافوني بعاين شعورهم كيف؟
                   |Articles |News |مقالات |بيانات

30-08-2008, 07:36 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: الزاكى عبد الحميد)

    Quote: من بنات الموظفين ممن تراوحت أعمارهن من 18 إلى 22 سنة! وكن بقيادة خالدة زاهر السادات التي
    أصبحت فيما بعد أول طبيبة سودانية وفاطمة طالب اسماعيل التي عملت في مجال التعليم حتى يوم وفاتها..


    الزاكي الباهي،
    في الصفحة الخامسة من هذا البوست كتبت عن د. خالده زاهر وعن عظيمات أخريات من بلادي يرفعن الراس وأعيد هنا إيراد ما كتبت،

    د. خالده زاهر الساداتي ، كانت ممن تحكي عنهن الوالدة، رحمة الله عليها، بإعجاب ظاهر ، ولم تكن الوالدة هي المعجبة وحدها بخالدة فمن منا لم يُعجَب بهذا الرمز الوطني الإستثنائي ؟ يصعب أن تجد سيرة ذاتية لسودانية كسيرة د. خالده، أن تكون أول إمرأة تدرس بكلية غردون لتتخرج في العام 1952 كأول طبيبة سودانية ولتصبح من قيادات العمل النسائي التحريضي مع سيدات كريمات كالخاله العزيزة نفيسه المليك وعزيزة مكي وحاجه كاشف حفظهن الله وامينه امبابي وفاطمه طالب ، عليهما الرحمة ، وهي المؤسسة لرابطة المرأة وكانت وقتها طالبة في الثانوية، خالده ستبقى خالدة في ضمير الحركة النسوية ووجداننا مع غيرها من الرائعات اللائي مهَّدن للحركة النسائية السودانية أن تكون حقيقة معاشه غيرت في حياتنا الإجتماعية بشكل لاينكره إلا ذو غرض،
    د. خالده من قلب (ناسنا) .
    شكرا يا زاكي على التذكير بتلك الرموز المضيئة في مسير نهضة السودان فلولاهن لما صارت بنت بلادي
    على ماهي عليه اليوم من معرفة ومكانه.
                   |Articles |News |مقالات |بيانات

27-08-2008, 08:00 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: mamkouna)

    Quote: و طبعاً غلب على المواضيع سيرة نصفنا الآخر..تكتيكات..إستراتيجيات..خطط..تدابير أمنية و غيره..


    إنا لله وإنا إليه راجعون،
    اللهم لانسألك رد القضاء ولكن نسألك اللطف فيه،


    ____

    ممكونه الكتّابه كيفك.

    (عدل بواسطة محمد المرتضى حامد on 27-08-2008, 08:46 PM)

                   |Articles |News |مقالات |بيانات

28-08-2008, 00:00 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    شكرا ود حامد..وشكرا لكل من كتب ويكتب هنا...


    عندي سبرتايه اجيبها للقهوه التركيه؟؟

    ولا أحسن جبنه وبخور جنب المشاط؟؟
                   |Articles |News |مقالات |بيانات

28-08-2008, 04:15 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: ناسنا.. (Re: Muna Khugali)

    Quote: تتم طقوس المشاط عادة فى احتفالية تضم الأقارب والجيران وهي مناسبة لتجمع
    النسوة للونس والمسامرة.. كما يتم فيها التعارف بين الأسر لاختيار العرائس.. اذ كانت
    الماشطة وهي احدى نساء الحي او المنطقة عادة تقوم بدور الخاطبة ايضا.. فيتم
    كراءها بتقديم الهدايا المالية والعينية لتروج لفتيات الأسرة لدى الجيران واهالي المنطقة
    يتم التحضير لجلسات المشاط التي تتراوح بين جلستين او ثلاث بطقوس معينة تتراوح
    من تحضير العنقريب والبمبر وتهيئة المكان والبن للقهوة والطعام والعطور الشعبية
    والبخور .. الخ وتنهي بتجهيز "الشملة" و "النطع" والطلح والشاف وحفرة الدخان...
    وقد كان نمط المشاط السائد في شمال ووسط السودان أو بالتحديد منطقة "الشايقية"
    و"الرباطاب" و"الجعليين" ما يسمى بـ "القادرية" او "الفقيرية" وهو يتمثل في تمشيط
    مجمل الشعر للوراء مع تقسيم اللّمة الأمامية إلى جديلتين تسميان بالمساير والتي
    تجدل فيها المسيرة من من منتصفها إلى الأسفل ثم تلف خلف الأذن أو تقسم المسيرة
    نفسها إلى 3 جدائل صغيرة وواحدة تضفر من الأمام بمحازاة الجبين
    أما في الشرق فنجد أن النمط السائد هو ما يسمى بـ "الشتح" وهو نمط منتشر في
    معظم أقاليم السودان ويتم بعمل فرق للشعر من مقدمة الرأس في المنتصف إلي
    الخلف وتمشيط الشعر من قمة الرأس نزولا لأسفل الجانبين مع ترك جديلتين في
    الأمام مشبوكتين بحلقة من الذهب أو الفضة عند الجبين, إلا أن "شتح" الشرق يختلف
    عن بقية الأقاليم اختلافا يسيرا يتمثل فى ان الشعر يجدل على شكل ضفائر رفيعة
    تتدلى على الجوانب والى الخلف مع ترك ثلاث أو أربعة ضفائر فى منتصف الرأس تبدأ
    من مقدمة الشعر ثم تنسدل إلى الخلف وتوضع فيها حلقة من الفضة تصل بين هذه
    الضفائر على الجبين تعرف بـ "الزعّاجة" .
    منقول
    وينتشر أسلوب المشاط المسمى بـ "الفقيرية" او "الفقيري" في غرب السودان بكثافة
    بين قبائل "البقارة والحوازمة والهبانية" وتتم طقوسه كرصيفه الذي تقدم ذكره عند قبائل
    الشمال والذي يعرف عندهم بـ "القادرية" أو "المقدري"
    وهو تجزئة الشعر إلى جزأين
    جزء أمامي صغير وجزء خلفي اكبر بعض الشيء، أما الجزء الخلفي فيضفر فى شكل
    ضفائر دقيقة تنسدل إلى الوراء خلف الظهر والجزر الأمام يضفر على شكل ضفيرتين
    تتدليان على جانبي الوجه. وقد انتشر هذا النوع من المشاط فى منطقة "الدينكا اقار"
    لتأثرهم الشديد بقبائل البقارة المجاورة..
    أما أهل الجنوب فكانوا يمشطون كل مجموع الشعر من مقدمة الرأس للوراء وفي كل
    هذه المناطق يتم استخدام الخرز بأحجامه المختلفة كقيمة جمالية إضافية إضافة للودع
    وحلقات العاج والخيوط الملونة "كدناديش" كما عند قبائل "المسيرية" في الجنوب الغربي
    وتتميز اسلوب المشاط الجنوبي بالغنى وتعدد الانماط فهو ليس مهنة او حرفة للمرأة
    الجنوبية بل هو نوع من انواع الابداع الفنى، ومازال يعتبر جزءا أساسيا من المظهر الجمالي
    للمرأة الجنوبية ..
    ويلاحظ التشابه التام بين المشاط عند قبائل غرب السودان ممثلة فى قبيلة "البقارة"
    ومشاط الشمال عند قبائل "الجعليين والشوايقة والرباطاب" وقبائل شرق السودان ويوجد
    المشاط بين قبائل غرب السودان بنفس الكيفية السائدة فى الشمال والشرق مع اختلاف
    التسمية فنجد ان "الفقيرية" فى الغرب هو نفسه "القادرية" فى الشمال ويوجد "الشتح"
    بنفس التسمية فى غرب وشرق وجنوب السودان بينما يعرف فى الشمال عند "الجعليين"
    بـ "الروبة"، أما الأدوات التي تستعمل فى المشاط فهي لا تختلف في كل من الشرق
    والغرب والشمال والجنوب وتوجد بنفس التسميات وهي "المُخرز" و"الإشفَة"


    نقلا عن http://komey.net/vb/showthread.php?s=96f932b0634e4d1456...f4016c4672d84&t=8020
                   |Articles |News |مقالات |بيانات

28-08-2008, 08:59 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: Muna Khugali)

    بت الخليفه عوض خوجلي،
    المشاط ده ما بتنفع معاهو القهوه التركية بتاعت ناس مهند ونور السامع بيهم وماحظيت
    بي شوفتم، ولا بينفع معاها إسبرسو وكابوتشينو، دي جبنه بس وتطبقي الفنجان (البركه)،
    والشغل ده كلو في راكوبه وحلة الملاح عامله الصوت الفنان داك والبخار اللي مرات بيرفع
    الغتايه.
    يا منى بس جيبي الجبنه ونحن راجينك.
                   |Articles |News |مقالات |بيانات

29-08-2008, 03:28 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    Quote: بت الخليفه عوض خوجلي،
    المشاط ده ما بتنفع معاهو القهوه التركية بتاعت ناس مهند ونور السامع بيهم وماحظيت
    بي شوفتم، ولا بينفع معاها إسبرسو وكابوتشينو، دي جبنه بس وتطبقي الفنجان (البركه)،
    والشغل ده كلو في راكوبه وحلة الملاح عامله الصوت الفنان داك والبخار اللي مرات بيرفع
    الغتايه.
    يا منى بس جيبي الجبنه ونحن راجينك.



    سمح بجيب الجبنه وبخورها..

    وحلة ملاحنا ذاتها بجيب شوربتها مستويه وفي سكينه في يد آمنه تقمع بيها الباميه وبعد داك تحش الشمار الاخضر..
                   |Articles |News |مقالات |بيانات

30-08-2008, 03:24 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: Muna Khugali)

    Quote: وفي سكينه في يد آمنه تقمع بيها الباميه

    منى،
    بالله الباميه ذاتا بيقمعوها؟
    وبالسكين؟
    أقمعيها إنشالله ما مرقت منها.
    غايتو كلمة (قمع) دي من زمن التُكًُل ما سمعتها يا بت حبوباتك.
    تسلمي،
                   |Articles |News |مقالات |بيانات

28-08-2008, 04:15 PM

willeim andrea
<awilleim andrea
تاريخ التسجيل: 01-05-2002
مجموع المشاركات: 3804

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    your place is right on the top
                   |Articles |News |مقالات |بيانات

29-08-2008, 09:10 AM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: ناسنا.. (Re: willeim andrea)




    بمناسبة الشعر والمشاط ناس الحقيبة أطلقوا عدة اسامى للشعر مثل الهضليم وهو ذكر النعام الأسود قال عمر البنا ....

    يا نعيم الدنيا ..... كيف الحياة غير ليمك ......ومن بعدك أصبح حظي زى لون هضليمك

    وكذلك أطلق عليه الديس قال بر محمد نور في أغنية انت كلك زينة ...

    ديسك ليكى وسادة .... وخائلة ساكت سادة والنفوس حاباك
    ما كفاكى زيادة ... وهجري صارلك عادة وروحي ميتة وراك

    وكذلك سمى الوضيب قال ود الرضى في أغنية نسائم الليل كلمى ....

    الوضيب طولو نص متر..... والوريد ماهو منبتر
    فاقله ضامره الضهير فتر.... والنغيم سكرا كتر

    وايضا وصف بالحرتى وهو توب الزراق قال ابوصلاح ...

    العجب تيها وفى دروعها كابى حرتيها
                   |Articles |News |مقالات |بيانات

29-08-2008, 07:11 PM

محمد أحمد الخضر
<aمحمد أحمد الخضر
تاريخ التسجيل: 14-07-2008
مجموع المشاركات: 1302

للتواصل معنا

FaceBook
تويتر Twitter
YouTube


Re: ناسنا.. (Re: Ahmed al Qurashi)

    مرتضى
    البوست نور زيادة بعودة الدكتور أحمد القرشي
    سنظل نتابع معكم هذا العمل الرائع
    من ضمن ما أعجبني في البوست كلامك عن الجبنة وعدتها
    ذكرتني بأهلنا ناس الشرق وغنوتهم الشهيرة "فنجان جبنه بيشمالو"
    يا حليلهم الطيبين...
                   |Articles |News |مقالات |بيانات

29-08-2008, 07:58 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: ناسنا.. (Re: محمد أحمد الخضر)

    Quote: بمناسبة الشعر والمشاط ناس الحقيبة أطلقوا عدة اسامى للشعر مثل الهضليم وهو ذكر النعام الأسود قال عمر البنا ....

    يا نعيم الدنيا ..... كيف الحياة غير ليمك ......ومن بعدك أصبح حظي زى لون هضليمك

    وكذلك أطلق عليه الديس قال بر محمد نور في أغنية انت كلك زينة ...

    ديسك ليكى وسادة .... وخائلة ساكت سادة والنفوس حاباك
    ما كفاكى زيادة ... وهجري صارلك عادة وروحي ميتة وراك

    وكذلك سمى الوضيب قال ود الرضى في أغنية نسائم الليل كلمى ....

    الوضيب طولو نص متر..... والوريد ماهو منبتر
    فاقله ضامره الضهير فتر.... والنغيم سكرا كتر

    وايضا وصف بالحرتى وهو توب الزراق قال ابوصلاح ...

    العجب تيها وفى دروعها كابى حرتيها


    يا اخي المنبر بيك كلو منور الله يخليك ويمتعك يا جميل

    والله يا احمد اخوى عندنا بت قريبتنا شعرها طوااااااااال بسموها ام ديس والله ما عرفت الشغلانية الا هسع
                   |Articles |News |مقالات |بيانات

31-08-2008, 04:09 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: Ahmed al Qurashi)

    Quote: ديسك ليكى وسادة .... وخائلة ساكت سادة والنفوس حاباك

    هل كانت تلك أولى أغاني حمد الريح؟

    Quote: فاقله ضامره الضهير فتر.... والنغيم سكرا كتر

    الشرح.. الشرح يا أحمد.

    والله يا أحمد الهضليم دا ورّاني ليهو صاحبك عاصم وبالفعل شئ خرافي ،
    لون اسود فاحم لامع ، هل ممكن يكون فاحم لامع ، لقد كان كذلك.
    يا نعيم الدنيا
                   |Articles |News |مقالات |بيانات

30-08-2008, 08:15 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: willeim andrea)

    حبيبنا وليم أندريه،
    شكرا لموالاتك لهذا البوست بالرعاية والإهتمام.
    عندك الكثير مما يصلح للمساحة وذكريات الأيام الجميلة في حواري أمدرمان العظيمة.
    مودتي يا عزيز,
                   |Articles |News |مقالات |بيانات

30-08-2008, 09:49 PM

انعام عبد الحفيظ
<aانعام عبد الحفيظ
تاريخ التسجيل: 07-12-2005
مجموع المشاركات: 8738

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    سلام وكلام
                   |Articles |News |مقالات |بيانات

31-08-2008, 07:57 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: انعام عبد الحفيظ)
                   |Articles |News |مقالات |بيانات

31-08-2008, 08:29 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)


    مساعد الحلَّه من أهم ناس اللوري، دائما ما يكون من فئة الصبيان الحريفين في مسألة الطبخ
    ويبدو لي أن لقب (الحلَّه) جاءه من أنه المسئول عنها مسئولية تاريخية بدءا من تنظيفها وتهيئة
    البصل والتوابل واللحمه والطماطم أو الصلصه ، يضاف إلى ذلك التنجيض والذي غالبا ما يتم
    على حطب ونادرا ما يكون على الفحم في ( كانون ) للواري ال ( نيسان) . لايوجد في الأرض أطعم
    من حلة اللوري السفري وهي تضاهي حلة العزّابه التي يطلق عليها ( القطر صفَّر) التي تُكَب
    محتوياتها – على وجهها - دفعة واحدة مع نار لاترحم ولكي تكون الحله طاعمه لابد أن تكون مطرقعه
    وبها سواد خارجي غض النظر عن درجة النظافه.
    اللوري في كل السودان وتحديدا الغرب له مكانة إقتصاديه و (أدبيه) رفيعه ، والعندو لوري بيطلع
    من أمدرمان للأبيض أو النهود أو نيالا الفاشر ده إمبراطور يقدل ويضرَّع ساي في البلد.
    البدفورد ( السفنجه) لاشك رقم أساسي في التنقل بين مدن وقرى السودان وكان يليه في المرتبه الأوستن
    ويلقب ب ( الابيض ضميرك) – باني ليك أرفع مكانه ( التندَه) – مع الإعتذار للطيب عبدالله.
    تنحى البدفورد والأوستن جانبا عندما دخل النيسان إلى الخدمة ، يا سلام على النيسان بافالو، كان يصنع له
    صندوق تخشيبه في بورتسودان ليبدأ بالشحن وهو في طريقه غربا ريثما يصنع له الصندوق الدائم، والدوام لله ،
    في إحدى الورش الأمدرمانيه الحريفه تحت إشراف ناس كمال بُنقُز أو صحبه الكرام يا طراوه و الفنان الخرافي
    إبراهيم عوض عبدالمجيد وابوداؤود وودالشايقي ما بتكرروا في مسألة فن هندسة الحديد بشكل عام .
    من أروع الصور التي تتصل بهذا اللوري أن الجديد منه يُلحق به جهاز صغير يتكون من عدة قطع معدنية منها شفرات
    الحلاقه ليوضع أمام المروحة بطريقة معينه ويسمى (الكوز) ليحدث صوتا معينا مع تسارع دوران المروحة في الماكينة
    ويمكن لأي شخص سماع ذلك الصوت بوضوح من على بعد بضعة كيلومترات سيما في حال السكون الليلي واللوري طالع القوز،
    جِرسه تقيله وأنين يحنن الياباني و القلبو حجر ، وفي قمة الأنين يقوم السائق ( يغيِّر) الترس، هلاّ هلاّ ، هيع ياالهميم،
    هنا يدخل الكمساري في حالة نشوة بمستوى السحاب.
    لما اللوري يصل المحطة وقبل التوقف الكامل لازم السائق يدي الأبنص دوستين ماركة (عشان تآمنوا).
    كما يقال لكل أجل كتاب ، فالجديد يُعنَى به ، آخر اهتمام وزينه وزفة ألوان ونظافة وعبارت تكتب بخط الرقعة أو الثلث
    من نوع ( زينه وعاجباني) و ( إنت يا الأبيض ضميرك) وما أن يتدهور الحال ويتحول الإستخدام لنقل الفحم والتراب والطوب
    والقش حتى تتغير العبارات إلى (سيري وعين الله ترعاكي) و ( خلونا نستكين) و ( ما دوامه) و
    (عشان اهلك بخليكي مخلوطه بعشرة الأيام) ، حال الدنيا.




    يا اللوري عليك الرسول بوري
                   |Articles |News |مقالات |بيانات

01-09-2008, 06:41 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    المرتضى المسنوح والله زى الفاطي سطر الليلة اضحك لحدى الناس جو كاسرين كلهم

    Quote: مساعد الحلَّه من أهم ناس اللوري،


    المساعد بيكون عندو محل خاص جنب الديوان البنوم فيهو السواق ومحل المساعد ليس للنوم ولكن عشان المغربية يغير ملابسو ويلبس السروال الطويل الفيهو التيلة الخضراء مربوطة مع التكة ويسرح وبيجهو المساعدية اصدقاؤه ديل واحدين بيكون جايين شايلين البرنسيس للشغل .. ويحكى اى واحد فيهم عن مهارة السواق الذى يعمل معاهو .

    Quote: لايوجد في الأرض أطعم من حلة اللوري السفري وهي تضاهي حلة العزّابه التي يطلق عليها ( القطر صفَّر) التي تُكَب
    محتوياتها – على وجهها - دفعة واحدة مع نار لاترحم ولكي تكون الحله طاعمه لابد أن تكون مطرقعه
    وبها سواد خارجي غض النظر عن درجة النظافه.


    وووووووووووووووووووووووووووب



    Quote: (أدبيه) رفيعه


    بس دي لانو سيد اللورى لما يجي شاقي الحلة الناس كلهم بيقيفوا ليهو ولو مشى الجزارة بيوزنوا ليهو اللحمة بدون يطالبهو بالسداد الفوري بجهو بس العصر لحظة الجزارين يرسلوا اولادهم لل collection

    Quote: ، والعندو لوري بيطلع من أمدرمان للأبيض أو النهود أو نيالا الفاشر ده إمبراطور يقدل ويضرَّع ساي في البلد.


    آآآآآآآآآآآآآآآآآي بالحيل صدقت فيها

    Quote: ( الابيض ضميرك)


    ده يا المرتضى الابيض ضميرك ظهر بعد جيل الداؤودى ويقال الفرق بين الاوستن والسنفجة هوالاتي :

    الاوستن بياكل الدقداق
    السنفجة بتاكل المنعطفات
    الاوستن بيتعب في صعود العوالي السفنجة بتطلع مرتاحة
    الاوستن بيسخن في المشاوير الطويلة
    السفنجة كلما مشيت مسافات بتزيد برودة
    السفنجة ممكن تركب بشمال السواق مرتاح
    الاوستن شمال السواق بيقطع نفسك


    Quote: ريثما يصنع له الصندوق الدائم،
    والدوام لله ،

    ده كلام نصاح؟؟


    Quote: سيما في حال السكون الليلي واللوري طالع القوز،


    هييييييييييييييييييييييييع

    Quote: وفي قمة الأنين يقوم السائق ( يغيِّر) الترس، هلاّ هلاّ ، هيع ياالهميم،


    نعم (هلا هلا) لان السواق الفنجري بيخطف التعشيقة خطفة سريعة زى حقتك يا مرتضى العملتها بينا يوم داك جنب منعطف بيت عمك بابكر النور والله شفت يا مرتضى في اليوم داك انا راكب معاك ات عايش مع الاغنية البتقول (احبك واحب البحب ذاتك) وانا مستمخ مع جدعاتك للتعشيقة المعاها حركة جسم زى حركة نانسي عجاج لما تجي في منعطف (يا قلبي لو كانت محبتو بالتمن)

    Quote: لما اللوري يصل المحطة وقبل التوقف الكامل لازم السائق يدي الأبنص دوستين ماركة (عشان تآمنوا).


    ولو قدر المساعد في اليوم داك راكب معاهو مساعد بتاع عربية تانية بيقول لصحابو الضيف بعد الدوستين ديل ( هاك الدشرة دى)


    Quote: ( زينه وعاجباني) و ( إنت يا الأبيض ضميرك)


    او اديني رضاك قدامي سفر
    وهجام فريق ام زين (للاوستن بس)
    وناس بتمشى سنين طويلة وناس بدون ما تمشى توصل



    Quote: وما أن يتدهور الحال ويتحول الإستخدام لنقل الفحم والتراب والطوب
    والقش حتى تتغير العبارات إلى (سيري وعين الله ترعاكي) و ( خلونا نستكين) و ( ما دوامه) و
    (عشان اهلك بخليكي مخلوطه بعشرة الأيام) ، حال الدنيا.


    يا الشيخ يوسف ابو شراء

    ويا اليعقوقاب

    ويا الشيخ الطيب رجل امرح


    وهيييييييييييييع
                   |Articles |News |مقالات |بيانات

01-09-2008, 06:42 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: انعام عبد الحفيظ)

    إنعام سلام وكل رمضان وانت تمام وللسودان وأهله جميعا السلام والوئام.
    شكرا على الكلام.
                   |Articles |News |مقالات |بيانات

01-09-2008, 06:58 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    كما قلنا ، هي الحياة ، أن ينتهي المطاف بالأحصنة والخيول الأصيلة إلى جر عربات الكارو أو رصاصة رحمة،
    أن تنتهي وظيفة إطار أصيل ك BRIDGESTONE وميتشلان أو Good Year فيجد نفسه تكّالة لطشت غسيل أو مغروز
    جزئيا في الأرض عند ناصية شارع كمقعد للعطاله والمتبطلين، وكثيرة هي الأمثلة ، شوف هسه اقتراب النهاية
    للأوستن ( الأبيض ضميرك) .


                   |Articles |News |مقالات |بيانات

01-09-2008, 07:26 PM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)



    Quote: الشرح.. الشرح يا أحمد


    عزيزى مرتضى

    الفاقل هى الغزاله التى تفزع وتجرىوفقل حنى وثتى فى دلال وتهدل ( قاموس العامية فى السودان )قال ود الرضى فى اغنية ليالى الخير ...

    قلب المخضوب فوق الفاقل ..... تلّ اليمنى ومشى متاقل

    وهنا يقصد بالفاقل الضمير او الخصر

    ضامره اى مضمرة الخصر قال ابوصلاح ...

    ضامر قوامك لان ... قلبك قوى وجافيت ليه ياجدى الغزلان
    وقال ايضا ....

    الضمير قال لى خبرونى ..... الصدر والردف برونى
    بالتقل كادوا يبترونى ...... وديسها حاجبنى ما بترونى

    اما الفتر فهو مابين الابهام والسبابة اذا فتحتهما ( المسافة) قالت الشاعرة ...
    الكوراك فى الكتر .... مرقوا اولاد ود فتر
    عود القنا وقت يصر ... يخلى الراجل نص فتر

    ورمضان كريم للجميع
                   |Articles |News |مقالات |بيانات

02-09-2008, 11:33 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: Ahmed al Qurashi)

    Quote: وهنا يقصد بالفاقل الضمير او الخصر


    مش بادي في الكواكب احتفلوا بالقمر قال ( والصدر طلع والردف نتر والضمير تِعِب حالتو فى خطر)
    ياخ كلمة (ضمير) دي إنجاز لايقل عن إكتشاف ماركوني للهاتف.
    سلام يا ابوحميد.
                   |Articles |News |مقالات |بيانات

01-09-2008, 07:19 PM

nourelhadi awad

تاريخ التسجيل: 24-10-2006
مجموع المشاركات: 1111

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    طالما أشتاقكم
    فدائما ماأدخل عليكم باليمين
    لأنكم ميامين
    وعزرا لأنني أمارس الجلوس هنا وأتمدد
    وحين يشتد بي وخذ غربة
    والتي طالما استطالت
    ألجأكم مواني للخروج

    تقبل الله صيامكم
                   |Articles |News |مقالات |بيانات

02-09-2008, 07:11 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: nourelhadi awad)

    النور الهادي ومريح،
    رمضان جانا ونفحاتو غِشتنا وأهو جيتنا مع نسايم الليل وليالي الخير جَادن.
    الله يديك الفي مرادك يا نور،




    لم يعد الجلوس إلى التلفاز بتلك الحميمية الجميلة بعد رحيلك ( الضخم) يا عزيز.
                   |Articles |News |مقالات |بيانات

02-09-2008, 09:55 PM

أحمد طراوه
<aأحمد طراوه
تاريخ التسجيل: 25-12-2006
مجموع المشاركات: 4132

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    .. يا ود حامد ،

    لا انفك محتارا في قصة مهندس المساحة
    زول مسقط آناء تلك السبعينات ، و سليل مدرسة مكي المنا

    الشاعر الزمكاني مهدي فرح إذ يقول يوم واقعة مروي

    .. (ضمير) عاوز تقارير
    زراق فوقا تقول حرير .. إنتِ رحيتك ريحة الفلير ولا
    بت السودان اصيل .. يا قمر بوبا عليك تقيل !

    * تقارير دي اكيد من وحي المهنة

    و خلي شمهروش (المحبوس هذه الايام ) يجيب لينا ما تيسر من :

    * صورة فتيل الفلير
    * صورة فتيل بت السودان
    * فتيل السوار دي باريس
    * و الشبراويشي الفيها سيدي

    .. و ياريت عبد المنعم خليفة يكلمنا عن مدرسة المساح مكى المنا
    القاصدة مسح جغرافية السودان و احزان السودان كمان

    * طريتنا كمندان الغناء , صاحب الذاكرة الفوتوغرافية .. بنقل
    ليك ما كتبناهو عنو في بوست تاريخ الغناء الاول

    * يا شيقوق (قواسيب) مودتي لناس مسقط .. مرورا ببندر عباس
    و ذلك الغزال المابنقاس
                   |Articles |News |مقالات |بيانات

03-09-2008, 09:21 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: أحمد طراوه)

    والله يا طراوه لم يخطر ببالي أن المهندس مهدي فرح هو من كتب قصيدة مروي وكنـت
    أظن أن كابلي (عمل الشغل مماجميعو) ، نحن نطرب ولا نبذل جهدا كافيا لمعرفة من قدموا
    لنا تلك اللحظات الجميلة سوى من يؤدها بصورتها النهائية.
    مهدي فرح من أوائل مهندسي المسـاحة بسلطنة عمـان وهو وغيره من زمرة مازال أهل هذا
    البلد الوفي يذكرونهم بالـخير ولايتركوا مناسبة إلا أشادوا بهم على أنهم ممن شــارك
    في بناء هذا البلد بصورته الحديثة وأنت يا أحمد أحد الشهــود على مكــانة أولــئك
    السودانيين الرواد في نفوس العمانيـين ، رواد لم تنسهم جدية الهندسـة والإدارة ريحة
    الفلير وبنت السودان ألأصيل ، طبعا يا أحمد تلك العطور بقيت اسماء في مسامع الجيـل
    الجديد ولا أظن أنهم رأوا حتى قواريرها فارغة.
    كنت أسمعها (الضمير عاج التكارين) وقلت أنه ربما شبَّه خصر الزوله السمحه ب (غويشة)
    عاج تلبسها التكرونيات لكن برضو الضمير عايز (تقارير) وسنرفعها إلى جنابكم متى ما
    استطعنا إلى ذلك سبيلا.
    ياخ قومندان الغناء السوداني دا تعبير لايأتي إلا من أديب يعرف قدر الرجل ، إبراهيم
    أحمد عبدالكريم قامة ضخمة حضورا وغيابا، له الرحمة وجنان رضوان.
                   |Articles |News |مقالات |بيانات

04-09-2008, 01:28 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    كنا تنتابنا حالة من الإطمئنان عندما يتقدم هذا الكابتن إلى أرض الملعب
    قائدا كتيبته المريخية أو فريقنا القومي. من أشهر الثنائيات كانت ثنائية
    بشرى وبشارة. اللعب الرجولي والخلق السمح مع جدية ومسئولية وحماس لايفتر ،
    عندما قرر نميري في غضبته المضرية تلك ، وما أكثر غضبات أبعاج دراج المحن،
    هدم صرح كرة القدم في السودان بما عرف وقتها ب (الرياضة الجماهيرية) خرج
    بشاره وسانتو وحموري وكسلا ومصطفى النقر والطيب سند وفطاحلة كثر إلى
    بلاد النفط وبين عشية وضحاها اصبح للسودان فريقا قوميا كاملا باحتياطييه
    خارج السودان.
    والله أنا لسه مستغرب نميري ده عمل كده ليه؟




    بشاره عبدالنضيف ، أطال الله بقاءه.
                   |Articles |News |مقالات |بيانات

06-09-2008, 12:33 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    مرة أخرى نتذكر العصفور بأسى ، عندما كان عصفورا جميلا
    يفرد جناحيه مع الشمس المشرقة.






    (قلنا راح مع الأيام عدا مني الليله راح
    أصلو يا عصفور دا حالك مما سويتلك جناح
    يعني لو صارحت مالك نحن ما بينا الصراح)

    يا سلام يا النور الجيلاني.
                   |Articles |News |مقالات |بيانات


[رد على الموضوع] صفحة 10 „‰ 14:   <<  1 2 3 4 5 6 7 8 9 10 11 12 13 14  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de