لولا تأييد نظام حسني مبارك لما بقي انقلاب الانقاذ اسبوعا واحدا !!!!!!!!!!!!

Quote: Quote: لسنا بسوء الظن مولعين ... ولكنك أنت من أكل الشعير وأنت من تذمه الآن !!! عاوز احكي ليك قصة طريفة حكاها لي صديقي سعد محمد علي عثمان موسى وهو إبن الأستاذ المرحوم محمد علي عثمان موسى من أهلكم السناهير من مدني و هو راجل ظريف جدا مثله مثل جميع اهلكم اللطفاء في مدني. قال لي سعد إنو كان في رحلة عمل في مسقط قبل 6 اشهر و نزل في فندق هناك و تصادف ان كان الفنان الكبير كمال ترباس نازل في نفس الفندق و كانوا بيجلسوا مع بعض بيضربوا الشيشة و يتسامروا. المهم في يوم من الايام كمال ترباس قال لي سعد : مرة كنت بشيش مع نميري بعد ناس الإنقاذ ديل و قام نميري قال ليه "إنت عارف يا ترباس أكعب حاجة فيك شنو" قال ليه "شنو يا ريس" رد نميري " "إكعب حاجة فيك إنك غنيت لي ناس الإنقاذ ديل" قام كمال ترباس رد عليه : "يا ريس ديل غشوا الشربيني الصنع و زرع رأفت الهجان جو إسرائيل ما يغشوني انا كمال ترباس" إنهت حكاية صديقي سعد.نرجع لي صاحبك عثمان ميرغني و موضوع الظن الحسن الكتبتو إنت يا أستاذ فاروق و عاوزك تقرض على كده و إمكن زولنا ده غشوه ناس الإنقاذ في البداية و ظن فيهم الظن الحسن. بس إحنا برضو بتاعين رياضيات و صعبين جدا جدا و ما ح نخليه و ح نستعمل نفس المعادلة بتاعتو بتاعة س، ص و نثبت بيها إنو عقلية هذ1 الصحفي الكبير العبقري مثل عقلية هذا المغني المبدع كمال ترباس. تكملة قصة سعد: كمال ترباس قال لي سعد ما بتصدق نميري ما قام كلملك عمر البشير بالقصة، وفي يوم من الايام عمر البشير قابل كمال ترباس في مناسبة ما و قال ليه : "ه دشنو يا ترباس الكلام القلتو لي نميري ده" تحياتي عمار يس النور عاشق بخت الرضا