|
|
|
 Re: الجلابة يطالبون بتهجيرهم إلي لاهاي !!! (Re: Munir)
|
وفي لا هاي االسكن هاي هاي ..
ترحيل مواطني الولاية الشمالية الى لاهاي
ومعهم الطواري والكواريق .. وبذور الخدرة والورق والبامية ..والبصل الأخدر والجرجير
خوفي يطردوهم من هناك بعد ما يزرعوا..
قلت لي جلابة؟؟؟
أهلنا المساكين في سقط" برد" الشمالية ..جاتم فيرأسهم ساي
| |
 
|
|
|
|
|
|
|
|
Re: الجلابة يطالبون بتهجيرهم إلي لاهاي !!! (Re: salma altijani)
|
يا سلمي التجاني .. ما شايف أي لافتة جزيرة هنا !!!.. الحكايي شني؟؟!! .. السلبطة العليكي شني؟؟!!.. نحن غايتو السلبطة قعد نعرفها لكين من الله خلقني يا جنس سلبطة اهل العوض دي مالاقتني !!!..
انتو بس إن بقينا دارين نقع في النار واقعين معانا ؟؟!! .. انتو احرسوا العقاب وازرعوا قطنكم قبلكم ونحن نوعدكم نستورده منكم نخيطه ونرجعه ليكم عراريق .. قصرنا معاكي؟؟ ..
سلام يا سلمي ..
| |
|
|
|
|
|
|
|
|
|
Re: الجلابة يطالبون بتهجيرهم إلي لاهاي !!! (Re: salma altijani)
|
| Quote: هسة لافتة الجزيرة الورا لافتة الشمالية دي ما شايف ؟ |
!!!!!!!
بالله يا سلمي بطلي سلبطة .. لافتة جزيرة وراء لافتة شمالية وين ؟؟ هو في لافتة شمالية زاتو؟؟ .. قلت ليك انتو احرسوا البلد وخليكم نقطة اللحام البتلم الشرق مع الغرب مع الجنوب .. لأنك لو فرتقتوا من البلد البلد حتتفرتق اصلوا ياكم اللاحمينها مع بعض .. ومروقكم منها تاني مافي شئ حيلم الهدندوي مع الفوراوي مع النوباوي .. نحن خلونا نضوق الهاي هاي دي شوية وإن نفعت بنرسل لكم فيز ..
| |
|
|
|
|
|
|
|
|
|
Re: الجلابة يطالبون بتهجيرهم إلي لاهاي !!! (Re: Munir)
|
منير
| Quote: لأنك لو فرتقتوا من البلد البلد حتتفرتق اصلوا ياكم اللاحمينها مع بعض |
دة حنك ساي صدقناهو خمسين سنة وما نفع
يا زول الحجل بالرجل
____________________
عليك الله اعمل لينا واحدة زي لافتة الشمالية دي
| |
|
|
|
|
|
|
|
|
|
Re: الجلابة يطالبون بتهجيرهم إلي لاهاي !!! (Re: salma altijani)
|
| Quote: يا زول الحجل بالرجل |
يا سلمي نحن بسببنا .. إنتو مالكم؟؟ .. الناس كجنونا بلا سبب بعد كل السويناهو عشانهم .. نحن نستاهل الهاي هاي في لاهاي طالما الجمهور ما دايرنا !! .. نمشي للناس البتقدر التضحيات .. اصلو قالوا الخيل تجقلب زي الشرا في القندول !! ..
| Quote: عليك الله اعمل لينا واحدة زي لافتة الشمالية دي |
لو دايرة لافتة اجمعي توقيعات  من اهل العوض او شهادة مختومة من جامعة الجزيرة اصلها عزيزة علي ..
| |
|
|
|
|
|
|
|
|
|
Re: الجلابة يطالبون بتهجيرهم إلي لاهاي !!! (Re: salma altijani)
|
ناس الشمالية مالكم ابيتونا
هسة دي ماياهاالحسادة
يعني يشملنا اسم الجلابة ولامين تجو ماشين لاهاي
تفرزونا ؟
لا والله الحجل بالرجل
وبعدين نحن ماشين فوق خيرنا
عندنا مظالم ماشين نرفعا لي مستر اوكامبو
نحن في نص المركز البهمش الناس ومهمشين
الفقر الملاريا السرطان الانتشر بعد ما المصانع بقت تدفن نفاياتا عندنا
مشروعنا المن سنة 1925 ما في زول من الجزيرة بقى مدير ليهو
وهسة المشروع لي روحو راقد جنازة بحر
الأراضي البقسموها بالخطة الأسكانية وبجوا يقلعوها تاني باوامر عليا
ده كلو علينا وكان ما عاوزننا معاكم بنطالب
يسكنونا برانا في أي حتة في هولندا لحين البت في قضايانا
وكمان كان مظالمنا دي كلها بقى عليها البقى على مسلمين
سربرينيتسا وطلعونا غلطان المرحوم انشاالله يطيب ليكم المقام
| |
|
|
|
|
|
|
|
|
|
Re: الجلابة يطالبون بتهجيرهم إلي لاهاي !!! (Re: القلب النابض)
|
القلب النابض .. مرحبتين حبابك وبركة بالشوفة ..
انا خايف الجماعة ديلك يقوموا يحسدونا ويقولوا ليه همشونا وما ودونا لاهاي زي ناس الشمالية  ..
يااختي بالمناسبة حقوا نحن نجتهد في مسألة التهجير دي .. منها نحل مشكلة الحاقدين وبالامارة كدة نغذي اوروبا العجوز بالدماء الشابة الحارة ومنها نحسن ليهم النسل بتاعهم
| |
|
|
|
|
|
|
|
|
|
Re: الجلابة يطالبون بتهجيرهم إلي لاهاي !!! (Re: Munir)
|
يا منير أهلنا (صقط) لاهاي ده ما بيقدرو عليهو..
وانت براك عارف لاهاي مافيها (بركاوي) يقيهم شر البرد.
والنيل الجميل وطويل ده يخلوهو يجري براهو!
لا بخلوهو لا بخليهم؛ إلا يجف ويبقى درب.
_________
إنت ما محتاج تأشيرة، كدي أديها خفسة وشوف التدفئة آلية، ولا بي (كمروق) النخل.
| |
|
|
|
|
|
|
|
|
|
Re: الجلابة يطالبون بتهجيرهم إلي لاهاي !!! (Re: Yassir Tayfour)
|
Quote: يا منير أهلنا (صقط) لاهاي ده ما بيقدرو عليهو..
وانت براك عارف لاهاي مافيها (بركاوي) يقيهم شر البرد. |
ياسر طيفور .. يازول ناسنا ديل حربيين يعيشوا في البارد والحار .. وبرد ام شير الحايمين فيهو بالعراريق داك أحر من برد لاهاي البيردفولو المعاطف .. وانا القدامك دا مرقتلك من +45 درجة لـ ـ30 درجة زي الورد .. بل زدت مناعة ..
| Quote: إنت ما محتاج تأشيرة، كدي أديها خفسة وشوف التدفئة آلية، ولا بي (كمروق) النخل. |
قبال شهرين كدي جيت حايم بفوقها لاهاية الجن دي ..
إن بقي الله هون بمشي اقص لكم الدرب و اجي ..
| |
|
|
|
|
|
|
|
|
|
Re: الجلابة يطالبون بتهجيرهم إلي لاهاي !!! (Re: Adrob abubakr)
|
دكتـور منبر ..
وأستاذة سلمـى ..
تحياتي وحبي ..
| Quote: لو دايرة لافتة اجمعي توقيعات من اهل العوض او شهادة مختومة من جامعة الجزيرة اصلها عزيزة علي .. |
التوقيعين معاي :
1/ أهل العوض جدا عن أب ..
2/ خريج جامعة الجزيرة ..
أوقع ، عايزين لافتتين كمـان !!!!
وبـرضـو :
في الجزيرة نزرع نتيرب نحقق أملنا .
| |
|
|
|
|
|
|
|
|
|
Re: الجلابة يطالبون بتهجيرهم إلي لاهاي !!! (Re: فيصل نوبي)
|
نوبي سلامات
انت معانا يا زول متابع وين
ونبدأ الحديث عن واقع ولاية الجزيرة والتي هي احدى ولايات الاقليم الاوسط السابق وأرجو ان يشاركني ابناء الولاية في عكس واقعها الحقيقي ..
لمحة لاحصاءات توزيع السلطة والثروة التي جاءت بالكتاب الأسودتقول الكثير :
أولا ومنذ انشاء المشروع لم يديره احد من ابناء ولاية الجزيرة
وعند مجيئ الإنقاذ كان نصيب الإقليم
من مجلس قيادة الثورة 7%
من رئاسة الجمهورية والنواب والمساعدون 5 %
في المصارف والبنوك 7 %
في المشروع نفسه 5 %
لا أدري دقة هذه الاحصاءات ولكنها تصلح اساس يمكن النقاش حوله
نواصل
وشكرا للدكتور منير
| |
|
|
|
|
|
|
|
|
|
Re: الجلابة يطالبون بتهجيرهم إلي لاهاي !!! (Re: فيصل نوبي)
|
الأستاذة سلمى ..
Quote: أقول ليك حاجة يا حسين يا اخوي
تعال نستلم البوست دة نكتب فيهو مظالمنا من الإستقلال
عشان مستر اوكامبو يرسل لينا براهو
يلا تعال نبدأ |
بصفتي واحد من أهل العوض ح ابدا ليك ..
بس لو البعثيين شافوا الكلام بطلعوا روحي ..
وخلينا نجرب الجهوية مرة واحدة ..
1/ ليه منذ الاستقلال ؟؟
قبل الاستقلال :
أ / المركز سرق جهدنا وعرقنا في تاسيس مؤتمر الخريجين .
ب / أهل العوض وبقيادة الشيخ بابكر بدري أول من حاربوا
اضطهاد المرأة ، وعملوا على تعليمها ومحو أميتها
ومع ذلك قام المركز بسرقة هذا المجهود الرائع العظيم
فاليوم كل نساء بلادي تعلمن بفضل عبقرية أهل العوض .
ج / يطالبون بقسمة الثروة ، وأهل العوض يطعمون السودان ويبنون
اقتصاده دون من ، ولا يجدون ما يسدون به رمقهم .
كل ثروتنا سرقها المركز .
نزرع ، نتيرب ، نحصد ، ثم ............ لا شـئ .
نريد استرجاع هذه الثروة والآن ..
قروشنا هسع ناو .
السلطة خليناها ليهم .
لأنو بيني وبينك ضرينا السودان بشيخ حسن .
أنا ما عارف الجزيرة جابتو كيف ؟
فعلا البطن بطرانة ..
على كل حال دا فضيحتنا الوحيدة ..
ويالها من فضيحة ..
نـواصـل ...
| |
|
|
|
|
|
|
|
|
|
Re: الجلابة يطالبون بتهجيرهم إلي لاهاي !!! (Re: حسين يوسف احمد)
|
حسين اخوي اكتب بي راحتك بلا الاحزاب دي مافي شي غطس حجر اهلنا
والترابي ذاتو من الشمالية
يلا دة مقال عن مشروع الجزيرة وواقعه بعد التحرير الاقتصادي لصلاح الباشا
ولقد ذكرنا كل هذه المقدمة الطويلة عن هذا المشروع حتي تدرك الأجيال الجديدة بما كانت تقوم به الزراعة في هذا الوطن العزيز من أدوار في مسيرة الإقتصاد السوداني حتي وصل عائد البلاد من الناتج الزراعي وحده في بعض المواسم الزراعية إلي قرابة المليار دولار في السنة ، ولقد كانت أقل سنوات المردود الزراعي في عام 1989م ( قبل الإنقاذ) حيث وصل الناتج الزراعي لوحده إلي ستمائة مليون دولار تقريباً ( أي تعادل نصيب السودان من إنتاج البترول حاليا) 0لذلك000 كان مشروع الجزيرة فيما بعد هو الغدوة لقيام مشاريع حكومية صغيرة مثيلة له كمشروع الرهد ومؤسسة حلفا والسوكي كي يزيد الناتج الزراعي للتصدير ولتستقر الحياة الإقتصادية لسكان تلك المناطق 0
وعند إتباع سياسة التحرير الأخيرة ، كانت من أكبر أخطائها تجاهل هذا المشروع بتقليل مساحات القطن فيه إلي أقل قدر وبنسبة إنخفاض وصلت إلي سبعين بالمائة في المساحة ، وإستبدلت تلك المساحات بتوسيع زراعة القمح الذي له مخاطره الأخري ، فهو محصول مكلف ويحتاج إلي مناخات شتوية محددة التوقيت وغير متقلبة ( كمناخات وسط السودان) حسب رأي الخبراء في هذا المجال، والقمح أصلاً عالمياً يعتبر متوفراً ومن أرخص المنتجات المطروحة في السوق العالمي وليس بالسلعة النادرة مثل القطن، ولا ندري حتي اللحظة من هو هذا الفيلسوف صاحب المشورة المدمرة الذي أدار عجلة الزمان بالجزيرة سبعين عاماً إلي الوراء بسبب الخوف من قيام حصار إقتصادي دولي علي السودان كإنعكاس لتداعيات أزمة الخليج الثانية في عام 1990م ومابعدها ، حيث اشار بتقليص مساحة زراعة القطن من مليون فدان إلي مائة ألف فدان فقط في معظم السنوات الأولي للإنقاذ ، مع إتساع مساحات القمح الذي كان وبالاً علي الدولة والمزارع علي السواء ، فإذا بكل دول العالم تسارع في إرسال إنتاجها من سلعة القمح والدقيق الفاخر إلي السودان بأرخص الأسعار ، مما أدي إلي كساد القمح السوداني الرديء والمكلف جداً للخزينة العامة ، وبدأ بذلك إنسحاب السودان من معظم أسواق القطن والغزول العالمية ، وقد إتجه وقتها الغزالون العالميون في غرب العالم وشرقه إلي مناطق أخري من الكرة الأرضية للبحث عن دول بديلة تغطي حاجاتهم من الأقطان طويلة التيلة وقصيرتها ، فبدأ العد التنازلي لهذا المشروع العملاق وتعطلت حركة الأبحاث الزراعية وتم إبعاد كل الكفاءات المتميزة بالمشروع بالكامل وتم إتباع سياسة القفز بالعمود في إدارة المشروع ،وإستشري التخبط وسط الإدارة التي ظل يتبدل مديروها كل سنة أو سنتين من عديمي الخبرة العريقة بعد أن إستغني المشروع من كل الجيل الخبير في شتي أقسامه منذ سنوات الإنقاذ الأولي ، فالكل كان يريد تكبير كومه من السلطات وحدث التضارب الإداري في القرارات ، وتقلص دخل صادر القطن من مئات الملايين من الدولارات إلي سبعين مليوناً فقط في عام 1999م إلي أن إنهار المشروع بالكامل بعد أن ظلت وظيفة المدير العام يتم التعيين لها من أصحاب الولاء - عديمي الخبرة - من خارج إطار المشروع ، وكلهم قد فشلوا فشلاً بائناً في إنقاذه مما دعا أصحاب التخصيص والتحرير في المركز لتكوين اللجان لدراسة إمكانية خصخصة وبيع هذا المشروع العملاق ( بأثمان بخسه) كما تعطلت إثر ذلك كل المصانع المحلية التي كانت تشتري موادها الخام من أقطان مشروع الجزيرة وتحولت تلك المصانع إلي ماكينات هامدة وتشردت العمالة واصبح سكان ولايات الجزيرة وحيواناتهم يتسولون لقمة العيش من خشاش الأرض ومن دواوين الزكاة ومن تحويلات المغتربين الذين هربوا من البلاد زرافات ووحدانا بعد أن سدت كل سبل الكسب أمامهم وهم يرون أهليهم تسوء أحوالهم المعيشية ، ورغم ذلك فإن البنوك الإسلامية بمرابحاتها العالية الفائدة التي تقارب الخمسين في المائة من أصل القرض قد ساعدت في عملية إعسار ثم إفلاس قطاعات هامة من المزارعين الذين باع معظمهم أصوله الإنتاجية القديمة كاللواري والجرارات ، وبعضهم باع منازله المرهونة للمصارف ، فأصبحت سياسة التحرير هذه قد أضرت بقطاعات هامة من جماهير الشعب السوداني بعد ان كانت كل حياتهم تسير في تناغم وتؤدة ونجاحات معقولة وسترة حال عبر عشرات السنين، ولم نشهد في تاريخ السودان كله أن قام الناس ذات يوم ببيع كل أشيائهم الجميلة والعريقة ومعها ذكرياتهم الحلوة خلال سنوات محدودة إلا في عهد تحرير الإقتصاد هذا الذي رافقته حملات دعائية كانت تشعرك بأن السودان سيكون جنة الله في الأرض بعد خمس أو ست سنوات ، فإذا بالسنوات العجاف تتزايد سنة بعد أخري ، وإذا بفلاسفة تلك السياسة التحريرية يصمتون صمت القبور ويشغلون أنفسهم بإختراع مؤسسات أخري لعلها تقنع الشعب في الداخل والعالم الحر بالخارج بأن بلادنا أيضاً تستطيع دخول عالم التجارة التقنية الحديثة من بيع أسهم وسندات وأسواق مالية ومضاربات ، ناسين أن السودان وإقتصاده المنهار لايمكن أن ترتفع فيه أسعار اسهم أو سندات لمؤسساته المصرفية المفلسة حيث ظلت تختفي مصارفه ومؤسساته المالية من الوجود الواحدة تلو الأخري شأنها في ذلك شأن البقالات التي تغلق أبوابها بسبب عدم وفاء الزبائن بسداد مديونياتهم ، ولنا أن نراجع الأداء المالي لأي مصرف سوداني خاص وهي كثيرة العدد لنري كم هي الأرباح التي تحققت للمساهمين في العشرة سنوات الأخيرة ، لا شيء ، فتات فقط 00 نعم فتات فقط 000أي والله00 ورغم ذلك لايزال البعض يتشدق بعبارات ( أسلمة البنوك) ذات الفائدة التي تصل إلي خمسين بالمائة من أصل القرض0 ( نذكر هنا أن فائدة البنوك قديماً كانت عشرة في المائة فقط) ، وكل الذي تغير أننا أبدلنا كلمة قرض إلي مرابحة فأصبح الأمر ( أسلمة البنوك) وهو مجرد شعار فضفاض فقط ، ثم رفعنا نسبة الفائدة إحتراماً لكلمة أسلمة هذه فقط ، وهذا رعب فكري أصولي بائن، والنتيجة كانت كلها إعساراً في سداد المرابحات ، وحصل ما حصل لعملاء المصارف0
http://wadmadani.com/html/m-gaz.htm
مع التحية لدكتور منير
| |
|
|
|
|
|
|
|
|
|
Re: الجلابة يطالبون بتهجيرهم إلي لاهاي !!! (Re: salma altijani)
|
عييييك .. لم أرجع للبوست منذ الأمس وآسف لتأخري عليكم .. وحأجيكم راجع .. بس ياسلمي وحسين وباقي اهل الجزيرة الخضراء عندي ليكم خبر حلو .. امبارح في الاخبار شفت ناس لاهاي قالوا قرأوا البوست دا وطلعوا مظاهرة يطالبوا بأهل العوض شخصيآ مع باقي الجلابة .. وقالوا مشتاقين جدآ .. ولو ما مصدقين هاكم الصورة ..
نوبي جهز حالك وستف شنطتك إذا بتريد
| |
|
|
|
|
|
|
|
|
|
Re: الجلابة يطالبون بتهجيرهم إلي لاهاي !!! (Re: Yassir Tayfour)
|
Quote: أنا مستغرب!
أدروب الفوق ده مالكم ما عبرتوهو؟؟ |
ياسر طيفور .. زولك ادروب دا قال خلاني عشان عادل عثمان .. وأنا برضو فطيته اكرامآ لعادل .. وإلا لو كنت قبلت عليهو كان ... بس اسكت ساي ..
اصلو عادل دا صورته الفي مخيلتي صورة قديمة جدآ وأنا ابدآ ما جددتها .. لكين الظاهر المنبر دا حيخلينا نتواجه بصورة القرن الواحد وعشرين لأني اساسآ ما شفته منذ القرن الماضي ..
| |
|
|
|
|
|
|
|
|
|
Re: الجلابة يطالبون بتهجيرهم إلي لاهاي !!! (Re: salma altijani)
|
Quote: شفتة كيف حالتنا لسة ما كتبنا ليهم عن قرى
كاملة بالجزيرة في القرن الواحد وعشرين مصابة بالبلهارسيا
ولا كلمناهم عن عائشة اشهر مريضة بالايدز في السودان
اصيبت بنقل دم موبؤ بالايدز في اكبر مستشفى بالولاية
هو مستشفى مدني التعليمي والذي يقدم خدماتو ولا زال لكل الولايات المجاورة
ولا جبنا سيرة السرطان المنتشر في المنطقة ومرة يقولو سببو السماد
ومرة يقولو نفايات المصانع |
أكتبي يا سلمى .. يا أختاه ..
بس تكتبي عن شنو وتخلي شنو ؟؟
أكتبي عن الملاريا التي استوطنت أجسادنا ..
وعن البلهارسيا التي تصيب أهل العوض لأنهم
يعولون السودان منذ 1925 .
أكتبي عن نهب مشروع النيل الأزرق الصحي ..
أكتبي عن فضيحة مشروع الحرقة نور الدين ..
أكتبي عن بيع أراضينا لشركة جياد ولشركة دريم
أكتبي عن القرى التي لا زالت يشرب انسانها
وحيوانها من حفير واحد ..
أكتبي عن الكهرباء التي تمر فوقنا ولا نراها ..
لأنها مسافرة حيث ال.....
أكتبي مع ذلك عن أهل العوض المساكين
الذين ينتجون الثروة ولا يستمتعون بها
والآخرون يريدون اقتسامها ولا ينتجونها ..
أكتبي ..
مع الحب .
| |
|
|
|
|
|
|
|
|
|
Re: الجلابة يطالبون بتهجيرهم إلي لاهاي !!! (Re: حسين يوسف احمد)
|
عزيزنا حسين .. تحياتي ..
| Quote: وخلينا نجرب الجهوية مرة واحدة .. |
يازول جهوية شنو البتجربها انت كمان انتو ما عندكم جيهة زاتو !!.. لاكم شمال لا جنوب لا شرق لا غرب .. انتو خير الامور .. انتو الوسط .. انتو الساس .. وانتو الراس .. ونحن الجلد ..
| |
|
|
|
|
|
|
|
|
|
Re: الجلابة يطالبون بتهجيرهم إلي لاهاي !!! (Re: Munir)
|
يادكتور منير سلامات ليك ولناس البوست الجميل دا
تعرف السنة دي زرت لي مدينة سمحة خلاص اسمها ليل استادعجبتني شديد
وحاتك يالغالي اول حاجةسالت الناس ياناس هوووي لاهاي دي وين من منكم قالوا ما بعيدة
بالله يادكتور ووحات الخوة دي كان ما لقيتوا لي حتة معاكم في لاهاي ودوني ليل استاد دي
ملحوظة :
معي كمية من الجلابة المزارعين
| |
|
|
|
|
|
|
|
|
|
Re: الجلابة يطالبون بتهجيرهم إلي لاهاي !!! (Re: luai)
|
الرائع د. منير ..
حبي وتحياتي ..
| Quote: يازول جهوية شنو البتجربها انت كمان انتو ما عندكم جيهة زاتو !!.. لاكم شمال لا جنوب لا شرق لا غرب .. انتو خير الامور .. انتو الوسط .. انتو الساس .. وانتو الراس .. ونحن الجلد |
دي مشكلتنا في كل بلد يا عندنا عقاب يا عندنا راس ..
وبعد دا كلو الأمة دي ما مريحانا ..
وما شغالا بينا ..
ويقولوا مضطهدنهم ..
| |
|
|
|
|
|
|
|
|
|
Re: الجلابة يطالبون بتهجيرهم إلي لاهاي !!! (Re: luai)
|
العزيز لؤي .. أول حاجة ورينا هويتك .. جلابي واللا متجولب .. لو أهل عوض تبقي انتظر الدفعة الجاية .. ولو الجماعة كرنكوا بنرسل عدد محدود من الفيز لغاية ما الله يهون ..
Quote: ملحوظة :
معي كمية من الجلابة المزارعين |
يازول انت النوع البيعزموه يقوم يقول معاي جماعة دا أكيد أهل عوض
| |
|
|
|
|
|
|
|
|
|
Re: الجلابة يطالبون بتهجيرهم إلي لاهاي !!! (Re: Munir)
|
Quote: وفي لا هاي االسكن هاي هاي ..
ترحيل مواطني الولاية الشمالية الى لاهاي
ومعهم الطواري والكواريق .. وبذور الخدرة والورق والبامية ..والبصل الأخدر والجرجير
خوفي يطردوهم من هناك بعد ما يزرعوا..
قلت لي جلابة؟؟؟
أهلنا المساكين في سقط" برد" الشمالية ..جاتم فيرأسهم ساي |
هذا أغرب تعليق يتأتى لأمرأة متعلمة..!!
وتعيش جزء من حياتها فى الغرب المتصوف فى فؤاده الإجتماعى والذى تغلب عليه نزاعات الرأسمال ..!!
تعليق الأخت (القلب النابض) غريب ومستغرب,
خطاب يلقى فى صحراء هذا الخطاب الأجوف (جلابى ومعرب ثم مستعرب ومتأفرق) كل أسلحة التخلف..
هل البصل الأخضر والجرجير غريبة على فلاحى أوروبا أو الغرب..???!!!
لم نسمع بحضارة تأصلت جزورها فقط لأنها تنبت الجرجير والبصل الأخضر,
إلا دولة المشروع المتأسلم ..!!!
| |
|
|
|
|
|
|
|
|
|
Re: الجلابة يطالبون بتهجيرهم إلي لاهاي !!! (Re: doma)
|
يادومة الزول دا جاي يكابس ساي !!!..حير الجمهور !!!.. متضهب ودايش زي كديسة الفكي اللييل الكورة البيفكها تجي شاقي الميدان في نص المباراة !! .. إلا بس هني مافي مباراة !! .. في ناس بس دايرين يبارونا لي لاهاي الجن دي !!!..
| |
|
|
|
|
|
|
|
|
|
Re: الجلابة يطالبون بتهجيرهم إلي لاهاي !!! (Re: Munir)
|
| Quote: في ناس بس دايرين يبارونا لي لاهاي الجن دي |
والله يا منير المسألة كان حقوق نحن احق بمشي لاهاي وانتو المباريننا
وعشان ننهي مسألة المبارا دي من الليلة كل زول يشوف طريقة مشي براهو
لكين حسادة ناس الشمالية مبااالغة
| |
|
|
|
|
|
|
|
|
|
Re: الجلابة يطالبون بتهجيرهم إلي لاهاي !!! (Re: salma altijani)
|
| Quote: وعشان ننهي مسألة المبارا دي من الليلة كل زول يشوف طريقة مشي براهو |
أهاااا؟؟ ..قمنا للمشاكل من هسه؟؟ .. ما تخلونا نحلف اسع نقول ما تتحركوا من محلكم دا وما تبارونا من هني !!..
لينا كم يوم شغالين اقناع في ناس لاهاي لزيادة الاستيعاب السكاني لغاية ما طلعوا مظاهرات عشانكم !! .. لكين الظاهر عليكم ناوين تسلوا ضنبكم وتعملوها لينا حقوقنا وحقوقكم قبال تركبوا الطيارة زاتو !!! ..
| |
|
|
|
|
|
|
|
|
|
Re: الجلابة يطالبون بتهجيرهم إلي لاهاي !!! (Re: Munir)
|
انتو يا منير بتقولو جنس كلامكم دة عشان عارفننا ما بنعرف العنصرية
لكين يومنا البنعرفا ما بنقعدكم في البلد
نحسب ليكم الرؤسا الحكمونا من الاستقلال لي
هسا وما تقولو لينا حكومات قومية لمن نبقى
عنصريين ما بنعرف الا انو الرئيس من الشمالية
انشا الله كان باقي الحكومة من الواغ الواغ
اخير ليكم تودونا بي سكات
| |
|
|
|
|
|
|
|
|
|
Re: الجلابة يطالبون بتهجيرهم إلي لاهاي !!! (Re: Munir)
|
الحبيب دكتور منير
سمع "الشقيي" أضاني ناس لاهاي كانو بغنو في الأغنية
دي
"يا جلابة دلوني"
جيدن جيتو قولولي
ماشوفت لــ زولي
مستنيهو لـــ حولي
قاعد راجي ضاع عمري
لو بي حالي كان يدري
كان صدالي من بدري
قاعد راجيهو لا حولي
ويسألو من زولن البشير وكل زول مندسي
عموماً الجلابة ماشين بي طنابيرون
لك الود
| |
|
|
|
|
|
|
|
|
|
Re: الجلابة يطالبون بتهجيرهم إلي لاهاي !!! (Re: yasiko)
|
حبيبنا الحنين دكتور يسن ..
لكين كتلتني كتل !!.. تعرف الاغنية دي بفتش فيها لي زمن من يوم ما أكتشفت أني جلابي !! .. أتاري نحن كنا داقسين وقايلين الجلابة ديل ناسآ كتر ..
غايتو غنوتك دي كوم والبوست كله كوم .. شكرآ كثير ايها الراقي !!..
 ..
| |
|
|
|
|
|
|
| |
Munir
القلب النابض
Yassir Tayfour
حسين يوسف احمد
فيصل نوبي
luai
الجيلى أحمد
doma
Mohamed Suleiman
yasiko
فيس بوك
تويتر
انستقرام
يوتيوب
بنتيريست