المهمة الصعبة ... الفتيات السائبات ورحلة البحث عن المجهول !!!!!

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 14-12-2018, 04:03 AM الصفحة الرئيسية

مكتبة عواطف ادريس اسماعيل عبدالله(عواطف ادريس اسماعيل عبدالله)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
29-11-2007, 05:42 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: المهمة الصعبة ... الفتيات السائبات ورحلة البحث عن المجهول !!!!! (Re: AMNA MUKHTAR)

    أمونة !!!


    أنت هنا ؟؟؟

    يا مرحبا !!!
                   |Articles |News |مقالات |بيانات

29-11-2007, 05:57 AM

فيصل نوبي
<aفيصل نوبي
تاريخ التسجيل: 16-09-2005
مجموع المشاركات: 14194

للتواصل معنا

FaceBook
تويتر Twitter
YouTube


Re: المهمة الصعبة ... الفتيات السائبات ورحلة البحث عن المجهول !!!!! (Re: AMNA MUKHTAR)

    Quote: مساسكة عديييييل كده..
    كويس اللي ما بقا تحرش
    Quote: ولا عشان عفصت ليك وما دلعتك؟؟؟
    انت فاكره الدلع ده من اي زول بيكون عنده طعم ؟
    لمن يكتر زاتو بيمسخ
                   |Articles |News |مقالات |بيانات

29-11-2007, 06:13 AM

Tragie Mustafa
<aTragie Mustafa
تاريخ التسجيل: 29-03-2005
مجموع المشاركات: 49964

للتواصل معنا

FaceBook
تويتر Twitter
YouTube


Re: المهمة الصعبة ... الفتيات السائبات ورحلة البحث عن المجهول !!!!! (Re: فيصل نوبي)

    العزيزه عواطف
    لا تحزني لما اصابك..فالموضوع كبير وجرح كبير
    جواك وجوانا كلنا..فاعذرينا لو ضل بعضنا ولو احتد بعضنا
    فانها مأساة شعب كامل ونحن عجزة عن حلها ولكننا نحاول.
    فاستحميلنا وتأكدي لك فضل (نكشها للسطح)
    احترامي وتقديري.
                   |Articles |News |مقالات |بيانات

29-11-2007, 06:18 AM

Tragie Mustafa
<aTragie Mustafa
تاريخ التسجيل: 29-03-2005
مجموع المشاركات: 49964

للتواصل معنا

FaceBook
تويتر Twitter
YouTube


Re: المهمة الصعبة ... الفتيات السائبات ورحلة البحث عن المجهول !!!!! (Re: Tragie Mustafa)

    العزيزه دينا خالد
    لا توجد مداخلات بيننا كثيره.
    دعيني احيك اولا على العوده للمنبر
    فزمان لم اقرأ لك.


    سعيده بكل كلماتك القويه ومداخلاتك الفي عصب المشكله فعلا.
    وسعيده بك كجندريه صلبه,ياريت تكتبي لينا عن المهرجانات القلتي عليها.



    ولكن يا دينا دعيني اقول لك لم يحالفك الصواب في طريقة مخاطبة عواطف
    كونها ما قادره تشوف الانت شايفاه,بينتج مو قفتها في زاويه غيرك
    قد يكون للجيل او لفكر السياسي او لاسباب آخرى احيانا نبدو
    وكأننا نتحدث لغة مختلفه.....لكن كل هذا لا يمثل لك عذرا لهذه الحده.

    ومعليش استحمليني وعارفه روحي انا ام الحدة بهذا المنبر
    بس ما عايزاك تبقي زي لانه المشوار طويل وعايز سياسة النفس الطويل
    اسالي اشراقة مصطفى لها التقدير على الصبر و المساسكه.


    اتمنى ان تنتبهوا لانكم جميعيا خيرات لانكم جميعا هنا لاجل اخواتنا
    وبناتنا في الغربه,دعونا نتمكن من كيف يمكن ان نساعدهم ونجد حلول لمشاكلهن.
    كل التقدير لكم جميعا.
                   |Articles |News |مقالات |بيانات

29-11-2007, 06:23 AM

Tragie Mustafa
<aTragie Mustafa
تاريخ التسجيل: 29-03-2005
مجموع المشاركات: 49964

للتواصل معنا

FaceBook
تويتر Twitter
YouTube


Re: المهمة الصعبة ... الفتيات السائبات ورحلة البحث عن المجهول !!!!! (Re: Tragie Mustafa)

    العزيزه عواطف
    سلامات ثاني


    ردي على تساؤلاتك هنا:
    Quote:
    الأخت العزيزة تراجي !!!

    تحياتي ,,,

    أشكرك على مداخلتك الأخيرة و لا أدري ماهي أسباب كلمة شخصي وما شخصي دي عموما أنا ما من النوع

    البشهر بالناس ولم أمس سمعة أو كرامة أحد ولما أكتب عن صديقة هي دون ذكر إسمها يكون بإيعاذ منها

    لكي تستفيد الإخريات من تجربتها وكلها تجارب لا تسيء لهن لذلك لا داعي لضرب المثل بمواضيع الأستاذة

    نور تاور رغم أنني كنت من المعجبين بكتاباتها التي تثير جدلاوبعدين لو كنت ألقي الكلام على عواهنه

    ما كان دخل عضو من المنبر عايش في الإمارات وقال عواطف يفترض أن تمثل السودان كسفيرة في الإمارات

    أماأستشهادك برأي شخص آخر حول التفاصيل المملة أو غير المملة فلكل شخص أسلوب في الكتابة ولم أحتج

    على أي أسلوب لشخص ما والناس الكتبت عنهم ما عندهم مشكلة تبقى المشكلة مشكلتكم إنتو ليس هم ,, مع

    العزيزه عواطف....لم ارى انك تكتبي بتفاصيل مملة بل كما قال كثيرين/ات هنا اسلوبك ممتع...ولكني اردت لفت انظار نوبي....لانه هو من قال بان بعض القصص يكادوا يعروفون من تعنين بها..واكدت هذا الاخت الفضلى رندا حاتم..كل هذا ذكرني ببعض الحكي السابق عن كتابات نورتاور..فاعذريني لو ضربت المثل بك للمقارنه ولكني اردت فقط تنبيهه
    لانه هنالك لم يدين ...وهنا عمل فيها بيدين,هذا مالزم توضيحه.
                   |Articles |News |مقالات |بيانات

29-11-2007, 06:40 AM

دينا خالد
<aدينا خالد
تاريخ التسجيل: 26-06-2006
مجموع المشاركات: 8736

للتواصل معنا

FaceBook
تويتر Twitter
YouTube


Re: المهمة الصعبة ... الفتيات السائبات ورحلة البحث عن المجهول !!!!! (Re: عواطف ادريس اسماعيل)

    شكيت الليله شنو فى الايام ؟؟؟
    لقيتو الخميس !!!
    قلت خلاص دى بتكون تشاهد غدا ،،
    Quote: الاخت الفاضلة عواطف ..
    المتداخلين بعنف وبرفق؟
    حينما يطرح موضوع يجب ان يكون النقاش في مضمونه ولايتعدي ذلك الي
    الاشخاص او الاخطاء .. هو موضوع واضح ونقاشه حسب الاسلوب والفهم الخاص
    بالشخص وحسب رؤيته للموضوع فلماذا نذهب الي هامش الموضوع ..
    الاطار العام لاي نقاش معروف وكلنا يعرف الهامش الذي لايفترض ان نذهب
    اليه ..
    فليتنا نعرف كل ذلك ويكون نقاشنا مجردا عن اي اشياء اخري ..كالالتزام
    بادب الحوار .. قول رايك واذهب واذا رايت نقطة مختلفة ناقشها ..
    ولاتتوقف عن الهوامش .. ليتنا نفعل ذلك ونخرج من اي حوار اخواااااان؟


    خطبة الجمعة !!!
    يا بهاء ياخى قالو لا تنه عن خلق وتاتى مثله عار عليك اذا فعلت عظيم !
    والله مداخلتك كانت فى الهامش لما بى هناك !!!
    ولم تناقش فيها غير الاخطاء والاشخاص ولم تنبت ببنت شفاه فى لب الموضوع !!!
    الليلة اتذكرت الالفة الزماااااااان ديك !!
    ياخى الكلام دا كلو جووووه الموضوع بس كان ما عاجبكم قولو ماعاجبنا
    عشان ما نمشى .. لكن نقول غيرو
    ــــــــــــــــــــ
    ذكرتنى يا بهاء كلام كانت بتقولو حبوبتى وهى مراه بكاااايه
    على الاموت ،، لما يتلمو فيها النسوان عشان يسكتوها تصرخ فيهم
    يا نسوان هووووووى شوفن شغلكن انا (المهداوييه دى بتشعدبنى )

    المهداوييه ::::: كترة الهداية
    امنة مختار ياجميلة
    عشان خاطرك بس ح نحصر نفسنا فى الموضوع ‘‘‘‘(وجه ما عندو موضوع لبهاء )
                   |Articles |News |مقالات |بيانات

29-11-2007, 09:09 AM

baha eassa
<abaha eassa
تاريخ التسجيل: 21-07-2007
مجموع المشاركات: 6578

للتواصل معنا

FaceBook
تويتر Twitter
YouTube


Re: المهمة الصعبة ... الفتيات السائبات ورحلة البحث عن المجهول !!!!! (Re: دينا خالد)

    الاخت المهاجمة بعنف وبتسرع شديد .. دينا :

    لك الود اولا والتقدير .. حينما تكتبي لاتكوني عجلة بالهجوم وحاولي
    ان تتوخي الدقة .. دة كلو ليه لانك قلت انني كنت في الهامش وانني
    لم اتطرق للموضوع .. في البداية اي اول ماتم طرح الموضوع قمت بالرد
    والتعليق علي الموضوع فكان الاجدر اذا تريدين مناقشة الموضوع للفائدة
    ان تطلعي علي كل المداخلات .. وبالمرة تكوني راي .. والدخول بهذا
    العنف وبهذه الطريقة علي جميع الذين يقولون كلمة لاتوافق رايك اري
    انه غير محبذ .. وبعدين في احسن من خطبة الجمعة؟ .. ..
    وفي الاول والاخير لك رايك .. والحرية الكاملة ..

    تحياتي .. بهاء//
                   |Articles |News |مقالات |بيانات

29-11-2007, 06:41 AM

Sabah Hussein
<aSabah Hussein
تاريخ التسجيل: 05-09-2006
مجموع المشاركات: 2024

للتواصل معنا

FaceBook
تويتر Twitter
YouTube


Re: المهمة الصعبة ... الفتيات السائبات ورحلة البحث عن المجهول !!!!! (Re: عواطف ادريس اسماعيل)

    Quote: أعترض وبشدة لكلمة (سائبات)..
    في كل مجتمع هناك الصالح والطالح. وأعرف أن الشر يعم والخير يخص. ولكن أن توصف كل الفتيات المغتربات بهذه الصفة فهذا لربي قمة الظلم.

    أتفق معك في المناداة لحل هذه الأزمة. ولكن يجب إضافة: وكذلك الرجال الذين لا يجدون عملا في هذه البلاد أيضا








    * إشمعنى الرجال الما لاقين شغل وقاعدين بالسنين في الغربة ويمكن بيكونوا بيعملو السبعة وذمتها ما بنقول عليهم (سائبون)؟؟؟!!!!



    اوافقك الراى

    لدى سؤال للاخت عواطف

    ماهو رايك فى المومسات الذين تبعثهم حكومة الانقاذ المسماة اسلاميه زورا وبهتاناالى عواصم العالم

    المختلفة كطالبات وغيره من الحيل للايقاع بقيادات المعارضه ؟
                   |Articles |News |مقالات |بيانات

29-11-2007, 06:58 AM

قرشـــو
<aقرشـــو
تاريخ التسجيل: 05-02-2002
مجموع المشاركات: 11371

للتواصل معنا

FaceBook
تويتر Twitter
YouTube


Re: المهمة الصعبة ... الفتيات السائبات ورحلة البحث عن المجهول !!!!! (Re: عواطف ادريس اسماعيل)



    العزيزة توفى

    لك التحية

    لقد اتفق الجميع الان بأن هنالك ظاهرة غاية فى السوء وتخجل أى سودانى ولا يقبلها أحد ان تحدث لاى من معارفه ناهيك عن قرابته وبذا تكون فكرتك وجدت القبول من الكل وهى لفت النظر للمارسة لا ترضينا جميعا وذلك اتفاق جمعى وتبقى كلمة "سائبة" هى التى اثارت الجدل ولعل كل من عاش فى دول الخليج يفهم هذه الكلمة تماما بمعنى انها لا قيد لها ولا رسن وفى السودان نقول "مطلوقة" فهى تحمل معنى كلمة "سائبة" واستخدام هذه الكلمة أكثر من عادى كما تفضلت ويقال عمالة سائبة اى لا تتبع لجهة معينة انما تعمل وفق اهواءها ومصالحها ورغباتها ولذا يصعب التحكم فيها لانه ليس لها من يتحكم فيها اصلا وبتطبيق الكلمة على تلكم الفتيات نجد ذات المعنى بأنهم فتيات لا والى لهن يتصرفن كما يردن ولا يوجد من يتحكم فى تصرفاتهن عكس الفتاة التى يكون لها والى من أب أو أخ أو زوج ..
    كما انك ايضا لم تطلقى الحكم على الكل ففى كل مجتمع يوجد هذا وذلك ولكننا جميعا نعلم ان السمعة السيئة حالما ينتشر خبرها ويعرف بها الكل وللاسف فى الخليج مثلا يقال سودانية ولا يعرف احد من هى وبالتالى الذم يطال كل السودانيات والسودانيين ....

    والله كلكم عارفين الكلام ده كويس ....
                   |Articles |News |مقالات |بيانات

29-11-2007, 07:41 AM

قرشـــو
<aقرشـــو
تاريخ التسجيل: 05-02-2002
مجموع المشاركات: 11371

للتواصل معنا

FaceBook
تويتر Twitter
YouTube


Re: المهمة الصعبة ... الفتيات السائبات ورحلة البحث عن المجهول !!!!! (Re: عواطف ادريس اسماعيل)

    Quote: ماهو رايك فى المومسات الذين تبعثهم حكومة الانقاذ المسماة اسلاميه زورا وبهتاناالى عواصم العالم

    المختلفة كطالبات وغيره من الحيل للايقاع بقيادات المعارضه ؟



    ده أخطر كلام انا اقراه فى البورد ده ؟؟؟؟؟
                   |Articles |News |مقالات |بيانات

29-11-2007, 07:52 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: المهمة الصعبة ... الفتيات السائبات ورحلة البحث عن المجهول !!!!! (Re: قرشـــو)

    خلودي !!!

    أشكرك على التوضيح رغم إني قررت أشوف حاجة تانية ,,,
                   |Articles |News |مقالات |بيانات

29-11-2007, 08:15 AM

Dina Faisal

تاريخ التسجيل: 07-08-2006
مجموع المشاركات: 1102

للتواصل معنا

FaceBook
تويتر Twitter
YouTube


Re: المهمة الصعبة ... الفتيات السائبات ورحلة البحث عن المجهول !!!!! (Re: عواطف ادريس اسماعيل)

    اعتقد ان طرح الاستاذة عواطف لا يشوبه شيء سوى كلمة "سائبة" تلك...

    فقد تكون الفتاة من اسرة محترمة ولا غبار عليها او على سلوكها ولكن يجرفها تيار الغربة او ايقاع البلد الذي هي فيه او رفقة سيئة... وقد تنجو بنفسها كما فعلت من في القصة المذكورة ادناه... لا اظن ان الامر غريب او مستهجن او ان الاستاذة عواطف هي اول من طرقه.

    قصة ذات صلة مع الشكر للكاتبة سناء جعفر

    Quote: قصاصة سرية من دفتر يوميات فتاة مهاجرة

    الأحد 20 ديسمبر الساعة العاشرة صباحاً ...
    اليوم أبتدأ موسم الإجازات .. كل ما حولي ملئ بالصمت والبياض .. الثلوج تتساقط بلا انقطاع منذ ثلاثة أيام .. وتراكمت تلال منها أمام النوافذ فحجبت الرؤية ومنعتني من الخروج
    لكن فكرة البقاء حبيسة داخل جدران شقتي الضيقة تكاد تصيبني بالجنون ... الإحساس بالوحدة يحبس انفاسي ويملاني بالخوف من مجهول لا أستطيع تحديده .. ولكن ماذا افعل ؟؟ اقرا ؟؟ مللت القراءة .. هل أعود إلى النوم ؟؟ لا أستطيع فقد نمت ما يكفيني لأسبوع كامل .. هل أعيد تنظيف المنزل الذي أعدته بالأمس ؟؟ ربما يكون الحل في مشاهدة فلم جيد مع كوب نسكافيه حار وساندويتش ..
    أدرت جهاز التلفزيون و تقرفصت في الكنبة الصغيرة أمامه .. تنقلت بين القنوات ابحث عن شئ يستحق المشاهدة .. كل البرامج مملة .. حديث لا ينتهي عن مشاكل المجتمع الأمريكي الكريه ... برامج أخرى تفوح منها رائحة العفونة .. أفلام معادة ... قررت أن أتحول إلى القمر العربي حتى اسمع لغة افتقدها في تعاملي اليومي هنا .. يبدو ان العرب لم تعد لديهم هموم او مشاكل .. فكل القنوات غناء ورقص وبرامج مسابقات وهمية .. ظللت ابحث عن تلفزيون السودان لكنني لم أجده .. اين ذهب ؟؟ لماذا اختفى وانا في اشد الحوجة اليه ؟؟ برغم بكائي المستمر عند مشاهدة قناة السودان إلا انها تظل عزاء لي في غربتي الاختيارية ... قطعة من وطني تمدني بجرعات من الحنين ..مشاهدة الوجوه الكالحة المتعبة والشوارع المليئة بالغبار تهديني ذكريات صارت بعيدة .. كبعد المسافة بين الخرطوم ونيويورك حيث أقيم منذ ثلاث سنوات .. كلما عصرتني الوحدة بين فكيها .. ارجع إلى الوراء و أتذكر فرحتي باللوتري التي تابعت التقديم اليها باصرار عنيد ولمدة خمس سنوات متتالية منذ ان تخرجت من الجامعة وطوال فترة عملي كمحامية .. وقتها كان الهروب من السودان هاجسي الذي يلازمني ليل ونهار .. كنت اراه سجناً يقوّض احلامي في الانطلاق الى العالم الاول حيث الحياة افضل .. وبين انتظار اللوتري والعمل الدؤوب في احد مكاتب المحاماة المشهورة .. امتلكت حياة اجتماعية ثرية عشتها حتى العمق مع صديقاتي المقربات .. نتبادل الزيارات .. نلهو .. نتناقش .. حتى مشاكل المحاكم استمتعت بها .. لم يكن ينغص علي وقتها سوى سخرية صديقاتي المتواصلة من رغبتي بالهجرة ..
    يا بت انتي مجنونة ؟؟ هجرة شنو العاوزة تهاجريها ؟؟ وبراكي كمان ؟؟ لو حتعرسي وتمشي مع راجلك معليش .. لكن امريكا وبراك ؟؟ دي صعبة شديد "
    كنت ارد عليهم بفوقية غزاها طموحي وايماني بحلمي المشروع " انتو بنات تفكيركم محدود وما عندكم طموح .. الظاهر عليكم عاجباكم الدفنة الاحنا فيها دي .. المرتبات الكحيانة الما بتقضينا لربع الشهر .. ظروف الحياة الصعبة .. الجو الزفت .. حتى جو السودان يعكر الدم الشتا يجى كم يوم ويمشي وباقي السنة كلها حر وتراب .. عمركم سمعتوا بكتاحة في امريكا ولا الكهرباء قطعت ولا الموية نزلت من المواسير طين ؟؟ عمركم سمعتوا بازمة مواصلات ولا ملاريا ؟؟ يا بنات افهموني .. انا ما مهاجرة عشان الم قروش وكلام زي دة .. انا عاوزة نوعية حياة معينة ما بتتوفر في الســودان حتى لو عندي قــروش .. ما سمعتــوا بحاجة اسمهــا ( كواليتي اوف لايف ) ؟؟
    ودوما تاتيني نفس الردود المحتجة الغاضبة " يا بت هوي .. والله انتي ما في شئ حيغطس حجرك غير فلسفتك الفارغة دي .. بلا كواليتي اوف لايف بلا كلام فارغ .. مالها حياتنا ؟؟ ما هو احنا عايشين زي العجب .. وقبلنا اهلنا عاشوا وقبلهم اهلهم .. لا سمعنا زول مات من الحر ولا اتخنق من التراب .. يا وصال يا اختي السودان دة مافي زيه .. السودان دة بلد المحنة والناس الحلوين .. بلد اللمة ... يا بت بلدنا دي سمحة بترابها وحّرها ومطرتها .. بكرة لو مشيتي بلد السجم والرماد ديك بتعرفي قيمتها وتندمي على انك فارقتيها "
    كنت أهزأ بالاحتجاجات ولا اوليها أي اهتمام .. وعند وصول الظرف الابيض المنتفخ على عنواني البريدي اقمت حفل فرح داخل قلبي المتلهف للرحيل .. وبدات المرحلة الاصعب الا وهي اقناع الاهل بالموافقة على سفري والبقاء هناك وحيدة .. كانت فترة عصيبة احسست وكانني في قاعة محكمة مع قاضي صعب المرآس .. وانني ادافع عن قضية عمري .. ذرفت الكثير من الدموع .. واستخدمت كافة الحجج التي تدعم موقفي .. اخيرا كسبت القضية .. اكملت الاجراءات وجئت الى هنا ترافقني آمالي وطموحاتي ... دعاء ابي وخوف امي ...
    قبل وصولي اتصل ابي بابن عمتي الذي يقيم هناك منذ ستة عوام ويحمل الجواز الامريكي بعد ان تزوج بامريكية تكبره بعشرة اعوام لقاء مبلغ معين يسدده عقب الحصول على الجواز .. لكن لاسباب غير مفهومة اختار ان يبقى معها وانتج زواجهما طفلين ... اتى لاستقبالي في المطار وهو يحمل فتاة في الثانية من عمرها وصبي في الخامسة.. يحملان لون البن المحروق بملامح افريقية صرفة .. رحب بي واخذني الى منزله حيث الزوجة الغائبة في عملها معظم اليوم .. بينما تفرغ ابن عمتي العزيز لرعاية المنزل والاهتمام بالاطفال .. عندما سالته عن تفسير لهذا الوضع المقلوب اجابني بانه حاول الحصول على عمل اكثر من مرة ليكتشف ان راتبه لا يساوى شيئا امام راتب زوجته الكبير .. لذلك قرر ان يعكس آية القوامة لتكون زوجته هي المتحكمة بسير الامور في المنزل ..
    بعد اسبوع من وصولي ...

    اتاني ابن عمتي معتذرا بصوت هامس خجل .. وهو يبلغني رغبة زوجته في رحيلي ونظراته تتفادى الالتقاء بعيوني " معليش يا وصال .. انتي اكيد عارفة الناس ديل ما زينا وما بيعرفوا المجاملة كتير .. كل شئ عندهم بحساب .. وانتي شايفة وضعي انا ما شغال والا كنت ساعدتك .. الشئ الوحيد القدرت اعمله ليك اني دبرت ليك سكن مع بنات سودانيات لغاية ما تعرفي راسك من رجليك .. وبكرة الصباح حاوديك ..
    في تلك الليلة سمعت جدالهما حول الارباك الذي سببه وحودي لدى الاطفال عندما لمحوني وانا اصلي .. فسالوا الاب الذي شرح لهم معنى الصلاة .. فسالوا الام عن معنى حركاتي الغريبة التي تختلف عن الصلاة المعروفة لديهم .. وبما ان الام المسيحية لم تخبر اطفالها شيئا عن الاسلام فقد صعب عليها شرح الامر على حقيقته .. فاخبرتهم بان والدهم اخطا فهم حركاتي وانها نوع من الرياضة التي اؤديها للمحافظة على وزني ؟؟!! آهـ نسيت ان اخبركم بان الام القوية بمالها وجوازها وسلطة بلدها تاخد الاطفال الى الكنيسة كل احد تحت سمع وبصر الاب الذي اعماه لون الجواز الامريكي الداكن ولون الدولار الاخضر عن رؤية ما يدور حوله ..
    في الصباح وعندما كان يساعدني في رفع شنطتي الوحيدة الى السيارة خاطبني وهو ينظر الى الارض " وصال عاوز اطلب منك طلب .. لو سمحتي ما تقولي لزول في السودان انو اولادي بيمشوا الكنيسة "
    نظرت اليه برثاء " ما تخاف من ناس السودان يا ولد عمتي خاف من الخلق ناس السودان " بعدها ساد الصمت الثقيل حتى وصلنا الى مقر سكني الجديد .. كانت الشقة الضيقة في احد الاحياء القذرة التي يقطنها الزنوج .. تتكون من غرفة يتيمة ملحق بها مطبخ مفتوح وحمام صغير بالكاد يتسع لشخص واحد نحيل .. شريطة ان تظل يداه مضمومتان الى جانب جسده مخافة الاصطدام بالحائط لو رفعهما ... احسست بالصدمة وشعرت بالحسرة على بيتنا الفسيح والحمام الذي يسع عشرة اشخاص سوياً ..كنا ثلاث فتيات في نفس العمر تقريباً بفارق شهور قليلة زيادة او نقصاً ... هن اقدم مني بسنتين وكلتاهما جامعيات .. واحدة تعمل بائعة في سوبر ماركت .. والاخرى نادلة في مطعم .. لحظتها فقط احسست بالخوف مما ينتظرني .. وبرغم انشغالهن الدائم الا انهن تطوعن بمساعدتي في الانتهاء من اجراءات التقديم للحصول على الكرت الاخضر .. أصابتني الدهشة من عدد السودانيين الموجودين هناك .. شباب من نفس الفئة العمرية تقريباً .. سالت نفسي من بقى من هذا الجيل في السودان ؟؟!! ..
    بدات رحلة البحث عن عمل .. كل ما حصلت عليه اعمال وضيعة وبراتب قليل .. يبدو ان ارباب العمل قد اتفقوا على استغلال من هم امثالنا لعلمهم بحاجتنا الماسة الى العمل .. اصابني الاحباط فسالت رفيقات السكن .. " طيب وشهادة الجامعة ؟؟ " واتاني الرد مريراً "بليها واشربي مويتها " .
    بعد شهر من وصولي ...
    حصلت على عمل في احدى المكتبات .. انحصرت مهمتي في اعادة الكتب الى اماكنها بعد انتهاء وقت دوام المكتبة .. وتسلمت اول راتب لي .. 200 دولار اسبوعياً كدت اطير فرحاً وبسرعة اجريت العملية الحسابية المعتادة .. كم قيمة راتبي بالجنيه السوداني ؟؟ وملاني الزهو عندما اكتشفت ان راتب اسبوع هنا يساوي راتب شهر في السودان .. ونسيت للحظة انني اعيش هنا وليس هناك ...

    الاثنين 21 ديسمبر الساعة الخامسة صباحاً ..
    خاصمني النوم منذ امس بعد ان سمعت طلقات رصاص متبادلة اعقبها صراخ متالم ثم صمت يوحي بما يحمل .. علمتني التجارب ان اهزم فضولي لمعرفة ما يحدث خارجاً .. فقد يكون الموت هو ثمن فضولي الغير مرغوب فيه .. احس بوحدة رهيبة .. يكاد صدري ينطبق .. انتقل صقيع الخارج الى اعماقي .. التصق لساني بسقف حلقي احتجاجاً على الصمت الذي يلف عالمي منذ يومين .. يا لها من بلد .. جلست امام جهاز التلفزيون الملئ بترنيمات اعياد الميلاد وهو ينقل لي صورة بشر يبتسمون بحبور .. وبدات ابكي وحدتي ووحشتي .. ابكي غبائي الذي جعلني اتخلى عن عالمي الدافئ واسعى وراء سراب حياة افضل .. طموحي الذي حرمني من اهلي وصديقاتي .. هنا لا توجد صداقة .. الكل يركض وراء عمله في محاولة لجمع اكبر كمية من الدولارات .. هنا الدولار هو صديقك وشقيقك .. وكل عائلتك ... هنا قد تصبح جثتك هيكل عظمي قبل ان يكتشف احد موتك .. زادتني هذه الافكار كآبة واستسلمت لنحيب عال وانا اتذكر سخرية صديقاتي في السودان
    " وصال يا اختي السودان دة مافي زيه .. السودان دة بلد المحنة والناس الحلوين .. بلد اللمة ... يا بت بلدنا دي سمحة بترابها وحرّها ومطرتها .. بكرة لو مشيتي بلد السجم والرماد ديك بتعرفي قيمتها وتندمي على انك فارقتيها " .. يا الهي انه ندم مرّ وحارق ...
    الاربعاء 23 ديسمبر .. الساعة الثانية عشرة ظهراً ...

    قررت الخروج من المنزل حتى لو غرقت في الثلج .. لم اعد استطيع التحمل احتاج الى رؤية كائنات حية تتكلم وتمشي وتضحك او حتى تبكي .. احتاج الى سماع اصوات غير تلك الالية التي تاتيني من التلفزيون الممل .. احتاج الى رفقة بشر ...
    كم اكره موسم الاجازات في هذا البلد الجاف لانه يعني انقطاع تواصلي مع العالم الخارجي خصوصا في فصل الشتاء الكئيب حين يلبس الكون كله حلة بيضاء باردة تغطي كل شئ الشوارع ممتلئة بشتى اصناف البشر فغداً يوافق الكريسماس .. كنت انظر بلهفة الى العيون اللامعة والضحكات المتبادلة .. في كل ركن يقف رجل ممتلئ الجسد مرتديا زي بابانويل بلونه الاحمر المميز .. يحمل جرساً صغيرا يقرعه بحماس .. امامه سلة نصف ممتلئة بعطايا المارين .. نساء ورجال يسيرون بحبور .. احسست بالغيرة والحسرة لوحدتي وظللت اسير بلا هدف بحثا عن مكان يؤوي احساسي المتجمد ويبدد ظلام الوحشة من داخلي .. نظرت حولي الى المطاعم والمحلات التي تفننت في تزيين واجهاتها باللونين الاحمر والاخضر .. ليست لي رغبة بالاكل ولا الشراء .. فتابعت طريقي حتى كلت قدماي
    اخيراً وجدت مكانا مليئا بالبشر والاصوات .. دخلت وجلست .. وبدات الترانيم ... نعم لقد دخلت الكنيسة لاحس بامان الرفقة ودبيب الحياة ...
    الخميس 31 ديسمبر الساعة الحادية عشرة مساء ...

    انها ليلة راس السنة ... كنت قد قررت ان لا اقضي هذه الليلة وحيدة مهما كلفني الامر .. اريد رفقة تعينني على نسيان مرارة الايام التي مضت .. وتعطيني القوة لمواجهة الايام القادمات .. احسست بالحزن والاسف لان أي من السودانيين الذين اعرفهم لم يوجه لي دعوة لقضاء الامسية والاحتفال بهذه الليلة .. البنات كل تريد ان تقضي ليلتها مع زوجها او صديقها .. والرجال ليست لديهم مساحة لمخلوقة متحفظة ترفض دخول البارات او الديسكوهات .. ترفض العلاقات السريعة في المقاعد الخلفية للسيارات .. فتاة ما زالت تملك القدرة على قول كلمة لا .. في نظر الكثيرين انا مخلوقة معقدة وجاهلة بمتطلبات الحياة في امريكا .. بمعنى آخر مخلوقة منبوذة ..
    لم يعد يهمني مع من اكون .. فقط ارفض ان ابقى وحيدة هذه الليلة ايضاً لذلك قررت قبول دعوة هارولد زميلي في العمل فقد كان ودوداً ويعاملني باحترام كبير .. اعتدنا ان نحتسي القهوة سويا اثناء وقت الاستراحة من العمل .. واحيانا نتناول الوجبات في المطعم القريب من المكتبة .. وجدت في صداقته المتمهلة المراعية ما كنت افتقده .. سوف نذهب الى العشاء في احد المطاعم الصغيرة بعدها الى اكبر ميادين نيويورك حيث وضعت لوحة تحمل ساعة ضخمة لبدء العد التنازلي للعام الجديد
    الجمعة الاول من يناير الساعة الثانية بعد الظهر ...

    استيقظت من النوم على صدى انفاس ناعمة تحفر طريقها داخل اذني نظرت برعب الى وجه هارولد النائم بسكون على كتفي ويده تحيطني بحنان .. كان عقلي مشوشاً ... ماذا حدث ؟؟ كلانا يرتدي ملابسه كاملة مما اشعرني بقليل من الراحة .. ولكن كيف وصلنا الى هنا .. كان هناك عرق في مقدمة راسي ينبض بجنون .. وتذكرت انني احتسيت ثلاث زجاجات بيرة تحت الحاح هارولد ورغبتي في اظهار تفتحي وعصريتي لرفيقي حتى لا اخسر وجوده .. بينما تتصارع الافكار في راسي المتالم فتح هارولد عينان رماديتنان ونظر الى بابتسامة برئية وهو يرى علامات القلق والانزعاج في ملامحي المتشنجة ... فاتت عباراته هامسة متعاطفة
    * صباح الخير يا وصال ... سنة جديدة سعيدة ... كانت امسية جميلة وقد استمتعت بها الى اقصى حد ...
    ما من داع للقلق .. لم يحدث شئ بيننا .. لقد أصبت بالدوار بعد احتساء البيرة فأحضرتك للمنزل .. طلبت مني البقاء معك لانك كنتي تشعرين بالوحدة وخفت من البقاء بمفردك .. كل ما حدث اننا غرقنا في النوم معا .. انا اكنّ لك الاحترام يا وصال ولن افعل أي شئ بدون اذنك ورغبتك .. لكنني اظن بان علاقتنا سوف تتغير من الان فصاعدا .. وكلانا مستعد للانتقال للخطوة التالية .. سوف اعطيك الوقت اللازم لتقرري ما تريدين ... اعتقد بانك تدركين مدى اعجابي بك ورغبتي في ان تصبحي فتاتي ؟؟...
    لقد قررت ما اريد .. يبدو ان السقوط في بئر الانفلات لا يحتاج الى اكثر من ثلاث زجاجات بيرة .. واحساس مرير بالوحدة .. خوف من الصمت .. ورغبة بالكلام ...
    بعد خروج هارولد جلست افكر فيما وصلت اليه .. وما كان يمكن ان يحدث .. تذكرت تعليقات الفتيات اللائي كنت انتقد تصرفاتهن بالعيش مع أصدقائهم دون رباط شرعي .. ومصادقة الامريكان والاجناس الاخرى .. تذكرت سخرية فاطمة الفتاة السودانية المتعلمة التي تنحدر من اسرة عريقة وتعيش مع صديقها الزنجي بلا زواج " انتي لسة جديدة وما عارفة الوضع في البلد دي كيف .. لمن تقعدي كم سنة وما تلقي انسان يتزوجك حتعرفي احنا ليه عملنا كدة .. يا وصال في البداية كلنا كنا زيك .. لكن لقينا اننا يا نمشي مع التيار أو نرجع السودان .. المسالة اختيار وكل انسان بيختار حسب ظروفه
    لقد اخترت ..
    نهضت بهدوء .. لملمت ثيابي في شنطة صغيرة .. فتحت باب بيتي وخرجت منه دون ان اغلقه ..عبأت صدري بالهواء البارد حتى أحسست بحرقة في رئتي ... ركبت سيارة الاجرة واتجهت الى المطار .. قطعت تذكرة اتجاه واحد الى الخرطوم .. قبل الإقلاع رميت الكرت الاخضر في اقرب سلة زبالة ..
    عندما وصلت مطار الخرطوم مزقت الجواز المؤقت بلونه الابيض .. وطلبت حق اللجوء الى بلدي ...
                   |Articles |News |مقالات |بيانات

29-11-2007, 09:24 AM

Randa Hatim

تاريخ التسجيل: 15-05-2006
مجموع المشاركات: 1998

للتواصل معنا

FaceBook
تويتر Twitter
YouTube


Re: المهمة الصعبة ... الفتيات السائبات ورحلة البحث عن المجهول !!!!! (Re: Dina Faisal)

    Quote: اعتقد ان طرح الاستاذة عواطف لا يشوبه شيء سوى كلمة "سائبة" تلك...

    فقد تكون الفتاة من اسرة محترمة ولا غبار عليها او على سلوكها ولكن يجرفها تيار الغربة او ايقاع البلد الذي هي فيه او رفقة سيئة... وقد تنجو بنفسها كما فعلت من في القصة المذكورة ادناه... لا اظن ان الامر غريب او مستهجن او ان الاستاذة عواطف هي اول من طرقه.



    بس زي دينا دي يقولو ليها شنو؟؟؟؟؟؟؟؟

    والله ما قلنا الطرح فيهو حاجه .. طرح جرئ وقوي ..
    يا دينا ياخ اقري الكلام من الاول للاخر .. احنا قلنا " الحلوووووول" المطروحه من قبل الاخت عواطف.. يعني ناس جيبو محرم يسافر معاها وكشوهم رجعوهم بلدهم عشان يتكوو بالنار الجوا ديك "وبرضو ح يسيبوا" .. بس اللهم بنكون خلينا الطابق مستور و "زيتنا في بيتنا" ..

    سمح اسمعي النكسب فيك اجر واوقع ليك الكلام .. قلنا ليها الظاهرة اللى انتى اتطرقتي ليها دي واللى هى موجوده وبكثره "صاح واكيد" عباره عن نتاج لوضع معين .. يعني هي ناتج عن مشكله فحقو الناس تشوف جذور المساله دي وين وتعالجها .. بدل ما نعتبرهم هم المشكلة الاساسية .. عارفة زي شنو .. زي ناس الكشه مع ستات الشاي .. في زول فى الدنيا بيعجبوا قعاد الحر والمرمطه، لكن اكل العيش حار .. اها ناس الكشة ديل لو شايفين دي ظاهرة يجب محاربتها "اوكي" قولو للحكومة توفر ليهم مصدر دخل مثلا بدل البنبر والطبلية اعملو ليهم اكشاك شاي .. لو ما دايرين الشاي اي حاجة تعينهم وتكون ليهم مصدر دخل يومي .. يبقى هنا حلو المشكلة ومنعوا انتشار الظاهره .. لكن يكشوهم كل مرة والمسكينات مغلوبات على امرهن ومحتاجات تاني يوم يختن بنابرن وطباليهن ويقولن يا فتاح يا عليم يا رزاق يا كريم "ضرب المثل هنا فقط لتشابه المواقف"

    المشكله اكبر من انها تتحل بالتنظير ..
    دي دايره ليها دراسه وتحليل .. عشان اقتراح الحلول جزافا ممكن يضر اكتر مما ينفع..
    والاعتراف بوجود عله هو بداية العلاج.

    اقعدي عافية ..
                   |Articles |News |مقالات |بيانات

29-11-2007, 09:49 AM

Dina Faisal

تاريخ التسجيل: 07-08-2006
مجموع المشاركات: 1102

للتواصل معنا

FaceBook
تويتر Twitter
YouTube


Re: المهمة الصعبة ... الفتيات السائبات ورحلة البحث عن المجهول !!!!! (Re: Randa Hatim)

    Quote: احنا قلنا " الحلوووووول" المطروحه من قبل الاخت عواطف.. يعني ناس جيبو محرم يسافر معاها وكشوهم رجعوهم بلدهم عشان يتكوو بالنار الجوا ديك "وبرضو ح يسيبوا" .. بس اللهم بنكون خلينا الطابق مستور و "زيتنا في بيتنا" ..


    العزيزة رندة

    مداخلتي بنيت على القصة الاصلية التي طرحت ثم ردود الاستاذة عواطف والتي لم اجد فيها ما تذكرينه من كشوهم ورجعوهم وزيتنا في بيتنا الى اخره, اللهم الا ان كنت لم امعن القراءة.

    Quote: والله أنا ما طالبت أو قلت لازم فرض عين يكون مع

    البنت محرم والبنات الأنا بقصدهم يا موني بنات جاهلات ما بعرفن يدافعن عن نفسهن في الغربة فضلا عن

    ذلك نصفهن متزوجات وتاركات أطفال رضع مع الأزواج وبعدين بيواجهوا حياة قاسية ومرة تعلهن عرضة

    لذوي النفوس المريضة



    Quote: سفر البنات إلى المجهول بلا خبرات أو شهادات ÷و وأد حقيقي لطموحاتهن وأحلامهن ,, لست ضد أن تغترب

    الفتاة لتبحث عن عمل شريف ولكن يجب أن تكون مسلحة بكل الأدوات التي تؤهلها للصمود في الغربة ليتكم

    تعرفون ما يتعرضن له من مشاكل لا حصر لها !!!



    Quote: أنا تحدثت عن شريحة معينة من الفتيات وقلت

    أنهن بلا مؤهلات أو خبرة أي غير متعلمات والمعروف أن العلم سلاح في يد الفتاة ماديا واجتماعيا يعني

    الفتاة المتعلمة تعرف كيف تتصرف إذا تعرض لها شخص أو أصابها مكروه ويمكنها الحصول على وظيفة بكل

    بساطة وهناك مثلما ذكرت نماذج مشرفة ولكن هناك من يريد الذهاب بالموضوع إلى منعطف آخر لم أفكر

    فيه أبدا طبعا كل واحد حر في طريقة فهمه للموضوع والله أعلم بالمقاصد والنوايا



    Quote: يقول المثل أعطني عمرا وألقني في البحر ,,, وأقول علمني الفضيلة وألقي بي في لجة

    الزيلة ,,, النتيجة لن يمسني سوء وأنا من ناحيتي أعتبر تعليم البنت يبدأ من بيت أهلها وينتهي

    بالمدارس والجامعات لذلك الفتاة المتعلمة تستطيع أن تحمي نفسها في أي مكان وزمان أما الجاهلة فلا

    حيلة لها ولا تملك أي أدوات للدفاع عن نفسها حتى ولو حاولت لأن نفسها سيكون قصير ومقدرتها على

    الصمود أقل والله ورسوله أعلم
                   |Articles |News |مقالات |بيانات

29-11-2007, 11:35 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: المهمة الصعبة ... الفتيات السائبات ورحلة البحث عن المجهول !!!!! (Re: Dina Faisal)

    الحبيبة دينا !!!

    ليك وحشة ,,,


    بتصدقي يا دينا الموضوع دة بذكرني بقصة فار وقط عملمو معاهدة قبل ما يركبو القارب في البحر على

    أن لا يعتدي القط على الفار حتى يصلو إلى الشاطيء الآخر بعدين القط جاع وفكر ياكل الفار قام اتبلى

    عليه وقال ليه بتكتحني بالتراب مالك قام الفار رغم إنهعارف مافي تراب قام من خوفو قال للقط

    معليش حقك علينا يا أبو الكدس طوالي القط هاج وماج وقال ليه أبوالكدس كمان يا قليل الأدب ؟ ما هي

    دي قلة أدبكم البتخلينا ناكلكم وهجم عليه وأكله , فيبدو إني كتحت بعض الناس في البحر فقررو أن

    يفرجو علي خلق الله ولكن لا يصح إلا الصحيح ورب ضارة نافعة .

    أشكر لك شجاعتك يا دينا في الوقت الذي وقف فيه الكثيرون يتفرجون وهم يدركون تماما صحة كل كلمة

    كتبتها رغم إدراكهم أن الساكت عن الحق شيطان أخرس .
                   |Articles |News |مقالات |بيانات

29-11-2007, 12:35 PM

sudania2000

تاريخ التسجيل: 04-02-2002
مجموع المشاركات: 4044

للتواصل معنا

FaceBook
تويتر Twitter
YouTube


Re: المهمة الصعبة ... الفتيات السائبات ورحلة البحث عن المجهول !!!!! (Re: Dina Faisal)



    سلامات

    يا المهاجرات ويا بنات عزة العزيزات

    الموضوع كالعادة تناوله ضعيف و الحيطة القصيرة دائما هي السودانية

    النبي فيك ما شفت ناس كرواتيا وشبيربوش ديل معاك مالك

    ما الاولاد مهاجرين وطاشين وبقوا حرامية وكتالين كتلا بقت في الحيطة القصيرة

    البنات الفي ذمة الواعي سي السيد


    عارفة مزاجي ما جاية لكتابة لكن سؤال بسيط

    العرض دا كتبتي انتي ولا نسيتي الجهاز فاتح زي موضوع البايرات الماعندهم في الطيب نصيب







    خربشة :


    السخيف نوبي قال :

    انت فاكره الدلع ده من اي زول بيكون عنده طعم ؟
    لمن يكتر زاتو بيمسخ

    انت بدلعوك يقولو ليك شنو يعني فيصولي ما حلوة ونباوي فيها ريحة عنصرية تمنع من الكتابة في الحيطان القصيرة

    حيرت الماما الله يحيرك غير اسمك وتعال اتحاوم بهنا




    التعديل لكلمة نباوي للسخيف

    (عدل بواسطة sudania2000 on 29-11-2007, 12:46 PM)

                   |Articles |News |مقالات |بيانات

29-11-2007, 02:04 PM

Tumadir
<aTumadir
تاريخ التسجيل: 23-05-2002
مجموع المشاركات: 14699

للتواصل معنا

FaceBook
تويتر Twitter
YouTube


Re: المهمة الصعبة ... الفتيات السائبات ورحلة البحث عن المجهول !!!!! (Re: عواطف ادريس اسماعيل)

    السيدة عواطف ...والمتداخلات المتداخلين الافاضل:

    تابعت لبوست عن كثب لأننى لا أجد وقتا كافيا للنقاش اثناء الاسبوع ..

    وطالما لدى "نص ساعة" حسة فحأحاول أن أطرح بعض الملاحظات:

    لا تعجبنى مقولات مثل انصر أخاك ظالما او مظلوما فى مثل هذا المقام لأن الناس يتفقون

    ويختلفون حسب ما اكتسبوا من معرفة وتجربة ...ونحن الآن نمثل "رأيين" ..وبعددنا الضخم ده لازم يكون فى مناصرة غير مقصودة ..اللهم الا اذا كانت هنالك تبعات لا نعرفها من تاريخ نقاشات أخرى فى هذا المنبر معك ...انا لم احضرها ...


    انا لا أتفق مع الكثيرين على أن دافعنا لمناقشة "الظاهرة" كما سميتموها هى "سمعة السودان" ..والاساءة الى تقاليدنا وكل الذى منه ...فالاساءة للسودان قد وجهتها له جهات تمتلك اما القوة أوالجاه أوالسلطة أوالمال، السودان بلد ذو سمعة سيئة لان به حروب عنصرية وعادات ضارة وتقاليد مكبلة للحريات، خصوصا لحرية البنات، السودان بلد فيه تعذيب ووحشية وفساد مالى ، الخدمات والشوارع والصحة العامة سيئة ومتردية، السودان بلد تتفشى فيه الامراض هل تذكرون نقاش تفشى "الايدز" فى هذا المنبر، لقداستنكر الكثيرون وجود حالة أصابة واحدة لشخص سودانى، لماذا؟ لان الكثير من السودانيين يعتبر أن هنالك "قيم وأخلاق" تكفى لحماية الانسان السودانى من التقاط الامراض الجنسية، أو الاجتماعية المتفشية فى العالم اليوم، استنكروا المخدرات والمثلية الجنسية وكل هذه الفجائع التى ما انتشرت الا من عادة "دفن الرؤوس فى الرمال" التى تعودنا أن نتداولها وأن كل ماهو "سودانى" يجب أن "يباصى" امتحان الاخلاق والقيم ( طبعا يباصى دى ما كلمة عربية- للمهتمين باللغة -لكن متعارف على التعبير "حسب قيمنا وتقاليدنا اللغوية السمحة
    يجب أيضا أن نعترف أن السودان بلد سىء السمعة لم تشفع له "عاداته وتقاليده السمحة" فى مكافحة تفشى الجهل والفقر وبالطبع المرض (اعداء الانسانية الثلاثة) وهو من أغنى بلاد افريقيا " قيل أنه اليوم أغنى بلد فى أفريقيا" ، يجب أن نتفق أن "المصلح الاجتماعى أو المرشد الشبابى يجب أن ينطلق من هذا المنطلق : السودان بلد سىء السمعة على المستوى الادارى والاقتصادى والصحى والتعليمى ...ومن المتوقع أن تسىء سمعته وسمعة ابناءه اخلاقيا ...هذا اذا كانت الظاهرة موجودة. بهذا الاكتمال وانها ليس مجرد خمسة او ستة بنات طالعات ونازلات ...
    حكاية البنت وبيتها والطريقة الربوها بيها دى حكايات ليس لها
    سند علمى فالذى يربى الناس اخلاقيا هو المجتمع الكبير والذى أصبح العالم بأجمعه. نعم فالبيت له تأثيره على الشاب أو الشابه لكن هم جميعا ابناء الحياة وابناء الزمن ..لهم الحق والمقدرة على الاطلاع على الآخرين والنهل من تجاربهم ...

    طيب نتفق على الآتى:

    من بلد بهذه المواصفات لماذالا ينزح الشباب بالهجرة بهذه الكثرة والغلو ولماذا لا يتساقط الافراد ووتتساقط الشرائح فى أنفاق المدن الكبرى، ...أهو فى عضو منبر آخر بيتكلم عن رجال سودانيين بينفقوا أموالهم على الاثيوبيات ..وكده يعنى ...

    لا أريد أن احبطكم أكتر مما أحبطتكم فى وطنكم الغالى ده، (واللى هو وطنى معاكم برضو ما عندى غيرو والله) ...

    بدل كده أحب أطلعكم على بعض تجارب الشعوب الخايفة على اولادهابعد أن خلو بلادهم "أو طردتهم بلادهم ما مهم":

    الاثيوبيين الحسى شايلين حالهم فى الخليج ديل ..عندهم أقوى وأصلب تنظيم فى أمريكا،

    لما الاثيوبى أو الاثيوبية يصلوا الليلة ويقابلوهم فى المطار، بكرة بيكون فى زول من المنظمة يعرف حالو وسكنو ومعيشتو واحتياجاتو، بعدها الجامعة المدرسة التوصيل التعليم،
    فى المناسبات يكون موجود، بعد شوية يمسكوهو "دور" يقوم بيه من أجل الباقيين، مناسباتهم الثقافية والفنية والروحية بيتقابلوا فيها بانتظام وكل الناس أسرة واحدة ..

    قوه واحده متكاتفة هدفها التغلب على احباطات الاغتراب، الاستفادة من الخدمات الموجوده فى بلد الغربة بناء مجتمع جديد ينفع اثيوبيا، وينفع وجودهم فى امريكا ..

    لأ وأهم مافى التنظيمات دى هى التنضيمات البتهتم بالبنات والمنساء، تقوية شوكتهم وتشجيعم وتعليمهم وتثقيفهم وتنويرهم على حقوقهم وامكانياتهم الشى البتحاول معظم المجتمعات على انكارو والتنكر ليه...

    التجربة دى ما واقفة على الاثيوبيين، الآسيويين عملوها من سنين، الهنود نص البيزنيس فى المدن الكبيرة حقهم يتوارثوه جيل بعد جيل، الفيتناميين الجوا بعد الحرب هنا بقوا قوة البلزهم ما بيرميهم، ...فى العرب اللبنانيين وهم تاريخ وصولهم الى امريكا فات الميتين سنة أكيد استفادوا من طول وجودهم هنا، بعد داك الصوماليين ومع انهم لسه زينا ما بشوفوا أى شى غير "البنات الشوهو سمعة الصومال" الا أنهم بدوا يكونوا قوة حديثة فى مينسوتا وبعض المدن، اهتموا بتعليم وتوطين وتثقيف شبابهم ...

    ونحن لسه ما بدينا لكن زينا وزى غيرنا ...كل الذى نحتاجه هو تكوين تنظيمات، "منظمة جالية، كيان اجتماعى" يقابل القادمين للمهجر وترشدهم وتنورهم وتوريهم الطريق الصحيح للاستفادة من الخدمات المتاحة والتعليم والوظائف والاعمال وتشجعهم على الانسجام مع الجسم السودانى ، والتعرف على امكانياتهم وكيف يمكن اطلاق طاقاتهم لما يعود بالخير لهذا الجسم ، يعنى "يفيدو ويستفيدو"..

    أها ياناس الخليج لما أصلو بدت تكون فى مشاكل واضحة زى دى ...ابدوا الحل، خلوا نساء قويات وشجاعات ومثقفات وكذلك رجال بأفق واسع ومؤمنين بأنسانية المرأة، خلوهم يبدو فى لم الصفوف وحلحلة المشاكل الحياتية والتنوير والجامعات والليالى الثقافيةوتشجيعهم على المشاركة والمساعدة حتى وانهم ما ينعرزلو ويحسوا بالحيرة والتخبط ...

    ولا نخجل من شىء.

    محبتى للجميع ...
                   |Articles |News |مقالات |بيانات

29-11-2007, 02:41 PM

Tumadir
<aTumadir
تاريخ التسجيل: 23-05-2002
مجموع المشاركات: 14699

للتواصل معنا

FaceBook
تويتر Twitter
YouTube


Re: المهمة الصعبة ... الفتيات السائبات ورحلة البحث عن المجهول !!!!! (Re: Tumadir)

    خطاب شكر للقراء واعتذار لبناتنا الجميلات !!!


    لم أكن قد اطلعت على هذا البوست عند كتابة هذه المداخلة ...

    ان شا الله ما أكون واحد من الاسباب الاتكتب بيها ..

    وعموما كان حضورى هنا من أجل الحوار ...وليس لى من أجندة أخرى ..

    والله على ما أقول شهيد ...


    ما عارفة ليه جانى سطر من مسرحية "بيكيت": ايها الناس ارفعوا من روحكم المعنوية ...!!!!

    فيا جماعة ارفعوا الروح المعنوية وخلينا نستفيد من هذه المساحة الغالية لما يعود للجميع بالخير...
                   |Articles |News |مقالات |بيانات

30-11-2007, 09:05 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: المهمة الصعبة ... الفتيات السائبات ورحلة البحث عن المجهول !!!!! (Re: Tumadir)

    تماضر !!!

    مودة ,,,

    لا ينبغي أن يخطر على بالك ولو بنسبة صفر في المية أنك معنية بأي حرف من البوست المعني فكل

    إناء بما فيه ينضح ومنذ أن دخلت البورد دة طبعا ما حأقول من كم سنة رغم أني ذكرتها مجازا لشعوري

    بطول المكوث فيه لم ينضح إناؤك سوى بالشعر والكلمات الرقيقة رقة مشاعرك هذا ليس الكلام إطراء كما

    سيعتقد البعض ولكن شهادة للتاريخ .
                   |Articles |News |مقالات |بيانات

29-11-2007, 06:47 PM

sanaa gaffer
<asanaa gaffer
تاريخ التسجيل: 16-11-2006
مجموع المشاركات: 1238

للتواصل معنا

FaceBook
تويتر Twitter
YouTube


Re: المهمة الصعبة ... الفتيات السائبات ورحلة البحث عن المجهول !!!!! (Re: Tumadir)

    Quote: أها ياناس الخليج لما أصلو بدت تكون فى مشاكل واضحة زى دى ...ابدوا الحل، خلوا نساء قويات وشجاعات ومثقفات وكذلك رجال بأفق واسع ومؤمنين بأنسانية المرأة، خلوهم يبدو فى لم الصفوف وحلحلة المشاكل الحياتية والتنوير والجامعات والليالى الثقافيةوتشجيعهم على المشاركة والمساعدة حتى وانهم ما ينعرزلو ويحسوا بالحيرة والتخبط ...

    ولا نخجل من شىء.


    سلام يا تماضر ...

    من ايجابيات البوست دة انو خلانا نتلاقى مع ناس ما بنلاقيهم ونتكلم معاهم بسبب اختلاف الافكار او الاهتمامات ...

    المسافات الجغرافية او العمرية .. الانتماءات والتفرعات ..

    بس حبيت امرر ليك معلومة صغيرة عن ( ناس الخليج ) ...

    معظمهم مليانين توجس من الآخر ... علاقتهم بالغريب عن دائرتهم المعروفة .. بتحكمها الريبة والظنون ...

    في مجال العمل وخلافا للجاليات والاجناس الاخرى .. ما بيساعدوا بعض ابداً ...

    في الشارع بيلاقوا بعض بيعاينوا لبعض جوة العيون ... وما بيسلموا ...

    في معظم الحالات .. كل اسرة هنا جزيرة منعزلة عن الباقيين بمحض اختيارها...الا من رحم ربه ..

    البنات الاجبرتهم الظروف يكونوا براهم ببقوا عرضة لشتى انواع المضايقات .. مهما كان نوع عملهم ولا جديتهم ولا وظائفهم ...

    بيكونوا محاصرين بظن الفلتان لانهم قاعدين براهم وبدون وليان .. ما بيشفع ليهم ادب ولا اخلاق .. ولا اي شئ ..

    بين السودانيين هنا ما في روح التعاون ولا رغبة تكوين مجوعة قوية ومؤثرة وليها ثقل ثقافي واجتماعي ...

    هنا في نماذج سيئة من النساء والرجال ؟؟

    طبعا في ... ودة شئ طبيعي وعادي ... زينا وزي اي وافدين تانيين في الامارات ...

    احنا ما فلتة في الاخلاق .. ما منزهين عن الخطأ .. لا ملايكة ولا شياطين ...

    احنا ( ناس ) ... ( بشر ) فينا كل حسنات وعيوب البشر ... لمن نبدا نتفهم الجزيئة دي ونعاين لنفسنا بالطريقة دي يمكن نقدر نطلع من

    حالة التوهان والوهم العايشين فيها .. نبدا نسلم على بعض في الشوارع بدون ما نفكر الزول دة بيسلم علينا ليه ؟؟ اكيد عاوزحاجة ...

    تبدا البنات القاعدات براهن يمشن المناسبات الاجتماعية والثقافية بدون خوف ... وبكل ثقة .. ونبدا نفتح الابواب لبعض ...

    انا شكلي كدة طلعت من الموضوع الاساسي يا تماضر ؟؟!! ..

    معليش بس حبيت اوضح ليك صورة المجتمع السوداني في الخليج ... وهي مخاض لسبع سنوات غربة ... وممكن جدا تكون مختلفة تماما عن صورة

    اي انسان تاني عايش معاي في نفس المكان تحت ظروف مختلفة ...

    للجميع تحيات طيبات زاكيات ...

    تخريمة برة الهامش :

    تماضر بس حبيت اقول ليك اني استفدت كتير من موضوعك عن العرس وطقوسه في الفور اوول .. واخدت منو معلومات كتيرة لقصتي الجاية ...
                   |Articles |News |مقالات |بيانات

30-11-2007, 08:55 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: المهمة الصعبة ... الفتيات السائبات ورحلة البحث عن المجهول !!!!! (Re: Tumadir)

    الشاعرة الرقيقة تماضر !!!

    جمعة مباركة ,,,

    أشكرك على هذه المداخلة الهادئة والعميقة التي تؤكد أنك تريدين أيصال رأيك لمن يختلفون معك

    بمسئولية كبيرة وتأني مذهل وليس خلافا من أجل الخلاف أو الشوفونية وبالرغم من قراري الخاص بعدم

    العودة إلى هذا البوست ولكن بعض المداخلات المحترمة المفيدة دفعتني للدخول والرد عليها فنحن هنا

    للنتناقش فقط بدون عداوة إلا من أراد غير ذلك .

    لقد اطلعت على هذه المداخلة الجيدة الغنية بالمعلومات المفيدة بالنسبة لنا كأعضاء وقراء وأؤكد لك

    أننا نحترم الرأي الآخر جدا إلا إذا خرج عن حدود اللياقة وأفتكر بتتفقي معنا في هذا الجانب , عموما

    أتفق مع طرحك في معظم النقاط وأرى النصف المملوء من الكوب وليس الفارغ ,, شكرا مرة أخرى .
                   |Articles |News |مقالات |بيانات

29-11-2007, 03:58 PM

دينا خالد
<aدينا خالد
تاريخ التسجيل: 26-06-2006
مجموع المشاركات: 8736

للتواصل معنا

FaceBook
تويتر Twitter
YouTube


Re: المهمة الصعبة ... الفتيات السائبات ورحلة البحث عن المجهول !!!!! (Re: عواطف ادريس اسماعيل)

    خيرنا دنا وبرتكانا شال الجنا
    ايوى يوى يوى
    ياسلالالالالالالالالالالالام يا سلالالالالالام يا تمضورة ياخى
    (انتى مالك برضو اسمك دا ما بدلع )
    ياسلام على الافق الواسع والبراح الانسانى الكبير
    شكرا كتير والله ممنونين بالكوم لهذا التطويف الواسع بالدنيا
    والدروس المجانية والله دى حقو نتخاتت ليك فيها عديل كدا
    حق الفاسليتيتر فى الورشة !!!!
    حقيقى البوست دا لو فيهو فايدة واحدة عملها فينا
    هو انو خلى كلامك دا يمرق ياخ شكرا عواطف ياخ والله شكراعطووف

    وليذهب الزبد جفاء ويبقى ما ينفع الناس


                   |Articles |News |مقالات |بيانات

29-11-2007, 05:38 PM

دينا خالد
<aدينا خالد
تاريخ التسجيل: 26-06-2006
مجموع المشاركات: 8736

للتواصل معنا

FaceBook
تويتر Twitter
YouTube


Re: المهمة الصعبة ... الفتيات السائبات ورحلة البحث عن المجهول !!!!! (Re: عواطف ادريس اسماعيل)

    الشامخة تراجى
    كم احس برهقك يا عزيزتى وانت تلاحقين هذه
    الافكار المؤذية عن الجندر والعرقية وما اثقل
    ظهورنا من موروثات مازالت تجد من يتمترس خلفها!!!ا
    ياستى فعلا انا كنت غايبة بسبب ظروف عملى
    الفظيعة .. ووجودى خارج السودان لفترات طويله
    بس لسوء حظ اختنا عواطف لقتنى فى اجازة هذه
    الايام التى لم استمتع فيها بالحوامة ونبش الماضى
    وبرضو ظروف ملاحقة العمل حتمت على قضاء وقت كتير
    اونلاين ... فشيلو شيلتكم .. عذرا لونستنا هنا
    ولكن ظروف الدنيا حتمت !!!
    شكرا لسؤالك عنى وتشجيعى ممنونه انا
    الحدة دى يا رجووويه (حلوه دى؟ ) ما بجيبها الحوار
    لكن البجيبها هو ان يغض الطرف الاخر نظرة عن الحوار
    الدوغرررى ويقعد يتلولو ويجى واحد يعمل ظريف وابو الحكمة
    وهو الوحيد الشايف .. ويعدل ليهو فى لولوتو
    دا ذى ماقالت اشراقة فى( حالة كونها طالعه من طورها) هو البفقع
    المرارة ... احييك على جلدك لانوانا لو فى محلك دا زمااااااان كان
    جاتنى الجلطة والشلل ،، وهسه عواطف كانت تكون مبسوطة ونايمة جد جد
    عن شواردها ...
    هسه عليك الله شوفى دا
    Quote: :

    كن كالنخيل عن الأحقاد مرتفعا ...

    ترمى بحجر فتعطي أفضل الثمر !!!

    يعنى نحن بنفلق لما عييينا وزيتنا طلع مااعطتنا ولاااا ثمرة واحدة ؟؟
    دى مش حاجة تجنن ؟؟؟؟؟؟
                   |Articles |News |مقالات |بيانات

29-11-2007, 08:30 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: المهمة الصعبة ... الفتيات السائبات ورحلة البحث عن المجهول !!!!! (Re: دينا خالد)

    المنبر غيرك ضلالالالالالالالالالالالام يا الاميرة
                   |Articles |News |مقالات |بيانات

29-11-2007, 11:24 PM

محمد على طه الملك
<aمحمد على طه الملك
تاريخ التسجيل: 14-03-2007
مجموع المشاركات: 9268

للتواصل معنا

FaceBook
تويتر Twitter
YouTube


Re: المهمة الصعبة ... الفتيات السائبات ورحلة البحث عن المجهول !!!!! (Re: الطيب شيقوق)

    الفضلي عواطف ..
    لك تقديري ..
    جرت عادتي الدخول لقراءة أي بوست بعد الإطلاع علي عنوانه اولا ثم انتقل لقراءة اسم الكاتب ..
    إن شدني الموضوع من عنوانه دخلت وقرأته وربما تداخلت بتعليق دون معرفه شخصية الكاتب..
    وإن كان الموضوع ممن قرأت لهم دخلت وقرأته وربما خرجت دون مداخله ..
    وفق هذا المعيار دخلت وقرأت لك وتداخلت دون معرفه مسبقة بشخصك او حتي وظيفتك ..
    وبعد أن تعرفت علي كتاباتك أصبحت اتوقع أن اقرأ لك الجديد كل نهاية أسبوع ..
    فيما يتعلق بالموضوع الذي طرحتيه علينا في الأسبوع المنصرم ..
    دخلت وطرحت رؤيتي وربما حالت غيرتي دون قبول الواقعة رقم صحتها ..
    فهربت عن مواجهتها بطرح إفتراضات أخري ..
    وللاسف لم اتابع بعد ذلك مداخلات الإخوة والأخوات ..
    الي أن إطلعت علي بوست جديد لك اعادني لهذا البوست ..
    فوجدت تشعبا لطروحات المتداخلين كل وفق ما توفر عليه فهمه للوقائع التي سقتيها ..
    والحقيقة عندما إطلعت علي البوست في الوهلة الأولي ..
    تبدى لي من عنوانه أنك بصدد طرح موضوع يعتبر الخوض فيه ( مهمة صعبة ) ..
    بل زدتي في الشرح عندما وصفتي الخوض فيه بمثابة الخوض في المجهول ..
    وفي ذلك ما يكفي لإدراك إنك لا تملكين حلا لما سوف تعرضينه ..
    وأنك تدخلينه وبين أناملك قلم من جمر ..
    وأن غايتك لا تتجاوز حد قرع الأجراس بغية لفت الإنتباه لأحداث مسكوت عنها ..
    وتلك مهمه مشروعة تدخل ضمن المهام الوظيفية لأي ممتهن لمهنة ( النكد ) كما تصفونها ..
    وغني عن القول أن هدفك وراء عرض الموضوع في البورد غايته تداول الرأي ..
    ..
    وجه لك إنتقاد بسبب إستخدامك للفظ ( سائبات ) فضلا عما اوحى به من عمومية ..
    وعلي الرغم من تبريرك بأنك لست من إبتدع هذا الوصف ..
    وأنه اللفظ المستخدم رسميا من قبل الدولة لكل المهاجرين اليها بطرق غير مشروعة ..
    غير أن منتقديك إستمروا في إستنكارهم إستخدام هذا الوصف ..
    ربما لما له من وقع غير مستحب علي الأذن السودانية بصفة عامة بحكم خلفيتنا التي تضع الكلمة في مصاف مثيلاتها من كلمة
    ( مطلوقه ) وغيرها من الألفاظ التي تخرج المرء من ضوابط المجتمع وكريم الأخلاق ..
    من جهة أخري كان لدي البعض إحساس بقصور الطرح ..
    وكان أملهم أن يأتي طرحك أكثر عمقا وشمولا بحيث يعرض المشكل بكل شخوصه انثوية كانت ام ذكورية ، فضلا عن اسبابه ودوافعه وحلوله إن وجدت ..
    وعلي الرغم من وجاهة هذه النظرة ..
    غير أنها تتجاوزت في تقديري غاية البوست الذي يفسره عنوانه من جهة ..
    ومحتواه الذي لا يحتمل إصباغ مفهوم بحثي او دراسة علمية شامله علية من جهة أخرى ..
    فالطرح في مجمله لا يتعدى تقنية الأعمال الصحفية التي تضع نصب عينيها لفت الإنتباه لظاهرة او حدث ما ..
    رأي آخر عاب عليك عرض الموضوع بطريقة واسلوب يكاد يكشف رموزه او المعنيين..
    غير أن مسارات الحوار وتبادل الرأي حاد لدى البعض عن المنطق المستساغ والحوار البناء النافي لأساليب التهكم والسخرية ..
    غير أن القارئ لديه قدرة علي التمييز كان عليك الثقة به والإعتماد عليه ..
    بصفة عامة ـ وكيفما إنتهي اليه الأمر ..
    فقد إخترتى بحسك الصحفي موضوعا في غاية من الأهمية ..
    ورميتى بحجر حرك مياه بركه راكدة ..
    لفت الإنتباه بشجاعة لما كان مسكوت عنه ..
    كنت آمل أن أقرأ مداخله او إستطلاع بواسطتك من الجهات المسؤولة ..
    ولكن يبدو أنهم لا يتابعون ما يكتب كيفما تعلق بشريحة من أبناء الوطن هم معنيون بأمرهم بحكم الوصف الوظيفي ..
    ..
    كونى كما أنت سودانية حريصة وغيورة علي سمعة واوضاع أبناء وبنات وطنك .
    وفقك الله .
                   |Articles |News |مقالات |بيانات

30-11-2007, 09:00 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: المهمة الصعبة ... الفتيات السائبات ورحلة البحث عن المجهول !!!!! (Re: محمد على طه الملك)

    الملك !!!

    جمعة مباركة ,,,

    شكرا لهذا التحليل العلمي الدقيق و لا يسعني سوى القول لقد وصلت الرسالة !!!
                   |Articles |News |مقالات |بيانات

30-11-2007, 08:56 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: المهمة الصعبة ... الفتيات السائبات ورحلة البحث عن المجهول !!!!! (Re: الطيب شيقوق)

    إبن شيقوق !!!

    كلك ذوق ,,,

    يسعد صباحك ,,,
                   |Articles |News |مقالات |بيانات

30-11-2007, 07:40 AM

دينا خالد
<aدينا خالد
تاريخ التسجيل: 26-06-2006
مجموع المشاركات: 8736

للتواصل معنا

FaceBook
تويتر Twitter
YouTube


Re: المهمة الصعبة ... الفتيات السائبات ورحلة البحث عن المجهول !!!!! (Re: عواطف ادريس اسماعيل)

    Quote: وأنه اللفظ المستخدم رسميا من قبل الدولة لكل المهاجرين اليها بطرق غير مشروعة ..
    غير أن منتقديك إستمروا في إستنكارهم إستخدام هذا الوصف ..

    طيب كتب واحد لى صاحبة البوست يقول :::
    Quote: والله الواحد ماقادر يفرز السائبة من الصالحة في الزمن الاغبر دا ...!!

    وردت عليه قائلة ::

    Quote: وإنت الصادق لكن مين يقدر يقول البقلة في الإبريق ؟؟؟

    اها برضو انت داير توضح لينا هى قاصده شنو ؟؟ ماهو انت قلت يقولو الناس كلامهم والقارىء
    بميز !!!!! هى تقول الكلام دا فى بوستها وتجى انت تفهمنا هى قالت شنو؟؟؟ وقاصده شنو شرحها
    الجابتو على الناس الاوائل هى نفسها لم تثبت عليه

    Quote: الحدة دى ما بجيبها الحوار
    لكن البجيبها هو ان يغض الطرف الاخر نظرة عن الحوار
    الدوغرررى ويقعد يتلولو ويجى واحد يعمل ظريف وابو الحكمة
    وهو الوحيد الشايف .. ويعدل ليهو فى لولوتو


    Quote: والله الواحد ماقادر يفرز السائبة من الصالحة في الزمن الاغبر دا ...!!

                   |Articles |News |مقالات |بيانات

30-11-2007, 09:11 AM

malik_aljack
<amalik_aljack
تاريخ التسجيل: 04-02-2002
مجموع المشاركات: 1314

للتواصل معنا

FaceBook
تويتر Twitter
YouTube


Re: المهمة الصعبة ... الفتيات السائبات ورحلة البحث عن المجهول !!!!! (Re: دينا خالد)

    تمشي وين؟

    يمكن في الشهور الفاتت دي كتبت 10 مداخلات

    أظن لى 3 منهم كانوا عن مواضيعك

    و كمان قربت أدخل في الموضوع إياه

    و لا أر أيي داع لكي تحسي بالذنب أو تعتذري

    فالآراء المضادة (خاصة)

    أما طرحك فهو عام

    و كلاهما


    not conclusive

    ولا شنو
                   |Articles |News |مقالات |بيانات

30-11-2007, 10:18 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: المهمة الصعبة ... الفتيات السائبات ورحلة البحث عن المجهول !!!!! (Re: malik_aljack)

    مالك !!!

    مودة ,,,

    لا يسعني إلا أن أشكرك على هذا الدعم اللامحدود ,, فشكرا لك .
                   |Articles |News |مقالات |بيانات

30-11-2007, 10:12 AM

محمد على طه الملك
<aمحمد على طه الملك
تاريخ التسجيل: 14-03-2007
مجموع المشاركات: 9268

للتواصل معنا

FaceBook
تويتر Twitter
YouTube


Re: المهمة الصعبة ... الفتيات السائبات ورحلة البحث عن المجهول !!!!! (Re: دينا خالد)

    Quote: ربما لما له من وقع غير مستحب علي الأذن السودانية بصفة عامة بحكم خلفيتنا التي تضع الكلمة في مصاف مثيلاتها من كلمة
    ( مطلوقه ) وغيرها من الألفاظ التي تخرج المرء من ضوابط المجتمع وكريم الأخلاق ..
                   |Articles |News |مقالات |بيانات

30-11-2007, 09:56 AM

Adil Osman
<aAdil Osman
تاريخ التسجيل: 27-07-2002
مجموع المشاركات: 10193

للتواصل معنا

FaceBook
تويتر Twitter
YouTube


Re: المهمة الصعبة ... الفتيات السائبات ورحلة البحث عن المجهول !!!!! (Re: عواطف ادريس اسماعيل)

    Quote: الفتيات القادمات إلى دول الخليج لا يحملن شهادات وليست لديهن مؤهلات ولا

    محارم يحولون بينهن وبين مشاكل الغربة ,,, كل ما في الأمر أنهن فتيات صغيرات في السن لم يكملن

    تعليمهن ومع ذلك خدعهن بريق الدولار كما دفعتهن حاجة الأهل الماسة إلى العيش الكريم

    الاخت عواطف
    كيف الحال؟
    كلامك الفوق ده ينطبق على الذكور ايضآ. هنالك الاف من الشبان السودانيين اضطرتهم ظروف البؤس واليأس فى السودان الى الهجرة والاقامة القانونية او غير القانونية فى السعودية وليبيا وغيرها من البلدان العربية، وهم يعملون اعمال مؤقتة وضعيفة الدخل او لا يعملون ويعيشون عالة على اقربائهم او اصدقائهم ، وأقلية منهم امتهنت النشاط الاجرامى من نصب واحتيال وتجارة مخدرات وغيرها.
    البنات اللاتى تحكين عنهن هل لهن نشاط اجرامى فى الخليج؟
    هل يمارسن الدعارة؟
    ولماذا ركزتى على البنات فقط ؟ كان يمكن تناول هذه الظاهرة بما فيها من بنات وشباب.

    قلتى فى هذه الفقرة:

    Quote: أختي [..] تم قبولها ضمن المائة وعشرين الأخيرين في المدرسة الجديدة في المدينة المجاورة

    ولكن أخي الوحيد رفض رفضا باتا رغم أنه كان جامعيا أن تسافر شقيقته إلى مدينة مجاورة تواجه فيها

    مشاكل الغربة لوحدها رغم أن المدرسة بها داخلية ويحرسها غفر أشداء لا يسمحون للنملة بالدخول أو

    الخروج فرضفخت أختي لجبروته لأنها كانت مسكينة جدا ولا تستطيع حتى الدفاع عن وجهة نظرها وجلست

    بالبيت تندب حظها العاثر

    لا اعلم خلفية اخوك الثقافية والاجتماعية ولا تاريخ هذه الحادثة ولا مكانها ، ولكن كما ترين تعسف اخوك فى قراره بحرمان اختك من السفر الى التعليم فى مدينة مجاورة.
    فهل تريدين العودة الى تلك الازمنة التى تجاوزها التاريخ والحراك الاجتماعى والثقافى وحقوق المرأة فى السودان؟

    صحيح كلامك عن ضيق فرص العمل فى الخليج بسبب المنافسة من العمالة الاسيوية وبسبب الكساد الاقتصادى وغيرها من الاسباب ، ولكن بعض الناس يفكرون ان البقاء فى الخليج حتى تتيسر الامور ويجدوا عمل ، افضل مليون مرة من العودة الى السودان الذى هربوا منه فى الاساس.

    عدم التعليم ليس مشكلة. فهناك وظائف كثيرة لا تحتاج الى مؤهلات علمية او مهارات محددة ، كأعمال النظافة او العمل فى المطاعم او فى البيوت الخ..
    فى بريطانيا حيث يزدهر الاقتصاد وتتوفر الوظائف بالذات فى العمل اليدوى الذى لا يحتاج الى مهارات كبيرة او يمكن التدريب عليه ، نرى كل يوم جموع المهاجرين شرعيين وغير شرعيين من الصين ومن الدول الافريقية ومن بعض الدول العربية ومن دول شرق اوروبا يعملون فى المصانع وفى العتالة وفى لقيط الخضروات والفواكه وتعبئتها وفى النظافة وفى الدكاكين وفى اعمال الحراسة والغفارة .. الخ..

    نقطة اخيرة:
    كيف تسنى لك الحصول على المعلومات التى تحصلتى عليها؟
    هل تحصلتى عليها من مصادر الدولة الرسمية فى القضاء والشرطة وادارة الهجرة ووزارة العمل ؟

    مع فائق التقدير.
                   |Articles |News |مقالات |بيانات

01-12-2007, 06:53 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: المهمة الصعبة ... الفتيات السائبات ورحلة البحث عن المجهول !!!!! (Re: Adil Osman)

    عدولي !!!

    يسعد صباحك ,,,

    بالفعل هذا الكلام ينطبق على الذكور أيضا وقد ركزت على البنات لأنهن الحلقة الأضعف في موضوع مخالفة

    الهجرة وهن اللواتي يتعرضن لأسوأ شيئ يمكن أن يخطر على بالك وإذا ألقي القبض على الواحدة منهن

    يتم إيداعها في السجن ويعتبر السجن ثم التسفير بعد المحاكمة بالنسبة لها أحسن بكثير من ملطشتها

    في بيوت الآخرين الذين يديرون لها ظهورهم بعد قليل أما الرجل فلا خوف عليه فبإمكانه أن يسكن مع

    عزاب ولا أختلف معك في وجود قلةاحترفت الإجرام كم ذكرت يعني بالواضح والصريح موضوعي كان صرخة تحذير

    ودق ناقوس خطر وليس استهداف الجندريات والكل يعرف أن بيتي عبارة عن داخلية لكل من ترغب بالعيش

    معي ومن لا يصدق عليه أن يسأل ثانيافيما يتعلق بأخي فقد أردت فقط لفت النظر إلى أن التعليم لا يغير

    شيئا في عقلية البعض ولا يؤثر في قناعاتهم الخاطئة وطبعا لأني إتكلمت عن أخي مافي واحدة ولا واحدة

    من حزب عدم التشهير بالآخرين دخلت وقالت ليه تشهري بأخوك أو أختك مايؤكد صدق كلامي عنهم أما عدم

    معرفتك بخلفية أخي الثقافية أو الإجتماعية فلا أعتقد أنه يقدم أو يؤخر في الموضوع الأساسي شيئا .

    فيما يتعلق بالمهن التي لا تتطلب مهارات أو شهادات علمية هذا الكلام يمكن تطبيقه في بريطانيا وليس

    في الإمارات لأنها ترفض أن تعمل المرأة العربية أي مهنة من هذا النوع حتى ولو جليسة أطفال إذافليس

    هناك أي داع للمخاطرة من أساسه وهذا ما قصدته وحين ذكرت من المهم أن يأتي مع الفتاة غير المتعلمة

    أخ أو عم إذا أصرت على الحضور لأن الأخ أو غيره يمكنه أن يعمل في المهن التي ذكرتها ويوفر لأخته في

    الوقت نفسه حماية وعيش كريم ولم أقصد الحجر أو مصادرة الحرية كما تعمد أن يفهم البعض .

    فيما يتعلق بالإحصائيات ياعادل كيف يتم ذلك إذا كاننت الدولة نفسها وهي ذات سيادة وقوانين

    وتشريعات وأنظمة ما قادرة تحصر عدد العمالة السائبة و لا أماكنهم منذ أكثر من عشرين عاما لأنها لا

    يمكن أن تمسك أي واحدأو واحدة في الشارع وتقول ليه إنت عمالة سايبة ولا لا ؟ لذلك تضطر من وقت لآخر

    بإغرائهم بالإعفاء من الغرامة للمغادرة فيضطر الذين لا يجدون المأوى ولا العيش الكريم إلى تسليم

    أنفسهم فماذا تريدون للبنات أكثر من ذلك ؟؟؟
                   |Articles |News |مقالات |بيانات

30-11-2007, 11:28 AM

علي الكرار هاشم
<aعلي الكرار هاشم
تاريخ التسجيل: 10-02-2007
مجموع المشاركات: 3699

للتواصل معنا

FaceBook
تويتر Twitter
YouTube


موضوع الرسالة (Re: عواطف ادريس اسماعيل)

    الأخت / عواطف
    نهارك سعيد وجمعة مباركة
    أحييك علي هذا الموضوع والطرح الجرئ
    نحن معشر المغتربين في الخليج بصورة عامة نعاني من هذه الظاهرة والتي ظلت تؤرق منامناولعل الكثير من المسؤلين في الجاليات والروابط حاولوا عن طريق السفارات معالجة الموضوع ونجحوا هنا ولم ينجحوا هناك وطريق تسفير هذه الفئات مرتبطة بقوانين وأمن الدول المعنية وليس من حق السفارات كما هو معلوم.
    لكن ملاحظتي عن طرح الأخت الدكتورة والباحثة اشراقة
    الموضوع ظاهر وواضح هو عن انحراف البنت او المرأة السودانية والانحراف مقصود به قصد الرذيلة للكسب
    فهل الانظمة والعولمة والخصخصة هي مدعاة للانحراف ...
    كثير من الأسر تعاني والمعاناة ظاهرة جدا ووصلت للأكل والحاجيات الضرورية لكن طريق الكسب المحرم والكسب عن طريق الجسد ظل موقفا شائنا لا يرتكبه سوي القلة والشواذ وعديمي الأخلاق
    واعتقد أن هذه الفئة هي التي عنتها الأخت عواطف في المقال
    فلماذا لا يكون الحديث موجها عن هذه الفئة بصورة واضحة
    وللجميع تحياتي
                   |Articles |News |مقالات |بيانات

30-11-2007, 11:59 AM

Ishraga Mustafa
<aIshraga Mustafa
تاريخ التسجيل: 05-09-2002
مجموع المشاركات: 11885

للتواصل معنا

FaceBook
تويتر Twitter
YouTube


Re: موضوع الرسالة (Re: علي الكرار هاشم)

    Quote: ن ملاحظتي عن طرح الأخت الدكتورة والباحثة اشراقة
    الموضوع ظاهر وواضح هو عن انحراف البنت او المرأة السودانية والانحراف مقصود به قصد الرذيلة للكسب
    فهل الانظمة والعولمة والخصخصة هي مدعاة للانحراف ...
    كثير من الأسر تعاني والمعاناة ظاهرة جدا ووصلت للأكل والحاجيات الضرورية لكن طريق الكسب المحرم والكسب عن طريق الجسد ظل موقفا شائنا لا يرتكبه سوي القلة والشواذ وعديمي الأخلاق
    واعتقد أن هذه الفئة هي التي عنتها الأخت عواطف في المقال
    فلماذا لا يكون الحديث موجها عن هذه الفئة بصورة واضحة


    الاخ الكريم على الكرار هاشم!

    شكرا لملاحظتك وارجو شاكرة ان تجد الوقت لتقرأ وجهة نظرى ومداخلاتى فى هذا الموضوع وقد ذكرت ذلك وشددت على انى لم اقف ضد انو فى مشكلة بل مشكلة حقيقة واعرف تماما ابعادها والظروف التى حخلقتها واعرف ابعد من ذلك عن مافيا الرق الابيض المنظم من قبل {العالم الأول} الا ان اختلافى فى طريقة المعالجة وهذا مربط فرس اختلافى مع الاستاذة عواطف

    ارجو ان تكون الفكرة وصلتك
    هذا مع تقديرى واحترامى
                   |Articles |News |مقالات |بيانات

01-12-2007, 04:23 AM

abdelkhalig elgamri
<aabdelkhalig elgamri
تاريخ التسجيل: 21-07-2007
مجموع المشاركات: 336

للتواصل معنا

FaceBook
تويتر Twitter
YouTube


Re: موضوع الرسالة (Re: Ishraga Mustafa)

    سيدتى ،،،

    طرحك جميل فى حدود إكتشاف المشكلة..
    لم تتاح لى الفرصة الإطلاع على الموضوع ككل ، وما يمكن أن تكون قد وصلت إليه نتائج النقاش والمداخلات

    سوف أرجع الى الموضوع تفصيليا لمعرفة الأمر.. علما بأن مقدمة الطرح لوحدها يمكن أن تفتح حوارات متعددة الرؤى


    فقط أحتاج الى (حزمة) وقت
                   |Articles |News |مقالات |بيانات

01-12-2007, 07:08 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: موضوع الرسالة (Re: abdelkhalig elgamri)

    أخي العزيز عبدالخالق !!!

    ودي ,,,

    أشكرك وأتمنى أن يسمح وقتك بالعودة مرة أخرى للموضوع بصورة مفصلة ,,,

    ودي ,,,
                   |Articles |News |مقالات |بيانات

01-12-2007, 07:05 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: موضوع الرسالة (Re: علي الكرار هاشم)

    أخي العزيز علي !!!

    يسعد صباحك ,,,

    عندما تطرقت إلى هذا الموضع الحساس كظاهرة أعيشها لحظة بلحظة لأنني أعمل في مجال أتعامل فيه مع

    الجمهور تعامل مباشر و ياما سمعت تعليقات يندى لها الجبين يعني ناس تقول ليك السودانيات مالن

    الأيامات دي ما كانن كويسات ! ومن يقول ليك وقت ما بعرفن للشغلة ما يخلنها لأصحابها وغيره الكثير

    الكثير فضع نفسك في مكاني بعيدا عن حكاية جندر وما جندر ,اخبرني كيف يكون شعورك ؟ ثانيا أن طرحت

    مشكلة من خلال رؤيتي ووجهتي نظري الخاصة ولو كان عندي الحل الجذري ما كان طرحت المشكلة أصلا في

    البورد بل قمت بمعالجتها بنفسي و بتصدق يا أخ علي نفس الناس اللي هاجموني بشدة وجدتهم داخلين

    في بوستات أخرى مماثلة تماما أو أسوأ كانوا بصفقوا لكتال البوستات دي وبهاجمو معارضهيم وكمان

    بهمز ولمز مؤكدين أن الطرح ليس فطيرا ,, طيب طالما أن طرحي فطير زي بقول بائعوا الفطير ما يدخلوا

    وليذهبوا إلى البوستات المخمرة ويخلوا لي ناسي البحبوا الطرح الفطير بمكن يكون عندهم قولون عصبي

    وما بحبوا الحاجة الخميرة عموما المنبر دة ماشي بنظام شيلني وأشيلك والله لا جاب يوم شكرك والحقني

    لو إتزنقت إلخ من قوانين ولوائح الشلة ,,, شكرا إخي الكرار فقدد أثبت لي أنك إسم على مسمى .
                   |Articles |News |مقالات |بيانات

01-12-2007, 07:29 PM

نجوان
<aنجوان
تاريخ التسجيل: 01-04-2006
مجموع المشاركات: 2641

للتواصل معنا

FaceBook
تويتر Twitter
YouTube


Re: موضوع الرسالة (Re: عواطف ادريس اسماعيل)

    Quote: وطبعا لأني إتكلمت عن أخي مافي واحدة ولا واحدة
    من حزب عدم التشهير بالآخرين دخلت وقالت ليه تشهري بأخوك أو أختك
    مايؤكد صدق كلامي عنهم
    مساء الخير يا عواطف
    لا أنتمي لحزب.. لكن وبما إني ممن علقوا على ما ذكرتي
    ولأجل الحوار هنا:
    مساهمتي في هذا الخيط لك.. كانت تحديدا حول انتهاك خصوصية الغير..
    (وفي بوست آخر عن أخلاقيات المهنة
    حين تحدثتي عن أخت لك تعمل بمختبر الأيدز
    ومجيئها البيت باكية على حالة شاب سوداني مصاب بالمرض)
    _____
    ومواصلة لظاهرة تناول شئون الغير هنا (بأسماء أو بدونها)
    في تقديري أن خصوصية الغير هذه تشمل حتى أقرب الأقربين
    كأخيك الذي منع أختك السفر..
    وأختك التي جلست بالبيت تندب حظها العاثر (على حد قولك)..

    لا أدري ان كنتي قد شاورتيهم ووافقوا أن تنشر تلك الجزئية عن حياتهم
    في منبر عام كهذا..
    وإلا فذكر تفاصيل كهذه قد يكون انتهاك لخصوصيتهم..

    وعموما في المواقف الإجتماعية..
    بعض الأمور ترجع لحكم المتحدّث وتقييمه لحساسية أو خصوصية المعلومة..
    _____
    وأكرر.. لا أشكّك في صدق نواياك وحدبك على المصلحة العامة..
    لكننا كسودانيين أحيانا نأخذ الأمور ببساطة ..
    ربما اكثر من اللازم..
                   |Articles |News |مقالات |بيانات

02-12-2007, 09:24 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: موضوع الرسالة (Re: نجوان)

    الحبيبة نجوان !!!

    يسعد صباجك ,,,

    سعيدة باهتمامك البهيومان رايتز ولكن إذا كانا الأمر بهذا الدقة والحرص على عدم انتهاك حقوق

    الإنسان فأناأرى أن 99% من ما يكتب في هذا البورد يدخل في بند الإنتهاك يعني مثلا هل هناك أي شخص

    استشار أي مريض قبل أن يكتب عن مرضه في هذا المنبر ؟ حتى ولو الهدف التمنيات بالشفاء العاجل ,,

    مش ممكن المريض دة ما عايز أمة لا إله إلا الله دي كلها تعرف إنه مريض ؟ ومش ممكن إنه ما عايز أهله

    في السودان يعرفوويتبهدلو ؟ أيس في هذا انتهاك لحقوق الإنسان ؟ من حاول في هذا البورد أن ينبه

    هؤلاء إلى عدم انتهاك حق المريض طالما أن أختي التي تحدثت عن شخص لم يتم القاء القبض عليه داخل

    كواليس المختبر ولكن أمام بوابة المستشفى الكبيرة وعريضة وقدام عشرات المرضى والزوار وسائقي

    التاكسي ومن لف لفهم أيضا بوستات العزاء هل في أي واحد إستشار المتوفي قبل وفاته إنه من الممكن

    ينشر خبر وفاته في المنبر العام أم لا ؟ الأ يعتبر هذا السلوك طالما نحن بهذا الحرص والدقة إنتهاك

    لحقوق الآخر حتى ولو كان ميتا ,, قضايا وأخبار الأغتصاب حتى ولو كانت نقلا عن جريدة أو محكمة أليست

    هي إنتهاك لحقوف الإنسان ؟ الفاعل والمفعول به ؟ بوستات التهاني بالزواج من أخذ إذن من العريس

    لتقوم الدنيا ولا تقعد شي ورد وشيى كلمات مش ممكن العريس دة ما عايز بعض الناس تعرف إنه اتزوج ؟

    عموما برضه اشكر متابعتك لهذا الموضوع وأعرف أن لا تسعين إلا للمصلحة العامة والله أعلم بالمقاصد.
                   |Articles |News |مقالات |بيانات

04-12-2007, 04:52 AM

نجوان
<aنجوان
تاريخ التسجيل: 01-04-2006
مجموع المشاركات: 2641

للتواصل معنا

FaceBook
تويتر Twitter
YouTube


Re: موضوع الرسالة (Re: عواطف ادريس اسماعيل)

    عزيزتي عواطف..

    يبدو اننا اتفقنا على ان نختلف حول بعض المحاور هنا..


    عموما.. سعدت بالتداخل معك..
    ولى قدام أختي الكريمة..
                   |Articles |News |مقالات |بيانات

04-12-2007, 05:04 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: موضوع الرسالة (Re: نجوان)

    الحبيبة نجوان !!!

    كل الود ...

    وأنا أيضا اسعد منك بهذه الروح الطيبة والأدب الجم في الحوار وثقي يا أختي مهما اختلفنا في بعض

    المحاور أنني قد استفدت من مداخلاتك كثيرا و هذا ليس من باب المجاملة ولكن الحق يقال يا أخيتي

    فأنت وبصراحة تملكين نفسا طويلا وحسا عاليا في أدب الحوار فضلا عن ثقافتك وإلمامك بالكثير من

    التفاصيل التي قد تخفى على الكثيرين ,, شكرا نجوان سيكون ردي على مداخلتك هو مسك الختام لهذا

    الموضوع الشائك وأتمنى أن لا أكون قد جرحت شعورك دونما أقصد في أي مطرح و إن حدث ذلك فاقدم

    لك اعتذاري وأسفي مع جزيل الشكر على هذا الوهج الذي أثرى الموضوع .
                   |Articles |News |مقالات |بيانات

04-12-2007, 05:05 AM

Mohammed Ibrahim Othman
<aMohammed Ibrahim Othman
تاريخ التسجيل: 21-07-2007
مجموع المشاركات: 3953

للتواصل معنا

FaceBook
تويتر Twitter
YouTube


Re: المهمة الصعبة ... الفتيات السائبات ورحلة البحث عن المجهول !!!!! (Re: عواطف ادريس اسماعيل)

    قبل كل شيء اسجل كل اعجابي بطرحك المتميز الدائم استاذتنا الغالية عواطف ...
    واسف لتأخري في الرد لظروف عملي الايام الماضية ...
    مواضيعك تلمس واقع مؤلم ...ونحتاج لتلمس الحلول فيها ...وصراحة هذه المواضيع داخل اغلبنا ...
    ولا نستطيع طرحه مهم بذلنا.. مثل قدرتك استاذتنا الصحفية عواطف ...
    وبجد لديك قدرة لامتصاص التحقن البيحدث عادة من مثل هذه النقاشات وهي عادية او بالاصح صحية مالم تأخذ منحى الخصومة الذاتية ...
    تحياتي لك ولكل المتداخلين بدون استثناء لحين عودتنا تانية لو سمحتي أختي الفاضلة ...
                   |Articles |News |مقالات |بيانات

04-12-2007, 05:50 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: المهمة الصعبة ... الفتيات السائبات ورحلة البحث عن المجهول !!!!! (Re: Mohammed Ibrahim Othman)

    أخي الحبيب محمد !!!

    كامل الود والتقدير ,,,

    أولا أشكرك على هذه الشهادة التي اعتبرها وساما على صدري خصوصا وأنها جاءت في وقت عزت فيه

    الشهادات البينة وضاعت الذمم في بحر المجاملات المتلاطم والفجور في الخصومة غير المبرر ومع

    ذلك أقول لك يا أخي الكريم ليس هناك ما يثنيني عن عزيمتي ,, ولم يولد بعد الذي يمارس علي

    إرهابا فكريا أيا كان نوعه لكي يثنيني عن فكرتي التي أشعر بقناعة تامة تجاهها لأنني حينما أطرح

    فكرة أو موضوع ليس بالضروري أن يعجب كل الناس أو يروق لهم ومن حقهم أن يناقشوني ولكن بأدب

    الحوار والمنطق و ليس من منطلق فرض الرأي الحوار ,,, شكرا حمادة سعيدة بمرورك ...
                   |Articles |News |مقالات |بيانات


[رد على الموضوع] صفحة 3 „‰ 3:   <<  1 2 3  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de