الأخت الفاضلة الكريمة وضاحة لا تحزني نحن هنا ننجم ونفرق الهم بالمرح كوني بيننا ولا تحزني وهي الدنيا فيها شنو كلمة طيبة نقولها وتبقى هي ليوم الفصل والدين .. ارجو ان تفهمينا صاح وذلك هو المرام خليك بيننا سعدنا بمعرفتك وتظل بيننا الكلمة الطيبة ولك منا مودتنا وتحياتنا يا وضاحة
04-18-2008, 06:15 AM
فيصل محمد خليل فيصل محمد خليل
تاريخ التسجيل: 12-15-2005
مجموع المشاركات: 26041
الكلمة الطّيبة قد لا تمحو ما تشوّهه بعض البذاءات ، لكنّها حتماً في الغالب هي اليدّ البيضاء التي تمتد لتعالج الكثير من تلك التّشوّهات .. والكلمة الطيّبة جواز سفر لدخول كُلّ القلوب ، وبالكلمة الطيّبة نستطيع بناء أمّة راقية ..
Quote: هي دعوة صادقة أبعث بها لكل العقول التي إختصّها الله بمقدرة التأثير بكل أشكاله .. لكل الأقلام التي تستطيع بمدادها أن تصنع محيطاً من المودّة وأدب الإختلاف ..
دعوة أعشم أن يستوعب الجميع الهدف منها ، وأن نعمل معاً لنشرها بأمانة ونكران ذات .. أن نضع السّودان في حدقات أعيننا ، وأن نحسّ بأهمّيّة الدّور الذي نستطيع القيام به معاً ، مهما كانت توجّهاتنا أو درجة إختلافنا ..
دعوة من أجل السّودان لكل سودانيّة وسوداني يهمّهما أمر الوطن في المقام الأوّل ..
دعوة أوجّهها إلى أهل المسرح والموسيقى والفنون بكلّ ضروبها ، وإلى أهل القلم والشعر والأدب والكتابة والصحافة والإعلام .. أوجّهها إلى : ـ
الموصلي ، تماضر ، مريم الطيّب ، ساطور ، طارق ابو عبيدة ، عشّة بت فاطنة ، عبد العزيز خطّاب ، قيسان ، هاشم ميرغني ، الفاضلابي ، عمر دفع الله ، أنور عبد الرّحمن ، مبيوع ، علاء سنهوري .. محمّد المكّي إبراهيم ، فضيلي جمّاع ، عبد القادر الكتيّابي ، يحيى فضل الله ، رقيّة ورّاق ، الصادق الرضي ، بشرى الفاضل ، أسماء الجنيد ، نادية عثمان ، عثمان محمّد صالح ، أسامة الخّواض ، عجب الفيا ، محسن خالد ، منصور المفتاح ، أبو ذر بابكر ، عبير خيري ، فتحي البحيري ، عبد المنعم سيد أحمد ، صفاء فقيري ، عالية مبارك ، بشرى سليمان .. لنا مهدي ، محمّد حامد جمعة ، صباح أحمد ، نادية عثمان ، صلاح غريبة ..
وهذه كوكبة أسماء كتبتها دون ترتيب ودون حصر فأرجو أن ت/يعذرني كلّ من لم أضع إسمه/ا هنا ..
وأوجّهها كذلك لبعض الأقلام المؤثـّرة والمهمّة جدّاً وصاحبة الكلمة الواصلة ، ومنهم/ن أذكر على سبيل المثال لا الحصر : ـ
نهال كرّار ، دينق ، سناء خالد ، نور تاور ، ود قاسم ، أبو جهينة ، عبد الرازق الطالب ، هشام مدني ، خدر ، هالة الأحمدي ، أبو ساندرا ، إسماعيل التاج ، سجيمان ، حسين ملاسي ، تمبس ، إيمان أحمد ، كمال عبّاس ، علاء الدّين نصّار ، كوستاوي ، هاشم نوريت ، أساسي ، ياسر الشريف ، كمال فرانكلي ، بت الأحفاد ..
دعوة لأن نعي الدور الذي نستطيع القيام به عبر هذه المساحة التي توفّرت لنا .. فقد كان معظمنا من قبل يطالع الآراء من على البُعد دون إيجاد فرصة للرد عليها أو الإدلاء برأي حولها ، واليوم أصبح في مقدورنا من بيوتنا ، ومن مكاتبنا أو حتّى من المحلاّت في الطريق العام ، أصبح في مقدورنا إيصال كلمتنا لكلّ الأرجاء وفي لحظاتٍ معدودات ، وما أظنّنا ننسى كيف كانت ردود الافعال أحياناً ترد إلينا في خبر عن قفل الموقع هنا وهناك ، وحظر الموضوع الفلاني ..
حتّى لا أطيل ، أعشم حقّاً أن نبدأ منذ اليوم في التريّث في ردودنا على بعضنا البعض ، وإعطاء النفس مساحة للتفكير أوالإستيعاب قبل الرد أو الكتابة ، فالكلمة سلاح ذو حدّين ، وأنا لا أشك للحظة أن هدف أي واحد/ة منّا النيل من السّودان كوطن ، ذلك مهما كانت التوجّهات على إختلافها وإختلاف وجهات النظر حولها وحول العديد من القضايا ..
ما تمر به بلادنا الحبيبة وما حدث ويحدث يجب أن نقف عنده مهما كانت آراؤنا حوله ، ويجب أن ننطلق بخطّة مدروسة وغير عشوائية لنجنّب الوطن ويلات الموت والخراب ، فلا أعتقد أن شخص عاقل يتمنّاها ..
دعوتي هي أن نكتب بوعي ، وأن نختلف ونتناقش بأدب وفهم ، وأن نبتعد عن المهاترات والإستفزازات إن كان بإطلاقها أو الرد عليها ، وأن نفكّر في كلّ كلمة نكتبها قبل إرسالها ، وأن نبتعد عن الموضوعات التي لا تخدم غرض أكثر من كونها تهدم وتجر إلى صراعات لسنا في حوجة إليها ، وأن نستخدم البريد الشخصي للنقاش في المسائل الحسّاسة ، فهذا الموقع مقروء في كلّ العالم .. دعوتي أن نكون قدوة وحملة رسالة وأن نقوم بنشر الوعي والكلمة الطيّبة لأجل عيون هذا الوطن ، فهناك أجيال تنتظر أن نخلق لها وطناً آمناً مستقراً..
أختم بإعتذاري لكل الأسماء التي تخطّاها قلمي ولتجاوزي لألقاب ((الكتور/ة أو الأستاذ/ة)) ، وأختم بالتذكير بأنّنا من وإلى السودان مهما كانت لونيّاتنا وإنتماءاتنا .. تعالوا/ن نتغيّر قليلاً لنغيّر كثيراً .
وللجميع بلا فرز كلّ حبّي وإحترامي
لله درك يا عظيم ولكم تمنيت ان تكون هذه الومضات نبرسا يهتدي به جميع الاخوة/ات في هذا المنتدى .
قواسيب احترامي
04-18-2008, 08:29 AM
GamarBoBa GamarBoBa
تاريخ التسجيل: 03-07-2002
مجموع المشاركات: 4985
تعرف ياايمن كلامك صاح عمنا والعرريب ديل نومهم قليل.... الناس ديل شغالين سواقة بالليل والدغش حتي العريبي غشي بنشر قال بلسانه نرحب حتي عوده خالد صاحب الدار بالاخ لؤي وكلامه الجميل
وجمعة مباركة للجميع
04-18-2008, 08:45 AM
لؤى لؤى
تاريخ التسجيل: 06-01-2003
مجموع المشاركات: 14343
Quote: أيمن الطيب والله ما نسيت لكن سقط مني كنت خاتي لك عزف على الجيتار قلتا مادام الرطاني مسك اليزجيتار انت الجيتار كيف لي أن أنساك يا الحبيب قريب الحبيب المهم يا سيدي امسحها لي في وشي وزي ما قلت قبل اللوم بجي بالغفلات رضيت يا أيمن واوسط ليك ودشيقوق
وسط لى ود شيقوق
Quote: سماح ليه كدي قاطعا معاي اخدر انا كان ماشرحت ليك انت اشرح لي منو سماح انت شفتي ليك شوفا والله الفنان ولا ود شيقوق ولا ولدو ؟؟ الرطاني وبوبا ما شاكي فيهم ولا العم كمال جرا السبحة ودعاء شديد وجوار لي الحرم...
جر واطى زي دا اصلو ما شفنا قريب,,, رقاد قش لا حصل لا بحصل... أنا ما تحسبنى غايتو عشان عندى راى فى (سامحكم ) دا!!!! شوف الباقين..
القمر بوبا سلامات وجمعة مباركة,,,
Quote: تعرف ياايمن كلامك صاح عمنا والعرريب ديل نومهم قليل.... الناس ديل شغالين سواقة بالليل والدغش حتي العريبي غشي بنشر قال بلسانه
أخوك عارف القصة ومفروض نراعى عامل فرق الوقت وكدا والعريبى دا مفروض يمشى يغير أساتكه كلها باقى خلااااااااااس كل يوم ضارب منهم واحد ومسوحو آخر الليل شكلو كدا مركب أساتك ITMD
وين محيو ياخ..قول ليهو إنشاء الChance جات يا حبيب على الرقم المجانى,,, ومعاك كمان أرحب بأخونا لؤى شمت العائد إلى الملاعب بعد غيبة,,,,,,,,
04-18-2008, 01:47 PM
خالد علي محجوب المنسي خالد علي محجوب المنسي
تاريخ التسجيل: 04-09-2006
مجموع المشاركات: 15968
Quote: الكلمة الطّيبة قد لا تمحو ما تشوّهه بعض البذاءات ، لكنّها حتماً في الغالب هي اليدّ البيضاء التي تمتد لتعالج الكثير من تلك التّشوّهات .. والكلمة الطيّبة جواز سفر لدخول كُلّ القلوب ، وبالكلمة الطيّبة نستطيع بناء أمّة راقية ..
أملي أن نغيّر ما بأنفسنا حتّى يتغيّر ما بنا
الأخ الفاضل / لؤي تحية طيبة سلاااااام أولاً شكرا كتيييير على الزيارة والإنجمامة ترحب بك والشكر موصول لهذه الكلمات الطيبة .. الطيب دوماً طيب وماعلا الطيب شئ ألا زانه وما نزع من شئ ألا شانه
كانت الفكرة أخي الفاضل نابعة كل إنسان طيب ولكن المؤثرات الخارجية قد تجعله ينحرف عن مسار طبعه .. ونود بإنجمامتنا هذه أن ننصهر عرريب ورطانة( سوانيين ) ونتناول كل مناحي حياتنا بعيداً عن السياسة التي مادخلت في شئ ألا شانته نريد القلوب الصافية وإن اختلفنا في منهجنا في الحياة الدنيا والخلاف رحمة بين البشر لكن يكون بروح طيبة وهذا هو المقصد ... أخي مررت بسرعة على مكتبتك لكن وعد مني أن اتصفح ما كتب فيها بتمعن .. شدتني مقدمتها فلابد ان المتن أقوى وأفيد وهذا وعد نرجو ان تظل معنا وقد كنت بادرت بهذه الدعوة حتى ننعم بهذا المشروع كلمة طيبة أصلها ضارب في أعماق الأرض وفرعها يناطح عنان السماء .. لك مني أجل الاحترام والمودة وخليك قريب ونحن ناسك وأنت زولنا
Quote: ليس في ذلك أدنَى شك أستاذي وأنا في داري ووسط أهلي
الفاضل / لؤي هسع بنكلم ودشيقوق ينسج ليك العنقريب الهبابي داك وخليك قريب من شيوخنا والشدر الكبار فوقو الصمغ عم كمال والباشمهندس ابوبكر الرطاني تسلم يا لؤي على هذه الروح الطيبة والتي سوف تضفي على البوست جمال أبداعك في كل شئ من الألف للياء
نحن سعدين بوجودك بيننا وربنا يكبر الكوم ويتحقق الحُلم بعد أن تكونت نواة إنجمامة في الخرطوم الآن شعارها كلمة طيبة وهدفها اشاعة الطيبة والكلمة الطيبة وإلى الأمام نحن سائرين وبكم تعم الطيبة يا طيبين
مودتي لؤي
04-18-2008, 03:36 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
يا شيقا مالك اليام ديل تابط شرا معاى وراكب ظهر المجن بس اوع تكون قطيعتى مع القمر بوبا بخصوص اللساتك ياخ اساتكك ديل لازم يتغيروا سريع خاصة مع سواقة الليل الكتيرة.. كل يوم مبنشر بيك واحد فى حلة
يا لؤى تاااااااانى سلامات ومرحبتين بيك بعد غيبة.. امازلت تقيم فى تلك الجنة؟؟؟؟؟؟البعيدة!!!!!
Quote: لؤي نتمني ان تتواصل معنا وما بتسمع الا الكلمة السمحة بس مرات اكان جاتك درابة هابره ابقى رصااااااد وايمن الطيب بقدم خدمات لوجستية بما فيها الامداد العاطفي لكنو بوصلو لينا صريرات ما فيها عمار!!!! .
ركز مع الدرّاب والإمداد العاطفى ديل كويس باقى الفراغ العاطفى ده مشكلة كبيرة ضاربة البلد الدراب والطوب كمان عندو ناسو المختصين خاصة كان زعلو ...
ليك وحشة يا راجل .. وكلنا فى البعيدوالله مشتاقين لهمسة من الوطن..
04-18-2008, 05:13 PM
فيصل محمد خليل فيصل محمد خليل
تاريخ التسجيل: 12-15-2005
مجموع المشاركات: 26041
الى الاستاذ ابو بكر سيد احمد العالم كلها مقتنع بطعم العسل دة بس البقنع القاعد تحت السلم داك منو؟؟؟؟؟؟؟؟؟؟؟؟؟؟؟
الى شيقا الليلة عندى ليك مفأجاة خطيرة وهى عبارة عن هدية من الدندر كنتة وصيت ولدنا محى الدين يجيبة ليك وانشاء اللة حتستلمة الليلة بس يكون فى علمك الهدية دى C.O.D اية اخبار البنشر وبالمناسبة المبنشر العربية ولا انتة؟؟؟؟؟ قر قر قر قر او كما قالت عمك الفاهمك كيمو
04-18-2008, 05:16 PM
خالد علي محجوب المنسي خالد علي محجوب المنسي
تاريخ التسجيل: 04-09-2006
مجموع المشاركات: 15968
Quote: الفاضل / لؤي هسع بنكلم ودشيقوق ينسج ليك العنقريب الهبابي داك وخليك قريب من شيوخنا والشدر الكبار فوقو الصمغ عم كمال والباشمهندس ابوبكر الرطاني تسلم يا لؤي على هذه الروح الطيبة والتي سوف تضفي على البوست جمال أبداعك في كل شئ من الألف للياء
نحن سعدين بوجودك بيننا وربنا يكبر الكوم
أهو عنقريبي جاهز وآدي قعدة
المعزّة
ـــــ أنا في البعيد مشتاق لهمسة من الوطن يا نسمة
04-18-2008, 05:20 PM
abubakr abubakr
تاريخ التسجيل: 04-22-2002
مجموع المشاركات: 16044
أهل الشديرات سلالالالالالالالالالالالام طوّلنا الغيبة بسبب سفرة عاجلة ونستميح أهل الإنجمامة فى الأمارات كل العذر فقد كانت سفرة لمهمة محددة ، ولم تترك لنا لمة الأهل
فرصة للمهاتفة والوعد قائم فى مقبل الأيام.
لا أعرف من أين أبدأ:
مؤكد من ناحية أوتوكيييييييييييت : Ladies First
وضاحة فى مداخلتها الأولى قالت :
Quote: ما فى انثى غيرها هنا ولا ثنو
رفقا بالقوارير
أروى هذه الطرفة للأخت/ سماح بمناسبة كلامها:
دخل على الأديب إبن سعد بمجلسه بإشبيلية فتى وسيم الوجه به لثغ يردّ السين ثاءً ، وكان إسمه عيسى ، فقال له الأستاذ : ما اسمك يا بنى ّ؟ فقال : عيثا . فقال الشيخ : وأغيد كالقضيب معطفه **** يحكى لنا فى الكلام تخنيثا سألته والسؤال يخجله ***** ما اسمك يا بدر قال عيثا
ودخل شاب آخر على به لثغ يردّ الراء غيناً على الأديب الملقّب بالأبيض ، فجرى بين الصبى والأبيض حديث إلى أن قال له : ما غذاؤك ؟ فقال الصبى : القاند والسكع ، فطرب الأبيض وقال فى الحين :
وألثغ ما مثله ألثغ **** كأنه من فضة مُفرغ قلت له مولاى ما تغتذى *** فقال لى القاند والسكع
هكذا نحن فى هذه الإنجمامة نهتبل الفرصة فى أى تعليق أو مداخلة لتستمر المسامرة بقلب أبيض.
أبى بكر سيدأحمد : بركة الشفناك لكن والله نفس الخِلقة : صلعة محمد الأمين والشنب الأبيض وزى ما قال جورج برنارد شو ( الذى كان أصلعاً)
العالم يشبه لحيتى ( شنبى 9 غزارة فى الإنتاج وسوء فى التوزيع.
كل الترحيب بمن توسدوا عناقريبهم الهبابى فى هذه الشديرات وتوسطوها الأخوين: العبيد الطيب عبدالقادر لؤى
Quote: هي دعوة صادقة أبعث بها لكل العقول التي إختصّها الله بمقدرة التأثير بكل أشكاله .. لكل الأقلام التي تستطيع بمدادها أن تصنع محيطاً من المودّة وأدب الإختلاف ..
دعوة أعشم أن يستوعب الجميع الهدف منها ، وأن نعمل معاً لنشرها بأمانة ونكران ذات .. أن نضع السّودان في حدقات أعيننا ، وأن نحسّ بأهمّيّة الدّور الذي نستطيع القيام به معاً ، مهما كانت توجّهاتنا أو درجة إختلافنا ..
وهذا الشديرات (البوست ) لا يتقيد بوجود صاحبه فكل من كان له فضل وقت يقوم بزمام قيادته ( لحين ميسرة عودة صاحبه ) فهو إنعكاس لكل ما هو جميل فى السودان وطيبة أهله ... الطيب شيقوق :
إنت ما بتخلِّى محنك :
Quote: معانا واحد ممهول غائب بجي هو الغناي البجيب لينا حديث ناس الشريف الرضى وادريس جماع .
وما حا أخيب ظنك :
يقول شاعرنا الكبير جمّاع فى قصيدة ( شاء الهوى ):
شاء الهوى أو شئت أنت **** فمضيت فى صمتٍ مضيت أم هزّ غصنك طائرٌ *********غيرى فطرت إليه طرت وتركتنى شبحاً آمدُّ ******** إليك حبى أين رحت وغدوت كالمحموم لا ********** أهذى بهواك أنت وضيعتى أأنا تركتك ******* تذهبين بكل صمت هذا أوانك يا دموعى ****** فاظهرى أين اختبأت ؟ فإذا غفوت لكى أراك ***** فربما فى الحلم جئت فى دمعتى فى أهتى ******* فى كل شئ عشت أنت
04-18-2008, 10:35 PM
أيمن الطيب أيمن الطيب
تاريخ التسجيل: 09-19-2003
مجموع المشاركات: 5845
Quote: الليلة عندى ليك مفأجاة خطيرة وهى عبارة عن هدية من الدندر كنتة وصيت ولدنا محى الدين يجيبة ليك وانشاء اللة حتستلمة الليلة بس يكون فى علمك الهدية دى C.O.D اية اخبار البنشر وبالمناسبة المبنشر العربية ولا انتة؟؟؟؟؟
بالتاكيد الهدية حتكون من العيار التقيل يا كيمو
الاتنين مبنشرين .
04-19-2008, 08:30 AM
لؤى لؤى
تاريخ التسجيل: 06-01-2003
مجموع المشاركات: 14343
مرحب بك وعشان خاطرك وكلامك الرائع دا ح أهدى اللعب شوية عشان ما نتفضح طوالى كدا
لكن ما على طول
يعنى يا : بوبا ومحى الدين و ايمن ما تفرحو كتير قلنا بس فى الأول نسلم معانا ناس نيو
خالد:
ردودك زعلتنى وضحكتنى قرقرقر بجيك ليهم واحدة واحدة
فيصولــــــــــى
قلت الفليق بالطوب عاجبك ما عايزه يتغير
(تلعت سعب خلاس)
وضاحة: شلقوق (من شليق) دا راجل سكرة وطيب ومسكين شديدوفى غربة براه (فى حاجات مشتركة) أمانة فى زمتك تتوصى بيه ما تسيبيه لحظة أإصلنا من زمان بنتش على زول يعالجه شفت كيف يا شيقا قلبنا عليك
بجيكم والليلة يا العارفين روحكم ارجو الراجيكم
04-19-2008, 08:38 AM
لؤى لؤى
تاريخ التسجيل: 06-01-2003
مجموع المشاركات: 14343
إنت بالطريقة ده بتساعد فى إنتشار ظاهرة الغناء بمصاحبة الأورغ بس,,وتساعد على إنتشار العطالة برفضك الغناء بمصاحبة فرقة موسيقية مكتملة وفى هذه الحالة تكون ليس فنانا وإنما (ركشة)وأنا متأكد إنك ليس بذلك!!!!يعنى الواحد كان زاغ (بالفراش) مرة واحدة بحصل شنو!!!!!!!! خلينا نسترزق ياخ,,,,الفراش دايما طاير طاير _______________________________________________________________________________________ خالدوف الكوسوفى,,
Quote: أيمنوف ود الطيب ما شفتا الغزال بعيونو بجرّح الأسدِ
الأسد النتر شفنا تب!!!!لكن غزال دا ما لاقانى حايم بى هنا ________________________________________________________________ خالتى الفاضلة سلمى صبحى..
Quote: وأهم شي الدعاء ب........نسأل الله السلامة بالمناسبة يا سلااااام على الأغنية هاااااادئة وجمييييلة....
نسأل الله السلامة دائما يا ستنا,,, وشكرا ليك يا ذوق,, نحن فى حالة بحث دائم عن الهدوء والجمال,, _______________________________________________________________ سم!!!!!!!!!!!!!!!!!!ح,,,
Quote: غاب أب شنب ولعب أب ضنب الخط عشان يا أيمن أسهل عليك التركيز وأنا الكنت بقول ديل أهلى وديل ناسى (معليــــــــــــــــش)
لحظة تتخلى عن تركيزك الدقسة بتحصل المشكلة فى الدقسات الغالية يا فردة,,,,,,, وديل أهلك وديل ناسك أكيد بس خليك واضح يا جميل
لكن سؤالى ليك يا سامسونغ,,, منو ابشنب ومنو ابضنب؟؟؟؟؟؟؟
تحياتى,,,,,
04-19-2008, 07:15 AM
sama7 sama7
تاريخ التسجيل: 02-05-2002
مجموع المشاركات: 1342
وعيونهم حزينة بتبلل ثراك أبواب المدينة بتسلم عليك والشارع يتاوق يتنفس هواك ***** يحليلك حليلك يا حليل الحكاوي تتونس كأنك يوم ما كنت ناوي تجمع لم تفرق بين الناس تساوي نارك ما تحرق ما بتشد تلاوي ما بتحب تفرق من جيبك تداوي الحلم الجماعي والعدل إجتماعي والروح السماوي والحب الكبير في الزمن المكندك والحزن الإضافي جينا نقول نجي نلقاه مافي لاسافر مشرق لا فتران وغافي وين عمي البطرق جواي القوافي يا كرسيهو وسريرو هل مازلت دافي يامرتبتو يمكن في مكتبتو قاعد يقرأ وذهنو صافي ****** ويا تلك الترامس وينو الصوتو هامس كالمترار يساسق يمشي كما الحفيف كم في الذهن عالق ثرثرة المعالق والشاي اللطيف تصنيف الكبابي أجمل من صبايا بينات الروابي والظل الوريف أحمر زاهي باهي يلفت إنتباهي هل سكر ذيادة أم سكر خفيف ينده للبنية يديها الحلاوة والخاطر يطيب يدخل جنو منو محبوب الشقاوة يستنى النصيب الدفو والنداوة السنا والعبير كالغزلان هناك
ودأبو القاسم وين الغيبة طالت بك .. تمشي الأمارات وما تزور ركني قامة في الإنجمامة ابوبكر الرطاني وحمامة السلام والله إتلومتا لوم اليابا طه ... بالمناسبة سمعت أن أخوات شيقوق كنَّ يعزنه شديد وكل شئ يعجبهنَّ يقولن ( أد اريتو حق شيقوق العربية دي اريتا عربية شيقوق ) مرة شافن خروف سمين أيام الأضاحي وضنبو طويل وجميل وسمين .. واحد فيهنَّ قالت : ( دا أريتو ضنب شيقوق )
Quote: شاء الهوى أو شئت أنت **** فمضيت فى صمتٍ مضيت أم هزّ غصنك طائرٌ *********غيرى فطرت إليه طرت وتركتنى شبحاً آمدُّ ******** إليك حبى أين رحت
دي الكلام يا ود أبوالقاسم البخلي الزووول يعضي يديهو ود جماع كان سرح منو البقوم يهديهو يتوكنا نحن ونتكوي بي الكاويهو كلام والله ما بنقدر علي فراقك مافي امارات تاني ولا تشيل اللاب توب معاك في حلك وترحالك ..
04-19-2008, 08:28 AM
محي الدين جبريل محي الدين جبريل
تاريخ التسجيل: 11-05-2007
مجموع المشاركات: 1848
جيهتا نفسك تب يا لؤي بس دي عيب فوق حقنا تجي بي عنقريبك الهبابي طيب حرّم يا جنى وينو محي الدين ها جنى هوي قوم علي الزريبة جيب ليك خروفا سمح أضبحو .. ونغام البنيات ديل سماح وسلمى وضاحة شليفن هناك متهكرات يناضمن في الجنى ودشيقوق الما بفتر من النضمي دا
ابقى لي داخل حرّم تاني ما بنفك تمر تمش محل بس بيناتنا هنا
مودتي لؤي
04-19-2008, 07:31 PM
لؤى لؤى
تاريخ التسجيل: 06-01-2003
مجموع المشاركات: 14343
Quote: بالمناسبة سمعت أن أخوات شيقوق كنَّ يعزنه شديد وكل شئ يعجبهنَّ يقولن ( أد اريتو حق شيقوق العربية دي اريتا عربية شيقوق ) مرة شافن خروف سمين أيام الأضاحي وضنبو طويل وجميل وسمين .. واحد فيهنَّ قالت : ( دا أريتو ضنب شيقوق )
انتو مجانين
انا لما اشوف الطلح ببقى اعمى واطرش بذكرني اهلي وبذكرني عتيّد البرمة والتاتيب والكعكول وتاني ما بذكرني حاجة الا بس الرطاني يكلمنى بحاجة نسيتها ساااااااااى !!!!!!
انت يا فيصل انشاء الله سبعة حجات و10 تعمرات وتختما بعروس عريريبية بتعرف تجيه الطلح ده اكان لى بنّّوتك المعانا ديل طاشات ساى ما بعرفنو الا يشيلنو ويعملنو ديكور في بيوتن او تاتيب للرواكيب والصرفات .
هييييييييييييع فيصولي الغاب وجاب ضقلها يتلولح
04-20-2008, 07:34 AM
محي الدين جبريل محي الدين جبريل
تاريخ التسجيل: 11-05-2007
مجموع المشاركات: 1848
Quote: دخل على الأديب إبن سعد بمجلسه بإشبيلية فتى وسيم الوجه به لثغ يردّ السين ثاءً ، وكان إسمه عيسى ، فقال له الأستاذ : ما اسمك يا بنى ّ؟ فقال : عيثا . فقال الشيخ : وأغيد كالقضيب معطفه **** يحكى لنا فى الكلام تخنيثا سألته والسؤال يخجله ***** ما اسمك يا بدر قال عيثا
ودخل شاب آخر على به لثغ يردّ الراء غيناً على الأديب الملقّب بالأبيض ، فجرى بين الصبى والأبيض حديث إلى أن قال له : ما غذاؤك ؟ فقال الصبى : القاند والسكع ، فطرب الأبيض وقال فى الحين :
وألثغ ما مثله ألثغ **** كأنه من فضة مُفرغ قلت له مولاى ما تغتذى *** فقال لى القاند والسكع
thimply the betht
شيقا:
Quote: انا لما اشوف الطلح ببقى اعمى واطرش بذكرني اهلي وبذكرني عتيّد البرمة والتاتيب والكعكول وتاني ما بذكرني حاجة الا بس الرطاني يكلمنى بحاجة نسيتها ساااااااااى !!!!!!
متأكد؟؟؟؟؟؟؟؟؟؟
Quote: اكان لى بنّّوتك المعانا ديل طاشات ساى ما بعرفنو الا يشيلنو ويعملنو ديكور في بيوتن او تاتيب للرواكيب والصرفات .
Quote: انت يا فيصل انشاء الله سبعة حجات و10 تعمرات وتختما بعروس عريريبية بتعرف تجيه الطلح ده اكان لى بنّّوتك المعانا ديل طاشات ساى ما بعرفنو الا يشيلنو ويعملنو ديكور في بيوتن او تاتيب للرواكيب والصرفات .
هييييييييييييع فيصولي الغاب وجاب ضقلها يتلولح
الحصين تجقلب و الشكر لحمد
04-19-2008, 11:20 AM
salma subhi salma subhi
تاريخ التسجيل: 06-29-2006
مجموع المشاركات: 4817
وندوزنا شاف النور انتي فايرس FULL انتي اسباي FULL مسنجرات يكاااا وكلو سيريلات مضروبة والبركة في الداقس بيل قيتس
سماح الله يغيط
Quote: لأنه بتوقع يكون فى هم بدأ اليوم داك (نظام يحلنى الحل بلة وكدا وأنا الشبكنى فى الموضوع دا شنو)
علي الايمان انتي ما ناقشة ساي هسة السنجك يغني في اللشفته قبل ما تشوفك عييني عمر ضايع ضايع يحسبوه ازاي عليا ترلم ترن ترم ترااااااا
Quote: بوبا:
وندوز شنو ياخ الراجل عازمك فطور فى المكتب
بعدين شنو قصة تنسق مع السنجك
السنجك دا زول مشهور ومهم ما فاضى لحنك الفطولر دا كدى امشى انت أول ما تفوت الفرصة
الراجل اول شي جاني هو المكتب وكتر خيره وبارك الله فيه ثانيا هسة انتي ما دايرة مع الناس وبتشقي في الصفوف لما تقولي السنجك فنان ومافاضي ليك (نزل عدد واحد كرت اصفر يا المنسي هنا).
محيو
Quote: أيمن
أنا منتظر تلفونك الليل كلوا يوم الخميس ، أشيل وأخت فى راسى للبياح .
خايف ايمن يطلع فاطمة برضو غايتو بقت في شكوك ما دام ما اتصل
ابوبكر ابوالقاسم
Quote: أبى بكر سيدأحمد : بركة الشفناك لكن والله نفس الخِلقة : صلعة محمد الأمين والشنب الأبيض وزى ما قال جورج برنارد شو ( الذى كان أصلعاً)
العالم يشبه لحيتى ( شنبى 9 غزارة فى الإنتاج وسوء فى التوزيع.
حمدالله علي السلامة...الزول ده صغير الشيب ده وراثة
لكن السنجك جبتا لينا هوا في مسألة الصلعة دي
بس خلاص
04-19-2008, 03:32 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: أملي أن نغيّر ما بأنفسنا حتّى يتغيّر ما بنا
يا قريبي انت زمااااانك ما كنت بتجيب الغنا السمح والموسيقي في المنبر بشان يحصل تغيير وبعدين غبت كتييير لحدما الناس نست الغنا .. اهاواصل التغيير ..قطع الموازييك السوداني ما في حاجة بتلصقها مع بعض الا ما يعيش في الوجدان من لحن جميل وكلمة طيبة واحترام وحب كتيييييير يرد للمراة مكانتها ككنداكة وللرجل انسانيته التي تقتلها جحافل تتار الطماعيين ومحبي السلطة ....
04-19-2008, 02:01 PM
GamarBoBa GamarBoBa
تاريخ التسجيل: 03-07-2002
مجموع المشاركات: 4985
Quote: يا قريبي انت زمااااانك ما كنت بتجيب الغنا السمح والموسيقي في المنبر بشان يحصل تغيير وبعدين غبت كتييير لحدما الناس نست الغنا .. اهاواصل التغيير ..قطع الموازييك السوداني ما في حاجة بتلصقها مع بعض الا ما يعيش في الوجدان من لحن جميل وكلمة طيبة واحترام وحب كتيييييير يرد للمراة مكانتها ككنداكة وللرجل انسانيته التي تقتلها جحافل تتار الطماعيين ومحبي السلطة ....
وصيّتك على العين والرّاس أستاذي سنحارب معاً القُبح بالحُبّ ، بالكلمة الطّيبة ، بالألحان ، بالجّمال وبحُسن النّوايا ..
تقديري
ـــــ أنا في البعيد مشتاق لهمسة من الوطن يا نسمة
04-19-2008, 01:55 PM
أبوبكر أبوالقاسم أبوبكر أبوالقاسم
تاريخ التسجيل: 11-27-2007
مجموع المشاركات: 2805
شيقا سلامات,, شايف الزول دا عصر عليك شديد,,, ونساك الهييييييييييييييييع إياها
Quote: تانى بتجيب سيرة البحر؟؟؟؟؟؟؟؟؟؟؟
وشايفك سويت زى قريبنا ودالمنسى ورقدت القش
Quote: يجازي محنك المسلطة الواقعة من السماء 7 مرات
--------------------------------------------------------- س!!!!!!!!!!!مح,,, والله كنان بقى راجل عديييييييل كده هبش السلك العريان المرة دى وطلع من جحره رسسسسسسسمى ,,,
Quote: الله يجازيكم يا الطيب وولده جبتو لى الهوا الناس برسلو لى يسألو بنت ولا ولد حسى عليكم الله دا كلام غايتو يا شيقا انا كان قبلت عليك بهدلتك ساهلة أما أيمن دا ح استعين بمساعدة سيدنا (يلحقنى وينجدنى)
والقمر بوبا قنطرا ليهو وريحو خالس خالس
Quote: ريحتنى الله يريحك أححححححححححححححححى يا فاطمة ما عجبنى ليك التسوى بإيدك (بكسر الدال)
________________________________________________________________ لكن هاك الخلاصة بعد الإزعاج الكتير السويتو دا يا ولدنا,,, قال القمر:
Quote: خايف ايمن يطلع فاطمة برضو غايتو بقت في شكوك ما دام ما اتصل
القمر بوبا سلامات يا صاحبى,, فاطمة هينة الكلام كلام الشفت المدور هنا دا وإنت يا نقشتا الكنته يا عامل رايح ولا كمان تكون سويت الكمين ولابد
الكلام الفوق أيضا لكل من يأنس فى نفسه الكفاءة يا حلوين يعنى ليك برضو يا ولدنا!!!!!!!! سلمى صبحى قالت درب السلامة للحول قريب
04-19-2008, 03:27 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: غايتو يا سماح اللثغة عندك وكمان بالإنجليزى ، هسع يجيبوا ليك طرائف من وين
؟
جاي من دبي وعايز تخش الحلبة تووووووووش شنو الخفة دى - قال يا سماح اللغة عندك ... وهيك
Quote: محىالدين جبريل ، لو أنا لسه حافظ الصعيد بقول ليك إنو موقع شوالات الطلح ديل فى خور عنيكليبة ( بعد سنجة) ، وبالمناسبة
بالغت عدييييييييل بالتاكيد الراجل الواقف مع الشوالات ده زبونك ومضوقو العصرة عشان يديل ال gooooooooooood quality لكن بيني وبينك عنيكليبة ما فيها شدر طلح واقف زى ده ده بكون على سيرو وود النيل وجلقني
الط
Quote: لح جديد من شكلو كدا ولا بد من تعتيقه.شئ ثانى العرب بضعوا السمح فوق والباقى ما أنزل الله به من سلطان لو ما فرّغت الشوال بتأكل نيم.
هههههههههههههههههههههههههههههها ضحكتنى ياخي ده حركات كنا بنسويها نحن لناس البندر هم ما بفرزوا الطلح من اللعوت .
Quote: للحقيقة والتاريخ عرضت على ( ودشيقوق) الذهاب معاً للأمارات ولكنه إعتذر بسبب العمل وتعارض الإجازات
Quote: أيمن أنا منتظر تلفونك الليل كلوا يوم الخميس ، أشيل وأخت فى راسى للبياح .
لكن الخط الساخن بتاع الرقم المجانى دا أنا اخش عليهو كيف الليل كلو الخطوط مشغولة وهذا الرقم لا يمكن الوصول إليه,,, تلفونك دا شكلو إلا نحجز من الصباح عشان نلقى فيه فرقة معقول دا كلو كلام مع بوبا!!!!!!!!! سأحاول مرة أخرى,,,
خليك مساهر........
04-19-2008, 04:19 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
العبيد زول الشرق وكلنا فى الهم شرق,,حبابك ألف يازول والبيت بيتك وأبقى داخل ومتوهط,, الأخت الفاضلة وضاحة ....مرات عندنا حبة طوب ودراب لكن ما بعوقو ..طوب ودراب من الأخوان ما مشكلة مرّه مرّه ومرحبا بك إضافة (نوعية) لرائدات الشدرات
الاخ العزيز ايمن احييك من علي البعد واتمني اني متد التواصل علي نهج اهل الشرق
04-19-2008, 06:50 PM
العبيد الطيب عبدالقادر العبيد الطيب عبدالقادر
تاريخ التسجيل: 01-14-2008
مجموع المشاركات: 300
يطيب المقام ويحلو الحديث ويمتد التواصل علي اثير شديرات الانجمامة واملي ان اكون عند حسن الجميع ولكل من هب لاستقبالي علي اللقاء في رحاب هذا البوست الجميل حيث تتناثر ابداعات الجميع املا ونورا وضياء
وعلي متن هذه الاريحية في ضل شديراتنا نرتاح النفوس وتهدا
04-19-2008, 07:33 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: ليك شكرا يعم كل الفريق والحلة مشهور بالكرم محل تقوم وتدلي تبراك الشهامة ياك سيد الشلة عقب في الترحاب عجبانا فيك الطلة
يطول عمرك كدى ورينا انت من جنوبنا الحبيب ولا غربنا ولا شرقنا ولا شمالنا بس عشان نعرف اللهجة البتناسبك نحن هنا كل السودان منجم تحت راكوبة وااااااااااااحدة يا حبيبنا
04-20-2008, 02:29 AM
abubakr abubakr
تاريخ التسجيل: 04-22-2002
مجموع المشاركات: 16044
Quote: يطول عمرك كدى ورينا انت من جنوبنا الحبيب ولا غربنا ولا شرقنا ولا شمالنا بس عشان نعرف اللهجة البتناسبك نحن هنا كل السودان منجم تحت راكوبة وااااااااااااحدة يا حبيبنا
سؤالك يعنى أنك ما بتذاكر كويس يا ابوى!!!! الرجاء مراجعة مداخلات أخونا البشاقرة شرق,, وتانى بطل شلاقة وذاكر قبل ما تسأل,,,,,,
الطيب إنت مركّز وين يا حاج أصحى معانا يا زول!!!!! العبيد أخوى معليش لك العتبى,,,الناس ديل الأيام ديل مهودين تب
04-20-2008, 06:14 AM
salma subhi salma subhi
تاريخ التسجيل: 06-29-2006
مجموع المشاركات: 4817
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
الطيب شيقوق
abubakr
وضاحة
خالد علي محجوب المنسي
فيصل محمد خليل
لؤى
GamarBoBa
أيمن الطيب
أبي بكر سيد احمد
أبوبكر أبوالقاسم
salma subhi
sama7
محي الدين جبريل
العبيد الطيب عبدالقادر
فيس بوك
تويتر
انستقرام
يوتيوب
بنتيريست