|
|
|
 Re: حار جاف صـــيفاً........ دافئ ممطر شـــتاءاً (Re: سلمى الشيخ سلامة)
|
العزيزة سلمى الشيخ
تحية ربيعية عطرة
Quote: حالة من الحزن
والفرح |
قد نسميهامشاعر مختلطة لكن سرعان ما ندركها وتتضح لنا رؤياها بعد معرفة كنهها....ولندعو بأن يديم الله الفرح! 
تعرفي يا استاذه سلمى هذه المشاعر تحاور أحياناً ذاكرة الجسد فتتفق معها ًحينا وتخالفها في حين آخر...ورغم كل الاجتهادات في تحليل ماهيتها لكنها تظهر من خلال اعتبارها دراما عقلية ينجزها العقل لإيصال فكرة ما.
قرأت يوماً أن خلف ابتسامة كل امرأة توجد موناليزا، وفي عيون كل النساء هناك سر مفاتيح الحزن والفرح الذي حظيت به الجيوكندا..
لكن السؤال، من منا يملك ارادة دافينشي والوانه ليعلن عن ميلاد موناليزا جديدة!
دمت بألف خير
| |
 
|
|
|
|
|
|
|
|
Re: حار جاف صـــيفاً........ دافئ ممطر شـــتاءاً (Re: salma subhi)
|
Quote: وربما هناك حالات أخرى أنتم أدرى بها...
مثلاً..... |
سلامات اختنا سلمى
من الحالات الغريبة البتمر عليك - او المشاعر للدقة - حتة انك تشتاق لزول و تحس بالإلفة معاه انت ما شفته من قبل او حتى سمعت صوته
بنفس المستوى قد تتضايق من شخص ما وبرضو انت ما حصل جمعكم اي نوع من التواصل غير الحروف المتبادلة
وقد تكون لصورة البروفايل دور كبير في تكوين الإنطباع
اها المشاعر دي هي البتتحكم في حالتك اول ما تدخل البورد
من اول نظرة على الصفحة الأولى لو لقيت ناسك البتحبهم متواجدين نفسيا ح تلقى جوك صار ربيع
ولو فقدتهم حتحس بكآبة الخريف
ومن ناحية تانية لو صدمك عنوان من عناوين الجماعة اياهم طوالي حتكفهر سماء مزاجك و تتلبد بالغيوم و تشتي دنياك
قد تلقى اكتر من عنوان لأكتر من واحد فتخنقك كتمة الصيف بتاعة يونيو ديك القبل الكتاحة
بالتالي دا حيكون جوك - او حالتك - و انت داخل
طبعا شكلي اوف بوينت وكدا
لكن ما مشكلة اختنا سلمى لأنو كتاباتك ربيعية المزاج دايما
متابعين بمزاج
| |
|
|
|
|
|
|
|
|
|
Re: حار جاف صـــيفاً........ دافئ ممطر شـــتاءاً (Re: محمد البشرى الخضر)
|
Quote: من الحالات الغريبة البتمر عليك - او المشاعر للدقة - حتة انك تشتاق لزول و تحس بالإلفة معاه انت ما شفته من قبل او حتى سمعت صوته بنفس المستوى قد تتضايق من شخص ما وبرضو انت ما حصل جمعكم اي نوع من التواصل غير الحروف المتبادلة
وقد تكون لصورة البروفايل دور كبير في تكوين الإنطباع
اها المشاعر دي هي البتتحكم في حالتك اول ما تدخل البورد
|
أخونا محمد البشرى....
خلينا نسميها اطلق العنان لخيالك!!!!
فخيال الشعر يرتاد الثريّا
فالخيال دافع قوي للابداع .....عندك الرسام مثلاً ليس مصوّرا فوتوغرافيا ولكن آلة تصويره توجد بداخله، ولهذا فهو كثيراً ما يرسم بذاكرته وخياله......ومن الممتع في هذا العالم هو إمكانية نسج صور و أحداث و سيناريو كامل بالشكل الذي نريد....
وهذه كلها مؤثرات خارجية ولكن لها تأثيراً ليس بالهيّن على أمزجتنا......فما أجمل أن يتحوّل الخيال الى حقيقة تتجسّد ماثلة أمامنا كما تصوّّرناها فتنتابنا حالة من الفرح والدهشة معاً حتى وإن توّفرت لنا رؤية ذلك من على البعد فقط !!!!
وإن اكتشفت عكس ما تخيّلته فستنتابك حالة قد لا تدرك ماهيتها الا بعد استدراك وإدراك المصدر ...معليش !! فلك أن ترضى بالواقع! 
ومن الطبيعي يا أخ محمد أن يميل الإنسان إلى ما ترتاح له نفسه سواء كان اسماً أو صورة أو حتى كتابات، فهذه كلها تخالط الروح والنفس والعقل، فتنطلق معها ردود أفعال نفسية و إبداعية، بعضها يبدو جليّا للناظرين و البعض الآخر يفعل فعله داخلياً ، لكن محصّّلة ذلك كله ما يتحقّق للإنسان من سعادة ومتعة ...
وبالمناسبة حتى لو كنت متضايق قد يكون ذلك سبباً في انبثاق وميلاد مواهب إبداعية أخرى ما كنت مكتشفها لكن ظهرت بمسببات معينة في مكان ما أو زمن ما!
مش كده!
| |
|
|
|
|
|
|
|
|
|
Re: حار جاف صـــيفاً........ دافئ ممطر شـــتاءاً (Re: ناهد بشير الطيب)
|
الغالية سلمى,,
سلام يا زينه وكيف حالك,,
الحالة المدشدشاني ,,ومكسرة ضلوعي هي..
الحنيـــــــــــــــــــــــــــــن يا سلمى
الحنين الى وطن عدت منه فقط قبل ثلاثة أشهر
وعندما ادخل الى هذا المنبر ارى السودان بكل ألوان طيفه
بنتخاصم ونتشاكل ولكن...
بنحب بعضنا بجنون
لك كل التقدير
| |
|
|
|
|
|
|
|
|
|
Re: حار جاف صـــيفاً........ دافئ ممطر شـــتاءاً (Re: mohmed khalail)
|
Quote: الحنيـــــــــــــــــــــــــــــن
الحنين الى وطن |
تحياتي أخ محمد
الشعب السوداني بطبعه شعب حنين، تجده رغم كل شئ يدندن ويردد...
سوداني الجوه وجداني بريدو
الحبو علاني وسماهو ظلاني بريدو
الطلو بلاني والاسمو سلاني بريدو
الذكرو في فمي والحبو في دمي بريدو
وكيف ننسى الفنّان ابراهيم عوض رحمه الله حينما كان يشدو مغنيّاً...
اعز مكان وطني السودان.... لانو حسانو اعز حسان وطيورو صوادح وروضو جنان
الوطن يا أخ محمد
فيهو النيل النيل الخالد
فيهو الخال والعم والوالد
فيهو تراث بين طارف وتالد
وفيهو الخير اشكال والوان
وهذا المنبر هو صورة مصغّرة للوطن...
جمع الله الجميع على الكلمة الطيبة
وأعزّ مكان وطني السودان.....
| |
|
|
|
|
|
|
|
|
|
Re: حار جاف صـــيفاً........ دافئ ممطر شـــتاءاً (Re: ناهد بشير الطيب)
|
حار جاف مترامي الاطراف
ده نص مسرحي كتبه / عبد الله علي ابراهيم ابان انحيازه للشارع
ناقش فيه الثورة وقضايا المراة والتشرد واشياء كثيرة كانت تهم الشارع
سلمى ...
تسلمي ........ وهناك البيات الشتوي ..ز
وقال لي احد الاطباء النفسيين ان الشتاء يساهم في تحريك
حالات المرضى ,,, يعني في جنون بجي في الشتاء .... وانا دائما
ما تتركني حبيبة لي في عز الشتاء فاجن لشتائي وشتائها ....
فاما الصيف فلا تعرف كيف تتعامل معه لا تحبه ولا تكرهه في نفس الوقت
ولكن الخريف جميلا فقط في ارياف بلادي
لك الود
| |
|
|
|
|
|
|
|
|
|
Re: حار جاف صـــيفاً........ دافئ ممطر شـــتاءاً (Re: معتصم ود الجمام)
|
الأخ الفاضل معتصم...
عاطر التحايا
يمر على حياة الإنسان أحياناً فصل واحدة أو عدة فصول ولكلٍ حكاية...
وتختلف رؤية كل انسان عن أي الفصول أجمل!
فقد يراها أحدهم في الربيع وآخر في الصيف وهكذا!
في الصيف مثلاً نحتفل بشروق الشمس واشعتها الذهبية وبعودة الدفء...ولكن هناك قلوب لا تشرق شمسهاإلا عندما يحلو لها...وهناك فئة تشرق شمسها كل يوم...وأخرى تغرب كل يوم...وهناك فئة متفائلة لا تغيب شمسها أبدا...لذلك فتأثير الصيف يختلف من شخص لآخر!
والشتاء رغم مظهره البارد والصامت الاّ انه يخفي بين طيّاته الكثير فصمته قد يأتي من النوع الصاخب...أو صخبه من النوع الصامت.
ولا يحتاج لنارٍ لذوبان جليده أو تدفئة صاحبه...فالمشاعر وحدها قد تفعل كل ذلك!
وكما قلت عن الخريف فهو جميل في ارياف بلادي.
أما الربيع فلتكن أيامك كلّها ربيعاً.
أطيب الأماني
| |
|
|
|
|
|
|
|
|
|
Re: حار جاف صـــيفاً........ دافئ ممطر شـــتاءاً (Re: عبدالله داش)
|
سلمى حمامة السلام
سلااام طيب
بوست أتوقع له النجاح ( موضوعي )
بس الله يعمي عين ودشيقوق عنو
تحياتي ومودتي
Quote: ازيك يا سلمى
عندى حالة
لكن ما بقدر اسميها
حالة من الحزن
والفرح
حالة غريبة
مش؟ |
سلمى سلامة زهرة عروس الرمال
دا الحزن المالح
عطن فرح الحلّه
في ليلة الدخلة
وقطع الخرزة
وقلع الرشمة
كيفك يا سلمى
| |
|
|
|
|
|
|
|
|
|
Re: حار جاف صـــيفاً........ دافئ ممطر شـــتاءاً (Re: خالد علي محجوب المنسي)
|
الأخ الفاضل خالد محجوب...
عاطر التحايا...
| Quote: ففي هذه الدنيا فيض من المشاعر التي يثيرها أو ينعشها أو حتى يفرضها علينا موقف معين، فرد ما أو حتى المجتمع ككل... وما أكثر المناسبات واللحظات التي تمر بنا ومن ثمّ تتحول إلى حالات وانفعالات مختلفة.... |
خلي استاذ الطيب !!!
كدي جاوبنا على الفوق ده!
| |
|
|
|
|
|
|
|
|
|
Re: حار جاف صـــيفاً........ دافئ ممطر شـــتاءاً (Re: عبدالله داش)
|
تحياتي أخ عبدالله...
حار جاف صـــيفاً........ دافئ ممطر شـــتاءاً
إختلاط هذه المشاعرأو غيرها يوقد في الروح مشعلاً لا ينطفئ! ولكنه يضئ نثراً جميلاً تجود به النفس...
فاسمح لي أن اقتبس اجابتي من نثر أخضر قمت أنت بكتابته فهي أبلغ من أي كلمات أخرى...
Quote: الحزن أحياناً يفيد مع قليل من الملح والدمع لأنك إن لم تتذوق الملح لا تنتشي بالسكاكر في الأصل ، ولا تعترف أن المقارنة تهدي إلى ما يبرهن أن المذاقين أقصي النقيض .
إن كنت قد اغترفت فشكراً جميلاً على ما يكون ، إلي أيّ نفس سواي اعترفت ، إلي من يواسون أحزان فصل الشتاء العديم |
Quote: اعرف أن التجارب تكفي لصاحبها أن يقود مراكبه في المياه المحيط ، ويحسب أيام رحلاته بالحساب الدقيق ويعرف أنواء كل النسائم فلا حاجةٍ للشموس التي من دوامتها نعرف اليوم أشرق ، أو نعرف اليوم غاب .
أمنيتي أن تكوني كذا الشمس أغطية للمساكين من زمهرير التفاصيل في حلكة الليل ، أما تكوني سنابل قمحاً وفضه وأما تكوني التي في دمائي وأكثر ... |
وللربيع إطلالة...
Quote: يا لون سهلي النضير، عاصرتُ فصل التورقّ للعشب ، أهلاً رياحين عِـطرك يعبرها الفوح من برّها للمدائن سائحةً لا تمانع أن يرقص
الياسمين . |
دمت بألف خير
| |
|
|
|
|
|
|
|
|
|
Re: حار جاف صـــيفاً........ دافئ ممطر شـــتاءاً (Re: salma subhi)
|
الصبوحة سلمى صبحى تحية طيبة
يعجبنى فيك دائماً أنك لا تيأسى عن المدافعة عن الجانب المضئ من " حوش بكرى " ، هذا البورد تجسيد حى للسودان ،
جلبة وصخب وإدعاء بطولات ومعرفة وتدثر تحت عباءات ومسميات ، فقليل منه يثير الدهشة وأكثره يثير العجب ...
راجعين ليك لنحكى عن مواقف أثارت كل المشاعر من دهشة وتعجب و حزن . لحين ميسرة كما يقول ود المنسى.
| |
|
|
|
|
|
|
|
|
|
Re: حار جاف صـــيفاً........ دافئ ممطر شـــتاءاً (Re: أبوبكر أبوالقاسم)
|
| Quote: لكن السؤال، من منا يملك ارادة دافينشي والوانه ليعلن عن ميلاد موناليزا جديدة! |
مناخ البحر الأبيض المتطرف
العزيزة سلمي
دي إنجمامة جديدة لنج
أصلا هناك بقى في مدققين
زمان كان مداخلاتنا نقاعة في ترس ود الخبير
الإتزان النفسي ضرورة لمواجهة الطواري
حتى لاتخل بنا التقلبات ونفقد الحوار
( وليه نندم على الماضي وزماننا الراح مادام حاضرنا فيه طريق ملان أفراح )
| |
|
|
|
|
|
|
|
|
|
Re: حار جاف صـــيفاً........ دافئ ممطر شـــتاءاً (Re: سمية الحسن طلحة)
|
الأخت سلمى :
من الحالات التي تزحم خاطري :
لحظات الحنين ، والشوق الممض
هذان الاحساسان يدفعانك عنوة واقتدارا نحو :
البكاء النبيل
وانثيال دموعك في صبوة وحنين
تتذكر ... تصبح كتلة من الذكرى
كتلة من التحفز والتوفز
تبحث في تلافيف ذاكرتك
عن شخوص ...
مواقف...
ذكرى محددة ..
موغلة في حميميتها
في علوقها وخلوصها إلى
مواطن خافية في ذات الذات
تتذكر كل الغناء النبيل
الذي كان متداولا بينكما
تتذكرها...
وتجهش بالبكاء ...
وما بين الدموع واشراقها
تتبدى عوالم كامنة في ماضينا
ننبشها
ونتأسف .. نتأسف
على الماضي
ولك حنين دائم وشوق مقيم
بهاء /طوكيو
| |
|
|
|
|
|
|
|
|
|
Re: حار جاف صـــيفاً........ دافئ ممطر شـــتاءاً (Re: Baha Elhadi)
|
سلومة
بوست لطيف وخفيف وحار جاف صيفا ودافئي ممطر شتاءا وزى ما بيقولوا حكام برنامج امير الشعراء هنئيا لك يا صبوحة
المنسي
| Quote: بس الله يعمي عين ودشيقوق عنو |
هو معقول عيني تغمض يا مسنوح وطالما سلمى فردت عيشتها بهنا فيا الانجمامة عليك السلام ونحن تاني طوالي بهنا بين رحلتي الشتاء والصيف .
| |
|
|
|
|
|
|
|
|
|
Re: حار جاف صـــيفاً........ دافئ ممطر شـــتاءاً (Re: الطيب شيقوق)
|
Quote: هو معقول عيني تغمض يا مسنوح وطالما سلمى فردت
عيشتها بهنا فيا الانجمامة عليك السلام ونحن
تاني طوالي بهنا بين رحلتي الشتاء والصيف . |
حمامة السلام
سلااام يا السلام
أها جاك مقطوع الطاري
بس ما تخلي ينزل سرج حمارتو بكوجن بلم
الجراد والسنة محل والمبيد قليل
تحياتي ودشيقوق
| |
|
|
|
|
|
|
|
|
|
Re: حار جاف صـــيفاً........ دافئ ممطر شـــتاءاً (Re: الطيب شيقوق)
|
| Quote: وزى ما بيقولوا حكام برنامج امير الشعراء هنئيا لك |
شكراً يا طويل العمر..لكن لجنة الحكّام دي هي بتمدح هنيئاً لك هنيئاً لك لي أي زول ليه؟
| Quote: فيا الانجمامة عليك السلام ونحن تاني طوالي بهنا بين رحلتي الشتاء والصيف |
فاعدلوا!!
وحتى تعدل فلك أن تذهب في رحلة الشتاء إلى اليمن، ورحلة الصيف إلى الشام وبكده لا تنقطع عن هنا ولا عن الإنجمامة...وزمان كانت المواصلات صعبة...هسي الحمدلله بقت في طائرات!
تقديري
| |
|
|
|
|
|
|
|
|
|
Re: حار جاف صـــيفاً........ دافئ ممطر شـــتاءاً (Re: Baha Elhadi)
|
Quote: من الحالات التي تزحم خاطري :
لحظات الحنين ، والشوق الممض
هذان الاحساسان يدفعانك عنوة واقتدارا نحو :
البكاء النبيل
وانثيال دموعك في صبوة وحنين
تتذكر ... تصبح كتلة من الذكرى
وما بين الدموع واشراقها
تتبدى عوالم كامنة في ماضينا
ننبشها
ونتأسف .. نتأسف
على الماضي
ولك حنين دائم وشوق مقيم
|
استاذ بهاء....
لك التحيّة.....
حينما يمتزح الحنين الدائم بلهفة الأشواق نقول ساعتها...رحم الله صاحبهما..لأنهمايختلطان بشعور آخر الا وهو الألم.
ولكن يتفاوت الاحساس بألم الحنين حسب منزلة من تحن أنت اليهم.
وما أصعب الحنين الدائم والشوق المقيم لأنهما يقودان الى إحساس مُزمن يستعمرنا تقريباً..فلا يعترف بالوقت.. ولا بالزمان...
أنعم الله على الإنسان يا استاذ بهاء بنعمة النسيان....ولكن تتفاوت مقدرة كل شخص على ذلك...
فهناك من ينسى!
وهناك من يتناسى!
وهناك من لا ينسى!
وصعوبة الشي تكمن حينما يصادفك ما ينعش ذاكرة هذا الحنين مرة أخرى!
تقديري
| |
|
|
|
|
|
|
|
|
|
Re: حار جاف صـــيفاً........ دافئ ممطر شـــتاءاً (Re: rosemen osman)
|
روزمين
مرة أخرى مرحباً بك بينناو بعد ما قرأنا كلماتك عن جون..فهذا شعور لا يخفى نفسه..
اذاً....
فأرسلي الألحان شلالا رويّا
وبثّي الليل أسرار الهوى
وصوغي الصبح ذوبا بابليّا
وأهديه...
شموس وضاءة ونجوم
تنثر النور في فضاء مديد
وربيع كأنه حلم الشاعر
في سكرة الشباب السعيد
ورياض لا تعرف الحلك الداجي
ولا ثورة الخريف العتيد
وطيور سحرية تتناغى
بأناشيد حلوة التغريد
وقصور كانها الشفق المخضوب
أو طلعة الصباح الوليد
وغيوم رقيقة تتهادى
كأباديد من نثار الورود
تقديري روزمين
| |
|
|
|
|
|
|
|
|
|
Re: حار جاف صـــيفاً........ دافئ ممطر شـــتاءاً (Re: سمية الحسن طلحة)
|
ريحانة البطانة
العزيزة سمية..
أنتِ.. دنيا من الأناشيد والأحلام
والخيال المديد
فجودي لنا بالمسدار الجميل ولو عن حالة من الحالات.
وهنا وهناك في الإنجمامة كلو مكانك يا سمية...وبعدين بالمسادير حقتك دي تواجهي مليون طارئ
| Quote: ( وليه نندم على الماضي وزماننا الراح مادام حاضرنا فيه طريق ملان أفراح ) |
أهي دي بقى حالة التفاؤل صاح!
كوني بألف خير...
| |
|
|
|
|
|
|
|
|
|
Re: حار جاف صـــيفاً........ دافئ ممطر شـــتاءاً (Re: salma subhi)
|
حـنـيـنـى الـيـك ..
ولـيـل الـغـربـه أضـنـانـى
وطـيـف دكـراك
بـدمـع الـقـلـب أبـكـانـى
يـقـول يـاريـت
زمـانـى الـفـات
يـعـود تـانـى
ألـقـاك يـاحـبـيـب عـمـرى
وتـلـقـانـى
تـلـقـه الـريـد مـعـاى
ولـحـظـة مـا نـسـيـتـك
ولا تـنـسـانـى
مـابـنـسـاك ولابـقـدر
ولا عـايـز بـعـد حـبـك
أحـب تـانـى
أهـرب مـن خـيـال طـيـفـك
فـى عـيـنـى بـلاقـيـه
أعـيـش أيـامـى
بـيـن دكـراه
أنـا وأفـراح أعـيـش بـيـه
مـتـيـن الـلـيـل يـصـادفـنـى
ونـعـود تـانـى
مـن تـانـى
الـقـاك
يـاوحـيـد عـمـرى
وتـلـقـانـى
تـلـقـى الـريـد مـعـاى
لـحـظـة مـا نـسـيـتـك
ولا تـنـسـانـى
ومـابـنـسـاك
ومـابـقـدر
ولا عـايـز
بـعـد حـبـك
أحـب تـانـى
السر قدور
ـــــــــــــــ
| |
|
|
|
|
|
|
|
|
 Re: حار جاف صـــيفاً........ دافئ ممطر شـــتاءاً (Re: salma subhi)
|
الحنين ..
دا فصل يضاف إلى فصول السنة الأربعة ليبقوا خمسة ..
وهو مستمر معك طوال العام وليس له وقت محدد يداهمك فيه ..
لذلك تبقى فصولنا الأربعة متقلبه ومتأرجحة ..
كما هو حالنا هنا في حالات كثيرة ..
أحياناً يختلط بالبكاء كماء المطر في فصل الخريف ..
أو يكون جافاً تتملكه الدهشة ..
ويبقى الحنين منفذ للفرح ..
ويبقى من نحن إليهم مصدر سعادتنا ..
سلمى ..
لك السلام والمحبة ..
| |
|
|
|
|
|
|
|
|
|
Re: حار جاف صـــيفاً........ دافئ ممطر شـــتاءاً (Re: معتصم دفع الله)
|
Quote: الحنين ..
دا فصل يضاف إلى فصول السنة الأربعة ليبقوا خمسة ..
وهو مستمر معك طوال العام وليس له وقت محدد يداهمك فيه ..
لذلك تبقى فصولنا الأربعة متقلبه ومتأرجحة ..
كما هو حالنا هنا في حالات كثيرة ..
أحياناً يختلط بالبكاء كماء المطر في فصل الخريف ..
أو يكون جافاً تتملكه الدهشة.. |
وكما قلت أخي معتصم، يبقى الحنين منفذ للفرح ..
ويبقى من نحن إليهم مصدر سعادتنا
وهذا نوع من الحنين لا ينقطع....
يا يمه يـا فيـض الحـنـان الما كمل
يا يمه يـا بدري الـبشـع دايماً يهل
يا يمه يـا نور الصبـاح وكـتين يطل
يا يمه يا نغماً حنيـن بالشوق يرن …
وأفـكـاري فـيهـو بـيـــرتـعــن …
دمـعــاتي شـانـو بــيـنـزلــــن …
واتذ كرك يا يمه يا بسـمة الطـفل الغرير
وكت الخلوق ترقد تنوم وأسهر براي أرعي النجوم
والشـوق يرف جنحـيهـو بي فوق لي يحوم
وأهتف باسمك في الخيال طيفك كمان بي فوقي جال
وأتمني لو لحظات يدوم لكني فجأة ألقاهو زال
دمت بألف خير أخي معتصم.
| |
|
|
|
|
|
|
|
|
|
Re: حار جاف صـــيفاً........ دافئ ممطر شـــتاءاً (Re: الطيب شيقوق)
|
الصبوحة
بوستك كالعادة ما عارفة زاتو أقول شنو
مشتاقون وتسلمى يا سلمى الرائعة
بس دى حتة من قصيدة احامد زيد
ولا تـرجى بـها الدنيا من ربوعك يجيك اسنود*** ولا تـشره عـلى رجـلٍ عـيونه خانت أقدامه
وقـابل خـطوة بخطوة وجازي بالصدود صدود*** تـناسى غـلطة الصاحب عليك بلحظة اخصامه
ولا تـخطي تـرى لصبر الحليم اليا سلاك حدود*** تـروّى واعـرف بـضرب الحديد تفكك لحامه
تـجنب كـسرة الخاطر ولو حبل الزعل مشدود*** تـراك بـكسرة الـخاطر حـكمت القلب بعدامه
ولا تـزعل عـلى رجلٍ بذل لك ولرضاك جهود ***ولا تـامن مـن الـحاسد رضـاه ورفعة ابهامه
نـبي نـصبر عـلى الـدنيا قلوبٍ بالحياة زهود*** مـدام إنّ الـبخت عـيّت تـوّفق رمـعة سهامه
غايتو البوستات الفيها سيرة الحنين دى بتذكرنى أيام الغربة زمان ما دايرة أقول الله لا عادها أنا ما عارفة دايرة شنو هاهاها
بس الحالة العندى حسى فيها مزيج من الحماس والاحباط
أها دى قريبة شوية من حالة سلمى سلامة
| |
|
|
|
|
|
|
|
|
|
Re: حار جاف صـــيفاً........ دافئ ممطر شـــتاءاً (Re: sama7)
|
Quote: غايتو البوستات الفيها سيرة الحنين دى بتذكرنى أيام الغربة زمان ما دايرة أقول الله لا عادها أنا ما عارفة دايرة شنو هاها
بس الحالة العندى حسى فيها مزيج من الحماس والاحباط |
سموحة كيفك...
شايفة حالة الحنين تغلّبت على العديد من الحالات هنا...
وعشان تعيدي التوازن بس اسمعي أغنية حنيني اليك الفوق دي.
ويا سلام على قصائد حامد زيد...تعرفي من أكتر القصايد البتعجبني قصيدة" الذهب "
اختار ليك منها هذه الأبيات..
كل ما طرالي منظرمريب وأرتاب
كان الوحيد اللي يحرك شجوني
قبلة صلاة،وذكر، وخشوع، وكتاب
وأمي على سجادة النور دوني
تدعي لي الله يفتح بوجهي أبواب
كوني بألف خير وزورينا تاني!
| |
|
|
|
|
|
|
|
|
|
Re: حار جاف صـــيفاً........ دافئ ممطر شـــتاءاً (Re: الطيب شيقوق)
|
حار جاف صيفاً
أحساس ساعة الفراق بعد كل عطلة نقضيها بين الأهل وهو خليط من حزن شديد على فراق الأهل وفرحة بلقاء الأحباب والأصدقاء اللذين تركناهم في ديار غربتنا
وا مغصتي رحْل تلوت الليل
مسالكي ضلمة ما بتنشق
سكت روح طعيم الحرقة
جوه الجوف يسوي البق
مشيت لا زاد أشيلو معاي
ولا زولاً معِ إترفق
لما خلاس بقيت ماشي
نجيم الليل مشى إتفرق
بكيتا بكيت دميع العين
متمسح وبالدموع رقرق
| |
|
|
|
|
|
|
|
|
|
Re: حار جاف صـــيفاً........ دافئ ممطر شـــتاءاً (Re: خالد علي محجوب المنسي)
|
دافي ممطر شتاءً
أحساس وردة فعل مباغته لأم فرها قلبها في هويد الليل .. أتذكرت الغائب/ الغائبة من عيالها .. في الغربة راح وأبتعد وهو أحساس فيه حنين ضُمّه وألم وشوق ودموع
رسلته السلام يغريك ياالزين
السلام ليكَ ولي المعاك في الأوضه قاعدين
السلام يغري الطرابيش والقلاشين
السلام من عين شمش لي حد فلسطين
أنا مابوصفك ياصباحي بخاف من العين
وأنتَ من عين الخُلوق وادعاك جبريل
وأنتَ بي العافي التختك في المصارين
وياسيدي تبقى لك هِدم وسروال ونعلين
إت يا سيد الحصص وصمد النمرتين
وأنتَ ياسيد الكتاب فك العراجين
وأنتَ ياسيد الجزيرة تكاكي وزين
أنتَ ماعارف قليبن لي مجنين
ومابترسل لي جواب فيهو سطرين
ومابتقول لي نعيم صباح امو أشتغل وين
أنتَ ماك عارف جواب السلامي
يجيني وأطول لي شبرين
وإنبسط لي بساطي
هي زايدي علي القوانين
الله إن خلاني طيرة وأحصلو الحين
وألقى قبل الرسمي جالس في الدرابزين
وينسر بالي بيكم يا الحنينين
بعد الحال معاك إن شاء الله جالسين
يابا نتلاقى أنتَ طيب ونحن طيبين
| |
|
|
|
|
|
|
|
|
|
Re: حار جاف صـــيفاً........ دافئ ممطر شـــتاءاً (Re: الطيب شيقوق)
|
الرطاني لو قالوا ليك خودك الكلام الحلو ده واهديهو لاعز انسان ليك وريني لمن تهديهو ؟ سريييييييييع لكن
أعيشهْا معاكَ لو تعْرف
دموع البهجَهْ والأفراح
أعيشهْا معاكَ واتأسّف
على الماضى اللّى ولَّىَ وراح
على الفُرْقَهْ الزمان طويل
على الصبر الّى عِشْنَاهو
مع طُول الألم والليل
زمان كُنّا بنَشيل الوُّد
ونَدِّى الوُّد
وفى عينينا كان يكْبَر
حناناً زاد
وفات الحدَ
زمان ما عِشْنَا فى غُرْبَهْ
ولا قاسينا نِتْوحّد
وهسَّع
رُحْنا نتْوجّع
نعيش الحسرَهْ نتأسّف
على الماضى اللِّي ما بِرْجَع
أحبَّك
لا الزمن حوّلْنى عن حُبّك
ولا الحسرَهْ
وخوفي عليكَ يمْنَعْنى
وطول الإلفَهْ والعُشْرَهْ
وشوقي الليك طوَّل
لسّه معاي
ولى بُكْرَهْ
| |
|
|
|
|
|
|
|
|
|
Re: حار جاف صـــيفاً........ دافئ ممطر شـــتاءاً (Re: خالد علي محجوب المنسي)
|
| Quote: أحساس ساعة الفراق بعد كل عطلة نقضيها بين الأهل وهو خليط من حزن شديد على فراق الأهل وفرحة بلقاء الأحباب والأصدقاء اللذين تركناهم في ديار غربتنا |
والله فعلاً لحظة فراق وتوديع الأهل من أصعب اللحظات ولكن هي سفينة الحياة تبحر بنا من محطة الى محطة...محمّلين بزاد الشوق والأمل لرؤياهم مرة أخرى!
وذي ما غنّى الفنان محمد ميرغني
حنيني إليك وليل الغربة أضناني
وطيف ذكراك بدمع القلب بكاني
أقول ياريت زماني الفات يعود تاني
أعيش أيامي بالذكرى ألم أفراح أعيش بيهو
| |
|
|
|
|
|
|
|
|
|
Re: حار جاف صـــيفاً........ دافئ ممطر شـــتاءاً (Re: salma subhi)
|
Quote: والله فعلاً لحظة فراق وتوديع الأهل من أصعب اللحظات ولكن هي سفينة الحياة تبحر بنا من محطة الى محطة...محمّلين بزاد الشوق والأمل لرؤياهم مرة أخرى!
وذي ما غنّى الفنان محمد ميرغني
حنيني إليك وليل الغربة أضناني
وطيف ذكراك بدمع القلب بكاني
أقول ياريت زماني الفات يعود تاني |
مبدعة يا سلمى
غريب ..
وحيد في غربتو
حيران ..
يكفكف دمعتو
حزنان..
يغالب لوعتو
ويتمنى
بس لي أوبتو
طال بيه الحنين
فاض بيه الشجن
واقف يردد ..
من زمن
بالله يا الطير المهاجر للوطن
زمن الخريف
تطير بإسراع
ما تضيع زمن
أوعك تقيف
وتواصل
الليلة
للصباح
تحت المطر
وسط الرياح
وكان تعب منك جناح
في السرعة زيد
في بلادنا ترتاح
ضل الدليب أريح سكن
فوت بلاد وسيب بلاد
وإن جيت بلاد
وتلقى فيها النيل
بيلمع في الظلام
زي سيف مجوهر
بالنجوم من غير نظام
تنزل هناك وتحيي
يا طير باحترام
وتقول سلام
وتعيد سلام
على ..
نيل بلادنا
وشباب بلادنا
ونخيل بلادنا
بالله يا طير
قبل ما تشرب
تمر على بيت صغير
من بابه ومن شباكه
بلمع ألف نور
وتلقى الحبيبة بتشتغل
منديل حرير
لحبيب بعيد
تقيف لديها
وتبوس إيديها
وانقل إليها
وفاي ليها
وحبي الأكيد
معزتي
| |
|
|
|
|
|
|
|
|
|
Re: حار جاف صـــيفاً........ دافئ ممطر شـــتاءاً (Re: الطيب شيقوق)
|
Quote: بالله يا الطير المهاجر للوطن
زمن الخريف
تطير بإسراع
ما تضيع زمن
أوعك تقيف
وتواصل
الليلة
للصباح
تحت المطر
وسط الرياح
وكان تعب منك جناح
في السرعة زيد
في بلادنا ترتاح
ضل الدليب أريح سكن
فوت بلاد وسيب بلاد
وإن جيت بلاد
وتلقى فيها النيل
بيلمع في الظلام
زي سيف مجوهر
بالنجوم من غير نظام
تنزل هناك وتحيي
يا طير باحترام
وتقول سلام
وتعيد سلام
على ..
نيل بلادنا
وشباب بلادنا
ونخيل بلادنا |
في الغربة تولد وتتوّلد أكثر من حالة...
نتأرجح ما بين الشوق والألم
والحنين..والقلق
ويزورنا الفرح.
ويسلّم علينا الأمل.
| |
|
|
|
|
|
|
|
|
|
Re: حار جاف صـــيفاً........ دافئ ممطر شـــتاءاً (Re: salma subhi)
|
سلام مربع ياسلمى ..
...أنا أقول تعترينى أو يعترينى شيء من الوطنيه كلما تصفحت
المنبر ، تأتى فى مخيلتى كلمة وطنيه التى تفضى بالإنتماء للوطن
بكل معانيه ، وهذا الإنتماء لا تخلقه الوثائق الرسمية أو جوازات
السفر ، بل هو إحساس بالولاء مبعثه النفس ليمكنه منها تاريخ يسبق
المولد ومن ثم طفولة الصبا وشباب وذكريات تظل صورها عالقة
بالروح وهى مزج أحزان وأفراح ، كل ذلك مؤاده ما قاله إبن الرومى
فى بيته الخالد : ــــــ
ولى وطــن آليـت أن لا أبـيــعه
والا أرى غيـرى لـه الدهـر مالـكـا
ولك تحيتى .. محمد مختار جعفر
| |
|
|
|
|
|
|
|
|
|
Re: حار جاف صـــيفاً........ دافئ ممطر شـــتاءاً (Re: محمد مختار جعفر)
|
Quote: أنا أقول تعترينى أو يعترينى شيء من الوطنيه كلما تصفحت
المنبر ، تأتى فى مخيلتى كلمة وطنيه التى تفضى بالإنتماء للوطن
بكل معانيه ، وهذا الإنتماء لا تخلقه الوثائق الرسمية أو جوازات
السفر ، بل هو إحساس بالولاء مبعثه النفس ليمكنه منها تاريخ يسبق
المولد ومن ثم طفولة الصبا وشباب وذكريات تظل صورها عالقة
بالروح وهى مزج أحزان وأفراح ، |
المنبر هو وطن في صورة مصغرّة ومرايا تعكس الواقع المعاش لذلك نحس بهذا الإنتماء والذي كما تفضلت لاتخلقه الوثائق الرسمية أو جوازات السفر والوطنية إيمان وسلوك يتجسد في حياة المرء...احساس ينمو ويتجدد وتزداد معه تباريح الشوق لرؤياه و تظل دياره وطرقه وحدائقه وأماكن كثيرة عالقة في جدار الذاكرة ...لم ولن يمحيها الزمان مهما حدث!
وطني لو شغلت بالخلد عنه.... نازعتني إليه في الخلد نفسي
تقديري استاذ محمد
| |
|
|
|
|
|
|
|
|
|
Re: حار جاف صـــيفاً........ دافئ ممطر شـــتاءاً (Re: salma subhi)
|
حمامة السلام سلامات
لكم تأثرت بهذه الأبيات التى أثارت وتُثير الكثير :
وبدا له من بعد ما اندمل الهوى **** برقٌ تألق موهناً لمعانه
يبدو كحاشية الرداء ودونه ***** صعب الذرى متمنعاً أركانه
فبدا لينظر كيف لاح فلم يطق ***** نظراً إليه وصدّه سبحانه
فالنار ما اشتملت عليه ضلوعه ***** والماء ما سمحت به أجفانه
| |
|
|
|
|
|
|
|
|
|
Re: حار جاف صـــيفاً........ دافئ ممطر شـــتاءاً (Re: أبوبكر أبوالقاسم)
|
استاذ أبوبكر أبوالقاسم
تحية طيبة
هي حالة العزف على القيثار والضرب على الأوتار
وعصف الذكرى يردّ الروح إلى المورد نفسه ويسلمّها إلى دموع سابلة وقواف حزينة....
وكذا قيل...
نظرت فأقصدت الفؤاد بلحظها
ثم إنثنت عنه فظل يهيم
ويلاة إن نظرت وإن هي أعرضت
وقع السهام ونزعهن أليم
تقديري دوماً
| |
|
|
|
|
|
|
|
|
|
Re: حار جاف صـــيفاً........ دافئ ممطر شـــتاءاً (Re: salma subhi)
|
صبوحة
محمد بشير عتيق
الأوصفوك
بالبدر أو بالزهر هم ما أنصفوك
كيف يجهلوك
وعلى الجمال العالي راحوا يمثلوك
ولو بادلوك
عين الحقيقة أو بالبصيرة تأملوك
بالنور أو بالنار أو بي قدر ما صاغ الخيال ما عادلوك
كوكب منزه في علوك
سحرك غريب شخصك بعيد أو كان قريب
أنواره آخذة بدون سلوك
يبرق سناك في غيهب الليل الحلوك
أظرف شمايل زاملوك
وهم أكملوك
أدبك هبة فيك موهبة شكل الظبا وطبع الملوك
الحالة العندى ما بقدر أشكى منها... غايتو فى انبساط حاصل
عمنا الرطانى:
أنا زاتى ما بحب الإحباط بس لما تكون العوامل خارجية صعب التحكم فيه
بس انت عارفنى حماسى دائما فى زيادة
تسلم
| |
|
|
|
|
|
|
|
|
|
Re: حار جاف صـــيفاً........ دافئ ممطر شـــتاءاً (Re: محمد البشرى الخضر)
|
Quote: خدي عندك....
- حالة بطالة
- حالة سعبة
- حالة لا يعلم بيها إلا الله
- الحالة خمسة
- أريتو حالك
- دي حالة دي
- حال لا يسر
- ودا حالتو كلمناك
- من بعد الحالة دي |
أخونا محمد البشرى
عسى مساءك سعيد
وصورة حتوت دي براها هسي ما بتخلي الطقس ربيع...
ربنا يحفظو...
هسي الحالات دي كلها حالتها حالة الا واحدة بس !
دمت بحالة طيبة
| |
|
|
|
|
|
|
|
|
|
Re: حار جاف صـــيفاً........ دافئ ممطر شـــتاءاً (Re: salma subhi)
|
اختنا الفاضلة سلمى...| Quote: هسي الحالات دي كلها حالتها حالة الا واحدة بس ! |
تصوري ما كنت منتبه
يبدو ان الحالة اليومين ديل متشائمة جدا ولا تسر
و بمناسبة الحالة دي اغنية حمامة الغصون بصوت ترباس و تلودي مرتبطة عندي بحالة خاصة و ذكريات
كل ما تلاقيني بتدخلني في حالة جدا جميلة
"حمامة الغصون صداحة فوق أغصانك
ذكري لي حبيب يا حمامة مولاي صانك
بهواك كيف أطيق سلوانك
هاجت عبرتي يادموعي كيف حبسانك
وين تلقي المنام يا عيوني غاب انسانك
بهواك كيف أطيق سلوانك
زمانك والهوي عانك
أحكمي فينا هذا أوانك
بهواك كيف أطيق سلوانك
في صبحي ومساي نازلات دموع ساحالك
وأنا طالب رضاك، ورضاك أضحى محالك
بهواك كيف أطيق سلوانك
اتعكر صفاي وبياضي اصبح حالك
والحالة العلي يا ريتو لو يوحى لك
بهواك كيف أطيق سلوانك
زمانك والهوي عانك
أحكمي فينا هذا أوانك
بهواك كيف أطيق سلوانك
هاروت سحره ماخود من سحر عينانك
طلموك لو يقولوا الدر شبيه أسنانك
بهواك كيف أطيق سلوانك
حسنك مافي لا عجمان ولا عربانك
إن هب النسيم هزاك ميل بانك
بهواك كيف أطيق سلوانك
زمانك والهوي عانك
أحكمي فينا هذا أوانك
بهواك كيف أطيق سلوانك"
يا اخوانا ود حلال ياخد فيني الأجر و ينزلها لي
بس ياريت يرفعها في غير سرفر بكري
| |
|
|
|
|
|
|
|
|
|
Re: حار جاف صـــيفاً........ دافئ ممطر شـــتاءاً (Re: محمد البشرى الخضر)
|
خـضـرة مـشـاعـرى اشــيـلـهـا صـــيــف
تـحت الـغمام شـايف مـواكب الـهجرة إتلاشت سراع
لـيه يـا عـصافير ليه الأسف مين علمك أسف الوداع
وعـارف دا مـا أول سـفر لـبلاد بـعيدة بـدون مـتاع
زى مـا بـتخافي مـن الرياح ..بنخاف كمان أنحن الضياع
ليه يا عصافير ليه الضنى ..صفقة جناحك أحزنها
غـايـب الـسنين الليلة مـالو غـنا الـعصافير غـلبو
طـراهو زولا كـان ولـوف كـم رضـا خـاطرو وطيبو
سـمع قـليبو كـلام حـنين هـدهد مـشاعرو ودوبـو
الـناس ..سـعيدهم ..في الـحياة لا ضاق فراق لا جربو
وأنا حالي في بـعد الـوطن ..دفعني ضي العين تمن
يا سلام يا الحلنقي ويا سلام يا وردى - الرطانة فعلا خشم بيوت
| |
|
|
|
|
|
|
|
|
 Re: حار جاف صـــيفاً........ دافئ ممطر شـــتاءاً (Re: الطيب شيقوق)
|
البرينسيسة سلمى صبحي
السلام عليكم ورحمة الله وبركاته ،،،
كل التقدير وفائق الاحترام والمودة..
لحظات الاستمتاع هنا تدفعنا إلى الوقوف فقط للنظر إلى شلالات الكلمات المتناثرة التي يفيح شذاها ليعطر لنا أجواء هذا المنبر رغم فصل صيفة الحار بالاساءات وشتاءه الذي يمطر علينا بالسخافات الحزبية .....
مودتي
عماد محمود
بعد إذن صاحبة البوست :
ود شيقوق :
Quote: فاعدلوا!!
وحتى تعدل فلك أن تذهب في رحلة الشتاء إلى اليمن، ورحلة الصيف إلى الشام وبكده لا تنقطع عن هنا ولا عن الإنجمامة...وزمان كانت المواصلات صعبة...هسي الحمدلله بقت في طائرات |
فهمتها دي ياممسوخ ولا أشرحها ليك .... يعني بالعربي كده شتت ما تملانا فقر يافقر ....
ســـلام .
| |
|
|
|
|
|
|
| |
salma subhi
سلمى الشيخ سلامة
محمد البشرى الخضر
ناهد بشير الطيب
mohmed khalail
معتصم ود الجمام
خالد علي محجوب المنسي
أبوبكر أبوالقاسم
Baha Elhadi
الطيب شيقوق
rosemen osman
معتصم دفع الله
abubakr
sama7
انعام عبد الحفيظ
محمد مختار جعفر
Safa Fagiri
لؤى
عبد الدائم سيد أحمد
فيصل محمد خليل
فيس بوك
تويتر
انستقرام
يوتيوب
بنتيريست