هذه هي الأغنية ..

Quote: وفجأة كدا شكيتك انت وود الرضي وعاصم البنا ومعتصم الطاهر على الله انت مااااالك وماااااالي بس في كلمة واااااحدة في البكية العرضحال دي خربشت حناني وهي قوله : قول لي نام ( الخالي ) وهو يتخيل ... رنة الخلخال يا نسيم الليل نعمنو الزول الببكي قدر دا كيف يكون ( خالي ) .. أظن موسيقى الشعر نشلت شيخنا ود الرضي في الكلمة دي وتظل هذه الأغنية من أروع ما سمعت وعشت وأستغرب أين اختبأت طول هذه المدة ولم تتصدر دنيا الحرف والنغم .

شوف يا سنجاوي، ودالرضي في أغنية (أنا في التمني) الكان بيغنيها خلف الله حمد قال كلام قسما
عظما لم أفهمه إلا بعد أن شرحه لي صديقي عصام صالح عيسى من خلال تسجيل – لمقابلة إذاعية
أجريت مع ودالرضي – شرح هذا الرسام الخرافي لتلك القصيدة معان لم تخطر ببالي وأصبحت بعدها
على قناعة تامة بأن ودالرضي كان (ما براهو) وان قلمه كان يخالط كائنات ترانا من حيث لانراها من الشماشغة الغاوين
لذا أجد لك العذر في ما أصابك من (خربشة الحنان) ،
نعم ، أجد لك العذر في الذي أنت فيه.
كدي شوف الخمج دا:

دايـر أشوفـو غافـل .. ودايـر أشوفـو جــاذع
يتغطـى بـي سواعـدو .. ويحنـو كأنـه واجــع
ويلتجـى بـى مرافقـو .. وأطــراف المضـاجـع
وتتلـب فــوق شفاهـهـو .. لـؤلـؤة المـدامـع
يـردد لـي نغيمـا ً .. تشـتـاق لــه المسـامـع





المسألة ليست كلها ذهبا ومجوهرات