المهمة الصعبة ... الفتيات السائبات ورحلة البحث عن المجهول !!!!!

Quote: المتداخلون الاعزاء رغم اختلافى مع معالجة صاحبة البوست للموضوع ،، لكن بنات واولاد (الحلال) ما بخلوك رسلو لى لينك فى ميلى !!! اولا يا اخى خالد احييك على مخالفتك لما جاء فى البوست صراحة ولكنى اطمح منك فى المزيد فقد قلت ::: Quote: وين ود البلد المأمون علي بنات فريقو وين موروثاتنا من ديننا الحنيف والحمية لحماية أعراضنا .. كنت طالب في المجر في 1989 وكان حينها من الطالبات السودانيات قد فاق عدد الطلبة من الذكور .. كانوا عن جد سند لهنَّ أخوة لهنَّ بمعنى كلمة الأخوّة يساعدهنَّ في البحث عن البيوت للسكن ويقدموا لهنَّ المساعد في كل شئ . يا خالد نحن عايزين نمشى ابعد من كدا ،، ود البلد مامون على نفسو وبنت البلد مامونه على نفسها هى لا تنقص عنه فى شىء ولا تحتاج لوصايته هى بنى ادم ليها شخصيتها ،، كرامتها ، وانسانيتها المستقله اتعلمت ذى الولد نالت نفس المؤهل ونفس الفرصه للسفر البخليها محتاجة للمساعدة شنو؟؟وهى ما بتقدر تاجر بيت لييه؟؟ هسه كل السماسرة نسوان باجرو لى رجال بى شنباتهم ،، الناس ممكن تتواصل ويكون بينها مساعدات من باب الانسانية والصداقة الواسعة مايكون اساسها انت بت ولا ولد !! مش كدا ؟؟ اعراضكم يا سيدى تحميها وتصونها اعمالكم انتم وليس اعمال الانثى التابعة لكم .. كل بنى ادم عرضو معلق فى رقبتو ولازم نحارب الموروثات البتكرس لتحقير المراة ودونيتها والبتتستر بدعاوى نبيلة مثل حمايتها والمحافظة عليها،، اها يا عطوفتى ... الا ترين معى انو الكسب الحسى الذى تمارسينو بتدليع زوار البوست (من طرف) فيهو اساءة للنساء المتعلمات ال بتتكلمى بى اسمهن ؟؟؟ Quote: لا أعتقد أن هناك أي داع لأن تخرج فتاة غير متعلمة من بلدها وهي تدرك تماما أن من يحملون شهادات عليا عاطلون عن العمل وتقطعت أمامهم السبل ثم تضطر إلى مخالفة الإقامة والدخول في مزالق ومنعطفات ضيقة لا يعلم بها إلا الله تصور يا خالد هناك أكثر من 2000 إماراتي جامعيون بدون عمل فكيف يكون الحال بالنسبة لفتاة غير متعلمة أرجو أن نكون أكثر موضوعية وعقلانية بدلا من دفن الراس في الرمال عموما,, شكرا خالد الموضوع ذو شجون وقد تناولته بشفافية مطلقة دون خوف يا ستى انا لم افهم ولااجد مبررا لكل هذا الهجوم على غير المتعلمات !!!! ياخى انت قلت بى عضمة لسانك انو فى حملة دكتوراه وهاى بروفايلز يهيمون فى الخليج ... طيب ديل مش سايبين برضو حسب تعريفك انتى لكلمة سايبين ؟؟؟ اها استثنيتيهم من الانسياب لييه ؟؟؟ اجابه على سؤالك المطروح مافى فرق !! انتى عايزة تمارسى وصاية على غير المتعلمات ؟ طيب يا ستى الخروج من البلد اصلا بكون طلبا للرزق صاح ؟؟؟ هل طلب الرزق مقصور على المتعلمين فقط ؟؟ يعنى يا كافى البلا لا يتعلمو ولا يطلبو الرزق ؟ يموتو يعنى ياخى ارحمينا يا رعاك الله ،، قالو عذبت امراة فى هره !! وقد كان رسول الله (ص) اميا ... الا تعلمين ان تمييزك لغير المتعلمات والصاق التهم بهن وتحريضك على الحجر عليهن والوصايه تمييز تحرمه الشرائع السماوية والدساتير والمواثيق والاعراف وهو تمييز معاقب عليه قانونا وانت المتعلمة والصحفية !!!!! يعنى مبدئيا حتى لو فى راى ممكن يطرح وحتى حسب وجهة نظرك الفطيرة ممكن يكون انو مافى داعى الناس تتملطش فى البحث عن اسباب الرزق ودا تحزير ورافة منك للعامة المتعلم وغير المتعلم اطرحى كلامك كدا وح نجيك برضو راجعين نناقشك فى انو مافى شىء بجى بالبارد وعلى طبق من فضه لكن كونو انو طرحك على علاتو يقوم على تمييز اساسو المؤهل ف دا خطا وجريمة يعاقب عليها القانون ... وليس موضوع للنقاش اصلا ........ وان عدتى عدنا

ينصر دينك يا دينا

Quote: بالله هي المسألة فيها لنكات وكدا والله البيكم اتعرفت ياستي لا تعودي لا أعود الماعجبو ما يدخل وبعدي المنبر واسع وكبير ورينا طرحك المافطير !!!

و ما تتوقعي رد غير ده

(عدل بواسطة فيصل نوبي on 11-27-2007, 12:41 PM)