|
|
 Re: بنات العشرين ورجال الخمسين !!!! (Re: صلاح الأحمر)
|
ود الاحمر!!!
معزتي ,,,
هسة منو بتاع المشاكل ؟؟ أنا ولا البقول رجل الخمسين قرب يلاقي ربه عاد أنا برة من الموضوع دة
وبعدين القال ليك ضل الحيطة اخير من ضل الراجل منو يمكن يكون ضل ضحى ؟؟ عموما يا موعود خمسين
أمات عشرين راقدات بس ما قلت لينا الحالة المادية لأنها مهمة ,,
| |
 
|
|
|
|
|
|
|
 Re: بنات العشرين ورجال الخمسين !!!! (Re: شادية الطيب)
|
شدوية !!!
صادق محبتي ,,,
يا بتي مالك ضحكتيني لامن وقعت على قفاي في المكتب والناس طبعا هنا شمار عدوك كلهم جو جارين عايزين
يعرفو الحاصل شنو ,, عشان أنا زولة جادة شديد وما بضحكني الا الشديد القوي وعاد من الليلة يحرم علي
جداد الجمعية حتى لو جايبنه من جزر الواغ واغ وما عليك يا بعد عمري ديل جاياهم بلحليل عشان أنا
بعرف بالميت كدة منهن زي عشرة ولم أحك راسي بكونن أكتر من مية ,,, معزتي ,,,
| |
|
|
|
|
|
|
|
|
 Re: بنات العشرين ورجال الخمسين !!!! (Re: عواطف ادريس اسماعيل)
|
سلام يا عزيزيتي
معليش بعتذر امكن سخنته في بوست الفضائيه السودانيه
عارفه لما رديت عليك كنت بسمع في حمد الريح ..حليل الراحو..
والتلج حوالي و احنا في نص شهر اربعه...
المهم يعني مشاعري كانت حساسه شديد...
ارجو المعذره يا ستي واعتذار اخر لاني اعتذرته في البوست ده
شوفتي صقيع الغربه بخفف دمنا كيف.... 
سللااام
| |
|
|
|
|
|
|
|
|
|
Re: بنات العشرين ورجال الخمسين !!!! (Re: عواطف ادريس اسماعيل)
|
لدى صديقة عزيزة
كانت فى الثامنة عشر
عندما قرر والدها تزويجها
لرجل يكبرها بأكثر من عشرون عام
قائلا انها ستره
.
.
و تزوجا.. و الفتاة أكملت لتوها المرحلة الثانويه
تريد أن تدرس
و هو يريدها أن تنجب
.
.
و أنجبت أول إبن
ثم واصلت دراستها
و أنجبت أبنة أخرى حديثا
.
.
و عايشين فى تبات و نبات
رغم أن الجميع تهكن بالطلاق السريع
.
.
شكرا يا عواطف
كل الود
غادة
| |
|
|
|
|
|
|
|
|
|
Re: بنات العشرين ورجال الخمسين !!!! (Re: الطيب شيقوق)
|
| Quote: هسة منو بتاع المشاكل ؟؟ أنا ولا البقول رجل الخمسين قرب يلاقي ربه |
هوي يابت إدريس
ماقلنا ليك بتاعة لبط..انا ماقلت كده،قلت المراة في الأربعين بتكون في عز
نضجها،وده معناهو راجلها أبوخمسين حيكون وصل السبعين.وأدرك جيدا أن الحياة
الزوجية لاتقوم فقط على العلاقة الجسدية ،بل هي مودة ورحمة في المقام الأول،
لكن التقارب في السن ضروري جدا لأنه أحد أسباب نجاح الزيجات المتكافئة.
Quote: عموما يا موعود خمسين أمات عشرين راقدات بس ما
قلت لينا الحالة المادية لأنها مهمة ,, |
نسيت أقول ليكي انا عندي شروط ،لازم أم عشرين دي تكون مروقة وابوها
يكون مرتاح .يعني تصرف علي وعلى أم العول الحبيبة وعلى الوليدات،
ولا ماداير.
مع مودتــــــــــي.
| |
|
|
|
|
|
|
|
|
 Re: بنات العشرين ورجال الخمسين !!!! (Re: صلاح الأحمر)
|
ود الأحمر !!!
سلامات ,,,
عاد لكين ما تقول لي الزوغان ما عندك يعني شروطك دي تعجيزية عديل كدة وبعدين المروقة دي حتى لو
كانت موعودة ستين بتمشي تفتش عن أبوعشرين ما شفت سلمى النصري قالت حتى لو كانت مكرفسة زي جداد
الجمعية ,,, تحياتي للوليدات وأمهم أوعى تكون آخر من يعلم !! محبتي ,,,
| |
|
|
|
|
|
|
|
|
|
Re: بنات العشرين ورجال الخمسين !!!! (Re: عواطف ادريس اسماعيل)
|
| Quote: ما عندي افكار ولا تطلعات زواجية لاني تمام التمام مبسوط مع شريكتي |
انت 24 ساعة في المنبر العام ناسيها خالص المسكينة شنو مبسوط مع شريكتي . على انا يا عبد الباسط
قريب ده بتجر ليك نور احمر زى ما فعلت ام ناصر مع الفاروق البقى الا يغفّلها غفلة عشان يجى يكتب ليهو حرفين هنا ويقول لينا هاكم الذوقة دي .
| |
|
|
|
|
|
|
|
|
|
Re: بنات العشرين ورجال الخمسين !!!! (Re: الطيب شيقوق)
|
التحية للمخمسنين والمعشرنين
انا شايف البوست ماشي شديد ..
وماقدرت اقرا كل المداخلات قلت اضيف حاجة وارجع اكمل قراية..
تعرفي ياعواطف (مع حفظ الالقاب) وبما اني عديت الخمسين .. حسيت من البوست ده انو في حاجات كتيره فايتانا .. واكد لي بان زولنا صاحب الخمسين كان مواكب الاحداث وقدر يعيش الدور وبالتالي كان وقوع ذات العشرين في حبه.......( كان مبررًا )..
طبعا ثقافنتا ( مش على قد كده ) حتى بعض الكلمات والعبارات الجديدة مابنعرف معناها.. صدقوني انا كنت فاكر - ومازلت - ان كلمة " جكس " كلمة غير مقبولة التداول بهذه البساطة... وما كنت حأسمح لواحدة من بناتي تنطق بيها قدامي .. لكن الظاهر احنا ناس متخلفين بالجد!!! ربما نحتاج الى قواميس العامية الجديدة . ياريت حد يفتح بوست عشان نواكب!!!
وانا كنت وقفت عند مداخلة اشار اليها لاحقا " خالد العبيد " .. ودي لخبطتني زيادة...
حد يقولي ....: ممكن انا اكون خرفت بدري .. وناس في عمري يادوب بيعيشو الدور والحب والهيام ... ممكن ؟؟؟؟ يعني نفكر بجد في مشروع حب وزواج ... !!!!
المهم انا من كام يوم غيرت صورتي " في البرفايل " والمدام والبنات ما عاجبهم الصورة الجديدة مش عارف ليه..
| |
|
|
|
|
|
|
|
|
|
Re: بنات العشرين ورجال الخمسين !!!! (Re: welyab)
|
الأخت /بت ادريس
استأذنك في مداعبة البوست بهذه الأبيات
الشعرية المليانه جرسه وبكا عن بنات
العشرين.وهي من قصيدة طويلة ورائعة
للشاعر المرهف الدكتور عبد العزيز خوجه
السفير السعودي في لبنان،عنوانها/حالة..
ياابنة العشرين رفقـــاجددي عود روائي
وتعـالي بين زندي ريقك العذب شفـــائي
أنت لي ذروة مجدي في ارتعاشي وانتشائي
أنت لي شـعلة وجـدي وائتـلاقي وصفــائي
أنت لي موئل قلــبي وٍربيـــعي وهـوائي
أنت لي خفـقـة صــدري وابتهاجي وبكائي
فاسكبي نفسك فيا واسكني مجرى دمـــائي
وحديني فيك عـشقا في مــدارات الفـناء
مع أطيب تحياتي.
| |
|
|
|
|
|
|
|
|
|
Re: بنات العشرين ورجال الخمسين !!!! (Re: صلاح الأحمر)
|
ود الأحمر !!!
الليلة بقت ود البنفسجي عديل كدة ,, وبعدين معاك يا زلمي !! يعني حتى اللبنانيين عايشين في الدور
والله بلبأ لهم وإنتو كمان لكن شايفاك عايش في الدور خالص وشكلك كدة ما حتجيبها البر ,, بالله تلفون
المدام حافظو ولا نسيتو ؟؟ ممكن ترسلو لي في مسج ؟؟ شكرا أيها المتجرس الأممي على هذه القصيدة
الحيزبونية الطرابيشية التي سوف تجهجه ولاد الخمسين وصبايا العشرين ,, وتئبر ألبي ,,
| |
|
|
|
|
|
|
|
|
|
Re: بنات العشرين ورجال الخمسين !!!! (Re: welyab)
|
ولياب !!!
محبتي ,,,
ياابن خمسين والأيام مقبلة ,,, الأيامات دي سوقكم حار شديد رغم سوق الأسهم الداقي الدلجة ,, يبدو إنو
سوق جكس الخمسين سحب منهم الأضواء وبعدين يا ما ناقش كلمة جكس دي عادية جدا ما تضيقها على البنات
ساكت فك زرارة واحدة خلي البنات يتنفسوا طبعا دي مصطلحات شرامة جامعة الخرطوم عموما أشكرك على
مرور الجميل وحاشاك الخرف يا بعد عمري ,,, أما حكاية التخلف دي يبدو إنو كلنا في الهم شرق كلو يوم
تطلع مصطلحات جديدة أنا مرة عملت موضوع في المجلة عن المصطلحات الجديدة قربت تجيني حالة منها
أما الناس الفي عمرك وعايشين الدور فهمو كثر عشان كدة ثبت الصورة سمح وخليك من المدام وبناتها !!!
طبعا الليلة جبيت ليك الجلا عديل كدة غايتو لوحصلت ليك حاجة اتصل بي بكري أبوبكر ,, معزتي ,,
| |
|
|
|
|
|
|
|
|
|
Re: بنات العشرين ورجال الخمسين !!!! (Re: عواطف ادريس اسماعيل)
|
خلاص كبرتي وليك تسعتاشر سنة،،
ممكن أعرسه دي ماتامه عشرين يعني أنا بره الجك!
مودتي ،،عمر الزهور وعمر الغرام وعمر المنـ بت خوجلي ـي
وبت إدريـ عواطفنا النبيلة ـس ده سؤال ممكن؟
بس من غير زعل فاوضني مع الجكس العسل وعمرو ما كمل عشرين!!
بدون فوارق ندخل بيت العرس ده. ،،أبوقصي،،
| |
|
|
|
|
|
|
|
|
|
Re: بنات العشرين ورجال الخمسين !!!! (Re: مجدي عبدالرحيم فضل)
|
توفي
أجي يا الغلت!!
طيب ما كان تكتبي عن ظاهرة عرس النسوان الكبار
لي الشفع البلدنهن من بطنهن؟؟؟
علي وزن
يا أخواني عاذراهو جابة واحدة قدر أموا !!
زي فلانات جارتنا العاملة مسابقة في عدد العرسات
لكن يا بت أمي الراجل الكبار كلو شي تمام
الحاج منتكي في كرسي الهزاز لكن بدفع الكاش!!
وبنهي النقاش طبعاً
وبعدين تعالي هنا أنسعلك!!
عليك الله بنات الزمن دة في زول داقي في نمرتن؟
الواحدة تشوفها و هي في عمر التاشرات
يجيها عريس اول ما تفتح خشمها تقول ليك شكلو شنو؟؟
وبعد ما تخش في العشرينات تقول ليك عندو شنو؟؟؟
وتقعد تتفلهم لحدي ما تخش دوري المظاليم
وكان كان جاها عريس تكورك بي طول حسها هووووووي سجمي وينو!!
علي اليمين تاني أب شرا ما ينجدا
ودي الأفرازات العملت ظاهرة راجل المرة
ودة كلو من النجيهة وعدم الجيهة
لحن الختام
انا مرتك مالي مالا
اللافحة توبا لي شمارا
من نتيجة أهمالا
دي فقدت أبو عيالا
بين قوسين سيطررررررررة
شكرن كتيرن!!
| |
|
|
|
|
|
|
|
|
|
Re: بنات العشرين ورجال الخمسين !!!! (Re: حبيب نورة)
|
حبيب نورة !!!
عاد الكلام ما عندك ,,,
هسة إنت ألحق عرس نورة قبل ما تدخل الخمسين عشان ما عندك الكاش البنهي النقاش !!! وبعدين نورة دي
حتنتظر لمتين ؟؟ والله صدت في حكاية بنات الزمن دة ( سيييييييطرة) دي طالعة من بيت الكلاوي ,,,
معزتي ,,
| |
|
|
|
|
|
|
|
|
|
Re: بنات العشرين ورجال الخمسين !!!! (Re: مجدي عبدالرحيم فضل)
|
أبوقصي !!!
محبتي ,,,
ناس التسعتاشر سنة ديل حالة استثنائية عشان خاطر الجميل وردي , يعني يحق لهم ما لايحق لغيرهم عشان
كدة حب على كيفك يمين وشمال لكن بالدس ,, وهي حتقوم تقول ليك حبيب الروح يا نور العين ندس لمتين؟
أما بت خوجلي دي دايما في عمر الزهور والهنا وربنا يهنيها ,,, معزتي .
| |
|
|
|
|
|
|
|
|
|
Re: بنات العشرين ورجال الخمسين !!!! (Re: حبيب نورة)
|
حبيب نورة !!!
أريته ضهب السرور ,,,
لكن ما تقول لي جارتكم حليمة دي مرضانة بي مرض حامد مرض مزمن ومع ذلك فهي لذيذة لامن غلط تحياتي
لها بس لما يكون في بوست زي دة تاني ما توريه ليها وبعدين عايزة منك موسوعة عرس الأرقام القياسية
قبل الحمة وكلو جمعة وإنت طيب .
| |
|
|
|
|
|
|
| |
عواطف ادريس اسماعيل
غادة عبدالعزيز خالد
الطيب شيقوق
صلاح الأحمر
abubakr
munswor almophtah
welyab
مجدي عبدالرحيم فضل
حبيب نورة
ماجدة عوض خوجلى
فيس بوك
تويتر
انستقرام
يوتيوب
بنتيريست