|
Re: راوية الحبيبة.. سنة حلوة يا جميل.. (Re: haneena)
|
حنينه الحنينه... وغــــــــــــاليه وانت طيبه وسعيده وربى يدي الكل الفى مرادهم يا رب
قلتى لى التورته ... امشى المطعم الحبشى انت والحبايب واعزموا روحكم هناك على التورته على شرط بعد ما تضربوا الزغنى المظبط وليك على بس ادينى تلفون المطعم كن ما دفعت الفاتوره بالتلفون(ماستر كارد) اها لقيتنى كيف
| |
|
|
|
|
|
|
Re: راوية الحبيبة.. سنة حلوة يا جميل.. (Re: Rawia)
|
كل سنه وانتى طيبه يا راويه وربنا يحقق امانيك ويخليك ويخلي ليك اخيتك العسوله رجاء انا طبعا بالعسوله قاصد الفى الصوره عشان ماتقوم رجاء الكبيره تنط لى فى رقبتى وتقول اتغزلت فوقا يازوله سنه حلو والجايات احلى واجمل
| |
|
|
|
|
|
|
Re: راوية الحبيبة.. سنة حلوة يا جميل.. (Re: Raja)
|
هيييييييييييييييييييي
سنه حلوه و انت جميل يا جميل
كل سنه و انت طيبه يا غاليتنا .. و كل سنه و انتو أخوان و متحابيين .. و عقبال الشمعه المليون و تحتقلي بيها مع بنتك انشالله
وتسلموا
سكوتاويه
| |
|
|
|
|
|
|
Re: راوية الحبيبة.. سنة حلوة يا جميل.. (Re: Raja)
|
سلام يا راويه ويا رجاء ..
كل سنه وانتو طيبين . السنه الجايه يا راويه ..كل شي في بالك ..اتحقق واتجضم وكلو فى محلو ..
بالمناسبه ..عندى بت عمى اسمها راويه برضو .. اتزوجها اخوى الكبير ,, وطبعا جات من البلد وقعدت معانا فى البيت ..
يلا قمنا اتفقنا نحتفل بي عيد ميلادها .. وعرضنا عليها الموضوع ..طبعا فاجاتنا ..وحلفت بدينها انو مافي شي زى ده حيتعمل ..!! ليه يا بت .. ؟؟ ..قالت لا .. عيـــــــــــب ..
طبعا اتشرطنا بالضحك ... وجلينا الموضوع ..
على العموم عقبال الشمعه ..العشر ميه ...
| |
|
|
|
|
|
|
Re: راوية الحبيبة.. سنة حلوة يا جميل.. (Re: Rawia)
|
الحبيبه راويه عيد ميلاد سعيد وربنا يحقق كل لاماني الحلوه البتنمناها ليك يا ست الناس وعقبال تطفي شمووووووووووووووووووع كتيره من غير عدد وانت ممتئله عافيه واشراق ومحبه
--------------------------------------------------------------------------------
| |
|
|
|
|
|
|
Re: راوية الحبيبة.. سنة حلوة يا جميل.. (Re: Raja)
|
الفاضلة راوية ..
لك التحية على المشاعر الصادقة .. ودا طبعاً ديدن العباسيين (الجدد) ..
أخي بهاء الدين زميلي في حنتوب الثانوية .. وهو شخص كريم وودود جداً ودائم الابتسام .. ورغم أنه مدته كانت قصبرة في حنتوب إلا أنه تغلغل تغلغلا محبباً إلى نفوسنا.
فله تحياتي أينما حل .. ولكم بني العباسي كل ودي واحترامي.
أخوكم ..
جاد
| |
|
|
|
|
|
|
Re: راوية الحبيبة.. سنة حلوة يا جميل.. (Re: Raja)
|
لتانى طله ..سلام يا راويه ورجاء ..
طبعا يا راويه اسمك ده لا نادر ولا نزار ... كتير عندنا هبطرش .. خاصه فى الشماليه .. وعيد الميلاد ده مناسبه جميله للدلع على قولك ..خاصة البنات ...فهنيئا لكى به وبهداياه .. واناماعارف تاريخ ميلادى بالضبط عشان ااتدلع واتمتع بالهدايا ..لانو شهادة الميلاد راحت في المدرسة الابتدائيه .. وامى ما متزكره التاريخ وكل ما اقول ليها ..انتى ولدتينى متين تقول لي تاريخ بيختلف عن المره القبليها لمن اقتنعت انو انكتب لي ما احتفل بالشي الاسمو عيد الميلاد ده .. حتى فكرت اعمل لي نفسي يوم واكنكش فيهو واقول ده عيد ميلادى..
يا رجاء .. شايفك بتقولى بت عمى دى حتحتفل المرات الجايه ,, منو القال ليك .ده مستحيل يحتفلو بي مناسبه زى دى ..وكانت فرصتها زمان لمن رفضت وقالت عيب لانو الان الظروف ما بتسمح بي ترف زى ده ..خاصة راويه زاتها ..لانها الان فى الشماليه وبتكابس ليل نهار عشان توفر اللقمه ليها ولى اولادها ..وتحياتى ليها ولكل الكادحات .
وانا اسمى معتصم يا راويه ..
بس قولى لى اسامه ده منو ...؟؟؟
| |
|
|
|
|
|
|
Re: راوية الحبيبة.. سنة حلوة يا جميل.. (Re: Raja)
|
إزيكم تاني
رجاء
Quote: البرتقالي العزيز.. وييييينك..؟ ان شا الله خير.. مشيت وقلت لينا عدوا.. من يوم بوست الرباطية داك واختفيت ..
|
عارفة يا رجاء..اكرر معاك السؤال انا سألت الشرير سؤال في بوسته داك منها ما شفناه تاني ولا رد لليلة
| |
|
|
|
|
|
|
Re: راوية الحبيبة.. سنة حلوة يا جميل.. (Re: haneena)
|
الليله عيد ميلاد رشا اختى
وبما انها ما بوردابيه..ما بفتح ليها بوست براها ..لكن بفتح ليها .."طبليه" هنا فى برندة "مولك" ده..
واقول ليها كل سنه وانتى جميله ومبدعه وحنينه وضحاااااااكه...ودمك خفيف..
وبندفع العتب
وبرضو عيد ميلاد عميرى .. الله يرحمو..ويغفر ليه
| |
|
|
|
|
|
|
Re: راوية الحبيبة.. سنة حلوة يا جميل.. (Re: Tumadir)
|
الحبيبة رجاء سلام تاني، وكل عام وأنت أجمل، وراوية بكل خير وحب!
العزيزة تماضر إذن، كل عام ورشا أختك أروع، وتغني لنا دائما... أهداني أحد الأصدقاء شريطها منذ سنوات ومازلت أحتفظ به كنوع فريد من الغناء السوداني. (بس إن شاء الله طبليتكم مايعملوا ليها البيسووهوا لي ستات الشاي. ربنا يستر )
وكل عام والعميري باقي في دواخلنا، وهو باق! إيمان
| |
|
|
|
|
|
|
|