|
دعواتكم لزميلنا المفكر د.الباقر العفيف بالشفاء العاجل
|
|
 Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟ (Re: محمد المرتضى حامد)
|
Quote: دى الفنجرة الفايتننا بيها اولاد البندر يا اخوانا وانا معاك يا المرتضى في تبريكتك دى
للجميع العفو والعافية |
في البندر كنا بنركب (السياكل) وأولاد الأقاليم حمير ساااااااااااااي !!!
وبناكل الدندرمة وانتو نبق ولالوب وحنبك ولبن العشر ساااااااااااي !!!!!
عليك الله يا الطيب أحكي لينا عن أول مرة أكلت فيها الدندرمة والبقلاوة!!!!
كل عام وأنتم بألف ألف خير يا الطيب ومرتضى وربنا يحفظكما ويقر عينكم
بأولادكما ويحفظهم من كل سوء وشر ويطول أعماركم حتى ترون أبناءهم وبناتهم
وحفدتهم ... وصادق تحياتي لأسرتيكما الكريمتين وعساكم من عواده
فاروق حامد
| |
 
|
|
|
|
|
|
|
|
Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟ (Re: الطيب شيقوق)
|
العزيز الطيب ؟ الطيب شيقوق
كل عام وأنت بخير
من يتحدث أو ينبش أو يقتفي أثار الراحل صلاح إن لم يكن هو حالة مثل صلاح فهو إذن يتمتع بأعلى مراتب الشفافية وأرقى درجات الذوق الشاعري والتصويري
علاقتي بالرائع الراحل المقيم صلاح أحمد إبراهيم تمتد لثلاث عقود ونصف حتى تاريخ رحيله .. كنت في الآونة الأخيرة أزوره سنوياً في باريس وأحياً أكثر من مرة في العام... لي معه رسالات نادرة وعلاقة خاصة .. ما ذكرته نقلاً عن الراحلة ليلى المغربي صحيح.. على فكرة كنت في أثينا وتواعدنا أن ألتقيه تلك الليلة في مهرجان هايداري وهو مهرجان للنبيذ حيث كانت مريا التي خلبت لب وجنان شاعرنا ترقص مع مجموعة من الفتيات والفتيان وقد لعب المعتق برؤوسهن ورؤوس الشباب المصطحبين لهن.. لقد كانت آية في الجمال المتفرد النادر وقد لفت نظري صلاح لها وكان أشبه بالمغيب أو المصاب بذهول وهذيان .. ولا أعتقد أنه كان بإمكان أي شاعر في الدنيا أن يصور ذاك الجمال مستعيناً بالتاريخ والميثولوجياوأدوات النحاتين وعادات الشعوب وإستنباط مفردات للتصوير والتعبير مثل صلاح.. صلاح حالة!!
أخوك
ابوبكر
| |
|
|
|
|
|
|
|
|
|
Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟ (Re: ابوبكر يوسف إبراهيم)
|
| Quote: لقد كانت آية في الجمال المتفرد النادر وقد لفت نظري صلاح لها وكان أشبه بالمغيب أو المصاب بذهول وهذيان .. ولا أعتقد أنه كان بإمكان أي شاعر في الدنيا أن يصور ذاك الجمال مستعيناً بالتاريخ والميثولوجياوأدوات النحاتين وعادات الشعوب وإستنباط مفردات للتصوير والتعبير مثل صلاح.. صلاح حالة!! |
اخي الكريم ابو بكر يوسف ابراهيم
ما اسعدنا ان يطل علينا انسان وقف شاهد عيان على ذلك المشهد بجمال مريا ومعطيات المناسبة واحاسيس ومشاعر الاستاذ صلاح . لكم اضنانا البحث عن الحقيقة ولكن قطعت جهيزة قول كل خطيب فلله درك يا عظيم وانت تقطع الشك باليقين .
تغمرنا الفرحة وتزدان هذه المساحة الاسفيرية بمزيد من مداخلاتكم.
لك منى يا استاذي اطيب المنى
شيقوق
| |
|
|
|
|
|
|
|
|
|
Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟ (Re: الطيب شيقوق)
|
الطيب الحلو
متابعك في بوستك المشوق رحلة العمر ومشوار السنين
وقلنا نديك فرصة لا من تدخل في الغريق وبعدين ندخل
عليك بالجميل الحلو ... لكن يا الطيب انت ود متين عشان
تكتب مشوار السنين ... هو انت لسه شفت حاجة ... و(الللاي)
لمن كنا قدرك طهور ما طهرونا ... انتظر لما تكبر وبعدين
اكتب مشوار السنين.... لسع بدري عليك .... انت يا الطيب
دحين بقيت للعرس ... أرجوك ما ترد وخلي التساؤلات دي مغطية
كده.... ما تبوظها بالرد ... انا عارف .... وبس
| |
|
|
|
|
|
|
|
|
|
Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟ (Re: فاروق حامد محمد)
|
Quote: متابعك في بوستك المشوق رحلة العمر ومشوار السنين
وقلنا نديك فرصة لا من تدخل في الغريق وبعدين ندخل
عليك بالجميل الحلو ... لكن يا الطيب انت ود متين عشان
تكتب مشوار السنين ... هو انت لسه شفت حاجة ... و(الللاي)
لمن كنا قدرك طهور ما طهرونا ... انتظر لما تكبر وبعدين |
والله يا الفاروق اخوى لبدتك ( ما تفهمها بالتقراى بطالة ) دى محتاجة لبوست براها . بقيتوا تجوا وتختفوا خايفين التحريات الجارية في السودان تطالكم ولا شنو؟
الغريق قرب ما تبعد .
انت الفاروق دحين عيدت لى ؟
| |
|
|
|
|
|
|
|
|
|
Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟ (Re: الطيب شيقوق)
|
| Quote: المرتضى مالك ياخي حدى يشعر بالسعادة ويمشى يختار البعاد |
ياشيقوق الكانغرو
عبارتك الفوق دي من نوع ( الفيك بدّربو)
يعني يا الطيب شتت أفكاري اللي أصلا تايهه من ( أوصاف عديده ظهرت بقوافي وفنون جديده)
أنا ما حا أكتب هنا تاني لأنو ودالقرشي عمل لي أقامه في بوست الحزن والحاله المدنيه الجديده هناك لفقت معاي وخلّتني يادوب عرفت انو ليه من زمان بحب ( في الأسى ضاعت سنيني فاذا مت اذكريني) لدرجة عايز أقول (الحزن ) شعار المرحله ويابوست ودالقرشي أحبك وانسى فيك ذاتي.
| |
|
|
|
|
|
|
|
|
|
Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟ (Re: محمد المرتضى حامد)
|
Quote: أنا ما حا أكتب هنا تاني لأنو ودالقرشي عمل لي أقامه في بوست الحزن والحاله
المدنيه الجديده هناك لفقت معاي وخلّتني يادوب عرفت انو ليه من زمان بحب ( في الأسى
ضاعت سنيني فاذا مت اذكريني) لدرجة عايز أقول (الحزن ) شعار المرحله ويابوست
ودالقرشي أحبك وانسى فيك ذاتي. |
يا جماعة حرام عليكم ... نحن في الحالة دي منذ المرحلة قبل السابقة
التي كان الحزن شعارها ... ثم جاءت المرحلة السابقة وكان أيضا هذا
السجم شعارها.... وهاهي المرحلة الحالية وقد أعلنتم ان الزفت شعارها
والمرحلة القادمة شكلها كده ان الهباب سيكون شعارها ايضا !!!!!!!!!!!!!
يا جماعة هو احنا حنعيش كم مرحلة ؟؟؟؟؟؟؟؟؟؟؟؟؟؟؟؟؟؟؟؟؟؟
| |
|
|
|
|
|
|
|
|
|
Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟ (Re: محمد المرتضى حامد)
|
| Quote: أنا حأعيش مرحلة السمحه قالوا مرحّله |
والله يا مرتضى ضحكتني جنس ضحك
أولا حكاية مرحلة وتانيا تذكرت واحد صاحبي من النوع البباري
فوق فوق ولما واحدة يرحلوها بسيب الحتة الساكن فيها وبرحل
معاها عديييييييييييييل كده ... ومرات ببالغ ..يعني
بعمل حاجات لا يمكن تصديقها ... من حاجاته العجيبة مرة
عرف انه واحدة عرسوها ومرحلة نفسها لعريسها في ألمانيا
تصدق لقته معاها في الطيارة ... أما البمشو لندن والسعودية
ومصر فدي عادي تلقاهو حاجز وبركب قبلهن ويحجز الكرسي الجنبه
ومرة سألته قلت ليه هل سافرت مع واحدة مرحلة أمريكا ؟ قال لي
مرتين بس ... مرة واشنطن دي سي ومرة حتة كده في كاليفورنيا!!!!
ومن يومها مسمينه سندباد الحب الطاير مع الجمال حتى نهاية العالم
قبل تلاتة أربعة سنين تزوج وأنجب لكن مشاويره بقت قريبة يعني مصر
والسعودية بس.... أضحك الله سنك يا مرتضى !!!!
| |
|
|
|
|
|
|
|
|
|
Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟ (Re: الطيب شيقوق)
|
Quote: في البندر كنا بنركب (السياكل) وأولاد الأقاليم حمير ساااااااااااااي !!!
وبناكل الدندرمة وانتو نبق ولالوب وحنبك ولبن العشر ساااااااااااي !!!!!
عليك الله يا الطيب أحكي لينا عن أول مرة أكلت فيها الدندرمة والبقلاوة!!!!
كل عام وأنتم بألف ألف خير يا الطيب ومرتضى وربنا يحفظكما ويقر عينكم
بأولادكما ويحفظهم من كل سوء وشر ويطول أعماركم حتى ترون أبناءهم وبناتهم
وحفدتهم ... وصادق تحياتي لأسرتيكما الكريمتين وعساكم من عواده
فاروق حامد |
والله البقلاوة لحدى هسه ما بعرفها. انا الفاروق لحدى هسة عندما امشى محلات التسوق في حاجات كده ما عارفها ذاتها شنو . اكتر حاجة عجبتني لقيت ابو زومو بسموهو عندنا
(The Ground penis) وقالوا الكيلو بتاعو بارعين درهم يعنى اغلى من اى حاجة هناك عندنا بيقوم بروس حد بياكلو مافي . كمان لقيت السويد حق العيش وقت يكون شراية وكنت باكلو لكن ما ظنيت قيمته الغذائية زى دى .
| |
|
|
|
|
|
|
|
|
|
Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟ (Re: الطيب شيقوق)
|
Quote:
والله يا مرتضى ضحكتني جنس ضحك
أولا حكاية مرحلة وتانيا تذكرت واحد صاحبي من النوع البباري
فوق فوق ولما واحدة يرحلوها بسيب الحتة الساكن فيها وبرحل
معاها عديييييييييييييل كده ... ومرات ببالغ ..يعني
بعمل حاجات لا يمكن تصديقها ... من حاجاته العجيبة مرة
عرف انه واحدة عرسوها ومرحلة نفسها لعريسها في ألمانيا
تصدق لقته معاها في الطيارة ... أما البمشو لندن والسعودية
ومصر فدي عادي تلقاهو حاجز وبركب قبلهن ويحجز الكرسي الجنبه
ومرة سألته قلت ليه هل سافرت مع واحدة مرحلة أمريكا ؟ قال لي
مرتين بس ... مرة واشنطن دي سي ومرة حتة كده في كاليفورنيا!!!!
ومن يومها مسمينه سندباد الحب الطاير مع الجمال حتى نهاية العالم
قبل تلاتة أربعة سنين تزوج وأنجب لكن مشاويره بقت قريبة يعني مصر
والسعودية بس.... أضحك الله سنك يا مرتضى !!!! |
المرتضى يا اخوى انت ما علقت على سندباد الحب الطاير ليش؟
| |
|
|
|
|
|
|
| |
الطيب شيقوق
فاروق حامد محمد
محمد المرتضى حامد
فيس بوك
تويتر
انستقرام
يوتيوب
بنتيريست