|
|
 نبارك للطيب شيقوق
|
نهنىء الأخ / الطيب شيقوق
بفوزه لآول مرة فى تاريخه الحافل بخوض معترك الإنتخابات
ودخوله عضوية مجلس نادى الجالية السودانية بمسقط .
|
|
 
|
|
|
|
|
|
|
 Re: نبارك للطيب شيقوق (Re: سمية الحسن طلحة)
|
Quote: بفوزه لآول مرة فى تاريخه الحافل بخوض معترك الإنتخابات
ودخوله عضوية مجلس نادى الجالية السودانية بمسقط . |
موغابي ؟؟؟؟؟ اشتري اصوات بعد ما باع النهر وطلع نهر جاف ؟؟؟ اما دخوله المعتركات فقديم قدم التيمس بتاع عمو المغرز في النهر الجاف ..فهو كل يوم في معترك اخرها قضية رفعها ضدي انا الرطان ولم ولن يكسبها فليس اندنا شراء وبيع اصوات كبيع الاسهم التي هو مستشار سوقها ...
انا ننحتج لكن نسوي شنو اهو "نبارك " لكن لو في واحد منكم با جالية مسقط اشتكي منو انا ما مسعول ولا فضيلي مسعول ولا الفاررق البوريهو دريبات المقاه الامهرية...دة لا كان في البال لا الخاطر اها الواحد يسوي شنو ...لكن هو شغال دعايات انتخابية واتصل هاتفيا بتجمعات السودانيين في المملكة التي مارست ضغوطا شديدة علي الجماعة في مسقط .. كوسة
| |
|
|
|
|
|
|
|
|
|
Re: نبارك للطيب شيقوق (Re: abubakr)
|
ألف مبروك آاااااااااا الطيب ...
ولا تنسى أن تدعونا أنا وأبابكر
للإحتفال الذي يجب أن يكون بفرقة
الامبراطور هيلا سلاسي ذاته وليس أقل,,,,
ولا تنسى حليمة الصومالية .........!!
يعني احتفال (قرن) ... أفريقي !!!!!!!!!
| |
|
|
|
|
|
|
|
|
|
Re: نبارك للطيب شيقوق (Re: سمية الحسن طلحة)
|
العرريب ودشيقوق العضو الحتات المسطح نهدييك بمناسبة فوزكم "الكوسة " هذه االابيات من حكي صديقنا احمد بن فؤاد بن نجم :
Quote: كمان الصحافه
حتكتب فى حالتك
وتنشر مناظر لخالك وخالتك
وتتطلع يا مسعد عليك الغناوي
وتسمع باسمك
فى قلب القهاوي
تحبك مشيره وبنات الجزيره
وقصه غرامك
تشيع فى الرداوي
يعيش عم مسعد
يعيش يعيش يعيش
يعيش أهل بلدي
|
| |
|
|
|
|
|
|
|
|
|
Re: نبارك للطيب شيقوق (Re: Muna Khugali)
|
مبروك آآآ شيخ العرب
وعقبال البرلمان الديمقراطي هنااااااااك
الطيب زولا طيب ومحبوب من الجميع عشان كدي لا بد يكون فاز بالاجماع السكوتي من جالية مسقط المتميزة جدا..
| |
|
|
|
|
|
|
|
|
|
Re: نبارك للطيب شيقوق (Re: عبده عبدا لحميد جاد الله)
|
مبروك يا ود شيقوق ثقة الجالية السودانية فيك . أهل مسقط ما ممكن يختاروا غير إنسان يسر البال..وإنت قدرها ونص وخمسة. بس مطلوب منك ترفع السماعة - بعد ما تخلف رجل فوق رجل وتفتل شنبك الماهو لعب- وتتصل بصديقك اللدود المهندس أبوبكر. وطبعا صوتك لازم يكون فيه من هنا لقدام رنة بتاعة الناس المهمين يعني !! وبين كل جملة والتانية تمط الحروف في غير موضعها زي ما الناس المهمين بعملوا..تقول مثلا وإنت بتسلم على صديقك "هندسة" : ولله تعرف يا أبوبكر الواحد قال آ..آ..آ..آ......يسعل من أحوالكم وكدة..آ..آ..آ..والبتاع عندكم عامل كيف ؟ وطبعا هندسة حيكون قرب يطرشق من الزعل للتحول الغريب دا. ويسألك: بتاع شنو وهناي شنو؟ من ناحيتك ما تهتم. قول ليه: طيب يا باشمهندس هسي عندنا اجتماع ..بتكلم معاك وكت تاني !!!! وتقفل الخط من غير تنتظر منه حرف واحد...أصول التحول الجديد.
يا ملكة شكرا ليك على موافاتنا بالخبر السار.
| |
|
|
|
|
|
|
|
|
 Re: نبارك للطيب شيقوق (Re: سمية الحسن طلحة)
|
| Quote: موغابي ؟؟؟؟؟ اشتري اصوات بعد ما باع النهر وطلع نهر جاف ؟؟؟ |
ياخواننا الروح الرياضية دي وينا؟
ألف مبروك الحبيب الطيب شيقوق خير من يمثلنا (أهل سنار و منتسبيها) في كافة المحافل الدولية
شكراً سمية الحبيبة الخبر الحلو
| |
|
|
|
|
|
|
|
|
|
Re: نبارك للطيب شيقوق (Re: سمية الحسن طلحة)
|
| Quote: اها يا اخونا انا مش كده جاهز لبروتوكولات عضوية النادي لانى عارف اى حاجة صاح ؟ |
انا خايف النادي يبقي زي البرلمان الكوري الجنوبي ونشوف الجماعة بتناطحو بروسينم زي التيران ؟؟ بروتوكولات شنو ؟ ات قايل نفسك ودالشيخ الموريتاني اول رئيس منتخب في افريقياغرب وشمال وشبه ووسط الصحراء في الثلاثين سنة الماضية ؟انت خت ليك كرسي برة قدام النادي ما تدخل الا السمحيين ؟؟ دي شغلانة بترفع اسهمك واكيد حينتخبوك تاني دوغري الي جهنم ؟؟؟
اها كلمت الجماعة في ام مبدة واللا نايم بالخبر وخليتو لصحبات الفارووق ياخاين ؟؟
اوع تمشي النادي لابس بدلتك الحمرة بعدين يفكو فيك تور يجيب خبرك ؟؟
| |
|
|
|
|
|
|
|
|
|
Re: نبارك للطيب شيقوق (Re: abubakr)
|
Quote: ياخواننا الروح الرياضية دي وينا؟
ألف مبروك الحبيب الطيب شيقوق خير من يمثلنا (أهل سنار و منتسبيها) في كافة المحافل الدولية
شكراً سمية الحبيبة الخبر الحلو |
اخوتى المتداخلون كلكم كيفكم واعذرونى النت بطال هنا ولهذا يتعذر تناول اى موضوع على حدة للتعليق عليه سواء من قبل الملكة ولا حتى من قبلي - نامل ان ينشط النت ونعود زى ما كنا اول .
معزتي
| |
|
|
|
|
|
|
|
|
|
Re: نبارك للطيب شيقوق (Re: فاروق حامد محمد)
|
مبارك
ألف الف مبارك
أخي الطيب شيقوق
بعد كدا تقابل الجاية متحزم
و تدارك الجاية متلزم. أصل المسؤولية حارة.
و بعد كدا الناس فاتحين خشومهم و راجين العثرات
عشان يدوروا إنتقادات.. ما سودانيين، و للاّ شنو؟
شد حد حيلك و واثقين منك. و لي قدام.
شكرا الملكة على نقل النبا السعيد.
| |
|
|
|
|
|
|
|
|
|
Re: نبارك للطيب شيقوق (Re: سمية الحسن طلحة)
|
| Quote: عشان يدوروا إنتقادات.. ما سودانيين، و للاّ شنو؟ |
ابوعسل مين قالييك انتقادات وسعوالات بعدين ؟؟؟ هسع اولا في سعوالات وانتقادات :
هل صحي في نادي ؟
هل صحي عملو انتخابات؟
هل كانت نزيهة ؟
ليه ما جابو مراقبيين من مركز كارتر ؟
منو الرشح ودشيقوق مع انو في ناس اقدم منو ؟
ودشيقوق دة ما عميل النهر الجاف .. انتو ما عارفيين ما جفف النهر الجاف ودحيين حيجفف دموع النادي ؟
شفت كيف ..قال بعديين ...
| |
|
|
|
|
|
|
|
|
|
Re: نبارك للطيب شيقوق (Re: سمية الحسن طلحة)
|
Quote: شيقوق يا الطيب،
مبروك لك ثقة الجالية بمسقط.
مبروك لكل زملائك في المجلس المنتخب وحتما ستثرون النادي بكل جميل.
مودتي |
آي يا مرتضى شلتها بي صمتها لأنها تهنئة رقيقة وعجبتني
تحياتي
| |
|
|
|
|
|
|
|
|
|
Re: نبارك للطيب شيقوق (Re: سمية الحسن طلحة)
|
| Quote: ياخواننا الروح الرياضية دي وينا؟ |
يالنا يابتي العرريب ودشيقوق الروح الرياضية ما نزلت معاهو الانتخابات.. المرة دي نزل براهو واصلو بحب يمشي براهو يقطع الانهار الجافة ..دي قصة طويلة من زمن ما كان بيركب تيمس عمو المغرز.. هسع بس باركي ليهو وعقبال ما يطلع التيمس المغرز بعداك تعملي معاهو لقاء صحفي بالانجاز العظيم ؟.. فهمتي حاجة ؟؟؟
| |
|
|
|
|
|
|
|
|
|
Re: نبارك للطيب شيقوق (Re: Alshafea Ibrahim)
|
ابو بكر ممكن استشارة -
هسع البوست ده فاتحاهو الملكة وهى غائبة والضيوف كتااااااااار حتى الشفيع ود ابراهيم وصلنا بس وين - احمد حماد
وين عرب البطانة
وين ود المحرب
وين ام احمد
وين عواطف
وين بكري ابو بكر ذااااااااااتو - وصلوا لبكرى ابو بكر الخبر ده وقولوا ليهو هو نحن اكان ما منبرك ده في حد بيعرفنا وبصوت لينا .
وين ماجدة ولا خلاص عشان منى اختها جات قولوا ليها ده مش فيهو تمثيل تجى براها وشايله
وين ام ناصر وام فرح ( الفاروق حقو نعمل ليها عضوية عشان تاني تتلفت وتكتب )
اها يا ابا بكر انا بقيت في اللجنة الاجتماعية قسم العلاقات العامة في النادي ورونى اعمل شنو هى ذاتها سمحة ولا ما سمحة ؟ اكان فيها كواسة انا عندى ليها الدابة وعندى ليها الوقت وعندى ليها الابتسامة وعندى ليها طولة البال وعندى ليها التقلة وعندى ليها معرفة مقامات الرجال وعندى ليها العفو عما سلف على الا يتعارض ذلك مع الثوابت القانونية .
اها تاني عندكم لي كلام
بس انا لو عايزنى اقدم استقالتي من العضوية ده سريع يتلحونى ناس الرياضة شفتوا ديل انا ونستهم ما بحبها رغم انى هلالابي ومريخابي يعنى المزدوج الكروي .
| |
|
|
|
|
|
|
|
|
|
Re: نبارك للطيب شيقوق (Re: Tumadir)
|
Quote: نهنىء الأخ / الطيب شيقوق
بفوزه لآول مرة فى تاريخه الحافل بخوض معترك الإنتخابات
ودخوله عضوية مجلس نادى الجالية السودانية بمسقط . |
الاخت الكريمة سمية الحسن طلحـة
مبروك لمجلس الجالية السودانية بمسقط فوزه بعضوية شيخ العرب سعادة المستشار شيقوق,
مبروك لأعضاء المجلس معية الرجل الخبير الجميـل,
ننتـظـر (العضــة) والكرامـة
ولكم التحيـة
أحمـد الشايقي
| |
|
|
|
|
|
|
|
|
|
Re: نبارك للطيب شيقوق (Re: Tumadir)
|
Quote: نبارك لى الطيب شيقوق
ناس مسقط ديل اهلى تب
وشيتن جاب بدرالدين شناة ده...ماشيتن هين
مبروك
وشكرا سمية |
تماضر اختي كتر خيرك وده من ذوقك الجميل -
كلنا اعزاز بالسيرة الجميلة والبصمات الطيبة التي خلفتيها لنا في مشقط يا التماضر .
الاخت سمية تعاني من مشكلة فنية وستعود للرد عليكم حالما يتم اصلاح العطب الفني
لك اطيب المنى
| |
|
|
|
|
|
|
|
|
|
Re: نبارك للطيب شيقوق (Re: الطيب شيقوق)
|
مQuote: بروك لمجلس الجالية السودانية بمسقط فوزه بعضوية شيخ العرب سعادة المستشار شيقوق,
مبروك لأعضاء المجلس معية الرجل الخبير الجميـل,
ننتـظـر (العضــة) والكرامـة |
شقيقي ود الشايقي
عدتم وعادت الينا احلى الليالي
افتقدنا حرفك الجميل يا يا جميل يا حلو وطلتك البهية يا باهي
| |
|
|
|
|
|
|
|
|
|
Re: نبارك للطيب شيقوق (Re: سمية الحسن طلحة)
|
| Quote: اها يا ابا بكر انا بقيت في اللجنة الاجتماعية قسم العلاقات العامة في النادي ورونى اعمل شنو هى ذاتها سمحة ولا ما سمحة ؟ اكان فيها كواسة انا عندى ليها الدابة وعندى ليها الوقت وعندى ليها الابتسامة وعندى ليها طولة البال وعندى ليها التقلة وعندى ليها معرفة مقامات الرجال وعندى ليها العفو عما سلف على الا يتعارض ذلك مع الثوابت القانونية . |
اولا كل الجماعة الذكرتهم انا نيابة عنهم كان عرب بطانةوشيوخهم وعواطف وبكري ذاتوووو...اها الشئون الاجتماعية دي اهم حاجة امسك فيها قوي وبعدين بقوليك شن تسوي ...اها ياجماعة مسقط وعموم السلطنة ياما حتحتو حت ....
| |
|
|
|
|
|
|
|
|
|
Re: نبارك للطيب شيقوق (Re: سمية الحسن طلحة)
|
... جانا الخبر شايلو النسيم ... تهاني قلبية حارة يا ود شيقوق عابرة لفراسخ الاطلنطى واصلة داخل ذلك المبنى الواقع خلف مجمع الحارثى التجارى بمدينة مسقط .. النادى الذى قيل عنه : انت كعبة حب للبطوف .. انت جنة و دانيات قطوف !! الطيب سمح بالحيل .. بدورك تضاير لي ديل فوق ديل .. سعدنا بعودة جبل الداير و لزام التقيلة ابراهيم ود السيد (رغم اشفاقنا عليه و علي نجاة و البنات ) ليواصل بتواضعه الجم مواكب العطاء .. لا تنسوا وعودكم الانتخابية يا نواب شرق النيل .. ياالملكة بت طلحة كونى النجمة لصمت الليل و مساءات النادى الندية .. يد الله مع الجماعة يا ود حامد جهز غرفة عاصم البنا و اخرى كمان لياسر تمتام .. بيتك سيظل دائما برزة الخير و منبر من لا منبر له .. و هذا هو مصدر اشراقك و صفاء دواخلك .. قلبي زاد وجع .. حماني القيد منع .. دوام مودتى ..
| |
|
|
|
|
|
|
|
|
|
Re: نبارك للطيب شيقوق (Re: أحمد طراوه)
|
| Quote: ... جانا الخبر شايلو النسيم ... تهاني قلبية حارة يا ود شيقوق عابرة لفراسخ الاطلنطى واصلة داخل ذلك المبنى الواقع خلف مجمع الحارثى التجارى بمدينة مسقط .. النادى الذى قيل عنه : انت كعبة حب للبطوف .. انت جنة و دانيات قطوف !! الطيب سمح بالحيل .. بدورك تضاير لي ديل فوق ديل .. سعدنا بعودة جبل الداير و لزام التقيلة ابراهيم ود السيد (رغم اشفاقنا عليه و علي نجاة و البنات ) ليواصل بتواضعه الجم مواكب العطاء .. لا تنسوا وعودكم الانتخابية يا نواب شرق النيل .. ياالملكة بت طلحة كونى النجمة لصمت الليل و مساءات النادى الندية .. يد الله مع الجماعة يا ود حامد جهز غرفة عاصم البنا و اخرى كمان لياسر تمتام .. بيتك سيظل دائما برزة الخير و منبر من لا منبر له .. و هذا هو مصدر اشراقك و صفاء دواخلك .. قلبي زاد وجع .. حماني القيد منع .. دوام مودتى |
اخي دكتور طراوة
اين الجمال وكيف الابداع لقد صبنت ساحاتنا الادبية منذ ان هجرها نطاسها بانوراما الابداع طراوة . لقد ظلت مساحتكم اخي احمد شاغلة فكلما حاولنا اسدالها بابداعاتنا نجدها تتمدد وتتفتق هنا وهناك لتحال لغرفة احرف المرتضى وود القرشي وروحانيات بت طلحة لتتنسم اوكسين البقاء .
لك منا عاطر التحايا
| |
|
|
|
|
|
|
|
|
|
Re: نبارك للطيب شيقوق (Re: أحمد طراوه)
|
إذ نبارك للأخ الطيب شيقوق فوزه بمقعد جاليته بمسقط في الانتخابات التي جرت
هنالك ، نؤكد بلا شك أن هذا الفوز قد ادخل السعادة في قلوب كل الخيرين هنالك والذين رشحوه ،
ويقينآ نعلم ان ترشيح الأخ الطيب ... لم يأتى من فراغ لما خبرنا عنه من كرم الخلق ... ونشاط متقد في منبرنا هذا عبر وده ووسطيته في طرح أراءه وملكته الفكرية
مبروك لكم بمسقط ومبروك للطيب
وشكرا لك أختنا الفاضلة،، سمية
وإن شاء أسماء في حياتنا بعد عمر مديد - مثلما أشار بعض الأخوة هنا ممزاحا -
| |
|
|
|
|
|
|
|
|
|
Re: نبارك للطيب شيقوق (Re: othman mohmmadien)
|
Quote: إذ نبارك للأخ الطيب شيقوق فوزه بمقعد جاليته بمسقط في الانتخابات التي جرت
هنالك ، نؤكد بلا شك أن هذا الفوز قد ادخل السعادة في قلوب كل الخيرين هنالك والذين رشحوه ،
ويقينآ نعلم ان ترشيح الأخ الطيب ... لم يأتى من فراغ لما خبرنا عنه من كرم الخلق ... ونشاط متقد في منبرنا هذا عبر وده ووسطيته في طرح أراءه وملكته الفكرية
مبروك لكم بمسقط ومبروك للطيب
وشكرا لك أختنا الفاضلة،، سمية
وإن شاء أسماء في حياتنا بعد عمر مديد - مثلما أشار بعض الأخوة هنا ممزاحا |
اخي عثمان
تهف النفس شواقا اليك والى مداخلاتك الهادفة في هذه المساحة الاسفيرية التي صارت واحة زاهية نتنفس عبرها اجمل معاني الاخوة والصداقة والحب لابناء وطن المليون ميل مربع.
فلك عزيزي عميق مودتى وانضر التحايا
| |
|
|
|
|
|
|
|
|
|
Re: نبارك للطيب شيقوق (Re: الطيب شيقوق)
|
| Quote: ود المحرب مسجل غياب انشاء الله خير |
الاخ الوجيه Salah Wasbah
صحيح ويقيني ان هذا البوست يترنح مكسور الجناح لغياب شيخ العرب عشاء البايتات ومقنع الكاشفات فهو الغائب الحاضر في قلوبنا .
لك منى اطيب المنى
| |
|
|
|
|
|
|
|
|
|
Re: نبارك للطيب شيقوق (Re: othman mohmmadien)
|
ياو د شيقوق تذكر سقوطك فى اخر انتخابات فى الصعيد -وكانت الجماهير تهتف الفحامى ولا المحامى --ان بعد العسر يسرا اهو اخيرا ربنا فوزك فى ركن قصى من الدنيا جنب مضيق هرمز ..وكيتا للحساد وعين الحسود فيها عود ..ونبارك من الاعماق يا حبيبى يا فلبى وانت اهل لها ..وان شاء الله تبيض وشنا مع الرطانة ..الف مبروك وتحياتى ..
| |
|
|
|
|
|
|
|
|
|
Re: نبارك للطيب شيقوق (Re: سمية الحسن طلحة)
|
| Quote: وكانت الجماهير تهتف الفحامى ولا المحامى -- |
يا ود حماد انت كنت فيين ؟؟
العرريب كان بيبيع فحم وانا ما عارف واقول اتعلم الحت دة كلو فيين ؟؟ يبيع فحم لبتاعيين الشواء في الليالي المقمرة وهات ياحت ...
بختكم ياناس مسقط اهو جاكم الفحامي واكيد لياليكم حتبقي انس وبهجة بوصول مندوبنا "السامي الكان فحامي " الي مجلس جاليتكم ...
| |
|
|
|
|
|
|
|
|
|
Re: نبارك للطيب شيقوق (Re: الطيب شيقوق)
|
Quote: نهنىء الأخ / الطيب شيقوق
بفوزه لآول مرة فى تاريخه الحافل بخوض معترك الإنتخابات
ودخوله عضوية مجلس نادى الجالية السودانية بمسقط . |
مبروك . أنا قايلو عرس
Quote: ود الزاكي حديد ملاكي
ود شيقوق حديد مشحود |
تحياتى يا الملكة
| |
|
|
|
|
|
|
|
|
|
Re: نبارك للطيب شيقوق (Re: abubakr)
|
| Quote: با رافت انت ابتسامتك "الخبيثة" دي هي السبب؟؟ |
حرام عليك يا ابا بكر ياخي رافت ده عندو ابتسامة برئية وحلوة شديييييييييييد بس هو زيك بعلق برضو في ود شيقوق حديد مشحود وود الزاكي حديد ملاكي .
والله يا رافت دى كانت احلى ايامي كنت بتفرج وبضحك في الملطشة الحصلت لى من اهلي البحبوني شدييييييييييد .
اذكر برضه طلب من المرشحين ان يخطابا الجماهير ليقدم اي منهم برنامجه الانتخابي وكان الناس راكبين قيامة في العربات السفنجات والاواستن وارجلهم بره في سيخ العربات واى فريق يلوح بشعاره .
خاطب اخي الطاهر الجماهير بكلمة مكتوبة في كراس وعندما طلب منى مخاطبة الجماهير كانت كلمتى مرتجلة وقد ابتهج الموالون لى وهتفوا وهم يلوحون بالشجرة رمز المرشح .
(علم في الراس ما في الكراس)
نواصل
| |
|
|
|
|
|
|
|
|
|
Re: نبارك للطيب شيقوق (Re: الطيب شيقوق)
|
يا شيخ الطيب
بقدر ما اننا مبسوطسين بفوزكم الغالي لكننا نشعر بأننا سنفتقدك في محلات كثيرة...شان الناس المهمين.. فأنت حاليا رجل عمل عام ...لكننا نظل منتظرين مساجلاتكم في "ود الشلهمة" و"دلو ود النعيم"
| |
|
|
|
|
|
|
|
|
|
Re: نبارك للطيب شيقوق (Re: Ahmed Yousif Abu Harira)
|
| Quote: ...لكننا نظل منتظرين مساجلاتكم في "ود الشلهمة" و"دلو ود النعيم" |
اخي احمد
تحياتي واشواقي لكم
وانشاء الله ساكون متواصلا معكم انشاء الله ويقيني انت وبلة وغسان وبت طلحة وود النعيم وشانتير ما بتقصروا .
لك عميق مودتى
| |
|
|
|
|
|
|
|
|
|
Re: نبارك للطيب شيقوق (Re: الطيب شيقوق)
|
شيقوق حبيبنا،
والله أنا شفقان عليك بين سودانيزونلاين والنادي
كنت في دعوة غداء مع أعزاء وقالوا لي ربما يقترح
المجلس الجديد مكتبا خاصا بشيقوق وفيه دسك توب
مع انترنت فائق السرعة لإبقاء الطيب في النادي
حتى بعد منتصف الليل تفاديا لطرح صوت الثقة في
كل الطاقم الشهر الجاي.
| |
|
|
|
|
|
|
|
|
|
Re: نبارك للطيب شيقوق (Re: ود محجوب)
|
وهى خطوة أولى فى ((الطريق الى البرلمان))
خشمك فيه اللبن يادكتور عمر
ربنا يسمع منك
وخاصة الفوز كان فى ليلة عظيمة
من ليالى ربيع الأول
شكرا ود محجوب وكل غام وأنتم بخير
| |
|
|
|
|
|
|
|
|
|
Re: نبارك للطيب شيقوق (Re: Ahmed Yousif Abu Harira)
|
الضيوف الكرام بعد التحية والإحترام
أعتذر عن غيابى بسبب خلل فنى أبعدنى عن إستقبال هؤلاء الجمليين :
سارة حمزة ( أول المهنئين )
أبوبكر سيد أحمد ( الصديق اللدود )
فاروق حامد ( صديق الفائز الشخصى )
محمد الرتضى ( زميله فى المهنة )
ناذر محمد الخلبفة ( شكرا للإهداء يارائع )
منى خوجلى ( طعم المنبر )
أحمد يوسف أبوحريرة ( رفيق الدرب )
د. أحمد القرشى ( فيلسوف الحقيبة )
عبدو عبد الحميد جاد ( يسعدنا وجودك دوما )
الأديب / فضيلى جماع ( مسدى النصح )
لنا مهدى ( شكرا لزيارتك يبدو إنك من ناس سنار )
معتصم الطاهر ( السكر طلتك سأزودك ببقية أسماء الأعضاء )
أبوعسل السيد ( تحلو بحديثك المحافل .. وين ودالمفتاح ؟ يجينا بى غناهو )
بدر الدين شنا ( نورت حمد الله على السلامة يابدر البدور الهلا )
كمال عباس ( مروركم مكسب لكم جزيل الشكر )
فيصل محمد خليل ( إنى أغبط هذا الشيقوق الذى أدخلكم دارنا )
محمد زين الشفيع أحمد ( شكرا للمرور الكريم سعدنا بوجودكم )
أبوالحسين ( يباركوا ليك الجديد واليوم السعيد ... ورودك إبداع )
الشفيع إبراهيم ( شكرا استاذى الكريم لك التحية )
تماضر شيخ الدين ( باعثة الإبتسام على الدوام أفرحنا مرورك مسقط لاتزال تذكرك )
أحمد الشايقى ( أين أنت أيها الشاعر المرهف أفتقدناك شكرا للزيارة والطلة )
الجندرية ( لوكنا نعلم أن هذا البوست سيحملك إلينا لفتحناه قبل أوانه أشكرك جزيلا)
د. أحمد طراوة ( شكرا أيها الغائب الحاضر والنادى لايزال ينادى فهل من مجيب ؟ )
صلاح واسبة ( أشكرك أيها المتألق كالعادة وشكرا لقلمك الرشيق المتواصل مع الكل )
عثمان محمدين ( أى ريح بعثت بك إلينا..أعيانا البحث عن البوست إياه .. شكرا للمرور )
أحمد حماد إدريس ( مرحبا ياشيخنا شرفت بك الدار ونشرت الأخبار )
رأفت ميلاد ( اين أنت يارجل عاش من شافك ناوى تنزل إنتخابات ولا شنو ؟ )
| |
|
|
|
|
|
|
|
|
|
Re: نبارك للطيب شيقوق (Re: سمية الحسن طلحة)
|
Quote: والله أنا شفقان عليك بين سودانيزونلاين والنادي
كنت في دعوة غداء مع أعزاء وقالوا لي ربما يقترح
المجلس الجديد مكتبا خاصا بشيقوق وفيه دسك توب
مع انترنت فائق السرعة لإبقاء الطيب في النادي
حتى بعد منتصف الليل تفاديا لطرح صوت الثقة في
كل الطاقم الشهر الجاي. |
ليش يا المرتضى ما يتموا جميلهم مرة واحدة . انا اصلا كل موجوداتي عبارة عن سرير واحد وكرسي واحد وتلفزيون واسلاك كتيرة ( ود الضو قال لى والله غرفتك دى انا خايف البرادعي يجى يفتشها) وهذا الحبيب جهاز الكمبيوتر . خليهم يرحلوا الحاجات دى الى اى غرفة من غرف النادي وارحل مرة واحدة وتاني كل يوم المساء اجيب كرسيي واجر عكازي واحبس ليهم النادي من ناس جمال عمر كده بكون على الاقل وفرت ليهم نفقات الوسيلة .
| |
|
|
|
|
|
|
|
|
|
Re: نبارك للطيب شيقوق (Re: سمية الحسن طلحة)
|
| Quote: ليش يا المرتضى ما يتموا جميلهم مرة واحدة . انا اصلا كل موجوداتي عبارة عن سرير واحد وكرسي واحد وتلفزيون واسلاك كتيرة ( ود الضو قال لى والله غرفتك دى انا خايف البرادعي يجى يفتشها) وهذا الحبيب جهاز الكمبيوتر . خليهم يرحلوا الحاجات دى الى اى غرفة من غرف النادي وارحل مرة واحدة وتاني كل يوم المساء اجيب كرسيي واجر عكازي واحبس ليهم النادي من ناس جمال عمر كده بكون على الاقل وفرت ليهم نفقات الوسيلة . |
اها ابتدينا في شحتة ناس البرلمانات والمجالس الوطنية ...شوية كمان عايز حافز ( الماهية بيسموها حافز) والسيارة الدفع الرباعي والرخص ( دي مهمة اصلا بشان كدة انا عايزك هناك .. تجيب لينا رخصة انشاء الله بتاعة ركشا ...انت بسال اسالهم عن الرخص )....ياما اغتنينا والتيمس المغرز حنجرو بعربة الدفع الرباعي والنهر الجاف حنملاهو من موية بوتللد حنجيبها بالرخص الكتار والقرود كمان حنعمل ليهم حديقة نزهة ... رخص ...رخص .. يالعرريب ..رخص ( اها البنات حيغنو ليك كدة : المحامي ونص جابلو رخص )...
| |
|
|
|
|
|
|
|
|
|
Re: نبارك للطيب شيقوق (Re: abubakr)
|
اهلا بالعواطف - ما بنكضب عليك ما راضيين عنك وجيتينا بعد رفع الفراش والجايايات اكتر من الرايحات - دى سامحناك فيها بس تاني ما تبقى لانها شينة في حقك .
سلمى ذاتها والله خوفتونى عدييييييييييل - اصلك بت عز وبتعرفي الواجب والف مرحب بيك
ابو بكر ما تدينا نمة في البنيات ديل او نادى الفضيلي يقول حاجة
بت طلحة اجمعي عليك ضيفاتك ديل وما تقصري فيهم
| |
|
|
|
|
|
|
|
|
|
Re: نبارك للطيب شيقوق (Re: الطيب شيقوق)
|
ابو بكر ما تدينا نمة في البنيات ديل او نادى الفضيلي يقول حاجة
بت طلحة اجمعي عليك ضيفاتك ديل وما تقصري فيهم
هاك دى من الفنجرى : ـ
نحنا جدودنا فرسـان اللِقاهِـن يـُـوت
وشِيتاً هِيلنـَا مُو مَنكُور بدُورلو ثبُـوت
نحنا المِنْ خـبـرنـا بتســـأل البَنـّوت
ونحنا بنَفـدِي سُـتـّيرالعُروض بالموت
| |
|
|
|
|
|
|
|
|
|
Re: نبارك للطيب شيقوق (Re: سمية الحسن طلحة)
|
Quote: نحنا جدودنا فرسـان اللِقاهِـن يـُـوت
وشِيتاً هِيلنـَا مُو مَنكُور بدُورلو ثبُـوت
نحنا المِنْ خـبـرنـا بتســـأل البَنـّوت
ونحنا بنَفـدِي سُـتـّيرالعُروض بالموت |
هيييييييييييييييع يلا نقلب البوست دوبيت ونغم . بقينا محتاجين لاولاد البطانة وناذر خليفة يغذوهو بالنغم الجميل .
| |
|
|
|
|
|
|
|
|
|
Re: نبارك للطيب شيقوق (Re: سمية الحسن طلحة)
|
| Quote: شيخ المحرب، اوعك ثم اوعك من النزول في انتخابات مع الزول دا |
اخي وشقيقي محمد عمر
كيف احوالك وجميع الاهل - والله كنت في الاجازة السنوية في السودان وفي بالي زيارتكم لولا تعذر الحصول على وسيلة اتصال بكم .
على العموم مرحب بيك وود المحرب بيفوز بالاساليب الفاسدة طواااااااااالي
| |
|
|
|
|
|
|
|
|
|
Re: نبارك للطيب شيقوق (Re: محمد عمر الفكي)
|
| Quote: ود شيقوق حبيبناواخونا، ورغم فوزه لكن عمة المحرب والنضارات "صعبة عليه" |
والإسم ذاتو ما بخوف يامحمد ؟
( المحرب )
غايتو مادام أبوبكر موجود لاحاجة لوسيلة دفاع
أقوى منه للوقوف فى وجه الشيقوق .
تحياتى لكل الأهل بطرفكم.
| |
|
|
|
|
|
|
|
|
|
Re: نبارك للطيب شيقوق (Re: سمية الحسن طلحة)
|
| Quote: وود المحرب بيفوز بالاساليب الفاسدة طواااااااااالي |
انت عارفو لسه خارج الشبكة وقاعد تلخبت سااااي .. انا بكفي عنو حاليا ... منو البتاع الحديد والفحامي ما انت ؟؟يا ساقط انتخابات 96؟؟ ...
| |
|
|
|
|
|
|
|
|
|
Re: نبارك للطيب شيقوق (Re: سمية الحسن طلحة)
|
| Quote: اكان فيها كواسة انا عندى ليها الدابة وعندى ليها الوقت وعندى ليها الابتسامة وعندى ليها طولة البال وعندى ليها التقلة وعندى ليها معرفة مقامات الرجال وعندى ليها العفو عما سلف على الا يتعارض ذلك مع الثوابت القانونية |
العزيز ود شيقوق
من هنا لا خوف عليك
أما العلاقات الاجتماعية فأولها اعادة الغائبين للدار
ثانيا : ندوات العلاقات الاجتماعية غير نشاط الثقافة ونشاط الدار
رابعا : شيل شيلتك مع الفواتح
وفوق كل هذا
عمل قاعدة بيانات لكل السودانيين وأسرهم ..
والسعى إليهم لا انتظارهم ..
| |
|
|
|
|
|
|
|
|
|
Re: نبارك للطيب شيقوق (Re: معتصم الطاهر)
|
Quote: رابعا : شيل شيلتك مع الفواتح
وفوق كل هذا
عمل قاعدة بيانات لكل السودانيين وأسرهم ..
والسعى إليهم لا انتظارهم .. |
دى ياها شغلتو يامعتصم ياخوى .
| |
|
|
|
|
|
|
|
|
|
Re: نبارك للطيب شيقوق (Re: سمية الحسن طلحة)
|
[B]اختى الحبيبه سمية احى الطيب
Quote: نهنىء الأخ / الطيب شيقوق
بفوزه لآول مرة فى تاريخه الحافل بخوض معترك الإنتخابات
ودخوله عضوية مجلس نادى الجالية السودانية بمسقط . |
تحياتى لكم والف مبروك الطيب على الفوز ومعليش على التاخير المامقصود والله ظروف بس
وشكرا سمسمه كتير على اشراكك لينا خبر فوز الطيب (السمحة ام ولدى )
| |
|
|
|
|
|
|
|
|
|
Re: نبارك للطيب شيقوق (Re: الطيب شيقوق)
|
| Quote: تحياتى لكم والف مبروك الطيب على الفوز ومعليش على التاخير المامقصود والله ظروف بس |
شكرا اختى ماجدة بس محتاجين لينا لمدحة من اولاد الماحي
| |
|
|
|
|
|
|
| |
abubakr
فاروق حامد محمد
محمد المرتضى حامد
ناذر محمد الخليفة
Muna Khugali
Ahmed Yousif Abu Harira
Ahmed al Qurashi
فضيلي جماع
الطيب شيقوق
معتصم عبدالرحيم
lana mahdi
معتصم الطاهر
ابوعسل السيد احمد
بدرالدين شنا
kamalabas
فيصل محمد خليل
محمَّد زين الشفيع أحمد
أبو الحسين
Tumadir
أحمد الشايقي
الجندرية
أحمد طراوه
Salah Waspa
othman mohmmadien
احمد حماد ادريس
رأفت ميلاد
بكرى ابوبكر
ود محجوب
عواطف ادريس اسماعيل
salma subhi
محمد عمر الفكي
عشة بت فاطنة
ماجدة عوض خوجلى
فيس بوك
تويتر
انستقرام
يوتيوب
بنتيريست