|
|
|
 Re: لاح لي من صعيد برقاً كتم تعّالو (Re: سمية الحسن طلحة)
|
العزيزة سمية الحسن طلحة
كلام موهط و تريان مسبوك حنين و حكيم
Quote: ولـــو كــان الـمـراد المـولـى مــا تـمـّالـو
تدوم ليك السعادة في ضل أبوك الرهين مقيالو
|
الله يتم المراد فالوالد عزيز لكن ليهو مكانته الما بتتسده و للزوج مكانته كمان
| |
 
|
|
|
|
|
|
|
|
Re: لاح لي من صعيد برقاً كتم تعّالو (Re: نصار)
|
| Quote: الله يتم المراد فالوالد عزيز لكن ليهو مكانته الما بتتسده و للزوج مكانته كمان |
العزير نصار
لن أنس إنك أول من دخل علينا تحت البروق فى العام الجديد
كلامك عديل ويوزن بموازين الدهب ،إنشاء الله تلقى مرادك ويعجزو طرادك
كل الشكر و كل عام وأنت بخير
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
سلامات يا سمية
كثيراً ما تستوقفني في دروب الحياة تلك العلاقة المتميزة بين الإبن وأخواله . أو أحدهم . تنحو في أوقات كثيرة منحى الصداقة غض النظر عن فارق العمر بينهما . تغذيها تلك الحنية الفطرية المستمدة من أصل العلاقة بينهما ( الأم - الأخت ) . وهي في ذلك تختلف نوعاً- دون أن أقع في فخ التعميم غير الدقيق - عن علاقة الإبن بأعمامه إذ تميل للرسميات في كثير من جوانبها.
على كل ورغم القناعة أن العلاقات الإجتماعية كيمياء معقدة يصعب الوصول لقاعدة عامة تحكم تفاعلاتها ، إلا أن الخال يظل نسمة حنينة يشتاقها كل من أكرمه الله بتذوقها .
القصيدة جميلة
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: عاطف عمر)
|
مرحباً عاطف عمر
ربنا يحفظ صاحب الصورة دى وبسمتو وعويناتو زى ( الحلة البعيييدة)ماشاءالله
كلام جميل ومنطقى حيث أن الأم حنونة وتزرع هذه الحنية فى الأبناء تجاه أخوتها
تلقائيا وعن غير قصد لأنها نشأت هنا وتجد نفسها هنا
.Quote: على كل ورغم القناعة أن العلاقات الإجتماعية كيمياء معقدة يصعب الوصول لقاعدة عامة تحكم تفاعلاتها ، إلا أن الخال يظل نسمة حنينة يشتاقها كل من أكرمه الله بتذوقها .
|
وكمان كلام علمي100% وأبعد من ذلك أثبت العلم أن كل الصفات الوراثية
تكون من هنا وهناك ماعدا (( الذكاء والغباء )) فهو يورث من الأم.
لك التحية والشكر على هذا المرور الثر.
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: عاطف عمر)
|
Quote: لاح لي من صعـيد برقاً كـتـم تعّـالو
ذكـّرني بسمة الزول الجميلة خصـالو
حـرّق للقليــب وزاد في التولـِّع نـارو
|
اسمحوا لي ان انجر معاكم خلالا اخدر....
البرق البلوح قبلي ودعاشو قبالو
يهرج ومنبسط كترو ولعوتو ونالو
الدوم والنخل يتاكي لي شبالو
يفرح وشو يبش عطرو المسابق فالو
ما لافيتو غضبانا مقنع حالو
والسما كان عكر يوت الارض تصفالو
باسم وهاش وباش خلقه ومشابه خالو
وايدينو اتنين يمين ومخجلات لي شمالو
( ان اجيزت حا نواصل)
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: nazar hussien)
|
Quote: ان انجر معاكم خلالا اخدر....
البرق البلوح قبلي ودعاشو قبالو
يهرج ومنبسط كترو ولعوتو ونالو
الدوم والنخل يتاكي لي شبالو
يفرح وشو يبش عطرو المسابق فالو
ما لافيتو غضبانا مقنع حالو
والسما كان عكر يوت الارض تصفالو
باسم وهاش وباش خلقه ومشابه خالو
وايدينو اتنين يمين ومخجلات لي شمالو
( ان اجيزت حا نواصل |
الأخ نزار حسين
ما أجمل كل عبارة كتبتها هنا! أعتبر نفسى موفورة الحظ لوجودك بيننا
( باسم هاش وباش خلقه ومشابه خالو ) حقا لا أجد تعبيرا يليق بهذا الجمال
لك الشكر ونرجو أن لا تحرمنامن هذا العطاء.
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: فاروق حامد محمد)
|
Quote: القبايل سمية والله أبوك سمحة خصالو
وخيلانك ناس عداااااااااال تب أبد مامالو
بت طلحة فاتت بالكرم حروم الفريق ورجالو
تقيلك كان شالوه ناس حاتم كان ضهورن مالو
|
الفاروق الأصم مابسمع كلام ناس قالو
ان دخل المحاص منو البخود فى مجالو
عـزيز النسـب كريمة تـب أنســـالو
من فيض الكرم ملانـة ديـمة رحـالــو
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: عفاف أبو حريرة)
|
Quote: ياالابواتك دوام بحلو لى العوجات0 من دخلت المنبر وانا بتلمس كلام اوصفك بيه لكن تستحى الكلمات وتستعصى الحروف 0 وانت قلتى والانا نفسى اقولو000
والقصيده الكتبتيها اكان فى زول الكلام ده حقو وهولو هو انت يابت العزاز انسابن |
اختى أم أحمد
وضعت كلماتك أمامى وجلست أتأملها لم أستطع أن أقتطع منها كلمة نقلتها كما هى
لأنها أجبرتنى على ذلك ...لأنها صادقة...لأنها جعلتنى أحس بها...وجدت فيها مذاقا
خاصا وطعم لايعرفه غيرى وكأنى لأول مرة أقرأ تعبيرا كهذا
لك التحيةأيتها الوفية
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: فاروق حامد محمد)
|
Quote: بت القبايل الشيخة بت الشيوخ
سمية بت طلحة ...
النخلص الترجمة الفي أيدي مستعجلين عليها
وبجيك صادي ....
أخوك/فاروق النار |
ياود الكرام أبوابنا مشرعة ليك
يادار الرتوع الـدار ترحـب بيك
بى نورك تضـوى وتهـدى مـن حواليك
جدك نار بتوقد منو البجى يدانيك
حبابك عشرة ياود النار.
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
جابتني الزيفة والنضم المصوبن ال بجيب الشعره
اقدلي واقعدي فوق عديلك يابت عز الرجال البررة
سمية كل سنة وانتي طيبة ياطيبة
دائما تأتين كالبشارة ... بت عازة البكر
وتكبي في المنبر سمن بلدي
وريحة المنبر الممكون
تفوح بخور جاولي وعطر صندل
وياهبوب هبي
يامطر كبي
كتر خيرك
ربنا يغطيك
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
من تبت وقمت تابع أثر خيلاني
وبتذكر كمان حكوات تزيد فى حنانى
فرس جدى يوم طال قدم عثمانى
ماتنحنح وما نط التقول الجاني
عدم الصيحة- قال كتر احتراموا حماني
..................................................................................
عندما كنت صغير كنت أقص لخالى أظافر رجليه (نسبة لإصابته بشلل مؤقت),وجدت أثر عميق في طرف أكبر
ظفر,سألته. رد: أن فرس والده (محمد عبد الرحمن السنجك) إعتلي مقدمة رجله,فلم يشأ أن يحركها حتى لايزعج جدى -إحتراما-
لك الرحمة ياخالي عثمان محمد عبد الرحمن,وقد عشت محترما من الكل كما إحترمت السابقين
.......
هيجت في الذكريات أختى سمية
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: Eng. Mohammed al sayed)
|
Quote: من تبت وقمت تابع أثر خيلاني
وبتذكر كمان حكوات تزيد فى حنانى
فرس جدى يوم طال قدم عثمانى
ماتنحنح وما نط التقول الجاني
عدم الصيحة- قال كتر احتراموا حماني
..................................................................................
عندما كنت صغير كنت أقص لخالى أظافر رجليه (نسبة لإصابته بشلل مؤقت),وجدت أثر عميق في طرف أكبر
ظفر,سألته. رد: أن فرس والده (محمد عبد الرحمن السنجك) إعتلي مقدمة رجله,فلم يشأ أن يحركها حتى لايزعج جدى -إحتراما-
لك الرحمة ياخالي عثمان محمد عبد الرحمن,وقد عشت محترما من الكل كما إحترمت السابقين
.......
هيجت في الذكريات أختى سمية |
هذه السطور القلائل... وقفت عندها كثيرا لأنها مفعمة بكل المعانى الراقية فى فن التعامل
وتصلح لأن تكون رواية تحكى كيف يكون العظماء
لك التحية أخى محمد السيد وفعلا (( الجنا خال )).
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
العزيزة بت الحسن ود طلحة
لامثالك تشق العتامير و تركب المخاطر و البصلكم رابح
| Quote: إنشاء الله تلقى مرادك ويعجزو طرادك |
يا الله علي الدعوات الصادقة لمان تصدر من قلب محب لاهله و كل الانسانية
و الله اني بحاجة لها فمنكم الدعاء و من الله القبول باذنه تعالي و فضله
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: ابو جهينة)
|
Quote: الأخ نزار حسين
ما أجمل كل عبارة كتبتها هنا! أعتبر نفسى موفورة الحظ لوجودك بيننا
( باسم هاش وباش خلقه ومشابه خالو ) حقا لا أجد تعبيرا يليق بهذا الجمال
لك الشكر ونرجو أن لا تحرمنامن هذا العطاء. |
ودي شهادة من بت شيوخ راضعة وربيانة بي لبن القريض....سأعتز بها ايما اعزاز
فما أنا الا حتة نجار....تحرضه البيوت المشرعة وفسيحة وحلوة...ووبنقط من خشبها العسل
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: عفاف أبو حريرة)
|
بت الحسن صاعقة النجم البحمى الشهاده والنضم00
والله يابت طلحه غنا ودالبنا بلحيل بعجبنى هاك دى0
0 نحن نفسنا ماندرعه المابيها
ونحن اولاد معزه صحيح والاود جيهه
نحن بندفع العاتى البشق التيه
ونحن عقورنا لى حل القواسى نبيه
نحن ولدن ميه بسوكه مو ميحيق
ونحن الضاربو شوتال الفقر لى رفيق
نحن اللى البخيل والله مابنطيق
نحن عرضنا جا فايت العشارى ابوزيق
نحن مندرين فى تحلحل المعقود
نحن بندفع الشنق العواتى القود
ونحن مجربين يوم الكتال يوم عيدنا
مابنخاف البرا الخالقنا ربنا سيدنا
الجماعه دفروا البوست زى الشيخ عبدالباقى يصبح هناك من رفاقتو قتا اجيبو راجع
تحياتى
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: Ahmed Yousif Abu Harira)
|
Quote: آآآناس ودالمحرب ده عندو خيمة "رثاء" منصوبة ليها كم يوم بإسم (الزارعنا غير الله الليجي يقلعنا)... ادخلو عليها آآ جماعه وجاملوه ...الزول زولكم... والمجاملة للحي ...والحي أبقى من الميت..
أنا غايتو وصلتو وقيدت (قدحي) مع العذر...
|
حمد يوسف أبوحريرة
أبـشـر.
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: khalid almohrib)
|
Quote: نحن مندرين فى تحلحل المعقود
نحن بندفع الشنق العواتى القود
ونحن مجربين يوم الكتال يوم عيدنا
مابنخاف البرا الخالقنا ربنا سيدنا
|
ياالله
ياخالد أنا الكلام ده بتعبنى بالحيل وهسع ما بقدر أعقب
طلتك لها طعم خاص... لك معزتى
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: nazar hussien)
|
Quote: ودي شهادة من بت شيوخ راضعة وربيانة بي لبن القريض....سأعتز بها ايما اعزاز
فما أنا الا حتة نجار....تحرضه البيوت المشرعة وفسيحة وحلوة...ووبنقط من خشبها العسل
|
وماهذا إلا تواضع العلماء أخى نزار
Quote: ...ووبنقط من خشبها العسل·
|
ده كلام أحلى من العسل ولايصوغه إلا مهندس بارع
لك التحية مثنى وثلاث ورباع.
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: ابو جهينة)
|
Quote:
هذا النضمي السمح أثار في نفسي الكثير من الشجون ..
خصوصاً أن ( خالاً ) لي كان مثار فخر للأسرة ( رحمه الله ) تذكرته و أنا أتابع بإنبهار هذا الدفْق العطر.
|
أبوجهينة مرحبتين حبابك
فتحت شهيتنا للنضمى بتحليلك السمح ده متل قصيصا مفصل ومنضوم فى رقيبة الصيدة
أنت مثار لفخرنا لوجودك معنا هنا كما كان خالك( رحمه الله) مصدر فخر...فما مات
من ترك خلفه أمثألك .
لك كل الود
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: نصار)
|
Quote: يا الله علي الدعوات الصادقة لمان تصدر من قلب محب لاهله و كل الانسانية
و الله اني بحاجة لها فمنكم الدعاء و من الله القبول باذنه تعالي و فضله |
ووالله من يومها يانصار وكل يوم بدعو ليك بالخير
لك التحية والإحترام.
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: munswor almophtah)
|
الأخ الكريم منصور
التحية لك أيها الوارف
دعنا نتـفيأ ظلالك دوماً
فحديثك مدعاة لإطلاق الأعنة
ويقينى إنك كريم ولا أجد ما أعبر
به سوى قول منصور النمري للرشيد:ـ
خليـفـة الله إن الجود أودية
أحلك الله منها حيث تجتمع
إن أخلف الغيث لم تخلف أنامله
أو ضاق أمر ذكرناه فيتسع
سمية الحسن طلحة
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: Abdelmuhsin Said)
|
الأخ / عبدالمحسن
كلام دافىء حنين وحزين فى آن واحد...وهو تجسيد لقول
نزار قبانى : أن الحب هو الإبحار دون سفينة وشعور أن الوصول محال
واضح إنها مابت خالك ولا أنت إبن خالها ... ولا مش كده؟
خيرها فى غيرها ياسيدى والشيخ فرح ود تكتوك قال:ـ
الجايات أكثر من الرايحات.
لك التحية.
سمية الحسن طلحة
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
ما عارف كيف البوست دة فاتني من الاول ...؟
ده ركن الشعراء في سوق عكاظ
ما باقي الا تابط شرا (بالمناسبة الاسم عاجبني من اول يوم سمعت عنو في حصة العربي وتهيالي ان شاعرا ماكن ) والنابغة الذبياني ( ودة كمان اسمو عاجبني ) .. وبيني وبينكم لو الزمن غير الزمن اكيد ملكة الدوبيت ,وام احمد و ابوحريرة وعبد المحسن وشيخ العرب المحرب وصحيبي الفاروق وقريبي ابوجهينة كانو حيكونو اصحاب السوق ..بس مشكلة واحدة هو بن عمي ابوجهينة دة هل كان حيكون تبع العراريب ام الاحباش والنوبة في السوق بيبيعو الاسود والنمور والفيلة ( امل ان ي تشفع له كنيته فهو اختار ان تكون كنيته ابو كل العراريب الاتجهو شمالا الي العراق وغربا الي جنوب مصر والسودان ... اما نور الهدي فاكيد بيكون عامل دار نشر و فارش رسوماتو علي جلد الغزلان وبيكتب للشعراء قصائدهم عليها كمان (ما الجلد كان الورق ) اما عاطف ومنصور ومحمد ونزار ونصار وانا كنا حنبقي في قيادة الجماهيير- نحضر بلوشي لانو انتو اصحابنا- واكيد الحضور كان حيتجاوز بكتير حفلات نانسي عجرم وبيونسي ...
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: abubakr)
|
Quote: ما عارف كيف البوست دة فاتني من الاول ...؟
ده ركن الشعراء في سوق عكاظ
ما باقي الا تابط شرا (بالمناسبة الاسم عاجبني من اول يوم سمعت عنو في حصة العربي وتهيالي ان شاعرا ماكن ) والنابغة الذبياني ( ودة كمان اسمو عاجبني ) .. وبيني وبينكم لو الزمن غير الزمن اكيد ملكة الدوبيت ,وام احمد و ابوحريرة وعبد المحسن وشيخ العرب المحرب وصحيبي الفاروق وقريبي ابوجهينة كانو حيكونو اصحاب السوق ..بس مشكلة واحدة هو بن عمي ابوجهينة دة هل كان حيكون تبع العراريب ام الاحباش والنوبة في السوق بيبيعو الاسود والنمور والفيلة ( امل ان ي تشفع له كنيته فهو اختار ان تكون كنيته ابو كل العراريب الاتجهو شمالا الي العراق وغربا الي جنوب مصر والسودان ... اما نور الهدي فاكيد بيكون عامل دار نشر و فارش رسوماتو علي جلد الغزلان وبيكتب للشعراء قصائدهم عليها كمان (ما الجلد كان الورق ) اما عاطف ومنصور ومحمد ونزار ونصار وانا كنا حنبقي في قيادة الجماهيير- نحضر بلوشي لانو انتو اصحابنا- واكيد الحضور كان حيتجاوز بكتير حفلات نانسي عجرم وبيونسي ... |
أبوبكر سلام وتحية وإحترام
أمابعد
فقد تقرر تسمية هذا الركن ركن (عكاز) دلالة على الهمبتة
تأخرت استبقى الحياة فلم أجد لنفسى حياة مثل أن اتقدما
فلسنا على الأعقاب تدمى كلومنا ولكن على أقدامنا تقطر الدما
ولما رأيت الود ليس بنافع عمدت الى الأمر الذى كان أحزما
ثانيا: تأبط شرأ ده من جماعتنا وهو كبيرنا الذى علمنا السحر ( ده أكبر همباتى )
وكمان الشنفرة وعروة بن الورد
| Quote: بس مشكلة واحدة هو بن عمي ابوجهينة دة هل كان حيكون تبع العراريب ام الاحباش والنوبة |
أرفعوا إيدكم منو الزول بقى زولنا ومننا وفيناوأقول لكم على لسانه ماقاله الشنفرى لعشيرته
مفارقاّ إياهم:ـ
أقيموا بنى أمى صدور مطيكم فإنى أرى نفسى الى قوم سواكم لأميل
فقد حمت الحاجات والليل مقمر وشدت لطيات المطايا وأرحل
وفى الأرض منأى للكريم عن الأذى وفيها لمن خاف الغلى متعزل
لعمرك مافى الأرض ضيق على امرىء سرى راغباً أو راهباً وهو يعقل
هم الأهل لامستودع السر ذائع لديهم ولا الجانى بما جر يخذل
| Quote: واكيد الحضور كان حيتجاوز بكتير حفلات نانسي عجرم وبيونسي ... |
كيف عرفت إنو أنا في نيتي أدى كل واحدة منهن مقطع دوبيت رمية تأديها فى بداية الأغنية مثل ما بعمل على ابراهيم اللحو... رأيك شنووو؟؟
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
الملكة ... تحيات الرعية
| Quote: فقد تقرر تسمية هذا الركن ركن (عكاز) دلالة على الهمبتة |
يعني هسع ودرتو النحاس ؟؟ طيب ابو جهينة يبيع شنو
| Quote: أرفعوا إيدكم منو الزول بقى زولنا ومننا وفيناوأقول لكم على لسانه ماقاله الشنفرى لعشيرته |
اها يا قريبي سميت نفسك ابو جهينة طلعو العراريب تبعوك ليهم !! بختك ات بس لم النحاس المضيعنو في الدق ونسافر بيهم سوا الي سوق العتبة ونطلع لينا جنيهات زي ما كنا بنعمل مع طشت الغسيل ...النحاس دة مهم اقتصاديا عندنا وعندهم واقعيين فيه ضرب...
| Quote: فقد تقرر تسمية هذا الركن ركن (عكاز) دلالة على الهمبتة |
يعني هسع ودرتو النحاس ؟؟ طيب ابو جهينة يبيع شنو
Quote: ثانيا: تأبط شرأ ده من جماعتنا وهو كبيرنا الذى علمنا السحر ( ده أكبر همباتى )
وكمان الشنفرة وعروة بن الورد |
وانا اقول الجماعة دييل شفتهم وين ؟؟ اتاري مهبتيين بجاي
| Quote: كيف عرفت إنو أنا في نيتي أدى كل واحدة منهن مقطع دوبيت رمية تأديها فى بداية الأغنية مثل ما بعمل على ابراهيم اللحو... رأيك شنووو؟؟ |
يا بخت ودشيقوق الحتات !! حيحت حت مع نانسي عجرم !!!
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: abubakr)
|
| Quote: يا بخت ودشيقوق الحتات !! حيحت حت مع نانسي عجرم !!! |
طبعاّ ده كلامك...ماسمعت شاعرنا بشير ودالنور شن قال!!!؟
مافينا البكربوه وبقول أحي
نحن بنركب العاصى ونضرب الصي
نحناخصيمنا بنكيدو ونخلف الكي
ونحنا عشقنا فى السمحات مليحة الزي
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: nourelhadi awad)
|
Quote: استوقفني الحراس
فهل تسمحين؟ |
ماكان للشمس البهية في الضحى من مكسف
وما كان للبدر المنير في الدجى من مخسف
أخي نور الهادي
درجت على وضع لوحاتك هذه أمامي دوماً وأدمنت تصفح كلماتها الموشاة بأجمل العبارات .
لك التحية والتجلة .
Quote: معليش انشغلت عنكم مع محمد السني شوية
ورجعت للزمن البراءة
(لمن كنا صغار)
أكبر وأرجع ليكم
ياكبار..نضم وفعايل
سلام |
إنك كبير قولا وفعلا ومعنى .
وفي المثل الخليجي ( اللي مايعرف الصقر يشويه )
والخال الشيخ عبدالعزيز قال في هذا المعنى :
تابعتا المجالس ودّرنو قدرنا
بقينا نجالس البسوانا والمو قدرنا
مادام بالدراهم نشتريهو قدرنا
مافيش داعي نشحن بالغبينة صدرنا
ولك العتبى ( فلا تبتئس ولا تحزن ) .
سمية الحسن طلحة
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
سمية
لست ملكة وبالتالي لست الأميرة
فكل هذا حاث ومتغير
انت نيل مامل طول السرى
وبحر تأوي إليها الأوزات
ويولد السحابات الماء
وفي شطك تناثر المحار
اسمحي لنا إن أطلنا في شطك المكوث
.....................................
سمية
هتك الزمن حضور الذاكرة
أهلنا ناس السافل لديهم تراث ثر حذف من لترتشة
هذا الزمن الهش
وسأحاول ان أسجل لك بعضه من مصادره لاحقا
مجادعات امحمد خير وموسى ودامحمد بخيت
وأتوقع يوما أن تكوني أرشيف هذا الأدب الثر
..................................................
لك الإنحناء بقدر هامتك القامة
دمت
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: nourelhadi awad)
|
برق الصعيد
لاح لى من صعيد برقاً كتم تعّّالو
ذكرتى بسمة الزول الجميلة خصالو
حرّق للقليب زاد فى التولع نارو
سهر للعيون الدمعهن سحالو
(التعال بتشديد العين هو جمع تعل بكسر التاء وسكون العين)
والعرب عندما يدعون على أحد يقولون له(التعل اليشقك)
فهل ياترى هناك فرق بين التعليين ؟؟...دعونا نرى آرائكم.
ونواصل.
29-11-2006, 01:32 ص
بدرالدين شنا
.
تاريخ التسجيل: 30-07-2002
مجموع المشاركات: 3261
Re: برق الصعيد (Re: سمية الحسن طلحة)
من بت طلحة لاح لي بوستاً جميلة حروفو
ذكَّرني بسمة الزهر الوريفة قطوفو
تحياتي ومودتي
29-11-2006, 01:49 ص
على محمد على بشير
.
تاريخ التسجيل: 07-08-2005
مجموع المشاركات: 1711
Re: برق الصعيد (Re: بدرالدين شنا)
Quote: لاح لى من صعيد برقاً كتم تعّّالو
ذكرتى بسمة الزول الجميلة خصالو
حرّق للقليب زاد فى التولع نارو
سهر للعيون الدمعهن سحالو
الله يابت طلحه
فقد ذكرتينا بالذى مضى
المايقوما وعلى الشيخ وصديق جحا ومحمد بابكر العبيد المحامى
فقد كان على الشيخ من ابو دليق ومن رواة الشعر وقصص الشعراء
وكان الله يطراهو بالخير لديه طريقه عجيبه ومحببه فى القاء الشعر
فقد كان يروى لك قصة القصيده ( بعد ان يضيف شوية توم وشمار من عنده )
ويتمهل وهو يرمى لك بالشطر الاول من البيت الشعرى ويتمطق وكأنه يتزوق طعم كل
حرف فى الشطر الاول من البيت قبل ان يرميه على آذان سامعيه ومستمعيه وقد كنا
نحفظ الكثير والمثير والعجيب من شعر الدوبيت والملاحم البطوليه وقصص الحب العزرى
من فم هذا الرجل ( على الشيخ ) والذى كان لا يقول ولا يروى الا الدرر
وشخصيا كانت تستهوينى قصص الهمباته واشعارهم وكنت كثيرا ما اطلب واستزيد
مما قاله الضرير وود ضحويه الخ ..
ورغم ان الجلسه كانت تضم الوان الطيف القبلى الا ان حب الدوبيت والشعر كان يجمعنا
نحن الشايقيه بالبطاحين .. وغير الشعر والدوبيت كانت تجمعنا الجيره والمحبه والافراح
والاتراح وملاعب الصبا ومرتع الطفوله .
وقد تزكرت كل هذا الان وبعد ان قرأت الابيات اعلاه .. وجرت الذكريات امام ناظرى
وكأنى اجلس تلك الجلسات الفريده وكأنى لم اتى الى الغربه ابدأ .
فلله درك اختى سميه
29-11-2006, 10:51 ص
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: على محمد على بشير)
الأخ/ على محمد على بشير
هل تصدق أن أعز أصدقائى هنا فى السلطنة من الشايقيه...
فهناك الكثير من القيم المشتركه التى تجمعنا معكم ياأحن الناس.
هيجت فينا الشجن بحديث الذكريات هذا....ولك مربوع من طه الضرير:_
مافيتاالبمقوهو وبمرق تلوه
ومافيناالبوصف للضيوف الخلوه
نحناالفوق قفاالشيحان نطبق السروه
والبنقصدو شن هد فى البحر ما بروى
لك التحيه والود... ونطمع فى إطلالتك دوما
29-11-2006, 10:32 ص
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: بدرالدين شنا)
البدر الطلع والناس مناها تشوفو
مرّ على هنا واتحفنى بى معروفو
لك مودتى يابدر الجمال....شعرك جمييل
29-11-2006, 02:40 ص
JAD
.
تاريخ التسجيل: 05-02-2002
مجموع المشاركات: 2402
Re: برق الصعيد (Re: سمية الحسن طلحة)
الأستاذة سمية ..
تحية طيبة،
واسمحي لي أن أرحب بك هنا فقد أودعت ترحيبي في بوست الأخ شيقوق ولكني لم أره ..
مرحباً بك ألف أيها الأخت الفاضلة ..
في منطقتنا نسمي البروق بالقبلي ، العبادي ، البطحاني ، وهذه صادقة الوعد ونادراً ما تخيب الظن ..
أما برق الصعيد فهو كما ذكرت يتميز بسناه الجميل وبريقه الأخاذ .. ولكن للأسف لا يأتينا منه في الغالب إلا الزيفة "القرة" الشديدة ..
ولي طلب عندك" إن كنت تحفظين شيئاً من الأشعار التي قيلت في الشيخ محمود ود زايد أرجو شاكراً أن تتحفينا بها ..
التحية لك مجدداً ..
أخوك
جاد
29-11-2006, 04:16 ص
مجاهد عبد الرحمن
.
تاريخ التسجيل: 30-08-2006
مجموع المشاركات: 251
Re: برق الصعيد (Re: JAD)
أخدر ليه ضل فوقو المحاسن شَرّن
وابلج فاطرو زي برق السواري الكرّن
يتقسم مقاطع في المشي ويتحرن
زي فرخ القطا الأماتو ركن وفرن
( رحم الله عكير الدامر )
شكراً يا سمية على إيقاظ برق الصعيد في البورد عله يأتينا ببعض العبق من النال والباشندي
لك التحية
ولي عودة على الشعفوفة والتعل البشق التيه وأحياناً الناس .
29-11-2006, 11:35 ص
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: مجاهد عبد الرحمن)
أخى/مجاهد
كدى خلينا شويه مع النال والدعاش قبال ماتجبنا شعفوفتك وتعلك..
وهذه اللوحةالتى تفوح أرجامن ود الشلهمة:
أتحليتى بى طيبا وطاك عريس
مرقن فوقك المتحزمات بى الديس
فكن فيك بخور وأتمطرن بى السيس
خلن عاشقن يابسا لهاتو بسيس
ولك التحيه
29-11-2006, 12:10 م
الطيب شيقوق
.
تاريخ التسجيل: 31-01-2005
مجموع المشاركات: 1959
Re: برق الصعيد (Re: مجاهد عبد الرحمن)
Quote: فهل ياترى هناك فرق بين التعليين ؟؟
يا سلام يا بت طلحة هيجتي ذكريات خلدت في ذاكرتي :
التعل يا بت طلحة هو السحابة الزرقاء المتراكمة في اتجاه واحد وعندما تخر شخيتير (راجعي مسدار الحاردلو لمعنى شختير ) اهلنا بيقولوا هلا هلا التعل ده نزل في الحته الفلانية وهم يدركون تماما اين هطلت تلك السحابة .
التعل تاني يا بت طلحة هو تعل النحل المليان عسل . زمان كنا نمشى حظيرة الدندر ومن بعيد الواحد يشوف تعل النحل . نمشى نجيب الدخان ليهو عشان النحل يطير من التعل ونجى نشيل العسل .
شكرا لهذا البوست الرائع
30-11-2006, 03:19 ص
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: الطيب شيقوق)
أخى/الطيب شيقوق
لله درك وانت تصول وتجول فى كل المحاصات
وأنت لها...
قطعا الكلام عن البروق والمطر والتعول يثير أشجان الغرباء مثلنا.
...........................................................................................
بــرّاق الجنــوب بالليـل هـواهـو الطالق
إستـنـشـق دُعاشـو أصبَـح معلـّق وعالق
أنس الليل مع أب خُـلقاً نزيـه مو شالق
بقى هاجسلي والروح للمروق بـتـّالق
...........................................................................................
الليله الصعيد سحـبـو المهضلم زرقـن
يهرف لى الصباح برّاقو شرقاً وغربا ً
ستـــّا ت الصبـــــا المــن الكعــب بنـدرقــن
شايلات جاز وكبريت لى قلوبنا يحرقن
ولكم مودتى
ونواصل........
(عدل بواسطة سمية الحسن طلحة on 30-11-2006, 08:10 ص)
29-11-2006, 11:14 ص
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: JAD)
الأخ/جاد
إسم على مسمى...فقد جدت علينا بتكرار ترحيبك ،وقدلاحظت ذلك فلك الشكر أجزله
كلامك عن البروق والقرة والزيفة خلانا نكتكت...وأضيف لبروقك البرق المكادى.
,أما طلبك ساجيبك عنه فلدى الكثير.
لك مربوع من طه ودالشلهمه فوق البطانة وبروقا:_
براقك مفرقة السحاب لمّاها
حزم المزرة فى لسان الصبيب خماها
مطرك ماهو رشريش الأرض عماها
يابسات الحفاير زردا وتماها
ولك مودتى.
30-11-2006, 03:44 ص
الطيب شيقوق
.
تاريخ التسجيل: 31-01-2005
مجموع المشاركات: 1959
Re: برق الصعيد (Re: سمية الحسن طلحة)
Quote: أخدر ليه ضل فوقو المحاسن شَرّن
وابلج فاطرو زي برق السواري الكرّن
يتقسم مقاطع في المشي ويتحرن
زي فرخ القطا الأماتو ركن وفرن
كنت يا بت طلحة زمان محامي في الدندر وكان طوالى بنادي الغنايين ساعة الفطور في مكتبي عشان اسمع منهم الدوبيت قبل احزم ملفاتي وامشى لجلسات المحكمة . كانت معاى محامية افتتن بها اهل المدينة . شافوها الشعراء في المكتب وقلت ليهم الاستاذة دى ادوها حقها عليكم الرسول .
محمد الفاتح ابو عاقلة كان معانا جاى في زيارة للدندر قال خلونى اقول ليكم :
يا لخلوخة القيف البغمر هيفك
ما اتكرمشتى جسمك في شتاكي وصيفك
انا مرضان بهضرب من ملاقات طيفك
امسى الليلة يضرب في المكاتل سيفك
نواصل
30-11-2006, 03:51 ص
doma
.
تاريخ التسجيل: 04-02-2002
مجموع المشاركات: 3377
Re: برق الصعيد (Re: سمية الحسن طلحة)
يا زوله وحاه ربي حديثك طاعم بالحيل اها هادي قعده
01-12-2006, 06:15 ص
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: doma)
ألأخ/Doma
حبابك عشرة بلاكشرة...إنما حلاوة الحديث وطعمه من زوق مستمعيه ومتذوقيه.
ولو ماشالك الكتف يشيلك الراس
ونحنا الجار والعشير من الكتف لى راسنا
وفى المال والعروض تخشى الملوك من باسنا
وجودك بيننا يسعدنا
ولك التحية والود.
30-11-2006, 03:53 ص
soma
.
تاريخ التسجيل: 14-09-2002
مجموع المشاركات: 1882
Re: برق الصعيد (Re: سمية الحسن طلحة)
اهلى البطاحين جونى بالبروق الجاهرة
من تال الصعيد اب رعودا كافرة
والغيم البهز فوق للضهارى الدافرة
والمطر البنز فى التقاوى الوافرة
يفرهد بطونها متل الغزال النافرة
بت طلحة صباحك لمة قبيلة
فى ضل نيمة و العز بالاهل
اسماء الجنيد / مسقط
01-12-2006, 06:26 ص
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: soma)
أختى الحبيبه/سومة
مرحب بيك ياالسمحةنوارة فريقنا
طلتك حلوة وحديثك حلو...لاتحرمينا منك.
بالحيل باأم عوارض عندى شخصك بيّن
تارنستان مشيك.. فاتر وحيل وهوين
بتذكر محاسنك وقلبى يبقى حنييين
عينى سارفة ذى مزن السماالمتحين
وكل الأشواااق.
30-11-2006, 03:55 ص
أبو الحسين
.
تاريخ التسجيل: 07-11-2006
مجموع المشاركات: 802
Re: برق الصعيد (Re: سمية الحسن طلحة)
Quote: يا لخلوخة القيف البغمر هيفك
ما اتكرمشتى جسمك في شتاكي وصيفك
انا مرضان بهضرب من ملاقات طيفك
امسى الليلة يضرب في المكاتل سيفك
هيييييعع...
سلام أهلي العَرب أهل الكرم والجود...
سلام أهل الفضائل الجَمَّة مالها حدود...
أهل الفزعة في وَكْت الدَبَار مسدود...
أهل الحارة في الويل الضَرَب بارود...
كميات مودتي...
وتسجيل حضور ومتابعة... وتسلمي ست الدار بتنا سمية الحسن...
أبو الحســـــــــــــين...
30-11-2006, 04:33 ص
الطيب شيقوق
.
تاريخ التسجيل: 31-01-2005
مجموع المشاركات: 1959
Re: برق الصعيد (Re: أبو الحسين)
Quote: اهلى البطاحين جونى بالبروق الجاهرة
من تال الصعيد اب رعودا كافرة
والغيم البهز فوق للضهارى الدافرة
والمطر البنز فى التقاوى الوافرة
يفرهد بطونها متل الغزال النافرة
سوما بت الجنيد كيف حالك
عليك الله يا بت القبائل تبقى معانا بجاى بنحس في مساهماتك حنان الاهل وجود الاهل .
نامل ان يكون لهذا البوست لونية خاصة وطعم خاص لا يحسة ولا يتذوقه الا من توطنت في وجدانه ثقافة اهل البطانة واهل البادية وبالتاكيد هم متابعون بشقف لمثل هذه الكتابات .
اطيب المنى
30-11-2006, 05:25 ص
ebrahim_ali
.
تاريخ التسجيل: 05-02-2002
مجموع المشاركات: 2043
Re: برق الصعيد (Re: الطيب شيقوق)
دَنَّـــــاىْ القَفـــــــــــــَارات*ْ البِعرْف العوم
نَقضـــــتَ عليقْتُو بَاكرْْ بيهو قَصْدي شَيوم*
كــــــان سَهَّل علينـــــــا الواحد القيُّـــــــوم
بَشوف بُوْ الكـافي قاعِد ومِنْ وسِطْ مقسوم
القفارات : السهول ، الشيوم : الرحلة إلى ديار المحبوبة
لَيْ تعبنــــاً مطِّـــولْ مِنُّو خِلاي حَابْســــــــُو
جِبتــــــــُو الليلة وتْبوبَحْ ضَرَبْ فوقْ يَابْسـُو
ابو خَداً بيلْمـــــــَع بالــــغضب مــــُو عَابْسُو
مِتْـــــــوطي الحِشـــــــَمْ تُوبْ المَحامِدْ لابْسُو
مَرَقْ مخَلـــوفْتُوْ وقَيت*ْ فُوقُوْ لَشَّق*ْ طَافـــُوْ*
شَدَّيتــــُو ومغَيت ســــــــير القُشاطْ في هَافُو
عَشِيّــــــة رُقَادِي عِند الكامـــــــلات اوصَافُو
افْدَعْ جِيد واهْيـــــــف وعَاليــــــــــَات ارْدَافُو
مرحباً بالشاعرة الفذة المقتدرة بت شيوخ البطانة أهلنا البطاحين مرحباً بيكي وبأشعارك المميزة
ومرحب أخرى بالشاعرة سوما بعد طول غياب
30-11-2006, 12:47 م
الطيب شيقوق
.
تاريخ التسجيل: 31-01-2005
مجموع المشاركات: 1959
Re: برق الصعيد (Re: ebrahim_ali)
Quote: الشم خوخت وبردت ليالي الحره
والبراق برق من منا جاب القره
شوف عيني الصقير بجناحو كفت الفره
حالتا ام خدود الليلة مرقت بره
الحاردلو
نواصل في هذا الموضوع الشيّق ولدينا الكثير عن البرق القبلي والحماري وابو حرقوص وبرق المغربية بصواقعه الحارة وبرق المطر الضحوى عندما يكون السماء منيّل من قدام وكمان البرق ابو فاتحة . هلا هلا يا بت طلحة هيجتي ذكرياتنا .
01-12-2006, 07:10 ص
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: ebrahim_ali)
أخوى /ابراهيم ودعلى
يازول هوووى عووووك...إت شديت وشويمت ساااكت عقبت البراق ده كلو
دحين أنقلب صاد...أدنا خبر ...ولا طارى البراق ده خلاك تطرى الأهل
وتقافينا.
الليله البـريـق حـمـل المُزن في القبلة
وانا فاقد غميدي وليهو مافـيـش سبـلـة
بـتـذكـر ربــوعــاً فـي فنـاهـن عـبـلـة
متجـرِّد من المُـلك العـظـيــم زي جبلة
لك التحية وأنت تمتعنا بهذه اللوحة الرائعة التى تعجز أمهر الفنانين .
نطمع فى تواصلك معنادوما.
01-12-2006, 06:45 ص
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: أبو الحسين)
أبوالحسين حبابك...اب عقبا زين حبابك آلاف
حبابك ياالكريم أصلك عزيز تيرابك
حبابك والصنودتعملك حساب وتهابك
الراى والفهم دارسنو فى محرابك
يااب عرضا موفر ومو مقصر دابك.
تشرف وتنور
30-11-2006, 02:53 م
أحمد الشايقي
.
تاريخ التسجيل: 08-08-2004
مجموع المشاركات: 4374
Re: برق الصعيد (Re: سمية الحسن طلحة)
بت الشيوخ
سمية الحسن طلحة
تحيات غامرة وأنت تأتينا بشيخ العرب شيقوق يؤل أحاديثم ما غرب منها وما بعد
وتأتينا بالحديث المرقرق الحواشي من عكير الدامر وغيره من فحول البطانة
سأعود ساعـت شعر وفي الخاطر الكثير
لك ما طاب
أحمـد الشايقي
30-11-2006, 03:11 م
الطيب شيقوق
.
تاريخ التسجيل: 31-01-2005
مجموع المشاركات: 1959
Re: برق الصعيد (Re: أحمد الشايقي)
Quote: وفي الخاطر الكثير
عزيزي احمد انا اعلم في الخاطر الكثير فهلا جدت لنا ولو بنذر يسير منه؟
لك مودتى
اخوك
شيقوق
30-11-2006, 04:14 م
abubakr
.
تاريخ التسجيل: 22-04-2002
مجموع المشاركات: 1844
Re: برق الصعيد (Re: سمية الحسن طلحة)
الطيب شيقوق
Quote: نواصل في هذا الموضوع الشيّق ولدينا الكثير عن البرق القبلي والحماري وابو حرقوص وبرق المغربية بصواقعه الحارة وبرق المطر الضحوى عندما يكون السماء منيّل من قدام وكمان البرق ابو فاتحة
ات تواصل وين وين ؟؟ ات وين رحلة عمرك ؟ وين مشوار سنينك؟؟ سويت فيهن شنو وقاعد زيارات في البوستات ؟ ات شغال في شركة الكهربا ؟ بجمع فواتير ؟ بكان مافي ضو ولمبة ملبقة القاك متحكر ؟ ارجع الي نهرك الجاف وقرودك في الغابة ؟
01-12-2006, 05:47 ص
أحمد الشايقي
.
تاريخ التسجيل: 08-08-2004
مجموع المشاركات: 4374
Re: مجادعة مع عكير الدامـر (Re: سمية الحسن طلحة)
Quote:
أخدر ليه ضل فوقو المحاسن شَرّن
وابلج فاطرو زي برق السواري الكرّن
يتقسم مقاطع في المشي ويتحرن
زي فرخ القطا الأماتو ركن وفرن
حاضـر , أخي شيقوق
كدي شــوف دي,
أخـدر ليهـو ربّـات المحاسـن قـرّن
حازمـو الدّيس ومفتول من نصيصـو مقرّن
يتضلّع يخـازز يـوم قـدل واتقـرّن
طـالق فوقي نيران الخشـوش الـ ورّن
ود الشايقي
01-12-2006, 06:30 ص
الطيب شيقوق
.
تاريخ التسجيل: 31-01-2005
مجموع المشاركات: 1959
Re: مجادعة مع عكير الدامـر (Re: أحمد الشايقي)
Quote: يتقسم مقاطع في المشي ويتحرن
زي فرخ القطا الأماتو ركن وفرن
أخـدر ليهـو ربّـات المحاسـن قـرّن
حازمـو الدّيس ومفتول من نصيصـو مقرّن
يتضلّع يخـازز يـوم قـدل واتقـرّن
طـالق فوقي نيران الخشـوش الـ ورّن
كتر لينا من العينة دى يا ود الشايقي الجميل
(عدل بواسطة الطيب شيقوق on 01-12-2006, 06:52 ص)
01-12-2006, 06:41 ص
الطيب شيقوق
.
تاريخ التسجيل: 31-01-2005
مجموع المشاركات: 1959
Re: مجادعة مع عكير الدامـر (Re: الطيب شيقوق)
Quote: ات تواصل وين وين ؟؟ ات وين رحلة عمرك ؟ وين مشوار سنينك؟؟ سويت فيهن شنو وقاعد زيارات في البوستات ؟ ات شغال في شركة الكهربا ؟ بجمع فواتير ؟ بكان مافي ضو ولمبة ملبقة القاك متحكر ؟ ارجع الي نهرك الجاف وقرودك في الغابة ؟
يا ابا بكر وين وين وين ذكرتنى عمنا ابراهيم شيقوق - يطول عمره - فقد التركيز وبقى يتكلم ساى . عندنا عمتنا فاطمة بت شيقوق حنيييييييينة كلما تتذكر اخوانها الماتو وهم ( الطيب - وعبد الغنى - والرضى - عثمان) تبكى براها وهم ماتوا قبل عشرين سنة .
اها يا ابا بكر عمنا البيتكلم ساى ده جننها عديل بقى كل يوم يجيها بعد تعمليهو القهوة ويشرب يجى مودعها بيقول ليها ( فاطنة يا اختى الدنيا دى ما فيها خير وين طيبك ووين عبد الغنيك ووين رضيك ووين عثمان ) تبكى المسكينة وتجرى يمين وشمال لحدى نجى نسكتها.
01-12-2006, 07:06 ص
abuguta
.
تاريخ التسجيل: 20-04-2003
مجموع المشاركات: 3552
Re: مجادعة مع عكير الدامـر (Re: الطيب شيقوق)
برق الفارة شلع من جنائن الدوحة
من البطانة جاتنى.. نمة قلوب منشرحة
البورد تنسم بالقوافى الجميلة الصرحة
طاب بيييك المقام.... بابت الحسن طلحة
(عدل بواسطة abuguta on 01-12-2006, 07:08 ص)
01-12-2006, 07:24 ص
abuguta
.
تاريخ التسجيل: 20-04-2003
مجموع المشاركات: 3552
Re: مجادعة مع عكير الدامـر (Re: abuguta)
برق الفال لمع..والقمرى سوى القوق
ذكرنى شرق رفاعة, تنبول ويوم السوق
انا من عرب ابقوتة..ياالطيب شيقوق
عاشق خريف البطانة..وحنين النوووق
01-12-2006, 07:39 ص
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: مجادعة مع عكير الدامـر (Re: أحمد الشايقي)
الأخ/الكريم/ ودالشايقى
طعمت الدار بى حديثك...ياأخوى سلامتك تبرا من النيران.
انا عندى اخير لنا براقنا ده كان يجيب لنا مطرا يطفى( نيران الخشوش الورن) دى.
وهاك دى من عكير الدامر:ـ
عهدنا بيك كنداب حربةمابتشلخ
وعفدة عين جبل ملويةمابتتفلخ
كان ايدينا فيك من المسك تتملخ
السما ينتكى وجلد النمل يتسلخ
لكم التحيةونرجو كرمكم كما عهدناكم.
01-12-2006, 07:14 ص
abubakr
.
تاريخ التسجيل: 22-04-2002
مجموع المشاركات: 1844
Re: برق الصعيد (Re: سمية الحسن طلحة)
Quote: كتر لينا من العينة دى يا ود الشايقي الجميل
يالطيب ..يكتر ليك من شنو ؟ ما قلنا ليك رطانة ودايريون نعرف الدوبيت شنو ؟؟؟ بعدين ات مالك والشايقية ات ما قت عرريب وبدوي ؟؟
01-12-2006, 08:06 ص
معتصم الطاهر
.
تاريخ التسجيل: 26-11-2004
مجموع المشاركات: 2026
Re: برق الصعيد (Re: سمية الحسن طلحة)
لاح لى من بعيد سحاباً فَضَح برّاقو
طَرّانِى ضحكة الزول الصعيبة فراقو
حرّق القليب وشتت بقية اوراقو
هيج النفوس الكانو تابو وراقو
01-12-2006, 09:21 ص
الطيب شيقوق
.
تاريخ التسجيل: 31-01-2005
مجموع المشاركات: 1959
Re: برق الصعيد (Re: معتصم الطاهر)
ابو بكر اخوي حبابك بالأصول ياأفندى
وارث للعلم ماك الجديد جربندى
نسام أم خدود لافح بدور جرقندى
الفاروق فزع (مدودر) جناين شندى
01-12-2006, 10:44 ص
abubakr
.
تاريخ التسجيل: 22-04-2002
مجموع المشاركات: 1844
Re: برق الصعيد (Re: سمية الحسن طلحة)
Quote:
نسام أم خدود لافح بدور جرقندى
يا صاحبة الدار ويا جماعةالخير ... اشرحولي الذي تحته خظ ..
01-12-2006, 12:44 م
الطيب شيقوق
.
تاريخ التسجيل: 31-01-2005
مجموع المشاركات: 1959
Re: برق الصعيد (Re: abubakr)
Quote: يا صاحبة الدار ويا جماعةالخير ... اشرحولي الذي تحته خظ ..
واحد يشرح للزول ده مافي . انت مالك ومال البرق انتو سباليك في بيوتكم مافي . والله بيوتكم بتاعة حلفا دى لو عندنا هنا في الصعيد مطرة ضحوية واحدة تلحقكم تسونامي .
01-12-2006, 02:18 م
abubakr
.
تاريخ التسجيل: 22-04-2002
مجموع المشاركات: 1844
Re: برق الصعيد (Re: الطيب شيقوق)
Quote: انت مالك ومال البرق انتو سباليك في بيوتكم مافي
هوي ات الابالة و اللقيعة ما عرفتههن وانا"من الناطقيين بغير العربية " وعارفهن ؟؟
بعدين ان ود سكة حديد من تسني الي كوستي وتندلتي والحمرة وجبل دود وسنار والجيلي والنمر والابيض وكسلا وووووووووووووووووووومحطات كثيرة وبراق عمرك ما شفتو..؟؟
دحين لو الجماعة دييل سمعو كلامك ياها جاهم تسونامي برابرة؟؟؟
01-12-2006, 02:54 م
الطيب شيقوق
.
تاريخ التسجيل: 31-01-2005
مجموع المشاركات: 1959
Re: برق الصعيد (Re: abubakr)
Quote: بعدين ان ود سكة حديد من تسني الي كوستي وتندلتي والحمرة وجبل دود وسنار والجيلي والنمر والابيض وكسلا وووووووووووووووووووومحطات كثيرة وبراق عمرك ما شفتو..
؟؟
شتان ما بيني وبينك انت ود سكة حديد من تسني لحلفاء ووقت تكون مسافر تذكرتك نوووووووم وانا عمري كلوووو مسطح فوق في القطر ومرات اقع من فوق بين ال Vacums. اي هم للسودان انتم تدركون واى معاناة للغلابة انتم تعلمون امشى كده يا ود المصارين البيوض .
01-12-2006, 04:14 م
abubakr
.
تاريخ التسجيل: 22-04-2002
مجموع المشاركات: 1844
Re: برق الصعيد (Re: الطيب شيقوق)
Quote: شتان ما بيني وبينك انت ود سكة حديد من تسني لحلفاء ووقت تكون مسافر تذكرتك نوووووووم وانا عمري كلوووو مسطح فوق في القطر ومرات اقع من فوق بين ال Vacums. اي هم للسودان انتم تدركون واى معاناة للغلابة انتم تعلمون امشى كده يا ود المصارين البيوض .
قطر الاكسبريس بيكون فيه عربية نوم واحده يعني اقل من عشرة قمرات فلو كلو واحد ابوه شغال في السكة حديد يركب درجة نوم بعدين السكة حديد كلها حتكون نايمة والقطارات واقفة فحتسافر انت مسطح كيف ؟؟؟
01-12-2006, 04:20 م
الطيب شيقوق
.
تاريخ التسجيل: 31-01-2005
مجموع المشاركات: 1959
Re: برق الصعيد (Re: abubakr)
بعدين السكة حديد كلها حتكون نايمة والقطارات واقفة فحتسافر انت مسطح كيف ؟؟؟
نعست انت ولا شنو يا بابا ؟
(عدل بواسطة الطيب شيقوق on 01-12-2006, 09:24 م)
03-12-2006, 08:28 ص
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: abubakr)
أشرح مايلى خليها غنوة الطيب الهينة دى يمكنك الإستعانة بصديقك ( الطيب )
جاك الليل دحين فـج وانقـفـط ياالرّاو
هسالك جرّو اردح وفــــارق الهـرّاو
أنس الليــل مـع المــاربـربــت جـرّاو
وطــّاك حـيّــة الشــــق والحجر مراو
02-12-2006, 08:24 ص
JAD
.
تاريخ التسجيل: 05-02-2002
مجموع المشاركات: 2402
Re: برق الصعيد (Re: سمية الحسن طلحة)
الأخت الرائعة سمية الحسن طلحة ..
التحية والتقدير .. وفي انتظارك
اقترح أيها الأحباب ذكر قائل المسدار حتى يسهل التوثيق وتحفظ الحقوق ..
قال الأخ أبو قوتة:
Quote: برق الفارة شلع من جنائن الدوحة
من البطانة جاتنى.. نمة قلوب منشرحة
البورد تنسم بالقوافى الجميلة الصرحة
طاب بيييك المقام.... بابت الحسن طلحة
قلت ليهو قول:
برق الفارة شلع من ثنيات صلالة الفخمة
ومن وعر البطانة نمت صدور منشرحة
البورد ابتسم وهلل جاد بالقوافى السمحة
وبيك طاب المقام يا الرايقة بت ود طلحة
يا أبو قوتة إنت شقق وأنت بكتل ليك ..
ودي لكم جميعاً ..
جاد
02-12-2006, 08:48 ص
أحمد الشايقي
.
تاريخ التسجيل: 08-08-2004
مجموع المشاركات: 4374
Re: برق الصعيد (Re: JAD)
الاخت الكريمة سمية الحسن طلحة
شكرا على الدعوات الصالحات وهذه مجادعـة مع
ودشوراني وموضوعها برق الصعيد لأني من جهة الصعيد والباجـة من جبال اب رادعة وغرب,
لك التحيـة,
شلع برق الصـعيد قال للمِزن هـاك- ســو
وقطع الضهـري في ام لمّاع حسيسـة (عـو)
قــدل الضّحـوي بي ريـقـانو كاتــم الجّـو
ورتـع أب شايـة خوجـل في التّبـر والقــو
ود الشايقي
(عدل بواسطة أحمد الشايقي on 02-12-2006, 10:05 ص)
02-12-2006, 10:51 ص
Yahia Abd El Kareem
.
تاريخ التسجيل: 26-02-2005
مجموع المشاركات: 336
Re: برق الصعيد (Re: أحمد الشايقي)
يابت الحسن ...نحنا راجينك فى" مسادير الى ما شاء الله " وانتى عمرت التاية فى دار البطانة
على كل نحنا مع نسام البادية اينما هب ....
حدثت مجادعة حرة بين فحلين من شعراء البادية هاكم طرفا منها :
قال محمد ود احمودة شاعر الفادنية :
رويان موية زين ماكل درة ومتعافى
بليدن غادى كان ماتكون وشيكاشافى
بت اللى نعيلات النطح متلافى
يبرد فى البطين لى لى سعدو دافى
رد عليه الشيخ الحاردلو قئلا :
اجمع فى الرزق شان لى رضاهن افافى
كترت ومسخ واتعاجزت عرافى
قدر ما ادى مظنونى مانى مكافى
غير متاسف الياخدنو كله عوافى
03-12-2006, 00:21 ص
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: Yahia Abd El Kareem)
الأخ / يحي عبدالكريم .
مايفقدوك في شينة انشاء الله تسأل منك العافية
اتا ماناسية المسادير . اياها بدايتي الختيت فيها تايتي والله
أنا براي متقريفة ليها وماببقى براها ومابفارقها تب خليني
أشوف آخر البرق دا يمكن البطانة تمطر .
برقِك قلـَّع السارية أم صبيبا ســاح
وتعّـالك كتـَم من الهـواء اللفـاح
رعـدك رَزّ في المطرة التقيلة وقاح
وهجـك لاقى شمس الغيبة باكر زاح
03-12-2006, 00:25 ص
abuguta
.
تاريخ التسجيل: 20-04-2003
مجموع المشاركات: 3552
Re: برق الصعيد (Re: Yahia Abd El Kareem)
Quote: يا أبو قوتة إنت شقق وأنا بكتل ليك
والله ياجاد شقق دى بقت ما مستخدمة حتى فى مودرة الحطب اى شىء بقى يجى مشقق..حتى بكتل دى غنايها مات لكن الليلة ذكرتنى سوق النسوان فى ابقوتة ..طلح و شاف , تباريق ,نطع سمن فى الجوالين والقزاز..قروش مكرفسة فى المحفظة.. وجنبو سوق الحمام والجداد..ولما تكون فى مطرة اى دلالية بتكون فارشة فى مكان تانى...حليييلك يازمن..اما الشقيق فى الحش..دا شيتنا تانى نحن عرب جزيرة ساى شغلنا كلو سرراب..وكسير دراب..
لكن كدى اكتل دى
برق الصعيد جاب لى هبايب من جاى
ذكرنى البريدو وقعدة.. الدوباى
قارقت اللغيبش الفى الدواب جراى
وبقيت زول مدن... لا نمة لا شاشاى
ويينك يابت طلحة ملكة الدوبيت....
الطيب شيقوق ذاتو مو عاوز يرد علينا ساكى ليه رطانى ..لما وقع دامتو
لكن ابو بكر دا عندو حاجات كتيرة مخزنة...يذكرنى بكتابات الوحش عثمان محمد صالح
الاديب الحلفاوى البلغارى من ناس الزمن الجميل...يكتب الادب مثل همهمات عمال الدريسة
لكن انا بقيف عند هولاء..القادمين الجدد..كل واحد مدرسة بذاتو
الطيب شيقوق, ابو بكر سيد احمد .فاروق..ود جبرا...بنت الحسن طلحة..مولانا عادل
ديل جونا جامعيييييين ...بمعنى جاهزين خلاص...
ولقدام
(عدل بواسطة abuguta on 03-12-2006, 00:56 ص)
(عدل بواسطة abuguta on 03-12-2006, 06:42 ص)
03-12-2006, 03:42 ص
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: abuguta)
ألأخ الكريم/اب قوتة
مااااتلومنى كان كاتمة الكلام أزمنت
بنقد فى القوافى السمحة ماأتجابنت
والله أنا طارى ابقوتة ده بالحيل بتور على الحسس المدفون(المحرات بتور المدفونة)
وزميلاتنا فى رفاعة الثانوية من أبقوتة...والله أيام يازمان
الليلة نضميك ده متل برق الصعيدطلق على دعاشو
حسيت منو رحل العنقريب بفراشو
دحين آخوى إتو شققو واكتلو ونحنا علينا الكديب...والتقا بنلمها سوا
والله أمس كنا بنشرح لى أولادنا فى نفس العبارات دى.
ودمتم معينا من المعرفة لاينضب
بت طلحة
03-12-2006, 06:22 ص
الطيب شيقوق
.
تاريخ التسجيل: 31-01-2005
مجموع المشاركات: 1959
Re: برق الصعيد (Re: سمية الحسن طلحة)
Quote: دحين آخوى إتو شققو واكتلو ونحنا علينا الكديب...
بت طلحة خوفتيني عديييييييييل الكلام ده لقيتيهو وين ؟
زمان انا كنت بشقق وابوى طوالي ناهرني من الشقيقة الكبيرة وكنت بقصدها عشان ما يحلقونى في الكتل وكنت ظلات في القش كمان .
03-12-2006, 07:06 ص
Yahia Abd El Kareem
.
تاريخ التسجيل: 26-02-2005
مجموع المشاركات: 336
Re: برق الصعيد (Re: الطيب شيقوق)
فوق ياودشيقوق...اظنك نشلت الموية من البير ايام الافراح والبوش...وكمان دخلت بى غنمك
الدهسير وجمعت الربل من الخلا وطاردت القطا من حصا المقابر...وذاك تاريخ ابيض واصيل ...
نعود ان شاء الله مع نسام بت الحسن الى ان تمطر البادية وتملا الميعة والهواد...
03-12-2006, 10:36 ص
الطيب شيقوق
.
تاريخ التسجيل: 31-01-2005
مجموع المشاركات: 1959
Re: برق الصعيد (Re: Yahia Abd El Kareem)
Quote: فوق ياودشيقوق...اظنك نشلت الموية من البير ايام الافراح والبوش
يا ريت يا بت طلحة انا نشلتها من الجمامة ( الجمام ما عندكم انتو وهي لما النهر مويتو تنشف في الصيف ممكن تحفر اى حفرة بيدك ساى تجيب موية واصل الكلمة من جم يجم على وزن فلّ يفل ولا ايش رايك انتى شاطرة في اللغة العربية )
سمية زمان انا في الثانوي بدرسونا معلقة زهير ابن ابي سلمى وكنت ما بتنكر لبيئتنا اصلا . اها اليوم داك الاستاذ بيشرح في بيت في المعلقة بيقول :
رعوا ظمأهم حتى اذا تم اوردوا ..... الخ
الاستاذ يشرح سااااااااى لاولاد البندر عن غب الابل ووردة الابل طوالى نططت عيني للاستاذ ورفعت يدى فوق استاذ استاذ استاذ قال لى شنو يا العريس كنت معرس قلت ليهو ما تتعب الشاعر بيقصد الضمي والضمي عندنا يوم وردة الابل بعد تغيب ثلاث ايام . اولاد البندر قالوا لى ما فاهمين قلت ليهم اتسود خطوتكم واشوقكم للرحيل وخلفة المحوية ( الزبير بعرف الخلفة وحلاتها مع الخبة في جمل بشاري دوماتو خارة ) وتنم معاها نمة حلوة وسوطك مدلدلة سااااااااااى في بطن الجمل .
تقول
ود الحوري من كان سمينا ملجة
يبس دورو بالبركة ورقاد الدلجة
رقاد المراتب والبرش الضفيرتو العلجة
منو ابعدنا للكباشي بلد ام فلجة .
نواصل
04-12-2006, 11:12 ص
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: الطيب شيقوق)
ا لجمام من جم اوجاد بالشى...نقول مثلا فضائل جمة اى كثيرة
أما عن الشرب:ـ
اليوت : هو الشرب اليومى
الغب : هو الشرب يوم بعد يوم
وقالت البنت ترثى والدها:ـ
ديمة سواتك فوت
يامقنع البنوت
نارك ما بتموت
ووجعك مابغب يوت
اما الضمى فهو على نحو ماذكرت
ونواصل
04-12-2006, 11:23 ص
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: سمية الحسن طلحة)
اما عن سير الجمال فهو انواع: يكربت ويربع والخبيب والشبيب كما ذكر الشيخ عبد العزيز
فى هذا المربوع،وخرير الدومات
أخد العاصي دودبي المشيـهــو شبيـب
النال حازمو والشق تحتو فـيـهـو دبيب
تذكــار البقـول لى أمّــو جـانـا حبيب
خـلا حــروت قـماقـمـك إنتـرنو كبيب
ونواصل
04-12-2006, 11:28 ص
abubakr
.
تاريخ التسجيل: 22-04-2002
مجموع المشاركات: 1844
Re: برق الصعيد (Re: سمية الحسن طلحة)
Quote: أشرح مايلى خليها غنوة الطيب الهينة دى يمكنك الإستعانة بصديقك ( الطيب )
جاك الليل دحين فـج وانقـفـط ياالرّاو
هسالك جرّو اردح وفــــارق الهـرّاو
أنس الليــل مـع المــاربـربــت جـرّاو
وطــّاك حـيّــة الشــــق والحجر مراو
يالطيب .. هدنة ؟ زي اتفاقية البقط ...تحل لي العجمي اللي فوق دة وانا اسامحك عن رحلتك ومشوار سنينك ونهرك العبرتو وهو جاف ...؟؟ انا غايتو عرفت "الليل" و"الشق" و"الحجر " .. نحن الرطانة ما ادونا ادفانسد كولوكيوال ارابيك زي دة ؟؟؟
وتقولو برابرة برطنو .. في ذمتكم البنية دية كلاما دة الفرق بينو و بين " اقدن مل فقن مل " شنو ؟؟؟
04-12-2006, 02:56 م
الطيب شيقوق
.
تاريخ التسجيل: 31-01-2005
مجموع المشاركات: 1959
Re: برق الصعيد (Re: abubakr)
Quote: في ذمتكم البنية دية كلاما دة الفرق بينو و بين " اقدن مل فقن مل " شنو ؟؟؟
انا قلت ليك يا رطاني يا اعجمى لا تسالوا عن اشياء ان تبدو لكم ....
انت بس الله ابتلانا بيك الله يصرفك مننا ويخلينا نتضرع برانا في بطانة ابو على وحسان دى .
04-12-2006, 04:30 م
معتصم الطاهر
.
تاريخ التسجيل: 26-11-2004
مجموع المشاركات: 2026
Re: برق الصعيد (Re: سمية الحسن طلحة)
عفوا للدخول بين الغنوة ونمّتها
كنت أظنه بوست للجميع ...
05-12-2006, 00:57 ص
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: معتصم الطاهر)
لاح لى من بعيد سحاباً فَضَح برّاقو
طَرّانِى ضحكة الزول الصعيبة فراقو
حرّق القليب وشتت بقية اوراقو
هيج النفوس الكانو تابو وراقو
{ عفوا للدخول بين الغنوة ونمّتها
كنت أظنه بوست للجميع ...
..........................................................................................
أخى الكريم/معتصم الطاهر
والله العظيم ثلاث والله على ما أقول شهيد انا الآن فتحت البوست ده مخصوص للرد
عليك وعلى مجادعتك دى ...ولكن للأسف الشديد (سبق السيف العذل)
وعتابك ده يدل على كرم أصلك ونبل أخلاقك،أهلك العرب قالوا( الما دارك ما لامك)
ونحنا دايرنك ومابنبقى براك...فلك العتبى حتى ترضى
وياجماعة الخير أفزعونا ياناس الشايقى و منصور واب قوته وكلكم..كل واحد يجيب نمة فوق المعتصم ده حتى يرضى عننا ويجى ودشيقوق يحلف طلاق بالتلاتة معتصم يرجع.
05-12-2006, 01:59 ص
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: سمية الحسن طلحة)
والله ياالمعتصم غيبت لينا البرج فى راسنا
يا من لك أصـل عريق ضارب
كم ان لى حـس دقيق صـائب
وكم ان لى لفظ فصيح معرب
انماأضحى الكلام من أمامى يهرب
ويضـيع منى فى فـضـاء غـيـهـب
فهلا تقبل إعتذارنا وتعود حاملا نمك ...الا يصعب عليك فراقنا؟؟؟
نأمل ونتعشم بل ونطمع فى كرمك... فإنه والله ليعز علينا فقدك.
(عدل بواسطة سمية الحسن طلحة on 05-12-2006, 05:13 ص)
05-12-2006, 02:41 م
معتصم الطاهر
.
تاريخ التسجيل: 26-11-2004
مجموع المشاركات: 2026
Re: برق الصعيد (Re: سمية الحسن طلحة)
Quote: سمية الحسن طلحة:
ونحنا دايرنك ومابنبقى براك
زولك و برضو ما ببقى بلاك
لأنَّك فرضو و بالقليلة ملاك
الهجر أرضو بالدمِع بلاّك
كالكشَف عرضو بالجمُر ملاّك
05-12-2006, 04:54 م
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: معتصم الطاهر)
جبرت الخواطر لبيت ندا الناداك
رضيت الجميع انشاء الله ما نختاك
مابترضى الهجر كشف العروض حاشاك
خلينا ان نجر النـمـة سـوى مـعاك
05-12-2006, 04:57 م
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: معتصم الطاهر)
جبرت الخواطر لبيت ندا الناداك
رضيت الجميع انشاء الله ما نختاك
مابترضى الهجر كشف العروض حاشاك
خلينا ان نجر النـمـة سـوى مـعاك
شكرا لك أخ معتصم والعود أحمد
05-12-2006, 01:19 ص
abubakr
.
تاريخ التسجيل: 22-04-2002
مجموع المشاركات: 1844
Re: برق الصعيد (Re: سمية الحسن طلحة)
Quote: انت بس الله ابتلانا بيك الله يصرفك مننا ويخلينا نتضرع برانا في بطانة ابو على وحسان دى .
قالو رطانة عنصريين ...اها منو العنصري ؟.. اربعين سنة في خشم القربة السماها مقدود مع ناس البطانة ما علمونا ولا "نمة" والحوالينا منهم علمناهم يلعلعو برطانتنا ( لغات اجنبية)... بالمناسبة "نمة" يعني شنو ... ؟؟
يعني زي " نمتي الضواية" ...؟
05-12-2006, 04:11 ص
الطيب شيقوق
.
تاريخ التسجيل: 31-01-2005
مجموع المشاركات: 1959
Re: برق الصعيد (Re: abubakr)
يا زول البوست ده ما تجيهو غير شايل دكشنريك في جيبك
اخلي بت طلحة تشرح ليك النمة بس افهم انو احلى انواع النمات هى تلك التي يعمد المنم ( بضم الميم وكسر النون ) على وضع مصبع السبابة في اذنه اليمين واتلولح معاها ونفسو قائم ومدنقر ( مدنكر تعنى مسهي لتحت او بمعنا اخر بعاين ل########## من شدة طربه بالنمة )
وفي رواية اخرى احلى النمات عند الملمات الا ان هذه الرواية لم تجد قبولا عند جمهور خيمة الحاردلوا ود امنة وود شعيت وود الشوبلي ومحمد بابكر الدرويش وهولاء يرجحون ان اطيب النمات هى عندما يكلف صبية البادية للذهاب بجمالهم البشارية لمعرفة المحلات المخرفة او خريفها دندنة ( الدندنة الخريف البتكون بهائمه دفرة وعقلة) والدفرة والعقلة هي شبع البهائم في فد محل ( فد تعنى محل واحدة ) دون الحاجة الى قطع المسافات بحثا عن التبر والحنتوت ( وديل من افضل انواع النباتات للرزق ( الرزق هنا تعنى الانعام يا رطاني )
اها لما الصبية يجوا راجعين لاهلهم يخبروهم بمحل الخريف الدندنة ده بيكونوا مبسوطين بجوا راجعين اما خبة معاها نمة قد تكون النمة في حبيبة او في الخريف ذاتو او تكون الرجعة كربته والكربته دى بتقطع الشراشيف .
نواصل
05-12-2006, 04:34 ص
abubakr
.
تاريخ التسجيل: 22-04-2002
مجموع المشاركات: 1844
Re: برق الصعيد (Re: الطيب شيقوق)
Quote: تكون الرجعة كربته والكربته دى بتقطع الشراشيف .
انا استاهل .. شن جابني هنا ..؟؟ اخير لي الملايالم المعاي هنا اهو " ويلم " يعني "موي" اما"كربته والكربته" دي ما ليها قاموس ولا في الامزون ... تتقسحو في جني الرطان ساي .. اها باباي من مضاربكم نمو ( بكسر النون مش كدة يالطيب) برايكم ...
(عدل بواسطة abubakr on 05-12-2006, 01:13 م)
05-12-2006, 05:04 م
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: abubakr)
{اها باباي من مضاربكم نمو)
ياابوبكر نحنا ماصدقنا معتصم رجع تودعنا انت... (تعال صاد)
دى زى حكابة ملكين فوق ككر ده غاب وده حضر (دى دايرة شرح؟)
05-12-2006, 10:37 ص
Elmosley
.
تاريخ التسجيل: 14-03-2002
مجموع المشاركات: 16802
Re: برق الصعيد (Re: سمية الحسن طلحة)
مبروك يالاهل.. الليله جات بت طلحه
سكر في السلام ماها البخيله المِلحه
رضاية النفوس البيك... بقت مُنصلحه
بي شاف الكلام.. فاحت هديك من طلحه
(عدل بواسطة Elmosley on 05-12-2006, 10:38 ص)
05-12-2006, 05:17 م
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: Elmosley)
ترحـب ديارنا الوسـيعة وبـرحة
بـمـلك الفنون والسجايا السمحة
خـريف الأرض فى السنين الكلـحة
لـوجودك معانامـا بتسعنا الفرحة
مرحبا بالموصلى
حللت أهلا ونزلت سهلا
05-12-2006, 10:50 ص
nourelhadi awad
.
تاريخ التسجيل: 24-10-2006
مجموع المشاركات: 164
Re: برق الصعيد (Re: سمية الحسن طلحة)
بت البلد
سلام عليكم
من يشبهنا
لا افتري لكنها الحقيقة والتي فقط نعرفها نحن
اختي سمية
متى يعرف الاخر
من يوثق هذا التراث البحر
اني استمع واقرأ... لكم الود
نورالهادي
05-12-2006, 05:34 م
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: nourelhadi awad)
وعليكم السلام أخ/ نور الهادى
لاأحد يشبهكم ولسان حالكم يقول:ـ
انا البركب على الدقـن سناب
انا الملهوف غريب باقيلو كاب
انا الخلقونى لى يوم الخـراب
انا اب فزعا قريب متل السحاب
فلنتعاون لتوثيق هذا التراث
05-12-2006, 05:45 م
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: سمية الحسن طلحة)
ياجماعة الخير بتعرفوا التخا والدهاريب؟
لعل هذا المربوع الذى يخاطب البطانة يسهل عليكم الأمر:ـ
نسيتى زمانك والمحلة الجنينا طرابا
نسيتى ترزم السارية ام تخا ودهرابة
نسيتى معاقل النوق الرتوع وشرابا
نسيتى أخوان عنيبة..مدرقة مى حرابة
ونواصل تحت الدهاريب والبروق.
09-12-2006, 12:57 م
الطيب شيقوق
.
تاريخ التسجيل: 31-01-2005
مجموع المشاركات: 1959
Re: برق الصعيد (Re: سمية الحسن طلحة)
Quote: نسيتى زمانك والمحلة الجنينا طرابا
نسيتى ترزم السارية ام تخا ودهرابة
نسيتى معاقل النوق الرتوع وشرابا
نسيتى أخوان عنيبة..مدرقة مى حرابة
ونواصل تحت الدهاريب والبروق.
المحلة هى المحل التي لا ينبت فيها نبات واسعد المزارعين من يجد بلاده امحلت لا ينبت عليها الا الذرة او السمسم .
ترزم السارية هو كرير المطرة الليلية -
كان لاحد المزارعين ثلاثة اولاد وعندما حل زمن الخريف ارسل اى منهم لجهة ليزرع فيها بعيد عن منطقتهم . وبعد نهاية الخريف حضر ثلاثتهم بعد ان لموا مسورهم ( المسور هو الانتاج يا ابا بكر) الاب سال الاول اها يا ولدى قبل توريني انتاجك انت محل مشيت مطركم شنو؟ قالو يابا مطرنا ظهري او ضهري الاب قال ليهو انتو صفقتوا ( يعنى انتاجكم شوية) سأل التاني اها يا ولدى انتو شن مطركم ؟
قالو يابا نحن مطرنا ضحوي ابوه قال ليهو ووب ووووب انتو بورتوا( البور هو غلبة الغش للعيش او السمسم) سال الولد التالت قالو اها ياولدى انتو شن مطركم الولد شنق الطاقية فوووووووق قالو يابا نحن مطرنا ليلي يعنى ( السارية ام تخا ودهرابة البتعنيها بت طلحة في قصيدتها دى) ابوه قال ليهو انتو يا ولدى قطع شك عيشتوا ( يعنى انتجتوا خيرا وفير)
سنواصل حول اسباب تفسير الوالد لهذه الحالات .
(عدل بواسطة الطيب شيقوق on 09-12-2006, 11:46 م)
09-12-2006, 02:30 م
abubakr
.
تاريخ التسجيل: 22-04-2002
مجموع المشاركات: 1844
Re: برق الصعيد (Re: سمية الحسن طلحة)
Quote: ترزم السارية هو كرير المطرة الليلية -
دي لغة شنو المابتتقري الا بترجمة مرافقة لكل كلمة وسطر فيها بلغة اخري ...؟
الطيب ات وملكة الدوبيت بتحتاجو تدخلو كورسات لغة عربية خصوصي وانا حاكون المدرس ..لازم اعلمكم لغة علي اصولها مافيها تورية ولا الحاجات الكتيرة البتلخبت المعني ... انتو ما درسوكم "طلع .. نزل .. شرب .. اكل .. " بس .. حاجات بسيطة وكفاية ..اصلو انتو لا صنعتو ولا حتصنعو موبايل بكميرا ولا حتي من غير كاميرا اهو لغة لزوم الحكي فبالله لازم تحضروا الكورس وهو مجاني والفطور علي فاست فوود ....
قال كرير المطر ؟؟ شو هذا ؟؟
(عدل بواسطة abubakr on 09-12-2006, 02:35 م)
09-12-2006, 03:15 م
الطيب شيقوق
.
تاريخ التسجيل: 31-01-2005
مجموع المشاركات: 1959
Re: برق الصعيد (Re: abubakr)
Quote: قال كرير المطر ؟؟ شو هذا ؟؟
ابو بكر عليك الله تختاني ( تختاني معناها keep away from me pls )
12-12-2006, 02:50 ص
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: الطيب شيقوق)
شيخ العرب/ ودشيقوق
لا فض فوك....فقد وفـيت وكفيت...تحية خاصة موصولة لك من الشيخ عبد الرحمن الشيخ على
ود الشيخ القرشى ود الزين...وهو يقول لك كلامك صحيح علمياً وأدبياً...فالزروع التى تروى
ليلاً تنمو بصورة أفضل من غيرها...واصل فنحن فى إنتظار المزيد.
ولك الشكر الجزيل
(عدل بواسطة سمية الحسن طلحة on 12-12-2006, 03:05 ص)
12-12-2006, 02:57 ص
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: سمية الحسن طلحة)
(ترّزم السارية ام تخا ودهرابة)
أستاذ/ أبوبكر... هذا عربى فصيح%
الرزمى: هو صوت حنين النياق ( الناقة: تجمع نوق أو نياق)
ما سمعت الفنان نجم الدين الفاضل يتغنى بكلامنا ده فى(ليالى الأنس)
يحن قلبى الكان بولاد
كحنين الوالدة على الأولاد
حنين النوق بٌكّـر تيــلاد
لى النفسو مسك وعرقو جلاد
فالشاعر شبه صوت الرعد بالرزمى....أما الساريه فهى المطرة الليلية
وهى من السرى أى السير ليلاّ(ما سمعتو بالإسراء والمعراج)؟
أما التخا: فهو السحب الخفيفة
والدهرابة : جمعها دهاريب وهى عندما يشتد الظلام أويكون هناك تخا
يحجب الرؤية والدنيا ليل مع شدة لمع البروق وكشة كتاحة وأحياناّ زيفة
والناس يقولوا ليك ماش وين يازول تحت الدهاريب دى .
نسعد بتواصلكم معنا.
12-12-2006, 03:02 ص
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: سمية الحسن طلحة)
الفنجري فوق البطانة
برقِك قلـَّع السارية أم صبيبا ســاح
وتعّـالك كتـَـم من الهـواء اللفــّــاح
رعـدك رَزّ في المطرة التقيلة وقاح
وهجـك لاقى شمس الغيبة باكر زاح
ولكم مودتى
12-12-2006, 03:02 ص
الطيب شيقوق
.
تاريخ التسجيل: 31-01-2005
مجموع المشاركات: 1959
Re: برق الصعيد (Re: سمية الحسن طلحة)
Quote: ...فالزروع التى تروى
ليلاً تنمو بصورة أفضل من غيرها...واصل فنحن فى إنتظار المزيد.
بت الصالحين قولى لود القرشي كتر خيرك واحكى ليهو ها السالفة
في واحد هندى هنا في عمان شغال ري في نباتات الزينة بعدين جات مطرة تقيييييييييلة وهو شغال برضو برش في خضاره والمطرة صاااااااابة . انا بحب استطلاع منى سالته قلت ليهو صديق هذا مطر مال ربنا ايش فيك تعمل كده ؟
قال هذا دوام كفيل قول لازم شغل كل ساعات دوام .
12-12-2006, 03:13 ص
الطيب شيقوق
.
تاريخ التسجيل: 31-01-2005
مجموع المشاركات: 1959
Re: برق الصعيد (Re: الطيب شيقوق)
Quote: برقِك قلـَّع السارية أم صبيبا ســاح
وتعّـالك كتـَـم من الهـواء اللفــّــاح
رعـدك رَزّ في المطرة التقيلة وقاح
وهجـك لاقى شمس الغيبة باكر زاح
لله درك يا بت طلحة والله هيجتي ذكرياتنا وخليني اشرح الكلام ده لناس ابي بكر العجم ديل .
برقك قلع السارية ام صبيبا ساح
يا الله - ربما يكون ده البرق القبلي او البرق ابي فاتحة البخم ليك السماء من قدام كلوووو يجي مقلع ليك السحابة التي عندما تنزل صبيبها يسوح ويملاء المرانع ( المرانع هي الاراضى المنخفضة او الميع )
وتعالك كتم من الهواء اللفاح
التعال هى السحابة المزرقنة وداكنة قريبة من ا########## تقول تشرب منها من قربها للارض . وعادة النوع ده من السحب عندما يقرب للصبان هواها بيكتم ويزند دليل على وشوك الصبيب.
وهجك لاقى شمس الغيبة باكر زاح يعنى صبيب من الصباح للمغربية
12-12-2006, 05:10 ص
gessan
.
تاريخ التسجيل: 05-02-2002
مجموع المشاركات: 626
Re: برق الصعيد (Re: سمية الحسن طلحة)
الطيب كيف حالك ..
Quote: ...وود شعيت وود الشوبلي...
ود شعيت الزول الغناي "الممسوخ"؟؟
الزول الفي حكاوي غناهو "حضور درامي"؟؟
لدي موضوع يخص حكاوي وغناوي ود شعيت دا سوف ارفده في البورد دا متى ما توفر لي الزمن لتجهيزه ..مصحوب بتسجيل صوتي لأحد مجالس حكاويه العامرة..والتسجيل الصوتي ضروري واكثر حسماً
لموضوع الكتابة بلغة اهل البطانة.."التنوين دا مهما تسوي فيهو ما بديك النطق الدايرو"..
حتى ان بعض الذين كتبوا في التراث الشعبي والدوبيت بالذات حاولوا إشتقاق بعض علامات التنوين الخاصة لتوصيل النطق بشكل اكثر وضوحاً .."لاكين باقي لي السمع بقطع الشك تب" ..كما انه اكثر جمالاً..
عموما
جابنا البراق ..والتِعِل ..وريحة الدعاش ..
وسيرة "أم هبج ..الهواها شفخانة المِتالم"..علي قول ود شعيت..
و دي دخلة من باب التحية ..
لكل المتداخلين في هذا البوست ..
والبوستات المشابهة ..
------------
أمُحُمّد ود الفكي حمد "علي لسان ود شعيت" قاليها:
سَماحِك غير حِبُوب بَرتا وقفِيس حُجّاج
سماح اليَبسَت دوف الطِريفي الساج
شِعاع ظُرر الغشيم الفي الظلام وجّاج
سماح الفرُوا..براق السِـرا الفجّاج
--------
واقعدوا عافية
12-12-2006, 05:17 ص
الطيب شيقوق
.
تاريخ التسجيل: 31-01-2005
مجموع المشاركات: 1959
Re: برق الصعيد (Re: gessan)
Quote: لي السمع بقطع الشك تب" ..كما انه اكثر جمالاً..
اخي غسان عليك الرسول تكون معانا ياكا زولنا عدييييييييل وكلامك كلام زولا مننا تعال لينا بود شعيت وود امنه وود الشوبلي وخلينا ندوبي ونغنى في بطانتنا جوة المنبر ده والزارعنا غير الله اللجي يقلعنا.
حبابك
حبابك
12-12-2006, 08:58 ص
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: الطيب شيقوق)
Quote: أمُحُمّد ود الفكي حمد "علي لسان ود شعيت" قاليها:
سَماحِك غير حِبُوب بَرتا وقفِيس حُجّاج
سماح اليَبسَت دوف الطِريفي الساج
شِعاع ظُرر الغشيم الفي الظلام وجّاج
سماح الفرُوا..براق السِـرا الفجّاج
--------
الأخ/غسان مرحب بيك فى دار البطانة
الطيب ود شيقوق حلب شدوقو فى العرب وقال ياناس الدار جاكم زول
وجينا نرحب بيك وبى خيرك الجايبو معاك وطبع الكريم مابدخل وإيدو فاضية
إنشاء الله تكون جايب لنا جبنة وزنين أم فحماّ يتواجج متل مغس الأقربون.
وأحمد ودعوض الكريم قال المابجيب غنوة فوق ( وزنين ) دى مايشيل فنجان.
قالولو غنى إت آشيخ العرب.. قالهم لا السابقك على الباب قوللو ياأرباب
وهو يقصد ود شورانى....ودشورانى قال الغنا فوق (وزنين) دى؟ قالولو آآى..قال:ـ
سمحة وضوكا لبن صـهباء ودخلها مبسط
شرفتا ريل وكفيتا خيل وطولا موسـط
من عينة إرم الفيها التواريخ نصـت
حـسيت قلبى فارفنى وكبدتى أنقـصت
وأهل برق الصعيد فى انتظار مساهماتك
سمية الحسن طلحة
(عدل بواسطة سمية الحسن طلحة on 12-12-2006, 03:03 م)
12-12-2006, 01:14 م
abubakr
.
تاريخ التسجيل: 22-04-2002
مجموع المشاركات: 1844
Re: برق الصعيد (Re: سمية الحسن طلحة)
والله ياسمية بحاول وبصدق ان افهم ولكن يادوبك شوية يعني الكلمات العربي - وفقا للمنهاج العربي لغير الناطقيين بها من الرطانة- اما الباقي ورغم انه ظاهر عليهو كلاما زين الا نو ما كان في المنهاج بتاعنا ... يعني الواحد في عمري دة امشي اقعد مع احفادي -عندما البنات يقررن الزواج ويتزوجن ويقررن الولادة ويولدن وانا اكون موجود- بعد تعديل المنهاج ....
انتو بتقولو الكلام السمح دة كيف ؟
13-12-2006, 02:58 ص
الطيب شيقوق
.
تاريخ التسجيل: 31-01-2005
مجموع المشاركات: 1959
Re: برق الصعيد (Re: abubakr)
Quote: انتو بتقولو الكلام السمح دة كيف ؟
انت عليك تسمع وتطرب وبس يا باش ما تجننا معاك .
انت ابو بكر عولك معاك في دبي؟
13-12-2006, 04:19 ص
gessan
.
تاريخ التسجيل: 05-02-2002
مجموع المشاركات: 626
Re: برق الصعيد (Re: سمية الحسن طلحة)
Quote: إنشاء الله تكون جايب لنا جبنة وزنين
سلام عليك ..سمية ..
نعم ..
المقطع الذي اقصده يتحدث عن مجلس جبنة وزنين.
ود شعيت زولاً "بُدعي" بالحيل ..بالإضافة لي كلامو السمح ونُطقو الواضح ..
فهو يقيم حوارا بالدوبيت يستنطق فيه بيئته من حوله "التَرس" و"الجمل" و"ريرة"البلد..
كما انه يقيم قصصاً وهمية "في بعض الاحيان" عن من هي أكثرهن جمالاً في مجالس الأنس والشراب..
ومن هي التي يحق لها ان "ترفع البيرك" على بيتها متزعمة مجالس الانس جمالاً وحضور..
وإن الله هّوّن بنسمع نموذج من حكاوي ودشعيت هِنا قريب..
تحايا
*************
الاعزاء بكري ..والطيب ..
البطانة وحلفا ..
مشروع القِربة اقيم لتوطين اهالي حلفا ..وكذلك لتوطين وتطوير الرُحّل في البطانة..
خشم القربة كان نقطة تحويل إنسان البطانة من رعوي متجول ..الى زراعي منتظم ..بدل ما يزرع بالمواسم وحسب المطر ..وطالق سعيتو ساكت وباريها سادرة ومتدلية..
وهنا "ساعيد" حكاية عن الصادق اب آمنة ..احد اشعر مغنيّ البطانة "طالما المقام مقام غناء وبراق"..انه إمتلك حواشة في مشروع حلفا لاحقاً..
وورد قوله في الحنين الى فترة النشوق والدمر ..وهواه للبطانة وتجواله مترحلا فيها..ساخراً من الحياة المنتظمة:
إتخلفن لها البطحاني والعبادي
ونفضنو المتِل جبب ام صريمة يدادي
نحنا ترانا للشابورة ديمة نحادي
عنز الشاي مراقبة من غرامة القاضي
ويعني انه رأى براقين البطحاني والعبادي يتخالفن في شلعتن ..والبراقين ديل جابن سحاباً اسود ..متل لبس نساء الرشايدة ..والذي يشبه صريمة الجمل ..
والصريمة هي الحبل او الرسن الذي يلف وجه الجمل ..لذلك سموا الرشايدية "ام صريمة" ..
يقول البراقين ديل نفضن سحاب اسود ماطر ومتحرك ..اما هو فحالته صعبة حارس حواشتو مراقبا لها ..
وحتى عنزه المخصصة للبيت للشاي ايضا مضروب عليها حصار ..فإن طلقها فإن ذلك يرميه في محاكمة وغرامة ..
حالياً منطقة "الرتّاجة" مثلا والتي تقع في مشروع حلفا الجديدة هي واحدة من مراكز عرب البطانة بعد إستقرارهم على ما أعتقد ..
بالطبع حلفا لاحقاً اصبحت سودان مصغر ..بعد قيام المشروع وما جلبه من حياة مدنية ..حيث تجد كل قبائل السودان فيها تقريباً..
يعني يا الطيب ناس بكري ديل بي فضلهم..جابولكم المدنية في داركم ..وإستقريتو بعد ما كنتوا حايمين بالصي ..
والله شنو؟؟
تحايا للجميع ..
13-12-2006, 06:12 ص
الطيب شيقوق
.
تاريخ التسجيل: 31-01-2005
مجموع المشاركات: 1959
Re: برق الصعيد (Re: gessan)
Quote: والصريمة هي الحبل او الرسن الذي يلف وجه الجمل
لله درك يا غسان بس حبه توضيح شويه لو امكن :
الصريمة تختلف عن الرسن . الرسن يدرع في قدوم الجمل ويلف عنقرته من خلف ( انا يا غسان اخوى رساااااااان كمان) اما الصريمة فتشبيهها بحال نساء الرواشد فيها كثير من الروعة والابداع اللغوي إذ ان الصريمة عبارة عن حديدة تدرع للجمل الكافر او الماصع في نخرته او انفه لمزيد من التحكم في توجيهه لان الرسن لوحده غير كافئ لضبط الجمل وهو في هذه الحالة من الهيجان والمصعة .
اما علامات هيجان الجمل او مصوعه فهى خرير الدومات بالمادة السوداء ورش البول بزيله من خلف لحدى تتسخ فخذاه الخلفيتان بذلك البول .
نواصل لنسمع مزيد من ابداعك يا جميل
شيقوق
13-12-2006, 08:07 ص
gessan
.
تاريخ التسجيل: 05-02-2002
مجموع المشاركات: 626
Re: برق الصعيد (Re: سمية الحسن طلحة)
Quote: إذ ان الصريمة عبارة عن حديدة تدرع للجمل الكافر او الماصع في نخرته او انفه لمزيد من التحكم في توجيهه لان الرسن لوحده غير كافئ لضبط الجمل وهو في هذه الحالة من الهيجان والمصعة .
هلا هلا آ الطيب آخوي ..
يا زول انا كلامك دا ما بتفق معاك فيهو ..اها رايك شنو؟؟
شوف الحديدة القاصدة إنتا دي نحنا بنسميها "الزُمام"..يا بتكون حديدة ..يا بتكون جلد "قِـد" او خيتاً قوي..وعادة ما تكون ثابتة في النخرة او انف البعير..
يعني ما عليك الا تدرع فيها حبلك والله رسنك ..وهي بالضبط متل الزمام عند النساء ..
اما الصريمة البعرفا غايتو ..يقولك :والله الليلة سويت لي صريمة للجمل دا..يعني جهّز الرسن بوضعيات لفاته المعروفة فما عليك الا تلبسه للجمل ..
وقاعدين نقول تصرِّم الجمل ..يعني تلف الرسن او الحبل إن لم يكن جاهزاً او تلبسو ليهو بشكله المعروف دا ..والرسن عندو كم طريقة بتتحكم فيها هداوة الجمل زي ما قلتا إنتا ..
وبرضو الحمار عندنا بصرِموهو ..وخاصة الدحش عندما يقرّب لي وكت الطاعة ..يعني تخلي فيهو الحبل جاهز ..
وإن كان هناك "اللِجام" بالنسبة للحمار كما للخيل وهو حديد بلبسو ليهو في خشمو ..برضو لمزيد من التحكم فيه..
انا كان عندي وكت كان رسمتها ليك هسع الحاجات دي ..
نرجع للجمل ..
بجانب الصريمة هناك أيضاً "الحَسَكة"..وهي زي ما تقول كدي شبكة مجلدة ومجهزة ..وعادة ما تكون من الجلد يتم تلبيسا للجمل "وهي بالضبط اشبه بصريمة الخيل الجاهزة كما في سباق الخيل"..
والحسكة للجمل بستخدموها خاصة في حالة الشَدة "للقندفة" عند الذين يقصدون جمال المنظر ..
حيث يتم تزيينها بالكِنتِل وتكمل جمال منظر السرج او "المخلوفة" ..وعليهو "الطافات" الملونات ..وتبراهو خيوت المحقبة ..يا سلاااام ..
بعدين الحسكة وإنتا راكب في الجمل بجيك منها حبلين ايمن وايسر وجه الجمل ..لاكين في حالة الرسن العادي و في حالة الصريمة بجيك حبل واحد من راس الجمل ..
وهنالك ايضا "الشكيمة"..وهي عبارة عن شبكة منسوجة بلبسوها للجمل من قدام تغتي خشمو دا ..عندما يكون في مرحلة "التنشـيل " اي يمنعوه من الاكل والشرب ..
وتلاحظها في الجمال المعدة للسباق ..
وبيني وبينك انا شايف "الشكيمة" هي الاقرب لوصف نساء الرشايدة من الصريمة..
كثيراً ما اسمع في حكاويهم: "والله يا جماعة فلان دا عندو شافع ..بس شيطانا مصرّم.."..
الطيب ياخي ..
خالص التحايا ..
13-12-2006, 08:32 ص
nazar hussien
.
تاريخ التسجيل: 04-09-2002
مجموع المشاركات: 3182
Re: برق الصعيد (Re: gessan)
Quote: سمحة... وضوكا... لبن صـهباء ودخلها مبسط
شرفتا ريل... وكفيتا خيل.... وطولا موسـط
من عينة إرم الفيها التواريخ نصـت
حـسيت قلبى فارفنى وكبدتى أنقـصت
هلا هلا....والله البوست دا كان فاقد شيخ العرب ودشنتير....
امانة ما فات بي جنس حدوثات....
جيتكم طربان سااااااااااااااااااكت....
والصريمة والرسن يا قيسان جيهتهن تب...
20-12-2006, 08:39 ص
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: nazar hussien)
مرحب الأخ نذار ربنا يديم البسط
والجابك يجيب شيخ العرب ود شنتير
لكم التحية.
13-12-2006, 08:31 ص
gessan
.
تاريخ التسجيل: 05-02-2002
مجموع المشاركات: 626
Re: برق الصعيد (Re: سمية الحسن طلحة)
الاعزاء هنا ..
سلام تاني ..
دا نموذج مسموع لدوبيت مُغنى من منطقة البطانة ..بصوت الشاعر الغناي الصِدِّيق ود عباس ..احد اجمل المغنين الذين سمعتهم في أداء هذا النوع ..
وهنا تسمعه يتغنى بدوبيت لشعراء مختلفين منهم أحمد ود عوض الكريم وود ضحوية الشاعر الهمباتي ..وهو نموذج ماخوذ من تسجيل شعبي متداول ..
كما أخذت في النموذج هذا لونين من "الأداء اللحني"للدوبيت عند ود عباس ..
ارجو ان يكون فرصة للوقوف على هذا النوع من التراث الشعبي ..ومن افواه مغنيه
او رواته الشعبيين مباشرة ..لضمان سلامة جماله ..
كما ان السمع بِقطَع الشك في مسألة الكتابة والتنوين لتوصيل النطق الصحيح للكلمات ..
لاحظ مثلاً في النمة الاولى في النموذج فهي كتابةً تقول:
ناس جبر الله قاعدين في البِيوت ما بخترو
من كُبي ..وكشف حال الحريم ما بفترو
أخير اختِر براي أسد الرضيمة بنُترو
صاحبي إن ذلى ما بَفشاهو دِيمة بسُترو
فما أجملها سمعاً..
مع خالص التحايا للجميع ..
-----------
* شنتير ..
أتمنى ان تمر بي جاي وتخت اضانك معانا وتسمع صاحبك ود عباس ..
13-12-2006, 10:24 ص
الطيب شيقوق
.
تاريخ التسجيل: 31-01-2005
مجموع المشاركات: 1959
Re: برق الصعيد (Re: gessan)
نواصل
(عدل بواسطة الطيب شيقوق on 14-12-2006, 00:35 ص)
13-12-2006, 10:40 ص
nourelhadi awad
.
تاريخ التسجيل: 24-10-2006
مجموع المشاركات: 164
Re: برق الصعيد (Re: سمية الحسن طلحة)
يابت عز الرجال
القامو الليل وقط مانامو
مو مطر التريه
مطر العينةالبرز سونامو
ركازة الصعيف
بحر السخاالطمر الكرد هدامو
والله أكان ماأخاف الكضب برق الصعيد هدا عندنا قي الدوحة
مودتي
نورالهادي
(عدل بواسطة nourelhadi awad on 13-12-2006, 01:52 م)
20-12-2006, 08:48 ص
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: nourelhadi awad)
Quote: والله أكان ماأخاف الكضب برق الصعيد هدا عندنا قي الدوحة
ياود عز الرجال
ضو المكبسة ضلامو
كباس الدهم البتواردو عشامو
نورك باقى هادى للورا وقدامو
خاتم للنفايل وقايدن بزمامو
أخى نور الهادى والله برق الصعيد سوى البدع
عّم الخليج كلو...انهالت علينا الإستغاثات من كل حدب وصوب
(ناس ودطلحة عوووك أرحمونا كفانا) ميى زيفة وميى قرّة.
ودمتم
20-12-2006, 09:02 ص
الطيب شيقوق
.
تاريخ التسجيل: 31-01-2005
مجموع المشاركات: 1959
Re: برق الصعيد (Re: سمية الحسن طلحة)
Quote: نورك باقى هادى للورا وقدامو
خاتم للنفايل وقايدن بزمامو
لله درك يا بت طلحة لعمري ما شهدت ابداع بلاغي بهذه الصورة
20-12-2006, 09:08 ص
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: سمية الحسن طلحة)
الأخ الكريم / غـسـان لك الشكر أجزله فقد ملكتنا مادة قيمة جدا، شريط ود عباس الذى فقدته فى إحدى محطات تجوالى فى مدن الغربة الماشايفيين ليها نهاية دىوكذلك فتحت الباب على مصراعيه فى هذا الجانب الذى يطول شرحه (الرسن ، الهسال ، القلادة...) مفردات لمسمى واحد ،(عرقوبو وحنوه دور قادف النواتة
بشّـت دومتو خربتّو القلادة شتاتا ) اما الصريمة فهى غير الشكيمة التى تزود بحديد مدبب الروؤس أو بشوك السدر ، وغير اللجام الذى هو من الحديد وعادة يكون للخيل...وقد تحدث الشيخ عبد العزيز وود الشلهمة فى هذه المعانى منها:ـ
دوماتـــك خبـوبن فوق قلايــدك مارق
هاك طيّة هسـالك ياالعـفيف لا تدارق
أنس الليل مـع أب خُـلقاً نـزيـه مو شالق
بقى هاجسلي والرّوح للمروق بـتـّـالق
ونواصل....
[اضف رد] صفحة 1 من 1: << 1 >>
· · · أبحث · ملفك ·
برق الصعيد
لاح لى من صعيد برقاً كتم تعّّالو
ذكرتى بسمة الزول الجميلة خصالو
حرّق للقليب زاد فى التولع نارو
سهر للعيون الدمعهن سحالو
(التعال بتشديد العين هو جمع تعل بكسر التاء وسكون العين)
والعرب عندما يدعون على أحد يقولون له(التعل اليشقك)
فهل ياترى هناك فرق بين التعليين ؟؟...دعونا نرى آرائكم.
ونواصل.
29-11-2006, 01:32 ص
بدرالدين شنا
.
تاريخ التسجيل: 30-07-2002
مجموع المشاركات: 3261
Re: برق الصعيد (Re: سمية الحسن طلحة)
من بت طلحة لاح لي بوستاً جميلة حروفو
ذكَّرني بسمة الزهر الوريفة قطوفو
تحياتي ومودتي
29-11-2006, 01:49 ص
على محمد على بشير
.
تاريخ التسجيل: 07-08-2005
مجموع المشاركات: 1711
Re: برق الصعيد (Re: بدرالدين شنا)
Quote: لاح لى من صعيد برقاً كتم تعّّالو
ذكرتى بسمة الزول الجميلة خصالو
حرّق للقليب زاد فى التولع نارو
سهر للعيون الدمعهن سحالو
الله يابت طلحه
فقد ذكرتينا بالذى مضى
المايقوما وعلى الشيخ وصديق جحا ومحمد بابكر العبيد المحامى
فقد كان على الشيخ من ابو دليق ومن رواة الشعر وقصص الشعراء
وكان الله يطراهو بالخير لديه طريقه عجيبه ومحببه فى القاء الشعر
فقد كان يروى لك قصة القصيده ( بعد ان يضيف شوية توم وشمار من عنده )
ويتمهل وهو يرمى لك بالشطر الاول من البيت الشعرى ويتمطق وكأنه يتزوق طعم كل
حرف فى الشطر الاول من البيت قبل ان يرميه على آذان سامعيه ومستمعيه وقد كنا
نحفظ الكثير والمثير والعجيب من شعر الدوبيت والملاحم البطوليه وقصص الحب العزرى
من فم هذا الرجل ( على الشيخ ) والذى كان لا يقول ولا يروى الا الدرر
وشخصيا كانت تستهوينى قصص الهمباته واشعارهم وكنت كثيرا ما اطلب واستزيد
مما قاله الضرير وود ضحويه الخ ..
ورغم ان الجلسه كانت تضم الوان الطيف القبلى الا ان حب الدوبيت والشعر كان يجمعنا
نحن الشايقيه بالبطاحين .. وغير الشعر والدوبيت كانت تجمعنا الجيره والمحبه والافراح
والاتراح وملاعب الصبا ومرتع الطفوله .
وقد تزكرت كل هذا الان وبعد ان قرأت الابيات اعلاه .. وجرت الذكريات امام ناظرى
وكأنى اجلس تلك الجلسات الفريده وكأنى لم اتى الى الغربه ابدأ .
فلله درك اختى سميه
29-11-2006, 10:51 ص
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: على محمد على بشير)
الأخ/ على محمد على بشير
هل تصدق أن أعز أصدقائى هنا فى السلطنة من الشايقيه...
فهناك الكثير من القيم المشتركه التى تجمعنا معكم ياأحن الناس.
هيجت فينا الشجن بحديث الذكريات هذا....ولك مربوع من طه الضرير:_
مافيتاالبمقوهو وبمرق تلوه
ومافيناالبوصف للضيوف الخلوه
نحناالفوق قفاالشيحان نطبق السروه
والبنقصدو شن هد فى البحر ما بروى
لك التحيه والود... ونطمع فى إطلالتك دوما
29-11-2006, 10:32 ص
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: بدرالدين شنا)
البدر الطلع والناس مناها تشوفو
مرّ على هنا واتحفنى بى معروفو
لك مودتى يابدر الجمال....شعرك جمييل
29-11-2006, 02:40 ص
JAD
.
تاريخ التسجيل: 05-02-2002
مجموع المشاركات: 2402
Re: برق الصعيد (Re: سمية الحسن طلحة)
الأستاذة سمية ..
تحية طيبة،
واسمحي لي أن أرحب بك هنا فقد أودعت ترحيبي في بوست الأخ شيقوق ولكني لم أره ..
مرحباً بك ألف أيها الأخت الفاضلة ..
في منطقتنا نسمي البروق بالقبلي ، العبادي ، البطحاني ، وهذه صادقة الوعد ونادراً ما تخيب الظن ..
أما برق الصعيد فهو كما ذكرت يتميز بسناه الجميل وبريقه الأخاذ .. ولكن للأسف لا يأتينا منه في الغالب إلا الزيفة "القرة" الشديدة ..
ولي طلب عندك" إن كنت تحفظين شيئاً من الأشعار التي قيلت في الشيخ محمود ود زايد أرجو شاكراً أن تتحفينا بها ..
التحية لك مجدداً ..
أخوك
جاد
29-11-2006, 04:16 ص
مجاهد عبد الرحمن
.
تاريخ التسجيل: 30-08-2006
مجموع المشاركات: 251
Re: برق الصعيد (Re: JAD)
أخدر ليه ضل فوقو المحاسن شَرّن
وابلج فاطرو زي برق السواري الكرّن
يتقسم مقاطع في المشي ويتحرن
زي فرخ القطا الأماتو ركن وفرن
( رحم الله عكير الدامر )
شكراً يا سمية على إيقاظ برق الصعيد في البورد عله يأتينا ببعض العبق من النال والباشندي
لك التحية
ولي عودة على الشعفوفة والتعل البشق التيه وأحياناً الناس .
29-11-2006, 11:35 ص
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: مجاهد عبد الرحمن)
أخى/مجاهد
كدى خلينا شويه مع النال والدعاش قبال ماتجبنا شعفوفتك وتعلك..
وهذه اللوحةالتى تفوح أرجامن ود الشلهمة:
أتحليتى بى طيبا وطاك عريس
مرقن فوقك المتحزمات بى الديس
فكن فيك بخور وأتمطرن بى السيس
خلن عاشقن يابسا لهاتو بسيس
ولك التحيه
29-11-2006, 12:10 م
الطيب شيقوق
.
تاريخ التسجيل: 31-01-2005
مجموع المشاركات: 1959
Re: برق الصعيد (Re: مجاهد عبد الرحمن)
Quote: فهل ياترى هناك فرق بين التعليين ؟؟
يا سلام يا بت طلحة هيجتي ذكريات خلدت في ذاكرتي :
التعل يا بت طلحة هو السحابة الزرقاء المتراكمة في اتجاه واحد وعندما تخر شخيتير (راجعي مسدار الحاردلو لمعنى شختير ) اهلنا بيقولوا هلا هلا التعل ده نزل في الحته الفلانية وهم يدركون تماما اين هطلت تلك السحابة .
التعل تاني يا بت طلحة هو تعل النحل المليان عسل . زمان كنا نمشى حظيرة الدندر ومن بعيد الواحد يشوف تعل النحل . نمشى نجيب الدخان ليهو عشان النحل يطير من التعل ونجى نشيل العسل .
شكرا لهذا البوست الرائع
30-11-2006, 03:19 ص
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: الطيب شيقوق)
أخى/الطيب شيقوق
لله درك وانت تصول وتجول فى كل المحاصات
وأنت لها...
قطعا الكلام عن البروق والمطر والتعول يثير أشجان الغرباء مثلنا.
...........................................................................................
بــرّاق الجنــوب بالليـل هـواهـو الطالق
إستـنـشـق دُعاشـو أصبَـح معلـّق وعالق
أنس الليل مع أب خُـلقاً نزيـه مو شالق
بقى هاجسلي والروح للمروق بـتـّالق
...........................................................................................
الليله الصعيد سحـبـو المهضلم زرقـن
يهرف لى الصباح برّاقو شرقاً وغربا ً
ستـــّا ت الصبـــــا المــن الكعــب بنـدرقــن
شايلات جاز وكبريت لى قلوبنا يحرقن
ولكم مودتى
ونواصل........
(عدل بواسطة سمية الحسن طلحة on 30-11-2006, 08:10 ص)
29-11-2006, 11:14 ص
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: JAD)
الأخ/جاد
إسم على مسمى...فقد جدت علينا بتكرار ترحيبك ،وقدلاحظت ذلك فلك الشكر أجزله
كلامك عن البروق والقرة والزيفة خلانا نكتكت...وأضيف لبروقك البرق المكادى.
,أما طلبك ساجيبك عنه فلدى الكثير.
لك مربوع من طه ودالشلهمه فوق البطانة وبروقا:_
براقك مفرقة السحاب لمّاها
حزم المزرة فى لسان الصبيب خماها
مطرك ماهو رشريش الأرض عماها
يابسات الحفاير زردا وتماها
ولك مودتى.
30-11-2006, 03:44 ص
الطيب شيقوق
.
تاريخ التسجيل: 31-01-2005
مجموع المشاركات: 1959
Re: برق الصعيد (Re: سمية الحسن طلحة)
Quote: أخدر ليه ضل فوقو المحاسن شَرّن
وابلج فاطرو زي برق السواري الكرّن
يتقسم مقاطع في المشي ويتحرن
زي فرخ القطا الأماتو ركن وفرن
كنت يا بت طلحة زمان محامي في الدندر وكان طوالى بنادي الغنايين ساعة الفطور في مكتبي عشان اسمع منهم الدوبيت قبل احزم ملفاتي وامشى لجلسات المحكمة . كانت معاى محامية افتتن بها اهل المدينة . شافوها الشعراء في المكتب وقلت ليهم الاستاذة دى ادوها حقها عليكم الرسول .
محمد الفاتح ابو عاقلة كان معانا جاى في زيارة للدندر قال خلونى اقول ليكم :
يا لخلوخة القيف البغمر هيفك
ما اتكرمشتى جسمك في شتاكي وصيفك
انا مرضان بهضرب من ملاقات طيفك
امسى الليلة يضرب في المكاتل سيفك
نواصل
30-11-2006, 03:51 ص
doma
.
تاريخ التسجيل: 04-02-2002
مجموع المشاركات: 3377
Re: برق الصعيد (Re: سمية الحسن طلحة)
يا زوله وحاه ربي حديثك طاعم بالحيل اها هادي قعده
01-12-2006, 06:15 ص
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: doma)
ألأخ/Doma
حبابك عشرة بلاكشرة...إنما حلاوة الحديث وطعمه من زوق مستمعيه ومتذوقيه.
ولو ماشالك الكتف يشيلك الراس
ونحنا الجار والعشير من الكتف لى راسنا
وفى المال والعروض تخشى الملوك من باسنا
وجودك بيننا يسعدنا
ولك التحية والود.
30-11-2006, 03:53 ص
soma
.
تاريخ التسجيل: 14-09-2002
مجموع المشاركات: 1882
Re: برق الصعيد (Re: سمية الحسن طلحة)
اهلى البطاحين جونى بالبروق الجاهرة
من تال الصعيد اب رعودا كافرة
والغيم البهز فوق للضهارى الدافرة
والمطر البنز فى التقاوى الوافرة
يفرهد بطونها متل الغزال النافرة
بت طلحة صباحك لمة قبيلة
فى ضل نيمة و العز بالاهل
اسماء الجنيد / مسقط
01-12-2006, 06:26 ص
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: soma)
أختى الحبيبه/سومة
مرحب بيك ياالسمحةنوارة فريقنا
طلتك حلوة وحديثك حلو...لاتحرمينا منك.
بالحيل باأم عوارض عندى شخصك بيّن
تارنستان مشيك.. فاتر وحيل وهوين
بتذكر محاسنك وقلبى يبقى حنييين
عينى سارفة ذى مزن السماالمتحين
وكل الأشواااق.
30-11-2006, 03:55 ص
أبو الحسين
.
تاريخ التسجيل: 07-11-2006
مجموع المشاركات: 802
Re: برق الصعيد (Re: سمية الحسن طلحة)
Quote: يا لخلوخة القيف البغمر هيفك
ما اتكرمشتى جسمك في شتاكي وصيفك
انا مرضان بهضرب من ملاقات طيفك
امسى الليلة يضرب في المكاتل سيفك
هيييييعع...
سلام أهلي العَرب أهل الكرم والجود...
سلام أهل الفضائل الجَمَّة مالها حدود...
أهل الفزعة في وَكْت الدَبَار مسدود...
أهل الحارة في الويل الضَرَب بارود...
كميات مودتي...
وتسجيل حضور ومتابعة... وتسلمي ست الدار بتنا سمية الحسن...
أبو الحســـــــــــــين...
30-11-2006, 04:33 ص
الطيب شيقوق
.
تاريخ التسجيل: 31-01-2005
مجموع المشاركات: 1959
Re: برق الصعيد (Re: أبو الحسين)
Quote: اهلى البطاحين جونى بالبروق الجاهرة
من تال الصعيد اب رعودا كافرة
والغيم البهز فوق للضهارى الدافرة
والمطر البنز فى التقاوى الوافرة
يفرهد بطونها متل الغزال النافرة
سوما بت الجنيد كيف حالك
عليك الله يا بت القبائل تبقى معانا بجاى بنحس في مساهماتك حنان الاهل وجود الاهل .
نامل ان يكون لهذا البوست لونية خاصة وطعم خاص لا يحسة ولا يتذوقه الا من توطنت في وجدانه ثقافة اهل البطانة واهل البادية وبالتاكيد هم متابعون بشقف لمثل هذه الكتابات .
اطيب المنى
30-11-2006, 05:25 ص
ebrahim_ali
.
تاريخ التسجيل: 05-02-2002
مجموع المشاركات: 2043
Re: برق الصعيد (Re: الطيب شيقوق)
دَنَّـــــاىْ القَفـــــــــــــَارات*ْ البِعرْف العوم
نَقضـــــتَ عليقْتُو بَاكرْْ بيهو قَصْدي شَيوم*
كــــــان سَهَّل علينـــــــا الواحد القيُّـــــــوم
بَشوف بُوْ الكـافي قاعِد ومِنْ وسِطْ مقسوم
القفارات : السهول ، الشيوم : الرحلة إلى ديار المحبوبة
لَيْ تعبنــــاً مطِّـــولْ مِنُّو خِلاي حَابْســــــــُو
جِبتــــــــُو الليلة وتْبوبَحْ ضَرَبْ فوقْ يَابْسـُو
ابو خَداً بيلْمـــــــَع بالــــغضب مــــُو عَابْسُو
مِتْـــــــوطي الحِشـــــــَمْ تُوبْ المَحامِدْ لابْسُو
مَرَقْ مخَلـــوفْتُوْ وقَيت*ْ فُوقُوْ لَشَّق*ْ طَافـــُوْ*
شَدَّيتــــُو ومغَيت ســــــــير القُشاطْ في هَافُو
عَشِيّــــــة رُقَادِي عِند الكامـــــــلات اوصَافُو
افْدَعْ جِيد واهْيـــــــف وعَاليــــــــــَات ارْدَافُو
مرحباً بالشاعرة الفذة المقتدرة بت شيوخ البطانة أهلنا البطاحين مرحباً بيكي وبأشعارك المميزة
ومرحب أخرى بالشاعرة سوما بعد طول غياب
30-11-2006, 12:47 م
الطيب شيقوق
.
تاريخ التسجيل: 31-01-2005
مجموع المشاركات: 1959
Re: برق الصعيد (Re: ebrahim_ali)
Quote: الشم خوخت وبردت ليالي الحره
والبراق برق من منا جاب القره
شوف عيني الصقير بجناحو كفت الفره
حالتا ام خدود الليلة مرقت بره
الحاردلو
نواصل في هذا الموضوع الشيّق ولدينا الكثير عن البرق القبلي والحماري وابو حرقوص وبرق المغربية بصواقعه الحارة وبرق المطر الضحوى عندما يكون السماء منيّل من قدام وكمان البرق ابو فاتحة . هلا هلا يا بت طلحة هيجتي ذكرياتنا .
01-12-2006, 07:10 ص
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: ebrahim_ali)
أخوى /ابراهيم ودعلى
يازول هوووى عووووك...إت شديت وشويمت ساااكت عقبت البراق ده كلو
دحين أنقلب صاد...أدنا خبر ...ولا طارى البراق ده خلاك تطرى الأهل
وتقافينا.
الليله البـريـق حـمـل المُزن في القبلة
وانا فاقد غميدي وليهو مافـيـش سبـلـة
بـتـذكـر ربــوعــاً فـي فنـاهـن عـبـلـة
متجـرِّد من المُـلك العـظـيــم زي جبلة
لك التحية وأنت تمتعنا بهذه اللوحة الرائعة التى تعجز أمهر الفنانين .
نطمع فى تواصلك معنادوما.
01-12-2006, 06:45 ص
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: أبو الحسين)
أبوالحسين حبابك...اب عقبا زين حبابك آلاف
حبابك ياالكريم أصلك عزيز تيرابك
حبابك والصنودتعملك حساب وتهابك
الراى والفهم دارسنو فى محرابك
يااب عرضا موفر ومو مقصر دابك.
تشرف وتنور
30-11-2006, 02:53 م
أحمد الشايقي
.
تاريخ التسجيل: 08-08-2004
مجموع المشاركات: 4374
Re: برق الصعيد (Re: سمية الحسن طلحة)
بت الشيوخ
سمية الحسن طلحة
تحيات غامرة وأنت تأتينا بشيخ العرب شيقوق يؤل أحاديثم ما غرب منها وما بعد
وتأتينا بالحديث المرقرق الحواشي من عكير الدامر وغيره من فحول البطانة
سأعود ساعـت شعر وفي الخاطر الكثير
لك ما طاب
أحمـد الشايقي
30-11-2006, 03:11 م
الطيب شيقوق
.
تاريخ التسجيل: 31-01-2005
مجموع المشاركات: 1959
Re: برق الصعيد (Re: أحمد الشايقي)
Quote: وفي الخاطر الكثير
عزيزي احمد انا اعلم في الخاطر الكثير فهلا جدت لنا ولو بنذر يسير منه؟
لك مودتى
اخوك
شيقوق
30-11-2006, 04:14 م
abubakr
.
تاريخ التسجيل: 22-04-2002
مجموع المشاركات: 1844
Re: برق الصعيد (Re: سمية الحسن طلحة)
الطيب شيقوق
Quote: نواصل في هذا الموضوع الشيّق ولدينا الكثير عن البرق القبلي والحماري وابو حرقوص وبرق المغربية بصواقعه الحارة وبرق المطر الضحوى عندما يكون السماء منيّل من قدام وكمان البرق ابو فاتحة
ات تواصل وين وين ؟؟ ات وين رحلة عمرك ؟ وين مشوار سنينك؟؟ سويت فيهن شنو وقاعد زيارات في البوستات ؟ ات شغال في شركة الكهربا ؟ بجمع فواتير ؟ بكان مافي ضو ولمبة ملبقة القاك متحكر ؟ ارجع الي نهرك الجاف وقرودك في الغابة ؟
01-12-2006, 05:47 ص
أحمد الشايقي
.
تاريخ التسجيل: 08-08-2004
مجموع المشاركات: 4374
Re: مجادعة مع عكير الدامـر (Re: سمية الحسن طلحة)
Quote:
أخدر ليه ضل فوقو المحاسن شَرّن
وابلج فاطرو زي برق السواري الكرّن
يتقسم مقاطع في المشي ويتحرن
زي فرخ القطا الأماتو ركن وفرن
حاضـر , أخي شيقوق
كدي شــوف دي,
أخـدر ليهـو ربّـات المحاسـن قـرّن
حازمـو الدّيس ومفتول من نصيصـو مقرّن
يتضلّع يخـازز يـوم قـدل واتقـرّن
طـالق فوقي نيران الخشـوش الـ ورّن
ود الشايقي
01-12-2006, 06:30 ص
الطيب شيقوق
.
تاريخ التسجيل: 31-01-2005
مجموع المشاركات: 1959
Re: مجادعة مع عكير الدامـر (Re: أحمد الشايقي)
Quote: يتقسم مقاطع في المشي ويتحرن
زي فرخ القطا الأماتو ركن وفرن
أخـدر ليهـو ربّـات المحاسـن قـرّن
حازمـو الدّيس ومفتول من نصيصـو مقرّن
يتضلّع يخـازز يـوم قـدل واتقـرّن
طـالق فوقي نيران الخشـوش الـ ورّن
كتر لينا من العينة دى يا ود الشايقي الجميل
(عدل بواسطة الطيب شيقوق on 01-12-2006, 06:52 ص)
01-12-2006, 06:41 ص
الطيب شيقوق
.
تاريخ التسجيل: 31-01-2005
مجموع المشاركات: 1959
Re: مجادعة مع عكير الدامـر (Re: الطيب شيقوق)
Quote: ات تواصل وين وين ؟؟ ات وين رحلة عمرك ؟ وين مشوار سنينك؟؟ سويت فيهن شنو وقاعد زيارات في البوستات ؟ ات شغال في شركة الكهربا ؟ بجمع فواتير ؟ بكان مافي ضو ولمبة ملبقة القاك متحكر ؟ ارجع الي نهرك الجاف وقرودك في الغابة ؟
يا ابا بكر وين وين وين ذكرتنى عمنا ابراهيم شيقوق - يطول عمره - فقد التركيز وبقى يتكلم ساى . عندنا عمتنا فاطمة بت شيقوق حنيييييييينة كلما تتذكر اخوانها الماتو وهم ( الطيب - وعبد الغنى - والرضى - عثمان) تبكى براها وهم ماتوا قبل عشرين سنة .
اها يا ابا بكر عمنا البيتكلم ساى ده جننها عديل بقى كل يوم يجيها بعد تعمليهو القهوة ويشرب يجى مودعها بيقول ليها ( فاطنة يا اختى الدنيا دى ما فيها خير وين طيبك ووين عبد الغنيك ووين رضيك ووين عثمان ) تبكى المسكينة وتجرى يمين وشمال لحدى نجى نسكتها.
01-12-2006, 07:06 ص
abuguta
.
تاريخ التسجيل: 20-04-2003
مجموع المشاركات: 3552
Re: مجادعة مع عكير الدامـر (Re: الطيب شيقوق)
برق الفارة شلع من جنائن الدوحة
من البطانة جاتنى.. نمة قلوب منشرحة
البورد تنسم بالقوافى الجميلة الصرحة
طاب بيييك المقام.... بابت الحسن طلحة
(عدل بواسطة abuguta on 01-12-2006, 07:08 ص)
01-12-2006, 07:24 ص
abuguta
.
تاريخ التسجيل: 20-04-2003
مجموع المشاركات: 3552
Re: مجادعة مع عكير الدامـر (Re: abuguta)
برق الفال لمع..والقمرى سوى القوق
ذكرنى شرق رفاعة, تنبول ويوم السوق
انا من عرب ابقوتة..ياالطيب شيقوق
عاشق خريف البطانة..وحنين النوووق
01-12-2006, 07:39 ص
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: مجادعة مع عكير الدامـر (Re: أحمد الشايقي)
الأخ/الكريم/ ودالشايقى
طعمت الدار بى حديثك...ياأخوى سلامتك تبرا من النيران.
انا عندى اخير لنا براقنا ده كان يجيب لنا مطرا يطفى( نيران الخشوش الورن) دى.
وهاك دى من عكير الدامر:ـ
عهدنا بيك كنداب حربةمابتشلخ
وعفدة عين جبل ملويةمابتتفلخ
كان ايدينا فيك من المسك تتملخ
السما ينتكى وجلد النمل يتسلخ
لكم التحيةونرجو كرمكم كما عهدناكم.
01-12-2006, 07:14 ص
abubakr
.
تاريخ التسجيل: 22-04-2002
مجموع المشاركات: 1844
Re: برق الصعيد (Re: سمية الحسن طلحة)
Quote: كتر لينا من العينة دى يا ود الشايقي الجميل
يالطيب ..يكتر ليك من شنو ؟ ما قلنا ليك رطانة ودايريون نعرف الدوبيت شنو ؟؟؟ بعدين ات مالك والشايقية ات ما قت عرريب وبدوي ؟؟
01-12-2006, 08:06 ص
معتصم الطاهر
.
تاريخ التسجيل: 26-11-2004
مجموع المشاركات: 2026
Re: برق الصعيد (Re: سمية الحسن طلحة)
لاح لى من بعيد سحاباً فَضَح برّاقو
طَرّانِى ضحكة الزول الصعيبة فراقو
حرّق القليب وشتت بقية اوراقو
هيج النفوس الكانو تابو وراقو
01-12-2006, 09:21 ص
الطيب شيقوق
.
تاريخ التسجيل: 31-01-2005
مجموع المشاركات: 1959
Re: برق الصعيد (Re: معتصم الطاهر)
ابو بكر اخوي حبابك بالأصول ياأفندى
وارث للعلم ماك الجديد جربندى
نسام أم خدود لافح بدور جرقندى
الفاروق فزع (مدودر) جناين شندى
01-12-2006, 10:44 ص
abubakr
.
تاريخ التسجيل: 22-04-2002
مجموع المشاركات: 1844
Re: برق الصعيد (Re: سمية الحسن طلحة)
Quote:
نسام أم خدود لافح بدور جرقندى
يا صاحبة الدار ويا جماعةالخير ... اشرحولي الذي تحته خظ ..
01-12-2006, 12:44 م
الطيب شيقوق
.
تاريخ التسجيل: 31-01-2005
مجموع المشاركات: 1959
Re: برق الصعيد (Re: abubakr)
Quote: يا صاحبة الدار ويا جماعةالخير ... اشرحولي الذي تحته خظ ..
واحد يشرح للزول ده مافي . انت مالك ومال البرق انتو سباليك في بيوتكم مافي . والله بيوتكم بتاعة حلفا دى لو عندنا هنا في الصعيد مطرة ضحوية واحدة تلحقكم تسونامي .
01-12-2006, 02:18 م
abubakr
.
تاريخ التسجيل: 22-04-2002
مجموع المشاركات: 1844
Re: برق الصعيد (Re: الطيب شيقوق)
Quote: انت مالك ومال البرق انتو سباليك في بيوتكم مافي
هوي ات الابالة و اللقيعة ما عرفتههن وانا"من الناطقيين بغير العربية " وعارفهن ؟؟
بعدين ان ود سكة حديد من تسني الي كوستي وتندلتي والحمرة وجبل دود وسنار والجيلي والنمر والابيض وكسلا وووووووووووووووووووومحطات كثيرة وبراق عمرك ما شفتو..؟؟
دحين لو الجماعة دييل سمعو كلامك ياها جاهم تسونامي برابرة؟؟؟
01-12-2006, 02:54 م
الطيب شيقوق
.
تاريخ التسجيل: 31-01-2005
مجموع المشاركات: 1959
Re: برق الصعيد (Re: abubakr)
Quote: بعدين ان ود سكة حديد من تسني الي كوستي وتندلتي والحمرة وجبل دود وسنار والجيلي والنمر والابيض وكسلا وووووووووووووووووووومحطات كثيرة وبراق عمرك ما شفتو..
؟؟
شتان ما بيني وبينك انت ود سكة حديد من تسني لحلفاء ووقت تكون مسافر تذكرتك نوووووووم وانا عمري كلوووو مسطح فوق في القطر ومرات اقع من فوق بين ال Vacums. اي هم للسودان انتم تدركون واى معاناة للغلابة انتم تعلمون امشى كده يا ود المصارين البيوض .
01-12-2006, 04:14 م
abubakr
.
تاريخ التسجيل: 22-04-2002
مجموع المشاركات: 1844
Re: برق الصعيد (Re: الطيب شيقوق)
Quote: شتان ما بيني وبينك انت ود سكة حديد من تسني لحلفاء ووقت تكون مسافر تذكرتك نوووووووم وانا عمري كلوووو مسطح فوق في القطر ومرات اقع من فوق بين ال Vacums. اي هم للسودان انتم تدركون واى معاناة للغلابة انتم تعلمون امشى كده يا ود المصارين البيوض .
قطر الاكسبريس بيكون فيه عربية نوم واحده يعني اقل من عشرة قمرات فلو كلو واحد ابوه شغال في السكة حديد يركب درجة نوم بعدين السكة حديد كلها حتكون نايمة والقطارات واقفة فحتسافر انت مسطح كيف ؟؟؟
01-12-2006, 04:20 م
الطيب شيقوق
.
تاريخ التسجيل: 31-01-2005
مجموع المشاركات: 1959
Re: برق الصعيد (Re: abubakr)
بعدين السكة حديد كلها حتكون نايمة والقطارات واقفة فحتسافر انت مسطح كيف ؟؟؟
نعست انت ولا شنو يا بابا ؟
(عدل بواسطة الطيب شيقوق on 01-12-2006, 09:24 م)
03-12-2006, 08:28 ص
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: abubakr)
أشرح مايلى خليها غنوة الطيب الهينة دى يمكنك الإستعانة بصديقك ( الطيب )
جاك الليل دحين فـج وانقـفـط ياالرّاو
هسالك جرّو اردح وفــــارق الهـرّاو
أنس الليــل مـع المــاربـربــت جـرّاو
وطــّاك حـيّــة الشــــق والحجر مراو
02-12-2006, 08:24 ص
JAD
.
تاريخ التسجيل: 05-02-2002
مجموع المشاركات: 2402
Re: برق الصعيد (Re: سمية الحسن طلحة)
الأخت الرائعة سمية الحسن طلحة ..
التحية والتقدير .. وفي انتظارك
اقترح أيها الأحباب ذكر قائل المسدار حتى يسهل التوثيق وتحفظ الحقوق ..
قال الأخ أبو قوتة:
Quote: برق الفارة شلع من جنائن الدوحة
من البطانة جاتنى.. نمة قلوب منشرحة
البورد تنسم بالقوافى الجميلة الصرحة
طاب بيييك المقام.... بابت الحسن طلحة
قلت ليهو قول:
برق الفارة شلع من ثنيات صلالة الفخمة
ومن وعر البطانة نمت صدور منشرحة
البورد ابتسم وهلل جاد بالقوافى السمحة
وبيك طاب المقام يا الرايقة بت ود طلحة
يا أبو قوتة إنت شقق وأنت بكتل ليك ..
ودي لكم جميعاً ..
جاد
02-12-2006, 08:48 ص
أحمد الشايقي
.
تاريخ التسجيل: 08-08-2004
مجموع المشاركات: 4374
Re: برق الصعيد (Re: JAD)
الاخت الكريمة سمية الحسن طلحة
شكرا على الدعوات الصالحات وهذه مجادعـة مع
ودشوراني وموضوعها برق الصعيد لأني من جهة الصعيد والباجـة من جبال اب رادعة وغرب,
لك التحيـة,
شلع برق الصـعيد قال للمِزن هـاك- ســو
وقطع الضهـري في ام لمّاع حسيسـة (عـو)
قــدل الضّحـوي بي ريـقـانو كاتــم الجّـو
ورتـع أب شايـة خوجـل في التّبـر والقــو
ود الشايقي
(عدل بواسطة أحمد الشايقي on 02-12-2006, 10:05 ص)
02-12-2006, 10:51 ص
Yahia Abd El Kareem
.
تاريخ التسجيل: 26-02-2005
مجموع المشاركات: 336
Re: برق الصعيد (Re: أحمد الشايقي)
يابت الحسن ...نحنا راجينك فى" مسادير الى ما شاء الله " وانتى عمرت التاية فى دار البطانة
على كل نحنا مع نسام البادية اينما هب ....
حدثت مجادعة حرة بين فحلين من شعراء البادية هاكم طرفا منها :
قال محمد ود احمودة شاعر الفادنية :
رويان موية زين ماكل درة ومتعافى
بليدن غادى كان ماتكون وشيكاشافى
بت اللى نعيلات النطح متلافى
يبرد فى البطين لى لى سعدو دافى
رد عليه الشيخ الحاردلو قئلا :
اجمع فى الرزق شان لى رضاهن افافى
كترت ومسخ واتعاجزت عرافى
قدر ما ادى مظنونى مانى مكافى
غير متاسف الياخدنو كله عوافى
03-12-2006, 00:21 ص
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: Yahia Abd El Kareem)
الأخ / يحي عبدالكريم .
مايفقدوك في شينة انشاء الله تسأل منك العافية
اتا ماناسية المسادير . اياها بدايتي الختيت فيها تايتي والله
أنا براي متقريفة ليها وماببقى براها ومابفارقها تب خليني
أشوف آخر البرق دا يمكن البطانة تمطر .
برقِك قلـَّع السارية أم صبيبا ســاح
وتعّـالك كتـَم من الهـواء اللفـاح
رعـدك رَزّ في المطرة التقيلة وقاح
وهجـك لاقى شمس الغيبة باكر زاح
03-12-2006, 00:25 ص
abuguta
.
تاريخ التسجيل: 20-04-2003
مجموع المشاركات: 3552
Re: برق الصعيد (Re: Yahia Abd El Kareem)
Quote: يا أبو قوتة إنت شقق وأنا بكتل ليك
والله ياجاد شقق دى بقت ما مستخدمة حتى فى مودرة الحطب اى شىء بقى يجى مشقق..حتى بكتل دى غنايها مات لكن الليلة ذكرتنى سوق النسوان فى ابقوتة ..طلح و شاف , تباريق ,نطع سمن فى الجوالين والقزاز..قروش مكرفسة فى المحفظة.. وجنبو سوق الحمام والجداد..ولما تكون فى مطرة اى دلالية بتكون فارشة فى مكان تانى...حليييلك يازمن..اما الشقيق فى الحش..دا شيتنا تانى نحن عرب جزيرة ساى شغلنا كلو سرراب..وكسير دراب..
لكن كدى اكتل دى
برق الصعيد جاب لى هبايب من جاى
ذكرنى البريدو وقعدة.. الدوباى
قارقت اللغيبش الفى الدواب جراى
وبقيت زول مدن... لا نمة لا شاشاى
ويينك يابت طلحة ملكة الدوبيت....
الطيب شيقوق ذاتو مو عاوز يرد علينا ساكى ليه رطانى ..لما وقع دامتو
لكن ابو بكر دا عندو حاجات كتيرة مخزنة...يذكرنى بكتابات الوحش عثمان محمد صالح
الاديب الحلفاوى البلغارى من ناس الزمن الجميل...يكتب الادب مثل همهمات عمال الدريسة
لكن انا بقيف عند هولاء..القادمين الجدد..كل واحد مدرسة بذاتو
الطيب شيقوق, ابو بكر سيد احمد .فاروق..ود جبرا...بنت الحسن طلحة..مولانا عادل
ديل جونا جامعيييييين ...بمعنى جاهزين خلاص...
ولقدام
(عدل بواسطة abuguta on 03-12-2006, 00:56 ص)
(عدل بواسطة abuguta on 03-12-2006, 06:42 ص)
03-12-2006, 03:42 ص
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: abuguta)
ألأخ الكريم/اب قوتة
مااااتلومنى كان كاتمة الكلام أزمنت
بنقد فى القوافى السمحة ماأتجابنت
والله أنا طارى ابقوتة ده بالحيل بتور على الحسس المدفون(المحرات بتور المدفونة)
وزميلاتنا فى رفاعة الثانوية من أبقوتة...والله أيام يازمان
الليلة نضميك ده متل برق الصعيدطلق على دعاشو
حسيت منو رحل العنقريب بفراشو
دحين آخوى إتو شققو واكتلو ونحنا علينا الكديب...والتقا بنلمها سوا
والله أمس كنا بنشرح لى أولادنا فى نفس العبارات دى.
ودمتم معينا من المعرفة لاينضب
بت طلحة
03-12-2006, 06:22 ص
الطيب شيقوق
.
تاريخ التسجيل: 31-01-2005
مجموع المشاركات: 1959
Re: برق الصعيد (Re: سمية الحسن طلحة)
Quote: دحين آخوى إتو شققو واكتلو ونحنا علينا الكديب...
بت طلحة خوفتيني عديييييييييل الكلام ده لقيتيهو وين ؟
زمان انا كنت بشقق وابوى طوالي ناهرني من الشقيقة الكبيرة وكنت بقصدها عشان ما يحلقونى في الكتل وكنت ظلات في القش كمان .
03-12-2006, 07:06 ص
Yahia Abd El Kareem
.
تاريخ التسجيل: 26-02-2005
مجموع المشاركات: 336
Re: برق الصعيد (Re: الطيب شيقوق)
فوق ياودشيقوق...اظنك نشلت الموية من البير ايام الافراح والبوش...وكمان دخلت بى غنمك
الدهسير وجمعت الربل من الخلا وطاردت القطا من حصا المقابر...وذاك تاريخ ابيض واصيل ...
نعود ان شاء الله مع نسام بت الحسن الى ان تمطر البادية وتملا الميعة والهواد...
03-12-2006, 10:36 ص
الطيب شيقوق
.
تاريخ التسجيل: 31-01-2005
مجموع المشاركات: 1959
Re: برق الصعيد (Re: Yahia Abd El Kareem)
Quote: فوق ياودشيقوق...اظنك نشلت الموية من البير ايام الافراح والبوش
يا ريت يا بت طلحة انا نشلتها من الجمامة ( الجمام ما عندكم انتو وهي لما النهر مويتو تنشف في الصيف ممكن تحفر اى حفرة بيدك ساى تجيب موية واصل الكلمة من جم يجم على وزن فلّ يفل ولا ايش رايك انتى شاطرة في اللغة العربية )
سمية زمان انا في الثانوي بدرسونا معلقة زهير ابن ابي سلمى وكنت ما بتنكر لبيئتنا اصلا . اها اليوم داك الاستاذ بيشرح في بيت في المعلقة بيقول :
رعوا ظمأهم حتى اذا تم اوردوا ..... الخ
الاستاذ يشرح سااااااااى لاولاد البندر عن غب الابل ووردة الابل طوالى نططت عيني للاستاذ ورفعت يدى فوق استاذ استاذ استاذ قال لى شنو يا العريس كنت معرس قلت ليهو ما تتعب الشاعر بيقصد الضمي والضمي عندنا يوم وردة الابل بعد تغيب ثلاث ايام . اولاد البندر قالوا لى ما فاهمين قلت ليهم اتسود خطوتكم واشوقكم للرحيل وخلفة المحوية ( الزبير بعرف الخلفة وحلاتها مع الخبة في جمل بشاري دوماتو خارة ) وتنم معاها نمة حلوة وسوطك مدلدلة سااااااااااى في بطن الجمل .
تقول
ود الحوري من كان سمينا ملجة
يبس دورو بالبركة ورقاد الدلجة
رقاد المراتب والبرش الضفيرتو العلجة
منو ابعدنا للكباشي بلد ام فلجة .
نواصل
04-12-2006, 11:12 ص
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: الطيب شيقوق)
ا لجمام من جم اوجاد بالشى...نقول مثلا فضائل جمة اى كثيرة
أما عن الشرب:ـ
اليوت : هو الشرب اليومى
الغب : هو الشرب يوم بعد يوم
وقالت البنت ترثى والدها:ـ
ديمة سواتك فوت
يامقنع البنوت
نارك ما بتموت
ووجعك مابغب يوت
اما الضمى فهو على نحو ماذكرت
ونواصل
04-12-2006, 11:23 ص
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: سمية الحسن طلحة)
اما عن سير الجمال فهو انواع: يكربت ويربع والخبيب والشبيب كما ذكر الشيخ عبد العزيز
فى هذا المربوع،وخرير الدومات
أخد العاصي دودبي المشيـهــو شبيـب
النال حازمو والشق تحتو فـيـهـو دبيب
تذكــار البقـول لى أمّــو جـانـا حبيب
خـلا حــروت قـماقـمـك إنتـرنو كبيب
ونواصل
04-12-2006, 11:28 ص
abubakr
.
تاريخ التسجيل: 22-04-2002
مجموع المشاركات: 1844
Re: برق الصعيد (Re: سمية الحسن طلحة)
Quote: أشرح مايلى خليها غنوة الطيب الهينة دى يمكنك الإستعانة بصديقك ( الطيب )
جاك الليل دحين فـج وانقـفـط ياالرّاو
هسالك جرّو اردح وفــــارق الهـرّاو
أنس الليــل مـع المــاربـربــت جـرّاو
وطــّاك حـيّــة الشــــق والحجر مراو
يالطيب .. هدنة ؟ زي اتفاقية البقط ...تحل لي العجمي اللي فوق دة وانا اسامحك عن رحلتك ومشوار سنينك ونهرك العبرتو وهو جاف ...؟؟ انا غايتو عرفت "الليل" و"الشق" و"الحجر " .. نحن الرطانة ما ادونا ادفانسد كولوكيوال ارابيك زي دة ؟؟؟
وتقولو برابرة برطنو .. في ذمتكم البنية دية كلاما دة الفرق بينو و بين " اقدن مل فقن مل " شنو ؟؟؟
04-12-2006, 02:56 م
الطيب شيقوق
.
تاريخ التسجيل: 31-01-2005
مجموع المشاركات: 1959
Re: برق الصعيد (Re: abubakr)
Quote: في ذمتكم البنية دية كلاما دة الفرق بينو و بين " اقدن مل فقن مل " شنو ؟؟؟
انا قلت ليك يا رطاني يا اعجمى لا تسالوا عن اشياء ان تبدو لكم ....
انت بس الله ابتلانا بيك الله يصرفك مننا ويخلينا نتضرع برانا في بطانة ابو على وحسان دى .
04-12-2006, 04:30 م
معتصم الطاهر
.
تاريخ التسجيل: 26-11-2004
مجموع المشاركات: 2026
Re: برق الصعيد (Re: سمية الحسن طلحة)
عفوا للدخول بين الغنوة ونمّتها
كنت أظنه بوست للجميع ...
05-12-2006, 00:57 ص
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: معتصم الطاهر)
لاح لى من بعيد سحاباً فَضَح برّاقو
طَرّانِى ضحكة الزول الصعيبة فراقو
حرّق القليب وشتت بقية اوراقو
هيج النفوس الكانو تابو وراقو
{ عفوا للدخول بين الغنوة ونمّتها
كنت أظنه بوست للجميع ...
..........................................................................................
أخى الكريم/معتصم الطاهر
والله العظيم ثلاث والله على ما أقول شهيد انا الآن فتحت البوست ده مخصوص للرد
عليك وعلى مجادعتك دى ...ولكن للأسف الشديد (سبق السيف العذل)
وعتابك ده يدل على كرم أصلك ونبل أخلاقك،أهلك العرب قالوا( الما دارك ما لامك)
ونحنا دايرنك ومابنبقى براك...فلك العتبى حتى ترضى
وياجماعة الخير أفزعونا ياناس الشايقى و منصور واب قوته وكلكم..كل واحد يجيب نمة فوق المعتصم ده حتى يرضى عننا ويجى ودشيقوق يحلف طلاق بالتلاتة معتصم يرجع.
05-12-2006, 01:59 ص
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: سمية الحسن طلحة)
والله ياالمعتصم غيبت لينا البرج فى راسنا
يا من لك أصـل عريق ضارب
كم ان لى حـس دقيق صـائب
وكم ان لى لفظ فصيح معرب
انماأضحى الكلام من أمامى يهرب
ويضـيع منى فى فـضـاء غـيـهـب
فهلا تقبل إعتذارنا وتعود حاملا نمك ...الا يصعب عليك فراقنا؟؟؟
نأمل ونتعشم بل ونطمع فى كرمك... فإنه والله ليعز علينا فقدك.
(عدل بواسطة سمية الحسن طلحة on 05-12-2006, 05:13 ص)
05-12-2006, 02:41 م
معتصم الطاهر
.
تاريخ التسجيل: 26-11-2004
مجموع المشاركات: 2026
Re: برق الصعيد (Re: سمية الحسن طلحة)
Quote: سمية الحسن طلحة:
ونحنا دايرنك ومابنبقى براك
زولك و برضو ما ببقى بلاك
لأنَّك فرضو و بالقليلة ملاك
الهجر أرضو بالدمِع بلاّك
كالكشَف عرضو بالجمُر ملاّك
05-12-2006, 04:54 م
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: معتصم الطاهر)
جبرت الخواطر لبيت ندا الناداك
رضيت الجميع انشاء الله ما نختاك
مابترضى الهجر كشف العروض حاشاك
خلينا ان نجر النـمـة سـوى مـعاك
05-12-2006, 04:57 م
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: معتصم الطاهر)
جبرت الخواطر لبيت ندا الناداك
رضيت الجميع انشاء الله ما نختاك
مابترضى الهجر كشف العروض حاشاك
خلينا ان نجر النـمـة سـوى مـعاك
شكرا لك أخ معتصم والعود أحمد
05-12-2006, 01:19 ص
abubakr
.
تاريخ التسجيل: 22-04-2002
مجموع المشاركات: 1844
Re: برق الصعيد (Re: سمية الحسن طلحة)
Quote: انت بس الله ابتلانا بيك الله يصرفك مننا ويخلينا نتضرع برانا في بطانة ابو على وحسان دى .
قالو رطانة عنصريين ...اها منو العنصري ؟.. اربعين سنة في خشم القربة السماها مقدود مع ناس البطانة ما علمونا ولا "نمة" والحوالينا منهم علمناهم يلعلعو برطانتنا ( لغات اجنبية)... بالمناسبة "نمة" يعني شنو ... ؟؟
يعني زي " نمتي الضواية" ...؟
05-12-2006, 04:11 ص
الطيب شيقوق
.
تاريخ التسجيل: 31-01-2005
مجموع المشاركات: 1959
Re: برق الصعيد (Re: abubakr)
يا زول البوست ده ما تجيهو غير شايل دكشنريك في جيبك
اخلي بت طلحة تشرح ليك النمة بس افهم انو احلى انواع النمات هى تلك التي يعمد المنم ( بضم الميم وكسر النون ) على وضع مصبع السبابة في اذنه اليمين واتلولح معاها ونفسو قائم ومدنقر ( مدنكر تعنى مسهي لتحت او بمعنا اخر بعاين ل########## من شدة طربه بالنمة )
وفي رواية اخرى احلى النمات عند الملمات الا ان هذه الرواية لم تجد قبولا عند جمهور خيمة الحاردلوا ود امنة وود شعيت وود الشوبلي ومحمد بابكر الدرويش وهولاء يرجحون ان اطيب النمات هى عندما يكلف صبية البادية للذهاب بجمالهم البشارية لمعرفة المحلات المخرفة او خريفها دندنة ( الدندنة الخريف البتكون بهائمه دفرة وعقلة) والدفرة والعقلة هي شبع البهائم في فد محل ( فد تعنى محل واحدة ) دون الحاجة الى قطع المسافات بحثا عن التبر والحنتوت ( وديل من افضل انواع النباتات للرزق ( الرزق هنا تعنى الانعام يا رطاني )
اها لما الصبية يجوا راجعين لاهلهم يخبروهم بمحل الخريف الدندنة ده بيكونوا مبسوطين بجوا راجعين اما خبة معاها نمة قد تكون النمة في حبيبة او في الخريف ذاتو او تكون الرجعة كربته والكربته دى بتقطع الشراشيف .
نواصل
05-12-2006, 04:34 ص
abubakr
.
تاريخ التسجيل: 22-04-2002
مجموع المشاركات: 1844
Re: برق الصعيد (Re: الطيب شيقوق)
Quote: تكون الرجعة كربته والكربته دى بتقطع الشراشيف .
انا استاهل .. شن جابني هنا ..؟؟ اخير لي الملايالم المعاي هنا اهو " ويلم " يعني "موي" اما"كربته والكربته" دي ما ليها قاموس ولا في الامزون ... تتقسحو في جني الرطان ساي .. اها باباي من مضاربكم نمو ( بكسر النون مش كدة يالطيب) برايكم ...
(عدل بواسطة abubakr on 05-12-2006, 01:13 م)
05-12-2006, 05:04 م
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: abubakr)
{اها باباي من مضاربكم نمو)
ياابوبكر نحنا ماصدقنا معتصم رجع تودعنا انت... (تعال صاد)
دى زى حكابة ملكين فوق ككر ده غاب وده حضر (دى دايرة شرح؟)
05-12-2006, 10:37 ص
Elmosley
.
تاريخ التسجيل: 14-03-2002
مجموع المشاركات: 16802
Re: برق الصعيد (Re: سمية الحسن طلحة)
مبروك يالاهل.. الليله جات بت طلحه
سكر في السلام ماها البخيله المِلحه
رضاية النفوس البيك... بقت مُنصلحه
بي شاف الكلام.. فاحت هديك من طلحه
(عدل بواسطة Elmosley on 05-12-2006, 10:38 ص)
05-12-2006, 05:17 م
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: Elmosley)
ترحـب ديارنا الوسـيعة وبـرحة
بـمـلك الفنون والسجايا السمحة
خـريف الأرض فى السنين الكلـحة
لـوجودك معانامـا بتسعنا الفرحة
مرحبا بالموصلى
حللت أهلا ونزلت سهلا
05-12-2006, 10:50 ص
nourelhadi awad
.
تاريخ التسجيل: 24-10-2006
مجموع المشاركات: 164
Re: برق الصعيد (Re: سمية الحسن طلحة)
بت البلد
سلام عليكم
من يشبهنا
لا افتري لكنها الحقيقة والتي فقط نعرفها نحن
اختي سمية
متى يعرف الاخر
من يوثق هذا التراث البحر
اني استمع واقرأ... لكم الود
نورالهادي
05-12-2006, 05:34 م
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: nourelhadi awad)
وعليكم السلام أخ/ نور الهادى
لاأحد يشبهكم ولسان حالكم يقول:ـ
انا البركب على الدقـن سناب
انا الملهوف غريب باقيلو كاب
انا الخلقونى لى يوم الخـراب
انا اب فزعا قريب متل السحاب
فلنتعاون لتوثيق هذا التراث
05-12-2006, 05:45 م
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: سمية الحسن طلحة)
ياجماعة الخير بتعرفوا التخا والدهاريب؟
لعل هذا المربوع الذى يخاطب البطانة يسهل عليكم الأمر:ـ
نسيتى زمانك والمحلة الجنينا طرابا
نسيتى ترزم السارية ام تخا ودهرابة
نسيتى معاقل النوق الرتوع وشرابا
نسيتى أخوان عنيبة..مدرقة مى حرابة
ونواصل تحت الدهاريب والبروق.
09-12-2006, 12:57 م
الطيب شيقوق
.
تاريخ التسجيل: 31-01-2005
مجموع المشاركات: 1959
Re: برق الصعيد (Re: سمية الحسن طلحة)
Quote: نسيتى زمانك والمحلة الجنينا طرابا
نسيتى ترزم السارية ام تخا ودهرابة
نسيتى معاقل النوق الرتوع وشرابا
نسيتى أخوان عنيبة..مدرقة مى حرابة
ونواصل تحت الدهاريب والبروق.
المحلة هى المحل التي لا ينبت فيها نبات واسعد المزارعين من يجد بلاده امحلت لا ينبت عليها الا الذرة او السمسم .
ترزم السارية هو كرير المطرة الليلية -
كان لاحد المزارعين ثلاثة اولاد وعندما حل زمن الخريف ارسل اى منهم لجهة ليزرع فيها بعيد عن منطقتهم . وبعد نهاية الخريف حضر ثلاثتهم بعد ان لموا مسورهم ( المسور هو الانتاج يا ابا بكر) الاب سال الاول اها يا ولدى قبل توريني انتاجك انت محل مشيت مطركم شنو؟ قالو يابا مطرنا ظهري او ضهري الاب قال ليهو انتو صفقتوا ( يعنى انتاجكم شوية) سأل التاني اها يا ولدى انتو شن مطركم ؟
قالو يابا نحن مطرنا ضحوي ابوه قال ليهو ووب ووووب انتو بورتوا( البور هو غلبة الغش للعيش او السمسم) سال الولد التالت قالو اها ياولدى انتو شن مطركم الولد شنق الطاقية فوووووووق قالو يابا نحن مطرنا ليلي يعنى ( السارية ام تخا ودهرابة البتعنيها بت طلحة في قصيدتها دى) ابوه قال ليهو انتو يا ولدى قطع شك عيشتوا ( يعنى انتجتوا خيرا وفير)
سنواصل حول اسباب تفسير الوالد لهذه الحالات .
(عدل بواسطة الطيب شيقوق on 09-12-2006, 11:46 م)
09-12-2006, 02:30 م
abubakr
.
تاريخ التسجيل: 22-04-2002
مجموع المشاركات: 1844
Re: برق الصعيد (Re: سمية الحسن طلحة)
Quote: ترزم السارية هو كرير المطرة الليلية -
دي لغة شنو المابتتقري الا بترجمة مرافقة لكل كلمة وسطر فيها بلغة اخري ...؟
الطيب ات وملكة الدوبيت بتحتاجو تدخلو كورسات لغة عربية خصوصي وانا حاكون المدرس ..لازم اعلمكم لغة علي اصولها مافيها تورية ولا الحاجات الكتيرة البتلخبت المعني ... انتو ما درسوكم "طلع .. نزل .. شرب .. اكل .. " بس .. حاجات بسيطة وكفاية ..اصلو انتو لا صنعتو ولا حتصنعو موبايل بكميرا ولا حتي من غير كاميرا اهو لغة لزوم الحكي فبالله لازم تحضروا الكورس وهو مجاني والفطور علي فاست فوود ....
قال كرير المطر ؟؟ شو هذا ؟؟
(عدل بواسطة abubakr on 09-12-2006, 02:35 م)
09-12-2006, 03:15 م
الطيب شيقوق
.
تاريخ التسجيل: 31-01-2005
مجموع المشاركات: 1959
Re: برق الصعيد (Re: abubakr)
Quote: قال كرير المطر ؟؟ شو هذا ؟؟
ابو بكر عليك الله تختاني ( تختاني معناها keep away from me pls )
12-12-2006, 02:50 ص
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: الطيب شيقوق)
شيخ العرب/ ودشيقوق
لا فض فوك....فقد وفـيت وكفيت...تحية خاصة موصولة لك من الشيخ عبد الرحمن الشيخ على
ود الشيخ القرشى ود الزين...وهو يقول لك كلامك صحيح علمياً وأدبياً...فالزروع التى تروى
ليلاً تنمو بصورة أفضل من غيرها...واصل فنحن فى إنتظار المزيد.
ولك الشكر الجزيل
(عدل بواسطة سمية الحسن طلحة on 12-12-2006, 03:05 ص)
12-12-2006, 02:57 ص
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: سمية الحسن طلحة)
(ترّزم السارية ام تخا ودهرابة)
أستاذ/ أبوبكر... هذا عربى فصيح%
الرزمى: هو صوت حنين النياق ( الناقة: تجمع نوق أو نياق)
ما سمعت الفنان نجم الدين الفاضل يتغنى بكلامنا ده فى(ليالى الأنس)
يحن قلبى الكان بولاد
كحنين الوالدة على الأولاد
حنين النوق بٌكّـر تيــلاد
لى النفسو مسك وعرقو جلاد
فالشاعر شبه صوت الرعد بالرزمى....أما الساريه فهى المطرة الليلية
وهى من السرى أى السير ليلاّ(ما سمعتو بالإسراء والمعراج)؟
أما التخا: فهو السحب الخفيفة
والدهرابة : جمعها دهاريب وهى عندما يشتد الظلام أويكون هناك تخا
يحجب الرؤية والدنيا ليل مع شدة لمع البروق وكشة كتاحة وأحياناّ زيفة
والناس يقولوا ليك ماش وين يازول تحت الدهاريب دى .
نسعد بتواصلكم معنا.
12-12-2006, 03:02 ص
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: سمية الحسن طلحة)
الفنجري فوق البطانة
برقِك قلـَّع السارية أم صبيبا ســاح
وتعّـالك كتـَـم من الهـواء اللفــّــاح
رعـدك رَزّ في المطرة التقيلة وقاح
وهجـك لاقى شمس الغيبة باكر زاح
ولكم مودتى
12-12-2006, 03:02 ص
الطيب شيقوق
.
تاريخ التسجيل: 31-01-2005
مجموع المشاركات: 1959
Re: برق الصعيد (Re: سمية الحسن طلحة)
Quote: ...فالزروع التى تروى
ليلاً تنمو بصورة أفضل من غيرها...واصل فنحن فى إنتظار المزيد.
بت الصالحين قولى لود القرشي كتر خيرك واحكى ليهو ها السالفة
في واحد هندى هنا في عمان شغال ري في نباتات الزينة بعدين جات مطرة تقيييييييييلة وهو شغال برضو برش في خضاره والمطرة صاااااااابة . انا بحب استطلاع منى سالته قلت ليهو صديق هذا مطر مال ربنا ايش فيك تعمل كده ؟
قال هذا دوام كفيل قول لازم شغل كل ساعات دوام .
12-12-2006, 03:13 ص
الطيب شيقوق
.
تاريخ التسجيل: 31-01-2005
مجموع المشاركات: 1959
Re: برق الصعيد (Re: الطيب شيقوق)
Quote: برقِك قلـَّع السارية أم صبيبا ســاح
وتعّـالك كتـَـم من الهـواء اللفــّــاح
رعـدك رَزّ في المطرة التقيلة وقاح
وهجـك لاقى شمس الغيبة باكر زاح
لله درك يا بت طلحة والله هيجتي ذكرياتنا وخليني اشرح الكلام ده لناس ابي بكر العجم ديل .
برقك قلع السارية ام صبيبا ساح
يا الله - ربما يكون ده البرق القبلي او البرق ابي فاتحة البخم ليك السماء من قدام كلوووو يجي مقلع ليك السحابة التي عندما تنزل صبيبها يسوح ويملاء المرانع ( المرانع هي الاراضى المنخفضة او الميع )
وتعالك كتم من الهواء اللفاح
التعال هى السحابة المزرقنة وداكنة قريبة من ا########## تقول تشرب منها من قربها للارض . وعادة النوع ده من السحب عندما يقرب للصبان هواها بيكتم ويزند دليل على وشوك الصبيب.
وهجك لاقى شمس الغيبة باكر زاح يعنى صبيب من الصباح للمغربية
12-12-2006, 05:10 ص
gessan
.
تاريخ التسجيل: 05-02-2002
مجموع المشاركات: 626
Re: برق الصعيد (Re: سمية الحسن طلحة)
الطيب كيف حالك ..
Quote: ...وود شعيت وود الشوبلي...
ود شعيت الزول الغناي "الممسوخ"؟؟
الزول الفي حكاوي غناهو "حضور درامي"؟؟
لدي موضوع يخص حكاوي وغناوي ود شعيت دا سوف ارفده في البورد دا متى ما توفر لي الزمن لتجهيزه ..مصحوب بتسجيل صوتي لأحد مجالس حكاويه العامرة..والتسجيل الصوتي ضروري واكثر حسماً
لموضوع الكتابة بلغة اهل البطانة.."التنوين دا مهما تسوي فيهو ما بديك النطق الدايرو"..
حتى ان بعض الذين كتبوا في التراث الشعبي والدوبيت بالذات حاولوا إشتقاق بعض علامات التنوين الخاصة لتوصيل النطق بشكل اكثر وضوحاً .."لاكين باقي لي السمع بقطع الشك تب" ..كما انه اكثر جمالاً..
عموما
جابنا البراق ..والتِعِل ..وريحة الدعاش ..
وسيرة "أم هبج ..الهواها شفخانة المِتالم"..علي قول ود شعيت..
و دي دخلة من باب التحية ..
لكل المتداخلين في هذا البوست ..
والبوستات المشابهة ..
------------
أمُحُمّد ود الفكي حمد "علي لسان ود شعيت" قاليها:
سَماحِك غير حِبُوب بَرتا وقفِيس حُجّاج
سماح اليَبسَت دوف الطِريفي الساج
شِعاع ظُرر الغشيم الفي الظلام وجّاج
سماح الفرُوا..براق السِـرا الفجّاج
--------
واقعدوا عافية
12-12-2006, 05:17 ص
الطيب شيقوق
.
تاريخ التسجيل: 31-01-2005
مجموع المشاركات: 1959
Re: برق الصعيد (Re: gessan)
Quote: لي السمع بقطع الشك تب" ..كما انه اكثر جمالاً..
اخي غسان عليك الرسول تكون معانا ياكا زولنا عدييييييييل وكلامك كلام زولا مننا تعال لينا بود شعيت وود امنه وود الشوبلي وخلينا ندوبي ونغنى في بطانتنا جوة المنبر ده والزارعنا غير الله اللجي يقلعنا.
حبابك
حبابك
12-12-2006, 08:58 ص
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: الطيب شيقوق)
Quote: أمُحُمّد ود الفكي حمد "علي لسان ود شعيت" قاليها:
سَماحِك غير حِبُوب بَرتا وقفِيس حُجّاج
سماح اليَبسَت دوف الطِريفي الساج
شِعاع ظُرر الغشيم الفي الظلام وجّاج
سماح الفرُوا..براق السِـرا الفجّاج
--------
الأخ/غسان مرحب بيك فى دار البطانة
الطيب ود شيقوق حلب شدوقو فى العرب وقال ياناس الدار جاكم زول
وجينا نرحب بيك وبى خيرك الجايبو معاك وطبع الكريم مابدخل وإيدو فاضية
إنشاء الله تكون جايب لنا جبنة وزنين أم فحماّ يتواجج متل مغس الأقربون.
وأحمد ودعوض الكريم قال المابجيب غنوة فوق ( وزنين ) دى مايشيل فنجان.
قالولو غنى إت آشيخ العرب.. قالهم لا السابقك على الباب قوللو ياأرباب
وهو يقصد ود شورانى....ودشورانى قال الغنا فوق (وزنين) دى؟ قالولو آآى..قال:ـ
سمحة وضوكا لبن صـهباء ودخلها مبسط
شرفتا ريل وكفيتا خيل وطولا موسـط
من عينة إرم الفيها التواريخ نصـت
حـسيت قلبى فارفنى وكبدتى أنقـصت
وأهل برق الصعيد فى انتظار مساهماتك
سمية الحسن طلحة
(عدل بواسطة سمية الحسن طلحة on 12-12-2006, 03:03 م)
12-12-2006, 01:14 م
abubakr
.
تاريخ التسجيل: 22-04-2002
مجموع المشاركات: 1844
Re: برق الصعيد (Re: سمية الحسن طلحة)
والله ياسمية بحاول وبصدق ان افهم ولكن يادوبك شوية يعني الكلمات العربي - وفقا للمنهاج العربي لغير الناطقيين بها من الرطانة- اما الباقي ورغم انه ظاهر عليهو كلاما زين الا نو ما كان في المنهاج بتاعنا ... يعني الواحد في عمري دة امشي اقعد مع احفادي -عندما البنات يقررن الزواج ويتزوجن ويقررن الولادة ويولدن وانا اكون موجود- بعد تعديل المنهاج ....
انتو بتقولو الكلام السمح دة كيف ؟
13-12-2006, 02:58 ص
الطيب شيقوق
.
تاريخ التسجيل: 31-01-2005
مجموع المشاركات: 1959
Re: برق الصعيد (Re: abubakr)
Quote: انتو بتقولو الكلام السمح دة كيف ؟
انت عليك تسمع وتطرب وبس يا باش ما تجننا معاك .
انت ابو بكر عولك معاك في دبي؟
13-12-2006, 04:19 ص
gessan
.
تاريخ التسجيل: 05-02-2002
مجموع المشاركات: 626
Re: برق الصعيد (Re: سمية الحسن طلحة)
Quote: إنشاء الله تكون جايب لنا جبنة وزنين
سلام عليك ..سمية ..
نعم ..
المقطع الذي اقصده يتحدث عن مجلس جبنة وزنين.
ود شعيت زولاً "بُدعي" بالحيل ..بالإضافة لي كلامو السمح ونُطقو الواضح ..
فهو يقيم حوارا بالدوبيت يستنطق فيه بيئته من حوله "التَرس" و"الجمل" و"ريرة"البلد..
كما انه يقيم قصصاً وهمية "في بعض الاحيان" عن من هي أكثرهن جمالاً في مجالس الأنس والشراب..
ومن هي التي يحق لها ان "ترفع البيرك" على بيتها متزعمة مجالس الانس جمالاً وحضور..
وإن الله هّوّن بنسمع نموذج من حكاوي ودشعيت هِنا قريب..
تحايا
*************
الاعزاء بكري ..والطيب ..
البطانة وحلفا ..
مشروع القِربة اقيم لتوطين اهالي حلفا ..وكذلك لتوطين وتطوير الرُحّل في البطانة..
خشم القربة كان نقطة تحويل إنسان البطانة من رعوي متجول ..الى زراعي منتظم ..بدل ما يزرع بالمواسم وحسب المطر ..وطالق سعيتو ساكت وباريها سادرة ومتدلية..
وهنا "ساعيد" حكاية عن الصادق اب آمنة ..احد اشعر مغنيّ البطانة "طالما المقام مقام غناء وبراق"..انه إمتلك حواشة في مشروع حلفا لاحقاً..
وورد قوله في الحنين الى فترة النشوق والدمر ..وهواه للبطانة وتجواله مترحلا فيها..ساخراً من الحياة المنتظمة:
إتخلفن لها البطحاني والعبادي
ونفضنو المتِل جبب ام صريمة يدادي
نحنا ترانا للشابورة ديمة نحادي
عنز الشاي مراقبة من غرامة القاضي
ويعني انه رأى براقين البطحاني والعبادي يتخالفن في شلعتن ..والبراقين ديل جابن سحاباً اسود ..متل لبس نساء الرشايدة ..والذي يشبه صريمة الجمل ..
والصريمة هي الحبل او الرسن الذي يلف وجه الجمل ..لذلك سموا الرشايدية "ام صريمة" ..
يقول البراقين ديل نفضن سحاب اسود ماطر ومتحرك ..اما هو فحالته صعبة حارس حواشتو مراقبا لها ..
وحتى عنزه المخصصة للبيت للشاي ايضا مضروب عليها حصار ..فإن طلقها فإن ذلك يرميه في محاكمة وغرامة ..
حالياً منطقة "الرتّاجة" مثلا والتي تقع في مشروع حلفا الجديدة هي واحدة من مراكز عرب البطانة بعد إستقرارهم على ما أعتقد ..
بالطبع حلفا لاحقاً اصبحت سودان مصغر ..بعد قيام المشروع وما جلبه من حياة مدنية ..حيث تجد كل قبائل السودان فيها تقريباً..
يعني يا الطيب ناس بكري ديل بي فضلهم..جابولكم المدنية في داركم ..وإستقريتو بعد ما كنتوا حايمين بالصي ..
والله شنو؟؟
تحايا للجميع ..
13-12-2006, 06:12 ص
الطيب شيقوق
.
تاريخ التسجيل: 31-01-2005
مجموع المشاركات: 1959
Re: برق الصعيد (Re: gessan)
Quote: والصريمة هي الحبل او الرسن الذي يلف وجه الجمل
لله درك يا غسان بس حبه توضيح شويه لو امكن :
الصريمة تختلف عن الرسن . الرسن يدرع في قدوم الجمل ويلف عنقرته من خلف ( انا يا غسان اخوى رساااااااان كمان) اما الصريمة فتشبيهها بحال نساء الرواشد فيها كثير من الروعة والابداع اللغوي إذ ان الصريمة عبارة عن حديدة تدرع للجمل الكافر او الماصع في نخرته او انفه لمزيد من التحكم في توجيهه لان الرسن لوحده غير كافئ لضبط الجمل وهو في هذه الحالة من الهيجان والمصعة .
اما علامات هيجان الجمل او مصوعه فهى خرير الدومات بالمادة السوداء ورش البول بزيله من خلف لحدى تتسخ فخذاه الخلفيتان بذلك البول .
نواصل لنسمع مزيد من ابداعك يا جميل
شيقوق
13-12-2006, 08:07 ص
gessan
.
تاريخ التسجيل: 05-02-2002
مجموع المشاركات: 626
Re: برق الصعيد (Re: سمية الحسن طلحة)
Quote: إذ ان الصريمة عبارة عن حديدة تدرع للجمل الكافر او الماصع في نخرته او انفه لمزيد من التحكم في توجيهه لان الرسن لوحده غير كافئ لضبط الجمل وهو في هذه الحالة من الهيجان والمصعة .
هلا هلا آ الطيب آخوي ..
يا زول انا كلامك دا ما بتفق معاك فيهو ..اها رايك شنو؟؟
شوف الحديدة القاصدة إنتا دي نحنا بنسميها "الزُمام"..يا بتكون حديدة ..يا بتكون جلد "قِـد" او خيتاً قوي..وعادة ما تكون ثابتة في النخرة او انف البعير..
يعني ما عليك الا تدرع فيها حبلك والله رسنك ..وهي بالضبط متل الزمام عند النساء ..
اما الصريمة البعرفا غايتو ..يقولك :والله الليلة سويت لي صريمة للجمل دا..يعني جهّز الرسن بوضعيات لفاته المعروفة فما عليك الا تلبسه للجمل ..
وقاعدين نقول تصرِّم الجمل ..يعني تلف الرسن او الحبل إن لم يكن جاهزاً او تلبسو ليهو بشكله المعروف دا ..والرسن عندو كم طريقة بتتحكم فيها هداوة الجمل زي ما قلتا إنتا ..
وبرضو الحمار عندنا بصرِموهو ..وخاصة الدحش عندما يقرّب لي وكت الطاعة ..يعني تخلي فيهو الحبل جاهز ..
وإن كان هناك "اللِجام" بالنسبة للحمار كما للخيل وهو حديد بلبسو ليهو في خشمو ..برضو لمزيد من التحكم فيه..
انا كان عندي وكت كان رسمتها ليك هسع الحاجات دي ..
نرجع للجمل ..
بجانب الصريمة هناك أيضاً "الحَسَكة"..وهي زي ما تقول كدي شبكة مجلدة ومجهزة ..وعادة ما تكون من الجلد يتم تلبيسا للجمل "وهي بالضبط اشبه بصريمة الخيل الجاهزة كما في سباق الخيل"..
والحسكة للجمل بستخدموها خاصة في حالة الشَدة "للقندفة" عند الذين يقصدون جمال المنظر ..
حيث يتم تزيينها بالكِنتِل وتكمل جمال منظر السرج او "المخلوفة" ..وعليهو "الطافات" الملونات ..وتبراهو خيوت المحقبة ..يا سلاااام ..
بعدين الحسكة وإنتا راكب في الجمل بجيك منها حبلين ايمن وايسر وجه الجمل ..لاكين في حالة الرسن العادي و في حالة الصريمة بجيك حبل واحد من راس الجمل ..
وهنالك ايضا "الشكيمة"..وهي عبارة عن شبكة منسوجة بلبسوها للجمل من قدام تغتي خشمو دا ..عندما يكون في مرحلة "التنشـيل " اي يمنعوه من الاكل والشرب ..
وتلاحظها في الجمال المعدة للسباق ..
وبيني وبينك انا شايف "الشكيمة" هي الاقرب لوصف نساء الرشايدة من الصريمة..
كثيراً ما اسمع في حكاويهم: "والله يا جماعة فلان دا عندو شافع ..بس شيطانا مصرّم.."..
الطيب ياخي ..
خالص التحايا ..
13-12-2006, 08:32 ص
nazar hussien
.
تاريخ التسجيل: 04-09-2002
مجموع المشاركات: 3182
Re: برق الصعيد (Re: gessan)
Quote: سمحة... وضوكا... لبن صـهباء ودخلها مبسط
شرفتا ريل... وكفيتا خيل.... وطولا موسـط
من عينة إرم الفيها التواريخ نصـت
حـسيت قلبى فارفنى وكبدتى أنقـصت
هلا هلا....والله البوست دا كان فاقد شيخ العرب ودشنتير....
امانة ما فات بي جنس حدوثات....
جيتكم طربان سااااااااااااااااااكت....
والصريمة والرسن يا قيسان جيهتهن تب...
20-12-2006, 08:39 ص
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: nazar hussien)
مرحب الأخ نذار ربنا يديم البسط
والجابك يجيب شيخ العرب ود شنتير
لكم التحية.
13-12-2006, 08:31 ص
gessan
.
تاريخ التسجيل: 05-02-2002
مجموع المشاركات: 626
Re: برق الصعيد (Re: سمية الحسن طلحة)
الاعزاء هنا ..
سلام تاني ..
دا نموذج مسموع لدوبيت مُغنى من منطقة البطانة ..بصوت الشاعر الغناي الصِدِّيق ود عباس ..احد اجمل المغنين الذين سمعتهم في أداء هذا النوع ..
وهنا تسمعه يتغنى بدوبيت لشعراء مختلفين منهم أحمد ود عوض الكريم وود ضحوية الشاعر الهمباتي ..وهو نموذج ماخوذ من تسجيل شعبي متداول ..
كما أخذت في النموذج هذا لونين من "الأداء اللحني"للدوبيت عند ود عباس ..
ارجو ان يكون فرصة للوقوف على هذا النوع من التراث الشعبي ..ومن افواه مغنيه
او رواته الشعبيين مباشرة ..لضمان سلامة جماله ..
كما ان السمع بِقطَع الشك في مسألة الكتابة والتنوين لتوصيل النطق الصحيح للكلمات ..
لاحظ مثلاً في النمة الاولى في النموذج فهي كتابةً تقول:
ناس جبر الله قاعدين في البِيوت ما بخترو
من كُبي ..وكشف حال الحريم ما بفترو
أخير اختِر براي أسد الرضيمة بنُترو
صاحبي إن ذلى ما بَفشاهو دِيمة بسُترو
فما أجملها سمعاً..
مع خالص التحايا للجميع ..
-----------
* شنتير ..
أتمنى ان تمر بي جاي وتخت اضانك معانا وتسمع صاحبك ود عباس ..
13-12-2006, 10:24 ص
الطيب شيقوق
.
تاريخ التسجيل: 31-01-2005
مجموع المشاركات: 1959
Re: برق الصعيد (Re: gessan)
نواصل
(عدل بواسطة الطيب شيقوق on 14-12-2006, 00:35 ص)
13-12-2006, 10:40 ص
nourelhadi awad
.
تاريخ التسجيل: 24-10-2006
مجموع المشاركات: 164
Re: برق الصعيد (Re: سمية الحسن طلحة)
يابت عز الرجال
القامو الليل وقط مانامو
مو مطر التريه
مطر العينةالبرز سونامو
ركازة الصعيف
بحر السخاالطمر الكرد هدامو
والله أكان ماأخاف الكضب برق الصعيد هدا عندنا قي الدوحة
مودتي
نورالهادي
(عدل بواسطة nourelhadi awad on 13-12-2006, 01:52 م)
20-12-2006, 08:48 ص
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: nourelhadi awad)
Quote: والله أكان ماأخاف الكضب برق الصعيد هدا عندنا قي الدوحة
ياود عز الرجال
ضو المكبسة ضلامو
كباس الدهم البتواردو عشامو
نورك باقى هادى للورا وقدامو
خاتم للنفايل وقايدن بزمامو
أخى نور الهادى والله برق الصعيد سوى البدع
عّم الخليج كلو...انهالت علينا الإستغاثات من كل حدب وصوب
(ناس ودطلحة عوووك أرحمونا كفانا) ميى زيفة وميى قرّة.
ودمتم
20-12-2006, 09:02 ص
الطيب شيقوق
.
تاريخ التسجيل: 31-01-2005
مجموع المشاركات: 1959
Re: برق الصعيد (Re: سمية الحسن طلحة)
Quote: نورك باقى هادى للورا وقدامو
خاتم للنفايل وقايدن بزمامو
لله درك يا بت طلحة لعمري ما شهدت ابداع بلاغي بهذه الصورة
20-12-2006, 09:08 ص
سمية الحسن طلحة
.
تاريخ التسجيل: 18-11-2006
مجموع المشاركات: 265
Re: برق الصعيد (Re: سمية الحسن طلحة)
الأخ الكريم / غـسـان لك الشكر أجزله فقد ملكتنا مادة قيمة جدا، شريط ود عباس الذى فقدته فى إحدى محطات تجوالى فى مدن الغربة الماشايفيين ليها نهاية دىوكذلك فتحت الباب على مصراعيه فى هذا الجانب الذى يطول شرحه (الرسن ، الهسال ، القلادة...) مفردات لمسمى واحد ،(عرقوبو وحنوه دور قادف النواتة
بشّـت دومتو خربتّو القلادة شتاتا ) اما الصريمة فهى غير الشكيمة التى تزود بحديد مدبب الروؤس أو بشوك السدر ، وغير اللجام الذى هو من الحديد وعادة يكون للخيل...وقد تحدث الشيخ عبد العزيز وود الشلهمة فى هذه المعانى منها:ـ
دوماتـــك خبـوبن فوق قلايــدك مارق
هاك طيّة هسـالك ياالعـفيف لا تدارق
أنس الليل مـع أب خُـلقاً نـزيـه مو شالق
بقى هاجسلي والرّوح للمروق بـتـّـالق
ونواصل....
[اضف رد] صفحة 1 من 1: << 1 >>
· · · أبحث · ملفك ·
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: nourelhadi awad)
|
نورالهادى
أنا حقاً مسكونة بحب التراث
أتنفسه وأتمير منه
آمل أن تزودنى منه بما يحفظ
الرمق ويرد بعض الذماء
لك التحية أبها الشامخ
..............................................................................................
سأنقل ارشيف برق الصعبد الى هنا
ليسهل تصفحه لمن أراد
كل الود
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
مايهدونا بالحربة المسلك عودا
ومابنراشي روحاً بالقبر موعودا
كان وقع القدر وكملت المعدودا
أنا ياخالي أخو البدّن وضيبن فودا
أخوك يا أم روبة مابتيّن الجارات
أخوك يا أم ديس طبيق أسد الخلا القنّات
أخوك عند موجبي ماني الزئبقي الهورات
أخوك بلزم الحارة الشديدة إن جات
الصديق ود الريد
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
سمية ..
هل للدوبيت في السودان تاريخ مسجل ؟؟ هل كل القبائل العربية او المستعربة لها دوبيتها ؟
هل الدوبيت سوداني خالص اي لا يوجد الا في السودان ؟
اجيال صغيرة ومع زحف البادية الي الحضر لا تعرف كثيرا او مطلقا عن الدوبيت ؟
مودتي
ابوبكر
| |
|
|
|
|
|
|
|
|
 Re: لاح لي من صعيد برقاً كتم تعّالو (Re: abubakr)
|
ياود الرجال الفضايلم مشهودة
حددت النفايل مابعدت عليك حدودا
ليك إرث المكارم حاشا مامشحودة
لامحتاجة بينة لادليل لاشهودا
سمية الحسن طلحة
فوق القلنا داك فتينا ساكت حودا
ذوق يا بت ملوك لابساهو فوقك خودا
وارثاها المكارم حاشا مى معدودا
مثل الديدبان حارساها باقيه جنودا
منصور
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: munswor almophtah)
|
Quote: هل للدوبيت في السودان تاريخ مسجل ؟؟ هل كل القبائل العربية او المستعربة لها دوبيتها ؟
هل الدوبيت سوداني خالص اي لا يوجد الا في السودان ؟
اجيال صغيرة ومع زحف البادية الي الحضر لا تعرف كثيرا او مطلقا عن الدوبيت ؟
مودتي
ابوبكر |
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: munswor almophtah)
|
متابعات
ندوة «فن الدوبيت» بمعهد البروفيسور عبد الله الطيب
رصد: علي صالح طمبل
أقام معهد البروفيسور عبد الله الطيب بجامعة الخرطوم ندوة عن فن الدوبيت قدمها الأستاذ التجاني ابراهيم محمد اسماعيل، وعقَّب عليها الاستاذ الامين البدوي، وذلك بمبنى المعهد وقد حضر الندوة التي تعقد كل اسبوعين لفيف من اساتذة الجامعة والادباء والمهتمين.
وقد بدأ الاستاذ التجاني ابراهيم محمد اسماعيل متناولاً اصل كلمة «الدوبيت»، وذكر بانه يعرف في السودان بعدة اسماء منها «الدوباى» و«الغُنا» و«الهرولة» و«النم»، وأكد «ان الدوبيت» هو فن سوداني اصيل، ويجب ان يبحث الدارسون لاثبات تبعيته للسودان. واضاف بان «الدوبيت» يعتبر من قبيل الشعر الغنائي الذي قسمه الاخشيدي الى الشعر القريض، والدوبيت، والموشح، والكاف وكان الزجل، الى جانب الموالي والقومة. اما الدوبيت، فهو فن قديم، قال عنه السيد احمد الهاشمي بانه فن معرب. والدوبيت كلمة فارسية ذات شقين: «دو» وتعني اثنين، و«بيت» وهو يتكون من اربعة اشطر. ومن انواع الدوبيت الرباعي الصحيح، والرباعي الاعرج، علاوة على الرباعي الممنطق، والرباعي المصمت. وذكر الأستاذ التجاني ان كلمة «دوبيت» ليست متداولة في مجتمعات البادية، وإنما هي كلمة ادخلها بعض كتاب العصر الحديث.
وفيما يتعلق بالتحولات التي طرأت على الشعر العربي، ذكر الأستاذ التجاني ابراهيم بان الشعر في الاندلس على سبيل المثال بدأ بالشعر القريض. وعندما اتسعت الدولة شملت بلاداً لسانها غير عربي مثل شمال افريقيا وفارس والهند. وقد قاد هذا التوسع والانفتاح مع ثقافات الشعوب الاخرى لظهور الموشحات التي انتشرت في بلاد المغرب على وجه الخصوص، وذلك نتيجة لمجالس اللهو والطرب التي عمت الانحاء، وكأن تلك المجتمعات قد ملت تلك الرتابة التي تسير عليها أوزان الشعر العربي الخليلية. ثم جاء الزجل وهو اشعار تقال بالعامية، وهي تطور طبيعي لشعر الموشحات. ثم جاءت مرحلة اخرى وهي شعر «الموالي»، حيث ان الجواري كن يقلن: يا موالي يا موالي وينشدن هذا الشعر، سمي بالموالي، ومن ثم ظهر «الكان وكان»، وهو شعر عامي انتشر عند اهل بغداد، وكانوا يعتمدون عليه في النصائح والمواعظ، فيقولون كان وكان، وتأتي به موسيقى محددة تختلف عن الايقاعات الخليلية، ثم تلا هذا النوع عن الشعر القومة التي انتشرت في عهد الخليفة الناصر. والقومة قد تكون من قومة الاشجار، لانه ضرب من الشعر يقال في الاسحار والدوبيت هو في نهاية الامر نتاج لتلك التحولات في الشعر العربي. وقد استبعد الأستاذ الطيب محمد الطيب ان تكون هنالك صلة بين الدوبيت السوداني والفارسي، وقد اطلق عليه اسم «الدوباى» و«دوبي» في بعض مناطق السودان تعني اصدر اصواتاً خاصة على العمل. وهذه «المدوباة» قد تكون اصواتاً لا تصحبها الكلمات.
وقد قدم الأستاذ التجاني نماذج من شعر «الدوباى» منها مربوع لبخيت الكباشي يقول فيه:
بعد مود ايد الممسوح عملوا جفيلْ
سمع النقرة ود الجنن الهجليلْ
على بلد البرامكة المحبكات بالنيلْ
امسى ايديهو واحدة «تدوبي» وواحدة تكيلْ
كما قدم التجاني نموذجاً لود شوراني الذي ورد في رباعياته لفظ «الغنا» اشارة للدوباى.
أنا يا ابتله سافعة العشا البتقوقي
قلتها كرسي نومي وضيفي سهدك فوقي
من قليبو أليل والطعم معشوقي
صديتا تاني لي مضغ «الغنا» وحيروقي
أما بالنسبة لنشأة هذا الفن في السودان، يقول الأستاذ التجاني ابراهيم إن الاقوال حول نشأته متضاربة ومتباينة، ولذلك يرى انه نشأ مع وجود الكلمة العربية في السودان، اي الى ما قبل دخول الاسلام.
وفيما يخص الالحان، ذكر التجاني ان شعراء البطانة يسيرون على نمط واحد في طريقة اللحن مع اختلاف يسير في الثقل والخفة والسرعة والابطاء، فلشعر دار حامد في شمال كردفان طريقتهم في التلحين شأنهم في ذلك شأن الكبابيش واهل البطانة. وقام الأستاذ التجاني بتقديم نماذج ملحنة لمختلف المناطق مثل «مسدار تمبول» لاحمد ود عوض الكريم ود حسب ربه الذي يبدأ مسداره من تمبول الى ان يصل الى منطقة من مناطق الشرق، كما قدم نموذجاً آخر من شمال كردفان لعمر ود ابو شناح، وآخر لود ام سيالة، الى جانب بخيت ود الكباشي الذي تميز بالحانه الهادئة والمتفردة.
كما تطرق التجاني ابراهيم لاغراض الدوبيت، واوضح بأن اغراضه هي نفس اغراض الشعر العربي الفصيح مثل المدح والهجاء والوصف والغزل والرثاء وغيرها من الاغراض التي بيّنها ابو تمام في كتابه «الحماسة». ومن النماذج التي قدمها نموذج في الوصف لود شوراني الذي يصف جمله قائلاً:
حجّام ام خدود عقب التريعة يسدِّي
كاجرني وجفا القلع الرسل من يدِّي
ما بتبارى وكتين جنب قفاه يندِّي
سرجو عروق وضهرو المركب البتعدِّي
وذكر بان الشاعر في البادية عادة ما يصف البيئة المحيطة به، مثل الجمل الذي يساعده على الترحال، وكذلك المحبوبة، كما عدَّد التجاني انواع الدوبيت، وقال بان منها الرباعيات المتفرقة التي نجدها في شمال كردفان، علاوة على المسادير، حيث أن المسدار هو المكان الذي يسرح فيه الصيد.
والكلمة اصلها «صدر» اي ان السين انقلبت صاداً. و«صدر» تعني ذهب الى مناطق المياه، على العكس من كلمة «ورد»، واضاف ان المسدار عند شعراء الدوباى هو رحلة يقوم بها الشاعر من منطقة محددة الى اخرى قاصداً الوصول لمحبوبته، ويكون عمر الرحلة يوماً واحداً يبدأ من الصباح وينتهي عند المساء. ويصف الشاعر في المسدار المناطق التي مرَّ بها والسرعة التي يسير بها جمله، وضروب المشي، فضلاً عن حديثه عن المحبوبة ووصفه لها، كما يدير حواراً مع بعيره.. والمسدار قد يشتمل على موضوعات عدة قد تبلغ الاربعين او الخمسين.. وذروة هذا المسدار تكون عندما يصل الشاعر الى محبوبته، فتقوم باستقباله بصحبة جمله الذي تحسن له، باعتباره السبب في ايصال الشاعر اليها. كما ترسل من يقوم بخدمة الشاعر ويكرم نزله طيلة فترة اقامته.. ومن المسادير التي تطرق اليها الاستاذ التجاني ابراهيم «مسدار رفاعة» لاحمد ود عوض الكريم. كما قال الاستاذ التجاني بان هناك نوعاً آخر من انواع الدوباى يسمى بالمجادعات التي تكون بين شاعر وآخر، حيث يأتي الشاعر الأول بأبيات على قافية معينة، فيرد عليه الشاعر الآخر بنفس القافية.. ومن امثلتها المجادعة التي دارت بين ود شوراني ونايل البطحاني، حيث قال :
الشيب البخيت برقع سواد اغراسي
لكن قلبي ابداً للدرع مو ناسي
شغلت فكري وحشة تكون وتراسي
تكسير عله في المكتومة بالحيل قاسي
فردَّ عليه ود شوراني قائلاً:
دكتور طبِّي عندو دواى ومنُّو احساسي
تفاح منقة ما هو يسيل وارضو فداسي
سيد قافية غناى الفيهو صافي اخلاصي
عاجب عيني جارح قلبي مكرو سياسي
وتطرق الأستاذ التجاني لعلاقة الدوبيت بالسياسة، واشار الى ان اغلب شعراء الدوباى كانوا بعيدين عن السياسة وما يدور فيها بحكم اقامتهم في الفيافي والبوادي، غير ان بعضهم زار المناطق الحضرية، فتأثر بالاوضاع السياسية. كما ذهب الى ان السياسة اصلاً موجودة في الفيافي والبوادي، ولكنها مبسطة تتمثل في علاقة الاهالي بالشيخ، او بالمأمور، كما كان في العهد التركي. وهناك شعر كثير قيل في السياسة، خاصة في عهد عبد الله التعايشي الذي كانت له مشاكل وخلافات مع «أبناء البحر» الذين اتهموه باستئثاره بالحكم وتقريبه لاهله البقارة، كما عبر بعض الشعراء عن أسفهم بعد فشل ثورة 1924م واصفاً انقلاب الاحوال رأساً على عقب:
انقلب الدار كتل المرق بتمامه
والصيد الكبير يسعب وخاطفا نعامه
التمساح غرق واحتاجنا لي عوّامه
انا شفت الاسد يجري وخاطفا نعامه
وفي معرض حديثه عن الدراسات التي اجريت حول الشعر الشعبي في السودان، ذكر الأستاذ التجاني ابراهيم ان اول من قدَّم دراسة في هذا المجال هو الدكتور المصري عبد المجيد عابدين الذي ذكر في كتابه «من الادب الشعبي في السودان» ان الدوبيت وزنه وزن الرجز العربي الاصيل.
ولم يتفق الاستاذ التجاني مع الدكتور عابدين في هذه الجزئية، اذ يرى ان اغلب الدوبيت اقرب ما يكون الى الهرج، حيث يأتي اغلبه على الصورة «مفاعلين مفاعيلن مفاعيلنتن»، ورجح ان عبد المجيد عابدين قد ذهب الى هذا الرأي لتأثره بنزعته العروبية. كما اضاف قائلاً بان الدوبيت شعر ولد ملحناً. ومما ينفي ان يكون رجزاً هو انه لا يمكن الوقوف في الرجز على الساكن، علاوة على كون الكلمات في الشعر العربي فصيحه، بينما هي في الدوبيت عامية، وهناك كلمات تكون في حشو البيت ترد فيه مثل «يبوح» لا يمكن اخضاعها لاوزان الخليل بن احمد، لاحتوائها على ساكنين. مما يرجح ان للدوبيت اوزانه الخاصة المنسقة مع طبيعة اللهجة السودانية وخصوصية الشعر الشعبي في السودان.
وفي ختام الدراسة الوافية التي قدمها الأستاذ التجاني ابراهيم، قام بطرح اسئلة مفتوحة على الحضور إثارة للنقاش واثراءً للحوار مثل: ما هو الدور الذي يلعبه الدوبيت في حياة المجتمع السوداني؟ وما هو الأثر الذي احدثه؟ وما هي الخدمة التي قدمها للمجتمعات؟ هل ناقش بعض القضايا الاجتماعية وتناول العادات والتقاليد والقيم وغيرها؟ واذا اردنا ان نجعل هذا الفن ضمن المفردات التي تدرّس في الجامعات: ما هي الاهداف التي نريدها ان تتحقق من وراء ذلك؟ كيف يستطيع شعراء اليوم الاستفادة من هذا الفن الضخم؟ وكذلك نادى التجاني بربط كل ذلك بالأفكار التي نادى بها الناقد الشاعر حمزة الملك طمبل الذي دعا لضرورة ان تكون للشعر السوداني خصوصيته، حتى يميزه من هو من خارج السودان عندما يقرأه.
وقد عقَّب الدكتور الصديق عمر الصديق على ما قاله الأستاذ التجاني، وذكر ان الدكتور احسان عباس في «غربة الراعي» قد عقد فصلاً للسودان وقال انه اعجبه في المثقفين السودانيين انهم كانوا يأكلون «الفول» وهذا مما يدل على انهم يعانون من انفصام حاد يفصلهم عن مجتمعهم، فهم مشدودون الى الحياة الشعبية. وهذا في رأي الدكتور صديق- يشير بوضوح الى ان اصل السودان «البداوة».
وقد عقَّب الأستاذ الامين البدوي مفتتحاً حديثه بتثنيته للرأي القائل بإدراج الدراسات الشعبية في المقررات الرسمية التي تدرس في الجامعات والاكاديميات. كما اشار الى الطريقة التقليدية التي عادة ما يعرض بها في الدوبيت الذي يربط دائماً بالبيئات البدوية في مناطق معينة مثل البطانة مع كونه موجوداً في مناطق اخرى من السودان مثل مناطق الجعليين التي تحتوي على رصيد وافر لم يحظ بنصيب من الدراسة والتمحيص. وذكر بان كلمة «دوابى» في بعض المناطق تعني «اشتاق»، كما ذهب الى ان الادب العربي يميل الى الذاتية «الغنائية». ورأى ان في الصحراء العربية توجد جزئية تحتوي على كل الآداب التي يحتفي بها الناس عبر العالم. وقد قدّم الأستاذ التجاني نماذج مختلفة من مختلف مناطق السودان لشعراء من بينهم ابراهيم ود صالح العوني والتاية بت قلبوس وبلل ود زايد، حيث اورد مقاطع لابراهيم ود صالح العوني الذي يصف ما هو اشبه بالانقلاب الكوني في قوله:
ضاق بينا الامر يا سيدي
انقلب الدهر عقباني ما في حديدي
سنة السني دي عقبى وعلينا شديدي
قنّب عيشها من النار من دلوبا ديدي
كما نادى الاستاذ الامين البدوي بتعريف هذا الضرب من الادب وترجمته على المستوى العالمي والعربي ومقارنته مع نظائره في الادب العالمي. وذكر ان الدوبيت قد وُقِّع من قبل بآلة موسيقية كما فعلت ذلك التاية بت قلبوس. وفي ختام تعقيبه اكد على ضرورة دراسة فن الدوبيت والتعمق فيه، لانه في رأيه فن «بلا حدود».
وقد افتتح النقاش الأستاذ الفكي محمد الحسن الذي تساءل: هل شعر الدوباى قاصر على البطانة والمناطق الخلوية مثلما ورد في مربع الحردلو:
الشم خوّخت بردنْ ليالي الحرّه
والبرّاق برقْ من منّة جاب القرّه
شوف عيني الصقير بجناحو كفت الفرّه
تلقاها ام خديد الليلة مرقت برّه
حيث نجد في هذه الرباعية انه مربوط بالصحراء والخلاء والبطانة بدليل الكلمات «البرق و«الصقر» و«الغزالة» و«البرد».
وتحدث الاستاذ الشاعر سعد عبد القادر عن الشعر السياسي، وذكر بان هجرة الحلفاويين الى البطانة قد ادت الى كثير من المنازعات والمشادات بين سكان البطانة والحلفاويين مما اثار قريحة الشعراء فكتبوا حول هذا الجانب. ورأى بان شعر الدوبيت السياسي كان مواكباً لمختلف التحولات الاقتصادية والاجتماعية والثقافية.
كما تطرق الدكتور معتصم فضل لموضوع اوزان الدوبيت، وقال إنه كان من الطبيعي ان تختلف الاوزان عند امتزاج الثقافة العربية بالاهلية، وان تكون للسودانيين خصوصيتهم في الشعر كما للاندلسيين مثلاً.
ودعا الدكتور مرتضى بابكر الى إنشاء مركز للدراسات الشعبية كما في الدول المتقدمة مثل فرنسا التي بها اربعة مراكز. وانتقد التركيز على البادية عند الحديث عن الدوبيت، لان هنالك شعراء كتبوا الدوبيت مع انهم عاشوا في المدن، مثل ود الفراش الذي اقام في بربر. واشار الى ان المجادعة ليس بالضرورة فيها ان تكون القافية موحدة. اما عن الاوزان، فقد ذكر الدكتور مرتضى بانه ليس بالضرورة ان من لا يجرى على اوزان الخليل ليس بشاعر، والدليل على ذلك محاولات ابي نواس للخروج من اوزان الخليل، مما جعل البعض يعتبره من جرّب التفعيل.
وقال الأستاذ مزمل حسن الركابي ان هناك اخذاً ورداً بين الحضارة والبداوة، فليس هنالك حضرى كامل، ولا بدوي كامل. كما ان بعض القصيد العامي ربما يكون تطويراً للدوبيت، واشار الى ان مربعات الدوبيت تشير الى المنطقة التي ينبع منها، ويختلف هذا الضرب من الادب الشعبي من منطقة الى اخرى.
وتطرق الاستاذ الحارث عبد القادر الى تماسك اجزاء النص خاصة في الحديث عن الرحلة «المسدار» وطرح سؤالاً: هل هنالك تشابه بين الدوبيت والموشحات وهل يمكن ان يدخل ادب «الهمبتة» تحت مسمى ادب الدوبيت؟
وذكر الأستاذ الجزولي ان الدكتور عبد المجيد عابدين يرى انه مأخوذ من السرد، اي سرد كل ما يقع في سبيل الوصول الى المحبوبة.. واشار الى ان هنالك دوبيتاً في كل مناطق السودان تقريباً، خاصة في دارفور التي لم ينل فيها الدوبيت حظه من الاهتمام، مع جودته وعمقه.. اما المسدار فهو خاص بالبطانة عكس الدوبيت. وذهب الى ان الصور الموجودة في السودان ليست موجودة في الشعر العربي، وليس ذلك تحيزاً -في رأيه- ولكن المشكلة هي أننا لا نحسن الترويج لبضاعتنا، كما يفعل الآخرون، كما دعا لتحديد الاوزان التي جاءت عليها ايقاعات الدوبيت، فان كانت فريدة من نوعها، فهو انجاز ينبغي ان يحسب للسودان.
وفي نهاية الندوة عقَّب الأستاذ التجاني على اسئلة ومداخلات الحضور، مؤكداً على ان فن الدوبيت لا يحتكر لكردفان، ولكن اغلب النماذج التي وقعت في يده من مناطق شمال كردفان تحديداً، وهو ليس متحيزاً لتلك المنطقة لكونه منها، بدليل انه يرى ان شعر البطانة مثلاً يتفوق على الشعر عندهم في كثير من النواحي.. كما أشار الى ان الفكرة المصاحبة للدوبيت في العادة تأتي ملحنة. ونفى ما ذكره الدكتور عبد المجيد عابدين من ان يكون المسدار من كلمة «سرد»، وانما هو من كلمة «صدر» كما ذكر من قبل.
وقد فتحت هذه الندوة التي اقامها معهد البروفيسور عبد الله الطيب الباب مشرعاً للولوج الى عالم هذا الفن الشعبي الزاخر بكل طارف وتليد من الحياة الانسانية المتفردة في نوعها مما يرسم آفاقاً لكل الدارسين والمهتمين بأدب الشعوب لينهلوا من هذا المعين الذي لا ينضب من الأدب الصادق الذي يصوِّر الحياة بكل تلقائية دونما تكلف او رتوش.
http://www.wadmadani.com/vb/showthread.php?t=11824
http://www.azaheer.com/vb/showthread.php?t=8270
http://hewar.khayma.com/showthread.php?t=29142
http://www.alwaraq.com/Core/dg/dg_comment?ID=2312&dgid=10633
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: munswor almophtah)
|
متابعات
ندوة «فن الدوبيت» بمعهد البروفيسور عبد الله الطيب
رصد: علي صالح طمبل
أقام معهد البروفيسور عبد الله الطيب بجامعة الخرطوم ندوة عن فن الدوبيت قدمها الأستاذ التجاني ابراهيم محمد اسماعيل، وعقَّب عليها الاستاذ الامين البدوي، وذلك بمبنى المعهد وقد حضر الندوة التي تعقد كل اسبوعين لفيف من اساتذة الجامعة والادباء والمهتمين.
وقد بدأ الاستاذ التجاني ابراهيم محمد اسماعيل متناولاً اصل كلمة «الدوبيت»، وذكر بانه يعرف في السودان بعدة اسماء منها «الدوباى» و«الغُنا» و«الهرولة» و«النم»، وأكد «ان الدوبيت» هو فن سوداني اصيل، ويجب ان يبحث الدارسون لاثبات تبعيته للسودان. واضاف بان «الدوبيت» يعتبر من قبيل الشعر الغنائي الذي قسمه الاخشيدي الى الشعر القريض، والدوبيت، والموشح، والكاف وكان الزجل، الى جانب الموالي والقومة. اما الدوبيت، فهو فن قديم، قال عنه السيد احمد الهاشمي بانه فن معرب. والدوبيت كلمة فارسية ذات شقين: «دو» وتعني اثنين، و«بيت» وهو يتكون من اربعة اشطر. ومن انواع الدوبيت الرباعي الصحيح، والرباعي الاعرج، علاوة على الرباعي الممنطق، والرباعي المصمت. وذكر الأستاذ التجاني ان كلمة «دوبيت» ليست متداولة في مجتمعات البادية، وإنما هي كلمة ادخلها بعض كتاب العصر الحديث.
وفيما يتعلق بالتحولات التي طرأت على الشعر العربي، ذكر الأستاذ التجاني ابراهيم بان الشعر في الاندلس على سبيل المثال بدأ بالشعر القريض. وعندما اتسعت الدولة شملت بلاداً لسانها غير عربي مثل شمال افريقيا وفارس والهند. وقد قاد هذا التوسع والانفتاح مع ثقافات الشعوب الاخرى لظهور الموشحات التي انتشرت في بلاد المغرب على وجه الخصوص، وذلك نتيجة لمجالس اللهو والطرب التي عمت الانحاء، وكأن تلك المجتمعات قد ملت تلك الرتابة التي تسير عليها أوزان الشعر العربي الخليلية. ثم جاء الزجل وهو اشعار تقال بالعامية، وهي تطور طبيعي لشعر الموشحات. ثم جاءت مرحلة اخرى وهي شعر «الموالي»، حيث ان الجواري كن يقلن: يا موالي يا موالي وينشدن هذا الشعر، سمي بالموالي، ومن ثم ظهر «الكان وكان»، وهو شعر عامي انتشر عند اهل بغداد، وكانوا يعتمدون عليه في النصائح والمواعظ، فيقولون كان وكان، وتأتي به موسيقى محددة تختلف عن الايقاعات الخليلية، ثم تلا هذا النوع عن الشعر القومة التي انتشرت في عهد الخليفة الناصر. والقومة قد تكون من قومة الاشجار، لانه ضرب من الشعر يقال في الاسحار والدوبيت هو في نهاية الامر نتاج لتلك التحولات في الشعر العربي. وقد استبعد الأستاذ الطيب محمد الطيب ان تكون هنالك صلة بين الدوبيت السوداني والفارسي، وقد اطلق عليه اسم «الدوباى» و«دوبي» في بعض مناطق السودان تعني اصدر اصواتاً خاصة على العمل. وهذه «المدوباة» قد تكون اصواتاً لا تصحبها الكلمات.
وقد قدم الأستاذ التجاني نماذج من شعر «الدوباى» منها مربوع لبخيت الكباشي يقول فيه:
بعد مود ايد الممسوح عملوا جفيلْ
سمع النقرة ود الجنن الهجليلْ
على بلد البرامكة المحبكات بالنيلْ
امسى ايديهو واحدة «تدوبي» وواحدة تكيلْ
كما قدم التجاني نموذجاً لود شوراني الذي ورد في رباعياته لفظ «الغنا» اشارة للدوباى.
أنا يا ابتله سافعة العشا البتقوقي
قلتها كرسي نومي وضيفي سهدك فوقي
من قليبو أليل والطعم معشوقي
صديتا تاني لي مضغ «الغنا» وحيروقي
أما بالنسبة لنشأة هذا الفن في السودان، يقول الأستاذ التجاني ابراهيم إن الاقوال حول نشأته متضاربة ومتباينة، ولذلك يرى انه نشأ مع وجود الكلمة العربية في السودان، اي الى ما قبل دخول الاسلام.
وفيما يخص الالحان، ذكر التجاني ان شعراء البطانة يسيرون على نمط واحد في طريقة اللحن مع اختلاف يسير في الثقل والخفة والسرعة والابطاء، فلشعر دار حامد في شمال كردفان طريقتهم في التلحين شأنهم في ذلك شأن الكبابيش واهل البطانة. وقام الأستاذ التجاني بتقديم نماذج ملحنة لمختلف المناطق مثل «مسدار تمبول» لاحمد ود عوض الكريم ود حسب ربه الذي يبدأ مسداره من تمبول الى ان يصل الى منطقة من مناطق الشرق، كما قدم نموذجاً آخر من شمال كردفان لعمر ود ابو شناح، وآخر لود ام سيالة، الى جانب بخيت ود الكباشي الذي تميز بالحانه الهادئة والمتفردة.
كما تطرق التجاني ابراهيم لاغراض الدوبيت، واوضح بأن اغراضه هي نفس اغراض الشعر العربي الفصيح مثل المدح والهجاء والوصف والغزل والرثاء وغيرها من الاغراض التي بيّنها ابو تمام في كتابه «الحماسة». ومن النماذج التي قدمها نموذج في الوصف لود شوراني الذي يصف جمله قائلاً:
حجّام ام خدود عقب التريعة يسدِّي
كاجرني وجفا القلع الرسل من يدِّي
ما بتبارى وكتين جنب قفاه يندِّي
سرجو عروق وضهرو المركب البتعدِّي
وذكر بان الشاعر في البادية عادة ما يصف البيئة المحيطة به، مثل الجمل الذي يساعده على الترحال، وكذلك المحبوبة، كما عدَّد التجاني انواع الدوبيت، وقال بان منها الرباعيات المتفرقة التي نجدها في شمال كردفان، علاوة على المسادير، حيث أن المسدار هو المكان الذي يسرح فيه الصيد.
والكلمة اصلها «صدر» اي ان السين انقلبت صاداً. و«صدر» تعني ذهب الى مناطق المياه، على العكس من كلمة «ورد»، واضاف ان المسدار عند شعراء الدوباى هو رحلة يقوم بها الشاعر من منطقة محددة الى اخرى قاصداً الوصول لمحبوبته، ويكون عمر الرحلة يوماً واحداً يبدأ من الصباح وينتهي عند المساء. ويصف الشاعر في المسدار المناطق التي مرَّ بها والسرعة التي يسير بها جمله، وضروب المشي، فضلاً عن حديثه عن المحبوبة ووصفه لها، كما يدير حواراً مع بعيره.. والمسدار قد يشتمل على موضوعات عدة قد تبلغ الاربعين او الخمسين.. وذروة هذا المسدار تكون عندما يصل الشاعر الى محبوبته، فتقوم باستقباله بصحبة جمله الذي تحسن له، باعتباره السبب في ايصال الشاعر اليها. كما ترسل من يقوم بخدمة الشاعر ويكرم نزله طيلة فترة اقامته.. ومن المسادير التي تطرق اليها الاستاذ التجاني ابراهيم «مسدار رفاعة» لاحمد ود عوض الكريم. كما قال الاستاذ التجاني بان هناك نوعاً آخر من انواع الدوباى يسمى بالمجادعات التي تكون بين شاعر وآخر، حيث يأتي الشاعر الأول بأبيات على قافية معينة، فيرد عليه الشاعر الآخر بنفس القافية.. ومن امثلتها المجادعة التي دارت بين ود شوراني ونايل البطحاني، حيث قال :
الشيب البخيت برقع سواد اغراسي
لكن قلبي ابداً للدرع مو ناسي
شغلت فكري وحشة تكون وتراسي
تكسير عله في المكتومة بالحيل قاسي
فردَّ عليه ود شوراني قائلاً:
دكتور طبِّي عندو دواى ومنُّو احساسي
تفاح منقة ما هو يسيل وارضو فداسي
سيد قافية غناى الفيهو صافي اخلاصي
عاجب عيني جارح قلبي مكرو سياسي
وتطرق الأستاذ التجاني لعلاقة الدوبيت بالسياسة، واشار الى ان اغلب شعراء الدوباى كانوا بعيدين عن السياسة وما يدور فيها بحكم اقامتهم في الفيافي والبوادي، غير ان بعضهم زار المناطق الحضرية، فتأثر بالاوضاع السياسية. كما ذهب الى ان السياسة اصلاً موجودة في الفيافي والبوادي، ولكنها مبسطة تتمثل في علاقة الاهالي بالشيخ، او بالمأمور، كما كان في العهد التركي. وهناك شعر كثير قيل في السياسة، خاصة في عهد عبد الله التعايشي الذي كانت له مشاكل وخلافات مع «أبناء البحر» الذين اتهموه باستئثاره بالحكم وتقريبه لاهله البقارة، كما عبر بعض الشعراء عن أسفهم بعد فشل ثورة 1924م واصفاً انقلاب الاحوال رأساً على عقب:
انقلب الدار كتل المرق بتمامه
والصيد الكبير يسعب وخاطفا نعامه
التمساح غرق واحتاجنا لي عوّامه
انا شفت الاسد يجري وخاطفا نعامه
وفي معرض حديثه عن الدراسات التي اجريت حول الشعر الشعبي في السودان، ذكر الأستاذ التجاني ابراهيم ان اول من قدَّم دراسة في هذا المجال هو الدكتور المصري عبد المجيد عابدين الذي ذكر في كتابه «من الادب الشعبي في السودان» ان الدوبيت وزنه وزن الرجز العربي الاصيل.
ولم يتفق الاستاذ التجاني مع الدكتور عابدين في هذه الجزئية، اذ يرى ان اغلب الدوبيت اقرب ما يكون الى الهرج، حيث يأتي اغلبه على الصورة «مفاعلين مفاعيلن مفاعيلنتن»، ورجح ان عبد المجيد عابدين قد ذهب الى هذا الرأي لتأثره بنزعته العروبية. كما اضاف قائلاً بان الدوبيت شعر ولد ملحناً. ومما ينفي ان يكون رجزاً هو انه لا يمكن الوقوف في الرجز على الساكن، علاوة على كون الكلمات في الشعر العربي فصيحه، بينما هي في الدوبيت عامية، وهناك كلمات تكون في حشو البيت ترد فيه مثل «يبوح» لا يمكن اخضاعها لاوزان الخليل بن احمد، لاحتوائها على ساكنين. مما يرجح ان للدوبيت اوزانه الخاصة المنسقة مع طبيعة اللهجة السودانية وخصوصية الشعر الشعبي في السودان.
وفي ختام الدراسة الوافية التي قدمها الأستاذ التجاني ابراهيم، قام بطرح اسئلة مفتوحة على الحضور إثارة للنقاش واثراءً للحوار مثل: ما هو الدور الذي يلعبه الدوبيت في حياة المجتمع السوداني؟ وما هو الأثر الذي احدثه؟ وما هي الخدمة التي قدمها للمجتمعات؟ هل ناقش بعض القضايا الاجتماعية وتناول العادات والتقاليد والقيم وغيرها؟ واذا اردنا ان نجعل هذا الفن ضمن المفردات التي تدرّس في الجامعات: ما هي الاهداف التي نريدها ان تتحقق من وراء ذلك؟ كيف يستطيع شعراء اليوم الاستفادة من هذا الفن الضخم؟ وكذلك نادى التجاني بربط كل ذلك بالأفكار التي نادى بها الناقد الشاعر حمزة الملك طمبل الذي دعا لضرورة ان تكون للشعر السوداني خصوصيته، حتى يميزه من هو من خارج السودان عندما يقرأه.
وقد عقَّب الدكتور الصديق عمر الصديق على ما قاله الأستاذ التجاني، وذكر ان الدكتور احسان عباس في «غربة الراعي» قد عقد فصلاً للسودان وقال انه اعجبه في المثقفين السودانيين انهم كانوا يأكلون «الفول» وهذا مما يدل على انهم يعانون من انفصام حاد يفصلهم عن مجتمعهم، فهم مشدودون الى الحياة الشعبية. وهذا في رأي الدكتور صديق- يشير بوضوح الى ان اصل السودان «البداوة».
وقد عقَّب الأستاذ الامين البدوي مفتتحاً حديثه بتثنيته للرأي القائل بإدراج الدراسات الشعبية في المقررات الرسمية التي تدرس في الجامعات والاكاديميات. كما اشار الى الطريقة التقليدية التي عادة ما يعرض بها في الدوبيت الذي يربط دائماً بالبيئات البدوية في مناطق معينة مثل البطانة مع كونه موجوداً في مناطق اخرى من السودان مثل مناطق الجعليين التي تحتوي على رصيد وافر لم يحظ بنصيب من الدراسة والتمحيص. وذكر بان كلمة «دوابى» في بعض المناطق تعني «اشتاق»، كما ذهب الى ان الادب العربي يميل الى الذاتية «الغنائية». ورأى ان في الصحراء العربية توجد جزئية تحتوي على كل الآداب التي يحتفي بها الناس عبر العالم. وقد قدّم الأستاذ التجاني نماذج مختلفة من مختلف مناطق السودان لشعراء من بينهم ابراهيم ود صالح العوني والتاية بت قلبوس وبلل ود زايد، حيث اورد مقاطع لابراهيم ود صالح العوني الذي يصف ما هو اشبه بالانقلاب الكوني في قوله:
ضاق بينا الامر يا سيدي
انقلب الدهر عقباني ما في حديدي
سنة السني دي عقبى وعلينا شديدي
قنّب عيشها من النار من دلوبا ديدي
كما نادى الاستاذ الامين البدوي بتعريف هذا الضرب من الادب وترجمته على المستوى العالمي والعربي ومقارنته مع نظائره في الادب العالمي. وذكر ان الدوبيت قد وُقِّع من قبل بآلة موسيقية كما فعلت ذلك التاية بت قلبوس. وفي ختام تعقيبه اكد على ضرورة دراسة فن الدوبيت والتعمق فيه، لانه في رأيه فن «بلا حدود».
وقد افتتح النقاش الأستاذ الفكي محمد الحسن الذي تساءل: هل شعر الدوباى قاصر على البطانة والمناطق الخلوية مثلما ورد في مربع الحردلو:
الشم خوّخت بردنْ ليالي الحرّه
والبرّاق برقْ من منّة جاب القرّه
شوف عيني الصقير بجناحو كفت الفرّه
تلقاها ام خديد الليلة مرقت برّه
حيث نجد في هذه الرباعية انه مربوط بالصحراء والخلاء والبطانة بدليل الكلمات «البرق و«الصقر» و«الغزالة» و«البرد».
وتحدث الاستاذ الشاعر سعد عبد القادر عن الشعر السياسي، وذكر بان هجرة الحلفاويين الى البطانة قد ادت الى كثير من المنازعات والمشادات بين سكان البطانة والحلفاويين مما اثار قريحة الشعراء فكتبوا حول هذا الجانب. ورأى بان شعر الدوبيت السياسي كان مواكباً لمختلف التحولات الاقتصادية والاجتماعية والثقافية.
كما تطرق الدكتور معتصم فضل لموضوع اوزان الدوبيت، وقال إنه كان من الطبيعي ان تختلف الاوزان عند امتزاج الثقافة العربية بالاهلية، وان تكون للسودانيين خصوصيتهم في الشعر كما للاندلسيين مثلاً.
ودعا الدكتور مرتضى بابكر الى إنشاء مركز للدراسات الشعبية كما في الدول المتقدمة مثل فرنسا التي بها اربعة مراكز. وانتقد التركيز على البادية عند الحديث عن الدوبيت، لان هنالك شعراء كتبوا الدوبيت مع انهم عاشوا في المدن، مثل ود الفراش الذي اقام في بربر. واشار الى ان المجادعة ليس بالضرورة فيها ان تكون القافية موحدة. اما عن الاوزان، فقد ذكر الدكتور مرتضى بانه ليس بالضرورة ان من لا يجرى على اوزان الخليل ليس بشاعر، والدليل على ذلك محاولات ابي نواس للخروج من اوزان الخليل، مما جعل البعض يعتبره من جرّب التفعيل.
وقال الأستاذ مزمل حسن الركابي ان هناك اخذاً ورداً بين الحضارة والبداوة، فليس هنالك حضرى كامل، ولا بدوي كامل. كما ان بعض القصيد العامي ربما يكون تطويراً للدوبيت، واشار الى ان مربعات الدوبيت تشير الى المنطقة التي ينبع منها، ويختلف هذا الضرب من الادب الشعبي من منطقة الى اخرى.
وتطرق الاستاذ الحارث عبد القادر الى تماسك اجزاء النص خاصة في الحديث عن الرحلة «المسدار» وطرح سؤالاً: هل هنالك تشابه بين الدوبيت والموشحات وهل يمكن ان يدخل ادب «الهمبتة» تحت مسمى ادب الدوبيت؟
وذكر الأستاذ الجزولي ان الدكتور عبد المجيد عابدين يرى انه مأخوذ من السرد، اي سرد كل ما يقع في سبيل الوصول الى المحبوبة.. واشار الى ان هنالك دوبيتاً في كل مناطق السودان تقريباً، خاصة في دارفور التي لم ينل فيها الدوبيت حظه من الاهتمام، مع جودته وعمقه.. اما المسدار فهو خاص بالبطانة عكس الدوبيت. وذهب الى ان الصور الموجودة في السودان ليست موجودة في الشعر العربي، وليس ذلك تحيزاً -في رأيه- ولكن المشكلة هي أننا لا نحسن الترويج لبضاعتنا، كما يفعل الآخرون، كما دعا لتحديد الاوزان التي جاءت عليها ايقاعات الدوبيت، فان كانت فريدة من نوعها، فهو انجاز ينبغي ان يحسب للسودان.
وفي نهاية الندوة عقَّب الأستاذ التجاني على اسئلة ومداخلات الحضور، مؤكداً على ان فن الدوبيت لا يحتكر لكردفان، ولكن اغلب النماذج التي وقعت في يده من مناطق شمال كردفان تحديداً، وهو ليس متحيزاً لتلك المنطقة لكونه منها، بدليل انه يرى ان شعر البطانة مثلاً يتفوق على الشعر عندهم في كثير من النواحي.. كما أشار الى ان الفكرة المصاحبة للدوبيت في العادة تأتي ملحنة. ونفى ما ذكره الدكتور عبد المجيد عابدين من ان يكون المسدار من كلمة «سرد»، وانما هو من كلمة «صدر» كما ذكر من قبل.
وقد فتحت هذه الندوة التي اقامها معهد البروفيسور عبد الله الطيب الباب مشرعاً للولوج الى عالم هذا الفن الشعبي الزاخر بكل طارف وتليد من الحياة الانسانية المتفردة في نوعها مما يرسم آفاقاً لكل الدارسين والمهتمين بأدب الشعوب لينهلوا من هذا المعين الذي لا ينضب من الأدب الصادق الذي يصوِّر الحياة بكل تلقائية دونما تكلف او رتوش.
http://www.wadmadani.com/vb/showthread.php?t=11824
http://www.azaheer.com/vb/showthread.php?t=8270
http://hewar.khayma.com/showthread.php?t=29142
http://www.alwaraq.com/Core/dg/dg_comment?ID=2312&dgid=10633
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
عوافي يا ناس
الجابني ليكم نواح الشادوف وهمسة الواسوق
وبريق القبلي والهمبريب الذي عطر هذا البورد وسماواته
ورائحة تراب بلدي المنعشة
والحنين يا بلدي
أحن اليك يا بلدي الى السودان أرض المسرات
فما آنست شيئاً سواه ولا في غيره أرجو مماتي
وملعونة يا غربة
لك منا التحية والتقدير
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: mohmmed said ahmed)
|
الاخت سميه مداخلتك مع ابوبكر حسيت انك دايره ترفعى البوست
اها براى قت من دربى ده فوق بوست بت الحسن اوديه
فوووووووووووووووووووووووووووووووووووق
اولاد ابعلى وحسان تواريخ ثابته
فرسان اللقاوعجة خيولن رابطه
الجد جدهن ملك البطانه النابته
كفو الديش كفاتا لاعبر لاظابطه
والله ياسميه البيت الاخير عاجبنى عجب شديد
خلاص 00000 راجع هسع
اخوك
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: خالد المحرب)
|
| Quote: الاخت سميه مداخلتك مع ابوبكر حسيت انك دايره ترفعى البوست |
بالعكس ياخالد أخوى
أبوبكر سأل ومشى وجاْء منصور نزل الإجابة فى صفحات لمن أغرق البوست
بالكرم والسخاء فى الرد (انا قصدى أبوبكر يشوف إجابة سؤاله)
Quote: كفو الديش كفاتا لاعبر لاظابطه
والله ياسميه البيت الاخير عاجبنى عجب شديد
|
ماسمعت ود البنا قال:ـ
سلفيق رسمى مافى ضوابط
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
Quote: اولاد ابعلى وحسان تواريخ ثابته
فرسان اللقاوعجة خيولن رابطه
الجد جدهن ملك البطانه النابته
كفو الديش كفاتا لاعبر لاظابطه |
ياعرريب ود المحرب اشرح ما تحته خط .وبعدين ليه الجيم غيرتوها دال في الديش ... رد الله غربة العرريب ود شيقوق اهو كان بترجم لي نضمم الملكة و رعيتها بتاعيين الدوبيت ...بعدين اها واحد قريبي- محمد سيداحمد - رطان برضو جاكم يحاول يفتهم نضمك ....
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: abubakr)
|
حبيبى ابوبكر
فرسان اللقاء الملاقاه فى ساحة المعركه
العجه ممكن تقول عليها عكلابه واكيد عكلابه
دى مابتعرفه الغبار المنبعث من جرى الخيول
الديش كلمه خفبفه زى الخرتوم 0البرتكان0 وكده
فهمت يارطانى
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
إتفق الباحثون على أن عبارة "دوبيت" أصلها فارسي كما أشار بذلك الأخ منصور المفتاح وتعني ما ذهب إليه في تفسيره لها... لكنني اود أن اضيف أن "الدوبيت" بشكله السائد حاليا في السودان هو نمط فني شعبي سوداني مئة بالمئة وليس له ، على حسب علمي ، ما يماثله من انواع الشعر العربي الراهن في اي مكان آخر..
وهو عند أهله (غناء) وحتى عبارة دوبيت غير منتشرة كثيرا في الأماكن التي يسود فيها هذا النوع من الشعر سواء في بادية البطانة أو في بوادي الكبابيش والهواوير والكواهلة وغيرهم.. وأنا عن نفسي لم أسمع أهلي يسمون شعرهم أو يشيرون إليه بعبارة "دوبيت" ولعل ذلك إصطلاح أطلقه المثقفون أو الباحثون لأغراض تمييز هذا النمط عن غيره من أنماط الشعر الشعبي السوداني...
وبعيدا عن إدعاء الفصاحة والجودة والجزالة للدوبيت أستطيع أن أقول أنه شعر (عالي التكثيف) بمعنى أن الفكرة فيه مضغوطة بشكل كبير ، لدرجة أن الشاعر محكوم بايجازها في اربع شطرات (بيوت) فقط..وهذا التركيز العالي يجعل من المربوع قصيدة قائمة بذاتهاومستقلة عما سواها بحيث إذا أخرجت (فرزت) من السياق العام الذي وردت فيه ضمن مسدار أو قصيدة قيلت في مناسبة بعينها ، تجدها لا تزال تحمل معناها وتوصل رسالتها بمعزل عن ما بدأ به الشاعر أو اختتم به قصيدته...
وبهذا المعنى يمكن أن نقول أن مربوع الدوبيت قصيده (كاملة الدسم) ، على عكس أنواع الشعر العربى الأخرى حيث يرهق الشاعر نفسه باجترار عشرات أو ربما المئات من أبيات الشعر ليقول الاستهلالية أو المقدمة ويدلف إلى الموضوع ويعرج على الخاتمة..
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: abubakr)
|
| Quote: العراريب مب ساهليين ياجماعة |
شفت يا أبوبكر
أخوال فاطنة بيعملوا إيه
ما أحوجونى أفتح خشمى كفوا ووفوا
أعطيك مثال على كلام الأخ أحمد يوسف أبوحريرة أن المربع يمثل قصيدة كاملة :
وقصةعكيرالدامر حينماحمل الوشاة للسيد/عبدالرحمن المهدي خبراً مفاده أن عكير الدامر
تخلى عنك فأتى عكير الدامر ينفي ذلك في مربوع قمة البلاغة والذكاء وحوى من المعاني
ماتحويه معلقة كاملة :
عهدنا بيك كنداب حربة مابتشلخ
وعقدة عين جبل ملوية مابتتفلخ
كان إيدينا فيك من المسك تتملخ
السماء ينتكي وجلد النمل يتسلخ
لك التحية ولقبيلة الرطانة المستعربة
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: abubakr)
|
| Quote: محمد سيداحمد قريبي و مسرحي واديب اريب ... |
ياسلام والله ماتتصور باابوبكر أنا كيف فخورة بهذه الرفقة
لك وله ولكل قرايبكم مايليق بكم من التحية والتقدير
وانا محظوظة من أيام كنت فى دبى سعدت بعقول نيرة مثلكم
بمنزل الراحل الشاعر الأديب الأريب /محمد الحسن دكتور
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
Quote: كان إيدينا فيك من المسك تتملخ
السماء ينتكي وجلد النمل يتسلخ |
الغريبة يا ملكة دي فهمتها طوالي من غير ترجمة العرريب ودالمحرب الترجمتو عايزة مترجم ز..
قارني البيتيين ديل بخطابات واشعار الهتيفة (مرة واحد كتب الفية عشان يقول للنميري انو زولو البموت قبل ما يتخلي عنو )... ايد تتملخ وتتملص من المسكة وسماء تتكي ونمل يسلخ جلده ... رسم عجيب ....
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
| Quote: أبو بكر وصلت سنة كم عروب؟ |
يا نور
حصص العربي في الاولية والوسطي والثانوي بتاع زمان ...ابتداء ب "ظلع الجمل " الي "قفا نبك "
( في ذمتك دة كلام ؟ شافع يبدو معاهو لغتهم بجمل بيعرج ولما يكبر يننتهو بيهو في بيت بكا )....
الغريبة لحد الان مقضي 30 سنة مع عراريب الخليج لكن ما زي عراريبنا قاموسم غير ....
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: بدر الدين الأمير)
|
Quote: لكن المهم والاهم ياسيدتى هل من الحكمة او التوازن الداخلى مع النفس ان تدعى انك عربى
صرف وانك سودانى صرف وعرب السودان اخوالهم افارقة او زنوج او ..... |
بدر الدين الأمير
لك التجلة على الإتيان على ذكر الأندلس فقد لمست موضع وجعى
فكم أنا مأخوذة بكل ماهو أندلسى الطراز
أماعن الخال فعلا (سمح الخال وخال الخال....الخ
أما عن العرب والأفارقة
تعرف انك أول من تنبه لهذا أو بالأحرى من تعرض لهذا فى هذا البوست
ولكنك لم تنتبه لأتتى تحاشيت هذا الكلام وعملت حسابه
حيث لم أذكر العرب قط بل قلت فى مقدمتى لهذا الموضوع:ـ يهتم الناس ....الخ
ولم أقل يهتم العرب وكنت أقصد وأعنى ما أقول.
لك الود ولا تحرمنا من أندلسياتك العربية الصرفة.
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: بدر الدين الأمير)
|
Quote: سمية
ليه اسم طلحه يرمز لكونك بطحانى
او هذا الاسم محتكر لدى البطاحين
فى السودان اوعك تقولى لى طلحه والزبير |
لأنو طلحة والزبير هم خلفاء جدنا الشيخ عبدالباقى البطحانى
المكنى بجبل الحديد أبشام حداد سفينة نوح
طلحة ابنه وخليفته فى السافل
الزبير ابنه وخليفته فى الصعيد
تحياتى يالماح.
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: abubakr)
|
قريبى الباشمهندس ابوبكر
والاخت سمية
هذا الشعر عميق وعالى الكثافة ومترع بالفكر والرؤية
فعلا امر يدعو للدهشة لماذا لا يدرس فى مدارسنا ويتم تنمية ذائقة الطلاب
فى اليابان نوع من الشعر فى ابيات قصيرة اظن اسمه الهايكو
قرات ترجمات له ويتم الاهتمام بهونشره
لماذا نحرم طلاب المدارس من كنوز عظيمة فى شعر الدوبيت
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: mohmmed said ahmed)
|
Quote: قريبى الباشمهندس ابوبكر
والاخت سمية
هذا الشعر عميق وعالى الكثافة ومترع بالفكر والرؤية
فعلا امر يدعو للدهشة لماذا لا يدرس فى مدارسنا ويتم تنمية ذائقة الطلاب
فى اليابان نوع من الشعر فى ابيات قصيرة اظن اسمه الهايكو
قرات ترجمات له ويتم الاهتمام بهونشره
لماذا نحرم طلاب المدارس من كنوز عظيمة فى شعر الدوبيت |
ماأعظم السودان بهؤلاء الرجال!!!!؟؟؟
يا وطنى ياما فيك رجال
فوق الوصف
فوق الخيال
أخى محمد سيد أحمد
يكفينى ويكفى السودان انك سودانى
تحية تقدير وإجلال
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: Ehab Eltayeb)
|
Quote: الاخت سمية والاعزاء المتداخلين:
مررت بهذه الدوحة الغناء فاعجبني المقيل بها...
وكنت موقنا بأنني ساجد الاصدقاء ابوجهينة ومنصور المفتاح وابو قوته في ربوعكم العامره...
لكم هذه الهدية ولي عودة ان شاء الله... |
الأخ الكريم إيهاب الطيب
أى ريح بعثت بك الينا
أنا أيضا منذ أن تنسمت نسائم فجر هذا العام الجديد
كنت موقنة بأنها تحمل الينا ريح يوسف نفتقده هنا
وقد كان...أجمل صباح زاد قلبى شوق
وهذه الحلقة غير مسجلة عندى لأن أبوالخليفة أعلمنى بعدها
فسجلت التالية
وهذه أجمل هدية أتلقاها وقد كان حصولى عليها أمنية لى
لك أجزل الشكر
والدار منورة بك
ننتظر عودتك
وكل عام وانت بألف خير
سمية الحسن محمدطلحة
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
عزيزي بدرالدين ...كل عام وانتم بخير
وجهة نظر فلست متخصصا :/
الصرف او الجنس الخالي من اية تمازج سابق وحالي مع اجناس ودماء اخري لا يوجد الا وسط اثنيات قليلة رفضت التمازج نسبة لثقافات وارث وعادات او اثنيات بقيت في عزلة.. حتي الصينيون وهم اعراق كانت مصرة علي ان لا تتمازج حتي في اوساطها تمازجت الان مع بعضها البعضةمع غيرهامن الاجناس ...العرب كون انهم تمازجو مع اعراق اخري منذ الاف السنيين فصارو عاربة ومستعربة وقحطانيون وعدنانيون ثم تمازجو باعراق اكثر بعد الاسلام حين نزحو شمالا وشرقا وغربا والان وهم في تمازج يومي بزيجات تجاوزت حدود الدول وبذا يكون العنصر العربي القديم قد ذهب تماما عن الوجود منذ زمن بعيد ..وذلك ينطبق علي اعراق افريقية كثيرة في السودان وحوله ..حتي اللغات وهي مواعيين الثقافات استعارت ما بينها فالعربية كما علمت فيها نسبة ربما تجاوزت العشرين في المائة مستعارة منذ الاف السنين وزادت الاستعارة في القرن الماضي كون البلاد العربية غير صناعية واختراعاتها قليلة ولكنها مستهلكة لصناعات الغير وحتي تستعمل لغات الغير من اهل الصناعة في اعمالها وحياتها ...الاثنيات الافريقية ك>لك لم يبق منها الخالص الا في الدم اما الثقافة فلقد امتزجت بكل ثقافات العالم .. وكون ان كل افريقيا كانت مستعمرة وباعراق كثيرة من ساكسون وفرنس وايطاليون وهولنديون واسبان وبرتغاليون وعرب واتراك وفرس وبيزنطة فان التمازج امر واقع وان اختلفت درجاته ...
ولكن كون ان اللغة العربية لغة دين ملياري من البشر وانها اصلا لغة اسرة غنية بمعانيها وبلاغتها فلقد وجدت بين المستعربين ( وهم عرب اليوم) تعلقا كبيرا يتجاوز كونها لسانهم الذي ولدوا به..ابدعت الجماعات العربية ( اي المستعربة) في التعبير بهذه اللغة وجعلها ميدان تنافس لغوي وصفي في شعر عامي او شعبي ( نبطي عند عرب الجزيرة والشام ودوبيت في السودان ). .زغير ان العربية التي في السودان هي الاقرب بين كل لهجات العربية الي فصاحة اللغة الام "مايسمي بالعربي الفصيح " جعلت لشعراء بادية عرب السودان وشعراء السودان عموما تميزا دون غيرهم ..
العربية لغة اسرة كما ذكرت سابقا ومقدرتها الي الانسياب الي وجدان ومسامع من يفهمها بحيث تطغي علي كل الوجدان لا يضاهيه لسان اخر ...
ومثالا لذلك ومن واقع ما عشت وانا انتمي الي مجموعة تمازجت مع اعراق اخري لكن لغتها بقيت وحتي عند فرض العربية علي تلامذتها كونها اللغة الوحيدة المعترف بها للعلم والعمل ولكن كون العربية لغة ذات كاريزما قوية فكلنا ننطق بها وفينا من يقول شعرا بها ويغني بهاومن اهلنا شعراء وكتاب ومغنيين بالعربية فطاحل ..
هذا لا يقلل من شان لغتنا ولا تمازج اعراق مع عرق مجموعتنا اضر بها ...
التمازج فيه نفع كثير بيلوجيا وثقافيا واقتصاديا واستعمال كلمة "صرف او خالص" ما هو الا من غيرة وتنافس وليس واقعا بيلوجيا ...
ما يهم ان ننتفع بما ياتي به المزيج كبشر يعمل ويصنع وما في اللغات من ابداع واللغة العربية ابداعها كثير ولا يقلل من اثرها تمازج في الاعراق .. ولقد انتفعت اللغة العربية بما افرز التمازج العرقي وصار معجمها غنيا...
والتعريف الغالب للعرب -وهم اليوم نتاج تمازج لاعراق كثيرة- انهم من يتحدث العربية وليس مكانا جغرافيا معيناولا تمسكا بلون او عرق معين كما كان منذ قرن مضي فالمتحدثيين بالعربية اليوم هم في كال اركان الدنياوالاختلاط كثر حتي بين المستعربة (عرب اليوم) واعراق لم تعرفها من قبل ...
شخصيا ما يهمني هو الابداع اللغوي والمقدرة المتناهية لشعراء بادية السودان في ملاوعة هذه اللغة الاسرة ذات الكاريزما وجعلها ميدان تنافس قل ان تراه خارج السودان ...
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
Quote: فعلا امر يدعو للدهشة لماذا لا يدرس فى مدارسنا ويتم تنمية ذائقة الطلاب
فى اليابان نوع من الشعر فى ابيات قصيرة اظن اسمه الهايكو |
قالت لي بنتي وهي يابانية الهوي وتعلمت لغتهم ان الهايكو شعر فرسان وفخر و كالدوبيت يعتمد علي مقاطع معدودة ( اثنتين في الهايكو ) وجمل موسيقية محدودة ( 5و7و5) ولغة غنية واشتهرت عند فرسان الساموراي في القرون الوسطي ( 14 و15) وكان فرسان الساموراي ينشدون الهايكو اثناء عملهم ....
سؤالي وسؤالك شرعيان بخصوص تجاهل ادارات التعليم السودانية لشعر الدوبيت وهو فيه ثراء وقوة وغني بالمعاني .. فان كانت هي اللغة العربية القصد عند واضعي المناهج ففي الدوبيت لغة عربية تفوق ابداعاما فرض علينا في المناهج .. لغة فيها من وجدان السودان -بتمازجه وارثه- الكثير .. شعر للسودانيين وارث كثير من قبائل البادية ... ام هو لا كرامة حتي لشعر السودان في ارضه ...
ويا مثقفي وشعراء البادية الم يات الوقت بعد لفرض الدوبيت فرضا في مناهج اللغة العربية بدل شعر جاهلي ليس فيه من بيئتنا شي ؟؟؟
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: abubakr)
|
| Quote: سؤالي وسؤالك شرعيان بخصوص تجاهل ادارات التعليم السودانية لشعر الدوبيت وهو فيه ثراء وقوة وغني بالمعاني |
أبوبكر
لدى قائمة بعنوان رجال فوق الوصف وأنت واسطة عقد هذه القائمة
التى بالتأكيد ستفوق قائمة جينيس عددا ونوعا وكماطالما أن وطنى
يزخر بأمثالكم.
كل الود
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
Quote: ياالخالك بـشِـد فـوق النصيـح شــــوتـالو
ياالخالك يكيل العـين ويـفـيـض مكـيـــالو
يا الخـالك لـزوم حـملا ً تقـيـل شـــيّـالو
يا الخالك خليفـة الدِّيـمة سـمحـة فـعــالو |
هييييعع إنشاء الله دا خال السرور...
عجبتني شديد... يا الخالك خليفة الديمة سمحة فِعَالو...
دا أكيد مقصود بأنه خليفة من خلفاء الأشراف... المرضي عنهم... السمحة فعالهم...
كميات مودتي أُستاذة سمية... ولضيوفك السمحين... وواصلوا إبداع متابعييييييييييين ومصنقرين جوة حوشكم الجميل دا...
أبو الحســــــــــــين...
| |
|
|
|
|
|
|
| |
نصار
عاطف عمر
nazar hussien
فاروق حامد محمد
عفاف أبو حريرة
ابو جهينة
Ahmed Yousif Abu Harira
Abdelmuhsin Said
munswor almophtah
abubakr
Adil Osman
othman mohmmadien
mohmmed said ahmed
بدر الدين الأمير
Ehab Eltayeb
أبو الحسين
فيس بوك
تويتر
انستقرام
يوتيوب
بنتيريست