|
|
|
 Re: بورداب مسقط يحتفلون بقدوم الدكتورة بيان الى سلطنة عمان (Re: عشة بت فاطنة)
|
من الشمال لليمين
الاستاذة آسيا - حرم الاستاذ فضيلي جماع
اسماء الجنيد تليها ضيفتان ثم حرم الاخت خديجة زوجة الاستاذ محمد الطيب السعيد ثم الاستاذة بيان ثم الاخت الاستاذة فاتن وضيفة ثم الاستاذة عائشة المبارك بت فاطمة والابنة غفران بنت الاستاذ محمد الطيب وارضا والدة الاخت اسماء الجنيد ومعها الطفل مؤيد ابن الفاتح واسماء الجنيديين .
| |
 
|
|
|
|
|
|
|
|
Re: بورداب مسقط يحتفلون بقدوم الدكتورة بيان الى سلطنة عمان (Re: عشة بت فاطنة)
|
بت فاطنة
| Quote: شيقوق عرفنا بهذه الكوكبة عارفني بليدة في التعريف |
لا حاشاك البلادة لكن حركات منك ساى وهي نفس الروح الجميلة التي عطرت بها ذلك اللقاء الجميل يا عشوش .
في الصورة اعلاه من الشمال لليمين :
الاستاذ فضيلي جماع - وهو كما عهدناه شيخ عرب دائم الحضور في مثل هذه المنتديات
الاستاذة نجاة محمود - وجدناها عكس ما قيل عنها انسانة بحضور كامل شكلا ومرحا وعقلا
ثم الاستاذ محمد الطيب السعيد : شيخ المحامين السودانيين بالسلطنة ورجل لو حاولت التحدث عن فضائله لنضب مداد قلمي .
ثم الاخ الاستاذ محمد المرتضى حامد - الحب - ناسنا - ثم قالها تستاهلي للدكتورة بيان
واخيرا شخصي الضعيف
لكم اطيب الاماني
| |
|
|
|
|
|
|
|
|
|
Re: بورداب مسقط يحتفلون بقدوم الدكتورة بيان الى سلطنة عمان (Re: انعام حيمورة)
|
الاخت سمية بت الحسن
الله يخليك ويديك العافية لكم افتقدناك في تلك اللحظة . الكل كان في انتظارك ولكن علمنا ان السبب في غيابك هو غياب بعض الترتيبات اللازمة الخاصة بابلاغكم .
الاخت او الابنة انعام حيمورة :
| Quote: عمو الطيب .. شفت بيان دي زولة حلوة كيف !! |
اكان ما سحبت عمو دى ما برد ليك الا تجي راجعة تاني وتكتبي (اخي وصديقي الاسفيري ..) عشان بعد داك ارد عليك .
على العموم الاخت بيان كانت مباااااااااااااالغة في كل شئي مليحة ( طبعا العرب بخجلوا من كلمة جميلة بقولوا مليحة او حسينة او طيبة) و خفة روح وقبول للراي الاخر حتى رأئي انا المشاتر احيانا - وتعجبك دائما مكاواة الاخت عائشة المبارك لبيان فكلما تحدثت بيان نطت ليها عائشة بت فاطنة في حلقها وتقول ليها اسكتى يا ظلامية والناس تضحك .
شكرا ليك يا انعام حيمورة السنجكة وفي انتظار تعديل عمو لاخي وصديقي .
هيييييييييييييع
| |
|
|
|
|
|
|
|
|
|
Re: بورداب مسقط يحتفلون بقدوم الدكتورة بيان الى سلطنة عمان (Re: انعام حيمورة)
|
بت حيمورة
| Quote: نحن تقابلنا وعرفنا بعض قبل الاسفير صاااح ... |
صاح شفتك زمان قبل الاسفير وعجبتيني وقلت لمرتضى ايش رايك يا ابني اسجّم ليك امك بالبنية اللذيذة دى وقال لي طوالي ولو امي قالت حاجة هييييييييييييع .
| Quote: اخة رايك شنو في الطيب دي - حاف - من غير شيقوق ذاتو ...!!! |
بس اكان سويتيها طيوبي وووووب منها احلى كتييييييييير - لقيتيني طماع مش؟
| |
|
|
|
|
|
|
|
|
|
Re: بورداب مسقط يحتفلون بقدوم الدكتورة بيان الى سلطنة عمان (Re: عبده عبدا لحميد جاد الله)
|
الشيقوق الجميل ،،، ( حاأكسر القاعدة كده )
قد نختلف ،، ولكن لابد أن نأتلف ...
فالذكرى تنفع المؤمن ...
لا أريد أن أضيف ، فقط أقول لك كفُو ،،، أو كما قالوا أهلى آل خلفان ...
الدكتورة بيان إنسانة مقيمة بماليزيا منذ أكثر من 17 سنة
زوجها البروفيسور / إبراهيم محمد زين رجل قمة فى التهذيب والمثالية
رافقته فى زيارته لمسقط ضمن وفد ماليزي رفيع المستوى
هى ككل إنسان قد تجهله قبل أن تعرفه ، وأنا واحد منهم لم أعرفها إلا بعد أن إلتقيتها فعرفتها ...
هى أم لكل الطلبة السودانيين بماليزيا بحكم عملها فى الجامعة ...
مامن طالب سودانى تم قبوله بإحدى جامعاتها الا وكان بيتها محطته الاولى من المطار ثم بعدها الى الجامعة ...
ليس لأنه من صميم عملها ، ولكن لأنه من صميم إنسانيتها وانتمائها الصادق لبنى جنسها ...
قبل قترة قصيرة وردت أنباء عن اعتقال أربعة طلبة سودانيين يدرسون بماليزيا على خلفية قضية متصلة بالارهاب ، ثلاثة منهم من مسقط من ضمنهم شقيقان ، أما الرابع فمن السودان ...
وتفاصيل القضية أن السلطات الماليزية وصلها تحذير إلكترونى بحدوث انفجارات فى مناطق حساسة من العاصمة كوالالمبور ...
تتبعت أجهزة الأمن الماليزية مصدر الرسالة حتى توصلت الى جهاز أحد الطلبة السودانيين الذى يشاركه ثلاثة زملاء آخرون فى غرفة سكن الطلبة بالجامعة ، فقامت باعتقالهم تحت طائلة قانون مكافحة الارهاب وحبسهم فى مكان مجهول ...
حسب الاجراءات المتبعة يحتجز المتهمون فى القضايا المرتبطة بالإرهاب ويتم التحقيق معهم فى غضون 72 ساعة ، يتم بعدها إدراجهم ضمن قائمة الإرهابيين ، ومن ثم تعمم أسماؤهم عن طريق القنوات الرسمية على مستوى العالم ...
ولكم ان تتوقعوا ماذا سيكون مصير هؤلاء الطلبة إن وصل الامر الى نقطة اللاعودة ...
بدافع الأمومة أولا ، والانتماء ثانيا تحركت الدكتوره بيان على مستوى القمة فتتغلغلت داخل أجهزة الأمن الماليزية مستخدمة علاقاتها المميزة فى سباق مع الزمن لكشف ملابسات الحادث قبل أن يتورط الطلبة ويغرقوا فى المجهول . تاركة بيتها واسرتها على مدى أيام لم تعرف خلالهما غمضة عين .
تولت الدكتورة بيان مهمة الاتصال بأولياء أمور الطلبة حيث ينص القانون الماليزى على إبلاغ أولياء الامور قبل إتخاذ اى إجراءات عقابية . وبما أن الطلبة كانوا حديثى الالتحاق بالجامعة فلم تتوفر لديها المعلومات الكافية عن عناوين أولياء أمورهم ، وبمجهود شخصى توصلت الى عناوين ثلاثة منهم ، الشقيقان من مسقط هم أبناء الاخ الاستاذ / أحمد ابوبكر ملى ، والثالث إبن الاخ الاستاذ / محمد الطيب المحامى ، أما الرابع فقد تحرت عنه عن طريق معارفها بالسودان من خلال أسمه الاخير المرتبط بآل الهبانى حتى توصلت الى عنوان ولى أمره بالسودان ...
فى هذه الاثناء وبفضل جهودها الجبارة تمكنت الدكتورة من تحرير الطلبة من الاعتقال بعد اقناع السلطات الماليزية بأن الحادثة ناتجة عن تلاعب شخص مجهول بجهاز الطالب السودانى ...
ولحسن الصدف أن الدكتورة قد تمكنت من معالجة الموضوع قبل وصول أولياء الامور . الذين وجدوا أن الامور قد حلت عند استقبالها لهم ...
وعلى لسان والد أحد الطلبة السيد / محمد الطيب المحامى " قابلتنا الدكتورة فى المطار والدموع فى عينيها من شدة فرحتها بتبرأة أبناءنا "
أعود فأكرر من لم تعرفه ،، تجهله ،،،
التحية والتقدير للدكتورة الامينة ، ولزوجها البروفيسور إبراهيم محمد زين الذى أتى فى زيارة لمسقط ضمن وفد ماليزى رفيع المستوى أجرى خلالها اتصالات على مستوى الوزراء ، وقام بزيارات ميدانية لعدد من المؤسسات الرسمية بمسقط ضمن برنامج الزيارة .
فليس غريبا به أن يتبوأ هذا المركز الرفيع لأن وراءه امرأة عظيمة ،،، وكفى ...
كلمة شكر وتقدير وفاءً وعرفاناً أسوقها على لسان الاستاذين / محمد الطيب المحامى ، وأحمد ابوبكر ملى ، بحق الدكتوره نجاة ( بيان) على ما قامت به من مجهودات جبارة ، ولسان حالهم يعجز عن الوفاء بهذا الجميل ...
| |
|
|
|
|
|
|
|
|
|
Re: بورداب مسقط يحتفلون بقدوم الدكتورة بيان الى سلطنة عمان (Re: عادل سهل)
|
الاخت عائشة بت فاطنة
شكرا ليك على انزال الصور وفي انتظار المزيد
الاخ الفاتح الجنيد
الله يخليك ويحفظ ويحفظ الاخت اسماء واولادكم
الاخ عادل سهل
شكرا على مرورك اما الاخ محمد عثمان هو فعلا تاج وقار يتلالأ على هاماتنا هنا في مسقط
الاخ بدو عبد الحميد
اقسم بالله افتقدناك كثيرا وفكرت اعمل بوست عن غيابكم والاخ محمد على الملك
الاخ عمار
ما تخاف فرزنا الكيمان خلاص
| |
|
|
|
|
|
|
|
|
 Re: بورداب مسقط يحتفلون بقدوم الدكتورة بيان الى سلطنة عمان (Re: مريم بنت الحسين)
|
Quote: بالسودان ...
فى هذه الاثناء وبفضل جهودها الجبارة تمكنت الدكتورة من تحرير الطلبة من الاعتقال بعد اقناع السلطات الماليزية بأن الحادثة ناتجة عن تلاعب شخص مجهول بجهاز الطالب السودانى ...
ولحسن الصدف أن الدكتورة قد تمكنت من معالجة الموضوع قبل وصول أولياء الامور . الذين وجدوا أن الامور قد حلت عند استقبالها لهم ...
وعلى لسان والد أحد الطلبة السيد / محمد الطيب المحامى " قابلتنا الدكتورة فى المطار والدموع فى عينيها من شدة فرحتها بتبرأة أبناءنا "
أعود فأكرر من لم تعرفه ،، تجهله |
بنت اصول صحيح
| |
|
|
|
|
|
|
|
|
|
Re: بورداب مسقط يحتفلون بقدوم الدكتورة بيان الى سلطنة عمان (Re: abubakr)
|
عائشة
Quote: ودشيقوق دي حركات مسرحية وبس ونجاة بت محمود حاشاها ما ضلامية كلها نور
واستنارة وبيت علم وثقافة واختلاف الرأي لايفسد الود ولكل من يؤمن بالديمقراطية
قولا وفعلا عليه أن يسعى لجعل الوطن وابناء وبنات الوطن بيت واحد بالوان طيفه تماما مثل كل الاسر السودانية
حيث تجد في البيت الواحد جميع الاتجاهات وشتى الالوان كلها تتعايش ف يمحبة واحترام تحت سقف
الديمقراطية والبطن البطرانة |
لله درك بيان عرفناها اخت فاضلة ووديعة فانت يا عائشة اقرب الناس اليها ونصدقك القول فيها
| |
|
|
|
|
|
|
|
|
|
Re: بورداب مسقط يحتفلون بقدوم الدكتورة بيان الى سلطنة عمان (Re: الطيب شيقوق)
|
والله ياودشيقوق وحسب ما نعلم
الوصف والتوصيف حق العرريب لكن أنت قالوا ليك وصف
شبكتنا من اليمين إلى الشمال وبديت من الشمال
والخامسة دكتورة نجاة محمود وهي من اليمين كانت الثالثة
دكتورة نجاة والله الصورة أعادت لي ذكريات قديمة ..أن أستحضر في مخيلتي صورة وجهك
في مدرسة معهد التربية شندي وياسلااام لتلك الأيام
تعرف ياشيقوق مثل هذه الصور تخليك تشوف ناس تحادثهم دون ان تراهم وتكون رسمت
لهم صورة في مخيلتك وفتجدها دوماً مخالفة ومثلاً ودالمرتضى سعدنا بهذه الصور شديد
مرات فيك فائدة يا مرمي الله الما بتترفع
| |
|
|
|
|
|
|
|
|
|
Re: بورداب مسقط يحتفلون بقدوم الدكتورة بيان الى سلطنة عمان (Re: الطيب شيقوق)
|
Quote: والله ياودشيقوق وحسب ما نعلم
الوصف والتوصيف حق العرريب لكن أنت قالوا ليك وصف
شبكتنا من اليمين إلى الشمال وبديت من الشمال
والخامسة دكتورة نجاة محمود وهي من اليمين كانت الثالثة |
انت جابوك شاهد طابور شخصية ؟
Quote: دكتورة نجاة والله الصورة أعادت لي ذكريات قديمة ..أن أستحضر في مخيلتي صورة وجهك
في مدرسة معهد التربية شندي وياسلااام لتلك الأيام |
هل ثمة تباين ما بين الامس واليوم ؟
Quote: تعرف ياشيقوق مثل هذه الصور تخليك تشوف ناس تحادثهم دون ان تراهم وتكون رسمت
لهم صورة في مخيلتك وفتجدها دوماً مخالفة ومثلاً ودالمرتضى سعدنا بهذه الصور شديد
مرات فيك فائدة يا مرمي الله الما بتترفع |
الله يغتسك يا الشوم والفقر كلما نقول نمدنك نلقاك في سجمك
| |
|
|
|
|
|
|
|
|
|
Re: بورداب مسقط يحتفلون بقدوم الدكتورة بيان الى سلطنة عمان (Re: لؤى)
|
واصل الحب والمودة لكل الحلويين بت الحسين بت رفاعة بت علوية وبت احمد اخوي
كل ما طلت تعطر البورد بالحب والحنين ما فقدتك بشينة وتحياتي للاهل ووابنك الذي اتمنى ا
أنعم بمشاهدته وامه الغالية .
مشكور يا خالد للكمبلة والعرضة
لؤي حياك الغمام ومساك الود جائما تذكرني بايام البورد الندية والنغم الجميل تسلم سعيدة بطلتك
بكري ما تنقطع الصور جاية وعندي لقطة خاصة لصديقك اللدود ودشيقوق
بس دقايق
سلام ليك م الجميع من غير فرز
| |
|
|
|
|
|
|
|
|
|
Re: بورداب مسقط يحتفلون بقدوم الدكتورة بيان الى سلطنة عمان (Re: Ahmed al Qurashi)
|
| Quote: الحمد لله اتكلمنا معاها بالتلفون والفيك اتعرفت ...وياود المنسى نسيتنى مالك فى اهداء الاغنية ما كلمك ود شيقوق وقال ليك انامعاهم هنا... ما عهدناك بخيلا |
والله يا ودالقرشي كنت عارف اني نسيت زول وزول مهم قدر ما بحت راسي
ماقدرت اصل لي وبعدها وكل الحلوين في مسقط .. تعرف ياود القرشي
والله انت فينا كل الحلوين في مسقط ..امسحها لي في وشي والله ما بتغفر
لكن نعرف قلبك الكبير أهل لذلك يا جميل
مالي دون الناس الايام دي كلي لوم
يكون دا الشلهتا ورا هناية ديك ومزاحمة السجم ( ودشيقوق ) معاي والحرابة القايمة بيناتنا دي
المهم لك العذر حتى ترضى يا ودالقرشي
| |
|
|
|
|
|
|
|
|
|
Re: بورداب مسقط يحتفلون بقدوم الدكتورة بيان الى سلطنة عمان (Re: عشة بت فاطنة)
|
Quote: الشكر الجزيل يا أبوأحمد نعم إنك زول واجبة وبتعرف الإصول
لكن بعض الناس مهمشننا نعم إنهم مستجدين نعمة |
ريحانة البطانة سلااام يا طيبة
الأصل والأصول انت ونحن منكم نتجرع القليل من أصلكم وكرمكم يا رائعة
لك منا التحايا أجملها يا زهرة الحسن ودطلحة
وتحياتنا لكل الجمال في مسقط وهنيئاً لكم وجود الجميلة الدرة نجاة
محمود بينكم بلغوها عنّا السلام أطيبه
تحياتي
| |
|
|
|
|
|
|
|
|
|
Re: بورداب مسقط يحتفلون بقدوم الدكتورة بيان الى سلطنة عمان (Re: عشة بت فاطنة)
|
ود القرشي
| Quote: ... لكن يالطيب شيقوق دى ما بنساها ليك لا بتكلمونا بالاحتفال لا بتجيبوا سيرتنا انحن ما ناس اقاليم لكن الحمد لله اتكلمنا معاها بالتلفون والفيك اتعرفت |
والله من نعم الله علي ود شيقوق كون ود القرشي وبت طلحة يلتمسون الرحمة منه هيييييييييييييييع .
لكن للامانة البرنامج كان غير مرتب الاخت نجاة كانت مستضافة مع صديقتها عائشة بت فاطنة ونحن فقط بلغنا للمشاركة في الاستقبال وفي وقت متاخر جدا وما دون ذلك فلا علم لنا به .
لكم اخوتي العتبى حتى ترضون
| |
|
|
|
|
|
|
|
|
|
Re: بورداب مسقط يحتفلون بقدوم الدكتورة بيان الى سلطنة عمان (Re: الأمين لعوتة)
|
الاخوة
محمد فرح
ثاني
لعوتة
شكرا على مروركم - بس نصلح ليكم معلومة وهو اننا مجموعة من بورداب مسقط وعبركم نحيي بورداب الدوحة
الرطاني
Quote:
انا داير صورة انت ما فيها ....الواحد يشوفك يقعد يتذكر التيمس المغرز وقروانة الطحنية والقرود اصحابك وحفلة زيدان والحت وكدة ينسي يشوف التانيين المعاك في الصورة.. بالله فز ... |
اديها صبرة جاياك وكمان معاها اسلو دانسنج
| |
|
|
|
|
|
|
|
|
|
Re: بورداب مسقط يحتفلون بقدوم الدكتورة بيان الى سلطنة عمان (Re: الطيب شيقوق)
|
سلاااااااااام للجميع
الشوق بعمق الفرح
والفرح يقالد سماء مسقط
باطلالة الحبيبة نجاة محمود
كنت مستمتعه باللقاء الرائع..
والان اجتر فى ذكريات جميلة قضيتها
بصحبة تلك الانسانه الودودة ..
نعم انسانه.. بكل ما تحمل هذة الكلمه من معانى
الغالية نجاة تطوى فى دواخلها كم هائل من المعانى النبيلة
عرفتها من خلال حوش بكرى الالكترونى ..
وكان لبكرى وداره العريقة الفضل فى تعافرنا الاسفيرى
لم اندهش حين رأيتها .. لانهاهى كما هى
لم تتلون ولا تتجمل.. وديعه بشوشة
بطبيعتها العفوية وابتسامتها الرقيقة
وخفة ظلها التى مسحت غبار الغربة وهمهاولو لحين
سعدنا برفقتها رغم ضيق الوقت..
وظروفها وظروف زوجها بروف ابراهيم وارتباطه بالوفد الماليزى
الشكر كل الشكر لكل الاخوة والاخوات
الذين نظموا اللقاء فى زمن قياسى
لهم ولهن التحية بعمق النيل
الشكر مطبوق لى ست الفرح والذوق عشة بت امنا فاطنة
الكريمه بت الاصول فاتحه قلبها قبال بيتها للجميع
اسعدتينا يعلم الله يابت فاطنة..دائما سباقة للخير
بمجهوداتك المقدرة دائما موثقة لماتنا السمحة
ان شاء الله ديمه ملمومين فى السمح والزين
التحية لى ود القبائل ود شيقوق لفردك البوست الجميل
لاختنا الحبيبة د/ نجاة .. تستاهل اكتر واكتر والله
التحية لكل الحضور الجميل
الشرفونا فى تلك الليلة ..وشاركونا الفرحة فى هذا البوست
التحية دائما وابدا لاختنا نجاة وزوجها الانسان الخلوق
بروف ابراهيم .. ربى يسعدكم وسط وليداتكم واهلكم
قدر ما اسعدتونا بى طلتكم الجميلة..
فى انتظار الزيارة الموعودة منكم ان شاء الله
...
تخريمة
شكرا للحن الجميل يا لؤى يا الضىء
ود الاصول الما بتجيب شيتا نى
***
متاوقة
ابو بكر النوبى الاصيل.. سلامات يا نبيل
فى مداخلاتك مع اخونا العريريب ود شيقوق
ضحكت كما لم اضحك من قبل.. اضحك الله سنك دوما يا اخى العزيز
شكرا للجميع
اسماء الجنيد / مسقط
| |
|
|
|
|
|
|
|
|
|
Re: بورداب مسقط يحتفلون بقدوم الدكتورة بيان الى سلطنة عمان (Re: salma subhi)
|
Quote: اللحن الجّميل وضعه العزيز أستاذ خالد علي محجوب المنسي
لكِ وله التّحيّة |
اخى العزيز خالد ود المنسى
سلام بقلدة محنة وحنان اهلنا
عذرا يا الكريم على الخطا الغير مقصود يعلم الله
طبعا ود الامين بجهجها الكلام فى الحشا
بعشق غناه حد الثمالة
والاغنية دى بالزات كلماتها ولحنها عميق جدا
عمق جذور اهلنا السمحين
فاوالله يا اخى ما لاحظت للاسم .. افتكرت الاخ لؤى هو المنزلا
اعتذر حتى ترضى اخى الكريم
وشكرا مارقة من الجوف يا الضى زينة شباب الحى
****
Quote: بعد شُفنا صورك يا شيقا..
يحقُ لكَ أن تناديني...
ب..
...
خالتو ممكونة..!!! |
الحبيبة ممكنونه الدرة المكنونة
جد تعبير مباااااااااالغ فيه كم اضحكنى
فتى اخونا ابو بكر بى غادى فى المكايدة
لى شيقا على قولك لوووووووووول..
والمضحكنى طبعا العكس هو الصحيح
الجد شيقا يناديك يا بتى الصغيرة
الليله ابو بكر بجى يعمل ليك تمثال
****
اما اخونا قرض يا ستى
وبما انه لسانه طويل ..
جار عليه الزمن وجدعوه ناس البلد
فى مكان تبعد بعد السماء للارض من التكنلوجيا
لا يوجد فيها غير عيادته المتنقلة..
وبهائم المواطنين وقوتهم ..
ورغم ده تصدقى مشتاقين ليه
شوفى الحال ده بالله
لك وله التحية وشوق اكبر من صومعة القضارف .
| |
|
|
|
|
|
|
|
|
|
Re: بورداب مسقط يحتفلون بقدوم الدكتورة بيان الى سلطنة عمان (Re: soma)
|
الأخوة /الأخوات الأعزاء بورداب السلطنة(عشان ندخل ود القرشي-نسيم البرو البحر-)
و الله الشوق محيط وكمان هادي ليكم و لكل السودانيين الذين عرفناهم و عشنا بينهم هناك أحييكم فردا فردا( وفردة فردة) من البلد البعيد الغابر بغيابكم الجسدي والعامر بتواصلكم الروحي الأسفيرى.
أنا كنت ومازلت ولن انفك بوردابي عماني مها بعدت بي المسافات لأن تواصلي ازلي وحسدي هنا في قمم عسير وروحي هناك من الغبرة لروي مرورا بالحارثي.
تمر علينا مع حرمنا (سونا) و يوسف و عثمان الأربعاء هنا عقاب شهر لأننا نفتقد قفشات العم ود الخضر وفول الزبير و ازعاج ابننا خليل الذي اطلق عليه صلاح الكندو " العضو المنتدب " في النادي القديم بالخوير .
ما أحلاها من أيام و يابختكم بناس فضيلي جماع الذين فيما اظن قد ملاوا عليكم المكان سمرا وتحنانا.
التحية لضيوفكم الكرام من ماليزيا و التحية لود شيقوق راجل السوق الذي جمع الجمع فأوفى.
التحية لشيخنا جميعا أستاذنا محمد الطيب الذي يبين عند المخادة(ارجعوا للمثل الأصلي) و التحية للأب الشرعي لناسنا الأخ مرتضى .
التحية للإعلامية الفذة عشه بت فاطنة –الموثق الرسمي لأحداث مسقط الحلوة- و التحية لبت الجنيد وزوجها الكريم و شقيقها الفاتح ولهم تحية حارة من سونا.
لكنم قول لي يا ود شيقوق الشعر دا اسود كدي مالو؟ بقيت تعمل شنو بي ورانا؟
مكرر لمرتضى.
يا خونا اذكرونا فأن الذكرى ناقوس يدق في عالم النسيان
ود الشيخ/سونا
ابها
| |
|
|
|
|
|
|
|
|
|
Re: بورداب مسقط يحتفلون بقدوم الدكتورة بيان الى سلطنة عمان (Re: الطيب شيقوق)
|
شكرا شيقوق،
سعدنا بحق بزيارة الأخت الفاضلة د. نجاة رغم أنها كانت برهة وجيزة ونحن نسعد بأي لقاء
يجمعنا بإخوة وأخوات ينتمون لسوداننا ولسودانيزأونلاين أين كان اللقاء، نحن نؤمن بالتواصل
والإحترام والود ونثق بأن ذلك هو الذي يجب أن يسود لاغير.
أكرر التحية لأختي نجاة وزوجها وكل من شارك في إتاحة الفرصة لأن يتم اللقاء رغم ضيق الوقت
وكثافة الإلتزامات المنهكة.
مودتي.
| |
|
|
|
|
|
|
|
|
|
Re: بورداب مسقط يحتفلون بقدوم الدكتورة بيان الى سلطنة عمان (Re: لؤى)
|
كل بورداب السلطنة
احبكم
لكم مودتي
وتحياتي العطرة وجميل المنى
وانتم تحتفلون بحضور البروفسير
والدكتورة لأهم تحياتي واشواقي
عاشة بت فاطنة
لك السلام ونقي المودة
طبعا الأيام دي الذكريات
والونسة الصباحية
لمن طفشتو بيرق ليهو تحياتي
ربنا ازيدكم من فرحو وتفرحوا
وتسعدوا وكل المعاكم تملاهم السعادة
مودتي
| |
|
|
|
|
|
|
|
|
|
Re: بورداب مسقط يحتفلون بقدوم الدكتورة بيان الى سلطنة عمان (Re: محمد سنى دفع الله)
|
الاخ المرتضى
تحياتي
Quote: سعدنا بحق بزيارة الأخت الفاضلة د. نجاة رغم أنها كانت برهة وجيزة ونحن نسعد بأي لقاء
يجمعنا بإخوة وأخوات ينتمون لسوداننا ولسودانيزأونلاين أين كان اللقاء، نحن نؤمن بالتواصل
والإحترام والود ونثق بأن ذلك هو الذي يجب أن يسود لاغير.
أكرر التحية لأختي نجاة وزوجها وكل من شارك في إتاحة الفرصة لأن يتم اللقاء رغم ضيق الوقت
وكثافة الإلتزامات المنهكة. |
الله يديك العافية ويحفظ اخانا بكري ابو بكر الذي هيأ لنا اسباب اللقاء وللاخت الفاضلة نجاة واسرتها الكريمة اطيب الاماني .
| |
|
|
|
|
|
|
| |
الطيب شيقوق
عشة بت فاطنة
انعام حيمورة
الفاتح الجنيد
عادل سهل
مريم بنت الحسين
ود محجوب
abubakr
خالد علي محجوب المنسي
هاشم أحمد خلف الله
لؤى
Ahmed al Qurashi
محمد خليل ساني
محمد فرح
ALazhary2
mamkouna
salma subhi
MOHAMMED ELSHEIKH
محمد المرتضى حامد
محمد سنى دفع الله
فيس بوك
تويتر
انستقرام
يوتيوب
بنتيريست