|
|
 Re: مبروك فوز القناة السودانية بلقب أسوأ فضائية عربية !!! (Re: عواطف ادريس اسماعيل)
|
كلما أرى ديكور القناة السودانية، أتذكر ترتيب المقاهي (القهاوي) وأنت خارج من بورتسودان إلى أن تصل لمشارف نيالا!!
مجموعة من العناقريب المجدعة بعضها داخل الراكوبة والبعض الآخر على قارعة المقهى.. تتخللها بنابر ومجموعة أباريق.. أما الغسالة فتبدو مشرئبة.. وبرش المصلاية ينتظر الآذان..
مع الاعتذار لمهندسي ديكور مقاهينا.. فعلى الأقل هم يتناغمون مع البيئة من حولهم.. أما أصحاب الفضائية السودانية مثلهم كمثل من تعلم إعداد حلة (القطر قام) وعض عليها بالنواجز!!
سؤال لأهل الحل والعقد التلفزي: ما حكاية المساند المجدعة على الأرض التي نراها مرارا؟؟
لقد أسمعت لو ناديت حياً ولكن لا حياة لمن تنادي
| |
 
|
|
|
|
|
|
|
 Re: مبروك فوز القناة السودانية بلقب أسوأ فضائية عربية !!! (Re: سلمي النصري)
|
الحبيبة سلمى !!!
مودتي,,,
أحترم وجهة نظرك وأقدرها لأنها جاءت سلسة وبسيطة وبلا تشنج وهذا منبر حر ولا أعتقد أنك اوف بوينت
فهذا رأيك قلتيه بموضوعية مع تقديم أمثلة لمذيعين تري أنها نماذج يحتذى بها في التقديم وهي أيضا
وجهة نظر وزي ما بقولو لولا إختلاف الأذواق لبارت السلع ,, شكرا سلمى أحي فيكروح المنطق والموضوعية
وإن إختلفنا في الرأي .
| |
|
|
|
|
|
|
|
|
|
Re: مبروك فوز القناة السودانية بلقب أسوأ فضائية عربية !!! (Re: AnwarKing)
|
العزيزة عواطف تحياتي
أحيك على القطعة النقدية الجميلة وكنت قد كتبت في بوست سابق عن التلفزيون وعن موقف قريب حصل عندما كان البرنامج يستضيف وزير المالية السابق عبد الرحيم حمدي وطلب منهم ماء فما كان منهم إلا أن جاءوا بكوز حديد عديل كده وبه ماء وبعد قليل وبعد أن أحس مقدم البرنامج بالحرج تم سحب الكوز واتوا بقارورة مياه .
وشي آخر وملاحظة مهمة من السودانيون وهي التجمع أمام الكاميرا في الأستطلاعات خارج الأستديو بشكل غريب وبطريقة عجيبة وكأنهم شاهدوا مركبة فضائية . ولا تستطيع معرفة الشخص المتحدث من شدة التجمهر .
وتلقى واحدين رافعين يدهم علامة النصر واحدين بطلعوا لسانهم وحاجات عجيبة .
ولكي مودتي ....
| |
|
|
|
|
|
|
|
|
|
Re: مبروك فوز القناة السودانية بلقب أسوأ فضائية عربية !!! (Re: AnwarKing)
|
أخي الحبيب أنور !!!
معزتي ,,,
أشكرك على مرورك الرشيق إنت فعلا موضوعي ومنطقي وقد أردت من خلال هذا البوست إظهار حقيقتين الأولى
تقبل الآخرون للنقد بصدر رحب مع تشنجناوإدعائنا بأننا أحسن ناس في الدنيا الحاجة التانية تلفزيونا
زمان كان مضرب مثل مع قلة الإمكانيات ومع ذلك تجد المذيع الذي يشدك بهيبته وحضوره ,, شكرا أنور
وآسفة للتأخير لأني كنت في المغرب .
| |
|
|
|
|
|
|
|
|
|
Re: مبروك فوز القناة السودانية بلقب أسوأ فضائية عربية !!! (Re: abubakr)
|
عواطف إدريس
تحياتى
متأخر لأن أصحاب الإسفاف دفنوا البوست لم أراه
يعتدقون إنهم فى قمة النضال وللأسف إنهم خارجه تمامآ
وأنت للأسف بقلمك الرفيع تسانديهم هذه المرة
لا تغضبى من من يحبونك وكما قلتى لا تغضبوا من الحقيقة
قولى لهؤلاء الأعراب عندما كانت أمال عباس تقود عربتها فى شوارع الخرطوم الهادئة
تندندن بأصابعها مع أغنية فى مسجل العربة كانت نسائهم يباع فيهم ويشترى فى أبو ظبى
إذا تسلط علينا أغبياء يريدون الرجوع بنا لأيام الصحابة فهو بؤس أعادنا لآيامهم
وهم بدولاراتهم وحضارتهم المصنعونة سيظلون أذناب البشرية ما بقيت
وعلاء الأمريكان ا بقوأ وما بغوا
وسيخرج المارد من القمقم يعود كل الفئران الى أجحارها
هل نسوا أين كنا وأين كانواأبناء الجوارى و ملكات اليمين
لق تطاولوا فعلآ فى البنيان
| |
|
|
|
|
|
|
|
|
 Re: مبروك فوز القناة السودانية بلقب أسوأ فضائية عربية !!! (Re: رأفت ميلاد)
|
أخي الحبيب رأفت !!!
معزتي ,,,
ليس الفتى من يقول كان أبي وإنما الفتى من يقول هانذا !!!
يعني ما نقعد نقول والله لماكانت فلانة ولما كان فلان لأنهم عارفين والدليل على ذلك إنهم كانوا بسمحوا
لليلى المغربي وحدها بإذاعة الأخبار فأيه رايك أما حكاية حبهم للسودانيين دي لا يختلف عليها اثنان
تصدق في رحلتي دي شيخ هزاع بن زايدآل نهيان سلم على كل الصحفيين بدون تعليق حول بلدهم أو
جنسياتهم ولماجاء الدور علي قال لي طبعا أنت من السودان والسودانيين ديل حبايبنا وقعد يمدح فينا
بالساعات وهو المسئول الأول عن الأمن في الإمارات وبرتبة وزير فأيه رأيك طبعا ثقتهم الكبيرة في
السودانيين دي كمان حاجة تانية ومعروفة و تحسدهم عليها الجنسيات الأخرى .
رأفت: لم أعهد فيك شتيمة أحد فلماذا تغيرت بهذه السرعة ؟؟
| |
|
|
|
|
|
|
|
|
|
Re: مبروك فوز القناة السودانية بلقب أسوأ فضائية عربية !!! (Re: عواطف ادريس اسماعيل)
|
الاستاذه / عواطف
لك التحية والتقدير
الموضوع بلاشك جميل , وطرحك راقي وجذاب
لكن دائما لما يطرح موضوع التلفزيون
تلاقي الناس طييخ طوخ داخلين ومشتتين الكوره
وهاك ياذم وانفعالات لابتودي لابتجيب , والدليل على كلامي
دا انو الناس بتتكلم عن سوء اداء التلفزيون من 30 سنة
طبعا دا اذا خصمنا منها سنوات البداية , لانو الجديد شدييييد
والحال ياهو نفس الحال , لاكملت حكاوينا ولا لقينا البيداوينا
لكن لو الناس ختو الكوره في الارض ونظروا بعين الحكمة لتبين
لهم بان الضرب على الميت حرام
في دراسة تقدمت بها لاحدى المنتديات في منتصف التسعينات
ملخص الدراسة هو مقارنة بين التلفزيونات الحكومية في وطننا العربي
والتلفزيونات الخاصة , والتي قامت وفق دراسة منهجية تجاوزت من خلالها
اخطاء التلفزيونات الحكومية والتي لاحصر لها , من حيث التوجه والمهنية العالية
حيث ان التلفزيونات الحكومية يظل اكبر همها ارضاء ولي الامر
وافراد مساحة كبيره من زمن البث لتحركاته ومقابلته
وبالمناسبة دي في قناة عربية حكومية لديها من الامكانيات
التقنية العالية مايفوق الوصف , لما تجي الاخبار يبدا وداع
المسئول من خشم بيتو ومعاهو خرطمية واحد والله بذكروهم واحد واحد
لحدي مايصل المطار الماشي ليهو ولما يصل يبدا المذيع في نفس
الاسطوانة وكان في معيته خرطمية وفي استقباله كل افراد الشعب
طبعا ديل كمان بقولوا اسماءهم واحد واحد ,, اتخيلي !!!
مش برضو دا تلفزيون ابوهم وورثوهو عن جدهم ؟ خليهم يتجدعو
والمشاهد يتجدع في الارض ويلطم وسيب ويسخط
واذا كان عندهم مشروع حضاري تبقى الكارثة اكبر
ولا عزاء للمشاهدين ( قال حضاري )
في نهاية الدراسة اتوصلت لنتائج كثيره جدا اولها :-
سوء الاداره والتخطيط
التعيينات للوظائف تتم عن طريق الولاء والواسطة
وليس عن طريق الكفاءة
الاتفاق مع شركات الاجهزة تتم ناقصة
حيث ان المتفق عليه دائما ان يتم الاتفاق مع تلك الشركات
على التوريد , والتركيب , والتدريب , والصيانة
هذا من المتعارف عليه عالميا , ولكن عندنا تلفزيون السودان مثالا
اول مايفكر فيه المسئؤل , هو توريد الاجهزة والتركيب
وينسى او يتناسى التدريب والصيانة
لما تسال وتقول ياجماعة التدريب مهم وكمان الصيانة
يقول ليك بالنسبة لي موضوع التدريب نخلي الناس الجايين يركبو
الاجهزه ديل بعد ماننزلم في الهيلتون وينبسطو ونديهم قرشين
نشحدم يعملو ليكم ديمو سريع كده , وفعلا دا البيحصل
ومسالة الصيانة دي مقدور عليها لانو الاجهزة دي قبل ماتحتاج صيانة
حنبدلا ونجيب اجهزة جديدة من شركة تانية لزوم السفسفة وكده
دا جزء بسيط من الوجع , وهنا تفاصيل الوجع
الطيب بشير , قصة انقلاب ,,, وسيطرة اعلامي الانابيب ,, و...اب الاعلامي المقلوب
كت اووت :-
انتو البوديكم تشاهدو تلفزيون السجم دا شنو في الوقت دا بالذات
يعني كاتلاكم الوطنية للدرجة دي , جنبكم الرسيفر تلاقي مليون قناه
ولا بس حبكت على الميت دا
| |
|
|
|
|
|
|
|
|
 Re: مبروك فوز القناة السودانية بلقب أسوأ فضائية عربية !!! (Re: خضر الطيب)
|
أخي العزيز خضر !!!
معزتي ,,,
بصراحة مداخلتك رايعة جدا وقد اختصرت على كثير من الكلام بعبارة الضرب على الميت حرام أما الناس
البدخلو طيخ طاخ ديل سيبك منهم في الآخر لا يصح الإ الصحيح أما حكاية المقارنة بين التلفزيونات
دي فحقو ما كان تضيع وقتك رغم موضوعية طرحك لأنك حتكون بتأذن في مالطا وحكاية البودينا لتلفزيون
السجم دا بس هي نوع من الحنين للوطن ما أكثر عموما أناعاجزة عن شكرك ومعجبة بهذه المداخلة ,,,
| |
|
|
|
|
|
|
|
|
|
Re: مبروك فوز القناة السودانية بلقب أسوأ فضائية عربية !!! (Re: عواطف ادريس اسماعيل)
|
سنة 95 كنا ساكنين عزابة انا ومعتصم الجمري
وشوقي خضر والشاذلي عبد الحميد اها في يوم خميس
كده واثناء تقديم عرض لبرامج اليوم قال ونسهر مع
(سهرة مفتوحة) .. اليوم داك قلنا بس الليلة حا تكون
سهرة خطيرة عشان كده بالله يا جماعة الليلة نجيب العشاء
من بدري وكمان نشتري لينا تسالي وفول حاجّات ونفرش
المراتب في ا في الصالة من الساعة تسعة ونحضر الأخبار
والدعايات واي حاجة في سبيل السهرة (المفتوحة) دي وطبعاسهرة
مفتوحة لازم تكون سهر وسمر ودردشة وتسلية وونسة يعني حاجة لذيذة
وكل واحد فينا يتخيل بي مزاجو وعلى هواهو .. ومن الساعة تسعة قاعدين
راجيين الساعة حداشر تجي وكل دقيقيتين نعاين للساعة وقعدنا واتعشينا
بالكوارع والبيض والفول وابينا نقوم نغسّل ايدينا عشان السهرة المفتوحة
ما تنقفل علينا والكوارع نشفت في ايدينا واصابعينا اتكعوجت وبقينا ما قادرين
نشيل التسالي وفول الحاجّات لأنو الايدين مابيات يتفردن وبرضو قلنا التسالي والفول
والحاجّات ذاتن طايرات بس المهم السهرة ما تفوتنا ومرة ننبطح في المراتب ومرة نقعدونتربع ومرة يقوم واحد يتمغّى ويقعد والتاني يكورك فيهو ياخ ما تزح من قدامنا
غتيتنا عليك الله كان داير تتمغّى امشي جوة .. وواحد يقول يا اخوانّا الشاشة دي زي الفيها
وسخ كده بالجنبة كدي انضفها ليكم واحد تاني يقول ليهو ياخي تنضفها شنو بايدينك المجلبطات بي شوربة الكوارع ديل عليك الله ما تهبشه تلسلسه لينا ساكت بالله خليك راقد
في حتتك دي ومعاها نظرة للساعة وتنهيدة وياخ هي الساعة حداشر دي حا تجي متين كمان وارد ليهو حا تجي زي الساعة حداشر كده وكملنا كل الثقالات المنقولة عبر التلفزيون وجات حداشر الا خمسة وهبت نسايم الليل ومعاها نسمات السهرة (المفتوحة) وكل واحد رقد رقدة زول حا يطوّل ويستمتع بي السهرة وتجي المذيعة الما خمج وتصلح توبه وتبتسم ابتسامة ذات مغزى وكأنها قاعدة تعاين لينا وتقول لينا : سهرتنا المفتوحة الليلة مع برنامج (اتكــــــــــــــــــــــــاءة على بندقــــــــــــــــــــــية) ..
وما فضل ليها الا تقول لينا يللا قوموا شوفوا ليكم شغلة اشتغلوها ضيعتوا خميسكم يا عزّبة يا وهم .. او تقوم تمدلينا لسانها وتقول لينا (مصّوا اصابيعنكم الملغوسات ديل) .
| |
|
|
|
|
|
|
|
|
 Re: مبروك فوز القناة السودانية بلقب أسوأ فضائية عربية !!! (Re: امير عوض الجمري)
|
أمير !!!
تحياتي ,,,
الله يجازي محنك دايما تجيب حكايات وروايات تخليني أفطس من الضحك ,, يا واد ما تشتغل كاتب سيناريو
وتريحنا !! ما شاء الله عليك ,, تفاصيل ولا في الأحلام !! شكرا عزيزي تعيش وتاخد غيرها الجايات أكتر
من الرايحات ,,,
| |
|
|
|
|
|
|
|
|
|
الفضائية السودانية (Re: عواطف ادريس اسماعيل)
|
الاخت / عواطف
لك التحية علي هذا الموضوع
ظللت أتابع كل المداخلات والردود
أتوقع قدرا أكبر من الأفكار والمقترحات والآراء
خاصة من ذوي الاختصاص
سوف احتفظ بحقي في الرد
خاصة وأنا أقوم برصد وتحليل للكتابات
تحياتي لك وشكري علي هذا الطرح
| |
|
|
|
|
|
|
|
|
|
Re: الفضائية السودانية (Re: علي الكرار هاشم)
|
مررنا علي هذة الفضائية بكوكب عطااارد،،
ولا أعتراض ياااربي ومن الفضاء مازبح،،،
وكل الزبحاااااااات الصدرية مصدرها الفضائية السودانية!
ولا تعليق وكفي!
كدي النشوف الفضاء النحنه بنحبوا ده البيجمع كل الأحباب ونزيح عنه التراااب
وما ذا؟ نهدية ليحل فية الوئاااام ويعم الإيخاء والألفه والمودة وأن نختلف فية
في الرأي نبقي أحباب في المواطنه ومساحة بكري تسع الكل وهي مرقدنا وملازنا الآمن
لانقبل فية أي مكروه أن يصيبه ونعمل سويأ لسلامته وتوفير الباندوث الذي يدخ فية الحياة
لنحيا جميعا في رحااااااااابه ونريد منكم أن تشملوه بالعناية والرعاية والآراء النيرة.
ودمتي بتنا وأختنا الفاضلة الأستاذة عطوووووووووفه بت إدريس،،،أبوقصي،،،
| |
|
|
|
|
|
|
|
|
|
Re: الفضائية السودانية (Re: مجدي عبدالرحيم فضل)
|
أبو الجميل قصي !!!
تحياتي لك و له ,,,
تبرا من الذبحة إنشاءالله عدوينك ولو إني عارفة إنو ما عندك أعداء يا حبيب الكل ,, شكرا على طلتك
الأنيقة ,, كن معنا من أجل مساحة حرة ممهورة بالحب .
| |
|
|
|
|
|
|
|
|
|
Re: الفضائية السودانية (Re: جعفر عبد المطلب)
|
أخي العزيز د. جعفر !!!
رغم الخيبات المتلاحقة,أحييك وأحي مرافئ الغربة التي تحتضن أبناء الشتات من الفنانين والمبدعين ,,,
في الحقيقة تلفزيون السودان لم يصبح قوميا بعد أن فقد بريقه وسحره فلا أناقة حوار ولا محاور ولم يعد
تلفزيون السودان يعبر عنا ولا عنهم إنه يعبر عن نفسه بصورة باهتة لا تجذب أحد ,,أشكرك على مرورك
الأنيق كما أحي الشاعر الإستثنائي أخونا د. بادي .
| |
|
|
|
|
|
|
|
|
|
Re: الفضائية السودانية (Re: عواطف ادريس اسماعيل)
|
| Quote: هذه قناة امين حسن عمر والطيب مصطفى ماذا تتوقعين ؟ |
Thanks Jafaar, this is NOT a Sudanese organization it is an INGAZ organization and will only change when the INGAZ disappears from power.No need to waste time trying to change it as it is totally controlled-like the minstery of Energy-by the Ingaz people with their backward and fanatic, and anti innovation agendas.calling this rubbish Islamic values does not change the fact that it is rubbish and will be the waste TV in the world as long as those who controls it are the INGAZ regime
| |
|
|
|
|
|
|
|
|
|
Re: مبروك فوز القناة السودانية بلقب أسوأ فضائية عربية !!! (Re: عواطف ادريس اسماعيل)
|
أختي العزيزه الفاضله عواطف
جلست ومازلت جالسا علي رصيف الصمت الجميل مستمتعا بألق هذا البهوأو البوست الذي يتلألأ ألقا وجمال ويشع نورا خافتا عله ينير لنا عتمة الطريق ونحن نسلك أوعر الدروب ألآ وهوالولوج في محاولة لتوعية وزيادة وعي أمة بمحاولة تمليكها الحقائق كاملةدون زيادة أونقصان ولعمري هذه مسئولية أهون منها الموت الزؤام
لقد طرقت بابا ثقيل وسألت عن أمر عظيم وأجشت النفوس وألهبت العقول وتحديت الكامن فينا بتملكيك لنا هذه الحقيقة وإن كانت علقما دون زيادة أونقصان فأصبتينا في مقتل وبفعلتك هذه تكوني وبحق قد بدأتي أول خطوة صحيحة في مساهمة حل أزمتنا هذه
أختي عواطف دعيني أقول لك إن الأزمة التي نعايشها شأن كل أزمة لا بد لها من إنفراج والإنفراج إنما يتم عبر تخطيط واع يأخذ في الإعتبار كل الحقائق العلمية والعملية السياسية والإجتماعية منها والإقتصادية
أختي العزيزه أزمتنا في الواقع إنما تعودإلي التباين الفاضح والواضح بين القول والفعل بين الجد والكسل بين أحترام العلم والعمل بين كثرة الوعودوقلة الإيفاء
كما أن إنكار الحقائق وعدم الأكتراث بهاوهذا ما واجهتيه بشجاعة ووعي نادرين لن يلغيها وكما أن دفن الرؤوس في الرمال لم ولن يعين أمة علي إيجاد الحلول وإخمادنار الفتن
لهذا أنا معجب بتناولك الواعي والمثير لهذا الموضوع الحيوي والهام مما يطمئنني والآخرين بأن سوداننا بمثلك وأمثالك مازال جميلا ومعافي وبخير
واصلي وضع أصبعك علي نبض هذا المريض
وسوف نشفي معا جراحه وعلته بأذن الله
ومن الوصل رسول بيننا
سلامي وتقديري
أخوك د.متوكل
| |
|
|
|
|
|
|
|
|
|
Re: مبروك فوز القناة السودانية بلقب أسوأ فضائية عربية !!! (Re: Mutwakil Mahmoud)
|
أخي الحبيب د. متوكل !!!
معزتي ,,,
مداخلتك الرائعة بكل ما تحمل الكلم من معان أثلجت صدري وجعلتني أتيقن أن السودان بخير طالما فيه
أبناء مثلكم يحملون هم المسئولية في حلهم وترحالهم ,, أشكرك بلا حدود وأتمنى من القائمين على هذا
الجهاز الحساس أن ينظروا حولهم ليروا ما يفعل الآخرون لأن النرجسية وحب الذات المطلقة لا تقدم بل
تعيدنا سنوات إلى الوراء ,,, بس يا متوكل يا ريت لو عدنا إلى الوراء فالماضي كان أجمل من الحاضر
أما المستقبل ففي رحم الغيب ,, شكرا مرة ثانية ,,
| |
|
|
|
|
|
|
|
|
|
الفضائية السودانية (Re: عواطف ادريس اسماعيل)
|
أختنا/ عواطف
تحياتي وجمعه مباركة
كما وعدتك بأني سوف أقوم بتقييم الموضوع وذلك لارتباطه ببحث أعد له بحكم الدراسه في الإعلام وليس العمل
حيث أني لا أعمل بالتلفزيون وليس لي به علاقه ولم أتشرف بدخوله حتى الآن ولكني مجرد مشاهد قد اختلف عن الآخرين بحكم المعرفة الدراسية.
حالت ظروف كثيرة دون اخراج الرد بالصورة التي كنت انويها
وعموما شئ خير من لا شئ
...
..
.
الرد الذي قاله الأستاذ / جابر عبيد مدير اذاعة أبو ظبي
هو واحد من أدبيات وفن الحوار حيث تقوم بقلب الطاولة في وجه السائل مما يربكه
وقديما قابل يهودي سيدنا علي (كرم الله وجهه) فقال له
مابالكم يا علي.. ما مات نبيكم حتي اختلفتم... خليفة منا وخليفة منكم
فقال له علي (كرم الله وجهه)
وما بالكم يا يهود.... ما عبر بكم موسي البحر وأنجاكم الله من فرعون حتى قلتم ياموسي أجعل لنا إلاها كما لهم آلهة. وهو رد ذكي وألمعي
وحكاية الفلاتية والكاشف تظل طرفة يرددها السودانيون في مثل هذه الحالات
والعرب تقول (رمتني بدائها وأنثلت)
هذا الرجل الاعلامي سألوه عن اخفاقاته هو وسلبياته هو فلم يجد غير السودان واليمن
هل كان يمكن أن يختار لهذه الذيلية قناة السعودية أو مصر انه لا يستطيع لأن الدنيا سوف تقوم عليه
أما الاستبيان فهو قطعا إما من بنات أفكار الرجل أو هو حقيقي إذا عمل في الخليج واستهدف شباب الخليج الذين لا تتلاقي الفكرة الاعلامية عندنا مع اهتماماتهم....مهما كانت
ثم هل أهل الخليج يشاهدون قنواتهم وإذا شاهدوها هل يشاهدون برامج محلية او فقط عندما يكون البرنامج غنائي أو المقدم لبناني ....
إن الاموال التي تصرف علي الاعلام بالخليج يفترض أن تخرج لنا أكثر من قناة بحجم الجزيرة لكن القوم يريدون فقط كورة القدم والغناء ودونك المسابقات الكثيرة
نرجع للموضوع
56 واحد تداخلوا معك غير المكرر
وبصراحة نحن السودانيين عندنا عقدة نقص ( يمكن تتأكدي)نقولي النيل بقي مسيخ تلاقي الناس كلها تأيدك
ورغم أن النيل عند المصرييم مجرد ترع لكنهم يهزموا به العالم
كنت أتوقع أن يحتج عليك الناس ويطابوا جابر عبيد بالإعتذار من خلالك ولو كنت مكانك لهاجمته وطالبته بذلك ولو كان أمين حسن عمر حاضر كان ( جاهد فيهو عديييييييل) لأن الفضائية السودانية مهما كانت لها سليبات فهي ليست شماعة ولا يرضي لها أحد بذلك
معظم الاخوان اتفقوا معك ما عدا قلة
ومعظمهم لم يكن ردهم علمي
البرامج ما عاجباهم
اشكال الناس
الصور الخلفية....رغم اني قروي وتعجبني صورة الحمار في البنطون وليس صورة العمارات
لنا واقع ولنا بيئة صحيح هي خربانه لكنه واقعنا ذبابة في الاستديو
الحمد لله انها واحدة لكن كم عدد الذباب في منازلنا غير البعوض والناموس
في الفضائية السودانية تستطيعي أن تهاجمي الوزير وتدافعي عن موضوعك فهل هذا يوجد في قناة أخري
هذا للذين يتحدثون عن الحرية
حكاية الشاشة التي تخيف الأطفال هي مثلها مثل حكاية الشعب الكسلان
نحن نروج لهذه السخافات ونصدقها وهي حرب خصم علينا مهما كان خلافنا مع الساسة لكن السودان ليس عليه خلاف
هل هناك في الشرق من يتابع ليبيا والمغرب وتونس والجزائر وموريتانيا وهل نفهم حديثهم
هل أهل الشام يطالعون اليمن والسلطنة والسعودية
الشعب السعودي هل يطالع قناته
القناة المصرية بكل عمرها هل يطالهعا أحد
أكيد كل زول عندو هم
ولو تم طرح الموضوع بصورة أكثر واقعية لكان أفيد
البوست لم يوجد اجابات شافية لان الحديث كان في مجمله مجرد تنظير ومزاجات
مثلا ما هو المطلوب.....
كيف نطور
من الطرائف
واحد ينتقد طريقة النشرة الجوية ويقول بانها محفوظه
واحدة تقول بانها لا تشاهدهاهي ولا اولادها ورغم ذلك تنتقد بشدة
واحد يحكي قصة العشاء بالكوارع
واحد يتحدث عن الطيب مصطفي وهو مدير قبل عدة اعوام ( في خبر كان)
اسعد الريفي في معلوماتي غير المؤكدة هو عضو اصدقاء الفضائية الذين يفترض فيهم النقد النافع المفيد للقناة مباشرة
سلمي سلامة تحدثت حديث العارف لا فض فوها
عدد كثر يري انه لا فائدة من القناة ولن تتطور
وكمية من التنظير
كل ردودك كانت تصب النار علي الزيت لنك بكل أسف متفقة مع جابر عبيد في اكاذيبه في لحظة كان يمكنك الرد وليس الخجل وأن تموتي في الكرسي
هذه لمحات وبصراحة أنا واحد من المستفيدين من هذا الموضوع
المحبة لك وللجميع صادق الدعاء
| |
|
|
|
|
|
|
|
|
 Re: الفضائية السودانية (Re: علي الكرار هاشم)
|
أخونا العزيز هاشم !!!
معزتي ,,,
أحترم رأيك رغم احتلافي معك لعدة اسباب أولا المعرفة الدراسية شي نظري يختلف عن التطبيقي ,, ثانيا
جابر عبيد لم يكن في حالة دفاع عن تلفزيون أبوظبي لكي يستخدم اسلوب الصدمة الذي تتحدث عنه لقد كان
في منتهى الهدوء ومقرا بتدهور تلفزيون أبوظبي رغم الإمكانيات التي توفرت له وقال أن سوء التخطيط هو
السبب إضافة إلى ذلك فقد قال مازحا قبل أن أتحدث عن تلفزيون أبوظبي أرجو أن تغلقو أجهزة تسجيلاتكم
ما يؤكد روحه الرياضية,,, ثالثا رغم أن جابر عبيد ليس هو الموضوع الأساسي ولكن أود أن ألفت نظرك
أنه لم يخفق حتى الآن كمذيع في أي برنامج قدمه لذا أثنت عليه الطالبة قبل أن تهاجم تلفزيون أبوظبي
وهو الآن يعمل مديرا للإذاعة وليس التلفزيون لذا فإخفاقاته التي تتحدث عنها ليست في محلها أماحكاية
إختياره لليمن والسودان فليس من بنات أفكاره ومن يستطيع أن يقول أذا استمر الحال بنا إلى هذا
الحد فسنصل إلى مستوى قناتي السودان واليمن ومن يستطيع أن يتحدث عن نفسه بهذه الشجاعة لا يخاف إذا
كانت السعوديةأو مصر في ذيل القائمة لأن السعودية ومصر لم تسلط سيفا على رقبة أحد كي لا ينتقدها
فهناك أناس يستفيدون من إنتقاد الناس لهم وآخرون يتشنجون ويعتبرون المسألة شحصية جدا أما حكاية
عقدة النقص التي عممتها على السودانيين فلا أستطيع إلا أن أهنيك على هذا الاكتشاف العظيم خصوصا وأن
كل السودانيين قد شربو من ماء النيل المسيخ فانتقلت إليهم عدوى الشعور بالدونية وفيما يتعلق
برأيك في مشاهدي الخليج فلا تعليق عليه لأن أهل مكة أدرى بشعابها أما حرية الإعلام الذي تتحدث عنه في
السودان فسل عنهاالقائمين على الصحف المعارضة والصحفيين الذين يساقون كل يوم إلى المحاكم فعند
جهينة الخبر اليقين . في الختام أتمنى أن تستفيد من كل المواضيع ,,, مع صادق المعزة .
* تنويه : طالبتني أن أحتج على جابر عبيد ولا أدري كيف تطلب مني الدفاع عن قضية خاسرة ؟ ذكرت أن
عدد المتداخلين 56 ثلاثة فقط معترضين والمثل السوداني بقول لو 2 قالو ليك راسك مافي ألمسو فكيف
يكون الحال لو العدد 53 ,, ثالثا هل سمعت الكلمات التي تقول شينة شاشتنا السينما غلبتنا ؟ هذه
ليست كلمات جابر عبيد بل هي كلمات سوداني بسيط استطاع أن يكشف عوراتنا باسلوب لطيف ومقنع فلماذا
نخجل من النقد ولا نخجل من أخطائنا ؟
| |
|
|
|
|
|
|
|
|
|
Re: مبروك فوز القناة السودانية بلقب أسوأ فضائية عربية !!! (Re: bak2010ory)
|
الأستاذة الإعلامية/ عواطف إدريس
بلا شك ما تثيريه من ملاحظات حول قضايا بعينها
تهم الوطن والمواطن على السواء هو من صميم عملك
وتوجهاتك الإعلامية المطلوبة بل الواجبة وأمثالكم
ملزمين بحق المهنة الإعلامية تناول مثل هذه القضايا
الهامة وأقول صراحة بأننا من أؤلئك الذين عملوا فى
تلفزيون السودان إبان حقبة السبعينات حيث كان الأداء
غير الأداء والتمكن فى الخطاب الإعلامى غير خطاب اليوم
بل كان مذيعى ومقدمى البرامج يشهد لهم من جيل
اليوم والكل يؤمن على ذلك ،
وليس هناك شك إطلاقا فى قدرات يمتلكها التلفزيون اليوم
وأعرفها بزياراتى للتلفزيون سنويا التى لم تنقطع الى
اليوم ، ولكن التوجهات الفوقية وفرض نهج بعينه من هم
خارج الدائرة الإعلامية هو الذى أضر ببرامج بالتلفزيون
وبالإعلام عموما فى بلادنا ..
أسألوا بعض العاملين هناك يقولون العجب العجاب من ما
يلاقونه من بعض المهووسين والمنظرين ، وكما ذكرت فى
ماتقدم لى من مداخلة سابقة ، أن هناك كثيرا
من الإقتراحات والأطروحات والأفكار قدمت إبان زيارة وزير
الإعلام لنا بإمارات بدبى ولم نرى لها أثرا ...
ختاما لك التحية والتقدير ......
محمد مختـــار جعفر
| |
|
|
|
|
|
|
|
|
|
Re: مبروك فوز القناة السودانية بلقب أسوأ فضائية عربية !!! (Re: محمد مختار جعفر)
|
أخي العزيز محمد !!1
تحياتي ,,,
شكرا على مداخلتك الرائعة وفعلا التلفزيون والإذاعة كانا يعيشان عصرهما الذهبي في فترة السبعينات
هل تصدق يا محمد أن مذيع الإذاعة كان يجعلك تسمع وكأنك ترى ؟؟ فما بالك بمذيع التلفزيون أيام ليلى
المغربي ومحمد سليمان ضو البيت وحمدي بدر الدين وحمدي بولاد وعلي عثمان لا وجه لشبه ولا مقارنة وهل
تصدق أنني كنت معجبة بصوت المذيع الفذ عبدالرحمن أحمد أطال الله عمره وقد صادف أن التقيته وأناصغيرة
في مناسبة ما بعد أمتحان المرحلة الإعدادية مباشرة فطلبت منه أن يذيع إسمي يوم إعلان نتيجة الإمتحان
فقال لي هل أنت واثقة من نجاحك فضحكت ببراءة وقلت له إذا لم أنجح معناه لم ينجح أحد ,, فوعدني
وصدق في وعده وأذاع أسمي و بهذا الموقف استطاع أن يغرس في نفسي قيمة الوفاء بالوعد لأن الإعلام في
نظره ليس تقديم برامج أو نشرة أخبار فقط بله هو وسيلة تربوية فعالة وناجحة جدا فهل يستطيع يا
حمادة أي مذيع في هذه الأيام أن يفعل ذلك ؟؟ شكرا على مرورك القيم .
| |
|
|
|
|
|
|
|
|
|
Re: مبروك فوز القناة السودانية بلقب أسوأ فضائية عربية !!! (Re: محمد مختار جعفر)
|
عارفة يا عواطف ...دلوقت في قناة السودان وقناة النيل الأزرق والاتنين سودانيات.........لاحظت الفرق؟؟؟؟؟
عرض المواضيع في قناة النيل الأزرق مشوق حتى قراءة الأخبار ...
وظهرت لنا قناة هارموني ...بصورة جديدة ...نتمنى لمن وراءها النجاح والتقدم
بس تعليق صغيروني.......بوجه عام على أي اساس يتم اختيار مذيعات قناة السودان؟؟؟
مودتي
| |
|
|
|
|
|
|
|
|
|
Re: مبروك فوز القناة السودانية بلقب أسوأ فضائية عربية !!! (Re: عواطف ادريس اسماعيل)
|
خلااااص يعنى ياأخت عواطف عاجباك قناة روتانا سينما ولا ميلودى أفلام ؟؟
بدون تعليق طبعا .
لأنه مصيره التجاهل زى حالتنا .
الاخ على الكرار هاشم
عفييت منك
ال56 ديل الماعرفين الطيب مصطفى مشى ولا موجود ديل مطبلاتية بدون ما يعرفوا
الحاصل شنو ؟؟
ما شايف الاستاذة ما ردت على ولا على مرورى السخيف على الرغم من معرفتها التامة
بى لمدة 22 سنة ومدى اطلاعى وثقافتى التى كانت تضرب بها المثل وتعرف تماما انى ممكن ما آكل
ولا اشرب ولكن اقرأ واتثقف واواكب كل ما يحدث فى العالم .
عشت فى الامارات 22سنة واعرفهم تماما .
وممكن أألف كتب وافتخر بالقناة التى فى الذيل وبمديرها المتخلف وبعقله الذى
يوزن مليون زى الجابر بتاعهم ده .
ولا شنو يا استاذة ؟؟؟؟؟؟
ام وضاح
| |
|
|
|
|
|
|
|
|
|
Re: مبروك فوز القناة السودانية بلقب أسوأ فضائية عربية !!! (Re: عواطف ادريس اسماعيل)
|
أخونا على كرار .. كتبت : | Quote: اسعد الريفي في معلوماتي غير المؤكدة هو عضو اصدقاء الفضائية الذين يفترض فيهم النقد النافع المفيد للقناة مباشرة |
دى معلومة مفيدة ..جدا و بناء عليه .. فإننى أعلن و من هذا البوست أن كل ما ذكرته (أنا) و أعوذ بالله من كلمة أنا غير صحيح و من الخيال العلمى و عليه .. و نزولا عند رغبتكم فإن ..
الاذاعة السودانية أحسن إذاعة
و التلفزيون السودانى أحسن تلفزيون فى العالم و به من الكفاءات ما يرفع الرأس عاليا الى عنان السماء فى الصباح و المساء مرورا بفترة الظهيرة.
أما الفضائية السودانية .. فهى مدرسة متفردة فى الخبر و الصوت و الصورة و بها من البرامج ذات القيمة الترفيهية و الثقافية و الفنية و العلمية ما يجعل تلفزيون السى ان ان و البى بى سى و الجزيرة مجرد أقزام و مسخ شيطانى استعلائى استعمارى. ..
حفظ الله لنا تلفزيون السودان و الفضائية .. و أدامكم مصححا لهفوات امثالى و أراء امثالى .. و أنتم الاصل و نحن الفروع .. أنتم الكل و نحن الجزئ ..
و اللهم أغفر لنا تطاولنا على أم الثقافة و الابداع .. و أهل الحضارة و الضياء .. الفضائية السودانية مدرسة التفرد و التميز ..
و عقابا ل ( أنا) سأقوم و من هذه اللحظة بمسح كل القنوات حتى قطوف و زول و هارمونى و الإبقاء فقط على الفضائية السودانية.. و لك العتبى حتى ترضى .. لأنك صححت مسارى .. و قومت أفكارى .. و أزلت الغبش و اللبش الذى كان يساورنى حول الفضائية السودانية حفظها الله لنا..
و التحية لك و لكل المتداخلين و الاخت الفاضلة عواطف.
| |
|
|
|
|
|
|
|
|
|
Re: مبروك فوز القناة السودانية بلقب أسوأ فضائية عربية !!! (Re: عواطف ادريس اسماعيل)
|
لم أملك نفسى إلا أن اتفكر فى ما كتبه أخونا على الكرار
Quote: وبصراحة نحن السودانيين عندنا عقدة نقص ( يمكن تتأكدي)نقولي النيل بقي مسيخ تلاقي الناس كلها تأيدك
ورغم أن النيل عند المصرييم مجرد ترع لكنهم يهزموا به العالم |
| Quote: ولو كان أمين حسن عمر حاضر كان ( جاهد فيهو عديييييييل)[/U] لأن الفضائية السودانية مهما كانت لها سليبات فهي ليست شماعة ولا يرضي لها أحد بذلك |
Quote: عدد كثر يري انه لا فائدة من القناة ولن تتطور
وكمية من التنظير
كل ردودك كانت تصب النار علي الزيت لنك بكل أسف متفقة مع جابر عبيد في اكاذيبه في لحظة كان يمكنك الرد وليس الخجل وأن تموتي في الكرسي
هذه لمحات وبصراحة أنا واحد من المستفيدين من هذا الموضوع |
و يبدو أننى و بسذاجة تطاولت على المقدسات و حيث انك كتبت : و ولو كان أمين حسن عمر حاضر كان ( جاهد فيهو عديييييييل)[/U]
فأرجو إعتبارى و منذ الان من فلول المندحرين المنهزمين
المحبة لك وللجميع صادق الدعاء
| |
|
|
|
|
|
|
|
|
|
Re: مبروك فوز القناة السودانية بلقب أسوأ فضائية عربية !!! (Re: عواطف ادريس اسماعيل)
|
المتابع لبرامج الفضائية السودانسة او التلفزيون القومي يلاحظ بعدها عن قضايا وهموم المواطن السوداني داخل الخرطوم والولايات الامر الذي داي الي هجرة مشاهديها الي قنوات العالم الفضائية وان حظيت نشرة العاشرة بمشاهدة عاية مقارنة بالبرامج الاخري الاستاذ عوض جادين مدير التلفزيون اكد ابتعاد التلفزيون عن هموم ومشاكل المواطن وعزا ذلك لدمج التلفزيون محليا وفضائيا حيث قال في حوار مفتوح بثه التلفزيون مؤخرا ان ان التلفزيون يبث للمشاهد المحلي والعالمي والاخير لاتعنيه هموم وقضايا المواطن السوداني ولا يمكن لفضائية ان تصدرللعالم هموم ومشاكل مواطنيها محليا
| |
|
|
|
|
|
|
|
|
|
Re: مبروك فوز القناة السودانية بلقب أسوأ فضائية عربية !!! (Re: عواطف ادريس اسماعيل)
|
العزيزه عطوفه
يسعدني وجودي معك
ياكوكبة اون لاين
حاارد عليك من حكم شغلي في الاذاعه فتره من الزمن وطبعا الاذاعه والتلفزيون داخل حوش واحد
الاذاعه والتلفزيون مؤسسه اعلاميه منفصله تحت سقف واحد لايتجزا فيها العمل الاعلامي بحيث الهدف منهما واحد ولكن لاوجه شبه بينهما فهدذ مرئية وهذه مسموعه
ولكن القضيه مشتركه
انا التقيت بكتير من المبدعين الذين نهضوا بالاذاعه ولكن ليسوا هم وحدهم وانما الابداع متوارث عن الاجيال
فكثير من المواهب التي تاتي زاحفه الي حقول الاذاعة والتلفزيون ولكن للاسف لم تجد من يقف معها بل بالعكس يقفون في وشها قبل ان تطأ رجلهم المدخل الرئيسي
هذا مايؤسفني حقيقة ان الهيئة عموما في امكانها تغطية اكبر اعلام وبالرغم من قدراتها الضخمه لكن لم توظف في عكس الواقع بشكل جميل
قانون العمل العام فرض علي جميع المؤسسات الحكوميه ولكن الاذاعة والتلفزيون لها قانون قائم بذاته وفر لها كتير من الحقوق في امكانها استثمارها فيما يفيد ولكن اموال الاذاعة كلها رايحة تحت ( هدم وابني من جديد ) ماعندنا مانع انو الهيئة القوميه يكون ليها واجهه معمارية ولكن لابد من اعطاء مساحة تعكس شي جميل مش شي تقليدي وروتيني المتابع للشاشة مل وزهج منو
نحنا الان في عصر ثورة اعلامية ضخمه
الهيئة القوميه تملك رصيد بالمليارات ليه مايوظفوا قنوات جديده تعكس هموم المواطن وتحسسوا المواطنين المظاليم ديل بمشاركتكم لي مشكلاتهم
سلامي
| |
|
|
|
|
|
|
|
|
 Re: مبروك فوز القناة السودانية بلقب أسوأ فضائية عربية !!! (Re: فدوى الشريف)
|
فدوية !!!
سلام ,,,
فعلا أهل مكة أدرى بشعابها وزي ما بقول المثل أدي الخبز لخبازو ولو ياكل نصه وحين أعطيناك الخبز
عرفنا العلة وين ,, لسنا ضد الفضائية السودانية كما يعتقد البعض ولكن نتمنى أن تجد طريقها
للمنافسة عموما أنا دائما أرفع شعار أنتقدك يعني أحبك ,,, يعني يهمني أمرك وليس العكس شكرا فدوى
على هذا التوضيح الجميل وعلى كلماتك الرائعة ...
| |
|
|
|
|
|
|
|
|
|
Re: مبروك فوز القناة السودانية بلقب أسوأ فضائية عربية !!! (Re: Hisham Ibrahim)
|
هشومي !!!
معزتي ,,,
لا فضك فوك ,, على ما أذكر كان القطب الإعلامي الكبير محمد صالح فهمي يعمل بالإذاعة وكان بليغا في
الحديث ,, سريع البديهة ,, وقد صادف أن أرسل له ابنه صخر رسالة يقول فيها ( لقد تم تعيين خبيرا
زراعيا في المنطقة في (أيام نميري طبعا) رغم انني لم أقرأ زراعة ولا ينبغي لي فرد عليه والده عبر
إحدى الصحف قائلا له ( كن زراعيا بإذن الله فقد إنتهى العصر الذي يقال فيه رحم الله امرئ عرف قدر نفسه
يا أبني ربما اكتشفوا فيك موهبة لا تعرفها أنت فأعقلها وتوكل ,, شكرا هشام على مرورك الأنيق .
| |
|
|
|
|
|
|
|
|
|
Re: مبروك فوز القناة السودانية بلقب أسوأ فضائية عربية !!! (Re: عواطف ادريس اسماعيل)
|
الكريمة عواطف
وضعتنى الظروف فى إجتماع مغلق مع رؤساء مجالس الادارة لمجموعة من الشركات الخليجية وكان جهاز التلفاز ذو الشاشة السينمائية مثبتا أعلى منا والريموت بيد أحدهم وعند الاستراحة ضغط احدهم على زر قناة السودان فظهرت على برنامج ساحة الجهاد وكنت قبلها أحاول إقناعهم بضخ اموالهم فى مشاريع بالسودان ، فصاح كلهم بصوت واحد يا ابوبكر ويش لون نستثمر اموالنا فى هاى الحرب .
مع خالص تحياتى
بابكر زيكو
| |
|
|
|
|
|
|
|
|
|
Re: مبروك فوز القناة السودانية بلقب أسوأ فضائية عربية !!! (Re: بابكر عثمان مكي)
|
زيكو !!!
مساء الخير والتجلي ,,, بالتوقيت المحلي ,,,
طبعا التوقيت بتاع تلفيزيون جمهورية السودان ,, عموما حصل خير فشر البلية ما يضحك ,, الدنيا حظوظ
وحظك كان جميل ,,, شكرا على المرور الأنيق ,,
| |
|
|
|
|
|
|
| |
محمد الأمين موسى
عواطف ادريس اسماعيل
AnwarKing
abubakr
رأفت ميلاد
خضر الطيب
امير عوض الجمري
علي الكرار هاشم
مجدي عبدالرحيم فضل
جعفر عبد المطلب
Adil Isaac
Mutwakil Mahmoud
محمد مختار جعفر
salma subhi
essam&amal
اسعد الريفى
فدوى الشريف
Hisham Ibrahim
بابكر عثمان مكي
فيس بوك
تويتر
انستقرام
يوتيوب
بنتيريست